Daily Gulag Newspaper

  • Home
  • Daily Gulag Newspaper

Daily Gulag Newspaper Contact information, map and directions, contact form, opening hours, services, ratings, photos, videos and announcements from Daily Gulag Newspaper, Newspaper, .

03/06/2023

ကျောင်းတက်ရေး/မတက်ရေး။ CDM/Non CDM student ကိစ္စကို ပြောရင် လူတော်တော်များများက "ဒဏ်ပေး"နည်းကိုပဲ မြင်ကြတယ်။ "ဆုပေး"နည်းကို မမြင်ကြဘူး။ မြန်မာနိုင်ငံရဲ့မိသားစုတော်တော်များရဲ့ တည်ဆောက်ပုံကိုက "ဒဏ်ပေး"စနစ်အပေါ်မှာ တည်ဆောက်ထားလို့လားတော့ မပြောတတ်ပါဘူး။ တစ်ခုခုမှားရင် ရိုက်မယ်၊ ဆော်မယ်၊ ဆူမယ်။ ကလေးက မှန်ရင်တော့ ချီးကျူးချင်မှချီးကျူးမယ်။

ကျောင်းသားမှန်ရင် ကျောင်းတက်ရမှာပါ။ မည်သူမဆို လွတ်လပ်စွာ ပညာသင်ကြားနိုင်ခွင့်ရှိပါတယ်။ တက္ကသိုလ်ပဲ တက်တက်၊ အခြေခံပညာကျောင်းပဲ တက်တက် ကျောင်းသားတိုင်း ကျောင်းတက်ရပါမယ်။ အွန်လိုင်းပညာရေးစနစ်ဆိုတာ ပြောသလောက်မလွယ်ကူပါ။ လိုအပ်တဲ့ အခြေခံပစ္စည်းတွေအများကြီးလိုပါတယ်။ မြန်မာနိုင်ငံမှာက အင်တာနက်မပြောနဲ့ မီးတောင် နေရာအနှံ့အချိန်ပြည့်ရနေတာမဟုတ်ပါဘူး။ အလုပ်သမားလူတန်းစား၊ လယ်သမားလူတန်းစား၊ အခြေခံဝန်ထမ်းသားသမီးတွေ၊ လက်လုပ်လက်စားအသည်တွေရဲ့ သားသမီးတွေအတွက် အားကိုးစရာဟာ စစ်ကောင်စီက ဖွင့်တဲ့ကျောင်းအပြင် မရှိဘူးဆိုတာဟာ လက်တွေ့ကျတဲ့ ဖြစ်ရပ်ပဲ။ ငြင်းချင်ရင်တောင်မှ အမှန်တရားကို သွေဖယ်ပြီး ကိုယ့်ဆန္ဒစွဲနဲ့ပဲ ငြင်းလို့ရမှာပါ။

ဒီလိုပြောတဲ့အခါ CDM student တွေအပါအဝင် လူထုကြီးက "တောထဲက ကျောင်းသားတွေကိုရော အားမနာဘူးလား၊ သူတို့ကျတော့ရော၊ ဒါဆို သူတို့လည်း လက်နက်စွန့်ပြီး ကျောင်းပြန်တက်ကြရမလား" လို့ မေးကြပါတယ်။ ကိုယ်ယုံကြည်ရာအတွက်နဲ့ လက်နက်ကိုင်တော်လှန်တာပါ။ ဆက်ပြီးတော်လှန်နေရင်လည်း အသိအမှတ်ပြု/ထောက်ပံ့ကူညီရမှာ ကျနော်တို့ရဲ့တာဝန်ပါ။ လက်နက်စွန့်ပြီး ကျောင်းပြန်တက်လို့လည်း ကျနော်တို့မှာ ဆဲခွင့်မရှိပါဘူး။ သူတို့ရဲ့ ရွေးချယ်မှုပါ။

ကျနော်တို့က ဆုပေးဒဏ်ပေးစနစ်မှာ ဒဏ်လောက်ပဲ ပေးချင်နေကြပါတယ်။ ဒါဟာ စိတ်ဆန္ဒစွဲကို ဦးစားပေးတဲ့ လုပ်ဟန်ပါ။ တကယ်တမ်းဖြစ်သင့်တာက အခြေအနေအမျိုးမျိုးကြောင့် စစ်ကောင်စီလက်အောက် ကျောင်းတက်နေရတဲ့၊ အလုပ်လုပ်နေရတဲ့ Non CDM student တွေကို ဒဏ်ပေးရေး မဲတင်းနေမယ့်အစား CDM student တွေနဲ့ တောထဲက ကျောင်းသားအရွယ်ရဲဘော်တွေအတွက် တချိန်မှာ ဘဝအာမခံချက်ကြီးကြီးမားမားရှိတဲ့ ပညာရေးအခွင့်အလမ်း၊ အလုပ်အကိုင်အခွင့်အလမ်းတွေ၊ ‌လူမှုဘဝမြင့်မားရေးအခွင့်အလမ်းတွေကို ကတိကဝတ်တွေပေးပြီး ရှာဖွေစဉ်းစားထားကြသင့်တာပါ။ CDM student ဖြစ်လို့ သူများထက်သာတဲ့ ပညာရေးအခွင့်အလမ်းမျိုးနဲ့ ပညာသင်ကြားရတယ်ဆိုတဲ့ "ဆုပေး"စနစ်မျိုးဖြစ်သင့်တာပါ။ CDM ဝန်ထမ်းဖြစ်လို့ လက်ရှိမှာ ဘယ်လိုအထောက်အပံ့တွေလည်း ရနေတဲ့အပြင် နောက်နောင်မှာလည်း ဘယ်လောက်ထိ အကျိုးခံစားခွင့်တွေကို သူများထက်ပိုပြီး ရရှိမယ်ဆိုတဲ့ ကတိကဝတ်တွေပေးရမှာဖြစ်ပါတယ်။

လက်ရှိမှာ CDM ဝန်ထမ်းတွေတောင် ဒုက္ခအမျိုးမျိုးရောက်နေကြတာပါ။ သူတို့ ယုံကြည်ချက်ကို ဆွဲကိုင်ရင်း တနည်းတဖုံတိုက်ပွဲဝင်နေကြတာပါ။ ဘယ်သူမှ လာပြီး မကူမကယ်နိုင်ကြပါဘူး။ ဒီအချက်ကို အစောကတည်းက CDM တိုင်းသိဖို့လိုပါတယ်။ တော်လှန်ရေးအစက ကြွေးကြော်သံတွေမှာ CDM ဝန်ထမ်းတွေကို ပေးတဲ့ ကတိကဝတ်တောင် ကျေရဲ့လားဆိုတာ ပြန်တွေးရမှာပါ။

CDM နည်းနာဟာ အကိုင်အတွယ်မတတ်ရင် ရေရှည်စစ်ကို ဝန်ပိစေတဲ့ နည်းနာဖြစ်ပါတယ်။ သေချာကိုင်တွယ်တတ်မှရပါမယ်။ အစိုးရလို့ ကိုယ့်ကိုယ်ကို ခံယူထားကြတဲ့လူ့မလိုင်လွှာက လူကြီးမင်းများအနေနဲ့လည်း "ပြည်သူအချင်းချင်း မုန်းကြ၊ သတ်ကြ၊ ဆဲကြကွာ ငါတို့ တာဝန်ပေါ့ရင် ပြီးတာပဲ" ဆိုတဲ့ ရည်ရွယ်ချက်နဲ့ "ဒဏ်ပေးရေး"လုပ်ဟန်အမှားကြီးကို ရှေ့တန်းတင်ပြီး လူထုအကြိုက်လုပ်နေတာတွေ ရပ်ကြပါတော့။ နိုင်ငံရေးကို ရိုးသားပါ။ လက်တွေ့ဆန်ပါ။ "ဆုပေးရေး" လုပ်ဟန်ကို အရှိန်မြှင့်တင်ပါတော့။ အားလုံးကလည်း တောင်းဆိုကြပါ။

ကျောင်းသူကျောင်းသားအားလုံး အမျိုးမျိုးသော ပညာရေးစနစ်၊ သင်ကြားရေးစနစ်နဲ့ ဖြစ်နိုင်သ၍ ပညာသင်ကြားကြပါ။ အတွေးအခေါ်ရင့်သန်အောင် ကြိုးစားပါ။ ကျွန်ဘဝသက်ဆိုးရှည်မယ့် ပို့ချချက်မှန်သမျှကို စိတ်အရ ငြင်းပယ်ကြပါ။ ရရှိလာသမျှ ပညာကို ပြည်သူလူထုနဲ့ တော်လှန်ရေးကို အလုပ်အကွေးပြုပါ။

စပါးလည်းစိုက်၊ စစ်လည်း တိုက်ကြ။
ပြည်သူ့ဒီမိုကရေစီသစ်တော်လှန်ရေးကို ဆင်နွှဲကြ။

- ကန့်ဘလူ - အကြမ်းဖက်စစ်တပ်ဟာ အမိုက်မဲဆုံးသော ကောက်ကျစ်ယုတ်မာတဲ့ ဉာဏ်နီဉာဏ်နက်မျိုးစုံနဲ့ ပြည်သူလူထုကို အစုလိုက်အပြုံလို...
11/04/2023

- ကန့်ဘလူ -

အကြမ်းဖက်စစ်တပ်ဟာ အမိုက်မဲဆုံးသော ကောက်ကျစ်ယုတ်မာတဲ့ ဉာဏ်နီဉာဏ်နက်မျိုးစုံနဲ့ ပြည်သူလူထုကို အစုလိုက်အပြုံလိုက် လုပ်ကြံသတ်ဖြတ်နေချိန်မှာ ကို့ယ်ဘက်က အစိုးရဆိုသူတွေကတော့ ကိုယ့်လူကိုယ်ချနင်းနေသလားလို့ ထင်ရအောင်ကို အသိဉာဏ်နည်းပါးညံ့ဖျင်းလွန်းနေကြပါတယ်။

လက်ရှိချိန်ထိ သတင်းတွေမှာတက်လာတာ သိရသလောက် ဖြစ်စဉ်ဖြစ်ချိန်မှာ ပကဖရုံးဖွင့်ပွဲကျင်းပချိန်ပါတဲ့။ ဘယ်လောက်တောင် စိတ်ကူးယဉ်ဆန်ပြီး အစိုးရရူး ရူးနေတဲ့ လုပ်ရပ်လဲဆိုတာ သာမန်ဦးနှောက်နဲ့တွေးကြည့်လို့ နားမလည်နိုင်အောင်ကို ဖြစ်ရပါတယ်။ တော်လှန်ရေးမှာ အရေးကြီးဆုံးဟာ လုံခြုံရေးဖြစ်ပါတယ်။ ဒါကို အစိုးရရူးအတင်းရူးနေတဲ့ NUG ရဲ့ ပကဖအဖွဲ့က စစ်ရေးသတင်းလုံခြုံရေး၊ အရပ်သားပြည်သူလုံခြုံရေး၊ ကိုယ့်အခြေခံဒေသ၊ ကိုယ့်တပ်၊ ကိုယ့်ရဲဘော်တွေရဲ့ လုံခြုံရေး စသဖြင့်တွေကို အထူးအလေးထားဂရုစိုက်ရမယ့်အချိန်မှာ အရပ်သားပြည်သူတွေကိုပါ စုဝေးခိုင်းပြီး လေကြောင်းရန်ကာကွယ်ရေးစနစ် ဘာမှမရှိတဲ့နေရာမှာ ရုံးခန်းဖွင့်ပွဲကျင်းပတယ်ဆိုတာ အင်မတန်မှ ဉာဏ်နည်းပြီး တာဝန်မဲ့တဲ့ လုပ်ရပ်တစ်ခုဖြစ်ပါတယ်။

အကြမ်းဖက်စစ်တပ်ဟာ ကိုယ်ကျူးလွန်သမျှ စစ်ရာဇဝတ်မှုတွေအတွက် တာဝန်ခံရမှာဖြစ်သလို လေလှိုင်းအစိုးရ NUG အနေနဲ့လည်း ကိုယ့်ရဲ့ပေါ့လျော့မှု၊ ပေါ့ဆမှု၊ တုံ့နှေးဆိုင်းတွနေမှု၊ မယောင်ရာဆီလူးမှုကြောင့် မလိုအပ်ဘဲ ကျဆုံးခဲ့ရတဲ့ ကိုယ့်ရဲဘော်တွေ၊ အပြစ်မဲ့ကလေးသူငယ်ပြည်သူလူထု ကျခဲ့ရတဲ့ သွေးစက်တိုင်း၊ ဆုံးရှုံးခဲ့ရတဲ့ အသက်တစ်ချောင်းချင်းစီတိုင်းအတွက် တာဝန်ယူတာဝန်ခံရမှာဖြစ်ပါတယ်။ ကြွေးကြော်ထားတဲ့ လေယာဉ်ပစ်လက်နက်ဟာလည်း ဒီနေ့ဒီချိန်ထိ အစအနတောင် မမြင်ရသေးပါဘူး။

လေယာဉ်ပစ်လက်နက်ထုတ်သုံးနိုင်ဖို့ အပြစ်မဲ့ပြည်သူ ဘယ်နှယောက် အသက်တွေ ထပ်ပြီး စတေးပေးရဦးမှာပါလဲ။ NUG လက်အောက်ခံမဟုတ်တဲ့ ဒေသခံပီဒီအက်ဖ်အဖွဲ့အစည်းတွေအပေါ်မှာတော့ အနိုင်ထက်ပြုကျင့် အာဏာပြနေပြီး ပြည်သူလူထုရဲ့ အသက်အိုးအိမ်စည်းစိမ်ကာကွယ်ရေးမှာတော့ တစ်ခါအစုလိုက်အပြုံလိုက်သေဆုံးပြီးမှ စာတစ်စောင်ထုတ်နေတာဟာ ဘာမှအရေးမပါတဲ့လုပ်ရပ်တွေဖြစ်ပါတယ်။

စစ်ကောင်စီဟာ သွေးကြွေးပြန်ပေးဆပ်ရပါမယ်။
လေလှိုင်းအစိုးရလည်း ကိုယ့်ရဲ့ လုပ်ရပ်တိုင်းအတွက် ကိုယ်တာဝန်ယူတာဝန်ခံရပါမယ်။ ခေါင်းရှောင်လို့မရပါ။

မိဘပြည်သူလူထုကြီးခင်ဗျာ။
အချင်းချင်းဝိုင်းဝန်းကူညီကြပါခင်ဗျာ။
လက်ရှိအချိန်မှာ ကန့်ဘလူကို ပိုပြီး ကူညီကြပါခင်ဗျာ။

-(DGN)

17/03/2023

ပြည်သူဟာ ဘယ်တော့မှ မမှားဘူး။

ပြည်သူလူထုကြီးဟာ အမှားတစ်စုံတရာနောက်ကို ကောက်ကောက်ပါအောင် လိုက်နေပြီဆိုရင် ပြည်သူလူထုကြီးရဲ့ရှေ့မှာ ပုလွေဆရာလို နိုင်ငံရေးသမားတွေ၊ ဘာသာရေးသမားတွေရဲ့ ကောက်ကျစ်တဲ့ မှိုင်းတွေ ရှိနေလို့ပဲ။ ဒါဟာ ပြည်သူကို အလို့ညံ့ဖျင်းလို့ ပြောတိုင်းယုံတယ်လို့ စော်ကားတာတော့မဟုတ်ဘူး။ နေ့စဉ်ဘဝမှာ စားဝတ်နေရေးအတွက် ရုန်းကန်လှုပ်ရှားနေရတဲ့ ပြည်သူလူထုဟာ နိုင်ငံရေး၊ စီးပွားရေးစီမံခန့်ခွဲရေးတွေကို လုပ်ဖို့ အချိန်မရှိတဲ့အခါ ယုံကြည်ချင်စရာကောင်းတဲ့ နိုင်ငံရေးသမားတွေဆီကို အရာရာပုံအပ်မိတော့တာပဲ။ ဒါကြောင့် ပြည်သူမှားတယ်ဆိုရင် ပြည်သူကို လမ်းမှားရောက်အောင် ဘယ်သူပို့သလဲ ပြန်ကြည့်ရမယ်။

လက်နက်ကိုင်ထားတိုင်း တော်လှန်ရေးသမားမဟုတ်ဘူး။ ကိုင်ထားတဲ့လက်နက်နဲ့ ပြည်သူကို ပြန်ခြိမ်းခြောက်ရင် ပိုလို့တောင် တော်လှန်ရေးသမားမဟုတ်ဘူး။

စစ်တပ်နဲ့ရဲလည်း လက်နက်ကိုင်တာပဲ။ဘာသာရေးအကြမ်းဖက်သမားတွေလည်း လက်နက်ကိုင်တာပဲ။ ဓားပြတိုက်တဲ့ကောင်တွေလည်း လက်နက်ကိုင်တာပဲ။ လူသ တ်သမားလည်း လက်နက်ကိုင်တာပဲ။ ဘာရည်ရွယ်ချက်နဲ့လက်နက်ကိုင်သလဲဆိုတာတော့ ကိုယ့်ကိုယ်ကိုပဲ သိမယ်။ တော်လှန်ရေးသမားရဲ့ သေနတ်ပြောင်းဝဆိုတာ ပြည်သူနဲ့ဆန့်ကျင်ဘက်ကို အမြဲလှည့်ရတယ်။

ပြည်သူဘက်ကို သေနတ်ပြခြိမ်းခြောက်ပြီဆိုရင် သူခိုးဓားပြဖြစ်ရင်ဖြစ်၊ မဖြစ်ရင် စစ်ဝါဒီ၊ ဖက်ဆစ်ဝါဒီပဲဖြစ်လိမ့်မယ်။ လက်နက်ကိုင်ပြီး အတွေးအ‌ခေါ် မရှိတာထက် အစောကတည်းက လက်နက်မကိုင်တာ ပိုကောင်းတယ်။

ရွတ်ရှားနိုင်ငံကြီးနဲ့တကွ ရွတ်ရှားပြည်သူအားလုံး အေးချမ်းသာယာ ရှိပါစေ 🙏🏽
13/03/2023

ရွတ်ရှားနိုင်ငံကြီးနဲ့တကွ ရွတ်ရှားပြည်သူအားလုံး အေးချမ်းသာယာ ရှိပါစေ 🙏🏽

Address


Website

Alerts

Be the first to know and let us send you an email when Daily Gulag Newspaper posts news and promotions. Your email address will not be used for any other purpose, and you can unsubscribe at any time.

Shortcuts

  • Address
  • Alerts
  • Claim ownership or report listing

  • Want your business to be the top-listed Media Company?

Share