Hiwa Pdk (2024)

25/11/2021

ئەمڕۆ لەگەڵ هەڤاڵانم بەرپرسی ناوچەی هێزی ناوخۆ و بەرپرسی ناوچەی هەریر و هەڤاڵانی هەردوو ناوچە و بەڕێوەبەری ناحیەی هەریر و بەڕێوەبەری پۆلیسی شەقڵاوە و ئەفسەرانی هێزەکانی ناوخۆ، سەردانی ماڵی پۆلسێکی شەهید و چەند پۆلیسێکی بریندارمان کرد، کە ماوەیەک لەمەوبەر لە پێناو پاراستنی گیانی هاوڵاتیاندا لەدوو ڕوداوی نەخوازراو پێکرابوون.

24/11/2021

ئەمڕۆ بەیاوەری هەڤاڵانی کارگێڕ و لیژنەی ناوچەی بالیسان سەردانی چەند کەسایەتیەکمان لە گوندەکانی( خەتێ وبیڕۆ وسپیلکە) کرد.
بەخزمەت زۆر کەسی کۆمەڵایەتی و ئاینی و پێشمەرگە و ئەفسەران و فەرماندەی سەربازی و هاوڵاتیانی سنوورەکە گەیشتین .
خەڵکی ئەو گوندانە نموونەی میواندۆستی و ڕێزگرتن و وەفادارین.
ئەوێ هەمیشە لانکەی شۆش و بەرخۆدان بووە، بۆیە زۆر پێویستە حکومەتی هەرێم ئەوەی لەتوانایدابێ وەک هەمیشە بۆ خزمەتی ناوچەکە درێغی نەکات

17/11/2021

چارەسەرکردنی کێشەی کۆمەڵایەتی:
بەناوی خوای گەورە:
ئەمڕۆ بە ئامادەبوونی ژمارەیەکی زۆر لە مامۆستایانی ئاینی و شێخانی تەریقەت و سەرۆک هۆزەکان و فەرماندە سەربازیەکان و دام و دەزگا ئەمنی و خەدەمیەکان و کادرانی پێشکەوتووی ئۆرگانە جیا جیاکانی حزب، و هەڤاڵانم لە لیژنەی کارگێڕ و هەیئەتی لق.
دوای هەوڵ و ماندو بونێکی زۆر، بەهیمەتی هەموو لایەک توانیمان کۆتایی بەکێشەی کۆمەڵایەتی نێوان بنەماڵەی بەڕێزی (شێخانی زیخان)بێنین.
سوپاسی هەردوو بنەماڵە دەکەین، جەنابی شێخ سدیق و جەنابی شێخ علاالدین و براکانیان و کوڕ و برازاکانیان و مام و ئامۆزکان کە زۆر ڕێزیان لە ڕاو بۆچوون و قسەکانمان گرت و پێکەوە دەستیان خستە ناو دەستی یەکتر.
زۆر سوپاسی کاکە بارزان شەهید تاهیر و هەڤاڵانی ناوچەی بالیسان دەکەم کە بەردەوام بوون تا کۆتایی.
سوپاس بۆ هەموو ئەو کەسایەتیە ئاینی و کۆمەڵاتی و سەربازی و حزبیانەی کە ماندووبون لەو بابەتە.
خوا پاداشتی چاکەی هەموو لایەک بداتەوە.
هیوا ئەحمەد مستەفا
۱۷ـ۱۱ـ۲٠۲۱

14/11/2021

گفتوگۆ لەبارەی بەرنامە و پلان و ستراتیژیەتی کابینەی نۆیەمی حکومەتی هەرێمی کوردستان

ئەمڕۆ یەکشەممە۱٤ی ۱۱ی۲۰۲۱لەبارەگای ئەنجوومەنی سەرکردایەتی پارێزگای هەولێری پارتیمان،بەئامادەبوونی (کاکەمین نەجاڕ)ئەندامی مەکتەبی سیاسی و سەرۆکی ئەنجوومەنی سەرکردایەتی هەولێری پارتی دیموکراتی کوردستان و (دکتۆر ئومێد صباح )سەرۆکی دیوانی ئەنجومەنی وەزیران و (ئومێد خۆشناو) پارێزگاری هەولێر،(هیوا ئەحمەد مستەفا) بەرپرسی لقی24 سەفینی پارتیمان، (بڵند ئیسماعیل) بەرپرسی لقی16ی پارتیمان و (كرمانج عەبدوڵا) بەرپرسی لقی 23ی قەرەچوغی پارتیمان، گفتوگۆکرا لەبارەی بەرنامە و پلان و ستراتیژیەتی کابینەی نۆیەمی حکومەتی هەرێمی کوردستان و پارێزگای هەولێر بۆ گەیاندنی پڕۆژە خزمەتگوزارییەکان لەسێکتەرەکانی ئاو، کارەبا، ڕێگاو بان، کرد و تیشک خرایە سەر داوا و داخوازی هاوڵاتییان و ئەنجامدانی پڕۆژە خزمەتگوزارییەکان لەسنوری لقەکان و جەخت لەهەماهەنگی و هاوکاری نێوان هەردوولا حزب و حکومەت کرایەوە لە پێناو خزمه‌تكردنى زیاترى هاوڵاتییانی سنووری پارێزگای هەولێر.

14/11/2021

ئەمڕۆ یەکشەممە ۱٤ی۱۱ی۲۰۲۱ بەیاوەری هەڤاڵانی کاگێڕ و بەئامادەبوونی بەڕێز سەرۆکی شارەوانی شەقڵاوە، پڕۆژەی قیرتاو کردنی بەشێک لە شەقام و کۆڵانەکانی شەقڵاوەمان بەسەر کردەوە کە لەلایەن سەرۆکایەتی شارەوانی شەقڵاوە جێبەجێ دەکرێن.

جێی ئاماژە پێدانە هەڤاڵانی لقی۲٤ی سەفینی پارتیمان ڕۆلێکی کاریگەریان هەبوو لە پێشنیار بۆ حکومەتی هەرێم بۆ جێبەجێکردنی ئەم پڕۆژانە و هەمووکات تاکیدمان لەوە کردۆتەوە کە شەقڵاوە و دەوروبەری شایستەی هەموو جۆرە خزمەتکردنێکن.

12/11/2021

دوێنێ پێنج شەممە۱۱ی۱۱ی۲۰۲۱ بەیاوەری کارگێڕانی لق و ئەندامانی مەکتەبی ناوەندی،بەمەبەستی پیرۆزبایی دەست بەکاربوون سەردانی هەر یەک لە بەڕێزان: (مامۆستا فارس جەوهەر) بەڕێوبەری گشتی دیوان لەوەزارەتی ئەوقاف و (حاجی طیب‌زرار شێروانی )بەڕێوبەری گشتی لە ئەوقافی پارێزگای هەولێر و سەردانی بەڕێز مامۆستا (مەلا نیاز شێخ ڕاغب نەقشبەندی )بەڕێوبەری گشتی حەج و عومرەمان کرد

07/11/2021

لە دڵەوە نیگەرانم بۆ کۆچی دوایی و یەکجارەکی هەڤاڵ و برا و تێکۆشەری دێرین کاک ( حمیدەڕەش)بەرپرسی پێشوی لیژنەی ناوچەی هێزی ناوخۆی لقی ۳ی کەرکووک.
لەخوا داواکارم جیگای بەهەشت بێت و سەبر و ئارامی بە هاوسەر و مناڵەکانی و کەس و کار و هاوڕێ و هەڤاڵەکانی ببەخشێ.
انا للە و انا الیە راجعون.
هیوا ئەحمەد مستەفا
۷ـ۱۱ـ۲٠۲۱

04/11/2021

پێشوازی لە کۆمەڵەی هاوکاری کورد-فیلندا

ئەمڕۆ پێنج شەممە٤ی۱۱ی۲۰۲۱ لەبارەگای لق پێشوازیمان کرد لە کۆمەڵەی هاوکاری (کورد-فیلندا).

ئامانج لەسەردانەکەیان نووسینی کتێبێکە لەسەر جینۆسایدی کورد لەڕابردوو.
ئێمەش پێشنیارمان کردبوو کە دۆڵی شێخ وەسانان و بالیسان بخرێتە ناو ئەجێندای کتێبەکە.
شایانی باسە نوسەرێکی سویدی دانیشتووی فیلندا نووسەری کتێبەکەیە.
بڕیارە بەم نزیکانە سەردانی دۆڵی بالیسان و شێخ وەسانان بکەن.
هەر بۆ زانیاری زیاتر لەگەڵ بەڕێزان کاک سابیر خۆشناو سەرۆکی ڕێکخراوی کیمیابارانی بالیسان وشێخ وەسانان و کاک حاجی واحید شیخ وەسانی کەسایەتی ناوچەکە، دیدارمان بۆیان ڕێکخست کە دوو کەسن بینەری ناو ڕوداوی کیماباران کردنەکەبوون.

03/11/2021

ڕاستگۆ بوون لەگەڵ دروشم و پەیام، واتا هەبوونی مۆڕاڵی سیاسی و رەوشت بەرزی لەسیاسەتدا.
من ئەوە لە سەرۆکی حکومەتدا بەدی دەکەم..
هیوا ئەحمەد مستەفا

28/10/2021

باردودۆخەکە وای لێهاتووە لەناو حزبەکانی تریش، هەرکەسێک ڕەئیەکی جوان و مەعقولی هەبێ، گومانی پارتی بوون، یان نزیک بوون لەپارتی دەدەنە پاڵ.
هیوا ئەحمەد مستەفا

28/10/2021

'نەھج و ستراتیژیەتی پارتی خزمەتکردنی خەڵکی کوردستانە' ھیوا ئەحمەد مستەفا

27/10/2021

خەڵاتی ڕێزلێنان:
ئەمڕۆ لەگەڵ هەڤاڵانی کارگێڕ و بەرپرسی ناوچەکان، لەبارەگای لقی ٢٤ی سەفین، بە ئامادەبوونی جەنابی پارێزگاری هەولێر کاک ئومێد خۆشناو وە هەڤاڵان نوێنەری زۆر لە دام و دەزگا حزبی و ئیداری و سەربازیەکان مەراسیمێکی گەورە و شایستەی ڕێزلێنانمان بەڕێوە برد .
ڕێزلێنانەکان شەخسی نەبوون، تایبەت بوون بە ئەو ئۆرگان و دەزگایانەی ناویان هاتبوو،جا یان بەرپرسی یەکەم یان نوێەرەکانین ڕێزلێنانەکانیان وەرگرت.
ئەوەش تەنها وەفاداریەک بوو بۆ ئەوان کە لەسەرخستنی کاندیدمان (دکتور محمد سدیق)دەوری خۆیان گێڕابوو.
سوپاس بۆ جەماوەری دڵسۆزی سنوورەکەمان، سوپاس بۆ هەموو ئەو بەڕێزانەی زۆر لە ئێمە ماندووتر بوون و ئەمڕۆ لەبەر نەبوونی جێگا و ڕێگا لەگەڵمان بەشدار نەبوون.
ھیوا ئەحمەد مستەفا

26/10/2021

لە بارەگای فەرمانەدی هێزی پشتیوانی یەک لە شەقڵاوە ، لە یادی گیانی فەرماندە محسین، مەلودی نەبەوی خوێنرایەوە و بەشداربووین.

26/10/2021

ئەمڕۆ لەگەڵ هەڤاڵانی کارگێڕ و بەرپرسی مەکتەبەکانی لقی ٢٤ی سەفین، سەردانی هەرسێ ناوچەی(تەقتەق، کۆیە، دێگەڵە)مانکرد و پیرۆزبایی سەرکەوتنی پارتیمان لە سەر ئاستی عیراق و کوردستان لێکردن.
پاشان بۆ هەواڵ پرسینی تەندروستی سەردانی هەڤاڵ ئیزمیر ئەندامی لقمان کرد.
ھیوا ئەحمەد مستەفا

25/10/2021

شەوی یەکشەممە۲٤ی۱۰ی۲۰۲۱بەڕێوەچوونی وێبیناری( هیوا ئەحمەد مستەفا) ئەندامی ئەنجومەنی سەرکردایەتی و بەرپرسی لقی ٢٤ی پارتی دیموکراتی کوردستان لەژێر ناونیشانی (سەرکەوتنە مەزنەکەی پارتیمان، دوا ڕۆژێکی گەش بۆ گەلی کورد زامن دەکات). کەلقی٦ی ئەوڕوپای پارتیمان بەتابەتی لیژنەی ناوچەی (لەندەن) ڕێکی خستبوو بۆ کادیرانی پارتیمان لە ئۆرگانە جیاوازەکان پێشکەش کراو بە ئاراستەکردنی زیاتر لە(٤٠) پرسیار وڵامدانەوەیان لە لایەن هەڤاڵ هیوا ئەحمەد مستەفا بابەتەکە دەوڵەمەندتر بوو.

25/10/2021

زۆر بە داخەوە بۆ كۆچی دوایی ( مامی بەڕێز کاک محمود مەحەمەد ) پــرسەو ســەرەخــۆشی خۆمان ئاراستەی تەواوى خانەوادەی بەڕێزیان دەكەین
خوداى گەورە بە بەھەشتی بەرینی شاد بکات ئینشاالله
براتان (ھیوا ئەحمەد مستەفا )

25/10/2021

سوپاسنامەی لقی ۲٤ی سەفین:
بەناوی خوای بەخشندە و میهرەبان
جەماوەری سەربەرز و بە هەڵوێستی سنوری لقی ۲٤ی سەفین.
بەناوی بەرپرس هەڤاڵانی لیژنەی کارگێڕ، پڕبەدڵ دەست خۆشی و سوپاس و پیرۆزبایی خۆمان، بەبۆنەی سەرخستنی ئەو کاندیدەی بۆ سنورمان دیاریکرابوون ئاراستەی یەکە یەکەی هەڤاڵان و جەماوەری پارتیمان و ئەندامان و دۆست و لایەنگرانی پارتیمان و کەس و کاری سەربەرزی شەهیدان دەکەین.
دەست خۆشی لە لیژنەی سەرک و ئەندامانی لیژنەی سەرپەرشتی ناوچەکان.
سوپاس بۆ بەرپرسی ناوچەکان کە توانیان بەباشی کارەکانیان ڕاپەڕێنن،وە کارگێڕانی ناوچە و بەرپرسی ڕێکخراوەکان و کارگێڕان و ئەندام ڕێکخراوەکان و بەرپرسی بنکەکان و جێگرەکانیان و پاڵێوراوان و ئەندامانی حزب دەکەین.
سوپاسی هیزی خەباتی شەقڵاوە و بەتالیۆنەکانیان و دەزگای باڵای ئەیلوول و هەموو ئەو ئەندام مەکتەبە ناوەندیانە دەکەین کە لەگەڵمان بوون و دەوریان بینی.
سوپاسی ئەو ئەندام لق و ئەندام مەکتەب و کادیرانەی لق و ناوچەکان دەکەین کە ئیلتزامیان کرد و لەلیژنەکان دیار و بەرچاوبوون.
بەڕێزان:
دەمانەوێ سوپاسی مامۆستایانی ئاینی و شێخانی تەریقەت و کەنیسە و قەشەی مەسیحیەکانی سنورمان لە هەردوو قەزای شەقڵاوە و کۆیە بکەین. سوپاسی سەرۆک هۆز و پیاو ماقوڵانی هەموو عەشیرەتە ئازاو بوێر و نیشتیمان پەرەوەرەکانی سنوورمان دەکەین، کە هەریەکەی بە شێوازێک پشتگیری پارتیان کرد.
زۆر سوپاسی جەنابی قایمقام و بەڕێوەبەری ناحیەکان و سەرۆکی شارەوانیەکان و هەمووبەرێوەبەری فەرمانگەکان و فەرمانبەران بکەین، لە هەموو کەرتە جیاکانی، پەروەردە و تەندروستیەوە تادەگاتە کارمەندان و کارگوزارانی پاککردنەوەی شارەکان.
زۆر سوپاسی دام و دەزگا ئاسایشیەکانی سنوورەکەمان دەکەین (ئاسایش، پۆلیس، پۆلیسی هاتوچۆ، ئاگرکوژێنەوە، دارستان)هتد. بۆ دابینکردنی ئاسایش لە ڕۆژی دەنگدان و ڕۆژانی پێشتر دەوری بەرچاویان هەبوو.
سوپاسی زۆر تایبەتمان هەیە بۆ ( فەرماندە ئازا و دڵسۆز و بەهیممەتەکانی سنوورمان) وە بۆ ئەفسەر و پێشمەرگە قارەمانەکان، کە لەئێمە زیاتر بەخەم بوون بۆ سەرخستنی لیست و کاندیدەکانی پارتیمان لە سنوورەکە، لە ڕۆژی هەڵبژاردن بەتایبەتی ژمارەیەکیان بەشێوەی مەیدانی هەڵمەتی ماڵ بەماڵیان لەگەڵ کادرانی حزبی دەست پێکرد.
سوپاسی کارمەندانی کۆمسیۆن دەکەین کە دڵسۆزانە بە هەستکردنی بەرپرسیارێتی نیشتیمانی خۆیان ئەرکەکانیان جێبەجێکرد.
سوپاس بۆ هەموو چین و توێژەکانی هەژاران، کاسبکاران، جوتیاران و کرێکاران خاوەن پیشەجیاجیاکان، سوپاس بۆ (هونەرمەندان، نوسەران و ڕۆشنبیران)کەهێزێکی لەبن نەهاتووی پارتی دیموکراتی کوردستانن.
ئینجا بەناوی هەموومان و هەمووتان زۆر سوپاسی جەنابی کاک (سیداد بارزانی) دەکەین کەوێڕای تەشریف هێنانیان بەستنی چەند کۆڕو کۆبونەوە، لەگەڵ بەڕێز کاک (عەلی حسین ) بەردەوام شەوو ڕۆژ لەگەڵماندابوون سوپاسیان دەکەین.

سوپاس بۆ هەڤاڵانی بەڕێزم:
سکرتێر و ئەندامانی مەکتەبی سیاسی و سەرۆکی ئەنجومەنی سەرکردایەتی هەولێر.
سوپاس بۆ هەڤاڵانی لقی ۱٦ ناوچەی پیرمام و کاک (بڵند اسماعیل).
سوپاس بۆ سەرۆکی کوتلەی وەزاری پارتیمان و گشت وەزیرە بەڕێزکان و جەنابی پارێزگاری هەولێر و جیگری سەرۆکی پەرلەمان و سەرۆکی فراکسیۆنی پارتی و پەڕلەمانتاران و
بەڕێوەبەرەگشتیەکان، کە بەسەردان و بەستنی کۆڕ و بەسەرکردنەوە وپەیوەندی تەلەفۆنی پشتیوانی مەعنەوی ئێمەبوون.
سوپاسی تایبەت بۆ هەڤاڵان:
لە کۆتاییدا سوپاسی هەموو ئەو کەس و گروپ و کاسبکارانە دەکەین کە بەشێوازی جۆراو جۆر لە بواری (ڕاگەیاندن، هاوکاری خەڵک) پشتیوانی ماددی و مەعنەوی سەرخستنی هەڵمەتی بانگەشەی پارتیمان بوون لە سنوورەکە.
سوپاس بۆ ڕێکخراوە جەماوەری و پیشەییەکانمان ( لاوان، ئافرەتان، وقوتابیان ).
زۆر سوپاس بۆ مەکتەبی ڕاگەیاندنی لق کە دەنگی راستەقینەی لقەکەمان بوون.
وە تیمی مەکتەبی هەڵبژاردن و ڕێکخستن و گشت ئۆرگانەکان کە بەرپرسانە کاروبارەکانیان ڕێکدەخست و سەریان دەخست.
سوپاس بۆ هەڤاڵانم پاسەوانەکانی لق، ئاسایشەکان، کارگوزار و چایچی و کارمەندانی لق٠
سوپاس بۆ مەکتەبی ئیدارە و دارایی بەجوانی کروباری ئیداریان ڕێکخست.
سوپاس بۆ مەکتەبی پەیوەندیەکان بۆ تەنسیق لەگەل لایەنە پەیوەندیەکان بۆ رایی کردنی کاروباری هاوڵاتیان.
سوپاس بۆ ستافی ماندونەناسی نوسینگەی بەرپرسی لق کە شەوو ڕۆژ بێ دابڕان لەگەڵمان بوون.
سوپاس بۆ کوردستان تیڤی و پەیامنێرە ماندوو نەناسەکانیا ن بۆ گشت دەزگاکانی ڕاگەیاندنی پارتیمان . سوپاس بۆ گشت هەڤاڵانی تێکۆشەر لە سۆشیال میدیا کە دەورێکی زۆر کاریگەریان بینی.
لە کۆتاییدا پیرۆزبایی گەرمی خۆمان ئاراستەی جەنابی سەرۆک مەسعود بارزانی دەکەین بۆ تۆمار کردنی ئەو سەرکەوتنە مەزنە.
پیرۆزە لە هەرچوار کاندیدی بازنەی یەک.
وە لە گشت کاندیدەکانی تری پارتیمان .
بژی کورد، بژی کوردستان.
لقی ۲٤ی سەفین
۱۱ـ۱٠ـ۲٠۲۱
شەقڵاوە

24/10/2021

ئازیزان و خۆشەویستان لەم لاپەڕەوە زیاتر خزمەتتان دەکەین

Hiwa Pdk

25/11/2021

24/11/2021

17/11/2021

14/11/2021

14/11/2021

12/11/2021

07/11/2021

04/11/2021

03/11/2021

28/10/2021

28/10/2021

27/10/2021

26/10/2021

26/10/2021

25/10/2021

25/10/2021

25/10/2021

24/10/2021

Address

Website

Alerts

Shortcuts

Share