PDF သတင်းစုံ

20/11/2023

20/11/2023

တိုက်လေယာဉ်ပျက်ကျမှုက လွတ်မြောက်တဲ့ ဗိုလ်မှူး ဖမ်းဆီးခံရ
~~~~~
■ စစ်ကောင်စီတပ်က K-8 အမျိုးအစားတိုက်လေယာဉ်ဟာ ကယားပြည်နယ်မှာ နိုဝင်ဘာလ ၁၁ ရက်က ပျက်ကျခဲ့ပြီး လေထီးနဲ့ခုန်ချလို့ အသက်ရှင်လွတ်မြောက်ခဲ့တဲ့ ဗိုလ်မှူး ခိုင်သန့်မိုးကို နိုဝင်ဘာလ ၁၉ ရက်က ဖမ်းဆီးရမိခဲ့တယ်လို့ ကရင်နီတပ်မတော် (KA) တာဝန်ရှိသူတစ်ဦးက ပြောပါတယ်။

လေယာဉ်ပျက်ကျမှုမှာ လေယာဉ်မှူးနှစ်ဦး လွတ်မြောက်ခဲ့ပြီး အဲဒီထဲက ဗိုလ်မှူးခိုင်သန့်မိုးကို ကရင်ပြည်နယ် လိပ်သိုမြို့နယ် တန်ကလူးရွာအနီးမှာ ဖမ်းဆီးရမိခဲ့တာပါ။

တန်ကလူးရွာဟာ ကယားပြည်နယ်နဲ့ ကရင်ပြည်နယ်အစပ်က ကျေးရွာဖြစ်ပြီး ဖမ်းဆီးရမိတဲ့ လေယာဉ်မှူးကို ကယားပြည်နယ်ထဲကို ပြန်လည်ခေါ်ဆောင်လာပြီလို့ KA သတင်းအရင်းအမြစ်က ပြောပါတယ်။

“ကရင်နီ နဲ့ ကရင်နယ်စပ်ဘက်ဖြစ်တဲ့ လိပ်သိုဘက်မှာ မိတယ်ပြောတယ်။ ဖရူဆိုအနောက်ခြမ်းမှာပေါ့ အဲဒါက။ နှစ်ယောက်ထဲမှာ အကြီးတစ်ယောက်ပေါ့”

ဖမ်းဆီးရမိတဲ့ အသက် ၄၃ နှစ်အရွယ် ကိုယ်ပိုင်အမှတ် (လေ) ၂၈၅၃၊ ဗိုလ်မှူးခိုင်သန့်မိုးဟာ စစ်တက္ကသိုလ် အပတ်စဉ် ၄၄ တက်ရောက်ခဲ့သူဖြစ်တယ်လို့ ဆိုပါတယ်။ တွဲဖက်လေယာဉ်မှူး ဗိုလ်ဇာနည်မောင်ကို ကရင်နီပူးပေါင်းတပ်တွေက ဆက်လက်ရှာဖွေနေတယ်လို့ ပြောပါတယ်။

ကယားပြည်နယ်အခြေစိုက် လက်နက်ကိုင်တပ်ဖွဲ့တွေရဲ့တစ်လေးလုံး (၁၁၁၁) စစ်ဆင်ရေးစတင်တဲ့ နိုဝင်ဘာ ၁၁ ရက်က စစ်ကောင်စီတပ်ရဲ့လေယာဉ်ကို ကရင်နီပူးပေါင်းတပ်တွေက ပစ်ချခဲ့တာလို့ KNDF က သတင်းထုတ်ပြန်ခဲ့ပါတယ်။

စစ်ကောင်စီပြောခွင့်ရသူ ဗိုလ်ချုပ်ဇော်မင်းထွန်းကတော့ လေ့ကျင့်ရေးအပေါ့စားလေယာဉ်ဟာ စက်ချို့ယွင်းပြီး ပျက်ကျခဲ့တာလို့ စစ်ကောင်စီထိန်းချုပ်ထားတဲ့ သတင်းဌာနတွေကနေ တစ်ဆင့် နိုဝင်ဘာလ ၁၂ ရက်မှာ ပြောဆိုခဲ့ပါတယ်။ ဒီ့အပြင် လေယာဉ်ပျက်ကျမှုမှာ ပါဝင်တဲ့ လေယာဉ်မှူးနှစ်ဦးနဲ့လည်း အဆက်အသွယ်ရထား ပြီလို့ ပြောဆိုခဲ့ပါတယ်။
_________

ကယားပြည်နယ်တွင် ၂၀၂၃ ခုနှစ် နိုဝင်ဘာလ ၁၁ ရက်နေ့က ပျက်ကျခဲ့သည့် တိုက်လေယာဉ်အပျက်အစီးများအား တွေ့ရစဉ်။ (Photo: Citizen Journalist)

20/11/2023

ကျနော်တို့အတူရှိနေကြတယ်..

ခင်ဗျားတို့ရော့...

မန့်ခဲ့👇👇👇👇

20/11/2023

အကျဥ်းဦးစီးစခန်း (၄) ခု ကိုတိုက်ခိုက်သိမ်းပိုက်ပြီး ​သေနတ်မျိုးစုံ ၁၀၀ ​ကျော်နှင့် ကျည်ဆံ ၈၄၀၀၀ ​ကျော်

-People's Spring

ရှမ်းပြည်နယ်(မြောက်ပိုင်း)၊ နောင်ချိုမြို့နယ်ရှိ လွင်ကြီး အကျဥ်းဦးစီးစခန်း၊ ကျုအင်း အကျဥ်းဦးစီးစခန်း၊ ဟိုခို အကျဥ်းဦးစီးစခန်း၊ ကုန်းစံ အကျဥ်းဦးစီးစခန်း (၄) ခုကို တအာင်းအမျိုးသားလွတ်မြောက်ရေးတပ်မတော် (PSLF/TNLA)နှင့် အမျိုးသားညီညွတ်ရေး အစိုးရ၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော် (မန္တလေး)-MDY-PDFvတို့ တိုက်ခိုက်သိမ်းပိုက် ခဲ့ရာ လက်နက် မျိုးစုံ ၁၀၀ ​ကျော်နှင့် ကျည်ဆံမျိုးစုံ ၈၄,၀၀၀​​ကျော်သိမ်းဆည်းရရှိခဲ့သည်။

အကျဥ်းဦးစီးစခန်း ​လေးခုကို တိုက်ခိုက်သိမ်းပိုက်​သော
တိုက်ပွဲအတွင်း MA-11 (၅၀) လက်၊ MA-12 (၉) လက်၊ MA-5 (၁၃) လက်၊ Shot Gun (၃၂) လက်၊ 5.56 ကျည် (၈၂၄၅၈) တောင့်၊ 9 MM (၅၁၁) တောင့်၊ 12 Bolt ကျည် (၁၅၉၂) တောင့် အပါအဝင် ဆက်စပ်စစ်သုံးပစ္စည်းများ သိမ်းပိုက်ရရှိခဲ့ကြောင်း NUG၊ ကာကွယ်​ရေးဝန်ကြီးဌာနကယ​နေ့ ထုတ်ပြန်သည်။

(သိမ်းဆည်းရရှိ​​​သော လက်နက် ခဲယမ်းများ။
ဓါတ်ပုံ-NUG-MOD )

18/11/2023

ကိုးကန့်ခရိုင် စစ်ကောင်စီ တပ်စခန်း(4)ခု ကိုးကန့် MNDAAထပ်မံသိမ်းပိုက်ရရှိပြီး...စခန်းပေါင်း(စခန်းပေါင်း(152)ခုထိ သိမ်းပိုက်ရရှိပြီးဟုဆို....

အပြည့်အစုံ..👇👇👇👇👇

18/11/2023

မအလ(စတန်းဒက်အာမီ)မှာ မရှိတဲ့လူသားဆန်မှု

ငါတို့လူငယ်တွေစီမှာ ရှိတယ်...

17/11/2023

မန္တလေးမြို့လယ်ခေါင် လမ်း(၃၀)ပေါ်က ရွှေဆိုင် ဓားပြတိုက်ခံရပြီး ကျပ်သိန်း (၁၁၃၀၀)ကျော် ပါသွား၊

စစ်အုပ်စုရုံးတွေ အနီးက ရွှေဆိုင်ကို သေနတ်ဖောက်၊ ကောင်တာတွေ ရိုက်ခွဲကာ ဓားပြတိုက်တာဖြစ်၊

တေဇ/MFP ၊ နိုဝင်ဘာ - ၁၇

မန္တလေးမြို့လယ်ခေါင်၊ ချမ်း​အေးသာစံမြို့နယ်၊ လမ်း(၃၀)နဲ့ (၇၃)လမ်းထောင့် မ​၏င်္လာဈေးဟောင်းရဲ့ မျက်နှာချင်းဆိုင်က ရွှေဆိုင် တစ်ဆိုင် ဒီမနက်ပိုင်း ဓါးပြတိုက်ခံရပြီး ကျပ်သိန်း​ (၁၁၃၀၀)ကျော်ဖိုး ပါသွားတယ်လို့ သတင်း ရရှိပါတယ်။

ဒီနေ့ နိုဝင်ဘာ(၁၇)ရက် မနက်(၁၀)နာရီကျော်က 2E/ 6723 နံပါတ်ပါ မတ်တူးကားနဲ့ လူသုံးဦး ရောက်လာပြီး အဲ့ဒီ လမ်း(၃၀)ပေါ်က ရွှေဆိုင်ကို သေနတ်ပစ်ဖောက်၊ ရွှေကောင်တာတွေ ရိုက်ခွဲ လုယက်ကာ ဓားပြတိုက်တာလို့ ဆိုပါတယ်။

ဓားပြတိုက်ခံရတဲ့ ရွှေဆိုင်ဟာ စစ်အုပ်စုရဲ့ မန္တလေးတိုင်း ရဲရုံး၊ တိုင်းတရားလွတ်တော်၊ မန္တလေးနန်းတွင်းထဲက တိုင်းစစ်ဌာနချုပ်နဲ့ အနီးအနားမှာ ရှိပြီး စစ်အုပ်စု မီးသတ်ရုံးနဲ့လည်း ကပ်လျှက် ဖြစ်ပါတယ်။

“ဆိုင် ဓားမြ တိုက်ခိုက်ခံလိုက်ရပြီ။ ရင်တွေလည်း ကွဲပါပြီ။ သေနတ်တွေလည်း ပစ်။ လူမထိတာဘဲ ကံကောင်ရ။ ပစ္စည်းတွေပါသွားပြီ။ လုပ်ရက်ကြတယ် လူတွေ"လို့ ဆိုင်ပိုင်ရှင်က ဆိုပါတယ်။

အင်္ကျီအနက်ရောင်၊ ဘောင်းဘီရှည် အနက်ရောင် ဝတ်ဆင်ထားသူ အမျိုးသား သုံးဦးက မတ်တူးကားနဲ့ ရောက်လာပြီး သေနတ် အတို နှစ်လက်ကိုင် ဆောင်ကာ သေနတ် နှစ်ချက် ပစ်ဖောက်ပြီး ကောင်တာ ငါးလုံးကို ရိုက်ခွဲကာ ဓားပြတိုက်တာလို့ ဆိုပါတယ်။

ကောင်တာအတွင်းရှိ စိန်လက်စွပ် ၁၈၀ကွင်း ခန့်မှန်းတန်ဖိုးငွေ ကျပ်သိန်း ၁၈၀၀၊ ရွှေဆွဲသီး ၁၅ ပဲရည် ၁၀၅ ခု ခန့်မှန်းတန်ဖိုးငွေ ကျပ်သိန်း ၅၂၅ သိန်း၊ ရွှေ လက် ကောက် ၉၃ ကွင်း ခန့်မှန်တန်းဖိုးငွေ ကျပ်သိန်း ၇၄၀၊ ပလက်တီနမ်ဆွဲသီး အလုံး ၄၀လုံး ခန့်မှန်းတန်ဖိုးငွေ သိန်း ၃၀၀၊ ရွှေဆွဲကြိုး ၁၄ပဲရည် ၁၁၅ ကုံး (၃၀ ကျပ်သားခန့်) ခန့်မှန်းတန်ဖိုးငွေ သိန်း ၈၀၀၊ ဒင်္ဂါးလက်ကောက် ၁၄ပဲရည် ၁၁၄ ကွင်း (၂၈ ကျပ်သားခန့်) ခန့်မှန်းတန်ဖိုး သိန်း ၉၅၀၊ ပလက်တီနမ်ဆွဲကြိုး ၂၈ ကုံး ခန့်မှန်းတန် ဖိုး သိန်း ၂၀၀၊ စိန်းနားကပ် ၄ ရံ ခန့်မှန်းတန်ဖိုး ၄၅ သိန်း၊ ရွှေကလစ် အချောင်း ၆၀ ခု ခန့်မှန်းတန်ဖိုး သိန်း ၂၀၀ ခန့်၊ ရွှေဟန်းချိန်း ၂၅၀ ခု ခန့်မှန်းတန်ဖိုးငွေ သိန်း ၂၀၀၀၊ ၁၅ပဲရည် လက်စွပ် ၇၅၀ ကွင်း ခန့်မှန်း တန်ဖိုးငွေသိန်း ၁၅၀၀၊ ၁၅ ပဲရည် နားကပ် ၄၆၅ ရံ ခန့်မှန်းတန်ဖိုးငွေ သိန်း ၃၀၀၀၊ စုစုပေါင်းတန်ဖိုးငွေ သိန်း ပေါင်း (၁၁၃၁၀)သိန်းခန့် ဓားပြတိုက်သွားတာလို့ စစ်လော်ဘီတွေက ဖော်ပြပါတယ်။

ပြီးခဲ့တဲ့ ရက်ပိုင်းကလည်း မန္တလေးမြို့လယ် (၈၄)လမ်းပေါ်၊ (၄၂)လမ်းက ရွှေဆိုင် ဓားပြတိုက်ခံရပြီး ကျပ်သိန်း တစ်သောင်းကျော် ဆုံးရှုံးခဲ့ပါသေးတယ်။

စစ်အာဏာသိမ်းပြီးနောက် မန္တလေးမှာ လူသတ်၊ လုယက်၊ ဓားပြမှုတွေ ဆက်တိုက်ဖြစ်ပွားနေပြီး ကျူးလွန်သူတွေကို စစ်အုပ်စုက ဖမ်းဆီးအရေးတယူနိင်တာ မရှိသလောက်ပဲလို့ ဒေသခံတွေက ပြောပါတယ်။

17/11/2023

စစ်ဖြစ်တာကတော့ ဘယ်သူမှမကြိုက်ကြဘူး ၊ အခုကိစ္စက စစ်ကို လှောင်နေတာမဟုတ် ၊ နိုင်ငံရေးနဲ့ပညာ ရေး မဆိုင်ပါဘူးဆိုတဲ့ အဖြူရောင်‌ ကျောင်းသား‌တွေကို ပြောပြနေတာ။ ကိုယ့်အိမ်တံခါးလာခေါက်မှ သိမယ့် အသိခေါက်ခက်အဝင်နက်တွေကိုပြောပြနေတာ

စစ်ဖြစ်တာမကြိုက်ပေမယ့် ခွေးကိုရိုက်ချဖို့က ဒီလိုဖြစ်ဖို့က လွဲပြီး တခြာစ ရွေးချယ်စရာမရှိတော့လို့ စစ်ဖြစ်ကြတာပဲ ၊ မကြိုက်လို့မှ လက်နက်မပါဘဲ ငြိမ်းချမ်းစွာ ဆန္ဒပြခဲ့တယ် ၊ ဆန္ဒပြလူငယ်တွေရဲ့ ခေါင်းတွေချည်းရွေးပစ်ခဲ့လို အသက်ဆုံးရှုံးခဲ့ရတယ်။

17/11/2023

ဧည့်စာရင်းစစ်ဖို့ အင်အားရောရှိသေးရဲ့လား😂😂😂

အိုနာကျိုးကန်းတွေပဲရှိတော့တယ်😂😂😂

17/11/2023

မတူပီမှာ စစ်အုပ်စု တိုက်လေယာဉ်နဲ့ ဗုံးကျဲလို့ ညစာကျက်ဝိုင်းက ကလေးငယ် ရှစ်ဦးနဲ့ ကျောင်းဆရာ အပါအဝင် (၁၁)ဦး သေဆုံး၊

ကိုသူ/MFP၊ နိုဝင်ဘာ - ၁၇

ချင်းပြည်နယ်၊ မတူပီမြို့နယ်၊ ဝေလူးကျေးရွာမှာ နို၀င်ဘာ(၁၅)ရက် ည(၇)နာရီခွဲက ကလေးငယ်တွေ စုဝေး စာကျက်နေတဲ့ ညစာကျင်ဝိုင်းကို စစ်အုပ်စုက တိုက်လေယာဉ်နဲ့ ဗုံးကျဲတာကြောင့် ကလေးငယ် ရှစ်ဦးနဲ့ ကျောင်းဆရာ အပါအ၀င် ဒေသခံ(၁၁)ဦး သေဆုံးတယ်လို့ မတူပီမြို့နယ် ပြည်သူ့အုပ်ချုပ်ရေးအဖွဲ့က နို၀င်ဘာ (၁၆)ရက် မနေ့က ထုတ်ပြန်ပါတယ်။

မတူပီမြို့နယ်၊ ဝေလူးကျေးရွာကို တိုက်ပွဲဖြစ်ပွါးတာ မရှိဘဲ စစ်အုပ်စုက အကြောင်းမဲ့ လေကြောင်းကနေ လာရောက် ဗုံးကျဲသလို စစ်သေနတ်နဲ့ပါ ပစ်ခတ်တာကြောင့် ကျေးရွာအတွင်း ကျရောက်ပေါက်ကွဲပြီး ညစာကျက်ဝိုင်းမှာ စာကျက်နေတဲ့ အသက် (၅)နှစ်နဲ့ (၁၅)နှစ်ကြား ကျောင်းသားကလေးငယ် ရှစ်ဦး၊ CDM ကျောင်းဆရာ တစ်ဦးနှင့် အရပ်သားပြည်သူ နှစ်ဦး၊ စုစုပေါင်း (၁၁)ဦး သေဆုံးတာလို့ ဆိုပါတယ်။

စစ်အုပ်စုက အကြောင်းမဲ့ လေကြောင်းသုံး ဗုံးကျဲသတ်ဖြတ်လို့ သေဆုံးသူတွေဟာ CDM ဆရာ ဦးဟာလောင်၊ အသက် (၁၁)နှစ် ‌မောင်ထန်ဟုန်း၊အသက် (၅)နှစ် ‌မလီလီမိုး၊အသက် (၁၂)နှစ်မောင်ရှာမွေလ၊အသက်(၉)နှစ် မောင်ကီနွန်၊ အသက် (၇)နှစ် မောင်ဉာဏ်၀င်း၊အသက် (၇)နှစ် မောင်ဘွေကုန်ထန်း၊အသက် (၇)နှစ် မဇွန်လီစန်း၊အသက် (၁၁)နှစ် မခိုင်သဇင်၊ ဦးတဲနိုင်၊ဦးအွန်ဇာ တို့ဖြစ်တယ်လို့ ဆိုပါတယ်။

ဒါ့အပြင် စာသင်ကျောင်း၊ ဘာသာရေးအဆောက်အဦးနဲ့ နေအိမ် အများအပြား မီးလောင်ကျွမ်းကာ အမျိုးသမီး လေးဦး အပါအ၀င် ထိခိုက်ဒဏ်ရာ ရသူ အများအပြား ရှိပြီး ဒဏ်ရာရသူ အရေအတွက် ဆက်လက်စီစစ်နေဆဲ ဖြစ်တယ်လို့ ဆိုပါသည်။

သူတို့အားလုံးဟာ ဝေလူကျေးရွာရှိ ညစာကျက်ဝိုင်းမှာ စာသင်ကြားနေစဉ် စစ်အုပ်စုက ဂျက်လေယာဉ်နဲ့ ဗုံးကြဲတိုက်ခိုက်ကာ ၊စက်သေနတ်နဲ့ ပစ်ခတ်တာကြောင့် ထိမှန်သေဆုံးခဲ့တာ ဖြစ်တယ်လို့ ဆိုပါတယ်။

ဒီလို စစ်အုပ်စုက ပစ်ခတ်တာကြောင့် စာသင်ကျောင်းလည်း မီးလောင်ပျက်စီပြီး၊ ဘာသာရေး အဆောက်အဦးတချို့နဲ့ နေအိမ်တချို့ပျက်စီးခဲ့တယ်လို့ မတူပီမြို့နယ် ပြည်သူ့အုပ်ချုပ်ရေးအဖွဲက ထုတ်ပြန်ပါတယ်။

ဒီလို စစ်အုပ်စုက လေကြောင်းသုံး ဗုံးကြဲတိုက်ခိုက်တာဟာ တိုက်ပွဲဖြစ်ပွါးခြင်း မရှိဘဲအကြောင်းမဲ့ ပစ်ခတ်ခဲ့တာဖြစ်တယ်လို့ မတူပီမြို့နယ် ပြည်သူ့အုပ်ချုပ်ရေး အဖွဲ့က ထုတ်ပြန်ပါတယ် ။

16/11/2023

ရိခေါ်ဒါရ်မြို့သိမ်း တိုက်ပွဲမှာ လက်နက်ခဲယမ်း အများအပြား သိမ်းဆည်းရရှိ၊
တော်လှန်ရေး ရဲဘော် ကိုးဦး ကျဆုံး၊

ကိုသူ/MFP၊ နိုဝင်ဘာ - ၁၄

ချင်းပြည်နယ်၊ ဖလမ်းခရိုင်၊ မြန်မာ-အိန္ဒိယ နယ်စပ်ကုန်သွယ်ရေးမြို့ ဖြစ်တဲ့ ရိခေါ်ဒါရ်မြို့ကို မနေ့က မြို့သိမ်း တိုက်ပွဲ ဆင်နွှဲခဲ့ရာ စစ်အုပ်စု အများအပြား သေကာ၊ တချို့ ထွက်ပြေး၊ တချို့ကို ဖမ်းမိပြီး လက်နက်မျိုးစုံ (၃၀)ကျော် သိမ်းပိုက်ရရှိတယ်လို့ သတင်းရရှိပါတယ်။

ချင်းအမျိုးသားတပ်ဦး (CNA/CNF) ဦးဆောင်တဲ့ ချင်းပူးပေါင်းတပ်ဖွဲ့က နိုဝင်ဘာ(၁၂)နဲ့ (၁၃)ရက်မှာ ရိဒ်ခေါဒါရ်မြို့ကို မြို့သိမ်းတိုက်ပွဲ ဆင်နွှဲခဲ့တာ ဖြစ်ပြီး အပြီးအပြတ် သိမ်းပိုက်နိုင်ခဲ့တာ ဖြစ်ပါတယ်။

အဲ့ဒီ မြို့သိမ်းတိုက်ပွဲကနေ စစ်အုပ်စုရဲ့ လက်နက်မျိုးစုံ (၃၀)ကျော်နဲ့ ခဲယမ်းအမျာအပြား သိမ်းဆည်းရရှိတယ်လို့ The Chin Journal က ဖော်ပြပါတယ်။

ရိခေါ်ဒါရ် မြို့သိမ်းတိုက်ပွဲမှာ တပ်ရင်းမှုးအဆင့် ဗိုလ်မှုးတစ်ဦးနဲ့ ဗိုလ်ကြီး အပါအ၀င် စစ်အုပ်စု ခုနှစ်ယောက် ဖမ်းမိကာ အလောင်း လေးလောင်း ရရှိပြီး စစ်အုပ်စု (၂၀)ကျော်၊ (၃၀)နီးပါးကတော့ အိန္ဒိယဘက် ထွက်ပြေးသွားတယ်လို့ ချင်းအမျိုးသားတပ်ဦး(CNF) ပြောရေးဆိုခွင့်ရှိသူ ဆလိုင်းထက်နီက MFP ကို ပြောပါတယ်။

အဲ့ဒီ ရိခေါ်ဒါရ်မြို့သိမ်း တိုက်ပွဲအတွင်း ချင်းပူးပေါင်းတပ်က တော်လှန်ရေး ရဲဘော် ကိုးဦး ကျဆုံးပြီး CNF တပ်ဖွဲ့ဝင် ရဲဘော်ရှစ်ဦးနဲ့ PDA တပ်ဖွဲ့ဝင် ရဲဘော်တစ်ဦးတို့ ဖြစ်တယ်လို့ ဒေသခံ တော်လှန်ရေးအဖွဲ့တွေက ပြောပါတယ်။ တိုက်ပွဲအတွင်း ရဲဘော် ခြောက်ဦး ကျဆုံးပြီး (၁၈)ဦး ဒဏ်ရာရကာ ဒဏ်ရာရသူတွေထဲ ရဲဘော် သုံးဦး ထပ်မံ ကျဆုံးတာလို့ ဆိုပါတယ်။

လက်ရှိမှာတော့ ရိခေါ်ဒါရ်မြို့ရှိ စစ်အုပ်စု စခန်းအားလုံးကို တော်လှန်ရေး တပ်တွေက သိမ်းပိုက်ထားတယ်လို့ ချင်းအမျိုးသားတပ်ဦး-CNF ပြောရေးဆိုခွင့်ရှိသူ ဆလိုင်းထက်နီက ပြောပါတယ်။

"အဲ့ဒီ စခန်း နှစ်ခုစလုံးမှာတော့ တစ်ယောက်မှ မရှိတော့ဘူး။ သူတို့ရဲ့ လက်နက်တွေ အားလုံးနီးနီးကတော့ ကျနော်တို့ သိမ်းထားတာပေါ့"

ရိခေါ်ဒါရ်မြို့သိမ်း တိုက်ပွဲအတွင်း စစ်အုပ်စုက လေကြောင်းအသုံးပြုကာ ဂျက်ဖိုက်တာ တိုက်လေယာဉ် တစ်စီးနဲ့ ဗုံးကြဲတိုက်ခိုက်သလို (MI-35) တိုက်ခိုက်ရေး ရဟတ်ယာဉ် နှစ်စီးနဲ့ လာရောက် စစ်ကူးပေး ပစ်ခတ်ခဲ့တယ်လို့ ဒေသခံတွေနဲ့ တော်လှန်ရေး သတင်းရင်းမြစ်တွေကက ပြောပါတယ်။

နှစ်ရက်ကြာ မြို့သိမ်းတိုက်ပွဲ ဖြစ်ပွါးမှုနဲ့ စစ်အုပ်စုက တိုက်လေယာဉ်နဲ့ ဗုံးကျဲတာကြောင့် ရိခေါ်ဒါရ်မြို့ပေါ်က ‌ဒေသခံ အားလုံး မြို့လုံးကျွတ် အိန္ဒိယနိုင်ငံ မိဇိုရမ်ပြည်နယ်ဘက် တိမ်းရှောင်နေရတယ်လို့ ဒေသခံတွေက ပြောပါတယ်။

ဒီလို တိမ်းရှောင်နေစဉ် အိန္ဒိယနိုင်ငံ မိဇိုရမ်ပြည်နယ်ဘက်ကို လက်နက်တချို့ ကျရောက်ပြီးတော့ စစ်ရှောင်နေတဲ့ မြန်မာနိုင်ငံသား နှစ်ဦး လက်နက်ထိမှန် သေဆုံးခဲ့တယ်လို့ ဆိုပါတယ်။

ဒါ့အပြင် စစ်အုပ်စု တိုက်လေယာဉ်နဲ့ ဗုံးကျဲပြီး လက်နက်ကြီးနဲ့ ထုတာကြောင့် တော်လှန်ရေးရဲဘော်နဲ့ ပြည်သူ(၂၀)ဦးခန့် ထိခိုက်ဒဏ်ရာရတယ်လို့ ရိခေါ်ဒါရ်ဒေသခံတစ်ဦးက ပြောပါတယ်။

"အခုချိန်ထိတော့ တိုက်ပွဲတော့ လုံး၀ မရှိတော့ဘူး။ စခန်းအားလုံးကို ပြည်သူ့တပ်မတော်ထဲ ရှိပြီးပြီ၊ တမြို့လုံးကို ပြည်သူတပ်မတော်တွေက ထိန်းချုပ်ထားတယ်။ ဒီည (၇)နာရီ (၅)မိနစ်မှာ တိုက်လေယာဉ်နဲ့ တစ်ကြိမ် ဗုံးလာကြဲတယ်။ အသံကတော့ ပြင်းတယ်။ အဲ့လိုကျဲတာ နှစ်ကြိမ်ရှိတယ် တိုက်လေယာဉ်နဲ့။ တကယ့် ဗုံးကြီးတယ် ထင်တယ်။ တဖက်နိုင်ငံကနေလည်း အကုန်လုံး တုန်လှုပ်နေတာပဲ။ စစ်ရှောင်ကတော့ အားလုံး(၅၀၀၀)နီးပါး ရှိမယ်။ ဒဏ်ရာရတဲ့ သူ‌ကတော့ ဒီပြည်သူတပ်မတော်ထဲက ဒဏ်ရာရတဲ့သူနဲ့ အကုန်လုံး သိသလောက်ဆို (၂၀)၀န်းကျင် ရှိမယ်။ ဒီတချို့ဆိုရင် သွေးလိုတဲ့သူလည်း ရှိတယ်။ သွေးသွင်းပေးရတဲ့ လူတွေပေါ့။ သေဆုံးတာကတော့ တစ်ယောက်သဂြိုလ်ပြီးပြီ ဒီညမှာ" လို့ ဒေသခံတစ်ဦးက မနေ့က ညပိုင်းအချိန် MFP ကို ပြောပါတယ်။

လက်ရှိမှာတော့ ရိခေါ်ဒါရ်မြို့ကို ချင်းတော်လှန်ရေး တပ်တွေက သိမ်းပိုက် ထိန်းချုပ်ထားပြီး နယ်စပ်တံတား ပေါ်မှာလည်း ချင်းအမျိုးသား အလံတော်ကို အောင်လံလွှင့်ထားပါတယ်။

ရိခေါ်ဒါရ်မြို့ကို သိမ်းပိုက်ပြီးနောက် ချင်းတောင်မှာသာမက တိုင်းနဲ့ပြည်နယ် အသီးသီးမှာ စစ်ရေးအရှိန် မြင့်တင်ပြီး စစ်အာဏာရှင် ပြုတ်ကျသည်အထိ တိုက်ပွဲ ၀င်မှာမို့ ပြည်သူတွေ အနေနဲ့ အားတင်းထားဖို့၊ စိတ်ရှည်ရှည် ထားပြီး တော်လှန်ရေးမှာ ဆက်လက် ပူးပေါင်း ပါ၀င်ကြဖို့လည်း CNF ပြောရေးဆိုခွင့်ရှိသူ ဆလိုင်းထက်နီက ပြောပါတယ်။

"စစ်ကောင်စီ အာဏာသိမ်းမှုကြောင့် ပြည်တွင်းပဋိပက္ခ၊ စစ်ရေးပဋိပက္ခမှာ ပြည်သူတွေ ထိခိုက် အသက်ဆုံးရှုံးမှုတွေ အများကြီး ကြုံတွေ့ရတဲ့အပေါ် ကျနော်တို့က ပြည်သူလူထုကို စာနာတယ်။ ဒါပေမယ့် ပြည်သူလည်း နွေဦးတော်လှန်ရေးမှာ စစ်ကောင်စီ အမြစ်ဖြတ် ဖြုတ်ချပြီး ကျနော်တို့ လိုချင်တဲ့ နိုင်ငံရေးစနစ် တည်ဆောက်ဖို့ဆိုတာ ပြည်သူနဲ့ ကျနော်တို့ ဆန္ဒက တစ်ထပ်ထဲ ဖြစ်နေဖို့ဆိုရင် ဘယ်လိုပဲ ဖြစ်ဖြစ် ပြည်သူလည်း ကျနော်တို့လို တိုက်ပွဲ၀င်နေတယ် ကျနော်တို့က ယူဆတယ်။ အတူတူလည်း တိုက်ပွဲ၀င်ကြတယ်။ နာစရာရှိ အတူနာမယ်။ ပြီးတော့ ကျနော်တို့က ပြည်သူနဲ့ လက်ပွန်းတနှီး လုပ်ပြီးတော့မှ ပြည်သူ့လုံခြုံရေးကို ကာကွယ်ရင်းနဲ့ ဆက်လက်ပြီးတော့ တိုက်ပွဲ၀င်သွားမှာပါ။ ပြည်သူတွေ အားမငယ်ကြဖို့နဲ့ စိတ်ရှည်၊လက်ရှည်နဲ့ စစ်ကောင်စီ ဖြုတ်ချဖို့အထိ၊ ဖြုတ်ချနိုင်ရေးအတွက် ကျနော်တို့နဲ့ ဆက်လက်ပြီးတော့ ပူးပေါင်း၊ ပါ၀င်ပေးကြပါလို့ပဲ မေတ္တာရပ်ခံ ချင်တယ်။ ကျနော်တို့ ချင်းပြည်နယ်ထဲ မဟုတ်ဘဲ တပြည်လုံး အတိုင်းအတာ စစ်ရှိန်မြင့်ဖို့ကတော့ ကျနော်တင်မကဘူး ကျနော်တို့ တိုင်းရင်းသား လက်နက်ကိုင်အားလုံး၊ ဒေသကာကွယ်ရေး တပ်ဖွဲ့တွေ ဆန္ဒပါ။ တပြည်လုံး အတိုင်းအတာမှာပါ စစ်ရှိန်မြင့်ဖို့ကတော့ ကျနော်တို့ဆန္ဒပါ ချင်းတောင်မှာလည်း ဆက်လက်ပြီး စစ်ရှိန်မြင့်သွားဖို့လည်း ပြင်ဆင်ထားပါတယ်"

ရိခေါ်ဒါရ်မြို့ဟာ အိန္ဒိယ-မြန်မာ နယ်စပ်ကုန်သွယ်ရေး အတွက် အချက်အခြာကြတဲ့ မြို့တစ်မြို့ ဖြစ်သလို ချင်းပြည်နယ် အမှတ်အသား အသဲပုံ ရိဒ် ရေကန်ရှိတဲ့ မြို့လည်း ဖြစ်ပါတယ်။

ရိခေါ်ဒါရ်မြို့သိမ်းတိုက်ပွဲမှာ သိမ်းဆည်းရရှိတဲ့ လက်နက်ခဲယမ်းတွေ/Photo - The Chin Journal

16/11/2023

ရှမ်းမြောက်မှာ စစ်အုပ်စု လေကြောင်းနဲ့ ချပေးတဲ့ ဆေးဝါးနဲ့ ခဲယမ်း သေတ္တာတွေ TNLA ကြားဖြတ်သိမ်းယူ၊

မှူးအိန်ဂျယ်လ်/MFP၊ နိုဝင်ဘာ - ၁၆

ရှမ်းပြည်မြောက်ပိုင်း၊ လားရှိုးမြို့နယ်၊ မိုင်းကျက်တပ်စခန်းက စစ်အုပ်စုတွေအတွက် လေကြောင်းနဲ့ ချပေးတဲ့ ဆေးဝါးနဲ့ ခဲယမ်း (၁၃)သေတ္တာကို ကြားဖြတ် ပစ်ခတ်ရယူနိုင်ခဲ့တယ်လို့ ညီနောင်မဟာမိတ် သုံးဖွဲ့ဝင် တအာင်းတပ်မတော် - TNLA က ဒီနေ့ ထုတ်ပြန်ပါတယ်။

ဒါဟာ စစ်အုပ်စု လေကြောင်းက ချပေးတဲ့ လက်နက်ခဲယမ်း၊ စစ်အသုံးအဆောင် ပစ္စည်းတွေကို TNLA က ဒုတိယအကြိမ် သိမ်းယူနိုင်ခဲ့တာလို့လည်း ဆိုပါတယ်။

"လားရှိုးမြို့နယ်၊ မိုင်းကျက်တပ်စခန်းတွင် စစ်ကောင်စီတပ်မှ ထောက်ပို့ လေယာဥ်ဖြင့် ချပေးသည့် လက်နက် ခဲယမ်းများကိုလည်း တအာင်းတပ်မတော် PSLF/TNLA မှ ဒုတိယအကြိမ် ဆေးဝါးများနှင့် ခဲယမ်း (၁၃)သေတ္တာ ပစ်ခတ် ဖြတ်ယူ နိုင်ခဲ့သည် " လို့ TNLA က ဖော်ပြထားတာပါ။

ပြီးခဲ့တဲ့ နိုဝင်ဘာ(၃)ရက်လည်း အဲ့ဒီ မိုင်းကျက်တပ်စခန်းအတွက် စစ်အုပ်စု လေကြောင်းနဲ့ ချပေးတဲ့ လက်နက်ခဲယမ်း သေတ္တာ ငါးလုံးကိုလည်း TNLA က ကြားဖြတ် သိမ်းယူနိုင်ခဲ့ပါသေးတယ်။

တချိန်တည်းမှာပဲ ၁၀၂၇ စစ်ဆင်ရေးကလည်း ဆက်လက် အောင်မြင်မှုတွေ ရနေပြီး ဒီနေ့ နိုဝင်ဘာ(၁၆)ရက် မနက်ပိုင်းမှာ ရှမ်းပြည်မြောက်ပိုင်း၊ နမ့်ခမ်းမြို့နယ်၊ နောင်အင်ကျေးရွာ၊ မူဆယ်မြို့နယ်ရှိ ကျင်စန့်ကျော့လမ်းခွဲနဲ့ ကျောက်မဲမြို့နယ် နောင်ပိန်ကျေးရွာလမ်းခွဲ သုံးနေရာမှာ ရှိနေတဲ့ စစ်အုပ်စုကို TNLA က ထိုးစ်စဆင် တိုက်ခိုက်ခဲ့ပြီး နမ့်ခမ်းမြို့နယ် နောင်အင်ကျေးရွာက စစ်အုပ်စုရဲ့ တာကွန့်တပ်စခန်းကို သိမ်းပိုက်ရရှိခဲ့တယ်လို့ ဆိုပါတယ်။

ကိုးကန့် - MNDAA၊ တအာင်း - TNLA နဲ့ ရက္ခိုင် - AA တို့ ညီနောင်မဟာမိတ် သုံးဖွဲ့က အာဏာသိမ်း စစ်အုပ်စုကို ထိုးစစ်ဆင် တိုက်ခိုက်တဲ့ ၁၀၂၇ စစ်ဆင်ရေးကို အောက်တိုဘာ (၂၇)ရက်မှာ စတင်ကာ ဖော်ဆောင်ခဲ့ပြီး ဒီနေ့အထိ စစ်ဆင်ရေး (၂၀)ရက်တာ ကာလအတွင်း ရှမ်းပြည်နယ် မြောက်ပိုင်းက စစ်အုပ်စု စခန်း (၂၀၀)နီးပါး သိမ်းပိုက်နိုင်ခဲ့သလို ချင်းရွှေဟော်၊ နမ့်ခမ်း၊ ကွမ်းလုံ စတဲ့ မြို့ ခုနှစ်မြို့ကိုလည်း သိမ်းပိုက် ထိန်းချုပ်ထားပါတယ်။

၁၀၂၇ စစ်ဆင်ရေးနဲ့အတူ ဟန်ချက်ညီ စစ်ဆင်ရေးအဖြစ် ကရင်နီ၊ ရခိုင်၊ ကချင်၊ ကရင်၊ ချင်းနဲ့ စစ်ကိုင်းတိုင်း ထဲမှာလည်း စစ်အုပ်စုကို ထိုးစစ်ဆင် တိုက်ခိုက်တဲ့ မြို့သိမ်း၊စခန်းသိမ်း တိုက်ပွဲတွေ ဖော်ဆောင်နေပြီး အောင်မြင်မှုတွေ ရရှိနေပါတယ်။

16/11/2023

▪️ချင်းမြို့သိမ်းမှာ သိမ်းပိုက်ရရှိသော လ.က်နက်ပစ္စည်းများ▪️

ချင်းအမျိုးသားတပ်မတော် (CNA) ဦးဆောင်သော ချင်းတော်လှန်ရေးတပ်ပေါင်းစုက နိုဝင်ဘာ ၁၃ နှင့် ၁၄ ရက်နေ့တို့တွင် ချင်းပြည်နယ်၊ ဖလမ်းမြို့နယ်အတွင်းရှိ အိန္ဒိယ-မြန်မာ နယ်စပ်ကုန်သွယ်ရေးအချက်အချာကျသည့် မြို့တစ်မြို့ဖြစ်သော ရိခေါဒါရ် (Rihkhawdar) မြို့ကို တိုက်ခိုက်သိမ်းပိုက်ပြီး ချင်းအမျိုးသားအလံ စိုက်ထူခဲ့ကြသည်။

ရိခေါဒါရ်မြို့သိမ်းစစ်ဆင်ရေးကို CNA ၏ စစ်ဦးစီးချုပ် ဗိုလ်မှူးချုပ် Ngun Hlei Thang ကိုယ်တိုင် ဦးဆောင်တိုက်ခိုက်ခဲ့ခြင်းဖြစ်ကြောင်း၊ လက်နက်ကြီးလက်နက်ငယ်အမြောက်အမြားနှင့် ခဲယမ်းများစွာ သိမ်းဆည်းရရှိခဲ့ကြောင်း ချင်းအမျိုးသားတပ်မတော်၏ လူမှုကွန်ရက်စာမျက်နှာ Chinland Information Center က ယနေ့ နံနက်တွင် ဖော်ပြထားသည်။

အလားတူ အိန္ဒိယ-မြန်မာနယ်စပ် ဖလမ်းမြို့နယ်၊ အင်အား ၃၀ ဝန်းကျင်ရှိသည့် သီးဘွာလ် စစ်တပ်စခန်းကိုလည်း နိုဝင်ဘာ ၁၄ ညသန်းခေါင်တွင် ချင်းအမျိုးသားကာကွယ်ရေးတပ်ဖွဲ့ (CNDF) က တိုက်ခိုက်ပြီး ယမန်နေ့ (နိုဝင်ဘာ ၁၅) နံနက်တွင် သိမ်းပိုက်ရရှိခဲ့သည်။

ဓာတ်ပုံများ - Chinland Information Center

#ရိခေါဒါရ် #ချင်းအမျိုးသားတပ်မတော်

Source: Myanmar Now

#မမများနဲ့ပွဲကမယ် 💃🏻💃🏻

16/11/2023

ကျိုက်မရော၊ ချောင်းနှစ်ခွ နယ်မြေရဲစခန်းနှင့် တံတားဂိတ် စခန်းကို တိုက်ခိုက်ခဲ့သည့် ၆ ရက်တာတိုက်ပွဲအတွင်း ဗိုလ်မှူး ၂ ဦး ၊ ဒုဗိုလ် ၃ ဦး အပါအဝင် စစ်သား ၂၂ ဦးသေဆုံးကာ ၂၈ ဦး လက်နက်ချ အညံ့ခံ

နိုဝင်ဘာ ၁၆ ရက်

မွန်ပြည်နယ်၊ ကျိုက်မရောမြို့နယ်၊ ချောင်းနှစ်ခွ ကျေးရွာ နယ်မြေရဲစခန်းနှင့် တံတားဂိတ်စခန်းကို တိုက်ခိုက်မှုတွင် အထူးစစ်ဆင်ရေးတပ်ဖွဲ့ ပါဝင်တိုက်ခိုက်ခဲ့ပြီး နိုဝင်ဘာလ ၁၀ ရက်နေ့မှ နိုဝင်ဘာလ ၁၅ ရက်နေ့အထိ ၆ ရက်တာ တိုက်ပွဲအတွင်း ဗိုလ်မှူး၂ ဦး ၊ ဒုဗိုလ် ၃ ဦး အပါအဝင် ၂၂ ဦးသေဆုံးကာ ၂၈ ဦး လက်နက်ချ အညံ့ခံကြောင်း အထူးစစ်ဆင်ရေးအဖွဲ့မှ တာဝန်ရှိသူက ရန်ကုန်ခေတ်သစ်သတင်းဌာနထံသို့ ပြောဆိုသည်။

နိုဝင်ဘာလ ၁၀ ရက်နေ့တွင် မွန်ပြည်နယ်၊ ကျိုက်မရောမြိုနယ်၊ ချောင်းနှစ်ခွကျေးရွာရှိ ချောင်းနှစ်ခွနယ်မြေရဲစခန်းနှင့် တံတားဂိတ်စခန်းကို KNLA ၊ အထူးစစ်ဆင်ရေးတပ်ဖွဲ - S.O.F နှင့် ပူးပေါင်းစစ်ကြောင်းများ၊ ဒရုန်းတပ်ဖွဲများမှ စတင်ထိုးစစ်ဆင်တိုက်ခိုက်ခဲ့ကြောင်း၊ နိုဝင်ဘာ ၁၁ ရက်နေ့ ည ၁၂ နာရီ အချိန်တွင် ၄င်းစခန်းနှစ်ခုဆီသို့ စစ်ကူလာသော တပ်မ - ၂၂ လက် အောက်ခံ ခလရ - ၈၁ စစ်တပ် စစ်ကြောင်းနှင့် S.O.F စစ်ကြောင်း ၂ တို့ ဖက်ထေးကုန်းကျေးရွာ သင်္ချိုင်းကုန်းအနီးတွင် ထိတွေ့တိုက်ပွဲဖြစ်ပွားခဲ့ကြောင်း၊ စစ်သား ၃ ဦး သေဆုံးပြီး ၇ ဦး ဒါဏ်ရာပြင်းထန်ရခဲ့ကာ ခဲယမ်းကျည်များ သိမ်းဆည်းရမိခဲ့ကြောင်း သိရှိရသည်။

အလားတူ နိုဝင်ဘာလ ၁၂ ရက်နေ့၊ နံနက် ၈ နာရီ ၃၀ မိနစ်မှစကာ ဘုရားကုန်းအနီးတွင် နေရာယူထားသော အင်အား ၅၄ ဦးရှိ စစ်တပ်စစ်ကြောင်းနှင့် KNLA ၊ PDF ပူးပေါင်းစစ်ကြောင်းတို့ ထပ်မံတိုက်ပွဲဖြစ်ပွားခဲ့ပြီး စစ်တပ်ဘက်မှ ဗိုလ်မှူးတစ်ဦး၊ ဒုဗိုလ်တစ်ဦး ပေါင်း ၂ ဦး စနိုက်ပါထိမှန်၍ သေဆုံးခဲ့ကြောင်း သိရှိရသည်။

ထို့ပြင် နိုဝင်ဘာလ ၁၃ ရက်နေ့တွင် ဖက်ထေးကုန်းကျေးရွာအတွင်းရှိ ဘုရားကုန်းနေရာတွင် ဆက်လက် တိုက်ပွဲပြင်းထန်ခဲ့ပြီး မွန်းလွဲ ၁ နာရီ ၄၅ မိနစ် အချိန်တွင် စစ်တပ်ဘက်မှ အကျအဆုံးများစွာဖြင့် လက်နက်ချ အညံ့ခံခဲ့ကြောင်း၊ ဗိုလ်မှူး ၁ ဦး၊ ဒုဗိုလ်၂ ဦး အပါအဝင် စစ်သား ၁၄ ဦး သေဆုံးခဲ့ပြီး ၂၈ ဦး အရှင်ဖမ်းမိခဲ့ကာ ၁၂ ဦး ဆုတ်ခွာထွက်ပြေးသွားခဲ့ကြောင်း သိရှိရသည်။

ထို့အတူ ယမန်နေ့ နိုဝင်ဘာလ ၁၅ ရက်နေ့ညတွင် ဆုတ်ခွာထွက်ပြေးသွားသော စစ်ကြောင်းကို ထပ်မံပိတ်ဆို့ရှင်းလင်းခဲ့ရာ စစ်သား ၅ ဦး သေဆုံးကာ လက်နက်များထပ်မံ သိမ်းဆည်းရရှိခဲ့ကြောင်း၊ တိုက်ပွဲ ၆ ရက်တာအတွင်း စစ်သားသေဆုံးသည့်အရေအတွက် ၂၂ ဦး၊ လက်နက်ချအညံ့ခံသော စစ်သား ၂၈ ဦးနှင့် လက်နက်မျိုးစုံ ၅၅ လက်ရရှိခဲ့ကြောင်း၊ တော်လှန်ရေးပူးပေါင်းအဖွဲ့များဘက်မှ ရဲဘော် ၃ ဦး တိုင်းပြည်အတွက် အသက်ပေးလှူသွားကြောင်း သိရှိရသည်။

16/11/2023

ငါတို့တိုင်းပြည်ရဲ့ အနာဂတ်ကလေးတွေ

စိုးရိမ်ထိတ်လန့်မှုတွေနဲ့ နေ့စဥ်ဖြတ်သန်းနေရတယ်

ယမ်းနံ့တွေကင်းဝေးသွားတဲ့တစ်နေ့(အာဏာရှင်ကျဆုံးသွားတဲ့တစ်နေ့)

စိုးရိမ်ခြင်းကင်းမဲ့စွာ

အမွှေးဆုံး၊အလှဆုံး ဝေဆာပွင့်လန်းနိုင်ကြပါစေ

15/11/2023

လွိုင်ကော်မြို့တက္ကသိုလ်ဝန်းအတွင်း တပ်စွဲထားသည့် စစ်ကောင်စီတပ်ဖွဲဲ့ဝင်များမှ KNDF ထံသို့ လက်နက်ချအညံ့ခံခြင်း။

မြန်မာ့တပ်မတော် ၏ တပ်သားများအနေဖြင့်
အာဏာရှင် စစ်ခေါင်းဆောင်လူနည်းစုအတွက် အကြမ်းဖက်ဖိနှိိပ်သည့် ထောက်တိုင်အဖြစ် ရပ်တည်ပြီးချေမှုန်းခံမည့်အစား အချိန်မှီ လက်နက်အပ်ကာ CDM ဝင်ရောက်ခြင်းဖြင့် ဂုဏ်သိက္ခာရှိစွာ ဘဝသစ်တွင်ရှင်သန်ကြရန် အထူး တိုက်တွန်းအပ်ပါသည် ။

စစ်ကောင်စီ၏ တပ်သားများအပြင် ရဲတပ်ဖွဲ့ဝင်များ တစ်ဦးချင်းသော်လည်ကောင်း၊ အစုအဖွဲ့လိုက်သော်လည်ကောင်း၊ ဌာနအလိုက်၊ တပ်ရင်းအလိုက် ပြည်သူ့ဖက်ပူးပေါင်း၍ လက်နက်ချရန် လုပ်ဆောင်ပါက KNDF အနေဖြင့် ကောင်းမွန်နွေးထွေးစွာ ကြိုဆိုသွားမည်ဖြစ်ပါသည်။

ကရင်နီအမျိုးသားများကာကွယ်ရေးတပ် - KNDF

15/11/2023

1111. 3ရက်​မြောက်/4ရက်​မြောက်..

မအလဇောက်တပ်ရဲ့ အလှူတော်🙂

(သာဓု)3. ပါ ဇောက်ပု😂😂😂

15/11/2023

morning

စိတ်တောင်မကောင်းဘူး😂😂😂

13/11/2023

#ရွှေပြည်စိုး စစ်ဆင်ရေး 👇👇👇

13/11/2023

Order မှာထားတဲ့ ငှ-က်က-င်ရပါပြီ
ချဲဂဏန်းလဲ ရပါပြီ😁😁

13/11/2023

သိန္နီကို စစ်ကူလာတဲ့ စစ်တပ်ယာဥ်တန်းကို TNLA က တိုက်ခိုက်ရာ စစ်ကား ၁ စီးမီးရှို့ဖျက်ဆီးနိုင်ခဲ့ပြီး တပ်ကြပ်ကြီး ၁ ဦးကို သေနတ် ၂ လက်နဲ့ အရှင်ဖမ်းနိုင်ခဲ့...
++++++++++++++++
နိုဝင်ဘာ ၁၃

၁၀၂၇ စစ်ဆင်ရေးဖော်ဆောင်နေတဲ့ ရှမ်းမြောက်မှာ သိန္နီကို စစ်ကူလာတဲ့ စစ်တပ်ယာဥ်တန်းကို TNLA က တိုက်ခိုက်ရာ စစ်ကား ၁ စီးမီးရှို့ဖျက်ဆီးနိုင်ခဲ့ပြီး တပ်ကြပ်ကြီး ၁ ဦးကို သေနတ် ၂ လက်နဲ့ အရှင်ဖမ်းနိုင်ခဲ့တယ်လို့ TNLA က ဒီမနက်မှာ ထုတ်ပြန်ပါတယ်။

TNLA တပ်မဟာ(၄)စစ်ဒေသ၊ လားရှိုးမြို့ စစ်ကောင်စီတပ်ကနေ သိန္နီဘက် (၁၂)မိုင်ကို စစ်ကူပို့ဆောင်တာကို မနေ့ ည ၇ နာရီ ၄၅ မိနစ်အချိန်မှာ တအာင်းတပ်မတော် PSLF/TNLA က ကြားဖြတ်ပစ်ခတ်တိုက်ခိုက်ခဲ့ရာ စစ်ကား (၁)စီး မီးရှို့ဖျက်ဆီးခဲ့ပြီး စစ်ကောင်စီ တပ်ကြပ်ကြီးအဆင့် (၁)ဦးကို လက်နက် (၂)လက်နဲ့ ဖမ်းဆီးနိုင်ခဲ့တယ်လို့ သိရပါတယ်။

ဒါ့အပြင် TNLA တပ်မဟာ(၁)စစ်ဒေသ၊ နမ့်ခမ်းမြို့ရှိ စစ်ကောင်စီ စခန်းသစ်ကုန်းကို ဒီနေ့ မနက် ၆ နာရီ ၄၅ မိနစ် အချိန်မှာ တအာင်းတပ်မတော် PSLF/TNLA က ပစ်ခတ်တိုက်ခိုက်ခဲ့တယ်လို့ သိရပါတယ်။

အဲ့ဒီ စစ်ကောင်စီ စခန်းသစ်ကုန်းကနေ မနေ့ ည ၈ နာရီအချိန်မှာ နမ့်ခမ်းမြို့တွင်း ရဲစခန်းနဲ့ စာရေးတန်းရပ်ကွက်၊ ပတ္တမြားခန်းမဘက်ကို လက်နက်ကြီးပစ်ခတ်တာကြောင့် ပတ္တမြားခန်းမကို ထိမှန်မီးလောင်ခဲ့ပြီး နိုဝင်ဘာ ၁၁ ရက်နေ့ကလည်း စစ်ကောင်စီ လက်နက်ကြီးပစ်ခတ်မှုကြောင့် သာယာကုန်းရပ်ကွက်မှာ လူနေအိမ် (၃)လုံး ထိမှန်‌ မီးလောင်ခဲ့တယ်လို့ သိရပါတယ်။

ဒါ့အပြင် ဒီနေ့ မနက် ၆ နာရီ ၄၅ မိနစ်အချိန်မှာလည်း စစ်ကောင်စီတပ်က မန်အောင်ကျေးရွာဘက် လက်နက်ကြီးနဲ့ (၃)ကြိမ်၊ ဆာလူကျေးရွာကို (၁)ကြိမ်၊ ဖာလင်ကျေးရွာကို (၁)ကြိမ်)၊ မန်ဝေါကျေးရွာကို (၁)ကြိမ်၊ လွယ်ဟွမ်ကျေးရွာကို (၁)ကြိမ်နဲ့ မန်လုံကျေးရွာဘက်ကို (၂)ကြိမ် ပစ်ခတ်တိုက်ခိုက်ခဲ့တယ်လို့ TNLA က ထုတ်ပြန်ထားပါတယ်။

12/11/2023

ဒီမောဆိုမြို့နယ် ဘုရားဖြူစခန်းမှ သိမ်းပိုက်ရရှိတဲ့ လက်နက်နဲ့ စစ်သုံ့ပန်းများ
++++++++++++++++++++++++
နိုဝင်ဘာ၊ ၁၂

ဒီမောဆိုမြို့နယ် ဘုရားဖြူစခန်းကို ကရင်နီ တော်လှန်ရေး အင်အားစုများက သိမ်းပိုက်ရရှိစဉ် လက်နက်ခဲယမ်းနဲ့ စစ်သုံ့ပန့်များကို NUG ရဲ့ ကာကွယ်ရေးဝန်ကြီးဌာနက ထုတ်ပြန်လာပါတယ်။

ကရင်နီ ၁၁.၁၁ စစ်ဆင်ရေး (11.11 Operation) ကို ၂၀၂၃ ခုနှစ်၊ နိုဝင်ဘာ (၁၁) ရက်မှ စတင်ပြီး ကရင်နီပြည်နယ်မှာ စခန်းသိမ်း တိုက်ပွဲများ ဆင်နွဲနေခြင်းဖြစ်ပါတယ်။

တိုက်ပွဲတွေကို KA၊ KNDF၊ KNPLF၊ DMO- Local PDF၊ မြို့ပြပျောက်ကြားတပ်တို့နှင့်အတူ အလယ်ပိုင်းတိုင်းစစ်ဌာနချုပ်၊ ရှမ်းတောင်-ကယား(ကရင်နီ) စစ်တိုင်းဌာနမှ လွိုင်ကော်၊ မိုးဗြဲ၊ ဖယ်ခုံ၊ ဖရူဆို၊ ဒီမောဆိုနှင့် ရှမ်းတောင် PDF တပ်ရင်းများ ပူးပေါင်းဆင်နွှဲလျက်ရှိတယ်လို့ ဖော်ပြလာပါတယ်။

သတင်းစုံ

12/11/2023

ရက္ခိုင့်တပ်တော် (AA) ရဲဘော်များ ကွမ်းလုံတံတားကို ဖြတ်ကျော်ရင်း အောင်ပွဲခံ (ရုပ်/သံ)
++++++++++++++
နိုဝင်ဘာ ၁၂ ရက်

ကွမ်းလုံမြို့ကို မြောက်ပိုင်းမဟာမိတ်တပ်များက အလုံးစုံ သိမ်းပိုက်နိုင်ခဲ့တယ်လို့ ကြေညာအပြီး၊ ညီနောင်မဟာမိတ်(၃)ဖွဲ့ထဲက တစ်ဖွဲ့ဖြစ်တဲ့ ရက္ခိုင့်တပ်တော် (AA) တပ်ဖွဲ့ဝင်များက ယနေ့ညနေပိုင်းမှာ ကွမ်းလုံတံတားကိုဖြတ်ကျော် အောင်ပွဲခံနေတဲ့ ဗီဒီယိုဖိုင်ကို MNDAA ကထုတ်ပြန်လိုက်ပါတယ်။

12/11/2023

👇👇👇👇

24/07/2023

ဇာတ်တူသား စားနေကြပြီ
😂😂😂😂😂

24/07/2023

" အမျိုးသားညီညွတ်ရေးအစိုးရ၊ ယာယီသမ္မတ ဒူဝါလရှီးလမှ ပြည်သူများထံသို့ သတင်းစကား "
၂၀၂၃ ခုနှစ်၊ ဇူလိုင်လ (၂၄) ရက်
“ပြည်တွင်း၊ ပြည်ပအဖွဲ့တွေနဲ့ ပူးပေါင်းဆောင်ရွက်နေတာကြောင့် မဝေးတော့တဲ့ အနာဂတ်မှာ အကြမ်းဖက်စစ်ခေါင်းဆောင်နဲ့ အပေါင်းအပါတွေကို နိုင်ငံတကာတရားရေးရာအဖွဲ့တွေနဲ့ တရားစွဲဆို အပြစ်ပေးမှုတွေ လုပ်ဆောင်နိုင်တော့မှာ ဖြစ်ပါတယ်”
National Unity Government of Myanmar
Telegram link - https://t.me/nugmyanmar

22/07/2023

ရွှေဘို-ဝက်လက် ကားလမ်းမှာ ညလုံးပေါက် စောင့်ပြီး မိုင်းကွင်းထဲအရာက် ဖောက်ခွဲတိုက်ခိုက်ရာ စစ်အုပ်စု (၂၀) ထိခိုက် သေဆုံး၊

သက်တန့်/MFP ၊ ဇူလိုင် - ၂၂

စစ်ကိုင်းတိုင်း၊ ရွှေဘိုနဲ့ ဝက်လက် မြို့နယ်အစပ်၊ ရွှေဘို-ဝက်လက် ကာလမ်းပေါ် သွားလာနေတဲ့ အင်အား(၁၀၀)ခန့်ပါ စစ်အုပ်စုကို ညလုံးပေါက် စောင့်ဆိုင်းပြီး မိုင်းကွင်းထဲ ရောက်လာချိန်မှာ ဖောက်ခွဲ တိုက်ခိုက်ခဲ့သလို လက်နက်ကြီး၊ လက်နက်ငယ်တွေနဲ့ ဝိုင်းဝန်းပစ်ခတ် တိုက်ခိုက်ခဲ့ရာ စစ်အုပ်စု (၂၀)ခန့် ထိခိုက် သေဆုံးတယ်လို့ ဝက်လက်နယ် တော်လှန်ရေးတပ်ဖွဲ့တွေက MFP ကို ပြောပါတယ်။

ဇူလိုင်(၂၀)ရက်မှာ အရာတော်မြို့ကနေ အရာတော် - ဝက်လက် - ရွှေဘိုလမ်းအတိုင်း ထွက်လာပြီး ရွှေဘိုဘက် သွားနေတဲ့ စစ်အုပ်စုကို မနေ့က ဇူလိုင်(၂၁)ရက် မနက်ပိုင်း ဝက်လက်နယ် စိုင်နိုင်ကွေ့အနီး မိုင်းကွင်းထဲ အရောက်မှာ ဖောက်ခွဲပြီး ပစ်ခတ်တိုက်ခိုက် ခဲ့တာလို့ ဆိုပါတယ်။

အဲ့ဒီ စစ်အုပ်စုဟာ အရာတော်က ထွက်လာကတည်းက လမ်းတစ်လျှောက် နယ်မြေအခြေအနေကို ဒရုန်းနဲ့ ကြည့်ကာ သူတို့ မသင်္ကာတဲ့ ရွာတွေကို ဒရုန်းနဲ့ ဗုံးသီးချ တိုက်ခိုက်တာတွေ လုပ်ဆောင်ခဲ့ကြောင်းနဲ့ အရာတော်မြို့ကနေ ဝက်လက်နယ် ရွာသာကြီး၊ အဲဒီကတဆင့် စိုင်နိုင်ကြီးရွာထဲ စီးနင်းညအိပ်ပြီးနောက် ဇူလိုင်(၂၁)ရက်မှာ ရွှေဘိုမြို့ဘက် ဆက်လက် ထွက်ခွာလာချိန် စိုင်နိုင်ကွေ့အနီး မိုင်းကွင်းထဲ အရောက်မှာ မိုင်ဆွဲပြီး လက်နက်ကြီး၊ လက်နက်ငယ်တွေနဲ့ ပစ်ခတ်တိုက်ခိုက်ခဲ့တာလို့ ဆိုပါတယ်။

"ထိတွေ့မှု သုံးကြိမ်ဖြစ်တဲ့ ဟာမှာ ခွေးကတော့ အကောင်(၂၀) ကျတယ်ဗျ။ ရှစ်ကောင် ဒဏ်ရာရတယ်ဗျ။ အကောင်(၂၀)မှာ အကောင်ကြီး သုံးကောင် ပါတယ်။ အကောင်(၂၀)က ရွှေဘိုမြို့ လေ့ကျင့်ရေး(၈)ရဲ့ အနောက်ဘက်က ဖုတ်ကုန်းကျေးရွာ သုသန်မှာ သဂြိုဟ်တာပါ"လို့ ရွှေဘိုခရိုင် တပ်ရင်း(၁၅)ရဲ့ တပ်ထောက်ဗိုလ် ဗိုလ်စာကလေးက MFP ကို ပြောပါတယ်။

အဲ့ဒီ တိုက်ခိုက်မှုကို ရွှေဘိုခရိုင် တပ်ရင်း(၁၅) အပါအဝင် ဝက်လက်နယ်က တော်လှန်ရေး မဟာမိတ်တွေ ပူးပေါင်း တိုက်ခိုက်ခဲ့တာလို့ ဆိုပါတယ်။

တိုက်ခိုက်မှုအတွင်း စစ်အုပ်စုဘက်က အသေအပျောက် များတာဟာ မိုင်းကွင်းထဲအရောက် ထိထိမိမိ ဖောက်ခွဲခဲ့တာနဲ့ လက်နက်ကြီးတွေကြောင့် ဖြစ်တယ်လို့ ဆိုပါတယ်။

စစ်အုပ်စုဟာ သေတဲ့သူနဲ့ ဒဏ်ရာရသူတွေ အပါအဝင် တိုက်ခိုက်ခံနေရတဲ့ စစ်အုပ်စုကို ကားနဲ့သယ်ထုတ်ဖို့အတွက် စိုင်နိုင်ကြီးရွာနဲ့ စိုင်နိုင်လေးရွာကြားရှိ ဆန်စက်က ကားနှစ်စီးနဲ့ ဘုန်းဘွဲ့ကျေးရွာက ကားတစ်စီး စတဲ့ ပြည်သူတွေရဲ့ ကားသုံးစီးကို ခိုးယူလုယက်ပြီး ရွှေဘိုမြို့ဘက် ထွက်ပြေးသွားတယ်လို့ ဆိုပါတယ်။

ရွှေဘို၊ ဝက်လက်နဲ့ အရာတော်နယ်ထဲ စစ်အုပ်စုက ရွာစဉ်ပတ်မွှေကာ လူသတ်၊ လုယက်၊ မီးရှို့နေတာ ဖြစ်ပါတယ်။

စစ်အုပ်စုကို တိုက်ခိုက်ဖို့ ပြင်ဆင်နေတဲ့ ရွှေဘိုခရိုင် တပ်ရင်း(၁၅) ရဲဘော်တချို့/Photo – ရွှေဘိုခရိုင်တပ်ရင်း-၁၅

22/07/2023

အောက်ချင်းငှက်လေးတွေ ပွဲကြမ်းထားတယ်👇👇

22/07/2023

ပွဲ ကြီးကြီးတွေရထားတယ်👇👇👇

17/07/2023

၈/တေွကိုလျှော့မတွက်စေချင်