07/07/2023
अब त विश्व विख्यात The Economist ले पनि भन्यो। अलि गम्भिरतापूर्वक लिने कि?
मैले बारम्बार नेपाल 'अत्यन्तै कमजोर (fragile) राष्ट्र' बनिसक्यो। अब नेपाली सेनाको एउटा संस्था पनि न्यायलय र अन्य संस्थाजस्तै गन्धा राजनीतिको दलदलमा पर्ने हो भने नेपाल 'असफल राज्य (failed state)' हुनेछ भनेर लेख्दा/बोल्दा धेरैले त्यसलाई 'भय-भाव उक्साउने (fear-mongering)' बेकारको विश्लेषणका रूपमा हेरे।
The Economist चानेचुने विश्लेषक होइन। त्यसले नेपाललाई fragile or failing state का रूपमा चित्रित गरेको छ।
फेरि पनि भनौँ: नेपालको समग्र स्थिति धेरै विग्रिसकेको छ। यो 'असफल राज्य (failed state) हुने दिशामा उन्मुख छ। भएपछि, भइहाल्यो -- सम्हाल्न गाह्रो हुन्छ। त्यसपछिको अवस्था भयावहपूर्ण हुन्छ।
अहिले नै आ-आफ्नो अहं त्यागौँ। विगतका सबैको गल्तीलाई सबैले माफी दिऊँ। २०४७ सालको संविधानमा आवश्यक सुधार र संशोधन गरेर "राजा, राजनीतिक दल र जनताबीच एउटा 'नवीन समझदारी (new understanding)' मा पुगौँ।"
नत्र देशको आन्तरिक र विश्वको बदलिएको भूराजनीतिक परिवेशमा हाम्रो अवस्था ठिक छैन। ठिक छ भनेर निरन्तररूपमा भ्रमपूर्ण लेप लगाउने प्रयास नगरौँ।
जसले त्यस्तो प्रयास गर्दैछन्, तिनकै सन्तान (अपवाद बाहेक) ज्यान गए नेपाल बस्नेवाला छैनन्। अरूको के कुरा गर्नु! #विचारभन्दामाथिदेश,