Zrumbesh Balochi ریڈیو زر٘مبش بلوچی

Home
Zrumbesh Balochi ریڈیو زر٘مبش بلوچی

زْرمبش بلوچی پہ بلوچی زبانءِدیمرویءُ بلوچاں گلزمینءِھمک تک ءُ پھناتانی ھالانی سرکنگ ءَ جوڑ کنگ بیتگ۔

ریڈیو زْرمبش بلوچی زْرمبش شکسار (زْرمبش براڈ کاسٹنگ کارپوریشن) ءِ چیردستی ءَ کار کنگ ءَ اِنت کہ بی این ایم ءِ وتواکیں تْرامگیجے (ادارھے)۔

26/12/2024

مند ءَ پاکستانی لشکر ءَ مردمے آوار جنگ ءَ پد بیگواہ کرتگ

پنچ شمبے، 26 دسمبر 2024 زرمبش بلوچی

https://zrumbesh.com/9567/

کیچ: چہ ردیگ مند ءَ پاکستانی لشکر ءَ ورنایے آوار جنگ ءَ پد بیگواہ کرتگ-

آوار جنگ بیتگیں ورنا ءِ نام آدل ء گلام اِنت بلوچ آباد مند ءِ جھمنند اِنت۔

زانگ بہ بیت کہ آدل ءِ کماش گُلام ء بھادین 13 مئی 2013 ءَ وتگڑیں گچینکاریانی وھد ءَ پاکستانی لشکر ءَ چہ لبنان مند ءَ آوار جتگ ات ءُ پدا بیست مئی 2013 ءَ آئی ژانگولیں لاش چہ جوسک ءَ دزکپتگ اَت۔

25/12/2024

زْرمبش بلوچی شپ ءِ ھال / پنچ شمبے 26 دسمبر 2024
ھال شنگکار : زھرہ بلوچ ، کھور بلوچ
پیش کار: الیاس بلوچ

25/12/2024

پکتیکا ءَ پاکستان ءِ اُرش ءَ چِل ءُ شش مردم بیران بیتگ - زبی الله مجاھد

چارشمبے، 25 دسمبر 2024، زرمبش بلوچی

اوگانستان: تالبان ءِ جارکش زبی الله مجاھد ءَ ماں رسانکدر ءَ شنگ کرتگیں درشانے ءَ گوشتگ چارشمبے ءِ شپ ءَ پاکستان ءِ جنگی گراباں اوگانستان ءِ اُستان پکتیکا ءِ ھند برمل ءَ چار جتائیں جاھاں بمبگواری کرتگ که چه ایشی ءَ چل ءُ شش مردم بیران ءُ شش مردم ٹپی بیتگ.

آئی ءَ گوشتگ که بیران بیتگیں مردم وزیرستان ءِ جھمنندیں باھوٹی اَنت که چه وزیرستان ءَ پاکستانی لشکر ءِ لشکرلشکی ءُ زوراکیانی سوب ءَ پکتیکا ءَ اتکگ ءُ جھمنند بیتگ اَنت. پاکستان ءِ اُرش ءَ بیران بیتیگیں مردم گیشتر زھگ ءُ جنین اَنت ءُ اِے اُرشاں یکیں کھول ءِ چارده مردم بیران بیتگ.

دومی نیمگ ءَ تھریک تالبان پاکستان ( ٹی ٹی پی ) ءِ جارکش مھمد ھُراسانی ءَ ماں رسانکدر ءَ پاکستان ءِ جنگی گرابانی بمبگواری ءَ بیران بیتگیں زھگانی اکس شنگ کرتگ ءُ گوشتگ که بیران بیتگیں مردم " بے سلاھیں باھوٹی مردم " اَنت که آ وزیرستان ءَ چه پاکستانی لشکر ءِ زوراکیانی سوب ءَ درکپتگ ءُ اوگانستان ءَ اتکگ اَنت.

تالبان ءِ دری کارانی وزیر ءَ پاکستان ءِ جھگیر لوٹ اِتگ ءُ اِے اُرش گوں ترندیں دانکاں ایر جتگ. آئی ءَ گوشتگ که اِے وڑیں اُرش اوگان سرڈگار ءِ سمیسرانی بگیری اِنت ءُ ما الّم اِے اُرش ءِ پسّو ءَ گامگیج زور اِیں.

https://t.me/zrumbesh/27706

25/12/2024

کزاکستان ءَ بالی گرابے ءِ کپگ ءَ پنجاه ءَ گیش مردم بیران

چارشمبے، 25 دسمبر 2024، زرمبش بلوچی

کزاکستان : آزربائجان ءِ بالی گرابے کزاکستان ءِ شھر آکتائو ءِ نزیک ءَ کپتگ که چه ایشی ءَ پنجاه ءَ گیش مساپر بیران بیتگ.

جھانی رسانکدر ءِ رد ءَ بالی گراب چه آزربائجان ءَ درکپتگ ءُ دیم په روس ءَ روگ ءَ بیتگ که کزاکستان ءَ آکتائو ءِ نزیک ءَ ھراب بیتگ ءُ کپتگ. بالی گراب ءَ سواریں مردمانی بابت ءَ انچش گوشگ بوگ ءَ اِنت که چارده مردم بچ اِتگ ءُ آ دگه بیران بیتگ اَنت.

بیران بیتگیں مردم آزربائجان ، کزاکستان ، کرکیزستان ءُ روس ءِ جھمنند بیتگ اَنت.

https://t.me/zrumbesh/27705

25/12/2024

زور بیگواھیں مردم ءَ آزار دیگ ءُ گوں بی ایل ایپ ءَ بندوک کنگ پاکستان ءِ بےسوبی اِنت۔ ڈاکٹر نازر نور بلوچ

چارشمبے، 25 دسمبر 2024 زرمبش بلوچی

https://zrumbesh.com/9564/

بلوچ نیشنل موومنٹ ( بی این ایم ) ءِ انسانی ھکانی کارگشاد ڈاکٹر نازر نور ءَ ماں درشانے ءَ آواران ءَ زوربیگواه کنگ بیتگیں مردم ءِ آزار دیگ ءُ گوں بی ایل ایپ ءَ بندوک کنگ ایر جتگ ءُ گوشتگ زورگریں پاکستانی لشکر ءَ جون 2024 ءَ چه تیرتیج آواران ءَ دلجان ء الله بکش آوار جتگ ءُ بیگواه کرتگ اَت۔دلجان ءِ کھول ءَ آئی ءِ زوربیگواھی ءِ بگیری ءَ زھرشانی کُرتگ ءُ شھدگ بستگ اَت،گڑا کھول ءَ چه آواران ءِ انتزامیه ءِ نیمگ ءَ دلجمی دیگ بیتگ اَت کہ دلجان زوت دیم ءَ آرگ بیت گڑا کھول ءَ زھرشانی ھلاس کُرتگ اَت بلے دومی نیمگ ءَ پاکستانی ریاست ءَ وتی میار ءِ چیر دیگ ءَ دلجان گوں بی ایل ایپ ءَ بندوک کرتگ۔

آئی ءَ گوشتگ که دلجان پاکستانی لشکر ءِ بندیگ جاھاں بازیں آزار دیگ ءَ پد لاچار کنگ بیتگ کہ ماں تامربندے ءَ وت ءَ گوں بی ایل ایپ ءَ بندوک بہ کنت۔ پروش آماچیں لشکر بلوچ سلاه بندیں گلانی دیم ءَ په وتی پروش ءِ چیر دیگ ءَ رسانکدر ءَ کارمرز کنگ ءَ اِنت۔ اِے کار آئی ءِ سسائی ءُ زھنی پروش ءَ پدّر کنگ ءَ اِنت،گوں اے وڑیں کاراں آ بلوچ راجی جنز ءِ دیم ءَ وتی نزوری ءُ پروش ءَ منّگ ءَ اِنت۔

نازر نور ءَ گوشتگ ھمے وڑ ءَ اپریل 2024 ءَ چہ مشکے تنک ءَ زورگریں پاکستانی لشکر ءِ دست ءَ آوار جنگ بیتگیں ھاسل ء مھمد ھسن لاچار کنگ بیتگ اَت کہ دروگیں تامربندے ءَ وت ءَ گوں بی ایل ایپ ءَ بندوک بہ کنت۔ چہ ایشی ءَ ھمے پدر بیت کہ پاکستان ءِ آزارجاھاں ورنا، کماش ءُ زھگ زوراکی ءِ نشانگ کنگ ءَ پد آیاں گوں آجوئی لوٹوکیں سلاہ بندیں گلاں بندوک کنگ ءِ جُھد ءَ کنت داں کہ پنجاپ ءِ مردمانی ھمدردیاں گوں وت بہ کنت۔چونائی ءَ زورگریں پاکستانی ریاست بی ایل ایپ ءَ دیمروئی ءِ دژمن پدر کنگ ءُ آ وتی زورگری لُٹ ءُ پُل ءِ چیر دیگ ءِ جُھد ءَ کنگ ءَ اِنت بلے باسمائیں بلوچ راج زانت کہ گوں پاکستان ءَ آیانی رشتہ ایردست ءُ واجھی اِنت، مرچی چہ شھیدانی دیمونی ءُ سرمچارانی جُھداں بلوچ راج شر سرپد اِنت کہ زورگریں ریاست ھچبر زورگِپتیں دمگ ءُ اود ءِ مردماں دیمروئی نہ دنت بلکیں دیمروئی ءِ نام ءَ کارمرز کنت ءُ بس آیان ءَ ھر وڑیں زوراکی ءِ نشانگ کنت۔

نازر نور ءَ گوشتگ کہ اے گپ پدر اِنت کہ زورگر ءِ ادارہ ورنایاں دروگیں بُھتامانی منگ ءَ لاچار کنگ ءِ آیاں گوں بی ایل ایپ ءَ بندوک کنگ ءِ جُھد ءَ کنگ ءَ اِنت۔راجی آجوئی جُھد ءِ دیمروئی ءِ مردمانی ھمدردی ءُ وتی سرپد ءِ دیم ءِ دارگ ءِ جُھد پاکستانی ادارھانی بےسوبی ءَ پدر کنت۔اے اولی رند نہ اِنت بلکیں چہ سالاں درکانودی زور بیگواہ کنگ بیتگیں ورنایانی زوراکی ءِ نشانگ کنگ ءِ دْرچ برجاہ اِنت۔ انسانی ھکانی پدمالی ءُ آیانی گِر ءُ دار کنگ ءَ ادارھانی بے سوبی آیانی رُزوائی ءَ پدر کنگ اِنت۔

آئی ءَ گوشتگ کہ زورگریں لشکر ءُ لشکری ادارہ ایردستیں راجانی بےتوار کنگ ءَ ناروائیں راھاں کارمرز کنگ اِنت۔ میان استمانی انسانی ھکانی گل بائد اِنت پاکستان ءِ زوراکیانی بگیری ءَ گامگیج بزور اَنت ءُ بلوچستان ءَ زوربیگواھیانی گِر ءُ دار کنگ ءَ زوت گامگیج بہ زور اَنت۔

25/12/2024

مستونگ ءَ سلاه بندیں مردماں پاکستانی لشکر ءِ چوکی ءِ سر ءَ اُرش کرتگ

چارشمبے، 25 دسمبر 2024، زرمبش بلوچی

مستونگ: کاریز کڈی ءَ پجار نه بیتگیں سلاه بندیں مردماں گوں راکٹ ءُ وتکاریں سلاھاں پاکستانی لشکر ءِ چوکی ءِ سر ءَ اُرش کرتگ.

اُرش ءِ میان ءَ تیر ءُ تراکانی توار داں دیر ءَ اِش کنگ بیتگ. اُرش ءَ پاکستانی لشکر ءَ جانی تاوان ءِ گمان اِنت.

اُرش ءِ زمه واری انگت ھچ گل ءَ نه زرتگ.

https://t.me/zrumbesh/27703

25/12/2024

سُکن ءَ ￴زورگریں پاکستانی لشکر ءِ لشکرکشی برجاہ اِنت

چارشمبے، 25 دسمبر 2024، زرمبش بلوچی

آواران ءُ ￶گچک ءِ ￵میانجی ءِ ￵کوہ ءَ ￴زورگریں پاکستانی لشکر ءِ ￵لشکرکشی برجاہ اِنت۔

ھندی بنشون ءِ ￵رد ءَ ￴زورگریں پاکستانی لشکر بازیں کچے ءَ ￴چہ گچک ءِ ￵نیمگ ءَ ￴پترتگ ءُ ￶چہ مشکے تند کور ءَ ￴ھم پاکستانی لشکر ءُ ￶ھندی کشندہ ٹولی ءِ کارمند ￶بازیں پرپٹانی سر ءَ ￴ کوھانی تہ ءَ ￴روگ ءَ ￴گندگ بوتگ اَنت۔

پاکستانی لشکر سُکن ءِ ￵کِر ءُ ￶کشاں لشکرکشی کنگ ءَ ￴اِنت۔ اے بابت ءَ ￴مئے گیشیں جست ءُ ￶پرس برجاہ اِنت۔

https://t.me/zrumbesh/27702

25/12/2024

چمروکیں سمیر جان
نبشتہ کار: شلی بلوچ
زرمبش نبشتانک

https://zrumbesh.com/article/editor-choice/3476/

2013 ءَ وھدے بلوچستان ءَ کُدرتی مزنیں زمین چنڈّے اتک، چہ اے زمین چنڈّ ءِ سبب ءَ بلوچ راج سک باز تاوان بار بوت۔ بلے ھمے ویل ءَ گوں پاکستان ءِ ناشریں لشکر ءَ زمین چنڈّ ءِ آماچیں بلوچ مھلوک ءِ کُمک کنگ ءِ نام ءَ دشت ءُ کیچ ءَ بہ‌گِر داں برزادی نیمگ ءَ اتک ءُ پہ وت ءَ کیمپ جوڑ کُت ءُ نِشت۔ پاکستانی لشکر ءَ زمین چنڈ ءِ ویل ءَ چہ سوب کُت ءُ بلوچستان ءِ ھند ءُ دمگاں نِشت ءُ بلوچ جھدکار ءُ سرمچارانی ھلاپ ءَ مزنیں کچ ءَ آپریشن بندات کُت۔ ھمے آپریشن ءَ گوں لشکر ءَ بلوچانی لوگ بُن دات اَنت۔ بلوچ مھلوک پہ زور لڈّ ءُ بار ءَ مجبور کنگ بوت ءُ مزنیں کچّے ءَ بلوچ ورنا آوار جَنگ بوت اَنت ءُ بازیں بلوچ ورنا دیم پہ کوہ ءَ شُت انت۔ زمین چنڈّ ءَ گوں ھوار پاکستانی لشکر ءِ ناشرکاریانی سبب ءَ بازیں کسّہ بندات بوت ءُ بازیں کسّھاں وتی دْروشم مٹّ کُت اَنت۔ ھمے بازیں کسّھانی نْیام ءَ یک سپرے ءِ کسّھے نمیران ءُ دلیریں شھید سمیر جان ئیگ اِنت۔

تربت شھر ءَ چِہ سِی دو (32) کلو میٹر دور یک بھشت دْروشمیں دوارے ڈانڈل ءِ ڈنّ ءِ نام ءَ شاپک ءَ ھست کہ اُود ءَ بازیں نمیرانیں سرے ودی بوتگ۔ 25 دسمبر 1990 ءَ ڈانڈل ءِ ڈنّ شاپک ءَ کماش جان مھمد ءُ مات سابرہ ءِ لوگ ءَ شھید سمیر جان ءَ وتی چمّ پچ کُرت اَنت۔ شھید سمیر جان ءِ شش گْوھار ءُ سَے برات ءِ تہ ءَ چہ دُرستاں کستِر ءُ مات ءُ پت ءِ لاڑُوکیں بچک اَت۔

شھید سمیر جان یک وانوکیں بچکے بوتگ، ءُ آ چہ درکسانی ءَ سوھو ءُ دانائیں ورنایے بوتگ۔ شھید ءَ وتی بنداتی وانگ اولی جمائت ءَ داں پنچمی جمائت ڈانڈل ءِ سرکاری وانگجاہ ءَ در بُرت ءُ وانگ ءُ زانگ ءَ شر بوَگ ءِ سبب ءَ شھید مدام سالی چکاساں اول نمبر ھم بوتگ ءُ پد ءَ شھید ءَ دھمی جمائت چہ شاپک ءِ بچکانی مزنیں مکتب ءَ ونتگ۔
آئی ءَ چہ پد پہ گِیشیں وانگ ءُ زانگ ءِ ھاتر ءَ شھید سمیر جان دیم پہ مزن شھر تربت ءَ شُت ءُ تربت ءِ آ وھد ءِ مستریں دربرجاہ بزاں چہ اتا شاد ڈگری کالج ءَ چہ ایپ ایس سی ءُ بی اے ءِ ڈگری شریں نمبراں گوں گپت ءُ سوبین بوت۔

سمیر جان ءَ شکار ءِ ھم سک باز شوک بوتگ ءُ ھمک سال کہ مُرگ واران بوتگ گُڑا گوں سنگتاں شُتگ مُرگ ءِ شکار ءَ۔ سنگتانی گْوشگ ءِ رِد ءَ شھید نشانگ ءِ جَنگ ءَ ھم بلد بوتگ ھمے نشانگ ءِ وج کنگ ءِ ھُنر ءَ شھید ءَ جنگ ءِ میدان ءَ دُژمن ءَ را لاچار کُتگ ءُ مدام باج بُرتگ۔ شھید ءَ را لیب ءُ گْوازی ءِ ھم باز شوک بیتگ۔ گُوازیانی تہ ءَ پُٹبال ءُ کرکٹ ءِ شوکے داشتگ ءُ وتی ھنکیں ڈانڈل ءِ پُٹبال ٹیم ءِ باسکے ھم بوتگ۔

شھید ءِ کماش پہ کار ءُ بار ءَ باز وھداں درملک دبئی ءَ بیت، کماش کہ دبئی ءَ چہ واتر بیت گُڑا مال ءُ مڈّی ڈگار بنت ءُ ڈگارانی سر ءَ کار کنت۔ شھید ءَ وتی وانگ ءِ ھمرائی ءَ ڈگارانی سر ءَ ھامین ءِ وھد ءَ وتی کماش ءِ ھم کُمک کُتگ۔ شھید سکیں وش تب ءُ مھروانیں بچکے بوتگ۔ شھید ءَ را وتی زمین، وتی ھنکیں، وتی مردُمانی گوم ءَ مدام مھر بوتگ ءُ ھمے مھر ءَ شھید ءَ را وش وابی ءُ تھنا وتی وشھالی ءِ بابت ءَ جیڑگ ءَ نیشت۔ شھید ءَ را وتی زمین ءُ راج ءِ بزّگی ءُ گلامی ءَ تچکیں منزل پیشداشت، ءُ سمیر جان ءَ زانت کہ من ءَ ماتیں گُل زمین چہ بدواھاں رکینگی اِنت ءُ بس جنگ کنگی اِنت۔

شھید سمیر جان ءَ ماں 2013 ءَ یک نوکیں سپرے بندات کُت۔ اے سپر آجوئی ءِ سپر اَت، ماتیں وتن بلوچستان ءِ چہ لگوریں پاکستان ءَ آجو کنگ ءُ رکینگ ءِ سپر، وش ءُ زیبائیں کوھانی گْور ءَ روگ ءِ سپر، ھمدلیں دوست ءُ سنگتانی ھمرائی ءِ سپر، راستی ءِ سپر ءُ وتی پجّار ءِ سپر۔
2013 ءَ کہ لگوریں پاکستان ءِ لشکر بلوچستان ءَ کئیت ءُ سرجمیں کیچ ءَ کمیپ ءُ آپریشن بندات کنت، ھمے سال ءِ گُڈّی وھداں سمیر جان بلوچ آجوئی گَل بی ایل ایپ ءَ گوں ھوار بیت اِنت، بلے بندات ءَ پہ گل ءِ سنگتاں دوزواہ ءُ راھچاری ءِ ھساب ءَ کار کنت ءُ ھمے نیام ءَ چہ گل ءِ سروکاں سرپدی زور اِیت ءُ وت ءَ گیشتر مھکم کنت۔

پاکستان ءِ لشکر کہ میتگ ءُ بازاراں دور کنت ءُ مھلوک ءَ لڈّ ءُ بار ءَ پہ گْوش اِیت ءُ آپریشن کنت، گُڑا شھید دمگ ءَ گیش نِشت نہ کنت ءُ نومبر 2014 ءَ کوہ ءَ روت ءُ بی ایل ایپ ءِ سنگر ءَ تیر ءُ کتار بیت۔ شھید سمیر جان گوں کسانیں اُمر ءَ کوہ ءَ سنگتانی ھمراہ بیت۔ اے سپر ءَ وتی میتگ ، مات ءُ پت ، سنگت ءُ ھمراھاں یل دنت ءُ ھمے سپر ءَ وتی اِیمان ءَ گیش مھکم کنت ءُ گُژن، بے وابی ءُ سکّیاں سگ‌ اِیت دانکہ دُژمن ءِ واب ءَ ھرام نہ کنت۔ شھید گوں وتی پگر ءَ مھکمیں رنگے ءَ دیم ءَ جُنزان کنت ءُ دُژمن ءَ پہ اِیمنی وتی زمین ءَ نِندگ ءَ نیل اِیت۔ پد ءَ ھما روچ کئیت کہ شھید زمین ءِ سالونک بیت ءُ وتی ھاک ءَ امباز کنت ءُ مدامی گوں ھاک ءِ وشبوھاں ھوار بیت۔
4 پروری 2022 ءَ جما (آدینگ) ءِ روچ ءَ ھال اتک کہ شھید سمیر جان گوں دگہ دو ھمبلاں بازار ءِ نیمگ ءَ اتکگ پہ تُوشگ ءِ زُورگ ءَ، بلے بدوائیں پاکستان ءِ لشکر ءِ داشتگیں کاسگ چٹّ ءُ چارِیگاں رہ بستگ ءُ شھید ءِ سر ءَ اُرش کُتگ۔ شھید ٹپی بیتگ ءُ گیش جنگ داشت نہ کتُگ ءُ وتی جند ءِ تُپنگ ءَ چہ وتی جند وت جتگ، بلے وتی جند لگورانی دست ءَ نہ داتگچءُ نمیران بیتگ۔ ھمے رنگ ءَ سمیر جان مدامی ھاک ءِ وشبوھاں گوں ھوار وتی سپر سرجم کُت، سرمچار ءُ آئی گُڈّی تیر ءِ کسّہ ابدمان بوت۔

” زندگیں کارِست دائم چو چراگ ءَ روک بنت
ھو زمین زادگ مدامی پہ وتن سالونک بنت “

25/12/2024

اُستاد گھگیری ءِ چیدگ اِنت

نبشتہ کار: کوھی بلوچ

زرمبش نبشتانک

https://zrumbesh.com/article/editor-choice/3472/

چوناھا من اُستاد اسلم نہ دیستگ، بلے آئی ءِ رستگیں کِشک ءَ راھی ءُ گُلیں کِرد چو کندیلے ءَ بلگ ءَ اِنت۔ پمیشکا مرچی من اُستاد اسلم ءَ گِندگ ءَ اُوں، آئی ءِ داتگیں کلوہ، آئی ءِ پیداک کُتگیں سنگت، آئی جُھد ءُ کوشست، آئی مِھروانی، آئی ءِ پنت ءُ نسّیت من ءَ ھر کِشک ءُ رھسر ءَ گِندگ کاینت۔ سنگتانی توپک ءَ چہ در اَتکگیں تیرانی توار اُستاد اسلم اِنت، پرے واستا شپانی برپ بستگیں آپانی تہ ءَ، جنگی رِپک ءُ ھُنرانی تہ ءَ، شھر ءُ میتگانی جلواہ ءُ زیبائی ءِ تہ ءَ، گْواڈگیں پُلّانی سْرپتگیں وشبو ءِ تہ ءَ، بے سواس ءُ دِرتہ پُچّیں بلوچ پُسّگانی ھیسکار ءُ چیھالانی تہ ءَ اُستاد اسلم ءِ دْروشم گِندگ بیت، اے ھبر ھمے واستا تچک ءُ راست اِنت کہ لیکّھی بالاد کدی نہ مِر اَنت۔

اے یک راستی یے کہ جنگولیں سرمچار ءُ رھشُونے ءِ سِدگ، یک مھروانیں ھمبل ءُ ھمراھے ءِ سِدگ سکا گْران اِنت، بلے آئی ءِ پِگر، آئی ءِ داتگیں پنت ءُ نسّیت، آئی ءِ رستگیں کِشک، آئی ءِ جُھد ءُ جپا، آئی ءِ مِھروانی ترا بِھ ایوک نہ کنت، بلکیں ترا گیش مُھکم ءُ تمرد کنت۔اے درگت ءَ بلوچی زُبان ءِ کواس، جُتائیں درشانداب ءِ مزن نامیں شائر واجہ مبارک کازی گْوش اِیت:

تئی یاتانی کھر ستائیں زِر
دل بلیں بوجیگے لڈّان اِنت
پیچ وران ءَ درد ءِ چول پْرشنت
اُوپارانی آچار اِنت اندیم
بیگواہ اِنت اُوستانی شاگیں دور
سیر ءَ گْواریت ارس ءِ زگریں ھور
ھستی ءِ سر انگہ راہ ءَ میم نہ کنت
پمّن نوکیں زندے پیم نہ کنت

چوش کہ اُستاد اسلم ایوک ءَ پہ بلوچ ءَ جنگ ءَ نہ اَت، ایوک ءَ بلوچ راج ءَ را نہ گْوشت ئے کہ پہ وتی باندات ءَ جنگ بہ کن اِت۔ آئی ءَ ھر وھد ءَ گْوشت کہ: ”گُلامیں راج بائِد اِنت پہ گُلامی ءَ جنگ بہ کن اَنت، گُلامیں راج بائِد اِنت وتی جنگ ءَ ایوک ءَ یکّے ءِ کوپگ ءَ مہ دنت، گُلامیں راج وتی جنگولاں گوں ھوار بہ بیت، گُلامیں راج ھر وھد ءَ وتی گم ءُ وشیاں ھور ءُ ھوار بہ بنت“۔

اُستاد اسلم بلوچ راج ءِ ھما سرمچنڈ ءُ سرکیلیں سر اِنت کہ وتی تنگوئیں بچّ یلیں ریھان ءَ پہ زمین ءُ باندات ءَ سالونک ءُ کُربان کنت۔ آئی اے نہ جیڑ اِت کہ من دومی سرمچار ءَ پہ اے راہ ءَ کُربان بہ کناں، بلکیں اُستاد ءَ ھمے جیڑ اِت کہ اگاں من وتی چُک ءَ پہ اے زمین ءَ کُربان مہ کناں گُڑا ایدگہ سرمچار پہ زمین، پہ لَجّ ءُ ننگ، پہ آیوکیں باندات ءَ کہ جنگ کنگ ءَ اَنت ھما اوں اے مہ جیڑ اَنت کہ اے رھشُون وتی بچّاں کُربان نہ کن اَنت، بس ما کُربانی دَیگ ءَ اِیں۔

ھمے کُربانی ءِ پُژدر ءَ ابدمانیں اُستاد منی کِرّ ءَ لبز نیست کہ پہ ترا نبشتہ بہ کناں، تو ھما راجی سرمچنڈ ءُ رھشون بوتگ ئِے کہ تئی سر ءَ منی وڑیں نابودے ھزار کتاب نبشتہ بہ کنت انگت کم اِنت۔ من مرچی پہ نازے وتی دُژمِن ءَ را گْوشت کناں کہ من بے رھشون نہ بوتگ اُوں، منی رھشُون ھما بوتگ کہ آئی ءَ ھر وھد ءُ ساھت ءَ پیشداشتگ کہ منی زمین بے واھُند نہ اِنت۔ اِشی واھُند داں گُڈّی تیر ءَ گوں ترا جنگ کنت ءُ پہ وتی زمین ءُ زُبان، دود ءُ ربیدگ، بزّگ ءُ دِرتہ پُچیں راج، بندیگیں گُلزمین ءِ موکگ ءَ ترا پہ اِیمنی نیل اِیت۔

دُگنیا ءِ تہ ء هما بنی آدم زِندگیں بنی آدم لیکگ بہ اَنت کہ آ یک کِردے ءِ واهُند بوتگ اَنت ءُ وتی زِند اِش پہ وتی زمین، گُلیں دودمان ءُ پہ ایردستیں راج ءَ ندْر ءُ گھگیری ءِ چیدگ اِش مِکّ کُتگ۔ مرچی ھمے راجی بامرد ءُ راجپھازیں سر گْوستانک ءَ ابید راج ءِ دِلانی توار، پہ آیوکیں پدریچ ءَ سِکین ءُ توکل جوڑ بہ اَنت۔

25/12/2024

شھید ارب نواز تئی گِیر کیت من ءَ
شھید ارب نواز ۔ ارپ، جھانزیب جان

نبشتہ کار: بْرمش شاشانی

زرمبش نبشتانک

https://zrumbesh.com/article/editor-choice/3468/

منی پُلءُ وشکندیں بْرات تو مارا تھنا کُت۔ چہ تئی شھید بوَگ ءَ ￴پد ما ھما ایں کہ تھنا ءُ ￶تباہ ایں۔ ما چہ وتی امروز ءَ بیزار ءُ تھنا اِیں۔ بے تو ھچ وش نہ بیت ، بے تو اِے دمک ءُ در وش ھم نہ بنت، بے تو اِے مات ءُ پِت ،لاڑوک ءُ ￶بانُکیں گْوھار ءُ برات دْراہ پُرسیگ اَنت۔ منی امروز ءِ ￵ھما گم ءُ ساز باز اَت اَنت کہ تئی شھید بوَگ ءَ مئے یک مزنیں وتنے ویران بیتگ۔
بیا پد ءَ بکن واتر شیرزالیں مات ءُ پِت تئی ارسیگ اَنت ءُ تئی راھچار اَنت کہ منی ورناہ کَدین واتر پد ءَ ￴وتی لوگ ء کیت؟

گْوھارانی دل ءُ جَگر آپ اَنت ، کہ کدین کیت واتر پد مئے وشکندیں ورنا؟ شھید، جھانزیب جان تئی روگ ءَ منی میتگ پہ من وش نہ اِنت۔
بے ترا من ءَ چنڈّ دنت اِے شاشان ءِ سیاھیں بام وش نہ بیت۔ بے ترا شاشان ءَ ھم وش نہ بیت۔ شاشان اوں پہ تو ارس گْوارگ ءَ اِنت۔ نئی شاشان ءِ پُل پہ تو ھُشک اَنت دوبر تو پد ءَ پہ وتی شاشان ءَ ￴￴واتر بکن کہ پہ تو ویران اِنت ءُ ￶ھچ نہ گواہ اِیت۔ اِے شاشان ءِ سینگ ءَ بے تو مارا ھچ وش نہ بیت بیا بکن واتر پُرسیگ اِنت پد ءَ دوبر شاشان ۔

شھید جھانزیب جان برو کہ تئی جاگہ گپتگ اَنت ورنایاں، منی راج ءِ راھشوں منی ھمراہ ءُ منی وشکند شھید بوتگ پہ سرڈگار ءَ تئی پہ مکھیں ماتاں سر کُربان کُتگ مئے وشکنداں وتی

من سلام کناں وتی پُلیں بلوچستان ءِ شھیداں کہ آیاں پہ وتی مکھیں ماتیں وتن ءَ وتی ساہ ءُ جان کُربان کُتگ۔
بلوچستان ءِ راھشوں اَنت ورنا۔

25/12/2024

کولواہ ءُ جاھو اُرش ءَ دژمن ءِ دو کارمند ءِ کوش ءِ زمہ واری بی ایل ایپ ءَ منّ اِتگ

چارشمبے، 25 دسمبر 2024 زرمبش بلوچی

https://zrumbesh.com/9561/

بلوچستان لبریشن پرنٹ ءِ جارکش میجر گھرام ءَ وتی شنگ کُرتگیں درشانے ءَ گْوشتگ کہ سرمچاراں 24 دسمبر ءَ بیگاہ ءِ چار ءُ نیم ءَ کولواہ ءِ میتگ دمب مالار ءَ برجاھیں زورگریں پاکستانی لشکر ءِ چوکی ءِ سر ءَ گوں ٹوھیں سلاھاں اُرش کُرتگ،اُرش ءَ دژمنیں لشکر ءَ جانی ءُ مالی تاوان بیتگ۔

آئی ءَ گْوشتگ کہ دگہ یک اُرشے ءَ سرمچاراں 25 دسمبر ءِ بیگاہ ءِ پنچ ءُ نیم ءَ جاھو ءِ میتگ کورک ءَ پاکستانی لشکر ءِ پیادگیں کارمند گوں ٹوھیں سلاھاں نشانگ کُرتگ اَنت، کہ چہ ایشی ءَ زورگریں لشکر ءِ دو کارمند مُرتگ ءُ باز ٹپی بیتگ،اے اُرش ءَ دژمن ءِ ڈرون کمیرہ ھم نشانگ کُرتگ ءُ دور داتگ۔

جارکش ءَ گْوشتگ کہ پاکستانی لشکر گْوستگیں دو روچ اِنت کہ ھمے ھند ءُ دمگاں لشکرکشی کنگ ءَ اِنت ءُ کلین پری ءَ بُنجلے کُرتگ ءُنشتگ۔ وھدے لشکری کارمند چہ ھمے ھند ءِ دمگاں لشکرکشی کنگ ءَ پد واتر آھگ ءَ بیتگ اَنت کہ سرمچارں نشانگ کُرتگ اَنت۔

آئی ءَ گْوشتگ کہ سرجمیں بلوچستان ءَ زورگریں ریاست ءَ پہ وتی زورگِپتی ءِ برجاہ دارگ ءَ جاگہ جاگہ بنجل ءُ چوکی بستگ ءُ نشتگ ، ھمک روچ مردمانی سر ءَ زوراکی کنت،آیاں وتی بنجلاں لوٹائین ایت ءِ پہ زور کار بند ایت ءُ زورانسری بیگواہ کنت۔

آئی ءَ گْوشتگ کہ بلے بی ایل ایپ راج ءِ گل اِنت ءُ پہ وتی آجوئی ءَ جُھد کنگ ءَ اِنت، پاکستانی لشکر ءُ آئی ءِ شوربندیاں نشانگ کنت ءُ آئی ءَ سَسائی ءُ زھنی نادراہ جوڑ کنگ ءَ اِنت۔

میجر گھرام ءَ گُڈی ءَ دوئیں اُرشانی زمہ واری منّ اِتگ ءُ گْوشتگ کہ زورگریں پاکستان داں چہ بلوچستان در نئیت ماآئی ءَ نشانگ کن ایں۔

25/12/2024

جاھو ءَ ￴پاکستانی لشکر ءِ ￵سر ءَ ￴اُرشے بیتگ، لشکر ءِ ￵جانی تاوان ءِ ￵ھال اِنت

چارشمبے، 25 دسمبر 2024 زرمبش بلوچی

آواران: جاھو، کورک پجار نہ بیتگیں سلاہ بندیں مردماں زورگریں پاکستانی لشکر ءِ ￵سر ءَ ￴اُرش کرتگ لشکر ءِ ￵جانی تاوان ءِ ￵ھال اِنت۔

ھندی بنشون ءِ ￵رد ءَ سلاہ بندیں مردماں مرچی بیگاہ ءِ ￵پنچ ءُ ￶نیم ءَ ￴کلین پری ءَ ￴زورگریں پاکستانی لشکر ءِ پیادگیں ￵کارمندانی سر ءَ ￴گوں مزنیں سلاھاں اُرش کرتگ۔ اُرش ءِ ￵آسر ءَ ￴پاکستانی لشکر ءِ ￵کارمند مرتگ ءُ ￶ٹپی بیتگ اَنت۔ لشکر ءَ ￴پہ سلاہ بندانی چارگ ءَ ￴ڈرون کیمرہ بال داتگ سلاہ بنداں کیمرہ ھم جتگ ءُ ￶دور داتگ۔

انچوش گوشگ بوگ ءَ ￴اِنت کہ دو روچ اِنت کہ پاکستانی لشکر جاھو کورک ءِ ￵کِر ءُ ￶کشاں لشکرکشی کنگ ءَ ￴اِنت۔ کلین پری ءَ ￴پاکستانی لشکر ءَ نوکیں چوکی یے بستگ ءُ ￶نشتگ۔

سلاہ بنداں پاکستانی لشکر ءِ ￵کارمندانی سر ءَ ￴ھما وھد ءَ ￴اُرش کرتگ کہ آ نزیکیں جاھاں لشکرکشی ءَ ￴پد چوکی ءَ پیداک بیتگ اَنت۔ سلاہ بندیں مردماں چوکی ءِ ￵نزیک ءَ ￴لشکر ءِ ￵سر ءَ ￴اُرش کرتگ۔

ارش ءِ ￵زمہ واری انگت ءَ ￴ھچ گل ءَ ￴نہ زرتگ۔

https://t.me/zrumbesh/27696

25/12/2024

شھید بانک کریمہ ءِ یات ءَ بلور ءَ مراگشے برجم دارگ بیتگ

چارشمبے، 25 دسمبر 2024 زرمبش بلوچی

https://zrumbesh.com/9558/

کیچ: بلوچ وومن پورم ءِ نیمگ ءَ شھید بانک کریمہ ءِ یات ءَ مراگشانی درچ ءَ زی کولواہ ءِ ھند بلور ءَ مراگشے برجم دارگ بیتگ۔ بلور ءِ کِر ءُ کشانی نزیکیں ھندانی مردماں بازیں کچے ءَ مراگش ءَ بھر زرتگ۔

چوش کہ اے بلوچ وومن پورم ءِ نیمگ ءَ شھید بانک کریمہ ءِ یات ءَ مراگشانی درچ ءِسیمی مراگش بیتگ، ایشی ءَبنداتی مراگش آواران ءِ ھند تیرتیج ءَ شھید بانک کریمہ ءِ سالروچ ءَبرجم دارگ بیتگ اَت ءُ دگہ یک مراگشے مالار کرک ءِ ڈل ءَ بیتگ۔

اے بابت ءَ بلوچ وومن پورم ءِ سروک ڈاکٹر شلی ءَ وتی شنگ کرتگیں تامربندے ءَ گوشتگ کہ شھید لمہ کریمہ ءِ یات ءَ باندا کولواہ ءِ ھند ڈنڈار ءَ مراگشے برجم دارگ بیت۔

آئی ءَ گوں ھندی مردماں دزبندی کرتگ ءُ گوشتگ کہ ڈنڈار ءِ کِر ءُ کشانی مردم باندا بیا اَنت ءُ مراگش ءَ بھر بزور اَنت ۔

25/12/2024

ھوشاپ ءَ زور بیگواھیں زمان جان ءُ ابدُلھسن ءِ کھول ءَ دو روچ اِنت کہ زھرشانی ءَ نشتگ

چارشمبے، 25 دسمبر 2024 زرمبش بلوچی

https://zrumbesh.com/9554/

کیچ: 16 دسمبر 2024 ءَ زور بیگواہ کنگ بیتگیں زمان جان ء سپاھان ءُ ابدُلھسن ء رھمت ءِ زوریں بیگواھی ءِ بگیری ءَ آئی کھول دو روچ اِنت کہ ھوشاپ ءَ سی پییک دگ ءَ زھرشانی ءَ نشتگ ۔ کھول ءِ نیمگ ءَ زھرشانی روانکے ھم کشگ بیتگ۔ اے وھد ءَ زھرشانی نندانکءَ بازیں کچے ءَ مردم نشتگ اَنت۔

زھرشانی ءَ نشتگیں مردمانی گوشگ اِنت کہ مئے زھگ دمگی چیئرمین ھوتمان ءَ برتگ ءُ ریاستی ادارھانی دست ءَ داتگ اَنت آیانی زوریں بیگواھیءَ مرچی نوہ روچ سرجم اِنت کہ انگت ءَ ھچ وڑیں ھال نیست۔ بس مارا پہ آزیزانی یل کناھینگ ءِ بس مارا دلبڈی دیگ بوگ ءَ اِنت۔ ھمک روچ ھمے گوشگ بیت مرچی نہ باندا شمئے زھگ یل کنگ بنت بلے انگت ءَ پہ مئے زھگانی یل کناھینگ ءَ ھچ وڑیں گامگیج زور گ نہ بیتگ۔

آئی ءَگوشتگ کہ مرچی دو روچ اِنت زھرشانی نندانک برجاہ اِنت دوشی انتزامیہ اتکگ ءُ مارا دروگیں دلبڈی داتگ کہ شما دگ ءَ پچ بہ کن اِت ما داں دو رچ ءَ شمئے زھگاں یل کناھین ایں۔ ما ھمے گوشتگ کہ تو مارا نبشتہ بہ کن ءُ بدے کہ داں دو روچ ءَ مئے زھگ یل کنگ بنت گڑا آئی نبشتہ نہ کرتگ ءُ گوشتگ من تھنا شمارا زبانی گوشاں منی گپ ءَ سر ءَ ستک بہ کن اِت۔

آئی ءَ گوشتگ دانکہ مئے زھگ یل کنگ نہ بیتگ اَنت ما وتی زھرشانی ءَ برجاہ دار ایں، اگاں مئے گپ اد ءَ گوش دارگ نہ بوت گڑا ما اسلام آباد ءَ ھم رویں ءُ زھرشانی کن ایں۔

25/12/2024

زور بیگواھیں راشد ھسین ءِ ￵زوریں بیگواھی ءِ ￵بگیری ءَ ھب ءَ ￴زھرشانی کنگ بوگ ءَ ￴اِنت بھر بزور اِت۔

25/12/2024

ھوشاپ: زور بیگواھیں زمان جان ءُ ￶ابدُلھسن ءِ ￵کھول ءِ ￵زھرشانی نندانک ءَ ￴تران ۔ دومی بھر

https://fb.watch/wHCN7zH3if

25/12/2024

مستونگ: نشہ ءِ ￵بگیری ءَ ￴بی وائی سی ءِ ￵سروکانی ساراوان پریس کلب ءَ پریس کانپریس

25/12/2024

پاکستان ءِ جنگی گراباں اوگانستان ءَ بمباری کرتگ

چارشمبے، 25 دسمبر 2024، زرمبش بلوچی

اوگانستان: گوستگیں شپ ءَ پاکستانی لشکر ءِ جنگی گراباں اوگانستان ءِ استان پکتیکا ءِ ھند برمل ءَ بمبگواری کرتگ که چه ایشی ءَ باز مردم بیران ءُ ٹپی بیتگ۔

تالبان ءَ پاکستان ءِ جنگی گرابانی بمبگواری ایر جتگ ءُ گوشتگ که بیران بوتگیں مردم گیشتر جنین ءُ زھگ اَنت ءُ آ وزیرستان ءِ جھمندیں باھوٹی اَنت که انوں پکتیکا ءَ نشتگ اَنت.

تالبان ءَ گوشتگ اِے وڑیں بمبگواری ءُ بے میاریں مردمانی ناھکیں کوش میان استمانی رھبندانی بگیری ءُ اوگان سرڈگار ءِ ھکانی پادمال کنگ اِنت.

https://t.me/zrumbesh/27690

Address

Website

http://www.zrumbesh.com/

Alerts

Be the first to know and let us send you an email when Zrumbesh Balochi ریڈیو زر٘مبش بلوچی posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Zrumbesh Balochi ریڈیو زر٘مبش بلوچی:

Videos

زْرمبش بلوچی شپ ءِ ھال / پنچ شمبے 26 دسمبر 2024 ھال شنگکار : زھرہ بلوچ ، کھور بلوچ پیش کار: الیاس بلوچ

زور بیگواھیں راشد ھسین ءِ ￵زوریں بیگواھی ءِ ￵بگیری ءَ ھب ءَ ￴زھرشانی کنگ بوگ ءَ ￴اِنت بھر بزور اِت۔

ھوشاپ: زور بیگواھیں زمان جان ءُ ￶ابدُلھسن ءِ ￵کھول ءِ ￵زھرشانی نندانک ءَ ￴تران ۔ دومی بھر https://fb.watch/wHCN7zH3if

مستونگ: نشہ ءِ ￵بگیری ءَ ￴بی وائی سی ءِ ￵سروکانی ساراوان پریس کلب ءَ پریس کانپریس

کولواہ: شھید بانک کریمہ بلوچ ءِ یات ءَ ڈنڈار ءَ مراگشے برجم دارگ بیت بھر بزور اِت۔ ڈاکٹر شلی بلوچ

ھوشاپ: زور بیگواھیں زمان جان ءُ ￶ابدُلھسن ءِ ￵کھول ءِ ￵زھرشانی نندانک ءَ ￴تران

زْرمبش بلوچی شپ ءِ ھال / چار شمبے 25 دسمبر 2024 ھال شنگکار : زھرہ بلوچ ، کھور بلوچ پیش کار: الیاس بلوچ

زور بیگواھیں زمان ءُ ￶ابدُلھسن ءِ ￵کھول ءِ ￵نیمگ ءَ ￴ھوشاپ ءَ ￴زھرشانی نندانک ءَ اے سی ءُ کھول ءِ میان ءَ گپ ءُ تران بے سوب بوتگ زھرشانی نندانک برجاہ اِنت

ھوشاپ ءَ زمان ءُ ابدُلھسین ءِ کھول ءَ زھرشانی کُرتگ ءُ دگ بستگ۔

ھوشاپ: زور بیگواھیں زمان جان ءُ ￶ابدُلھسن ءِ ￵یل نہ کنگ ءِ ￵بگیری ءَ ￴ھوشاپ ءَ ￴زھرشانی برجاہ اِنت، مئے گون ءَ ￴ھمراھداری بہ کن اِت۔

زور بیگواھیں راشد ھسین ءِ ￵زوریں بیگواھی ءِ ￵بگیری ءَ ھب ءَ ￴زھرشانی کنگ بوگ ءَ ￴اِنت بھر بزور اِت۔

Shortcuts

Address
Alerts
Contact The Business
Videos
Claim ownership or report listing
Want your business to be the top-listed Media Company?

Country:

City:

26/12/2024

25/12/2024

25/12/2024

25/12/2024

25/12/2024

25/12/2024

25/12/2024

25/12/2024

25/12/2024

25/12/2024

25/12/2024

25/12/2024

25/12/2024

25/12/2024

25/12/2024

25/12/2024

25/12/2024

25/12/2024

Address

Website

Alerts

Contact The Business

Videos

Shortcuts

Share