Bizarre Crowd

12/09/2020

(NEWS)

"Meipui akhat rui kagaan(husband) le tunapui akhat chat suloumei message ta check su khourui kagaan rui kameita bai kasi lou kanthe"

By : Bizzare Crowd Newsdesk
Posted on : September 12, 2020 02.20 PM IST

Gujarat tuang Ahmedabad city khou meipui akhat rui kagaan le tunapui akhat phone khou chat suloumei message ta check suna pa khourui kagaan rui kameita bai kasi lou kanthe tuwe.

K*ma mi puina rui kagaan ta police FIR sulou kanthe tuwe. FIR tuang detail khou hilou mei mi meipui jipthao rap khou kagaan tuang phone khou message alert guangmei sound chu na phone check sukhou tunapui akhat tuang message pa tou tuang e tuwe. K*ma chat history jao bam khou khatni voice chat nking bam khou kagaan guang rap na kalung puam na bai thao tuang e tuwe.

April khou tei ni Gujarat tuang Vadodara city khou kumei tuang case kumna akhat pat kanne. Mi Vadodara case khou tei kagaan le kanou 'online ludo' tali khou kagaan ta kanou rui defeat sulou gei lang tina kagaan rui kalung puam na kanou ta kasian kangum bai kasi lou kane tuwe.

(Representational Image)

10/09/2020

(NEWS)

"Delhi khou tingkum kasing 86 tangmei kar**ei ta tingkum 37 mei akhat pu rui r**e sumei ta nimtou kanthe"

By : Bizzare Crowd Newsdesk
Posted on : September 10, 2020 09.15 PM IST

Delhi khou kar**ei tingkum 86 tangmei ta akhat pu tingkum 37 mei akhat pu rui r**e su khourui police nim kanthe tuwe.

Guainoudui juan bammei pu guang nimei ta kar**ei ding khuan bam khou akhat pu(plumber) rui guainoudui juanmei pu guang nituang makhe tuna baitho guainoudui liu tat khang katuang motorcycle khou lift ti tuang e tuwe.

Tiki motorcycle khou ku dung rap khou mansei bam hak makmei farm akhat khou kar**ei ta duang tatna r**e sutuang e tuwe.

Kar**ei rui mi pu ta nangtho atou kumei de heikum surio tuna sapui gan khou kar**ei ta bai na r**e su kantuang e tuwe.

K*ma kar**ei rui kao thao pui gan khou mansei gansek rui chulou na mi r**e subammei pu ta nimtou tuang e tuwe.

Katang tho police guang na nimtat dat kantuang e tuwe. K*ma mituang case khou Delhi Commission for Women(DCW) rui jao sin gut bamthe tuwe.

(Representational image)

01/09/2020

(NEWS)

"West Bengal khou Siliguri College tuang BSc(Hons) merit list khou Shinchan cartoon jan top khou hi pat khourui Police case su kanthe"

By : Bizzare Crowd Newsdesk
Posted on : September 01, 2020 01.10 PM IST

Dulanung West Bengal tuang Siliguri city khou Siliguri College tuang BSc(Hons) merit list khou Shinchan cartoon jan top khou hi pat khourui Police FIR su kanthe tuwe.

Siliguri College tuang staff rui kahak sapat mei, "Shinchan jan katum na lapat gan na fresh list lou dat kanthe. Mi hei mansei kakhe sina sulou mei tuangde kuma mi lam khou aniu FIR sulou kanthe."

Siliguri College rui merit list compile sukhang agency akhat khou taan outsource sulou tuang e tuwe online khou student nun rui application tiguang mei ta process suna.

Neikhat nung tei ni Bollywood singer Neha Kakkar jan Malda tuang Manikchak College tuang BA English(Hons) merit list khou ni pat kanne tuwe. K*ma actress Sunny Leone jan ni college kathum khou merit list khou pat re tuwe. Mi college guai ni cybercell khou FIR sulou kantuang theh tuwe.

(Representational Image - cartoon Shinchan)

27/08/2020

(NEWS)

"Akhat pu tuang siandui la ngam na katuang girlfriend auto-rickshaw driver akhat kai mih tat khourui kalung puamna hou houmei auto-rickshaw driver nun tuang mobile phone rana kaihou khourui police rui nim kanthe."

By : Bizzare Crowd Newsdesk
Posted on : August 27, 2020 04.30 PM IST

Pune khou akhat pu tuang siandui la ngam na katuang girlfriend auto-rickshaw driver kai mi tat khourui hou houmei auto driver tuang mobile phone rana kaihou khourui kameita police nimtou kanthe tuwe.

Ahmedabad(Gujarat) thang rui lung guangmei kajan rui Asif aka Burabhai Arif Sheikh(36 years old) hei auto driver kasing 70 tuang mobile kaihou tang the tuwe.Katuang girlfriend auto driver akhat kai mih tat mei tang Asif hei auto-driver nun tuang mobile na de tuwe kaihou bammei.

Ahmedabad khou Asif restaurant kaipou suna bam rei tuang e tuwe tiki katuang girlfriend ta kaona lung cham khang katuang restaurant juan lou na Pune khou kapui kapu lad tuan liamna guang tuang e tuwe. Asif le katuang girlfriend Pune June 2019 khou guang tang na tingmik jeng kanei tang katuang girlfriend Asif tuang sian dui lana tat tuang na hamakna Pune tuang auto-driver akhat kai mi ni mih tat kantuang e tuna Police rui tithai pat re tuwe.

K*ma Asif hei kalung ning kabiu na auto-rickshaw drivers nun ta jaoji na houmu thao na hou houmei auto-driver nun tuang mobile rana kaihou thao tuang e tuna police rui sapat re tuwe. Asif ta Court khou produce suna police custody khou nimlou bamthe tuwe.

(Picture inset - Asif with stolen mobile phones)

27/08/2020

Machuang lou kho

Thou kumei Rongmei na nunh business subammei(entrepreneurs) nun tuang products khatni service ta Rongmei Daily News team rui sian la makna advertisement sulou puniye. Aniu tuang news article khou advertisement attach sulou na promote sulou puniye.

Rongmei economy seng thao dai thao kandiu khang taan bammei Rongmei tuang local business ta RDN team rui machuang lou e. K*ma aniu Rongmei public ta ni huaicha e nu pui kam Rongmei na nunh tuang business ta ni machuang cham lou kho.

K*ma mi Free Advertisement sulou nimei hei aniu RDN team rui aniu Rongmei economy khou small contribution su punge tuna ninglou e.

"RONGMEI RINGSANGDIU"

Thuanku theh,
RDN Team

24/08/2020

(NEWS)

"Tunapui akhat ta 2010 khourui kahouna mansei kasing 143 r**e su tangthe tuwe"

By : Bizzare Crowd Newsdesk
Posted on : August 24, 2020 07.02 AM IST

Hyderabad khou bammei tingkum kasing 25 mei tunapui akhat rui FIR sulou mei report khou kameita 2010 khourui kahouna mansei nun kasing 143 rui kameita r**e su theh tuna Police khou FIR register sulou kanthe tuwe. K*ma mi page kasing 42 mei FIR report khou kameita r**e sumei nun jan hilou bamthe tuwe. Mi mansei kasing 143 khou tunapui gansek ni kajao e tuwe.

Politicians nun khatni students leaders nun khatni film le media khou taan bammei nun jan ni FIR khou kajao e tuwe.

Mi tunapui hei Nalgonda district mei e tuwe. K*ma kamei Hyderabad city khou atao lung bam tuange tuwe.

Mi tunapui ta medical test sukhang ndiu lou rei punithe kuma complaint sulou mei tei chapcha na verify surei na action tat kei punide tuna police rui ni tithai lou kane tuwe.

Mi tunapui hei 2009 khou mih kane tuwe. Tiki kapou le kanei g*i makmei jeng khourui 2010 khou divorce suna kapui kai tho guang bam dat na college tat kahou dat tuang e tuwe. Mi FIR khou kajan naimei nun rui kameita jat khatni caste jan khou sa kasi su kasi na social media khou video upload sulou punihe tuna blackmail suwe tumei hi lou bamme tuwe.

K*ma IPC khou r**e tuang sections naimei khatni SC/ST atrocities prevention act lung khou FIR register sulou kantuang e tuwe.

(Representational image - image credit - Shutterstock)

11/08/2020

(NEWS)

"Tingkum kasing 33 mei gan akhat rui emergency number 100 khou call suna Modi ta bai puni suluai puni sa khourui police nim kanthe"

By : Bizzare Crowd Newsdesk
Posted on : August 11, 2020 04.02 PM IST

Noida tuang Sector 66 khou bammei akhat pu kajan Harbhajan Singh tingkum kasing 33 mei rui emergency number 100 khou dial suna Narendra Modi ta bai puni suluai puni tuna sa khourui kameita Noida Police rui nim kanthe tuwe.

Mi Harbhajan Singh hei kaling suna Haryana mei ye tuwe.

Jaosin gut tiki mi Harbhajan Singh hei drug addict khonge tuna police rui lumsi bamme tuwe.

K*ma kameita medical checkup su khang ni ndiu lou kanthe tuwe.

(Picture inset - The accused Harbhajan Singh)

09/08/2020

(NEWS)

"Underwear na run na kaihou tat bammei gang khou kajao mei akhat pu ta Police rui nimtou kanthe"

By : Bizzare Crowd Newsdesk
Posted on : August 09, 2020 02.12 PM IST

Tamil Nadu tuang Coimbatore city khou "Underwear Gang" tuna kaomei kaihou mei gang khou kajao mei akhat pu ta police rui nimtou kanthe tuwe. Mi "Underwear Gang" hei Coimbatore City corporation ram khou naimei mansei kai gasek khou kaihou tat bamtuang e tuwe. K*ma neikhat nung tei mi Underwear Gang rui akhat puna kai khou gut na sian dui khatni kaman naimei ram kaihou tat kantuang e tuwe.

Mi kaihou mei nun underwear na run na kaihou tat bamtuang e tuwe. Mi kaihou mei nun Coimbatore khou gari tat bammei cheng khou rui guang makna train railway track cheng guang tuang e tuna City police commisioner Sumit Sharan rui tithai pat re tuwe.

K*ma police rui drone camera sinsu na surveilance su thao rap na asan mak khou night patrol police rui mi Underwear Gang kaihou mei gang khou kajao mei akhat pu kajan rui B Veeramani tingkum kaising 38 pu ta August 8 khou nimtou tuang e tuwe.

K*ma Underwear Gang khou kajaomei baimei nun ta ni police nim khang karam bamthe tuwe.

(Picture inset - CCTV visuals of Underwear Gang released by Coimbatore Police)

09/08/2020

(NEWS)

"Kite tuang lang riang akhat pu tuang kaguangling khou kagiat khourui kapanti mak kanthe"

By : Bizzare Crowd Newsdesk
Posted on : August 09, 2020 03.02 PM IST

Jammu khou glass kiak kiak rui thut lou mei Kite tuang lang riang akhat pu tuang kaguangling khou kagiat khourui kapanti mak kanthe tuwe. Mi tuk mei Kite tuang lang riang rui kaguang gaat khourui kapanti mak kantuang e tuwe.

Kapanti mak kanmei pu tingkum kasing 42 kajan rui Skinder Khan e tuwe. Skinder Khan kai han dat khang bike dung kei khou New Plot area khou kaguangling khou mi lang riang rui kei kagiat tuang e tuwe. Kading khou hospital tho duang tatmei hospital tang mak khou kapanti mak kantuang e tuna Police rui tithai pat re tuwe.

(Representational Image - Alamy)

08/08/2020

(NEWS)

"Suh guak(wild boar/pig) laptop kaihou na pak tatmei ta laptop kaipou palu duak na lai juan kanthe"

By : Bizzare Crowd Newsdesk
Posted on : August 08, 2020 08.02 AM IST

Germany tuang capital Berlin khou naimei Teufelssee lake khou German mei nun nei gou na dung bammei pang khou suh guak guang na karapou akhat tuang laptop plastic bag khou naimei ta suh guak fung tat kanmei ta laptop kaipou karapou lai juan kanthe tuwe.

Mi suh guak hei nei gou khang guang mei pu akhat tuang pizza tu sek lou mei ni tu rei kantuang e tuwe. K*ma laptop naimei plastic jinmei bag khou ni ram tujang mei tuang nai khonge tuna kajap na pak tat kantuang e tuwe. Kaipou tei palu duak na mi suh guak ta lai juan thao rap tuang theh tuwe.

Tatkanmei tingkum Italy khou sian kasing Rs. 16 lacs tuang co***ne kandi khou drug traffickers nun rui phup lou bammei ta ni suh guak rui phu pat re tuwe.

Suh guak hei 48 km/hour fao pak ngam de tuwe.

(Picture inset - Man chasing the wild boar, Image source - Adele Landauer)

08/08/2020

(NEWS)

"Kanou tuang mobile kaihou khourui akhat pu ta nim kanthe"

By : Bizzare Crowd Newsdesk
Posted on : August 08, 2020 07.42 AM IST

Delhi khou lung bammei tingkum kasing 38 mei kajan Vinod rui lung tamna bammei kanou tuang mobile kaihou khourui police nim kanthe tuwe. Kanou kadeng khourui lung tamna bammei jeng khourui kalung puam na knou tuang mobile kaihou tuang e tuwe.

Vinod le kanou tingkum kasing 6 tangthe tuwe lung tamna bammei.

Vinod hei Delhi khou public bus khou mobile kaihou bammei mansei de tuna Police rui sa pat re tuwe. K*ma bus khou kaihou mei mobile guai tei Punjab le Uttar Pradesh khou juan tat re tuna Police rui tithai pat re.

(Representational image - Alamy)

04/08/2020

(NEWS)

"Facebook tuang friend ta r**e su khourui akhat pu ta case sulou kanthe"

By : Bizzare Crowd Newsdesk
Posted on : August 04, 2020 10.23 AM IST

Ahmedabad khou lung bammei pu akhat rui Surat khou bammei tingkum kasing 34 mei meipui khat "facebook friend" ta r**e sutheh tuna mi meipui rui police khou case sulou kanthe tuwe.

Tingkum kasing 36 mei Ahmedabad pu kajan Adhyay Soni e tuwe kuma Adhyay Soni hei kamei kanou kao mahe tuna mi meipui khou sathiam na kameita kao puni de tuna saye tuwe.

K*ma mi meipui rui samei hei kadeng khou Soni tuang 'Hi' message facebook khou tingkum kanei hu khou guang rei ye tuwe. Tiki kamei message ti dao lou makge tuwe. K*ma aseiluan lockdown su kanmei May buh khou tei message ti dao lou khourui kanei nei champan chamg*i sutuang e tuwe. K*ma mi meipui rui kagaan(husband) hei g*i makge kameita divorce su lou panthe tuna Soni khou jeng simei ndao lou tiki Soni rui kameita kao dat punithe tuna saye tuwe.

Katang tho June 6 khou Soni Surat khou guangna mi meipui ta hotel tho duang tat na r**e sutuang e tuwe. R**e su taan mei tang kameita Soni rui suluai lou puni tuna ti ping louna kameita kakai tho dulou dat tuange tuwe.

K*ma June 6 khou mi meipui deng khou unknown number kana tuang school thangrui call suguang tuang e tuna sathiam na kagaan(husband). tuang number nei la kane tuwe.

Number tilou na asan mak khou mi meipui tuang kagaan(husband) deng khou Soni kanou rui call suguang na heijumei pari ra lou tuang na hamakna Soni le mi meipui tuang g*i g*i makmei photo tihou khourui lad gei pat chui tuang e tuwe.

(Representational image)

04/08/2020

(NEWS)

"PUBG game tali mei jeng agi khourui akhat pu ta bailuai kanthe"

By : Bizzare Crowd Newsdesk
Posted on : August 04, 2020 09.45 AM IST

Jammu city tuang RS Pura area khou PUBG game tali mei jeng khourui ag*i-agi na akhat pu ta kaideng khou lung bammei ganthum rui bailuai lou kanthe tuwe. K*ma J&K Police rui mi ganthum ta nim tou kanthe tuwe.

RS Pura khou lung bammei Girdhari Lal kana tingkum kasing 31 mei Dalesh Raj ta PUBG tali khou agi khourui kai deng khou bammei Dalesh thei PUBG game tali chammei Raj K*mar, Rohit K*mar le Bikram Jeet rui bailuai lou tuang e tuna RS Pura tuang SHO Jai Pal Sharma rui tithai lou e tuwe.

Kapanti mak kanmei pu Dalesh rui game tali bam khou mi rammei ganthum ta chadi rio tuna salou khou narui mirammei ganthum rui bailuai lou tuang e tuwe.

(Representational image - PUBG game)

03/08/2020

(NEWS)

"Kaman kungmei restaurant khou customer rui order sumei sambar khou tamlingna fang khourui FIR sulou kanthe"

By : Bizzare Crowd Newsdesk
Posted on : August 03, 2020 07.34 AM IST

Delhi tuang Connaught Place khou naimei kaman kung hakmei restaurant khou customer akhat rui order sulou mei sambar le dosa khou tamlingna theimei fang khourui Restaurant ta FIR sulou kanthe tuwe.

Mi restaurant hei peina kajan tat mei de tuwe kuma Saturday le Sunday khou customers nun line dingna ram tu jang meituang order subamtuang de tuwe.

K*ma mi customer rui katuang sambar khou tamlingna fang mei tuang video nam na social media khou pat ku lou kanmei video khou tei kamei sabamme tamlingna mazai tho tugut kan kumthe tuwe.

K*ma katang tho mi customer rui restaurant ta police complaint suna case sulou kanthe tuwe.

(Picture inset - screen grab of the video)

02/08/2020

(NEWS)

"Chabuan nun party sumei tuang bill thou khap ni na cho tumei jeng khourui kaniu rana agi na chabuan akhat ta kapammei rui kepluai lou kanthe "

By : Bizzare Crowd Newsdesk
Posted on : August 02, 2020 05.23 PM IST

Delhi tuang Jahangirpuri area khou chabuan nun ganthum guang kariu na party sumei tuang bill thourui khap ni na cho tumei jeng khourui kaniu rana agi na chabuan akhat ta kapammei akhat rui kepluai lou kanthe tuwe.

Tanmai kepmei le kapanti mak kanmei chabuan nei tei tingkum kasing 17 nade tuwe. K*ma kathum mei chabuan tingkum kasing 22 mei rui police ta mi pari ra lou ngam tuange tuwe.

K*ma mi chabuan ganthum hei jou ni jang makge tuwe. Tanmai kepmei chabuan ta police nimtou na "Section 302 (murder) of the Indian Penal Code" tuang case su lou kanthe tuwe.

(Representational image)

01/08/2020

(NEWS)

"Tunapui tuang hostel le Paying Guests khou jingbang cheng gutna tunapui nun tuang kalungtho runmei puan almirah khourui lapat na sukek tiapkek bammei akhat pu ta nimtou kanthe"

By : Bizzare Crowd Newsdesk
Posted on : August 01, 2020 12.33 PM IST

Madhya Pradesh khou Indore city khou tingkum kasing 26 mei pu akhat rui tunapui nun tuang hostel khatni paying guests khou jingbang cheng gutna almirah khourui tunapui nun tuang kalungtho runmei puan lapat na sukek tiapkek bammei ta police rui nim tou kanthe tuwe.

Tunapui nun jip ri bam khou gut na heikum subam tuang e tuwe. Tuna nun jip chiang thao dat re thei mi pu pak duak tat rap rapma hei san nimtou makna bam tuange tuwe.

Tatkanmei tingkum khourui heikum subamtuang theh tuwe tiki aseiluan Nagar Suraksha Samiti le security guards le police rui cham na nimtou tuang e tuwe. Mi pu kajan rui Shrikant e tuwe. Kamei hei reikhou security guard taan taan na kaihou khourui taan dat mak tuang e tuwe.

(Representational image)

31/07/2020

(NEWS)

"Akhat pu jip bam khou katuang jeans lung khou Cobra arui tui gut kanthe"

By : Bizzare Crowd Newsdesk
Posted on : July 31, 2020 06.35 PM IST

Uttar Pradesh khou Mirzapur bam khou akhat pu jip bam khou cobra arui katuang jeans lungtho tui gut mei ta rianra hak na jeans tiap kek na arui ta lapat dat tuang e tuwe.

Mi pu hei electrical lines kasiam bammei tun mei peina thei taan bamtuang e tuwe. K*ma jingkhou jip bam khou cobra arui katuang jeans lung tui gut theh tumei kamei jipchung khou thai tuang e tuwe.

K*m rap khou kamei jipchung khourui thao na 7 hours fao tiang(pillar) deng khou kalung kari makna dinge tuwe arui tei rak thao na kamei ta chou punge tuna pingna. Gaan thao dat khou arui nim hei meinun guangna katuang jeans tei tiap kek na khatni kabiu makna arui ta lapat dat tuang e tuwe.

(Picture inset - screen grab from actual snake rescue video)

31/07/2020

(NEWS)

"Buh padei(4) tuang electricity bill sian Rs. 6.67 lacs guang timei tho Hyderabad mei pu akhat kapi su bamthe"

By : Bizzare Crowd Newsdesk
Posted on : July 31, 2020 06.06 PM IST

Hyderabad khou lung bammei pu tuang buh padei(4) tuang electricity bill sian Rs. 6.67 lacs guang timei tho kaipou tei angak bamtheh tuwe.

Kakai tuang electricity bill buh akhat tuang sian Rs. 800 khourui Rs. 1100 fao na guang bam bammei aseiluan buh padei tuang akumna Rs. 6 lacs guang ni na tuna kamei electricity dept ta than theh tuwe.

K*ma electricity dept rui action la ti makna kamei mi bill guang mei lam khou video kasiam na social media khou pat lou na viral su khourui electricity dept kakai khou guangna meter box check su dat tuang e tuwe. Meter box tei check su khou meter box g*i ti makna bill hei kabam kaji thai makna Rs. 6 lacs mbu pat tuang e tuwe. K*ma meter box kalai lou dat kanthe tuwe.

(Representational image)

30/07/2020

(NEWS)

"Matric exam fail su liang kasing 33 mei tang aseiluan coronavirus jeng khourui government rui mass promotion sulou tina tingkum 51 tangmei pu akhat matric pass su kanthe"

By : Bizzare Crowd Newsdesk
Posted on : July 30, 2020 10.46 PM IST

Telangana state tuang capital Hyderabad city khou lung bammei tingkum 51 tangmei pu akhat kajan Mohammad Nooruddin matric exam fail su liang 33 mei tang aseiluan matric pass su kanthe tuwe.

Coronavirus pat bammei jeng khourui Telangana government rui mass promotion sulou tina Nooruddin hei matric pass sutuang e tuwe.

English subject khou kamei suan mai khourui khatni english tution cham lou khang mei mak khourui kamei matric exam fail su liang 33 tuang e tuwe. Kamei security guard taan na na kabung padik bam tuang e tuwe. K*ma kamei hei graduate fao cham nide tuna tithai e. Larik cham mei lad bam khou kamei rui kahak samei lad rui - "Larik thai mei nun ta mansei chakhuang suwe."

(Picture inset - Mohammad Nooruddin)

30/07/2020

(NEWS)

"Tingkum 40 mei pu akhat sihkui(dog) ta r**e su khourui police nim kanthe"

By : Bizzare Crowd Newsdesk
Posted on : July 30, 2020 6.12 PM IST

Maharashtra tuang Thane district khou tingkum 40 tangmei pu akhat rui kakai makmei sihkui(dog) ta r**e su khourui police rui nim kanthe.

Thane tuang Wagle estate area khou alao nun kakai makmei sih nun ta ram titu khang tuna footbridge biat thang funa tat kei khou akhat pu sihkui ta cha makmei tuang subammei ta hou na Animal Right activist Aditi Nair ta pou lou tuang e tuwe.

Aditi Nair rui police khou complaint tilou tiki police action tatkei makge tuwe. K*m rap khou Aditi Nair rui na Thane tuang Police Commisioner Vivek Phansalkar khou salou dat khourui police FIR sulou dat tuang e tuwe.

K*ma mi sihkui ta r**e sumei pu ta "Indian Penal Code Section 377 (unnatural s*x) and Section 11(a) of Prevention of Cruelty to Animals Act, 1960" tuang case suna nim kanthe tuwe.

(Picture inset - FIR report of the case and the r**e victim)

30/07/2020

(NEWS)

"G***a phang makna 8 inch knife luak gut khourui akhat pu ta AIIMS hospital khou surgery su kanthe"

By : Bizzare Crowd Newsdesk
Posted on : July 30, 2020 1.23 PM IST

Delhi tuang AIIMS hospital khou akhat pu g***a sinsu tou makna 8 inch knife luak gut kanmei ta lapat dat khang surgery su kanthe tuwe.

Mi katingkum 28 mei pu tat kanmei buh akhat hu khou knife kiu luak gut tuang e tuwe tiki asan mak khou rui kamei nap tuni makna khatni kabung su thao khourui doctor deng tho tat tuang e tuwe. K*ma X-Ray jao rap khou katuang liver lung khou mi luak gut kanmei knife tei nai bamme tumei thai pat tuang e tuwe.

K*ma katummei lung khou Dr. NR Das, Dept of Gastroenterology, rui kapi suna surgery suna mi knife kiu lapat dat kanthe tuwe. Mi patient pu hei Haryana mei e tuwe kuma kamei drug addict e tuwe.

SAY NO TO DRUGS!

(Picture inset - liver khou nai bammei knife tuang xray report)

30/07/2020

(FACTS)

"Kandi khou angak mei kalingmei tuang kasing 10"

By : Bizzare Crowd Staff
Posted on : July 30, 2020 11.32 AM IST

Kandi khou angak mei tuang mak ge tumei ning nu makge.

#1 South Korea khou emergency phone number - 113 - naiye tuwe SPY nun tuang lam khou govt ta tithai lou khang.

#2 Taniang(snails) khou kanei(teeth) kasing 14,000 naiye tuwe.

#3 Mansei nukuang(nose) hei ram rim kajat kasing 50,000 phao ningtou de tuwe.

#4 Kamang(tiger) pum khou kahiak naimei tei kahu khou na ramakna kagi khou ni naiye tuwe. K*ma mi kahiak hei mansei tuang fingerprint kuma bai bai de de tuwe.

#5 Science lad khou gannui(vegetables) ta pingmei mansei ta Lachanophobia tuna kao e tuwe.

#6 K*m 2014 khou Sony rui cassette kasiam patmei khou 1,85,000 GB data lou nu e tuwe.

#7 K*m 2014 khou mansei maan theh tuna fu khang patmei party khou maan kanmei mansei kajao rap ti khourui fu tou dat tuang theh tuwe.

#8 Mr. Bean tuna thaimei kajan chang Rowan Atkinson hei Electrical Engineer de tuwe.

#9 Kandi khou dai liangmei khouringh Blue Whale tuang balei ritmei(weight) hei guipuang akhat tuang ritmei le chamde tuwe.

#10 Arui(snake) hei bengla(earthquake) guang nimei ta thaide tuwe. 120 km dumei bam thangrui guang nimei bengla ta thaide tuwe tingmik jeng 5 hu khou!

30/07/2020

(NEWS)

"Katingkum 30 mei puna akhat joujang na kar**ei akhat katingkum 65 mei ta r**e su khourui police nim kanthe"

By : Bizzare Crowd Newsdesk
Posted on : July 30, 2020 10.18 AM IST

Tamil Nadu tuang Tirupattur district khou katingkum 65 mei kar**ei ta ganpu akhat katingkum 30 joujang na r**e su kanthe tuwe.

R**e sumei puna kajan Raghul hei nou kao mahe khatni kapui le kapu thei bam bamtuang e tuwe. Jingbang akhat Raghul joujang na guang timei tho kapu rui room khou locked sulou kantuang e tuwe. K*ma jip chung 1 AM khou room tuang ventilator cheng pk duak patna kakai deng khou bammei kar**ei ta r**e sutuang e tuwe. Tiki r**e su taan na pak duak pat mak khou kar**ei rui Raghul ta room akhat khou locked sulou na Police ta tithai na nimtou kantuang e tuwe.

Buh charuk(6) hu khou ni North India thangrui guangmei tunapui akhat ta ni r**e sukhang su khourui atao fao case nai dihe tuna police rui tithai pat re. Hei na hamakna Raghul hei guai(cow) ta ni nim tatna r**e suwe tuna kaigei kaining meinun rui sabammei tuwe.

(Representational image)

30/07/2020

(NEWS)

"Delhi khou akhat pu tamai tihou na auto-driver deng khou sian Rs. 85 loot su kanmei ta Police nim kanthe"

By : Bizzare Crowd Newsdesk
Posted on : July 29, 2020 02.13 PM IST

Delhi tuang Defence Colony khou akhat pu kajan Daman Arora rui auto-rickshaw dung thiam na auto-driver ta tamai tihou n sian Rs. 85 loot su kanthe tuwe.

Mi Daman Arora hei medical representative de tuwe. Kamei Andrews Ganj bus stop khourui Defence Colony tat khang tuna auto-rickshaw khou ku dung tuang e tuwe. Auto-rickshaw tat bammei gan khou driver ta tamai tihou na sian loot sutuang e tuwe.

Defence Colony tang rap driver rui police ta alert su khourui police guang na nim kantuang e tuwe.

(Representational image)

22/07/2020

(NEWS)

"Chinamei puna akhat suang min chui hak makmei kha(fish) gan tu khourui mi kha khou naimei jan tumei karik(flesh-eating parasite) rui katuang kathin(liver) tu kasi ngam theh"

By : Bizzare Crowd Newsdesk
Posted on : July 22, 2020 05.02 PM IST

Katingkum 55 mei Chinamei puna akhat kha gan(fish curry) suang min chui hak makmei tu khourui mi puna tuang kathin(liver) ta kha khou naimei jan tumei karik(flesh-eating parasite) rui tu kasi ngam theh tuwe.

Doctor rui samei mi puna tuang liver 50 percent mi karik rui tu kasi ngam theh tuwe. Medical report khou hipat mei "parasitic flatworms" rui mi puna tuang liver lung khou kadooi(eggs) dooi lou ngam theh tuwe.

Mi suang min chui hak makmei kha gan tu khourui mi puna hei buh 4 dougei kapum sina bamtuang theh tuna Hangzhou First People's Hospital tuang doctors nun rui tithai e tuwe.

K*m rap khou doctor jao sin gut rap khou doctor nun angak meituang kathin khou mi karik rui kadooi dooi padik lou na liver tu kasi ngam theh tuwe. K*ma doctors nun rui surgery suna mi puna tuang liver khou g*i makmei lang tei la pat lou kanthe tuwe.

(Picture inset - medical scan of the patient. Source - Asiawire/Hangzhou)

22/07/2020

(NEWS)

"Ruaidupu akhat kai deng mei pu kai khou gut khourui ruaidupu tuang kaipou rui mi kai deng khou lung bammei pu ta bailuai lou kanthe"

By : Bizzare Crowd Newsdesk
Posted on : July 22, 2020 12.45 PM IST

Chennai khou Sasikumar ta Anbalagan le kanou rui bailuai lou kanthe tuwe.

Anbalagan tuang ruaidupu Sasikumar kai lung khou gutna kakai ram su kasi lou khourui Anbalagan le Sasikumar ag*i adap khourui Sasikumar kapanti mak kantuang e tuwe.

Anbalagan rui Sasikumar pi khou tao but rui diang khourui hospital khou Sasikumar ta duang tat mei kapanti mak rei kanthe tuwe.

K*ma ruaidupu kaipou Anbalagan le kanou ta local police nim tat kanthe tuwe.

(Representational image)

22/07/2020

(NEWS)

"Mini-truck tuang driver katingkum 56 mei pu akhat mini-truck tei duidai bammei cheng(flooded road) khou thou gut khourui kapanti mak kanthe"

By : Bizzare Crowd Newsdesk
Posted on : July 22, 2020 10.13 AM IST

Delhi khou Minto Bridge samei pum kabang khou naimei cheng(road) tingrumei dui rui duidai bammei tun mini-truck tuang driver katuang gari thou gut lana gari khou pat dat ngam makna khatni kamei gari khourui pat ngam makna kapanti mak kanthe tuwe.

Mak kanmei driver kajan Kundan K*mar e tuwe. Kamei hei Tata Ace mini-truck New Delhi Railway Station khourui Connaught Place thou tat bam khou mi kummei tuang pat kantuang e tuwe.

Aseiluan Delhi khou peina tingru khourui Delhi khou kabam gasek khou dui thum bamme tuwe.

(Representational image)

19/07/2020

(NEWS)

"Auto-rickshaw driver tuang shirt khou tamlingna(lizard) gut khourui auto-rickshaw accident suna gan akhat pu thei(dead) kanthe"

By : Bizzare Crowd Newsdesk
Posted on : July 19, 2020 07.08 PM IST

Rajkot khou auto-rickshaw driver tuang shirt lung khou tamlingna(lizard) gut khourui driver tamlingna ta lapat gankhang subam khou auto-rickshaw tei control su ngam makna accident suthe.

Accident sumei kiu cheng(road) katin khou tat bammei gan akhat pu katingkum 45 mei ta auto rui guang diang khourui kapanti mak kanthe tuwe.

Driver kajan Bharat Parmar tuang auto rui mi mak kanmei pu ta guang diang rap khou Bharat pak tat makge tuwe tiki hospital tho phung tat lou de tuwe. Tamlingna shirt lung khou gut mei Driver ralou mei pari tei Police kachang ni kamang cho tumei thai khang karam bam theh tuwe.

(Representational image)

18/07/2020

(NEWS)

"Kaikhun akhat meinun g***a nui ta methi samei gannui khonthe tuna ning na g***a tuang sabzi tu kanthe"

By : Bizzare Crowd Newsdesk
Posted on : July 18, 2020 09.12 PM IST

Uttar Pradesh tuang Kannauj district khou kaikhun akhat g***a nui ta methi samei gannui khonthe tuna ning na g***a tuang sabzi suang na tuthe tuwe. Ganjuan mei pu akhat ruig***a nui ta "methi" gannui de tuna kaikhun meinun khou juan lou tuang e tuwe.

Mi g***a tuang sabzi suang tu rap khou kaikhun mei mansei nun kapi suna khatni jipni thao theh tuwe. K*m rap khou kaigei kaining mei nun rui thai pat dat na police khou tithai louna mi ganjuan mei pu ta nim kanthe tuwe.

Police rui ganjuanmei kaipou ta tabui jeng g***a nui sabzi e tuna juan lou tuang cho tuna than khou mi ganjuan mei pu rui chanui sukhang tuna g***a nui juan lou tuang e tuna dao lou e tuwe.

(Representational image)

18/07/2020

(NEWS)

"Coronavirus patient khou ventilator lou bammei tuang plug kakai mansei nun rui sat pat na Air Cooler tuang plug git lou khourui mi coronavirus patient kapanti mak kanthe"

By : Bizzare Crowd Newsdesk
Posted on : July 18, 2020 07.32 PM IST

Rajasthan tuang Kota district khou naimei Maharao Bhimsingh Hospital khou coronavirus patient akhat tuang ventilator kakai mansei nun rui air cooler pat khang ventilator tuang plug sat pat khourui patient tei kapanti mak kanthe tuwe.

K*m rap khou kakai mansei nun kakhuai thai makna doctor le nurse nun ta adap khang suthao e tuwe. K*ma doctor nun rui police complaint tilou kanthe tuwe.

Medical SP Mr. Saxena hospital khou guang khou nurse nun rui poulou e tuwe mak kanmei patient kai mansei nun rui ventilator tuang plug sat pat na air cooler tuang plug git lou na pat khourui patient tei kahak cheng kasi kei chui na mak kantuang e tuwe.

(Representational image of medical ventilator)

18/07/2020

(NEWS)

"Katingkum 10 mei alao chabuan bank khou gut na sian kasing Rs. 10 lakh kaihou la tat kanthe"

By : Bizzare Crowd Newsdesk
Posted on : July 18, 2020 06.43 PM IST

Madhya Pradesh khou alao chabuan akhat katingkum 10 mei na cooperative bank khou gut na cashier tuang drawer khourui sian kasing Rs. 10 lakh kaihou tat kanthe tuwe. Mi kaihou mei tei CCTV rui record sulou ngam de tuwe.

CCTV rui record suloumei video khou jao tiki cashier pu tei kabam khourui matakhat tat pat thei khou mi gandai pu rui alao chabuan ta kaihou khang katiu louna chabuan rui sian tei tup thaona bag khou lou.

Bank khou mansei geina tat pat tat gut bammei gan 11.00 AM khou kaihou tuang e tuwe. Mi alao kahiang (height) tei katitna timei tho cash counter khou line ding bammei mansei nun kaihou bammei ta hou makmei jat re tuwe. K*ma Police atao mi case jao sin gut bamthe tuwe.

(CCTV video below)

https://youtu.be/0TZYqX5ttwQ

Caught On CCTV: Child Steals Rs. 10 Lakh From Bank In Madhya Pradesh INDORE: In a bizarre bank theft, a 10-year-old boy walked in and out with Rs 10 lakh in ...