Homagama citizens

30/08/2024

02/07/2024

උණුසම් පුවත් දිනපතා නැරඹීමට Dasatha News යුටියුබ් චැනල් එක Subscribe ...

15/05/2024

හෝමාගම "ධර්ම රශ්මි" පොසොන් කලාපය - 2024 දෙවන වරටත් හෝමාගම ප්‍රදේශය කේන්ද්‍ර කර ගනිමින් පොසොන් මස 21 සිට 23 දක්වා දින තුනක් පැවැත්වීමට නියමිත වේ

ඒ අනුව මෙවර පොසොන් කලාපය පසුගිය වසරටත් වඩා පුළුල් ප්‍රදේශයක් ආවරණය කරමින් දියගම,මීගොඩ, ගොඩගම, හෝමාගම, පිටිපන යන ප්‍රදේශ කේන්ද්‍ර කර ගනිමින් පැවැත්වීමට සැලසුම් කර ඇතැයි වාර්තා වේ

ඒ අනුව පාසැල් සිසුන් සහ විශ්ව විද්‍යාල ශිෂ්‍යන්ගේ පහන් කුඩූ ප්‍රදර්ශනය සහ තරඟය, විවෘත පහන් කුඩු තරගය, සෑම ප්‍රධාන කලාපයක් ම ආවරණය වන පරිදි තොරණ රාශියක්, ලක්ෂයකට අධික පිරිසකට ආහාර සපයන දිනපතා රාත්‍රී බත් දන්සල ඇතුළු දන්සැල් රාශියක්,භක්ති ගීත සංදර්ශන, සජීවී බොදු බැති ගී සංදර්ශන, රූකඩ සංදර්ශන, මිහින්තලා අනුරූ ඇතුළු විශේෂාංග රැසක් මෙවර ධර්ම රශ්මි පොසොන් කලාපයේදී දින තුනක් පුරා පැවැත්වීමට නියමිතවේ.

ප්‍රදේශයේ සියලුම විහාරස්ථාන, ජනාධිපති ලේකම් කාර්යාලය, කොළඹ දිස්ත්‍රික් ලේකම් කාර්යාලය,ත්‍රිවිධ හමුදාව, පොලිසිය, ප්‍රවාහන මහමාර්ග හා ජනමාධ්‍ය අමාත්‍යාංශය, හෝමාගම සහ පාදුක්‌ක ප්‍රාදේශීය ලේකම් කාර්යාල, ප්‍රාදේශීය සභා, අමාත්‍යාංශය යටතේ ක්‍රියාත්මක ආයතන, ප්‍රදේශයේ රාජ්‍ය ආයතන,වෙළඳ සංගමය ඇතුළු ප්‍රදේශයේ ස්වේච්ඡා සංවිධාන, ප්‍රදේශයේ දානපතියන් ඇතුළු විශාල පිරිසකගේ දායකත්වයෙන් මෙවර ධර්ම රශ්මි පොසොන් කලාපය දෙවන වරටත් සංවිධානය කෙරේ.

පොසොන් වන්දනා සමයට සමගාමීව බස්නාහිර පළාත තුළ සංවිධානය කරන විශාලම පොසොන් කලාපය ලෙස ධර්ම රශ්මි පොසොන් කලාපය සංවිධානය වේ. මෙහිදී පාසල් සිසුන්,විශ්ව විද්‍යාල සිසුන් සහ විවෘත අංශයේ පහන් කූඩු තරඟයේ ජයග්‍රහයකයින් වෙනුවෙන් අති විශාල මුදල් ත්‍යාග ප්‍රමාණයක් පිරිනැමීමටද සංවිධායකයින් කටයුතු යොදා ඇත.

08/05/2024

මිනිසුන් විසි දහසකට ආසන්න පිරිසක් වෙනුවෙන් නොමිලයේ එළවළු ලබා දීමේ "එළවළු දන්සැලක්" මහරගම පන්නිපිටිය ප්‍රදේශයේ අද (08) දින පැවැත්විණි

මීගොඩ ආර්ථික මධ්‍යස්ථානය ඇතුලු එළවළු ව්‍යාපාරික සහ ව්‍යාපාරික ස්ථාන කිහිපයකම හිමිකරුවෙකු වන ව්‍යාපාරිකයෙ ආනන්ද විජේරත්න මහතා විසින් තෙවෙනි වතාවට මෙම එළවළු දන්සල සංවිධානය කර තිබුණි

දන්සල තිබූ ස්ථානයේ සිට මහරගම දෙසට කිලෝ මීටර දෙකකට ආසන්න දුරක් මාර්ගය අයිනේ ජනතාව පෝලිම් ගැසී සිටින ආකාරය ද දක්නට ලැබුණි

ඉකුත් කොවිඩ් වසංගත සමයේදී රුපියල් ලක්ෂ දහයකට ආසන්න වටිනාකමැති එළවළු තොගයක් හෝමාගම ප්‍රදේශයේ ජනතාවට බෙදාදීමත් පසුව වසර දෙකකට පමණ පෙර කොට්ටාව ප්‍රදේශයේ දී අට දහසකට ආසන්න ජනතාවක් වෙනුවෙන් මේ ආකාරයෙන් ම ඒ මහතා විසින් එළවළු පරිත්‍යාග කිරීම සිදු කර තිබුණි

මහා සංඝරත්නයේ ආශිර්වාද මත සවස 4 ට පමණ දන්සැලෙහි කටයුතු ආරම්භ කල අතර එළවළු ලබා ගැනීම සදහා අදාල දන්සල පැවැත්වෙන ස්ථානයට ජනතාව දහවල් 11 සිටම පැමිණ පෙළ ගැසී සිටි ආකාරයක් දක්නට ලැබුණු අතර මධ්‍යම රාත්‍රි වනතුරුත් මෙම එළවළු දන්සැල පවත්වන බව ව්‍යාපාරික ආනන්ද විජේරත්න මහතා පැවසීය

මෙහිදී එක් අයෙකුට එළවළු වර්ග 16 ක් අඩංගු පාර්සලයක් ලබා දීමට කටයුතු කල බවත් දන්සැල සදහා රුපියල් ලක්ෂ පණහකට ආසන්න මුදලක් වැය වෙන්නට ඇති බවට තමන් සිතන බවත් ඒ පිළිබදව වැය වූ මුදල ගණනය කල නොකල බවද ඒ මහතා වැඩි දුරටත් පැවසීය

පොලිස්පති දේශබන්දු තෙන්නකෝන් මහතා ප්‍රමුඛ ආරාධිතයින් රැසක් ද එම අවස්ථාවට එක්ව සිටියහ

එහිදී ව්‍යාපාරික ආනන්ද විජේරත්න මහතා ප්‍රමුඛ පවුලේ පිරිස විසින් පැමිණි සිටි පිරිසය එළවළු පරිත්‍යාග කල ආකාරය ඡායාරූප වලින් දැක් වේ

06/05/2024

පෙරේදා රෑ නිදා ගත්තට පස්සේ තාම නිදි නෑ. දැන් තමයි හුස්මක් ගත්තේ. මේ නිව්ස් එක වෙනුවෙන් ඒ තරමට මහන්සි උනා. මේ පැටව් දෙන්නගෙ ජීවිත දෙක බේර ගන්න පොලිසියේ ඉන්න ජේෂ්ඨතම නිළධාරීන් දෙදෙනෙකු වන බෝම්බ නිශ්ක්‍රීය අංශයේ අධ්‍යක්ෂක පොලිස් අධිකාරි දිමුතු සමරනායක මහතා සහ පොලිස් විශේෂ කාර්ය බලකායේ නියෝජ්‍ය අණදෙන නිළධාරී (මෙහෙයුම්) ගුණරත්න මහතා කල කැපවීම අදහා ගන්නත් බෑ. පුරා පැය නවයක් තිස්සේ බෝම්බකරු සමග එක දිගටම කියෙව්වා. හිත වෙනතක යන්න දුන්නේ නෑ. අගුළු ඉවත් කර තිබූ අත් බෝම්බය සැකකරු ලවාම යළි අගුළු දැමුවා. සිය දිවි නසා ගන්න තිබුණ අදහස ක්‍රමක්‍රමයෙන් අයින් කෙරෙව්වා. පුදුම මෙහෙයුමක්. නිදිමත කියන එක ඇහැට දැනුනෙවත් නෑ. කොයි මොහොතේ මොන විනාශයක් වෙයිද කියන දෙගිඩියාවෙන් මුළු රෑම ඇහැරිලා හිටියේ අපි හැමෝම. ඇත්තටම ඒ නිළධාරීන් දෙන්නගෙ කැප කිරීම සහ පොලිස් විශේෂ කාර්ය බලකායේ නිළධාරීන් ගේ දක්ෂතාවය නිසා අද පුංචි පැටව් දෙන්නා හිනා වෙනවා. ඒ හුස්ම ගන්නවා. මේකෙ හොදම විස්තරයක් හෙට පත්තර වලින් බලමු. මගෙ දෑස් ඉදිරිපිට ම සිදු වෙච්ච චිත්‍රපටයක් වගේ අති බිහිසුණු අත් දැකීම පුලුවන් ⁣විදිහට ලිව්වා.

22/02/2024

ප්‍රදේශයේ දානපතියකු වන ප්‍රේමා මෙටල් ක්‍රෂර්ස් අධිපති බී.ඒ. පී. ප්‍රේමජීව මහතා විසින් රුපියල් කෝටි පහකට වැඩි මුදලක් වැය කරමින් හෝමාගම මූලික රෝහලට පරිත්‍යාග කල පස් මහල් අංග සම්පූර්ණ හදිසි ප්‍රතිකාර ඒකකය විවෘත කිරීම අද 22 දින සිදු විය

මෙම ගොඩනැගිල්ලෙහි හදිසි ප්‍රතිකාර ඒකකය, මූලික ප්‍රතිකාර ඒකකය, ශල්‍යාගාරය සහ ගෙවන වාට්ටු ඇතුලත් වේ

වර්ෂ 2016 දී වැඩ ආරම්භ කල මෙම ගොඩනැගිල්ලෙහි වැඩකටයුතු ආරම්භ කර ඇත