Pasig Connect
(2)
TINGNAN: Ginawa na ring People’s Street ang Lopez Jaena Sumilang. Idiniin ni Pasig Mayor Vico Sotto na may mga ibang barangay sa lungsod na walang maluwan na open space para sa publiko kaya aniya mahalaga na magkaroon ng free space para sa lahat kahit isang beses lang sa isang linggo.
Source: https://www.facebook.com/VicoSotto/posts/pfbid01UMwrkURvDWJgMqGnaqaiVxFVbfZdw8hi7wJQ9r53NbG6Q5PpBnaRuFScwnCYk35l
TINGNAN: Pinarangalan ng Pasig LGU ang 18 bagong LET passers mula sa PLP. Nakakuha ang lungsod ng 90% passing rate, na mas mataas sa national average.
Makakatanggap naman ng incentive na halagang P50,000 si Elaiza Victoria, na nakaabot sa ika-10 na pwesto sa buong bansa.
Source: https://www.facebook.com/VicoSotto/posts/pfbid0KruZTXwEhVFFsXfyykBeTZDBXsD1P1aVcDWm8bPA1uYzuCF76i5e55awYzTLaNDhl
COMIDA CHINA DE MANILA SA PASIG, MAGSASARA NA MATAPOS ANG 26 NA TAON
INANUNSYO ng Chinese restaurant na Comida China de Manila sa Pasig na magsasara na sila sa katapusan ng Mayo matapos ang 26 na taong pagseserbisyo. Kinumpirma ng naturang restaurant na ang kanilang lupa sa E. Rodriguez Jr Avenue, C5 ay nabenta na. Subalit, dagdag nila ay may plano pa rin silang magbukas ng mas maliit na kainan sa ibang lokasyon sa darating na mga buwan. Itinayo ang Comida China de Manila noong 1996 at naging tanyag ito dahil sa kanilang Cantonese Chinese cuisine.
Source: https://www.rappler.com/life-and-style/food-drinks/comida-china-de-manila-pasig-city-to-close-down-2022/
LALAKI, ARESTADO SA ‘PAGNANAKAW’ NG ALAHAS SA PASIG
NADAKIP ang isang 18-anyos na lalaki matapos umanong manloob at magnakaw sa bahay ng isang estudyante sa Pasig. Inilahad ni alyas “Justin,” ang complainant, na nakita niya ang suspek sa loob ng bahay Barangay Kalawaan nang pumasok sa kaniyang kuwarto. Nagulat pareho ang biktima at suspek at tumakas ang suspek nang dala ang mga alahas ng 20-anyos na estudyante. Dahil dito, agad na nagsumbong ang biktima sa pulisya na ikinahuli ng suspek na residente rin ng parehong barangay. Narekober sa salarin ang relo at singsing ng biktima.
Source: https://news.abs-cbn.com/news/05/15/22/estudyante-ninakawan-ng-alahas-sa-pasig-suspek-huli
TINGNAN: Ang pinuno ng mga tanggapan at departamento mula sa Fiscal, Regulatory, at Economic Sector ng pamahalaang lungsod ng Pasig ay nagtipon-tipon para sa lingguhang Executive Committee Meeting kahapon, Mayo 11.
Source: https://www.facebook.com/PasigPIO/posts/pfbid02UTzSBgVuqjSTo5JXvsLdbJtCAHep2YKrJVoimWrR4fhHNaPg4YHykRWpGoBdJeudl
PAALALA: Maaari nang i-claim ng mga estudyante ng PLP ang kanilang Connectivity Allowance para sa buwan ng Abril at Mayo sa Pamantasan ng Lungsod ng Pasig - Finance Office.
Bisitahin ang opisyal na page ng PLP, https://bit.ly/PLPConnectivityAllowance, upang makita ang buong listahan ng mga estudyante.
Source: https://www.facebook.com/PasigPIO/posts/pfbid02zrrhNVxEhnBp78TKgMiubAnpx7v72dWkpxTcXwfcsYfnyaf8txJLzRNsJmYFp8zml
TINGNAN: Nagpasalamat si Cong. Ricky Eusebio sa pagtanggap ng mga residente mula sa Barangay Sta Rosa; Rosemarie Lane, Kapitolyo; Arkong Bato, Barangay Kapitolyo; at sa Sto Niño, Barangay Oranbo nang siya ay bumisita rito.
Source: https://www.facebook.com/rickyeusebiopasig/posts/pfbid04W57DfmbCMSBL1gs2GjR1a5RHuXBhUpT8QYjdDEbB3gGDUiYXJF9vhGkyvj3Azi1l
TINGNAN: Nagtipon-tipon ang Office of the City Mayor, OGS, HRDO, City Legal Office, MIS, BAC, Office of the City Engineer, PIO, BAO, City Planning, at City Budget Offices para sa lingguhang Executive Committee Meeting kahapon, Mayo 4. Ito ay pinangunahan ng City Administrator ng Pasig.
Source: https://www.facebook.com/PasigPIO/posts/330430119176702
TINGNAN: Nagpasalamat ang Team Pasigueño sa mainit na pagtanggap ng Barangay Sta. Lucia at San Miguel sa kanilang pagbisita. Ito ay pinangunahan ni Mayoral candidate Iyo Bernardo na kasalukuyan ring nagsisilbi bilang bise alkalde sa lungsod.
Source: https://www.facebook.com/TeamIYO2022/posts/165674375907192
TINGNAN: Bumisita ang Team Pasigueño sa pangunguna ni Vice Mayor Iyo Bernardo sa Barangay Bambang upang mapakinggan ang mga saloobin ng mga residente sa naturang barangay.
Source: https://www.facebook.com/TeamIYO2022/posts/165781112563185
PANOORIN: Matagumpay na naisagawa ni Cong. Ricky Eusebio ang kanyang motorcade para sa kanyang pangagampanya. Dahil dito, pinasalamatan niya ang mga volunteers at mga taga-suporta na tumulong sa pagsasagawa nito.
Source: https://fb.watch/cKYsB2tvOe/
TINGNAN: Ang launching ng proyektong “Garbage Collection by Admin" sa Barangay Pinagbuhatan.
Nilalayon ng proyektong ito na mabigyang solusyon ang matagal na suliranin sa koleksyon ng basura sa lungsod.
Magsasagawa ng assessment pagkalipas ng tatlong buwan kung naging matagumpay ba ang Garbage Collection by Admin upang mailunsad rin ito sa mga ibang barangay sa Pasig.
Source: https://www.facebook.com/PasigPIO/posts/326889509530763
TINGNAN: Nag-umpisa na ngayong linggo ang pagpapabakuna ng 2nd booster dose laban sa COVID-19 sa sektor na may comorbidity na edad 18 pataas.
Tatlo ang vaccination sites sa Pasig na nakalaan para rito ngunit ang unang 300 indibidwal bawat site lamang ang maaaring tanggapin kada araw.
Ang mga sumusunod ay ang mga vaccination site na maaaring magpaturok ng 2nd booster dose:
• Pasig Sports Center (Pfizer)
• Pasig Mega Parking II (AstraZeneca at Sinovac)
• Arcovia (AstraZeneca)
Source: https://www.facebook.com/PasigPIO/posts/326346689585045
MAYOR VICO SOTTO, NANGAKONG IPAPAKULONG ANG MGA KORAP NA OPISYAL, MANGGAGAWA SA PASIG
BINALAAN ni Pasig Mayor Vico Sotto ang mga korap na opisyal at empleyado sa city hall na maaari silang makulong kung mahuli sila sa kanilang iligal na gawain. Ibinahagi ni Sotto habang nasa flag-raising ceremony sa city hall nitong Lunes, Abril 25, na nakatanggap ang Pasig LGU ng ulat ukol sa isang senior citizen na humingi ng tulong sa tanggapan ng assessor at hiningan ng P80,000. Dahil dito, inudyok niya ang mga empleyado na isumbong sa Office of the City Administrator ang mga may kinalaman sa korapsyon sa city hall.
Source: https://newsinfo.inquirer.net/1587896/vico-sotto-vows-to-jail-corrupt-city-hall-employees-officials-in-pasig-city
TINGNAN: Bumisita si Cong. Ricky Eusebio sa Barangay San Nicolas upang ibahagi ang kanyang mga plano para sa Pasig. Nagpasalamat naman si Eusebio sa kanyang page dahil sa mainit na pagtanggap ng mga residente sa kanyang pagbisita.
Source: https://www.facebook.com/rickyeusebiopasig/posts/413363657280497
BASAHIN: Magkakaroon ng LIBRENG pagsasaayos ng mga GOVERNMENT ISSUED DOCUMENTS sa Biyernes, Abril 29 mula 9:00 a.m. hanggang 4:00 p.m. sa RAVE Amphitheater sa ilalim ng First Time Jobseekers Assistance Act.
Source: https://www.facebook.com/PasigPIO/posts/325138136372567
TINGNAN: Bumisita si Cong. Ricky Eusebio sa mga residente ng Kalawaan upang ibahagi ang kanyang plataporma para sa lungsod.
Source: https://www.facebook.com/rickyeusebiopasig/posts/413300100620186
TINGNAN: Bumisita si Cong. Ricky Eusebio sa Barangay San Miguel nitong nakaraang linggo. Sa kanyang Facebook post, nagpasalamat si Eusebio sa mga residente ng naturang barangay sa mainit na pagsuporta sa kanyang pagbisita.
Source: https://www.facebook.com/rickyeusebiopasig/posts/412592557357607
TINGNAN: Ang Special Program of the Employment of Students (SPES) Orientation.
Ito ang Batch 2 na orientation para sa SPES na pinangunahan ng Pasig Employment Service Office.
Layunin ng programang ito na mabigyan ng pagkakataong makapagtrabaho ang mga Out of School Youth.
Source: https://www.facebook.com/PasigPIO/posts/324401986446182
‘LIDER’ NG DRUG GROUP, 2 IBA PA, TIMBOG SA MAGKAHIWALAY NA BUY-BUST SA PASIG
ARESTADO sa magkaibang buy-bust operation ang umano’y tatlong big-time supplier ng iligal na droga sa lungsod ng Pasig. Inaresto Tambakan 2, Eusebio Avenue, Barangay San Miguel ang 51-anyos na lider umano ng Janet Baldonado drug group na nag-o-operate sa lungsod at mga karatig na lugar. Nasabat mula sa suspek ang dalawang gramo ng shabu na may halagang P13,600. Samantala, nadakip rin ang top 5 most wanted na si alyas Jeffrey at kanyang kaibigan na si alyas Kalbo sa Barangay San Joaquin matapos makumpiska sa kanila ang 500 gramo ng ma*****na na nagkakahalagang P60,000.
Source: https://news.abs-cbn.com/news/04/23/22/lider-umano-ng-sindikato-huli-sa-buy-bust-sa-pasig
RESIDENTIAL AREA SA PUROK UNO, NASUNOG
SUMIKLAB ang sunog sa isang residential area sa Purok Uno, Barangay Pineda, Pasig nitong Martes, ika-19 ng Abril. Batay sa Bureau of Fire Protection (BFP), itinaas ang unang alarma dakong 1:10 p.m. at umabot ito sa pangalawang alarma dakong 1:23 p.m. Muling itinaas sa pangatlong alarma ang sunog dakong 1:35 p.m. Dagdag ng BFP na humupa naman ang apoy dakong 3:18 p.m. at tuluyan na itong naapula dakong 3:30 p.m.
Source: https://newsinfo.inquirer.net/1584971/fire-hits-residential-area-in-barangay-pineda-pasig-city
TINGNAN: Mainit ang naging pagtanggap kay Cong. Ricky Eusebio nang bumisita siya sa Barangay Pinagbuhatan upang kamustahin ang mga residente rito.
Nagpasalamat rin si Eusebio kina Mangga 1 Pres Fe Dela Cruz, Mangga 2 Phase 2 Nono Braulio, Mangga 2 Phase 3 Pres Judy Braulio, Mangga 2 Phase 3 Pres Domingo Ballon, Heritage Ville Pres Malou Dela Cruz, Maricar Ville Pres Rolly Robredo, Tuazon Ville Pres Nory Calilao, Dilang I Phase 1 Pres Vangy Borja, Dilang I Phase 2 Pres Jojo Estacio, Dilang 2 Phase 1A Pres Jhay Capansana, Dilang 2 Phase 2 Pres Alan Belgado, Dilang 2 Phase 1B Pres Francisco Jimenez, Greatland Pres Neneth Apuya.
Source: https://www.facebook.com/rickyeusebiopasig/posts/409411644342365
TINGNAN: Ang ginanap na Ceremonial Turnover ng Insurance Claim mula sa GSIS.
Pormal nang ipinagkaloob ng Government Service Insurance System sa Pasig LGU ang mahigit P10-M na insurance claim sa ginanap na turnover ceremony nitong Lunes, ika-18 ng Abril matapos ang halos isang taon nang mangyari ang sunog sa Pasig City General Hospital (PCGH).
Ang naturang cheke ay gagamitin upang ituloy ang pagpapaayos ng PCGH.
Source: https://www.facebook.com/PasigPIO/posts/320627596823621
TINGNAN: Schedule ng pagpapabakuna sa lungsod ng Pasig mula ngayong Lunes, ika-18 ng Abril hanggang Sabado, ika-23 ng Abril.
Maaaring tingnan ang larawan upang malaman ang mga bukas na vaccination site sa linggong ito.
Source: https://www.facebook.com/PasigPIO/posts/319748150244899
PASIG TODA, P’WEDE NANG MAGHATID SA PATEROS; PATEROS TODA, MAAARI NA RING MAGBABA HANGGANG SA PASIG
MAAARI nang bumiyahe ang mga pasahero ng Pasig TODA sa bayan ng Pateros, at ang mga pasahero ng Pateros TODA sa lungsod ng Pasig. Sa ilalim ng kasunduan ng dalawang LGU ang mga byahe mula Pasig ay maaaring magbaba ng pasahero sa anumang parte ng Pateros. Samantala, ang mga byahe mula Pateros ay puwede nang ibaba sa Buting, Immaculate Concepcion Cathedral, Kalawaan, Pasig Mega Market, at Meralco Sagad.
Source: https://www.facebook.com/VicoSotto/posts/545459690281707
TINGNAN: Kinilala ang Top 10 Taxpayers ng Business at Real Properties sa Pasig nitong 2021.
Isinagawa ito upang pasalamatan sila sa kanilang pagtulong sa pamahalaang lungsod ng Pasig sa pagtataguyod ng mga importantent proyekto para sa mga residente.
Nakatanggap sila ng certificate na ipinagkaloob sa pangunguna ni Pasig Mayor Vico Sotto.
Source: https://www.facebook.com/PasigPIO/posts/315788237307557
TWITTER ACCOUNT NG PASIG PIO, NA-HACK
NA-HACK ang Twitter account ng Pasig City Public Information Office (PIO) nitong Sabado, ika-9 ng Abril, at nag-tag ng libo-libong account bago ito ma-retrieve kinabukasan. Naglabas ng pahayag ang Pasig PIO na ito ay na-hack dakong alas-10 ng gabi. “We apologize to the owners of the Twitter accounts who have been tagged to the aforementioned tweet and to everyone who has been inconvenienced due to this hacking incident,” ani ng PIO. “While we were able to retrieve the access to the account, we are still working on cleaning it up, specifically deleting the thousands of tweets made by the hacker,” dagdag nito. Nagpasalamat rin ang Pasig PIO sa mga netizen nag-ulat ng naturang insidente at aniya mas hinigpitan na nila ang akses sa account para makaiwas sa ganitong pangyayari.
Source: https://newsinfo.inquirer.net/1581070/twitter-account-of-pasig-city-pio-hacked
TINGNAN: Bumisita at nangamusta si Cong. Ricky Eusebio sa mga manininda at stall owners ng Mega Market. Nagpasalamat rin si Eusebio kay Joey Molina, ang Market Head Administrator, at sa lahat ng officers nito sa kanilang pagtanggap at suporta sa naturang aktibidad.
Source: https://www.facebook.com/rickyeusebiopasig/posts/403083198308543
TINGNAN: Ang pagsusumite at pagbubukas ng bids para sa pagbili ng mga sumusunod na gamit:
1. Supply and Delivery of Various Food Supplies | PCGH Dietary
2. Supply and Delivery of Various Supplies | TPMO
3. Supply and Delivery of Various Chemical and Filtering Supplies | CHD - Sanitation and Dengue Task Force
4. Supply and Delivery of Two-Dimensional Echocardiography with Doppler Machine | PCGH
5. Supply, Delivery, and Installation, Testing, and Commissioning of Equipment for the Automation of Gate Controls, Monitoring Sensors, and Control Center for Pasig PDRRMO Pumping Stations
6. Supply and Delivery of Various Hardware Supplies and Materials | PCCH
7. Supply and Delivery of Various IT Supplies | PCDRRMO
8. Supply and Delivery of Materials and Other Equipment - GenSet Maintenance | City Engineering Office
9. Supply and Delivery of Various Tools and Supplies for the Conduct of Repair, Maintenance, and Network Cabling, including Items for Retrofitting, and Movement of Offices | MIS (Re-bid)
Source: https://www.facebook.com/PasigPIO/posts/313672420852472
MAYOR VICO SOTTO, INIULAT ANG MGA TAGUMPAY NG PASIG SA SEKTOR NG EDUKASYON
INIULAT ni Pasig Mayor Vico Sotto nitong Lunes, ika-4 ng Abril ang tagumpay ng kanyang administrasyon sa pagpapa-unlad ng sektor ng edukasyon sa lungsod sa gitna ng pandemya. Inihayag ni Sotto sa kanyang Facebook post na simula 2019 ay nagpatupad na ang Pamantasan ng Lungsod ng Pasig (PLP) ng Unified Student Financial Assistance System for Tertiary Education na naglalayong magkaroon ng libreng tuition ang mga estudyante. Nakatanggap rin ang mga mag-aaral ng PLP ng gadgets mula sa LGU para sa distance learning at ng connectivity allowance na nagkakahalagang P500 kada buwan. Higit pa rito, dinagdagan rin ng Pasig LGU ang kanilang scholars na dating 12,000 at ngayon ay 20,000 sa kabila ng pandemya. Ayon kay Sotto, dadagdagan pa nila ang bilang ng scholars bawat taon kung pasok ang mga aplikante sa income bracket.
Source: https://mb.com.ph/2022/04/05/mayor-vico-bares-accomplishments-in-pasig-education-sector/
TINGNAN: Bumisita si Senatorial aspirant Atty. Chel Diokno nitong Miyerkules, ika-6 ng Abril kay Pasig Mayor Vico Sotto at ipinakita ang isang artwork na ginawa ni Marcus Azcarraga. Ayon kay Diokno, si Azcarraga ay isang first-time voter at nang nabalitaan niya ang pagbisita ni Diokno ay naisipan niyang ipinta ang kanilang mga mukha.
“Thank you, Marcus! And thank you, Mayor Vico, for being an example of great leadership for our youth! It was an honor to talk to you today about our platform of bringing free legal services to every barangay in Pasig,” saad ni Diokno sa kanyang Twitter.
Source: https://www.facebook.com/philstarnews/posts/10167061775420713
TINGNAN: Bumisita si Cong. Richard “Ricky” Eusebio sa Hernandez Compound, Barangay San Joaquin upang kamustahin ang kalagayan ng mga residente roon.
Nakiisa rin sa pangangamusta sina Pres. Mayla Sarabia, Kgd. Nelia Munsod, Kgd. Boy Cayton, Kgd. Okut, at Kgd Amparing.
Source: https://www.facebook.com/rickyeusebiopasig/posts/399140162036180
CALL CENTER AGENT, ARESTADO SA DRUG OPERATION SA PASIG
INARESTO ang isang 26-anyos na isang call center agent sa Caruncho Avenue, Barangay San Nicolas, Pasig City matapos siyang harangin dahil sa hindi pagsusuot ng helmet. Nagsagawa ang pulisya ng Pasig ng operasyon nitong Sabado, ika-2 ng Abril nang dumaan si alyas Lip sa checkpoint nang walang suot na helmet at walang headlight ang minamanehong motorsiklo. Nadiskubre ng mga pulis ang 205 grams na shabu na nagkakahalagang P24,624 nang mag-inspeksyon sa trunk ng motor. Humaharap ang suspek sa kasong paglabag sa Comprehensive Dangerous Drugs Act.
Source: https://news.abs-cbn.com/news/04/04/22/call-center-agent-huli-sa-drug-bust-sa-pasig
TINGNAN: Inimbita si Cong. Richard “Ricky” Eusebio na maging sponsor ng 10 batang bininyagan sa Barangay Rosario.
Kasama rin sa aktibidad sina Kagawad Angie Roldan, Konsehal Steve De Asis, at Konsehala Syvel Asilo.
Source: https://www.facebook.com/rickyeusebiopasig/posts/399133218703541
TINGNAN: Naimbitahan si Cong. Ricky Eusebio ng Frontliners Party list sa Brgy. Manggahan upang magsalita sa kanilang pangangampanya.
Kasama sa naturang programa sina Asec. Celine Pialago, Kap. Shiela De Asis, Konsi Steve De Asis, at Konsehala Syvel Asilo.
Source: https://www.facebook.com/rickyeusebiopasig/posts/396518455631684
G**O, JAPANESE NATIONAL, PATAY MATAPOS SAKSAKIN SA PASIG
NASAWI ang isang g**o ng pampublikong paaralan at 72-taong-gulang na Hapon sa Pasig matapos saksakin kasintahan ng biktimang g**o. Kinilala ang mga biktima na sina Anna Marie Dalusong, 39, at Yasunori Mori na natagpuang may mga saksak sa kanilang tahanan sa Barangay Manggahan nitong Lunes, ika-28 ng Marso. Ayon sa pulisya, idineklara silang dead on arrival sa Pasig City General Hospital. Si Mori ang asawa ng tiyahin ni Dalusong, ayon kay Eastern Police District chief Brig. Gen. Orlando Yebra. Batay sa kuha ng CCTV, namataan si Christian Llona na kasintahan ni Dalusong na lumalabas ng naturang bahay dala ang isang itim na backpack at isang 32-inch flat screen television. Nagtamo umano ang mga biktima ng mga saksak sa iba’t ibang parte ng kanilang katawan. Inaresto si Llona sa follow-up operation at sinabing self-defense umano ang kanyang ginawa matapos atakihin ni Mori.
Source: https://www.philstar.com/nation/2022/04/01/2171362/teacher-japanese-stabbed-dead-pasig
VICE MAYOR IYO BERNARDO, TUTOL SA PAGTALAGA NG MGA ‘DI TAGA-PASIG SA MATAAS NA PWESTO SA CITY HALL
TINUTUTULAN ni Vice Mayor Iyo Bernardo ang pagtatalaga ng mga hindi nakatira sa Pasig na humawak ng mataas na posisyon sa city hall. Nabanggit niya ito sa kanyang kampanya nitong Miyerkules, ika-30 ng Marso. “Meron po bang taga-Quezon City, Taguig, San Juan na taga-city hall ngayon?” tanong ni Bernardo sa mga dumalo sa kanyang kampanya kung saan sumagot ng oo ang ilan. “Kaya ko lang naman sinasabi sa inyo, ako hindi ako papayag na meron tayong city hall, ang lahat ng mga taga-rank and file, taga-Pasig, pero ang lahat ng boss - yung mga supervisor, department head - ay taga-Quezon City, Taguig, San Juan?" ani Bernardo. "Eh, mga kapwa ko Pasiguenyo, hindi naman tayo dapat pumapayag ng ganun eh. Hindi ko rin kasi maintindihan kung bakit walang bilib sa kakayahan ng mga taga-Pasig," dagdag ng bise alkalde. "Alam niyo, wala namang magmamahal sa kapwa Pasiguenyo kung hindi tayo-tayo lang po eh.”
Source: https://news.abs-cbn.com/news/03/31/22/pasig-vice-mayor-tutol-sa-pagtalaga-ng-mga-di-taga-lungsod-sa-mataas-na-pwesto-sa-city-hall
TINGNAN: Nangamusta si Cong. Ricky Eusebio sa Fire and Rescue Volunteer Group Inc. Ayon kay Eusebio, mainit siyang tinanggap nina Pres. Jim Maglipon, Fire Chief Rhollen Honrada, Maybunga Rescue Fire Chief Kgd. Nikki Go, Deputy Fire Chief Emong Cubangbnag, Kgd. Erwin Alvarez, at Kgd. Ren Concepcion sa kanyang pagbisita.
Source: https://www.facebook.com/rickyeusebiopasig/posts/396082912341905
TINGNAN: Bumisita nang personal si Cong. Ricky Eusebio sa mga senior citizen ng Barangay Sumilang upang kamustahin ang kanilang kalagayan at makinig sa kanilang mga panawagan.
Kasama sa pagbisita sina Pres. Jimmy Escall, at Kgd. Gerardo Cruz.
Source: https://www.facebook.com/rickyeusebiopasig/posts/396516378965225
Be the first to know and let us send you an email when Pasig Connect posts news and promotions. Your email address will not be used for any other purpose, and you can unsubscribe at any time.
Want your business to be the top-listed Media Company?
