Trend - Entertainment

10/10/2022

23/02/2022

မိတ်ဆွေတို့ သတိမထားမိ​သေးသော
စက်ဘီးစီးခြင်း၏ ကောင်းကျိုးအဖြာဖြာ

07/02/2022

Aluminum Box vs Prank Dog Very Funny 🤣🤣🤣🤣

07/02/2022

Troll Prank dog & fake Lion and Fake Tiger Prank To dog | Videos Troll 2021

07/02/2022

Dogs Pranks!!! Fake Tiger Prank🤣🤣🤣

30/01/2022

What a idea 🔥

02/03/2020

ရိဒ်ရေကန်

ရိဒ်ရေကန် (အင်္ဂလိပ်: Rih Lake; အင်္ဂလိပ် အသံထွက်: /rìʔ/ ) သည် မြန်မာနိုင်ငံ၊ ချင်းပြည်နယ်၊ ဖလမ်းမြို့နယ်တွင် တည်ရှိသည့် အသည်းပုံသဏ္ဌာန် ရေကန်တစ်ခု ဖြစ်သည်။

ရိဒ်ရေကန်

တည်နေရာ
ချင်းပြည်နယ်၊ မြန်မာနိုင်ငံ

ကိုဩဒိနိတ်
23°20′24″N 93°23′06″E / 23.340°N 93.385°E

အမျိုးအစား
သဘာဝ

ရေချိုင့်ဝှမ်းရှိရာ နိုင်ငံများ
မြန်မာနိုင်ငံ

အကျယ်ဆုံး အလျား
၁ mi (၁.၆ km)
အကျယ်ဆုံး အနံ
၀.၅ mi (၀.၈၀ km)

ရိဒ်ရေကန်
(၁)တည်နေရာ

ရိဒ်ရေကန်ကြီး၏ တည်နေရာမှာ မြန်မာနိုင်ငံ၏ အနောက် မြောက်ဖက်ဒေသ၊ ချင်းပြည်နယ်၏ အနောက်မြောက်ဖက် အစွန်းတွင် တည်ရှိသည်။ အထူးသဖြင့် အိန္ဒိယ - မြန်မာ နယ်စပ် နှင့်ပို၍ နီးသည်။ နယ်စပ် မျဉ်းနှင် ၂ မိုင်သာဝေးသည်။ ပင်လယ်ရေမျက်နှာပြင်အထက်ပေပေါင်း ၂၉၆၆ပေအမြင့်တွင် ထူးခြားစွာဖြစ်ပေါ်နေသော ရေကန်ဖြစ်သည်။ အိန္ဒိယနိုင်ငံဘက် ကြံဖိုင်းမြို့ နှင့် မိုင် (၂၀) ဝေးပြီး မီဇိုရမ်ပြည်နယ်ရှိ မြို့တော် အိုက်ဇောနှင့်လည်း မိုင်(၁၃၀) သာဝေးသည်။ သို့အတွက် ရိဒ်ရေကန်ကြီးသို့ လာရောက် လည်ပတ် သူများမှာလည်း အိန္ဒိယနိုင်ငံ ဘက်မှသာ များသည်။

(၂)လမ်းပန်းဆက်သွယ်ရေး

မြန်မာနိုင်ငံ၊ ကလေးမြို့မှ တစ်ဆင့် ချင်းတောင်တန်းကြီး၏ အမြင့်ဆုံးနေရာဖြစ်သော ကနေဒီတောင် (၈၈၇၀) ပေအမြင့်ကို အဆင့်ဆင့်ကျော်ဖြတ်ပြီးမှ မိုင် (၆၀) နီးပါးဝေးသော တီးတိန်မြို့ကို ရောက်မည်ဖြစ်သည်။ တီးတိန်မြို့မှတဆင့် မဏိပူရမြစ်ကို ဖြတ်ကျော်ဆောက်လုပ်ထားသည့် မံဆောင်းကြိုးတံတားကို ဖြတ်သန်းသွားကာ တီးတိန်မြို့မှ (၃၂) မိုင်ခန့်အကွာရှိ ရိဒ်ရေကန် (Rih Lake) ရှိသော ရိဒ်ခေါဒါရ်မြို့ကလေးကို ရောက်ရှိနိုင်သည်။

ရိဒ်ရေကန်သို့ အများဆုံး လာရောက်ကြသည်မှာ အိန္ဒိယနိုင်ငံဘက်မှ ဖြစ်သည်။ ၎င်းတို့အနေဖြင့် ထိုသို့ အလာများရသည်မှာ "၎င်းတို့၏ ဆွေမျိုး သားချင်းများ၏ ဝိညာဉ်များသည်လည်း ရိဒ်ရေကန်ကြီးတွင် လာရောက်မှီခိုနေထိုင်ကြသည်" ဟူသော အယူအဆ တစ်ရပ် အရ အထွတ်အမြတ်ထားရာ နေရာအဖြစ် လာရောက် ကြခြင်းဖြစ်သည်။ သို့ရာတွင် ယခုအခါတွင်တော့ ရိဒ်ရေကန်ကြီးအတွင်း အပျော်စီးလှေများ စီးနင်းနိုင်အောင် စီစဉ် ပေးထားခြင်းနှင့် ညအိပ် တန်းခိုနိုင် ရန်ပင် ဘန်ဂလိုများ စီစဉ်ပေးထား ခြင်းတို့ကြောင့် ရိဒ်ရေကန်ကြီးမှာ အပျော်စီး လှေလာရောက် စီးနင်းသည့် တောင်ပေါ် သားများနှင့် ပျားရည်ဆန်း ခရီးထွက်သူများ ဖြင့်ပါ စည်ကားနေ လေ့ရှိပေသည်။

(၃)ပုံသဏ္ဌာန်နှင့် အနေအထား

ထိုမျှ ဒဏ္ဍာရီဆန်သော အတိတ်သမိုင်းများ ၊ ဆန်းပြားသော ယုံကြည်ချက်များနှင့် ထူးခြားချက်များနှင့် ပြည့်နှက်နေသော ရိဒ်ရေကန်ကြီးမှာ ပတ်လည် အကျယ် ၂.၅ မိုင်ရှိသော တောင်ပေါ် ရေကန်ကြီးတစ်ခု ဖြစ်သည်။ ထိုပတ်လည် အနားတစ်လျှောက်တွင်လည်း ဒေသခံတို့ကဝိညာဉ်ခြံစည်းရိုးပင် ဟုခေါ်ဆိုကြသည့် မိုးမခပင်များက ခြံစည်းရိုး ရှည်ကြီးသဖွယ် သဘာဝ အလျောက် စီတန်းကာ ပေါက်ရောက် နေပြန်ရာ အဆိုပါ မိုးမခ ပင်တန်းကြီးကို ချင်းလူမျိုးတို့က (၎င်းတို့၏ ယုံကြည် ချက်အရ ဝိညာဉ် ခြံစည်း ရိုးဟု ကင်ပွန်း တတ်ထားကြ လေသည်။) အိုင်၏ဧရိယာအကျယ်အဝန်း ၈၃၂ ဧက ရှိသည်။ ကန်အတွင်း ရေပြင်၏ ပျှမ်းမျှ အနက်မှာပေ (၅၀) ရှိပြီးအနက်ဆုံး နေရာများ တွင်မူ ပေ (၆၀) အထိ ရှိသည်။ ရေအရောင်မှာ ပြာလဲ့လဲ့ရှိပြီး ကန်အတွင်းတွင် ကြာဖြူ ၊ ကြာနီ နှင့် ဗေဒါများ ဖူးပွင့်နေလေ့ရှိသည်။ အလားတူပင် ရေကန်ပတ်လည်ရှိ မိုးမခပင်များ ထက်တွင် လည်း သစ်ခွပင်များ ပေါက် ရောက်နေပြန်ရာ ရိဒ်ရေကန်ကြီးမှာ တောင်ပေါ်ဒေသမှ စာပန်းချီခြယ်သ မကုန်နိုင်သည့် ရှုခင်းကြီး တစ်ခုသဖွယ် ဖြစ်နေ ပါတော့သည်။

(၄)ဒဏ္ဍာရီဆန်သော ဖြစ်တည်မှုသမိုင်း

ရိဒ်ရေကန်ကြီး၏ ဖြစ်တည်မှု သမိုင်းကား အလွန်ပင် ဒဏ္ဍာရီဆန်လှသည်။ သို့ရာတွင် ထိုသို့ ဒဏ္ဍာရီ ဆန်လွန်းလှသည့်တိုင် အဆိုပါ ဖြစ်တည်မှု သမိုင်းကို တော့ ချင်းလူမျိုးတို့က ယနေ့တိုင် အခိုင်အမာ ယုံကြည်နေ ကြဆဲဖြစ်သည်။ အဆိုပါ ဖြစ်တည်မှု ဒဏ္ဍာရီကြီး၏ အစကား လွန်ခဲ့သော နှစ်ပေါင်း ငါးရာကျော် ၊ ခြောက်ရာ နီးပါး ကာလ၊ မီဇို ချင်းလူမျိုးတို့၏ အခြေချ နေထိုင် ခဲ့သည့် အချိန်မှ ပင်ဖြစ်ပေသည်။ ချင်းအနွယ်ဝင် မီဇိုလူမျိုးနှင့် ဟွာလ်ငိုး (Hualngo) နွယ်ဝင် တို့သည် ၁၄၅၀ ခုနှစ်ခန့် မှစတင်၍ ချင်းတောင်တန်း ပေါ်တွင် မြို့ပြ တည်ထောင်ကာ အခြေချ နေထိုင် ခဲ့ကြသည်။ ဤ သို့နေထိုင် လာခဲ့ရာမှ တစ်နေ့သော အခါတွင်မူ ဒုတိယမြောက် ဆွေးပွီးမြို့သူကြီး ဟွာထန် (Huathana) သည် အိပ်မက်တစ်ခုအား မြင်မက်လေတော့သည်။ ယင်း အိပ်မက်တွင် မုတ်ဆိတ်မွေး ဖားဖားနှင့် အလွန်တရာမှပင် ကျက် သရေ ရှိလှသော နတ်မင်းကြီး တစ်ပါးက ဟွာလ်ထန်အား ကိုယ်ရောင်ပြပြီး " ငါသည် ဝိညာဉ်စောင့်နတ်မင်းကြီး ပူးရိဒ် ဖြစ်ပေသည်။ သင်တို့၏ ဝိညာဉ်များ အားစောင့်ရှောက်ရန်အလို့ငှာ ငါသည် နွားနောက်ဖြူ အသွင်ဖန်ဆင်းကာ ကောင်းကင် ခရီး ဖြင့်လာခဲ့ရာ သင်တို့၏ သင်တို့အရပ်၏ အနောက် မြောက်ဖက်ခရီး အတန်ငယ်ဝေးသော နေရာတွင် နေရာတစ်ခုကို တွေ့ရှိခဲ့ပေသည်။ ငါသည် ထိုနေရာ၌ စံစားနေထိုင်ရန် အလို့ငှာ ထိုနေရာအား လူတို့၏ အသည်းနှလုံးပုံ တိတိကျကျ ရှိသော ရေအိုင်ကြီးတစ်ခု အဖြစ်ဖန်ဆင်းလိုက်ပေသည်။ ထိုရေအိုင်ကြီး တွင်ယနေ့မှ စ၍ ငါကိုယ်တော်စံစားမည် ဖြစ်သလို .. သေသောသူအားလုံးတို့၏ ဝိညာဉ်များသည်လည်း မဖြစ်မနေ ငါထံသို့ လာကြရပေမည် " ပြောဆိုမိန့်ကြားသွားခဲ့လေသည်။ ထိုအိပ်မက်အရ ဟွာလ်ထန်သည် သူ၏ မူးမတ်များအား လွှတ်၍ ရေအိုင်ကြီးကို ရှာဖွေစေခဲ့ရာ ခုနှစ်ရက်တိတိ ပြည့်မြောက်သော နေ့မှာပင် ထိုရေအိုင်ကြီးအား တွေ့ရှိခဲ့ပြီး ယင်းသို့တွေ့ရှိချိန်မှ အစပြု၍ ထိုရေကန်ကြီးအား ရိဒ်ရေကန် (RIH-DIL) ဟုခေါ်ဆို ကြလေသည်။ ရိဒ်ဆိုသည်မှာ ရိဒ်နတ်မင်းကြီးအား ကိုယ်စားပြုပြီး (DIL) မှာရေကန်ဟု အဓိပ္ပါယ် ရလေသည်။ ဆိုလိုရင်းမှာ ရိဒ်နတ်မင်းစံစားရာ ရေအိုင်ပင်ဖြစ်လေသည်။

(၅)ရိုးရာစစ်ချီတေးမှလာသော

ရိဒ်ရေကန်နှင့်ပက်သက်သော အထက်ပါပုံပြင်သည် နောက်မှဖြစ်လာသည့် ဒဏ္ဍာရီပင်ဖြစ်သည်။ သို့သော် ယနေ့တိုင် သီဆိုလျက်ရှိနေသေးသော ရိုးရာစစ်ချီတေးအရ၊ "ရိဒ်" ဟူသော ဝေါဟာရသည် "သျှရိ" ဟူသော စကားမှရွှေ့လျော့လာခြင်းပင်။ ယနေ့တွင် ချင်း (ဇိုမီး) ဟုတွင်သောတိုင်းရင်းသားတို့၏ ရှေးဘိုးဘေးများ၊ ဤဒေသ၌စတင်အခြေချစကာလတွင် အဝေးမှကြည့်လျှင် နွားနောက်ဦးချိူပုံပေါက်နေသည်ကို အကြောင်းပြုလျက် "ရှာလ်ကီးဒူလ်" ဟူ၍လည်းကောင်း၊ သမိုင်းတင်ထင်ရှားသောပုရောဟိတ် ဂါလ်ငါမ်ကို အစွဲပြုလျက် "ဂါလ်ငါမ်သွီးလီ" ဟူ၍လည်းကောင်း၊ မိုဃ်းကျရေပြင်ဟုဆိုလိုသည့် "ဗန်ကဲ့သွီးလီ" ဟူ၍လည်းကောင်း အသီးသီးခေါ်ဆိုခဲ့ကြသည်။[၁] ဂွီးသဲနယ် တောင်ပိုင်မင်းကြီးမာန်ဆူမ်း၏ ညီတော်ထွေး၏ အမွေပိုင်မြေအစိပ်အပိုင်းဖြစ်သည်။ ဤဒေသတွင် အခြေချကြပြီး မျိူးဆက်နှစ်ဆက်အလွန်တွင် မြစ်ညှာဖက်မှ မျက်နှာမည်း (ဘင်္ဂလီကုလားများဖြစ်တန်ရာ၏) များသည် တိုင်အိုချောင်းရိုးအတိုင်း စုန်ဆင်းလာပြီး၊ ဤရေကန်၏ ပတ်ပတ်လည်လည်တွင် တောင်ယာခုတ်လျက်၊ ကျောက်ထရံများကို (ရဲတိုက်ကဲ့သို့) တည်ဆောက်လျက် အခိုင်အမာ အခြေချနေထိုင်လာကြသည်။ ရေကန်ကိုလည်း "သျှရိ" ဟုသမုတ်လျက်၊ နတ်စင်တင်ပူဇော်ကြသည်။ ထို့ကြောင့် ဂွီးသဲနယ်တောင်ပိုင်မင်းကြီး မာန်ဆူမ်းက အခွန်တော်ပေးပို့ရန် အကြိမ်ကြိမ်ရာဇသံပေးပို့ရာ၊ နာခံခြင်းမရှိရုံမျှမက ၎င်းကာလ ဂွီးသဲနယ်၏ အိမ်တော်နန်းစိုက်ရာ ကျိမ်နွဲမြို့၏ ခံတပ်မြို့တခုဖြစ်သော ဂဲလ်သွီးကို ထိပါးလာကြသည်။ ထို့ကြောင့်၊ "တောင်စဉ်သုံးခုပိုင် ဂွီးသဲမင်းညီနောင်သုံးဖော် (Mualthum Kampau Guite Unau Thum)" ဟုထင်ရှားသော နောင်တော် ကျိမ်နွဲစား မာန်ဆူမ်း၊ ညီတော် သွဲ့ယွဲ-ဗန်းတဲ့စား ကူလ်ဂင်း (သူ၏သားတော် ဂင်းဒုန့်) နှင့် ညီတော်ထွေး လဲင်းတောင်စား နာ့ဆားဝ် (ကူလ်လိုင်)တို့သည် တပ်ပေါင်းစုကို စီစဉ်၍၊ ၎င်းမျက်နှာမည်းတို့အား တိုင်အိုမြစ်၏အနောက်ဖက်သို့ တိုက်ထုတ်ချေမှူန်းခဲ့ကြသည်။[၂] ၎င်းစစ်ဆင်ရေးတွင် သွဲ့ယွဲ-ဗန်းတဲ့စား ကူလ်ဂင်း၏ ဒုတိယသားတော် (အိမ်ရှေ့စံ ဂင်းဒုန်၏ညီတော်) ဇွန်ဟောက်၊ ရှေ့တန်းစစ်မျက်နှာပြင်တွင် တိုက်ပွဲကျအသက်စတေးခဲ့သည်။ ၎င်းကို အမှတ်ပြု ရေးစပ်သော စစ်ချီတေးကို ဗန်းတဲ့ရွာတွင် ရိုးရာပွဲများကျင်းပတိုင်း သီဆိုလေ့ရှိကြသည်မှာ ယနေ့တိုင်ဖြစ်လေသည်။

(၆)ချင်းလူမျိုးတို့၏ ယုံကြည်မှု

ရိဒ်ရေကန်ကြီးနှင့် ပတ်သက်ပြီး မီးဇိုချင်းများက လူတစ်ယောက် သေဆုံးသွားသည့် အခါတွင် ထိုသေဆုံးသူ၏ ဝိညာဉ်သည် ဘဝတစ်ပါးသို့ ကူးပြောင်း နိုင်ရန် နောက်ဆံတင်းစွာဖြင့် ရိဒ်ရေကန် သို့လာကြရပြီး ရေကန်သို့ ရောက်သောအခါမှ လုံးလိုသွေး (Longlotui) ခေါ် အတိတ်ဘဝ မေ့စေနိုင်သည့် စမ်းရေကြည်ကို သောက်ကာ ဟိုလ်လိုပါးရ် (Hoilopar) ခေါ် နောက်မလှည့်ပန်း ကို ပန်ဆင်ကြရသည်။ ထိုအခါ တွင်မှသေသူ၏ ဝိညာဉ်များမှာ အတိတ်ဘဝအား တမ်းတစိတ် များပျောက်ကွယ်ကာ ဘဝသစ်သို့ ကူးပြောင်း သွားနိုင်ရန် အတွက် ရေကန်ကြီး အတွင်းသို့ စိတ်ဖြောင့် လက်ဖြောင့် ဆင်းသွားနိုင်ကြသည်ဟု ယုံကြည်ထားကြည် ထားကြသည်။ အဆိုပါယုံကြည်မှု အရလည်း ချင်းလူမျိုး တို့မှာ ပွင့်လင်းရာသီရောက်တိုင်း ရိဒ်ရေကန်ကြီးသို့ လာရောက် လည်ပတ်ကာ ရက်လည် ၊ နှစ်လည်ပွဲကဲ့သို့သော နာရေးပွဲများကို ကျင်းပလေ့ရှိသည်။ ယင်းပွဲများတွင် ဘုန်းတော်ကြီးများက ရေကန်တွင်းမှကို လက်ခုပ်နှင့် ခပ်ကာ သရဇ္ဇယ် ကြလေ့ရှိပြီး ကန်အတွင်းသို့ ငွေအကြွေစများ နှင့်အမွှေးနံ့သာများ ပက်ကြဲကာ ရေကန်အနီးရှိ အရိပ်ကောင်းသော ညောင်ပင်ကြီးအောက်တွင် တရားပေးလေ့ရှိကြသည်ဟု ဆိုသည်။

(၆)ထူးခြားချက်များ
ကမ္ဘာအဝှမ်းတွင် ရှိရှိသမျှသော ရေကန်များအနက် အသည်းပုံစစ်စစ် ရှိသည့် တစ်ခုတည်းသော ရေကန်ဖြစ်သည်။ အမြင့်ပေ (၁၉၀၀) ကျော်သော တောင်တန်းပေါ်တွင် တည်ရှိသည့် ရေကန်လည်းဖြစ်သည်။ ထိုအချက်များထက် ပို၍ထူးခြားသည်မှာ ချင်းပြည်နယ်၏ မြို့တော် ဖြစ်သော ဟားခါးတွင် အပူချိန် (ရေခဲမှတ်အောက်) အနှုတ် (၃) ဒီဂရီရောက်နေချိန်၌ ရိဒ်ရေကန်ကြီးအတွင်း ထူးခြားစွာ အနွေးဓာတ်ရရှိနေခြင်းပင် ဖြစ်ပေသည်။ ထိုမှ တဖြန် အထူးခြားဆုံးဟု ဆိုရမည့်အချက်ကား ရိဒ်ရေကန်ကြီးအတွင်းသို့ ချောင်းရေ ၊ မြောင်းရေ လည်း စီးမဝင် ၊ မိုးလည်းမရွာသည့် ဒီဇင်ဘာလကုန်ပိုင်း နှင့် ဇန်နဝါရီ လဆန်းကဲ့သို့ ဆောင်းနှင်းထန်သည့် ကာလများတွင် ကန်ရေ ပြင်မှာ အလိုအလျောက် နောက်ကျိနေတတ်ခြင်းပင်ဖြစ်သည်။

to Myanmar Country
#ကျေးဇူးတင်ပါတယ် ခင်ဗျ

29/11/2019

ဒံပေါက် ခေါ် ဘရာနီ

ဒံပေါက် (အာရပ်: دم‌پخت‎) ခေါ် ဘရာနီ (သို့) biriani၊ berianiသည် ထမင်းအမျိုးအစား တောင်အာရှမှ စားဖွယ် တစ်မျိုးဖြစ်ပြီး ဟင်းခတ်အမွှေး အကြိုင်များ၊ အသား အမျိုးမျိုးနှင့် အရွက် အမျိုးမျိုးဖြင့် အဓိကချက်လုပ်သည်။

အီရန်နိုင်ငံတွင် စတင်ပေါ်ပေါက်ခဲ့သော်လည်း မူဆလင် ခရီးသွားများနှင့် ကုန်သည်များကြောင့် တောင်အာရှနှင့် အရှေ့တောင်အာရှ နိုင်ငံများသို့ ပျံ့နှံရောက်ရှိ လာခြင်းဖြစ်သည်။

အိန္ဒိယ၊ ပါကစ္စတန်၊ သီရိလင်္ကာ၊ အီရန်၊ အီရတ်၊ ဘင်္ဂလားဒေ့ရှ်၊ အာဖဂန်နစ်စတန်၊ မြန်မာ၊ မလေးရှား၊ အင်ဒိုနီးရှား၊ စင်္ကာပူ နှင့် ထိုင်း စသည့်နိုင်ငံများတွင် ဒံပေါက်မှာ လူကြိုက်များသော အစားအစားတစ်ရပ် ဖြစ်သည်။

မူရင်း ဘရာနီဟူသော အမည်မှာ ပါရှန်ဘာသာ beryā(n)(بریان) မှဆင်းသက် လာခြင်းဖြစ်ပြီး အကြော်(သို့)ပြုတ်ကြော် ဟုအဓိပ်ပယ်ရသည်။

အချို့ကမူ မချက်ခင် ကြော်ခြင်း ဟုလည်း ဆိုသည်။

ဒံပေါက်
BurmeseBiryani.jpg

အခြားအမည်များ
ဘရာနီ

အဓိကသုံးဆောင်မှု
နေ့လယ်စာ၊ ညနေစာ

မူရင်းနိုင်ငံ
အီရန်

ဖန်တီးသူ
မသိ

သုံးဆောင် အပူချိန်
အပူ

အဓိက ပါဝင်ပစ္စည်း
ဆန်၊ အသား၊ အရွက်

အသုံးပြုသောပစ္စည်းများ

ဒံပေါက်ချက်လုပ် ရာတွင် ယျေဘူရ အသုံးပြုသော ပစ္စည်းများမှာ ဘာစ်မတီဆန်၊ ဂီးထောပတ်၊ ပဲစိမ်း၊ ပဲ၊ ဇီရာစေ့၊ ဖာလာစေ့၊ လေးညှင်းပွင့်၊ သစ်ကြပိုးခေါက်၊ ကရဝေးရွက်၊ နံနံပင်၊ ပူဒီနာရွက်(mint)၊ ဂျင်း၊ ကြက်သွန်နီ၊ ကြက်သွန်ဖြူ တို့ဖြစ်ကြသည်။

အရည်အသွေးမြင့် ချက်လုပ်ရာတွင် ကုံကုမံ(saffron) အမည်ရှိ ဟင်းခတ်အမှမွှေးအကြိုင် ကိုအသုံးပြုသည်။ သက်သက်လွတ် မဟုတ်သော ဒံပေါက်များတွင် အသားအဖြစ် အမဲသား၊ ကြက်သား၊ ဆိတ်သား၊ သိုးသား နှင့် ပုဇွန်တို့ကိုပါ သုံးကြသည်။

ဒံပေါက်ကို ချပ်တနီး၊ မကျည်းအချဉ်ရည်၊ ဒိန်ချဉ်ဟင်း၊ အခြားအိန္ဒိယ အချဉ်ဟင်းအမျိုးမျိုး၊ ခရမ်းသီးချက်နှင့် ကြက်ဥပြုတ် တို့ဖြင့် တွဲဖက်စားသုံးလေ့ ရှိကြသည်။

ဒံပေါက်နှင့် pullaoတို့၏ အဓိကကွဲပြားပုံမှာ၊ ထမင်းနှင့် အသုံးပြုပစ္စည်းများကို ခွဲခြားချက်ပြုတ် ခြင်းနှင့် အတူတကွ ချက်ပြုတ်ခြင်းတို့ ဖြစ်သည်။

ဒံပေါက်ထမင်းအမျိုးမျိုး

အီရန်နိုင်ငံတွင် ဒံပေါက်မှာ Isfahanမြို့ထွက် အစားအစားဖြစ်ပြီး နုပ်နုပ်စင်း ထားသည့် သိုးသားနှင့်အဆုတ်မီးဖုတ် တို့ကို အထူးပြုလုပ်ထားသည့် ဒယ်အိုးပြားဖြင့် ချက်လုပ်သည်။

ထို့အပြင် ဒံပေါက်အား "nan-e taftton"အမည်ရှိ ပေါင်မုန့်ဖြင့်ပါ တွဲဖက်စားလေ့ရှိသည်။

ပါကစ္စတန်နှင့် အိန္ဒိယ မြောက်ပိုင်းတို့ရှိ ကရာချီမြို့နှင့် လားဟိုမြို့တို့တွင် ကြက်သားဒံပေါက်မှာ အထူးရေပန်းစားသည်။

အိန္ဒိယ Awadh ဒံပေါက်တွင် အာလူးပါ ပါဝင်ပြီး၊ Sindhi ဒံပေါက်မှာ ပါကစ္စတန်နိုင်ငံတဝှမ်းတွင် စားသုံးကြသည်။

အိန္ဒိယတောင်ပိုင်း မလာဘာဒေသ၏ မလာဘာကြက်သား ဒံပေါက်မှာလည်း အခြားဒေသများတွင်ပါ ကျော်ကြားသည်။

ထို့အပြင် သက်သက်လွတ်ဒံပေါက်အား Tahiriဟုခေါ်ပြီး အိန်ဒိယနှင့် ပါကစ္စတန်နိုင်ငံရှိ နေအိမ်များတွင် ချက်ပြုတ်စားသုံး ကြသည်။

ဘင်္ဂလားဒေ့ရှ်၊နိုင်ငံရှိ ထမင်းဆိုင်များ အားလုံးလိုလိုတွင် ကြက်သားနှင့် သိုးသားဒံပေါက် ရောင်းချကြသည်။

မြန်မာနိုင်ငံတွင် ဒံပေါက်ထမင်းကို ဘာစ်မတီဆန်အစား ပြည်တွင်းဖြစ် ဆန်ဖြင့်ချက်လုပ်သည်။ အခြားဒံပေါက်များနှင့် မတူသည့်အချက်မှာ ကြက်သားအား ထမင်းနှင့် တပါတည်း ရော၍ချက်လုပ်ပြီး သီဟိုဠ်စေ့နှင့် စပျစ်သီးခြောက် တို့ကိုလည်း အသုံးပြုခြင်း ဖြစ်သည်။

ထို့အပြင် ဒံပေါက်ထမင်းကို ကြက်သွန်၊ သခွါးသီး၊ ခရမ်းချဉ်သီး တို့ဖြင့် ပြုလုပ်ထားသော အချဉ်သုပ် ဖြင့်တွဲဖက် စားသုံးလေ့ ရှိသည်။

မြန်မာနိုင်ငံတွင် ဒံပေါက်ထမင်းသာ သီးသန့်ရောင်းချသော ဆိုင်မြောက်များစွာ ရှိပြီး၊ ယင်းတို့အနက် နီလာဒံပေါက်၊ ကြက်လျှာစွန်း ဒံပေါက်တို့မှာ အထူးထင်ရှားသည်။

ထို့အပြင် အလှူပွဲ၊ ရှင်ပြု၊ ဆွမ်းကျွေး စသည့်ဘာသာရေး၊ လူမှုရေး အခမ်းအနားများတွင်လည်း ဒံပေါက်ကြွေးသည့် ဓလေ့ရှိသည်။

ထိုင်းနိုင်ငံတွင် ဒံပေါက်မှာ ထိုင်းမူစလင် ဟင်းလျာအဖြစ် ထင်ရှားသည်။

Welcome to Myanmar Country
Like&share

18/10/2019

မင်္ဂလာပါ....... 💮💐🥀🌷🌺
မြန်မာ....🇲🇲🇲🇲

17/10/2019

ဒွေး (သရုပ်ဆောင်၊ အဆိုတော်)

ဒွေးသည် ရုပ်ရှင်သရုပ်ဆောင်၊ အဆိုတော် တစ်ဦးအဖြစ် ပရိသတ်အသိအမှတ်ပြု ခံရသူဖြစ်သည်။ ဒွေးကို အဖ ဦးတင်ထွန်းမောင်နှင့် အမိ ဒေါ်အေးအေးသင်းတို့ ရန်ကုန်မြို့တွင် မွေးဖွားပြီး မွေးချင်းများအနက် သားဦး ဖြစ်သည်။ အမည်ရင်းမှာ ထင်လင်း (ခ) သားကြီး ဖြစ်သည်။ ထင်လင်း (ခေါ်) ဒွေးသည် Y.I.T မှ အင်ဂျီနီယာဘွဲ့ရထားသူ တစ်ယောက် ဖြစ်သည်။ စက်မှုအင်ဂျင်နီယာတစ်ယောက် ဖြစ်သော ဒွေးသည် ဘွဲ့မရခင်ကတည်းက အနုပညာလောကထဲသို့ စတင်အခြေချခဲ့သည်။ သရုပ်ဆောင်လောကထဲသို့ မဝင်မီက အဆိုတော် ဖြစ်ချင်ခဲ့ပါသည်။ မမျှော်လင့်ပဲ ဦးလေးဖြစ်သူ ဦးကျော်ဟိန်းကြောင့် ရုပ်ရှင်ရိုက် ဖြစ်ခဲ့ပါသည်။ ရုပ်ရှင်လောကထဲသို့ နာမည်ရင်း ထင်လင်းအမည်နှင့် ပထမဆုံး ဝင်ရိုက်ခဲ့ပြီး နောက်ပိုင်းတွင် ဒွေးအမည်သို့ပြောင်းကာ ၁၉၉၃ ခုနှစ်တွင် ဒါရိုက်တာ ကျော်ဟိန်း၏ ဒုက္ခကို အရောင်ဆိုးတယ် အမည်ရှိ မူးယစ်ဆေးဝါးပညာပေး ဗီဒီယိုကားနှင့် ဝေလည်းမွှေး၊ ကြွေလည်းမွှေး ရုပ်ရှင်ကားမှာ ပရိတ်သတ်အသိများပြီး စတင်အောင်မြင်ခဲ့သည်။

ဒွေး

ကွယ်လွန် ၁၁ ဇူလိုင် ၂၀၀၇ ၊ဘောက်ထော်၊ရန်ကုန်။

ထာဝရ နားခိုရာနေရာ ရေဝေးသုဿန်၊ မြောက်ဥက္ကလာပမြို့နယ်၊

ရန်ကုန်တိုင်း
အခြား အမည်များ ထင်လင်း
အလုပ်အကိုင် သရုပ်ဆောင်၊အဆိုတော်
အိမ်ထောင်ဖက် မမိုးမိုး
ရရှိသည့်ဆုများ အကယ်ဒမီအကောင်းဆုံးအမျိုးသား
ဇတ်ဆောင်ဆု (၁၉၉၇)

ဒွေးသည် မပပဝင်း (ခ) မမိုးမိုးနှင့် အိမ်ထောင်ကျသည်။

ဒွေးသည် ဦးလေးဖြစ်သူ အကယ်ဒမီ ကျော်ဟိန်း၏ လမ်းညွှန် ဆွဲခေါ်မှုကြောင့် ရုပ်ရှင်လောကထဲတွင် အောင်မြင်ခဲ့သည်။ ဗီဒီယိုကားပေါင်းများစွာနှင့် ရုပ်ရှင်ကားပေါင်းများစွာ ရိုက်ကူးခဲ့သော စူပါမင်းသား တစ်ယောက်ဖြစ်လာခဲ့သည်။ ဒွေးသည် ၁၉၉၇-ခုနှစ်တွင် အမေ့ခြေရာဇာတ်ကားတွင် အမျိုးသားဇာတ်ဆောင်ဆု အကယ်ဒမီရရှိခဲ့သည်။ ရုပ်ရှင်ကြီးပေါင်းများစွာ၊ ဗီဒီယို ကားပေါင်းများစွာ၊ ကြော်ငြာများကိုလည်း ရိုက်ကူးခဲ့ပါသည်။ ထိုသို့ ရုပ်ရှင်လောကတွင် လျှမ်းလျှမ်းတောက် အောင်မြင်ခဲ့သလို ဂီတလောကတွင်လည်း အောင်မြင်နေသူ တစ်ယောက်ဖြစ်သည်။ သီချင်းပါင်း အပုဒ် ၃ဝကျော် ကို သီဆိုခဲ့သည်။ သီချင်းများမှာ ကိုယ်ပိုင်အယ်လ်ဘမ်တစ်ခွေနှင့် အတွဲခွေများ၊ လူစုံတေးစီးရီးများတွင် ပါဝင်ခဲ့သည်။

ဒွေး၏ ထွန်းလင်းခွင့်ပေးပါ အယ်လ်ဘမ်မှာ တစ်ခွေတည်းသော တစ်ကိုယ်တော်အယ်လ်ဘမ်ဖြစ်သော်လည်း လျှမ်းလျှမ်းတောက် မပေါက်ခဲ့ပေ။

ဒွေးကိုယ်တိုင် ဒါရိုက်တာအဖြစ် နောက်ဆုံးရိုက်ကူးခဲ့သောကားမှာ နှင်းဆီမိုးတိမ် ဖြစ်သည်။

ဘဝနိဂုံး

အောင်မြင်နေချိန်တွင် အကယ်ဒမီ ဒွေးသည် မမျှော်လင့်ဘဲ နှလုံးရောဂါနှင့် ၂၀၀၇ခု၊ ဇူလိုင် ၁၁ ရက် (ဗုဒ္ဓဟူးနေ့) တွင် ညနေ (၅) နာရီ၌၊အမှတ် (၃၄) (စီ)၊ အေးသာယာလမ်း၊ ဘောက်ထော် နေအိမ်တွင် ရုတ်တရက် ကွယ်လွန်သွားခဲ့လေသည်။ ကွယ်လွန်ချိန်တွင် ဒွေးသည် အသက် (၄၂) နှစ်ရှိပြီ ဖြစ်သည်။

ဇူလိုင် ၁၃ရက် မနက် ၄နာရီ၌ နေအိမ်တွင် ပင့်သံဃာတော် အရှင်သူမြတ်များထံမှ သီလခံယူကာ ရေစက်ချအမျှဝေခဲ့သည်။ ထို့နောက် မနက် ၅:၀၀ နာရီတွင် ရေဝေးအအေးတိုက် မှတစ်ဆင့် ရေဝေးသုဿန်တွင် မီးသဂြိုဟ်ခဲ့ရာ ချောင်းဝ ဆရာတော်ဘုရားကြီးကိုယ်တိုင်ကြွရောက်သည်ကိုလည်း တွေ့ရပါသည်။ ဒွေး၏ အနုပညာမောင်နှမများဖြစ်သော နန္ဒာလှိုင်၊ အိန္ဒြာကျော်ဇင်၊ စိုးမြတ်နန္ဒာ၊ ပုလဲဝင်း၊ ဆုရွှန်းလဲ့၊ မေနန်းခေါင်၊ မေထွဋ်ခေါင်၊ သက်မွန်မြင့်၊ အေးဝတ်ရည်သောင်း၊ နှင်းဝတ်ရည်သောင်း၊ မောင်မျိုးမင်း၊ ခိုင်သင်းကြည်၏ခင်ပွန်း ကိုခန့်နိုင်နှင့် မိခင်ကြီး၊ ဒါရိုက်တာမောင်ဗေဒါ၊ နွဲ့နွဲ့စန်းနှင့် အမေများအဖွဲ့၊ စိုင်းစိုင်းခမ်းလှိုင်နှင့် အခြားအနုပညာသည်များကလည်း ဝမ်းနည်းပူဆွေးစွာဖြင့် ဒွေး၏နောက်ဆုံးခရီးကို လိုက်ပါပို့ဆောင်ကြပါတယ်။ ဒွေးအတွက် အသည်းပုံလွမ်းသူပန်းခွေ၊ မျိုးကြီးရဲ့ D ပုံစံလွမ်းသူပန်းခွေ၊ အိန္ဒြာကျော်ဇင်၊ စိုးမြတ်နန္ဒာ၊ စိုးမြတ်သူဇာ၊ ဖိုးကျော်၊ နှင့် ရုပ်ရှင်လောကရော၊ ဂီတလောက ကပါ ပို့ပေးထားတဲ့ ပန်းစည်းတွေ၊ ပန်းခြင်းတွေ၊ မိတ်ဆွေများရဲ့ ပန်းခြင်းတွေကလည်း မျက်စိတဆုံး များပြားလှပါတယ်။ အားလုံးရဲ့ ဝမ်းနည်းပူဆွေးမှု၊ နှမြောတသ ယူကျုံးမရမှု၊ မယုံကြည်မှုတွေက ဒွေးပျောက်ကွယ်ပြီး မိုးခိုးငွေ့ ဖြစ်သွားတဲ့အထိ ကျန်ရှိနေဆဲပါ။ ကိုသားကြီးကတော့ မသိနိုင်ရှာတော့ပဲ သူချစ်တဲ့မိသားစု၊ သူ့ကိုချစ်တဲ့ သူ့ချစ်ပရိတ်သတ်ကြီးတွေကို ထားခဲ့ပြီး စောစီးစွာ နှုတ်မဆက်ပဲ ထွက်ခွာသွားခဲ့ပါတယ်။

ဒွေး၏အရိုးပြာကို ပြန်လည်သယ်ဆောင်ကာ ချောင်းဝဘုန်းကြီးကျောင်း၌ လွမ်းစေတီတည်ဖို့ ရည်ရွယ်ထားပါသည်။ ဇူလိုင် ၁၇ ရက်တွင်၊ ဒွေးသေဆုံးခြင်း တစ်ပတ်ပြည့် ရက်လည်အတွက် မစ္စိမာရုံကျောင်း ဆရာတော်အား ဆွမ်းကျွေးပြီး ရေစက်ချ အမျှပေးဝေခဲ့ပါသည်။ ထို့အပြင် မည်သူမဆို ဝင်ရောက်စားနိုင်ပြီး၊ ဒွေး နောက်ဆုံးရိုက်ခဲ့တဲ့ အလှဓာတ်ပုံများကို အမှတ်တရ ဝေပေးခဲ့ရာ ပုံပေါင်း (၄၀၀၀၀) ကျော်ခဲ့ပါသည်။

ကိုသားကြီး (ခ) ဒွေး၏ ပုံတူ ရုပ်ထုနှင့် သူရရှိခဲ့သော အကယ်ဒမီရွှေစင်ဆုကို သူဆောက်လုပ်လှူဒါန်းခဲ့သော ချောင်းဝဘုန်းကြီးကျောင်းရှိ အကယ်ဒမီကျောင်း၌ အမှတ်တရထားရှိထားပါသည်။

ကိုသားကြီး မကွယ်လွန်ခင် နောက်ဆုံးရိုက်လက်စ ကားမှာ ဒါရိုက်တာ ချိုတူးဇော် ရိုက်သည့် ကမ္ဘာတစ်ခြမ်းညဆိုသည့် ဇာတ်ကားဖြစ်သည်။ ဒီကားထဲမှာ ကိုသားကြီး၊ မတင့်၊ ဆုရွှန်းလဲ့ တို့ ပါဝင်ပြီး ဒီကားလေးကို အဆုံးမသတ်ခင် သေဆုံးသွားခဲ့တဲ့အတွက် အားလုံးက စိတ်မကောင်းကြီးစွာ ကရုဏာ ဖြစ်ကြရပါတယ်လို့ သိရပါတယ်။ ထို့အပြင် ရိုက်ရန်ကမ်းလှမ်းထားသော ကားများလည်း ရှိပါသေးတယ်။ ညီဖြစ်သူ သားညီနဲ့လည်း အခွေထုတ်ကြဖို့ စီစဉ်နေတုန်းဖြစ်ကြောင်း သိရပါတယ်။ သူ၏ ဆန္ဒတွေ အကောင်အထည် မဖော်ရသေးခင်အချိန်၊ သူရဲ့ ပရိတ်သတ်များကို အနုပညာဖြင့် ပေးဆပ်ရင်း၊ အနုပညာလုပ်ငန်းကို တစိုက်မတ်မတ်လုပ်ကိုင်ရင်း အားလုံးကို စောစီးစွာ ကျောခိုင်းသွားပါတယ်။ လင်းလက်နေတဲ့ ပြည်သူချစ်တဲ့ အနုပညာ ကြယ်တစ်ပွင့် ကြွေကျသွားခဲ့ရပါတယ်။

ပန်းချီလက်ရာ

ဒွေး မကွယ်လွန်ခင် ဆွဲခဲ့သော ပန်းချီလက်ရာများအား ဒွေးကွယ်လွန်သည့် (၂)နှစ်ပြည့် အမှတ်တရအဖြစ် ရန်ကုန်မြို့ ၃၄ လမ်းရှိ Azada ခန်းမ၌ ၂၀၀၉ ဇွန်လ ၁ ရက်နေ့မှ စတင်၍ ၅ ရက် ပြသရောင်းချသည်။ ဒွေး၏ လက်ရာ ၁၁ ကားရှိပြီး ရသည့်ငွေကို စာနယ်ဇင်း ရန်ပုံငွေအဖြစ် လှူဒါန်းသွားသည်။

(ဒွေးအောက်မေ့ဖွယ်)
Like &share
Please
https://www.facebook.com/Welcome-To-Myanmar-Country-117010936375564/

17/10/2019

မုန့်ဟင်းခါး (သမိုင်းအကျဉ်း)

မြန်မာ့ရိုးရာ အစားအစာ ဖြစ်သည်။

မြန်မာ့ရိုးရာ အစားအစာတစ်မျိုးဖြစ်သော မုန့်ဟင်းခါးသည် အချဉ်ဖေါက် ပြုလုပ်သည့် ဆန်ခေါက်ဆွဲဖတ် (မုန့်ဖတ်) လေးများနှင့် ငါးဖြင့်အဓိက ချက်လုပ်သော ဟင်းခါးရည် တို့ကို အတူတွဲဖက် စားသုံးရသည့် သာရေစာ တစ်မျိုးဖြစ်သည်။ မုန့်ဟင်းခါးအား မြန်မာနိုင်ငံ၏ အမျိုးသား စားဖွယ် အဖြစ် အချို့က ယူဆကြသည်။ မြန်မာနိုင်ငံ တစ်ဝန်းရှိ မြို့၊ ရွာတိုင်း တွင် မုန့်ဟင်းခါး ရောင်းချ ကြပြီး နံနက်စာ မှ နေ့လယ် နေ့ခင်း အစာပြေ အပြင် ညလည်စာ အဖြစ်ပါ နှစ်ခြိုက်စွာ စားသုံး လေ့ရှိကြသည်။ ထို့အပြင်မုန့်ဟင်းခါးသည် အာဟာရအားဖြင့် ပရိုတင်း၊ ကာဗိုဟိုက်ဒရိုတ် နှင့် ဓာတ်ဆားများ ပါဝင်ပြီး ချက်ပုံ ချက်နည်း ရိုးရှင်းလွယ်ကူ သည့်အပြင် စရိတ်ပါ သက်သာ သောကြောင့် မြန်မာလူမျိုးတိုင်း နှစ်သက်သော အစား အစာ လည်းဖြစ်သည်။

မုန့်ဟင်းခါး

အခြားအမည်များ မုန့်၊ မုန့်ဟင်း
အဓိကသုံးဆောင်မှု နံနက်စာ၊ အစာပြေ
မူရင်းနိုင်ငံ မြန်မာ
ဖန်တီးသူ မသိ
သုံးဆောင် အပူချိန် အပူ
အဓိက ပါဝင်ပစ္စည်း မုန့်ဖတ်၊ ညှပ်ခေါက်ဆွဲ၊ ငါး

သမိုင်းကြောင်း

ရှေးမြန်မာ့သမိုင်း တစ်လျောက်တွင် မုန့်ဟင်းခါးနှင့် ပတ်သတ်၍ ကျောက်စာ၊ ပေစာများဖြင့် မှတ်တမ်းတင် ခဲ့ခြင်း မရှိသဖြင့်မုန့်ဟင်းခါး ပေါ်ပေါက်ရာ ဇာတိ နှင့် ခေတ်ကာလအား သိရှိရန် များစွာ ခက်ခဲလှသည်။ မုန့်ဟင်းခါးအား အစောဆုံး အထောက်အထား ဖြင့် တွေ့ရှိရသည့် နေရာမှာ ကုန်းဘောင်ခေတ် စာဆို ဦးပုည၏ လင်္ကာများ အနက်မှ တစ်ခုတွင် ဖြစ်ပြီး "မုန့်ဟင်း"ဟု သုံးနှုန်းခဲ့သည်။ ကုန်းဘောင်ခေတ် ဒုတိယပိုင်း၌ ဘကြီးတော်ဘုရား လက်ထက်နှင့် ကုန်းဘောင်ရွှေဘိုမင်း လက်ထက်တွင် ပေါ်ပေါက်သော ကဗျာစာဆိုတစ်ဦးဖြစ်သည့် ဖိုးသူတော်ဦးမင်းက ခေတ်ပြိုင်စာဆို လူဦးမင်း(စာဆိုတော်ဦးမင်း) နှင့် မုန့်ဟင်းခါး အကြောင်း အပြိုင်စပ်ဆိုရာတွင် "မုန့်တီ" ဟုသုံးနှုန်းခဲ့သည်။ ယခုအခါတွင် မုန့်ဟင်းခါးကို "မုန့်တီ" ဟု ပြောဆိုသောသူသည် အနည်းငယ်သာရှိတော့သည်။ ဤသို့ဆိုလျှင် "မုန့်တီ"သည် မုန့်ဟင်းခါးကို ဆိုလိုပြီး ရခိုင်မုန့်တီ သည်ကား ရခိုင်လူမျိုးများ၏ ရှေးရိုးရာအစားအစာ အာပူလျှာပူနှင့် ရိုးရိုးရခိုင်မုန့်တီ၊ ရခိုင်မုန့်တီသုပ် အစရှိသည်တို့ကိုဆိုလိုပေမည်။ ယနေ့တိုင် အချို့ဒေသများတွင်မုန့်ဟင်းခါးအား "မုန့်" "မုန့်ဟင်း" အစရှိ သဖြင့် ခေါ်ဝေါ် လျှက်ရှိဆဲ ဖြစ်သောကြောင့် ကုန်းဘောင်ခေတ်တွင် မုန့်ဟင်းခါးပေါ်ပေါက်ပြီး ဖြစ်သည်ဟု ယူဆကြသည်။ တဖန် ပျူမြို့ဟောင်းများ တူးဖေါ်ရာတွင် ဆန်မှုန့်နှင့် အချဉ်ဖေါက်ပြုလုပ်သော ကိရိယာအများအပြား တူးဖေါ် ရရှိခဲ့သောကြောင့် ထမင်းအစားထိုး၊ ဆန်ဖြင့်ပြုလုပ်သည့် မုန့်နှင့် မုန့်ဟင်းခါးပေါ်ပေါက်နေခဲ့ နိုင်ကြောင်း ကောက်ချက် ဆွဲကြသည်။ ထို့အပြင် မုန့်ဟင်းခါး သမိုင်းကို စနစ်တကျ သုတေသန ပြုရန် ကြိုးစားခဲ့သော ဒေါက်တာ ခင်မောင်ညွန့်၏ အဆိုအရ၊ မုန့်ဟင်းခါးချက်နည်းသည် ရှေးနန်းတွင်း ဟင်းချက်နည်းမျိုးစုံ စာရင်းတွင် ရှာမတွေ့ ခဲ့ခြင်းကြောင့် သာမာန် အရပ်သား လူအများတို့ ၏အစားအစာသာ ဖြစ်နိုင်ကြောင်း။ ထို့ကြောင့်ပင် မည်သူတစ်ဦး တစ်ယောက်မျှ အရေးတယူ မှတ်တမ်း မတင်ခဲ့ခြင်း ဖြစ်နိုင်ကြောင်း ဆိုသည်။

ယျေဘူယျအသုံးပြုသောပစ္စည်းများ

မုန့်ဖတ်
ငါးအဖြစ် (ငါးခူ၊ ငါးကျည်း၊ ငါးကြင်း၊ ငါးသလောက်၊ ငါးရှဉ့်)အပြင် အခြားသောငါးများ လည်းအသုံးပြုလေ့ ရှိသည်။ ငါးနှစ်မျိုး သို့မဟုတ် သုံးမျိုးစပ် အသုံးပြုခြင်းသည် ငါးတစ်မျိုးတည်း အသုံးပြုခြင်း ထက် ပိုကောင်းသည် ဟုဆိုသည်။
ငါးရှားပါးသော ဒေသများတွင် ကြက်သား၊ အမဲသားတို့ကို အသုံးပြု လေ့ရှိသည်။
ဆီ
ငံပြာရည်
အချိုမှုန့်
ဆား
နနွင်းမှုန့်
ငှက်ပျောအူ
ဆန်လှော်မှုန့်
ကြက်သွန်နီ
ကြက်သွန်ဖြူ
ပဲမှုန့်
ချင်း
ငရုတ်ကောင်း
စပါးလင်
အသုံးပြုသော ပစ္စည်းအမျိုးအစားများမှာ ချက်လုပ်နည်း အပေါ်တွင် လည်ကောင်း ဒေသအလိုက် ရရှိနိုင်မှု ပေါ်တွင် လည်ကောင်း မူတည်၍ ကွဲပြားလေ့ရှိသည်။

တွဲဖက်စားသုံးလေ့ရှိသောပစ္စည်းများ

အကြော်မျိုးစုံ(ပဲကြော်၊ ဘူးသီးကြော်၊ ငါးဖယ်ကြော်၊ ကြက်သွန်ကြော်၊ မန္တလေးပဲကြော်)
နံနံပင်
ရှောက်သီး၊ သံပုရာသီး
ပဲသီး
ခရမ်းချဉ်သီး
ငရုတ်သီးအလှော်မှုန့်
ကြက်သွန်မြိတ်
ကွကျဥ၊ အိုးဘဲဥ
ပဲသွေး
ငါးသလောက်ဥ
အီကြာ‌ကွေး

ဒေသအလိုက်မုန့်ဟင်းခါး

မြန်မာနိုင်ငံ ဒေသအသီးသီးတွင် ချက်လုပ်နည်းနှင့် အသုံးပြုသော ပစ္စည်းများ ကွဲပြားမှုကြောင့် အရသာ နှင့် အပြင်အဆင် လည်း အမျိုးမျိုး ကွဲပြား ကြသည်။ အကြမ်းဖျင်းအားဖြင့် ရန်ကုန်နှင့် ဧရာဝတီမြစ်ဝကျွန်းပေါ် ဒေသဟန် မုန့်ဟင်းခါးများမှာ လူကြိုက်အများဆုံး ဖြစ်သည်။

ရန်ကုန်မုန့်ဟင်းခါး
မော်လမြိုင်မုန့်ဟင်းခါး ခေါ် (မုန့်ဟင်းခါးအစို)
မြောင်းမြမုန့်ဟင်းခါး
ပုသိမ်မုန့်ဟင်းခါး
ဘိုကလေးမုန့်ဟင်းခါး
ဟင်္သာတမုန့်ဟင်းခါး
ဖျာပုံမုန့်ဟင်းခါး
အင်းလေးမုန့်ဟင်းခါး
တောင်ငူမုန့်ဟင်းခါး
ကရင်မုန့်ဟင်းခါး
ရခိုင်မုန့်ဟင်းခါး ခေါ် (အာပူလျှာပူ)
ထားဝယ်မုန့်ဟင်းခါး
တပင်တိုင်မုန့်ဟင်းခါး

မုန့်ဟင်းခါးယဉ်ကျေးမှု

မုန့်ဟင်းခါးသည် မြန်မာ့လူ့အဖွဲ့ အစည်းအတွင်းတွင် နက်ရှိုင်းစွာ အမြစ်တွယ်နေပြီး ဖြစ်သော အစားအစာ ဖြစ်သည့် အားလျော်စွာ နေရာ၊ ဒေသ၊ အချိန်အခါ မရွေး ရနိုင်သော အစားအစာ ဖြစ်သည်။ နာမည်ကျော် ဆိုင်ကြီး၊ ကနားကြီး များတွင် သာမက၊ လမ်ဘေး ပလက်ဖေါင်းပေါ်ရှိ ဆိုင်ငယ် များတွင်လည်းကောင်း၊ ဆိုင်းထမ်း၊ ခေါင်းရွက်ဗျတ်ထိုး၊ လက်တွန်းလှည်း၊ ဆိုက်ကား များဖြင့် လှည့်လည် ရောင်းချသူများ ထံတွင် လည်ကောင်း ဝယ်ယူ ရရှိနိုင်သည်။ မြို့ကြီးအချို့ရှိ ကားဂိတ်၊ သင်္ဘောဆိပ်၊ ဘူတာရုံ အစရှိသည့် လူစည်ကားရာ အရပ်များတွင် ၂၄နာရီ ပတ်လုံး ရောင်းချသည့် ဆိုင်များ ရှိလေ့ ရှိသည်။

ထို့အပြင်မုန့်ဟင်းခါးသည် လူမျိုး၊ ဘာသာမရွေး စားသုံးနိုင်ခြင်းကြောင့် အလှူမင်္ဂလာ၊ ဆွမ်းကျွေး ကဲ့သို့ သာရေး များမှ အသုဘ၊ နာရေး အထိ မပါမဖြစ်သော အစားအစာ ဖြစ်သည်။ ယခုအခါတွင် မုန့်ဟင်းခါးသည် မြန်မာလူမျိုးများ သွားရောက် အလုပ်လုပ်ကိုင်၊ အခြေချရာ စင်္ကာပူ၊ ထိုင်း၊မလေးရှား၊ ဂျပန်၊ ကိုရီးယား၊ဗြိတိန်၊ အမေရိကန် နှင့် အခြားကမ္ဘာ့ နိုင်ငံအများအပြားသို့ မြန်မာများနှင့် အတူ ပျံနှံ့ ရောက်ရှိ လာခဲ့သည်။ ထို့ကြောင့် ပြည်ပဈေးကွက် အတွက် အထူးရည်ရွယ် ထုတ်လုပ်လာသော အသင့်ချက်ပြုတ်နိုင်သည့် မုန့်ဟင်းခါးခြောက်ထုပ် များလည်း ပေါ်ပေါက် လာခဲ့သည်။

Like & share
Plz
Welcome to Myanmar Country

16/10/2019

ထောက်ကြန့် စစ်သင်္ချိုင်း (သမိုင်းအကျဉ်း)

ထောက်ကြန့်စစ်သင်္ချိုင်း သည် ဒုတိယကမ္ဘာစစ်အတွင်း ဗြိတိသျှဓနသဟာယနိုင်ငံများမှ မြန်မာပြည်စစ်ပွဲများအတွင်း သေဆုံးခဲ့သော မဟာမိတ်စစ်သားများကို မြုပ်နှံထားသော စစ်သင်္ချိုင်း ဖြစ်သည်။ ထိုစစ်သင်္ချိုင်းသည် ထောက်ကြန့်မြို့အနီးတွင် တည်ရှိပြီး ရန်ကုန်မြို့မြောက်ဘက် ၂၅ ကီလိုမီတာအကွာ ပြည်လမ်းမပေါ်တွင် တည်ရှိသည်။ ဓနသယာယနိုင်ငံစစ်သင်္ချိုင်းကော်မရှင် (Commonwealth War Graves Commission)မှ ပြုပြင်ထိန်းသိမ်းရေးလုပ်ငန်းများကို ဆောင်ရွက်သည်။

ထောက်ကြန့်စစ်သင်္ချိုင်း

ထောက်ကြန့် စစ်သင်္ချိုင်း သည် မြန်မာနိုင်ငံ တွင် တည်ရှိသည်။

အသေးစိတ်
တည်ဆောက်ခဲ့ -၁၉၅၁
တည်နေရာ -ထောက်ကြန့်မြို့
နိုင်ငံ -မြန်မာနိုင်ငံ
ကိုဩဒိနိတ် -17°02′08″N 96°07′54″E / 17.0356°N 96.1317°E
အမျိုးအစား -British military of WWI and WWII
(closed)
ပိုင်ဆိုင် -Commonwealth War Graves
Commission
အုတ်ဂူ
အရေအတွက် -၆၃၇၄

ထောက်ကြန့်စစ်သင်္ချိုင်း

ဒုတိယကမ္ဘာစစ်အတွင်း ကျဆုံးခဲ့သော စစ်သား ၆၃၇၄ ယောက်ကို မြုပ်နှံထားသော စစ်သင်္ချိုင်းကြီးဖြစ်ပြီး ထိုအထဲမှ ၅၂ ဦးမှာ ပထမကမ္ဘာစစ်အတွင်း ကျဆုံးခဲ့သော စစ်သားများ ဖြစ်ကြသည်။ အထိမ်းအမှတ်ကျောက်တိုင်တွင် ဒုတိယကမ္ဘာစစ်အတွင်း သေဆုံးခဲ့သော ဓနသဟာယနိုင်ငံများမှ စစ်သား ၂၇၀၀၀ ၏ အမည်များကို ရေးထိုးထားသည်။ ထိုသူတိုမှာ ဂူသေချာ သတ်မှတ်နိုင်ခြင်း မရှိကြပေ။ ထိုအထဲတွင် ဂူ ၈၆၇ ခုမှ အမည်များ သေချာသတ်မှတ်နိုင်ခြင်း မရှိသေးပေ။ ထောက်ကြန့်စစ်သင်္ချိုင်းသည် အာရှရှိစစ်သင်္ချုင်းများထဲမှ အလည်အပတ်များသော စစ်သင်္ချိုင်းတစ်ခုလည်း ဖြစ်သည်။

သမိုင်းကြောင်း

ထောက်ကြန့်စစ်သင်္ချိုင်းကို ၁၉၅၁ ခုနှစ်တွင် ဖွင့်လှစ်ခဲ့သည်။ မန္တလေးမြို့၊ စစ်တွေမြို့၊ မိတ္ထီလာမြို့ နှင့် ဆားမှော် (Shamaw) တိုက်ပွဲများတွင် ကျဆုံးခဲ့သော စစ်သားများ ကျန်ရှိနေသာ ရုပ်အလောင်းများကို မြုပ်နှံထားပြီး ဂူများကို တိုက်ပွဲများအလိုက် စီထားသည်။ ၂၇၀၀၀ သော နာမည်များစွာရေးထိုးသော ဓနသဟာယစစ်သားများထဲတွင် မြန်မာပြည်တွင် တိုက်ပွဲဝင် သေဆုံးခဲ့သော အိန္ဒိယစစ်သားများနှင့် အာဖရိကစစ်သားများလည်း ပါဝင်သည်။ အိန္ဒိယစစ်သားများအရေအတွက်သည် ၁၈၁၉ ဂူ ရှိသည်။

ထိန်းသိမ်းစောင့်ရှောက်ခြင်း

စစ်သင်္ချိုင်းကို ထိန်းသိမ်းသည့်လုပ်ငန်းအတွက် နိုင်ငံ ၁၃၅ နိုင်ငံမှ ထည့်ဝင်သော ငွေကြေးဖြင့် လည်ပတ်နေခြင်းဖြစ်ကာ ဗြိတိသျှနိုင်ငံသည် ၇ဝ% ဖြင့်အများဆုံးပါဝင်ပြီး ကျန်နိုင်ငံများမှာ အုတ်ဂူအရေအတွက်ဖြင့် အချိုးကျထည့်ဝင်သည်။ ကျန်ရစ်သူ ဆွေမျိုးသားချင်းများ လာရောက်ဂါရဝပြုနိုင်စေရန်နှင့် ဥယျာဉ်၊ သင်္ချိုင်းတစ်ခုထက် သာလွန်သောနေရာတစ်ခုဖြစ်စေရန် ပြုပြင်ထားသည်။

ဗစ်တိုးရီးယားခရော့စ်ဆုတံဆိပ်ရရှိသူများ

ထောက်ကြန့်စစ်သင်္ချိုင်းတွင် မြုပ်နှံထားသော စစ်သားများထဲတွင် ဗစ်တိုးရီးယားခရော့စ်ဆုတံဆိပ်ရရှိသူ ခုနှစ်ဦးပါဝင်သည်။ Rangoon Memorial တွင် ဗစ်တိုးရီးယားခရော့စ်ဆုတံဆိပ် ရရှိသူ အိန္ဒိယစစ်သားများအပါဝင် နာမည်များစွာကို မှတ်တမ်းတင်ထားသည်။ မြုပ်နှံထားသော စစ်သားများမှာ

Michael Allmand (1923–1944) - ၁၉၄၄ ဇွန်လ ၂၃ ရက်နေ့တွင် မြန်မာပြည်တွင် လှုပ်ရှားဆောင်ရွက်မှုအတွက်၊

Frank Gerald Blaker (1920–1944) - ၁၉၄၄ ဇူလှိုင်လ ၉ ရက်နေ့တွင် မြန်မာပြည်တွင် လှုပ်ရှားဆောင်ရွက်မှုအတွက်၊

George Albert Cairns (1913–1944) - ၁၉၄၄ မတ်လ ၁၃ ရက်နေ့တွင် မြန်မာပြည်တွင် လှုပ်ရှားဆောင်ရွက်မှုအတွက်၊

Charles Ferguson Hoey (1914-1944) - ၁၉၄၄ ဖေဖော်ဝါရီလ ၁၆ ရက်နေ့တွင် မြန်မာပြည်တွင် လှုပ်ရှားဆောင်ရွက်မှုအတွက်၊

George Arthur Knowland (1922–1945) - ၁၉၄၅ ဇန်နဝါရီလ ၃၁ ရက်နေ့တွင် မြန်မာပြည်တွင် လှုပ်ရှားဆောင်ရွက်မှုအတွက်၊

Claud Raymond (1923–1945) - ၁၉၄၅ မတ်လ ၂၁ ရက်နေ့တွင် မြန်မာပြည်တွင် လှုပ်ရှားဆောင်ရွက်မှုအတွက်၊

William Basil Weston (1924–1945) - ၁၉၄၅ မတ်လ ၃ ရက်နေ့တွင် မြန်မာပြည်တွင် လှုပ်ရှားဆောင်ရွက်မှုအတွက်။

They died for all free men ဟုသော စာသားကို အင်္ဂလိပ်၊ ဟင်ဒီ၊ Urdu၊ Gurmukhi ဘာသာများဖြင့် Rangoon Memorial တွင်ရေးထိုးထားသည်။ ထောက်ကြန့်အောက်မေ့ဖွယ်စစ်သင်္ချိုင်းသည် သူတို့၏ ယုံကြည်ချက်အရ စစ်သား ၁၀၀၀ ကျော်ကို မြုပ်နှံခဲ့သော နေရာလည်းဖြစ်သည်။

လူကြီးမင်းတို့ သိလိုသမျှကို commentမှာရေးသားခဲ့ပေးပါ
နောက်အကြောင်းအရာမှာ တင်ဆက်ပေးသွားပါမည်။
Plz Like &Share
ကျေးဇူးတင်ပါတယ်ခင်ဗျာ။

14/10/2019

အောင်လအန်ဆန်း (သမိုင်းအကျဉ်း)

အောင်လအန်ဆန်း (အင်္ဂလိပ်: Aung La Nsang)သည် အမေရိကန်နိုင်ငံ၊ အသုံးချ ကိုယ်ခံပညာ တိုက်ခိုက်ရေးလောက ပညာရှင်များသာ ယှဉ်ပြိုင်သည့် ပွဲစဉ်များတွင် မြန်မာ့စပါးအုံးမြွေ (Burmese Python) ဟု တင်စားခေါ်ဝေါ်ခြင်းခံရသော မြန်မာနိုင်ငံသားကချင်‌လူမျိုး၊ အမေရိကန်နိုင်ငံသား ကိုယ်ခံပညာသိုင်းပေါင်းစုံတိုက်ခိုက်ရေးသမားတစ်ဦး ဖြစ်သည်။ အရပ် ၆ ပေ ၁ လက်မနှင့် ခန္ဓာကိုယ် အလေးချိန် ၁၈၅ ပေါင်ရှိပြီး ကျောပြင်ပုခုံးနေရာတွင် "Jinghpaw" ဟု တက်တူးရေးထိုးထားသော MMA မက်ဒယ်လ်ဝိတ်တန်းရှင် ဖြစ်သည်။ စင်္ကာပူအခြေစိုက် ဝမ်းချန်ပီယံရှစ် (ONE Championship) အဖွဲ့အစည်းက ကျင်းပသည့် ဝမ်းချန်ပီယံရှစ်ခါးပတ်လုပွဲများတွင် မစ်ဒယ်ဝိတ် နှင့် လိုက်ဟဲဗီးဝိတ်တန်းများတွင် နှစ်ထပ်ကွမ်းချန်ပီယံဖြစ်သည်။

အထ္ထုပတိ

အောင်လသည် ရတနာလုပ်ငန်းရှင် ဦးအင်ဆန်တူးအောင်နှင့် ဒေါ်ရှဒန်နန်ဘူတို့၏ မွေးချင်း ၅ ယောက်ထဲက စတုထ္တမြောက်သား ဖြစ်ပြီး ၁၉၈၅ခုနှစ်၊ မေ ၂၁ တွင်မွေးဖွားခဲ့သည်။ ကချင်ပြည်နယ်၊ မြစ်ကြီးနားမြို့ ဒူကထောင်ရပ်ကွက်မှ ကချင်တိုင်းရင်းသားတဦး ဖြစ်ကာ အတန်းပညာကို ရန်ကုန် International School တွင် တက်ရောက် သင်ကြားခဲ့ပြီး၊ ၂၀၀၁ ခုနှစ် အကုန် ၂၀၀၂ ခုနှစ်တွင် အမေရိကားမှာ စတင် အခြေချနေထိုင်၍ အမေရိကန်နိုင်ငံ မစ်ရှီဂန်ပြည်နယ်၊ အင်ဒရူးတက္ကသိုလ်မှ စိုက်ပျိုးရေး ဘာသာရပ်နှင့် ဘွဲ့ရရှိထားသူ ဖြစ်သည်။ ၂၀၀၅ ခုနှစ်၊ တက္ကသိုလ် တက်နေစဉ် ကာလမှာပင် အပျော်တမ်း ကလပ်ပွဲများ၌ ယှဉ်ပြိုင် ထိုးသတ်နေခဲ့ပြီး ၊ ပညာရှင်လက်ဝှေ့ လောကထဲ ဝင်ရောက် လာသူဖြစ်သည်။

အောင်လသည် No-Gi ခေါ် အားကစား ကို ကောလိပ်ကျောင်းသား ဘဝ ၂၀၀၅ ခုနှစ်မှာ စတင် ကစားရာမှ Martial Art သို့ ကူးပြောင်း လာသူဖြစ်သည်။ သူသည် ဘီဂျေဂျေ (B.J.J) ခေါ် ဂျပန်သိုင်း ကစားနည်း တမျိုးမှ ဆင်းသက်လာသော ဘရာဇီးလီးယမ်း ဂျူးဂျစ်ဆု (Brazilian Jiu Jitsu) နှင့် ထိုင်းနိုင်ငံမှ မွေထိုင်းလက်ဝှေ့ (Muay Thai) ကို လိုက်စားခဲ့သူ ဖြစ်သည်။

၂၀၀၈ ခုနှစ်တွင် မေရီလန်းပြည်နယ် ဘော်လ်တီမိုးလ်မြို့သို့ ပြောင်းရွှေ့လာခဲ့ပြီး ဘရာဇီးလီယမ်း Crazy 88 အမည်ရှိ MMA ကလပ်အသင်းတွင် ဝင်ရောက် လေ့ကျင့်နေခဲ့သည်။ ၂၀၀၅ ခုနှစ်တွင် ပွဲဦးထွက် Emerson Rushing ရှုံးနှိမ့်ခဲ့ပြီး ၂၀၀၆ ခုနှစ်တွင် ၃ပွဲ ဆက်တိုက် အနိုင်ရခဲ့သည်။ မေလ ၂၀၀၉ ခုနှစ် အင်ဒီယားနားပြည်နယ်တွင် ထိုးသတ်ခဲ့သည့် စစ်ပြန်ဟောင်း ပြိုင်ဖက် ခရစ္စပရိုက်စ် (Chris Price) ကို ပထမ အချီမှာပင် Guillotine Choke ဖြင့် အနိုင်ယူခဲ့ကာ နာမည်ရလာခဲ့သည်။ ထိုတိုက်ကွက်မှာ ပြိုင်ဖက်၏ဦးခေါင်းကို ဂျိုင်းအောက်ထဲ ညှပ်ထဲ့ထားကာ အသက်ရှု မရအောင် ညစ်ပြီး ချုပ်တိုက်သော တိုက်ကွက်တစ်ခု ဖြစ်သည်။

၂၀၁၀ ဒီဇင်ဘာ ၃ ရက်နေ့ နယူးဂျာစီပြည်နယ် အက်တလန်တစ်မြို့တွင် ကျင်းပသော Ring of Combat ###III ပြိုင်ပွဲတွင် Constantinos Philippou ကို ရှုံးနှိမ့်ခဲ့ကာ UFC (Ultimate Fighting Champion) အတန်းဆီ တက်ရောက်နိုင်ရန် နှောင့်နှေးခဲ့သည်။ ၂၀၁၁ ခုနှစ် စက်တင်ဘာလ ၉ ရက်နေ့တွင် နယူးဂျာစီ ပြည်နယ်၊ အတ္တလန်တစ်မြို့တွင် မယ်ဒယ်လ်ဝိတ်တန်း R.O.C -37 ( Ring of Combat - 37) ၌ Casey Manrique နှင့်ယှဉ်ပြိုင် ထိုးသတ်ရာ ဒုတိယ အချီတွင် အနိုင်ရခဲ့သည်။

အောင်လ သည် ၂၀၀၅ ခုနှစ်တွင်သူ၏ပရော်ဖက်ရှင်နယ်ပွဲ ဦး ထွက်တွင်ပါဝင်ခဲ့ပြီးမကြာမီတွင်သူ၏ထူးချွန်သော အရည်အချင်းများကြောင့်နာမည်ကျော်ကြားခဲ့ပြီး“ Python” ၏အမည်ပြောင်ကိုရရှိခဲ့သည်။ သူသည် ၂၀၁၄ ခုနှစ်၊ ဇွန်လတွင်သူ၏ ONE Championship ပွဲ ဦး ထွက်ခဲ့သူဖြစ်သည်။

ရန်ကုန်ရှိ သု ၀ ဏ္ဏအားကစားကွင်း၌ ၂၀၁၄ ခုနှစ်တွင် ONE ချန်ပီယံရှစ်ကိုလက်မှတ်ထိုးပြီးနောက်အောင်လအန်ဆိုင်း သည်နှစ်နှစ်အကြာတွင် ONE: UNION OF UNION WORRIORS တွင်အောင်လအန်ဆိုင်းသည် မြန်မာနိုင်ငံသို့ပြန်သွားခဲ့ပြီးသူ၏ပြိုင်ပွဲအတွက်အမျိုးသားသူရဲကောင်းဖြစ်လာခဲ့သည်။

၂၀၁၇ ခုနှစ်တွင်သူသည်မြန်မာနိုင်ငံ၏မည်သည့်ပင်မအားကစားပြိုင်ပွဲတွင်မဆိုပထမ ဦး ဆုံးကမ္ဘာ့ချန်ပီယံဖြစ်လာခဲ့သည်။ သူသည် Vitaly Bigdash ကို ONE ချန်ပီယံရှစ်လူလတ်တန်းစားခေါင်းစဉ်ဖြင့်အနိုင်ရရှိခဲ့သည်။ ထိုနှစ်နောက်ပိုင်းတွင်သူသည်ကချင်ပြည်နယ်မှကိစ္စများနှင့် ပတ်သက်၍ ဆွေးနွေးရန်အတွက်မြန်မာနိုင်ငံ၏ပြည်နယ်အတိုင်ပင်ခံဒေါ်အောင်ဆန်းစုကြည်နှင့်တွေ့ဆုံခဲ့သည်။

သို့သော်သူ၏အသက်မွေးဝမ်းကျောင်းမှုမှာနှေးကွေးစွာစတင်ခဲ့သည်။ အသက် ၂၇ နှစ်အရွယ်တွင်သူသည်လူမှုရေးကွန်ယက်တစ်ခုမှ CFFC 17 တွင် Jason Louck ကိုရိုက်နှက်ခဲ့ခြင်းကြောင့်ကချင်ပြည်နယ်တွင်‌ ‌အားပေးခဲ့ကြသည်။ တိုက်ပွဲအပြီးတွင်သူသည်ကချင်အလံဖြင့်ပုံဖော်ခဲ့သည်။

၂၀၁၆ ခုနှစ်မတ်လ ၁၈ ရက်နေ့တွင်သူသည်ပထမ ဦး ဆုံးအကြိမ်ရန်ကုန်တွင်တိုက်ခိုက်ခဲ့ပြီးမိုဟာမက်အလီအားအနိုင်ရရှိခဲ့သည်။

၂၀၁၇ ဇွန် ၃၀ တွင်သူသည် Vitaly Bigdash ကိုရန်ကုန်ရှိ ONE Championship middleweight ခေါင်းစဉ်ဖြင့်အနိုင်ရခဲ့သည်။

၂၀၁၈ ခုနှစ်ဖေဖော်ဝါရီလ ၂၃ ရက်နေ့တွင်သူသည် ရန်ကုန်၌အလက်ဇန်းဒါး Machado ကိုရပ်ဆိုင်းခဲ့သည်။ သူသည်ဌာနခွဲနှစ်ခုတွင် ONE Championship ခေါင်းစဉ်ဖြင့်အနိုင်ရခဲ့သည်။

၂၀၁၈ ခုနှစ်အောက်တိုဘာ ၂၆ တွင်သူသည်မိုဟာမက်ကာကီကီအား TKO (ရန်ကုန်) တွင်အနိုင်ရခဲ့ပြီး ONE Championship လူလတ်တန်းစားခေါင်းစဉ်ဖြင့်အောင်နိုင်ခဲ့သည်။

မတ်လ ၃၁ ရက် ၂၀၁၁ တွင်သူသည် Ken Hasegawa အားသူ၏‌ေအာင်မြင်မှုကိုခုခံကာကွယ်ခဲ့သည်။

Hasegawa နှင့် တိုက်ခိုက်ပြီးနောက် Aung La Nsang သည် ONE ချန်ပီယံရှစ်နှင့်အတူဆယ်ကြိမ်သက်တမ်းးစာချုပ်အသစ်လက်မှတ်ရေးထိုးခဲ့သည်။

Aung La Nsang သည်အောက်တိုဘာ ၁၃ ရက်၊ ၂၀၁၉ ခုနှစ်၊ ONE Championship: Century တွင်သူ၏ ပထမဆုံး Light Heavyweight ခေါင်းစဉ်ကိုကာကွယ်ရန် Brandon Vera အားအနိုင်ရ လိမ့်မည်ဟုမျှော်လင့်ရသည်။ Aung La Nsang သည် ONE Light Heavyweight title ကိုဆက်လက်ထိန်းသိမ်းရန်ဒုတိယအကြိမ်တွင် Brandon Vera အနိုင်ရရှိခဲ့သူ တစ်ဦးဖြစ်ပါသည်။

ONE Championship ချန်ပီယံ ရရှိခြင်း

၂၀၁၇ ခုနှစ် ဇွန်လ ၃၀ ရက်နေ့တွင် ရန်ကုန်မြို့၌ ကျင်းပသော ကိုယ်ခံပညာပေါင်းစုံ အသုံးပြုယှဉ်ပြိုင်သည့် MMA (One Championship) ပြိုင်ပွဲ မစ်ဒယ်ဝိတ်တန်း ကမ္ဘာ့ချန်ပီယံလုပွဲတွင် အောင်လအန်ဆန်က လက်ရှိ ချန်ပီယံ ဘစ်ဒက်ရှ်ကို လက်ရည်အသာဖြင့် ထိုးသတ်ပြီး အမှတ်ဖြင့် အနိုင်ရကာ ကမ္ဘာ့ချန်ပီယံဆု ဆွတ်ခူးနိုင်သော ပထမဆုံး မြန်မာတစ်ဦး ဖြစ်လာသည်။

ရရှိခဲ့သောဆုများ

နိုင်ငံတကာအကောင်းဆုံးဖိုက်တာဆု — ၂၀၁၉ ခုနှစ်၊ ဇူလိုင်လ ၄ ရက်နေ့တွင် အမေရိကန်နိုင်ငံ၊ လာ့ဗီးဂတ်မြို့၌ ကျင်းပခဲ့သည့် World MMAAwards 2019 ဆုပေးပွဲတွင် နိုင်ငံတကာအကောင်းဆုံးဖိုက်တာဆု (International Fighter of the Year) ဆုကို ရရှိခဲ့ခြင်း ဖြစ်သည်။ ထိုဆုပေးပွဲကို ဗြိတိန်တွင် အခြေစိုက်သည့် Fighter Only မဂ္ဂဇင်းက ရွေးချယ်ချီးမြင့်ခြင်း ဖြစ်သည်။ ဤဆုပေးပွဲတွင် အောင်လအန်ဆန်းသည် တစ်နှစ်တာအကောင်းဆုံးကစားသမားဆု၏ ဆန်ကာတင်စာရင်းတွင်လည်း ပါဝင်ခဲ့သေးသည်။

Like & share
Thanks
Welcome to Myanmar Country