17/07/2023
ਹੜ੍ਹ ਪੀੜਤਾਂ ਲਈ ਪੰਜਾਬ ਸਰਕਾਰ ਵੱਲੋਂ ਕੀਤੇ ਜਾ ਰਹੇ ਨੇ ਉਪਰਾਲੇ : ਮਹਿਤਾ
-ਸਿਹਤ ਸਬੰਧੀ ਸਮੱਸਿਆ ਆਉਣ `ਤੇ ਲੋਕ ਨਜ਼ਦੀਕੀ ਸਿਹਤ ਕੈਂਪ `ਚ ਕਰਵਾਉਣ ਜਾਂਚ : ਮਹਿਤਾ
Sachin SooD Reporter Patiala
- ਜਿ਼ਲ੍ਹਾ ਪ੍ਰਧਾਨ ਤੇ ਸ਼ਹਿਰੀ ਟੀਮ ਨੇ ਹੜ੍ਹ ਪੀੜ੍ਹਤਾਂ ਲਈ ਸ਼ੁਤਰਾਣਾ ਵਿਧਾਇਕ ਨੂੰ ਸੌਂਪਿਆ ਸੁੱਕਾ ਰਾਸ਼ਨ
ਪਟਿਆਲਾ
ਜਿ਼ਲ੍ਹਾ ਪਟਿਆਲਾ ਸ਼ਹਿਰੀ ਦੇ ਪ੍ਰਧਾਨ ਤੇਜਿੰਦਰ ਮਹਿਤਾ ਤੇ ਉਨ੍ਹਾਂ ਦੀ ਟੀਮ ਵੱਲੋਂ ਮੁੱਖ ਮੰਤਰੀ ਸ. ਭਗਵੰਤ ਮਾਨ ਦੇ ਦਿਸ਼ਾ ਨਿਰਦੇਸ਼ਾਂ `ਤੇ ਲਗਾਤਾਰ ਬਚਾਅ ਕਾਰਜ ਜਾਰੀ ਹਨ। ਇਸੇ ਕੜੀ ਤਹਿਤ ਅੱਜ ਪ੍ਰਧਾਨ ਤੇਜਿੰਦਰ ਮਹਿਤਾ ਵੱਲੋਂ ਜਿਥੇ ਗੋਪਾਲ ਕਾਲੋਨੀ, ਛੋਟਾ ਰਾਈਮਾਜਰਾ ਤੇ ਛੋਟਾ ਰਾਈਮਾਜਰਾ ਦੇ ਵਿਚ ਜਿਥੇ ਸਾਫ ਪਾਣੀ ਦੇ ਟੈਂਕਰ ਭੇਜੇ ਗਏ। ਉਥੇ ਹੀ ਸ਼ੁਤਰਾਣਾ ਦੇ ਵਿਚ ਹੜ੍ਹ ਪੀੜਤਾਂ ਲਈ ਸੁੱਕਾ ਰਾਸ਼ਨ ਜਿਵੇਂ ਦੁੱਧ, ਬ੍ਰੈਡ, ਕੈਂਡਲ ਤੇ ਪਾਣੀ ਦੀਆਂ ਬੋਤਲਾਂ ਹਲਕਾ ਸ਼ੁਤਰਾਣਾ ਦੇ ਵਿਧਾਇਕ ਨੂੰ ਸੌਂਪੀਆਂ ਗਈਆਂ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਪ੍ਰਧਾਨ ਮਹਿਤਾ ਨੇ ਦਸਿਆ ਕਿ ਮੌਜੂਦਾ ਸਮੇਂ ਸੰਕਟ ਦਾ ਸਮਾਂ ਹੈ। ਸਾਨੂੰ ਮੌਜੂਦਾ ਸਮੇਂ ਬਹੁਤ ਜਿ਼ਆਦਾ ਸਾਵਧਾਨੀਆਂ ਵਰਤਨ ਦੀ ਲੋੜ ਹੈ।ਕਿਉਂਕਿ ਕਈ ਜਗਾਹ ਹੁਣ ਪਾਣੀ ਹੇਠਾਂ ਉਤਰ ਆਇਆ ਹੈ। ਅਜਿਹੇ ਵਿਚ ਜੇਕਰ ਲੋਕਾਂ ਨੂੰ ਕੋਈ ਸਮੱਸਿਆ ਆਉਂਦੀ ਹੈ ਤਾਂ ਉਸ ਸਬੰਧੀ ਤੁਰੰਤ ਹੀ ਜਾਣਕਾਰੀ ਜਿ਼ਲ੍ਹਾ ਪ੍ਰਸ਼ਾਸਨ ਨੂੰ ਦਿੱਤੀ ਜਾਵੇ। ਉਨ੍ਹਾਂ ਦੀ ਹੜ੍ਹ ਪੀੜਤਾਂ ਨੂੰ ਅਪੀਲ ਹੈ ਕਿ ਜੇਕਰ ਉਨ੍ਹਾਂ ਦੇ ਘਰ ਦਾ ਕੋਈ ਵੀ ਵਿਅਕਤੀ ਬਿਮਾਰ ਹੁੰਦਾ ਹੈ ਜਾਂ ਉਲਟੀਆਂ ਤੇ ਪੇਟ ਦੀ ਤਕਲੀਫ ਤਾਂ ਉਸ ਦੀ ਤੁਰੰਤ ਜਾਂਚ ਰਾਹਤ ਕੈਂਪਾਂ ਚ ਲੱਗੇ ਮੈਡੀਕਲ ਕੈਂਪ ਦੇ ਵਿਚ ਕਰਵਾਈ ਜਾਵੇ।ਉਨ੍ਹਾਂ ਲਈ ਸਿਹਤ ਵਿਭਾਗ ਪਟਿਆਲਾ ਵੱਲੋਂ ਰਾਹਤ ਕੈਂਪਾਂ ਦੇ ਵਿਚ ਡਾਕਟਰੀ ਟੀਮਾਂ ਤੇ ਐਂਬੂਲੈਂਸਾਂ ਵੀ ਤਾਇਨਾਤ ਕੀਤੀਆਂ ਗਈਆਂ ਹਨ। ਜੇਕਰ ਕੋਈ ਵੀ ਵਿਅਕਤੀ ਗੰਭੀਰ ਬਿਮਾਰ ਹੁੰਦਾ ਹੈ ਤਾਂ ਉਸ ਨੂੰ ਤੁਰੰਤ ਜਿ਼ਲ੍ਹੇ ਦੇ ਸਰਕਾਰੀ ਰਾਜਿੰਦਰਾ ਹਸਪਤਾਲ, ਮਾਤਾ ਕੁਸ਼਼ੱਲਿਆ ਤੇ ਸਿਵਲ ਹਸਪਤਾਲਾਂ ਦੇ ਵਿਚ ਸਿ਼ਫਟ ਕੀਤਾ ਜਾਵੇਗਾ ਤੇ ਉਨ੍ਹਾਂ ਦਾ ਇਲਾਜ ਮੁਫ਼ਤ ਕੀਤਾ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਮੌਜੂਦਾ ਸਮੇਂ ਲੋਕ ਆਪਣੇ ਆਲੇ ਦੁਆਲੇ ਦੀ ਸਾਫ ਸਫਾਈ ਰੱਖਣ, ਪਾਣੀ ਉਬਾਲ ਕੇ ਪੀਣ ਜਾਂ ਨਜ਼ਦੀਕੀ ਰਾਹਤ ਕੈਂਪਾਂ ਵਿਚ ਜਾ ਕੇ ਕਲੋਰੀਨ ਦੀਆਂ ਗੋਲੀਆਂ ਲੈਣ ਤੇ ਉਸ ਨੂੰ ਅੱਧਾ ਘੰਟਾ ਪਾਣੀ ਦੇ ਵਿਚ ਪਾ ਕੇ ਪੀਣ ਲਈ ਉਸ ਪਾਣੀ ਦਾ ਪ੍ਰਯੋਗ ਕਰਨ ਤਾਂ ਉਨ੍ਹਾਂ ਨੂੰ ਸਿਹਤ ਸਬੰਧੀ ਕੋਈ ਸਮੱਸਿਆ ਨਾ ਆਵੇ।
ਕੈਪਸ਼ਨ
ਹੜ੍ਹ ਪੀੜਤਾਂ ਲਈ ਹਲਕਾ ਸ਼ੁਤਰਾਣਾ ਦੇ ਵਿਧਾਇਕ ਕੁਲਵੰਤ ਸਿੰਘ ਬਾਜੀਗਰ ਨੂੰ ਸੁੱਕਾ ਰਾਸ਼ਨ ਦਿੰਦੇ ਆਮ ਆਦਮੀ ਪਾਰਟੀ ਦੇ ਜਿ਼ਲ੍ਹਾ ਸ਼ਹਿਰੀ ਪ੍ਰਧਾਨ ਤੇਜਿੰਦਰ ਮਹਿਤਾ ਤੇ ਟੀਮ।