Bhikhi update Haji Ilyas

13/10/2021

13/10/2021

27/09/2021

زہریلا ونڈا کھانے سے 15قیمتی آسٹریلین نسل کی گائیں ہلاک متاثرہ شخص نے وزیراعظم کے سیٹیزن پورٹل میں انکوائری کے لیے درخواست دے دی ۔۔۔۔۔

19/09/2021

کالم: مسجد میں آنے والے بچوں کو تھپڑ مت ماریں
تحریر: محمد ریاض
نماز مکمل ہوتے وقت جیسے ہی امام صاحب اسلام علیکم ورحمتہ اللہ، اسلام علیکم ورحمتہ اللہ کہتے ہیں نماز یوں کی اکثریت پچھلی صفوں میں نماز کے لئے آئے ہوئے بچوں کے اوپر چڑھ دوڑتی ہے، اوئے چپ کرو، آپ لوگوں کو مسجد کون لیکر آتا ہے، نماز میں شرارتیں کرتے ہو، آپ لوگوں کے والدین کہاں ہیں؟ کتنے بدتمیز بچے ہیں، انکو عقل ہی نہیں ہے کہ نماز میں باتیں نہیں کرتے، ہم سب کی نماز کو خراب کرتے ہو، چلو دفع ہوجاؤ یہاں سے، آج کے بعد مسجد میں اپنی شکل مت دکھانا، اکثر اوقات ان بچوں پر تھپڑوں کی بارش کردی جاتی ہے۔ بچوں کو بُرا بھلا کہنے والے حضرات نماز کے بعد مسنون اذکارکرنا بھول جاتے ہیں۔ شوروغوغا اوربچوں کو تھپڑ مارتے ہوئے خود مسجد کے تقدس کو پس پشت ڈال رہے ہوتے ہیں۔ پچھلے دنوں سوشل میڈیا پر کراچی کی ایک مسجد میں انتظامیہ کی طرف سے ایک نوٹس دیکھنے کوملا کہ وہ بچوں کے شور پر صبر کریں اور مسجد میں آنے سے نہ روکیں،کیونکہ کل ہم اسی بچے کو منتیں کرکے مسجد آنے کا کہیں گے۔ اور وہ بچہ مسجد میں جانے سے جان چھڑائے گا۔ راقم کو اپنے بچپن کے واقعات میں اک واقعہ آج بھی یاد ہے نماز عصر کے لئے اپنے دوستوں کیساتھ مسجد گئے اور مسجد میں ہلکی پھلکی بات چیت کررہے تھے، کیا تھا کہ مسجد کے بہت ہی مشہور حاجی صاحب ہماری طرف لپکے اور دیکھتے ہی دیکھتے ہم پر تھپڑوں کی بارش کردی۔ آج اُس واقعہ کو تقریبا 30 سال سے زائد عرصہ گزر چکا ہے مگر آج بھی موصوف کے تھپٹروں کی تکلیف محسوس ہوتی ہے۔ اسی طرح ایک اور واقعہ جو ہمارے محلہ کی مسجد میں وقوع پذیر ہوا۔ حسب روایت نماز مکمل ہونے کی دیر تھی، بڑے بزرگوں نے بچوں کو للکارتے ہوئے مسجد سے باہر نکل جانے کا کہنا شروع کردیا۔ انہی بچوں کے والد محترم بھی مسجد میں نماز ادا کررہے تھے، بچوں کا والد انتہائی غصہ اور جذباتی ہوکر بولا کہ مسجد میں موجود تمام افراد سے میرا سوال ہے کہ میں اپنے بچوں کو اگر مسجد نہ لیکر آؤں تو کیا ان بچوں کو سینما گھر لیکر جاؤں۔ جذباتی باپ نے مسجد میں موجود تمام افراد کے ضمیر کو جھنجوڑتے ہوا کہا کہ لوگو ں اللہ کا خوف کیجئے، میں اگر اپنے بچوں کو مسجد میں لیکر نہ آؤں تو ڈر ہے کہ میرے بچے بھی محلہ کے آوارہ بچوں کی طرح نہ ہوجائیں۔بچوں کے باپ کی یہ باتیں سننے کے بعد بہت سے افراد شرمندہ ہوئے۔ حقیقت میں یہ کیسی بدقسمتی ہے کہ ہم لوگ اپنے چھوٹے چھوٹے بچوں کو ڈائپر لگا کر سکول میں پری نرسری، پریپ، کے جی وغیرہ پانچ چھ گھنٹوں کے لئے تو بڑے زور و شور سے بھیجتے ہیں مگر مسجد کے معاملہ میں اتنے باادب بن جاتے ہیں کہ بچوں کا مسجد میں داخلہ بند کروانے کے درپے ہوتے ہیں۔ کیا ہم نے کبھی سوچا کہ مسجد میں آنے والے یہ بچے محلہ کے دیگر سینکڑوں بچوں سے کتنے افضل اور ممتاز ہوتے ہیں کہ جو محلہ میں کھیل کود کی بجائے مسجد میں آکر نماز پڑھنے کی کوشش کرتے ہیں۔ اس حقیقت سے بھی انکار نہیں کیا جاسکتا ہے کہ مسجد اللہ کا گھر ہے جہاں نہایت ادب و احترام کے ساتھ اللہ کے حضور پیش ہوا جاتا ہے، لیکن اگر بچے مسجد میں اللہ کے سامنے کھڑا ہونے یعنی نماز ادا کرنے کی کوشش کرتے ہیں اور بڑے بزرگ ان بچوں کی چھوٹی چھوٹی شرارتوں پر بجائے انکی اصلاح کرنے کے ان پر لعن طعن اور مار پیٹ شروع کردیتے ہیں تو اس سے بچے کے نفسیات پر کیسے اثرات مرتب ہونگے یہ شائد ہم نے کبھی سوچا نہیں ہے۔ مسجد میں ہونے والی لعن طعن مارپیٹ اور تنقید سے بچوں کا مسجد سے باغی ہوجانے کا خدشہ ہوتا ہے۔ جہاں دین اسلام میں مسجد میں بچوں کے بارے میں سختیاں ہیں تو انکے پیچھے ان بچوں کا انتہائی کم عمر ہونا یعنی ایسے بچے جن کو پیشاب، پخانہ کرنے کی تمیز یا شعور نہیں ہوتا۔ جب کہ مسجد میں آنے والے 7 سال سے اوپر کے بچے اتنا شعور رکھتے ہیں کہ مسجد کے اندر گندگی نہ کی جائے۔ اور احادیث کی روشنی میں نماز کے لئے بچے کو 7 سال کی عمر سے ترغیب دینے کا حکم ملتا ہے۔ عہدِ نبوی ﷺ میں جہاں بچوں اور پاگلوں کو مسجد سے دور رکھنے کا حکم دیا گیا، وہیں خود حضرت حسن اور حضرت حسین رضی اللہ تعالیٰ عنہما کا مسجد میں آنا اور نماز کے دوران آپ ﷺ کی کمر پر سوار ہوجانا بھی منقول ہے، حضرت ابو ہریرہ رضی اللہ تعالیٰ عنہ فرماتے ہیں کہ ہم آپ ﷺکے ساتھ عشاء کی نماز پڑھ رہے تھے، جب آپ ﷺ سجدہ میں تشریف لے گئے تو حضرت حسن اور حضرت حسین رضی اللہ تعالیٰ عنہما آپ ﷺ کی کمر پر چڑھ گئے، پھر جب آپ ﷺ سجدہ سے سرمبارک اٹھانے لگے تو انتہائی پیار سے آہستہ سے انہیں کمر سے ہٹا کر زمین پر رکھا۔ اسی طرح آپ ﷺ کی نواسی حضرت امامہ بنت ابو العاص رضی اللہ تعالی عنہا بھی نماز میں آپ ﷺ کے کندھے پر چڑھ جاتی تھیں، نیز ایک حدیث میں ہے کہ: اللہ کے رسول ﷺ کا ارشاد ہے کہ میں بسا اوقات نماز میں بچوں کے رونے کی آواز سنتا ہوں تو نماز میں تخفیف کردیتا ہوں؛ تاکہ کہیں اس کی ماں پریشانی میں مبتلا نہ ہوجائے۔ان احادیث کی روشنی میں یہ ہمیں کہیں نہیں ملتا کہ مسجد میں آنے والے بچوں کی حوصلہ شکنی یا مارپیٹ کی جائے۔ بدقسمتی سے مسجدیں پہلے ہی ویرانی کا منظر پیش کررہی ہوتی ہیں ہزاروں کی آبادی والے محلہ کی مسجد میں نماز کے وقت بمشکل ہی سے دو یا تین صفیں مکمل ہوتی ہیں۔ترکوں کی بہت ہی مشہور کہاوت ہے کہ مسجد میں نماز کے دوران اگر بچوں کا شور سنائی نہ دے تو اپنی آنے والی نسلوں کی فکر کریں وہ لادین ہوں گی۔ہونا تو یہ چاہئے کہ بچوں کو پیار و محبت سے مسجد کے آداب سکھلائے جائیں نہ کہ لعن طعن اور تھپڑوں کی بارش کردی جائے۔ اللہ کریم ہم سبکو ہدایت نصیب فرمائے اور مسجدوں کو آباد کرنے والا بنائے۔ آمین ثم آمین

17/09/2021

17/09/2021

کالم : سورۃ الحجرات ( شان رسالت ﷺ اور مسلمانوں کے لئے اہم ہدایات)
سورۃ الحجرات مدنی سورۃ ہے یعنی یہ سورۃ ہجرت کے بعد مدینہ شریف میں نازل ہوئی۔اس سورۃ کا نزول کے اعتبار سے 106 واں نمبر ہے جبکہ قرآن مجید و فرقان حمید میں اشاعت کے حساب سے 49 واں نمبر ہے۔ اس سورۃ کی کُل 18 آیات ہیں۔قرآن مجید کے 26 ویں پارے میں درج سورۃ الحجرات میں جہاں نبی کریم ﷺ کے مقام کی بلندی، آداب رسالت ﷺ اور شان رسالت ﷺ اور آپ ﷺ کی عظمت کا ذکر ہے وہی پر اس سورۃ میں ہر مسلمان کے لئے دنیا میں رہتے ہوئے زندگی گزارنے کے لئے بہت ہی اہم ہدایات بھی دی گئی ہیں۔
آداب اور شا ن رسالت ﷺ میں نازل ہونے والی آیات (ترجمہ مولانا فتح محمد جالندھری):
آیت نمبر 1: مومنو! کسی بات کے جواب میں اللہ اور اسکے رسول سے پہلے نہ بول اٹھا کرواور اللہ سے ڈرتے رہو، بے شک اللہ سنتا ہے جانتا ہے۔
آیت نمبر2 : اے اہل ایمان اپنی آوازیں پیغمبر ﷺ کی آواز سے اونچی نہ کرو اور جس طرح آپس میں ایک دوسرے سے زور سے بولتے ہو اسی طرح انکے روبرو زور سے نہ بولا کرو ایسا نہ ہو کہ تمہارے اعمال ضائع ہوجائیں اور تم کو خبر بھی نہ ہو۔ (یہ آیت مبارکہ روضہ الرسول ﷺ کی جالیوں کے اوپر بھی بہت ہی نمایاں طور پر لکھی ہوئی نظر آتی ہے)۔
آیت نمبر 3: جو لوگ اللہ کے رسول ﷺکے سامنے دبی آواز سے بولتے ہیں اللہ نے انکے دل کو تقوی کے لئے جانچ لیا ہے، انکے لئے بخشش اور اجر عظیم ہے۔
آیت نمبر 4: اے نبی ﷺ جو لوگ تم کو حجروں کے باہر سے آواز دیتے ہیں ان میں اکثر بے عقل ہیں۔
آیت نمبر5: اور اگر وہ صبر کئے رہتے یہاں تک کہ تم خود نکل کر انکے پاس آتے تو یہ انکے لئے بہتر ہوتا، اور اللہ بخشنے والاہے مہربان ہے۔
سورۃ الحجرات میں مسلمانوں کے لئے زندگی گزارنے کے لئے نمایاں ہدایات والی آیات (ترجمہ مولانا فتح محمد جالندھری):
(1) خبر کی تصدیق ضرور کیا کرو:
مومنو اگر کوئی گناہگار تمہارے پاس کوئی خبر لے کر آئے توخوب تحقیق کرلیا کرو، ایسا نہ ہو کہ کسی قوم کو نادانی سے نقصان پہنچا دو، پھرتم کو اپنے کئے پر نادم ہونا پڑے (آیت نمبر 6)
(2) لڑائی کرنے والے مسلمانوں کے درمیان صلح کرایا کرو:
اور اگر مومنوں میں سے کوئی دو فریق آپس میں لڑ پڑیں تو ان کے درمیان صلح کرا دو ، پھر اگر ایک فریق دوسرے پر زیادتی کرے تو زیادتی کرنے والے سے لڑو یہاں تک کہ وہ اللہ کے حکم کی طرف رجوع لائے،پس جب وہ رجوع لائے تودونوں فریق میں عدل کے ساتھ صلح کرادو اور انصاف سے کام لوکہ اللہ انصاف کرنے والوں کو پسند فرماتا ہے۔ (آیت نمبر9)
(3) مومن آپس میں بھائی بھائی ہیں:
مومن تو آپس میں بھائی بھائی ہیں، تو اپنے دو بھائیوں میں صلح کرادیا کرو اور اللہ سے ڈرتے رہوتاکہ تم پر رحمت کی جائے۔ (آیت نمبر 10)
(4) مومن کسی مومن کا مذاق نہ اُڑائے:
مومنو! مرد مردوں سے تمسخر نہ کریں ممکن ہے کہ جن کا مذاق اُڑایا جا رہا ہے ان سے بہتر ہوں، اور نہ عورتیں عورتوں سے تمسخر کریں ممکن ہے وہ جن کا مذاق اُڑا رہی ہیں ان سے اچھی ہوں، اور اپنوں کو آپس میں عیب نہ لگاؤ اور نہ ایک دوسرے کا برا نام رکھو، ایمان لانے کے بعد برا نام رکھنا گناہ ہے، اور جو لوگ توبہ نہ کریں وہ ظالم ہیں۔ (آیت نمبر 11)
(5) گمان اور تجسس اور غیبت سے پرہیز:
اے اہل ایمان! بہت گمان کرنے سے پرہیز کروکہ بعض گمان گناہ ہیں اور ایک دوسرے کے حال کا تجسس نہ کیا کرو او ر نہ تم میں سے کوئی کسی کی غیبت کرے، کیا تم میں سے کوئی اس بات کو پسند کرے گا کہ اپنے مرے ہوئے بھائی کا گوشت کھائے؟ اس سے تو تم ضرور نفرت کرو گے، تو غیبت نہ کرو اور اللہ کا ڈر رکھو، بے شک اللہ توبہ قبول کرنے والا مہربان ہے۔ (آیت نمبر 12)
(6) قوم اور قبائل بنانے کا مقصد صرف شناخت ہے:
لوگو! ہم نے تم کو ایک مرد اور ایک عورت سے پیدا کیا اور تمہاری قومیں اور قبیلے بنائے، تاکہ ایک دوسرے کو شناخت کرو، بے شک اللہ کے نزدیک تم میں عزت والا وہ ہے جو زیادہ پرہیز گار ہے، بے شک اللہ سب کچھ جاننے والاہے سب سے خبردار ہے۔ (آیت نمبر 13)
(7) اسلام لانے اور ایمان لانے میں فرق:
دیہاتی کہتے ہیں کہ ہم ایمان لے آئے، کہدو کہ تم ایمان نہیں لائے بلکہ یوں کہوں کہ ہم اسلام لائے ہیں اور ایمان تو ابھی تمہارے دلوں میں داخل ہی نہیں ہوا، اور اگر تم اللہ اور اسکے رسول ﷺ کی فرمانبرداری کرو گے تو اللہ تمہارے اعمال میں کچھ کمی نہیں کرے گا، بے شک اللہ بخشنے والا ہے مہربان ہے۔
(8) مومن کون ہے؟
مومن تو وہ ہیں جو اللہ پر اور اسکے رسول ﷺ پر ایما ن لائے پھر شک میں نہ پڑے اور انہوں نے اللہ کی راہ میں اپنے مالوں اور جانوں سے جہاد کیا، یہی لوگ ایمان کے سچے ہیں۔ (آیت نمبر 15)
(9) اگر آپ مسلمان ہیں تو یہ اللہ کا آپ پر احسان ہے:
ان سے کہو کہ کیا تم اللہ کو اپنی دیانتداری جتاتے ہو، اور اللہ تو آسمانوں اور زمین کی سب چیزوں سے واقف ہے، اور اللہ ہر چیز کو خوب جانتا ہے۔ (آیت نمبر 16)
یہ لوگ تم پر احسان رکھتے ہیں کہ مسلمان ہوگئے ہیں، کہدو کہ اپنے مسلمان ہونے کا مجھ پر احسان نہ رکھو بلکہ اللہ تم پر احسان رکھتا ہے کہ اس نے تمہیں ایمان کا رستہ دیکھایا بشرطیکہ تم سچے مسلمان ہو۔ (آیت نمبر 17) بے شک اللہ آسمانوں اور زمین کی پوشیدہ باتوں کو جانتا ہے اور جو کچھ تم کرتے ہو اسے دیکھتا ہے۔ (آیت نمبر 18)
ٓؒؒدرج بالا آیات کی شان نزول اور تفسیر کا مطالعہ کرنا انتہائی معنی خیز اور مفید ہے۔ہر مسلمان کو کوشش کرنی چاہئے کہ وہ سورۃ الحجرات کا مطالعہ ضرور کرے۔ بہرحال میرے جیسے عام اور گناہگار مسلمان کے لئے ان آیات میں انتہائی واضح طور پر ہدایات موجود ہیں۔اللہ کریم ہم سبکو شان رسالت ﷺ کو صحیح معنوں میں سمجھنے کی توفیق عطافرمائے، اور نبی کریم ﷺ کا پکا سچا عاشق بنائے، آمین ثم آمین۔ یاد رہے نبی کریم ﷺ کا سچا عاشق ہونے کا دعویٰ زبان سے زیادہ نبی کریم ﷺ کے فرمودات اور آپ ﷺ کی سنتوں پر عمل پیرا ہوکر ہی کیا جاسکتا ہے۔اللہ کریم کی کتاب قرآن مجید و فرقان حمید میں زندگی گزارنے کے آداب انتہائی آسان الفاظ میں سمجھادیئے گئے ہیں۔ اگر ہم اپنی زندگیوں کر اللہ کریم کی طرف سے دی گئی ہدایات کی روشنی میں گزاریں تو یقنیا ہم بہت سی بُرائیوں اور گناہوں سے بچ سکتے ہیں اور معاشرے میں پائی جانے والی بہت سی بُرائیوں، فساد اور انتشار کو ختم کرسکتے ہیں۔اب یہ ہم مسلمانوں پر منحصر ہے کہ ہم اپنی زندگیوں میں انقلاب کس طرح لاسکتے ہیں۔چاہیں تو زندگی ایسے ہی گزار دیں جیسا گزر رہی ہے یا پھر اللہ کریم کی طرف سے دی گئی ہدایات کی روشنی میں زندگی گزار یں جس سے اللہ کریم بھی خوش ہوں گے اور نبی کریم ﷺ بھی روز محشر ہم کو دیکھ فخر محسوس کرسکیں۔ ان شاء للہ العزیز۔اللہ کریم ہم سب مسلمانوں کو قرآن کریم و فرقان حمید میں درج اللہ کے پیارے رسول ﷺ کی شان رسالت ﷺ کو سمجھنے کے ساتھ ساتھ، اللہ کریم کی طرف سے ہر خاص و عام مسلمان کے لئے دی گئی ہدایات پر عمل پیرا ہوکر پکا، سچا مومن بننے کی توفیق عطا فرمائے۔ آمین ثم آمین۔
انتہائی اہم نوٹ:اک مسلمان ہونے کے ناطے ہمارا یہ پختہ ایمان ہے کہ قرآن مجید و فرقان حمید اللہ کی آخری کتاب ہے جو کہ خاتم النبیین، آقا کریم، محمد مصطفی ﷺ پر نازل ہوئی، قرآن مجید کے ترجمہ یا تشریح کرنے کی جسارت مجھ جیسے انتہائی گناہ گار بندہ کے بس کی بات نہیں ہے۔ مجھ جیسا گناہگار بندہ نقل سے نقل کرنے کی کوشش ہی کرسکتا ہے۔ اس لئے تحریر میں خدانخواستہ اگر کوئی غلطی ہو گئی ہو تو بندہ ناچیز اللہ کے حضور معافی کا طلبگار ہے

01/08/2021

💥 اگست ۔۔۔⭐ماہ آزادی ۔۔

💥چمن کو پھر بہار دو
💥 میرا وطن سنوار دو
💥یہ دل یہ جان وار دو
💥 میرا وطن سنوار دو

🌴🌲🌱 آزادی کے ماہ اگست میں ہر بشر ایک شجر لگا کر وطن کی فضاؤں کو صاف ستھرا کرنے میں اپنا کردار ادا کرے اور پاکستان کے افراد کی صحت کی حفاظت کا خیال رکھے

💥❤ منظور احمد ملک
💥 چیف ایگزیکٹو آفیسر ایجوکیشن اتھارٹی شیخوپورہ

28/12/2020

بھکھی شیخوپورہ
(افسوس ناک خبر)
#انا للہ وانا الیہ راجیعون #
محمد ندیم ساجد کے والد محترم رضآ الھی سے انتقال فرما گئے ھیں. ان کی نماز جنازہ آج مورخہ 28/12/20بروز سوموار بعداز نماز ظھر پرانی بھکھی المشہور ٹبے والے قبرستان میں ادا کی جائے گی/

27/12/2020

#بس نے رکشہ کو ٹکر مار دی #

*شیخوپورہ:*
قلعہ ستار شاہ نزد صدیق CNG تیز رفتار بس نے رکشہ کو ٹکر مار دی-حادثے میں رکشہ سوار 1 شخص جاں بحق سمیت 3 خواتین زخمی ہو گئیں-ریسکیو 1122 شیخوپورہ کی امدادی ٹیم نے موقع پر پہنچ کر زخمیوں کو فورا" طبی امداد دینے کے بعد ڈسٹرکٹ ہیڈ کوارٹر ہسپتال منتقل کر دیا- حادثے میں جاں بحق 35 سالہ نامعلوم شخص کی لاش پولیس کے حوالے کر دی-
اطلاع کے مطابق قلعہ ستار شاہ لاہور روڑ پر تیز رفتار بس آٹو رکشہ کو ٹکر مار کر موقع سے فرار ہو گئی جس سے رکشہ میں سوار 1 شخص جاں بحق سمیت 3 خواتین زخمی ہو گئیں-

27/12/2020

#کاٹن فیکٹری میں آگ لگ گئی #
*شیخوپورہ:*
الکرم سپننگ مل واقع چوہدری مل سٹاپ لاہور روڑ پر کاٹن کے گودام میں آگ لگ گئی- آگ الیکٹرک شارٹ سرکٹ کے باعث لگی- آگ لگنے سے کوئی جانی نقصان نہیں ہوا-ریسکیو 1122 کی فائر فائٹنگ ٹیم نے موقع پر پہنچ کر آگ پر قابو لیا- ریسکیو 1122 کی 3 فائر وہیکلز 1 اسپیشل ریسکیو وہیکل اور 1 ایمبولینس نے آپریشن میں حص٘ہ لیا- لاہور روڑپر واقع الکرم سپپنگ مل کے کاٹن کے گودام میں شارٹ سرکٹ کے باعث اچانک آگ بھڑک اُٹھی جس نے سارے گودام کو اپنی لپیٹ میں لے لیا- ریسکیوفائر فائٹنگ ٹیم نے 3 گھنٹے کے آپریشن میں سخت محنے کے بعد گودام کے اندر اور کھلے ایریے میں لگی آگ پر مکمل قابو پا لیا ہے- آگ لگنے سے تقریباً 12 لاکھ مالیت کا سامان جلا جبکہ آگ پر قابو پانے سے 1 کروڑ 50 لاکھ مالیت کے سامان کو جلنے سے محفوظ کر لیا گیا ہے-

27/12/2020

خطبہ جمعہ المبارک,مرحبا میرج ہال بھکھی,
مسجد انتظامیہ
چوہدری عمران گجر ,حاجی تنویر احمد ,

26/12/2020

#الیکشن برائے2021پریس کلب بھکھی #
****امیدوار برائے جنرل سیکٹری ****
رانا عبدالرحمن سرور

26/12/2020

#الیکشن برائے 2021پریس کلب بھکھی #
****امیدوار برائے صدر****
حافظ رانا غلام مصطفے

26/12/2020

شیخوپورہ تھانہ بھکھی کے علاقہ 12 سالہ طیبہ شہزادی اغواء۔

شیخوپورہ۔ پولیس مقدمہ درج کرنے اور بچی برآمد کروانے کی بجائے ٹال مٹول کرنے لگی۔

شیخوپورہ۔ ایس ایچ او نے تھانے میں درخواست وصول کرنے کی بجائے والدین کو چوکی بجھوا دیا۔

شیخوپورہ۔ 24 گھنٹے قبل گاؤں بٹھل سے طیبہ شہزادی کو گن ہوائنٹ پر اغواء کیا گیا تھا۔

شیخوپورہ۔ ورثاء کو وزیراعلیٰ پنجاب اور آئی جی سے نوٹس کا مطالبہ۔

26/12/2020

**بھکھی شیخوپورہ**
*افسوس ناک خبر*
#انا للہ وانا الیہ راجیعون #
محمد عثمان ورک/ حافظ عمران ورک / الجنت سویٹس اینڈ بیکرز بھکھی کے والد محترم رضائے الہی سے وفات پا گئے ہیں ,انکا نمازے جنازہ بعد از نماز ظہر 2بجے آج مورخہ 26/12/20بروز ہفتہ ریلوے اسٹیشن گروانڈ ورابرٹن میں ادا کیا جائے گا.

26/12/2020

السلام علیکم ,,,,,صبح بخیر ,,,,
مکی مدنی گڈز ٹرانسپورٹ کمپنی بھکھی
حاجی محمد الیاس رانا 03084691151.
03456295011...03161423690

25/12/2020

شیخوپورہ(رانا ثناءاللہ سے) ڈسٹرکٹ عدلیہ شیخوپورہ میں موسم سرما کی چھٹیوں کا ڈیوٹی روسٹر جاری کردیا گیا ہے۔ڈسٹرکٹ سیشن جج چوہدری محمد اعظم نے ڈیوٹی روسٹر تمام ضلعی عدالتوں میں بھجوادئیے ہیں۔ڈسٹرکٹ عدلیہ شیخوپورہ کی عدالتوں میں26 دسمبر سے یکم جنوری تک چھٹیاں ہوں گی۔ڈسٹرکٹ عدلیہ شیخوپورہ میں26دسمبر کومسز رخسانہ ا مین صاحبہ مجسٹریٹ فرسٹ کلاس۔چوہدری اشتیاق احمد خان صاحب مجسٹریٹ دفعہ30 اور ایڈیشنل سیشن جج اظہر اقبال رانجھا صاحب27دسمبر برزور اتوار جج مسز امبرین طارق اعوان صاحبہ28دسمبر کو جج مسز سعدیہ اسلم صاحبہ مجسٹریٹ فرسٹ کلاس۔مسٹر رانا خالد محمود خاں صاحب مجسٹریٹ دفعہ30 اور ایڈیشنل سیشن جج انوار اللہ شیخ صاحب29دسمبر کو جج مسز نادیہ یعقوب صاحبہ مجسٹریٹ فرسٹ کلاس۔مسٹر ذوالفقار حسین چوہدری صاحب مجسٹریٹ دفعہ30اور ایڈیشنل سیشن جج رائے محمد نعیم کھرل صاحب30دسمبر کو جج مسز آنسہ الماس صاحبہ مجسٹریٹ فرسٹ کلاس۔مسٹر رانا محمد سہیل ریاض صاحب مجسٹریٹ دفعہ30 اور ایڈیشنل سیشن جج مسٹر فیصل جمیل صاحب31دسمبر کو جج مسٹر محمد عظیم بٹ صاحب مجسٹریٹ فرسٹ کلاس۔مسٹر شیخ عبدالرزاق مجسٹریٹ دفعہ30 اور ایڈیشنل سیشن جج یلماز غنی صاحب۔جبکہ یکم جنوری کو جج مسز صائمہ تبسم صاحبہ مجسٹریٹ فرسٹ کلاس۔مسٹر حسن سرفراز چیمہ صاحب مجسٹریٹ دفعہ30 اور ایڈیشنل سیشن جج خالد سعید وٹو صاحب مقدمات کی سماعت کریں گے۔ڈیوٹی ججز صرف اہم مقدمات پر سماعت کریں گے۔(رانا ثناءاللہ کورٹس رپورٹر روزنامہ"نواۓوقت"The Nation لاہور)

24/12/2020

#ڈیزل سے بھرا آئل ٹینکر الٹ گیا #
*شیخوپورہ:*
فیروزوٹواں ٹال پلازہ فیصل آباد روڑ پر ڈیزل سے بھرا آئل ٹینکر الٹ گیا- آئل ٹینکر بریک فیل ہونے ک وجہ سے ٹال پلازہ میں ٹکرا کر الٹ گیا- آئل ٹینکر الٹنے سے ڈیزل کے ٹینک سے ڈیزل لیک ہونا شروع ہو گیا-ریسکیو 1122 شیخوپورہ کی فائر اینڈ ریسکیو سروس موقع پر پہنچ کر امدادی کاروائی میں مصروف ہے- اطلاع کے مطابق لوکل کمپنی کا 10 ہزار لیٹر ڈیزل سے بھرا آئل ٹینکر فیصل آباد سے لاہور کی طرف جارہا تھا کہ بریک فیل ہونے سے الٹ گیا جس سے آئل ٹینکر سے معمولی ڈیزل لیک ہونا شعوع ہو گیا- ریسکیو 1122 کی امدادی ٹیم نے ایریا کارڑن آف کر کے تمام حفاظتی انتظامات مکمل کر لیے ہیں-

24/12/2020

#بھکھی شیخوپورہ #
#افتتاحی جمعہ #
#خطاب ناصر مدنی #
جامع مسجد نزد مرحبا میرج ہال بھکھی میں یکم جنوری 2021 کا خطبہ جمعہ المبارک معروف خطیب حضرت مولانا ناصر مدنی ارشاد فرمائیں گے!!!!
,,,,,احباب سے بھر پور شرکت کی استدعا,,,
!!!مہتمم مسجد!!!
خادم العلماء حاجی تنویر السدیس ہئوٹل والے
تعاون اشتہارات// الجنت سویٹس بھکھی

21/11/2020