Breaking News Club

  • Home
  • Breaking News Club

Breaking News Club Contact information, map and directions, contact form, opening hours, services, ratings, photos, videos and announcements from Breaking News Club, Media/News Company, .

(ဓာတ်ပုံသတင်း)ပြည်သူများပေးတဲ့ ထောက်ပံ့ကူညီငွေနဲ့ YGF-ရေးပြောက်ကျားတပ်ဖွဲ့က 250,000bahts ( ဘတ် ၂ သိန်း ၅ သောင်း) တန်ဖိုး...
24/08/2023

(ဓာတ်ပုံသတင်း)
ပြည်သူများပေးတဲ့ ထောက်ပံ့ကူညီငွေနဲ့ YGF-ရေးပြောက်ကျားတပ်ဖွဲ့က 250,000bahts ( ဘတ် ၂ သိန်း ၅ သောင်း) တန်ဖိုးရှိ R***R- 308 စနိုက်ပါ တစ်လက်ကို ဇူလိုင်လထဲက ဝယ်ယူထားပြီးဖြစ်တယ်လို့ ရေးပြောက်ကျားတပ်ဖွဲ့က ဒီကနေ့မှာ ထုတ်ပြန်လာပါတယ်။

ပခုက္ကူမြို့နယ်မှာ စစ်ကောင်စီကားကို PDF ပူးပေါင်းတပ်က မိုင်းဆွဲတိုက်ခိုက်+++++++++++++++သြဂုတ် ၂၄ မကွေးတိုင်း၊ ပခုက္ကူမြ...
24/08/2023

ပခုက္ကူမြို့နယ်မှာ စစ်ကောင်စီကားကို PDF ပူးပေါင်းတပ်က မိုင်းဆွဲတိုက်ခိုက်
+++++++++++++++
သြဂုတ် ၂၄

မကွေးတိုင်း၊ ပခုက္ကူမြို့နယ်၊ ပန်းတိိုင်းခြုံ ကျေးရွာက ထွက်လာတဲ့ စစ်တပ်ရဲ့ ကားတစ်စီးကို PDF ပူးပေါင်းတပ်က မိုင်းဆွဲတိုက်ခိုက်ခဲ့တယ်လို့ Young Force UGက သတင်းထုတ်ပြန်ထားပါတယ်။

သြဂုတ်လ ၂၄ ရက်နေ့ နေ့လည်ပိုင်းက ပန်းတိုင်းခြုံ ကျေးရွာကနေ ပခုက္ကူမြို့ကို ပြန်လာတဲ့ အကြမ်းဖက်စစ်တပ်ကားကို မိုင်းဆွဲတိုက်ခိုက်ခဲ့​တာဖြစ်ပြီး စစ်ကောင်စီတပ်သားများ ထိခိုက်မှုရှိနိုင်ပေမယ့် အတည်ပြုနိုင်ဖို့ စုံစမ်းနေဆဲ ဖြစ်ပါတယ်။

အဲ့ဒီတိုက်ခိုက်မှုကို Shwe Nyar Myae PDFနှင့် Young Force(UG)ပခုက္ကူမြို့နယ် ပကဖ တပ်ခွဲ(၂) တို့ ပူးပေါင်းလုပ်ဆောင်ခဲ့တာဖြစ်ပြီး စစ်ကောင်စီတပ်က ပြန်လည်တိုက်ခိုက်ခဲ့ပေမယ့် အထိအခိုက်မရှိ ပြန်လည်ဆုတ်ခွာနိုင်ခဲ့တယ်လို့ သိရပါတယ်။

ဆားလင်းကြီးမြို့နယ်ရှိ ဝမ်ပေါင်ကုမ္ပဏီအတွင်းမှ ရဲတပ်သား ၁ ဦး သေနတ် ၂ လက် ယူဆောင်လာပြီး အလင်းဝင်ရန်ကုန်၊ သြဂုတ် ၂၄စစ်ကို...
24/08/2023

ဆားလင်းကြီးမြို့နယ်ရှိ ဝမ်ပေါင်ကုမ္ပဏီအတွင်းမှ ရဲတပ်သား ၁ ဦး သေနတ် ၂ လက် ယူဆောင်လာပြီး အလင်းဝင်

ရန်ကုန်၊ သြဂုတ် ၂၄

စစ်ကိုင်းတိုင်း၊ ဆားလင်းကြီးမြို့နယ်ရှိ ဝမ်ပေါင်ကုမ္ပဏီအတွင်းမှ ရဲတပ်သား ၁ ဦး သေနတ် ၂ လက် ယူဆောင်လာပြီး အလင်းဝင်လာကြောင်း ဆားလင်းကြီးမြို့နယ် သတင်းမှန်ပြန်ကြားရေး အဖွဲ့ထံမှ သိရသည်။

သြဂုတ်လ ၂၄ ရက်နေ့ နံနက်ပိုင်းတွင် ဆားလင်းကြီးမြို့နယ် ဝမ်ပေါင်ကုမ္ပဏီအတွင်းမှ ရဲတပ်သားတစ်ဦးသည် ဆားလင်းကြီးမြို့နယ် သမန်ကျားတပ်ဖွဲ့ ထံ အလင်းဝင်လာခြင်းဖြစ်ကြောင်း သိရသည်။

ရဲတပ်သားသည် အူစီ ၁ လက်၊ G3 ၁ လက်၊ ကျည်ဘောက် ၁ ခု ၊ 7.62 ကျည် ၁၀ တောင့်၊ 9mm ကျည် ၉ တောင့်နှင့်အတူ စကားပြောစက် ၁ လုံး ယူဆောင်လာကြောင်း သိရှိရသည်။

ပထမအကြိမ် ထွက်ပြေးရန် ကြိုးစားခဲ့သော်လည်း မအောင်မြင်ခဲ့ဘဲ ဒုတိယအကြိမ်တွင် အောင်မြင်စွာ CDM ပြုလုပ်နိုင်ခဲ့ခြင်း ဖြစ်ကြောင်း၊ ဆားလင်းကြီးမြို့နယ် သမန်ကျားတပ်ဖွဲ့အနေဖြင့် အလင်းဝင်ရောက်လာသည့် ရဲတပ်သားကို ဆုကြေးငွေများ ချီးမြှင့်ရန် ရန်ပုံငွေ လိုအပ်နေသောကြောင့် ပြည်သူများ အလှူငွေ ထည့်ဝင်လှူဒါန်းပေးကြပါရန် အကူအညီ တောင်းခံထားကြောင်း သိရသည်။

ဆားလင်းကြီးမြို့နယ်သမန်းကျားတပ်ဖွဲ့ထံ အလှူငွေများထည့်ဝင် လှူဒါန်းလိုသော ပြည်သူများအနေဖြင့် ဆားလင်းကြီးမြို့နယ် သမန်းကျားတပ်ဖွဲ့နှင့် ဆားလင်းကြီးမြို့နယ် သတင်းမှန်ပြန်ကြားရေး အဖွဲ့ Pgae CB တွင် လာရောက် လှူဒါန်းနိုင်ကြောင်း ထုတ်ပြန်ထားသည်။

ကြာအင်းဆိပ်ကြီးရှိ ခလရ ၂၈၃ တပ်ရင်းကို ဒရုန်းဖြင့် ဗုံးကျဲ တိုက်ခိုက်၊ နတ်တလင်းတွင် မိန်းမခိုးလာသော ရဲများကို မိုင်းဆွဲ တ...
24/08/2023

ကြာအင်းဆိပ်ကြီးရှိ ခလရ ၂၈၃ တပ်ရင်းကို ဒရုန်းဖြင့် ဗုံးကျဲ တိုက်ခိုက်၊ နတ်တလင်းတွင် မိန်းမခိုးလာသော ရဲများကို မိုင်းဆွဲ တိုက်ခိုက်မှု ၂ ဦးသေဆုံး

ရန်ကုန်၊ သြဂုတ် ၂၄

ကရင်ပြည်နယ်၊ ကြာအင်းဆိပ်ကြီးမြို့နယ်ရှိ အကြမ်းဖက် စစ်တပ်၏ ခလရ ၂၈၃ တပ်ရင်းကို ဒရုန်းဖြင့် ဗုံးကျဲ တိုက်ခိုက်ခဲ့ကြောင်း Alpha Bats Fixed wing drone အဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။

သြဂုတ်လ ၂၂ ရက်နေ့ ည ၈ နာရီခန့်တွင် ကြာအင်းဆိပ်ကြီးမြို့နယ်ရှိ ခလရ ၂၈၃ တပ်ရင်း ကို KNDO တပ်ရင်း ၆ drone အဖွဲ့၊ KNLA တပ်ရင်း ၁၇ နှင့် Alpha Bats Fixed wing drone အဖွဲ့တို့က ဒရုန်းဖြင့် ဗုံးကျဲ တိုက်ခိုက်ခဲ့ပြီး စစ်သားများ ထိခိုက်သေဆုံးမှုရှိမရှိကို အတည်မပြုနိုင်သေးကြောင်း သိရသည်။

ထို့ပြင် ပဲခူးတိုင်း၊ သာယာဝတီခရိုင်၊ နတ်တလင်းမြို့နယ်၊တွင် မိန်းမခိုးလာသော ရဲ ၆ ဦးကို မိုင်းဆွဲတိုက်ခိုက်ခဲ့ ရာ ၂ ဦးသေဆုံးပြီး ဆိုင်ကယ် ၂ စီးပျက်စီးခဲ့ကြောင်း နတ်တလင်းမြို့နယ် ပြည်သူ့ကာကွယ်ရေးတပ်ဖွဲ့- Phoenix – D-F ထံမှ သိရသည်။

ဩဂုတ်လ ၂၂ ရက် ည ၁၀ နာရီ မိနစ် ၂၀ ခန့်က နတ်တလင်းမြို့နယ်အရှေ့ဘက် တောင်ညိုရဲစခန်းမှ ရဲ များသည် ကျောက်ကုန်းရွာမှ ကင်းလှည့်ပြီး မိန်းမခိုးကာ ဆိုင်ကယ် ၃ စီးဖြင့် ပြန်လာစဉ် ကံစုသင်္ချိုင်း ကုန်းအနီးအရောက် ပြည်သူ့ကာကွယ်ရေးတပ်ဖွဲ့များမှ မိုင်းဆွဲတိုက်ခိုက်ခဲ့ရာ ရဲ ၂ ဦးပွဲချင်းပြီး သေဆုံး ပြီး ရဲနောက်ခိုးရာလိုက်ပြေးလာသည့် အမျိုးသမီးတစ်ဦးနှင့် ရဲတစ်ဦးမှာ ထိခိုက်ဒဏ်ရာရရှိခဲ့ကြောင်း၊ ထို့အပြင် ဆိုင်ကယ်နှစ်စီးလဲပျက်စီးခဲ့ကြောင်း သိရသည်။

အဆိုပါတိုက်ခိုက်မှုကို သာယာဝတီခရိုင် တပ်ရင်း ၃၈၀၁ ၊ တပ်ခွဲ ၂ (နတ်တလင်းမြို့နယ် ပြည်သူ့ ကာကွယ်ရေးတပ်ဖွဲ့- Phoenix – D-F) မှ တိုက်ခိုက်ခဲ့ခြင်းဖြစ်ပြီး ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။

အကြမ်းဖက်စစ်တပ်လက်အောက်ခံ ရဲများသည် ပြည်သူများ၏ ဆိုင်ကယ်များကို စစ်ဆေးဖမ်းဆီးမှုများ ပြုလုပ်နေပြီး ပြည်သူများလွတ်လပ်စွာ သွားလာခွင် လုပ်ကိုင်စားသောက်ခွင့်များကို ဖျက်ဆီးနေသဖြင့် ယခုကဲ့သို့ တိုက်ခိုက်ခဲ့ရခြင်းဖြစ်ကြောင်း၊ နောက်နောင်လည်း စစ်ဆေးဖမ်းဆီးမှုများ ဆက်လက်ပြုလုပ် နေပါက နည်မျိုးစုံဖြင့် တိုက်ခိုက်သွားမည်ဖြစ်ကြောင်း အသိပေးထားသည်။

မုံရွာမြို့တွင် ကိုယ်ဝန်ဆောင် အမျိုးသမီးကို သတ်ဖြတ်ခဲ့သည့် ဓားပြအုပ်စုကို NUG အစိုးရ တရားရုံးတွင် ရာဇသတ်ကြီး ပုဒ်မ ၃ ခု...
24/08/2023

မုံရွာမြို့တွင် ကိုယ်ဝန်ဆောင် အမျိုးသမီးကို သတ်ဖြတ်ခဲ့သည့် ဓားပြအုပ်စုကို NUG အစိုးရ တရားရုံးတွင် ရာဇသတ်ကြီး ပုဒ်မ ၃ ခု ဖြင့် တရားစွဲ ဆိုမည်

ရန်ကုန်၊ ဩဂုတ် ၂၄

စစ်ကိုင်းတိုင်း၊ မုံရွာမြို့တွင် ကိုယ်ဝန်ဆောင်အမျိုးသမီးကို သတ်ဖြတ်ခဲ့သည့် လက်နက်ကိုင် ဓားပြ အုပ်စုကို NUG အစိုးရ တရားရုံးတွင် တရားစွဲဆိုမည်ဖြစ် ကြောင်း မုံရွာမြို့နယ်ပြည်သူ့အုပ်ချုပ်ရေး အဖွဲ့က တရားဝင်သတင်း ထုတ်ပြန် သည်။

ဩဂုတ်လ ၁၀ ရက်နေ့ ညနေ ၃ နာရီခန့်အချိန် မုံရွာမြို့ ထန်းတောကျွန်းဆွယ် ရပ်ကွက်၊ နယ်မြေ ၄ ရှိ နေအိမ် တစ်လုံးအတွင်းသို့ လက်နက်ကိုင်လူတစ်စုက ဝင်ရောက် ဓားပြတိုက်စဉ် ကိုယ်ဝန် အမျိုးသမီးတစ်ဦး သေနတ်ကျည်ထိမှန် သေဆုံးခဲ့ကြောင်း၊ အဆိုပါ လူသတ်မှု ကျူးလွန်သူ ဓားပြအုပ်စုကို မုံရွာမြို့နယ် ပြည်သူ့အုပ်ချုပ်ရေးအဖွဲ့က ဖမ်း ဆီးကာ အမှုတည်ဆောက်ခဲ့ကြောင်း၊ ထို့နောက် အမျိုးသားညီညွတ်ရေးအစိုးရ၏ တရားရုံးတွင် ရာဇသတ်ကြီးပုဒ်မ ၃၉၅ ၊ ၃၉၆ ၊ ၃၉၇ ဖြင့် တရားစွဲဆိုမည်ဖြစ်ကြောင်း သိရသည်။

“ဒီပြသနာက ဘယ်ကစလဲဆိုတော့ အာဏာသိမ်းစစ်တပ်က သူအာဏာ စသိမ်းလိုက်တာနဲ့ ခိုးဆိုးနှိုက် တွေ၊ ရာဇဝတ်သားတွေကို လွှတ်ပေးတယ်ဗျာ၊ လွှတ်ပေးပြီးတော့ နိုင်ငံရေးသမား၊ ကျောင်းသား ၊ တော်လှန်ရေးသမားတွေကို ထောင်ထဲမှာ မတရားဖမ်းထည့်တယ်၊ တိုင်းပြည်ကို ကမောက်ကမဖြစ် အောင်၊ မတည် မငြိမ်ဖြစ်အောင်လုပ်တာက အာဏာသိမ်းစစ်တပ်ဗျ၊ အခုချိန်မှာလည်း အကြမ်းဖက် စစ်တပ်ရဲ့ လက်ပါးစေ ရဲတို့၊ စစ်သားတို့ဆိုတာကလည်း PDF ဖမ်းဖို့ လောက်ပဲ အာရုံစိုက်တယ်၊ ခိုးဆိုး နှိုက်တွေဆိုရင် လွှတ်ကိုထားတာဗျ၊ မဖမ်းဘူး။ ဆိုတော့ ရပ်ရွာမှာနေထိုင်ကြတဲ့ပြည်သူလူထုအနေနဲ့ တရားဥပဒေ စိုးမိုး မှု၊ လုံခြုံမှုကတော့ တကယ့်ကို Zero Level အထိကို ရောက်နေတဲ့ အခြေ အနေ ပေါ့၊ ဒီအခြေအနေမှာ တဖက်ကလည်း စစ်ဖြစ်နေတဲ့ စစ်ဇုန်၊ စစ်ကိုင်း တိုင်း ဆိုတာ စစ်ဇုန်ပဲ၊ စစ်ဇုန်မှာနေရတဲ့ အ ခါကျတော့ လက်နက်တွေ က လည်း လက်တစ်ကမ်းမှာရှိနေတာ၊ပြည်သူတွေရဲ့ လုံခြုံရေးအနေအထား ကတော့ တကယ့်ကို ဆိုးဆိုးဝါးဝါးကြုံတွေ့နေရတဲ့အနေအထားရှိပါတယ်” ဟု စစ်ကိုင်း ဖိုရမ်၊ စစ်ကိုင်း ပြည်သူဖေးမကူကွန်ရက်လုပ်ငန်းအဖွဲ့ခေါင်းဆောင် ကိုစိုးဝင်းဆွေ သုံးသပ်ပြောကြားသည်။

ကိုယ်ဝန်ဆောင်အမျိုးသမီးကို သတ်ဖြတ်ခဲ့သူများမှာ ကျွဲကြီး(ခ)ဘိုငွေ၊ ပြုံးကြီး (ခ) ကျော်စိုးထွန်း ၊ အောင်ကြီး(ခ)အောင်မြင့်ခိုင်၊ ဘဂျမ်း(ခ)ကျော်သူစံ၊ တက်တူး (ခ)မိုးမင်းထက် ၊ ကရင်(ခ) အောင်ဆန် ဦး၊ ကျားလေး(ခ) ဝင်းမင်း ထက် တို့ဖြစ်ကြောင်း သိရှိရသည်။

စစ်ကိုင်းတိုင်းအတွင်းရှိ တော်လှန်ရေးတပ်ဖွဲ့များအနေဖြင့် တော်လှန်ရေး ရည်ရွယ်ချက် မဟုတ်သည့် လက်နက်ကိုင်အဖွဲ့အစည်းများကို တားဆီးရန်၊ ရှုတ်ချ ရန် လိုအပ်ကြောင်း စစ်ကိုင်း ဖိုရမ်၊ စစ်ကိုင်း ပြည်သူဖေးမကူကွန်ရက် လုပ်ငန်း အဖွဲ့ခေါင်းဆောင် ကိုစိုးဝင်းဆွေ သုံးသပ်ပြောဆိုသည်။

“အကြံပြုချင်တာက လက်နက်တွေ မတရားပျံ့နှံနေတဲ့ ကိစ္စသည်လည်း မကောင်းဘူး၊ တိုင်းပြည် မတည်မငြိမ်နဲ့ စစ်ဖြစ်နေတဲ့အခြေအနေမှာ တောမီး လောင် တောကြောင်လက်ခမောင်းခတ် ဆိုတာမျိုး ရာဇဝတ်သားတွေအနေနဲ့ ထကြွ ကြတာတွေလည်းရှိတယ်၊ဆိုတော့ ကိုယ့်ဒေသတွင်းမှာရှိတဲ့ မုံရွာ ဆို လည်း မုံရွာပေါ့၊ ဒီမှာရှိတဲ့ MOD အောက်ကတပ်ရင်းတွေရှိမယ်၊ MOD နဲ့ မချိတ် ဆက်သေးတဲ့ Local တွေလည်း ရှိမယ်၊ ဒီလိုအဖွဲ့တွေကို စာရင်းပြုစု ထားပြီးတော့ ဒါကတော့ တော်လှန်ရေးတပ်ဖွဲ့စသည်ဖြင့် အဓိကတော့ ဖား လား၊ ငါးလားကွဲအောင် တော်လှန်ရေးဘက်သားတွေက အချင်းချင်း စာရင်းတွေ လုပ်ထားဖို့လိုမယ်၊ ပြီးတဲ့အခါကျတော့ တော်လှန်ရေးရည်ရွယ်ချက်မဟုတ်ဘဲနဲ့ အခြားလက်နက်ကိုင် တာကိုလည်း ရှုတ်ချဖို့လိုမယ်၊ တားဆီးဖို့လိုမယ်၊ ဘာ ကြောင့် လဲဆိုတော့ နိုင်ငံရေးအခြေမခံဘဲ လက်နက် ကိုင်တာထက်စာရင် လက် နက်မကိုင်တာက ပိုကောင်းတယ်၊ ဒီအခြေအနေကိုလည်း အမြန်ထိန်း ကွပ်ဖို့ လို မယ်၊ ဒါဆိုရင်တော့ အခုလိုမျိုး စိတ်မချမ်းမြေ့ဖွယ်ရာ စိတ် မကောင်း စရာသတင်းဆိုးတွေ လျော့ပါး သွားနိုင်တယ်လို့ မြင်ပါတယ်” ဟု ၎င်းက ပြော ဆို သည်။

ဒေါ်အောင်ဆန်းစုကြည် နှင့်နှိုင်းယှဉ်လျှင် မင်းအောင်လှိုင် စောက်သုံး မကျဟု လူမှုကွန်ရက်တွင် ဝေဖန်ခဲ့သော အဆိုတော် ဗျူဟာကိ...
24/08/2023

ဒေါ်အောင်ဆန်းစုကြည် နှင့်နှိုင်းယှဉ်လျှင် မင်းအောင်လှိုင် စောက်သုံး မကျဟု လူမှုကွန်ရက်တွင် ဝေဖန်ခဲ့သော အဆိုတော် ဗျူဟာကို စစ်တပ်က ထောင်ဒဏ်နှစ် ၂၀ ချမှတ်မှု အငြိုးကြီးမှုကို ပြသဟု ဆို

ရန်ကုန်၊ဩဂုတ် ၂၄

ဒေါ်အောင်ဆန်းစုကြည် အုပ်ချုပ်သည့် ၅ နှစ်တာကာလအတွင်း မီးမပျက်သည့် အပြင် မီတာခလျှော့ပေးခဲ့မှုနှင့်နှိုင်းယှဉ်လျှင် မင်းအောင်လှိုင် စောက်သုံးမကျဟု လူမှုကွန်ရက်တွင် ဗီဒီယို လွှင့်တင် ပြောဆိုသော အဆိုတော် ဗျူဟာကို စစ်တပ် က ယမန်နေ့ ထောင်ဒဏ် နှစ် ၂၀ ချမှတ်မှုသည် တရားဥပဒေကို လိုသလို သုံး၍ အငြိုးတကြီး ပြစ်ဒဏ်ပေးမှုဟု ရှေ့နေတချို့က ဝေဖန် ပြောဆိုသည်။

ရန်ကုန်မြို့တွင် နေထိုင်သော တေးရေးဆရာ နိုင်မြန်မာ၏ သားဖြစ်သူ အဆို တော် ဗျူဟာက မေလ ၂၃ ရက်နေ့တွင် မီးမမှန်၍ ပြည်သူများ ဒုက္ခရောက် နေရသည့်ကိစ္စကို သူ၏ ဖေ့ဘုတ်စ် လူမှုကွန်ရက်မှ Live လွှင့်ပြောပြီးနောက် ဖမ်းဆီးခံခဲ့ရပြီး ဩဂုတ်လ ၂၃ ရက်နေ့တွင် ထောင်ဒဏ် နှစ် ၂၀ ချမှတ်ခံရ ခြင်းဖြစ်သည်ဟု ဇနီးဖြစ်သူက လူမှုကွန်ရက်တွင် တရားဝင် ရေးသားဖော် ပြခဲ့သည်။

"ငါ့ မိန်းမလေးနေမကောင်းဖြစ်နေတာပဲ အနားမှာပဲနေပြီး ဂရုစိုက်ပေးမယ် ဆိုပြီး... အခုတော့ နှစ် 20 ​တဲ့လား ဘာများလုပ်မိလို့ပါလဲ" ဟု အဆိုတော် ဗျူဟာ ၏ ဇနီးဖြစ်သူက လူမှုကွန်ရက်တွင် ရေးသားထားသည်။

အဆိုတော် ဗျူဟာက မီးမှန်အောင် မပေးနိုင်သည့် မင်းအောင်လှိုင်၏ စောက် သုံး မကျပုံကို လူမှုကွန်ရက်တွင် ပြင်းပြင်းထန်ထန် ဝေဖန်ခဲ့သူလည်းဖြစ်သည်။

"အဘွားကြီးက ၅ နှစ်ပဲ အုပ်ချုပ်သွားတယ်။ အဘွားကြီးလက်ထက်မှာ ငါတို့ မီးကို ၅ နှစ် မှန်တဲ့အပြင် မီတာခတောင် လျှော့ပေးလိုက်သေးတယ်။ မင်းတို့ အဲဒီအဘွားကြီးရဲ့ ထမိန်ပဲ ခေါင်းပေါ် စွပ်ထားလိုက်ဦး၊ အဲဒီအဘွားကြီးရဲ့ ခြေရာပဲ လိုက်နင်းဦး။ မင်းတို့စောက်ရှက်မရှိဘူး။ စောက်အရည်အချင်းမရှိတာ။ အခုတိုင်းပြည်ကို အုပ်ချုပ်နေတဲ့ကောင်က ဂြိုလ်ကျိုးနားရွက်ပဲ့ပဲ။ ငါလို စောက်ရူးကို မင်းတို့ဒီတိုင်းပြည်မှာ ရှင်ဘုရင် လုပ်ပါဆိုပြီး အုပ်ချုပ်ခိုင်းရင် တောင် ဒီတိုင်းပြည်ကလူတွေ မီးမှန်နေရမယ်ကွာ ငါကတိပေးတယ်" ဟု အဆိုတော်ဗျူဟာက လူမှုကွန်ရက်မှတစ်ဆင့် ပြောဆိုခဲ့သည်။

ရန်ကုန်မြို့အခြေစိုက် တရားလွှတ်တော် ရှေ့နေတစ်ဦးကမူ မီးမမှန်၍ ဝေဖန်မှု သည် သာမန် နိုင်ငံတော်အကြည်ညိုပျက်စေမှု ပုဒ်မ ၅၀၅ သာ မြောက်နိုင်ပြီး ထောင် ဒဏ် နှစ် ၂၀ ချမှတ်သည်အထိ ပြင်းထန်သော ပုဒ်မများဖြင့် တရားစွဲ ဆိုမှုမှာ အငြိုးတကြီးဖြင့် တရားဥပဒေကို တလွဲအသုံးချမှုအဖြစ် သုံးသပ် ပြောဆိုသည်။

"မီးမမှန်လို့ မမှန်ဘူးပြောတာက ပြစ်မှု မဟုတ်ဘူး။ ကြံဖန် တရားစွဲရင်တောင် ပုဒ်မ ၅၀၅ လောက်ပဲ။ အလွန် ဆုံးချ ထောင်ဒဏ် ၃ နှစ်ပေါ့။ အခုတော့ ထောင် ဒဏ် နှစ် ၂၀ ဆိုတော့ ပုဒ်မ ၁၂၄ (က) တို့ အီလက်ထရောနစ် ဥပဒေတို့ အသုံးပြု ပြီး ထောင်ဒဏ် ပြင်းပြင်းထန်ထန်ချတာပဲ။ တရားဥပဒေကို လိုသလို သုံးပြီး အငြိုးတကြီးနဲ့ကို လုပ်တာဗျ။ တရားဥပဒေစိုးမိုးမှု ပျောက်ဆုံး တဲ့ လက္ခဏာပဲ" ဟု ရန်ကုန် တရား လွှတ် တော်ရှေ့နေက ပြောဆိုသည်။

တေးသံရှင် ဗျူဟာသည် ဟစ်ဟော့အဆိုတော်ဖြစ်ပြီး နာမည်ကြီး တေးရေး ဆရာ နိုင်မြန်မာ၏ သားလည်းဖြစ်သည်။

ထိုင်းဝန်ကြီးချုပ်ဟောင်း သက်ဆင် ပြည်တော်ပြန်ဝင်ပြီး နေ့တွင်းချင်း ဆေးရုံတက်ရ+++++++++++++++ဩဂုတ် ၂၃ ထိုင်းဝန်ကြီးဟောင်းသ...
24/08/2023

ထိုင်းဝန်ကြီးချုပ်ဟောင်း သက်ဆင် ပြည်တော်ပြန်ဝင်ပြီး နေ့တွင်းချင်း ဆေးရုံတက်ရ
+++++++++++++++
ဩဂုတ် ၂၃

ထိုင်းဝန်ကြီးဟောင်းသက်ဆင်ဟာ ထိုင်းနိုင်ငံကိုပြည်တော်ပြန်ဝင်ပြီး နေ့တွင်းချင်း ဆေးရုံတက်ခဲ့ရတယ် လို့ ရိုက်တာသတင်းဌာနကဖော်ပြထားပါတယ်။

ပြည်ပမှာ ၁၇ နှစ်ကြာနေထိုင်ပြီး မနေ့မနက်တုန်းက ထိုင်းနိုင်ငံ ဘန်ကောက်မြို့ကို ပြန်လည်ရောက်ရှိလာတဲ့ ဝန်ကြီးချုပ်ဟောင်းသက်ဆင်ဟာ အကျင့်ပျက်ချစားမှုနဲ့ သက်ဆိုင်တဲ့ အမှု ၃ မှုနဲ့ပတ်သက်ပြီး တရားရုံးက ထောင်ဒဏ် ၈ နှစ်ချမှတ်ခံထားရပါတယ်။

ထောင်ဒဏ်ချမှတ်ခံရပြီး ညတွင်းချင်း အကျဉ်းထောင်ဆေးရုံကို ပို့ဆောင်ခဲ့ရတယ်လို့ ရိုက်ဝာာသတင်းဌာနမှာ ဖော်ပြထားပါတယ်။

သက်ဆင်‌အကျဉ်းထောင်ဆေးရုံမှာ ဆေးကုသမှု ခံယူနေတဲ့အကြောင်း ဒီကနေ့ မနက် ၉ နာရီ အချိန်မှာ ထိုင်းအကျဉ်းဦးစီးဌာနက မီဒီယာတွေကို ထုတ်ဖော်ပြောဆိုခဲ့တာဖြစ်ပါတယ်။

ကျန်းမာရေးစစ်ဆေးချက်‌တွေအရ သက်ဆင်မှာ နှလုံးနဲ့ အဆုတ်ရောဂါများအပါအဝင် ရောဂါ ၅ ခုအထိ ခံစားနေရပြီး လို့ ထိုင်းအကျဉ်းဦးစီးဌာနက ထုတ်ပြန်ထားပါတယ်။

သက်ဆင်ဟာ မနေ့က လွတ်‌တော်မှာထိုင်းဝန်ကြီးချုပ်မဲခွဲ ရွေးချယ်မယ့် နေ့နဲ့ တိုက်တိုက်ဆိုင်ဆိုင် ဘန်ကောက်မြို့ ဒွန်းမောင်းလေဆိပ်ကနေ ပြည်တော်ပြန်ဝင်လာတာဖြစ်ပါတယ်။

ထိုင်းဝန်ကြီးချုပ်မဲပေးရွေးချယ်ပွဲမှာတော့ သက်ဆင်ရဲ့ သမီး ဖြစ်သူဦးဆောင်တဲ့ ဖွေ့ထိုင်းပါတီကညွန့်ပေါင်းအဖွဲ့က အိမ်ခြံမြေစီးပွားရေး လုပ်ငန်းရှင် စေထာ ထဝိစင် (Srettha Thavisin) ကို ဝန်ကြီးချုပ်အဖြစ်တင်မြောက်ခဲ့တာဖြစ်ပါတယ်။

MFTB နဲ့ MICB ဘဏ် ၂ ခု အပေါ် အမေရိကန်က စီးပွားရေးပိတ်ဆို့မှုကြောင့် စစ်ကောင်စီအတွက် နိုင်ငံခြားငွေရရှိမှု၊ နိုင်ငံခြားငွ...
23/08/2023

MFTB နဲ့ MICB ဘဏ် ၂ ခု အပေါ် အမေရိကန်က စီးပွားရေးပိတ်ဆို့မှုကြောင့် စစ်ကောင်စီအတွက် နိုင်ငံခြားငွေရရှိမှု၊ နိုင်ငံခြားငွေသုံးစွဲမှု၊ ပို့ကုန် သွင်းကုန် လုပ်ငန်းများ ထိခိုက်နေတယ်လို့ စစ်ကောင်စီ စီမံဘဏ္ဍာ ဒုဝန်ကြီး ဝန်ခံ
+++++++++++++++
ဩဂုတ် ၂၃

အကြမ်းဖက်စစ်ကောင်စီ လက်အောက်ရှိ မြန်မာ့နိုင်ငံခြားကုန်သွယ်မှုဘဏ်-MFTB နဲ့ MICB- မြန်မာ့ ရင်းနှီးမြှုပ်နှံမှုနဲ့ ကုန်သွယ်ရေးဘဏ်တို့အပေါ် အမေရိကန်ပြည်ထောင်စုက အရေးယူလိုက်မှုဟာ ထိခိုက်မှုများစွာ ကြုံတွေ့နေရတယ်လို့ စစ်ကောင်စီရဲ့ စီမံကိန်းနှင့်ဘဏ္ဍာရေးဝန်ကြီးဌာနရဲ့ ဒုတိယ ဝန်ကြီး ဦးမောင်မောင်ဝင်းက မနေ့က နေပြည်တော်သတင်းစာရှင်းလင်းပွဲမှာ ဝန်ခံ ပြောဆိုလိုက်ပါတယ်။

ဩဂုတ်လ ၅ ရက်နေ့က စတင် အသက်ဝင်လာတဲ့ အမေရိကန်ရဲ့ စီးပွားရေးပိတ်ဆို့မှုဟာ တစ်ဖက်သတ်ပိတ်ဆို့မှုဖြစ်ပြီး ပိတ်ဆို့တဲ့ အကြောင်းအရင်းများ ခိုင်မာမှု မရှိဘဲ လက်ရှိ စစ်ကောင်စီအတွက် နိုင်ငံ ခြားငွေ ရရှိမှု၊ နိုင်ငံခြားငွေ သုံးစွဲမှု ၊ ပို့ကုန်သွင်းကုန် တင်ပို့မှုနဲ့ တင်သွင်းမှုများ အပါအဝင် နိုင်ငံခြားငွေနဲ့ဆက်စပ်တဲ့ လုပ်ငန်းများအားလုံး ထိခိုက်နေတယ်လို့ သူက ဆိုပါတယ်။

"အမေရိကန် ဘဏ္ဍာရေးဝန်ကြီးဌာနအနေနဲ့ နိုင်ငံပိုင် ဘဏ် ၂ ခုအပေါ် ယခုလို ထုတ်ပြန်ခဲ့တာဟာ တစ်ဖက်သတ်ပိတ်ဆို့မှုဖြစ်ပါတယ်။ ပိတ်ဆို့တဲ့ အကြောင်း အရင်း များ ကလည်း ခိုင်မာမှုမရှိပါဘူး။ MFTB ဘဏ်က အစိုးရနဲ့ ပုဂ္ဂလိက နိုင် ငံ ခြားငွေလုပ်ငန်းများကို ဆောင်ရွက်ပေးနေတဲ့ဘဏ် ဖြစ်ပြီးတော့ MICB ပုဂ္ဂလိက များရဲ့ နိုင်ငံခြား ငွေများကို ဆောင်ရွက်ပေးနေတဲ့ဘဏ်ဖြစ်ပါတယ်။ ၎င်းတို့ ကို ပိတ်ဆို့ ခြင်းအားဖြင့် နိုင်ငံတော်နဲ့ ပြည်သူများအတွက် ဆောင်ရွက် ပေးလျက် ရှိတဲ့ ပညာရေး ကျန်းမာရေး အခြေခံ အဆောက်အအုံ တည် ဆောက် ရေး ကိစ္စရပ် များအပါအဝင် နိုင်ငံခြား ငွေရရှိမှု၊ သုံးစွဲမှုများကို သက် ရောက်စေတဲ့အပြင် ပို့ကုန် သွင်းကုန်လုပ်ငန်းရှင်များ၊ နိုင်ငံခြားဘဏ်လုပ်ငန်း ဝန်ဆောင်မှု ရယူသူ၊ ဌာန၊ အဖွဲ့ အစည်း များကိုလည်းပဲ ထိခိုက်စေပါတယ်။ ဒီပိတ်ဆို့မှု အပေါ် မှာလည်း နိုင်ငံ အလိုက် သက်ဆိုင်ရာ ဘဏ်အလိုက် အဓိ ပ္ပာယ် ကောက်မှု မတူကြဘဲ အမျိုးမျိုး လိုရာ ဆွဲပြီးတော့ ကောက်ယူကြ တဲ့ အနေအထားလည်းတွေ့ရပါတယ်" လို့ စစ်ကောင်စီ ဒုဝန်ကြီး ဦးမောင်မောင်ဝင်းက ဝန်ခံ ပြောဆိုလိုက်တာပါ။

အမေရိကန်ရဲ့ ပိတ်ဆို့မှုများကြောင့် လက်ရှိ စစ်ကောင်စီက အိန္ဒိယနဲ့ ထိုင်းနိုင်ငံမှာ နိုင်ငံခြားငွေစာရင်းများဖွင့်လှစ်ပြီး ကုန်သွယ်ရေးလုပ်ငန်းများ လုပ်ကိုင်နိုင်ဖို့ ဗဟိုဘဏ်နဲ့ ဝန်ကြီးဌာနများက ကြိုးပမ်းနေတယ်လို့ သိရပါတယ်။

မြင်းခြံမြို့နယ်၊ ကျောက်ကံ(ပျူ)ရွာအနီးတွင် စစ်သားများ လိုက်ပါလာသည့် ကားတစ်စီးကို မိုင်းဆွဲ တိုက်ခိုက်မှု စစ်သား တချို့ သ...
23/08/2023

မြင်းခြံမြို့နယ်၊ ကျောက်ကံ(ပျူ)ရွာအနီးတွင် စစ်သားများ လိုက်ပါလာသည့် ကားတစ်စီးကို မိုင်းဆွဲ တိုက်ခိုက်မှု စစ်သား တချို့ သေဆုံးထိခိုက်နိုင်

ရန်ကုန်၊ ဩဂုတ် ၂၃

မန္တလေးတိုင်း၊ မြင်းခြံမြို့နယ်၊ ကျောက်ကံ(ပျူ)ရွာမှ ထွက်လာသော အကြမ်း ဖက် စစ်သားများ လိုက်ပါ လာသည့် လိုက်ထရပ်ကား ကားတစ်စီးကို မိုင်းဆွဲ တိုက်ခိုက်ခဲ့ရာ စစ်သား ၅ ဦးသေဆုံးခဲ့ကြောင်း MGN 35 မှ တပ်ခွဲမှူး ကိုနွေမိုက် က ရန်ကုန်ခေတ်သစ်သတင်းဌာနထံသို့ ပြောကြားသည်။

ယမန်နေ့ ဩဂုတ်လ ၂၂ ရက် ညနေ ၃ နာရီ ၇ မိနစ်ခန့်က ကျောက်ကံ(ပျူ) ရွာမှ လိုက်ထရပ်ကားတစ်စီး၊ မှန်လုံယာဉ် ၃ စီးဖြင့် ထွက်လာရာ မှန်လုံယာဉ် ၃ စီးမှာ နဘူးအိုင်ဘက်သို့ ထွက်ခွာသွားပြီး လိုက်ထရပ် ကားတစ်စီးမှာ မြင်းခြံမြို့ ဘက် သို့ ထွက်လာရာ လိုက်ထရပ်ကားမှာ ပြည်သူ့ကာကွယ်ရေးတပ်ဖွဲ့ဝင်များ ထောင်ထားသည့် မိုင်းကွင်းအတွင်းသို့ ရောက်ရှိလာသဖြင့် ဖောက်ခွဲတိုက်ခိုက် ခဲ့ခြင်းဖြစ်ကြောင်း သိရ သည်။

“ကျနော်တို့မိုင်းဆွဲခဲ့တဲ့ကားပေါ်မှာက ၁၃ ကောင်ပါတာဗျ၊ မြင်းခြံ-နဘူးအိုင် လမ်းမပေါ် ကျောက်ကံ (ပျူ)ရွာ ဝင်ပေါက်နားမှာ မိုင်းဆွဲခဲ့တာ၊ ကျန်တဲ့မှန် လုံယာဉ် ၃ စီးက မိုင်းကွင်းနဲ့ဆန့်ကျင်ဘက်ဖြစ်တဲ့ နဘူးအိုင်ဘက်ကို ထွက်သွား လို့ လွတ်သွားတဗျ၊ မိုင်းဆွဲတဲ့နေရာမှာတော့ သေနတ် ၂ ချက်ပစ်ဖောက် သွား တယ်၊ ကားကတော့ မရပ်ဘူး၊ လမ်းတဝက်ရောက်မှ ကားက ရပ်သွားတယ် လို့သိရတယ်၊ အဲဒီအချိန် မှာ ဒဏ်ရာရတဲ့ စစ်သားတွေက မိုင်းကွဲတဲ့နေရာမှာ ကား မရပ်လို့ ဆိုပြီး ကားမောင်းသမားကို ပြောတာ၊ ကားသမား ကမင်းတို့ ပထွေး တွေ က ထပ်ခွဲလို့ အကုန်မသာပေါ်ကုန်မယ်လို့”အော်ပြောနေ ကြတာ ကို ကြားခဲ့ရတယ်” ဟု MGN 35 မှ တပ်ခွဲမှူး ကိုနွေမိုက်က ရန်ကုန်ခေတ်သစ် သတင်းဌာနထံသို့ ပြောကြား သည်။

အဆိုပါမိုင်းခွဲတိုက်ခိုက်မှုကို မြင်းခြံခရိုင် အမှတ် ၅ တပ်ရင်း ၊ တပ်ခွဲ ၂ (MGN 35) တပ်ဖွဲ့နှင့် ဒေါင်းမင်း တမာန် MGN ပြောက်ကျားတပ်ဖွဲ့တို့ ပူးပေါင်းကာ တိုက် ခိုက်ခဲ့ခြင်းဖြစ်ပြီး အကြမ်းဖက်စစ်သား ၅ ဦး သေဆုံးကာ ၃ ဦးဒဏ်ရာရ ရှိခဲ့ ကြောင်း သိရသည်။

ဓာတ်ပုံ- စစ်သားတချို့လိုက်ပါသော ကား မိုင်းဆွဲခံနေရစဉ်။

တစ်နိုင်ငံလုံးရှိ PDF တပ်ရင်းများထံသို့ Drone အစင်းရေ ၄၀၀ ကျော် ဖြန့်ဝေတိုက်ပွဲဝင်နေပြီဟု ကာကွယ်ရေးဝန်ကြီးဌာန ထုတ်ပြန်ရန...
23/08/2023

တစ်နိုင်ငံလုံးရှိ PDF တပ်ရင်းများထံသို့ Drone အစင်းရေ ၄၀၀ ကျော် ဖြန့်ဝေတိုက်ပွဲဝင်နေပြီဟု ကာကွယ်ရေးဝန်ကြီးဌာန ထုတ်ပြန်

ရန်ကုန်၊ ဩဂုတ် ၂၃

အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာနက တစ်နိုင်ငံလုံးရှိ PDF တပ်ရင်းများထံသို့ Drone အစင်းရေ ၄၀၀ ကျော် ဖြန့်ဝေ တိုက်ပွဲဝင် နေပြီ ဖြစ်ကြောင်း ယနေ့ တရားဝင် သတင်းထုတ်ပြန်သည်။

ပြည်သူ လူထုကြီး၏ တော်လှန်ရေးရန်ပုံငွေများကို စုစည်းကာ တိုင်းနှင့် ပြည်နယ်အသီးသီးသို့ Drone အစင်းရေ (၄၀၀) ကျော် ဖြန့်ကျက် ပို့ဆောင် ထားကြောင်း၊ ပို့ဆောင်ထားသည့် Droneများသည် ရှေ့တန်းစစ် မြေပြင်များ တွင် ထောက်လှမ်းရေး၊တိုက်ခိုက်ရေးနှင့် ဝါဒဖြန့်ချိရေးတာဝန်များ ကို ရဲရဲဝံ့ဝံ့ တာဝန်ထမ်းဆောင်နေကြပြီ ဖြစ်ကြောင်း၊ ပြည်သူ့ကာကွယ်ရေး တပ်မတော် ၏ Drone လက်ရုံးတပ်သားများက စစ်ကောင်စီတပ်ကို စိတ်ဓာတ်ရေးရာ အရ ခြိမ်းခြောက် တိုက်ပွဲဝင်နေပြီဖြစ်ကြောင်း ကာကွယ်ရေးဝန်ကြီးဌာန၏ သတင်း ထုတ်ပြန်ချက်တွင် ဖော်ပြထားသည်။

ဖြူးမြို့နယ်ရှိ အုတ်ဖြတ်တံတား စစ်ဆေးရေးဂိတ်ကို စနိုက်ပါဖြင့် ပစ်ခတ်မှု စစ်သား ၁ ဦးသေဆုံး၊ သထုံမြို့နယ်ရှိ ခမရ ၁ တပ်စခန်...
23/08/2023

ဖြူးမြို့နယ်ရှိ အုတ်ဖြတ်တံတား စစ်ဆေးရေးဂိတ်ကို စနိုက်ပါဖြင့် ပစ်ခတ်မှု စစ်သား ၁ ဦးသေဆုံး၊ သထုံမြို့နယ်ရှိ ခမရ ၁ တပ်စခန်းကို ဝင်ရောက် တိုက်ခိုက်

ရန်ကုန်၊ သြဂုတ် ၂၂

ပဲခူးတိုင်း၊ ဖြူးမြို့နယ်ရှိ အုတ်ဖြတ်တံတား စစ်ဆေးရေးဂိတ်ကို စနိုက်ပါဖြင့် ပစ်ခတ်ရာ စစ်သား ၁ ဦးသေဆုံးသေဆုံးခဲ့ကြောင်း NUG ကာကွယ်ရေးဝန်ကြီးဌာနက ထုတ်ပြန်ထားသည်။

ဩဂုတ်လ ၂၀ ရက်နေ့ နံနက် ၇ နာရီ ၃၀ မိနစ်ခန့်တွင် ဖြူးမြို့နယ်၊ အုတ်ဖြတ်တံတားတွင် ပြည်သူများထံမှ ဆက်ကြေးကောက်ခံနေသည့် အကြမ်းဖက် စစ်တပ်ကို ပြည်သူ့ကာကွယ်ရေး တပ်မတော် ရိုးမ စစ်ကြောင်း ၂ နှင့် KNLA ပူးပေါင်းအဖွဲ့များက Sniper ဖြင့် ပစ်ခတ်တိုက်ခိုက်ခဲ့ရာ စစ်သား ၁ ဦး သေဆုံးခဲ့ကြောင်း သိရသည်။

ထို့ပြင် မွန်ပြည်နယ်၊ သထုံမြို့နယ်ရှိ အကြမ်းဖက် စစ်တပ်၏ ခမရ ၁ တပ်စခန်းကို ဝင်ရောက် တိုက်ခိုက်ခဲ့ကြောင်း NUG ကာကွယ်ရေးဝန်ကြီးဌာန ထံမှ သိရသည်။

ဩဂုတ်လ ၂၁ ရက်နေ့ နံနက် ၄ နာရီ ၃၀ မိနစ်ခန့်တွင် သထုံမြို့နယ်ရှိ အကြမ်းဖက် စစ်တပ်၏ ခမရ ၁ တပ်စခန်းကို သထုံ ပြည်သူ့ကာကွယ်ရေးအဖွဲ့ ပကဖ က အနီးကပ်သွားရောက် ပစ်ခတ်တိုက်ခိုက်ရာ အပြန်အလှန် ပစ်ခတ်မှုဖြစ်ပွားခဲ့ပြီး အဆောက်အဦ ၁ လုံး ထိခိုက်ပျက်စီးကာ စစ်သား ၁ ဦး ဒဏ်ရာရရှိခဲ့ကြောင်း သိရှိရသည်။

နတ်မောက်မြို့အဝင်ရှိ စစ်တပ်၏ စစ်ဆေးရေးဂိတ်ကို လက်ပစ်ဗုံး ပစ်သွင်း တိုက်ခိုက်၊ မြင်းခြံတွင် စစ်သားများ လိုက်ပါလာသော ကား ၁...
23/08/2023

နတ်မောက်မြို့အဝင်ရှိ စစ်တပ်၏ စစ်ဆေးရေးဂိတ်ကို လက်ပစ်ဗုံး ပစ်သွင်း တိုက်ခိုက်၊ မြင်းခြံတွင် စစ်သားများ လိုက်ပါလာသော ကား ၁ စီးကို မိုင်းဆွဲ တိုက်ခိုက်

ရန်ကုန်၊ သြဂုတ် ၂၂

မကွေးတိုင်း၊ နတ်မောက်မြို့အဝင်ရှိ အကြမ်းဖက် စစ်တပ်၏ စစ်ဆေးရေးဂိတ်ကို လက်ပစ်ဗုံး ပစ်သွင်းတိုက်ခိုက်ခဲ့ကြောင်း အဖိနှိပ်ခံ ပြည်သူ့တော်လှန်ရေးအင်အားစု OPRF - PLA အဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။

သြဂုတ်လ ၂၂ ရက်နေ့ ညနေ ၅ နာရီ ၃၀ မိနစ်ခန့်တွင် နတ်မောက်မြို့အဝင် စစ်ဆေးရေးဂိတ်ကို OPRF - PLA အဖိနှိပ်ခံ ပြည်သူ့တော်လှန်ရေး အင်အားစုက လက်ပစ်ဗုံး ပစ်သွင်း တိုက်ခိုက်ခဲ့​ကြောင်း သိရသည်။

လက်ပစ်ဗုံး ပစ်သွင်း တိုက်ခိုက်မှုအတွင်း အကြမ်းဖက် စစ်တပ်ဘက်မှ ထိခိုက်သေဆုံးမှု ရှိမရှိကို အတည်မပြုနိုင်သေးဘဲ OPRF - PLA တပ်ဖွဲ့ မှ ရဲဘော် AZY နှင့် ရဲဘော်ကျော်ကြီးတို့ အထိအခိုက်မရှိ ပြန်လည်ဆုတ်ခွာလာနိုင်ခဲ့ကြောင်း သိရသည်။

မန္တလေးတိုင်း၊ မြင်းခြံမြို့နယ် အကြမ်းဖက် စစ်သားများ လိုက်ပါလာသော ကား ၁ စီးကို မိုင်းဆွဲ တိုက်ခိုက်ခဲ့ကြောင်း NUG ကာကွယ်ရေး ဝန်ကြီးဌာနက ထုတ်ပြန်ထားသည်။

ဩဂုတ်လ ၂၂ ရက်နေ့ မွန်းလွဲ ၃ နာရီ ၇ မိနစ်ခန့်တွင် မြင်းခြံမြို့နယ်၊ ကျောက်ကန်ရွာမှ မြင်းခြံမြို့ဘက်ကို ထွက်ခွာလာသည့် စစ်သားများ လိုက်ပါလာသော Light Truckကား ၁ စီးကို လမ်း ၁ နေရာ၌ ပြည်သူကာကွယ်ရေးတပ်မတော် MGN 35 ပြောက်ကျားတပ်ဖွဲ့(မြင်းခြံခရိုင်တပ်ရင်း-၅)၊ ဒေါင်းမင်းတမာန် ပြောက်ကျားတပ်ဖွဲ့တို့ ပူးပေါင်းကာ မိုင်းဆွဲ တိုက်ခိုက်ခဲ့ကြောင်း သိရသည်။

မြိုင်မြို့နယ်ရှိ ထန်းဘုန်းတောရွာအနီး တိုက်ပွဲဖြစ်ပွားပြီး စစ်သား ၂ ဦးသေဆုံး၊ မုံရွာ-မန္တလေး လမ်းပိုင်းတွင် ဖောကား ၁ စီ...
22/08/2023

မြိုင်မြို့နယ်ရှိ ထန်းဘုန်းတောရွာအနီး တိုက်ပွဲဖြစ်ပွားပြီး စစ်သား ၂ ဦးသေဆုံး၊ မုံရွာ-မန္တလေး လမ်းပိုင်းတွင် ဖောကား ၁ စီးကို ပစ်ခတ် တိုက်ခိုက်မှု စစ်သား ၂ ဦးသေဆုံး

ရန်ကုန်၊ သြဂုတ် ၂၂

မကွေးတိုင်း၊ မြိုင်မြို့နယ်ရှိ ထန်းဘုန်းတောရွာအနီး တိုက်ပွဲဖြစ်ပွားရာ စစ်သား ၂ ဦးသေဆုံးခဲ့ကြောင်း Myaing Villages Revolution Front အဖွဲ့ထံမှ သိရသည်။

သြဂုတ်လ ၂၁ ရက်နေ့ နံက် ၈ နာရီ ၂၀ မိနစ်ခန့်တွင် ကန်နီရွာမှ အင်အား ၈၀ နှင့် စစ်ကြောင်း ထိုးလာသည့် အကြမ်းဖက် စစ်တပ်ကို ထန်းဘုန်းတောကျေးရွာအနီး MVRF တပ်ဖွဲ့နှင့် မဟာမိတ်တပ်ပေါင်းစုမှ ကင်းတပ်တို့ ထိတွေ့ တိုက်ပွဲဖြစ်ပွားပြီး စစ်သား ၂ ဦးသေဆုံးခဲ့ကြောင်း သိရှိရသည်။

နံနက် ၉ နာရီခန့်တွင် ထန်းဘုန်းတောကျေးရွာကို ဝင်​ရောက် မွှေနှောက်ပြီး နေအိမ်များကို မီရှို့ဖျက်ဆီးနေသည့် အကြမ်းဖက် စစ်တပ်ကို MVRF တပ်ဖွဲ့ နှင့် ​​မဟာမိတ် တပ်ပေါင်းစုများက ဒရုန်းဖြင့် ဗုံးကျဲချ တိုက်ခိုက်ခဲ့ပြီး အကြမ်းဖက် စစ်တပ် စစ်ကြောင်းက ကန်နီကျေးရွာဘက်ကို ပြန်ဆုတ်သွားကြောင်း သိရသည်။

ထို့ပြင် စစ်ကိုင်းတိုင်း၊ မုံရွာ-မန္တလေး လမ်းပိုင်းတွင် စစ်သားများ လိုက်ပါလာသည့် ဖောကားကို ပစ်ခတ်တိုက်ခိုက်မှု ၂ ဦးသေဆုံးခဲ့ကြောင်း လျှပ်တပြတ်စွန်ညိုအဖွဲ့မှ ဒုတာဝန်ခံက ရန်ကုန်ခေတ်သစ် မီဒီယာသို့ ပြောဆိုသည်။

သြဂုတ်လ ၁၆ ရက်နေ့ ညနေ ၃ နာရီ ၄၇ မိနစ်တွင် မုံရွာ-မန္တလေး လမ်းပိုင်း တစ်နေရာ၌ ကြေနီးတင်လာသော ကား ၁ စီးနှင့် ကပ်ပါလာသည့် စစ်သားများ လိုက်ပါလာသော ဖောကား ၁ စီးကို ပစ်ခတ် တိုက်ခိုက်ခဲ့ရာ စစ်သား ၂ ဦး သေနတ်ကျည် ထိမှန်ပြီး ကားပေါ်က ပြုတ်ကျကာ သေဆုံးခဲ့ကြောင်း သိရသည်။

ပေါက်မြို့နယ်၊ ရေပြာကျေးရွာရှိ စစ်ဆေးရေးဂိတ်ကို ဝင်ရောက် တိုက်ခိုက်မှု ရဲ ၁ ဦးသေဆုံးပြီး သေနတ် ၁ လက် သိမ်းဆည်းရမိရန်ကုန...
22/08/2023

ပေါက်မြို့နယ်၊ ရေပြာကျေးရွာရှိ စစ်ဆေးရေးဂိတ်ကို ဝင်ရောက် တိုက်ခိုက်မှု ရဲ ၁ ဦးသေဆုံးပြီး သေနတ် ၁ လက် သိမ်းဆည်းရမိ

ရန်ကုန်၊ သြဂုတ် ၂၂

မကွေးတိုင်း၊ ပေါက်မြို့နယ်၊ ရေပြာကျေးရွာရှိ စစ်ဆေးရေးဂိတ်ကို ဝင်ရောက် တိုက်ခိုက်မှု ရဲ ၁ ဦးသေဆုံးခဲ့ပြီး သေနတ် ၁ လက် သိမ်းဆည်းရမိခဲ့ကြောင်း Anonymous Special Task Force အဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။

ယနေ့ သြဂုတ်လ ၂၂ ရက်နေ့ နံနက်ပိုင်းတွင် ရေပြာကျေးရွာရှိ စစ်ဆေးရေးဂိတ်ကို တော်လှန်ရေး တပ်ဖွဲ့များက နောင်ရိုး စစ်ဆင်ရေးအဖြစ် အနီးကပ် ဝင်ရောက်တိုက်ခိုက်ခဲ့ရာ ရဲ ၁ ဦးသေဆုံးပြီး G3 သေနတ် ၁ လက်၊ ကျည် ၁၇၁ တောင့် နှင့် စစ်အသုံးအဆောင် ပစ္စည်းများ သိမ်းရရှိခဲ့ကြောင်း သိရသည်။

တိုက်ခိုက်မှုအတွင်း စစ်ဆေးရေးဂိတ်၌ ကျန်ရှိနေသော ရဲများသည် ထွက်ပြေးသွားပြီး တော်လှန်ရေး တပ်ဖွဲ့များက လိုက်လံ ရှာဖွေခဲ့သော်လည်း တိုက်ပွဲအချိန်ကြောင့် ပြန်လည် ဆုတ်ခွာခဲ့ရပြီး ထွက်ပြေးသွားသည့် ရဲများတွင်လည်း ထိခိုက်ဒဏ်ရာရရှိသူများ ရှိကြောင်း သိရှိရသည်။

အဆိုပါ တိုက်ခိုက်မှုကို ASTF (Pauk)တပ်ဖွဲ့၊ မြိုင် ပကဖ ရင်း၁ - စိတ် ၁၈၊ NPRF တပ်ဖွဲ့ ၊ Fire Revolution Group (ခရိုင်ရင်း ၁၆) ၊ ပခုက္ကူမြို့ပြပျောက်ကြားတပ်ဖွဲ့ ၊ ဗိုလ်ဗျတ္တနှင့်နွေဦးလေပွေတပ်ဖွဲ့၊ Justic Fighter တပ်ဖွဲ့၊ကင်ဒိုပြည်သူ့ကာကွယ်ရေးတပ်ဖွဲ့၊ အဆိုတော်တပ်ဖွဲ့ ၊ ဆိုင်ကလုန်းပျောက်ကြားတပ်ဖွဲ့၊ ဗိုလ်လရောင်တပ်ဖွဲ့တို့မှ ပူးပေါင်း လုပ်ဆောင်ခဲ့ကြောင်း သိရသည်။

ကယားပြည်နယ်ရှိ ကရင်နီပြည်ရဲတပ်ဖွဲ့မှ CDM ရဲတပ်သားများကို တစ်ဦးလျှင် ငွေကျပ် ၁ သိန်းနှုန်း ထောက်ပံ့လှူဒါန်းရန်ကုန်၊ သြဂု...
22/08/2023

ကယားပြည်နယ်ရှိ ကရင်နီပြည်ရဲတပ်ဖွဲ့မှ CDM ရဲတပ်သားများကို တစ်ဦးလျှင် ငွေကျပ် ၁ သိန်းနှုန်း ထောက်ပံ့လှူဒါန်း

ရန်ကုန်၊ သြဂုတ် ၂၂

ကယားပြည်နယ်ရှိ ကရင်နီပြည်ရဲတပ်ဖွဲ့မှ CDM ရဲတပ်သားများကို ကျေးလက်မြေအဖွဲ့ တာဝန်ခံ ဦးဇော်မင်းထိုက်နှင့် ဒါရိုက်တာ မမူစဲတို့က တစ်ဦးလျှင် ငွေကျပ် ၁ သိန်းနှုန်း ထောက်ပံ့ လှူဒါန်းပေးခဲ့ကြောင်း သိရှိရသည်။

ရေစကြိုမြို့နယ်၊ ကျောက်လှေခါးရွာရှိ စစ်တပ် ဂိတ်ကို ဝင်ရောက် ပစ်ခတ်မှု စစ်သား ၃ ဦးသေဆုံးရန်ကုန်၊ သြဂုတ် ၂၂မကွေးတိုင်း၊ ရ...
22/08/2023

ရေစကြိုမြို့နယ်၊ ကျောက်လှေခါးရွာရှိ စစ်တပ် ဂိတ်ကို ဝင်ရောက် ပစ်ခတ်မှု စစ်သား ၃ ဦးသေဆုံး

ရန်ကုန်၊ သြဂုတ် ၂၂

မကွေးတိုင်း၊ ရေစကြိုမြို့နယ်၊ ကျောက်လှေခါးရွာရှိ စစ်တပ် ဂိတ်ကို ဝင်ရောက် ပစ်ခတ်ရာ စစ်သား ၃ ဦးသေဆုံးခဲ့ကြောင်း Shwe Nyar Myae People's Defence Force မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။

သြဂုတ်လ ၁၈ ရက်နေ့ ည ၉ နာရီ ၄၅ မိနစ်ခန့်တွင် ရေစကြိုမြို့နယ်၊ ကျောက်လှေခါးရွာရှိ အကြမ်းဖက် စစ်တပ် ဂိတ်ကို တော်လှန်ရေး တပ်ဖွဲ့များက ပူးပေါင်း တိုက်ခိုက်ခဲ့ခြင်းဖြစ်ကြောင်း သိရသည်။

ဂိတ်စခန်းကို တော်လှန်ရေး တပ်ဖွဲ့များကို အနီးကပ် လက်နက်ငယ်များဖြင့် ပစ်ခတ် တိုက်ခိုက်ခဲ့ခြင်း ဖြစ်ပြီး ပစ်ခတ်မှုအတွင်း စစ်သား ၃ ဦး သေဆုံးခဲ့ကြောင်း၊ ယင်း ဂိတ်စခန်းသည် လမ်းသွားလမ်းလာ ပြည်သူများထံမှ ဆက်ကြေးတောင်းခံပြီး ပြည်သူများကို ဖမ်းဆီးရိုက်နှက်မှုများလည်း လုပ်ဆောင်လျက်ရှိကြောင်း သိရှိရသည်။

အဆိုပါ တိုက်ခိုက်မှုကို Shwe Nyar Myae People's Defence Force (PDF)၊ Yesagyo Revolution Group (YRG) ၊ Southern YSO (PDF) နှင့် ဒေါင်းညီနောင် (PDF) တို့က ပူးပေါင်း လုပ်ဆောင်ခဲ့ခြင်း ဖြစ်ကြောင်း သိရသည်။

ရေနံချောင်းမြို့အတွင်းသို့ ဆိုင်ကယ်ဖြင့် ဈေးဝယ်ထွက်လာသည့် စစ်ကောင်စီ တပ်ဖွဲ့ဝင် ၂ ဦးကို ပစ်ခတ်တိုက်ခိုက်မှု ၁ ဦးသေဆုံးရန...
22/08/2023

ရေနံချောင်းမြို့အတွင်းသို့ ဆိုင်ကယ်ဖြင့် ဈေးဝယ်ထွက်လာသည့် စစ်ကောင်စီ တပ်ဖွဲ့ဝင် ၂ ဦးကို ပစ်ခတ်တိုက်ခိုက်မှု ၁ ဦးသေဆုံး

ရန်ကုန်၊ ဩဂုတ် ၂၂

မကွေးတိုင်း၊ ရေနံချောင်းမြို့မဈေးအတွင်းသို့ ဈေးဝယ်ထွက်လာသည့် အကြမ်း ဖက် စစ်သား ၂ ဦးကို ပစ်ခတ် တိုက်ခိုက်ခဲ့ရာ စစ်သား ၁ ဦးပွဲချင်းခဲ့ကြောင်း အမှတ် ၁ စစ်ဒေသ ၊မကွေးခရိုင် အမှတ် ၂ တပ် ရင်းမှ ဗိုလ်စံသျှားက ရန်ကုန် ခေတ်သစ် သတင်းဌာနထံသို့ ပြောကြားသည်။

ယမန်နေ့ ဩဂုတ်လ ၂၁ ရက်နေ့ ညနေ ၅ နာရီခန့်အချိန် ခလရ ၇၇ တပ်ရင်းမှ အကြမ်းဖက်စစ်သား ၂ ဦးသည် ရေနံချောင်းမြို့မဈေးသို့ ဆိုင် ကယ်ဖြင့် ဈေးဝယ်ထွက်လာပြီးနောက် အပြန် ကင်းပတ်နေစဉ် ပြည်သူ့ကာကွယ်ရေးတပ်ဖွဲ့ဝင်များက လိုက်လံပစ်ခတ် တိုက်ခိုက်ခဲ့ရာ ဒုတပ်ကြပ် တစ်ဦး ခေါင်းကျည်ထိမှန်သေဆုံးခဲ့ကြောင်း ကျန်တစ်ဦးမှာမှာ အပြင်းအထန် ဒဏ်ရာရရှိခဲ့ကြောင်း သိရ သည်။

“သူတို့နှစ်ယောက်က ကင်းပတ်ရင်းနဲ့ဈေးဝယ်တာ၊ သူတို့က ညနေတိုင်းလုပ်နေကြ၊ အရပ်ဝတ်နဲ့ပေါ့၊ ကင်းပတ်တယ်ဆိုတာက နယ်မြေအနေအထားကို လိုက်ထောက်တဲ့သဘောလားတော့ မသိဘူးဗျ၊ အုပ်ချုပ်ရေးမှူးရုံးတွေကို ဝင်တယ်၊ ညနေတိုင်းလုပ်နေကြ၊ ရေနံချောင်းမြို့မဈေးထဲကို ဝင်ပြီးတော့ အပြန်မှာ စောင့်ပြီးတော့ပစ်တာဗျ၊ ရှေ့ကတစ်ကောင်ကတော့ ဦးခေါင်းထိပြီးတော့ အဲနားမှာတင် ပွဲချင်းပြီးသေတယ်၊ ကျန်တဲ့တစ်ယောက်ကတော့ ဒဏ်ရာရသွားတယ်၊”မကွေးခရိုင် အမှတ် ၂ တပ် ရင်းမှ ဗိုလ်စံသျှားက ရန်ကုန်ခေတ်သစ်သတင်းဌာနထံသို့ ပြောကြားသည်။

သေဆုံးစစ်သား အလောင်းနှင့် ဒဏ်ရာရသူကို စစ်ကားဖြင့် မကွေးစစ်ဆေးရုံသို့ သယ်ဆောင် သွားကြောင်း သိရသည်။

အဆိုပါတိုက်ခိုက်မှုကို အမှတ် ၁ စစ်ဒေသ မကွေးခရိုင် အမှတ် ၂ တပ်ရင်း ၊ ငါးပြေမပြောက်ကျားတပ်ဖွဲ့၊ ချောက်ပကဖတို့ ပူးပေါင်းကာ တိုက်ခိုက်ခဲ့ခြင်းဖြစ် ပြီး ပြည်သူ့ကာကွယ်ရေးတပ်ဖွဲ့ဝင်များ အထိအခိုက် မရှိ ပြန်လည် ဆုတ်ခွာနိုင်ခဲ့ကြောင်း သိရသည်။

ဓာတ်ပုံ-ဆိုင်ကယ်စီး၍ ကင်းလှည့်ကြသည့် အကြမ်းဖက် စစ်ကောင်စီလက် အောက်ခံ ရဲတပ်ဖွဲ့ဝင်များ။

အမေရိကန်စီးပွားရေးပိတ်ဆို့မှုကိုကျော်လွှားရေး စစ်ကောင်စီက အိန္ဒိယ၊ ထိုင်း တို့နှင့် ဆက်သွယ်၍ နိုင်ငံခြားငွေစာရင်း ဘဏ်အက...
22/08/2023

အမေရိကန်စီးပွားရေးပိတ်ဆို့မှုကိုကျော်လွှားရေး စစ်ကောင်စီက အိန္ဒိယ၊ ထိုင်း တို့နှင့် ဆက်သွယ်၍ နိုင်ငံခြားငွေစာရင်း ဘဏ်အကောင့်များ ဖွင့်လှစ် လည်ပတ် ရေး လုပ်ဆောင်နေ

ရန်ကုန်၊ ဩဂုတ် ၂၂

အကြမ်းဖက်စစ်ကောင်စီက အမေရိကန်ပြည်ထောင်စုက ပိတ်ဆို့ထားသော စီးပွားရေးပိတ်ဆို့မှုများကို ကျော်လွှားရေးအတွက် အိန္ဒိယ၊ ထိုင်းတို့နှင့် ဆက်သွယ်၍ နိုင်ငံခြားဘဏ်ငွေစာရင်းများ ဖွင့်လှစ် လည်ပတ်ရေး လုပ် ဆောင် နေကြောင်း စစ်ကောင်စီ၏ ဗဟိုဘဏ်ဥက္ကဋ္ဌ ဒေါ်သန်းသန်းဆွေက ပြောဆို လိုက်သည်။

နေပြည်တော်တွင် ဩဂုတ်လ ၁၉ ရက်နေ့ ကျင်းပပြုလုပ်ခဲ့သည့် စီးပွားရေး သမားများနှင့် စစ်ကောင်စီတာဝန်ရှိသူများ တွေ့ဆုံပွဲတွင် ၎င်းက အထက်ပါ အတိုင်း ပြောဆိုခဲ့ခြင်းဖြစ်ကြောင်း တက်ရောက်ခဲ့သော စီးပွားရေးသမား တစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။

အမေရိကန်ပြည်ထောင်စုက MFTB မြန်မာနိုင်ငံခြားရင်းနှီးမြှုပ်နှံမှုဘဏ်၊ MICB မြန်မာ့ရင်းနှီးမြှုပ်နှံမှုနှင့်ကုန်သွယ်မှုဘဏ်တို့ကို စီးပွားရေးပိတ်ဆို့ အရေးယူထားကြောင်း၊ ထိုသို့ အရေးယူထားသည့်အတွက် စင်ကာပူ၊ ဘင်္ဂလားဒေ့ရှ်တို့က မြန်မာစစ်ကောင်စီ၏ နိုင်ငံခြားငွေဘဏ်စာရင်း အကောင့် များကို ပိတ်ပင်ထိန်းချုပ်လာကြောင်း၊ ထိုသို့ ထိန်းချုပ်မှုအတွက် အလွန် စိတ် ဆိုး ပြီး ထိပ်တိုက် ရင်ဆိုင်မည်ဖြစ်ကြောင်း၊ မြန်မာနိုင်ငံကို စော်ကား ခြင်းဖြစ် ပြီး နိုင်ငံအချင်းချင်း ဘဏ်များကို လက်လွတ်စပယ် လုပ်ချင်တိုင်း လုပ်မရ ကြောင်း စစ်ကောင်စီဗဟိုဘဏ်ဥက္ကဋ္ဌ ဒေါ်သန်းသန်းဆွေ ပြောဆိုခဲ့ သည်ဟု သိရှိရသည်။

"စင်ကာပူနိုင်ငံက မြန်မာစစ်တပ်နဲ့ဆက်နွယ်နေတဲ့ဘဏ်အကောင့်တွေကို ပိတ်ပင်လိုက်တာ၊ ဘင်္ဂလားဒေ့ရှ်က စစ်တပ်ဘဏ် ၂ ခုကို ပိတ်ပင်တာတွေကို သူတို့ အရမ်းစိတ်ဆိုးတယ်ပေါ့။ ဒါက နိုင်ငံတော်အပေါ်ပါ စော်ကားတာ။ နိုင်ငံ အချင်းချင်းလက်လွတ် စပယ် လုပ်ချင်တိုင်း လုပ်လို့မရဘူး။ ဒါကြောင့် ထိပ် တိုက် ရင်ဆိုင်မယ်လို့ ပြောတယ်" ဟု တွေ့ဆုံပွဲ တက်ရောက်ခဲ့သော စီးပွားရေး သမားတစ်ဦးက ရှင်းပြသည်။

ထို့ကြောင့်လက်ရှိတွင် မြန်မာစီးပွားရေးသမားများနှင့် စစ်ကောင်စီအတွက် နိုင်ငံခြားဘဏ်ငွေစာရင်းများ ဖွင့်လှည်လည်ပတ် လုပ်ကိုင်နိုင်ရေးအတွက် အိန္ဒိယနိုင်ငံ၊ ထိုင်းနိုင်ငံတို့နှင့် ဆက်သွယ် ဆောင်ရွက်လျက်ရှိကြောင်း သိရှိ ရသည်။

"စစ်ကောင်စီ ဗဟိုဘဏ်က အိန္ဒိယ ထိုင်းတို့နဲ့ ဆက်သွယ်ပြီးတော့ နိုင်ငံခြား ဘဏ်အကောင့်များ ပြန်လည် လည်ပတ်စေရေး လိုက်လုပ်ပေးနေတယ်။ နောက်တစ်ခါ အိန္ဒိယဘက်မှ ဆေးဝါးနှင့်ဓါတ်မြေဩဇာ သွင်းရန် ဆက်သွယ် ထားတယ်လို့ ထုတ်ပြောတယ်" ဟု တွေ့ဆုံပွဲ တက်ရောက်ခဲ့သော စီးပွားရေးသမားက ရှင်းလင်းပြောဆိုသည်။

စစ်ကိုင်းမြို့နယ်တွင် စစ်တပ် စစ်ကြောင်းကို မိုင်းဆွဲတိုက်ခိုက်မှု ၅ ဦးသေဆုံးရန်ကုန်၊ ဩဂုတ် ၂၁စစ်ကိုင်းတိုင်း၊ စစ်ကိုင်းမ...
22/08/2023

စစ်ကိုင်းမြို့နယ်တွင် စစ်တပ် စစ်ကြောင်းကို မိုင်းဆွဲတိုက်ခိုက်မှု ၅ ဦးသေဆုံး

ရန်ကုန်၊ ဩဂုတ် ၂၁

စစ်ကိုင်းတိုင်း၊ စစ်ကိုင်းမြို့နယ်တွင် အကြမ်းဖက်စစ်တပ် စစ်ကြောင်းကို မိုင်းဆွဲ တိုက်ခိုက်ရာ စစ်သား ၅ ဦး သေဆုံးခဲ့ကြောင်း People's Army To Fight Dictatorship -PAFD တပ်ဖွဲ့မှ တာဝန်ရှိသူ တစ် ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။

ဩဂုတ်လ ၂၀ ရက်နေ့ မွန်းလွဲ ၂ နာရီ ၃၇ မိနစ်က စစ်ကိုင်းမြို့နယ်၊ ပေါက်ကားရွာမှ ထွက်လာသည့် အကြမ်းဖက် စစ်တပ် စစ်ကြောင်းသည် အင်းစရွာဘက် သို့ ဆက်လက် စစ်ကြောင်းထိုးလာစဥ် အင်းစရွာအနောက်ဘက် တောလမ်း တစ်နေရာအရောက်၌ အတန်းလိုက် မိုင်းဆွဲ တိုက်ခိုက်ခဲ့ရာ စစ်ကြောင်း၌ပါရှိသော ဂျန်ပါကြောင့် မိုင်းမကွဲဘဲ တော်လှန်ရေး ရဲဘော် ၁ ဦးက လက်ပစ်မိုင်းဖြင့် ပစ်ခွဲ တိုက်ခိုက်ခဲ့သောကြောင့် မိုင်းများအားလုံး ထကွဲပြီး စစ်သား ၅ ဦးသေဆုံးကာ အများအပြားဒဏ်ရာရရှိခဲ့ကြောင်း သိရသည်။

"မနေ့က ၂ နာရီ ၃၇ မိနစ်လောက်မှာ အင်းစရွာအနောက်ဘက်မှာ ထိပ်တိုက်တွေ့တာ၊ ထုတ်ပြန်ချက်ထဲ မှာပါတဲ့ဖြစ်အတိုင်းဖြစ်တယ်၊ ညနေဘက်ကျတော့ တလိုင်းနဲ့ညောင်ပင်ရှည်ဘက်ကို စစ်ကြောင်း ဆက် တိုးသွားတယ်၊ ထိုးသွားပြီးတော့ ဒီနေ့(ဩဂုတ်လ ၂၁ ရက်) ၉ နာရီ ၁၀ နာရီလောက်မှာ မြင်းမူမြို့နယ်နဲ့ စစ်ကိုင်းမြို့နယ်က မူးခြားတာကိုး၊ သူတို့ထိုးတာက စစ်ကိုင်းမြို့နယ်ထဲကို ထိုးတာ၊ သူတို့က ညောင်ပင် ရှည်ရွာကနေပြီးတော့ မူးမန္တလေးဘက်ကို လက်နက်ကြီးနဲ့လှမ်းပစ်တာ၊ အဲလိုလှမ်းပစ်တော့ ၂၃ နှစ်အ ရွယ်ကောင်မလေး တစ်ယောက် အောက်ပိုင်းပြတ်ပြီးတော့ ချက်ချင်းသေသွားတယ်၊ အခုလက်ရှိ ကနော်တို့သိရသလောက်တော့ ဝက်လက်မြို့နယ်ဘက်ကို ဦးတည်ပြီးတော့ အဲဒီစစ်ကြောင်းက ထွက် သွား တယ်" ဟု People's Army To Fight Dictatorship -PAFD တပ်ဖွဲ့မှ တာဝန်ရှိသူတစ်ဦးက ရန် ကုန် ခေတ်သစ်သတင်းဌာနထံသို့ ပြောကြားသည်။

ထို့သို့ တိုက်ခိုက်ခံရပြီးနောက် အကြမ်းဖက်စစ်သားများမှ ပြန်လည်ပစ်ခတ်တိုက်ခိုက်ခဲ့သော်လည်း ပြည်သူ့ကာကွယ်ရေးတပ်ဖွဲ့ဝင်များအထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း၊ သို့သော်လည်း ပြည်သူ့ကာကွယ်ရေးတပ်ဖွဲ့ဝင်များ၏ ဆိုင်ကယ် ၈ စီးကို မီးရှို့ဖျက်ဆီးပြီး တလိုင်းကျေးရွာနှင့် ညောင် ပင်ရှည်ရွာများဘက်သို့ ဆက်လက်ထွက်ခွာသွားကြောင်း သိရသည်။

အဆိုပါတိုက်ခိုက်မှုကို People's Army To Fight Dictatorship(PAFD) တပ်ဖွဲ့ဝင်များ၊ ဒေသခံပကဖ၊ တပ်ရင်း ၃ တပ်ဖွဲ့ဝင်များမှ တိုက်ခိုက်ခဲ့ခြင်းဖြစ်ကြောင်း သိရသည်။

ရွှေနှင့်ဒေါ်လာ စျေးကျဆင်းရေး စသုံးလုံး ဦးဆောင်သော Task Force ဖွဲ့စည်း ဆောင်ရွက်မည်ဟု စစ်ကောင်စီ၏ ခြိမ်းခြောက်မှုကြောင့်...
22/08/2023

ရွှေနှင့်ဒေါ်လာ စျေးကျဆင်းရေး စသုံးလုံး ဦးဆောင်သော Task Force ဖွဲ့စည်း ဆောင်ရွက်မည်ဟု စစ်ကောင်စီ၏ ခြိမ်းခြောက်မှုကြောင့် ပြည်တွင်း စျေးကွက် ပျက်ပြီး အရောင်းအဝယ်များရပ်တန့်

ရန်ကုန်၊ ဩဂုတ် ၂၂

အကြမ်းဖက်စစ်ကောင်စီက ရွှေနှင့်ဒေါ်လာစျေးနှုန်းများ ကျဆင်းရေး အထူး စုံစမ်းစစ်ဆေးရေးဦးစီးဌာန ဦးဆောင်သော Task Force ဖွဲ့စည်း၍ ဆောင် ရွက်မည်ဖြစ်ကြောင်း ခြိမ်းခြောက်ပြီးနောက် ပြည်တွင်းစျေးကွက်တွင် ရွှေနှင့် ဒေါ်လာ အရောင်းအဝယ် ရပ်တန့်ပြီး စျေးကွက်ပျက်နေကြောင်း စျေးကွက် အတွင်းမှ စုံစမ်းသိရှိရသည်။

ဩဂုတ်လ ၁၉ ရက်နေ့တွင် UMFCCI ၊ ကုန်သည်ညီနောင်အသင်းများ၊ စီးပွား ရေးသမားများကို နေပြည်တော်သို့ ခေါ်ယူ၍ ပို့ကုန်ရငွေ ဒေါ်လာများ စစ်တပ် ထံ အပ်နှံရန်၊ မအပ်နှံလျှင် ထောင်ချမည်ဟူ၍လည်းကောင်း၊ ပြင်ပစျေး ကွက်တွင် ဖြစ်ပေါ်နေသော ဒေါ်လာစျေးနှုန်းများကို လက်မခံရန်၊ ဒေါ်လာ များမကိုင်ဆောင်ရန်၊ ဒေါ်လာနှင့်ပတ်သက်၍ စစ်ကောင်စီက ချမှတ်ထားသော ဥပဒေများကို လိုက်နာရန်၊ Task Force ဖွဲ့စည်း၍ ဒေါ်လာနှင့်ရွှေစျေး ကျဆင်းစေရေး လုပ်ဆောင်မည်ဟု စီးပွားရေးအသိုင်းအ၀ိုင်းတစ်ခု လုံးကို ခြိမ်းခြောက်ပြောဆိုခဲ့သည်။

အဆိုပါ ခြိမ်းခြောက်မှုများကြောင့် ဩဂုတ်လ ၂၁ ရက်နေ့ တနင်္လာနေ့တွင် ရွှေစျေးကွက်၊ ဒေါ်လာစျေးကွက်များ မဖွင့်နိုင်ဘဲ ရွှေကုန်သည်များ၊ ဒေါ်လာ ဝယ်ရောင်း လက်ကြီးအများစု တိမ်းရှောင်ခဲ့ကြကြောင်း၊ စျေးကွက်တွင် အလုပ် မဖြစ်သော စျေးနှုန်းဖွင့် လှစ်ခဲ့ကြောင်း၊ အများစုမှာ စစ်ကောင်စီ၏ ဖမ်းဆီး မှု ခံရမည်စိုးရိမ်၍ အလုပ်များ ရပ်တန့်ခဲ့ကြကြောင်း၊ ထို့ကြောင့် အရောင်း အဝယ် များ ရပ်တန့်ကာ စျေးနှုန်းများ တအိအိကျဆင်းလာကြောင်း၊ စျေးနှုန်း ကျဆင်း သော်လည်း ဒေါ်လာ ဝယ်ယူ၍ မရကြောင်း သိရှိရသည်။

"စစ်တပ်က ဖမ်းဆီးမယ်ဆိုပြီးတော့ ခြိမ်းခြောက်တော့ ဒေါ်လာဝယ်ရောင်း တော် တော်များများ ရှောင်ကြတယ်။ အဲဒီလိုပဲ ဒေါ်လာစျေးတက်၊ ရွှေစျေး တက်လာရင် သူတို့လုပ်နေတဲ့ ခြိမ်းခြောက်မှုနဲ့ လုပ်နေတာဆိုတော့ အကုန် ခဏ ရှောင်ကြတာ။ စျေးကွက်က သူ့ဟာသူ စျေးဖွင့်ကြတယ်။ အများစုက အဝယ်အရောင်းမလုပ်ကြဘူး။ ခဏ ငြိမ်နေကြတော့ စျေးတွေ ကျတယ်။ ကျစျေးနဲ့ ဝယ်မရဘူး။ မဖြစ်လို့ အရောင်းအဝယ်လုပ်တဲ့သူ ရှိနိုင်တယ်။ အများစုက ခဏငြိမ်ကြတာ။ သူတို့မှာလည်း ဒေါ်လာ ပြတ်လပ်နေတာ အားလုံးသိကြတာပဲ။ ရက်ပိုင်းတော့ စျေးတန်းပြီး ပုံစံတစ်မျိုးနဲ့ အရောင်း အဝယ် လုပ်လို့ရရင် စျေးပြန်တက်လာလိမ့်မယ်" ဟု လတ်တလော တိမ်းရှောင်နေရသော ရန်ကုန်မှ ဒေါ်လာဝယ်ရောင်း လက်ကြီးသမားက ပြောဆိုသည်။

ရန်ကုန်ရွှေစျေးကွက်တွင်လည်း တိုင်းရွှေလုပ်ငန်းရှင်များအသင်းမှ အသင်းဝင် ရွှေကုန်သည်တချို့ အသင်းရုံးခန်းသို့ မျက်နှာ လာပြရုံမှအပ အဝယ်အရောင်း နည်းပါးကြောင်း၊ ရွှေကုန်သည်များလည်း စျေးကွက်ပြင်ပတွင်သာ အရောင်း အဝယ်လုပ်ကြပြီး ရွှေစျေးနှုန်း အနည်းငယ်ကျဆင်းကြောင်း ၊ ကျဆင်းသော ရွှေစျေးနှုန်းဖြင့် ရွှေဝယ်၍ မရကြောင်း သိရှိရသည်။

"ရွှေစျေး နည်းနည်းပြန်ကျတယ်။ တစ်ကျပ်သား ၃၈ သိန်းနဲ့ ၃၉ သိန်း တစ်ပတ်ချာလည်မှာစျေးဖွင့်ထားတယ်။ အဝယ်အရောင်း မရှိဘူး။ ကျစျေးနဲ့ ရွှေဝယ်မရဘူး။ ရောင်းလည်း မရောင်းဘူး" ဟု ရန်ကုန်ရွှေကုန်သည်တစ်ဦးက ဆိုသည်။

အမေရိကန်ဒေါ်လာစျေးနှုန်းမှာမူ တစ်ဒေါ်လာလျှင် ၃၈၅၀ ကျပ်နှင့် ၃၉၂၀ ကျပ်အကြား ဆက်လက် စျေးရှိနေပြီး စျေးကွက်တွင်မူ ယင်းထက် နည်းသော စျေးနှုန်းဖြင့် စျေးဖွင့်သော်လည်း အလုပ်မဖြစ်ကြောင်း သိရှိရသည်။

ဓာတ်ပုံ-အကြမ်းဖက် အထူးစုံစမ်းစစ်ဆေးရေးဦးစီးဌာနမှ ညွှန်ချုပ်နှင့် အကြမ်းဖက် အရာရှိများ။

Address


Website

Alerts

Be the first to know and let us send you an email when Breaking News Club posts news and promotions. Your email address will not be used for any other purpose, and you can unsubscribe at any time.

Shortcuts

  • Address
  • Alerts
  • Claim ownership or report listing

  • Want your business to be the top-listed Media Company?

Share