05/11/2019
నక్క కోసం ఉచ్చుపెడితే.. పులి వచ్చి ఇరుక్కుంది..
అడవుల్లోంచి నక్క వచ్చి.. తన కోళ్లఫారంలోని కోళ్లను తినేస్తోందని భావించిన ఫారం యజమాని.. ఓ రోజు ట్రాప్ ఏర్పాటు చేశాడు
తన కోళ్లఫారంలోని చేపలను తినేస్తున్న నక్కను పట్టుకునేందుకు ఓ కోళ్లఫారం యజమాని ట్రాప్ ఏర్పాటు చేస్తే.. అందులో పులి వచ్చి ఇరుక్కుంది. అసోంలోని దిబ్రూగఢ్ జిల్లాలో ఈ ఘటన చోటుచేసుకుంది. బలాయ్ థాన్ గ్రామానికి చెందిన ఓ వ్యక్తి కోళ్లఫారం నిర్వహిస్తున్నాడు. అయితే, ఆ కోళ్లఫారంలో కోళ్లను రాత్రిపూట ఏదో జంతువు వచ్చి తినేస్తోంది. అడవుల్లోంచి నక్క వచ్చి.. తన కోళ్లఫారంలోని కోళ్లను తినేస్తోందని భావించిన ఫారం యజమాని.. ఓ రోజు ట్రాప్ ఏర్పాటు చేశాడు. అయితే, రాత్రిపూట అటుగా వచ్చిన పులి ఆ ఉచ్చులో ఇరుక్కుంది. రాత్రి ఒంటిగంట సమయంలో పులి ఉచ్చులో ఇరుక్కోగానే.. ఫారం యజమాని ఇంట్లో అలారం మోగింది. దీంతో తెల్లవారిన తర్వాత ఆ యజమాని వచ్చి చూడగా ఉచ్చులో పులి కనిపించింది. పులిని చూసేందుకు గ్రామస్తులు పెద్ద ఎత్తున తరలివచ్చారు.
Leopard caught in Trap laid for Fox in Assam | అడవుల్లోంచి నక్క వచ్చి.. తన కోళ్లఫారంలోని కోళ్లను తినేస్తోందని భావించిన ఫారం యజమాని.. ఓ రోజు ట్...
