19/02/2024
Өглөөний мэнд
Батширээт нутагт минь ажин, түжин
Баярын дараах нам, гүм
Өвгөд минь тавилангийн унаандаа суугаад
Өндөр тэнгэртээ одох нь л жаахан уйтай
Цагаан сар хэдий холдсон ч
Цасан шуурга тасрана үгүй л даа
Жавартай өвөл хэдий алдсарсан ч
Жамын салхин зогсоно үгүй л даа
Ойр холын сонинг дуулгая уу гэж
Ой ухаан минь хүснэв л даа
Компьютерийхоо араас мэнд амоор гэж
Кодоо би вээр амаршнлав даа
Хотын зам гарсан ч юм шиг үгүй ч шиг
Холын зочид маань ирэх ч юм шиг үгүй ч юм шиг
Цастай шуургатай жихүүн өдрүүд
Цагаан сараас хойш айлсав
Зайрмагтаад хөлдсөн голын толио шиг
Засмал зам маань гулгаа ихтэй
Завгүй ажлаасаа өндийх завгүй
Захиргааны хэд маань ажил ихтэй
Шийртэй адуучны ирийг шалгасан
Ширүүхэн тэмцээн удахгүй болох нь
Арангатайн цасыг өнжин бужигнуулж
Адуучин эрс уурга бугуйгаа гайхуулах нь
Олон жил миний хүсэн хүлээсэн
Олноо өргөгдсөн Тоонот цом маань
Гуравдугаар сарын хорьдоор болох
Гуяа алгадмаар мэдээ бас байна
Ганнам дүүрэг маань яв янзаараа
Гялалзуур Кодо нь ажлаа бужигнуулж
Эмийн сан, үсчин бусад бүгдээр
Эрхэм та нарт үйлчилсээр л байна
Одоохондоо би иймэрхүү мэдээтэй
Ойрдоо жаал ажилтай
Түрдээ ингээд өндөрлөе дөө
Төгөлдөр бүхэн орших болтугай