04/10/2019
انا هيا لي كنبغي صاحب خويا بزاااف وبقيت ساكتة وصابرة حيت لعتارفت ليه يقدر يقولها لخويا ويقتلني عصا .... نهار يجي يبات مع خويا قلبي كنحسو غيهرب مني بقوة التلفة وكان كيعاملني بحال ختو ومكيعجبنيش الحال كيباتو مقصرين وكنتصنت عليهم كيهدرو مع البنات وحبيبي انا كنسمع فيه يتازل بصحاباتو ونسكت ونبدا نتصنت وانا غارقة فدموعي وكنصبر فراسي بلي الا فيه الخير غيجي وغيولي مكتوبي ....... جملة من 3 حروف مصبراني 3 سنين ..... هما صحاب هادي 5 سنين تعارفو فالخدمة بجوجهم خدامين فنفس المجال. .... من نهار جا معاااه اول مرة عرفو علينا وانا حاسة باعجاب كبير من جهتو مع الايام ملقيتش تفسير اخر لاحساسي لي وليت هايمة فيييه مجنونة مهووسة بيه خديت تيليفون خويا سيفطت تصاورو ليا وعليهم كننعس كنبقا مطولة فيهم الشوفة وانا كندعي من كل قلبي يكون نصيبي حيت بصااح مغتفهمني غير لي مجربة ......... وليت بحال شي حمقة غا كنشوفو عندنا فالدار حيت هو عاءلتو فمدينة خرا وكل جمعة كيجي ياكل معانا كسكس هما كياكلو ويضحكو وانا كنشوف فيه كنحس براسي عيقت وكنخاف نلفت الانتباااه كنجمع الوقفة ونمشي البيت نسدها ونبدا نبكي نبكي حتى يرتاح قلبي نمسح دموعي ونخرج تاني كاانه ما فيا والو وانا الله لي عالم بالحرقة لي فالداخل ديالي ....
كان عندي امل ولو بسيط كنت كلي امل ان القدر يلعب معايا ولو مرة وحدة ..... نهار كنت غنقفرها وغيبااان كولشي هو نهار سخن عليا راسي مشيت خرجت نصويرتو كنحطها حدا راسي ونعنقها حتى يديني النعاس وفالصباااح نخبيها وسط حوايجي داك النهاااار فقت مزروووبة تعطلت بزاااف على الخدمة بالجرا لبست حوايجي وخرجت نسيت تصويرتو دخل خويا بالصدفة ساف تصويرتو فالارض تعصب ويقول مع راسو واقلة كيهدر معايا بالنسبة ليه هي خيانة من صاحبو الا حاول يلعب معايا ..وانا تمنيت غير شوفة منو ...... بصااااح انا بنت زوينة ولكن هو انسان محترم مولف البنات هو وخويا اشكال انواع ولكن انا بالنسبة ليه خط احمر خصو ميوصلوش ..... كنت راجعة من الخدمة داخلة للدار عادي حاطة تيليفوني وخويا متكي هزو وانا دايرة ليك الكود ..... قالي حليه ليا بغيت نشوف معاياش بادي الماتش تيليفوني طاف تيقتو وحليتو ليه وكل ابليكاسيون دايرة ليها كود دخل للتصور الوحيدين لي ديريكت دخل كيشوف لقا صور مسيفطين فالواتساب معرفش بلي من ديالو صحابليه من صاحبو شاف صور لابس فيهم غير شورط شبه عار مهم طاع لي عندو هو انا مسيفطاهم عندي ...... حط التيليفون بغصب وهز سوارتو وخرج ضرب الباب حتى قفزت ........ ومشا عند صاحبو لي بالخطوة لي دار هدم لي كولشي فوق راسي ياريتو هدر معايا انا ياريتو طلب مني نشرحليه انا عالاقل خويا يضربني يغوت ولكن مغنحسش بكرامتي تهانت بحال الاحساس لي حسيتو مع حاتم .........اللتتمة فالتعاليق
