15/10/2022
रुस–युक्रेन युद्धले तेस्रो विश्वयुद्ध निम्त्याउँदैछ ? ‘न्यूक्लियर बम’ प्रहारको तयारी !
रुस र युक्रेनबीचको युद्ध झन्झन् चर्किंदै गएको छ । पछिल्लो समय क्रिमिया पुलमा गराइएको बिस्फोटपछि युद्धले गम्भीर मोड लिएको छ ।
अन्तर्राष्ट्रिय सञ्चारमाध्यमका अनुसार रुसी राष्ट्रपति भ्लादिमिर पुटिनले नेटोको सीमा क्षेत्रनजिकै ११ न्यूक्लियर बम्बर्स तैनाथ गरेका छन् । न्यूक्लियर बमलाई अत्यन्तै हानिकारक मानिन्छ ।
यसैबीच राष्ट्रपति पुटिनले तेस्रो विश्वयुद्धको धम्की समेत दिएका छन् । यतिबेला विश्वशक्ति राष्ट्रमध्ये अमेरिका युक्रेनको पक्षमा छ भने चीन रुसनजिक देखिएको छ । भारत पक्ष/विपक्षमा उभिएको छैन ।
अमेरिकी एजेन्सीले स्याटेलाइटबाट लिएको तस्वीरमा रुसले न्यूक्लियर बम्बर्स तैनाथ गरेको देखिएको जनाइएको छ । नर्वेको सीमा क्षेत्रमा रुसले परमाणु हतियार प्रहार गर्नसक्ने गरी तयारी गरेको छ ।
पश्चिमा देशलाई तर्साउन पुटिनले बम बर्साउन सक्ने अन्तर्राष्ट्रिय सञ्चारमाध्यममा चर्चा छ । क्रिमिया पुलमा हमलापछि रुसले तेस्रो विश्वयुद्धको चेतावनी दिएको छ भने युक्रेनका शहरमा १०० भन्दा बढी मिसाइल प्रहार गरेको छ ।
