Bonjour CA OWP

14/08/2023

Bonjour！早晨🤣！我嚟到多倫多之後，我聽到好多身邊嘅朋友都話多倫多冇嘢玩，冇嘢做。作為introvert嘅我表示I see nothing wrong
🤣。不過即使係introvert都會有想玩想做想social嘅一日，而咁啱嚟緊有個festival我都有興趣，所以諗住喺呢度分享畀大家知，睇下會唔會有知音同好🤣。

我講嘅festival就係Toronto’s Comedy Festival啦🥳！由9月21至30號一連十日喺Toronto唔同地方舉行。呢個節日由非營利機構Just for Laughs Toronto負責舉辦，係其中一個北美最重要嘅棟篤笑節日，目的就係想推廣棟篤笑文化畀廣大群眾🎤。可能你心諗，一連十日咁大個festival，唔通搞手只求打個和，佢哋真係諗住做善堂🥴？咁就梗係唔係啦，因為呢個event市同省政府有份sponsor，你交嘅稅已經買咗入場券，所以我當然唔會蝕畀佢啦😤！

咁呢個節日有咩玩呢？話明係棟篤笑，咁就梗係睇啲表演者點樣講笑話令到你笑啦🤣！而今次參與嘅comedians可以分為三個 levels：第一個level係明星級comedians “The Headliners”✨，好多都已經係全球已經出晒名，例如上過Netflix🍿兩次嘅 ，又或者係嚟喺Roger Center到搞show嘅 。當然headliners就唔係隨便就睇到啦，Andrew Schulz嘅飛就已經賣晒啦😭，至於其他人嘅show會喺Meridian Hall舉行，價錢分別係$66.5/$114.5/$170.4/$234不等。要買就趁早啦！因為啲飛好快會賣晒㗎💨！

第二個level叫”The 42”，就好似個名咁講，有42位comedians喺Toronto嘅唔同地方表演🎤，雖然佢哋被assign做第二個level，但要睇佢哋嘅表演都係要買飛💸。呢個level嘅飛嘅賣法就有少少唔同，要睇The 42嘅shows，你需要去Toronto’s Comedy Festival嘅官網到買佢哋嘅Festival Pass🎫。唔同pass會有唔同數目嘅credits，每一個credit可以換成一張入場卷睇其中一個人嘅show。不過我自己本身唔係好識呢個level嘅comedians，所以我就冇買到pass🫠，只係買咗Ronnie Chieng嘅其中一場。不過如果你哋想平價體驗下嘅話，都可以買返張pass玩下㗎🎡！

而第三個level “Street” 就可以完全免費入場😍！由9月22號開始至24號喺Beneva Stage舉行，到時有唔同嘅DJ🎵, local同international comedians喺嗰度表演。想聽下唔同人講笑話，令你自已生活冇咁苦悶的話，可以考慮下參與下㗎🫶！不過呢個level上台表演嘅人冇乜限制，kind of 似 Open mic，所以啲comedians嘅笑話就唔會做到品質保證😵‍💫，所以大家唔好抱有太高期望。我自己都會搵日去呢個event，如果有機會或者會見到我㗎🤭～（雖然應該冇人會留意我呢個小薯仔xdddd）

其實大家只要細心留意，畀多少少心機去發掘的話，其實Toronto都有好多嘢玩，唔係好似其他人咁講加拿大係一個好悶嘅國家㗎🥹！希望大家嚟度加拿大嘅時候都活得開心啦～

大家記得 Follow 呀！🥺

12/08/2023

Bonjour！早晨！嚟到加拿大其中一樣最唔習慣嘅嘢就係呢度嘅地鐵係冇signal冇data🥲！作為一個現代都市人真係好困擾。不過過得嚟加拿大，就要接受呢度嘅好同唔好，既然改變唔到TTC，咁就唯有改變下自己嘅生活習慣啦😮‍💨。雖然坐地鐵嘅時候冇data，但係你都可以玩你部手機㗎📱。所以喺呢度就分享下我平時會喺地鐵用嘅5個apps！

1. Kindle📖：平時睇開social media嘅你一旦冇咗internet，你會做啲咩呢？喺香港，你係唔會諗過呢個問題，因為無時無刻你都身處喺網絡之中🛜。但係喺Toronto，喺地鐵冇信號係閒事。而呢度啲人冇data係會攞本書出嚟睇㗎！既然我呢個都市人都冇嘢做，所以我就決定學呢度啲人睇書🤓。如果你話唔想次次出街都帶住本勁重嘅書，你可以喺你部手機度download Kindle，咁就可以隨時閱讀電子書，重點係offline嘅時候都可以access，咁就可以commute緊嘅時候增值自己嘅時候又唔會冇嘢做啦！🥳
2. Audible🎧：我知成日做低頭族條頸一定好攰，返到屋企又冇人幫你按摩💆🏻，如果喺地鐵仲要耷低頭望住本Kindle一定大大減低想睇書嘅意願。所以喺呢度就推薦Audible！佢係個有聲書app，就好似當聽podcast咁，只要你戴上你嘅耳機，就會有個人喺你耳邊讀本書畀你聽。不過佢有個唔好處，就係佢係要每月畀錢的💸。不過新用戶可以有1-3個月嘅免費試用，既然都唔使錢嘅話，大家不妨試吓用吓呢個app啦！我最近就聽緊Thinking, Fast and Slow💭，唔知你哋又對邊個category嘅書有興趣呢？
3. Apple Podcast🎙️：有時候就算聽一本書都要對自己commit好多，好似一聽書就要聽好耐，唔知幾時停先好，難免有時候唔會想睇書😔。如果係咁的話，不如試吓喺Apple Podcast download幾個你鍾意聽嘅show，既唔學術性得嚟又可以解下悶🤣。同埋有時候得你一個喺地鐵搭緊車返屋企嘅時候，孤獨感就特別重😞👉🏻👈🏻，會好容易諗啲唔開心嘅嘢，而呢個時候聽podcast就令人有一種感覺係有個人喺你身邊同你傾偈咁，咁你搭車嘅時候都會開心返啲啦！如果你唔知有咩podcast好聽的話，我個人就推薦幾個畀你啦！🤭
- 勵志鷹 - 亂up吹水嘅廣東話channel，主持語氣又十分抵死，為你搭車嘅時候帶嚟一點歡樂🤣
- 博音 - 識我嘅人都知我對棟篤笑有啲興趣，而呢個國語podcast嘅主持正正就係我其中一個好鍾意嘅stand up comdian，佢會講好多唔同嘅topics，用耳目一新嘅角度去剖釋唔同話題🤯
- .psychology 五分鐘心理學 - 如果想學術少少嘅，可以試吓聽呢個廣東話心理學podcast，主持會以言簡意賅，用最少嘅時間就唔同嘅topic用心理學分析。有時候咁啱講到你嘅煩惱的話，你或者會搵到一個更好嘅方法去解決問題㗎！👨🏻‍⚕️
- The Economist Podcasts - 係一個好好嘅英文podcast，可以幫助你了解全球最新嘅新聞同分析。除咗主要嘅 Podcast 外，The Economist 仲有好多其他嘅 Podcast，專門探討特定嘅主題，例如「Money Talks」就探討財經同商業相關嘅事，「The Intelligence」就每日提供全球重要新聞嘅簡報。聽呢啲 Podcasts 可以幫助你加深對複雜問題嘅認識同埋了解各個領域最新嘅趨勢同發展。如果你想要保持對世界嘅關注同參與，咁就要留意 The Economist Podcasts 啦！🗞️
4. Spotify🎵：喺地鐵冇信號嘅時候，除咗睇書之外，聽音樂係另一個好嘅選擇。Spotify係一個好好用嘅音樂App，唔單止可以streaming歌曲，仲可以下載返來offline聽，係咁嘅話，同樣係冇信號嘅時候都可以聽到你鍾意嘅歌啦🪇！（特別係 嘅歌！記得要download晒落嚟聽🩵！）
5. Notion✍️：作為一個小小嘅content creator(?) 好多idea都係突然間出現，又會好快消失💬，所以有一個好嘅app寫低我個腦諗緊啲乜係好重要。而Notion呢個note taking app正正符合到我哋需要📝，雖然佢free version都已經夠大部分人嘅需要，但係我就就畀咗月費去買佢嘅advance features。雖然大家未必係content creator，但係大家可以攞佢嚟做其他嘢，例如係日記，to-do list等等✅，對日常生活都好有用㗎！

至於嚟到加拿大嘅你哋，喺冇信號又有咩app你覺得係一定要download呢🧐？可以喺comment度分享畀大家知㗎！🫶🏻

大家記得 Follow 呀！🥺

13/06/2023

Bonjour！早晨！當你準備 #辭職 疊埋心水諗住去 #加拿大 嘅時候， #清稅 係一個必須做嘅步驟。喺呢度就分享下清稅嘅step to step guide啦！

首先你要同咗僱主講咗你要 #辭職 （最少一個月前），並且有意 #離港 ，咁HR或者僱主就會幫你準備一份叫IR56G「離職及即將離港的僱員表格」嘅副本，然後你就可以攞住呢份副本去 #稅務局 到清稅。

攞完之後你就可以喺office hours去灣仔稅務大樓1樓攞籌，同佢講你要清稅，然後佢就會指示你去特定嘅樓層度辦理清稅手續。但係大家記得去之前要帶齊以下嘅文件：

- 身份證
- IR56G
- 扣稅證明文件
- 免稅額證明文件
- 終止僱用合約的證明
- 尾期糧單
- 上年嘅報稅表（唔需要畀職員睇，純粹方便你一陣填報稅表有個reference）

我當時去到就係唔記得問我呀爸呀媽攞身份證copy，證明我係供養緊我父母，所以我當時搞咗好耐先搞得掂😵‍💫。

而清稅手續其實都好簡單，冇大家想像中咁複雜，純粹係排隊攞報稅表，填好晒畀返職員，最後就係等稅務主任帶你入房評稅，佢都係問返啲基本資料同睇下你嘅證明。

當見完稅務主任之後，佢就會即日畀一封 #繳稅通知書 ，然後就可以去返1樓嘅郵局交錢。但係作為貧苦大眾嘅我，我嘅收入就當然係唔足已需要交稅🤣，所以我就去咗7樓攞返份「同意釋款書」，證明你已經完成咗清稅手續。

攞住呢份 #釋款書 有咩用呢？一嚟除咗你法律上有責任要離港前清稅之外，二嚟你公司通常都會扣起你最後一個月糧作為交稅用，而同意釋款通知書就係攞嚟話畀你老細知，你已經交咗稅，唔再需要扣起你份糧。所以你最後一步就係要將呢份釋款書嘅副本畀你老細，咁佢就會畀返最後一個月糧你啦！

大家記得 Follow 呀！🥺

04/04/2023

Bonjour！早晨！開咗呢個page咁耐，講咗好多我準備去加拿大前嘅資訊，到依家我終於到咗加拿大多倫多啦！我到呢一刻都仲係覺得好唔真實，同埋我去嘅時候都好驚做錯嘢好frustrate。不過最後都係有驚無險！所以我打算喺呢個post形容下我由check in開始去到落機嗰一刻經歷過啲咩，咁等大家去加拿大嘅時候都可以安心啲啦！

先講下我搭邊班機先，我就因為價錢平啲，所以就揀咗Air Canada由香港飛去多倫多嘅機票，中途喺溫哥華度轉機。咁check in嗰日我就帶咗兩件寄倉行李（原本機票只係包一件，我額外加咗$575寄倉第二件行李，）另外hand carry方面我就帶咗一個背囊同一個手提行李，呢兩樣都係Air Canada包埋嘅，但係就記得唔好oversize呀！

第一程機就包咗兩餐加一個小食，大家記得上機之前就好download定Netflix/Spotify，如果唔係就會好似我咁勁悶冇嘢食訓足成程機XD。不過最麻煩嘅都唔係喺機上面冇嘢做，而係落到機之後要做嘅所以海關process！

咁同我同行嘅仲有一個只係嚟travel嘅妹妹，我哋嘅目的地都係多倫多，但落機之後我哋就已經要分開了。首先一落機之後就會有兩條path，一條係for轉機，一條係for arrival。咁我心諗我確實係陣間要轉機，所以就排connection flight嗰條隊，但我排到一半啲職員先至同大家講：「如果你要攞student permit或者working permit的話就要去排arrival嗰條排㗎！」所以大家去到嘅時候就算啲職員同你講去排connection flight嗰條隊，你都要記得問清楚去攞visa的話係咪都一樣呀！

咁究竟arrival嗰條隊係排啲咩㗎呢？第一樣要做嘅嘢就係用白色機填e-form，個form最主要都係填一啲入境資料，例如有冇隨身物品要申報，你有冇嘢會之後送到嚟加拿大等等。如果大家本身都有留意開坊間加拿大入境資訊的話，你可能會知道ArriveCan呢個app，我本身都有用呢個app填寫晒所有資料，但係唔知點解我填e-form嘅時候都唔會自動show番我喺app入面填過嘅資料。但如果你唔知呢個app係咩嚟嘅話，唔緊要！加拿大已經唔再要求入境人士提早填寫ArriveCan，簡單啲講就係ArriveCan呢個app就同安心出行一樣都已經壽終正寢。

填完e-form之後部白色機會print一張紙仔畀你，記得要keep好呢張紙仔呀，因為你下一步過海關嘅時候佢哋會check㗎！過海關嘅時候佢哋都淨係會check三樣嘢：passport, 機票同埋張紙仔。佢哋最多都會問吓你嚟做咩，但係我過去嘅時候佢哋連問都冇問我，可能因為我到達溫哥華嘅時候仲係凌晨，佢哋太攰唔想講嘢啩。

過完海關之後就記得沿住指示牌去移民局 Immigration Centre，因為你要攞咗張working visa（俗稱金紙）先可以喺加拿大做嘢㗎！咁我去到移民局門口嘅時候咁啱佢哋仲未開，所以喺門口坐咗一陣。開門之後就去坐喺度等，好好彩喺飛機度我坐得比較前，去到移民局嘅時候我係排第四個，所以我只係等咗10分鐘就已經有移民局嘅職員叫我上前，個職員只係問我攞OWP，張紙仔同埋我本 Passport。佢亦都只係問咗我過嚟加拿大做乜嘢，我搭佢 for working之後就叫我坐低等嗌名。我本身以為之後仲會問好多問題，但係過咗陣間就已經俾咗張金紙我。

攞咗張金紙後記得放好佢，之後你就當自己係由溫哥華出發到多倫多嘅內陸旅客，行出去出口之後我就去海關檢查嗰度。雖然你唔使再攞你本Passport出嚟，但係要留意嘅係到時海關會比一個透明袋仔你，比你 hand carry 嘅液體放晒落去，個袋仔只係得 1L 嘅容量，多過1L嘅話就要抌咗佢，所以記得自己嘅hand carry嘅行李唔好裝太多液體。

過咗海關之後你就可以直接去到你嘅登記大口等下一班機，因為我好好彩可以喺移民局度排前幾個，所以由我落機去到下一班機嘅登機閘口只係需要一個鐘頭多啲。所以如果你第一班機坐得好遲嘅話，中間轉機嗰個gap只係需要兩個鐘就OK，但為咗穩陣起見，我都係book咗落幾四個鐘頭後機，加上我班機 delay 左一個鐘，所以我有勁多時間，可以食埋早餐先再去登機閘口。

搭完第二程機之後就可以直接去行李帶度攞行李，咁因為你嘅第二程機係內陸機，所以你係唔使搞check in手續㗎！

雖然我知到埗嗰一刻大家都好興奮，但作為過來人有幾個tips可以畀大家：

🚗坐Uber係優先選項：坐完咁耐機又拎住咁多件行李，就唔好因為慳少少錢而坐巴士，尤其係住市中心嘅就唔好扶廿自己嚟搞😂

🚙如果係四件行李/兩個人或以上嘅話，最好就租Uber XL，如果唔係就裝唔晒你嘅行李㗎啦！

大家記得 Follow 呀！🥺

依家～移加～

23歲大好青年移加記錄
依家~移加~

27/10/2022

Bonjour！早晨！早排我講咗邊間匯外幣可以對得多啲，咁最抵嘅就係IB，但係我就冇教過IB點樣提取啲錢出嚟，坊間亦都冇幾個好嘅教學，所以今日就嚟講吓究竟點樣可以將加紙匯番入自己嘅銀行戶口入邊。

首先要喺IB換加紙去你嘅銀行，要有以下兩樣嘢：

1. IB戶口
2. 加幣戶口

先講吓點樣開個IB戶口先，開IB戶口有兩種主要方法，第一個係存入一萬蚊到你嘅IB戶口，第二個係你要去IB嘅Office度做一個身份認證。如果你係要匯外幣到你嘅銀行戶口，咁你就要用第二個方法啦。其實IB嘅身分認證好簡單啫，你只係需要去IB香港其中一個office（一間喺觀塘，一間喺金鐘。）然後上到去簽個名同講返你嘅戶口號碼就ok㗎啦～

第二樣嘢就係加幣戶口啦，咁我自己就用咗Citi Plus Global Wallet嘅加幣戶口。咁當你匯錢出去銀行戶口嘅時候，過程會有少少複雜。首先去IB嗰度撳個withdraw制（圖二），然後加個新嘅提取方法（圖三），揀選加元，呢個時候你應該淨係見到電匯方法可以揀（圖四）。之後輸入返你嘅銀行資料（圖五），而SWIFT code方面就打”CITIHKAX”，然後就應該會出現圖六嘅情況。只需要撳落去Canada Citibank，再撳submit，就會出現圖七嘅樣。如果所有嘢都同以上所有圖片一樣嘅話，就可以咁 submit。咁你就成功喺IB度儲存咗你嘅銀行資料，之後就可以隨時匯錢出嚟㗎啦！

不過大家匯錢出嚟嘅時候，有幾點要留意。第一係IB每個月只有一次免費出金，如果每個月出金多過一次，咁每次就要比$12加紙嘅手續費。第二係唔同銀行可能會有唔同條款，有啲銀行喺入錢嘅時候，可能會收取手續費，只係咁啱IB都係用Citibank，所以就免去手續費。

最後就係攞加紙出嚟啦，用Citi Plus的話可以喺香港預約提取加幣，又或者可以去到加拿大嘅時候先用ATM撳錢出嚟，視乎邊樣方便大家多啲。

大家記得 Follow 呀！🥺

依家～移加～

12/10/2022

Bonjour！早晨！到依家都仲返緊工嘅我每日嘅夢想就係聽日放假，可以日日都出糧但日日都可以出去玩。不過當然世界上係冇啲咁好嘅事啦。不過我又喺度諗，我遲啲過到去加拿大，我究竟又會有幾多日假期呢？喺呢度我就介紹一下加拿大假期究竟慶祝啲咩啦[1]！

1. 元旦 New Year’s Day（Jan 1）

我諗呢個就全球都會慶祝，新年新氣象，唔使我多講。

2. 家庭日 Family Day（Feb 20)

每年二月嘅第三個星期一係加拿大嘅Family Day，源於AB省喺1990年通過Family Day Act，制定呢一日位公眾假期，而喺2008同2012年，ON, BC省相繼跟隨。至於點解從一開始就會有Family Day，據悉係為咗令大眾能夠喺百忙之中抽空陪伴屋企人[2]……

呢日只係限於AB, BC, NB, ON, SK省先至有[3]，而其他省份就會而其家名義定立呢一日為公眾假期，例如NS省會叫呢一日做「文化遺產日 Heritage Day」，PEI省會叫做「島民日 Islander Day」，MB省會叫做「路易斯・瑞爾日 Louis Riel Day」。

3. 耶穌受難日 Good Friday（Apr 7）

好多西方國家喺歷史上都係信奉基督教/天主教，所以基本上所有關耶穌嘅節日都關西方國家事，而加拿大都唔例外。而加拿大就有Good Friday嚟慶祝，而因為Good Friday係以猶大曆法計算，所以每年嘅Good Friday都會唔同日子。（要留意QC省並唔會慶祝Good Friday，取而代之嘅係下個星期一嘅復活節 Easter Monday。）[4]

4. 維多利亞日 Victoria Day（May 22）

曾受英國統紿嘅加拿大，為咗紀念當時嘅英女王 Queen Victoria，於是決定自1901年（Queen Victoria去世嗰年）開始，將Queen Victoria嘅生日（May 24）定為全國法定假期。但因為再鋒利嘅刀都會有生銹嘅一日，英位再長命都會有退落嚟嘅一日，如果每次新王帝上位都要改一次公眾假期就會好麻煩，所以自1953年開始，Victoria Day就改為 May 25 前嘅星期一。所以當你以為Victoria Day就係Victoria嘅生日，其實兩者未必係同一日㗎。註： QC省就會叫呢日做愛國者日 National Patriot’s Day。[5]

5. 國慶日 Canada Day（Jul 1）

顧名思義，呢一日就係加拿大嘅生日。加拿大喺1867年7月1日正式立國[6]。屈指一算，佢嘅歷史仲耐過共產黨！

6. 公民假日 Civic Day（Aug 7）

加拿大將每年八月第一個星期一定為Civic Day，至於點解會係呢一日做公眾假期，我就唔係幾搵到點解。不過呢個八月假期最早可以追溯到1861年嘅多倫多[7]，歷史可以話係相當悠久。

7. 勞動日 Labour Day（Sep 4）

加拿大嘅Labour Day同香港勞動節嘅來源大同小異，兩者都係紀念之前勞工爭取權益時所造成嘅傷亡。香港嘅勞動節係至1999年開始成為公眾假期，日子就取自「社會主義國際」所定嘅國際勞動節，亦即係5月1日[8]。而加拿大嘅勞動日起源則可以追溯到1872年嘅 Nine Hour Movement[9]，當時勞方團體為咗爭取每天工時由12小時減至9小時上街抗爭，當中有24人被捕[10]。後來為紀念過往大大小小嘅抗爭運動，於是就決定喺每年九月第一日星期一定為工眾假期。呢日除咗畀大家有多一日假放之外，亦都提醒住僱員係有爭取合理權益嘅權利。

8. 真相與和解紀念日 National Day for Truth and Reconciliation（Sep 30）

記唔記得冇幾耐之前（2022年5月）有一單國際新聞係話加拿大發現215具原住民兒童遺體，引發全國憤嘅呢[11]。可以大家都知道，南北美洲原屬原住民嘅土地，係直到哥倫布發現新大陸後歐洲國家陸續強行佔領土地，並屠殺當地居民，再經過一段時間，先至形成今日嘅世界版圖。加拿大亦都擁有呢一段黑歷史。喺19至20世紀中，基督教教會設立多座寄宿學校，同時政府亦強制規定兒童必須上學，然而呢啲寄宿學校只準學生講英文或法文，並信奉基督教。對於原住民—印第安人嚟講，顯然呢啲行為係確確實實嘅印第安文化滅絕。加上當時寄宿學校環境惡劣，寄宿學生亦經常受到身體虐待同性虐待，所以令到好多原住民兒童去世。呢段歷史現代政府並冇拒絕承認，反而做咗唔同（但唔多）嘅行動以示歉意同補償。而呢日假期就係為咗紀念呢段國家歷史啦。官方網站就建議大家喺呢一日着橙色橙，以推廣”Every Child Matters”嘅信息[12]。

9. 感恩節 Thanksgiving（Oct 9）

喺1880年開始，加拿大就正式將每年10月第二個星期一定為假期，畀公眾對上帝賜比大眾豐收嘅食糧表達謝意[13]。要留意嘅係加拿大嘅Thanksgiving同美國嘅Thanksgiving日子係唔同㗎！美國嘅Thanksgiving係喺每年11月第四個星期四㗎！[14]

10. 軍人紀念日 Remembrance Day（Nov 11）

喺1918年11月11日係第一次世界大戰結束嘅日。為咗紀念當時服役士兵嘅貢獻同逝世，加拿大政府就定咗呢一日為公眾假期。[15]

11. 聖誕節 Christmas Day & Boxing Day（Dec 25 & 26）

我諗唔使我多講啦，耶穌生日加拿大點可以唔慶祝！

註1-15：呢個post主要來源都係嚟自網上，可能會有錯，如果你想求真或者了解更多的話，可以去我Bio入面嘅blog post，我會擺低所有我參考嘅資料㗎！

大家記得 Follow 呀！🥺

依家～移加～

11/09/2022

Bonjour！早晨！去加拿大當然要用返當地嘅貨幣嚟到消費啦！但係一直都All in港紙嘅我哋，除咗去旅行嘅時候換加紙之外，我哋都已經冇幾何會兌外幣。而且我已經冇得去旅行差唔多兩年半，你叫我點樣兌外幣，我都差啲唔記得咗！依家加紙都暫時比較平，所以我都要做返啲資料搜集，睇吓究竟點樣換加紙先至最抵！

加拿大訂咗規矩，每人最多只可以帶10000加幣現金入境，如果好似以前去旅行咁，只係逗留幾日，咁10000加紙實咗係夠用有突！但係依家講緊嘅係移居！（其實我prefer移居呢個詞語多過移民，but我有原因的！可能遲啲出個post講吓我嘅移居心態。）我諗大家最少都會喺加拿大住返一年半載，10000加紙就未必會夠生活。所以你哋平時去開嘅找換店就未必夠你哋用啦！（同埋好多找換店都食水好深，換少量都仲可以，換得多就真係唔着數。）加上今年一月嘅時候香港最出名，個rate都數一數二好嘅百年找換店都宣布結業，令找換店換大量外幣就變咗唔係一個好選擇啦！

咁唔用找換店可以用啲咩呢？對於貪方便嘅大家嚟講，銀行就一定係大家嘅首選，咁但係方便當然係有代價啦！大部分銀行嘅匯率都係十分之差，更有可能貴過街上嘅找換店！所以作為窮苦FG嘅我就唔會考慮啦～

咁究竟有冇啲平啲嘅options呢？咁都有嘅～第一個就係好多人都會講到，甚至已經用緊嘅Interactive Brokers（簡稱IB）啦！佢係一間美國十分出名嘅證劵商，專門為投資者提供平台投資全世界嘅股票。咁因為IB係serve全球嘅客戶，所以外匯亦都變咗係一個主打嘅function，IB嘅匯率可以話係全球最好，基本上你搵唔到有其他銀行能夠同IB嘅匯率競爭，而且IB嘅手續費亦都十分之低，只係0.0002%或最低2USD，所以IB確實係一個換錢best choice。不過IB有個限制，就每個月只可以免費出金一次，如果想同一個月出金幾次嘅話就要畀返少少手續費啦！所以大家都係最好一次過換你需要嘅金額。

如果你對股票完全冇興趣，唔想開一個股票戶口，你淨係想換錢啫，咁都有一個唔差嘅替代方案，就係有Wise啦！（前身叫TransferWise）佢嘅用法都非常簡單，你只要用香港銀行戶口用FPS過錢到Wise嘅香港銀行戶口，Wise收到之後就會用加拿大嘅銀行戶口過返錢落你嘅加拿大戶口。Wise好嘅地方就係佢嘅匯率比一般銀行好，而且手續費亦都比銀行平，加上你可以申請Wise嘅Debit card，咁你可以過錢到你嘅debit card instead of 你嘅加拿大戶口，然後再用你張debit card直接畀錢，成件事都好方便。加上大家可以用我嘅 invitation link: wise.com/invite/ih/fungl33 ，咁你哋兌換頭$5000就可以免手續費啦！不過佢都有唔好嘅地方，就係佢係第三方經營，你用唔用佢嘅service好取決於你信唔信得過Wise，如果你唔信嘅，咁就梗係用返銀行服務最穩陣啦～不過我之前去加拿大exchange過加紙畀自己嘅時候都係用Wise，又冇出過事，所以我自己都對呢間公司有信心嘅。（留意返呢個post係冇人贊助嘅，純粹自己做嘅research同分享🙈）

雖然呢個post真係好似廣告，不過trust me bro，我真係冇收過錢做promote，極其量你哋用我嘅invitation link我先會有少少錢收😂。另外我亦都將唔同嘅換錢方法變做一做table，方便大家做個比較～

大家記得 Follow 呀！🥺

依家～移加～

05/08/2022

Bonjour！早晨！上次講完 ，唔同plan有唔同價錢，但係要揀個適合你嘅手機plan，唔淨只係睇 #價錢 㗎，仲要睇埋你嘅plan嘅 #服務地區 㗎！

喺 #香港 #地少人多，我諗細細個就已經聽過，所以香港嘅網絡供應商就能夠用相對低嘅 #成本 同 #時間 令到全港都收到data。所以你從來冇聽過你買完一個plan之後，間公司會同你講：「Sorry呀，呢個plan淨係包香港島同九龍，唔包新界㗎！🙏」如果你喺香港聽到呢句，我相信你已經攞住把刀上門要求cut咗個plan佢🤣。

但係 #加拿大 最多嘅就係地，加拿大人可以去邊度住，邊度玩都得，對我哋呢啲普通市民嚟講就梗係開心啦！但係對於 #網絡 供應商就唔係太開心啦，因為如果要將無線網絡cover晒成個國家，無論investment同maintainance cost都係十分之高。加上加拿大近一半人都係住喺緯度45度以南（有機會會開個加拿大冷知識畀大家😂，）所以某啲細啲嘅公司控制成本就會選擇只係cover加拿大某部份地區，形成咗只係包「香港島」唔包「新界」嘅情況。

至於有邊啲供應商唔cover你嘅地區呢？咁就可以參考一下唔同手機網絡供應商嘅network coverage map啦。但係如果你要個懶人包嘅都冇問題！你可以去我bio嘅link，入面會有一個”Blog posts”嘅制，然後你只要揀返呢個post嚟睇，篇文入面就會有㗎啦！

另外加拿大嘅 #國家編號 同美國嘅國家編號都係+1， 咁又係咪代表我去 #美國 玩嘅時候又唔使買多張電話卡呢？某程度上都啱嘅，因為的確有某啲公司會推出Canada+US嘅手機plan，但換句說話講亦即係有只限Canada嘅手機plan。如果你有打算得閒就去美國玩的話，不防考慮全包plan啦！

🪖我只係喺網上盡量check，有錯的話麻煩大家指正🙏🏻

大家記得 Follow 呀！🥺

依家～移加～

03/08/2022

Bonjour！早晨！話說之前 #美國領事館 就已經批咗我嘅 #美國 #入境簽證 ，呢件事我都已經早幾個post同大家講咗，然後喺面試完之後第三日就已經收到我嘅 ，正式可以去美國 #旅行 ！而係我收到我本Passport嘅同時，亦都有少少嘢想update，俾大家有個參考。

首先就係我嘅簽證種類。喺我申請美國Visa嘅時候，佢有分商務簽證 ( )、旅行簽證 ( )、同埋合併簽證 ( /B2 )。咁因為我都知道自己唔會去嗰度做商業活動，我又費事俾佢問長問短，所以我只係揀咗旅行簽證，以免增加自己被reject嘅風險。點知當我收到我本Passport嘅時候，痴咗喺上面嘅美國Visa寫住我嘅種類係B1/B2 ，而唔係我原本申請嘅B2 Visa。可能因為兩者其實冇分別，一律當作合併簽證處理，所以大家喺申請美國Visa嘅時候可以直接揀B1/B2嘅簽證，唔需要左諗右諗。

第二樣就係當你攞Passport嘅時候你係要俾錢嘅。喺你申請美國Visa嘅時候佢會問埋你想點樣攞返你本Passport，佢有分兩個選項，第一個係直送到你填寫嘅地址，第二就係揀選佢哋嘅pick up point，而佢哋係會用 #順豐快遞 。如果你揀咗直接送上門，就要畀$240 #服務費 ，到時會由順豐快遞員收取（只限現金支付）；如果你揀咗喺pick up point攞，就要喺counter到畀$95服務費。而香港嘅pick up point有三個，分別係喺 #灣仔 、 #尖沙咀 、 #觀塘 。如果你想喺interview完咗之後先改pick up地址，咁就記得要喺interview當日去 ustraveldocs.com/hk/hk-niv-passporttrack.asp 改返呀！

大家記得 Follow 呀！🥺

依家～移加～

01/08/2022

Bonjour！早晨！今次就講下 #加拿大 手機 #上網 應該點樣揀📱～作為 #消費者 嘅我哋，最關心嘅都係究竟邊個plan啱我，但喺比較唔同plan之前，首先講下喺大拿大有邊幾間服務 #供應商 先😌！咁加拿大嘅 #手機網絡 供應商有三巨頭，分別係 (31.6%), (29.2%)同 (27.8%)，佢哋三個夾埋佔咗全加拿大接近9成嘅market share（2020年）😱，佢哋嘅地位確實係舉足輕重。除咗呢三間之外亦都有其他公司想喺呢個市場度食返一份，例如緊隨其後嘅 同 。但我相信有略略研究過moblie plan嘅人都有聽過其他公司都有出手機plan，就好似 , , 等等，點解我又冇講呢🤨？唔係佢哋唔出名，而係佢哋都係屬於 #三巨頭 旗下嘅，想知邊間打邊間，就可以睇下圖二嘅 #分類帽 啦👆🏻！ #網絡 就好似 #空氣 同 #自由 咁，當你有嘅時候你會以為係必然，但當你冇咗嘅時候先發覺原來係要錢🤣，就好似早排Rogers因技術問題令到好多Rogers嘅用家都冇得上網🧑🏻‍💻，如果你驚呢個情況再次發生，咁你就要睇清楚邊啲公司係under Rogers啦！（不過個人就覺得唔需要因為呢次事件而咁擔心嘅🤣）

至於邊啲data plans適合你呢🤔？咁唔同人有唔同需要，我就揀咗10GB/month數據限額做標準，因為我平時都係坐車會睇下 咁，唔會睇 🎥，又唔會用到 快速上網💨，基本上就唔會每個月用多過10GB。但如果某啲公司冇出10GB data plan，我就會show最近10GB嘅plan，例如8GB, 12GB或者15GB咁。不過我list出嚟嘅資料都係我上網搵嘅，因為我plan咗年尾先會去 ✈️，未有必要依家睇定，所以我當呢個post做資料蒐集，亦都畀大家有個 #參考 ，但當你決定揀其中一個plan嘅時候，‼️記得要睇清楚 #條款 ，個data plan包啲咩，同埋有冇 #額外收費 呀🫡！

另外唔同公司有機會會有唔同 #優惠 ，想用最低嘅價錢用到最適合你嘅data plan，記得要睇下你用唔用到啲優惠啦！例如某啲公司會推出family plan👨‍👩‍👧‍👦，多人同行可以額外再折，又例如有啲公司會連埋家居網絡出bundle🏠，初到步嘅你需要手機同家居上網亦都可以考慮下㗎！

大家記得 Follow 呀！🥺

依家～移加～

註（圖三）：
1. 2022年7月30日的數據
2. Family plan最高可享$15折扣（最多4人）
3. 新用戶可享$5折扣
4. 與家居網絡一同購買可享折扣

29/07/2022

Bonjour！早晨！話說我就喺啱啱個星期六去咗 #考車 🚙，本身就三月嘅時候就應該考咗，但係因為第五波疫情令到我七月先考到🥹。夾夾埋埋差唔多用咗我成萬蚊學費💸！不過最重要嘅係我可以1 take pass!!!!!!!!! 大家畀啲掌聲鼓勵下我先啦！👏👏🏻👏🏼👏🏽👏🏾👏🏿

咁我就考咗自動波私家車🚘（亦都成日畀人話係廢牌，不過我唔care😤！）但係我身邊啲朋友聽到我要喺香港考 #車牌 ，都問我同一個問題：「點解你唔去到 #加拿大 先考？反正你遲啲都會去🤔。」Well，一嚟係因為我未plan去加拿大嘅時候已經報咗考車😌，二嚟亦都對我之後加拿大攞車牌有幫助。

首先我講下加拿大（ #安省 ）考車過程究竟係點先啦！ #加拿大車牌 分三種： 牌、 牌、 牌。G1牌就類似係喺香港嘅學牌🤣，持有G1嘅司機🚫唔可以凌晨12點🕛至5點🕔揸車，🚫唔可以行高速公路，同埋必需要有最少4年經驗嘅G牌人士同行。而持有G2嘅司機就少啲限制，可以自己揸車🥳同喺所有道路行駛🚖。之於G牌嘅司機就除咗一般私家車可以揸之外，亦都可以揸 🛻同 #小型卡車 🚚。可能你會話：既然G2都已經可以周圍走，咁點解仲要攞埋G牌？咁係因為G2牌係會 #過期 㗎😱！G2牌有效期為5️⃣年，一旦你個車牌過咗期就要重新由G1牌開始再考過㗎啦！但係相反有咗G牌就唔會再叫你去考 #路試 啦！

OK咁你應該點樣考G1、G2同G牌呢？按照正常程序嚟講，首先你要考咗「 」✍️，考完G1筆試你就已經攞到G1牌🎉，然後等一年之後就可以去考「 」🚏。考完路試你就攞到G2牌🎊，然就喺攞到G2牌之後等多一年就可以去考「 」🛣，當你成功pass到之後就可以攞到G牌㗎啦🍾！咁成個過程由冇車牌到攞到G牌最快可以2️⃣年就完成。如果你想縮短成個考牌時間，其中一樣可以做嘅就係喺攞到G1牌嘅期間去 #駕駛學校 👨🏻‍🏫或上一個 #全科證書課程 🎓，咁就可以由一年等候期縮短至8️⃣個月～（Cr: 嘅「加拿大考車攻略（中）」）

咁頭先講嘅就係正常程序啦，咁究竟唔正常嘅程序又係點呢？呢個section就只限喺香港有車牌先啱用嘅🫡～如果你係一早已經攞咗車牌，而且已經有最少兩年的話，咁你就可以選擇直接考「G2路試」而唔使做前面嘅process，成功的話你就可以揸住G牌周圍去㗎啦😍！但係如果你唔好彩fail咗「G2路試」，咁你就會downgrade咗，要考到「G1路試」，等一年，先再可以考返「G2路試」㗎🥶！至於你係喺香港有車牌，但 #經驗 少於兩年的話，咁你就可以喺pass咗「G1筆試」以後直接考埋「G1路試」，中間係唔需要等一年㗎🥰～

不過就算你喺香港有車牌，你都要喺香港填 嘅form，攞一份「 #駕駛執照細節證明 」，咁加拿大先認可你嘅香港車牌㗎🥹！至於如果你有 #國際車牌 的話，你可以到咗加拿大之後申請暫準駕駛牌照，咁你就可以喺到達頭60日都可以揸車周圍去，最重要係令你落地之後處理唔同大小事務都更加方便。

加拿大地方咁大，冇車真係唔太方便，所以大家去到加拿大嘅時候記得考返個車牌呀🥺。

大家記得 Follow 呀！🥺

依家～移加～

27/07/2022

Bonjour！早晨！嘩嘩嘩！新鮮滾熱辣嘅US Visa result出爐啦！我終於可以去 #美國 🇺🇸啦🥳！就算星期一要去 #美國領事館 interview，都無阻作為黎生嘅我去返工👨🏻‍💻，所以我揀咗朝早八點🕗就去到interview 🫡。但係途中發生咗好多蝦碌嘢，搞到成個process都好麻煩，所以我喺度記錄低有啲咩可以改善，亦都畀大家有個參考，等你哋申請嘅時候就可以順暢啲～

首先我要講一講你乜嘢事候申請最好呢？我就會建議你申請到 之後先好去apply US Visa，原因我會一陣同大家講！咁至於去領事館之前有咩要帶，有啲咩要準備呢🤔？大家可以參考下面嘅list：

- DS-160 confirmation letter✉️
- Appointment letter📄
- Passport🛂
- HKID🪪
- OWP approval letter📃
- 美國證件相📸
- 其他你認為對你嘅申請有幫助嘅文件📂

基本上帶齊以上嘅文件就已經萬無一失㗎啦～不過大家記得所有文件一定要係紙本copy📎，唔可以係電子版本📱，因為你入到去係冇得畀你用 #電話 㗎‼

當日我諗住預早啲去到領事館諗住早啲入去早啲搞掂，點知就預到重重障礙😭。第一係我係搭地鐵去領事館嘅，咁我就係 #金鐘站 落車🚇，距離目的地大約有十分鐘路程，咁我諗住應該都輕鬆啦，點知條路係不斷嘅斜路，喺香港三十幾度嘅天氣下，作為死肥仔嘅我上到去已經成身出晒汗同扯晒蝦🥵，我係熱到連講嘢都冇力。

不過障礙陸續有嚟，我去到領事館門口，企喺門口嘅保安👮🏻‍♂️就同我講：「先生，你個袋同入面嘅飯盒係唔可以帶入去㗎，你要搵人保管住，淨係帶啲文件過嚟就得㗎啦。」我心諗：我自己一個申請，點會有人幫我，唔通我求其搵個路人叫佢幫我睇住啲嘢咩😠！不過好彩，佢之後補多句：「你可以去附近嘅地方借 㗎！」咁我就拿拿臨即刻去借locker🗄。

附近有兩個地方幫你暫時保管住啲嘢嘅，第一個係喺領事館對面嘅 #李永記花店 💐 ，嗰度係個姨姨負責開舖嘅，不過嗰時因為太早佢哋未開門所以就有用到。所以我去咗第二個地方，就係要再行遠啲嘅 #香港公園體育館 🏓 ，就好似平時去打羽毛球借locker咁差唔多procedure，不過要畀$18畀個租場姐姐。咁我嗰時都無辦法一定要畀啦，因為始終我都想盡快搞掂佢。

點知我去到體育館放低我啲嘢嘅時候，先發現我張 #證件相 跌咗😱！我喺更衣室入面搵咗五分鐘都搵唔到！又熱又燥嘅我當時真係好frustrate🥲，不過概然都搵唔返我張相，咁唯有攞住啲文件行返去領事館，問下啲工作人員睇下有冇辦法解決啦，畢竟繼續搵都唔會有結果。不過又好好彩，原來張相就係跌咗喺領事館門口，個保安幫我執起咗，我去到門口嘅時候佢主動畀返我，我個心即刻如釋重負😿。不過事後我發現原來就算冇帶證件相入去都係一個可以用錢解決嘅問題，因為領事館入面有個 #自助影證件相 ，只需要$50就搞掂。

OK去到門口嘅時候啲保安就會check下你有冇帶DS-160, Appointment letter同 ，一旦佢哋畀你進入領事館，之後嘅process都會變得好輕鬆😌，只需要根據返工作人員嘅指示做，不外乎就係security check，check下你有冇帶證件相同 #身份證 ，然後就去counter被人問一啲簡單嘅問題。記得所有嘅都要如實作答🫡！例如佢問我之前有冇申請過 ，咁我之前畀美國 過visa申請，都算有申請過，所以我都好如實答佢有。

但係畀counter問完只係過咗第一關，之後你要入去第二個area #打手指模 同見 #領事 。領事有最高決定權選擇批唔批你嘅Visitor visa，如過佢reject咗你，你係冇得 #上訴 㗎！（我好有經驗🥹）你唯一可以做嘅嘢就係重新畀過錢申請多次💸，然後再排多次期。至於見領事嘅時候佢會問你啲咩呢？咁就好視乎個官啦。不過好多時佢哋都會問你點解想去美國，咁我就答…Err…成個對話有啲長，不如我直接將成個對話寫畀大家啦！（因為字數限制所以放咗喺comment度）

成件事就係咁啦！然後就係出返去攞返你嘅personal belongings。所以我頭先亦都同大家講咗記得要攞你張OWP ，因為有呢張嘢的話，亦都代表你打算於加拿大工作同生活，並唔會偷偷地長住喺美國，做成美國嘅負擔，所以佢睇完我個OWP之後問咗幾條問題就畀我走！

幾經辛苦終於攞到 #入境 美國嘅permission啦😭，不過通常一批就會批十年畀你，換句話說即係十年來你都可以 #自由 出入美國旅遊，可以見下 #女神像 啦！

記得 Follow 呀🥺

依家～移加～

21/07/2022

Bonjour！早晨！今次呢個Post就side track一下，講下 #加拿大 嘅鄰居- #美國 #🇺🇸。點解要係美國呢，係因為我最近申請緊美國旅遊 #簽證 ，咁我相信大家喺申請到OWP之後都會有興趣落去美國旅遊，所以就想分享下我申請嘅過程啦！

首先我講下點解要申請 #美國簽證 先啦！由於我哋嘅香港護照係冇美國免簽證待遇😭，所以如果你貿貿然買機票飛去美國，你肯定會被原機返港😵。而美國Visa用途除咗攞嚟畀我地得閒落美國玩之外，如果你係未買機票去加拿大，你或者會見到有啲機票係平啲，但係會喺美國轉機，咁如果你冇美國Visa的話，你未必轉到機㗎！所以最好都係要申請美國Visa以備不時之需。

可能你會話，我一定會直航飛加拿大，咁我可唔可以去到加拿大先再整呢🤔？咁當然可以啦！只不過喺加拿大申請美國Visa話，我諗到你攞到PR嘅時候你都未攞到 😌。因為加拿大地大人多，美國作為世界大國，當然好多人都會慕名而來，咁自然輪後時間都會比較長⏳。至於有幾長？大概要等一年半左右啦🫠。相反喺 #香港 就只係需要等好短時間就ok！所以就算你短時間內都唔會去美國住，你都應該申請咗先！

美國Visa有分兩種，B-1、B-2、同B-1/B-2，分別係 #商務 👔、 #旅遊 🧳、商務及旅遊簽證。我自己就淨係申請咗B-2 Visa啫，因為自己呢幾年都唔會去美國做一啲商業活動，我怕申請咗B-1/B-2會畀 #美國領事館 問長問短，增加被reject嘅機會，所以我抱住多一事不如少一事嘅心態申請B-2。你知啦，我畀人reject過㗎嘛🫠。

至於點樣申請呢？其實好簡單啫，你只需要填好份DS-160 online form，跟住再畀埋申請費用 160USD，最後喺網上預約👨🏻‍💻返一日去美國領事館，做返一個簡單嘅 就ok㗎啦！詳情可以去呢個網站到睇：https://www.ustraveldocs.com/hk_zh/hk-niv-typeb1b2.asp

我下星期一就要去領事館了，十分緊張🥶，希望佢哋會批我個Visa啦😶‍🌫️，過咗interview會再update大家㗎啦！

P.S. 到我今日睇既時候美國簽證辦理等候時間如下：
Hong Kong | 7 days
Vancouver | 428 days
Toronto | 439 days
Calgary | 330 days
Ottawa | 360 days

依家～移加～

15/07/2022

Bonjour！早晨！我哋終於到達成個旅程嘅最後一站 #卡加利 ，當地時間上午九點二十三分🛬，氣溫零下十四度。請大家緊記扣好安全帶💺，祝大家對唔同城市了解多咗啦！

終於嚟到最後一站啦everyone！忍受埋最後一次我咁難頂嘅畫風😂。我哋嚟到同樣都係 #移民 非常熱門嘅地區Calgary。如果要我總結呢兩日兩夜嘅行程，我會話呢個地方好靜😂。

唔會係咪因為我嗰陣時喺平日，我出門口嘅時候啲人都已經返晒工，所以條街係非常之靜，偶爾只會聽到零星嘅車聲同輕鐵聲。不過我有次喺好靜嘅街行過嘅時候，有個一家四口嘅家庭迎面而來，當佢哋愈嚟愈近嘅時候，我開始聽到好親切嘅聲音，係 #廣東話 呀！估唔到喺我唔熟悉嘅地方之中都會聽到我哋嘅母語，可想而知有幾多 #香港人 住喺Calgary😂。

Calgary嘅Downtown我只係玩咗一日，主要我去咗當地嘅 #動物園 同附近嘅商場。聽落好似冇乜吸引力，但係我都發現咗一樣Calgary幾特別嘅地方，就係佢哋嘅輕鐵啦。特別在於佢哋嘅輕鐵係免費㗎！不過只係限定喺downtown地區先係免費，即係話只要你喺downtown內遊走係唔需要錢！如過你要搭去其他地方就要畀返錢㗎啦！

之於第二日就精彩啦！我去咗加拿大最出名嘅名勝 !……我都想🥹。第二日我喺Klook報咗個小型旅行團，個導遊帶咗我哋去 。我有問佢點解唔帶埋我哋去Lake Louise，佢話如果要一日玩晒兩個地方係冇可能，而我只係報咗一日行程，所以我都只好唯有認命。不過！Banff都係一個非常之 #靚 嘅地方！嗰個嘅風景絕對唔係我嘅畫功畫到出嚟！所以即使Calgary對我嚟講係比較靜，佢都有一個贏晒其他地方之處，就係十分之近Banff同Lake Louise呢兩個地方！如果平時一放假就可以 去浸 #溫泉 、睇靚景，都咪話唔嘆呀！

不負責評分：
天氣 ⭐️⭐️⭐️⭐️
生活 ⭐️⭐️⭐️⭐️
工作 ⭐️⭐️⭐️
環境 ⭐⭐⭐⭐⭐️
氣氛 ⭐⭐

記得 Follow 呀！🥺

依家～移加～

13/07/2022

Bonjour！早晨！我哋即將到達 #黃刀 ，當地時間下午兩點零五分🛬，氣溫零下五十二度，當地落緊少少雪。請大家緊記扣好安全帶💺，祝大家今晚都睇到極光 ！

人生只得一次，唔知你哋嘅bucket list入面有啲乜嘢係一定要做㗎呢？我相信大家都會有啲好多人都會想做嘅嘢，bungee jump, 環遊世界, skydiving等等，而亦都少不免睇 #北極光 😍！如果你地將來真係選擇喺 #加拿大定居 ，咁Yellow Knife就一定係你最少去一次嘅地方！我敢話未去過Yellow Knife嘅都唔叫做 #加拿大人 ！（即係咁講啦🪖）

Yellow Knife有啲咩好？其實得一個好，就係好凍！唔只係好凍，係好L7凍🥶！我當時一落機，零下五十幾度嘅冷風隨之迎面而來。喺 或者 嘅凍極其量都係令你手指耳仔冇知覺，但係我喺Yellow Knife過咗三日兩夜，我除咗喺室內之外，其他時間都覺得自己有鼻屎🐽，唔係因為我唔乾淨，係因為Yellow Knife個氣溫低到我啲鼻毛都結冰❄️！但最令我mind blown嘅係竟然會有人 #移民 嚟呢度住過世！

我呢三日兩夜嘅行程係我喺網上book嘅，算係半個旅行團咁啦。我本身book嘅時候之為只會有local guide帶住我哋，點知由華人所搞嘅Yellow Knife旅行團多不勝數，而帶我哋嘅導遊亦本身係一個香港人。我真係唔係好明，明明有得揀，點解會揀喺呢啲鳥不生蛋哋地方呢🤔？

Anyway，呢次嘅行程真係值回票價！因為我哋兩晚都睇到北極光🌌，仲要其中一晚係極光大爆發，後尾個導遊同我講， #極光 唔係成日都有，我哋呢次真係好好彩！

之於日頭做啲咩呢？我哋個行程就包咗dog sledding #狗拉雪橇 🐾同埋（睇人）ice fishing🎣！不得不說真係好好玩！啲狗狗又勁得意！成個旅程真係好開心！不過我依家諗返起，就算呢啲活動真係好fun好好玩，日日玩都會有一日覺得悶，覺得凍啦，究竟點解我哋嘅導遊，甚或至其他移民到Yellow Knife嘅其他人，可以忍受到咁寒冷嘅天氣，當地又唔多 #工作 機會，又唔係咁多姿多彩嘅生活呢？

老實講我冇答案，我亦都冇問到導遊佢心入面點樣諗。但可能，人哋唔再係 #香港人 ，應該話唔再係香港人嘅心態，唔再以香港嘅以錢為先嘅風氣作為自己嘅中心，就算天氣幾凍，每日嘅生活有幾咁相似，只要心態唔同，都可以好開心咁 #生活 。

不負責評分：
天氣 ⭐️✨
生活 ⭐️⭐️⭐️⭐️
工作 ⭐️⭐️✨
環境 ⭐⭐⭐⭐⭐️
氣氛 ⭐⭐✨

記得 Follow 呀！🥺

依家～移加～

#救生艇計劃 #開放工作簽證 #搵工 #香港 #工作 #加拿大救生艇計劃 #加拿大簽證

11/07/2022

Bonjour！早晨！下一站係 #溫哥華 ，當地時間早上十一點二十三分🛬，氣溫八度，當地天氣晴朗，間中有微雨。請大家緊記扣好安全帶💺，祝閣下旅途愉快 ！

溫哥華作為一個 #加拿大 最出名嘅城市，我當然要把握 嘅時間，由Montreal飛去Vancouver玩啦！不過由於時間緊湊，我只係喺嗰度玩咗三日兩夜🥹，所以都唔可以完全感受到當地嘅生活文化都氣氛，不過Vancouver都帶咗畀我一個幾深刻嘅印象㗎！

我記得嗰時係同一個friend過去，但係我個friend喺Vancouver又有另一個friend，然後佢就抛低咗句：「我同我個friend去玩啦，我哋聽日先一齊去第二度啦！」然後佢就走咗了🙃。所以變相我有成日都係自己一個行街…不過咁都造就咗我自己一個獨自深入感受Vancouver嘅環境。

咁嗰一日我就去咗當地十分之出名嘅 ，Stanley Park對我嚟講就好似 #香港 嘅西九海濱長廊咁😂，有好多好大片嘅早地畀一家大細野餐同Hea，又有單車徑畀大家環島一周🚴🏻。冇錯我係講環「島」一周，係因為成個Stanley Park本身就係一個島🏝。加上Vancouver嘅天氣同香港差唔多，所以好多移咗民嘅老一輩都會選擇喺Vancouver定居instead of ，成個感覺就彷如喺香港退休咁，十分舒服😌。

第二日我就同我個friend去咗Stanley Park以北嘅Capilano Suspension Bridge Park。嗰度其實已經遠離downtown好多，我諗當地居民好日都唔會好一次，只不過我地作為遊客，好應該買飛入場🤣。我地入到去之後仿如置身於熱帶雨林🌳，畀我真真正正感受到鳥語花香，環境清幽嘅感覺係點樣🧘🏻。但係呢個熱帶雨林同出面嘅天氣有天淵之別，你以為出面冇落雨就唔使帶遮，但係你一入去啲職員已經幫你預備好雨褸。同埋熱帶雨林入面嘅天氣亦都正正反映咗Vancouver嘅別名- 🌧。因為Vancouver好日唔埋就會落一次雨，呢樣嘢係一個當地local同我講的。

咁當時我本身都有個friend喺Vancouver度 ，同時間我又唔知可以去邊度好，所以就去咗佢讀緊嗰間-UBC嘅hall到搵佢。作為一個中大學生，本身覺得中大佔領成個山頭已經夠大㗎啦，點知UBC仲大🤯！就喺佢介紹UBC唔同地方嘅時候，由佢個hall去到其中一間gym room都要行成十五分鐘，仲要啲hall多到數唔晒，我聽完之後我也是醉了😵‍💫。

總而言之我覺得Vancouver其實真係有好多地方可以去，有好多地方可以玩，對於有啲人話加拿大冇嘢玩，我只能夠話你哋未發掘到加拿大靚喺邊度，好玩在邊度。

不負責評分：
天氣 ⭐️⭐️⭐️⭐️⭐️
生活 ⭐️⭐️⭐️⭐️⭐️
工作 ⭐️⭐️⭐️⭐️✨
環境 ⭐⭐⭐⭐⭐️
氣氛 ⭐⭐⭐⭐️

記得 Follow 呀！🥺

依家～移加～

#救生艇計劃 #開放工作簽證 #移民加拿大 #加拿大生活 #搵工 #加拿大移民 #留學 #讀書 #工作 #加拿大工作 #加拿大簽證

08/07/2022

Bonjour！早晨！我哋即將到達下一站 #渥太華 ，當地時間早上八點零四分🛬，氣溫零下十八度🥶，當地一片晴朗，小心保暖。請大家緊記扣好安全帶💺，繼續享受今次 #旅程 。

大家知唔知 #加拿大 嘅首都係喺邊度？ #多倫多 ？ #溫哥華 ？其實兩個都唔係！事實上加拿大嘅 #首都 係喺Ottawa！可能你會心諗，通常啲人去親加拿大，唔係去 就係 ，再唔係就係 ，Ottawa呢個地方究竟喺邊度？Well，呢個問題其實我都問過自己好幾次，終於有一日我上網查，發現原來加拿大因為想表達佢哋係一個包容多元種族嘅國家，所以決定首都定址喺法語區同英語區中間，亦即係Toronto同 。雖然Ottawa相對上冇咁出名，但背後嘅故事亦都好有趣㗎！

Ottawa作為加拿大嘅首都，自然有好多政府總部喺當地運作。當地嘅政府建築物唔會好似香港咁一式一樣，反而佢地會將當地文化、環境同建築融為一體。就好似呢個post所畫嘅Parliament of Canada咁，就咁睇你會以為佢係一間博物館，而唔係加拿大國會嚟！

我去Ottawa嘅時候係一月，仍然都係冬天，加上佢位於Toronto同Montreal中間，變相當地天氣就結合咗兩地嘅特色。Ottawa嘅天色就好似Toronto咁晴朗，但氣溫就好似Montreal咁凍🫠。我仲記得嗰時需要搵路行去餐廳食晚飯，我要除我對手套用電話search Google Maps。我只係用咗兩分鐘，我已經對隻手冇晒知覺，如是者我除手套兩分鐘，跟住又戴返兩分鐘，不斷來來回回咗五六次，嗰段經歷可以話係十分痛苦🫠。所以大家去加拿大記得要做好保暖！如果唔係係真係會凍死㗎！

不負責評分：
天氣 ⭐️⭐️⭐️⭐️
生活 ⭐️⭐️⭐️
工作 ⭐️⭐️⭐️
環境 ⭐⭐⭐⭐
氣氛 ⭐⭐⭐⭐

記得 Follow 呀！🥺

依家～移加～
#救生艇計劃 #移民加拿大 #加拿大生活 #加拿大移民 #加拿大留學 #留學 #香港 #讀書 #工作 #加拿大簽證 #旅行 #交流

06/07/2022

Bonjour！早晨！我哋即將到達下一站 #魁北克市 City，當地時間早上九點二十一分🛬，氣溫零下三十二度🥶，當地正落緊大雪❄️。請大家緊記扣好安全帶💺，繼續享受今次旅程。

Quebec City 我總共去咗兩日一夜，Quebec City同 一樣都係好凍🤧！Quebec City係比Montreal更北嘅地方，所以凍啲都係理所當然嘅。不過好老實講，當你日日出街都係零下廿幾三十度嘅時候，凍多一兩度其實真係冇乜分別😶‍🌫️。咁啱當時當地有活動，有個好大嘅 #嘉年華 ，好多一家大細都會走出嚟一齊玩🤣。我喺Quebec City見識到嘅就係原來加拿大嘅嘉年華同香港嗰啲「嘉年華」簡直係冇得比。香港就算有唔同活動或者嘉年華，頂多都係租借一個場地然後搞show，仲要同海量嘅人迫餐死🤢，但係Quebec City嘅活動所佔用嘅唔係一塊地，而係幾條街！唔係只係得幾條，係好幾十條🤯！基本上你去到邊都係嘉年華嘅活動！雖然好多人都會參加，而且仲有唔少 #遊客 ，但係因為 #加拿大 地大物博，所以唔會好似香港咁要迫嚟迫好，你想走就隨時可以走，唔使等排隊。

另外當地建築亦充滿住 #歐陸風情 🕌，風景亦都相當之靚，其中最出名嘅就係Château St. Louis同埋St. Lawrence River，有幾會的話你地可以Google search下睇下啲相，保證你地一定會迷上咗當地嘅風景😍！

至於環境方面，我就覺得路面規劃做得比Montreal好，至少喺我嗰兩日我都冇畀路上嘅碎石同鹽巴入腳，所以我覺得都還好🤣。

不過有個位係 #交通 真係好唔方便，當晚雖然我主要都係喺St. Lawrence River以北度玩👆🏻，但係我book咗一間喺St. Lawrence River以南嘅Airbnb都住👇🏻。咁理所當然我要搭船過河，仲要搭巴士由碼頭去我嘅住處。其實本身都冇乜嘢，我揀住咁遠都預咗要搭咁耐車，但係第二朝先係個問題😭。嗰朝早我食完早餐就諗住搭巴士去返碼頭，點知我miss咗一架巴士，我就諗住等下一架，但係原來下一架要等一個鐘😵！要我喺一個鐘喺冰天雪地等巴士？我寧願用半個鐘喺冰天雪地行返去碼頭🚶🏻‍♂️。就係咁，我嗰朝去到碼頭嘅時候已經得返半條人命☠️。不過交通班次稀疏係全加拿大都有嘅問題，大家未去過加拿大嘅真係要有啲心理準備🫡。

不負責評分：
天氣 ⭐️⭐️⭐️✨
生活 ⭐️⭐️⭐️
工作 ⭐️ （要講法文）
環境 ⭐⭐⭐⭐⭐
氣氛 ⭐⭐⭐⭐⭐

記得 Follow 呀！🥺

依家～移加～
#救生艇計劃 #開放工作簽證 #大專生 #大學生 #移民加拿大 #加拿大移民 #加拿大留學 #留學 #香港 #讀書 #工作 #加拿大救生艇計劃 #加拿大簽證 #旅行 #旅遊 #落雪

04/07/2022

Bonjour！早晨！跟住落嚟我哋即將到達滿地可Montréal，會喺當地時間早上十點三十三分抵達🛬，氣溫零下三十度🥶，繼續係天氣晴朗，萬里無雲🌕。請大家緊記扣好安全帶💺，並繼續同我一齊享受今次旅程。

呢個地方我生活咗三個月，都可算係對我嚟講幾有感情。其實我真係幾中意呢度❤️，但係Montréal係位於Québec省，法定語言唔係英文而係法文，對於淨係識Bonjour嘅我嚟講根本冇可能會揀呢度做移民落腳地，所以呢次旅程對大家嚟講極其量只係旅遊指南😂。

正如我頭先所講，Quebec省係全加拿大唯一法語區🇫🇷，所以日常生活都係以法文行先。但係你唔識法文的話又係唔係生存唔到呢？其實又唔係嘅！雖然佢係法語區，但係好似Montreal同Quebec City呢啲大城市都係熱門旅遊勝地✈️，所以好多時都有英文嘅輔助，而且好多人都係識得（基本）英文，就唔會話溝通唔到嘅。喺我住咗Montreal三個月唯一一次真係因為語言障礙溝通唔到嘅就係剪頭髮嘅時候💇🏻‍♂️，幫我剪頭髮嗰個淨係識講法文，而我就淨係識講英文，成件事就好似雞同鴨講咁🤟🏻。本身我諗住show張相畀佢睇我想點剪就算😑，可以畀我靜靜地渡過呢段咁尷尬嘅時光，但係我哋嘅語言隔膜無阻佢爭取同我互相交流嘅機會🫠，我地大家就係用唔同嘅英文單字來來回回咗十幾次。最後我終於剪完頭髮，佢好開心咁歡送我走😂。我唔知佢係因為好熱情所以好開心，定係終於唔使講英文所以好開心🫥。

我喺Montreal exchange嗰間學校叫McGill University🏫，根據QS ranking全加排第二，僅次於University of Toronto。呢間雖然係喺Montreal，但係主要都係用英文教學，而我喺當地識嘅朋友全部都識講英文。如果要講McGill同CUHK兩間大學最大嘅分別，我諗大概係當地嘅學習氣氛。喺CU我身邊啲朋友都會成日走堂（我都唔例外😂），覺得大學係玩樂嘅地方，學習只不過係bonus。但係喺McGill啲人會好有heart咁去學習😖，落堂之後除咗閒話家常之外，亦都會有時講下學業上嘅問題，啲lecture都經常爆滿，我諗呢樣係令我最culture shock嘅時候🤯。

之於天氣方面，Montreal一定會比Toronto凍好多🥶。喺十二月至三月呢段時間，平均氣溫都至少-20度，有幾日特別凍的話-35度都唔出奇🧊，不過我喺加拿大從來唔會睇氣溫，而係會睇體感溫度，好多時體感溫度都會比氣溫再低5, 6度。所以如果出街一定要記得着夠衫呀🧥！不過我自己當時年輕力壯，作死又唔怕凍😂，所以無論咩時候我都係着三件衫：heattech, hoodie, 大褸，對我嚟講其實已經好足夠。

最後我對於Montreal嘅環境有兩種感覺，一個係好靚😍，一個係好麻煩🙄。Montreal靚就靚在好多建築都好有特色，因為佢位於法語區，受都歐洲風氣所影響🔔，所以唔同嘅建築物對我嚟講都覺得好靚！但係麻煩個位就係個路面環境，我唔知Montreal嘅政府結構係點，但係好多路面都已經經得出係有啲歷史，有好多路面凹位，坐車嘅時候一定會搖來搖去🚎。加上Montreal天氣凍，成日落大雪，政府會派人撒鹽巴落去下度，令啲雪可以快啲溶。但問題係啲鹽巴好Q大粒😵！同埋啲雪唔會溶得切，所以你行返屋企嘅時候，你對鞋入面一定會有雪同鹽嘅混合物，你一除鞋嘅時候就要小心唔好畀自己對腳臭死🤢。

不負責評分：
天氣 ⭐️⭐️⭐️✨
生活 ⭐️⭐️⭐️⭐✨
工作 ⭐️ （要講法文）
環境 ⭐⭐⭐✨
氣氛 ⭐⭐⭐⭐⭐

依家～移加～
#加拿大 #救生艇計劃 #開放工作簽證 #大專生 #大學生 #移民加拿大 #加拿大生活 #搵工 #加拿大移民 #加拿大留學 #留學 #香港 #讀書 #工作 #加拿大救生艇計劃 #加拿大工作 #加拿大簽證

30/06/2022

Bonjour！早晨！有鑑於我已經唔知出咩informative posts🫠，所以我決定嚟緊一系列我對加拿大唔同城市嘅印象。之於點解會對唔同城市都有印象？因為我兩年前去過加拿大exchange，而exchange最主要嘅目的當然係去旅行啦😍😍！（邊有人去到仲勤力讀書😶‍🌫️😶‍🌫️😶‍🌫️）所以我對唔同城市都有好初步嘅印象。

嗱！利申咗先😶！雖然我去咗唔同嘅城市，當中都包括唔少熱門移民地方，但係去旅行唔同移民，當地生活同當地旅遊係兩樣唔同嘅嘢🙅🏻‍♂️，所以我呢次帶大家一齊遊歷嘅只係畀大家一個參考，畀未去過唔同城市嘅你地對唔同城市有一個初步嘅了解，絕對唔係移民城市嘅評分標準⭐️，加上我嘅經驗已經係兩年前嘅事，所以大家一定要小心服用💊！

Ok機師嘅頭盔已經戴好啦🪖，咁請各位坐穩，扣好安全帶💺，飛機準備起飛🛫，今次航班將會途經Toronto, Montréal, Québec City, Vancouver, Ottawa, Yellow Knife，以及Calgary，祝大家旅途愉快❤️！

依家～移加～
#加拿大 #救生艇計劃 #開放工作簽證 #大專生 #大學生 #移民加拿大 #加拿大生活 #搵工 #加拿大移民 #加拿大留學 #留學 #香港 #讀書 #工作 #加拿大救生艇計劃 #加拿大工作 #加拿大簽證 #交流 #旅行 #旅遊

28/06/2022

Bonjour！早晨！Long time no see everybody🥺! 究竟我最近忙啲咩呢？其實攞完OWP之後都有好多嘢做㗎🤯！其中一樣就係就係要整合MPF！

點解要整合MPF呢？因為你之前嘅唔同part time 同full time都會有唔同嘅MPF戶口，一旦你要移民去加拿大，咁當然攞返本應屬於你嘅錢啦🤑！但係咁多個戶口，要處理攞返啲MPF就會好麻煩，又要同唔同嘅公司打交道，所以想避免呢個問題發生的話，就要將所有MPF嘅戶口放埋喺同一個account啦！

OK！你依家知道要整合，但係究竟應該點樣做呢🤔？What’s even worse係你連自己有邊幾個MPF公司嘅戶口都唔知😵‍💫！呢個時候你就可以去積金局嘅網站 epa.mpfa.org.hk 申請帳戶同查詢，但要留意申請帳戶之後需要一至兩日先知道你有點啲MPF acconuts，同埋積金局亦冇你MPF嘅戶口號碼，所以知道你有邊啲account後你仲要打電話📞去唔同MPF公司問你嘅戶口號碼係乜，所以係十分之麻煩！

但係如果你本身知道你嘅戶口號碼，咁你就唔使做以上步驟，你只需要揀選你想整合到嘅MPF戶口，然後郵寄✉️返一份「計劃成員整合個人帳戶申請表」畀你所選嘅MPF公司，當中你要填你嘅個人資料🪪、你現時所有嘅MPF戶口號碼，跟住等返2-3個禮拜就可以㗎啦！不過依家有啲公司可以用網上💻或手機app📱嚟到整合你唔同嘅MPF戶口（例如HSBC），咁你就連郵寄都唔使啦！🥳

依家～移加～
#加拿大 #救生艇計劃 #開放工作簽證 #大專生 #大學生 #移民加拿大 #加拿大生活 #加拿大移民 #加拿大留學 #留學 #香港 #工作 #加拿大救生艇計劃 #加拿大工作 #加拿大簽證 #整合 #強積金 #強姦金 #強迫金 #整合強積金 #錢呀

19/06/2022

Bonjour！早晨🧘🏻！經過重重難關，幾經辛苦，到頭來你都係想攞到OWP啫！究竟申請到OWP嗰一刻喺點㗎呢🤩？點先為之申請成功呢🤔？

其實唔使日日check住GCKey睇下有冇update嘅，只要你申請嘅status有改變，IRCC都會send封email畀你，到時先再入去GCKey都未遲😌。

咁當你收到一封由IRCC send畀你嘅email嘅時候，話你個application有final decision，就係判你個OWP application係生係死嘅時候😭。不論你成功申請與否，你都會見到好似圖2咁有兩封Correspondence Letter。至於點解我會知，你就唔好問啦…😭

咁呢兩封Correspondence Letter係咩嚟㗎呢？第一封個title會寫住“RE: validity of your biometric information”。呢封letter其實就冇乜用嘅，純率係話畀你知佢哋已經收到你嘅biometric，同埋同你講你biometric嘅到期日，通常都會有十年嘅有效期。

如果你申請成功，第二封嘅第一句就會寫住”Your application to work in Canada has been initially approved by Immigration, Refugees and Citizenship Canada.”，代表示你距離入境加拿大近咗一大步啦🥳🎉🎊🍾！但係如果你申請失敗，咁呢封信就會寫住”I have determined that your application does not meet the requirements of the Immigration and Refugee Protection Act (IRPA) and Immigration and Refugee Protection Regulations (IRPR).”再喺下面寫住拒絕你嘅原因🥹。

攞到OWP之後記得要print返你第二封嘅Correspondence Letter呀！咁你到時入境嘅時候記得要帶埋呢幫信！

好啦，你終於攞到你夢昧以求嘅OWP……你會問，咁之後呢？係咪就咁攞住張紙入境呢？想知就求求大家follow我啦🥺！

依家～移加～
#加拿大 #救生艇計劃 #開放工作簽證 #大專生 #大學生 #移民加拿大 #加拿大生活 #搵工 #加拿大移民 #加拿大留學 #留學 #香港 #讀書 #工作 #加拿大救生艇計劃 #加拿大工作 #加拿大簽證 #簽證 #移民 #移居 #生活 #旅遊 #出國

17/06/2022

Bonjour！早晨！喺我OWP無痛填form系列入面我曾經講過我自己畀IRCC reject過，原因係因為我填form嘅時候填漏嘢😭。但係呢次亦都令我有畀IRCC reject嘅經歷，成為申請失敗過都仲教大家點樣申請OWP嘅IG page，係咪好特別呢🫠！等我今次講下被reject之後應該要點做啦！（希望大家唔使用到呢個post😂）

首先，如果你真係唔好彩被reject的話，你會喺GCKey入面收到封結果通知書，佢會好kindly咁話畀你知your application is rejected 🥲佢哋會話your answers are not truthful，不過唔好灰心！唔係世界末日，你仲有機會攞到OWP嘅。就算你真係死，你都唔好畀自己死得不明不白😤！你第一時間要做嘅就係要知道你真正被reject嘅原因！咁有兩個方法，一個就係去唔同嘅TG group問有冇人有遇過同樣嘅問題，雖然呢個方法都係比較簡單直接，但係始終都唔係官方回覆，所以你要衡量返個可信性。另一個就係直接send webfrom問IRCC，開一個"死因聆訊"😂，不過呢個方法雖一唔好處就係慢🫠，可能你要遇返兩三個星期先知道個答案，如果你急住要申請可能就要博一博啦。

知道你衰啲咩以後就可以行返之前申請OWP嘅步驟（如果你未睇快啲同我like咗佢！！！），唔同嘅係你要寫返正確嘅資料，同埋畀錢方面會有少少唔同。

如果你被reject之前就做咗biometric的話，咁喺你畀錢嘅時候就唔使再畀biometric嘅錢（$85CAD），但係你都要畀OWP嘅processing fee（$155CAD），咁有好多人因為交錯/交漏文件而申請唔到OWP，令到佢哋要再申請多次，所以呢155CAD亦被戲稱為智商稅，而好明顯我就係被IRCC官方認證嘅弱智😌。

另外如果你被reject之前做咗medical exam的話，咁就照跟返upfront medical exam嘅程序就可以。但係你唔使再做多次medical exam，你只需要upload返上一次做medical exam嘅receipt就ok㗎啦！

希望呢個post幫唔到大家啦！🙇🏻‍♂️

依家～移加～
#加拿大 #救生艇計劃 #開放工作簽證 #大專生 #大學生 #移民加拿大 #加拿大生活 #搵工 #加拿大移民 #香港 #工作 #加拿大救生艇計劃 #加拿大工作 #加拿大簽證 #多倫多 #溫哥華 #簽證 #重新申請 #被拒

15/06/2022

Bonjour！早晨🧘！講咗Biometric嘅流程，就當然唔少得要講medical exam啦！做體檢就同做biometric相差好多，用嘅時間多咗，過程亦都畀較confuse，所以我去做嘅時候都有好多蝦碌嘢發生😵‍💫。

首先講下預約過程先，咁因為我唔想專登請假去做medical exam，所以我就選擇book星期六，咁可想而知weekend都係比較多人book啦，所以我打電話去問嘅時候，UMP都話最快嘅期係三個星期之後🥲。但呢件事亦都證明咗做upfront medical exam嘅重要性，如果唔係就會浪費好多時間畀IRCC process你個申請㗎，所以唔好好似我咁傻仔申請咗OWP，要等IRCC叫我做medical exam先走去預約🥱。

咁去體檢有啲乜嘢要帶呢？如果你係申請咗OWP之後先做medical exam的話，IRCC會send一份instruction letter畀你✉️，入面會有一張form IMM1017E，咁你就要帶print out咗嘅form。如果你有打到疫苖就帶你嘅接種記錄💉。如果你有戴眼鏡就帶眼鏡👓。同埋最後一樣就係你本passport🛂。

我當日就去咗佐敦嗰間UMP做體檢，去到之後你就交嗰份IMM1017E畀counter，然後就係等叫名去見姑娘👩🏻‍⚕️。見姑娘嘅時候佢哋會問你打咗針未，有冇藥物敏感等等嘅問題，了解你嘅醫療背景。再之後就係畀姑娘拮😭，因為佢哋要抽血😱。記得記得去體檢之前要食嘢🍗同飲多啲水🥛！因為個針筒真係好Q大支，同埋會抽好多血，心血少啲都搞唔掂😵。不過好彩拮落去嗰下唔係幾痛，大概十秒鐘就抽完lu😮‍💨！

畀人拮完之後佢哋會畀一件病人袍你，咁你就要入更衣室，除淨內衣咁換上件病人袍。至於點解係因為一陣你會入一間X-ray房，會有人幫你真・照肺🩻。途中佢哋亦都會幫你影一張大頭相for record📷。

搞掂晒之後你就要入去一間醫生房見醫生👨🏻‍⚕️，醫生最主要都係問你啲病史同身體上有冇病痛，至於點樣檢查最主要就係摸下你嘅肚同手手腳腳咁（當時幫我檢查嘅係個靚女醫生所以我都有少少尷尬🫣。）

最後醫生會畀一個樣本樽你，要嚟收集你嘅尿液樣本，當然收集呢件事你要去廁所自己處理啦😂，呢個亦都係我叫你去之前飲多啲水嘅第二個原因。咁你處理完之後就放落一個收集箱，然後再去畀錢💰，就完成晒成個體檢過程啦！

做完之後有樣嘢要特別注意，就係交咗錢之後嘅收據同體檢證明記得要keep好佢‼️唔見咗嘅話你之後就證明唔到你曾經做過medical exam㗎啦！另外，畀錢嘅時候counter亦都會問你想唔想加錢要一份medical exam result嘅copy。咁個人認為呢啲都係簡單嘅health check，唔需要專登畀錢佢哋😌，不過都係視乎返你哋嘅需要啦。

其實要做嘅checking唔係好多，用得時間最耐嘅其實就係等🫠，成個程序真係慢都傻。做完之後都係要繼續等，等到IRCC收到你嘅medical report先至會有下一步。

今次就講到呢度先！有咩漏咗冇寫到歡迎comment話畀我知㗎！

依家～移加～