Military Reviewer

Home
Military Reviewer

We reviewed about International Military Weapons and write Military Articles with Burmese Language.
(40)

16/11/2024

ရုရှားကုမ္ပဏီ Sukhoi ထုတ် SU-57 ကို ပထမဆုံးအကြိမ်အနေဖြင့် ပြည်ပနိုင်ငံတစ်ခုကိုရောင်းချနိုင်ခဲ့ကြောင်း Rosoboronexport ၏ CEO ဖြစ်သူမှ လွန်ခဲ့သည့်နှစ်ရက်က တရားဝင်ထုတ်ပြောလာပါတယ်။

ဒါဟာ ၂၀၁၅ ခန့်ကတည်းက မကြာခဏ ပြသခံရသည့် SU-57 အဖို့ ပထမဆုံး Customer ရရှိရန်အတွက် (၁၀)နှစ်နီးပါးကြာသွားခဲ့တာဖြစ်ပါတယ်။ လက်ရှိ တရုတ်မှ ဦးစီးကာ ကျင်းပနေသော Zhuhai Air Show 2024 ၌ လာရောက်ပြသမှသာ SU-57 အတွက် ပထမဆုံးပြည်ပ Order အမှာစာကို Rosoboronexport မှ အတည်ပြုရယူနိုင်ခဲ့တာဖြစ်ပါတယ်။

SU-57 ကို ဝယ်ယူခဲ့သည့်နိုင်ငံကို ရုရှားဘက်မှ ထုတ်ပြန်ပြောကြားခြင်းမရှိသော်ညားလည်း ရုရှားမှ ဘာထုတ်ထုတ် ဝယ်နေသည့် Algeria သို့မဟုတ် အရှေ့တောင်အာရှတွင် Sukhoi တိုက်လေယာဉ်အုပ်အများဆုံးပိုင်ဆိုင်ထားသည့် ဗီယက်နမ်ဖြစ်ဖို့များပါတယ်။ လေ့လာသူအချို့ကလည်း Zhuhai Air Show ၌ Su-57 ကိုသေချာကြည့်ရှုခဲ့သည့် အင်ဒိုနီးရှားဟုလည်း‌ပြောဆိုနေကြတာတွေရှိပါတယ်။

လက်ရှိ တရုတ်နိုင်ငံ၌ ကျင်းပပြုလုပ်နေသည့်
Zhuhai Air Show ၌ Performance အကောင်းဆုံးထုတ်ပြနိုင်သည့် အရောင်းတင်ထားသောစစ်လက်နက်မှာ SU-57 ဖြစ်ပါတယ်။ ဂန္တဝင် စမ်းသပ်မောင်းနှင်သရုပ်ပြရေး ပိုင်းလော့ကြီးဖြစ်သည့် Sergey Bogdan ဟာ G suit ကိုပင် မဝတ်ဆင်ခဲ့ဘဲ SU-57 ကို ပြေးလမ်း၌ နေရာယူပြီး ၉စက္ကန့်ကျော်ကျော်လေးဖြင့် ဝေဟင်သို့ဒေါင်လိုက်တက်ပြခဲ့ပါတယ်။ ဒါဟာ အသက် ၆၂ နှစ်အရွယ်ရနေပြီဖြစ်‌သည့်
Sergey Bogdan အဖို့ G Force ကိုခံရခြင်းဟာ ထမင်းစားရေသောက်ဖြစ်နေပုံရပါတယ်။

သတင်းများ၏အဆိုအရ Sergey Bogdan ဟာ SU-57 စီမံကိန်းစတင်စဉ်ကတည်းက ပါဝင်ခဲ့ပြီး ၂၀၁၀ခုနှစ် ဇန်နဝါရီလ ၂၉ရက်နေ့၌ SU-57 တိုက်လေယာဉ်၏ ပထမဆုံး Prototype ဖြစ်သော T-50 ကို ပထမ‌ဆုံးအကြိမ်စမ်းသပ်ပျံသန်းစဉ်ကတည်းက Sergey Bogdan ဟာ ထို T-50 ကို ၄၇မိနစ်ကြာ မောင်းနှင်ခဲ့ပါတယ်။

Sergey Bogdan ဟာ Sukhoi ကုမ္ပဏီ ၌ Test Pilot အလုပ်ကိုလုပ်ခဲ့သည်မှာ နှစ် ၂၀ကျော်ပြီဖြစ်ကြောင်းသိရှိရပြီး SU-57 အပြင် အခြားသော လေယာဉ်အမျိုးအစားပေါင်း (၅၀)ကျော်ကိုပါစမ်းသပ်ပျံသန်းခဲ့ဖူးကြောင်းသိရပါတယ်။ 2011ခုနှစ်၌ Sergey Bogdan ကို ရုရှားနိုင်ငံမှ ရုရှားနိုင်ငံသူရဲကောင်း‌ဆုတံဆိပ်ဖြစ်သည့် Gold Medal ကို ပေးအပ်ခြင်းခံခဲ့ရပါတယ်။

ယခု Zhuhai Air Show ၌လည်း Sergey Bogdan ဟာ SU-57 တိုက်လေယာဉ်ကို

- ပြေးလမ်းမှနေ၍ ကြာချိန် ၉စက္ကန့်အတွင်း ဝေဟင်သို့ပျံတက်ပြခြင်း၊

- ဝေဟင်သို့ပျံတက်ပြီးနောက်မှာပင် ရပ်နားခြင်းမပြုဘဲ ဝေဟင်သို့ ဒေါင်လိုက်ထိုးတက်ခြင်း၊

- Cobra Manuever , Aileron Roll, Immelman, Flat Spin, Kulbit စသည့် စစ်ကစားမှုအမျိုးမျိုးကိုပြုလုပ်ခြင်း နှင့်

- မြေပြင်နှင့် နီးကပ်စွာ အနိမ့်ပျံသန်း၍ အရှိန်ပြင်းစွာဖြင့် ၃၆၀° ကွေ့ဝိုက်ခြင်း၊

- ပြန်လည်ဆင်းသက်ရာ၌လည်း ကွေ့ဝိုက်နေသည့်ကြားမှ အချိန်ခဏအတွင်း ပြန်လည်တည့်မတ်ကာ ပြေးလမ်းသို့ ငြိမ့်ညောင်းစွာဆင်းသက်ပြခြင်း

စသည်တို့ကို ပြုလုပ်ပြခဲ့‌သည့်အတွက် တရုတ်လေတပ်၏ အရာရှိများသာမက တစ်ကမ္ဘာလုံးကပါအံ့ဩခဲ့ရပါတယ်။
ထိုနေရာ၌ Test pilot Sergey Bogdan ၏ စွမ်းရည်ပြည့်ဝမှုကြောင့်လည်းဖြစ်သလို SU-57 ၌ ပါရှိသည့် 3D Thurst Vectoring စနစ်ကြောင့်လည်း ယခုလို Performance ကို နောက်ထပ်တစ်ဖန်ပြသနိုင်ခဲ့တာဖြစ်ပါတယ်။

15/11/2024

Zhuhai Air Show 2024 တွင် တရုတ်စစ်တပ်မှ ထုတ်ပြလျက်ရှိသော လက်နက်များအနက် Star ဖြစ်နေသည့် လက်နက်များမှာ J-35A ပဉ္စမမျိုးဆက်ကိုယ်ပျောက်တိုက်လေယာဉ် နှင့် HQ-19 အမျိုးအစား တာဝေးဒုံးခွင်းဒုံးစနစ်ဖြစ်ပါတယ်။ ထိုလက်နက်နှစ်ခုအပြင် ဒရုန်းအသစ်တစ်စီးဟာလည်း လူစိတ်ဝင်စားမှုများပြားနေပါတယ်။

ထိုဒရုန်းမှာ တရုတ်စစ်တပ်၏ ဒုတိယမြောက်ကိုယ်ပျောက်ဒရုန်းဖြစ်သော CH-7 ဖြစ်ပါတယ်။ ယခင်က လက်နက်ပြပွဲများ၌ တရုတ်တို့ဟာ CH-7 ၏ Mock-up ပုံစံကိုမကြာခဏထုတ်ပြခဲ့သော်လည်း ယခုလို အမှန်တကယ်မောင်းနှင်နိုင်သည့် Prototype ကြီးထွက်ချလာသောအခါ အရွယ်အစားပိုင်း၌ အတော်ကိုအထင်ကြီးစရာ Size ကြီးနှင့်ထွက်လာပါတယ်။

ယခင်က တရုတ်စစ်တပ်ဟာ Shenyang, Hongdu နှင့် AVIC တို့ စသည့် လေကြောင်းကုမ္ပဏီ (၃)ခုပေါင်းထုတ်လုပ်ထားသော GJ-11 ကိုယ်ပျောက်ဒရုန်းတစ်စီးကို ၂၀၁၃ ခုနှစ်တွင် ပထမဆုံးအကြိမ်ထုတ်ပြခဲ့ပြီး ၂၀၂၂ ခုနှစ်၌ အရေအတွက်အများအပြားထုတ်လုပ်မည်ဟုအစီအစဉ်များချမှတ်ခဲ့သော်လည်း လက်နက်တပ်ဆင်နိုင်မှုနည်းပါးခြင်းကြောင့် တရုတ်ဘက်မှ GJ-11 စီမံကိန်းကို ပြန်လည်ရပ်ဆိုင်းခဲ့ပုံရပါတယ်။

ယခု ထွက်ရှိလာသည့် CH-7 ဟာ ရန်သူများကို ကင်းထောက်ရန်အတွက် ရန်သူ့ ရေဒါစနစ်မှထောက်လှမ်းရခက်ခဲပြီး တာဝေးပျံနိုင်သည့် ကိုယ်ပျောက်ဒရုန်းကို တရုတ်တို့မှ မည်မျှအားထည့်ကာကြိုးစားထုတ်လုပ်နေကြောင်း ညွှန်ပြနေခဲ့ပါတယ်။ တရုတ်အစိုးရလက်အောက်ခံ မီဒီယာတစ်ခုမှ အဆိုပါ CH-7 prototype ကို ရုပ်သံဖိုင်တစ်ခုဖြင့်ဖော်ပြခဲ့ရာ ထိုရုပ်သံဖိုင်ထဲတွင် အဝါရောင်ဆေးခြယ်ထားသော ကိုယ်ထည်ဖြင့် တွေ့ရသည့် CH-7 ဒရုန်းမှ ‌ပြေးလမ်းတစ်ခုပေါ်၌ Taxi Test ကို နေ့ရောညပါပြုလုပ်နေသည်ကို တွေ့ရှိခဲ့ရသော်လည်း ဝေဟင်ပေါ်၌ ပျံသန်းနေသည်ကိုမတွေ့ရသေးသဖြင့် First Flight မပြုလုပ်ရသေးကြောင်းယူဆနိုင်ပါတယ်။

CH-7 UAV ကို 2018 Zhuhai Air Show ၌ ပထမဆုံးအကြိမ်စတင်ပြသခဲ့ပြီး ထိုစဉ်က CH-7 ၏ ဒီဇိုင်းသည် အမေရိကန်လေယာဉ်တင်သင်္ဘောပေါ်၌ တွေ့ရသော Norththrop Grumman ကုမ္ပဏီထုတ် X-47B UCAV နှင့်အတော်လေးဆင်တူနေကြောင်းတွေ့ရှိခဲ့ရပါတယ်။

2022 တွင်လည်း ဒုတိယအကြိမ်အဖြစ် Mock-up ပုံစံကိုထပ်မံထုတ်ပြခဲ့ပါတယ်။ ယခု တွေ့ရသည့် CH-7 ဟာ ယခင် Mock-up များနှင့် ဒီဇိုင်းပိုင်းချွတ်စွတ်မတူတော့ဘဲ အနည်းငယ်ကွဲပြားနေပြီဖြစ်ပါတယ်။ ၎င်း၏ တောင်ပံထိပ်များဟာ Mock-up ပုံစံမျိုးလို ချွန်ထက်နေသည်မျိုးမဟုတ်တော့ပေ။

2018 ကတည်းက တရုတ် လေကြောင်းအာကာသသိပ္ပံနှင့် နည်းပညာကော်ပိုရေးရှင်းအဖွဲ့ဖြစ်သည့် CASC ၏ ပြောကြားချက်အရ CH-7 ဒရုန်းကို 2019ခုနှစ်၌ စတင်ပျံသန်းရန်စီစဉ်ထားပြီး 2022ခုနှစ်၌ အရေအတွက်များစွာထုတ်လုပ်ရန်ပြင်ဆင်နေကြောင်းသိရပါတယ်။ ထိုကြောင့် ယခု ထုတ်ပြသည့် Video ဖိုင်ဟာ လွန်ခဲ့သည့်နှစ်များစွာက ရိုက်ကူးထားတာလည်းဖြစ်နိုင်ပါတယ်။

ဤသို့မဟုတ်ပါက တရုတ်စစ်တပ်၏ CH-7 ဒရုန်းစီမံကိန်းဟာ ကိုဗစ်19 ကြောင့်နောက်ကျခဲ့ရဟန်ရှိပြီး ယခုနှစ်ပိုင်းမှသာ စမ်းသပ်မှုများပြန်လည်ပြုလုပ်နေရကြောင်း ယူဆရပါတယ်။

CH-7 ၏ အဓိကအစိတ်အပိုင်းများဟာ အမျိုးအမည်မသိရသေးသော Turbo fan အင်ဂျင်ကိုတပ်ဆင်ထားသည့် လေဝင်ပေါက်ဒီဇိုင်းနှင့် လက်နက်တပ်ဆင်နိုင်သည့် ကိုယ်ထည်အတွင်းပိုင်း လက်နက်သယ်ခန်းတို့ဖြစ်ပါတယ်။

CH-7 ၏ ခန့်မှန်းအရွယ်အစားမှာ အောက်ပါအတိုင်းဖြစ်ပါတယ်။

အလျား - ၁၀မီတာ (၃၂.၈၁ ပေ)

တောင်ပံအလျား - ၂၇.၃မီတာ (၈၉.၅၇ ပေ) နှင့်

အများဆုံးအလေးချိန် - ၁၀တန်ကျော်ကျော်ရှိပါတယ်။

CH-7 ဒရုန်းဟာ Developer များ၏အဆိုအရ တစ်နာရီကိုအမြန်ဆုံး ၉၂၆km ပျံသန်းနိုင်ပြီး ဝေဟင်ပေါ်၌အများဆုံး ၁၅နာရီအထိနေနိုင်ပါတယ်။

CH-7 ၏ အဓိကလက်နက်များမှာ

AR အမျိုးအစား တင့်ဖျက်ပဲ့ထိန်းဒုံးများဖြစ်ကြပါတယ်။

(၁) အကွာအဝေး ၁၀km အထိရောက်ရှိနိုင်သည့် AR-1 ဒုံးများမှ

(၂) အကွာအဝေး ၈km အထိရောက်ရှိနိုင်ပြီး တိကျမှုပိုမိုကောင်းမွန်သည့် AR-2 စသည့် တင့်ဖျက်ပဲ့ထိန်းဒုံးများကို ဝမ်းဗိုက်အတွင်းရှိ လက်နက်ခန်း၌ အဓိကထားသယ်ဆောင်မည်ဖြစ်ပါတယ်။

ထိုကြောင့် CH-7 ဒရုန်းကို မြေပြင်ပစ်မှတ်ချေမှုန်းရေးစစ်ဆင်ရေးများအပြင် ရေပြင် ရေပေါ်သွား စစ်ရေယာဉ်ပစ်မှတ်များကို ချေမှုန်းရန်အတွက်ပါ အသုံးပြုလာနိုင်မှာဖြစ်ပါတယ်။

စိတ်ဝင်စားစရာအကောင်းဆုံး လက်နက်မှာ YJ-21E အမျိုးအစား ဟိုက်ပါဆောနစ်သင်္ဘောဖျက်ဒုံးပျံဖြစ်ပါတယ်။ ယခုနှစ် Zhuhai Air Show 2024 ၌ YJ-21 ကို ယခုလို CH-7 ဘေး၌ ခင်းကျင်းပြသခြင်းဟာ လက်တွေ့၌ CH-7 ဒရုန်းအနေဖြင့် ဤမျှ ဖျက်အားပြင်းသော သင်္ဘောဖျက်ဒုံးကိုပါ တပ်ဆင်ပစ်ခတ်လာနိုင်ကြောင်း မြင်လာရခြင်းဟာ တရုတ်စစ်တပ်၏ ဒရုန်းအခန်းကဏ္ဌအတွက် အတော်လေးကြီးသည့် အရွေ့တစ်ခုဖြစ်ပါတယ်။

YJ-21 အမျိုးအစား သင်္ဘောဖျက် ဟိုက်ပါဆောနစ်ဒုံးပျံကို Type 055 အတန်းစား ခရူဇာကြီးများ၌ တွေ့လာခဲ့ရပြီးနောက် H-6K ဗုံးကြဲလေယာဉ်၏ တောင်ပံနှစ်ဖက်၌ပါ တရားဝင်ချိတ်ပြလာပါတယ်။

အချက်အလက်များအရ ထိုဒုံး၏ ‌အမြန်ဆုံးအလျင်မှာ အသံထက် ၆ဆမှ ၁၀ဆ အထိအလျင်ရှိတာကြောင့် တားဆီးရခက်သည့် သင်္ဘောဖျက်ဒုံးတစ်စီးဖြစ်လာပါတယ်။ ရောက်ရှိနိုင်သော အကွာအဝေးမှာလည်း ၁၅၀၀km ဖြစ်ပြီး ထိုအကွာအဝေးကို ၇.၂မိနစ်အတွင်းရောက်ရှိနိုင်သဖြင့် လေကာများအနေဖြင့် ခေါင်းကိုက်ရဦးမည့် ဟိုက်ပါဆောနစ်ဒုံးပျံတစ်စီးဖြစ်ပါတယ်။

ထိုသို့ ဟိုက်ပါဆောနစ်သင်္ဘောဖျက်ဒုံးကို CH-7 ကိုယ်ပျောက်ဒရုန်းအသစ်၌ တွဲဖက်တပ်ဆင်လိုက်ခြင်းဖြင့် တရုတ်ရေတပ်ကို Next Level တစ်ခုရောက်အောင်ပြောင်းလဲနိုင်စွမ်းရှိလာပြီဖြစ်ပါတယ်။

ပဲ့ထိန်းဗုံးများ၌ LS-6 အမျိုးအစား ဗုံးများကိုတပ်ဆင်လာဦးမှာဖြစ်ပါတယ်။

အဆုံးသတ်ပြောရပါလျှင် CH-7 ဟာ တရုတ်ယိမ်းစစ်လက်နက်လေ့လာသူများခိုင်းနှိုင်းနေသလို အမေရိကန်လေတပ်၏ ဗုံးကြဲလေယာဉ်အသစ် B-21 နှင့် နှိုင်းယှဉ်မှုတွေပြုလုပ်နေခြင်းဟာ အတော်ကို လွဲနေပါတယ်။ ဆဌမမျိုးဆက်မြောက်ဗုံးကြဲလေယာဉ်နှင့် ဖွံ့ဖြိုးဆဲ UAV တစ်စီးကို ဘယ်လိုမှ နှိုင်းယှဉ်လို့မသင့်ကြောင်း တင်ပြလျက်နိဂုံးချုပ်လိုက်ပါတယ်။

14/11/2024

တရုတ်ရေတပ်ဟာ J-15B နှင့် D အမျိုးအစား မျိုးဆက်သစ် လေယာဉ်တင်သင်္ဘောအခြေပြု တိုက်လေယာဉ်နှစ်စီးကို စတင်အသုံးပြုနေပြီဖြစ်ကြောင်း ယခု Zhuhai Air Show 2024 ၌ တရားဝင်စတင်မိတ်ဆက်သွားခဲ့ပြီဖြစ်ပါတယ်။

J-15B သို့မဟုတ် J-15T ဟုခေါ်သည့် ထိုင်ခုံတစ်လုံးပါ ဗားရှင်းဟာ ယခင် ဆိုဗီယက်၏ SU-33 ကိုကူးချထားသော J-15A ကိုပင် ပြုပြင်ထားကာ လေယာဉ်တင်သင်္ဘောသစ် Fujian CV-18 ၏ လောက်လွဲနှင့်ချိတ်ဆွဲ အသုံးပြုနိုင်ရန် ပြုလုပ်ထားတာဖြစ်ပြီး ၎င်း၏ ရှေ့ဘီးရှေ့၌ Catapult ၌ ချိတ်တွဲမည့် ချိတ်ကိုပါ မြင်ခဲ့ရပြီဖြစ်ပါတယ်။

J-15B ဟာ လေယာဉ်တင်သင်္ဘောအုပ်၏‌ လေကြောင်းရန်ကာကွယ်ရေးကို အဓိကထားတာဝန်ယူရမည့်တိုက်လေယာဉ်များဖြစ်ကြပြီး လေယာဉ်တင်သင်္ဘောအုပ်စုမှ လက်လှမ်းမမှီသော အကွာအဝေးတစ်ခုမှ ဝေဟင်ပစ်မှတ်များကိုသွားရောက်ချေမှုန်းခြင်းဖြင့် တာဝေး လေကြောင်းရန်ကာတာဝန်ကိုရယူရမှာဖြစ်သလို

ရေယာဉ်ဖျက်ဒုံးတပ်ဆင်၍ ရန်သူ့စစ်ရေယာဉ်ကိုတိုက်ခိုက်ခြင်းနှင့် ဗုံးများ၊ ပဲ့ထိန်းဒုံးများကိုချိတ်ဆွဲကာ ကုန်းမြေပစ်မှတ်များကို ချေမှုန်းခြင်း၊ အပိုဆီတိုင်ကီတပ်၍ တာဝေးစစ်ဆင်မည့် မိမိ J-15 အုပ်များကို ဝေဟင်၌ ဆီဖြည့်ပေးခြင်းစသည့် ဘက်စုံသုံး Role ၌လည်း J-15B များ၏ အခန်းကဏ္ဌဟာ အရေးပါဆုံးသော နေရာတစ်ခုမှ ရှိလာတော့မှာဖြစ်ပါတယ်။ Aerial Refueling ကို J-15B ဖြင့်စမ်းပြသွားတာကတော့ အတော်လေးကိုဂေါ်နေပြီဖြစ်ပါတယ်။

ယခင်ကလို Ski-jump ကြောင့်

- တောင်ပံနှစ်ဖက်၌ လိုသလောက်လက်နက်ဝန်အပြည့်တင်ဆောင်ကာ ပျံသန်းရန်အဆင်မပြေခဲ့သည့် အခက်အခဲများကို

- လေယာဉ်တင်သင်္ဘောအသစ် Fujian ၏ လျှပ်စစ်သံလိုက်တွန်းကန်အားသုံး လောက်လွှဲစနစ်သုံးခုမှ ဖြေရှင်းပေးလိုက်ပြီဖြစ်သဖြင့်

- ရုရှားပင် မလုပ်နိုင်သေးသော အရာဖြစ်သည့် အရွယ်အစားကြီးမားသော Sukhoi မိသားစုဝင် တိုက်လေယာဉ်များကို လောက်လွဲစနစ်ဖြင့် ဝေဟင်သို့ပင်တင့်သည့် အလုပ်ကို နောက်မှ လိုက်လာသည့် တရုတ်ရေတပ်မှ များမကြာမှီတွင် ကမ္ဘာ့ပထမဆုံးအကြိမ်အဖြစ် အောင်မြင်စွာပြုလုပ်နိုင်တော့မှာဖြစ်ပါတယ်။

J-15D ကို ပြန်ပြောရလျှင် EW လေယာဉ်စစ်စစ်ဖြစ်ပါတယ်။ နှစ်ယောက်ထိုင်ဗားရှင်းဖြစ်ပြီး ရှေ့၌ ပိုင်းလော့ဖြစ်ကာ နောက်ဘက်တွင် EW operator လိုက်ပါမှာဖြစ်ပါတယ်။ ထိုအယူအဆကို ယခင်နှစ်များစွာကတည်းက J-16 series ၌ ချပြခဲ့ပြီးဖြစ်သော်လည်း ယခုအခါ ထို Concept ကို ရေတပ်အထိ လက်ဆင့်ကမ်းလိုက်နိုင်ပြီဖြစ်ပါတယ်။

J-16D EW လေယာဉ်ဟာ အမေရိကန်ရေတပ်၏ EA-18G Glower ၏ Role နှင့်အတူတူပင်ဖြစ်ပါတယ်။ ၎င်းတို့ဟာ
မိမိ၏ တိုက်လေယာဉ်အုပ်နှင့်အတူ ရန်သူ၏ လေကြောင်းရန်ကာကွယ်ရေးဇုန်ကို တိုးဝင်ကြပါတယ်။ J-15D EW တိုက်လေယာဉ်၏ တောင်ပံများတွင် J-16D ၌ မြင်တွေ့ခဲ့ရသည့် Jamming Pod (၄)ခု နှင့် EW စနစ်များကို အဓိကထားတပ်ဆင်ထားပါတယ်။

ထို Jamming Pod နှင့် EW စနစ်ကိုသုံး၍
ရန်သူ့လေကြောင်းရန်ကာကွယ်ရေးစနစ်၏ အသက်သွေးကြောဖြစ်သည့် ရေဒါစနစ်ကို EW wave များ ထုတ်လွှတ်ကာတိုက်ရိုက်ဖိဖျက်ပါတယ်။ ထိုကြောင့် ရန်သူ၏ တော်ရုံသင့်ရုံ ပစ်မှတ်ရှာ ရေဒါဟာ ထို EW wave အောက်မှာပင် jam လုပ်ခံရပြီး အသက်မဲ့သွားကာ မိမိတိုက်လေယာဉ်အုပ်ကိုမထောက်လှမ်းနိုင်တော့ပါဘူး။

ဤနည်းဖြင့် ရန်သူ့လေကာစနစ်ကို အသက်မဲ့အောင်လုပ်နိုင်သလို မလုံလောက်သေးပါက Anti-Radiation Missile ဖြင့် ရန်သူ့ ရေဒါယာဉ်ကို တိုက်ရိုက် engage လုပ်ခြင်းဖြင့်လည်း ရန်သူ့လေကာစနစ်တစ်ခုလုံး ဖင်ထိုင်ကျသွားအောင်လုပ်နိုင်ပါတယ်။

တရုတ်ရေတပ်မှအသုံးပြုသည့် Anti-Radiation Missile မှာ ရုရှားထုတ် Kh-31P ကို တုပထားသည့် YJ-91 ဒုံးပျံများကို အသုံးပြုထားပြီး J-15D ၏ အဓိက တွဲဖက် လက်နက်တစ်ခုဖြစ်လာနိုင်ပါတယ်။

Research and Development ၌ ငွေကြေးများစွာရင်းနှီးကာ Flanker family အုပ်စုကို ယခုလို ရေတပ်၌ပါ ပေါက်ရောက်အောင်လုပ်လာနိုင်ခဲ့ပြီဖြစ်သည့် တရုတ်ရေတပ်၏ ဖန်တီးနိုင်စွမ်းမှာ မချီးကျူးဘဲ နေလို့မရတော့သည့်အနေအထားသို့ ရောက်ရှိလာပြီလည်းဖြစ်ပါတယ်။

12/11/2024

ထိုင်ဝမ်စစ်တပ်ဟာ အမေရိကန်ကုမ္ပဏီ Lockheed Martin ထံမှ M-142 Himars ဒုံးစနစ်ကို စတင်လက်ခံရရှိခဲ့ပြီဖြစ်ပါတယ်။

သတင်းများအရ လွန်ခဲ့သည့်တစ်ပတ်က ထိုင်ဝမ်သတင်းဌာန Central News Agency ၏ အဆိုအရ အမေရိကန်ကုမ္ပဏီ Lockheed Martin ဟာ ထိုင်ဝမ်စစ်တပ်ထံသို့ နာမည်ကျော် M-142 Himars ဒုံးလောင်ချာစနစ်များနှင့်အတူ ATACMS ဒုံးစနစ်များကို စတင်ပေးပို့ခဲ့ပြီးဖြစ်ပါတယ်။

ထိုင်ဝမ်ကြည်းတပ်မှ Himars အတွက် အရာရှိစစ်သည်များကို လွန်ခဲ့သည့်အောက်တိုဘာလ ၃၁ ရက်နေ့တွင် အမေရိကန်နိုင်ငံ Oklahoma တွင် သင်ကြားမှုပြီးဆုံးခဲ့ပြီးနောက် ယခုလို လွဲပြောင်းသည့်ပုံထွက်လာတာဖြစ်ပါတယ်။

ထိုင်ဝမ်စစ်တပ်ဟာ HIMARS ဒုံးစနစ်ကို 2019 ခုနှစ်ခန့်ကတည်းက စတင်ဝယ်ယူခွင့်တောင်းခံခဲ့တာဖြစ်ပြီး အမေရိကန်အစိုးရမှ 2020ခုနှစ်တွင် HIMARS ဒုံးပစ်ယာဉ် (၁၁)စီးနှင့် ATACMS ပဲ့ထိန်းဒုံး (၆၄)စင်းကို ထိုင်ဝမ်သို့ တရားဝင်ရောင်းချခွင့်ပြုပေးခဲ့ပါတယ်။ ထိုနောက်တွင် ထိုင်ဝမ်ကြည်းတပ်ဟာ ၎င်း၏ Order ကို ထပ်မံတိုးမြင့်ခဲ့ပါတယ်။

ထပ်မံတိုးမြင့်ခဲ့သော Order များမှာ

(1) Himars ဒုံးပစ်ယာဉ် (၁၈)စီးနှင့်

(2) ATACMS ပဲ့ထိန်းဒုံးအစင်းရေ (၂၀)တို့ဖြစ်ပါတယ်။

ထိုင်ဝမ် အမျိုးသားလုံခြုံရေးဌာနမှ ယခုလအစောပိုင်းတွင် အမေရိကန်မှ Himars ဒုံးပစ်ယာဉ် (၁၁)စီးကို ရယူလက်ခံထားပြီးဖြစ်ကြောင်းနှင့် နိုင်ငံအနောက်အလယ်ပိုင်းရှိ
Taichung မြို့တွင် အခြေစိုက်ထားသော ကြည်းတပ် တပ်မ (၁၀) လက်အောက်ရှိ အမှတ် (၅၈) လက်နက်ကြီးတပ်၌ တာဝန်ထမ်းဆောင်နေပြီဖြစ်ကြောင်းသိရပါတယ်။

ATACMS ဒုံးဟာ အသံထက် ၃ဆမြန်သည့်အလျင်ဖြင့် အကွာအဝေး ၃၀၀km အထိ ရောက်ရှိနိုင်သည့်အပြင် GPS နှင့် အတွင်းဘက်လမ်းညွှန်စနစ်ပါရှိတာကြောင့် ပစ်မှတ်ကို တိတိကျကျထိမှန်နိုင်ပါတယ်။ ထိုသို့ တိကျကြောင်းကို ရုရှား-ယူကရိန်းစစ်ပွဲ၌ စာဖတ်သူတို့မြင်ခဲ့ရပြီးဖြစ်ပါတယ်။

ထိုင်ဝမ်စစ်တပ်၏ Himars ဒုံးစနစ်များဟာ အမှတ် (၅၈) လက်နက်ကြီးတပ်မှ နေ၍ ATACMS ဒုံးဖြင့် တရုတ်ပြည်မကြီးဘက်သို့လှမ်းပစ်ပါက Quanzho ၊ Xiamen နှင့် Fuzhou မြို့များအထိ ရောက်ရှိနိုင်ပါတယ်။ ထိုကြောင့် ထိုင်ဝမ်စစ်တပ်သုံး HIMARS ဒုံးစနစ်၏ လက်လှမ်းမှီနိုင်သည့် တရုတ်စစ်စခန်းများမှာ

1. တရုတ်အရှေ့ဘက်ရေတပ်အုပ်၏ ဂျက်တိုက်လေယာဉ်အုပ်နှစ်ခုအခြေစိုက်ရာ Nanjingလေတပ်စခန်း၊

2. တရုတ်စစ်တပ်၏ အမှတ် 31 တပ်မကြီး

(၎င်း တပ်မကြီး လက်အောက်ရှိ

၁။ မော်တော်ယာဉ်ပါ ခြေလျင်တပ်မဟာ (၂)ခု ၊
၂။ တင့်များပါရှိသည့် ယန္တရားတပ်မဟာ (၁)ခု ၊
၃။ အမြှောက်တပ်မဟာ (၁)ခု ၊
၄။ ပဲ့ထိန်းဒုံးတပ်မဟာ(၁)ခု နှင့်
၅။ လေကြောင်းရန်ကာကွယ်ရေးတပ်မဟာ(၁)ခု တို့အခြေစိုက်ပါတယ်။)

ယူကရိန်းစစ်ပွဲတွင် Himars ဒုံးစနစ်များရောက်ရှိလာစဉ်ကတည်းက ယူကရိန်းလက်နက်ကြီးတပ်ဖွဲ့ဟာ ရုရှားစစ်တပ်၏ နောက်တန်းများဖြစ်သော လက်နက်သိုလှောင်ရုံ၊ စစ်သင်တန်းကျောင်းများနှင့် လေတပ်အခြေစိုက်စခန်းများ စသည်တို့ကို ATACMS ဒုံးများဖြင့်တိုက်ခိုက်ခဲ့ကာ အောင်မြင်မှုများရရှိဖူးပါတယ်။

ထိုကြောင့် ယခု Himars ဒုံးစနစ်များ ထိုင်ဝမ်သို့ရောက်ရှိလာခြင်းဟာ တရုတ်စစ်တပ်အတွက် ယခုမိတ်ဆက်သွားသည့် HQ-19 တာဝေး ပဲ့ထိန်းဒုံးခွင်းဒုံးစနစ်ကို တရုတ်နိုင်ငံအရှေ့ပိုင်းတွင် တပ်ဖြန့်ရန် တွန်းအားပေးသလိုဖြစ်သွားပြီဖြစ်ပါတယ်။

09/11/2024

Zhuhai Air Show 2024 တွင် တရုတ်စစ်တပ်မှ ထုတ်ပြလျက်ရှိသော လက်နက်များအနက် Hype ဖြစ်နေကြသည်မှာ HQ-19 လေကြောင်းရန်ကာကွယ်ရေးစနစ်အသစ်ဟာလည်း တရုတ်စစ်တပ်၏ ခေတ်သစ်တာဝေးလေကြောင်းရန်ကာကွယ်ရေးစနစ်တစ်ခုဖြစ်လာပါတယ်။

တရုတ်လေကြောင်းရန်ကာကွယ်ရေးတပ်ဖွဲ့ဟာ ယခင်နှစ်များစွာက ရုရှားထုတ် S-300 နှင့် S-400 လေကာစနစ်များနှင့် ပြည်တွင်းထုတ် HQ-9 အမျိုးအစား လေကာများကို ရောနှောအသုံးပြုနေခဲ့ပါတယ်။ အကြောင်းမှာ ၎င်းတို့၏ ပြည်တွင်းဖြစ် HQ-9 လေကာစနစ်ဟာ တာလတ်မှ တာဝေးဖြစ်တာကြောင့် ရုရှားထုတ် S-300 နှင့်သာ တန်းညီနေခဲ့ပြီး
ပိုမိုအလှမ်းကွာဝေးသည့် ဝေဟင်ပိုင်နက်များအထိ ကာကွယ်ရန်အတွက် တရုတ်စစ်တပ်ဟာ ရုရှားထံမှ S-400 စနစ်များကို ဝယ်သုံးခဲ့ရပါတယ်။

ထိုကြောင့် တရုတ်စစ်လက်နက်ကုမ္ပဏီများ၏ ထုတ်လုပ်နိုင်စွမ်းဟာ S-300 ထက်မကျော်နိုင်ဖြစ်နေသည့်အတွက် ရုရှားထုတ် S-400 များကို အားကိုးခဲ့ရပါတယ်။ သို့သော် ယခုနှစ်များ၌ တရုတ်တို့ဟာ HQ-9 ထက်ပိုမိုအဆင့်မြင့်ပြီး တာဝေးပိုရောက်နိုင်သည့် ဒုံးခွင်းဒုံးစနစ်အသစ်တစ်ခုကို ဖန်တီးနေခဲ့ရာ လွန်ခဲ့သည့် နှစ်ကပင် တရုတ်ရေတပ်အတွက် တည်ဆောက်နေသည့် Type 055 အတန်းစား ဒုတိယအသုတ် ခရူဇာများတွင် HQ-19 ဟုခေါ်သည့် လေကာဒုံးစနစ်သစ်တစ်ခုကိုတပ်ဆင်မည်ဖြစ်ကြောင်း သတင်းတွေထွက်လာပါတယ်။

ထိုသတင်းကို တရုတ်စစ်တပ်နှင့်နီးစပ်သည့် အသိုင်းအဝိုင်းတစ်ခုကပင်အတည်ပြုခဲ့သဖြင့် HQ-19 ထွက်လာမည့်သတင်းဟာ ပိုပြီးသေချာသွားခဲ့ပါတယ်။ Eurasian Times ၏အဆိုအရ တရုတ်စစ်တပ်ဟာ HQ-19 ကို 2021 ခုနှစ်ခန့်ကတည်းက စတင်စမ်းသပ်နေခဲ့ပြီး ထိုစဉ်ကတည်းက တပ်တော်ဝင်ထားပြီးဖြစ်ကြောင်း ရေးသားထားခဲ့ပါတယ်။

ထိုကြောင့် HQ-19 ဟာ ကုန်းမြေအခြေပြုဗားရှင်းမှနေ၍ ရေ‌တပ်၏ VLS ၌ တပ်ဆင်မည့် ရေပြင်မှ ဝေဟင်ပစ်ဗားရှင်းသို့ ကူးပြောင်းလာခဲ့ပုံရပါတယ်။ ယခုလာမည့် နိုဝင်ဘာလ 12ရက်နေ့မှ 17ရက်နေ့အထိ 5ရက်ကြာ ကျင်းပပြုလုပ်မည့် Zhuhai Air Show 2024 ပြပွဲတွင် တရုတ်တို့ဟာ ၎င်းတို့၏ လေကာစနစ်အသစ်ဖြစ်သည့် HQ-19 ကိုစတင်ချပြရန် ပြင်ဆင်မှုများပြုလုပ်နေပြီဖြစ်ပါတယ်။

နိုဝင်ဘာလ 7ရက်နေ့ကတည်းက တရုတ်စစ်တပ်ဟာ ၎င်း၏ HQ-19 လေကာစနစ်သစ်တပ်ခွဲကို Zhuhai လေဆိပ်အတွင်းသို့သယ်ဆောင်လာခဲ့ပါတယ်။ ဓာတ်ပုံမှတ်တမ်းများအရ HQ-19 တပ်ခွဲဟာ ယနေ့ခေတ်အခြားသော ဒုံးခွင်းဒုံးစနစ်များလို ဖွဲ့စည်းပုံအရ ရှုပ်လွန်းပြီး မှတ်ရခက်သည့်လေကာစနစ်မျိုးမဟုတ်ဘဲ ရှင်းလင်းသည့် ဖွဲ့စည်းပုံကိုပိုင်ဆိုင်ထားပါတယ်။

ဓာတ်ပုံများအရ HQ-19 လေကာစနစ်၏ တပ်ခွဲတွင်

(၁) Type 610A Intelligence Radar ယာဥ်(၁)စီး၊

(၂) Type 780 Target Destination Radar ယာဉ်(၁)စီး၊

(၃) အမိန့်ပေး ကွပ်ကဲယာဉ် (၁)စီး၊

(၄) HQ-19 ဒုံးပစ်ယာဉ် (၂)စီး နှင့်

(၅) ဓာတ်အားပေးယာဉ်(၁)စီးတို့ကိုမြင်တွေ့ရပါတယ်။

(၁) Type 610A ‌Intelligence Radar

ထိုရေဒါစနစ်ကို 2022 ခုနှစ်ကတည်းက စတင်ချပြခဲ့ဖူးပြီး အသစ်အဆန်းတော့မဟုတ်ပါဘူး။ တရုတ်တို့၏အဆိုအရ Type 610A ရေဒါဟာ စတုတ္ထမျိုးဆက်မြောက် လေကြောင်းရန်ကာကွယ်ရေးနှင့် ဒုံးခွင်းဒုံးရေဒါစနစ်ဖြစ်ပြီး ၎င်းနှင့်တွဲဖက်ထားရာ တပ်ခွဲ၌ အစောဆုံးစတင်လှုပ်ရှားထောက်လှမ်းသည့် ရေဒါကြီးဖြစ်ပါတယ်။

ထို Type 610A ရေဒါကို သီးခြားထောက်လှမ်းခြင်းအပြင် အခြားသော ရေဒါကွန်ယက်များနှင့်တွဲဖက်၍ အကွာ‌အဝေး 4000km အထိ ထောက်လှမ်းနိုင်ရန်ဖန်တီးထားပြီး တိုက်လေယာဉ်များ၊ ရဟတ်ယာဉ်များ စသည့် တောင်ပံတပ် လေကြောင်းပစ်မှတ်များအပြင် ရန်သူ၏ မြေပြင်ပစ်ပဲ့ထိန်းဒုံးများကိုပါ ထောက်လှမ်းပေးနိုင်ပါတယ်။

ထို Type 610A ရေဒါစနစ်ကို အိန္ဒိယနှင့် တရုတ်နိုင်ငံကြားရှိ Tibetan Plateau ဒေသကိုပါ ထောက်လှမ်းရန်အထိုင်ချထားပြီး အိန္ဒိယလေတပ်၏ လှုပ်ရှားမှုများကို တရုတ်စစ်တပ်မှ သတိထားစောင့်ကြည့်ရာ၌ အသုံးပြုနေသည့် ရေဒါစနစ်တစ်ခုလည်းဖြစ်ပါတယ်။

(၂) Type 780 Target Designation Radar

Type 780 ရေဒါဟာလည်း အပေါ်တွင်ပြောခဲ့သည့် Type 610A ရေဒါနှင့်တွဲဖက်၍ ၂၀၂၂ ခုနှစ်ကတည်းက ချပြထားသည့် ရေဒါစနစ်ဖြစ်ပါတယ်။ ထိုရေဒါဟာ Type 610A မှရရှိလာသည့် ထောက်လှမ်းမှုအချက်အလက်များကို ရယူကာ အချက်အလက်များကို သေချာစီစစ်ခွဲခြား၍ အမိန့်ပေးကွပ်ကဲယာဉ်ထံပို့ပေးနိုင်သလို၊ မိမိဘာသာလည်း ဝေဟင်ပစ်မှတ်ကိုသီးခြားထောက်လှမ်းကာ ထိုပစ်မှတ်ဟာ တိုက်လေယာဉ်လား၊ ပဲ့ထိန်းဒုံးလားဆိုတာ ခွဲခြားပေးနိုင်ပါတယ်။

ထို့အပြင် အဆိုပါပစ်မှတ်၏အမျိုးအစား၊ ၎င်းပျံသန်းရာအမြင့်ပေ၊ အလျင်၊ မိမိရေဒါယာဉ်နှင့် ၎င်းပစ်မှတ်ကြားအကွာအဝေး စသည်တို့ကိုပါ တိုင်းတာတွက်ချက်ပေးနိုင်ကာ ရရှိလာသည့် အချက်အလက်များကို အမိန့်ပေးယာဉ်ထံပေးပို့ပါတယ်။

(၃) အမိန့်ပေးကွပ်ကဲယာဉ်

ထို Command Control ယာဉ်ဟာ လေကြောင်းရန်ကာကွယ်ရေးတပ်ခွဲတိုင်းအတွက် အရေးပါလှပြီး မိမိတို့ထံ ဝင်ရောက်လာ‌သည့်ပစ်မှတ်များကို ဒုံးမည်မျှသုံး၍ ဟန့်တားမည်၊ မည်သည့်အချိန်တွင် ဟန့်တားမည်ကို ဆုံးဖြတ်ချက်ချကာ ဒုံးပစ်ယာဉ်များပစ်လွှတ်စေသည့် ယာဉ်ဖြစ်ပါတယ်။

(၄) ဒုံးပစ်ယာဉ် TEL

ဒုံးပစ်ယာဉ်ကတော့ ရှင်းပါတယ်။ အမိန့်ကျလာသည်နှင့် ဒုံးခွင်းဒုံးများကိုစတင်ပစ်လွှတ်သွားမှာဖြစ်ပါတယ်။ HQ-19
ဒုံးပစ်ယာဉ်၌ HQ-19 ဒုံးခွင်းဒုံး (၆)စင်းစီပါရှိသဖြင့် တပ်ခွဲတစ်ခုစီတွင် အနည်းဆုံး ဒုံးခွင်းဒုံး (၁၂)စင်းအထိပါရှိမှာဖြစ်ပါတယ်။

HQ-19 TEL ဒီဇိုင်းဟာ HQ-9 နှင့်ဆင်တူမှုမရှိတော့ဘဲ မြင်ရုံဖြင့် ခွဲခြားနိုင်သည့် ဒီဇိုင်းဖြစ်သွားပါတယ်။ ဒုံးပြွန်များ၌ ဒီဇိုင်းကိုပြောင်းလဲထားခဲ့ပြီး HQ-9 လိုပင် ပွပွကြီးမဟုတ်တော့ဘဲ Compact ဖြစ်သည့် ဘက်ကိုရောက်လာပါတယ်။
ခန့်မှန်းထားသောအချက်အလက်များအရ HQ-19 ဒုံးခွင်းဒုံးဟာ အကွာအဝေး (1000 မှ 3000)km အထိရောက်ရှိနိုင်ကြောင်းဆိုထားကြပါတယ်။ တရုတ်တို့မှမူ ထို HQ-19 စနစ်ဟာ အမေရိကန်စစ်တပ်သုံး THAAD-ER ၊ ရုရှားထုတ် S-400 တို့နှင့် တန်းတူကြောင်းသိရပါတယ်။

(၅) ဓာတ်အားပေးယာဉ်

ဓာတ်အားပေးယာဉ်မှာ လေကာတပ်ခွဲတစ်ခုလုံး၌ လည်ပတ်မည့် လျှပ်စစ်ဓာတ်အားကို ထုတ်ပေးမှာဖြစ်ပါတယ်။ HQ-19 တပ်ခွဲယာဉ်များ၌ မိမိကိုယ်ပိုင် Generator များပါရှိကြသော်လည်း အကယ်၍ လိုအပ်လာခဲ့လျှင် ပစ်မှတ်များကိုရှာ ဖွေမည့်ရေဒါယာဉ်များကို အဓိကထား၍ လျှပ်စစ်ဓာတ်အားကိုထောက်ပံ့မည်ဟုယူဆရပါတယ်။

တရုတ်စစ်တပ်ဟာ HQ-19 လေကာစနစ်အသစ်ကို exoatmospheric interceptor အဖြစ်အသုံးပြုသွားနိုင်ချေများနေပါတယ်။ Exoatmospheric Interceptor ဆိုသည်မှာ ကမ္ဘာ့လေထုအပြင်ဘက်မှနေ၍ ကျရောက်လာမည့် ရန်သူ၏ ပဲ့ထိန်းဒုံးများကိုကြားဖြတ်ဟန့်တားသည့် အဆင့်မြင့်ဒုံးခွင်း‌ဒုံးဖြစ်ပါတယ်။

ထိုဒုံးများတွင် အဆင့်မြင့်အာရုံခံစနစ်များနှင့် ပဲ့ထိန်းစနစ်များပါရှိသဖြင့် အာကသရှိ ပဲ့ထိန်းဒုံးပစ်မှတ်များကို‌ချေမှုန်းနိုင်ပါတယ်။ Exoatmospheric Interceptor ဖြစ်ကြောင်းကို အမေရိကန်ကုမ္ပဏီ Raytheon မှထုတ်လုပ်ထားပြီး အမေရိကန်နှင့် ဂျပန်ရေတပ်၏ ဖျက်သင်္ဘောများ၌ အသုံးပြုနေသည့် SM-3 ဒုံးခွင်းဒုံးဟာ ၂၀၂၂ ခုနှစ်စမ်းသပ်မှုဖြင့် သက်သေပြထားပြီးဖြစ်ပါတယ်။

သို့သော် ယခု HQ-19 ကို တရုတ်တို့ဟာ မည်မျှပင် ကြွားလုံးထုတ်နေပါစေ နာမည်ကျော် SM-3 ကိုမှီဖို့က အလှမ်းဝေးနေဦးမှာဖြစ်ပါတယ်။ သို့သော် ထို HQ-19 ဒုံးများကို မကြာမှီတပ်တော်ဝင်လာမည့် Type 055 အတန်းစား ဒုတိယအသုတ် ခရူဇာစစ်ရေယာဉ်ကြီးများ၏ VLS စနစ်များတွင် စတင်တပ်ဆင်အသုံးပြု‌လာတော့မှာဖြစ်ပါတယ်။

08/11/2024

Zhuhai Air Show 2024 ၏ Star ဖြစ်သည့် J-35A ကိုယ်ပျောက်တိုက်လေယယဉ်အသစ်ဟာ လွန်ခဲ့သည့် ၆ နာရီကပင် Flight Demo များကို စပြီးလုပ်ပြနေပြီဖြစ်ပါတယ်။

ဓာတ်ပုံများကိုကြည့်ရသမျှ Shenyang ဟာ J-35 ကိုယ်ထည်ကို ပြုလုပ်ရာ၌ အတော်လေး အားစိုက်ထားပုံရပြီး လက်ရာအတော်သေသပ်တာကို မြင်ခဲ့ရပါတယ်။

J-35A ၏ Cockpit ကအစ ကိုယ်ထည်တစ်လျှောက်လုံးဟာ အမေရိကန်၏ F-35A ကို တုပထားမှန်းသိပါသော်လည်း အတော်ကို Compact ဖြစ်သည့် ဒီဇိုင်းလေးဖြစ်နေပါတယ်။
ပါကစ္စတန်စစ်လက်နက်သုံးသပ်သူများကမူ သူတို့နိုင်ငံလေတပ်၏ Next Gen Fighter ဟာ J-35A ပင်ဖြစ်သင့်ကြောင်းပြောဆိုနေသလို အိန္ဒိယစစ်လက်နက်သုံးသပ်သူများကပင် J-35A ၏ လက်ရာဒီဇိုင်းသေသပ်မှုကို ချီးကျူးနေကြတာပါ။

Demonstration Video ၌မူ J-35A ဟာ Manuever ၌ အတော်လေးမဆိုးသည့်အနေအထားကိုမြင်ခဲ့ရပါတယ်။ Sukhoi ထုတ် SU-30, SU-35 တို့လို မိုးပျံ ဂျွမ်းလှန်အောင် မထိုးပြခဲ့သော်လည်း F-35 လို ငြိမ့်ငြိမ့်လေးဘက်ကိုသွားတာဖြစ်ပါတယ်။

အင်ဂျင်ကိုသိလိုသဖြင့် X ၌ ရှာကြည့်ရာ WS-19 အင်ဂျင်က်ိုသုံးထားပြီး ၎င်းအင်ဂျင်ဟာ 3D Thurst Vectoring စနစ်ပါရှိသဖြင့် J-35A ကို Highly Manuever လုပ်ရာ၌ ပိုမိုကောင်းမွန်စေပါတယ်။ သို့သော် Flight Demo ပြုလုပ်ရာ၌ 3D Thurst Vectoring စွမ်းရည်ကိုလုပ်ပြသွားခြင်းမရှိပါ။

တရုတ်စစ်လက်နက်ပေ့ခ်ျတစ်ခု၏ အဆိုအရ WS-19 အင်ဂျင်ကို အပြီးသတ်နိုင်ခြင်းမရှိသေးသဖြင့် ပါကစ်ထုတ် JF-17 တိုက်လေယာဉ်များ၌ တပ်ဆင်ရန် ပြင်ဆင်ခဲ့သည့် WS-13 အင်ဂျင်ကို J-35A ၌ တပ်ဆင်ထားကြောင်းသိရပါတယ်။ ထိုကြောင့် J-35A ဟာ အမိုက်စားManuever များကို မပြုလုပ်ပြခဲ့တာဖြစ်ပါတယ်။ J-35A ဟာလည်း နောင်တော်ကြီး J-20 များလိုပင် Engine ပိုင်း၌ အဆင်ပြေချောမွေ့ပြီး 5th Gen စွမ်းဆောင်ရည်ကိုရရှိခြင်းမရှိသေးပါ။

Weapon Bay ဒီဇိုင်းကလည်း အတော်ကိုစေ့ပါတယ်။ SU-57 လိုဟမနေပါဘူး။ တရုတ်စစ်လက်နက်သုံးသပ်သူများ၏ အဆိုအရ ထို Weapon Bay ဟာ

(1) အကွာအဝေး (၂၀)km အထိ ရောက်ရှိနိုင်သည့် PL-10 အမျိုးအစား တာတို ဝေဟင်မှဝေဟင်ပစ်ဒုံးများ၊

(2) အကွာအဝေး (၃၀၀)km အထိ ရောက်ရှိနိုင်သည့် PL-15 အမျိုးအစား တာဝေး ဝေဟင်မှဝေဟင်ပစ်ဒုံးများ နှင့်

(3) LT အမျိုးအစား လေဆာလမ်းညွှန်ပဲ့ထိန်းဗုံးများ၊ စသည်တို့ကို တပ်ဆင်နိုင်ကြောင်း သိရပါတယ်။ (သို့သော် မသေချာသေးပါဘူး)

ထိုကြောင့် Stealth Technology ၌ အင်ဂျင်သာစွမ်းအားပြည့်ကောင်းမွန်ခဲ့လျှင် J-20 ပြီးနောက် ဒုတိယမြောက် အမြင့်ဆုံး ခြိမ်းခြောက်မှုကို ပေးလာနိုင်မည့် အာရှသား
ပဉ္စမမျိုးဆက်ကိုယ်ပျောက်တိုက်လေယာဉ်တစ်စီးဖြစ်လာမှာကတော့ ဧကန်မုချပင်ဖြစ်ပါတယ်။

06/11/2024

ပါကစ္စတန်ရေတပ်ဟာ ယမန်နေ့က ပဲ့ထိန်းဒုံးတစ်မျိုးကိုစမ်းသပ်လာပါတယ်။ ရိုက်ကူးသော ဓာတ်ပုံများအရ ဒုံးပျံ၏ ကိုယ်ထည်၌ SMASH ဟူပြီး အမည်ရေးထိုးထားပါတယ်။ Smash ဆိုသည့် အဓိပ္ပာယ်ဆိုလိုရင်းကို သေချာ ဘာသာပြန်ကြည့်ရပါလျှင် တစ်ခုခုကို အစိတ်စိတ်အမြွာမြွာဖြစ်အောင် ချေဖျက်ခြင်းဟုသိရပါတယ်။

ပါကစ္စတန်ရေတပ်ကလည်း ထိုအဓိပ္ပာယ်ကိုယူသုံးထားပုံရပါတယ်။ အဆိုပါ ပဲ့ထိန်းဒုံးကို တရုတ်ရေကြောင်း သင်္ဘောတည်ဆောက်ရေးကုမ္ပဏီ Hudong–Zhonghua Shipbuilding နှင့် ပါကစ္စတန် Karachi Shipyard တို့ ပူးပေါင်းတည်ဆောက်ထားသည့် Zulfiquar အတန်းစား ဖရီးဂိတ်စစ်သ‌င်္ဘောတစ်စီးမှ ပစ်လွှတ်ခဲ့တာဖြစ်ပါတယ်။

ပါကစ္စတန်သတင်းဌာနအချို့၏အဆိုအရ SMASH ဒုံးဟာ ရေပြင်ပစ်မှတ်များသာမက မြေပြင်ပစ်မှတ်များကိုပါချေမှုန်းရန်အတွက် တီထွင်ထားသော Ballistic Missile ဖြစ်ကြောင်းဆိုထားကြပါတယ်။ လေ့လာသူများ၏အဆိုရ SMASH ဒုံး၏ ဒီဇိုင်းဟာ ပါကစ္စတန်လေတပ်သုံး သင်္ဘောဖျက်ဒုံးဖြစ်သည့် CM-400 AKG ဒုံးကိုပင် မြေပြင်ပစ်ဗားရှင်းအဖြစ်ပုံစံပြောင်းထားကြောင်းသိရပါတယ်။

CM-400 AKG သင်္ဘောဖျက်ဒုံးကို တရုတ်မှထုတ်လုပ်ထားတာဖြစ်ပြီး ပါကစ္စတန်လေတပ်မှ အဓိကထားအသုံးပြုထားပါတယ်။ အချက်အလက်များအရ CM-400 AKG ဒုံးဟာ အလေးချိန် ၁၅၀kg မှ ၂၀၀kg အထိလေးသည့် ‌ဖောက်ထွင်းထိပ်ဖူးကိုတပ်ဆင်ထားပြီး အကွာအဝေး ၂၀၀km အထိ အများဆုံးရောက်ရှိနိုင်သည့်အပြင် ရန်သူ့သမရိုးကျ စစ်သင်္ဘောများသာမက လေယာဉ်တင်သင်္ဘောကြီးကိုပါ တိုက်ခိုက်နိုင်ရန် ဒီဇိုင်းထုတ်ထားကြောင်းသိရပါတယ်။

ပါကစ္စတန်လေတပ်ဟာ ထိုဒုံးပျံကို လေတပ်၏ ပင်မကျောရိုးဖြစ်သည့် ပြည်တွင်းထုတ် JF-17 တိုက်လေယာဉ်များသာမက ယမန်နှစ်များက တရုတ်ကုမ္ပဏီ Chengdu ထံမှ ဝယ်ယူထားသည့် J-10C တိုက်လေယာဉ်များ၌ပါ တပ်ဆင်နိုင်အောင်ဖန်တီးထားပါတယ်။ အိန္ဒိယစစ်လက်နက်သုံးသပ်သူအချို့ဟာ ထို CM-400 AKG ဒုံးကြောင့် ၎င်းတို့၏ ရေတပ်ကို စိတ်ပူနေတာတွေတောင်တွေ့နေရပါတယ်။

ယခု Smash ပဲ့ထိန်းဒုံး၏ ဒီဇိုင်းဟာလည်း CM-400 AKG ကိုပင် မြေပြင်ပစ်မှတ်ကိုပါ တိုက်ခိုက်နိုင်အောင်ဖန်တီးထားပါတယ်။ ထိုဒုံးဟာ အကွာအဝေး 350km ကျော်အထိ ရောက်ရှိနိုင်ကြောင်း သတင်းများကဆိုပါတယ်။ ထုတ်ပြန်ထားသည့်ပုံအရ မြေပြင်ပစ်မှတ်တု၏ စက်ဝိုင်းအလည်တည့်တည့်ကို တိုက်ရိုက်ထိမှန်သွားကြောင်းတွေ့ရသဖြင့် Precision အပိုင်းမှာမဆိုးဘူးဟုဆိုနိုင်ပါတယ်။

Smash ၌ CM-400 AKG အတိုင်းပင် ဒုံး၏ အနောက်ပိုင်း၌ သုံးထားသည့် Tail ပုံစံကို ပြန်လည်အသုံးပြုထားသဖြင့်

1. Maneuver အပိုင်းကို Supersonic အလျင်ဖြင့် ပြုလုပ်နိုင်ခြင်း နှင့်

2. လေကြောင်းရန်ကာကွယ်ရေး စက်အမြှောက် (CIWS) များအတွက် ဟန့်တားရန်ခက်ခဲလှသည့် Terminal Dive နှင့် Top Attack ကို ပြလုပ်နိုင်ခြင်း

စသည့် Performance တို့ကိုပြုလုပ်နိုင်တာကြောင့် ရန်သူ့တာတိုလေကာစနစ်များအနေဖြင့် ဟန့်တားရန်အတွက် အတော်ကိုခက်ခဲမည့်အနေအထားမှာဖြစ်ပါတယ်။

ထိုဒုံးကိုပစ်လွှတ်ခဲ့သည့် စစ်ရေယာဉ်မှာ အပေါ်တွင်ပြောခဲ့သည့်အတိုင်း Zulfiquar အတန်းစား ဖရီးဂိတ်သ‌င်္ဘောတစ်စီးဖြစ်ပါတယ်။ Zulfiquar ဖရီးဂိတ်များဟာ တရုတ်ရေတပ်သုံး Type 053H3 ဖရီးဂိတ်ဒီဇိုင်းကိုမှ အဆင့်မြင့်ကာ ပြုပြင်ထုတ်လုပ်ထားသော ဖရီးဂိတ်မျိုးကွဲများဖြစ်ပါတယ်။

ယနေ့အချိန်အထိ တည်ဆောက်ခဲ့သမျှ ထို Zulfiquar အတန်းစား ဖရီးဂိတ် (၄)စီး စလုံးဟာ ပါကစ္စတန်ရေတပ်၌ တာဝန်ထမ်းဆောင်နေဆဲဖြစ်ကြပြီး Type 054AP နောက် ဒုတိယမြောက် လက်နက်တပ်ဆင်မှုအများဆုံးဖြစ်သည့် ဖရီးဂိတ်စစ်ရေယာဉ်ကြီးတွေဖြစ်ကြပါတယ်။

လက်နက်တပ်ဆင်မှုအနေဖြင့်

(၁) ၇၆.၂မမကျည်သုံး AK-172M ရေတပ်သုံးအမြှောက်တစ်လက်၊

(၂) FM-90N အမျိုးအစား တာတိုဒုံးခွင်းဒုံးစနစ် (၁)ခု၊

(၃) Type 730B အမျိုးအစား အနီးကပ်လေကြောင်းရန်ကာကွယ်ရေးဒုံးခွင်းစက်အမြှောက် (၂)လက် နှင့်

(၄) C-802 သင်္ဘောဖျက်ဒုံး (၈)စင်း စသည်တို့ကိုတပ်ဆင်ထားပါတယ်။

ထိုနေရာ၌ C-802 သင်္ဘောဖျက်ဒုံး (၈)စင်းနေရာ၌ ယခုစမ်းသပ်နေသည့် Smash သင်္ဘောဖျက်ဒုံးအသစ်ကို ပြောင်းလဲအသုံးပြုမှာဖြစ်ပါတယ်။ ထိုကြောင့် ယခင် C-802 ဒုံးကို ပစ်မှတ်ဆီသွားနိုင်ရန် ထိန်းကျောင်းပေးသည့် ရေဒါကို ဖြုတ်ပြီး Smash ဒုံးကိုထိန်းရန်အတွက် အဆင့်ပိုမိုမြင့်မားသည့် Missile Control Radar စနစ်တစ်ခုထပ်မံတပ်ဆင်ထားကြောင်းယူဆရပါတယ်။

C-802 ဒုံးများဟာ အကွာအဝေး ၁၂၀km ခန့်အထိသာ ရောက်သဖြင့် ယခုလို အကွာအဝေး ၃၅၀km ကျော်အထိ သွားလာနိုင်ပြီး ပစ်မှတ်၌ ပိုမိုတိကျလာသည့် SMASH အမျိုးအစားအသစ် Ballistic missile အသစ်များကို တပ်ဆင်လာခြင်းဖြင့် ပါကစ္စတန်ရေတပ်သုံး ဖရီးဂိတ်စစ်ရေယာဉ်များ၏ တိုက်ခိုက်နိုင်မှုအကွာအဝေးဟာ ယခင်ထက် ၃ဆ နီးပါးပိုမိုလက်လှမ်းမှီလာသဖြင့် အိမ်နီးချင်း အိန္ဒိယအဖို့စိတ်ပူစရာအနည်းငယ်ဖြစ်လာပါတယ်။

ထိုကြောင့် ပါကစ္စတန်ရေတပ်မှ လာမည့်အနာဂတ်တွင် ပြောင်းလဲအသုံးပြုမည့် SMASH အမျိုးအစား Ballistic missile အသစ်အကြောင်း လက်လှမ်းမှီသလောက်တင်ပြလိုက်တာဖြစ်ပါတယ်။

06/11/2024

ရုရှားကုမ္ပဏီ Sukhoi ထုတ် SU-57 ပဉ္စမမျိုးဆက်ကိုယ်ပျောက်တိုက်လေယာဉ်၏ ကနဦးစမ်းသပ်မျိုးကွဲတိုက်လေယာဉ်ကို ပထမဆုံးအကြိမ်အဖြစ် တရုတ် Zhuhai AirShow 2024 မှာ လာရောက်ပြသခဲ့ပါတယ်။

AN-124 သယ်ယူပို့ဆောင်ရေးလေယာဉ်ကြီးဖြင့် SU-57 prototype ဖြစ်သော T-50 ကို တရုတ်အထိ ရောက်အောင်သယ်လာခဲ့ပါတယ်။ ထိုနောက် လေဆိပ်၌ ထားရှိစဉ်မှာ တရုတ်အချို့က ဝိုင်းဝန်း ဓာတ်ပုံ နှင့် ရုပ်သံရိုက်ကူးခဲ့ကြရာ အောက်ပါ Video ၌ T-50 ၏ Side Weapon Bay အနီး တစ်နေရာ၌ မူလီများကို တစ်နေရာထဲတွင် အများအပြား စုပ်ထားပြီး တေးသားလက်ရာမသေသပ်နေကြောင်းကို Video ရိုက်ကူးနေသည့် တရုတ်နိုင်ငံသားတစ်ဦးမှ လက်ညိုးကြီးထိုးပြီးပြသွားခဲ့ပါတယ်။ 😑

အဆိုပါ Video ဟာ SU-57 အတွက် နောက်ထပ် လှောင်ပြောင်စရာ တစ်ခုထပ်တိုးသွားပါတယ်။ SU-57 ဟာ လက်ရာမသေသပ်ရာ၌ ပြောစရာဖြစ်နေသည်မှာကြာနေပါပြီ။ ယခုလို နိုင်ငံတကာလေကြောင်းပြပွဲအထိ T-50 Prototype ကို ယူလာတာက ပြဿနာမဟုတ်ပေမဲ့ လက်ရာသေသပ်သည့် SU-57 တိုက်လေယာဉ်အစစ်ကို ပြသတာကပိုမိုက်ပါတယ်။ လေကြောင်းပေ့ခ်ျတစ်ခုကတော့ အမေ့လျော့ခံ တိုက်လေယာဉ်တစ်စီးဟာ Zhuhai AirShow 2024 သို့ရောက်လာခဲ့သည်ဟု၍ ရေးသားထားခဲ့ပါသေးတယ်။ 🥲

05/11/2024

ယနေ့မှာတော့ တရုတ်လေတပ်ဟာ ၎င်းတို့တပ်တော်ဝင်အသုံးပြုနေပြီဖြစ်သည့် ဒုတိယမြောက်ကိုယ်ပျောက်တိုက်လေယာဉ် တစ်စီးကို ပထမဆုံးအကြိမ်တရားဝင်ချပြလာပါတယ်။

ထိုတိုက်လေယာဉ်မှာ အခြားမဟုတ်ဘဲ Shenyang Aircraft Corporation ထုတ် J-35A ဖြစ်ပါတယ်။ နာမည်ကိုကြည့်လိုက်ကတည်းက US လေတပ်သုံး F-35A ကိုတုပထားမှန်းသိသာလှပါတယ်။ ပြောတော့သာ US အရင်းရှင်ကို မုန်းတယ် ပြောတာ နာမည်ပေးပုံကအစ လိုက်ပြီးတုပထားတာပါ။ US ဆိုတာက တရုတ်၏ Idol ဖြစ်တယ်ဆိုပြီးပြောလည်းမမှားပါဘူး။ ကဲဒါတွေကထားပါ။

J-35 ဟာ ယခုလို ရုပ်လုံးအပြည့်အဝရလာရန်အတွက် Shenyang 12နှစ်ကြာ အချိန်ယူခဲ့ရကြောင်းပြောလျှင် စာဖတ်သူတို့ယုံမှာတောင်မဟုတ်ပါဘူး။ J-31 စီမံကိန်းအကြောင်း 2010 နောက်ပိုင်းမှာသတင်းအစအနများစတင်ကြားလာခဲ့ရပါတယ်။

အကြောင်းမှာ ထိုစဉ်က အမေရိကန်လေတပ်၌ တပ်တော်ဝင်အသုံးပြုနေသည်မှာ 7 နှစ်ကျော်လာပြီဖြစ်သည့် F-22 တိုက်လေယာဉ်ကို တရုတ်လေတပ်မှ အတော်ကိုမျက်စိကျလာသဖြင့် ပုံစံတူကူးရန်ကြိုးစားလာနိုင်ကြောင်း စစ်ဘက်သုံးသပ်သူအချို့က ကောလဟာလအဖြစ် ခန့်မှန်းခဲ့ကြကြောင်းသိရပါတယ်။

ထိုစီမံကိန်း‌အကြောင်း ပိုပြီးသေချာသွားစေသည့်အခိုက်အတန့်တစ်ခုဟာ 2012 ခုနှစ် အောက်တိုဘာလ 31 ရက်နေ့၌ ဖြစ်ပေါ်လာခဲ့ပါတယ်။ ၎င်းမှာ တရုတ်လေကြောင်းကုမ္ပဏီ Shenyang ပိုင် လေယာဉ်ကွင်းတစ်ခု၌ အမဲရောင်ကိုယ်ထည်ဖြင့် ခေါင်းပိုင်းတွင် 31001 ဟု ရေးထိုးထားသော အလတ်စား ကိုယ်ပျောက်တိုက်လေယာဉ်တစ်စီးကို ရုတ်တရက်တွေ့လိုက်ရပါတယ်။ စမ်းသပ်မောင်းနှင့်မည့် Test Pilot ဟာ Cockpit အတွင်းသို့ဝင်သွားပြီး မိနစ်ပိုင်းခန့်အကြာ၌ ထို တိုက်လေယာဉ်ဟာ ပြေးလမ်းတစ်လျှောက်လှည့်ပတ်မောင်းနှင်နေခဲ့ကာ Taxi Test ပြုလုပ်ခဲ့ပါတယ်။

ထိုနောက် မိနစ်အနည်းငယ်မျှ Taxi Test ပြုလုပ်ပြီးနောက်တွင် ပြေးလမ်းတွင် နေရာယူလိုက်ကာ အင်ဂျင်ကိုအားကုန်ထိုး၍ ဝေဟင်ပေါ်စတင်ပျံတက်သွားပါတော့တယ်။
သတင်းများအရ Landing Gear ကို မသိမ်းဘဲ ဆယ်မိနစ်ခန့် စမ်းသပ်ပျံသန်းခဲ့ပြီး ၎င်းကို တရုတ်လေတပ်၏ ပင်မကျောရိုးဖြစ်သည့် Shenyang ကုမ္ပဏီထုတ် J-11 တိုက်လေယာဉ်နှစ်စီးက လိုက်ပါ ခြံရံပျံသန်းပေးခဲ့ပါတယ်။
ထို စမ်းသပ်တိုက်လေယာဉ်ကို FC-31 သို့မဟုတ် J-31 ဟု အမည်ပေးခဲ့ကြပါတယ်။

၎င်း၏ Design Language ဟာ ခန့်မှန်းထားကြသည့်အတိုင်း အမေရိကန်လေတပ်သုံး F-22 ကိုလုံးဝကြီးကူးချခဲ့တာဖြစ်ပါတယ်။ မတူတာဆိုလို့ အင်ဂျင်နှစ်လုံး၏ Nozzle တွေဘဲ ကျန်တော့မည်ဟု ပြောရမှာဖြစ်ပါတယ်။ ထိုသို့စမ်းသပ်ပျံသန်းချိန်၌ တရုတ်လေတပ်ဟာ အမေရိကန်လေတပ်ပြီးလျှင် ကမ္ဘာပေါ်၌ ကိုယ်ပျောက်တိုက်လေယာဉ်နှစ်စီးကိုစတင်ထုတ်လုပ် ပိုင်ဆိုင်နိုင်ခဲ့သည့် ဒုတိယမြောက်လေတပ်တစ်ခုဖြစ်လာပါတယ်။

ထိုသို့ စမ်းသပ်ပျံသန်းပြီးနောက်တွင် တရုတ်လေတပ်ဟာ J-31 မျိုးကွဲကို 2014 ခုနှစ်တွင် ပြုလုပ်ခဲ့သည့် တရုတ်နိုင်ငံတကာလေကြောင်းနှင့် အာကာသဆိုင်ရာပြပွဲတွင် ပထမဆုံးအကြိမ်အဖြစ် တရားဝင်ချပြလာခဲ့ပါတယ်။ ထိုအချိန်တွင် စစ်ဘက်လေ့လာသူများ၏ အထင်ကြီးလေးစားမှုကိုမရရှိခဲ့ရှာဘဲ Copy Cat ဟု နာမည်ပြောင်ပေးခံခဲ့ရပါတယ်။ အဘယ်ကြောင့်ဆိုသော် အပေါ်တွင်ပြောခဲ့သည့်အတိုင်း အမေရိကန်လေတပ်သုံး F-22 ကိုလုံးဝကူးချခဲ့တာကြောင့်ဖြစ်ပါတယ်။

ထို့အပြင် ထို ပြပွဲ၌ မောင်းနှင်ပြသခဲ့သည့် J-31 တိုက်လေယာဉ်၌ တပ်ဆင်ထားသော ရုရှားကုမ္ပဏီ Mikoyan ထုတ် RD-93 အင်ဂျင်များဟာ ပျံသန်းနေစဉ်မှာပင် Nozzle မှ မီးခိုးငွေ့များ အနည်းငယ်ထွက်လာသဖြင့် လှောင်ပြောင်ခံခဲ့ရပါတယ်။

ထိုသို့ တရုတ်ဟာ FC-31 တိုက်လေယာဉ်ကို ကမ္ဘာသို့ချပြပြီးနောက် ရုတ်တရက်ပင် အစအနပြန်လည်ပျောက်ကွယ်သွားခဲ့ပါတယ်။ ထိုကြောင့် အနောက်ယိမ်း စစ်ဘက်လေ့လာသူအများစုဟာ တရုတ်အနေဖြင့် FC-31 စီမံကိန်းကိုနိုင်နင်းအောင်စွမ်းဆောင်နိုင်ခြင်းမရှိတာကြောင့် လက်လျှော့ကာ ရပ်ဆိုင်းလိုက်ပြီဖြစ်ကြောင်းထင်ကြေးတွေပေးခဲ့ကြပါတယ်။ တကယ်က ဒီလိုမဟုတ်ခဲ့ပါဘူး။

တရုတ်လေကြောင်းကုမ္ပဏီ Shenyang ဟာ ဒီဇိုင်းပိုင်းတွင် ပွပွလျောင်းလျောင်းကြီးဖြစ်နေသည့် FC-31 ကို အားမရတာကြောင့် အစကနေစပြီး လျှို့ဝှက်ကာ ပြန်လည်ပြုပြင်တည်ဆောက်နေခဲ့တာဖြစ်ပါတယ်။ 2နှစ်အကြာ 2016 ခုနှစ် ဒီဇင်ဘာလ 23 ရက်နေ့တွင် ဒီဇိုင်းပိုင်းပြုပြင်ထားသော ဒုတိယမြောက် ကနဦးစမ်းသပ်တိုက်လေယာဉ်ဖြစ်သည့် J-31 2.0 ကို ပထမဆုံးအကြိမ်စမ်းသပ်ပျံသန်းခဲ့ပါတယ်။
ထို စမ်းသပ်ပျံသန်းမှုတွင် အင်ဂျင်ဟာ မီးခိုးမထွက်တော့ဘဲ အတော်ကိုကြည့်ရှုရ အဆင်ပြေလာကာ ဒီဇိုင်းပိုင်း တိုးတက်မှုအများအပြားရှိလာခဲ့ပါတယ်။

ထိုနောက် မျိုးကွဲအများအပြားကို ထပ်မံတည်ဆောက်ခဲ့ရာ နောက်ပိုင်းထွက်ရှိလာသော မျိုးကွဲများဟာ အရွယ်အစားပိုင်း၌ ပိုမိုသေးငယ်လာပြီး အမေရိကန်လေတပ်နှင့် ရေတပ်သုံး F-35 များ၏ လမ်းစဉ်ကိုလိုက်လာခဲ့ကာ တရုတ်ရေတပ်၌ပါ တွဲဖက်သုံးစွဲရန် ရေတပ်သုံး Catapult စနစ်၌ အံဝင်ဂွင်ကျ ချိတ်ဆွဲပျံတက်နိုင်သည့် ရေတပ်သုံးဗားရှင်းကိုပါ စတင်ဖန်တီးလာခဲ့ပါတယ်။

5 နှစ်အကြာ 2021 ခုနှစ်တွင် ကိုယ်ထည်ပိုင်းပိုမိုသေးသွယ်ပြီး F-35 ကဲ့သို့ပင် Cockpit ကို အရှေ့ဖွင့်မှ မတင်ကာဖွင့်နိုင်သည့် မှန်ခုံး ဒီဇိုင်းကို J-31 ၌ တပ်ဆင်လာခဲ့ပြီး ၎င်း၏ နာမည်ကို J-35 ဟူ၍ ပြောင်းလဲပစ်ခဲ့ပါတယ်။ ထိုကြောင့် Shenyang ဟာ J-31 ကို လေတပ်မှသည် J-35 ရေတပ်အထိ ယူဆောင်လာပါတော့တယ်။ Liaoning နှင့် Fujian လေယာဉ်တင်သင်္ဘောပေါ်၌လည်း J-35 တိုက်လေယာဉ်၏ Mock Up ပုံစံကိုမြင်လာရပါတယ်။

လွန်ခဲ့သည့် လေးလကလည်း J-31 မျိုးကွဲများအနက် အရွယ်အစားအရပိုမိုကြီးမားပြီး လက်နက်များစွာပိုမိုတပ်ဆင်နိုင်သည့်အပြင် Side Weapon Bay နှစ်ခုကိုပါ ထည့်သွင်းထားကာ အလတ်စားတိုက်လေယာဉ်မှ အကြီးစားတိုက်လေယာဉ်အဖြစ် စတင်အသက်သွင်းနေပြန်ကြောင်းထုတ်ပြခဲ့ပါတယ်။

ထိုနောက် ပိုမိုကြည်လင်သော J-35 ပုံများထွက်လာခဲ့ပြီးနောက်တွင် တရုတ်လေတပ်ဟာ J-35A ကိုစတင်သုံးစွဲနေကြောင်း ယခု Zhuhai AirShow 2024 တွင် တရားဝင်ချပြလာပါတယ်။ ထို Zhuhai AirShow 2024 မကျင်းပမှီကတည်းက တရုတ်လေတပ်အရာရှိများဟာ ၎င်းတို့အနေဖြင့်မကြာမှီ၌ လေတပ်သုံး တိုက်လေယာဉ်အသစ်ကို ချပြမည်ဖြစ်ကြောင်း ကြေညာခဲ့ပါတယ်။ ထိုကြောင့် ယခု လေကြောင်းပြပွဲ၏ အဓိက ဇာတ်လိုက် မင်းသားမှာ J-35A ဖြစ်လာပါတယ်။

ထိုကြောင့် J-35A ဟာ တရုတ်လေတပ်၏ ဒုတိယမြောက် ပဉ္စမမျိုးဆက်ကိုယ်ပျောက်တိုက်လေယာဉ်ဖြစ်လာပြီး အမေရိကန်၏ F-35 ကဲ့သို့ပင် အရေအတွက်များစွာထုတ်လုပ်ကာ သက်တမ်းရင့်နေပြီဖြစ်ကြသော ပင်မကျောရိုးတိုက်လေယာဉ်များဖြစ်ကြသည့် J-11 တိုက်လေယာဉ်နေရာ၌ အစားထိုးသွားနိုင်မလားဆိုတာ ဆက်ပြီးစောင့်ကြည့်ရုံသာကျန်ပါတော့တယ်။

Address

Website

https://t.me/joinchat/cqPiECZBViNkMjVl

Alerts

Be the first to know and let us send you an email when Military Reviewer posts news and promotions. Your email address will not be used for any other purpose, and you can unsubscribe at any time.

Videos

ရုရှားကုမ္ပဏီ Sukhoi ထုတ် SU-57 ပဉ္စမမျိုးဆက်ကိုယ်ပျောက်တိုက်လေယာဉ်၏ ကနဦးစမ်းသပ်မျိုးကွဲတိုက်လေယာဉ်ကို ပထမဆုံးအကြိမ်အဖြစ် တရုတ် Zhuhai AirShow 2024 မှာ လာရောက်ပြသခဲ့ပါတယ်။ AN-124 သယ်ယူပို့ဆောင်ရေးလေယာဉ်ကြီးဖြင့် SU-57 prototype ဖြစ်သော T-50 ကို တရုတ်အထိ ရောက်အောင်သယ်လာခဲ့ပါတယ်။ ထိုနောက် လေဆိပ်၌ ထားရှိစဉ်မှာ တရုတ်အချို့က ဝိုင်းဝန်း ဓာတ်ပုံ နှင့် ရုပ်သံရိုက်ကူးခဲ့ကြရာ အောက်ပါ Video ၌ T-50 ၏ Side Weapon Bay အနီး တစ်နေရာ၌ မူလီများကို တစ်နေရာထဲတွင် အများအပြား စုပ်ထားပြီး တေးသားလက်ရာမသေသပ်နေကြောင်းကို Video ရိုက်ကူးနေသည့် တရုတ်နိုင်ငံသားတစ်ဦးမှ လက်ညိုးကြီးထိုးပြီးပြသွားခဲ့ပါတယ်။ 😑 အဆိုပါ Video ဟာ SU-57 အတွက် နောက်ထပ် လှောင်ပြောင်စရာ တစ်ခုထပ်တိုးသွားပါတယ်။ SU-57 ဟာ လက်ရာမသေသပ်ရာ၌ ပြောစရာဖြစ်နေသည်မှာကြာနေပါပြီ။ ယခုလို နိုင်ငံတကာလေကြောင်းပြပွဲအထိ T-50 Prototype ကို ယူလာတာက ပြဿနာမ

ဟစ်ဇ်ဘိုလာအဖွဲ့၏ ထိပ်ပိုင်းခေါင်းဆောင်များကို အစ္စရေးလေတပ်မှ လုပ်ကြံတိုက်ခိုက်မှုအပြီး ၄ ရက်ကျော်အကြာ ယနေ့၌ အီရန်စစ်တပ်ဟာ ပဲ့ထိန်းဒုံးအစင်းရေ (၂၀၀) ကို လွန်ခဲ့သည့် မိနစ်ပိုင်းကမှ အစ္စရေးနိုင်ငံသို့ အစုလိုက်အပြုံလိုက်ပစ်ခတ်ခဲ့ပါတယ်။ ထိုပစ်ခတ်မှုကိုမြင်ခဲ့ရသည့် မြေပြင်မှ ပြည်သူအချို့၏ ရိုက်ကူးထားသောရုပ်သံဖိုင်များအရ ယခု ဒုတိယအကြိမ်မြောက် အီရန်၏ တိုက်ခိုက်မှုကို အစ္စရေး‌စစ်တပ်၏ လေကြောင်းရန်ကာကွယ်ရေးတပ်ဖွဲ့သုံး Iron Dome စနစ်၏ နောင်တော်ဖြစ်သူ David Sling ဒုံးစနစ်မှ သိပ်ပြီး မကာနိုင်တော့တာကိုမြင်တွေ့ခဲ့ရပါတယ်။ အီရန်တော်လှန်ရေး‌အစောင့်တပ် IRGC ၏ တရားဝင်ထုတ်ပြန်ချက်အရ ယခုဒုတိယအကြိမ်တိုက်ခိုက်မှုဟာ အစ္စရေးစစ်တပ်၏ စစ်စခန်းသုံးခုကိုပစ်မှတ်ထားတိုက်ခိုက်ခဲ့တာဖြစ်ကြောင်းသိရပါတယ်။ ယခုအောက်ဖော်ပြပါ Video မှာ လွန်ခဲ့သည့

အိန္ဒိယကြည်းတပ်အတွက် DRDO မှ ထုတ်လုပ်ထားသည့် Zorawar အပေါ့စားတင့်ဟာ လွန်ခဲ့သည့် နှစ်ရက်က စမ်းသပ်ပစ်ခတ်မှုများကိုပြုလုပ်ခဲ့ပါတယ်။ ဆုံလည်ကတော့ ဘယ်လ်ဂျီယံကုမ္ပဏီ Cocerkill ထုတ် 3105 ဆုံလည်ဖြစ်တာကြောင့် ပစ်ခတ်ရာ၌ အတော်လေးကိုငြိမ့်ညောင်းနေခဲ့ပါတယ်။ ပစ်ခတ်ရာ၌လည်း ပစ်မှတ်များကို တိတိကျကျပင် ပစ်ခတ်သွားနိုင်ပါတယ်။ ထို့အပြင် Zorawar တင့်၏ အောက်ခံယာဉ် (Chassis) ဟာလည်း ဘေးဘက်ရှိ အပိုသံချပ်ကာများကိုဖြုတ်ထားသဖြင့် 18တန်သာ အလေးချိန်ရှိနေသော်လည်း ပစ်ခတ်ပြီးနောက်ဖြစ်ပေါ်လာသော Recoil ကိုအကောင်းဆုံးတောင့်ခံ‌နိုင်နေပါတယ်။ အချို့သော အပေါ့စားတင့်နှင့် သံချပ်ကာယာဉ်များလို ပစ်ခတ်လိုက်တာနှင့် ယာဉ်ကြီးတစ်စီးလုံး ရုပ်ပျက်ဆင်းပျက် နောက်ကိုယိမ်းထိုးတာမျိုးကို မတွေ့ရတာဟာ အိန္ဒိယပြည်တွင်းထုတ် အပေါ့စားတင့်တစ်စီးအတွက် အတော်ကိုဂုဏ်ယူစရာဖြစ်ပါတယ်။ အိန

ကောင်မလေး - ကိုကိုဘာလုပ်နေလဲ။ ‌မိမိ - ကိုကရှေ့တန်းမှာ သဲရဲ့။ ကောင်မလေး - အခုပဲ့ တူတူ Date ပြီး ပြန်လာတာကို ဘယ်လိုဖြစ်ပြီး ရှေ့တန်းရောက်သွားတာလဲ? မိမိ - ဒါပဲ့သဲရေ။ Enemy တွေဝိုင်းလာပြီမို့ တိုက်လိုက်ဦးမယ် (ဟာသအမြင်ဖြင့်သာ ဖတ်ရှုပေးပါရန်🥲) Commander, Gunner, Driver အစုံပါတယ်။ ကျည်ကလည်း အအေးဘူးကြီးတွေချည်းထိုးတာ။ Magazine ကလည်း တကယ့် Realistic အတိုင်းပဲ့။ ပစ်လိုက်ရင်လည်း ပြန်ထွက်လာတဲ့ Recoil ကြီးက လုံးဝရှယ်ပဲ့( ဖင်ထိုင်ပါလဲတယ်။ Commander ဘောင်းဘီလေး ကျွတ်ကျသွားတာက အသက်😆) တရုတ်တို့များ ဂိမ်းလေးတစ်ခါဆော့တာကို ကြံကြံဖန်ဖန်လုပ်တတ်ပါပေတယ်။ 😆 #vdcrd #MR

Clash Report မှ အောက်ပါ Video ကိုတင်ထားပြီး ထို Vd ထဲမှ အမျိုးသားနှစ်ဦးဟာ ယူကရိန်းစစ်တပ်၏ နိုင်ငံခြား Volunteer တပ်ဖွဲ့၌ တာဝန်ထမ်းဆောင်နေသော ဒရုန်းတပ်ဖွဲ့ဝင်များဖြစ်ကာ တရုတ်လူမျိုးများဖြစ်ကြောင်း ပြောထားသလို လေယူလေသိမ်းကလည်း ထိုင်ဝမ်တရုတ်မဟုတ်ဘဲ ပြည်မတရုတ်ဖြစ်ကြောင်း ‌အက်မင်၏ အသိတစ်ဦးကလည်း အတည်ပြုထားပါတယ်။ အရှေ့မှာထိုင်နေသည့် အမျိုးသား၏ မူလအသံကိုတော့ ဖျက်ထားတာကိုတွေ့ရပါတယ်။ ထိုတရုတ် Volunteer များဟာ ယခုလို ယူကရိန်းဘက်မှ ဝင်ရောက်တိုက်ကူပေးတာဟာ အတော်ကိုထူးဆန်းလွန်းနေပါတယ်။ တရုတ်နှင့် ရုရှားဟာ ကွန်မြူနစ်ဝါဒရေးရာအရ လမ်းကြောင်းတူပြီး ယခု ယူကရိန်းစစ်ပွဲ၌ တရုတ်စစ်တပ်ဟာ လေတပ်နှင့်ပတ်သက်သည့် အပိုပစ္စည်းများ၊ အမြန်သွားကားငယ်များနှင့် ကျည်ကာအချို့ကို ရုရှားစစ်တပ်ထံ ထောက်ပံ့ပေးနေတာ အားလုံးအသိဖြစ်ပါတယ်။ တရုတ်အနေဖြင့် ရုရှား-ယူ

အက်မင်ကြီးမှ မိန်းမများကိုစိတ်ကုန်သွားသောအခါ :") #JohnThu #vdcrd #MR

ရုရှားသမ္မတ ပူတင်ဟာ မြောက်ကိုးရီးယားသို့ နှစ်ရက်အကြာလည်ပတ်မှုခရီးစဉ်အပြီး အရှေ့တောင်အာရှ၌ ၎င်း၏ ခိုင်မာသည့် မဟာမိတ်ဖြစ်သည့် ဗီယက်နမ်သို့ အလည်ပတ်ရောက်ရှိနေပါတယ်။ ထိုခရီးစဉ်တစ်လျှောက်လုံး၌ သမ္မတပူတင်ဟာ စီးတော်ယာဉ် Aurus Senat limousine ကို အသုံးပြုခဲ့ပါတယ်။ မြောက်ကိုးရီးယားကိုရောက်စဉ်က ရုရှားမှ လက်ဆောင်ပေးထားသည့် ပုံစံတူ Aurus Senat limousine ဖြင့် ကင်ဂျုံအမ်ကတစ်လှည့်၊ ပူတင်က တစ်လှည့်မောင်းနှင်ခဲ့တာကို စာဖတ်သူတို့ မြင်တွေ့ရမှာဖြစ်ပါတယ်။ Aurus Senat limousine ဟာ ရုရှားသမ္မတအတွက် ရုရှားကုမ္ပဏီ Aurus Motors မှ အထူးသီးသန့်ပြုလုပ်ထားသည့် ‌စီးတော်ယာဉ်ဖြစ်ပြီး ကျည်ကာယာဉ်ဖြစ်ကာ သာမရိုးကျလက်နက်ငယ်များ ၏ ပစ်ခတ်မှုမှ ကာကွယ်ပေးနိုင်သလို ဗုံးများ၏ ဒဏ်ကိုအတိုင်းအတာတစ်ခုအထိ ခံနိုင်ရည်ရှိပါတယ်။ ယခင် Mercedes-Benz S 600 Guard Pullman ကားနေရာ၌ ထို Auris limousine ကို အစားထိုးခဲ့တာဖြစ်ပြီး

ရုရှားဟာလည်း ဒရုန်းယာဉ်၌ တင့်ဖျက်ဒုံးကိုတပ်ဆင်ပြီးစတင်စမ်းသပ်လာပါတယ်။ ထို ATGM တင်ထားသော ဒရုန်းအသစ်ကို ရုရှားအင်ဂျင်နီယာများကိုယ်တိုင်ဖန်တီးထားတာဖြစ်ပါတယ်။ ရုရှားဟာ တပ်ရုံတင်မဟုတ်ဘဲ ပစ်ခတ်စမ်းသပ်မှုနှစ်ခုပါပြုလုပ်ခဲ့ပါတယ်။ အဆိုပါစမ်းသပ်မှုရုပ်သံဖိုင်ကို ယူကရိန်း Blogger ဖြစ်သူ Andrii Tarasenko မှတင်ထားတာဖြစ်ပါတယ်။ (ခန့်မှန်းရသလောက် ပေါက်ကြားလာတာဖြစ်နိုင်ပါတယ်။) Video အစပိုင်း၌ 9К111 Fagot အမျိုးအစား တင့်ဖျက်ဒုံးကို တပ်ဆင်ထားသော ရုရှားဒရုန်းဟာ မြေပြင်ပေါ်မှနေ၍ စတင်ပျံတက်တာကို မြင်တွေ့ရပါတယ်။ ထိုသို့ပျံတက်ရာ၌ ဒရုန်းဟာ တင့်ဖျက်ဒုံး၏ အ‌လေးချိန်ကြောင့် ဟန်ချက်ပျက်တော့မလိုဖြစ်ကာ ရှေ့တိုးနောက်ဆုတ်ဖြစ်သွားတာကို မြင်တွေ့ရမှာဖြစ်ပါတယ်။ ဤသို့ပျံတက်ပြီးသည်နှင့် ဝေဟင်၌ အတန်သင့် ထိန်းထားနိုင်သောအချိန်တွင် fagot တင့်ဖျက်ဒုံးကိုပစ

အမေရိကန်ရေတပ်၏ USS Dwight D. Eisenhower (CVN-69) ဦးဆောင်သည့် IKE လေယာဉ်တင်သင်္ဘောအုပ်စုကို အီရန်ရေတပ်မှ လိုက်လံတားဆီးခဲ့သည်ကို ရိုက်ကူးထုတ်ပြန်ထားသည့် Video ဖိုင်ဖြစ်ပါတယ်။ ၎င်း IKE စစ်ရေယာဉ်စုကို အီရန်စစ်တပ်၏ ဒရုန်းမှ အရင်ခြေရာခံ‌လိုက်ခဲ့ပြီးနောက်တွင် ကင်းလှည့်အမြန်သွား မော်တော်ဘုတ်များဖြင့် တားဆီးခဲ့ပါတယ်။ အဆိုပါ မော်တော်ဘုတ်များ၌ 23မမကျည်သုံး ZSU-23 စက်အမြှောက်ကိုတပ်ဆင်ထားတာကိုတွေ့ရပါတယ်။ ထိုမော်တော်ဘုတ်များဟာ အမေရိကန်ရေတပ်အတွက် ပြဿနာတစ်ခုမဟုတ်သော်လည်း အီရန်သို့ စစ်မျက်နှာအသစ်မဖွင့်လိုသည့်အတွက် တုံ့ပြန်မှုတစ်စုံတစ်ရာမပြုလုပ်ခဲ့ပါ။ #JohnThu #vdcrd #MR

အခုဖော်ပြပါ Video File ဟာ လွန်ခဲ့သည့် နိုဝင်ဘာလ ၂၃ ရက်နေ့က ဘင်္ဂလားဒေ့ရှ်ကြည်းတပ်သို့ပို့ဆောင်မည့် TB2 UAV ကို တူရကီ၌ စမ်းသပ်ခဲ့တာကို ရိုက်ကူးထားတာဖြစ်ပါတယ်။ အဆိုပါ Vd အတွင်း၌ ဘကုန်း၏ TB2 UAV ဟာ တူရကီကုမ္ပဏီ Roketsan ထုတ် MAM-L အမျိုးအစား အပေါ့စား ပဲ့ထိန်းဒုံးနှစ်စင်းကို တပ်ဆင်၍ ပျံတက်လာပြီးနောက်တွင် သရုပ်ပြပစ်မှတ်အား ပစ်ခတ်ပြခဲ့တာကိုမြင်တွေ့ရမှာဖြစ်ပါတယ်။ MAM-L အမျိုးအစား အပေါ့စား ဝေဟင်မှမြေပြင်ပစ်ပဲ့ထိန်းဒုံးငယ်ဟာ အရှည် - ၁မီတာ ၊ လုံးပတ်အချင်း - ၁၆၀မီလီမီတာနှင့် အလေးချိန် - ၂၂ကီလိုဂရမ်ရှိပြီး လေဆာလမ်းညွှန်ပဲ့ထိန်းစနစ်ဖြင့် အများဆုံး အကွာအဝေး (၁၅)kmရှိ ပစ်မှတ်သို့ သို့နေရောညပါ ထိမှန်အောင် ချေမှုန်းနိုင်ပါတယ်။ ထိပ်ဖူး၌ သံချပ်ကာဖောက်ထိပ်ဖူး၊ လေကွဲ ‌ဗုံးစလွှင့်စင်ထိပ်ဖူးအပြင် ဖျက်အားပြင်းလှသည့် သာမရိုဘားရစ်ထိပ်ဖူးကိုပါ တပ်ဆင်ပစ်

ယူကရိန်းစစ်တပ်ဟာ ရုရှား၏ တိုက်စစ်ကိုခုခံရာ၌ သံချပ်ကာအရေအတွက်လျှော့နည်းလာသည့်အတွက် ဆိုဗီယက်အင်ပါယာပြိုကွဲရာ၌ ရရှိထားသော BTR-60 အမျိုးအစား စစ်သည်တင်ယာဉ်သံချပ်ကာအဟောင်းများကို ပြန်လည်မွမ်းမံကာ ပြန်လည်အသုံးပြုလာပါတယ်။ BTR-60 သံချပ်ကာယာဉ်များဟာ သက်တမ်းအားဖြင့် 73နှစ်ခန့်ရှိပြီ‌ဖြစ်သော်လည်း BTR-4U သံချပ်ကာယာဉ်များဟာ ရုရှားလက်ဖြင့်ချေမှုန်းခံရတာများလာသည့်အချိန်၌ ပြန်လည်အသုံးပြုလာတာဖြစ်ပါတယ်။ Video ထဲ၌ မြင်ရသည့်အတိုင်း BTR-60 ၏ ဆုံလည်ကိုဖြုတ်၍ စက်သေနတ်တပ်ဆင်နိုင်သည့် အပေါ့စားဆုံလည်ကို အစားထိုးတပ်ဆင်၍ အတွင်းဘက်၍ ခုံအသစ်များကို သေချာလဲလယ်တပ်ဆင်ထားပါတယ်။ BTR-60 ဖြစ်နေသဖြင့် BTR-4U ကိုမမှီညားသော်လည်း ယူကရိန်းစစ်သည်များ အကာအကွယ်မဲ့စစ်ချီရမည်ကို အတတ်နိုင်ဆုံးလျှော့ချပေးတာဖြစ်ပါတယ်။ #JohnThu #vdcrd #MR

Hamas အဖွဲ့အတွက် မနက်စာ၊ နေ့လယ်စာ နှင့် ညစာဟူသည့် Caption ဖြင့် The Mossad Twitter Acc မှ တင်ထားသည့် Vd file ဖြစ်ပါတယ်။ အစ္စရေး‌လေတပ်စခန်းတစ်ခု၌ ရိုက်ကူးထားသော အဆိုပါ Vd ဖိုင်ထဲတွင် Mk-84 ကို Bomb Kit တပ်ကာ ပုံစံပြောင်းထားသည့် JDAM ဗုံးများတောင်လိုပုံနေသည်ကို တွေ့ရပြီး အဆိုပါဗုံးများဟာ အစ္စရေးလေတပ်မှ ဂါဇာကို နေ့စဉ်ရက်ဆက် ကြဲနေသည့်ဗုံးများဖြစ်ကြပါတယ်။ လွန်ခဲ့သည့်နှစ်ရက်ကလည်း Boeing ကုမ္ပဏီဟာ အစ္စရေးအတွက်ပြုလုပ်နေသည့် JDAM ဗုံးများ ထုတ်‌လုပ်ရေးလုပ်ငန်းစဉ်ကို တိုးမြင့်သွားမှာဖြစ်ကြောင်းပြောထားပါတယ်။ Mk-84 ဗုံးများဟာ ဘက်စုံသုံးဗုံးပုံစံဖြစ်ပြီး အလျား ၁၂ပေ ၇လက်မနှင့် အချင်း ၁၈လက်မရှိကာ ပေါင် ၂၀၀၀ကျော်လေးသည့် သာမရိုးကျဗုံးများဖြစ်သော်လည်း JDAM ဟုခေါ်သည့် တိကျသည့် အပြင်ပိုင်းကိုယ်ထည်တပ်ဆင်ပြီးနောက်တွင် ပဲ့ထိန်းဗုံးများအဖြစ်သို့ပြောင်းလဲသွားပါတော့တယ်။

Shortcuts

Address
Alerts
Videos
Claim ownership or report listing
Want your business to be the top-listed Media Company?

Country:

City:

16/11/2024

15/11/2024

14/11/2024

12/11/2024

09/11/2024

08/11/2024

06/11/2024

06/11/2024

05/11/2024

Address

Website

Alerts

Videos

Shortcuts

Share