28/05/2023
خيرپور:27 مئي بروز ڇنڇر 2023
خيرپور: نواب علي وساڻ جا خيرپور جي مختلف علائقن جا طوفاني دورا ڪري شهرين، ڪارڪنن سان تعزيتون ڪيون،
نواب علي وساڻ خيرپور جي ڳوٺ وارث ڳنڀير پهچي نجيب الله ڳنڀير سان چاچي جي وفات تي تعزيت ڪئي.
جڏهن ته خيرپور شهر ۾ سید ظفر شاہ، سید سڪندر شاہ، سید مشتاق شاہ، سید احسان شاہ، سید منظور شاہ جن سان تعزيت ڪئي. جڏهن خيرپور شهر ۾ باهه لڳڻ سبب فوت ٿي ويل پنج ڄڻن جي وارثن ظهير احمد شيخ، احسان علي شيخ جن سان پڻ تعزيت ۽ گهري ڏک جو اظهار ڪيو.
اُن موقعي تي نواب علي وساڻ چيو ته چيئرمين بلاول ڀٽو زرداري جو ڀارت جو ڪامياب دورو ڀارتي وزيراعظم نريندر مودي جي منھن تي چماٽ آهي، چيئرمين بلاول ڀٽو زرداري ڪشمير جي عوام مقدمو وڙهي ثابت ڪيو آهي ته پاڪستاني عوام ڪشميري عوام سان ڳڏ آهي، نواب علي وساڻ وڌيڪَ ڳالھائيندي چيو ته پاڪستان پيپلزپارٽي جي وڌندڙ مقبوليت ڏسي تحريڪِ انصاف سميت ٻين سياسي شخصيتون صدر آصف علي زرداري، چيئرمين بلاول ڀٽو زرداري تي اعتماد ڪندي پي پي پي ۾ شموليت ڪري رهيا آهن، انشالله اُھو ڏينھن پري ناهي جڏهن بلاول ڀٽو زرداري کي هن ملڪ جو وزير اعظم بڻائينداسين، نواب علي وساڻ وڌيڪ چيو ته سنڌ حڪومت عوام جي فلاح بهبود جي لاء پروگرام آڻي رھي آھي ته جيئن غريبَ عوام کي رليف ملي سگهي
Nawab Ali Wassan