11/12/2023
គណបក្ស ភ្លើងទៀន សូមជម្រាបជូនថ្នាក់ដឹកនាំគណបក្សគ្រប់លំដាប់ថ្នាក់ ក្រុមការងារគណបក្សរាជធានី-ខេត្ត គណៈកម្មាធិការប្រតិបត្តិគណបក្សរាជធានី-ខេត្ត ក្រុង-ស្រុក-ខណ្ឌ និងឃុំ-សង្កាត់ និងជាពិសេស សមាជិក-សមាជិកាក្រុមប្រឹក្សាឃុំ-សង្កាត់ ទាំង ២១៩៨ រូប មកពីគណបក្ស ភ្លើងទៀន ឲ្យបានជ្រាបថា ៖
១- គណបក្ស ភ្លើងទៀន បានជ្រើសរើសយក គណបក្ស ឆន្ទៈខ្មែរ ក្នុងការដាក់បញ្ជីបេក្ខជន សម្រាប់ការចូលរួមបោះឆ្នោតព្រឹទ្ធសភា នីតិកាលទី៥ នៅថ្ងៃទី២៥ ខែកុម្ភៈ ឆ្នាំ២០២៤ ខាងមុខនេះ។
២-ពុំមានគណបក្សដទៃណាមួយអាចបង្ខំ ឬគំរាមកំហែងដោយប្រការណាមួយ ឲ្យសមាជិក- សមាជិកាក្រុមប្រឹក្សាឃុំ-សង្កាត់ ជាប់ឆ្នោត ពីគណបក្ស ភ្លើងទៀន ទៅបោះឆ្នោតឲ្យគណបក្សផ្សេង ក្រៅពី គណបក្ស ឆន្ទៈខ្មែរ បានឡើយ។
៣- គណបក្ស ភ្លើងទៀន ជាគណបក្សតែមួយគត់ មានសិទ្ធិអំណាចក្នុងការគ្រប់គ្រង និងការពារ សមាជិក-សមាជិកាក្រុមប្រឹក្សាឃុំ-សង្កាត់ ទាំង ២១៩៨ រូប ដែលជាប់ឆ្នោតពីគណបក្ស ភ្លើងទៀន តម្រូវឲ្យសមាជិកទាំងអស់ បន្តការងារជាសមាជិកគណបក្ស ភ្លើងទៀន ដោយសកម្ម និងស្មោះត្រង់ ជាមួយគណបក្សតរៀងទៅ។
Telegram Channel: https://t.me/Candlelightparty
