Sit-Taung Region News

Home
Sit-Taung Region News

Contact information, map and directions, contact form, opening hours, services, ratings, photos, videos and announcements from Sit-Taung Region News, Media/News Company, .

08/05/2023

ချိုဝမ်ဟုလူသိများတဲ့ ကိုရီယားမင်းသမီးနဲ့ အဆိုတော်se7venတို့ လက်ထပ်ပြီးစီး

မေ ၈ရက် ၂၀၂၃

မြန်မာနိုင်ငံတွင် ချိုဝမ်ဟုလူသိများတဲ့ ကိုရီးယားသရုပ်ဆောင်မင်းသမီး Lee Da Haeဟာ သူမနဲ့၈နှစ်ကကျော် ကြာတွဲခဲ့တဲ့ ကိုရီးယားအဆိုတော် se7en နဲ့မေလ၆ရက်နေ့က ဆိုးလ်းမြို့မှာရှိတဲ့ Shilla Hotel မှာလက်ထပ်ထိမ်းမြားခဲ့ပါတယ်။

အဆိုပါပွဲတွင် Gummy ,Bada နဲ့ Bigbang ရဲ့အဖွဲ့ဝင်ဖြစ်တဲ့Tae yaung တို့က မင်္ဂလာပွဲအတွက် ဂုဏ်ပြုသီချင်းသီဆိုပေးခဲ့ပါတယ်။မင်္ဂလာပွဲကို G-dragon,Daesaung,Lee Soo Hyukနဲ့ 2ne1 အဖွဲ့ဝင်ဖြစ်တဲ့ Sandara park,CL နဲ့ Mizy, Super Junior's အဖွဲ့ဝင်များနဲ့ အခြားကိုရီးယားအနုပညာရှင်များတက်ရောက်ခဲ့ပါတယ်။

မင်္ဂလာပွဲတွင် Se7en က ''လွန်ခဲ့တဲ့၈နှစ်တာလုံး ပျော်ရွှင်ဝမ်းနည်းမှုတွေကို မျှဝေ ခံစားပေးခဲ့တဲ့ချစ်သူ Lee Da Hae ကိုချစ်ခြင်းမေတ္တာနဲ့ လက်ထပ်ဖို့ဖြစ်လာပါပြီ။ယခုမှစပြီး အိမ်ထောင်ဦးစီးအနေနဲ့ပိုမိုရင့်ကျက်ပါ့မယ်''လို့ဆိုပြီး Lee Da Hae ကလည်း ''ငါတို့တွဲတာ ၈ နှစ်ရှိပြီ မင်္ဂလာဆောင်တာအံ့သြစရာမရှိပေမယ့် ကျမရှက်နေတယ် ''လို့ဆိုထားပါတယ်။

ပြီးခဲ့တဲ့ ဧပြီ ၇ ရက်နေ့မှာ မြေခွေးမလေးချစ်သူ ဇာတ်ကားနဲ့လူသိများတဲ့ မင်းသား Lee Seung Gi လည်း သူရဲ့ချစ်သူမင်းသမီး Lee Da Inနဲ့လက်ထပ် ခဲ့ပါတယ်။

#လက်ထပ်ထိမ်းမြား

08/05/2023

မော်လမြိုင်မြို့မှ လူမှုကူညီရေးအဖွဲ့တွေက မုန်တိုင်းအန္တာရယ်အတွက်ကြိုတင်ပြင်ဆင်ထား

မေ-၈ ရက်

မိသီရိ

မွန်ပြည်နယ် မော်လမြိုင်မြို့မှ လူမှုကူညီရေးအဖွဲ့တွေက မုန်တိုင်းအန္တာရာယ်အတွက် ကြိုတင်ပြင်ဆင်ရေး လုပ်ငန်းတွေလုပ်ဆောင်ထားတယ်လို့ ဒေသခံတွေဆီကသိရပါတယ်။

မော်လမြိုင်မြို့မှာရှိတယ့် ဘိုဘိုဝင်း Rescueအရေးပေါ်ကယ်ဆယ်ရေးအသင်း၊ ရာမညအရေးပေါ်လူမှုကူညီရေးအသင်း၊
အေးမြကြည်လင်လူမှုကူညီရေးအသင်း၊ မော်လမြိုင်လူမှုကယ်ဆယ်ရေး အသင်း စတယ့်အသင်းကြီး ၄ သင်းက ပူးပေါင်းစီစဉ်ထားတယ်လို့ သိရပါတယ်။ အဓိက ကယ်ဆယ်ရေးသမားတွေ၊မုန်တိုင်းအတွက်လိုအပ်တယ့် ကယ်ဆယ်ရေး ပစ္စည်းတွေ ၊ အရေးပေါ်အခြေအနေတွေ အတွက်ပါ ကြိုတင်ပြင်ဆင်ထားတယ်လို့ ဆိုပါတယ်။

“ ကျွန်တော်တို့ မော်လမြိုင်က မိုးများတော့လေ နှစ်စဉ် ၅ လပိုင်း မိုးကြိုလေကြိုကာလမှာ ၂၀၁၈ ကနေစပြီး ၂၀၂၂ အထိပေါ့နော် လေပြင်းကျတာကြောင့် သစ်ပင်ကျိုးတယ့် ဖြစ်စဉ်တွေက ဖြစ်နေကြဆိုတော့ ပြည်သူလူထုအနေနဲ့ နေအိမ်ထိခိုက်နိုင်တယ့် သစ်ပင်တွေ ခုတ်ထားဖို့ မုန်တိုင်းအတွက် ကြိုတင်ပြင်ဆင်ထားဖို့လိုတယ်လို့” ဘိုဘိုဝင်း လူမှုကူညီရေးအဖွဲ့က တာဝန်ရှိသူက ဆိုပါတယ်။

မွန်ပြည်နယ် မော်လမြိုင်မြို့မှာ ပြီးခဲ့တယ့် ၂၀၂၂ ဇူလိုင်လက မိုးကြီးပြီး မြေပြိုမှုကြောင့် လူ ၅ဦး သေဆုံးခဲ့ပါတယ်။

ရန်ကုန်၊ မွန် ၊ကရင် ၊ တနင်္သာရီ ဒေသများသို့ တစ်နာရီ လေတိုက်နှုန်း မိုင် ၉၀ မှ ၁၂၀ အထိ တိုက်ခတ်နိုင်လို့ စစ်ကောင်စီရဲ့ လက်အောက်ခံ ရုံးအဖွဲ့အစည်းတွေကို ကြိုတင်ပြင်ဆင်မှုများပြုလုပ်ထားဖို့
လူဝင်မှုကြီးကြပ်ရေးဦးစီးဌာန မွန်ပြည်နယ်ရုံးက ကြေးနန်းစာများပို့ထားတယ်လို့ သိရပါတယ်။

07/05/2023

မကြာခင်မှာပဲ သစ်သီးတွေ လိုင်လိုင်ပေါတဲ့ ရာသီကိုရောက်တော့မှာပါ…
ဥပမာ သရက်သီး ဒူးရင်းသီး ကနစိုသီး ကြက်မောက်သီး မင်းကွပ်သီး ပိန္နဲသီး အစရှိသဖြင့်ပေါ့….

ကျွန်တော် မေတ္တာရပ်ခံချင်တာကတော့…
အဲဒီအသီးတွေကို စားပြီးတဲ့အခါ သစ်စေ့လေးတွေကို အမိုက်တွေနဲ့အတူ လွင့်မပစ်ကြပါနဲ့ခင်ဗျာ..

အဲဒီအစ့လေးတွေကို ရေပြောင်အောင်ဆေးပြီး အခြောက်ခံပေးထားပါ.. ကောင်းစွာ ခြောက်သွေ့သွားတဲ့အချိန် သတင်းစာ စက္ကူလေးနဲ့ ထုပ်ပြီး မိတ်ဆွေတို့ရဲ့ ကားထဲမှာ သိမ်းထားပေးပါခင်ဗျ….

ခရီးသွားရင်းနဲ့ပဲ ဖြစ်ဖြစ် မြို့အပြင်ရောက်တဲ့အခါမှာ ဖြစ်ဖြစ်…. ကျေးလက်လမ်းတွေမှာပဲဖြစ်ဖြစ်… ကားလမ်းဘေးက မြေကွက်လပ်တွေမှာပဲဖြစ်ဖြစ်…. အဲဒီနေရာတွေကို ရောက်တဲ့အခါမှာ… သင်သိမ်းထားတဲ့ သစ်စေ့လေးတွေကို လွင့်ပစ်ပေးပါ….

အဲဒီစေ့လေးတွေဟာ မိုးရာသီရောက်တဲ့ခါမှာ အလွယ်တကူ ရှင်သန်လာနိုင်ပါတယ်…

မိတ်ဆွေ အနေနဲ့ နှစ်စဉ်မိုးရာသီတိုင်းမှာ ဒီနည်းသုံးပြီး အပင်လေးတွေ စိုက်ပျိုးပေးမယ်ဆိုရင် ကျွန်တော်တို့ နေထိုင်ရာ ကမ္ဘာကြီးစိမ်းလန်းလာရေး ရည်မှန်းချက်ဟာ အောင်မြင်လာမှာပါ…

ထိုင်းအစိုးရကတော့ ဒီနည်းနဲ့ အပင်တွေစိုက်ပျိုးကြဖို့ သူတို့နိုင်ငံသားတွေကို လွန်ခဲ့တဲ့ နှစ်အနည်းငယ်ကတည်းက လှုံ့ဆော်နေခဲ့တာပါ…

ထိုင်းနိုင်ငံရဲ့ ခရိုင်အရာရှိတွေဟာ သူတို့ဒေသတွေမှာ ဒီနည်းကို စိတ်အားထက်သန်သန်ပဲ ဟောပြောစည်းရုံးခဲ့ပြီး အောင်မြင်မှုတွေရရှိခဲ့ကြပါတယ်။ ထိုင်းနိုင်ငံ မြောက်ပိုင်းက ခရိုင်တွေက ( မြန်မာနိုင်ငံ ရှမ်းပြည်နဲ့ ဆက်စပ်နေတဲ့ ဒေသ ) တောတွေမှာ ဒီနည်းနဲ့ သစ်သီးပင်တွေဟာ တိုးပွားလို့လာနေပါတယ်…

ရိုးရှင်းပြီး ထိရောက်စေမဲ့ ဒီနည်းလမ်းလေးကို အသုံးပြီး ကျွန်တော်တို့ အနာဂတ် မျိုးဆက်တွေအတွက် သစ်ပင်တွေ အလျှံပယ် ထားခဲ့ကြရအောင်လားဗျာ….

ကျေးဇူးပြုပြီး မျှဝေပေးကြပါနော်…

Credit to original post uploader

28/04/2023

PDFနဲ့ မဟာမိတ်ပူးပေါင်းတပ်က ကျောက်ထု အမြှောက်တပ်နှင့်လေတပ်ကို တိုက်ခိုက်ခဲ့

၂၀၂၃ ခုနှစ်၊ ဧပြီလ (၂၃) ရက်နေ့ နဲ့
(၂၈)ရက်နေ့မှာ မကွေးတိုင်း၊ ဆောမြို့နယ်၊ ကျောက်ထုဒေသ၊ ကျောက်ထု အမြှောက်တပ် (၃၆၈)မှ ထွက်လာသော ရန်သူ့အင်အား (၁၃၀) ဦးခန့်ကို ပြည်သူ့ကာကွယ်ရေးတပ်မတော်(PDF) ဂန့်ဂေါခရိုင် တပ်ရင်းအမှတ် (၁၃) နှင့် CDF မင်းတပ် တို့ညနေ ၄နာရီခန့်မှာ ပူးပေါင်း တိုက်ခိုက်ခဲ့ပါတယ်။ စစ်ကောင်စီဘက်မှ ထိခိုက်ကျဆုံးမှု ရှိခဲ့ပြီး ၎င်းတို့ဘက်မှ လက်နက်ကြီးများနဲ့ ရမ်းသမ်းပစ်ခတ်သဖြင့် CDF မင်းတပ်မှ ရဲဘော်တစ်ဦး ဒဏ်ရာ အနည်းငယ်ရရှိခဲ့ပါတယ်။

ည(၈:၀၆)နာရီမှာဂန့်ဂေါခရိုင်pdf တပ်ရင်း အမှတ်(၈)က ကျောက်ထု အမြှောက်တပ်(၃၆၈)နဲ့ ကျောက်ထုလေတပ်ကို Rocket များဖြင့် ထပ်မံပစ်ခတ် တိုက်ခိုက်ခဲ့ပြီး အထိအခိုက်မရှိ ပြန်လည်ဆုတ်ခွာနိုင်ခဲ့ပါတယ်။

၂၀၂၃ ခုနှစ်၊ဧပြီလ(၂၄)ရက်နေ့၊နေ့လည်(၁၂:၁၅)နာရီခန့်တွင် မကွေးတိုင်း၊ ပေါက်မြို့နယ်၊ ပင်တောင်ကျေးရွာ (ပျူစောထီးရွာ)မှ နယ်မြေခံ ပျူစောထီးများက လုံခြုံရေး ကင်းယူလျက် ယောချောင်းအတွင်း ငါးဖမ်းနေချိန် (PDF) ပခုက္ကူခရိုင်တပ်ရင်းအမှတ် (၁၈) - တပ်ခွဲ (၃) - နဂါးမျိုးအဖွဲ့၊ ပေါက် မြို့နယ် အခြေပြု ဗိုလ်တစ္ဆေအဖွဲ့၊ ပေါက်ကျေးရွာကာကွယ်ရေး အဖွဲ့များ နှင့် မြိုင် ပကဖ တပ်ရင်း (၁) ၊တပ်ခွဲ(၅) ၊ တပ်စိတ် (၂၊ ၄) တို့က ပြောက်ကျားစနစ်နဲ့ ပစ်ခတ် တိုက်ခိုက်ခဲ့ခြင်းကြောင့် စစ်ကောင်စီဘက်မှ (၄) ဦး နေရာမှာဘဲ သေဆုံးခဲ့ပြီး (၁) ဦး ပြင်းထန်ဒဏ်ရာနဲ့ ထွက်ပြေး လွတ်မြောက်သွားခဲ့သည်။

ဧပြီလ(၂၄)ရက်နေ့၊နေ့လည်(၁:၃၅)နာရီခန့်မှာ သေဆုံးသွားသော စစ်ကောင်စီဘက်မှ ရုပ်အလောင်းများကို ရန်သူ့တပ်နှင့်ပင်တောင်ကျေးရွာ၊ သစ်ချိုကုန်းကျေးရွာ နဲ့ ဝန်ခြုံးကျေးရွာများ မှ နယ်မြေခံ ပျူစောထီးများက လာရောက်သယ်ဆောင်ခဲ့ကြပါတယ်။ သပြေအေးကျေးရွာသို့ ဝင်ရောက်ကာ ပြည်သူပိုင် နေအိမ် များကို အကြမ်းဖက် မီးရှို့ဖျက်ဆီးခဲ့သောကြောင့် ပြည်သူပိုင်နေအိမ်များ မီးလောင်ပြာကျခဲ့ပါတယ်။ ရန်သူ့တပ်နှင့် ပျုစောထီးများက ဒေသခံ ပြည်သူများ၏ စားနပ်ရိက္ခာများကို အကြမ်းဖက်သယ်ဆောင် သွားခဲ့ပါတယ်။

#ပြည်သူ့ကာကွယ်ရေးတပ်မတော် )၊ #စစ်ရုံးချုပ်
#ကာကွယ်ရေးဝန်ကြီးဌာန
#အမျိုးသားညီညွတ်ရေးအစိုးရ။

22/04/2023

ပြည်ထောင်စုသမ္မတမြန်မာနိုင်ငံတော်
အမျိုးသားညီညွတ်ရေးအစိုးရ

၁၆ ဧပြီ ၂၀၂၃

စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ် ၊ ပဇီကြီးကျေးရွာအုပ်စုရှိ ပဇီကြီးရွာ လေကြောင်းတိုက်ခိုက်ခံရမှုနှင့် ပတ်သက်သည့် သတင်းထုတ်ပြန်ချက်"

"အောက်ဖော်ပြပါ ထုတ်ပြန်ချက်တွင် အရပ်သားပြည်သူများအပေါ် အကြမ်းဖက်စစ်တပ်က ရက်စက်စွာ ပစ်မှတ်ထားတိုက်ခိုက်ခဲ့မှုကြောင့် သေဆုံးခဲ့ရသည့် အရပ်သားပြည်သူစာရင်းကို တွေ့ရှိရမည် ဖြစ်ပါသည်။”

22/04/2023

မြန်မာနိုင်ငံ ဒေသတစ်ချို့မှာ မိုးသီးများကြွေ

၂၂ ဧပြီ ၂၀၂၃

Mithiri

မြန်မာနိုင်ငံ ဒေသတစ်ချို့မှာဧပြီ ၂၀ရက်နေ့ ညနေပိုင်းကစပြီး မိုးသီးများကြွေနေတယ်လို့ သိရပါတယ်။
မန္တလေးတိုင်း ဝမ်းတွင်းမြို့ ရွာသစ်ရွာနဲ့ နွားထိုးကြီးမြို့နယ် ကြာပင်အိုင်စံပြ ကျေးရွာမှာလည်း လေပြင်းတိုင်ခတ်ကာ မိုးသီးများကြွေကျခဲ့ပါတယ်။

အမြင့်ပေ ၃ သောင်းလောက်မှာ အန္ဒိယ ဟိမဝန္တာ ဘက်ကရွေ့ရှားလာတယ့် တိမ်တိုက်တွေဟာ အမြင့်ကြောင့်ရေခဲပြီး အပူချိန်နဲ့ ထိတွေ့တယ့်အခါ အရည်အဖြစ်ပြောင်းပြီး မြေပြင်ကို အခဲအနေထားမိုးသီးအဖြစ်နဲ့ ၎င်း မိုးရည်အဖြစ်နဲ့ပါ ကျလာပါတယ်။အပူချိန်မြင့်တယ့်နွေရာသီမှာ အဖြစ်များတယ်လို့ မိုးလေဝါသ စောင့်ကြည့်ပညာရှင်ဦးဝင်းနိုင်ဆီက သိရပါတယ်။

ယနေ့နေ့လည်မွန်းတည့်ချိန်မှာလည်း ကယားပြည်နယ် ဒီမောဆိုမြို့မှာ မိုးသီးများကြွေခဲ့ပါတယ်။ ကြိုတင်ခန့်မှန်းချက်တွေအရ ဧပြီ အကုန် မေလဒုတိယပတ်လောက်အထိ အပူချိန်တွေ ဆက်မြင့်နေမယ်လို့သိရပါတယ်။

#မိုးသီးကြွေကြ
#အပူချိန်လွန်ကဲ

19/04/2023

သမိုင်းတစ်လျှောက်အပူဆုံးကာလကို မြန်မာနိုင်ငံ ရင်ဆိုင်နေရ

ဧပြီလ၁၉ရက်
Mithiri

မြန်မာနိုင်ငံဟာ ဧပြီလမှာ အပူဆုံးကာလကို ရင်ဆိုင်နေရပါတယ်။ တရုတ်နိုင်ငံနဲ့ မြန်မာနိုင်ငံ အပါအဝင် အရှေ့တောင် အာရှ ဒေသတွေမှာ အဆိုးရွားဆုံးအပူချိန်ကို ရင်ဆိုင်နေရပါတယ်။

ထိုင်းနိုင်ငံဟာ ၂၀၂၃ ဧပြီမှာ အပူချိန် 45.4C နဲ့ အပူဆုံးမှတ်တမ်းတင်ခဲ့ပါတယ်။ ပါကစ္စတန်နိုင်နဲ့ အိန္ဒိယနိုင်ငံတို့ကလည်း အပူဆုံးနိုင်ငံအဖြစ် ဒုတိယနေရာနဲ့ တတိယနေရာမှာ ရပ်တည်နေပါတယ်။ တရုတ်နိုင်ငံမှာလည်း ထူးထူးခြားခြား ပူပြင်းမှုကို ရင်ဆိုင်နေရပါတယ်။

ဩစတေးလျ အယ်နီညိုစောင့်ကြည့်ရေးဌာန၏ မတ်လ ၂၈ ရက်နေ့ ထုတ်ပြန်ချက်အရ ကျန်ရှိနေတယ့် နွေရာသီကာလတွေမှာ ပိုမိုပူပြင်းနိုင်တာကြောင့် အပူချိန်မြင့်တတ်မှုကြောင့် ရောဂါဖြစ်ပေါ်လာတယ့်တွေကို ပိုသတိထားဖို့လိုလာပါတယ်။မြစ်ရေ၊ချောင်းရေ ခမ်းခြောက်မှုကြောင့် ရေပြတ်လတ်မှုတွေလည်း ဖြစ်ပါလာနိုင်ပါတယ်။ အပူချိန်မြင့်တတ်မှုများကြောင့် တောမီးလောင်ခြင်း၊ အိမ်မီးလောင်ခြင်းတွေကို ပိုသတိထားဖို့လိုလာပါတယ်။

‘’ဧပြီ 19 ကနေ မေလ ၁ ရက်နေ့ အထိ မြန်မာနိုင်ငံရဲ့ တောင်ပေါ်ဒေသတွေမှ အပ ကျန်ဒေသတွေမှာ အပူချိန်မြင့်တတ်လာနိုင်တယ်လို့ ‘’မိုးလေဝါသ စောင့်ကြည့် ပညာရှင်တွေ ဆီက သိရပါတယ်။

အရင်နှစ်တွေထပ် ဒီနှစ်ကဆိုးဆိုးရွားရွားပူတယ်
အပူချိန်အရမ်းမြင့်တော့ ချင်းတွင်းမြစ်ရေကျတယ်လို့ စစ်ကိုင်းတိုင်း ဟုမ္မလင်းမြို့ခံတွေဆီက သိရပါတယ်။

မိုးလေဝါသနှင့် ဇလဗေဒညွှန်ကြားမှု ဦးစီးဌာန၏ ဧပြီ ၁၅ ရက် ထုတ်ပြန်ချက်အရ မကွေးတိုင်း ခြောက်မြို့မှာ အပူချိန် 45 C အထိမြင့်တတ်ခဲ့ပါတယ်။
မြန်မာနိုင်ငံမှာ မကွေးတိုင်း၊မန္တလေးတိုင်းနှင့် စစ်ကိုင်းတိုင်း တို့ဟာ အပူချိန် အများဆုံး ဒေသတွေ ဖြစ်ပါတယ်။
#အပူလွန်ကဲမှု
#မိုးလေဝသ

17/04/2023

၁၃၈၅ ခု နှစ်ဆန်း(၁) ရက်နေ့

(၂၁ ) ကြိမ်မြောက်
ဆွမ်းဆန်စိမ်းလောင်းလှူပွဲ မြင်ကွင်းအချို့
ကမ္ဘာ့အကြီးဆုံး ထိုင်တော်မူ ဘုရားတည်ရှိရာ
ဘုရားသုံးဆူတောင် မွန်ပြည်နယ် ကျိုက်ထိုမြို့

၁၇ ဧပြီ ၂၀၂၃

16/04/2023

မွန်ပြည်နယ် ကျိုက်ထိုမြို့ သင်္ကြန်အတတ်နေ့မြင်ကွင်း

၁၆ ဧပြီ ၂၀၂၃

16/04/2023

နည်းပြအသစ်နဲ့ ၃ ပွဲဆက် ရှုံးခဲ့တယ့် ချဲလ်ဆီး

၁၆ ဧပြီ ၂၀၂၃

Ko Htut

အင်္ဂလန် ပရီးမီးယားလိဂ် ထိပ်သီးကလပ် ချဲလ်ဆီးအသင်းဟာ ညက ကစားခဲ့တယ့် ဘရိုက်တန်ကို ရှုံးနိမ့်ပြီးနောက် နည်းပြအသစ် ဖရန့်လမ်းပတ် လက်ထက် ၃ ပွဲဆက် ရှုံးနိမ့်ခဲ့ကြောင်း သိရပါသည်။

ချဲလ်ဆီး အသင်းဟာ ရလဒ်များ ဆိုးရွားခဲ့ခြင်းကြောင့် ဂရေဟန်ပေါ်တာ အားထုတ်ပယ်ခဲ့ပြီးနောက် အသင်းရဲ့ ဂန္တဝင်ကစားသမားဟောင်း လမ်းပတ် ကို ရာသီအကုန်အထိ ယာယီနည်းပြအဖြစ်ခန့်အပ်ခဲ့ပါသည်။

ချဲလ်ဆီး အသင်းဟာ ဒီရာသီမှာ ရလဒ်များဆိုးရွားခဲ့ပြီး နည်းပြ ၄ ဦးအထိ ပြောင်းလဲခဲ့ပေမယ့် အဆင့် ၁၁ နေရာ၌သာ ရပ်တည်နေရပါသည်။

လမ်းပတ်ဟာ ချဲလ်ဆီး သမိုင်းတစ်လျှောက် သွင်းဂိုးအများဆုံးကစားသမားဖြစ်ပြီး 2019 ဂျူလိုင်ကစပြီးတော့လည်း နည်းပြအဖြစ် ၁၉ လခန့် ကိုင်တွယ်ခဲ့ပါတယ်။

#ချဲလ်ဆီး
#လမ်းပတ်

15/04/2023

ဘီးလင်းတွင် စစ်ကောင်စီမှခြိမ်းခြောက်ရမ်းကားမှုများကြောင့် ရွာသား၂၀၀၀ ကျော်ထွက်ပြေးတိမ်းရှောင်နေရ

၁၅ ဧပြီ ၂၀၂၃

စောအိမ်

မွန်ပြည်နယ် ဘီးလင်းမြို့ အလူးလေးရွာ၅ရွာနဲ့ ဝင်းပြန်ရွာများမှာ စစ်ကောင်စီရဲ့ခြိမ်းခြောက်ရမ်းကားမှုများကြောင့်ရွာသားများ တိမ်းရှောင်နေရတယ်လို့ ဒေသခံများ ကဆိုပါတယ်။

အလူးလေးရွာ၅ရွာဖြစ်တဲ့ အရှေ့ရွာလေး၊အရှေ့ရွာကြီး၊အလယ်ရွာ၊အနောက်ရွာလေး၊အနောက်ရွာကြီး နဲ့ ဝင်းပြန်ရွာတို့မှာ စစ်ကောင်စီတပ်နဲ့ဒေသခံပကဖ တို့တိုက်ပွဲများ မကြာခဏဖြစ်ပွားရာနေရာ နဲ့နီးစပ်နေတဲ့ရွာများဖြစ်ကြပါတယ်။ဒေသခံပကဖများနဲ့တိုက်ပွဲဖစ်ပြီးတိုင်း ရွာသားများထံမှ ပစ္စည်းများယူငင်ခြင်းနဲ့ ခြိမ်းခြောက်ရိုက်နှက်မှုတွေပြုလုပ်ခဲ့တယ်လို့ ဒေသခံpdfများထံမှတဆင့်သိရပါတယ်။

ရွာတစ်ရွာတွင်အိမ်ခြေ ၄၀၀ လောက်ရှိပြီး
အလူးလေးရွာ၃ရွာဖြစ်တဲ့ အရှေ့ရွာလေး၊အရှေ့ရွာကြီးနဲ့ အလယ်ရွာကို စစ်ကောင်စီဘက်ကအမဲရောင်နယ်မြေအဖြစ် သတ်မှတ်လိုက်ပါတယ်။ပြီးခဲ့တဲ့ဧပြီလ၁၂ ရက်နေ့က အလူးလေးအလယ်ရွာမှာ နေအိမ်၃လုံးမီးရှို့ခံရပြီး အိမ်နဲ့အထည်ဆိုင် တွဲရက်ဖွင့်ထားတဲ့အိမ်တစ်အိမ်လည်း လက်နက်ကြီးကျခဲ့ပါတယ်လို့ ဒေသခံရွာသားကဆိုပါတယ်။

တိုက်ပွဲဖြစ်တဲ့နေ့ ဧပြီ၁၂ရက်နေ့ မှာစစ်ကောင်စီတပ်က နောက်တခေါက်အင်အား၁၀၀လောက်နဲ့ပြန်လာပြီး ရွာသားတွေကို တစ်အိမ်တယောက် အိမ်မှာမရှိနေရင်အိမ်ကိုမီးရှို့မယ်လို့ ဒေသခံများကို ခြိမ်းခြောက်ခဲ့ပါတယ်။ ထိုတစ်ရက်တည်းမှာပင် ဆိုင်ကယ်၁၀စီးကျော်ကိုသိမ်းဆည်းသွားတယ်။လမ်းပေါ်သွားနေတယ့်အိမ်စီးကားကိုတားပြီး ကားထဲကလူကိုလည်း ကားသော့သိမ်းပြီးသေနတ်ဒင်နဲ့ထုရိုက်ခဲ့တာ တစ်ခေါင်းလုံးသွေးတွေနဲ့လို့ ဒေသခံတစ်ဦးက ပြောပါတယ်။

ထိုသို့ခြိမ်းခြောက်ရမ်းကားမှုများကြောင့်ဒေသခံရွာသားများ ရွာထဲမနေရဲဘဲ တခြားနေရာတွေမှာထွက်ပြေးတိမ်းရှောင်နေထိုင်ကြပါတယ်။ထွက်ပြေးတိမ်းရှောင်တဲ့အထဲ ကိုယ်ဝန်ဆောင်များနဲ့လသားအရွယ်ကလေးငယ်များပါတယ်လို့ နယ်မြေခံရွာသားတစ်ဦးက ဆိုထားပါတယ်။

အလူးအရှေ့ရွာကြီးမှာ ဧပြီလ ၁၂ ရက် နေ့ကလက်နက်ကြီးထိမှန်ပြီးလူတစ်ဦးသေဆုံးခဲ့ပါသေးတယ်။

#ဘီးလင်း
#အလူးလေး

13/04/2023

ပဇီးပင်ကြီးကျေးရွာ သေဆုံးမှု ၁၆၈ ဦး အထိရှိနေပြီး ကလေးငယ် ၃၇ ဦးပါဝင်

၁၃ ဧပြီ ၂၀၂၃

Mi Thiri

စစ်ကိုင်းတိုင်း ကန့်ဘလူမြို့နယ် မလယ်တိုက်နယ်
ပဇီပင်ကြီးကျေးရွာအား အကြမ်းဖက်စစ်ကောင်စီက ဧပြီ ၁၁ ရက် နံနက်ပိုင်းတွင် လေကြောင်းမှ တိုက်ခိုက်သဖြင့် ကလေးငယ်များ အပါအဝင် ၁၆၈ ဦးအထိ ရှိနေပြီ ဖြစ်ကြောင်း မြေပြင်မှာ ကယ်ဆယ်ရေး လုပ်နေတယ့်အဖွဲ့တွေဆီက သိရပါသည်။

လေကြောင်းတိုက်ခိုက်မှုကြောင့် အပစ်မဲ့ပြည်သူ ၁၂၁ ဦး၊ အမျိုးသမီး ၄၇ ဦး သေဆုံးခဲ့ကာ သေဆုံးသူများထဲမှ ၁၀ နှစ်အောက်ကလေး ၂၅ ဦးနှင့် ၁၆ နှစ်အောက် ကလေးငယ် ၁၂ ဦး ထိရှိပြီဖြစ်ကြောင်း သိရသည်။

သေဆုံးသူများအနက် ၁၀၀ ကျော်ခန့်မှာ ပဇီးပင်ကြီးကျေးရွာမှ ဖြစ်ပြီး ကျန်သူများမှာ ရွာသာယာ၊ လေးတွင်းစင်၊မယ်ဇတော်၊ထနောင်းကိုင်းနှင့် သာယာကုန်းကျေးရွာမှ အပစ်မဲ့ပြည်သူများဖြစ်သည်။

စစ်အုပ်စု၏ လူမဆန်မှုကြောင့် ထိခိုက်ကျဆုံးခဲ့ရသော ကလေးငယ်များ အပါအဝင် အပစ်မဲ့ ပြည်သူများအတွက် ဝမ်းနည်းခြင်း အထိမ်းအမှတ်အဖြစ် PDF၊ ပကဖ တပ်ရင်းတပ်ဖွဲ့နှင့် စစ်ကြောင်းများ အားလုံး ဧပြီလ ၁၁ ရက်နေ့မှ ၁၅ ရက်နေ့အထိ ပြည်သူ့တော်လှန်ရေး အလံတော်ကို တိုင်ဝက်ချ အလေးပြုရန် အမျိုးသားညီညွတ်ရေးအစိုးရ NUG မှညွှန်ကြားထားသည်။

#လေကြောင်းတိုက်ခိုက်မှု
#ပဇီူးပင်ကြီး

12/04/2023

ကေအဲန်ယူ တပ်မဟာ (၇) ဘားအံခရိုင်၏ ထုတ်ပြန်ကြေညာချက်

12/04/2023

၁၂ ဧပြီ ၂၀၂၃

စစ်ကောင်စီက မြန်မာသက္ကရာဇ် ၁၃၈၄ ခုနှစ် မော်လမြိုင်သင်္ကြန် အတွက် ပြင်ဆင်ထားမှု မြင်ကွင်းများ

Photo-fb

11/04/2023

KNU/KNLA(PC) စစ်ရေးချုပ် ဗိုလ်ချုပ်အဲ့ခု ကိုယ့်ကိုကိုယ်အဆုံးစီရင်သွား

KNU/KNLA(PC) စစ်ရေးချုပ် ဗိုလ်ချုပ်အဲ့ခု ဟာ ဒီကနေ့ မနက်ပိုင်းကပဲ မြဝတီမြို့နယ်၊ ထလော့ကျေးရွာက သူ့ရဲ့နေအိမ်မှာပဲ ကိုယ့်ကိုကိုယ် အဆုံးစီရင်သွားခဲ့တယ်လို့ KNU/KNLA(PC) နဲ့ နီးစပ်သူတဦးထံက သိရပြီး သေဆုံးမှုနှင့်ပတ်သက်တဲ့ အကြောင်းအရာများကို ဆက်လက်စုံစမ်းနေပါတယ်။

11/04/2023

စစ်ကောင်စီက လေယာဉ်နဲ့ ဗုံးကျဲလို့ ပြည်သူ ၅၀ ထက်မနည်း ထိခိုက်သေဆုံး

၁၁ ဧပြီ ၂၀၂၃

Mi Thiri

စစ်ကိုင်းတိုင်း ကန့်ဘလူမြို့နယ် ၊ အလယ်တိုက်နယ် ပဇီးပင်ကြီး ကျေးရွာကို စစ်ကောင်စီက လေယာဉ်နဲ့ ဗုံးကျဲလို့ ပြည်သူ ၅၀ ထက်မနည်း ထိခိုက်သေဆုံးခဲ့ပါသည်။

ယနေ့ ဧပြီ ၁၁ ရက် ပဇီးပင်ကြီးကျေးရွာမှာ ကျေးရွာ ပြည်သူ့ကာကွယ်ရေးအဖွဲ့ -ပကဖ ရုံးဖွင့်ပွဲ ပြုလုပ်ချိန် စစ်အုပ်စုက မနက် ၇ နာရီခွဲလောက်က MI 35 လေယာဉ်နဲ့ လာရောက်ပစ်ခတ်ခဲ့လို့ ထိခိုက်သေဆုံးသူ အများအပြားရှိတယ်လို့ သိရပါသည်။

ယခုအချိန်ထိ ကယ်ဆယ်မှုတွေ ပြုလုပ်နေရပြီး သေဆုံးသူနှင့် ထိခိုက်ဒဏ်ရာ ရသူ အတိအကျ မသိရှိရသေးပါ။

အမျိုးသားညီညွတ်ရေးအစိုးရ NUG ရဲ့ ထုတ်ပြန်ချက်အရ စစ်အာဏာသိမ်းထားတယ့် ၂ နှစ်အတွင်း လေကြောင်းတိုက်ခိုက်မှု အကြိမ် ၆၅၀ ထပ်မနည်း ပြုလုပ်ခဲ့ပါသည်။

#လေကြောင်းတိုက်ခိုက်မှု

Video- DVB

11/04/2023

BGF စခန်းကိုDrone ဖြင့်တိုက်ခိုက်မှုကြောင့် အရာရှိ နှစ်ဦး သေဆုံး

၁၁ ဧပြီ ၂၀၂၃

Mi Thiri

မွန်ပြည်နယ် ဘီးလင်းမြို့နယ်ရှိ မဲလံ BGF စခန်းကို Drone ဖြင့် တိုက်ခိုက်ရာ အရာရှိ ၂ ဦး သေဆုံး ခဲ့သည်ဟု KRF( Kyaikhto revolution force ) က ထုတ် ပြန်ထားသည်။

9.4.2023 ရက်နေ့ နံနက် ၁၀ နာရီ ၅၀ အချိန်တွင် ဘီးလင်းမြို့နယ်ရှိ မဲလံ BGF စခန်းကို KRF ၊ KNU/KNLA ၊ PDF၊ PPDF-KD နှင့် ဘီးလင်း (ပကဖ) ပူးပေါင်း အဖွဲ့တို့မှ ဒရုန်းဖြင့် ပစ်ခတ် တိုက်ခိုက်ခဲ့ရာ မျက်မြင် သက်သေများ၏ပြောကြားချက် အရ အရာရှိ (၂ ) ဦး သေဆုံးခဲ့ပြီး ထိခိုက်ဒဏ်ရာ ရမှုအချို့ရှိပြီး တော်လှန်ရေး အင်အားစုများက အထိအခိုက်မရှိ ဆုတ်ခွါနိုင်ခဲ့သည်ဟု ထုတ်ပြန်ချက်တွင် ဖော်ပြထားသည်။

နံနက် ၁၀ နာရီ အချိန်တွင်လည်း မွန်ပြည်နယ် ကျိုက်ထိုမြို့နယ် အခြေစိုက် တပ်မ ၄၄ ဌာနချုပ်ဝန်း အတွင်းသို့ လက်နက်ကြီးများဖြင့် ပစ်ခတ်တိုက်ခိုက်ခဲ့ပြီး စကစ၏ ထိခိုက် ပျက်စီးမှုဆုံးရှုံးမှုကို စုံစမ်းနေဆဲ ဖြစ်သည်ဟု ထုတ်ပြန်ထားသည်။

၁၃-၄-၂၀၂၃ ရက်နေ့မှ ၁၇-၄-၂၀၂၃ ရက်နေ့ အထိ ကျင်းပပြုလုပ်မည့် အတာသင်္ကြန်တွင်လည်း ပြည်သူလူထု အနေဖြင့် ပါဝင်ပျော်ပါးခြင်း မပြုဘဲ အသွားအလာဆင်ခြင်ရန် KRF အဖွဲ့က ပြည်သူလူထုထံ မေတ္တာရပ်ခံထားသည်။

09/04/2023

ကျိုက်ထိုမြို့တွင် ရန်ကုန်-မော်လမြိုင်ရထားအရှိန်လွန်ဘီးချော်ပြီးရထားတွဲပျက်

9 ဧပြီ 2023

စောအိမ်

မွန်ပြည်နယ် ကျိုက်ထိုမြို့ မလော့ချောင်ကျေးရွာရှိစေတီတစ်ထောင်ကုန်းဘေးတောင်ကြားမှာ ဧပြီ၈ရက် နေ့ကရထားတစ်စီးအရှိန်လွန် ဘီးချော်ပြီးရထား၄တွဲမြောက်က ပြတ်ကျကျန်ခဲ့ပါတယ်။

ရန်ကုန်-မော်လမြိုင်ရထားဖြစ်ပြီး ရန်ကုန်ကနေကျိုက္ကသာဘူတာမှာ ခဏနားပြီးမော်လမြိုင်ဘက်ဆက်သွားမယ့်ရထားဖြစ်ပါတယ်။နေ့လည်၂နာရီခန့်မှာ ရထား၄တွဲမြောက်ကနေပြတ်ထွက်ပြီး ကျန်တဲ့ခြောက်တွဲနဲ့ခေါင်းတွဲက အိမ်အနားမှာလာရပ်နေတယ်။လေးတွဲပေါ်မှာခရီးသည်အပြည့်ပါပြီး ထိခိုက်ဒဏ်ရာရရှိမှုမရှိပါဘူးလို့ ဒေသခံတစ်ဦးကဆိုထားပါတယ်။

''ရထားတွဲပြတ်ကျတဲ့နေရာက တောင်ကြားထဲမှာဖြစ်တဲ့အတွက်ရထားမှောက်လို့မရပါဘူး။တွဲပြတ်ကျတဲ့အချိန် အပေါ်ကရထားဝိတ်နဲ့ဖြစ်လို့ အောက်ကသံလမ်းလိမ်သွားပါတယ်''လို့ အနီးရှိဒေသခံကဆိုထားပါတယ်။

ယခင်တုန်းကလည်း မလော့ချောင်ရွာရှိစေတီတစ်ထောင်ကုန်းဘေးတောင်ကြားမှာ ရထားပျက်၊ရထားဂျန့်ဖြစ်တာနဲ့ဘီးချော်တာတွေ မကြာခဏ ဖြစ်လေ့ရှိတယ်လို့သိရပါတယ်။

#ရထားတွဲပြတ်ကျ

08/04/2023

ဂျပန်နိုင်ငံတွင် လုပ်ခလစာနည်းပါးမှုနဲ့ အင်တာနက်ကိုကျယ်ကျယ်ပြန့်ပြန့်အသုံးပြုမှုတွေကြောင့် လက်ထပ်မထားတဲ့သူများပြား

ဧပြီ ၈ရက်

သူပုန်အိမ်

ဂျပန်နိုင်ငံတွင် လုပ်ခလစာနည်းပါးမှုနှင့် အင်တာနက်ကိုကျယ်ကျယ်ပြန့်ပြန့် အသုံးပြုမှုတွေကြောင့် လက်မထပ်နိုင်သူတွေများပြားလာတယ်လို့ ဂျပန်နိုင်ငံသားသင်တန်းကျောင်းဆရာ အီဝါဒါကေ့ဇ် ကဆိုထားပါတယ်။

ဂျပန်နိုင်ငံတွင် ၁၉၉၇ ခုနှစ်မှာ ၃ရာခိုင်နှုန်းမှ၅ရာခိုင်နှုန်းအထိ၊၂၀၁၄ခု နှစ်မှာ ၅ရာခိုင်နှုန်းမှ၈ရာခိုင်နှုန်းထိ နဲ့ ၂၀၁၉ခုနှစ်မှာ ၈ရာခိုင်နှုန်းမှ၁၀ ရာခိုင်နှုန်းအထိ ဒေတာအချက်အလက်များအရ စားသုံးခွန်များတိုးပေးရတယ်လို့သိရပါတယ်။လစာနည်းပါးမှုကြောင့်အခွန်တိုးမြှင့်ခြင်းက စီးပွားရေးကိုဆိုးရွားလာစေပြီး အိမ်ထောင်မပြုနိုင်သောလူငယ်အရေအတွက် မလွဲမသေတိုးလာတာကို ဒေတာအချက်အလက်များအရ သက်သေပြနေပါတယ်။

ဂျပန်လူမျိုးများက လုပ်ခလစာနည်းပါးမှုကြောင့် အိမ်ထောင်ပြုဖို့ဆုံးရှုံးခဲ့ရပြီး အင်တာနက်ကျယ်ကျယ်ပြန့်ပြန့်အသုံးပြုမှုက အိမ်ထောင်ရေးမှလွဲပြီးအခြားအထီးကျန်မှုကိုကုစားဖို့နည်းလမ်းများကို ပံ့ပိုးပေးနေပါတယ်။အင်တာနက်ကတဆင့်မတူညီတဲ့ကမ္ဘာတွေအကြောင်းသိတဲ့သူကလက်ထပ်ဖို့အချိန်မရှိဘူး။ဘာလို့လဲဆိုတော့ လေ့လာဖို့နဲ့ စိန်ခေါ်ဖို့အချိန်လိုအပ်နေတာကြောင့်ပါလို့ အီဝါဒီကေ့ဇ် ကဆိုထားပါတယ်။

ဂျပန်နိုင်ငံတွင် ကလေးမရှိတဲ့အိမ်ထောင်ရှင်တွေရဲ့အချိုးအစားက၂၄.၄ရာခိုင်နှုန်းရှိပြီး တစ်ကိုယ်တည်းသမားအပါအဝင် ၅၃.၈ရာခိုင်နှုန်းလောက်က ကလေးမရှိဘဲ ကလေးဦးရေက ၁၂ ရာခိုင်နှုန်းရှိပါတယ်လို့ သိရပါတယ်။

#အင်တာနက်သုံးစွဲကျယ်ပြန့်မှု
#လူငယ်

06/04/2023

မော်လမြိုင်ကမ်းနားလမ်းတွင် သင်္ကြန်ပွဲကျင်းပဖို့ မဏ္ဍပ်များတည်ဆောက်

6 ဧပြီ 2023

Mi Thiri

မွန်ပြည်နယ် မော်လမြိုင်မြို့မှာ ၂၀၂၃ ခုနှစ်အတွက် မြန်မာ့ရိုးရာသင်္ကြန်ပွဲ ပြုလုပ်ရန် မဏ္ဍပ်များတည်ဆောက်ပြီးကြောင်းသိရသည်။

မော်လမြိုင် ကမ်းနားလမ်းတစ်လျှောက်တွင် ဗဟိုမဏ္ဍပ် ၁ ခုနှင့် စီးပွါးရေးလုပ်ငန်းရှင်များ၏ ရေကစားမဏ္ဍပ် ၇ ခု တည်ဆောက်ပြီးဖြစ်သည်။ ဗဟိုမဏ္ဍပ်တွင် မြန်မာပြည်သိန်းတန်နှင့် တစ်ခြားနာမည်ကြီး အဆိုတော်များ လာရောက်ဖျော်ဖြေမည်လို့ သိရသည်။

We Love Mawlamyine ရေပေါ်စျေး နေရာအဟောင်းမှာ ရေပေါ်သင်္ကြန်ဖျော်ဖြေရေးနှင့် ရာမညသဲသောင် မြင်ကွင်းတွင် လမ်းလျှောက်င်္သကြန်စီစဉ်ထားပြီး DJတီးဝိုင်းများ စတုဒီသာမဏ္ဍပ်များ ထားရှိရန် စီစဉ်ထားကြောင်းသိရသည်။

၂၀၂၃ သင်္ကြန်ကာလမှာ စစ်ကောင်စီက ရန်ကုန် ၊မန္တလေး၊ နေပြည်တော်မြို့ကြီး တွေမှာလည်း သင်္ကြန်ပွဲတော်ကို စည်ကားစွာ ကျင်းပရန် စီစဉ်ထားသည်။

#မော်လမြိုင်သင်္ကြန်

05/04/2023

ကျိုက်ထိုမြို့မှာ ကွမ်းယာထွက်ဝယ်သည့် တပ်ကြပ်ကြီးကို ပစ်သတ်

ဧပြီ 5 2023

Mi Thiri

မွန်ပြည်နယ် ကျိုက်ထိုမြို့နယ် အဂ်ဘို ကျေးရွာတွင် စစ်ကောင်စီ တပ်ကြပ်ကြီး တစ်ဦး ပစ်သတ်ခံရကြောင်း သိရသည်။

ဖြစ်စဥ်မှာ အဂ်ဘို လက်ပံပင် သုသာန်တပ်စွဲထားသည့်နေရာမှ ကွမ်းယာ ထွက်ဝယ်စားတဲ့ အဂ်ဘိုသုသာန်မှာတပ်စွဲထားတဲ့ စစ်ကောင်စီရဲ့ လက်နက်ကြီးတာဝန်ခံ တပ်ကြပ်ကြီးတစ်ဦးကို ကွမ်းယာဆိုင်မှာပင် ပစ်သတ်ခံရကြောင်း ဒေသခံတွေဆီက သိရပါတယ်။

အသတ်ခံရသူမှာ စစ်ကောင်စီရဲ့ လက်နက်ကြီးတာဝန်ခံ တပ်ကြပ်ကြီး ဆန်းထက်ဆိုသူဖြစ်ပြီး ရန်ကုန်-မော်လမြိုင် ကားလမ်းမကြီး ထက်ဆီဆိုင်အနီးရှိ ကွမ်းယာဆိုင်မှာပင် အမည်မသိအဖွဲ့မှ ဦးခေါင်းကို သေနတ်ဖြင့်အနီးကပ် အချက်ပေါင်းများစွာ ပစ်သတ်ခံရကြောင်း၊ သူသည် ကျေးရွာများ အတွင်းသို့ လက်နက်ကြီး ပစ်ထည့်ရာတွင် အဓိက လုပ်ဆောင်နေသူဖြစ်ပြီး ကြမ်းတမ်းဆိုးသွမ်း သူဟု နာမည်ထွက်နေသူဖြစ်ကြောင်း ဒေသခံတွေဆီမှ သိရပါတယ်။

"ကွမ်းလာဝယ်စားတာလို့တော့ ပြောနေကြတယ်။ တပ်ကြပ်ကြီး အဆင့်ပေါ့။ ထက်ဆီဆိုင်နားက ကွမ်းယာဆိုင်မှာ အပစ်ခံရတယ်၊ ဘေးမှာလဲ စစ်ကောင်စီတွေ အများကြီး ရောက်နေတော့ သူ့အလောင်းကို အဝေးကဘဲ ကြည့်လို့ရတယ်လို့" ဒေသခံတစ်ဦးက ပြောပါတယ်။

''ဘယ်အဖွဲ့ကပစ်လဲဆိုတာတော့မသိဘူး ၊ အခုထိစုံစမ်းနေဆဲပါ''လို့ ကျိုက်ထိုpdfနဲ့နီးစပ်သူတစ်ဦးကဆိုထားပါတယ်။

အဂ်ဘို လက်ပံပင် သုသာန်မှာ စစ်ကောင်စီက တပ်စွဲထားတာ တစ်နှစ်ကျော်ကြာပြီး ခရီးသွား ကားတွေကို စစ်ဆေးတာတွေ၊ ညဘက်သေနတ်နဲ့ ပစ်ခတ်တာတွေ လုပ်ဆောင်နေတယ်လို့ သိရပါတယ်။

#ကျိုက်ထိုမြို့
#သေဆုံး

04/04/2023

စစ်တပ်က လက်နက်ကြီး ပစ်ခတ်မှုကြောင့် ပြည်သူတွေ စီးပွါးရေး ကျပ်တည်း

2023 April 4

Mi Thiri

မွန်ပြည်နယ် ဘီးလင်းမြို့နယ်ရှိ ကျေးရွာတွေမှာ စစ်ကောင်စီက လက်နက်ကြီးနဲ့ ရမ်းသမ်းပစ်ခတ်နေတာကြောင့် စီးပွါးရေးကျပ်တည်းနေတယ်လို့ ဒေသခံတွေဆီက သိရပါတယ်။

ဘီးလင်းမြို့နယ်ရှိ အလူးကြီး၊အလူးလေး၊ဝင်းကန်၊အဲ့မတုတ်ရွာတွေမှာ မတ်လ (၃၁) ရက်နေ့က အင်အားတွေ ထပ်ဖြည့်ပြီး လက်နက်ကြီးတွေ တပ်ဆင်ထားလို့ညောင်ထောက်၊ဖိုးဝသိမ်၊ကျောက်လုံးကြီး၊ကရဝေးဆိပ်၊ငှက်ပျောတော နဲ့ သရက်ကုန်း ရွာတွေကို စစ်ကောင်စီက အမြှောက် လက်နက်ကြီးတွေနဲ့ ချိန်ထားလို့ ရွာခံတွေ ထိတ်လန့်နေပါတယ်လို့ ဒေသခံတွေကဆိုပါတယ်။

ဘီးလင်း ကျေးရွာဘက်တွေမှာ တောင်ယာစိုက်၊ဝါးခုတ်၊ ရာဘာ၊တောင်ထန်းခုတ်တာတွေကို အဓိကထားပြီး လုပ်ကိုင်တဲ့ ဒေသဖြစ်ပါတယ်။ကာကွယ်ရေး တပ်ဖွဲ့တွေက စစ်ကောင်စီယာဉ်တန်းတွေကို မိုင်းဆွဲတိုက်ခိုက်တာတို့ ကင်းပုန်းဝပ်ပြီး ပစ်ခတ်တာတို့ လုပ်ရင် စစ်ကောင်စီဘက်က ဒေသခံတွေရဲ့ ရာဘာခြံတွေ ဝါးခြံတွေကို မီးရှို့တာတွေ ပြုလုပ်တော့ အများကြီး ဆုံးရှုံးနစ်နာမှုတွေ ဖြစ်နေရပါတယ်လို့ ဒေသခံရွာသားတွေကပြောကြားပါတယ်။

ညဘက်တွေဆိုရင်လည်း လက်နက်ကြီးနဲ့ ပစ်မလားဆိုပြီး ထိတ်လန့်နေရတယ်။တောင်ထန်းတို့ ဝါးတို့ခုတ်ရင်တောင် အနီးအနားတစ်ဝိုက်မှာ စစ်ကောင်စီက ကင်းပုန်းတွေချထားတော့ ကြောက်ပြီး အလုပ်မလုပ်နိုင်တာကြောင့် ဒေသခံတွေရဲ့ စီးပွါးရေး၊ လူမှုဘဝ ရပ်တည်ရေးကို အများကြီး ထိခိုက်နေပါတယ်။

ဘီးလင်းမြို့နယ် ကရဝေးဆိပ် ကျေးရွာမှာ မတ်လ ၂၀ ရက်နေ့က လက်နက်ကြီး ပစ်ခတ်မှုကြောင့် အရပ်သား၂ဦး သေဆုံးခဲ့ပြီး အဝင်းကြီးကျေးရွာမှာလည်း မတ်လ ၁၈ ရက်နေ့က အသက် ၆ နှစ်အရွယ် ကလေး တစ်ယောက်လည်း သေဆုံးခဲ့ရပါတယ်။

#ဘီးလင်း

#လက်နက်ကြီးကျ

04/04/2023

အွန်လိုင်းတွင် ငွေအတုအာမခံနှင့်လဲလှယ်ပေးသည်ဟုဆိုကာ အဖွဲ့လိုက်လိမ်လည်မှုများရှိနေ

ဧပြီ ၄ ရက်
သူပုန်အိမ်

ဆိုရှယ်မီဒီယာဖြစ်တဲ့ ဖေ့စ်ဘွတ်စာမျက်နှာမှာ မြန်မာငွေစက္ကူအတုများကို အာမခံနဲ့လဲလှယ်တယ်ဆိုပြီးအဖွဲ့လိုက် လိမ်လည်မှုတွေရှိနေတာကို ကျွန်တော်တို့ S_TRN(Sit-taung Region News)မှစုံစမ်းသိရှိရပါတယ်။

မြန်မာငွေစက္ကူအတု ၁သိန်းကို ငွေကျပ်၁သောင်းပေါက်စျေးရှိပြီး အစစ်နီးပါးတူအောင် ၉၈ ရာခိုင်နှုန်းပြုလုပ်ထားပါတယ်။ကားဂိတ်ကနေ ပို့ပေးမှာဖြစ်ပြီး ငွေရှင်းပေးတဲ့အခါ မိုင်တဲဆင်းကတ် 09692159773 နံပတ်ကိုအသုံးပြုပြီး ရှင်းခိုင်းတာကို S-TRNမှစုံစမ်းသိရှိထားပါတယ်။

လိမ်လည်တဲ့pgတွေရဲ့ comment တွေတိုင်းမှာတော့ acc ၃ခု၄ခုလောက်က အကို ဒီတခေါက်ရောက်တာ အဆင်ပြေတယ် နောက်တခါလည်းမှာဦးမယ်၊ အရမ်းသုံးရအဆင်ပြေတယ် လို့ဆိုပြီး အုပ်စုဖွဲ့ကာပူးပေါင်းကြံစည်တာကို လည်းတွေ့ရှိရပါတယ်။

Money bag app,Cash now app နဲ့ U loan app တွေက ၎င်းတို့ appကိုသုံးတဲ့ သုံးစွဲသူတွေကို လိမ်လည်ခြိမ်းခြောက်တဲ့
sky pay mobile financial services co.,Ltd, အမည်ခံပိုင်ရှင်အဖြစ်စီမံတဲ့ ရန်နိုင်ကျော် (ခ)အားဖု ကိုမတ်လ ၁ ရက်နေ့ကဖမ်းဆီးခဲ့တယ်လို့ စစ်ကောင်စီအာဘော်သတင်းစာမှာ ဖော်ပြခဲ့ပါတယ်။

#ငွေတု

04/04/2023

ညောင်ခါးရှည်ဂိတ်မှာ ယဉ်ကြောပိတ်ဆို့မှုကြောင့် မီးရထား အသုံးပြုသူပိုမို များပြား
2023 April 4

မိသီရိ

ပဲခူးတိုင်း ဝေါမြို့နယ်ရှိ ညောင်ခါးရှည် X-ray ဂိတ်မှာ ယာဉ်ကြော ပိတ်ဆို့မှုများကြောင့် မော်လမြိုင်-ရန်ကုန် ခရီးစဉ် မီးရထား အသုံးပြုသူ ပိုမိုများလာတယ်လို့ မီးရထား ဝန်ထမ်းတွေဆီက သိရပါတယ်။

ညောင်ခါးရှည် X-ray ဂိတ်ဟာ မော်လမြိုင်-ရန်ကုန် ခရီးသွားတွေနဲ့ ထိုင်းနိုင်ငံ ဘက်က ဝင်လာတယ့် ကုန်စည်တွေ စီးဆင်းဖို့ အဓိက အသုံးပြုနေရတယ့် လမ်းမှာ ရှိပါတယ်။ညောင်ခါးရှည်ဂိတ်မှာ ယာဉ်ကြော ပိတ်ဆို့မှုများတာကြောင့် ခရီးသွားတွေ ၂၄ နာရီအထိပါ စောင့်ရတယ့်နေ့တွေ ရှိပါတယ်။ ယာဉ်တန်းက ၅တန်းလောက် ပိတ်တာကြောင့် လူနာတင်ယာဉ်တွေပါ စောင့်ဆိုင်းရလို့ အသက်သေဆုံးသူတွေပါ ရှိတယ်လို့ ဒေသခံတွေဆီက သိရပါတယ်။

ကားလမ်းပိတ်တော့ မော်လမြိုင်-ရန်ကုန်၊ ကျိုက်ထို-ရန်ကုန် ခရီးသွားတွေက မီးရထားကို အရင်ကထက် ပိုပြီး အသုံးပြုလာကြပါတယ်။ ခရီးသည်များတော့ ရထားလက်မှတ်တွေကို ရောင်းကုန်သွားလို့ မှောင်ခိုရောင်းတယ့် ပွဲစားတွေဆီကပါ ဝယ်ရတယ်လို့ ရထားစီး ပြည်သူတွေ ဆီကသိရပါတယ်။

“ရထားနဲ့သွားတော့ လမ်းမှာလည်း အကြာကြီးမစောင့်ရဘူး၊ ညောင်ခါးရှည်ဂိတ်မှာ လမ်းပိတ်တာတော့ ရာသီဥတုဒဏ်နဲ့တခြားအခက်အခဲ တွေလည်းရှိတယ်” လို့ ရထားစီး ခရီးသည် တစ်ဦးက ပြောပါတယ်။

ပြီးခဲ့တယ့် မတ်လ ၂၄ ရက်နေ့ကလည်း ယာဉ်တန်းပိတ်လို့ ကားအောက် အိပ်ပျော်နေသည့် ယာဉ်နောက်လိုက်တစ်ဦး ကားကြိတ်ခံရလို့ သေဆုံးခဲ့ပါသေးတယ်။

ပြီးခဲ့တဲ့ မတ်လ၂၀ ရက်နေ့က ဘီးလင်းမြို့ ကရေးဝေးဆိပ်မှာ စစ်ကောင်စီဘက်ကလက်နက်ကြီးပစ်ခတ်မှုကြောင့် ထိခိုက်ဒဏ်ရာရရှိသူအသက်၃၅ဝန်းကျင်ဦးအောင်လွင်ကို ပဲခူးဆေးရုံသွားရန် ညောင်ခါးရှည် x-ray ဂိတ်တွင်လမ်းပိတ်ဆို့မှုကြောင့် စောင့်ဆိုင်းရင်းအသက်သေဆုံးခဲ့သေးပါတယ်။
photo.မြန်မာ့မီးရထားပေ့ချ်

#လမ်းပိတ်ဆို့မှု

03/04/2023

မတ်လ ဒုတိယလဝက်အတွင်း ဥပဒေမဲ့ သတ်ဖြတ်မှု(၆၄) မှုဖြစ်ပွါး

မတ်လ ၁၆ ရက်မှ ၃၁ ရက်နေ့အထိ (ဒုတိယလဝက်)အတွင်း အာဏာသိမ်း စစ်အုပ်စု၏ ဥပဒေမဲ့ သတ်ဖြတ်မှု ၆၄ မှုဖြစ်ပွါးခဲ့သည်ဟု အမျိုးသားညီညွတ်ရေး အစိုးရ၏ လူ့အခွင့်အရေး ဝန်ကြီးဌာနက ဧပြီလ ၂ ရက်နေ့ရက်စွဲဖြင့် ထုတ်ပြန်ခဲ့သည်။

စစ်အုပ်စု၏ ဥပဒေမဲ့ သတ်ဖြတ်မှုကြောင့် သံဃာတော်များ၊ သက်ကြီးရွယ်အိုများ အပါအဝင် အရပ်သားပြည်သူ ၁၇ ဦးထက်မနည်း သေဆုံးခဲ့ရသည်။ အကြမ်းဖက်သတ်ဖြတ်မှုများတွင် တက္ကသိုလ်ဝင်တန်း ကျောင်းသားတစ်ဦးနှင့် ၅နှစ်အရွယ် ကလေးတစ်ဦးလည်း ပါဝင်ခဲ့သည်။

စစ်ကိုင်းတိုင်းဒေသကြီးမှာ လူ့အခွင့်အရေး ချိုူဖောက်ခံရမှု အများဆုံးဖြစ်ပြီး နှစ်ပတ်တာ ကာလအတွင်း ၄၈ မှု အထိရှိခဲ့တယ်လို့ ထုတ်ပြန်ချက်မှာ ပါရှိပါတယ်။

မိမိကိုယ်တိုင် လူ့အခွင့်အရေး ချိုးဖောက်ခံရသည်ဖြစ်စေ၊ ကိုယ့်ပတ်ဝန်းကျင်မှာ လူ့အခွင့်အရေး ချိုးဖောက်ခံရမှူတွေ ရှိနေသည်ဖြစ်စေ ထိရောက်တယ့် အရေးယူမှု တရားမျှတမှု ဖော်ဆောင်နိုင်ဖို့ အမျိုးသား ညီညွတ်ရေး အစိုးရ NUG ရဲ့ လူ့အခွင့်အရေး ဝန်ကြီးဌာန MOHR ၏ page မှ တစ်ဆင့်ဖြစ်စေ [email protected] စသည့်
အီးမေးလ် လိပ်စာတို့မှ တစ်ဆင့် တိုင်ကြားနိုင်ကြောင်း ဖော်ပြထားသည်။

02/04/2023

ဝေါမြို့မှာ သင်္ကြန်အကြောင်းပြပြီး ပြည်သူတွေကိုခြိမ်းခြောက်အလှူငွေကောက်

ဧပြီလ၂ရက် ၂၀၂၃ခုနှစ်

ရာဇီ

ပဲခူးတိုင်း၊ဝေါမြို့မှာ သင်္ကြန်ပျော်ပွဲရွင်ပွဲတွေလုပ်ဖို့ မြို့ခံတွေကိုခြိမ်းခြောက်ပြီး စစ်ကောင်စီကအလှူငွေတွေကောက်ခံနေပါတယ်လို့ ဝေါမြို့နယ်ပြည် သူ့ကာကွယ်ရေး (Waw PDF) ထံမှသိရပါတယ်။

ဝေါမြို့က လုပ်ငန်းရှင်၊ဆိုင်ကြီး ၊သူဌေးစာရင်းပေါက်တယ့်သူတွေ၊အရက်ဆိုင်၊နှစ်လုံးသုံးလုံးရောင်းတယ့်သူတွေကို အဓိကထားပြီးကောက်ခံနေပါတယ်။အရက်ဆိုင်တစ်ဆိုင်က အလှူငွေတစ်ထောင်ဘဲ ထည့်လို့ ကန်တော်ရပ်ကွက်အုပ်ချုပ်ရေးမှူးက စစ်သားကိုခေါ် ပြီး ခြိမ်းခြောက်လို့ အလှူငွေတစ်သောင်းထည့်လိုက်ရတယ်လို့သိရပါတယ်။

“ပြည်သူတွေကျပ်တည်းနေတဲ့ တော်လှန်ရေးကာလမှာ စီးပွါးရေးလည်းအဆင်မပြေကြဘူး၊အဲ့တာကိုသူတို့က လည့်စားတဲ့အနေနဲ့ ပျော်ပွဲရွှင်ပွဲတွေကို မဖြစ်ဖြစ်အောင်လုပ်မှာပဲ အစ်ကိုတို့က တားစီးတာတွေလုပ်ရမှာပဲ၊စစ်ရေးပြစ်မှတ်တွေကိုပေါ့” ဟုဝေါမြို့နယ် ပြည်သူကာကွယ်ရေးအဖွဲ့ တာဝန်ရှိသူတစ်ဦးကပြောပါတယ်။

ဝေါမြို့နယ်၊ စီမံအုပ်ချုပ်ရေးအဖွဲ့ကမြို့တွင်းရှိ လုပ်ငန်းရှင်၊ဆန်စက်၊ဆီစက်ပိုင်ရှင်တွေကို ပြီးခဲ့တဲ့လတည်းက သီးသန်းအစည်းအဝေးခေါ်ပြီး သင်္ကြန်ပျော်ပွဲရွင်ပွဲလုပ်ဖို့ အလှူငွေများများထည့်ဖို့လည်း ပြောခဲ့ပါတယ် ။

#ဝေါမြို့နယ်

Address

Website

facebook.com

Alerts

Be the first to know and let us send you an email when Sit-Taung Region News posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Sit-Taung Region News:

Videos

စစ်ကောင်စီက လေယာဉ်နဲ့ ဗုံးကျဲလို့ ပြည်သူ ၅၀ ထက်မနည်း ထိခိုက်သေဆုံး ၁၁ ဧပြီ ၂၀၂၃ Mi Thiri စစ်ကိုင်းတိုင်း ကန့်ဘလူမြို့နယ် ၊ အလယ်တိုက်နယ် ပဇီးပင်ကြီး ကျေးရွာကို စစ်ကောင်စီက လေယာဉ်နဲ့ ဗုံးကျဲလို့ ပြည်သူ ၅၀ ထက်မနည်း ထိခိုက်သေဆုံးခဲ့ပါသည်။ ယနေ့ ဧပြီ ၁၁ ရက် ပဇီးပင်ကြီးကျေးရွာမှာ ကျေးရွာ ပြည်သူ့ကာကွယ်ရေးအဖွဲ့ -ပကဖ ရုံးဖွင့်ပွဲ ပြုလုပ်ချိန် စစ်အုပ်စုက မနက် ၇ နာရီခွဲလောက်က MI 35 လေယာဉ်နဲ့ လာရောက်ပစ်ခတ်ခဲ့လို့ ထိခိုက်သေဆုံးသူ အများအပြားရှိတယ်လို့ သိရပါသည်။ ယခုအချိန်ထိ ကယ်ဆယ်မှုတွေ ပြုလုပ်နေရပြီး သေဆုံးသူနှင့် ထိခိုက်ဒဏ်ရာ ရသူ အတိအကျ မသိရှိရသေးပါ။ အမျိုးသားညီညွတ်ရေးအစိုးရ NUG ရဲ့ ထုတ်ပြန်ချက်အရ စစ်အာဏာသိမ်းထားတယ့် ၂ နှစ်အတွင်း လေကြောင်းတိုက်ခိုက်မှု အကြိမ် ၆၅၀ ထပ်မနည်း ပြုလုပ်ခဲ့ပါသည်။ #sittaungregionnews #လေကြောင်းတိုက်ခိုက်မှု Video- DVB

Shortcuts

Address
Alerts
Contact The Business
Videos
Claim ownership or report listing
Want your business to be the top-listed Media Company?

Country:

City:

08/05/2023

08/05/2023

07/05/2023

28/04/2023

22/04/2023

22/04/2023

19/04/2023

17/04/2023

16/04/2023

16/04/2023

15/04/2023

13/04/2023

12/04/2023

12/04/2023

11/04/2023

11/04/2023

11/04/2023

09/04/2023

08/04/2023

06/04/2023

05/04/2023

04/04/2023

04/04/2023

04/04/2023

03/04/2023

02/04/2023

Address

Website

Alerts

Contact The Business

Videos

Shortcuts

Share