പ്രണയം കഥകളോട്

03/07/2020

Support

ഞാൻ ഷിബു മുഹമ്മദ് സാലി,ഞാൻ എഴുതുന്ന പാട്ടുകളാണ് ഈ ആൽബ ത്തിൽ വരുന്നത് ഞാൻ തന്നെയാണ് ഈ ആൽബ ത്തിൽ അഭിനയിക്കുന്നത് .

13/04/2020

Poem written by Kumari Lakshmisree.S

29/03/2020

സ്വപ്നം 🌹🌹🌹🌹 അനുയാത്രകളും, അടക്കം പറച്ചിലുകളും ആകാം.... പക്ഷെ ഒരിക്കലും............. നഷ്ട ബോധങ്ങളുടെ കണക്കഴിക്കരുത്. നിരാശയിൽ നനഞ്ഞു പനി പിടിക്കരുത്........ വരിക...... സഖിയാകുക എന്റെ കനലുകളിൽ... കണ്ണീരിൽ...... കലർപ്പില്ലാത്ത ചിരിയിൽ അലിഞ്ഞു ചേരുക.....

29/03/2020

ഓര്‍മ്മചെണ്ട്
രചന: അത്മജ
-------------------------------------
പാര്‍ട്ട് : 2

വാതില്‍ക്കല്‍ ഒരു കാല്‍പെരുമാറ്റം കേട്ട പോലെ ഇനി വന്ന് കാണുമോ…………..വെറുതെ എന്നെ പറ്റിക്കുതല്ലേ ഹോബി…….നിദ്ര മിഴികളെ പുൽകാതെ ഇരുന്നു . ഒരായിരം സ്വപ്നങ്ങള്‍ ഒരുമിച്ച് കണ്ടിരുന്നു. ഒരിക്കലും വേർപെടുത്തല്ലേന്ന് പ്രാർത്ഥിച്ചിരുന്നു........ പക്ഷെ... ഒരിക്കല്‍ എനിക്ക് നഷ്ടപ്പെട്ട സ്‌നേഹമാണ്……സ്വപ്നമാണ്……….ഇനി എന്നിൽ നിന്നും അടര്‍ത്തിമാറ്റാതെ എന്റെ ജീവനെ എനിക്ക് തരണേ കൃഷ്ണാന്ന്........ 🙏🙏 പ്രാര്‍ത്ഥിച്ച് കണ്ണടച്ചപ്പോള്‍ ആണ് അടുത്ത മെസേജ്. പോയി കിട് ഉറങ്ങു പെണ്ണെന്നു......
ഉറക്കം വരുന്നില്ലേട്ടാന്ന് പറഞ്ഞ് സങ്കട സ്‌മൈലി😔😔😔 അയയ്ക്കുമ്‌പോളാണ് വോയിസ് മെസേജ് അയയ്ക്കുത്.അപ്പച്ചിയെ ഉണർത്താതെ സെറ്റിയിൽ ചെന്ന് ഹെഡ് സെറ്റ് വച്ച് കേട്ടു നോക്കി.
ഉറങ്ങാതെ …..രാവുറങ്ങീലാ… ഉറങ്ങാതെ….. രാവുറങ്ങീലാ…. ഉറങ്ങാതെ ………..രാവുറങ്ങീലാ…
കിളിവാതില്‍ ഇതള്‍ ചാരി........ നിഴല്‍ നാളം തിരി താഴ്ത്തി..... മനസ്സു നീര്‍ത്തു പൂമെത്തയില്‍
ഉറങ്ങാതെ …..രാവുറങ്ങീലാ… ഉറങ്ങാതെ….. രാവുറങ്ങീലാ…. ഉറങ്ങാതെ ………..രാവുറങ്ങീലാ…
പറഞ്ഞറിയിക്കാനാകാത്ത സന്തോഷം മനസ്സില്‍ തോന്നി. ഒരുപാട് വര്‍ഷങ്ങള്‍ക്ക് ശേഷമാണ് കിച്ചേട്ടന്‍ പാടി കേള്‍ക്കുന്നത്. അതിന്റെ സന്തോഷത്തില്‍ തിരിച്ച് വിളിച്ചപ്പോഴും എനിക്ക് ഒന്നും പറയാന്‍ കഴിയുന്നില്ലായിരുന്നു . എടീ അമ്മു…എടീ പൊട്ടീ്ന്ന് മറുവശത്ത് വിളി കേട്ടപ്പോഴാണ് ചിന്തയില്‍ നിന്ന് ഉണര്‍ന്നത്
എടീ ഞാന്‍ നാളെ വിളിക്കാമേ ഒരു ആകസിഡന്റ് കേസാ..ഒന്ന് അറ്റന്‍ഡ് ചെയ്യട്ടേന്ന് കിച്ചേട്ടന്‍ പറഞ്ഞു കട്ട് ചെയ്യുമ്പോള്‍ ഉം...എന്ന് മൂളുക മാത്രമേ ചെയ്യാന്‍ കഴിഞ്ഞുളളൂ.മനസ്സ് വര്‍ഷങ്ങള്‍ പിന്നിലേക്ക് സഞ്ചരിച്ചു.മഴയേം, മയല്‍പീലിയേം,മയില്‍പീലിപാടത്തേം,മഞ്ചാടി മണികളേം പ്രണയിച്ച ഒരു നാടന്‍ പെണ് കുട്ടിയിലേക്ക്.അവളെ ഒരിക്കലും നഷ്ടപ്പെടുത്താതെ ചേര്‍ത്തുപിടിച്ച നിഴലായ അവളുടെ കിച്ചേട്ടനിലേക്ക്
ഇപ്പോഴാണ് ഒരു കാര്യമോര്‍ത്തത് പ്രിയ വായനക്കാരെ വഴിയിൽ നിര്‍ത്തിയിരിക്കുന്നത് .അവര് കഥയറിയാതെ ആട്ടം കാണുവല്ലേ………പ്രണയം കഥകളോട് മാഗസിൻ മുതലാളീ…….ഓര്‍മിപ്പിച്ചില്ലല്ലോ………
നമ്മള്‍ ആരുടെ കഥയാ പറയുക.... കിച്ചന്റെയോ,അമ്മൂന്റെയോ….അയ്യേ അങ്ങനെ പറഞ്ഞാല്‍ ശരിയാവൂല്ല…രണ്ടാളും ചേര്‍ന്ന്‌
പറയട്ടെ അല്ലെ. ഞാന്‍ ഗൗരിലക്ഷമി എന്ന അമ്മു.മറ്റേ കക്ഷിയില്ലേഅതാണ് നന്ദകിഷോര്‍ എന്റെ കിച്ചേട്ടന്‍.മംഗലത്ത് വീട്ടില്‍ മാധവന്റെം,ശ്രീദേവീടേം ഏക മകളായ എന്റെ മുറചെറുക്കനാണ് കിച്ചേട്ടന്‍.ചെറുപ്പം മുതലേ എന്റെ കുസൃതികളുടെ കൂട്ടുകാരനായ ആള്‍ എങ്ങനെ എന്റെ പ്രാണനാഥനായീ്ന്നല്ലേ സംശയം പറഞ്ഞു തരാം കേട്ടോ…
സമയം കുറെയായി ഉറക്കം കണ്ണുകളെ തലോടി ആ സെറ്റിയില്‍ കിടന്നങ്ങു ഉറങ്ങി പോയീന്നെ.... രാവിലെ ഉറക്ക ക്ഷീണം കൊണ്ട് കണ്ണ് തുറക്കാന്‍ പറ്റുില്ല. .തിടുക്കപ്പെട്ട് ഉണര്‍ന്ന് ക്ലോക്കില്‍ നോക്കി സമയം 9 മണി.😇😇😇😇 ഇനി ഇപ്പോള്‍ എല്ലാരും എന്ത് വിചാരിച്ചു കാണുമെന്നു വിചാരിച്ചപ്പോള്‍ അടുക്കളിയില്‍ മാമനും അപ്പച്ചീം കൂടി സംസാരിക്കുന്നത് കേട്ടു. അയ്യോ…🤔ഇനി ഞാന്‍ രാവിലെ എഴുന്നേല്‍ക്കാത്തതാകുമോ.ഒരു ചമ്മലോട് എഴുന്നേല്‍ക്കുമ്പോഴാ ണ്‌ എന്റെ കാതുകള്‍ക്ക് തേന്‍ പകരുന്ന വാക്കുകള്‍ കേട്ടത്.മാമന്‍ അപ്പച്ചിയെ വഴക്കുപറയുവാണ്.അയ്യോ നിങ്ങള്‍ വീണ്ടും എ തെറ്റിദ്ധരിച്ചൂല്ലെ…അപ്പച്ചീനെ വഴക്ക് പറഞ്ഞതല്ല തേനൂറുന്ന വാക്കുകള്‍ അവര്‍ പറയുവാണെന്നേ .അവളെ ഇപ്പോള്‍ ഇങ്ങോട്ട് വിളിച്ചോണ്ട് വരണ്ടായിരുന്ന്... നാളത്തെ നാഗര്‍കോവില്‍ ബസില്‍ കയറ്റി വിടാന്ന്. രണ്ടാളും പറയുന്നത് കേട്ട് തുളളിചാടാന്‍ തോന്നുന്നു. അമ്മേടേം,അപ്പച്ചീടേം പേടിയാണ് എന്നെ ഇവിടെ എത്തിച്ചത്. ഫ്രഷായി അടു ക്കളയില്‍ എത്തുതിന് മുമ്പേ അപ്പച്ചി ചായയുമായി വന്നു .രണ്ടുപേരേം കണ്ടപ്പോള്‍ എന്റെ മുഖത്തും ഒരു ജാള്യത മറ്റൊന്നുമല്ല താമസിച്ചെഴുന്നേറ്റതിലാണ്

ചായ കുടിചു തുടങ്ങിയതും ഫോൺ ബെല്ലടിച്ചു. മനുഷ്യന്‍ ആകെ ചമ്മി നില്‍ക്കുമ്‌പോളാണ് ഈ പിശാചിന് വിളിക്കാന്‍ കണ്ട നേരം എന്ന മുഖഭാവത്തില്‍ ഫോണ് എടുത്തപ്പോളാണ്.ശ്രീ എന്നു ഫോണില്‍ തെളിഞ്ഞത്.അയ്യോ എല്ലാം പോയി ഈ ശ്രീ എന്താ രാവിലേ തന്നെ.... ആത്മഗതം പറഞ്ഞ് ഫോൺ എടുത്തതും അത് ഉച്ചത്തിലായി പോയി.ഇളിച്ചോണ്ട് ഫോണുമായി പുറത്തേക്കിറങ്ങുന്ന എന്നെ നോക്കി അപ്പച്ചി പറയുന്നത് കേട്ടു.നമ്മുടെ അമ്മൂട്ടിക്ക് കുട്ടികളി മാറീട്ടില്ലല്ലേ ഏട്ടാന്നു.
എന്താ ശ്രീന്ന് ചോദിച്ച് മുറ്റത്തേക്കിറങ്ങി.ഈ പെണ്ണ് രാവിലെ അമ്മെ പേരു ചൊല്ലി വിളിക്കുന്നത് കേട്ടോ അമ്മേന്നു പറഞ്ഞതും അച്ചമ്മ ഫോൺ വാങ്ങി. എന്റെ ചക്കര eppozha വരണെന്ന് ചോദിച്ചു.കിച്ചേട്ടന്‍ വരട്ടെ എന്റെ അച്ചുന്ന് പ റഞ്ഞു തീരും മുമ്പാണ് അമ്മമ്മകുട്ടീടെ വിളി.ഉടനെ അങ്ങെത്താമെന്നെല്ലാർക്കും വാക്ക് കൊടുത്ത് അമ്മാവനും അപ്പച്ചിക്കും ഫോൺ കൊടുത്ത് മുകളിലേക്ക് പോകുമ്പോള്‍ മനസ്സ് മാറി എങ്ങനേം നാട്ടിലെത്തിയാല്‍ മതീന്നാ യി………ഈയിടെയായി മനസ്സ് പിടി തരാതെ ഓടി നടക്കുവാണ്. ബാല്‍കണീല്‍ തുണി വിരിക്കാന്‍ ചെന്ന പ്പോള്‍ ആണ് അടുത്ത വീട്ടിലെ ചേച്ചീനേം കുഞ്ഞിനേം കണ്ടത്. ഒരു ഹായ് പറഞ്ഞ് അല്പം സമയം അവിടെ നിപ്പോളാണ് ഒരു ഓടക്കുഴല്‍ നാദം എന്നെ തേടിയെത്തിയത് . പണ്ടെപ്പോഴോ വെക്കേഷന് വന്ന പ്പോഴാണ് ഈ ഓടക്കുഴല്‍ നാദം കേള്‍ക്കുത്.അത് ആരാണെന്നു ചോദിച്ചപ്പോള്‍ ആരും പറഞ്ഞു തന്ന തും ഇല്ല . അnnu കിച്ചേട്ടനാണ് പറഞ്ഞത് നീ സെന്റീടെ ആളല്ലേ നിനക്കിനി അയാളോട് പ്രേമം തോന്നി യാലോ്.. അങ്ങനെ പറഞ്ഞത് കൊണ്ട് പിന്നീട് ആരോടും ചോദിച്ചതുമില്ല.ആ ചേച്ചീടെ ഓട്ടിസം ബാധിച്ച സഹോദരനാണെ് ennanu മനസ്സിലാക്കിയത്.കൂടാതെ oru കാര്യം കൂടി അറിഞ്ഞു കിച്ചേട്ടന്‍ പറയാറുളള മേഘേച്ചിയെയാണ് ഇപ്പോഴാണ് പരിചയപെട്ടതെന്നു .എന്നെ കണ്ടപ്പ്പ്പോൾ ആ മുഖത്തു ദേഷ്യം ഒന്നും പ്രതിഫലിക്കാത്തത് അത്ഭുതപ്പെടുത്തി.അന്ന് തൊട്ട് ഞങ്ങള്‍ കൂട്ടായി.പോകുന്നതിന് മുമ്പ് ചേച്ചീടെ വീട്ടില്‍ ചെല്ലാമെന്നേറ്റു. താഴോട്ടു ചെല്ലുമ്പോള്‍ രണ്ടാളും കൂടി ദോശ ചുടുവാണ്.
മോള് പോയി ബാഗ് പാക്ക് ചെയ്‌തോ അടുക്കളയിലെ കാര്യങ്ങള്‍ ഞങ്ങള്‍ നോക്കിക്കോളാം. അപ്പച്ചി പറഞ്ഞു തീരുവേം.അമ്മയ്ക്ക് അവളെ പറഞ്ഞയയ്ക്കാന്‍ എന്താ തിടുക്കമെന്ന് ചോദിച്ചulla വേല്യട്ടന്റെ എൻട്രി, കൂടെ ലക്ഷമി ഏട്ടത്തീം .ഏട്ടത്തി എന്നെ നോക്കി ചിരിച്ചിട്ട് പറഞ്ഞു. അമ്മൂട്ടിയെ ഞങ്ങള്‍ കിച്ചൂട്ടന്റെ അടുത്ത് കൊണ്ടാക്കട്ടെ..വേണ്ട ഏട്ടത്തീ് പറഞ്ഞ് ഞാന്‍ ചിരിച്ചു.അമ്മ അങ്ങോട്ട് മാറിയേ അമ്മമ്മേടെ സ്‌പെഷ്യല്‍ കറികളുടെ റെസിപ്പി ഒക്കെ അറിയുന്നത് അമ്മൂട്ടിക്കാണെന്നു അമ്മായി പറയാറുണ്ട്.അമ്മ വേഗം ചാര്‍ജ്ജ് മരുമക്കള്‍ക്ക് കൊടുത്തിട്ട് സാമ്രാജ്യം വിട്ടു തായോ .രണ്ടാളേം ഞാന്‍ സഹായിച്ചോളാന്ന് പറഞ്ഞ് വേല്യട്ടന്‍ അടുക്കളയിലെ അരഭിത്തിയില്‍ ഇരുന്നു.
ഇതാണ് ഞങ്ങടെ വേല്യട്ടന്‍ മംഗലത്ത് തറവാട്ടിലെ ആദ്യ സന്തതി. ഹരി നന്ദന്റെം ഗീതേടേം ആദ്യത്തെ കണ്മണി.കൂടെ വന്നതാണ് അദ്ദേഹത്തിന്റെ ഭാര്യ ലക്ഷമി.എന്റെ അച്ചന്റെ സഹോദരി ഗീത അപ്പേ കല്യാണം കഴിച്ചത് അമ്മയുടെ മൂത്ത സഹോദരനാണ്.അവരും ഞങ്ങളെ പോലെ കസിന്‍സാണ്. ഇനി കുറച്ച് പേരും കൂടി രംഗപ്രവേശനം ചെയ്യാനുണ്ടല്ലോ്........... ഓർ ത്തപ്പോഴാണ് കുഞ്ഞാവേടെ കരച്ചില്‍ കേട്ടത്. ഓടി ചെന്ന് നോക്കുമ്പോൾ മാളുവേച്ചീടെ പരിഭവം പറച്ചില്‍ കേൾക്കാം .കുഞ്ഞാവ രാത്രീല്‍ ഉറക്കീല്ലത്രേ. ഇന്നിനി ഓഫീസില്‍ പോണില്ലത്രേ. കാര്യം എന്റെ വല്യച്ചെന്റെ മോളാണേലും അല്പം മടിച്ചി ആണ്. രാജ്കുമാര്‍ എന്ന എന്റെ കൊച്ചേട്ടന്റെ നിര്‍ബന്ധം കൊണ്ട് ജോലിക്ക് പോകുതാണവള്‍ . മാളുവേച്ചിkku ഒരു ഇരട്ട സഹോദരന്‍ ഉണ്ട് ഗോപേട്ടന്‍.കിച്ചേട്ടന്റെ മനസാക്ഷി സൂക്ഷിപ്പ്കാരന്‍.
ലക്ഷമിയേട്ടത്തി ഓടിചെന്ന്‌ കുഞ്ഞിനെ എടുത്തു. അത് വേല്യട്ടന്റെ കണ്ണുകളിൽ
ഈറന്‍ പടര്‍ത്തിയോാെന്നൊരു സംശയം

27/03/2020

ഓര്‍മ്മച്ചെണ്ട്

രചന: അത്മജ

പാര്‍ട്ട് : 1
-----------------------------------------------------

ലച്ചൂ... ലച്ചൂ... ഫോണ്‍ കുറെ നേരമായി നിര്‍ത്താതെ റിങ്ങ് ചെയ്യുന്നു. ആരാണെന്ന് നോക്ക് മോളെ. അവനാണെങ്കില്‍... ഫോണെടുത്തില്ലെങ്കില്‍ വഴക്ക് പറയും ബാക്കിയൊക്കെ ഞാന്‍ ചെയ്‌തോളാമെന്ന് അപ്പച്ചി പറഞ്ഞപ്പോള്‍ ശരി അപ്പച്ചീന്ന് പറഞ്ഞ് ചിരിച്ചോണ്ട് മുകളിലോട്ടുള്ള സ്‌റ്റെപ്പ് കയറി മുറീലെത്തി. എല്ലായിടത്തും നിശബ്ദത... വല്ലാത്തൊരു ഒറ്റപ്പെടീല്‍ പോലെ. അപ്പച്ചീടേം, മാമന്റെം കൂടെ തിരികെ വരാതെ അവിടെ തന്നെ നില്‍ക്കാമായിരുന്നു... വല്ലാതെ മിസ്സ് ചെയ്യുന്നുണ്ട്. വാതില്‍ ചെറുതായി ചാരി ജനലഴികളില്‍ പിടിച്ചു നിന്നു... പിച്ചിപൂക്കളുടെ സുഗന്ധം മൂക്കില്‍ തുളച്ച് കയറുന്നുണ്ട്. അവയുടെ സുഗന്ധം എന്നെ പഴയ പ്രണയകാലത്തേക്ക് മടക്കി കൊണ്ടു വന്നു. ഞങ്ങളുടെ പ്രണയത്തിന് പിച്ചിപൂക്കളുടെയും, ചെമ്പകത്തിന്റെയും, ഇലഞ്ഞിപൂക്കളുടെയും സുഗന്ധമാണ്... ഓര്‍മ്മകള്‍ക്കെന്തു സുഗന്ധം... എന്നാത്മാവിന്‍ നഷ്ടസുഗന്ധമെന്ന് മൂളിപ്പാട്ട് പാടി. നഗരവീഥികള്‍ വിജനമാണ്. തെരുവുവിളക്കുകള്‍ കത്തിയിട്ടുണ്ട്. എല്ലാവരും വീടുകളില്‍ ചേക്കേറിയിട്ടും. കുറച്ച് വാഹനങ്ങള്‍ പോകുന്നുണ്ട്. നൈറ്റ് ഷിഫ്റ്റ് കഴിഞ്ഞ് മടങ്ങുന്നവരും ആ കൂട്ടത്തിലുണ്ട് പെട്ടന്നാണെന്റെ നോട്ടം അടുത്ത ഇരുനില വീട്ടിലേക്ക് പോയത്. പേടി ഒരാവരണമായി എന്നെ മൂടി. പണ്ടെപ്പഴോ അവിടെ താമസിച്ച ഒരു പ്രൊഫസര്‍ ആത്മഹത്യ ചെയ്തിട്ടുണ്ടത്രേ... പെട്ടന്നാണ് ഫോണ്‍ റിങ്ങ് ചെയ്തത്. ഏട്ടനാവും എത്ര പ്രാവശ്യം വിളിച്ചു കാണും ഇത്രേം നേരമായിട്ടും തിരിച്ച് വിളിക്കാനെനിക്കെന്തേ തോന്നാത്തത് എന്ന ഞെട്ടലിലാണ് ഫോണ്‍ എടുത്തത്. ദേഷ്യപ്പെടല്‍ പ്രതീക്ഷിച്ചാണ് ഫോണെടുത്തതെങ്കിലും എന്റെ ശബ്ദത്തിലെ ഇടര്‍ച്ച മനസ്സിലാക്കിയാവും ദേഷ്യപ്പെടാതിരുന്നത്. എന്താടീ ഒന്നും സംസാരിക്കാത്തെ നിന്റെ ശബ്ദം കേട്ടിട്ട് പേടിച്ച പോലെയുണ്ടല്ലോ... പേടിയാണേല്‍ ഒറ്റയ്ക്ക് കിടക്കണ്ട അമ്മുകുട്ടി. താഴോട്ട് പോയി കിടന്നോന്ന് കിച്ചേട്ടന്‍ പറഞ്ഞു. കിച്ചേട്ടന്‍ തന്നെയല്ലോ ഓരോന്ന് പറഞ്ഞ് എന്നെ പേടിപ്പിച്ചത് എന്നിട്ടിപ്പം പറയുന്നത് കേട്ടില്ലേ. എടീ പൊട്ടികാളീ, ഇത്രേം നേരമായിട്ട് നിനക്കെന്നെ വിളിക്കാന്‍ തോന്നിയോ. എത്ര മിസ്്ഡ് കോള്‍ ഉണ്ടെന്ന് മോള്‍ നോക്കിയേ. അത് പിന്നെ ഏട്ടാ... ഞാന്‍...
മോള് നിന്ന് വിക്കണ്ട. ഞാന്‍ അമ്മേ വിളിച്ചിരുന്ന വീട്ടിലെ ജോലി മൊത്തം ടെണ്ടറെടുത്തേക്കുവാണെന്ന് പറഞ്ഞു. എടീ ഞാന്‍ നിന്നെ കെട്ടിയതേ എന്റെ വീട്ടിലെ പണി മൊത്തം ക്വട്ടേഷന്‍ എടുക്കാനല്ല കേട്ടോ. നിനക്കിവിടെ നില്‍ക്കാന്‍ വയ്യാഞ്ഞിട്ടാണോ. അവരുടെ കൂടെ തിരിച്ചു പോയേ. പെണ്ണിനേ നല്ല അടിയുടെ കുറവുണ്ട്.
എങ്കിലെന്തിനാ പോരാന്‍ സമ്മതിച്ചേ... അവിടെ തന്നെ നില്‍ക്കാന്‍ പറഞ്ഞാല്‍ പോരായിരുന്നോ. കിച്ചേട്ടാ... പുതിയ സ്ഥലത്ത് ഏട്ടന്‍ ജോലിയ്ക്ക് പോയാല്‍ പിന്നെ ഞാനൊറ്റയ്ക്ക് അല്ലേ അതാ തിരിച്ചു പോന്നേ. ഇവിടാകുമ്പോള്‍ ഏട്ടത്തിമാര്‍ക്കും, കുഞ്ഞാവേം, അപ്പച്ചീം, മാമനും എല്ലാവരും ഇല്ലേ.
ഉം... നടക്കട്ടെ... നടക്കട്ടെ... ഇപ്പോള്‍ ഈയൊള്ളവന്‍ നിനകന്യനായല്ലേ... നിനക്കെന്നെ വിളിക്കാന്‍ പോലും തോന്നിയില്ലലല്ലോ അമ്മൂ... പണ്ടും നീയിങ്ങനാ എല്ലാവരേം കാണുമ്പോള്‍ എന്നെ മറക്കും... എന്തെങ്കിലും മനസസ്സിലുണ്ടേല്‍ വാ തുറന്ന് പറഞ്ഞൂടെ പെണ്ണേ...
ഒന്നു പോ കിച്ചേട്ടാ... എനിക്ക് ശരിക്കും മിസ്സ് ചെയ്യുന്നുണ്ട്... പിന്നെ... കുറച്ച് പേടീം ഉണ്ട്. ജനലില്‍ കൂടി നോക്കുമ്പോള്‍ പ്രൊഫസറിന്റെ പ്രേതം നനില്‍ക്കുന്ന പോലെ... എന്നെ വെറുതെ പേടിപ്പിച്ച് വെച്ചിരിക്കുവല്ലേ... ഞാന്‍ മിണ്ടത്തില്ല.
അപ്പോഴേക്കും പിണങ്ങിയോടാ... ഏട്ടന്‍ വരുമ്പോള്‍ മോള്‍ടെ പിണക്കങ്ങളെല്ലാം മാറ്റില്ലേ, പേടിയോണേല്‍ താഴെ അച്ഛന്റേം അമ്മേടേം കൂടെ കിടന്നോ.
ഗുഡ് നൈറ്റ് ടേക്ക് കെയര്‍, ഉമ്മ...
എടി ഉറങ്ങി കളയരുത്, എനിക്ക് നൈറ്റ് ഡ്യൂട്ടിയാണ് ഞാന്‍ വാട്ട്‌സപ്പ് ചെയ്യും. ശരി കിച്ചേട്ടാന്ന് പറഞ്ഞ് തലയണയും പുതപ്പും എടുത്ത് അപ്പച്ചീടെ റുമിലേക്ക് ചെന്നു. അവിടെ കിടന്നുറങ്ങി. രാത്രി ഏറെ വൈകിയാണ് വാട്ട്‌സാപ്പില്‍ മെസ്സെജുകള്‍ വന്നത്. അതോടെ ഉറക്കം പോയി. ഹാളില്‍ പോയി ടി. വി. ഓണ്‍ ചെയ്യുമ്പോഴാണ് നല്ല മെലഡികള്‍ ഒഴുകിയെത്തിയത് അവയില്‍ പല പാട്ടുകളും എന്നെ പഴയ കാലത്തേക്ക് തിരിച്ചുകൊണ്ടു പോകുന്നതായിരുന്നു.
കിച്ചേട്ടന്‍... കിച്ചേട്ടന്‍ എത്തിയിരുന്നെങ്കില്‍

[തുടരും]

20/11/2019

28/09/2019

ഉണ്ണിയേട്ടൻ എന്നേ കണ്ടു കാണുമോ? കാണാതിരിക്കണേ എന്നവൾ പ്രാർത്ഥിച്ചു…

രചന: ഹരികുമാർ വെണ്മണി
തിരക്കു കുറഞ്ഞ ബസ്സായിരുന്നു അത്. താൻ മുൻ സീറ്റിലാതു കൊണ്ട് കൈ കാണിച്ച ആളെ കണ്ടു ഞെട്ടി. ‘ഉണ്ണിയേട്ടൻ ‘ ഉണ്ണിയേട്ടൻ എന്നേ കണ്ടു കാണുമോ? കാണാതിരിക്കണേ എന്നവൾ പ്രാർത്ഥിച്ചു. പിന്നീടങ്ങോട്ടുള്ള ഒരോ നിമിഷങ്ങളും യുഗങ്ങളായി തോന്നി അവൾക്ക് ഹൃദയമിടപ്പ് കുടി നെഞ്ചിപ്പോൾ തകരുമോ? തകർന്നാൽ മതിയാരുന്ന് അവർ മനസ്സുകൊണ്ട് ആഗ്രഹിച്ചു. ” ആ… ആ..ളിറങ്ങണം ” അവൾ തിടുക്കപ്പെട്ട് പറഞ്ഞു. “കുട്ടിയ്ക്ക് ആശുപത്രിപടിയിൽ അല്ലേ ഇറങ്ങണ്ടത് ?” എന്ന് തിരക്കി കണ്ടക്ടർ അവൾ അവിടെയാണ് ഇറങ്ങാറ്. തൊട്ടടുത്ത ഹോസ്പിറ്റലിലെ നഴ്സ് ആണ് അവൾ. അതും കണ്ടക്ടർക്ക് അറിയാം “ഇവിടെ ഇറങ്ങണം., ഇവിടെ മതി.” അവൾ തീരുമാനം ഉറപ്പിച്ചു പറഞ്ഞു. ബസ് നിർത്തി, അവൾ പെട്ടന്നിറങ്ങി. അവൾഞ്ഞെട്ടിപ്പോയി. ഉണ്ണിയേട്ടൻ അതാ പിറകിൽ ഇറങ്ങിക്കഴിഞ്ഞിരുന്നു. അവൾ പെട്ടന്ന് നടന്നു. അതിനേക്കാൾ വേഗത്തിൽ അവൻ ഓടിച്ചെന്ന് അവളുടെ കൈകളിൽ പിടിച്ചു. ” ഉണ്ണിയേട്ടാ.. വിട്. ആരെങ്കിലും കാണും പൊതുവഴിയാണ്.” ” കാണട്ടെ. ആദ്യമായി അല്ലല്ലോ നമ്മളീവഴി പോകുന്നത് ആൾക്കാര് കാണുന്നത്…. നീയെന്താ ഞാൻ വിളിച്ചാൽ ഫോൺ എടുക്കാത്തത്. ഇപ്പം ആ സിമ്മും കട്ടാക്കി.” ” ഉണ്ണിയേട്ടാ… പ്ലീസ്സ് കൈവിട്… ആൾകാര് നോക്കുന്നൂ.. ” അവളുടെ മുഖത്ത് പരിഭ്രമവും ഭയവും നിറഞ്ഞിരുന്നു. ” വിട്, നമുക്ക് നടന്നു സംസാരിക്കാം” അവൻ കൈ അയച്ചു. അവൾ കൈെ വലിച്ചു. അവർ ഒരുമിച്ച് നടന്നു.

മൗനമായി.,,…… “നീയെന്താ മിണ്ടാത്തത്….പറ ..? അവൻ മൗനം ഭേദിച്ചു. “ഉണ്ണിയേട്ടൻ എന്നാ വന്നത്.. എത്ര ദിവസം ഉണ്ട് നാട്ടിൽ ” ” മൂന്ന് ദിവസം ആയി. രണ്ടു മാസം കാണും ഇവിടെ… അതിന് മുൻപ് നമ്മുടെ വിവാഹവും നടക്കണം.” “അതു വേണ്ടാ… ഉണ്ണിയേട്ടൻ വേറൊരു കല്യാണം കഴിക്കണം” അവന്റെ മുഖത്തേക്കു അവൾ നോക്കാതെ പറഞ്ഞു. ” ദേവൂ, നീയെന്താണ് പറഞ്ഞു വരുന്നത്….. പെട്ടന്നിങ്ങനെ തോന്നാനെന്താ കാരണം.” അവൾ മിണ്ടിയില്ലാ, പക്ഷേ മിഴികൾ നിറഞ്ഞിരുന്നു. ” കൊച്ചു പിള്ളേരുടെ പ്രേമം പോലെ തോന്നുന്നു നിന്റെ വാക്കുകൾ കേട്ടാല്. നിനക്കെനെ കഴിയുന്നു ഇങ്ങനെ ചിന്തിക്കാൻ…” അവൻ അല്പം പുശ്ചത്തോടെ പറഞ്ഞു. ” ഇന്നും ഇന്നലെയും അല്ലാ ഓർമ്മ വെച്ച നാൾ മുതല് നമ്മുടെ വീട്ടുകാര് പറഞ്ഞൊറപ്പിച്ചതാ.. പിന്നേ അറിയാതെ മനസ്സിൽ കേറിപ്പോയി… ഇപ്പോൾ ഇറക്കിവിടാൻ നോക്കിയാൽ പോകില്ല… നിനക്കാകുമോ അങ്ങനെ..” അവൾ അല്പനേരം മിണ്ടാതെ നടന്നു. പിന്നീട് തിരക്കി. “ആശുപത്രി പടിയിൽ ഒരു യുവതിയെ ബലാത്സംഘം ചെയ്ത മൂന്നു പേരേ അറസ്റ്റു ചെയ്ത വാർത്ത ഏട്ടനറിഞ്ഞോ……. അതിലെ യുവതി ഏട്ടന്റ ദേവു ആണ് …” അവന്റെ നെഞ്ചിലൊരു ഇടിത്തീ പെയ്തു. അവൾ തുടർന്ന്: ‘ ”ഏട്ടന്റെ ദേവു മരിച്ചു… മൂന്നാം പക്കം ഉയർത്തെഴുന്നേൽക്കാൻ ഞാൻ ക്രിസ്തു ദേവനല്ലാ… ന്റെ അമ്മയെ മരണം വരേ നോക്കണം. അതിനായിട്ട് മാത്രം ഇന്ന്‌ ജീവിക്കുന്നവളാണ് ഇന്ന് ഞാൻ….” അവൾ വിതുമ്പിയിരുന്നു. ” ഇവളെത്തന്നേ വേണോ ഏട്ടന്.,, പറയ്‌.,, ?” സ്തബ്ദനായി അവൻ നിൽക്കെ പെട്ടന്ന് വന്ന ഒരു ഓട്ടോറിക്ഷയ്ക് കൈകാണിച്ച് അവൾ കയറിപ്പോയി…, അവൾ തന്നേ ഒഴിവാക്കിയതിന്റെ ഉത്തരം കണ്ടെത്തിക്കഴിഞ്ഞിരുന്നു അവൻ. താൻ ഇപ്രാവശ്യം വന്നപ്പേൾ ദേവുവിനേക്കുറിച്ച് ചോദിച്ചപ്പോൾ അമ്മ ഒഴിഞ്ഞു മാറിയത് ശ്രദ്ധിച്ചിരുന്നു.

അമ്മ അറിഞ്ഞിട്ടുണ്ടാവും ആങ്ങളയുടെ മകളല്ലേ അവള് . ” ഞാൻ ഇന്ന് ദേവുവിനേ കണ്ട് അമ്മേ” .അമ്മയുടെ മനസറിയാനായ് അവൻ പറഞ്ഞു അമ്മ ഒന്നു നോക്കുക മാത്രം ചെയ്തു ” അമ്മ എന്താ ഒന്നും മിണ്ടാതെ ഇരിക്കുന്നത്.. അവളേപ്പറ്റി പറഞ്ഞപ്പോൾ ” അവൻ തിരക്കി ഏറേനേരം കഴിഞ്ഞാണ് അമ്മ സംസാരിച്ചു തുടങ്ങിയത് ” ഉണ്ണി, എനിക്കറിയാം നിനക്കെല്ലാം അറിയാമെന്ന്.. അതു കൊണ്ട് തന്നെ നിന്റെ ജീവിതം വെച്ച് പരീക്ഷണം നടത്താൻ എനിക്ക് ആഗ്രഹില്ലാ.,, ഞാൻ ആഗ്രഹിച്ചിരുന്നു അവളീ വീട്ടിൽ വരാൻ പക്ഷേ.. ” ” മതി, അത്രയും മതി…. ഓർമ്മ വെച്ച കാലം മുതല് എന്നെയും അമ്മയേയും അവള് സ്നേഹിക്കാൻ തുടങ്ങീതാ… ഇതിപ്പോൾ അവൾക്ക് പകരം നമ്മുടെ മായയ്ക്കാഈ അവസ്ഥ എങ്കിൽ നമുക്ക് ഉപേക്ഷിക്കാനാവുമോ.,,,? ഇന്ന് അവളുടെ കണ്ണീര് കണ്ട് ഞാൻ തന്നെ ഉരുകിപ്പോയി ” “ഉണ്ണീ നീയെന്തിനാ എഴുതാപ്പുറം വായിക്കുന്നത് ” അമ്മ അനുനയിപ്പിക്കാൻ ശ്രമിച്ചു ” ആരും വേണ്ടാ അമ്മേ., നമ്മൾ മാത്രം ഉള്ള ഒരു താലികെട്ട്‌ നാളെ ഉണ്ടാവും.. ഞാനത് അവളോടു പറഞ്ഞു സമ്മതിപ്പിക്കാൻ പോകുവാ, ഞാൻ വിളിച്ചാൽ വരും അവൾക്ക് വരാതിരിക്കാനാവില്ലാ ” മുഴുമിപ്പിക്കും മുൻപേ അവൻ ബൈക്കിൽ കയറി പോയിരുന്നു ഓർമ്മ വെച്ചനാൾ മുതൽ മനസ്സിൽ ചേക്കേറിയ മോഹം ചിലതെരുവുപട്ടികളാൽ ഉപേക്ഷിക്കാൻ തയ്യാറാവാതെ പുതുജീവിതം തുടങ്ങുന്നു.

22/09/2019

ചൊവ്വാ ദോഷം

രചന: കീർത്തി
“എങ്ങനെ ഉണ്ട് അളിയാ പെണ്ണ്?” “കൊള്ളാം .എനിക്കിഷ്ടപ്പെട്ടു” “അപ്പോൾ പെട്ടെന്ന് തന്നെ ഉണ്ടാകും കല്യാണം അല്ലെ?” “ഉം” ഹരി വീട്ടിലെത്തിയപ്പോൾ എല്ലാവരും കൂടി എന്തോ ചർച്ചയിൽ ആയിരുന്നു. “എന്താ എല്ലാവരും കൂടി ഒരു ചർച്ച?” “എടാ മോനെ ആ പെണ്ണിനെ നമുക്ക് വേണ്ട” “എന്തേ?” “അവൾക്ക് ചൊവ്വാദോഷം ഉണ്ടെടാ” “ഓ എന്റെ അമ്മെ ഈ കാലത്തും ഇതൊക്കെ നോക്കണോ?” “വേണം .നിനക്കിതിലൊന്നും വിശ്വാസം ഇല്ലെങ്കിലും ഞങ്ങൾക്ക് ഉണ്ട്” “ഞാൻ ആലോചിക്കട്ടെ” പിറ്റേന്ന് രാവിലെ തീരുമാനം പറയാമെന്ന് പറഞ്ഞ് കിടന്നു.എന്തോ അന്ന് ഉറക്കം വന്നില്ല.മനസ്സ് നിറയെ അവളുടെ മുഖമായിരുന്നു. “നീ ഞങ്ങൾ പറയുന്നത് അനുസരിക്കും എന്ന് ഈ അമ്മയ്ക്ക് അറിയാം.” “അതെ. പക്ഷെ ഈ കാര്യത്തിൽ അല്ല” “നീ എന്താടാ ഈ പറയുന്നേ?” “എനിക്ക് അവളെ മതി” “ആ ചൊവ്വാദോഷക്കാരിയെയോ” “ആ” “നിനക്കിതെന്തിന്റെ കേടാ” “ആരൊക്കെ എന്തൊക്കെ പറഞ്ഞാലും കെട്ടുന്നുണ്ടെങ്കിൽ അത് സ്വാതിയെ ആയിരിക്കും.” “ടാ” “അമ്മയ്ക്ക് വേറെ എന്തെങ്കിലും പറയാനുണ്ടോ?” “ഇല്ല” “എന്തായി കല്യാണി മോളുടെ കല്യാണം?” “അവർക്കിഷ്ട്ടായി” “നന്നായി. കുറെ ആയില്ലേ നോക്കുന്നു.അവൾക്ക് ചൊവ്വ ഉള്ളതല്ലേ” “ഉം” പെട്ടെന്ന് തന്നെ അവരുടെ വിവാഹം നടന്നു.ചൊവ്വ ഉള്ളതിനാൽ വീട്ടിൽ ആർക്കും അത്ര ബോധിച്ചിട്ടില്ല. ദിവസങ്ങൾ കടന്നു പോയി.

ഒരു ദിവസം ജോലി കഴിഞ്ഞ് വരുന്ന വഴി ഹരിക്ക് ചെറിയ അപകടം പറ്റി. വീട്ടിൽ എത്തിയ ശേഷം ആണ് എല്ലാവരും അറിയുന്നത്. “ഞാൻ അപ്പോഴേ പറഞ്ഞതാ ചൊവ്വാ ദോഷക്കാരിയെ വേണ്ടെന്ന്” “ഇങ്ങനെ വന്നത് അവളുടെ തെറ്റ് കൊണ്ടൊന്നും അല്ല അമ്മേ” “ഇനി അങ്ങനെ ഒക്കെയല്ലേ പറയാൻ പറ്റു” “മതിയമ്മേ കുറ്റപ്പെടുത്തിയത്. ഇനി ആരും ഒന്നും പറയണ്ട” “നിനക്കിപ്പോ അവളെ മതിയല്ലോ.ഞങ്ങളൊക്കെ വഴിപോക്കർ അല്ലെ?” “ഞാൻ അങ്ങനെ ഒന്നും പറഞ്ഞില്ല” “മോനെ നീ പോയി കിടക്ക്.’അമ്മ വിഷമം കൊണ്ട് പറഞ്ഞതാ.ഞാൻ ശരിയാക്കാം” “ശരി അച്ഛാ” “തന്റെ സങ്കടം മാറിയില്ലേ” “‘അമ്മ പറഞ്ഞത് ശരിയല്ലേ എന്നെ കല്യാണം കഴിച്ചത് കൊണ്ടല്ലേ ഏട്ടന് ഇങ്ങനെ സംഭവിച്ചത്” “‘അമ്മ അങ്ങനെ പറഞ്ഞെന്ന് വച്ച് നീ അത് വിശ്വസിച്ചോ” “എന്നാലും” “ഒരെന്നാലും ഇല്ല.

ഈ കാലത്ത് ആരെങ്കിലും വിശ്വസിക്കുമോ ഇതിലൊക്കെ” “എല്ലാവർക്കും ഉണ്ട്” “എനിക്കില്ല” “ഞാൻ പോയേക്കാം ഹരിയേട്ടാ” “എങ്ങോട്ട്?” “എന്റെ വീട്ടിലേക്ക്” “എന്തിന്” “ഞാൻ ഇനിയും ഇവിടെ നിന്നാൽ വേറെ ആപത്ത് വന്നാലോ. അത് എനിക്ക് സഹിക്കാൻ പറ്റില്ല” “നിന്റെ കൈ ഞാൻ പിടിച്ചത് പാതി വഴിയിൽ ഉപേക്ഷിക്കാനല്ല. ജീവിതാവസാനം വരെ കൂടെ നിൽക്കാൻ വേണ്ടിയാ.ഈ ഭൂമിയിൽ ജീവിക്കാൻ ജാതകപൊരുത്തിന്റെ ഒന്നും ആവശ്യം ഇല്ല.മനപൊരുത്തം ഉണ്ടായാൽ മതി.കേട്ടോടി ഉണ്ടാക്കണ്ണി” അവർ ജീവിക്കട്ടെ .സ്നേഹത്തിന്റെയും വിശ്വാസത്തിന്റെയും ഒപ്പം….

22/09/2019

പപ്പേട്ടന്റെ ഭ്രാന്തി…

രചന: Savitha Sachu
“നിനക്കെന്താ പ്രാന്താണോ…..? .” കുള പടവിൽ കുത്തിയിരുന്നു കരയുന്ന അവളോട് ദേഷ്യത്തോടെ പപ്പു ചോദിച്ചു. “ആ പ്രാന്ത് തന്ന്യാ “എന്നവൾ വാശിയോടെ പറഞ്ഞുകൊണ്ട് വീണ്ടും ഏങ്ങലടിച്ചു കരയാൻ തുടങ്ങി…. “ഇത് വെറും പ്രാന്ത് അല്ലാ,നട്ടപ്രാന്ത് ആണ്. അല്ലാതെ നോർമൽ ആയിട്ടുള്ള ആരെങ്കിലും ഒരു കാരണവും ഇല്ലാതെ എല്ലാവരെയും വെറുപ്പിച്ചിട്ട് വന്നിരുന്നു മോങ്ങുവോ..?” ഗൗരവം വിടാതെ വീണ്ടും പപ്പു അവളോട് ചോദിച്ചു… “ആഹ് ഞാൻ മോങ്ങുവോ വെറുപ്പിക്കുവോ എന്താന്ന് വച്ചാൽ ചെയ്യും നീ ആരാ ചോദിക്കാൻ…പോ…. എനിക്ക് ആരും വേണ്ട” അവൾ ചൊടിച്ചു. ” ഡീ കോപ്പേ നിന്റെ മറ്റെടത്തെ സ്വഭാവം നീ നിർത്തിക്കൊ…ഒരു അസുഖം വന്നെന്ന് കരുതി സ്നേഹിച്ചവരെ ഒക്കെ ഈ വെറുപ്പിക്കുന്നതിനു നീ പിന്നീട് ഒത്തിരി കരയേണ്ടി വരും…” പപ്പുവിന്റെ വാക്കുകളിൽ രോഷം കത്തിയെരിയുന്നുണ്ടായിരുന്നു “പിന്നെ ഞാൻ എന്തു ചെയ്യണം അതും കൂടെ നീ പറ… പ്രേതം കൂടിയതാണെന്ന് പറഞ്ഞു വീട്ടുകാർ ഒറ്റപ്പെടുത്തിയത് പോലെ കൂട്ടുകാരും ഒറ്റ പെടുത്തുന്നതും നോക്കി ഇരിക്കണോ… പ്രേതം കൂടിയ പെണ്ണിനെ എനിക്ക് വേണ്ടാന്ന് അവൻ പറയുന്നത് കേൾക്കണോ ഞാൻ…..ഒരിക്കലും ഇല്ല….ഒറ്റപ്പെടുത്തും മുൻപ് ഒറ്റയ്ക്കാവുകയാണ്…അതാണ് നല്ലത്…” അവൾ ആഞ്ഞടിച്ചു…. ” വീട്ടുകാര് ഒറ്റ പെടുത്തിയെന്നോ…നീ എന്താ പറയുന്നേ ” പപ്പു സംശയത്തോടെ ചോദിച്ചു. “ഹാ ഒറ്റ പെടുത്തി…പപ്പേട്ടനറിയുവോ എന്നും ഓടി വന്ന് വട്ടം പിടിക്കാറുള്ള എന്റെ കാർത്തു മോള് അവള് എന്നെ കണ്ടപ്പോൾ പേടിച്ചു ഒളിച്ചു നിൽക്കുവാ .പിടിചു നിർത്തി കാര്യം ചോദിച്ചപ്പോൾ മേമക്ക് പ്രേതം കൂടിയതാ അടുത്തുപോയാൽ അവളെ ഉപദ്രവിക്കും എന്ന് ‘അമ്മ പറഞ്ഞു എന്ന്… ഇത്തിരി ഇല്ലാത്ത അവളുടെ മനസ്സിൽ പോലും ഞാൻ ഒരു പേക്കോലം ആയി…അപ്പൊ ബാക്കി ഉള്ളവരുടെ കാര്യം അറിയാലോ…..” “അവർ അങ്ങനെ ചെയ്തു എന്നു കരുതി ബാക്കി ഉള്ളവരെ എന്തിനാ ഒഴിവാക്കുന്നത് ? ” ” അവരും ഒറ്റപ്പെടുത്തി പോകില്ലാന്ന് ഉറപ്പ് പറയാൻ പറ്റില്ലല്ലോ ” ” അപ്പൊ ഇത്രേം ഒള്ളൂ നിന്റെ സൗഹൃദവും സഹോദരസ്നേഹവും പ്രണയവുമൊക്കെ ” ” അങ്ങനെ അല്ല .അവര് കൂടെ ഒറ്റയ്ക്ക് ആക്കിയാൽ താങ്ങാൻ എനിക്കാവില്ല…പിന്നെ ആ പൂജാരി പറഞ്ഞപ്പോലെ എനിക്ക് പ്രാന്ത് ആയാൽ കാണാൻ അവരൊന്നും കൂടെ ഉണ്ടാവണ്ട…” ” അതിൽ ഒന്നും വിശ്വാസം ഇല്ലാന്ന് പറഞ്ഞിട്ട്…. ഇപ്പൊ എന്തേ ” ” വിശ്വാസത്തിന്റെ അല്ല…. തുടർച്ചയായ വീഴ്ചകൾ… മറവിയും ദേഷ്യവും….എനിക്ക് എന്നെ തന്നെ നിയന്ത്രിക്കാൻ പറ്റാത്ത അവസ്ഥ…എല്ലാം കൂടി ആയപ്പോൾ അയാള് പറഞ്ഞപ്പോലെ വരുവോ എന്ന് പേടി…..” “അത് വെറും പേടി ആണ്….അങ്ങനെ ഒന്നുമുണ്ടാവില്ലഡീ…. പിന്നെ ഈ ദേഷ്യം വാശിയും മറവിയുമൊക്കെ അത് നിന്റെ ഈ പേടി കാരണം ഉണ്ടാവുന്നതാ… വേണമെങ്കിൽ നാളെ നല്ലൊരു ഡോക്ടറെ കണ്ടു സംശയം തീർക്കാം ” പപ്പുവിന്റെ ആശ്വാസ വാക്കുകൾക്കും അവളിലെ തീ അണക്കാൻ ആയില്ല…..അവൾ വീണ്ടും സംശയത്തോടെ ചോദിച്ചു….

” എന്നാലും ….” “ഒരു എന്നാലും ഇല്ല..നീ എന്റെ കൂടെ പോരെ….ഏത് പ്രേതമാണ് വരുന്നത് എന്നു നോക്കാം…കണ്ടാൽ ഒന്ന് ലൈനടിക്കാം ..” ” പോ….തെമ്മാടി….” അവൾ പപ്പുവിന്റെ കയ്യ് പിടിച്ചു തിരിച്ചു കൊണ്ടു പറഞ്ഞു… ” കയ്യ് പിടിച്ചു ഒടിക്കല്ലേ കുരിപ്പെ….” പപ്പു കയ്യ് കുടഞ്ഞു കൊണ്ടു പറഞ്ഞു…. ” ആ ഒടിക്കും …തെമ്മാടിത്തരം കാണിച്ചാൽ ഓടിക്കും..കയ്യും കാലും ഓടിക്കും” അവൾ കലിയോടെ പറഞ്ഞു ” നീ ഞൊട്ടും…ഒന്നു പോടീ… മാക്രി…” ” മാക്രി നിന്റെ…പെണ്ണുംപിള്ളയെ പോയി വിളിയെടാ…” ” യേത് നേരത്താണോ ഈ വട്ടിനോട് കൂട്ട് കൂടാൻ തോന്നിയത്…” ” വട്ടുള്ളവർ കൊന്നാൽ കേസില്ല കേട്ടോ…”അതും പറഞ്ഞു അവൾ ചിരിക്കാൻ തുടങ്ങി…” ” ശെരി തമ്പുരാട്ടി…എന്നെ കളിയാക്കിയിട്ടാണെങ്കിലും ഒന്നു ചിരിച്ചു കണ്ടല്ലോ…” “ഈ…ഈ….. ഈ….ഈ ” അവൾ പല്ല് മൊത്തം കാണിച്ചു ഒന്നൂടെ കളിയാക്കി ചിരിച്ചു. “ഇത്രേ ഉണ്ടായിരുന്നൊള്ളൂ… അയിനാണ് ഇക്കണ്ട പൊല്ലാപ്പ് മൊത്തം ….” “എന്നാലും ഞാൻ എത്ര വഴക്ക് ഉണ്ടാക്കിയിട്ടും പപ്പേട്ടൻ എന്താ എന്നെ വിട്ട് പോകാഞ്ഞത്…” ” ഹ… അതിപ്പോ ഞാൻ എന്താ പറയാ…പോകാൻ തോന്നിയില്ല… പോയില്ല” ” അതല്ല എന്തോ കാരണം ഉണ്ട്…” ” എല്ലാവരോടും കലപില ചിലച്ചോണ്ടു നടന്ന നീ മിണ്ടാതായതും..പിന്നീട് എല്ലാവരോടും ഒരു കാരണം ഇല്ലാതെ വഴക്കിടുന്നതും എല്ലാം കൂടി കൂട്ടി വായിച്ചപ്പോ……എന്തോ ഒന്ന് ഉണ്ടെന്ന് തോന്നി…. ..പിന്നെ നീ എന്റെ വായാടി അല്ലേ… അങ്ങനെ അങ്ങു കളഞ്ഞിട്ടു പോകാൻ പറ്റ്വോ…” ” ബാക്കി എല്ലാവരും പിണങ്ങി പോയല്ലോ.അവരുടേം വായാടി അല്ലെ ഞാൻ..എന്നിട്ട് അവരെ ഞാൻ വെറുപ്പിച്ചപ്പോൾ പിണങ്ങി പോയല്ലോ…” ” അത്…..അവരൊക്കെ നിന്നെ ഒരുപാട് ഇഷ്ടപെടുന്നത്കൊണ്ടാ….നീ അവരുടെ ആരൊക്കെയോ ആയത് കൊണ്ടാണ് പിണങ്ങി പോയത്…” ” ആരൊക്കെയോ ആണെങ്കിൽ പിണങ്ങി പോകുവോ…? ” അവൾ പിന്നെയും സംശയം പ്രകടിപ്പിച്ചു. ” പോകും…നീ അവരുടെ സ്വന്തം ആണെന്ന് കരുതിയിട്ട് നിനക്കു അവരാരും അല്ലാന്ന് എന്ന തോന്നൽ അവരിൽ ഉണ്ടായാൽ അങ്ങനെ പിണങ്ങി പോകും…ഒരേ സമയം നീ അവരുടെ ആരൊക്കെയോ ആവണം എന്നുള്ള ആഗ്രഹവും…നീ ആരുമല്ല..എന്നുള്ള യാഥാർത്ഥ്യവും അവരുടെ മനസ്സിനെ അലട്ടും.അവ തമ്മിൽ ഉള്ള യുദ്ധത്തിൽ യാഥാർഥ്യം ജയിക്കും….. അവിടെ സ്നേഹത്തിനു മുകളിൽ ആത്മാഭിമാനത്തിനു മേൽക്കോയ്മ വരുന്നത് കൊണ്ടാണ് അങ്ങനെ…ഉദാഹരണത്തിന് നീ അമ്മയോട് കാണിക്കുന്ന വാശിയും ദേഷ്യവും അമ്മായിഅമ്മയോട് കാണിച്ചാൽ അവരെന്ത് വിചാരിക്കും ‘അവളുടെ അമ്മയോട് ആണെങ്കിൽ അവൾ അങ്ങനെ ചെയ്യോ ഞാൻ അവളുടെ അമ്മ ആയിരുന്നെങ്കിൽ എന്നോട് അങ്ങനെ കാണിക്കില്ലായിരുന്നു’ എന്നല്ലേ…അത് സ്നേഹകുറവ്‌ അല്ലാ…നിന്നോടുള്ള സ്നേഹകൂടുതൽ ആണ്.നിന്നിൽ നിന്ന് അവർ സ്നേഹവും ബഹുമാനവും പ്രതീക്ഷിക്കുന്നു. നീ ആണെങ്കിലോ സ്വന്തം ആണെന്ന് പറഞ്ഞു ഉള്ള ദേഷ്യവും വാശിയും അധികാരവും കാണിക്കുന്നു…..രണ്ടും രണ്ടുകൂട്ടരും ഒന്ന് മനസിലാക്കിയാൽ അല്ലെങ്കിൽ ഒന്ന് തുറന്ന് സംസാരിച്ചാൽ തീരുന്ന പ്രശ്നം ഒള്ളൂ…” ഒരു തത്വം പറയുന്ന ഗൗരവത്തോടെ പപ്പു പറഞ്ഞു. “പപ്പേട്ടൻ എന്റെ ആരും അല്ലെന്ന് ഞാൻ പറഞ്ഞിട്ടും നിങ്ങള് പോയില്ലല്ലോ..നിങ്ങൾക്ക് ഈ പറഞ്ഞ അഭിമാനം ഒന്നും ഇല്ലേ …ഇനി നിങ്ങള് വല്ല പ്രേതം ആണോ…” അവൾ കളിയാക്കികൊണ്ടു ചോദിച്ചു. ” പ്രേതത്തിനു അഭിമാനം ഇല്ലാന്ന് നിന്നോട് ആരാ പറഞ്ഞേ? പ്രേതത്തിനും അഭിമാനം ഒക്കെ ഉണ്ട്….പിന്നെ നിനക്കു പ്രാന്തായത്കൊണ്ട് അഭിമാനത്തേക്കാൾ സ്നേഹം ആണ് കൂടുതൽ എന്ന് മാത്രം…എല്ലാവരും ഇട്ടിട്ടു പോയാൽ എന്റെ കുട്ടി ഒറ്റക്ക് ആവില്ലേ” അത് കേട്ടതും അവൾ കണ്ണ് നിറച്ചുകൊണ്ടു അവൾ പപ്പുവിന്റെ നെഞ്ചിലേക്ക് ചാഞ്ഞു…. ” എന്റെ കുഞ്ചു നീ എന്തിനാ എന്തു പറഞ്ഞാലും മോങ്ങുന്നെ…” “ഉം…….” അവൾ ചിണുങ്ങി കൊണ്ടു ഒന്നൂടെ മുഖം ചേർത്ത് കരഞ്ഞു. അവൾ അങ്ങനെയാണ്… എല്ലാം ഒരല്പം കൂടുതൽ ആണ്…സ്നേഹവും വാശിയും ദേഷ്യവും..വായടിത്തവും…എല്ലാം… ദേഷ്യം വന്നാൽ വായിൽ തോന്നിയത് ഒക്കെ വിളിച്ചു പറഞ്ഞു കൊറേ കഴിഞ്ഞു കണ്ണു നിറച്ചുകൊണ്ടുള്ള ഈ നിൽപ്പ് അതാണ് അവളെ തന്നിലേക്ക് അടുപ്പിച്ചതും… ” ഡീ ഈ നിൽപ്പ് എന്റെ പെണ്ണെങ്ങാനും കാണ്ടാൽ ഉണ്ടാല്ലോ……വെട്ടിയരിഞ്ഞ് ബിരിയാണി വെക്കും ഓള്..” “ഓ ഒരു പെണ്ണ്…

” അവള് അൽപ്പം പുച്ഛത്തോടെ പറഞ്ഞു കൊണ്ടു തലയുയർത്തി…നീങ്ങി നിന്നു. ” നിനക്കു അങ്ങനെ പറയാ …നീ നിന്റെ നായരെ അടപടലം തേയ്ച്ചു വിട്ട്…അവൻ ഇനി ഈആറ്റുവഴിക്ക് വരില്ല… എന്റെ പെണ്ണ് അങ്ങനെ അല്ല.തേയ്ച്ചാൽ എന്നേം കൊന്ന് അവളും ചാവും .” ” ദാണ്ടേ പപ്പേട്ടാ ഓനെ ഇങ്ങനെ ജാതി പറഞ്ഞു കളിയാക്കിയാൽ ഉണ്ടല്ലോ….” അവൾ തെല്ല് ഈർഷ്യയോടെ പറഞ്ഞു…. ” ഇതാണ് നിന്റെ കുഴപ്പം ഞാൻ നിന്റെ ചെറുക്കൻ എന്നുള്ള അർത്ഥത്തിലാ പറഞ്ഞേ നീ അത് ജാതി എന്ന് കരുതി….ജാതിയും മതവും ഒന്നും ഇല്ലാന്ന് പറയുമ്പോഴും ഉള്ളിന്റെ ഉള്ളിൽ അതൊക്കെ കിടപ്പുണ്ട്…അതുപോലെ തന്നെ ഓരോ കാര്യങ്ങളും . മനസിൽ വേരുറച്ചു പോയ കൊറേ ചിന്തകൾ ഉണ്ട്…അതിനെയെല്ലാം പിഴുതെടുത്ത് കളയണം….അന്റെ പ്രാന്തു ഒക്കെ മാറട്ടെ…. എല്ലാം ഞാൻ തന്നെ വേരോടെ പിഴുതെറിയുന്നുണ്ട്….” ” നിങ്ങൾക്കാ പ്രാന്തു..എനിക്കല്ല ” അവൾ അരിശത്തോടെ പറഞ്ഞു ” ഇത് തന്നെയാ പറഞ്ഞേ… നിനക്ക് പ്രാന്ത് ആണെന്ന്.. ഇക്കണ്ട പുരാണം മൊത്തം പറഞ്ഞിട്ടു നീ കേട്ടത് എന്താ… പ്രാന്ത് എന്ന ഒരു കാര്യം മാത്രം അല്ലേ…..? പ്രാന്തത്തി……..നിനക്കു മുഴുത്ത പ്രാന്ത് ആടീ…… പ്രാന്തി…..” പപ്പു അവളെ ദേഷ്യം പിടിപ്പിക്കാൻ വീണ്ടും വിളിച്ചു…പ്രാന്തീ…എന്ന്…. അത് കേട്ട് ദേഷ്യം വന്ന അവൾ പപ്പുവിനെ കുളത്തിലേക്ക് തള്ളി ഇട്ടുകൊണ്ടു പറഞ്ഞു ” “പ്രാന്ത് ഉള്ളവരോട് കളിച്ചാൽ ഇങ്ങനെ ഇരിക്കും…” “നിന്നെ ഇന്ന് ഞാൻ കൊല്ലുമെടീ കുട്ടി പിശാശേ…” എന്നു പറഞ്ഞു കൊണ്ട് പപ്പു കുളത്തിൽ നിന്നു അരിശത്തോടെ കയറി വന്നു ആ വരവ് കണ്ടപ്പോ തന്നെ അവൾ കൽപടവ് ഓടി കയറാൻ തുടങ്ങി .എന്നാൽ പപ്പു അവളെ പിടികൂടി… ” ഏട്ടന്റെ മോള് ഒന്നു കുളത്തിന്റെ ആഴം അളന്നിട്ട് വാ ” എന്ന് പറഞ്ഞു അവളേം പിടിച്ചുകൊണ്ടു പടവ് ഇറങ്ങാൻ തുടങ്ങി…. ” പപ്പേട്ടാ… എന്നെ വിട്..എനിക്ക് നീന്താൻ ഒന്നും അറിയില്ലാട്ടാ…ഇനി ഞാൻ ഇങ്ങനെ ഒന്നും ചെയ്യില്ല..” ” ഇതൊക്കെ ഞാൻ എത്ര കേട്ടതാണ്… ” പപ്പു അവളെ വിടാൻ ഉദ്ദേശ്യം ഇല്ലാ.. ” കുട്ടി ആരോടാണ് സംസാരിക്കുന്നെ… ” വല്യമ്മ യുടെ ചോദ്യം കേട്ട് അവൾ തിരിഞ്ഞു നോക്കി… ” നോക്ക് വല്ല്യമ്മേ… ഈ പപ്പേട്ടൻ എന്നെ കുളത്തിൽ എറിയാൻ പോണ്… ഒന്ന് വിടാൻ പറഞ്ഞേ. .” ” കുട്ടി എന്താ ഈ പറയണേ.. ഇവിടെ ആരേം കാണാൻ ഇല്ലല്ലോ… ” വല്ല്യമ്മ ചുറ്റും നോക്കി കൊണ്ടു പറഞ്ഞു… ” ദേ ഇവിടെ ഉണ്ടായിരുന്നല്ലോ ” എന്നു പറഞ്ഞു അവൾ തിരിഞ്ഞു നോക്കിയപ്പോൾ പപ്പുവിന്റെ അവിടെ എങ്ങും കാണാൻ ഇല്ലായിരുന്നു.. “കുട്ടിക്ക് തോന്നിയതാ ഇവിടെ എങ്ങും ആരും ഇല്ല..” ” ഇല്ല വല്ല്യമ്മേ ഇവിടെ ഉണ്ടായിരുന്നതാ…” അവൾ ന്യായീകരിക്കാൻ ശ്രമിച്ചു. പപ്പേട്ടാ…. കളിക്കാതെ വരുന്നുണ്ടോ… അവൾ അക്ഷമയോടെ വിളിച്ചു… “എന്താ കുട്ടിയെ ഇത്‌..ഇവിടെ ആരും ഇല്ലാന്ന് പറഞ്ഞില്ലേ… ” ” ഇല്ല എന്റെ പപ്പേട്ടൻ ഇവിടെ എവിടെയോ ഉണ്ട്.. ” അവൾ പപ്പേട്ടാ.. എന്ന് വിളിച്ചുകൊണ്ട് പുറത്തേക്ക് അന്വേഷണം ആരംഭിച്ചു. ” എന്തു നല്ല കുട്ടിയാർന്നു… പ്രേതം കൂടിയാൽ എന്താ ചെയ്യാ…എല്ലാം അതിന്റെ വിധി ” വല്ല്യമ്മ നെടുവീർപ്പിട്ടു. അവൾ അപ്പോഴും പപ്പേട്ടനെ തിരഞ്ഞുകൊണ്ടിരുന്നു………

21/09/2019

രാവോളം സുന്ദരമായൊരു സ്വപ്നമില്ല...

21/09/2019

സ്വാർത്ഥത ...................

ചെയ്യുന്നത് തെറ്റാണെന്നു അറിയാം , എങ്കിലും എനിക്ക് നിന്നെ ഒന്ന് കാണണമെന്നുണ്ട് നമ്മൾ എന്നും കണ്ടിരുന്ന ആ പാർക്കിൽ നാളെ ഉച്ച കഴിഞ്ഞു നിനക്കൊന്ന് വരാൻ കഴിയുമോ ” എന്നവന്റെ ചോദ്യത്തിന് , പറ്റില്ലെന്ന് പറയാനാണ് വന്നതെങ്കിലും പെട്ടെന്ന് അവന്റെ നിഷ്ക്കളങ്കമായ മുഖവും ചിരിയും മനസിലേക്ക് ഓടി വന്നത് കൊണ്ടാണ് വരാമെന്ന് സമ്മതിച്ചു ഫോൺ വെച്ചത് .. റൂമിലെത്തി ബെഡിലേക്ക് കിടന്നപ്പോഴും മനസ്സിൽ എന്തിനായിരിക്കും അവൻ കാണാൻ വരുന്നതെന്ന ചോദ്യമായിരുന്നു , ഉറങ്ങാൻ കിടന്നപ്പോഴും മനസ്സിൽ അത് തങ്ങി നിന്നത് കൊണ്ടാകണം സ്വപ്നത്തിൽ പോലും അവന്റെ മുഖമായിരുന്നു നിറഞ്ഞു നിന്നത് … കോളേജ് ലൈഫിലെ ആദ്യ ദിനത്തിൽ തന്നെ കണ്ണിലുടക്കിയിരുന്നു റാഷിയെ , പൂച്ചക്കണ്ണും , നല്ല ചിരിയും ഞങ്ങൾ പെൺകുട്ടികൾക്കിടയിൽ അവനൊരു സംസാരവിഷയമാകാൻ ഇത് തന്നെ ധാരാളമായിരുന്നു …മനസ്സിൽ തോന്നിയ ഇഷ്ടം അവനോട് പറയാൻ കൊതിച്ചുവെങ്കിലും , ഫ്രണ്ട്സിനൊപ്പം അല്ലാതെ അവനെ തനിച്ചു കിട്ടാൻ വളരെ പ്രയാസമായിരുന്നു , എങ്കിലും ഇനി വേറെ ആരെങ്കിലും പൂച്ചക്കണ്ണനെ കൊണ്ട് പോകുമോന്ന് ഭയന്നാണ് , അവൻ വരുന്ന വഴിയിൽ കയറി നിന്നിട്ട് , അവന്റെ മുഖത്തു നോക്കാതെ , എനിക്ക് റാഷിയെ ഇഷ്ടമാ , അല്ല എന്റെ ജീവനണന്ന് പറഞ്ഞു അവിടെ നിന്ന് തിരിഞ്ഞു നടന്നത് .. ആദ്യമൊക്കെ അവൻ ഒഴിഞ്ഞു മാറിയെങ്കിലും , ഞാൻ വിടാതെ കൂടെ കുടിയിട്ടാകണം പൂച്ചക്കണ്ണനും ഇഷ്ടം അറിയിച്ചത് , ഒരുപക്ഷേ ജീവിതത്തിൽ ഏറ്റവും കൂടുതൽ സന്തോഷിച്ച നിമിഷങ്ങൾ , പിന്നെ പിന്നെ അവനായിരുന്നു എന്റെ ചിന്തകളിൽ എപ്പോഴും .. ”

ഹേയ് നിന്റെ റിങ്ങ് മൂക്കുത്തി എവിടെ “, എന്നവന്റെ ചോദ്യത്തിന് , ഇന്നലെ എവിടെയോ ഊരി വെച്ചതാ പിന്നെ നോക്കിയിട്ട് കണ്ടില്ല എന്നെന്റെ മറുപടിക്ക് മുഖം മങ്ങുന്നത് കണ്ടിട്ടാ എന്താ റാഷി എന്ന് ഞാൻ തിരിച്ചു ചോദിച്ചത് , പെണ്ണെ നീ എന്നോട് ചോദിക്കില്ല എന്താണ് എന്നിൽ ഏറ്റവും കൂടുതൽ ഇഷ്ടമായതെന്ന് , അതിൽ ഒന്നാം സ്ഥാനമായിരുന്നു ആ മൂക്കുത്തിക്ക് എന്ന അവന്റെ മറുപടി കേട്ടിട്ട് , വീട് മൊത്തം അരിച്ചു പെറുക്കിയെങ്കിലും അത് മാത്രം തിരിച്ചു കിട്ടിയില്ല … “നീ എന്താണ് ആദ്യം എന്നോട് ഇഷ്ടം പറയാതെ ഒഴിഞ്ഞു മാറിയത് റാഷി ” എന്നവനോട് ആദ്യം ഞാൻ ചോദിച്ചത് ഞങ്ങൾ രണ്ടും ഒരുമിച്ച് ആ പാർക്കിൽ എത്തിയ ദിനമായിരുന്നു … ആര് പറഞ്ഞു ഇഷ്ടമില്ലാതിരുന്നുവെന്നു , നീ മറ്റൊരാണിനോട് സംസാരിക്കുന്നത് പോലും എനിക്ക് പിടിക്കാതെ ആയപ്പോഴാണ് സത്യത്തിൽ നിന്നോട് എനിക്ക് മുടിഞ്ഞ പ്രണയമാണെന്ന് അറിഞ്ഞത് , പിന്നെ കോളേജിലെ വാനമ്പാടിക്ക് ഒരുപാട് ആരാധകരുണ്ടെന്ന് അറിഞ്ഞപ്പോൾ ആ ഇഷ്ടം മനസ്സിൽ തന്നെ ഒതുക്കി നീ വന്ന് പറയും വരെയും എന്നവന്റെ വാക്കിനു സമ്മാനമായി ആദ്യമായി അവനൊരു ചുംബനം നൽകി … ആദ്യം ആദ്യം എല്ലാം എനിക്ക് മനസിലാകുമായിരുന്നുവെങ്കിലും , എങ്ങോട്ടു ഇറങ്ങിയാലും, അപരിചതരോട് ഞാൻ മിണ്ടുന്നതുമൊക്കെ ഞങ്ങൾക്കിടയിലെ ചെറിയ ചെറിയ പൊട്ടിത്തെറികൾക്ക് വഴി വെച്ചുവെങ്കിലും , ഒരിക്കലും അകലാൻ കഴിയില്ലെന്ന ഞങ്ങളുടെ വിശ്വാസം വീണ്ടും ഞങ്ങളെ ഒന്നാക്കി ചേർക്കുമായിരുന്നു … പക്ഷേ പ്രണയത്തിന്റെ രസങ്ങൾക്കിടയിൽ അവന്റെ സ്വാർത്ഥത കൂടി വന്നപ്പോൾ അവനിൽ നിന്നും മാറി നടക്കാൻ ഞാൻ ശ്രമിച്ചു തുടങ്ങിയിരുന്നു , ആദ്യം ആദ്യം അവൻ പുറകിൽ വരുവാൻ ശ്രമിക്കുമായിരുന്നുവെങ്കിലും എന്റെ അവഗണന മനസ്സിലായിട്ടാകണം അവനും പിന്നെ അവന്റെ ജീവിതവുമായി മുന്നോട്ട് നീങ്ങി … കോളേജ് ലൈഫിൽ അവസാന ദിനം അവനെയൊന്ന് കാണണമെന്നുണ്ടായിരുന്നവെങ്കിലും , കാത്തിരുന്ന് വൈകിയപ്പോഴാണ് ആ ആഗ്രഹവും ഉപേക്ഷിച്ചു ഞാൻ വീട്ടിലേക്ക് തിരിച്ചത് , ക്ലാസ് കഴിഞ്ഞത് കൊണ്ടാകണം പെട്ടെന്ന് വന്ന ഒരാലോചനയിൽ വീട്ടുകാർ സമ്മതം നൽകി എന്റെ വിവാഹം നടന്നപ്പോഴേക്കും പതിയെ റാഷിയെയും ഞാൻ മറന്നു തുടങ്ങിയിരുന്നു.

മൂന്ന് വർഷങ്ങൾക്ക് ശേഷം അവനെ കാണാൻ വേണ്ടി , ആ പാർക്കിലേക്ക് ഞാൻ തിരിക്കും മുമ്പേ അവൻ വിളിച്ച നമ്പരിൽ ഒന്നുടെ വിളിച്ചു ഞാൻ ഇറങ്ങിയെന്ന പറഞ്ഞപ്പോഴും ഞാൻ ഇവിടെയുണ്ടെന്ന് അവൻ മറുപടി നൽകിയിരുന്നു .. പാർക്കിൽ എത്തി സ്ഥിരം ഞങ്ങൾ ഇരിക്കുന്ന സ്ഥലത്തേക്ക് നടന്നടുത്തപ്പോഴേക്കും എനിക്ക് കാണാൻ കഴിഞ്ഞരുന്നു എന്റെ ഇഷ്ട കളർ ലൈറ്റ് ബ്ലൂ ഷർട്ടിൽ ചിരിച്ചു നിൽക്കുന്ന റാഷിയെ .. “എന്തെ കാണണമെന്ന് പറഞ്ഞതെന്ന് ” ചോദിച്ചു ഇടയിലുണ്ടായിരുന്ന നിശ്ശബ്ദതയെ മുറിച്ചത് ഞാൻ ആയിരുന്നു .. “ഒന്നും ഇല്ലെടോ , കഴിഞ്ഞ മാസം ജോലിയിൽ കയറിയിരുന്നു .. ആദ്യം കിട്ടിയ ശമ്പളം ഇഷ്ടമുള്ളവർക്ക് ചിലവാക്കാൻ തോന്നിയത് കൊണ്ട വീട്ടിൽ എല്ലാവർക്കും ഓരോ ജോഡി ഡ്രസ്സ് എടുത്തു , ഇഷ്ടമുള്ളതെന്ന് പറഞ്ഞപ്പോൾ ആദ്യം മനസ്സിൽ ഓടിയെത്തിയത് നിന്റെ മുഖമായിരുന്നു , അത് കൊണ്ട് തന്നെ ആദ്യം വാങ്ങിയ സമ്മാനവും നിനക്ക് തന്നെയായിരുന്നു “എന്ന പറഞ്ഞു കയ്യിൽ കരുതിയ പൊതി തുറന്നപ്പോഴേക്കും ഒരു റിങ്ങ് മൂക്കുത്തി തിളങ്ങി നിൽക്കുന്നുണ്ടായിരുന്നു … “ഇഷ്ടമാകുമോന്ന് അറിയില്ല , എങ്കിലും നീ ഇതൊന്ന് ഇട്ട കാണാണമെന്ന് ഒരു ആഗ്രഹമുണ്ട് “എന്നവന്റെ വാക്ക് കേട്ട് അത് വാങ്ങി ഇട്ടിട്ട് ഊരി അവന്റെ കയ്യിലേക്ക് കൊടുക്കാൻ നേരം , അവിടെ കിടന്നോട്ടെ എനിക്ക് കാണാൻ തോന്നുമ്പോൾ ദൂരെ നിന്നെങ്കിലും ഞാൻ കണ്ടിട്ട് പൊക്കോളാം എന്നവന്റെ വാക്കിൽ കണ്ണ് നിറഞ്ഞിരുക്കുന്നത് കണ്ടിട്ടാണ് ഞാൻ വീണ്ടും ആ മൂക്കുത്തി ഇട്ടത് … “ഞാൻ പൊക്കോട്ടെന്ന ചോദ്യത്തിന് , ചിരിച്ചു കൊണ്ട് തലയാട്ടിയിട്ട് , ഞാനൊരു പാവമായി പോയി അല്ലിയോടി .. ശപിക്കല്ലേ പെണ്ണെ ഒത്തിരി ഇഷ്ടം കൂടിയിട്ട് തന്നെയാ ഞാൻ നിന്റെ കാര്യങ്ങളിൽ അത്രത്തോളം സ്വാർത്ഥത കാണിച്ചതെന്ന് അവൻ പറഞ്ഞപ്പോഴും “, നിറഞ്ഞൊഴുകിയ എന്റെ കണ്ണുകൾ മനസ്സിലാക്കി തരുന്നുണ്ടായിരുന്നു , “ആത്മാർത്ഥമായ സ്നേഹമുള്ളിടത്തെ സ്വാർത്ഥതയും ഉണ്ടാകാറുള്ളൂ എന്നത് ….”

രചന : Shanavas Jalal

Comment your feedback

21/09/2019

രണ്ടാം വിവാഹം ...........................

“നിനക്ക് രണ്ടാം കെട്ട് ആണെങ്കിലും ഒരു കൊച്ചുള്ള പെണ്ണിനെ തന്നെ കെട്ടണോ അരുണേ നിനക്ക്..”വീട്ടുകാരുടെ വിവാഹം വിവാഹം എന്നുള്ള നിർബന്ധത്തിന് വഴങ്ങി ബ്രോക്കർ ഒരു ആലോചന കൊണ്ടു വന്നപ്പോ അതിങ്ങനെയും ആയി എന്ന അസ്വസ്ഥത അവനെ അലട്ടി..ഈ ബന്ധം നടത്തിയേ അടങ്ങൂ എന്ന തീരുമാനത്തോടെ ബ്രോക്കർ അമ്മയോട് പറഞ്ഞു,അതിന് ഈ പെൺകുട്ടിയുടെ ഭർത്താവ് ഇട്ടിട്ട് പോയതൊന്നും അല്ല,കല്യാണം കഴിഞ്ഞ് എട്ട് മാസം ആയപ്പോഴാണ് ജോലി സ്ഥലത്ത് ഒരു ആക്സിഡന്റ് പറ്റി മരിച്ചത്..പക്ഷേ ആ സമയം അവൾക്ക് അഞ്ചാം മാസമായിരുന്നു..ഇന്ന് ആറു വർഷം കഴിഞ്ഞു..മാത്രമല്ല അതിനു താഴെ രണ്ടു പെൺകുട്ടികൾ വേറെയുമുണ്ട്,ഈ പെണ്ണിന്റെ കാര്യം പറഞ്ഞും മറ്റും അതുങ്ങൾക്കും ആലോചന ഒന്നും വരുന്നില്ല..പിന്നെ ഒറ്റക്ക് എത്ര നാള് കഴിയും.അതും ഒരു പെങ്കൊച്ചാ വളർന്നു വരുന്നത്..പെൺകുട്ടിയുടെ അച്ഛന്റെ നിർബന്ധം കൊണ്ടാ ഇപ്പൊ ഇങ്ങനെ ഒരാലോചന..ദേവി എന്നാ പേര്,ദാ ഇതാ കുട്ടിയുടെ ഫോട്ടോ..ഇനി നിങ്ങള് തീരുമാനിക്ക്.”കാര്യം എന്റെ മോനും ഒരു രണ്ടാംകെട്ട് കാരനാണ്..പക്ഷേ,പിന്നീട് ആ പെണ്ണിന്റെ കുട്ടി നിനക്കൊരു ബാധ്യത ആവരുത്.”ഇത് കേട്ട് അരുൺ അമ്മയോടായി പറഞ്ഞു,അമ്മയ്ക്ക് അറിയാലോ,എന്ത് സന്തോഷത്തോടെ വിവാഹ ജീവിതം തുടങ്ങിയവനാ ഈ ഞാൻ,കല്യാണം കഴിഞ്ഞ് വെറും അഞ്ചു ദിവസം കഴിഞ്ഞപ്പോ അവള് അവന്റെ ഇഷ്ടക്കാരന്റെ ഒപ്പം പോയില്ലേ

വിവാഹത്തിന് മുൻപ് എടുക്കേണ്ട തീരുമാനം അവള് വിവാഹം കഴിയുന്നത് വരെ മാറ്റി വെച്ചു..എന്നിട്ട് എന്തായി എന്നെയും അമ്മയെയും ഉൾപ്പെടെ നമ്മുടെ കുടുംബത്തെ നാട്ടുകാരുടെ മുന്നിൽ നാണം കെടുത്തിയില്ലെ അവൾ..വിവാഹത്തിന് മുമ്പ് ഇഷ്ടക്കേട് കാണിച്ചപ്പോ മനസ്സിലാക്കണമായിരുന്നു..എന്തിനേറെ പറയുന്നു, വിവാഹം കഴിഞ്ഞുള്ള ആ അഞ്ചു ദിവസവും എന്നോട് കാണിച്ച വെറുപ്പ്..അതൊന്നും പറഞ്ഞിട്ട് കാര്യമില്ല, കാരണം പലതാണെങ്കിലും ഞാനും ഈ കുട്ടിയും രണ്ടാം കെട്ടുകാരാണ്..ജീവിക്കാനും സ്നേഹിക്കാനും അറിയുന്ന ഒരു കുട്ടിയാവും ഇത്..ബ്രോക്കർ പറഞ്ഞത് പ്രകാരം പെണ്ണിനെ കാണാൻ പോയപ്പോ അമ്മ അവരുടെ മുഖത്ത് നോക്കി തന്നെ പറഞ്ഞു,”ഈ കുട്ടിയെ ഇവിടെ നിർത്തണം എന്ന്..”അമ്മയുടെ മനസ്സ് ഇത്രയ്ക്ക് ദുഷിച്ചോ എന്ന് ചിന്തിച്ചു ഞാൻ..ദേവിയോട് ഞാൻ ഒന്നേ പറഞ്ഞുള്ളൂ, ഭർത്താവ് മരിച്ചിട്ട് ആറ് വർഷമെ ആയിട്ടുള്ളൂ,സാഹചര്യം കൊണ്ട് എന്നെ വിവാഹം കഴിക്കാനും ഒപ്പം ജീവിക്കാനും മനസ്സ് അനുവദിക്കില്ല എന്നറിയാം..എന്റെ കാര്യങ്ങളും ബ്രോക്കർ പറഞ്ഞിട്ടുണ്ടാവുമല്ലോ..പിന്നെ അമ്മ പറഞ്ഞത് മോളെ കൂടെ കൂട്ടണ്ട എന്നാണ്..അതൊക്കെ കേട്ട് കരയുമായിരുന്ന ഭാവം അടക്കി പിടിച്ചു നിന്നു ദേവി..അവളോട് സംസാരിച്ചു കൊണ്ട് നിന്നപ്പോ ദേവിയുടെ അനിയത്തിമാരുടെ അടുത്ത് നിന്നും അമ്മേ എന്ന് വിളിച്ചു കൊണ്ട് ദേവിയുടെ മോള് ഓടി വന്നു..ഞാൻ മനഃപൂർവം തന്നെ ആ കുഞ്ഞിനോട് ഒന്നും തന്നെ മിണ്ടിയില്ല..ദേവിയുടെ അച്ഛൻ കുട്ടിയെ ഞങൾ ഇവിടെ നിർത്താം,ദേവിയുടെ അനിയത്തിമാർ ഇപ്പൊ ഇവിടെ ഉണ്ടല്ലോ പിന്നീട് എന്തെങ്കിലും ചെയ്യാമെന്ന് പറഞ്ഞപ്പോ ആ മനുഷ്യന്റെ കണ്ണുകൾ നിറഞ്ഞിരുന്നു..ഒരു മാസത്തിനുള്ളിൽ തന്നെ വിവാഹം ഉണ്ടായിരുന്നു

സന്തോഷത്തോടെ കതിർ മണ്ഡപത്തിലേക്ക് വരേണ്ട കല്യാണപെണ്ണ് കരഞ്ഞു കലങ്ങിയ കണ്ണുകളുമായാണ് വന്നത്..അപ്പോഴും ഞാൻ മനസ്സിൽ ഉള്ളുരുകി പ്രാർത്ഥിച്ചത് ദേവിയുടെ കണ്ണീർ എനിക്ക് ശാപമായി മാറല്ലെ എന്നായിരുന്നു..അവളുടെ അച്ഛൻ ദേവിയെ എനിക്ക് കൈപിടിച്ച് തന്നപ്പോ വിങ്ങിപ്പൊട്ടി..അവളെയും കൊണ്ട് അവിടുന്ന് യാത്ര പറഞ്ഞിറങ്ങാൻ നേരം ദേവി അവളുടെ മകളെ കെട്ടിപിടിച്ച് കരഞ്ഞു..കാര്യമറിയാതെ ആ കുഞ്ഞു മനസ്സ് അവളുടെ അമ്മയുടെ കൂടെ പോകാൻ വാശി പിടിച്ചു..അവളുടെ അനിയത്തിമാർ ആ മോളെ അകത്തേക്ക് കൊണ്ട് പോയി..എന്റെ വീട്ടിലേക്ക് കാറിൽ തിരിച്ചപ്പോ ദേവിയുടെ മുഖത്ത് മകളെ പിരിഞ്ഞ വിഷമം ഇല്ലായിരുന്നു..കാരണം,കാറിൽ ഞങ്ങളുടെ നടുക്ക് എന്റെ ദേവിയുടെ കുഞ്ഞ് മോള് ഉണ്ടായിരുന്നു..ദേവിയുടെ അല്ല,ഞങ്ങളുടെ മോള്..വിവാഹ പന്തലിൽ വെച്ച് ദേവിയുടെ മുന്നിൽ കൂടെ ആ മോളെ അകത്തേക്ക് കൊണ്ട് പോയപ്പോ ഞാൻ ദേവിയോട് ഒന്നേ പറഞ്ഞുള്ളൂ,”ഇന്ന് മുതൽ നീ എന്റെ ഭര്യയാണെങ്കിൽ നീ ജന്മം നൽകിയ ഈ മോള് എന്റെയും കൂടിയാണ്..നമ്മൾ ഒന്നിച്ച് എന്റെ വീട്ടിൽ ഒരു പുതിയ ജീവിതം തുടങ്ങും..എന്നെ അംഗീകരിക്കാൻ കഴിയില്ല എന്നറിയാം..ഞാൻ കാത്തിരിക്കാൻ തയ്യാറാണ് എത്ര നാള് വേണമെങ്കിലും..”ഇന്നിപ്പോ ഞങ്ങളുടെ വിവാഹം കഴിഞ്ഞിട്ട് മൂന്ന് വർഷമായി..ഞാനാണ് ഞങ്ങളുടെ മോളെ സ്കൂളിൽ കൊണ്ടാക്കുന്നത്,അവൾ ജനിക്കും മുൻപേ അവൾക്ക് ജന്മം കൊടുത്ത അവളുടെ അച്ഛനെ എന്നിലൂടെ കണ്ടിരിക്കണം..കളിയും ചിരിയുമായി എന്റെ അമ്മയുടെ മനസ്സിലും സ്നേഹം കൊണ്ടൊരു കൂടുണ്ടാക്കി ആ കാന്താരി മോള്..ആദ്യമൊക്കെ അകലം പാലിച്ചിരുന്ന ദേവി പതിയെ പതിയെ അവളോടുള്ള എന്റെ സ്നേഹത്തെയും പരിഗണിച്ച് തുടങ്ങിയിരുന്നു

രചന: ജിഷ്ണു രമേശൻ