ဘဝအတွက်စာပေ (2024)

06/06/2023

ကိုယ်နဲ့ တစ်ခါလောက် လျှောက်လည်ဖူးရုံ
ကိုယ်နဲ့ တစ်ခါလောက် ရယ်မောဖူးရုံနဲ့
ကိုယ့်ဘဝရဲ့ မှန်ကန်တဲ့ သူငယ်ချင်း
True Friend လို့ သတ်မှတ်လို့ မရပါဘူး။

လူတွေဟာ အစပိုင်းမှာ ဟန်ဆောင်မှုတွေ ရှိပါတယ်။
သူတို့ရဲ့ ကောင်းမွန်တဲ့အခြမ်း
Bright Side တွေသာ မြင်ရပါတယ်။
ပေါင်းသင်းရင်း အချိန်တစ်ခုရောက်တဲ့အခါမှ
မျက်နှာဖုံးတွေဟာ ကွာကျလာပါတယ်။
အမှန်တရားတွေဟာ ပေါ်ထွက်လာပါတယ်။
Dark Side တွေဟာ ပီပြင်လာပါတယ်။

အဲ့ဒီအခါ သူနဲ့ကိုယ် အံဝင်ခွင်ကျဖြစ်တယ်ဆိုရင်
ပေါင်းသင်းမှုဟာ ဆက်ပြီး တည်မြဲပါတယ်။
Friend ကနေ True Friend အဖြစ် ခရီးဆက်ပါတယ်။

True Friend တစ်ဦး ဖြစ်ဖို့အတွက်
နှစ်နဲ့ချီ အချိန်ယူရပါတယ်။
နှစ်နဲ့ချီ ရင်းနှီးမှုရှိရပါတယ်။
နှစ်နဲ့ချီ နီးကပ်မှုရှိရပါတယ်။
ပေါင်းသင်းဖြစ်တာ ၅ နှစ်လောက် ရှိပြီဆို
Long-Time Friend ဖြစ်လာပြီး
၁၀ နှစ်ကျော်သွားပြီဆိုရင်တော့
Lifelong Best Friend ဖြစ်လာပါတယ်။

True Friend ရဲ့ လက္ခဏာတွေကတော့ အများကြီးပါပဲ။
ယေဘုယျ ချုံပြောရမယ်ဆိုရင်

1. ကိုယ်ဟာ ရေနစ်သလို၊ ချောက်ကမ်းပါးအစွန်းရောက်နေသလို ကူကယ်ရာမဲ့နေတဲ့အချိန်တိုင်းမှာ လက်ကမ်းပေးနိုင်သူ ဖြစ်ပါတယ်။ ကိုယ့်အတွက် ကူညီနိုင်တာမှန်သမျှ အင်တိုက်အားတိုက် ကူညီပေးတတ်သူ ဖြစ်ပါတယ်။

2. ကိုယ့်ရဲ့ အကောင်းဆုံး version ကို ပေါ်ထွက်လာအောင် push လုပ်ပေးနိုင်သူ ဖြစ်ပါတယ်။ အားသာချက်တွေကို ထင်ပေါ်စေပြီး အားနည်းချက်တွေကို မှေးမှိန်စေပါတယ်။ Bright Side ကို ပိုမိုတောက်ပစေပြီး Dark Side ကို အလင်းပေးပါတယ်။ လမ်းမှားဆို တားပြီး လမ်းမှန်ကို ပို့ပေးပါတယ်။

3. အတူတူရှိတိုင်း ပျော်ရွှင်ရစေတယ်။ အားပါးတရ အူတွေနာတဲ့အထိ ရယ်မောရစေတယ်။ Positive Energy မှန်သမျှ သူနဲ့အတူဆို ထွက်ပေါ်လာပါတယ်။

4. ကိုယ့်ဘဝရဲ့ ကောင်းတဲ့အချိန်ပဲ ဖြစ်ဖြစ်၊ ဆိုးတဲ့အချိန်ပဲ ဖြစ်ဖြစ် ကိုယ့်အနားမှာ stuck ဖြစ်နေတတ်သူ ဖြစ်ပါတယ်။ အမြဲအတူ ရှိနေတတ်သူ ဖြစ်ပါတယ်။

5. ကိုယ့်ဘဝရဲ့ အရေးပါတဲ့ရက်စွဲတိုင်းမှာ ပါဝင်နေတတ်တဲ့သူ ဖြစ်ပါတယ်။ သူ့ကိုလည်း ကိုယ်က ဘယ်တော့မှ မမေ့သလို သူကလည်း ကိုယ့်ကို ဘယ်တော့မှ မမေ့ပါဘူး။

6. သူ့ကို ရင်ဖွင့်ရတာ သက်သောင့်သက်သာ ရှိပါတယ်။ ကိုယ့်အပေါ် မကောင်းထင်သွားမှာ၊ ကိုယ့်နောက်ကျောကို ဓားနဲ့ထိုးမှာကို ဘယ်တော့မှ စိတ်ပူစရာ မလိုပါဘူး။

7. တစ်ဦးနဲ့ တစ်ဦးမှာ လျှို့ဝှက်ချက်တွေ သိပ်ကို နည်းပါးပါတယ်။ Boundaries တွေ ရှိသင့်သလောက် ရှိရမယ်ဆိုပေမယ့် သူနဲ့ဆို နှစ်ကိုယ့်တစ်စိတ်လို အင်မတန် နီးကပ်ပါတယ်။ ယုံကြည်မှုအပြည့် ရှိပါတယ်။

8. လူချင်းဝေးနေရင်တောင် စိတ်ချင်းအမြဲ နီးကပ်နေသူဖြစ်ပါတယ်။ ဘယ်လောက်ဝေးဝေး ဆက်သွယ်ရတာ မခက်ခဲတဲ့သူ ဖြစ်ပါတယ်။

ဒါတွေဟာ True Friend တစ်ဦးရဲ့
main characteristics တွေပါပဲ။

ဒီနေ့ခေတ်ကြီးထဲမှာ ယုံကြည်မှုဆိုတာ
အင်မတန် အဖိုးတန်ပြီး အရေးကြီးပါတယ်။
လူတစ်ယောက်ကို အပေါ်ယံပေါင်းသင်းဖူးရုံနဲ့
ကိုယ့်ရဲ့ ယုံကြည်မှုတွေ ပေးမိမယ် ..
ကိုယ့်ရဲ့ လျှို့ဝှက်ချက်တွေ ဖွင့်ပြောမိမယ် ..
ကိုယ့်ရဲ့ အားနည်းချက်တွေ ပြသမိမယ် .. ဆိုရင်

နောက်ကျော ဓားနဲ့ ထိုးခံရနိုင်ပါတယ်။
ချောက်ထဲ တွန်းချခံရနိုင်ပါတယ်။
ဘဝတစ်ခုလုံး အဆိပ်ခတ်ခံရနိုင်ပါတယ်။
သူငယ်ချင်းအမှတ်နဲ့ ယုံမှားမိလို့
ဒုက္ခရောက်သွားကြသူတွေ အများကြီးပါပဲ။

ဒါကြောင့် Friend ဖြစ်ရုံနဲ့
အပြည့်အဝ မယုံကြည်ရပါဘူး။
True Friend အဆင့်ရောက်မှ စိတ်ချရပါမယ်။
True Friend ဖြစ်ဖူးတဲ့သူတွေဟာ
အခန့်မသင့်လို့ လမ်းခွဲရရင်တောင်
ကိုယ့်ကို ဒုက္ခဖြစ်စေမယ့်သူ မဟုတ်ပါဘူး။

06/06/2023

နေ့စဉ်ဘဝ ရှင်သန်ခြင်းများ 🪻🍀🌼

05/06/2023

" စိတ်တွေပင်ပန်းလာတဲ့ အခါ "

ဘယ်သူမှ မရှိတဲ့နေရာလေးမှာ
တစ်ယောက်တည်း တိတ်တိတ်လေး
ငိုကြွေးချင်တယ် . . .

စိတ်ပင်ပန်းမှုတွေ ပြေပျောက်သွားတဲ့
အထိ ကိုယ် မျက်ရည်ကျချင်တယ် . . .

လောကကြီးမှာ ရှိတဲ့ ကိုယ် ပိုင်ဆိုင်သမျှ
အရာအားလုံးနဲ့ အဝေးဆုံးနေရာမှာ နေချင်မိတယ်

စိတ်ပင်ပန်းခြင်းတွေ ပျောက်အောင်လို့လေ

ရွှေတွေ ငွေတွေ ဂုဏ်တွေ ရာထူးတွေ
အောင်မြင်ခြင်း ကျရူံးခြင်းတွေရဲ့ အဝေးဆုံး
နေရာလေးပေါ့ . . .

ချည်နှောင်စရာ သံယောဇဥ် ကြိုးတွေ
မရှိတဲ့ နေရာ ဘယ်သူမှမရှိတဲ့ နေရာလေးဆို
ပိုမှန်လိမ့်မယ်. . .

ပကာသနတွေနဲ့ အဝေးဆုံးသော နေရာ

သဘာဝအလှတွေနဲ့ ပြည့်စုံနေတဲ့
နေရာလေးမှာ ကိုယ့်ရဲ့ စိတ်ပင်ပန်းခြင်းတွေကို
မေ့ဖျောက်ချင်တယ်. . .

လှပပြီး စိမ်းစိုတဲ့ တောအုပ်လေးမှာ
ဝေဆာနေတဲ့ ပန်းကလေးတွေကို ငေးကြည့်ပြီး
အသက်ဝဝရူလိုက်ချင်မိတယ်. . .

သဘာဝ လေပြေတွေခံစားနိုင်ဖို့
တောင်တန်းလေးပေါ်မှာ ထိုင်ပြီး
ငှက်ကလေးတွေရဲ့ သီဆိုဖျော်ဖြေသံ
ချိုချိုလေးကို နားဆင်ချင်တယ်. . .

ဒီလောက်ဆိုရင် ကျနော်ရဲ့
စိတ်ပင်ပန်းမှုတွေ ပြေပျောက်ပြီး
ထင်ပါတယ်. . . ။

#ဆုမြတ်နိုး (𝐰.𝐬)

04/06/2023

1.6.2023 ဖူးမြော်ရသော
ဆရာတော်ကြီးဘုရားကြီး ၏
ရုပ်ကလာပ်တော် 🙏🙏🙏😪
နောက်(၄)ရက်ပဲ ဖူးတွေ့ခွင့်
ရှိတော့မယ်ဘုရား🙏😭😭
🙏🌷🙏🌷🙏🌷🙏

03/06/2023

အတန်းပိုင်ဆရာတစ်ဦးက
မိဘအုပ်ထိန်းသူတွေကို
ဒီလိုစာတစ်စောင် ရေးပို့သတဲ့။

"အမှတ်ကောင်းသည်ဖြစ်စေ၊
မကောင်းသည်ဖြစ်စေ
ကလေးတိုင်းက မျိုးစေ့လေးတွေပါ။
သူတို့ရဲ့ ပန်းပွင့်ချိန်တွေ မတူကြပါဘူး။
တချို့က အချိန်စောပြီး ပန်းပွင့်တယ်၊
တချို့က ပန်းပွင့်ဖို့ အချိန်ယူရတယ်။
ကိုယ့်ရဲ့အဲဒီမျိုးစေ့လေး
ပန်းမပွင့်သေးလို့ဆိုပြီး မစိုးရိမ်ပါနဲ့၊
ဂရုတစိုက်နဲ့ ဖြည်းဖြည်းချင်း
ပြုစုပျိုးထောင်ပေးပါ၊
မိုးရေ၊ နေရောင်ရဲ့ပက်ဖြန်းမှုကို
သူတို့နဲ့အတူတကွ ခံယူတာဟာလည်း
ချမ်းမြေ့ခြင်းပဲ မဟုတ်လား။
သူ့မှာ ပန်းပွင့်ချိန်ရှိတယ်ဆိုတာကို
ယုံကြည်ပေးပါ။
တကယ်လို့ သင့်ရဲ့အဲဒီမျိုးစေ့လေးက
ပန်း လုံးဝမပွင့်တတ်ခဲ့ဘူးဆိုရင်တောင်
သူဟာ အရိပ်ကောင်းတဲ့ သစ်ပင်တစ်ပင်တော့ ဖြစ်လာမှာပါ"။

💌

#နိုင်းနိုင်းစနေ

03/06/2023

Li Liစိန်ရတနာဆိုင် ရဲ့ အဖြစ်ကို နမူနာယူကြ

ကိုယ့် ရဲ့ အားနည်းချက်ကို ဘယ်သူ့မှ မသိစေနဲ့ ဆိုတဲ့အချက်ပဲ

ဆိုင်ပိုင်ရှင် ကလေးမ ပုံစံက သူ့ရဲ့ ပါဆင်နယ် ကိစ္စ တစ်ခု ကို လူသိမခံချင်လို့ အလျော့ပေးလိုက်ရတဲ့ပုံစံလေး။

ကျနော်ပြောခဲ့ဘူးတယ် မလား

မိတ်ဆွေ အချို့က သူတို့အတင်းပြောဖို့ အကြောင်းအချင်းအရာရှာသလို မိမိကို လာပေါင်းတဲ့အချိန် ကိုယ်က စိတ်နှစ်ပြီး အကုန်မတိုင်ပင်မိစေနဲ့လို့။

ထိုမိတ်ဆွေတွေကပဲ ကိုယ့်ကို ဖောင်းထုကြတာ ချိုးနှိမ်ကြတာ ကဲ့ရဲ့ကြတာ တိုက်ခိုက်ကြတာ ပဲ။

ကိုယ်က ပေးခဲ့ဘူးတဲ့ကျေးဇူးတရားတွေကို တောင် သတိမရကြတော့ဘူး။

ငွေလည်း ဆုံး ပစ္စည်းလည်းဆုံး မိတ်ဆွေလည်းဆုံး စိတ်ဓာတ်စွမ်းအင်လည်းဆုံး သိက္ခာတွေလည်းဆုံး ရတဲ့ အဖြစ်ကို မိတ်ဆွေ ဆန်သူက ရရှိပါတယ်။

စီးပွားရေး ကို စီးပွားရေးလို မလုပ်တဲ့ ညီမ ကို စိတ်တို ပေမယ့် ။ကိုယ်တိုင်လည်း ကြုံဖူးခံစားဖူးတော့ နားလည်တယ်။

ဒါ့ကြောင့် အသက်ကြီးလာတာနဲ့ အမျှ မိတ်ဆွေ များဖို့ထက် မိတ်ဆွေ စစ် ဖို့ဆိုတာ နားလည် လာတယ်။

သတ္တဝါ‌ေတွကိုထမင်းကျွေးတိုင်း ပြန်မကိုက်ဘူးမထင်နဲ့။ ကိုယ်ကျွေးတဲ့ ထမင်းစားပြီး ပြန်ဟောင် ပြန်ကိုက်တတ် တဲ့ သတ္တဝါဆိုလို့ လူပဲ ရှိတယ်ဆိုတာ သတိရ။

ပညာယူကြပါ။မိတ်‌ေဆွရဲ့ အတွင်းရေးဟာ မိမိရဲ့ နိူင်ကွက်လို့ ထင်နေသမျှ သူတိုင်း ဘယ်တော့မှ မတောက်ပ ပါဘူး။

🥰🤌🥰

Edit နောက်တစ်ချက်လည်း မှတ်ထား လူတိုင်းမှာ အားနည်းချက်ရှိတာမို့ ကိုယ့်အားနည်းချက်ရှိတယ်ဆိုပြီး ကြောက်ရွံသိမ်ငယ်နေစရာလည်းမလိုဘူး။ ဒီကမ္ဘာ လူတိုင်း မဖြူစင်ကြတာမို့ ဒီလိုတိုက်ခိုက်ခံရရင် လည်း အထီးကျန်မနေနဲ့ပါနဲ့။💪

Credit Dath Tha Gyi

02/06/2023

မြင်ဖို့တွေ့ဖို့ မလွယ်တဲ့ တိမ်ရောင်တန်း 🪸🪸

02/06/2023

တစ်သက်နဲ့တစ်ကိုယ်
အခုမှမြင်ဖူးကြားဖူးတာပါ

အောင်ပန်းစျေးမှာ
နေ့တိုင်း
မြေကြီးခဲ
လာရောင်းတဲ့
မို့အို။

စားလို့ရတဲ့မြေခဲလေးတွေပါ။

မြေခဲတိုင်းစားလို့မရပါဘူး။

ပအိုဝ်းလူမျိုးအခေါ်အဝေါ်က

*ဟမ်းတော့* လို့ခေါ်တယ်။

မြေကြီးတော့ဟုတ်တယ်၊
ရိုးရိုးမြေကြီးတော့ မဟုတ်ပါဘူး။

လွယ်လွယ်နဲ့ရှာလို့မရပါဘူး။

ဒီစားလို့ရတဲ့မြေကြီးတွေက
နေရာသက်သက်ရှိပါတယ်။

များသောအားဖြင့်
အဖိုးအဖွားတွေကြိုက်ကြတယ်။

အစာပြေပေါ့။
ထမင်းစားပြီးရင် စားကြတာများတယ်။

တချို့ကြ စားတာစွဲသွားရင်
မစားဘဲမနေနိုင်ဖြစ်သွားပါတယ်။

နို့ဆီဘူးတစ်ဗူး ငါးရာကျပ်ပါ။

အရသာက စိမ့်ပါတယ်။
ထုံးဓါတ် အနည်းငယ်ပါပါတယ်။
အနည်းငယ်စပ်ပါတယ်။

ရှမ်းလို 'လျင်ဟွမ်' လို့ခေါ်တယ်။

ဗမာလိုကျ 'မြေကြီးမွှေး' လို့
အဓိပ်ပါယျရတယျ။

ရှမ်းပြည်တောင်ပိုင်းမှာဆို
ပအိုဝ်းလူမျိုးတွေ အစားများတယ်။

ရောင်းနေတဲ့အဖွား

သနားလည်းသနားမိ၊
ချစ်ဖို့လည်းကောင်းလိုက်တာ

01/06/2023

လာဘ်ပိတ်နေလျှင်
ဥသျှစ်ရွက် စားပေးပါ

စားပြီး ကရဝေးရွက်နဲ့အတူပိုက်ဆံအိတ်ထဲ
ထည့်ပေးပြီးရင်
ပိုက်ဆံလေးရေ လာခဲ့ပါတော့ငါ့မှာနင်မရှိလို့မဖြစ်ဘူးနော်လို့
ပြောပြီးပုတ်ပေးပါ

ကရဝေးရွက်က၇ရင်ပြည့်ရင်မီးရှို့ပြီးအငွေ့ကိုပိုက်ဆံအိတ်ပတ်ပေးပါ

ဥသျှစ်ရွက်က သင့်ရာနေရာပစ်ပေးပါ

ဥသျှစ်ရွက် နဲ့ကရဝေးရွက်ကိုပိုက်ဆံအိတ်ထဲ အတူ ၇ရက်လုံးထည့်ရမှာပါ

ရက်ပြည့်မှ ကရဝေးရွက်မီးရှို့ပါ

ဥသျှစ်ရွက်က သင့်လျှော်တဲ့နေရာပစ်ပါ

မူရင်းတင်ပေးသူအားလေးစားလျှက် 🙏

31/05/2023

အုတ်တွင်းကတဲ့ တော်လိုက်တာ😍😍
သိန်း 120 တန် မေးခွန်းကို
အောက်မှာ ရေးပေးထားပါတယ်။

( ၁၀ ) ကြိမ်မြောက် သုတစုံလင်ဗုဒ္ဓ၀င် ပြိုင်ပွဲ၌
သိန်း 60 ဖြင့် Winner ဖြစ်ခဲ့သော မောင်စိုးသူရထွန်း ပဲခူးတိုင်း အုတ်တွင်းမြို့ ဂုဏ်ဆောင်
ရေအိုးစင် ဓမ္မစကူးလ်မှ ဖြစ်ပါတယ်။

ကျွန်တော်တို့ သားသမီးတွေလဲ ဂိမ်းစွဲနေတဲ့ချိန် မြန်မာနိုင်ငံလုံးဆိုင်ရာ သုတစုံလင်ဗုဒ္ဓ၀င် ပြိုင်ပွဲကြီးရဲ့ ( ၁၀ ) ကြိမ်မြောက် ပြိုင်ပွဲကြီးရဲ့ Winner
ပေါ်ထွက်လာခဲ့ပါပြီ။

မနေ့က တိုက်ရိုက်ထုတ်လွှင့်မူ့ဖိုင်နယ်ပွဲကို
ကြည့်လိုက်ရတယ်ဗျ ။ ဒီကလေး ဖြေဆိုသွားတာတွေ အေးချမ်းပြီး တည်ငြိမ်နေတာပဲ ။
တချို့မေးခွန်းတွေ အောက်က ပရိတ်သတ်တွေ
သိဖို့ ဝေးစွ ၊ ဗုဒ္ဓ၀င် အတွဲအားလုံးကို
သေချာလေ့လာထားတဲ့ သူတွေတောင်
တခါတ‌လေ ဇေဝဇဝါပဲ။ ဒီကလေးက တစ်ခုချင်း
လက်အုပ်လေး ချီပြီး အေးဆေး တည်ငြိမ်စွာ
ဖြေသွားပါတယ်။ ကြည့်ရတာလဲ
အတော် အားရကျေနပ်ဖို့ ကောင်းတယ်။

သိန်း 60 တန် မေးခွန်းထိ အေးဆေး ဖြေနိုင်ခဲ့တယ်။ နောက်ဆုံး ဖိုင်နယ်မေးခွန်းဖြစ်တဲ့ သိန်း 120 တန်
မေးခွန်းမှာ ဇဝေဇဝါ ဖြစ်ဟန်တူပါရဲ့

ဖြေဆိုမှုကို သိန်း 60 နဲ့ ရပ်တန့်မလား❓
ဆက်ဖြေလို့ မှားသွားရင် ရထားတဲ့
သိန်း 60 ဆုံးရှုံးမယ်။
ဆက်ဖြေလို့ မှန်သွားခဲ့ရင်တော့
သိန်း 120 နဲ့ Winner ဖြစ်မယ်။
က‌လေးက သိန်း 60 မေးခွန်းထိပဲ ယူပြီး
နောက်ဆုံး သိန်း 120 တန် မေးခွန်းကို
ရပ်တန့်လိုက်တယ် ဆက်မဖြေတော့ဘူး။

ကိုကျော်ထက်အောင်နဲ့ ဘုန်းဘုန်းက သေချာအောင်နောက်တစ်ကြိမ် ထပ်ပြီး အခွင့်ရေးပေးတယ်
ရှေ့ဆက် ကစားမလား နားမလားပေါ့။
ကလေးက ဘဲလ် တီးပြီး ပြိုင်ပွဲကို
ရပ်နားလိုက်တဲ့အတွက် သိန်း 60 နဲ့ပဲ
Winner ဖြစ်ခဲ့ရတယ်ပေါ့။

ဒါပေမဲ့ ဘုန်းဘုန်းက သိပ်မကျေနပ်ဘူး။
ဒီကလေးရဲ့ ဇကို သိတဲ့အတွက်
အစမ်းလေးတော့ ဖြေသွားပေး သားရယ်ပေါ့။
ကလေးက ပြုံးပြီး ဖြေကြည့်ပါ့မယ် ဘုရားပေါ့။

အဖြေက အနာဂါမ် ဆိုပြီး သွားမှန်နေပြန်ရော။
သိန်း 120 တော့ မရတော့ဘူး။
ဒါပေမဲ့ ဒီကလေး တော်တယ်ဆိုတာ
အားလုံးသိပြီးသားမို့ 120 တန် မေးခွန်းလဲ
မှန်မယ်ဆိုတာ သိလို့ ဖြေခိုင်းခဲ့တာပါ။

ဒီမေးခွန်းအဖြေကို ကိုကျော်ထက်အောင်ရော
အောက်က ကြည့်နေတဲ့ ပရိတ်သတ်တွေရော
မသိခဲ့ပါဘူး။ ဗဟုသုတ တိုးသွားခဲ့ပါတယ်။

ဒါကြောင့် ဒီနှစ်တော့ သိန်း60နဲ့ Winner
ဖြစ်ခဲ့တာကြောင့် နောက်နှစ်မှာ
ဖြေရမဲ့ ပြိုင်ပွဲ၀င်တွေဟာ
ဒီနှစ် သိန်း120 ကို သိန်း 60 ထပ် ပေါင်းပြီး

နောက်နှစ် Winner ဟာ သိန်း
180 အထိ ရရှိသွားမှာ ဖြစ်ပါတယ်။

" သိန်း ၁၂၀ တန် မေးခွန်း "❓
=======================

သာကီ၀င်မင်းသား ၆ ဦး + ဥပါလိဆတ္တာသည်တို့

ရှင်ရဟန်းပြုချိန်တွင် သုဒ္ဓေါဒန မင်းကြီးသည်

လောကုတ္တရာ တရားထူး အမြင့်ဆုံး

ဘယ်အဆင့်ထိ ရရှိခဲ့သနည်း ။

အဖြေ = အနာဂါမ် လို့ ကလေးက

အစမ်းဖြေပြ သွားပါတယ်။

ပြိုင်ပွဲက သူရပ်တန့်ထားပြီးသားမို့
အဖြေမှန်ခဲ့သော်လည် သိန်း 60 နဲ့ သာ
ကျေနပ်လိုက်ရပါတယ်။

ရပ်တန့် ထားခဲ့ပြီးသားမို့ သိန်း 120 ကတော့
နောက်နှစ် Winner အတွက် ဖြစ်သွားခဲ့ပါပြီ။
နှမြောလိုက်တာ ညီလေးရာ ... ။

ဒါပေမဲ့လည်း ဂုဏ်ယူတယ် ညီလေးအတွက် 👏

ဗုဒ္ဓဘာသာကို မိရိုးဖလာသာသာအဖြစ် မခံပဲ
မိမိရင်သွေးငယ်တွေ ဘာသာတရားနဲ့ နီးစပ်အောင်
ဓမ္မစကူးလ်မှာ သင်ကြား ပြသပေးနေတာမို့
ပေါ့သေးသေးတော့ မထင်လိုက်ပါနဲ့။

ပြန်လည်မျှဝေပါတယ်

ပျော်ရွှင် အောင်မြင်ကြပါစေ

မေတ္တာသမားကြီး

30/05/2023

ဖတ်ရတာ တန်ဖိုးရှိလို့ ပါ 😇

အနီးဆုံး လူကပဲ ကိုယ်ကို ဒုက္ခပေးနိင်တာပါ.

အဲဒီနေ့ကပေါ့..ပဲခူး ရိုးမတောင်ခြေ
ဖဒိုမြို့မှာနေတဲ့ ကျွန်တော့်ကိုရန်ကုန်မှာနေတဲ့ မိတ်ဆွေတစ်ယောက်ကပျားရည်စစ်စစ်
တစ်ပုလင်းလောက် လိုချင်တယ်ဆိုပြီး
လူကြုံ မှာတယ်။

အမှန်တော့ ဖဒိုမှာလည်း ပျားရည်စစ်စစ်
ရှားပါတယ်
သစ်ခုတ်၊ဝါးခုတ်ရင်း
အမဲလိုက်တဲ့ လူတချို့ဆီကမှ
ရံဖန်ရံခါ ပျားရည်စစ်စစ် ရတတ်တာမို့
တောင်ပေါ်က ကရင်လူမျိုး
အသိတစ်ယောက်ဆီ ပျားရည်သွားမှာ ရတာပေါ့။

အခန့်သင့်တယ်ပြောရမလား မသိ
အဲဒီလူဆီမှာ မနေ့ကမှ ဖွတ်လာတဲ့
ပျားရည်ပုလင်းတစ်ချို့ ရလိုက်တယ်။

ဂျီတစ်ကောင်နောက်လိုက်ရင်း
ပျားအုံအသေးတစ်အုံတွေ့လို့ မီးခိုးမှိုင်းတိုက်ပြီး
ပျားရည်ဖွတ်ခဲ့ကြောင်း သူကပြောပြတယ်။

''ဝမ်းသာလိုက်တာဗျာ..
မြို့ကလူတွေက တောကနေ ပျားရည်မှာတိုင်း
အစစ်ရမယ် ထင်တတ်ကြတယ်..
ကျွန်တော့်မှာ တာဝန်ကြီးသဗျာ..
အတီးတို့ဆီကရမှ ပေးမယ်ဆိုပြီးတွေးထားတာ
ခုတော့ ရေကန်အသင့် ကြာအသင့်ပဲ..''

ပျားရည်ဝယ်ပြီး အိမ်ပြန်မယ်အလုပ်မှာ
အချိန်အခါမဟုတ် မိုးရွာချတာနဲ့
မုဆိုးကြီးအိမ်မှာပဲ မိုးခိုရင်း ဝင်ထိုင်ရတာပေါ့။

ဂျီသားမီးဖုတ်နေတဲ့ သူက တောအရက်လေး
သောက်သွားပါလားလို့ ဧည့်ခံတာနဲ့
ကျွန်တော်လည်း
ဘုရားလည်းဖူးရင်း လိပ်ဥတူးဆိုသလို
တစ်ခွက်တစ်ဖလား ဝင်မော့တယ်။

အရက်လေးသောက် ၊ ဂျီသားလေး မြုံ့ရင်း
တောအကြောင်း တောင်အကြောင်း
သူ့ အတွေ့အကြုံတွေအကြောင်း
စကားပြောကြရာက ပျားဖွတ်တဲ့ဆီ
စကားစ ရောက်သွားတယ်။

''အတီးရေ...
ကျွန်တော် လွန်ခဲ့တစ်လလောက်က
အသိတစ်ယောက်အိမ်ကို သွားလည်တုန်း
သူတို့သရက်ပင်အောက်မှာ ပျားတုတ်ခံရတာ
ထွက်ပြေးလည်း မလွတ်ဘူးဗျာ..
သုံးလေးချက် အတုတ်ခံလိုက်ရတာ
အီစလံဝေ သွားတာပဲ..
အတီးတို့ ပျားဖွတ်တဲ့အခါ ပျားအုံကို
မီးခိုးမှိုင်းတိုက်တော့
ပျားတွေ ထွက်မတုတ်ဘူးလားဗျ..''

ကျွန်တော်က မေးလိုက်တော့ သူက ရယ်ပြီး
''ပုဆိုးခြုံလိုက်ရင် လုံတာပဲလေ..''လို့
ခပ်နောက်နောက် ပြန်ဖြေတယ်။

ပြီးတော့မှ အရက်ကို တစ်ငုံသောက်
ပျစ်ခနဲ တံတွေးကိုထွေးလိုက်ပြီး
ဂျီသားတစ်ဖက်ကို ကောက်ဝါးလိုက်ရင်းမှ
သူက စကားဆက်ပြောတယ်။

''တကယ်ပဲ ပုဆိုးခြုံပြီး ပျားဖွတ်တာကွ..
ပျားသဘာဝကို ငါ့တူက မသိလို့..
သူတို့ ပျားအုံကို လူက လာထိတဲ့အခါ
ပျားတွေက ထွက်ပြီး အရင် စူးစမ်းတယ်..
အဲဒီအခါ လူက ကြောက်လို့ ထွက်ပြေးရော..
အဲဒါမှ ရန်သူဆိုတာ ကျိန်းသေလို့
အဲဒီလူကို ပိုမဲပြီးလိုက်တုတ်တာ..

မင်းစိတ် ရဲဖို့ပဲလိုတယ်..
သစ်ပင်အောက်တည့်တည့်ကို
ပုဆိုးခြုံလေးခြုံပြီး အသာလေးကပ်သွား..
ပြီးရင် အရေးအကြီးဆုံးက
ခန္ဓာကိုယ်ကို သစ်ပင်နဲ့ထိနေပစေ..
ဒါဆိုရင် ပျားတွေက အဲဒီလူကို
ရန်သူလို့မထင်တော့ဘူးကွ..
သူတို့တည်မှီရာ သစ်ပင်က သစ်ကိုင်း
တစ်ခုလို့ပဲ ထင်သွားတတ်ကြတယ်။

ပျားတွေဟာ
မီးခိုးမှိုင်းကြောင့် အဝေးမှာ ရန်သူလိုက်ရှာ
နေတုန်း အနီးဆုံးမှာရှိနေတဲ့ ငါက
အေးအေးဆေးဆေး ပျားဖွတ်တော့တာပဲ..
သူတို့ကို ဖြိုချတဲ့ ရန်သူဟာ
သူတို့နဲ့ အနီးဆုံးမှာ ငြိမ်နေတဲ့
သူတို့နဲ့ တစ်သားထဲ သစ်ပင်လို့ထင်နေတဲ့
ပုဆိုးခြုံထဲကလူလို့ မထင်ကြရှာဘူး..
ဟဲဟဲဟဲ...''

''....အို.....'''

ခဏအကြာမှာ မိုးစဲသွားပြီဖြစ်လို့
ကျွန်တော်လည်း သူ့ကို
နှုတ်ဆက်ပြီး အိမ်ပြန်လာခဲ့တယ်။

''သူတို့ကို ဖြိုချတဲ့ ရန်သူဟာ
သူတို့နဲ့ အနီးဆုံးမှာ ငြိမ်နေတဲ့ ၊
သူတို့နဲ့ တစ်သားထဲ သစ်ပင်လို့ထင်နေတဲ့
ပုဆိုးခြုံထဲက လူလို့မထင်ကြရှာဘူး..''ဆိုတဲ့
စကားသံကို နားထဲမှာ ပြန်ကြားနေရင်း
ရင်ထဲမှာအတွေးတွေ အုံ့အုံ့ပျံ့ပျံ့
ဝင်လာတယ်။

လိုချင်တာ တစ်ခုခုရှိလို့ ကိုယ့်အနားကို
မိတ်ဆွေအရေခြုံပြီး ကပ်လာကြတဲ့
လူတစ်ချို့အကြောင်း..။

အိုး...သိပ်ဖော်ရွေတာပဲ..
ကိုယ့်ကို သိပ်ပြီး နားလည်မှုရှိတာပဲ..
ကိုယ့်အပေါ် သိပ်ပြီး ဂရုစိုက်ပြတာပဲ..
သူတို့လောက်ကောင်းတဲ့သူ
ကမ္ဘာပေါ်မှာ မရှိတော့သလို
ဟန်ဆောင်ကောင်းတဲ့ ပျားဖွတ်သမားလို
လူတွေ လူတွေ..။

နှစ်ကိုယ့်တစ်စိတ်လိုမျိုး ကိုယ်အစစအရာရာ
ယုံကြည်သွားခါမှ သူတို့လိုချင်တာရဖို့
မီးခိုးမှိုင်းတိုက်ပြီး ကိုယ့်ကို
ပျက်ဆီးရာ ပျက်ဆီးကြောင်း ကြံကြပါလေရော..

ကိုယ့်မှာတော့ ရန်သူကို
ဟိုး..... အဝေးမှာလိုက်ရှာလို့..
ပုဆိုးခြုံထဲကပျားဖွတ်သမားကို ကိုယ့်အပင်က
သစ်ကိုင်း ထင်နေတဲ့ ပျားလို
အနီးမှာရှိနေတဲ့လူကို မိတ်ဆွေရင်းလို့
ထင်မိနေဆဲ..ယုံကြည်နေဆဲ..

လိုချင်တာ ရသွားတဲ့အချိန်(သို့မဟုတ်)
ကိုယ်လည်း ပျက်စီးနိမ့်ကျသွားတဲ့
အခါကျတော့ သူတို့လို လူမျိုးတွေဟာ
ကိုယ့်ကို ရှိတယ်တောင် မထင်..
လှည့်တောင် မကြည့်..
လမ်းတွေ့ရင်တောင် မမြင်ယောင်ဆောင်
ရှောင်ဖယ်သွားတတ်ကြတဲ့
ပျားဖွတ်သမားလို မိတ်ဆွေအရေခြုံထားတဲ့
လူတချို့ အကြောင်းတွေးမိပြီး
မချိပြုံး ပြုံးမိတယ်။
......................။

ရက်အနည်းငယ်အကြာမှာတော့ လမ်းကြုံတာနဲ့
ပျားရည်ပုလင်းလေးကို သေသေချာချာ
ထုတ်ပိုးပြီး ရန်ကုန်ကိုယူလာခဲ့ပါတယ်
မှာထားတဲ့မိတ်ဆွေကို ပျားရည်ပေးတော့
သူက ကျေးဇူးတင်ကြောင်း
အထပ်ထပ်ပြောရှာတယ်။

''အဖေ့အတွက် ဆေးဖော်ဖို့ လိုနေတာဗျာ..
ကျေးဇူးနော် ကိုစိုးထိုက်ရေ..''

ပျားရည်ပုလင်းလေးကို ဗီရိုထဲ
သိမ်းဆည်းပြီးနောက် အဲဒီမိတ်ဆွေက
ကျွန်တော့်ကိုစကားဆက်ပြောတယ်။

''အဖေ့ကိုပျားရည်နဲ့ဆေးဖော်တာ
မပြောရဲဘူးဗျ..
ပျားရည်ဆိုတာ အသိုက်အမြုံပျက်ပြီးမှ
ရလာတာမို့ မသုံးချင်ဘူးတဲ့လေ..
ဘယ်တတ်နိုင်မလဲဗျာ..
စိတ်တော့မကောင်းဘူးပေါ့.
ပျားတွေခမျာလည်း အဖိုးတန်ပျားရည်ကြောင့်
အသိုက်အမြုံပျက်ရရှာတာ သဘာဝပဲလေ..''

''ဗျာ...''

အမှတ်မထင် ပြောလိုက်တဲ့
မိတ်ဆွေရဲ့ စကားအဆုံးမှာ ကျွန်တော့်စိတ်ထဲ အတွေးတွေ ထပ်ဝင်လာပါလေရော။

အောင်မြင်မှု ဆိုတဲ့ ပျားရည်တွေ၊
ကျော်ကြားမှု ဆိုတဲ့ ပျားရည်တွေ၊
ရာထူးအာဏာဆိုတဲ့ ပျားရည်တွေ၊
ချမ်းသာမှု ဆိုတဲ့ ပျားရည်တွေ..
ဘဝတစ်လျှောက်လုံး
ကိုယ်ကြိုးစား ပမ်းစား တည်ဆောက်ထားတဲ့
သိပ်ချိုမြိန်ပါတဲ့ဆိုတဲ့ အဲဒီအရာတွေက
တစ်ခါတစ်လေမှာလည်း ကိုယ့်ကိုပြန်ပြီး
ဒုက္ခပေးနိုင်ပါလား..။

ကိုယ့်ကိုဖြိုချမယ့် သူတွေကို
လက်ယပ်ခေါ်နေတဲ့ ပျားရည်လို
ဂုဏ်ပကာသနတွေ ဖြစ်နေနိုင်ပါလား..။

အတွေးတွေ များနေစဉ်မှာပဲ
မိတ်ဆွေက ''ပျားရည်ဖိုး ဘယ်လောက်လဲ''
လို့ ကျွန်တော့်ကို မေးတယ်။

''အခကြေးငွေ မပေးပါနဲ့ဗျာ..
ဒီပျားရည်ပုလင်းလေးက
ကျွန်တော့်ကို အတွေးတွေအများကြီး
ပေးခဲ့တယ်..''လို့ သူ့ကိုပြောခဲ့ပါတယ်။

ကိုယ့်အနားကို ပုဆိုးခြုံပြီး ဝင်လာမယ့်
ပျားဖွတ်သမားလို
မိတ်ဆွေတုတွေ အကြောင်းရော..
အောင်မြင်မှု ကျော်ကြားမှု ချမ်းသာမှု
စတဲ့ ကိုယ်တည်ဆောက်ထားတဲ့
အရာတွေဟာလည်း
တစ်ခါတစ်လေမှာ ကိုယ့်ကို ဒုက္ခပေးနိုင်မယ့်
ပျားရည်တွေဖြစ်နိုင်တဲ့ အကြောင်းတွေရော
ဆင်ခြင်တွေးတောရင်း
အိမ်ကို ပြန်လာခဲ့ပါတော့တယ်။

Crd -ကိုစိုးထိုက်(ဖဒို)

30/05/2023

#နေ့ချင်းပြန်_ခရီး
---------------------

" ဟင်...
ဘုရားကလည်း မြန်လိုက်တာ …

ဒီနေ့ပဲ ပဋိသန္ဓေနေတယ်။
ဒီနေ့ပဲ ဖွားမြင်တယ်။
ဒီနေ့ပဲ တောထွက်တယ်။
ဒီနေ့ပဲ ဘုရားဖြစ်တယ်။
ဒီနေ့ပဲ တရားဦးဟောတယ်။
ဒီနေ့ပဲ ရေမီးအစုံအစုံ တန်ခိုးပြတယ်။
ဒီနေ့ပဲ နတ်ပြည်တက် တရားဟောတယ်။
ဒီနေ့ပဲ ပြန်ဆင်းလာတယ်။
ဒီနေ့ပဲ အာယုသင်္ခါရလွှတ်တယ်။
ဒီနေ့ပဲ ပရိနိဗ္ဗာန်ပြုတယ်။ ဆိုတော့
မြန်လှချည်လား
မနက်ဖြန် ယာဂုဘုဉ်းပေးချိန် အထိတော့
နေဖို့ကောင်းတယ်" တဲ့... ။

ဒီစကားတွေကို ပြောတာက
အလွန်မှ သက်တမ်းရှည်လှတဲ့
ဝရုဏနဲ့ ဝရဏ ဆိုတဲ့ နတ်နှစ်ပါးက ပြောတာပါ။

နတ်သား နှစ်ပါးဟာ
ဘုရားအလောင်း ပဋိသန္ဓေ ယူတော်မူမည် ဆိုကတည်းက
ဗုဒ္ဓဂုဏ်ကို ပူဇော်ဖို့အတွက် ပန်းသီနေကြတာ
ဘုရားသာ ပရိနိဗ္ဗာန် ပြုသွားတယ်
ပန်းသီလို့ မပြီးသေးဘူးတဲ့။

ဒါလည်း သဘာဝကျပါတယ်။
တာဝတိံသာနတ်သက် တစ်ရက်တောင် မပြည့်တဲ့
မြတ်စွာဘုရားရဲ့ သက်တော် ရှစ်ဆယ်ဟာ
နတ်တွေအနေနဲ့တော့ နေချင်းပြန်လို့ ဆိုရမှာပါပဲ။

အခု လူ့ဘဝရောက်နေတာ နေ့ချင်းပြန်ပါ။
ဒါကြောင့် ခဏတာ ရောက်လာသော အခိုက်မှာ
မလို ဒေါသ လို လောဘတွေနဲ့ အချိန်ကုန် မနေဖို့၊
မပြန်ခင်လေးမှာ တရားအလုပ်ကို ကြိုးစားလုပ်ဖို့ အတွက်
မျှဝေပေးခြင်းသာ ဖြစ်ပါတယ်။

Credit......။

ပြန်လည်မျှဝေသူ တဆင့်မျှဝေသူများအားလုံးကို ကျေးဇူးတင်ပါတယ်

29/05/2023

နိမိတ်ဆိုတာ ရှိတယ်လေနော် ❤🙏

ဒီနေ့ကစပြီး ရွှေ၊ငွေ၊အိမ်၊
လိုတိုင်းတရကြပါစေ🙏

တစ်ယောက်တည်း မရချင်ဘူး

ဒီပိုစ့်ကို မြင်တဲ့ သူ‌တွေနဲ့အတူတူရချင်တာ

ရွှေ ငွေ‌ ရတနာ ကား/တိုက်_အိမ်တွေအားလုံးဝင်ကြပါစေ🙏 ❤️❤️❤️

လိုချင်တာအကုန်ပြည့်ပါစေအကုန်ရပါစေ 🙏🙏🙏

လျစ်လျူမရှုလိုက်ပါနဲ့နော်.....❤
နောက်၂၄ နာရီအတွင်း ကံကောင်းခြင်းတွေ သင့်ဆီရောက်လာမှာပါ 🙏
Crd

29/05/2023

ဗန်းမော်ဆရာတော်ဘုရား၏အမှာစာ 🙏🏼🙏🏼🙏🏼

credit

28/05/2023

သူဌေးသား ဘောင်းဘီအပြဲဝတ်ထားရင်
စတိုင်လ်ပေါ့.
ဆင်းရဲသား အပြဲဝတ်တော့
စုတ်ပြတ်နေတာပေါ့..

မင်းသား မျက်လုံးနီနေတော့
အိပ်ရေးပျက်ရှာတယ်ပေါ့..
လူရွှင်တော် မကြျလုံးနီနတေော့
အရက်သောက်လို့ပေါ့..

စာတော်တဲ့ကျောင်းသား
ပုစ္ဆာအမှားကြီးတွက်ထားတော့
လျှံသွားတယ်ပေါ့
စာညံ့တဲ့ကလေး မှားတွက်တော့
ညံ့လွန်းတယ်ပေါ့..

ပိုက်ဆံရှိတဲ့သူဝတ်ထားတဲ့လက်စွပ်က
ရွှေအစစ်ပေါ့
ပလတ်စတစ်ကောက်တဲ့သူဝတ်ထားတဲ့
လက်စွပ်ကရွှေအတုပေါ့..

ခေါင်းပေါင်းဝတ်ထားရင်
အသိညဏ်ရှိတဲ့သူဖြစ်ပြီး
ဆိုက်ကားသမားက
အသိညဏ်နည်း စာမတတ်သူပေါ့..

စာရတဲ့ကျောင်းသားရဲ့စာစီစာကုံးကို
အဆုံးထိစိတ်ရှည်လက်ရှည်ဖတ်ပြီး
very good လို့မှတ်ချက်ပေးတယ်ပေါ့
စာမရတဲ့ကလေးရဲ့စာစီစာကုံးကို
နိဒါန်းနဲ့နိဂုံး နှစ်ကြောင်းလေးဖတ်ပြီး
ဆက်ကြိုးစားရန်လိုသေးသည်လို့
မှတ်ချက်ချတယ်ပေါ့.

သမီးအရင်း ချက်တဲ့ထမင်းပျော့ရင်
ဝါးရလွတ်ပြီး အစာကြေလွယ်တာပေါ့
ချွေးမ ချက်တဲ့ထမင်းပျော့ရင်
အိမ်ထောင်ရှင်မ မပီသတဲ့သူပေါ့..

တခါတခါ အထင်မကြီးတဲ့မျက်လုံးနဲ့
ကြည့်လိုက်ရင် အရာအားလုံးက
အပြစ်ပိုကြီးသွားသလိုဖြစ်သွားရော..
ခင်များတို့ကျုပ်တို့လွှင့်ပစ်မိလိုက်တဲ့
အမှိုက်ပုံးထဲက အမှန်တရားတွေဟာ
သိပ်နှမြောဖို့ကောင်းနေတတ်တယ်။

ဘယ်လိုပြောရမလဲဆိုတော့
မချစ်ရင် အပြစ်ကြီးဘဲ ပေါ့ဗျာ။

အပြစ်တင်ခြင်း မဟုတ်ပါ
လူ့သဘော လူ့မနောရဲ့ အခြေခံမှာကိုက
အကောင်းနဲ့အဆိုးဒွန်တွဲနေတယ်လို့ပဲ
ဆိုပါရစေ. .

တကယ်တော့ လူ့ဘဝဆိုတာ တိုတိုလေးပါခင်ဗျာ. . .

ခဏတာ ကြုံတွေ့ရတတ်တဲ့ လောကဓံရဲ့ ရိုက်ခတ်ခတ်မှုတွေကြား တစ်ဖက်စောင်းနင်း ဖြစ်မနေစေဖို့ မိမိကိုယ်ကို ပြုပြင်ယူရမယ် မဟုတ်လားခင်ဗျာ. . .

28/05/2023

လူတစ်ယောက်ဟာ ဘယ်လိုနေနေ
ကြည့်ကောင်းနေတယ်ဆိုရင်
သူ့မှာ အကြည်ဓာတ်ရှိ‌နေလို့ပါ 🦋

အကြည်ဓာတ်ဆိုတာ လွယ်လွယ်ပြောရရင်တော့
ကိုယ့်ရဲ့ အတွင်းစိတ်အမှန်က
ဖော်ကြူးနေတဲ့အရာတစ်ခု
(သို့မဟုတ်)
လူတစ်ယောက်ရဲ့ ပင်ကိုစိတ်ဓာတ်ကလာတဲ့
အာနိသင်တစ်ခု ဖြစ်ပါတယ်။
အကြည်ဓာတ်ဟာ ဘယ်လောက်ထိစွမ်းသလဲဆိုရင် …

1. လူချစ်လူခင် အရမ်းများတယ်။
လိုမှ လာခင်ကြတဲ့သူတွေ မဟုတ်ဘဲ စိတ်တူ၊ ကိုယ်တူဖြစ်ပြီး တန်ဖိုးရှိတဲ့လူတွေ အနားမှာ အမြဲရှိနေတတ်ပါတယ်။

2. ဩဇာညောင်းတယ်။
သူ့စကားဆို ယုံကြည်တာမျိုး၊ သူပြောရင် နားထောင်ချင်တာမျိုး၊ သူဦးဆောင်တာဆို အမြဲတမ်း လိုက်နာချင်တာမျိုးပေါ့။

3. အမုန်းတွေ မလာဘူး။
လူတိုင်းဟာ ချစ်တဲ့သူရော၊ မုန်းတဲ့သူရော ဘဝထဲမှာ မျှတစွာနေရာယူကြပေမယ့် အကြည်ဓာတ်ရှိတဲ့သူကတော့ ချစ်တဲ့သူတွေ ပိုများပြီး မုန်းတဲ့သူတွေ မရှိသလောက် နည်းပါတယ်။

4. အချစ်ရေးသာယာတယ်။
လူတွေဟာ အကြည်ဓာတ်ရှိတဲ့သူကို ဖြူစင်စွာပဲချစ်ကြတဲ့အတွက် ရည်းစားမပေါများပါဘူး။ ဒါပေမယ့် တစ်ဘဝစာလုံလောက်တဲ့ အချစ်တွေပေးနိုင်မယ့်သူမျိုးကို အကြည်ဓာတ်ရှိတဲ့သူဟာ ကျိန်းသေ ပိုင်ဆိုင်ရပါတယ်။

5. မျက်နှာမြင် ချစ်ခင်ပါစေဆိုတဲ့ ဆုကိုရထားတယ်။
ရုပ်ချောတာ၊ ရုပ်ဆိုးတာနဲ့ လုံးဝမဆိုင်ဘဲ မျက်နှာလေးမြင်တဲ့သူတိုင်း ချစ်ခင်နေကြပြီဆိုရင် ဒီလူဟာ အကြည်ဓာတ်တွေပြည့်နေလို့ပါ။

6. အသားအရေဝင်းပတယ်။
အကြည်ဓာတ်ရှိသူဟာ အသားဖြူတာ၊ အသားညိုတာနဲ့မဆိုင်ဘဲ အသားအရေဟာ ကြည်လင်ဝင်းပနေတတ်ပါတယ်။

7. အမြဲ တက်ကြွလန်းဆန်းနေတယ်။
အကြည်ဓာတ်ရှိတဲ့သူဟာ ဘယ်လောက်အလုပ်များများ အမြဲတက်ကြွနေနိုင်ပါတယ်။ ပင်ပန်းတယ်လို့ ဘယ်တော့မှ မရှိပါဘူး။

8. ကျန်းမာတယ်။
အကြည်ဓာတ်ရှိတဲ့သူဟာ ကျန်းမာရေးလည်းကောင်းပါတယ်။ ဖျားနာတာမျိုးဖြစ်ခဲတယ်။ ရောဂါကြီးကြီးမားမားလည်း မဝင်နိုင်ပါဘူး။

အကြည်ဓာတ်ဟာ
လုပ်ယူပြီး ရရှိဖို့တော့ မလွယ်လှပါဘူး။
ဘာလို့လဲဆိုရင် အကြည်ဓာတ်က
ပင်ကိုဗီဇအနေနဲ့ သဘာဝကရရှိတဲ့
အာနိသင်တစ်ခုဖြစ်တာ‌ကြောင့်ပါ။

ဒါပေမယ့် အကြည်ဓာတ်သမားတွေမှာ
ဒီလိုအရာတွေ လုံးဝမရှိပါဘူး။

🚫 မနာလို ဝန်တို စိတ်ပုပ်ခြင်း
🚫 ဒေါသကြီးခြင်း
🚫 အမုန်းတရား အငြိုးအတေး များခြင်း
🚫 ကျေးဇူးမသိတတ်ခြင်း
🚫 သစ္စာမရှိခြင်း
🚫 အတ္တကြီးခြင်း
🚫 သဒ္ဒါနည်းခြင်း
🚫 ညည်းငြူတတ်ခြင်း
🚫 သူများ မကောင်းအတင်းပြောခြင်း

ဒီစိတ်ဓာတ်တွေရှိနေရင်တော့
အကြည်ဓာတ်ရရှိနိုင်မှာမဟုတ်ပါဘူး။
ဗီဇသဘာဝဟာ ပြင်ဆင်လို့ မရပေမယ့်
စိတ်ထားကိုလှအောင်ထားနိုင်မယ်ဆိုရင်
အနည်းငယ်သောအကြည်ဓာတ်ကို ရရှိနိုင်မှာပါ။
ဒါကြောင့် တတ်နိုင်သမျှ
စိတ်ထားလေးလှအောင် နေကြည့်ကြရအောင်။

27/05/2023

တောက် ! •••
စောစောစီးစီး ကျက်သရေကိုမရှိဘူး
ဟိုဘက်အိမ်ကလူတွေ
သူခိုးတွေကွာ
ဖေဖေ့ကိုသွားပြောမယ်

" ဖေဖေ ခင်ဗျာ၊
ဘေးအိမ်က
တို့တွေသရက်သီးကို
လာခိုးခူးနေပါတယ်၊ "

ကလေးသေးသေးလေးဟာ
ပြေးလာပြီး၊
ဖေဖေ့ကိုလာတိုင်ပါတယ်၊
ဖေဖေလည်း ရယ်မောရင်း
ဒီလိုပြန်ပြောလိုက်ပါတယ်၊

" သူခူးပြီးနောက် တို့တွေဆီမှာ
အများကြီးပဲ ကျန်နေသေးလား
ကလေး? "
" အပင်ပေါ်မှာ အများကြီးပဲ
ကျန်နေတာကို
မြင်လိုက်ရပါတယ် ဖေဖေ "
" ဒါဆိုရင် သရက်သီး ၇ လုံး
ကိုသွားခူးပြီးတော့ ဖေဖေ့ဆီကို
ယူလာပေးပါ ကလေး "

ကလေးဟာ သူ့ဖေဖေက
အိမ်နီးနားချင်းတွေ
လာထပ်ခိုးခူးလို့
ကုန်သွားမှကြောက်ပြီး၊
သူ့ကိုဒီလို
သရက်သီးသွားခူးခိုင်းနေတာလို့
နားလည်လိုက်ပါတယ်၊

ဒါကြောင့်သရက်သီးကို
အပြေးလေးခူးပြီးတော့
သူ့ဖေဖေကိုသွားပေးမယ်ပေါ့၊

သရက်သီးတွေ ခူးဆွတ်ပြီးနောက်
ပွေ့ပိုက်ပြီး ဖေဖေကို
လာပေးလိုက်ပါတယ်၊
ကိုယ်ပိုင်တဲ့ အရသာရှိရှိ
သရက်သီးကို စားရတာလောက်
အာဟာရသိဒ္ဓိ ပြည့်ဝ
တာမရှိလောက်ပါဖူး၊

ဒါပေမယ့်
တစ်ကယ်တမ်းမှာတော့
ဖေဖေဟာ သရက်သီးတွေ
အကုန်လုံးကို ခြင်းလေးထဲကို
လှပစွာစီတန်း ထည့်လိုက်ပါတယ်၊

ပြီးနောက်
ကလေးရဲ့လက်ကိုဆွဲပြီး၊
ခုနတုန်းက သရက်
သီးလာခိုးခူးနေတဲ့ အိမ်ရှေ့က
လူခေါ်ခေါင်းလောင်းကို
နှိပ်လိုက်ပါတယ်၊

ကလေးကအံ့ဩလို့ပေါ့၊

သူ့ဖေဖေရဲ့ လုပ်ရပ်ကို
နားမလည်နိုင်တော့ပါဘူး၊

အိမ်ရှင်ဟာ လူလတ်ပိုင်းပါပဲ၊
သူ့မျက်နှာဟာ အမှားတစ်ခုခုကို
ကျူးလွန်ထားလို့
လိပ်ပြာမလုံသလိုမျိုးပါ၊

သူဟာ
ခြံစည်းရိုးတံခါးပေါက်ကို
လာဖွင့်ပေးချိန်မှာတော့၊
ဖေဖေက
ဒီလိုပြောလိုက်ပါတယ်၊ "

ကျွန်တော့်ရဲ့
ခြံထွက်သရက်သီးကို
ခြံစည်းရိုးချင်းကပ်ရက်
အိမ်နီးနားချင်းကို
လာပေးတာပါ ခင်ဗျာ၊

ရှေးဘဝရေစက်ပါလို့
ဒီလိုလာဆုံကြရတာလေ၊
လိုတာရှိရင်လဲ ပြောပါခင်ဗျာ "

ဒီလူဟာဝမ်းနည်း၊
တောင်းပန်ရိပ်တွေ သူ့မျက်နှာမှာ
ထင်ဟပ်လာရင်း
ဖေဖေ့ကို
ခနလေးစောင့်နေပေးပါ
လို့ပြန်ပြောလိုက်ပါတယ်၊

ခနနေတော့
ခုနကပေးလိုက်တဲ့ခြင်းဆွဲပြီး
ပြန်ထွက်လာပါတယ်၊

အခုတော့ခြင်းထဲမှာ ကြက်ဥတွေ
အပြည့်ဖြစ်နေပြန်ပါပြီ၊ "

ကျွန်တော် ကြက်တွေအများကြီး
မွေးထားပါတယ်၊

ကျွန်တော်ရဲ့ ကြက်ဥကို
ခင်မင်မှုအထိန်းအမှတ်အဖြစ်
လက်ဆောင်ပြန်ပေးပါရစေ
ခင်ဗျာ "

ဖေဖေဟာလည်း "
ကျေးဇူးတင်ပါတယ် ခင်ဗျာ "

ပြီးတော့ကလေးရဲ့လက်ကိုဆွဲပြီး၊
အိမ်ပြန်လာခဲ့ပါတယ်၊

ကလေးဟာ သူ့ဖေဖေကို
နားမလည်မှုတွေနဲ့ ဒီလိုမေး
လာပါတယ်၊

" ဖေဖေက
ဘာဖြစ်လို့သရက်သီးတွေကို
သူ့ကိုသွား
ပေးရတာလဲဟင်? အမှန်ဆို
ဖေဖေလုပ်သင့်တာကခါး
ထောက်ပြီး ငါ့သရက်သီးတွေ
ခိုးခူးထားတာအကုန်ပြန်ပေး၊
အခုချက်ချင်းပြန်ပေး၊
ဇွတ်တောင်းရမှာလေ "

" တစ်ကယ်လို့များ
ဖေဖေက သရက်သီးတွေကို
ပြန်ပေး၊ အခုချက်ချင်းပြန်ပေးလို့
ဇွတ်တောင်းလိုက်ရင်
အိမ်နီးချင်းတစ်ယောက်
ဆုံးရှုံးသွားမယ်၊ စိတ်ဆိုး၊
စိတ်ကောက်၊ အမုန်းပွား၊
အညှိုးအတေးထား လာကြမယ်၊

အခုဖေဖေတို့ သရက်သီး
၇ လုံး သွားပေးတယ်၊

ခုနက သူ ၁ လုံး ခိုးခူးထားတယ်၊
၈ လုံး ဖြစ်သွားပြီ၊

ဒါပေမယ့်
ဖေဖေတို့ ပြန်ရလိုက်တာက
အိမ်နီးချင်း
မိတ်ဆွေတစ်ယောက်ရယ်၊
ခြင်းအပြည့် ကြက်ဥတွေရယ်လေ၊

ကလေး စဉ်းစားပေးပါ၊
ဘယ်ဟာပိုကောင်းလဲလို့လေ၊
အဓိက ကိုယ်လိုချင်တာကို
သူများကိုအရင်
ပေးတတ်ရတယ်၊

မေတ္တာ လိုချင်၊ ကိုယ်အရင်
မတ်ေတာ
ပေးတတ်ရမယ်၊
ရန်ပေးရင် ရန်ပဲပြန်ရမယ်၊
ကိုယ်ပေး
သလောက် ပြန်ရတတ်တာ '

မေတ္တာ တရား 'ပဲ ကလေး၊

မင်းမှာ မိတ်ဆွေတစ်ယောက်တိုး
ရန်သူတစ်ယောက်တိုးလာလား
ဆိုတာဟာ
မင်းရဲ့လုပ်ရပ်တွေအပေါ်
အမြဲမူတည်နေတတ်တာ
မှတ်ထားပါ "

စိတ်ခံစားမှု နောက်ကိုလိုက်နေရင်
ပြဿနာတွေကိုပဲ
မွေးဖွားပေး လာတတ်တယ်၊
အသိ၊ ပညာ၊ သတိ၊ က
ထွက်ပေါက်၊ စိတ်ခံစားမှု
အရလိုက်လုပ်ရင် လူသား
အချင်းချင်း
ပြဿနာအစပျိုးလာပြီး၊
အချိန်တွေကြာလာရင်
ပြဿနာကြီးတွေ
ဖြစ်လာတတ်ပါတယ်၊

လူဟာ
လူစိတ်မွေးပြီး၊ လူအချင်းချင်း
လူလိုသိ၊ ကိုယ်ချင်းစာ၊
စာနာ၊ နားလည်၊ ခွင့်လွှတ်တတ်ရင်၊
မုန်းစကိုတို ချစ်စကို
ရှည်စေတတ်ရင် လူ့ဘဝကြီးဟာ
နေပျော်စရာ၊
ကြည်နူး၊ ပီတိဖြစ်စရာတွေ
အပြည့်နဲ့ပါလား လို့
အမြင်မှန် ရလာနိုင်ပါတယ်၊

လူ့ဘဝဟာ ခံစားမှုတွေထက်
အဆပေါင်းများစွာ
တန်ဖိုးရှိလှပါတယ်၊

များစွာသော လူတွေရဲ့
အနာဂတ်တွေပျက်စီး
သွားတာကိုမြင်ရတာ
နှမြောမိ၊ မေတ္တာ၊
ဂရုဏာသက်မိပါတယ်၊

သူတို့ဟာ သူတို့ရဲ့စိတ်ကို
ကောင်းမွန်စွာ
မထိန်းသိမ်းနိုင်ကြဘူး၊

ပြဿနာတိုင်းမှာ
ဖြေရှင်းရန်နည်းလမ်း၊ အဖြေ၊
ထွက်ပေါက် အမြဲရှိနေပြီးသားပါ၊

တို့တွေဟာ ပြဿနာ
တွေကို ပညာ၊ အသိ၊ သတိ၊ နဲ့
ကြည့်၊ မြင်၊ သုံးသပ်၊
ဖြေရှင်းတတ်လို့ရှိရင်၊
ပြဿနာ ဖြစ်ရတဲ့
အဓိကအကြောင်းရင်း၊ ရင်းမြစ်ကို
သိထားရင်
ပြေလည်အောင် ဖြေရှင်းဖို့
လွယ်ကူလွန်း လှပါတယ်၊

တို့တွေမှာ မိတ်ဆွေစစ်
အယောက် တစ်ရာရှိနေရင်လည်း
နည်းနေသေးသလို၊
ရန်သူ တစ်ယောက် ရှိနေရင်လည်း
များလို့နေပြီလေ၊

မိတ်ဆွေ၊
သူငယ်ချင်းထားတာဟာ
မခက်လှပါဘူး၊

ခင်မင်မှု အဓွန့်ရှည်လာအောင်
ထိန်းသိမ်းရန်မှာ ခက်ခဲ
လွန်းလှပါတယ်၊

စိတ်ဆိုးချိန် ပြောချင်တာတွေ
တစ်ယောက်ထဲ ရွတ်ဆို၊ မြည်တွန်
တောက်တီးနေလိုက်ပါ၊

ခနနေ
သင်စိတ်ပြန်ပြေလာပါလိမ့်မယ်၊

Lap top, keyboard
ဖုန်းဆိုရင်လည်း
စိတ်ဆိုးဒေါသထွက်သမျှ
အကုန်တန်းစီချရေးပါ၊

ပြီးရင် ဖျက်၊ delete လုပ်လိုက်ပါ၊

သင်ခံစားနေရတာတွေ
သက်သာလာပါလိမ့်မယ်။

ဘာသာပြန် ထားတာပါ၊

ဝင်းတား

26/05/2023

အရမ်းကောင်းလို့.(ဖတ်စေချင်)

"ကိုယ်ကိုယ်ကိုဆုံးမခြင်း''

အချိန်သည်လည်း အကုန်မြန်၏။
လူတို့သည်လည်း အပြောင်းအလဲမြန်၏။
စိတ်တို့သည်လည်း အပြောင်းအလဲမြန်၏။

Be Strong !!!

ဘယ်အချိန်ဖြစ်ဖြစ် မင်းဘေးမှာ လူတစ်ယောက်အမြဲရှိနိုင်မှာမဟုတ်ဘူး။ ဘယ်နေရာဖြစ်ဖြစ် မင်းရှေ့ မှာ လူတစ်ယောက်
အမြဲရှိနိုင်မှာမဟုတ်ဘူး။ ဘယ်အကြောင်းပြချက်နဲ့ဖြစ်ဖြစ် မင်းအနားမှာ လူတစ်ယောက်အမြဲရှိနိုင်မှာမဟုတ်ဘူး။

Stay like Independent person !!!

ဘယ်သူကမှ မင်းအတွက် အချိန်ပြည့် ရှိနေပေးနိုင်မှာမဟုတ်ဘူး။ ဘယ်သူကမှ မင်းကို အချိန်ပြည့် ကူညီနေပေးနိုင်မှာမဟုတ်ဘူး။ ဘယ်သူကမှမင်းကို အချိန်ပြည့် ဂရုစိုက်နေပေးနိုင်မှာမဟုတ်ဘူး။

Be Active !!!

ကိုယ့်ကို အမြဲတမ်း ပျော်ရွှင်စေမှာ ကိုယ်ပဲရှိတယ်။
ကိုယ့်ကို အမြဲတမ်း ဂရုစိုက်နိုင်တာ ကိုယ်ပဲရှိတယ်။
ကိုယ့်ကိုအမြဲတမ်း နားလည်ပေးနိုင်တာ ကိုယ်ပဲရှိတယ်။
ဘယ်သူ့မှမစောင့်နဲ့။
ကိုယ်လုပ်စရာရှိတာကိုယ်လုပ်။
ကိုယ်ကစပြီး အမှားမဖြစ်အောင်နေ။
အနည်းဆုံးတော့ ကိုယ့်လိပ်ပြာကိုယ်လုံတယ်လေ။

Believe Yourself.!!!

ကိုယ့်ကိုယ်ကိုယ်ယုံ။
အပြောင်းအလဲတွေအတွက် စိတ်ဓာတ်မကျနဲ့။
ကမ္ဘာပေါ်မှာ မင်းကိုယ်မင်းကလွဲပြီး ဘယ်သူမှမင်းကို အယုံအကြည်မရှိဘူး။
မင်းကိုယ်မင်းယုံကြည်ပြီဆိုရင်တော့ မင်းကိုသူတို့ယုံကြည်လာလိမ့်မယ်။ ဂရုမစိုက်နဲ့။ ကိုယ်လုပ်စရာတာ ကိုယ်ဆက်လုပ်ပါ။

Forget !!!

မေ့ပါ။ အတိတ်ကအရာတွေကိုမေ့ပါ။ (သင်ခန်းစာတော့ ယူဦးပေါ့) အခြားလူတစ်ယောက်/ပစ္စည်းတစ်ခုအပေါ်မူတည်ခဲ့တဲ့ ပျော်ရွှင်မှုကို မေ့ပစ်ပါ။
အကျိုးမရှိတဲ့ စကားတွေကို မေ့ပါ။
အသွားအပြန်ဆိုတဲ့စကားကို မေ့ပါ။
မင်းစိတ်ဓာတ်ကို ရိုက်ချိုးခဲတဲ့ အရာတွေကို အကုန် မေ့ပစ်ပါ။
ဒီနေ့ကစပြီး မင်းနှလုံးသာဟာ မင်းအတွက်ပဲ ဖြစ်ပါစေ။

Stop !!!

မျှော်လင့်တာတွေကို ရပ်ပါ။
စိတ်ဆင်းရဲနေတာကို ရပ်ပါ။
အတ္တတွေကို ရပ်ပါ။
အခြားတစ်ယောက်အကြောင်း စပ်စုတာကို ရပ်ပါ။
အခြားသူနဲ့ မင်းကိုယ်မင်း နှိုင်းယှဉ်နေတာကို ရပ်ပါ။
နေရာလုနေတာကို ရပ်ပါ။
ဦးတည်ချက်မရှိလွင့်နေတဲ့ စိတ်ကို ရပ်ပါ။
အတွေးပေါင်းမြောက်များစွာကို ရပ်ပါ။

Have Resistance !!!

လောကရဲ့အပြောင်းအလဲကို ခံနိုင်ရည်ရှိပါ။
လူတွေရဲ့ အပြောင်းအလဲကို ခံနိုင်ရည်ရှိပါ။
ဘဝရဲ့ မပြောင်းအလဲကို ခံနိုင်ရည်ရှိပါ။
တသတ်မတ်တည်းဆိုတာ ဘယ်နေရာမှမရှိပါဘူး။
ထို့ကြောင့် ခံနိုင်ရည်ရှိပါ။

Accept !!!

မင်းကိုယ်မင်းလက်ခံပါ။
မင်းဘဝကို မင်းလက်ခံပါ။
မင်းအတိတ်ကို မင်းလက်ခံပါ။
အခုလက်ရှိအခြေအနေကိုလက်ခံပါ

.... #လေးစားလျှက

25/05/2023

" ကြာကြာပေါင်းမှ အကြောင်းသိမယ် "
*****************************

ဘွဲ့ရတိုင်းလဲ ပညာတတ်တယ်မထင်နဲ့
အမှား၊အမှန် ဝေဖန်ပိုင်းခြားနိုင်တဲ့
အသိဉာဏ် မရှိတဲ့သူတွေရှိတယ်။

တရားအလုပ်တွေ လုပ်ပြတိုင်းလဲ
သူတော်ကောင်းမထင်နဲ့
ဓမ္မနဲ့၊ အဓမ္မတောင်
မခွဲခြားတတ်တဲ့သူတွေရှိတယ်။

ပြုံးပြတိုင်းလဲ မနောလှတယ်မထင်လိုက်နဲ့
အတွင်းပုပ်သိုးနေတဲ့ နှလုံးသားကို
အပေါ်ယံအပြုံးနဲ့ အလှဆင်ထားသူတွေရှိတယ်။

စကားချိုတိုင်း သဘောကောင်းတယ်မထင်နဲ့
ခါးသက်သက်စိတ်ဓာတ်ကို သကာလောင်းလို့
ဟန်ဆောင်ကောင်းနေတဲ့သူတွေရှိတယ်။

အပြောကောင်းတိုင်း မယုံမိစေနဲ့
လိမ်ညာမယ့်သူတွေက ယုံရလောက်အောင်ကို
အပြောကောင်းသူတွေဖြစ်တယ်။

စိတ်ချရတယ်ထင်ပြီး လျှို့ဝှက်ချက်တွေကို
ရင်မဖွင့်မိစေနဲ့
နှစ်သိမ့်စကားရဲ့နောက်ကွယ်မှာ
အတင်းဖွဖို့ သယ်ဆောင်သွားတတ်သူတွေရှိတယ် ။

သူချီးမွမ်းတိုင်း မုဒိတာပွားတယ်မထင်နဲ့
ရင်ထဲကမပါတဲ့ စကားလုံးတွေနဲ့
မြှောက်ပင့်ပေးလို့၊အတွင်းကြိတ်ပြီး
မနာလိုဖြစ်တတ်သူတွေရှိတယ်။

အပေါင်းအသင်းများတိုင်း
မိတ်ဆွေစစ်လို့မထင်လိုက်နဲ့ အဆင်ပြေစဉ်
ကူညီချင်သူများပေမယ့်၊
ဒုက္ခကြုံချိန် ထူ မ မယ့်သူရှားသွားနိုင်တယ်။

လူကောင်းတစ်ယောက်ဖြစ်ရုံနဲ့
ရိုးသားတယ်လို့ စိတ်မချလိုက်နဲ့
စစ်မှန်တဲ့ရိုးသားမှုဆိုတာ အခွင့်ကောင်းတွေက
စမ်းသပ်လိုက္မှ ပေါ်လာတတ်တာ။

သတိထားပါ
သစ်ပင် ကောက်တာ မြင်ရပေမယ့်
လူ ကောက်တာကိုမမြင်နိုင်ဘူး
မြစ်တွေ ၊ ချောင်းတွေထက်
လူတွေက ပိုကွေ့ကောက်တတ်တယ်ဆိုတာ မမေ့ပါနဲ့ ။

အပေါ်ယံ ချိုမြိန်မှု့တွေက
ကြာကြာဝါးမှ ခါးမှန်းသိလာသလို
လူတစ်ယောက်ရဲ့စိတ်ဓာတ်၊
လူတစ်ယောက်ရဲ့ စိတ်ရင်း အမှန်ကို
ကြာကြာပေါင်းကြည့်မှသာ အကြောင်းသိလာမှာပါ။

Crd...@@@

25/05/2023

လူ့ခန္ဓာဖွဲ့စည်းပုံ

24/05/2023

ဘုန်းကံ မမှိန်ပါစေနဲ့

လူမှာ ဘုန်းရှိန်၊ ကံရှိန် ဆိုတာ ရှိပါတယ်။

သူတစ်ပါးကို သွားပုပ်လေလွင့် ပြောတတ်တဲ့သူဟာ
ကိုယ်ရောင်ကိုယ်ဝါတွေ မှေးမှိန် သွားတယ်။

သူတစ်ပါးကို ဂုဏ်သတင်း မှေးမှိန်အောင်၊
သိက္ခာ ကျ သွားအောင် လုပ်ချင်တဲ့
စေတနာဇောတွေကြောင့် ကိုယ့်မှာလည်း
ဘုန်းရှိန်၊ ကံရှိန်တွေ သေးသိမ် မှေးမှိန်
သွားစေပါတယ်။

သူများမကောင်းကြောင်း ပြောလွန်းသူဟာ
ကိုယ်အရှိန်ဝါတွေ ဆုတ်ယုတ် နေပါတယ်။
သူများမကောင်းကြောင်း ပြောတတ်သူတွေရဲ့
မျက်နှာ၊ ကိုယ်အမူအရာတွေကို သတိထားပြီး
ကြည့်ကြည့်ရင် သိပ်သိသာပါတယ်။

ချမ်းသာမှန်သမျှ လိုချင်ရင်
သူများအတင်း မပြောနဲ့ တဲ့။
ဘုရားရှင်က ဒီလို ဆုံးမထားတယ် နော်။

သူများအတင်း၊ သူများအကြောင်းထက်
အကုသိုလ် ကင်းလား၊ မကင်းဘူးလား ဆိုတာ
ကိုယ့်ကိုယ်ကိုကြည့်ပြီး ကိုယ့်ကိုယ်ကိုပဲ ပြန်ပြီး
ဝေဖန်နေတာ အကောင်းဆုံးပါ ပဲ။

သူတစ်ပါးတို့ရဲ့မလျော်သော အပြစ်၊
အနာအဆာတို့ကို လိုက်ကြည့် မနေပါနဲ့။
သူက ကောင်းတာတွေ လုပ်နေတာလား၊
မကောင်းတာတွေ လုပ်နေတာလား ဆိုတာ
ကိုယ်နဲ့လည်း မသက်ဆိုင်တာမို့ လိုက်လံကြည့်ရှု
မနေပါနဲ့။

ကိုယ်ကိုယ်တိုင်က ကောင်းတာ လုပ်၊ မလုပ်ကိုပဲ
အမြဲမပြတ် စောင့်ကြည့်နေပါ၊ ကိုယ့်စိတ်ကိုသာ
အမြဲ စစ်ဆေးနေပါ တဲ့။

ပြီးရင် အတင်းပြော ဝါသနာပါသူကိုလည်း ရှောင်ပါ။
အတင်းအဖျင်း ပြောတတ်တဲ့ အသိုင်းအဝန်းမှလည်း
တတ်နိုင်သမျှ ဝေးဝေးက ရှောင်ပါ။

အတင်းအဖျင်း ပြောနေတဲ့အချိန်မှာ
ဒီ အဆင့်အတန်းနိမ့်တဲ့ စိတ်ကို ပြန်ပြီး
စမ်းစစ်ကြည့်ပါ။ အေးချမ်း၊ ကြည်လင် နေသလားလို့။

ကိုယ်အတင်းပြောတဲ့ အချိန်မှာ တစ်ဖက်လူ
ဂုဏ်တော်ပွားနေချိန်၊ မေတ္တာ ပွားနေချိန်၊
တရား နာချိန်၊ ပရိတ်ပဋ္ဌာန်း ရွတ်ဖတ် ပူဇော်နေချိန်၊
ကောင်းမှု ကုသိုလ် လုပ်နေတဲ့အချိန် တို့နဲ့
ကြုံ ကြိုက်ခဲ့တယ် ဆိုရင် ကိုယ့်မှာ ပိုပြီး
ကြောက်စရာ ကောင်းပါတယ်။

ပါချုပ်ဆရာတော်ကြီး
ဒေါက်တာ အရှင်နန္ဒမာလာဘိဝံသ
🙏🙏🙏

23/05/2023

မင်း ထက်တော်တဲ့သူ မရှိဘူး
***************************

လောကကြီးမှာ....
မင်းထက်တော်တဲ့ သူဆိုတာ မရှိဘူး။
မင်းထက်ကြိုးစားနေတဲ့သူတွေပဲ ရှိတယ်။

မင်းထက် အရည်အချင်းပြည့်စုံသူဆိုတာ မရှိဘူး။
မင်းလိုပဲ အရည်အချင်းပြည့်စုံအောင် ကြိုးစားနေသူတွေပဲရှိတယ်။

မင်းတစ်ယောက်တည်း
စိတ်ညစ်စရာ၊ ပျော်စရာရှိတာမဟုတ်ဘူး။
မင်းလိုပဲ စိတ်ညစ်စရာ၊ ပျော်စရာတွေကြားမှာ
အဆင်ပြေအောင် နေနေရသူတွေချည်းပဲ ရှိတယ်။

မင်းတစ်ယောက်တည်း မျက်ရည်ကျဖူးတာ မဟုတ်ဘူး
လူဆိုတာ မွေးလာကတည်းက အငိုနဲ့ စပြီး အငိုနဲ့ အဆုံးသတ်ကြတာသဘာဝပဲ။

မင်း တစ်ယောက်တည်း ကျရူံးဖူးတာ မဟုတ်ဘူး
ဘဝမှာ ရူံးနိမ့်ခြင်းဆိုတာ ကို လူသားတိုင်း ခံစားဖူးကြတာချည်းပဲ။

မင်း တစ်ယောက်တည်း ဖြစ်ချင်တာတွေ မဖြစ်ခဲ့ရတာ မဟုတ်ဘူးလူသားတိုင်း ဖြစ်ချင်တာတွေ သေဆုံးချိန်အထိ မဖြစ်ခဲ့ရတာတွေ အများကြီး ရှိတယ်။

မင်းဘာကြောင့် အားငယ်နေမှာလဲ …
မင်းဘာကြောင့် တွေဝေနေမှာလဲ …
မင်းဘာကြောင့် စိတ်ညစ်နေမှာလဲ …
မင်းဘာကြောင့် စိတ်ဓါတ်ကျနေမှာလဲ…
မင်းဘာကြောင့် ကြောက်ရွံ့နေရတာလဲ …

ဘဝရဲ့ စိန်ခေါ်သံတွေကို ဘယ်တော့မှ အရှုံးမပေးနဲ့
မင်းအမေကမင်းကို ဘဝကို လွယ်လွယ်နဲ့ အရှုံးပေးဖို့
အသက်နဲ့ရင်းပြီးမွေးလာခဲ့တာမဟုတ်ဘူး။

ခုချက်ခြင်း မင်းမျက်ရည်တွေသုတ်လိုက် ။
မနက်ဖန်တိုင်းမှာ မင်းအတွက် ကံကောင်းခြင်းတွေစီးကြိုနေတယ်
မင်းကြိုးစားလိုက်စမ်းပါ။

မင်း လည်း လူပဲ
အခြားသူတွေလည်း လူတွေပဲ ။

လူဆိုတာ မျှော်လင့်ချက်နဲ့ အသက်ရှင်သန်နေတာဆိုရင်
မျှော်လင့်ခြင်း အိပ်မက္ ကို
တကယ်လက်တွေ့ဖြစ်အောင် လုပ်နိူင်သူရယ်.....
မလုပ်နိုင်သူရယ်ပဲရှိတယ်။

အိပ်မက္ကြားမှာ နိုးမထနိူင်ပဲ
သံသရာလည်နေတဲ့သူတော့ မင်း"မဖြစ်စေနဲ့ ။
"မိတ်ဆွေ"

စိတ်ဓါတ်မြှင့်တင်ခြင်းဖြင့်ဘဝမှာရှင်သန်ပါ💪💪
crd

ဘဝအတွက်စာပေ

06/06/2023

06/06/2023

05/06/2023

04/06/2023

03/06/2023

03/06/2023

02/06/2023

02/06/2023

01/06/2023

31/05/2023

30/05/2023

30/05/2023

29/05/2023

29/05/2023

28/05/2023

28/05/2023

27/05/2023

26/05/2023

25/05/2023

25/05/2023

24/05/2023

23/05/2023

Address

Website

Alerts

Shortcuts

Share