Sri Lankan HYPE.

22/04/2024

දවසක් උද්‍යානයක බංකුවක් මත ඉඳගෙන සිටින මහළු මනුස්සයෙක් ළඟට තරුණයෙකු පැමිණෙනවා...

"ඔබතුමාට මාව මතක ද...?"

වයසක මනුස්සයා "නෑ" කියලා කියනවා...

"මම ඔබගේ ශිෂ්‍යයෙක්..."

මහළු මනුස්සයාට පොඩි ආඩම්බරයක් හිතට එනවා...

ඔහු තරුණයාගෙන් මෙහෙම අහනවා...

"ඔබ දැන් මොනවද කරන්නේ...? ඒ කියන්නේ ඔබ ජීවිතය ගෙනියන්න කරන රස්සාව මොකක්ද..?"

“මමත් ගුරුවරයෙක් උනා..”

තරුණයා පිළිතුරු දෙනවා...

වයසක මනුස්සයාට දැන් තවත් සතුටුයි...

"ආහ්... මම වගේ... කොච්චර හොඳයිද?..."

"ඔව් සර්... ඇත්තම කිව්වොත් මම ගුරුවරයෙක් වෙන්න අදහස් කළේ ඔබ වගේ වෙන්න ඔබතුමා මාව පෙලඹවූ නිසයි...”

"ඒ කොහොමද...?

කුතුහලයෙන් සිටින මේ මහළු මනුස්සයා ගුරුවරයෙකු වීමට තමන් පෙළඹවීමක් කළේ කුමන අවස්ථාවකදැයි තරුණයාගෙන් අසනවා...

එවිට තරුණයා කතාව කියනවා...

“මගේ පන්තියේ මිතුරෙක් දවස් දෙක තුනක් ලස්සන අළුත් අත් ඔරලෝසුවක් බැඳගෙන ආවා... ඒක දැක්ක වෙලේ ඉඳලා ඒක කොහොමහරි මගේ කරගන්න මට අවශ්‍ය උනා...

ඒක එයා ගලවලා තිබුණු වෙලාවක මම ඒක හොරකම් කළා...

ටික වේලාවකට පස්සේ මගේ මිතුරා ඔහුගේ ඔරලෝසුව නැති වී ඇති බව දැනගෙන වහාම ඔබට පැමිණිලි කළා...

එවිට ඔබ පන්තිය අමතමින්...

"අද පන්තියේදී මේ සිසුවාගේ ඔරලෝසුව නැතිවී තියෙනවා... කවුරුහරි විහිළුවට හරි ඒක ගත්තනම් කරුණාකර ඒක ආපසු එයාට දෙන්න..."

ඒ වෙනකොටත් ඒක මගේ සාක්කුවේ තිබුණා... මට ඒකට තිබුණ ආසාව නිසාම මම ඒක ආපහු දුන්නේ නෑ...

ඊට පස්සේ ඔබතුමා ගිහින් පන්තියේ දොර වැහුවා... අපි හැමෝටම නැගිටලා ඇවිල්ලා රවුමක් හැදෙන්න කිව්වා...
ඔර්ලෝසුව හම්බවෙනකම් ඔයා අපේ සාක්කු එකින් එකට පරික්ෂා කරන බව පැවසුවා...

ඊට කළින් ඔයා අපෙන් ඉල්ලීමක් කළා... හිතට එකඟව අපි හැමෝටම හොඳින් ඇස් වහගන්න කිව්වා... මොකද එහෙම අපි හැමෝම හොඳින් ඇස් වහගෙන හිටියොත් විතරයි ඔයා අර ළමයගේ ඔරලෝසුව හොයන්නේ කියලත් අපිට කිව්වා...

අපි හැමෝම ඔබේ උපදෙස් ඒ විදියටම ඉෂ්ට කළා...
මගේ කකුල්දෙක ගැහෙන්න පටන්ගත්තා...

ඔබතුමා හැම ළමයෙක්ගේම සාක්කුවෙන් සාක්කුවට ගිහින් පරික්ෂා කරන බව තේරුණා... ඔබ මගේ ළඟට පැමිණිලා මගේ සාක්කුවෙන් ඔරලෝසුව සොයාගෙන එය ගත්තා... ඉන් පස්සෙත් නොනැවතුණු ඔබ දිගටම ඉතිරි සෑම කෙනෙකුගේම සාක්කු පරික්ෂා කරලා ඉවර උනාට පස්සේ "දැන් හැමෝම ඇස් අරින්න" කිව්වා...

"මට ඔරලෝසුව හම්බ උනා..." ඔබතුමා කිව්වා...

ඔබ ඊට පස්සේ ඒ ගැන කිසිම කතාවක් නොකර අයිතිකාරයට ඒක දුන්නා...

ඉන්පස්සේ ඔරලෝසුව සොරකම් කළේ කවුද කියලා ඔබ කිසි වෙලාවකවත් කාටවත් කිව්වේ නෑ... එදා ඔබතුමා මගේ ගෞරවය සදහටම බේරුවා. එදා මට මගේ ජීවිතය ගැන වඩාත්ම ලැජ්ජාවුණු දිනයක් උනා...

එදා මම තීරණය කළා කවදාවත් හොරෙක් නරක මිනිහෙක් වෙන්නේ නෑ කියලා...

ඊට පස්සේ ඔබතුමා කවදාවත් මට මුකුත් කිව්වේවත් නෑ... ඒ ගැන කියලා මට බැනලාවත්, පැත්තකට අරගෙන ගිහින් අවවාද කරලවත් නැහැ... එදායින් පස්සේ සදාචාරාත්මක පාඩමක් මම ඔබගෙන් ඉගෙන ගත්තා... කිසිවක් ඔබ මට නොකිව්වාට මට ඔබේ පණිවිඩය පැහැදිලිව ලැබුණා...

ඔබට ස්තූතියි... සැබෑ අධ්‍යාපනඥයෙකු කළ යුතු දේ මොකක්ද කියන එක මට වැටහුණා...

ඒ සිද්ධිය ඔබට මතකද මහාචාර්යතුමනි...?

"ඔව්... මට මතකයි... සොරකම් කළ ඔරලෝසුවේ සිද්ධිය මට මතකයි... ඒත් ඔරලෝසුව තිබුණේ ඔයාගේ සාක්කුවේ කියලා මේ වෙනකම් මම දන්නේත් නෑ... මොකද මමත් ළමයින්ගේ සාක්කු පරික්ෂා කරන්න කළින් ඇස් පියාගත්තා... හැමෝගේම සාක්කු බලලා ඉවර උනාට පස්සේ තමයි මමත් ඇස් ඇරියේ...

ගුරුවරයෙකුගේ ඉගැන්වීමේ හරය මෙයයි...

ඔබ කෙනෙකු නිවැරදි කරන්නේ නම්... ඔබ පළමුව ඔහුට අවමන් නොකළ යුතුය...

- ධම්මික සමරතුංග -
...

04/04/2023

ඔබත් ඔබට ආදරේ නම් මේ ලිපිය අනිවාර්යයෙන් කියවන්න

------------------------------------
කාන්තාවක් හදිසියේම නොසිතූ ලෙස මිය ගියාය.
ඇගේ කන්, නාසය, මුඛය සහ ඇස් වලින් ලේ ගැලීම. මූලික මරණ පරීක්‍ෂණයෙන් පසුව තහවුරු වූයේ ආසනික් විෂ වීම නිසා මරණය සිදුවී ඇති බවයි.
ආසනික් පැමිණියේ කොහෙන්ද? පොලිසිය ගැඹුරු හා පුළුල් පරීක්ෂණයක් ආරම්භ කළේය. ඒ සඳහා වෛද්‍ය විද්‍යාල මහාචාර්යවරයෙකුට ආරාධනා කරන ලදී
නඩුව විසඳීමට එන්න.
මහාචාර්යවරයා එහි අන්තර්ගතය හොඳින් නිරීක්ෂණය කළේය.
පැය භාගයකටත් අඩු කාලයකින් රහස විසඳා ඇත.

මහාචාර්යවරයා පැවසුවේ: 'මියගිය තැනැත්තා සියදිවි නසාගෙන නැති අතර ඇයව ඝාතනය නොකළ අතර, නොදැනුවත්කම හේතුවෙන් ඇය හදිසි මරණයකින් මිය ගියාය!'
සෑම කෙනෙකුම ප්‍රහේලිකාවට පත් වූ අතර, ඇයි හදිසි මරණය?
මහාචාර්යවරයා මෙසේ පැවසීය:
මියගිය අයගේ බඩ.

''ආසනික් නිෂ්පාදනය කළේ එහි ය" මියගිය පුද්ගලයා දිනපතාම විටමින් සී ලබා ගන්නා අතර එයම ගැටලුවක් නොවේ. ගැටලුව වූයේ රාත්‍රී ආහාරයට ඇය ඉස්සන්/කකුළුවන් විශාල ප්‍රමාණයක් ආහාරයට ගැනීමයි.

ඉස්සන් ආහාරයට ගැනීම ගැටලුවක් නොවේ, එබැවින් එකම ඉස්සන් තිබුනද ඇගේ පවුලට කිසිවක් සිදු නොවන්නේ එබැවිනි.
කෙසේ වෙතත්, ඒ සමඟම මියගිය තැනැත්තා විටමින් සී ද ලබා ගත්තා, ගැටලුව වූයේ එයයි!

එක්සත් ජනපදයේ චිකාගෝ විශ්ව විද්‍යාලයේ පර්යේෂකයන් විසින් සිදු කරන ලද අත්හදා බැලීම් වලදී සොයා ගත් පරිදි මෘදු කටු වැනි ආහාර වල පොටෑසියම් ආසනික් සංයෝග පහක සාන්ද්‍රණය ඉතා ඉහළ ය.
එවැනි නැවුම් ආහාර මිනිස් සිරුරට විෂ සහිත බලපෑමක් ඇති නොකරයි.
කෙසේ වෙතත්, විටමින් සී ලබා ගැනීමේදී රසායනික ප්‍රතික්‍රියාවක් සිදු වන අතර මුල් විෂ නොවන මූලද්‍රව්‍ය විෂ ද්‍රව්‍ය බවට වෙනස් වේ.

ආසනික් විෂ වීමෙන් මැග්මා භූමිකාවක් ඇති අතර කුඩා රුධිර නාල වලට අංශභාගය ඇති විය හැක. එම නිසා ආසනික් විෂ වීමෙන් මියගිය පුද්ගලයෙකුගේ කන්, නාසය, මුඛය සහ ඇස් වලින් ලේ ගැලීමේ ලක්‍ෂණ පෙන්නුම් කරයි.
මේ අනුව පූර්වාරක්ෂාව ලෙස,
විටමින් සී ගන්නා විට ඉස්සන්/කකුළුවන් ආහාරයට ගන්න එපා.
මෙය කියවීමෙන් පසු; කරුණාකර මසුරු නොවන්න. මිතුරන් රැකබලා ගැනීම අපේ යුතුකමයි.
කරුණාකර ඔවුන් සමඟ බෙදා ගන්න. - - - - - - - - - - - - - - - -

*ඉස්සන් සහ වීටමින් C එකට කන්න බැහැ*

✍️උපුටා ගැනීමකි

28/03/2023

"මැලිබන් හන්දියේ" 🍪
බිස්කට් හදන්න කලින් , හදපු බිස්කට් විකුණුවේ මේ විදියට..!
"අවදානමක් ගැනීමට නොහැකි කිසිවෙකුට අවදානයක් ලබා ගත නොහැකිය"

16/03/2023

කුප්පි ලාම්පුව පෙරැලී මියගිය ජාතික වස්තුව
නිත්තවෙල ගුණයා😥💔

විදේශ සම්මානයට බුහුමනට ලක් වුවද සිය දේශයේදී කෲර ඉරණමකට ලක්වූ මෙරට අති දක්ෂ නැට්ටුවා

ප්‍රංශයේ සෝබෝන් විශ්වවිද්‍යාලයෙන් ගුරු සේවයට ආරාධනා ලැබූ
යක්දෙස්සලාගේ ගුණයා ගුරුන්නාන්සේ නොහොත් නිත්තවෙල ගුණයා:

නිත්තවෙල ගුණයා උපන්නේ 1906 දී දුම්බර මිටියාවතේ පිහිටි නිත්තවෙල කියන සුන්දර ගමේ.

පියාගේ නම කිරි උක්කුවා.

කිරි උක්කුවා 6 වෙනි බුවනෙකබාහු රජතුමාගේ කාලයේ පටන් පැවත එන විශිෂ්ඨ පනික්කි පරම්පරාවක පනික්කි ගුරුන්නාන්සේ කෙනෙක්.

ගුණයා කිරි උක්කුවගේ එකම පුතා.

උඩරට කැරැල්ලෙ දී කැප්පෙටිපොළ නිළමේ එක්ක හිටපු නිත්තවෙල මහා පනික්කියා නිත්තවෙල ගුණයගේ මී මුත්තා.

ගුණයා අවුරුදු හතරේ ඉඳන් නැටුම් ඉගෙන ගත්තා.

අවුරුදු අටේ ඉඳන් මහනුවර සිරි දළදා පෙරහරේ නැටුවා.

අවුරුදු දහ අටේදි වෙස් කිරුළු පැළැන්දා.

අවුරුදු පනස්හතක් නුවර පෙරහැරේ නැටුවා.

සමනල වන්නම, තුරඟා වන්නම, මහබෝ වන්නම, මයුරා වන්නම නිත්තවෙල ගුණයගේ ම නිර්මාණ.

පණ්ඩිත් අමරදේවයන් ගයන 'වැලිතල අතරේ' ගීතය චන්ද්‍රරත්න ශ්‍රී මානවසිංහයන් රචනා කළේ මහබෝ වන්නමට අනුව.

නිත්තවෙල ගුණයා 1927 දි ජර්මනියේ නැටුවා.

1957 දී රුසියාවේ තිබුණු ලෝක තරුණ සම්මේලනයට සහභාගි වුණු ලංකා සංස්කෘතික කංඩායමේ නායකයා නිත්තවෙල ගුණයා.

යුරෝපා සංචාරයේ දී නිත්තවෙල ගුණයා එංගලන්ත මහා රැජිනගේ ප්‍රශංසාවට පවා ලක් වුණා.

නිත්තවෙල ගුණයා 1958 දී ෆිල්ම්⁣ෆෙයාර් සම්මාන උලෙළේ නැටුවා.

ෆිල්ම්ෆෙයාර් සඟරාවේ පිටු හතරක් නිත්තවෙල ගුණයගේ නැටුම්වලින් පිරුණා.

ප්‍රංශයේ සෝබෝන් විශ්ව විද්‍යාලයේ උගන්වන්න ලැබුණු ආරාධනාව නිත්තවෙල ගුණයා ප්‍රතික්ෂේප කරා.

ඇමරිකාව, රුසියාව, මහා බ්‍රිතාන්‍ය, චීනය, ජපානය, නෙදර්ලන්තය, ජර්මනිය, චෙකොස්ලෝවැකියාව, ඉන්දියාව වැනි රටවල්වල නිත්තවෙල ගුණයා අතීශය ජනප්‍රිය වුණා.

1950 අගමැති ඩී.ඇස්.සේනානායක මැතිතුමාගේ උපදෙස් පරිදි නිදහස් සමරු මුද්දරේ සැරසුණේ නිත්තවෙල ගුණයගේ රුවෙන්.

අගමැති බණ්ඩාරනායක මැතිතුමා නිත්තවෙල ගුණයව ස්වර්ණ ජයන්ති සම්මානයෙන් පිදුවා.

1975 දී ජනාධිපති විලියම් ගොපල්ලව මැතිතුමා ශ්‍රී ලංකා සාහිත්‍ය දිනය වෙනුවෙන් නිත්තවෙල ගුණයව සම්මානයෙන් පිදුවා.

2005 ඉඳන් අද දක්වාම රුපියල් පනහේ නෝට්ටුව නිත්තවෙල ගුණය⁣ගේ රුවෙන් සැරසෙනවා.

දෙස් විදෙස් සඟරා, පර්යේෂණ ග්‍රන්ථ සිය ගණනක නිත්තවෙල ගුණයා ගැන ලිපි පළවුණා.

1947 ජර්මනියේ දී නිත්තවෙල ගුණයට ලැබුණු රන් සම්මානය කොළඹ දී පාදඩයෙක් හොරකම් කරා.

බිරිඳ 'සොඳිනා' ත් දියණිය 'අමරාවති'ත් මිය ගිය පසු නිත්තවෙල ගුණයා තනි වුණා.

අන්තිම කාලේ නිත්තවෙල ගුණයා ජීවත් වෙන්නෙ කෝපි කඩලා.

කෝපි කඩන අතරේ දිමි ගොට්ටක් ඇහැට වැටිලා නිත්තවෙල ගුණයගේ එක ඇහැක් අන්ධ වුණා.

ජීවිතේ අවසා⁣න භාගයේ අන්ත අසරණ ජීවිතයක් ගත කරපු නිත්තවෙල ගුණයා රෑ නින්දේදි කුප්පි ලාම්පුව පෙරළී පිලිස්සී මිය ගියා.

©️ ධර්ම ශ්‍රී නන්දලෝචන

13/03/2023

හානිකරන ලද සීගිරිය බිතුසිතුවම් ආචාර්ය ලුසියානෝ මරෙන්සි විසින් ප්‍රතිසංස්කරණ කිරීම (1967)

13/03/2023

අති විශාල තිරිගු යායක් මධ්‍යයේ වගා කර ඇති ගන්ජා වගාවක් 🍁

12/03/2023

කිරි අම්මා කෙනෙක් කියන්නේ කාටද?
කිරි අම්මා කෙනෙක් කියන්නේ සත්‍යය වශයෙන්ම එම අවස්ථාව වන විට කිරි දරුවෙකුට තම දෙතනින් කිරි දෙන අම්ම කෙනෙක්. කිරි අම්මාවරුන්ගේ දානයට ශරීරයේ යම් යම් ආබාධිත තත්වයන් ඇති, (අංග විකල), අශුද්ධ, අවිවාහක, දුරාචාරී හා ස්වාමි පුරුෂයා මිය ගිය කාන්තාවන් කැඳවන්නේ නැහැ.

දානය දෙනු ලබන නිවැරදි වෙලාව?
සාමාන්‍යයෙන් කිරි අම්මා වරුන්ගේ දානයක් පැවැත් වෙන්නේ හිමිදිරි පාන්දරින්. ඒ කියන්නෙ උදේ පහට විතර. එනම් “කොස් නැටි පෙනෙන” වෙලාවටයි. එක් පත්තිනියකට විනාඩි හත බැගින් විනාඩි හතලිස් නමයක කාලයක් තුළ මෙය නිම කළ යුතු වේ.

දානය සදහා පිළියෙල කරන විශේෂ ආහාර
මේ සඳහා කෑම වර්ග හතක් පිළියෙල කරනවා. ඒ සෑම කෑම වර්ගයකින්ම හත බැගින් එක් කිරි මවකට පිළිගන්වනවා. ඒ කිරිබත් කෑලි හතයි, කිරි කෑලි හතයි, හැඳි කැවුම් (කොණ්ඩ නැති කැවුම්) හතයි, කෙසෙල් ගෙඩි හතයි, හකුරු කෑලි හතයි ආදී වශයෙන්. හැම කිරිමවක් ම ආහාර අනුභව කරන්නේ නොඉඳුල් කෙසෙල් කොළ.

කිරිඅම්මාවරුන්ගේ දානය දෙනු ලබන පිළිවෙල
කිරි දානයක් සදහා සුදානම් වීමේදී දානය දෙනු ලබන නිවස තුලට මස් මාංශ හා අනෙකුත් පිළී ආහාර ද්‍රව්‍යන් රැගෙන ඒම දානය දෙනු ලබන දිනට පෙර අවම දින 3 ක කාලයක් සිට නවතා නිවස හා ගෙවත්ත පිරිසිදු කර දානය දීම සදහා නිවැසියන් සූදානම් වෙනවා.

නිවස මෙන්ම නිවැසියන්ද මේ කාලය තුල පිළීආහාර වලින් වැළකී පේවීම සිදු කරන්නේ වඩාත් හොදින් දේව ආශිර්වාදය ලබා ගැනීමේ අරමුණීන්.
නියමිත වේලාවට ප්‍රධාන කිරි අම්මා පෙරටු කරන් දානයට වාඩිවන කිරි අම්මාවරු පළමුව සත් පත්තිනි පහනේ තිරය බැගින් දල්වනවා. සත් පත්තිනි පහන සඳහා සුදානම් කරන පහන් තිර ශක්තිමත් ව තරමක් මහතට සකස් කරනවා.

දෙවනුව හඬ නගා පන්සිල් ගැනීම කරනවා.
තෙවනුව විනාඩි පහළොවක් පමණ පත්තිනි හෑල්ලේ කවි ගායනා කරනවා.
සිව්‍වනුව දානය වළඳනවා. ඒ සඳහා වැය කරනුයේ විනාඩි පහළොවක තරම් වු කාලයක්. දානය වැළඳීමට පෙර තම ආහාර බඳුනෙන් ස්වල්පයක් ඉෂ්ට දේවතාවුන් සිහිකර ඔවුන් වෙනුවෙන් එය ඉවත් කර පත් කොළයේ පසෙකින් තියනවා.

පස්වනුව දෙවියන්ට පිං අනුමෝදන් කරනවා.
ඉන්පසු නැගී සිටිනා කිරි අම්මාවරු හයවනුව සත් පත්තිනි පහනේ ඇති පහන් තිරය බැගින් අතට ගෙන රෝගියා හෝ බිළිඳු දරුවා අසලට ඇවිත්”සියලු රෝග නිවාරණයි” කියමින්, සත් වරක් බිළිඳාගේ/රෝගියාගේ කේශාන්තයේ සිට පාදාන්තය දක්වා ගෙනයමින් ආශිර්වාද කරනවා.
සත්වනුව ඒ අසල තබා ඇති පොල් කිරි භාජනයට එම තිරය දමා තිරය නිවා දමනවා.

ඉන් පසු තමාට පිළිගැන්වු ආහාරවල ඉතිරි කොටසද රැගෙන පසුපස නොබලා කඩුල්ල පැන පිටත්ව යනවා. සමහර ප්‍රදේශ වල නිවස කඩුල්ල පැන යාමට පෙර ප්‍රධාන කිරි අම්මා විසින් දානය දුන් පවුලේ සාමාජිකයන්ගේ සියළු දොස් දුරුවේවායි කියා පොල් ගෙඩියක් මන්නයෙන් බිද, ජලය පුරවා තිබූ කළයේ වතුරින් කිරි මව්වරුන් දෙපා සෝදා ගෙන නිවැසියන්ට සෙත් පතා පසු පස නොබලා යෑමත් කරනවා.

ඉස්සර කිරිඅම්මාවරු විනාඩි හතලිස් නමයක කාලය මැනගැනීම සඳහා ඔරලෝසු බැලුවේ නැහැ.. “කොස් කොලවල නැටි පෙනෙන වෙලාවට” නිවසට පැමිණ, “කහ කැටේට ඉර පෑයිමට පෙර” පිටත්ව යන විට සාමාන්‍යයෙන් ගතවන කාලය මේ කටයුත්තට අයිති කාලය හැටියට ඔවුන් සැලකුවා.
මෙම දානයෙහි විශේෂත්වය තමයි, කිරි අම්මාවරුනට පිරි නමන සෑම ආහාරයක්ම කිරි එරෙන දේවල් වීම. දානයට පැමිණීමට පෙර තම ළදරුවාට කිරි පොවා පැමිණෙන මව දානය නිමවා නැවත නිවසට යනවිට, ළදරුවාද නැවත කිරි බීමට සුදානම්වයි ඉන්නේ. එවිට ඇය තම නිවසට ආපසු පැමිණි වහාම කරනුයේ තමන්ගේ ළදරුවාට නැවත නැවතත් කිරි දීමයි. එවිට ඒ දෙන කිරි, කිරි දානයේදී වැළදු කිරි ආහාර පදනම් කොට ගෙන එරුණ ඒවා. “නොඉඳුල් ළදරුවන්ට” එම කිරි පොවන විට ඔවුන් වෙනුවෙන් පිරි නැමු දානයේ පරමාර්ථය නිරායාසයෙන් ම මුදුන්පත් වෙනවා

මෙම කිරි අම්මාවරුන් ගේ දානයේ තවත් වැදගත් කරුණක් වනුයේ “සත් පත්තිනි පහන” දැල්වෙනුයේ දානය සඳහා වැයවන කාලය තුළදී පමණක් වීම. කිරි අම්මාවරු පැමිණෙන විට පහන පත්තු නොවේ. ඒක් එක් එක් තිරය බැගින් පත්තු කරනුයේ ඔවුන් විසිනුයි. දානය අවසන් වු විට එක් එක් තිරය බැගින් නිවා දමනුයේද ඔවුන්මයි. පළමු කිරි මව පැමිණි මොහොතේ දැල්වීම ඇරඹෙන පහන, අවසන් කිරි මව නැගිට යන මොහොතේ සම්පුර්ණයෙන්යෙන්ම නිවා දැමෙනවා.

හැබැයි, මෙහිදී ඔබ තවත් දෙයක් මතක තියාගන්න ඕනේ. අපේ රටේ විවිධ ප්‍රදේශවල ජනතාව කිරිඅම්මාවරුන්ගේ දානය පවත්වන විදිය එක හා සමාන නැහැ. සමහර ප්‍රාදේශීය වෙනස්කම් නිසා ඔබ දැන සිටි කිරි අම්මාවරුන්ගේ දානය මීට වඩා පරස්පර වෙන්නත් ඉඩ ඇති.

කිරි අම්මාවරුන්ගේ දානය අද සමාජයේ බොහෝ දෙනා අතරත් ජනප්‍රියයි. හැබැයි මේ දානයේ සුවිශේෂ වැදගත්කම අවබෝධ කරගෙන නිවැරදිව දානය පවත්වන එක නම් කාගෙ කාගෙ අතිනුත් වෙන්න ඔනෙමයි. ඔබත් මින් පස්සේ කිරි අම්මාවරුන්ගේ දානය ජනප්‍රිය රැල්ලට, කරන්නන්වාලේ කරන එක නවත්වලා හරි විදියට ම පවත්වන්න.

(අපි මේ තොරතුරු හොයාගත්තේ “ඒ.පී.ඒ. ගුණසේකර” මහතාගේ, “හොරොව්පොතානේ පළවෙනි ඩීයාරෝ” නම් ග්‍රන්ථයෙනුයි.)
ස්තුතිය මුල් හිමිකරුට ❤

10/03/2023

නොදැකපු අතීතයේ සුන්දර රූප සටහන් 🙌

09/03/2023

කිමිදුම්කරු බ්‍රසීලියානු ගංගාවේදී අඩි 23ක් දිග යෝධ ඇනකොන්ඩා සමඟ මුහුණට මුහුණ. 😲

08/03/2023

1999 දී සනත් ගුණතිලක, අමිතා බච්චන් සමග ගත් සේයාරුවක්❤️

08/03/2023

පොල් ගස තරම්ම මිනිසාට ප්‍රයෝජන රැසක් ගෙන එන පුවක් ගස පිලිබද තොරතුරු බිදක් ඔයාලට.....

ගම්වල තියෙන පුවක් ගස ගැන නැවත අමුතුවෙන් පැහැදිලි කිරීමක් අවශ්‍ය වන්නේ නෑ නී පුවක් ගස ගැන හැමෝම වගේ දන්නවනේ. නමුත් පුවක් ගසෙන් අපට ලැබෙන ප්‍රයෝජන රාශියක් තියෙනවා. ඒවා පිලිබද දන්නා අයත් ඇති නොදන්නා අයත් ඇති මේ පළ කිරීම ඒ සියලුම දෙනාගේ දැනුමේ වර්ධනය පිණිසයි.

පුවක් ගසේ පුවක් පිත්ත., කොලපත එහෙමත් නැත්නම් කලන් කොළය ලෙස හදුන්වනවා.
පුවක් අත්ත වැටුනු පසු දියේ දාලා ( වතුරේ දාලා) දිනක් පමණ පෙගෙන්න තියලා , කපලා කොළපත අවශ්‍ය වැඩ කටයුතු සදහා පැරැන්න හදාගෙන තියෙනවා .

කොලපත පුංචි කාලේ අපේ වාහනයයී. මමත් කුඩා කාලයේ කොලපත් ඇදලා තියෙනවා ඒ කියන්නේ මං කොලපතේ ඉදගෙන ඉන්නවා එතකොට අපේ මාමා මාව ඇදගෙන ගේ වටේ දුවනවා. ඒ තමයි පොඩි කාලේ අපේ වාහනේ ...

ඒ වගේම මේ කොලපතේ පිට පොත්ත ඝනකම නිසා සූරලා සුමට කරලා අවශ්‍ය වැඩ කටයුතුවලට අපේ පැරැන්නන් භාවිතා කරලා තියෙනවා . එවිට මේ කොලපත පුවක් පට්ටේ ලෙස හදුන්වනවා.

අපේ කිරිඅම්මලාත් , අම්මාත් පුවක් කොලපත කුස්සියේ වැඩට ප්‍රයෝජනයට ගත්තා .

කොලපතෙන් ( පුවක් පට්ටේන්) ගත් ප්‍රයෝජන..

කුස්සියේ ඉවුම් පිහුම් සදහා ගන්නා පලා වර්ග ., කරපිංචා , රම්පේ , කංකුං , තැල්කොළ ආදි පලා වර්ග නැවුම්ව තබා ගැනීම සදහා වතුර ටිකක් ඉහලා කොලපතේ අහුරලා කල් තබාගන්නවා.
එසේම කොලපත්වලින් අතීතයේ ගමන් මලු ද හදාගෙන තියෙනවා.

ඒ වගේම මේ කොලපතේ බදින බත් එක හරිම රසයි . පැණි ටිකක් මිශ්‍ර කරලා බත් මුල කොලපතේ බැදලා දින 2ක් පමණ නරක් නොවී තියාගන්න පුලුවන් ලු කියලා අපේ කිරිඅම්මලා සීයලා කියලා තියෙනවා . (නමුත් එහි සත්‍ය අසත්‍ය පිළිබදව මා හරියටම දන්නේ නැත .

තව..... නෑගම් යනවිට ගිනියන පැණි මුලක් බදින්නෙත් පුවක් පට්ටේ තමයි . ඒ වගේම අදටත් අපේ රටේ දොදොල්, හකුරු වැනි කෑම ජාති ඔතන්නේ පුවක් පට්ටේ.

එසේම කුස්සියේ ළිපේ අළු අදින්නත් .,
මැල්ලුම් ලියන්න .,
ඉඹුල් කිරිබත් අඹන්න ( හදන්න) .,
බත් නිවෙන්න දාන්න., වැනි දේවල් සදහා
වට්ටියක් ලෙස මෙය භාවිතා කර තිබෙනවා.
ඒ වගේම වතුර බොන්නත් පුවක් පට්ටේ ගොට්ටයක් වගේ හදාගෙන තියෙනවා.
තවත් කියනවනම් ගේ අතුගාන්න පුවක් අත්තේ කොල ටික විසි නොකර පුවක් අත්තේ ඉරටුවලින් ඉලපත් හදාගෙන තියෙනවා. ( ඉලපත කියන්නේ ගේ අතුගෑම සදහා පැරැන්නන් භාවිතා කල කොස්ස)

( වර්තමානය වන විට මේ දේවල් අපෙන් ගිලිහී ගොස් තිබේ. අද කාලේ ළමුන් මේවා පිළිබද දන්නේවත් දැකලාවත් නැහැ. අපි අතීතයේ විදි මේ දේවල් අද සමාජයේ නවපරපුරේ ළමුන් හට දකින්නටවත් නැතිවීම පිළිබදව ඇත්තේ මහත් දුකක් ඉතිං ඒ සියලු දෙනා හට මේ පළ කිරීම ප්‍රයෝජනවත් වේවි කියා මා සිතනවා.

ජායාරූප අන්තර්ජාලයෙනී.

මෙය උපුටා ගැනීමකි ...

07/03/2023

පුදුම හිතෙන බිංකුණ්ඩාගේ කතාව...😮

" බිංකුණ්ඩෝ බොල බිංකණුඩෝ උඹත් නටාපිය මාත් නටන්නම්..."

කියලා අල්ලේ තියලා පොඩි කාලේ නටවපු බිංකුණ්ඩා කියන්නේ භෞතික විද්‍යාවේ එක තැනක භාවිතයක් දශ⁣මයට පුහුණු කරපු සතෙක් කියලා ගොඩක් දෙනෙක් දන්නෙ නෑ. ඒ වගේම තමයි මේ බිංකූණ්ඩා කියන්නේ ගොඩ දෙනෙක් හරියටම සම්පූර්ණ ජීවිත කථාව නොදන්න අපූරැ සත්වයෙක්.

මුලින්ම බිංකූන්ඩන් ගේ විස්තර ගත්තොත් මේගොල්ලෝ අයත්වෙන්නේ Myrmeleontidae කුලයට. මේකට විශේෂ 2000කට ආසන්න ගණනාවක් අයත්වෙන නිසා පොදුවේ බිංකුණ්ඩෝ කියල විස්තරේ ගෙනියන්නම්. ඇත්තටම ගත්තොත් අපි මේ බිංකුණ්ඩො කියන්නේ මේ කුලයට අයත් කෘමීන්ගේ කීට අවස්ථාවට. මේගොල්ලන්⁣ට ඉංග්‍රීසියෙන් Doodle bug හෝ antlion කියලා තමයි කියන්නේ.

මේ දෙකටම අපූරැ හේතු දෙකක් තියනවා.ඒවා ඉදිරියට විස්තර කරන්නම්.ඇත්තටම මෙගොල්ලන්ගේ සුහුඹුල් හෙවත් ජීවන චක්‍රයේ අවසාන අවස්ථාව තමයි antlion lacewing කියන බත්කූරෙක් වැනි කෘමී අවස්ථාව. සමහර වෙලාවට මෙහෙම පියාඹන antlion lacewing කියන බිංකුණ්ඩංගේ පරිණත අවස්ථාව කෙනෙක් බත්කූරෝ කියලා වරදවා වටහගන්නත් පුලුවන්. නමුත් මේ දෙගොල්ලෝ වෙනම සත්ව කාණ්ඩ දෙකක්.

මේගොල්ලන්ගේ ජීවන චක්‍රය ගත්තම බිත්තරවලින් කීටයන් හෙවත් බින්කුණ්ඩන් ඇතිවෙනවා.ඉන් කාලයක් බින්කුණ්ඩන් විදිහට ඉඳලා කෝශයක් හදාගන්නවා. අනතුරැව රෑපාන්තරණයක් වෙලා බත්කූරෙක් වැනි sandlion lacewing බවට පත්වෙනවා. ඔන්න දැන් තමයි හොඳම කොටස. මෙන්න මේ ජීවන චක්‍රයේ කීට අවස්ථාව කියන්නේ අපි පොඩිකාලේ බිංකුණ්ඩෝ අල්ලේ නටවනකොට වැරදිලාවත් නොහිතපු දේවල් කරන ඝාතකයෙක්ගේ ස්වභාවයක්.

ඒ කථාව මෙහෙමයි. මම මුලින් කිව්ව වගේ බිංකුණ්ඩන්ට Doodle bug එහෙම නැත්තං antlion කියන්න හේතු තියනවා. මේකේ පළවෙනියට කියන doodle bug කියන නම කියන්නේ මෙයා ඉන්න වැලි තියන පරිසරය පුරා එහේ මෙහේ ගමන්කරමින් doodle art වගේ විවිද කලාත්මක රටා වැල්ල පුරා ඇතිකරන පුංචි කලාකාරයෙක් නිසා. හැබැයි මෙයා නිකන්ම නිකන් කලාකාරයෙක් නෙමෙයි තමන්ගේ තරම එක්ක සසඳනකොට බොහොම බිහිසුණු කලාකාරයෙක්. අන්න ඒක නිසයි මෙයාට කියන දෙවනි නම වෙච්ච antlion කියන්නේ. මෙන්න මෙතනදී තමයි මෙයාගේ අවුරැදු දහස්ගාණක් පුරා පරිණාමය විසින් සුසරකරපු ජානවල තියන භෞතික විද්‍යාව පාවිච්චි කරන්නේ.

ඒක විස්තර කරනව නම්, බිංකුණ්ඩා කියන කීට අවස්ථාව කියන්නේ ප්‍රභල විලෝපික අවස්ථාවක්. මේකෙදී මෙයා ප්‍රධාන වශයෙන් යැපෙන්නේ කූහුඹුවන් ගොදුරුකරගෙන. ලෝකයේ උත්තර සහ දක්ශිණ ද්‍රැව දෙක ඇරැනම හැම තැනක්ම බොහොම සාර්ථකව ජයගත්ත කෘමී කාණ්ඩයක් වෙච්ච කුහුඹුවන් කියන්නේ එහෙම ලේසියෙන් මේ වගේ ජීවිතේ තාම හරියට සම්පූර්ණ කරලත් නැති අතරමැදි අවස්ථාවක ඉන්න සතෙක්ට ලේසියෙන් ගොදුරැවෙන අය නෙමෙයි. නමුත් බිංකුණ්ඩෝ කුහුඹුවන් ගොදුරැ කරගන්න භෞතික විද්‍යාවේ මූලධර්ම දශමයට ගලපලා උගුලක් හදනවා. අන්න ඒ උගුල් තමයි ඔය අපි වැලිගොඩවල්වල දකින පුංචි පුනීලාකාර වලවල්.

කෙනෙක් හොඳට නිරීක්ෂණය කරල තියනව නම් බිංකුණ්ඩෝ මේ විදිහට ගුල් හදන්නේ ටිකක් සිණිඳු වැලි තියන තැන්වල. මෙතනදී බිංකුණ්ඩා කරන්නේ උගුල හදන්න ඕන තැන කේන්ද්‍රයේ ඉඳන් ක්‍රමයෙන් වැලි පිටිපස්සට වීසිකරන එක. මේක ක්‍රමක්‍රමයෙන් පුංචි පුනීලාකාර වලක් බවට පත්වෙනවා. හැබැයි මෙතනදී මේ වල නිකන්ම නිකන් හදන වලක් නෙමෙයි, මේකේ බිත්තියේ ආනතියට නිශ්චිත කෝණයක් තියනවා. මේ කෝණය බිංකුණ්ඩන් විශේෂයෙන් විශේෂයට වෙනස් වෙන්න පුලුවන්. මොකද මේකෙන් අල්ල ගන්න පුලුවන් නිශ්චිත පරාසයක විශාලත්වයක් තියන කුහුඹුවන් විතරයි. ඕනවට වඩා ලොකු හෝ කුඩා කුහුඹුවන් මේකට අහුවෙන්නේ නෑ.

මේක පිටිපස්සෙ තියන භෞතික විද්‍යාත්මක මූලධර්ම ගත්තොත්, මේ උගුලේ ආනතියට තියන කෝණයට භෞතික විදාවෙදී avalanche angle කියලා කියනවා. මේකෙදී මේ බිත්තියේ තියන වැලිකැට පහලට පෙරලිලා එන්න ඔන්න මෙන්න තියන අවස්ථාවක පවත්වගන්න ඕන කෝණය තමයි ඔය avalanche angle කියන්නේ. ඒ කියන්නේ පොඩි අමතර බලයක් වැටුනත් වැලි කැට බිත්තිය කඩාගෙන වැටෙනවා. හරියට විදෙස් චිත්‍රපට හෝ ප්‍රවෘතිවල දකින හිම කඳු කඩාගෙන පහලට වැටෙනවා වගේ. ඉතින් වැල්ල මැද මෙහෙම වලක් තිබුනම එතනින් යන කූඹියෙක් මේ වලක් වගේ තියන උගුලකට වැටුනොත් එයාට බිත්තිය දිගේ නැගලා උඩට එන්න බෑ.මොකද උඩට එන්න උත්සහ කරන්න කරන්න වැලි බිත්තිය කඩාගෙන වැටිලා කූඹියව වල පතුලට වැටෙනවා. එතකොට වල පතුලේ මැද ඉන්න බිංකුණ්ඩා කූඹියව අල්ලගන්නවා. අලල්ගෙන කූඹියා අඩපණකරන විශ ශරීරයට ඇතුල් කරනවා. පස්සේ ශරීරය ඇතුලට ජීර්ණ එන්සයිම ඇතුලත් කරලා සම්පූර්ණ යුශ උරා⁣⁣බීලා පිට සැලිල්ල විතරක් උගුලෙන් එලියට විසිකරනවා.

හැබැයි ගොඩක් බර ලොකු කූඹියෙක් උනොත් මේ විදිහට උගුලට අහුවෙලා උඩට එනකොට මේ බිත්තියේ තරමක් ලොකු වලවල් හැදිලා පහලට ලිස්සලා යන බලයට වඩා විශාල ප්‍රථිරෝධයක් ඇතිකරගෙන එයාට උඩට එන්න පුලුවන් වෙනවා. ඕනවට වඩා පොඩි කුඹියෙක් වැටුනොත් උඩට එනකොට මේ බිත්ති කඩන් වැටෙන්නේ නැති තරමේ බලයක් ⁣යෙදෙන නිසා ඒත් උඩට එන්න පුලුවන් වෙනවා.ඒක නිසා එක එක විශේෂයේ බිංකුණ්ඩෝ හදන ගුලේ ආනතිය අනුව ඒ විශේෂයට ගැලපෙන තරමේ කූඹි විතරක් ගොදුරැ කරගන්න පුලුවන් වෙනවා. හදිස්සියෙවත් මේ විදි⁣හට හදන ගුලට එන කූඹියෙක් මොන විදිහකින් හරි ගුලෙන් එලියට යන්න හැදුවොත් ඒක නවත්තන්නත් බිංකුණ්ඩෝ දන්නවා. ඒ වගේ වෙලාවකදී ඒගොල්ලෝ කරන්නේ වල මැද ඉඳන් තව තව වැලි බිත්තිය දිහාවට වීසි කරන එකයි. මේකෙන් වෙන්නේ උගුලේ වැලි බිත්තිය තව තව අස්ථාවර වෙලා පහලට කඩන් වැටෙන එකයි. ඒක නිසා අතිශය වාසනාවන්ත අවස්ථාවක ඇරෙන්න කූඹියෙක්ට ගැලවෙන එක ලේසි නෑ.

කොහොම හරි මේ විදිහට ගොදුරැ අල්ලන් ජීවත් වෙන බිංකුණ්ඩෝ පස්සේ ⁣ජීවිතේ ඊළඟ පියවරට යන්න කෝශයක් හදාගෙන රෑපාන්තරනයකට ලෑස්තිවෙනවා. පස්සේ මේ කිසිදෙයක් නොවෙච්ච ගානට තටු හදාගෙන ඉගිලෙන්න ගන්නවා.

උපුටාගැනීමකි.. ( Vimukthi Prathap )
(පින්තූර ගෞරවය මුල් හිමිකරැවන් සතුයි)

03/03/2023

27/02/2023

මෙච්චර කෙහෙල් කොළ තියන රටේ ඒවායින් ප්‍රයෝජන ගමු පිට රට වල සෑහෙන මිලයි මේ කෙසෙල් කොළ 🥹

මේ කෙසෙල් කොළයක් සීසන් කර ගන්නා හැටි.🦠

අපි හැමෝම ආසයි කෙසෙල් කොළේ බත් කන්න. ඒත් කෙසෙල් කොළයක් කොහොමද හරියට පදම් කර ගන්නේ. කාලයක් තියා ගන්නේ කොහොමද. ප්‍රශ්න ගොඩාක් ඇති. මේ ඒ ප්‍රශ්න වලට පිළිතුරු .

කෑම එතීමට ගන්නා කෙසෙල් කොළයක් පදම් කර ගන්නා හැටි හා කෙසෙල් කොළයේ කෑම කෑමෙන් අපිට ලැබෙන ප්‍රයෝජන මොනවාද කියලා බලමු.

කෙසෙල් කොළයෙන් ආහාර ගැනීමේ ඇති ප්‍රයෝජන;-

1 ක්ලෝරෆිල් නැමැති සංඝටකය මගින් බඩවැල් වල ඇති වන තුවාල සහ සමේ ඇතිවන තුවාල සුවපත් කරයි

2 රුධිරය පිරිසිදු කරනු ලබයි.

3 ආහාර අරුචිය වඩවන අතර ආහාර දිරවීම පහසු කරයි.

4 වකුගඩු වල සහ මුත්‍රාශයේ ගල් ඇති වීම වැලැක්වීම මෙන්ම රෝගයන් රැසකට වැටකඩොළු බැදීම සිදු කරයි.

5 මානව ප්‍රතිශක්තිකරණ පද්ධතිය උත්තේජනය කරයි.

කෙසෙල් කොළය පදම් කර ගන්න ආකාරය ගොඩාක් අය දන්නේ නැහැ.

කෙසෙල් කොළයක් පදම් කර ගන්නා හැටි:-

▪️කෙසෙල් කොළ කපාගෙන අළු පිසදාල සෝදාගන්න ඕනෑ.

▪️ඊළඟට නටන වතුරේ ඔබල ගන්න. තත්පර දෙක තුනයි.

▪️දැන් තද අව්වේ පැය දෙක තුනක්‌ හෝ මද පවනේ පැය 5 – 6 ක්‌ වේලාගන්න. දැන් මේවා භාවිත කරන්න පුළුවන්.

▪️ශීතකරණයක දාල තියා ගන්නවා නම් මේ ලන්ච්ෂීට්‌ මාස තුනක්‌ වුණත් තියාගන්න පුළුවන්”

ජ්‍යොෂ්ඨ කථිකාචාරිනියක වන ආචාර්ය සුජාතා වීරසිංහ මහත්මිය විසින් හඳුන්වාදී ඇත.

කෙසෙල් කොළ උණු වතුරෙන් පදම් කොට මේ ආදේශකය සකසා ගත් පසුව මාස 3ක් පමණ මේ ශීතකරණයක කල් තබා ගත හැකි බවත් මේ කොළය ගුළි කළත් ඉරෙන්නේ නැති භාවිතයෙන් පසු දින පහක් පමණ සෝදා යළිත් ප්‍රයෝජනයට ගත හැකි පරිසර හිතකාමී ආදේශකයක් බවත් ඇය පවසා තිබේ.

කෙසෙල් කොළ වලින් කෑම පාර්සල් පෙට්ටි හදන හැටි පින්තුර වලින් පෙන්වා දී ඇත.

- ආචාර්ය සුජාතා වීරසිංහ -

Garlic and Ginger
උපුටාගැනීමකි

26/02/2023

අප්‍රිකාවේ සිට පැමිණි "සිංහල කාපිරි" 🌚

වෙනත් භාෂාවකින් ගීත ගායනා කරන, සතුටින් කල් දැමීමට කැමති, කාල වර්ණ කාපිරි, එසේත් නැතිනම් 'සිලෝන් කෆර්' නමින් හැඳින්වෙන පිරිසක් පුත්තලම 'සිරම්බිඅඩිය' ගම්මානයේ තවමත් ජීවත් වෙති. ඔවුන්ගේ ඉතිහාසය ගවේෂණය කිරීම සිත්ගන්නා කරුණකි. නමුත් අද ඔවුන්ට අත්වී ඇති ඉරණම සෝචනීයයි.

අඳුරු මහාද්වීපය ලෙස හැඳින්වෙන අප්‍රිකාවේ, සහරාට දකුණින් ජීවත් වූ නීග්‍රෝ ප්‍රජාව 1630 දී පමණ පෘතුගීසීන් විසින් පාලනය කරන ලද රටෙහි පළමු ස්ථානයට පත්විය. ඔවුන් වහල් සේවය සඳහා මෙරටට රැගෙන ආ බවත්, පසුව ඔවුන් කොළඹ, මඩකලපුව, පුත්තලම, ත්‍රිකුණාමලය පරිපාලනය යටතේ කලාඔය ප්‍රදේශයේ පදිංචි වූ බවත් ප්‍රකාශ කළේය. පුත්තලම සිරම්බිඅඩි ප්‍රදේශයේ වෙසෙන කාපිරි ජනතාව මෙරටට පැමිණ ඇත්තේ මොසැම්බික් නම් අප්‍රිකානු රටකින් බවයි ඔවුන් පවසන්නේ. මුදු හිසකෙස්, කළු පැහැය, විශාල තොල්, නාසයේ හැඩය, කන් හැඩය ඔවුන්ගේ අප්‍රිකානු ජානවල ලක්ෂණ වේ. අදටත් සිරම්බිඅඩිය ගම්මානයේ කාපිරි ජනතාව යම් අනන්‍යතාවයකින් ජීවත් වෙති.

පල්ලියේ ආරම්භයේ දී කාපිරි ප්‍රජා විවාහය සිදු කෙරේ. කාපිරි භාෂා මංගල්‍ය ගීතයක් ගායනා කරමින් දේව මෙහෙය පැවැත්වීම විශේෂත්වයකි.

රෝමානු කතෝලික බැතිමතුන් වන සිලෝන් කෆර් පුත්තලම සිරම්බිඅඩිය ග්‍රාමසේවා වංශයේ පවුල් 30කට වැඩි පිරිසකට අයත් වේ. ස්ථීර රැකියා නොමැති මේ බොහෝ දෙනා විවිධ රැකියාවල නිරත වෙති. ලුණු ලේවාය, බැංකු, ඉස්පිරිතාල, පෙදරේරු වැඩ යනාදී වෘත්තීන්හි සිටින්නේ ඉතා සුළු පිරිසකි. ඔවුන්ගෙන් බොහෝ දෙනෙක් තවමත් පොල් කැඩීම, පොල් අතු වියීම, කුලී වැඩ, කොහුමෝල් යන වැඩවල නිරත වෙති. ඒ අතර රාජ්‍ය සේවයේ යෙදෙන කිහිප දෙනෙක් ද සිටිති. අද සිරම්බිඅඩිය විද්‍යාලයේ සයිලෝන් කෆර් ළමයි විස්සක් විතර ඉගෙන ගන්නවා.

මෙය සීලෝන් කෆර් කාන්තාවන් සිංහල පිරිමින් හා සයිලෝන් කෆර් පිරිමින් සිංහල කාන්තාවන් විවාහ කර ගන්නා කාලයකි.
මේ භාෂාව දැන් මළ භාෂාවක් බවට පත්වී ඇත්තේ කාෆර්වරුන්ගේ මව් භාෂාව භාවිතයෙන් ඈත්වීම නිසාය. මේ රටේ ඔවුන් දිගටම ඉගෙන ගත්තේ පෘතුගීසි මව් භාෂාව වෙනුවට සිංහල භාෂාවෙන්. අලුත් පරම්පරාව කතා කරන්නේ සිංහල භාෂාවෙන්. Ceylon Kafer ජනතාවගෙන් සුළු පිරිසකට පමණක් ඔවුන්ගේ මුල් භාෂාව ගැන දැනුමක් නැත. ඔවුන්ගේම සිරිත් විරිත් අද වියැකී යයි. කෆීරි ජනතාවගේ මුතුන් මිත්තන් පවසන්නේ ඔවුන් ගෝත්‍රයෙන් විවාහ වන විට ඔවුන් කෆීර් වෙත යන බව අමතක වී ඇති බවයි.

මග්ජා කපිරි ගීත

දොළක්, පොල් ගෙඩියක්, රබානා, බෝතලයක්, කාසියක්, පොල් හැඳි දෙකක් යොදාගෙන කරන ලද ශබ්ද රටාව ඔවුන්ටම අනන්‍ය වේ. මෙම ගීතය ගායනා කිරීම ආරම්භ වන්නේ පහත් ස්වරයකින්. ක්‍රමක්‍රමයෙන් වේගයෙන් ඇදී එන සංගීතය ගයද්දී නර්තන ශිල්පීන් අධික වේගයෙන් නටති. මංජා නම් වූ මේ සංගීත පද්ධතිය නරඹන සැමගේ සිත් ඇදගන්නා සරල සංගීත කලාවක්.

කාපිරි සෙනග අතරේ ගොඩක් ආතල් එකට ආස කරන කට්ටියක්. නිතර ගායනා කරනවා වගේම ලස්සනට රඟපානවා.

සාමාන්‍ය ව්‍යවහාරයේදී බියගුල්ලෙකු ලෙස හඳුන්වන මොවුන්ගේ ගායන කලාව පිළිබඳ නිවැරදි විග්‍රහය වන්නේ “මංජා ගායන කලාව” යන්නයි. මෙම ගීත පෘතුගීසි භාෂාවෙන් ගායනා කර ඇත. කාන්තා පිරිමි දෙපාර්ශවයම මේ සඳහා සහභාගී වන අතර කාන්තාවන් දිගු ගවුම් හැඳීමත් පිරිමින් සාරි සහ කමිසයක් ඇඳීමත් සාමාන් ය සම්ප් රදායයි. ඔවුන්ගේ ගායනය සහ නැටුම් ඉතා සිහින් සහ මන්දගාමී සංගීතයකින් ආරම්භ වන අතර ක්‍රමයෙන් වේගවත් වේ. ඉතා වේගවත් සංගීත රටා සහ වේග රිද්මය සහ නර්තනය නරඹන ඕනෑම කෙනෙකුට ප්‍රබෝධමත් කිරීම සඳහා සංදර්ශනයකින් අවසන් වේ. සිරම්බිඅඩිය කාපිරි මිනිසුන්ගේ මග්ජ ගීත සමූහයක් ද ඇත. ළඟදී ලංකාවේ ප්‍රසිද්ධ වුණා වගේම එයාලට වෙනත් උත්සවවලටත් ආරාධනා ලැබෙනවා.

ශ්‍රී ලංකාවේ වෙසෙන ජනවර්ග අතර මෙම මිනිසුන් හඳුන්වනු ලබන්නේ මැකී ගිය විශේෂයක් ලෙසිනි. ඒකට හොඳම සාක්ෂිය තමයි මේ අය සංගණනයේදී ලංකාවේ කෆර් වෙනුවට වෙනත් ජනවිකාසයක් කියන තැනින් නම් කරලා තිබීම. රටේ ජනගහනයෙන් ඔවුන් ඉවත් කරනවා කියන්නේ අනාගතයේදී ඔවුන්ගේ අනන්‍යතාවය නැති වෙනවා කියන එකයි.

26/02/2023

කස්තුරි මුවාගේ වගතුග..🦌

ලෝකයේ ඇති වටිනා ම වාජීකරණ ඖෂධය කුමක් ද?
නිසැක ලෙස ම ඒ කස්තුරි ය.
ඖෂධය ලබා ගන්නේ කස්තුරි මුවන් වෙතින් ය.

මේ මුවන් ලෝකයේ සීමිත රටවල් කීපයක පමණක් ජීවත්වන අහිංසක ම සිවුපා වර්ගයකි. ඉන්දියාවේ හිමාල කඳු අතර හා කඳු ලඳු වනලැහැබ්වල ද තිබ්බත නේපාල ප්‍රදේශයන්හි ද මධ්‍යම ආසියාවේ වනදුර්ග ගිරිදුර්ගවල ද භූතානය හා රුසියාවේ ද උන් ජීවත් වෙති.

සාමූහික වශයෙන් රංචු ගැසීම හා සමූහයක් ලෙසින් ගැවසීමට පුරුද්දක් නැත. තනි තනිව ජීවත්වීම උන්ගේ සිරිත.ය. උපතේ සිට වසර දෙකතුනක් ගෙවුණු පසු උන් තරුණ වයසට එළඹෙති. තරුණ මුවන් සංසර්ගයට පෙලඹෙන වකවානුවේදී කස්තුරි බොහෝ සේ ගලාඑයි. නව යෞවන මුවන්ගේ කස්තුරිවල අති මිහිරි සුවඳ කාමෝද්දීපනයට රුකුලක් ලෙස සුළඟට මුසුවී එම සුවඳ පරිසරය පැතිරෙයි. මුව දෙන්නු එම සුවඳ ආඝ්‍රාණය වීමෙන් මෘගමද දරා සිටින සතා පසුපස හඹායමින් සංසර්ගයට පෙලඹෙති. මේ හේතුව නිසාම මුවන් යළි යළිත් සංසර්ගයට යොමු වීමෙන් කස්තුරි වන් ශූර ශුක්‍රාණු බහුලව ගලමින් එම සතාගේ නාභිය වටා බදාමයක් සේ බැඳී යයි. වසන්තයත් සමඟ පිබිදෙන මේ කාලවකවානුවේදී ඔවුනගේ කාමෝද්දීපන අවදිය බැවින් සංසර්ගයට තව - තවත් පෙලඹෙයි. සති කිහිපයකට පසුව පිරිමි මුවා ගේ නාභිය වටා එකතුවී ඝනවී පවතන ශුක්‍රාණු තරලය වියළීමට පත්වෙයි.

අමුතු බරක් එක්වූවා සේ මේ ශුක්‍රාණු නාභිය වටා කැසීමකට තුඩුදෙන බැවින් ගල්තලාවකදී ශුක්‍රාණු සහිත නාභිය අතුල්ලා උළා දමමින් එම ශුක්‍රාණු කඩා දමයි. එය කැබැලි ලෙසින් ගල්තලය මත විසිර යද්දී ඒ ගැන අවධානයෙන් හා විමසිල්ලෙන් සිටීමෙන් කස්තුරි එකතු කර ගත හැකි ය. මේ සතුන් ප්‍රියමනාප පෙනුමකින් යුතු අතර මසින් පිරුණ සිරුර වඩා උස් නොවේ. සාමාන්‍ය මුවන්ගේ උස් ප්‍රමාණයට වඩා අඩුය. අං තට්ටුවක් වශයෙන් නොමැත. හිසදරන්නේ පුංචි ම අං යුවළකි. පිටුපස වලිගයක් ද නොමැත. දැඟුලක් පමණ පුංචි ම නටුවක් ඇත.

අද කාලය වනවිට කස්තුරි නම් ඖෂධයේ වටිනාකම මිල කළ නොහැකිය. මුදල හා ධනය පසුපස ලුහුබඳින එම කස්තුරි මද එකතු කරන්නෝ මුවන් මරා හෝ ඒවා ලබා ගැනීමට පෙලඹෙති. එකවර රන්බිජු ලබා ගැනීමට රත්තරන් බිත්තර දමන කිකිළිය මැරුවා සේ මේ මුවන් මරා දැමීම අමනෝඥ ක්‍රියාවකි. එලෙස මෙම මුවන් මැරීමෙන් කස්තුරි ලැබීම ම කෙසේ වෙතත් ඒ වර්ගයාගේ බෝවීම වැළකී යාමෙන් ඖෂධ්‍ය ලොවට අහිමි වෙයි.

මේ අඩුව සපුරා ගැනීම සඳහා කෘත්‍රිම කස්තුරි නිෂ්පාදනය කිරීමට ඇතැම් රටවල් පෙළඹී සිටිති. එහෙත් එය සාර්ථක නැත. හොර බොරු වංචා රැවටිලි මේ වෛද්‍ය කර්මයට කෙසේවත් නොගැළපෙයි. එසේ කළහොත් එම ඖෂධ යෙදා කරන චිකිත්සාවන් ද අසාර්ථක වෙයි. කස්තුරි ලෙසින් නම් කරමින් කෘත්‍රිම නිෂ්පාදන සකස් කිරීමට ධානය වර්ග, යව තිරිඟු, බඩ ඉරිඟු, බෝංචි ඇට වියළා මූර්ණ‍කොට - එළු ඌරු බැටලු කිඹුල් සතුන්ගේ අක්මාවන් බැස කුඩුකර සැබෑ කස්තුරි ධාතුවට සම කරවීම සඳහා ගන්ධය වර්‍ණය හා පදාර්ථ එක්කර නිපදවීමට ඔව්හු සමත්වෙති.

පෙර ඍෂින්වහන්සේලාගේ ඉගැන්වීම්වලට එකඟවේ නම් අපගේ මේ ශ්‍රී ලංකා භූමියේදී කස්තුරිවලට සමකළ හැකි ධාතුවක් උරුලෑවා ගේ සිරුරේ පවතින බවක් ඉගැන්වේ. කස්තුරි මුවා ලෙසින්ම උරුලෑවා කියන සතාද වනාන්තරවලදී දැකීම ඉතා දුර්ලභ ය.
කස්තුරි යනු පිරිමි මුවන්ගේ සිරුරේ සියලුම ශක්තිය කැටි කළ දියරයකි. එය දිව්‍ය ඖෂධයකට සමාන ය. මහා බලගතු වාජීකරණ රසායනික ඖෂධ හා තෛල නිපදවීම සඳහා මේවා යොදා ගනී. අර්ශස් හා ඇදුම රෝගයේදී පෙණහලු ශක්තිමත් කිරීමට මනුෂ්‍යත්වයෙන් ගිලිහීයන තාරුණ්‍යය දිගුකලක් රඳවා ගැනීමට ආයුෂ වර්ධනයට මේ ඖෂධය ප්‍රයෝජනවත් ය. ශරීරය නැවත ප්‍රතිනිර්මාණය කරවීමේ විශේෂ හැකියාවක් මේ ඖෂධය තුළ රැඳී ඇත.

සුව කළ නොහැකි සියලුම රෝගයන්ට ප්‍රතිවාප කළ හැකි නම් ඒඩ්ස් හර්පීස් සුදු බිංදුම සෝම රෝගන්ට භාවිත කළ හැකි අතිඋතුම් ඖෂධයකි. එහි අඩංගුව ඇති ශක්තිබලය නිසා මරණාසන්න රෝගියකු පවා ජීවත් කරවීමට යොදා ගත හැකිය. ක්ෂය ‍රෝග දද කුෂ්ට හා ඇස් පෙනීමේ දුර්වලතා දුරුකිරීමට අමනුෂ්‍ය දොස් පලවා යැවීමට බලවත් වන අතර මන්දබුද්ධික දරුවන් ගොළු බිහිරි අන්ධ ළමා රෝග හදවත දුර්වලතා පෙණහලු රෝග නිසා ළමා සුවයට කස්තුරි ඉතා වටිනා ඖෂධයකි.

කස්තුරිකාය. ඇසට ප්‍රියයි. තිත්තයි. සුවඳයි කටුක රසයි. ශුක්‍ර වඩවයි. බරයි වීර්යය වඩයි. ක්ෂාර සහිත රසායනයි. සෙම, පීනස, ඇදුම, නාසයේ දුගඳ, මලබද්ධය, වාත, පිපාස වමන කාශ ස්වාස යන සියලුම විෂ දුර්ගුණ සමනය කරන ගුණ ප්‍රකාශිතයි. ස්වභාවික කස්තුරිවල පවතින පිංගල භාකෘෂණ (කළු සුදු එක්වූ වර්ණය) සුගතබව කටු තිත්ත බව මෘදුබව වන් ලක්ෂණ කෘත්‍රිම කස්තුරිවල ද පවතින නිසා ස්වාභාවික කස්තුරි යැයි හඳුනා ගත යුතු නොවේ.

ඈත අතීතයේ සිට නියම මෘගවද හඳුනා ගැනීමට ක්‍රම කිහිපයක් තිබුණි. පිරිසිදු වතුර බඳුනකට (මෘගමද = කස්තුරි) මිලිග්‍රෑම් දාහක් පමණ දැමූවිට එය දිය නොවී පවතී ද ජලයේ - ස්වභාවය නොවෙනස්ව පවතී ද එය නම් නිවැරදිව කස්තුරි වෙයි. දෙවැනි ක්‍රමය ගිනි ගැන්වූ විට නොපිළිස්සී පවතී නම් තද නොවී දියවී බුබුළු නැගේ නම් එය ස්වාභාවික මෘගවද වන්නේය. තවත් ක්‍රමයකට නිවැරදිතාව තහවුරු කිරිමට මහපොළවේ වළලා තබා ගොඩගත් කල එහි තිබෙන සුවඳ හා පැහැය නොවෙනස්ව පවති නම් එය ස්වභාවික කස්තුරි ම වන්නේය. කස්තුරි මල්ලිකා කස්තුරි මෘර්ගාන්ඩජ කස්තුරිකා කස්තුරි මෘර්‍ගමද යනුවෙන් නම් කරන්නේ කස්තුරිමයි.

මේ මහඟු ඖෂධය සිය නිවසේ සුරක්ෂිතව තිබේ නම් ශ්‍රියාකාන්තාව නිවහනේ වැඩසිටුනා සේය. වාසනාව ළඟාවූවාසේ සැප සම්පත් බහුල වෙයි.

දළ දෙකක් සහිතව කෙටි අං හා පිරුණු මසින් යුතු කස්තුරි මුව පොව්වා කාබන්ඩයින්, ට්‍රයින්කුයින්, හස්කස්, වෙරිකෝසර්සියන් හා සයිබීරියන් ලෙසින් හඳුන්වයි. හෘදය උත්තේජන කරන බලයක් ඇති බැවින් මේ ඖෂධය අමාවක් වන්නේය. මොළයේ විකෘතිතා, මස්තිස්කයේ දුර්වලකම් පක්ෂාඝාතය මීමැස්මොරය හා උන්මාද වැනි මානසික රෝග අවස්ථාවලදී ප්‍රයෝගකර සුවය ලබා දීමටද සමත් වෙයි.

-උපුටා ගැනිමකි-
ස්තුතියි මුල් අයිතිකරුට

08/02/2023

දුම්රියක් ආසන්නයේදි, දුම්රිය හරස් මාර්ගය හරහා ගමන්කරන මෝටර් රථ හදිසියේ නතර වන්නේ ඇයි? 🚂

ඈතින් කෝච්චියක් එන වෙලාවට රේල් පාර හරහා යන වාහන වල එන්ජින් හරියටම රේල් පාර මැදදිම හදීසියේම නතරවෙලා ආපහු එන්ජින් එක පණගන්වගන්න වත් බැරුව වාහන දුම්රියට අහුවෙලා සිදුවෙන අනතුරු ගැන ඔයාලා අහල ඇති. සමහරවිට දැකලත් ඇති. ඒ ජාතියෙ අනතුරු තරමක් සුලභයි. ඒත් ඇත්තටම එහෙම වෙන්නෙ ඇයි??
දැන් අපි ඒගැන කතා කරමු.
ඒවගේ අනතුරක් සිදුවුන තැනක හිටපු ගොඩක් අයගේ එවෙලාවට අදහස වෙන්නෙ දුම්රිය එන්ජින් එකෙන් නිකුත් වෙන චුම්භක ක්ෂේත්‍රය (magnetic field) නිසා වාහන වල එන්ජින් අක්‍රිය වෙන බවයි.

නමුත්, මේ ගැන කියන්න කලින් කෝච්චි එන්ජින් එකක් වැඩ කරන හැටි පොඩ්ඩක් බලල ඉමු.
======================

කෝච්චියේ එන්ජින් එක කියන්නෙ හරියට ජංගම විදුලි බලාගාරයක් වගේ එකක්... මොකද මේක ඇතුලෙ එන්ජින් එකකට වඩා එහාට ගිය ගොඩක් උපාංග තියෙනවා...

සාමාන්‍ය එන්ජින් එකක් සහ ගියර් පද්ධතියක් කෝච්චියකට හරියන්නෙ නෑ... වැඩි rpm එකකදි එන්ජින් එක පුපුරල යන්න උනත් පුළුවන්... මේකට උත්තරේ තමයි විදුලියෙන් රෝද කරකැවීම... ඒ කියන්නෙ මෝටර් වලින්...

කෝච්චියෙ locomotive එකේ නැත්තං සාමාන්‍ය භාෂාවෙන් engine compartment එක ඇතුලෙ තියෙනවා ලොකු අභ්‍යන්තර දහන එන්ජින් එකක්... මේක ඩීසල් වලින් වැඩ කරන්නෙ... කිලෝමීටර් 1ක් යන්න ඩීසල් ලීටර් 5ක් විතර යනවා... ඔය එන්ජින් එකට සව් කරල තියෙනවා විශාල ජෙනරේටරයක්... ඔය ජෙනරේටරයෙන් නිපදවන AC විදුලිය ඊළඟට යන්නෙ ට්‍රාන්ස්ෆෝමරයකට... ට්‍රාන්ස්ෆෝමර් එකෙන් අවශ්‍ය වෝල්ටීයතාවය හැදුවට පස්සෙ තමයි rectifiers වලට යන්නෙ... එතනදි තමයි මේ AC විදුලිය DC බවට පරිවර්තනය වෙන්නෙ...

ඊළඟට මේ DC විදුලිය නැවත ඉන්වර්ටරයක් හරහා AC බවට පත් කරලා කෝච්චියෙ රෝද වලට සවි කරල තියෙන Traction Motors කියන මෝටර් වලට ලබාදෙනවා... ඒ මෝටර් වලින් තමයි කෝච්චියෙ රෝද කැරකිලා කෝච්චිය ඉස්සරහට යන්නෙ... මේ අභ්‍යන්තර කොටස් සිසිල් කරන්නෙ විශාල රේඩියේටර් පද්ධතියකින්... ඉතින් ඩීසල් දුම්රයක් කියල හිතන් හිටියට ඕවා ඇත්තටම බැලුවොත් එක්තරා විදුලි දුම්රිය වර්ගයක්ම තමයි...

ලෝකෙ AC DC කියන වර්ග දෙකේම දුම්රිය පාවිච්චි වෙනවා... අඩු නිෂ්පාදන පිරිවැය හා පහසුවෙන් වැඩි ව්‍යාවර්තයක් ලබාගැනීමේ හැකියාව වගේ හේතු කිහිපයක් නිසා ලංකාවෙ ඉස්සර පාවිච්චි වුණේ DC විදුලියෙන් පණගැන්වෙන දුම්රිය... හැබැයි 2000න් පස්සෙ වගේ නම් ලංකාවට ආපු ඔක්කොම වගේ අළුත් තාක්ෂණයේ AC විදුලියෙන් ක්‍රියාත්මක දුම්රිය...

======================
1. දැන් අපි ආපහු අපේ මාතෘකාවට එමු. ඔය මෝටර් ජෙනරේටර් නිසා ඔය කියන ජාතියෙ විද්‍යුත් චුම්භක ක්ෂේත්‍රයක් ඇතිවෙන්න පුළුවන්ද????

කොහොමටත් බැහැ. ඕක තනිකරම මිත්‍යා මතයක්!!

දුම්රිය එන්ජින් කොටස් වලින් ඇතිවෙන විද්‍යුත් චුම්භක බලයට රේල් පාර අයිනෙ තියෙන මාලිමා දර්ශකයක් වත් හොලවන්න වත් බැහැ. කොටින්ම ඔය චුම්භක ශක්තිය මෝටරයෙ ඉඳල සෙන්ටිමීටරයක් දුරින් මැනල බැලුවත් බලාගන්න අමාරු වෙයි. ඒ තරම් පොඩියි. ඒ වගේම චුම්භක ශක්තිය ප්‍රභවයට ඇති "දුරේ වර්ගයට" ප්‍රතිලෝමව සමානුපාතිකයි. ඒ කියන්නෙ සෙන්ටිමීටරයක් දුරදි දැනෙන චුම්භක බලයෙන් 1/4යි සෙන්ටිමීටර් 2ක දුරකදි දැනෙන්නෙ. සෙන්ටිමීටර් 3කදි 1/9යි. ඉතින් හිතාගන්න පුළුවන්නෙ detect වෙන්න තරම් වත් චුම්භක බලයක් කෝච්චියකින් නිකුත් වෙන්නෙ නැති බව..

ඉතින් ඒ නිසා මේ වගේ චුම්භක මත ඔක්කොම ප්‍රතික්ෂේප කරන්න පුළුවන්.
======================

2. ඊළඟ මතය තමයි මේ චුම්භක බලය ඇතිවෙන්නෙ රේල් පාර මත කෝච්චි රෝද මගින් ඇතිවන පීඩනය නිසා නැත්තං යකඩ 2ක් එකට ගැටීම නිසා කියන එක.

යකඩ 2ක් ගැටුණම ඔහොම කාන්දම් බලයක් ඇතිවෙනව නම් මුලින්ම කාන්දමක් බවට පත්වෙන්නෙ කෝච්චි එන්ජින් එක. එහෙනම් අහල පහල තියෙන ඔක්කොම යකඩ කෑලි ඇවිත් කෝච්චි එන්ජින් එකේ ඇලෙයි. මේකත් බොහොම පහසුවෙන් ඉවත් කරන්න පුළුවන් මිත්‍යා මතයක්.
======================

3. කෝච්චි එන්ජින් එකේ සංඛ්‍යාතයට කාර් එකේ එන්ජින් කොටස් අනුනාදය වීම නිසා කාරයේ එන්ජිම ක්‍රියාවිරහිත වීම.

මොකක්ද අනුනාදය කියන්නෙ. අකුණු ගහද්දි ජනේල් වීදුරු දෙදරන්නෙ මෙන්න මේ සංසිද්ධිය නිසා. අකුණේ සංඛ්‍යාතය වීදුරු වල ස්වභාවික සංඛ්‍යාතයට සමාන වුණාම වීදුරුවත් එලෙසම කම්පනය වෙන්න පටන්ගන්නවා. ඔය සංසිද්ධියට තමයි සරලව අනුනාදය කියන්නෙ. ඒකෙ අවසන් ප්‍රතිඵලය තමයි වීදුරුව කුඩුවෙන එක.
ඉතින් ඒ වගේම කෝච්චි එන්ජින් එකේ සංඛ්‍යාතයට කාර් එකේ එන්ජින් කොටස් අනුනාදය වෙන්න පුළුවන්ද?

නිකමට හිතල බලන්න එහෙම වෙනව නම් රේල් පාරට සමාන්තරව තියෙන පාරවල් වල යන වාහන වලටත් ඔය දේම වෙන්න ඕන නේද? කෝච්චිය ගියාට පස්සෙ රේල් පාර හරහා යන වාහන වලටත් ඔය දේම වෙන්න ඕන නේද? කෝච්චිය යනකන් රේල් පාර අයිනෙ නතර කරල තියෙන වාහන වලටත් ඔය දේම වෙන්න ඕන නේද? ඒත් ඔය එකක් වත් වෙන්නෙ නැහැනෙ. ඉතින් මේ අනුනාද කතාවත් බැහැර කරන්න සිද්ධවෙනවා.

එහෙම අනුනාදයක් නිසා එන්ජින්/ පිස්ටන් නවතිනව නම් මුලින්ම නවතින්නෙ කෝච්චි එන්ජින් එක ඇතුලෙම කොටස් ටික.

මේ වගේ මිත්‍යා මත ඕන තරම් තියෙනවා. මේ ඔක්කොම මිත්‍යා මත නම්...
මොකක්ද ඇත්ත හේතුව??
======================

සාමාන්‍යයෙන් රියදුරෙක් දුම්රිය මාර්ගය හරහා වාහනයක් ධාවනය කරන්නෙ ඉතාම සෙමින්. ලංකාවෙ ගොඩක් rail crossings වලදි රේල් පාර තියෙන්නෙ මහා මාර්ගයට වඩා තරමක් උසින්. ඉතින් රේල් පාර හරහා යනවා කියන්නෙ පොඩි කන්දක් නැගල පල්ලමක් බහිනව වගේ වැඩක්. මැනුවල් වාහන ධාවනය කරල තියෙන අය අත්දැකීමෙන්ම දන්නවනෙ කන්දක්/ගැට්ටක් උඩට ඉතාම සෙමින් වාහනය ධාවනය කරන එක තරමක් අසීරු ක්‍රියාවක් බව. Clutch balancing එච්චර හොඳ මට්ටමක නැති කෙනෙකුට නම් මේක එච්චර ලේසි වැඩක් නෙමෙයි. පොඩ්ඩක් වැරදුන ගමන් වාහනයේ එන්ජින් එක නතර වෙනවා. ඉතින් ඔය හේතුව හෝ වෙනත් ඕනම අහඹු හේතුවක් නිසා දුම්රිය මාර්ගය මතදි වාහනයේ එන්ජින් එක නතර වෙන්න පුළුවන්.

එතකොට ආපහු start කරගන්න බැරි වෙන්නෙ ඇයි?
======================

ඒකට හේතුව නම් හරිම සරළයි. වෙන මොකක්වත් නෙමෙයි බය නිසයි එහෙම වෙන්නෙ. එන්ජින් එක නැවතුන වාහනයක් ඇතුලෙ හිරවෙලා ඉන්නකොට තමන්ගෙ පැත්තට කෝච්චියක් එනව දැක්කම ඒ වෙලාවට මොන clutch balancing ද ඉතින්? සමහර අයට මේ කලබල වීම නිසා එන්ජින් එක ස්ටාට් කරගන්න වෙන්නෙ නෑ. දැන් පැහැදිලියිනෙ හේතුව?

ඊට අමතරව අබලන් කාබියුරේටර් සහිත පැරණි වාහනත් රේල් පාර මතදි අඩු වේගය නිසා air intake එක අඩුවීමෙන් නතර වෙන්න පුළුවන්.

ඇමරිකාවෙ කරපු සමීක්ෂණයකට අනුව මෙහෙම අනතුරට පත්වෙන අයගෙන් 75%ක් විතර පිරිමි පුද්ගලයන්. ඒකට හේතුව ඔවුන් අනවශ්‍ය අවදානමක් අරන් කෝච්චිය පෙනි පෙනී රේල් පාර හරහා වාහනය ධාවනය කිරීමට උත්සාහ කිරීම.

ඉතින් හදීසි වෙලා කෝච්චියට කලින් රේල් පාර හරහා ගිහින් ඉතුරු කරගන්න විනාඩියෙන් දෙකෙන් ලංකාවෙ මිනිස්සු ගන්න කෙහෙල්මල් ප්‍රයෝජනයක් නැති නිසා මගේ නම් උපදෙස මේ වගේ අනවශ්‍ය අවදානම් අරගන්නෙ නැතුව කෝච්චිය යනතුරු පොඩි වෙලාවක් ඉවසන්න කියන එකයි. නැත්තං ඔබට ඔබේ නොවටිනා ජීවිතය වගේම දුම්රිය මගීන් දහස් ගණනකගේ වටිනා කාලයත් නාස්ති වෙලා යන්න පුළුවන්.

උපුටාගැනීමකි..
©️කතෘ අයිතිය : Rehan Mendis