Critter craze education & jobs

17/12/2024

15/12/2024

തൊഴിൽമേള സംഘടിപ്പിക്കുന്നു
തിരുവനന്തപുരം മോഡൽ ജില്ലാ എംപ്ലോയ്മെന്റ് എക്സ്ചേഞ്ച്, എംപ്ലോയബിലിറ്റി സെന്റർ എന്നിവയുടെ ആഭിമുഖ്യത്തിൽ ഡിസംബർ 28ന് നിയുക്തി 2024 മിനി തൊഴിൽമേള സംഘടിപ്പിക്കുന്നു. തിരുവനന്തപുരം ജില്ലയിലെ തൊഴിൽദായകരെയും ഉദ്യോഗാർഥികളെയും പങ്കെടുപ്പിച്ചുകൊണ്ട് നടത്തുന്ന തൊഴിൽമേള കഴക്കൂട്ടം വിമെൻസ് ഐ.ടി.ഐയിലാണ് സംഘടിപ്പിക്കുന്നത്. ഐ.ടി, ഓട്ടോമൊബൈൽ, മാർക്കറ്റിങ് തുടങ്ങിയ രംഗങ്ങളിലുള്ള ഇരുപതിൽപരം പ്രമുഖ തൊഴിൽ ദായകർ പങ്കെടുക്കും. എസ്.എസ്.എൽ.സി, പ്ലസ്ടു, ഐ.ടി.ഐ, ഡിപ്ലോമ, ബിരുദം, ബിരുദാനന്തര ബിരുദം, ബി.ടെക് ട്രാവൽ ആൻഡ് ടൂറിസം, യോഗ്യത ഉള്ളവർക്കായി 500ൽപരം ഒഴിവുകളുണ്ട്. കൂടുതൽ വിവരങ്ങൾക്ക്: 8921916220, 0471-2992609.

13/12/2024

വാഹനങ്ങള്‍ ആവശ്യമുണ്ട്


പാലക്കാട് ജില്ലയിലെ പട്ടാമ്പി, ആലത്തൂര്‍, ചിറ്റൂര്‍, മണ്ണാര്‍ക്കാട് എന്നീ താലൂക്കുകള്‍ക്ക് കീഴില്‍ വരുന്ന വില്ലേജ് ഓഫീസുകളിലെ ഭൂമി തരം മാറ്റം അപേക്ഷകളുടെ അതിവേഗ തീര്‍പ്പാക്കലിനായി ഫീല്‍ഡ് പരിശോധനകള്‍ നടത്തുന്നതിന് ഒരു വര്‍ഷ കാലയളവിലേയ്ക്കായി ഏഴു വാഹനങ്ങള്‍ ആവശ്യമുണ്ട്. മൂന്നു വര്‍ഷത്തില്‍ കൂടുതല്‍ പഴക്കം ഇല്ലാത്ത നാലു ചക്ര വാഹനങ്ങള്‍ ആയിരിക്കണം. ജീപ്പ്, ബൊലീറോ, സ്‌കോര്‍പിയോ പോലുള്ള ഓഫ് റോഡ്/ ഓണ്‍റോഡ് ഉപയോഗങ്ങള്‍ക്ക് പറ്റിയ വാഹനങ്ങളായിരിക്കണം. 1500 കിലോമീറ്റര്‍ ഓടുന്നതിനു പ്രതീക്ഷിക്കുന്ന മാസ വാടക സംബന്ധിച്ച ക്വട്ടേഷന്‍ ഡിസംബര്‍ 27 ന് വൈകീട്ട് അഞ്ചു മണിക്കകം പാലക്കാട് കളക്ടറേറ്റില്‍ ലഭിക്കണം. ക്വട്ടേഷനുകള്‍ ഡിസംബര്‍ 28 ന് രാവിലെ 10 മണിക്ക് തുറന്ന് പരിശോധിക്കും. കൂടുതല്‍ വിവരങ്ങള്‍ക്ക് ഫോണ്‍: 0491 2505309.

Critter craze education & jobs Palakkad

12/12/2024

സംസ്ഥാനത്ത് കനത്ത മഴ സാഹചര്യം കണക്കിലെടുത്ത് പത്തനംതിട്ട, എറണാകുളം, ഇടുക്കി ജില്ലകളിൽ കേന്ദ്ര കാലാവസ്ഥാ വകുപ്പ് റെഡ് അലർട്ട് പ്രഖ്യാപിച്ചു.

തിരുവനന്തപുരം, കൊല്ലം, ആലപ്പുഴ,
കോട്ടയം, തൃശൂർ ജില്ലകളിൽ ഓറഞ്ച് അലർട്ട് ആണ്.

പാലക്കാട്, മലപ്പുറം, കോഴിക്കോട്, വയനാട് ജില്ലകളിൽ മഞ്ഞ അലർട്ട് പ്രഖ്യാപിച്ചിട്ടുണ്ട്.

പൊതുജനങ്ങൾ ജാഗ്രത പാലിക്കണം. ആവശ്യമായ മുൻകരുതലുകൾ സ്വീകരിക്കണം.

(Update at 1 PM; 12.12.2024)

12/12/2024

12/12/2024

സൗജന്യ ചികിത്സ

തിരുവനന്തപുരം ഗവൺമെൻ്റ് ആയുർവേദ കോളേജ് ഒലിഗോസ്പേർമിയ ബീജസംഖ്യ ആശുപത്രിയിൽ (പുരുഷന്മാരിൽ കുറവുള്ള അവസ്ഥ)-യ്ക്ക് ഗവേഷണാടിസ്ഥാനത്തിൽ സൗജന്യ ചികിത്സ നൽകുന്നു. രണ്ടാം നമ്പർ കായ ചികിത്സ ഓ.പിയിൽ തിങ്കൾ മുതൽ വെള്ളി വരെ രാവിലെ 8 മുതൽ വൈകിട്ട് മൂന്ന് വരെയാണ് ചികിത്സ ലഭിക്കുന്നത്. കൂടുതൽ വിവരങ്ങൾക്ക്

9645210053

12/12/2024

സൗജന്യ പിഎസ്‌സി പരിശീലനം

എംപ്ലോയ്മെന്റ് വകപ്പിന്റെ സമന്വയ പദ്ധതിയുടെ ഭാഗമായി പട്ടികജാതി / പട്ടികവർഗ ഉദ്യോഗാർഥികൾക്കായുള്ള സൗജന്യ പിഎസ്‌സി പരീക്ഷാ പരിശീലന പരിപാടി തിരുവനന്തപുരം പ്രൊഫഷണൽ ആൻഡ് എക്സിക്യൂട്ടീവ് എംപ്ലോയ്മെന്റ് ഓഫീസിനോടൊപ്പം പ്രവർത്തിച്ചുവരുന്ന കോച്ചിങ് കം ഗൈഡൻസ് സെന്ററിൽ നടത്തുന്നു.

പരിശീലന പരിപാടിയിൽ ആദ്യം രജിസ്റ്റർ ചെയ്യുന്ന 25 പേർക്ക് സ്റ്റൈപ്പെന്റോടെ പരിശീലനത്തിൽ പങ്കെടുക്കാനാകും. താത്പര്യമുള്ള പട്ടികജാതി പട്ടികവർഗത്തിൽപ്പെട്ട ഉദ്യോഗാർഥികൾ തിരുവനന്തപുരം തമ്പാനൂർ കെഎസ്ആർടിസി ടെർമിനലിന്റെ പത്താം നിലയിൽ പ്രവർത്തിച്ചുവരുന്ന പ്രൊഫഷണൽ ആൻഡ് എക്സിക്യൂട്ടീവ് എംപ്ലോയ്മെന്റ് ഓഫീസിൽ നേരിട്ട് ഹാജരായി രജിസ്റ്റർ ചെയ്യണം. കൂടുതൽ വിവരങ്ങൾക്ക് : 0471-2330756, 8547676096.

12/12/2024

കിറ്റ്സിൽ സൗജന്യ കോഴ്സുകൾ വനിതകൾക്ക്

സംസ്ഥാന ടൂറിസം വകുപ്പിന് കീഴിൽ പ്രവർത്തിക്കുന്ന കേരള ഇൻസ്റ്റിറ്റ്യൂട്ട് ഓഫ് ടൂറിസം ആൻഡ് ട്രാവൽ സ്റ്റഡീസ് (കിറ്റ്സ്) നടത്തുന്ന ഹൃസ്വകാല സൗജന്യ/സ്കോളർഷിപ്പോടു കൂടിയ കോഴ്സുകൾക്ക് അപേക്ഷിക്കാം. എല്ലാ കോഴ്സുകളും തൊഴിൽ ലഭ്യമാക്കുന്നതിന് ഉതകുന്നവയും നൈപുണ്യ വികസനത്തിന് ഊന്നൽ നൽകുന്നവയും ഇന്റേൺഷിപ്പ്/ഓൺ ദി ജോബ് ട്രെയിനിംഗ് ഉള്ളവയും ആണ് വിജയകരമായി പഠനം/പരിശീലനം പൂർത്തിയാക്കുന്നവർക്ക് പ്ലേയ്സ്മെന്റ് സൗകര്യം ഒരുക്കും.

ഫ്രണ്ട് ഓഫീസ് അസോസിയേറ്റ്, മൾട്ടി –ക്യൂസീൻ-കുക്ക് കോഴ്സുകളിലേക്കും സംസ്ഥാന ടൂറിസം വകുപ്പ് നൽകുന്ന സ്കോളർഷിപ്പോടെ സ്ത്രീകൾക്ക് മാത്രമായി നടത്തുന്ന മൾട്ടി-സ്കിൽ ഹോസ്പിറ്റാലിറ്റി എക്സിക്യൂട്ടീവ് കോഴ്സിലേക്കും അപേക്ഷിക്കാം.

അപേക്ഷിക്കുന്ന കോഴ്സ്, യോഗ്യത, മേൽവിലാസം തുടങ്ങിയ വിവരങ്ങൾ ഉൾപ്പെടുത്തി ഡയറക്ടർ, കിറ്റ്സ്, റെസിഡൻസി, തൈക്കാട്, തിരുവനന്തപുരം 695014 വിലാസത്തിൽ ഡിസംബർ 19നകം വെള്ളപേപ്പറിൽ അപേക്ഷ സമർപ്പിക്കണം. കൂടുതൽ വിവരങ്ങൾക്ക്: www.kittsedu.org.

12/12/2024

സ്വത്ത് വിവരം സ്പാർക്കിൽ നൽകണം

പാർട്ട് ടൈം ജീവനക്കാരൊഴികെയുള്ള എല്ലാ സർക്കാർ ജീവനക്കാരും 2024-ലെ സ്വത്ത് വിവരം സ്പാർക്ക് സോഫ്റ്റ്‌വെയർ മുഖേന ഓൺലൈനായി സമർപ്പിക്കണമെന്ന് ജനുവരി 15 ഉദ്യോഗസ്ഥ നകം ഭരണ പരിഷ്കരണ വകുപ്പ് സർക്കുലർ ഇറക്കി. വാർഷിക സ്വത്ത് വിവര പത്രിക യഥാസമയം സമർപ്പിക്കുന്നതിൽ വീഴ്ച വരുത്തുന്നത് ശിക്ഷണ നടപടികൾക്ക് കാരണമാകുമെന്നും അത്തരം ജീവനക്കാരെ സ്ഥാനക്കയറ്റം, സ്ഥലംമാറ്റം എന്നിവയ്ക്ക് പരിഗണിക്കില്ലെന്നും വ്യക്തമാക്കിയിട്ടുണ്ട്.

10/12/2024

ക്രിസ്മസ്, നവവത്സര ആഘോഷങ്ങളിൽ ദീപാലങ്കാരം നടത്തുമ്പോൾ ജാഗ്രത പുലർത്തണമെന്ന് KSEB

* ഗുണമേന്മ കുറഞ്ഞ പ്ലാസ്റ്റിക് ഇൻസുലേറ്റഡ് വയറുകൾ ഒഴിവാക്കുക

* ലോഹനിർമിതമായ പ്രതലങ്ങളിൽ സുരക്ഷാ മാനദണ്ഡങ്ങൾ പാലിച്ചുമാത്രം ദീപാലങ്കാരം നടത്തുക

* പ്ലഗ്, സ്വിച്ച് എന്നിവ ഉപയോഗിച്ചുമാത്രം വൈദ്യുത കണക്ഷൻ എടുക്കുക, വയർ നേരിട്ട് പ്ലഗ് സോക്കറ്റിൽ കുത്തരുത്

* വയറിൽ മൊട്ടുസൂചി/സേഫ്റ്റി പിൻ കുത്തി കണക്ഷനെടുക്കരുത്.
#

09/12/2024

പ്രവാസി ക്ഷേമനിധി അംഗത്വ ക്യാമ്പയിന് തുടക്കം

പ്രവാസി ക്ഷേമനിധി അംഗത്വ ക്യാമ്പയിന് തുടക്കം
പ്രവാസികേരളീയർക്കായി സംസ്ഥാനസർക്കാർ സ്ഥാപനമായ കേരള പ്രവാസി കേരളീയ ക്ഷേമബോർഡിന്റെ അംഗത്വ ക്യാമ്പയിനിന് 2024 ഡിസംബർ 30ന് തിരുവനന്തപുരത്ത് തുടക്കമാകും (വേദി: റെയിൽ കല്യാണമണ്ഡപം, തമ്പാനൂർ). ഇതിനു ശേഷം മറ്റു ജില്ലകളിലും അംഗത്വ ക്യാമ്പയിൻ സംഘടിപ്പിക്കാനാണ് തീരുമാനം. പുതുതായി അംഗത്വം എടുക്കാനും അംഗങ്ങൾക്ക് അംശദായ കുടിശ്ശിക അടയ്ക്കാനും അംഗത്വം റദ്ദായവർക്ക് പിഴയും കുടിശ്ശികയും അടച്ച് അംഗത്വം പുതുക്കുവാനും കഴിയും. സേവനങ്ങൾ www.pravasikerala.org വെബ്സൈറ്റിൽ ലഭിക്കും. പുതിയ അംഗത്വത്തിന് അപേക്ഷനൽകുന്നവർ വെബ്സൈറ്റ് മുഖേന രജിസ്റ്റർ ചെയ്തതിന്റെ രസീതിന്റെ പകർപ്പുമായി എത്തിയാൽ വേദിയിൽ തന്നെ പരിശോധിച്ച് അനുമതി നൽകാനാകും. നേരിട്ട് ഹാജരാകുന്നവർ അംഗത്വകാർഡും മറ്റ് അവശ്യരേഖകളും കരുതണം.

പി.എൻ.എക്സ്. 5534/2024

Welcome to a world of innovative welfare schemes designed to elevate the quality of life of Malayalees who choose to return to homeland.

05/12/2024

കെൽട്രോണിൽ ഹ്രസ്വകാല കോഴ്സുകൾ

പൊതുമേഖലാ സ്ഥാപനമായ കെൽട്രോൺ ബി.ടെക്/ എംസിഎ/ ബിസിഎ/ബിഎസ്‌സി/ബി.കോം/ ബിഎ/ഡിപ്ലോമ കഴിഞ്ഞവരിൽ നിന്നും തൊഴിൽ സാധ്യതയേറിയ വിവിധ കോഴ്സുകളിലേക്ക് അപേക്ഷ ക്ഷണിച്ചു. എംബഡഡ് സിസ്റ്റ് ഡിസൈൻ, വെബ് ആപ്ലിക്കേഷൻ ഡെവലപ്മെന്റ്, ഐടിഇഎസ് ആൻഡ് ബിപിഒ, സോഫ്റ്റ്‌വെയർ ടെസ്റ്റിങ്, ഇലക്ട്രോണിക്സ് ടെക്നീഷ്യൻ, ഹാർഡ്‌വെയർ ആൻഡ് നെറ്റ്‌വർക്കിങ്‌ കോഴ്സുകളിലാണ് പ്രവേശനം. 2 മുതൽ 6 മാസം വരെ ദൈർഘ്യമുള്ള കോഴ്സുകളാണിവ. കൂടുതൽ വിവരങ്ങൾക്ക് കെൽട്രോൺ നോളജ് സെന്റർ, സിറിയൻ ചർച്ച് റോഡ്, സെപ്ൻസർ ജങ്ഷൻ, തിരുവനന്തപുരം-1 വിലാസത്തിലോ 7356789991/8714269861 നമ്പറുകളിലോ ബന്ധപ്പെടുക.

03/12/2024

സംരംഭകത്വ റെസിഡെൻഷ്യൽ വർക്ക്ഷോപ്പ്
പുതിയ സംരംഭം തുടങ്ങാൻ താൽപര്യമുള്ള സംരംഭകർക്കായി അന്താരാഷ്ട്ര തൊഴിൽ സംഘടനയും വ്യവസായ വാണിജ്യ വകുപ്പിന്റെ സംരംഭകത്വ വികസന സ്ഥാപനമായ കേരള ഇൻസ്റ്റിറ്റ്യൂട്ട് ഫോർ എന്റർപ്രണർഷിപ്പ് ഡെവലപ്പ്‌മെന്റും ചേർന്ന് എട്ട് ദിവസത്തെ വർക്ക്ഷോപ്പ് സംഘടിപ്പിക്കും. ഡിസംബർ 5 മുതൽ 13 വരെ കളമശേരിയിലെ കീഡ് ക്യാമ്പസ്സിലാണ് പരിശീലനം. താത്പര്യമുള്ളവർ http://kied.info/training-calender/ ൽ ഓൺലൈനായി അപേക്ഷ സമർപ്പിക്കണം. തിരെഞ്ഞെടുക്കപ്പെടുന്ന 30 പേർ മാത്രം ഫീസ് അടച്ചാൽ മതി. കൂടുതൽ വിവരങ്ങൾക്ക്: 0484 2532890 / 2550322/9188922800.

27/11/2024

എക്‌സ്‌പോർട്ട് ഇംപോർട്ട് പരിശീലനം

വ്യവസായ വാണിജ്യ വകുപ്പിന്റെ സംരംഭകത്വ വികസന ഇൻസ്റ്റിറ്റൂട്ടായ കേരള ഇൻസ്റ്റിറ്റ്യൂട്ട് ഫോർ എന്റർപ്രണർഷിപ്പ് ഡവലപ്‌മെന്റ് (KIED) 3 ദിവസത്തെ എക്‌സ്‌പോർട്ട് ഇംപോർട്ട് പരിശീലനം സംഘടിപ്പിക്കുന്നു. ഡിസംബർ 3 മുതൽ 5 വരെ കളമശ്ശേരിയിലുള്ള KIED ക്യാമ്പസ്സിലാണ് പരിശീലനം. എം എസ് എം ഇ മേഖലയിലെ സംരംഭകർക്കും സംരംഭരാകുവാൻ താത്പര്യമുള്ളവർക്കും പരിശീലനത്തിൽ പങ്കെടുക്കാം.

താമസമുൾപ്പെടെ 2,950 രൂപയാണ് 3 ദിവസത്തെ പരിശീലനത്തിന്റെ ഫീസ്. താമസം ആവശ്യമില്ലാത്തവർക്ക് 1,200 രൂപയാണ് ഫീസ്. പട്ടികജാതി-പട്ടികവർഗ്ഗ വിഭാഗത്തിൽപെട്ടവർക്ക് താമസം ഉൾപ്പെടെ 1,800 രൂപയും താമസം കൂടാതെ 800 രൂപയുമാണ് പരിശീലനത്തിന്റെ ഫീസ്. താത്പര്യമുള്ളവർ http://kied.info/training-calender/ ൽ നവംബർ 30 ന് മുൻപ് അപേക്ഷ സമർപ്പിക്കണം. തിരഞ്ഞെടുക്കപ്പെടുന്ന 35 പേർ ഫീസ് അടച്ചാൽ മതി. കൂടുതൽ വിവരങ്ങൾക്ക്: 0484 2532890/0484 2550322/ 9188922785.

പി.എൻ.എക്സ്. 5314/2024

Training Calender UPCOMING PROGRAMMES   SI.NO PROGRAMME TITLE PARTICIPANTS BATCH SIZE DURATION (Days) FROM TO TRAINING MOD MORE 60 AI in MSMEs Aspiring and Existing Entrepreneurs 35 3 06.11.2024 08.11.2024 Offline Apply Online 59 Tech Horizon-Digital Marketing Workshop Aspiring and Existing Entrepr...

25/11/2024

മരങ്ങള്‍ ലേലം ചെയ്യും

മലപ്പുറം എം.എസ്.പി ഹെഡ്ക്വാര്‍ട്ടര്‍ ക്യാമ്പില്‍ കാറ്റിലും മഴയിലും വീണ പൊടുവെണ്ണി, വെള്ള പൊടുവെണ്ണി, ചീനി, പാറകം എന്നീ മരങ്ങള്‍ മുറിച്ചുനീക്കാന്‍ ഡിസംബര്‍ 12ന് രാവിലെ 11ന് എം.എസ്.പി ആസ്ഥാനത്ത് പൊതുലേലം നടക്കും. ലേലത്തില്‍ പങ്കെടുക്കുന്നവര്‍ 2280 രൂപ നിരതദ്രവ്യം ലേല ദിവസം രാവിലെ 10.30ന് മുമ്പ് അടച്ച് രസീതി വാങ്ങണം. ലേല ദിവസത്തിന് മുമ്പുള്ള ദിവസങ്ങളില്‍ രാവിലെ 11 മുതല്‍ വൈകീട്ട് നാല് വരെ ബന്ധപ്പെട്ട ഓഫിസര്‍ ചുമതലപ്പെടുത്തുന്ന ഉദ്യോഗസ്ഥന്റെ സാന്നിധ്യത്തില്‍ ലേലവസ്തു പരിശോധിക്കാം. പരിശോധനക്ക് വരുന്നവരും ലേലത്തില്‍ പങ്കെടുക്കുന്നവരും തിരിച്ചറിയല്‍ കാര്‍ഡുമായി എത്തണം.

25/11/2024

*സംരംഭകത്വ ശില്പശാല 30 ന്*

കേന്ദ്ര സൂക്ഷ്മ- ചെറുകിട- ഇടത്തര സംരംഭ മന്ത്രാലയം, എം.എസ്.എം. ഇ ഡെവലപ്മെന്റ് ആൻഡ് ഫെസിലിറ്റേഷൻ ഓഫീസ് തൃശ്ശൂർ, പടിഞ്ഞാറ്റുമുറി എം.എ.എഫ്.എം ചാരിറ്റബിൾ ട്രസ്റ്റ് എന്നിവ സംയുക്തമായി ഏകദിന സംരംഭകത്വ ശില്പശാല സംഘടിപ്പിക്കുന്നു. നവംബർ 30 ന് ശനി മലപ്പുറം പടിഞ്ഞാറ്റുമുറി ഫസ്ഫരി കാമ്പസിൽ നടക്കുന്ന പരിപാടിയിൽ പങ്കെടുക്കുന്നതിന് 8891240391നമ്പറിൽ രജിസ്റ്റർ ചെയ്യാം.

25/11/2024

25/11/2024

തണുപ്പ് കാലത്ത് ഉലുവ കഴിക്കാം

തണുപ്പുകാലത്ത് ഉലുവ കഴിക്കുന്നതു കൊണ്ടുള്ള ആരോഗ്യ ഗുണങ്ങൾ എന്തൊക്കെയെന്ന് അറിയാം... തണുത്ത കാലാവസ്ഥയിൽ ഉലുവയുടെ ഇലകൾ കഴിക്കുന്നത് ശരീരത്തിൽ ചൂട്

നിലനിർത്താൻ സഹായിക്കും. രോഗ പ്രതിരോധശേഷി വർധിപ്പിക്കാനും ഇവ സഹായിക്കും. ഉലുവയിലും ഉലുവയുടെ ഇലയിലും ഫൈബർ ധാരാളം അടങ്ങിയിട്ടുണ്ട്. അതിനാൽ ഇവ ദഹനം മെച്ചപ്പെടുത്താനും സഹായിക്കും. കുതിർത്ത ഉലുവ കഴിക്കുന്നത് രക്തത്തിലെ പഞ്ചസാരയുടെ അളവ് നിയന്ത്രിക്കുന്നതിൽ സഹായിക്കും. പ്രകൃതിദത്തമായ ലയിക്കുന്ന ഫൈബറായ ഗാലക്ടോമാനൻ രക്തത്തിലേക്കുള്ള പഞ്ചസാരയുടെ ആഗിരണം കുറയ്ക്കാൻ സഹായിക്കുമെന്ന് പഠനങ്ങൾ ചൂണ്ടിക്കാണിക്കുന്നു. നെഞ്ചെരിച്ചിലും അസിഡിറ്റിയും അകറ്റാനും ഇവ സഹായിക്കും. ഇതിനായും ഭക്ഷണത്തിൽ ഉലുവയില കഴിക്കാം. ഭക്ഷണത്തിനു മുമ്ബായി ഉലുവ കഴിക്കുന്നതും നെഞ്ചെരിച്ചിൽ തടയും.