Dawei Watch TV

Home
Dawei Watch TV

Dawei Watch TV is a platform of Dawei Watch media, providing information mainly TV stories, podcasts and PSA.

31/12/2024

လောင်းလုံးမြို့နယ်က နှစ်သစ်ကူး ညသပိတ်

Dawei Watch၊ ဓာတ်ပုံသတင်း

စစ်ရေးတင်းမာနေသည့် လောင်းလုံးမြို့နယ်တွင် နှစ်သစ်ကူး ညသပိတ်ပြုလုပ်ပြီး စစ်အာဏာရှင်ဆန့်ကျင်ရေး ဆန္ဒပြခဲ့ကြသည်။

ထားသပိတ်ကော်မတီက ဦးဆောင်ပြုလုပ်သည့် ညသပိတ်တွင် စစ်အာဏာရှင်ဆန့်ကျင်ရေးကြွေးကြော်သံများ၊ နွေဦးတော်လှန်ရေးအတွင်း အသက်ပေးသွားကြသူများကို ဆုတောင်းပေးခြင်းတို့ ပြုလုပ်ခဲ့ကြသည်။

လောင်းလုံးမြို့အောက်ဖက်ကျေးရွာများ အနီးရှိ ပင်လယ်ပြင်တွင် စစ်ကောင်စီတပ် စစ်‌သင်္ဘောများကို နေရာအနှံ့ချထားသည်။

31/12/2024

ချင်းမိုင်မြို့က အဝယ်တော် ထားဝယ်သားမောင်ထူး

Dawei Watch | ရုပ်သံ

ချင်းမိုင်မြို့နေ မြန်မာတစ်ချို့ ဘာပဲလိုလို ထားဝယ်သားမောင်ထူးက အသင့်ရှိနေပါတယ်။

ချင်းမိုင်ရောက်မြန်မာတွေအတွက် အဝယ်တော်မောင်ထူးက ဘယ်လိုပစ္စည်းတွေ ဝယ်ပေးရလေ့ရှိလဲ။ ဘယ်လိုစိန်ခေါ်မှုတွေရှိနေပါသလဲ။

31/12/2024

ဒီဇင်ဘာလ ၃၁ရက် တနင်္သာရီနေ့စဉ်သတင်း အစီအစဉ်

************

Dawei Watch က စီစဉ်တင်ဆက်နေတဲ့ တနင်္သာရီနေ့စဉ်သတင်း အစီအစဉ်ကို နားဆင်ရမှာပါ။ ဒီနေ့အတွက် တင်ဆက်ပေးမယ့် သတင်းတွေကတော့

- တနင်္သာရီတိုင်းလူဦးရေရဲ့ ထက်ဝက်ကျော်ပဲ သန်းခေါင်စာရင်းကောက်ယူနိုင်တဲ့အကြောင်း

- လောင်းလုံးမှာ စစ်‌ကောင်စီတပ်က အရပ်သားသုံးဦးကို ဖမ်းဆီးသတ်ဖြတ်လိုက်တဲ့ အခြေအနေ
- စစ်ကောင်စီက လောင်းလုံးမြို့နယ်ကို စက်သုံးဆီနဲ့စားသောက်ကုန် သယ်ဆောင်ခွင့်ပိတ်လိုက်တဲ့သတင်း

- ရေဖြူက ဇာဒီရွာမှာ မိုင်းနင်းမိလို့ မောင်နှမနှစ်ဦး ဒဏ်ရာရသွားတဲ့အကြောင်း

- နှစ်သစ်ကူးကာလ အဖမ်းအဆီးကြမ်းနေချိန် ကန်ချနဘူရီမှာ မြန်မာ ၁၀၀ ကျော် အဖမ်းခံရတဲ့အကြောင်း

စတဲ့သတင်းတွေကို တင်ဆက်ပေးသွားမှာပါ။ တနင်္သာရီနေ့စဉ်သတင်း အစီအစဉ်ကို YouTube မှာ မလွတ်တမ်းနားဆင်နိုင်ဖို့ Subscribe လုပ်ထားကြဖို့ ပန်ကြားအပ်ပါတယ်။

31/12/2024

တနင်္သာရီတိုင်းမှာ လူဦး‌ရေရဲ့ထက်ဝက်ကျော်သာ သန်းခေါင်စာရင်းကောက်ယူနိုင်

31/12/2024

လောင်းလုံးက နှစ်သစ်ကူးည သပိတ်

စစ်ရေးတင်းမာနေသည့် လောင်းလုံးမြို့နယ်က ကျေးရွာတစ်ရွာတွင် နှစ်သစ်ကူး ညသပိတ်ပြုလုပ်ခဲ့သည်။

31/12/2024

တနင်္သာရီအတွက် 3CC

အပိုင်း (၂)

အခုအပတ်မှာ Command (ကွပ်ကဲမှု) အကြောင်း အကျဥ်းချုပ်နဲ့ CoC လို့ အများသိကြတဲ့ Chain Of Command (ကွပ်ကဲမှုကွင်းဆက်) အကြောင်း ဆွေးနွေးသွားပါ့မယ်။

အရေးကြီးပါတယ်။ ဘယ်လိုအရေးကြီးပါသလဲ။ ဘာ တွေ အကျိုးအမြတ်ရနိုင်သလဲ ဆိုတာ အောက်မှာ ဖော်ပြသွားပါ့မယ်။

Command (ကွပ်ကဲမှု) ဟာ Control (ထိန်းချုပ်မှု) နဲ့ တိုက်ရိုက်ဆက်စပ်ပါတယ်။ ဘာလို့ဆိုရင် ထိန်းချုပ်မှု အားကောင်းရင် ကွပ်ကဲမှုကို အားကောင်းစေပြီး ကွပ်ကဲမှု အားနည်းရင် ထိန်းချုပ်မှုပါ ပျက်ပါတယ်။ ကွပ်ကဲမှု မရှိ၊ ထိန်းချုပ်မှုပါ အားနည်းလာရင်တော့ မကြာတော့ပါဘူး။ တပ်ပျက်မှာပါ။ စစ်ကိုလဲ နိုင်မှာ မဟုတ်ပါဘူး။

Command (ကွပ်ကဲမှု) ဆိုတာ ရာထူးအဆင့် အရ၊ ပေးအပ်ထားတဲ့ တာဝန် တစ်ရပ်ရပ် အရ ကိုယ့်အောက်မှာရှိတဲ့ တပ်ဖွဲ့ဝင်တွေအပေါ်မှာ ကျိုးကြောင်းညီညွတ်စွာ တရားသဖြင့် အမိန့်ပေး စေခိုင်းနိုင်တဲ့ အခွင့်အာဏာလို့ စစ် ပညာကျမ်း တွေမှာ ဖွင့်ဆိုပါတယ်။

အဲဒီထဲမှာ ပထမ အချက်ကတော့ တပ်တည်ဆောက်ရမှာ ဖြစ်ဖြစ်၊ စစ်ဆင်ရေးမှာ ဖြစ်ဖြစ် ရရှိလာတဲ့ ကူညီ ထောက်ပံ့မှုတွေကို ထိထိရောက်ရောက် အသုံးချနိုင်ဖို့ စီမံတာ၊ လိုအပ်တဲ့ စုဖွဲ့မှုနဲ့ လိုအပ်တဲ့ ညွှန်ကြားမှု လုပ်တာ၊ ပေါင်းစပ်ညှိနှိုင်းတာ အကျုံးဝင် ပါတယ်။

ဒုတိယ အနေနဲ့ မိမိတပ်ဖွဲ့ရဲ့ ရည်မှန်းချက်တွေ အောင်မြင်ဖို့အတွက် ရဲဘော်တစ်ဦးချင်းစီတိုင်းကို ထိန်းသိမ်းကြပ် မတ်ရတဲ့ လုပ်ငန်းစဥ် ဖြစ်ပြီး တတိယ အချက်မှာ လိုအပ်တဲ့ လေ့ကျင့်ရေး၊ ကျန်းမာရေး၊ တပ်တွင်းနေပျော်‌ရေး၊ စိတ်ဓာတ်နဲ့ စည်းကမ်းကောင်းမွန်ရေး တနည်းအားဖြင့် တော်လှန်ရေး သဘောတရားများနဲ့ ခံယူချက်များ အား ကောင်းခိုင်မာနေစေရေးတို့ အတွက် လုပ်ဆောင်ရတာတို့ ပါဝင်တယ်။

နောက်ဆုံး အချက်ကတော့ အောက်ခြေတပ်ဖွဲ့ဝင် ရဲဘော်တွေကို ရည်မှန်းချက် တာဝန်တွေပြဋ္ဌာန်း သတ်မှတ်ပေး ပြီး အတိအကျ လိုက်နာအောင် အမိန့်ပေးစေခိုင်းတာ စတဲ့ အချက် (၄)ချက်ဟာ ကွပ်ကဲမှု လုပ်ငန်းစဥ်ဖြစ်တယ်လို့ အနှစ်ချုပ်ယူနိုင်ပါတယ်။

အကျယ်သဘောကတော့ လေ့လာရင် လေ့လာသလို နက်ရှိုင်းကျယ်ပြန့်ပါတယ်။ ကိုယ် က တပ်မှူး တာဝန်ယူထားတဲ့သူ ဖြစ်နေပြီဆိုရင်တော့ နက်နက်ရှိုင်းရှိုင်းလဲ လေ့လာဖို့ လိုပါတယ်။

အခုက ဘယ်လို ကွပ်ကဲနေလဲ။ အာဏာကို ဘယ်လို အသုံးပြုနေလဲ။ ကြည့်ကြရအောင်ပါ။ တိုင်းထဲက တော်လှန် ရေးတပ်ဖွဲ့တွေထဲမှာ တွေ့ရအများဆုံး တပ်မှူး တာဝန်ယူထားကြသူတွေရဲ့ ကွပ်ကဲမှုလုပ်တဲ့ ပုံစံက ဒီလိုပါ။

“ငါ့အလိုလိုက်သူတွေ ငါ့နားနေ။ လိုတာပြော အကုန်ရမယ်” ဆိုတဲ့ပုံစံပါ။ ဒီလိုနဲ့ ကိုယ့်တပ်ကို ကိုယ်ကပြန်ပြီး ခွဲထုတ်ပါတယ်။ အုပ်စုဖွဲ့ပါတယ်။ ဒီလိုပုံစံနဲ့ အမိန့်သေအောင် ဆိုပြီး လွဲလွဲမှားမှား တည်ဆောက်နေကြတာဖြစ် တယ်။

တပ်မှူးလုပ်သူရဲ့ ကွပ်ကဲမှု ကောင်းခြင်း/ ဆိုးခြင်း နဲ့ ကွပ်ကဲမှု (Command) သဘောတရား ကျေညက်ခြင်း ရှိ/ မရှိ ဆိုတဲ့ ပြဿနာဟာ အတော်ကို အရေးကြီးတဲ့ ပြဿနာဖြစ်ပါတယ်။

အောက်ခြေက ရဲဘော်တွေရဲ့ အသက်နဲ့ ဘဝတွေပေါ် မူတည်နေတာဖြစ်ပါတယ်။ ကွပ်ကဲမှု ညံ့ဖျင်းနုံချာတာကြောင့် အချို့သော တိုက်ပွဲတွေမှာ စစ်မရှုံး သင့်ဘဲ ရှုံးပြီး မကျဆုံးသင့်ဘဲ ကျဆုံးရတဲ့ တော်လှန်ရေး ရဲဘော်တွေ တနင်္သာရီတိုင်းထဲ ဘယ်လောက်များနေပြီ လဲ။ အလွန်ဝမ်းနည်းကြေကွဲဖွယ်ဖြစ်ပါတယ်။

ဘာလို့လဲဆိုရင် စစ်ဆင်ရေးတစ်ခုမှာ ခေါင်းဆောင်တပ်မှူး လုပ်သူရဲ့ ကွပ်ကဲမှုဟာ တိုက်ပွဲရဲ့ ရလဒ်ကို အဆုံးဖြတ် ပေးပါတယ်။ အနိုင်အရှုံး၊ အကျအဆုံးဟာ တပ်မှူးလုပ်တဲ့သူနဲ့ တိုက်ရိုက်သက်ဆိုင်ပါတယ်။ တာဝန်ယူရပါတယ်။ တာဝန်ခံရပါတယ်။ အခုက သေရင်မီးရှို့ ၊ နာရင် ထိုင်းပို့လိုက်တာပါပဲ။ ဘာသင်ခန်းစာမှ မယူကြပါဘူး။

ဒါကြောင့် ဘယ်လိုလူတွေ တပ်မှူးလုပ်နေကြသလဲ။ ဘယ်လို ကွပ်ကဲမှု လုပ်နေကြသလဲဆိုတာ မေးခွန်းထုတ်ဖို့ လိုပါတယ်။ လေ့လာဆန်းစစ်ကြဖို့ လိုပါတယ်။

တိုင်းထဲက တော်လှန်ရေး တပ်ဖွဲ့အများစုမှာ တပ်မှူး လုပ်တဲ့သူတွေ ဟာ Command (ကွပ်ကဲမှု) သဘောတရားနဲ့ လုပ်ငန်းစဥ်တွေကို ဘာမှန်း မသိကြပါဘူး။ စိတ်လဲမဝင်စားကြ ပါဘူး။ အထက်က ပြောသလို ကိုယ့် တပ်ကို ကိုယ်ပြန်ခွဲထုတ်ပြီး အုပ်စုဖွဲ့ ကာ စစ်ခေါင်းဆောင် လုပ်နေကြတာပါ။

ဒါတွေ မပြင်ဘဲ၊ သေသေချာချာ ခွဲခြမ်းစိတ်ဖြာ သင်ခန်းစာယူ သုံးသပ်ဆင်ခြင်မှုမလုပ်ဘဲ တော်လှန်ရေးလုပ်နေတဲ့ သူတွေကို အခုလိုပြောရမလား၊ ဒီလောက်လွယ်တယ်လို့ ထင်နေရင် ကိုယ်တိုင်လာတိုက်ကြည့်ပါလား၊ ဘာလား ညာလားနဲ့ မိုးကြိုးပစ်နေတာကို ထန်းလက်နဲ့ကာပြီး တပ်မှူးကစ ရဲဘော် အဆုံး Complain တွေပဲ တက်နေရင် တော့ COC ဆိုတာ ဘယ်တော့မှ တည်ဆောက်ရနိုင်မှာ မဟုတ်ပါဘူး။

တပ်တည်ဆောက်ရာမှာ ဖြစ်ဖြစ်၊ စစ်ဆင်ရာမှာ ဖြစ်ဖြစ် Control / Command ထိန်းချုပ်မှုနဲ့ ကွပ်ကဲမှု နိုင်နင်းပါမှ CoC လို့ ခေါ်တဲ့ Chain Of Command (အမိန့်ပေးကွပ်ကဲမှု ကွင်းဆက်)ကို အချိတ်အဆက် မိမိ၊ ဟန်ချက်ညီညီ တည်ဆောက်နိုင်တာပါ။

ဒါကြောင့် ထိန်းချုပ်မှုနဲ့ ကွပ်ကဲမှုကို စနစ်တကျ နားလည်သဘောပေါက်ပြီး CoC တည်ဆောက်နိုင်ရင် “ဦး(၄)ဦး” ကို အလွယ်တကူပဲရယူနိုပြီး “စစ်” အနိုင်တိုက်လို့ ရပါပြီ။ ဘာ ဦးတွေလဲဆိုရင်တော့......

(၁) သတင်း လက်ဦးမှု

(၂) ပြင်ဆင်မှု လက်ဦးမှု

(၃) စစ်ကူ၊ ပစ်ကူ လက်ဦးမှု နဲ့

(၄) ချေမှုန်းရေး လက်ဦးမှု တို့ ပဲဖြစ်ပါတယ်။

အဲဒီ လက်ဦးမှု လေးရပ်ကို ဗိုလ်ချုပ် ထွန်းမြတ်နိုင် ထိန်းချုပ်/ ကွပ်ကဲတဲ့ အာရက္ခတပ်တော် (AA)နဲ့ ရဲဘော်များ ရယူနိုင်ခဲ့တာဟာ ဒီကနေ့ ရက္ခိုင်ပြည်သိမ်း တိုက်ပွဲများအောင်မြင်ရခြင်း အဓိက အကြောင်းအချက် ကြီးတွေ အဖြစ် သက်သေထူနေတာ မျက်မြင်ပါပဲလို့ ဆွေးနွေးရင်း နိဂုံးချုပ် လိုက်တယ်။

ထုဝေါလု (၃၀. ၁၂. ၂၀၂၄)

31/12/2024

စစ်ကောင်စီလောင်းလုံးမြို့နယ်ကို စက်သုံးဆီနဲ့ စားသောက်ကုန်သယ်ခွင့်ပိတ်

31/12/2024

ထားဝယ်တွင် စကခ (၈)၊ စစ်ကောင်စီဝန်ကြီးများအိမ်ရာနှင့် တိုင်းရဲရုံး ဒရုန်းဖြင့်ဗုံးချတိုက်ခိုက်ခံရ

Dawei Watch| ဒီဇင်ဘာ ၃၁

ထားဝယ်မြို့ပေါ်က စစ်ကောင်စီဝန်ကြီးများအိမ်ရာ၊ အမှတ် (၈) စစ်ဆင်ရေးကွပ်ကဲမှုဌာနချုပ် -စကခ(၈) နှင့် တနင်္သာရီတိုင်း ရဲတပ်ဖွဲ့မှူးရုံးများကို ဒရုန်းဖြင့် ဗုံးချတိုက်ခိုက်ခဲ့ကြောင်း ပြည်သူ့ကာကွယ်ရေးတပ်ဖွဲ့ထံမှ စုံစမ်းသိရှိရသည်။

ယနေ့ ဒီဇင်ဘာလ ၃၁ရက် နံနက် ၉နာရီခန့်တွင် စကခ (၈)၊ စစ်ကောင်စီတိုင်းဝန်ကြီးချုပ် အိမ်ရှိသည့် ဝန်ကြီးများ အိမ်ရာနှင့် ဗျောတောဝရပ်ကွက်ရှိ တိုင်းရဲတပ်ဖွဲ့မှူးရုံးတို့ကို ထားဝယ်ပြည်သူ့လွတ်မြောက်ရေးတပ်-TPLF က ဒရုန်းဖြင့် ဗုံးရှစ်လုံးချပြီး တိုက်ခိုက်ခြင်းဖြစ်ကြောင်း TPLF မှ ရဲဘော်တစ်ဦးက ပြောသည်။

ဗုံးချတိုက်ခိုက်မှုကြောင့် ထိခိုက်မှုရှိမရှိ အခြေအနေအသေးစိတ်ကို မသိရသေးကြောင်း ၎င်းက ဆိုသည်။

ဒရုန်းဖြင့် တိုက်ခိုက်ချိန် လေပြင်းတိုက်ခိုက်မှုကြောင့် ဒရုန်းနှစ်စီး ပျက်ကျခဲ့ကြောင်း အထက်ပါရဲဘော်က ပြောဆိုသည်။

စစ်ကောင်စီ တိုင်းအစိုးရနှင့် နီးစပ်သူတစ်ဦးကမူ ဝဲကျွန်းရပ်ကွက်တွင် TPLF မန်ယူ 0 2 စာသားပါသည့် ဒရုန်းတစ်စင်း လေယာဉ်ကွင်း၏ လေကြောင်းရန်ကာကွယ်ရေးစနစ်ကြောင့် ပျက်ကျခဲ့သည်ဟု ဆိုသည်။

တောင်ပံတစ်ခြမ်း မရှိတော့သည့် အဝါရောင် ဒရုန်းတစ်စီးမှာ ဝဲကျွန်း ဓမ္မရိပ်သာဘုန်းကြီးကျောင်းထဲပျက်ကျခဲ့သဖြင့် စစ်ကောင်စီတပ်က ထုချေပြီးယူဆောင်သွားကြောင်း မြို့ခံအချို့ထံမှ သိရသည်။

ဒရုန်းဖြင့်တိုက်ခိုက်မှုနှင့်ပတ်သက်၍ TPLF ၏ ပြန်ကြားရေးတာဝန်ခံထံ ဆက်သွယ်မေးမြန်းရာ “သတင်းထုတ်ပြန်ဖို့အတွက် ပြန်စုံစမ်းပြီး သတင်းကိုအတိအကျဖြစ်အောင်ကြိုးစားနေပါတယ်” ဟု ပြန်လည်ဖြေကြားသည်။

ဒရုန်းဖြင့် တိုက်ခိုက်ပြီးနောက် စစ်ကောင်စီဝန်ကြီးများအိမ်ရာအနီးရှိ DDPC ဈေးဝယ်စင်တာ အနီးတွင် လမ်းသွားလမ်းလာ ပြည်သူများကို စစ်ကောင်စီတပ်က အစစ်အဆေး တင်းကျပ်နေကြောင်း မြို့ခံအချို့က ပြောဆိုသည်။

31/12/2024

လောင်းလုံးမှာ စစ်‌ကောင်စီတပ်က အရပ်သားသုံးဦးကို ဖမ်းဆီးသ_တ်ဖြ_တ်

31/12/2024

လောင်းလုံးတွင် စစ်‌ကောင်စီတပ်က အရပ်သားသုံးဦးကို ဖမ်းဆီးသ_တ်ဖြ_တ်

Dawei Watch |ဒီဇင်ဘာ ၃၁

စစ်ရေးတင်းမာနေသည့် ကျောက်နီမော်ကျေးရွာအောက်ဘက် အောက်ကျောက်ဝပ်ကျေးရွာတွင် စစ်ကောင်စီတပ်က အရပ်သားသုံးဦးကို ဖမ်းဆီးသ_တ်ဖြ_တ်လိုက်ကြောင်း ဒေသခံများထံမှသိရသည်။

စစ်ဘေးရှောင်နေရာမှ ရွာဘုန်းကြီးကိုထွက်လာရှာသည့် အောက်ကျောက်ဝပ်ရွာသား ၇ ဦးကို ဒီဇင်ဘာလ ၂၉ ရက်နေ့က စစ်ကောင်စီတပ်က မြောက်ကျောင်းအနီး၌ ဖမ်းဆီးသွားကြောင်း၊ ၎င်းတို့အနက် ၃ ဦးမှာ အသတ်ခံရကာ ကျန် ၄ ဦးနှင့် ဘုန်းကြီး ၃ ပါးမှာ ထွက်ပြေးလွတ်မြောက်ခဲ့ကြောင်း လွတ်မြောက်လာသူ၏ ပြောဆိုချက်ကို ကိုးကား၍ ဒေသခံတစ်ဦးကပြောသည်။

စစ်ကောင်စီတပ်၏ နှိပ်စက်သ_တ်ဖြ_တ်ခြင်းခံရသူသုံးဦးမှာ အောက်ကျောက်ဝပ်ရွာသား ဦးသားသား၊ ကိုခင်မောင်မျိုးနှင့် အခြားအမျိုးသားတစ်ဦးတို့ဖြစ်သည်။

" အောက်ကျောက်ဝပ် မြောက်ကျောင်းနားမှာပဲ ပစ်သ_တ်ခံရတယ်၊ သူတို့အလောင်းတွေကိုတော့ မနေ့က သူတို့စစ်ကြောင်း ကျောက်မတ္တပ်ဖက်ရွှေ့သွားတဲ့အချိန်မှာ ခိုးပြီးတော့ မြေမြှုပ်လိုက်ပြီ"ဟု ဒေသခံတစ်ဦးကပြောသည်။

ပြန်လည်ထွက်ပြေးလွတ်မြောက်လာသည့် ဦးဂျပန်၊ ဦးကျော်စိုး၊ ဦးဝင်းတို့သုံးဦးနှင့် ဘုန်းကြီးနှစ်ပါးမှာ စစ်ကောင်စီတပ်၏ နှိပ်စက်မှုကြောင့် ဒဏ်ရာပြင်းပြင်းထန်ထန်ရရှိထားကြောင်း၊ လုံခြုံသည့်နေရာတွင် ဆေးကုသမှုခံယူနေကြာင်း ၎င်းကပြောသည်။

"သူတို့ အသေခံစွန့်စားပြီး ထွက်ပြေးလာတာလို့ပြောတယ်။ ဦးကျော်ရွှေနဲ့ ကိုယ်တော်သန်းနိုင်(ဘုန်းကြီး) ကတော့အုပ်စုကွဲသွားတယ်။ လွတ်လာသူတွေမှာ မျက်နှာ၊ ခြေလက် ရောင်ကိုင်းနေတာတွေ့ရတယ်" ဟု၎င်းကပြောဆိုသည်။

ကျောက်နီ‌မော်ရွာတွင် ဒီဇင်ဘာလ ၂၃ ရက်နေ့ကစ၍ စစ်ကောင်စီတပ်နှင့် တော်လှန်ရေးတပ်တို့အကြား တိုက်ပွဲအပြင်းအထန်ဖြစ်ခဲ့သည်။

ထို့ နောက် ဒီဇင်ဘာ လ ၂၅ ရက်နေ့က စပြီး အင်အား ၃၀၀ခန့်ရှိသည့် စစ်ကောင်စီစစ်ကြောင်းသည် ကျောက်နီမော်အောက်ဘက်ရှိ ကျေးရွာများကိုစစ်ကြောင်းထိုးနေပြီး ယနေ့ စစ်ကြောင်းမှာ ကျောက်မတ္တပ်ကျေးရွာဘက်ရောက်ရှိနေသည်ဟုဆိုသည်။

ယခုလက်ရှိ စစ်သင်္ဘောတစ်စင်းမှာလည်း ထောင့်နန့်အော်တွင်ရှိနေပြီး အင်အားထပ်တိုးနိုင်၍ ဒေသခံများ အထူးသတိထားရန်လိုအပ်ကြောင်း ကူညီဆောင်ရွက်ပေးနေသူများကပြောသည်။

ယင်းသို့စစ်ကြောင်းထိုးနေခြင်းကြောင့် ထောင်နှင့်ချီရှိသည့် ဒေသခံများမှာ ဘေးလွတ်ရာ ထွက်ပြေးတိမ်းရှောင်နေရပြီး စားနပ်ရိက္ခာ ဆေးဝါးများလည်း အ‌ရေးပေါ်လိုအပ်နေသလို ပိတ်မိနေသည့် ကိုယ်ဝန်ဆောင်နှင့် မီးနေသည် စစ်ဘေးရှောင်များကိုလည်း ကယ်ထုတ်ရန် လုပ်အပ်နေသည်ဟု ကူညီဆောင်ရွက်ပေးနေသူများကဆိုသည်။

ပုံစာ - အောက်ကျောက်ဝပ်ရွာ (ပုံဟောင်း)

31/12/2024

တနင်္သာရီတိုင်း လူဦးရေ၏ ထက်ဝက်ကျော်သာ သန်းခေါင်စာရင်းကောက်ယူနိုင်

Dawei Watch| ဒီဇင်ဘာ ၃၁

လာမည့် ၂၀၂၅ ခုနှစ်တွင် ရွေးကောက်ပွဲကျင်းပရန် စီစဉ်နေသည့် စစ်ကောင်စီက ကောက်ယူထားသော သန်းခေါင်စာရင်းရှေ့ပြေး အချက်အလက်များကို ထုတ်ပြန်ရာတွင် တနင်္သာရီတိုင်းရှိ လူဦးရေ၏ ထက်ဝက်ခန့်ကိုသာ ကောက်ယူနိုင်ခဲ့ကြောင်းတွေ့ရသည်။

၂၀၂၄ အောက်တိုဘာလတွင် စတင်ခဲ့သည့် သန်းခေါင်စာရင်းကောက်ယူမှုအရ တနင်္သာရီတိုင်းရှိ လူဦးရေ ခုနစ်သိန်းခုနစ်သောင်းကျော်ကိုသာ ကောက်ယူနိုင်ခဲ့ကြောင်း ဗဟိုသန်းခေါင်စာရင်း ကော်မရှင်က ယနေ့(ဒီဇင်ဘာ ၃၁) နံနက်ကထုတ်ပြန်သည့် ရှေ့ပြေးအချက်အလက်များအရ သိရသည်။

မြန်မာနိုင်ငံလူဦးရေမှာ ငါးဆယ့်တစ်သန်းသုံးသိန်းကျော် ရှိသည်ဟု ဗဟိုသန်းခေါင်စာရင်းကော်မရှင်က ခန့်မှန်းထားပြီး သန်းခေါင်စာရင်း ကောက်ယူရရှိခဲ့သည့် လူဦးရေ ၃၂ သန်းကျော်ရှိပြီး စာရင်းမကောက်ယူနိုင်သည့် ဒေသများအတွက် ခန့်မှန်းလူဦးရေ ၁၉ သန်းကျော်ရှိကြောင်း ယင်းထုတ်ပြန်သည့် အချက်အလက်များအရ သိရသည်။

မြေပြင်ကောက်ယူမှုနှင့် ခန့်မှန်းတွက်ချက်မှုအရ တနင်္သာရီတိုင်းရှိ လူဦးရေမှာ ၁၃ သိန်းကျော် (၁,၃၈၀,၅၆၇) ရှိကြောင်း ထုတ်ပြန်ထားချက်တွင်တွေ့ရသည်။

မြေပြင်ကောက်ယူရရှိသည့်လူဦးရေမှာ ခုနစ်သိန်းကျော်( ၇၇၃,၂၄၉ ဦး) ရှိပြီး မကောက်ယူနိုင်ဘဲ ခန့်မှန်းတွက်ချက်ထားသည့် လူဦးရေမှာ ခြောက်သိန်းကျော်( ၆၀၇,၃၁၈ ဦး) ရှိဟု ဖော်ပြထားသည်။

၂၀၁၄ သန်းခေါင်စာရင်းပါ လူဦး‌ရေအရမူ တနင်္သာရီတိုင်းတွင် လူဦးရေ ၁၄ သိန်းကျော်( ၁,၄၀၈,၄၀၁ ) ရှိရာ ယခုစစ်ကောင်စီက ထုတ်ပြန်သည့်လူဦးရေမှာ ၂၀၁၄ သန်းခေါင်စာရင်း လူဦးရေထက် သုံးသောင်းနီးပါး ( ၂၇,၈၃၄ ဦး) လျော့နည်းနေသည်ကိုတွေ့ရသည်။

စစ်ကောင်စီ၏ ယခုထုတ်ပြန်သည့် လူဦးရေစာရင်းမှာ အမှန်တကယ် နေထိုင်သည့် လူဦးရေစာရင်းနှင့် များစာကွာဟနေနိုင်ကြောင်း၊ စာရင်းကောက်ယူချိန်တွင် စနစ်တကျကောက်ယူမှု မရှိသည့်အပြင် ဖြေဆိုသူများမှာလည်း လွတ်လပ်မှုမရှိကြောင်း ထားဝယ်မြို့ခံတစ်ဦးက ပြောဆိုသည်။

“လုံခြုံရေးအခြေအနေအရ အိမ်မှာရှိတဲ့ လူဦးရေစာရင်းတွေကို လိုတိုးပိုလျှော့ ဖြေလိုက်ရသူတွေ အများကြီးပဲလေ။ ပြီးတော့ စာရင်းမကောက်နိုင်တဲ့ ဒေသတွေမှာဆိုရင် သူတို့ဘယ်လိုပဲ ခန့်မှန်းတွက်ချက်ထားတယ်ပြောပြော မှားကိုမှားနေလိမ့်မယ်” ဟု ၎င်းကဆိုသည်။

တနင်္သာရီတိုင်းတွင် ထားဝယ်၊ မြိတ်၊ ကော့သောင်း ခရိုင်မြို့ကြီးများတွင်သာ လူဦးရေစာရင်းကောက်နိုင်ခဲ့ပြီး ကျေးလက်ဒေသအများစုတွင်မူ ကောက်ယူနိုင်ခြင်းမရှိခဲ့ပေ။

မြန်မာနိုင်ငံတွင် မြို့နယ်ပေါင်း ၃၃၀ ရှိသည့်အနက် ၁၄၅ မြို့နယ်(၄၄ ရာခိုင်နှုန်း)ကိုသာ စစ်ကောင်စီက ရာနှုန်းပြည့် သန်းခေါင်စာရင်း ကောက်ယူနိုင်ခဲ့ပြီး ၁၂၇ မြို့နယ်တွင် တစ်စိတ်တစ်ပိုင်းသာ ကောက်ယူနိုင်ခဲ့ကြောင်း ယခုအစီရင်ခံစာတွင် ဖော်ပြထားသည်။

ယင်းအပြင် သန်းခေါင်စာရင်း လုံးဝမကောက်ယူနိုင်ခဲ့သော မြို့နယ် ၅၈ မြို့နယ်ရှိကြောင်း တွေ့ရသဖြင့် စစ်ကောင်စီအနေဖြင့် နိုင်ငံ၏ ထက်ဝက်နီးပါးကိုသာ အပြည့်အဝ ထိန်းချုပ်ထားနိုင်သည့် သဘောဖြစ်သည်။

လက်ရှိတွင် ကချင်၊ ကယား၊ ကရင်၊ ချင်း၊ ရခိုင်၊ ရှမ်း စသည့် တိုင်းရင်းသားဒေသများအပါအဝင် မြန်မာပြည်အထက်ပိုင်းဒေသအချို့က မြို့ပေါင်း ၈၀ ကျော်ကို တော်လှန်ရေးအင်အားစု အသီးသီးက သိမ်းပိုက်ထားသည်။

စစ်ကောင်စီ၏ ရှေ့ပြေးသန်းခေါင်စာရင်း အချက်အလက်များအရ ချင်းပြည်နယ်တွင် ကောက်ယူနိုင်မှု အနည်းဆုံးဖြစ်ပြီး ချင်းပြည်နယ်လူဦးရေ၏ ၈ ရာခိုင်နှုန်းဝန်းကျင်ကိုသာ ကောက်ယူနိုင်ခဲ့သည်။

ဒုတိယအနည်းဆုံးမှာ ကယားပြည်နယ်ဖြစ်ပြီး လူဦးရေ ၁၃ ရာခိုင်နှုန်းကိုသာ ကောက်ယူနိုင်ခဲ့ကြောင်း တွေ့ရသည်။

မြန်မာနိုင်ငံတွင် ၁၉၈၃ ခုနှစ်တွင် သန်းခေါင်စာရင်းကောက်ယူခဲ့ပြီး ယင်းနောက်ပိုင်း နှစ်ပေါင်း ၃၀ အကြာ ၂၀၁၄ ရောက်မှသာ သန်းခေါင်စာရင်း ကောက်ယူမှုကို ကုလသမဂ္ဂအပါအဝင် နိုင်ငံတကာအဖွဲ့အစည်းများ၊ သန်းခေါင်စာရင်း ပညာရှင်များ၊ ကုလသမဂ္ဂအဖွဲ့အစည်းများ၊ နည်းပညာရှင်များ၏ အကူအညီဖြင့် ကောက်ယူနိုင်ခဲ့သည်။

ယခု စစ်အာဏာသိမ်းပြီးချိန် စစ်ကောင်စီက ကောက်ယူသည့် သန်းခေါင်စာရင်း ကောက်ယူမှုကိုမူ နိုင်ငံတကာအဖွဲ့အစည်းများ၊ နည်းပညာရှင်များနှင့် ပညာရှင်များ ပူးပေါင်းပါဝင်မှု မရှိကြောင်း တွေ့ရသည်။

သန်းခေါင်စာရင်း ရှေ့ပြေးလူဦးရေစာရင်းထုတ်ပြန်သည့် အခမ်းအနားကို နေပြည်တော်၊ ဇမ္ဗူသီရိမြို့နယ်မှ Myanmar International Convention Center (MICC-2) တွင် ယနေ့ကျင်းပခဲ့ခြင်းဖြစ်သည်။

ပုံစာ - သန်းခေါင်စာရင်းကောက်ယူနေစဉ် (ပုံဟောင်း)

31/12/2024

ထိုင်းဘတ်ဈေး ကျရိပ်ပြ၊ ၂၁၀ ရက်မြောက် ရွှေဈေးမဖွင့်

Dawei Watch | ဒီဇင်ဘာ ၃၁

ထားဝယ်ဈေးကွက်အတွင်း အခေါက်ရွှေဈေးမဖွင့်တော့သည်မှာ ၂၁၀ ရက် မြောက်ရှိလာပြီဖြစ်သည်။

စစ်ကောင်စီသတ်မှတ်ဈေးအတိုင်း မရောင်းပါက ဖမ်းဆီးပြီး ပိုင်ဆိုင်မှုကိုပါ သိမ်းဆည်းမည်ဟု ခြိမ်းခြောက်ထားသည့်အတွက် ဇွန်လ ၅ ရက်နေ့မှစကာ အခေါက်ရွှေဈေး မဖွင့်တော့ပေ။

ထိုကြောင့် ထားဝယ်ဈေးကွက်တွင် အခေါက်ရွှေဈေးမဖွင့်တော့ဘဲ ရန်ကုန်ဈေးကွက်ကို အခြေခံကာ ကြိုက်ရောင်းကြိုက်ဝယ် ဖြစ်‌နေသည်။

ရန်ကုန်ဈေးကွက်တွင်မူ အခေါက်ရွှေတစ်ကျပ်သားလျှင် ၆,၁၂၀,၀၀၀ ကျပ် ဈေးဖွင့်ထားသည်။

ထိုင်းဘတ်‌ငွေလဲနှုန်းမှာ ကျရိပ်ပြလာပြီး မြန်မာငွေတစ်သိန်းလျှင် ၇၈၅ ဘတ် ဈေးဖွင့်ထားသည်။

ဓာတ်ဆီဈေးမှာ ရည်ညွှန်းဈေးနှုန်းအပြင် မြေပြင်တွင် အမှန်တစ်ကယ် ဝယ်ယူသုံးစွဲရသည့် ပြင်ပဈေးကွက်ပေါက်ဈေးကိုပါ ပူးတွဲဖော်ပြအပ်ပါသည်။

31/12/2024

ဆောင်းအမီ ... စစ်ရှောင်အကူအညီ

Dawei Watch | Podcast

တိုက်ပွဲများနှင့် ပဋိပက္ခများ ပြင်းထန်လာမှုနှင့်အတူ တနင်္သာရီတိုင်းအတွင်း စစ်ဘေးရှောင် ခြောက်သောင်းခန့် ပုံမှန်လိုလိုရှိနေသည်။

စစ်ဘေးရှောင်များလာသလို တစ်ဖက်တွင်လည်း ရာသီအကူးအပြောင်း ရောဂါများ၊ အအေးပိုနိုင်သည့် ဆောင်းရာသီ အခြေအနေများကြောင့် ဆေးဝါး၊ အနွေးထည်နှင့် အမိုးအကာ အပါအဝင် ရိက္ခာလိုအပ်ချက် ပိုများလာနေသည်။

လတ်တလော အလှူရှင်နည်းပါးသဖြင့် စားနပ်ရိက္ခာပင် မလုံလောက်သည့် အခြေအနေတွင် ဆောင်းရာသီအတွက် ကြိုတင်ပြင်ဆင်နိုင်ရန် မလွယ်ကူကြောင်း စစ်ဘေးရှောင် ကူညီသူများကဆိုကြသည်။

31/12/2024

ရေဖြူ၊ ဇာဒီရွာတွင် မိုင်းနင်းမိ၍ မောင်နှမနှစ်ဦး ဒဏ်ရာရ

Dawei Watch| ဒီဇင်ဘာ ၃၁

ရေဖြူမြို့နယ်၊ ဇာဒီရွာတွင် ဒီဇင်ဘာလ ၃၀ ရက် ညနေပိုင်းက မိုင်းနင်းမိ၍ အသက် ၄၀ ကျော်နှင့် ၃၀ ဝန်းကျင်အရွယ်ရှိ မောင်နှမနှစ်ဦး ဒဏ်ရာရခဲ့ကြောင်း ဒေသခံရွာသားများထံမှသိရသည် ။

ဇာဒီရွာထဲမှ တံတားနှစ်စင်းအကြား ရွာပတ်လမ်းတွင် ဆိုင်ကယ်စီးလာစဥ် မိုင်းနင်းမိခြင်းဖြစ်ကြောင်း ရွာသားများကပြောသည်။

"ဆိုင်ကယ်မှာ အတော်ထိသွားတယ်။ သူ့မောင်မှာက လက်မှာထိတယ်။ အစ်မမှာက ပေါင်မှာထိတယ်" ဟု ဖြစ်စဥ်ကိုသိရှိသည့် ဇာဒီရွာသားတစ်ဦးကပြောသည်။

ဒီဇင်ဘာလ ၃၀ ရက် နံနက်ပိုင်းတွင်လည်း ဇာဒီရွာ တံတားကြီးအနီး မိုင်းတစ်လုံးပေါက်ကွဲခဲ့၍ (ယမန်နေ့)တစ်ရက်တည်းတွင်ပင် ဇာဒီရွာတွင် မိုင်းနှစ်ကြိမ်ပေါက်ခဲ့ခြင်းဖြစ်သည်။

ဒီဇင်ဘာလ ၂၉ ရက်တွင်လည်း ဇာဒီရွာနှင့် ခေါင်ပြန်ရွာ အကြားရှိ လယ်ကွင်းပြင်တွင် နွားတစ်ကောင် မိုင်းနင်းမိ၍ သေဆုံးခဲ့သေးသည်။

စစ်ကောင်စီစစ်ကြောင်း ထိုးပြီးနောက် ပြန်ထွက်သွားစဥ် ဇာဒီရွာကျေးရွာအတွင်း မိုင်းများထောင်ခဲ့၍ နေ့တိုင်းနီးပါး ပေါက်ကွဲမှုဖြစ်နေပြီး လူထိခိုက်မှုများပါရှိလာသဖြင့် ဒေသခံများကျေးရွာအတွင်း ပြန်လည်ဝင်ရောက်ရန် စိုးရိမ်နေကြသည်။

31/12/2024

နှစ်သစ်ကူးကာလ အဖမ်းအဆီးကြမ်းနေချိန် ကန်ချနဘူရီတွင် မြန်မာ ၁၀၀ ကျော် ဖမ်းဆီးခံရ

Dawei Watch| ဒီဇင်ဘာ ၃၁

နှစ်သစ်ကူးကာလဖြစ်သော ယနေ့ (ဒီဇင်ဘာ ၃၁) နံနက်ပိုင်းတွင် ထိုင်းနိုင်ငံ ကန်ချနဘူရီခရိုင်ထဲသို့ တရားမဝင် ဝင်လာသော မြန်မာ ၁၀၀ ကျော်ကို ဖမ်းဆီးရမိခဲ့ကြောင်း ထိုင်းသတင်းဌာနများတွင် ဖော်ပြထားသည်။

ကန်ချနဘူရီခရိုင် ထုန်းဖားဖန်းဒေသရှိ တောထဲတွင် မြန်မာနိုင်ငံသားများ အုပ်စုလိုက် တရားမဝင် ဝင်ရောက်ပုန်းနေကြောင်း သတင်းပေးတိုင်ကြားသူရှိသဖြင့် နယ်ခြားစောင့်တပ်များက အနီးအနားကို တင်းတင်းကျပ်ကျပ် ကင်းလှည့် စစ်ဆေးခဲ့ခြင်းဖြစ်သည်။

ကင်းလှည့်စဉ် မသင်္ကာစရာ လူအုပ်စုနှင့် ကားတစ်စီးကို တွေ့ရသဖြင့် သွားရောက်စစ်ဆေးရာ စစ်သားများကို မြင်သည်နှင့် မြန်မာနိုင်ငံသားများက ပုန်းနေသော နေရာမှ ထွက်ပြေးခဲ့ကြကြောင်း သတင်းများအရသိရသည်။

ထွက်ပြေးနေသော မြန်မာနိုင်ငံသားများကို လိုက်လံဖမ်းဆီးခဲ့ရာတွင် မြန်မာနိုင်ငံသား ၁၀၇ ဦးကို ထိုင်းကားသမားတစ်ဦးနှင့်အတူ ဖမ်းဆီးရမိခဲ့ခြင်းဖြစ်သည်။

မြန်မာနိုင်ငံသားများကို စစ်ဆေးရာ တရားဝင် နေထိုင်ခွင့် စာရွက်စာတမ်းများ မတွေ့ရကြောင်း ထိုင်းကားသမားကလည်း မြန်မာနိုင်ငံသားများကို တရားမဝင် ခေါ်ဆောင်လာပြီး တောထဲတွင် နေခိုင်းထားစဉ် ဖမ်းဆီးခံရခြင်းဖြစ်ကြောင်း ဖြေကြားထားသည်ဟု သတင်းများအရသိရသည်။

ဖမ်းဆီးခံရသူ အားလုံးကို ဥပဒေအရ အရေးယူဆောင်ရွက်နိုင်ရေး ထုန်းဖားဖမ်းရဲစခန်းသို့ ပို့ဆောင်ထားသည်။

နှစ်သစ်ကူးကာလဖြစ်သည့် ဒီဇင်ဘာလကုန်ရက်များတွင် ထိုင်းနိုင်ငံနေရာအနှံ့တွင် အဖမ်းအဆီးကြမ်းနေပြီး မြန်မာနိုင်ငံသားများ ဆက်တိုက်ဖမ်းဆီးခံနေရသည်။

Ref: Daily News, Khaosod

31/12/2024

ဆောင်းအမီ ... စစ်ရှောင်အကူအညီ

Dawei Watch | PSA

တိုက်ပွဲများနှင့် ပဋိပက္ခများ ပြင်းထန်လာမှုနှင့်အတူ တနင်္သာရီတိုင်းအတွင်း စစ်ဘေးရှောင် ခြောက်သောင်းခန့် ပုံမှန်လိုလိုရှိနေသည်။

စစ်ဘေးရှောင်များလာသလို တစ်ဖက်တွင်လည်း ရာသီအကူးအပြောင်း ရောဂါများ၊ အအေးပိုနိုင်သည့် ဆောင်းရာသီ အခြေအနေများကြောင့် ဆေးဝါး၊ အနွေးထည်နှင့် အမိုးအကာ အပါအဝင် ရိက္ခာလိုအပ်ချက် ပိုများလာနေသည်။

လတ်တလော အလှူရှင်နည်းပါးသဖြင့် စားနပ်ရိက္ခာပင် မလုံလောက်သည့် အခြေအနေတွင် ဆောင်းရာသီအတွက် ကြိုတင်ပြင်ဆင်နိုင်ရန် မလွယ်ကူကြောင်း စစ်ဘေးရှောင် ကူညီသူများကဆိုကြသည်။

30/12/2024

လောင်းလုံးတွင် စစ်ရေးတင်းမာ‌နေချိန် ဘုန်းကြီးအားထွက်ရှာသည့် ရွာသားငါးဦးဖမ်းဆီးခံရ

Dawei Watch | ဒီဇင်ဘာ ၃၀

လောင်းလုံးမြို့နယ်၊ ကျောက်နီမော်ရွာတွင် တိုက်ပွဲဖြစ်ပွားပြီးနောက် စစ်ရေးတင်းမာနေချိန် စစ်ရှောင်နေရာမှ အဆက်အသွယ်မရဘဲ ပျောက်ဆုံးသွားသည့် ဘုန်းကြီးအား လိုက်လံရှာဖွေသော ရွာသားငါးဦးကို စစ်ကောင်စီတပ်က ဖမ်းဆီးထားကြောင်း ဒေသခံများက ပြောသည်။

ရွာကျောင်းထိုင်ဘုန်းကြီးနှင့် အဆက်အသွယ်မရသဖြင့် အောက်ကျောက်ဝပ်ရွာသားငါးဦးသည် ဒီဇင်ဘာလ ၂၉ရက် နံနက်ပိုင်းတွင် ထွက်ရှာရာမှ အောက်ကျောက်ဝပ်ရွာအနီးတွင် ဖမ်းဆီးခံရခြင်းဖြစ်ကြောင်း ဒေသခံများက ဆိုသည်။

ဖမ်းဆီးခံရသူများမှာ ဦးထွန်းရွှေ၊ ဦးဂျပန်၊ ကိုသားသား၊ ဦးကျော်စိုး၊ ကိုခင်မောင်မျိုးတို့ဖြစ်ကြောင်း ဒေသခံများထံမှ သိရသည်။

"သူတို့က အခြေအနေကြည့်ပြီး ရွာထဲသွားရာကနေ ကိုယ်ရောင်ဖျောက်နေတဲ့ စစ်ကြောင်းနဲ့တွေ့ပြီး အဖမ်းခံရတဲ့ပုံစံပါ" ဟု ဒေသခံတစ်ဦးက ပြောသည်။

ယင်းအပြင် ဒီဇင်ဘာလ ၂၉ရက် ညနေပိုင်းတွင်လည်း စစ်ဘေးရှောင်နေသည့်နေရာမှ ကျေးရွာအတွင်းသို့ သွားသည့် အောက်ကျောက်ဝပ်ရွာသူ၊ ရွာသားတစ်ဆယ်ကျော်မှာလည်း ဆက်သွယ်မရဘဲ ပျောက်ဆုံးနေသည့်အတွက် စိုးရိမ်‌နေရ‌ ကြောင်း ဒေသခံများက ပြောဆိုသည်။

"သတင်းကတော့ အမျိုးမျိုးထွက်နေတယ်။ အဆက်အသွယ် မရတော့တာက သေချာတယ်။ ဒါပေမဲ့ အဖမ်းခံရတာလား၊ မခံရတာလားဆိုတာကတော့ သေချာမသိရသေးဘူး" ဟု ရွာသားတစ်ဦးက ဆိုသည်။

ကျောက်နီမော်ရွာတွင် ဒီဇင်ဘာလ ၂၃ရက်မှ ၂၆ ရက်အထိ လေးရက်ကြာတိုက်ပွဲဖြစ်ပွားပြီးနောက် စစ်ကောင်စီတပ်သည် ကျောက်နီမော်ရွာအနီးရှိ ကျေးရွာများဖြစ်သည့် ကျောက်ဝပ်ပြင်၊ အောက်ကျောက်ဝပ်၊ ကျောက်မတ္တပ် စသည့် ကျေးရွာများကို ယနေ့ ညနေပိုင်းအထိ စစ်ကြောင်းထိုးနေကြောင်း ဒေသခံများထံမှ သိရသည်။

ယင်းကြောင့် ဒေသခံအများစု စစ်ဘေးရှောင်နေကြရသည်မှာ ရှစ်ရက်အထိရှိလာပြီ ဖြစ်သည်။

စစ်ဘေးရှောင် ကိုယ်ဝန်ဆောင်၊ မီးနေသည်နှင့် သက်ကြီးရွယ်အိုများအတွက် အရေးပေါ်ကျန်းမာရေးစောင့်ရှောင်မှု လိုအပ်နေသည့်အပြင် စားရိက္ခာများ လိုအပ်ချက်မြင့်မားနေကြောင်း ကူညီဆောင်ရွက်ပေးနေသူများက ပြောသည်။

စစ်ကောင်စီတပ်သည် ယနေ့ ညနေပိုင်းအထိ အောက်ကျောက်ဝပ်နှင့် ကျောက်မတ္တပ်ရွာအနီးနားတစ်ဝိုက်တွင် တိတ်တဆိတ် လှုပ်ရှားနေကြောင်းလည်း ဒေသခံများထံမှ သိရသည်။

ပုံစာ - အောက်ကျောက်ဝပ်ရွာ (ပုံဟောင်း)

30/12/2024

တောင်ကလေး ကရင်နှစ်သစ်ကူးပွဲတွင် ကရင်အမျိုးသားအလံကြီးကို ဝါးဖြင့် ဖန်တီးပြသ

Dawei Watch | ဓာတ်ပုံသတင်း

ကရင်ပြည်နယ်၊ ဘားအံမြို့နယ်၊ တောင်ကလေးတွင် ကျင်းပပြုလုပ်နေသည့် ၃၃ ကြိမ်မြောက် ကရင်နှစ်သစ်ကူးပွဲတော်တွင် ယခုနှစ် ရိုးရာဝါးလက်မှုသင်္ကေတရုပ်အဖြစ် ကရင့်အမျိုးသားအလံကြီးကို ပြုလုပ်ထားကြောင်း ဖန်တီးပြုလုပ်ထားသူများထံက သိရသည်။

အဆိုပါအလံကြီးကို ကရင်လူငယ်ပန်းချီဆရာ စောထွန်းလင်းက ဒီဇိုင်းနှင့်အချိုးအစား ရေးဆွဲ၍ ဝါးလက်မှုပညာရှင်ဦးစောထွန်းခလုံနှင့် တောင်ကလေးဒေသခံများ စုပေါင်းကာ ဒီဇင်ဘာလ ၈ ရက်မှ ၂၆ ရက်အထိ ၁၉ ရက်တာပြုလုပ်ခဲ့ခြင်းဖြစ်ကြောင်း ၎င်းတို့ထံမှ သိရသည်။

ဒီဇင်ဘာလ ၂၇ ရက်နေ့က တောင်ကလေး နှစ်သစ်ကူးကွင်းတွင် ဝါးလက်မှုဖြင့်ပြုလုပ်ထားသည့် ကရင်အမျိုးသားအလံကြီးကို နှစ်သစ်ကူးပွဲတော်အကြိုအဖြစ် ဖွင့်ပွဲပြုလုပ်ခဲ့သည်။

ယင်းအလံကြီ ၏ အမြင့်သည် ၅၂ ပေ ၊ အလျား ၇၄ ပေ ရှိပြီး ဝါး၊ သံ ၊ ပလပ်စတစ်ကြိုး ၊ သင်္ကန်းအဟောင်း များဖြင့် ပေါင်းစပ်ပြုလုပ်ထားကာ ရေဆေး၊ သင်္ဘောဆေး နှင့် ထုံးတို့ဖြင့် အရောင်ချသထားခြင်းဖြစ်ကြောင်း ဖန်တီးပြုလုပ်သူတို့ထံမှ သိရသည်။

တောင်ကလေးဆရာတော်၏ သြဝါဒဖြင့် နှစ်သစ်ကူးပွဲတွင် ဝါးလက်မှုအရုပ်များကို ထည့်သွင်းကျင်းပခြင်းဖြစ်ကြောင်း ကရင်လူငယ်ပန်းချီဆရာ စောထွန်းလင်းက ဆိုသည် ။

“ကျွန်တော့်တစ်ယောက်တည်းခံယူချက်အရ ပြောရရင် ဒီ ကရင်အမျိုးသား အလံ ဝါးလက်မှုအရုပ်ကြီးက မြန်မာနိုင်ငံ ဒေသအသီးသီးမှာရှိတဲ့ ကရင်အမျိုးသားအားလုံးဟာ အလံတော်တစ်ခုရဲ့ အရိပ်အောက်မှာ ရှိကြတယ်ဆိုတဲ့ သင်္ကေတပဲ လို့ မြင်တယ် “ ဟု စောထွန်းလင်းက ပြောသည်။

ယခု ၂၀၂၄ ခုနှစ်အတွင်း၌ပင် ကရင်နှစ်သစ်ကူးနေ့ နှစ်ကြိမ်ကျရောက်ခြင်းသည်လည်း ထူးခြားချက်ဖြစ်ကြောင်း ပွဲစီစဥ်သူများက ဆိုသည် ။

၂၀၁၅ ခုနှစ်တွင် ကရင်မုဆိုးရုပ်၊ ၂၀၁၆ ခုနှစ်တွင် ကရင်မုဆိုးနှင့် အမဲလိုက်ခွေးအရုပ်၊ ၂၀၁၉ တွင် ဆင်နှင့်လယ်သမားရုပ်၊ ၂၀၂၃ ခုနှစ်တွင် ချိုးငှက်ရုပ် ၊ ၂၀၂၄ ဇန်နဝါရီလက ပြုလုပ်သည့် နှစ်သစ်ကူးပွဲ တွင် ကျွဲချို နှင့် ဖားစည်ရုပ် စသည့် ရိုးရာဝါးလက်မှုသင်္ကေတ အရုပ်များပြုလုပ်ခဲ့ဖူးသည်။

တောင်ကလေးနှစ်သစ်ကူးပွဲတော်တွင် ရိုးရာဒုံးအကပြိုင်ပွဲ၊ လက်ဝှေ့ပွဲ၊ ဘောလုံးပြိုင်ပွဲ၊ ဖျော်ဖြေရေး၊ ကောက်သစ်စားပွဲနှင့် ဝါးလက်မှုသင်္ကေတအရုပ်တို့ကို ထည့်သွင်းကျင်းပနေကြောင်း ပွဲစီစဥ်သူများထံမှ သိရသည်။

ဓာတ်ပုံ - Saw htun lin & Saw Myo Myo

Address

Website

http://www.daweiwatch.com/

Alerts

Be the first to know and let us send you an email when Dawei Watch TV posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Dawei Watch TV:

Videos

ချင်းမိုင်မြို့က အဝယ်တော် ထားဝယ်သားမောင်ထူး

ချင်းမိုင်မြို့က အဝယ်တော် ထားဝယ်သားမောင်ထူး Dawei Watch | ရုပ်သံ ချင်းမိုင်မြို့နေ မြန်မာတစ်ချို့ ဘာပဲလိုလို ထားဝယ်သားမောင်ထူးက အသင့်ရှိနေပါတယ်။ ချင်းမိုင်ရောက်မြန်မာတွေအတွက် အဝယ်တော်မောင်ထူးက ဘယ်လိုပစ္စည်းတွေ ဝယ်ပေးရလေ့ရှိလဲ။ ဘယ်လိုစိန်ခေါ်မှုတွေရှိနေပါသလဲ။

ဒီဇင်ဘာလ ၃၁ရက် တနင်္သာရီနေ့စဉ်သတင်း အစီအစဉ်

ဒီဇင်ဘာလ ၃၁ရက် တနင်္သာရီနေ့စဉ်သတင်း အစီအစဉ် ************ Dawei Watch က စီစဉ်တင်ဆက်နေတဲ့ တနင်္သာရီနေ့စဉ်သတင်း အစီအစဉ်ကို နားဆင်ရမှာပါ။ ဒီနေ့အတွက် တင်ဆက်ပေးမယ့် သတင်းတွေကတော့ - တနင်္သာရီတိုင်းလူဦးရေရဲ့ ထက်ဝက်ကျော်ပဲ သန်းခေါင်စာရင်းကောက်ယူနိုင်တဲ့အကြောင်း - လောင်းလုံးမှာ စစ်‌ကောင်စီတပ်က အရပ်သားသုံးဦးကို ဖမ်းဆီးသတ်ဖြတ်လိုက်တဲ့ အခြေအနေ - စစ်ကောင်စီက လောင်းလုံးမြို့နယ်ကို စက်သုံးဆီနဲ့စားသောက်ကုန် သယ်ဆောင်ခွင့်ပိတ်လိုက်တဲ့သတင်း - ရေဖြူက ဇာဒီရွာမှာ မိုင်းနင်းမိလို့ မောင်နှမနှစ်ဦး ဒဏ်ရာရသွားတဲ့အကြောင်း - နှစ်သစ်ကူးကာလ အဖမ်းအဆီးကြမ်းနေချိန် ကန်ချနဘူရီမှာ မြန်မာ ၁၀၀ ကျော် အဖမ်းခံရတဲ့အကြောင်း စတဲ့သတင်းတွေကို တင်ဆက်ပေးသွားမှာပါ။ တနင်္သာရီနေ့စဉ်သတင်း အစီအစဉ်ကို YouTube မှာ မလွတ်တမ်းနားဆင်နိုင်ဖို့ Subscribe လုပ်ထားကြဖို့ ပန်ကြားအပ်

တနင်္သာရီတိုင်းမှာ လူဦး‌ရေရဲ့ထက်ဝက်ကျော်သာ သန်းခေါင်စာရင်းကောက်ယူနိုင်

လောင်းလုံးက နှစ်သစ်ကူးည သပိတ်

လောင်းလုံးက နှစ်သစ်ကူးည သပိတ် စစ်ရေးတင်းမာနေသည့် လောင်းလုံးမြို့နယ်က ကျေးရွာတစ်ရွာတွင် နှစ်သစ်ကူး ညသပိတ်ပြုလုပ်ခဲ့သည်။

စစ်ကောင်စီလောင်းလုံးမြို့နယ်ကို စက်သုံးဆီနဲ့ စားသောက်ကုန်သယ်ခွင့်ပိတ်

လောင်းလုံးမှာ စစ်‌ကောင်စီတပ်က အရပ်သားသုံးဦးကို ဖမ်းဆီးသ_တ်ဖြ_တ်

ဆောင်းအမီ ... စစ်ရှောင်အကူအညီ

ဆောင်းအမီ ... စစ်ရှောင်အကူအညီ Dawei Watch | Podcast တိုက်ပွဲများနှင့် ပဋိပက္ခများ ပြင်းထန်လာမှုနှင့်အတူ တနင်္သာရီတိုင်းအတွင်း စစ်ဘေးရှောင် ခြောက်သောင်းခန့် ပုံမှန်လိုလိုရှိနေသည်။ စစ်ဘေးရှောင်များလာသလို တစ်ဖက်တွင်လည်း ရာသီအကူးအပြောင်း ရောဂါများ၊ အအေးပိုနိုင်သည့် ဆောင်းရာသီ အခြေအနေများကြောင့် ဆေးဝါး၊ အနွေးထည်နှင့် အမိုးအကာ အပါအဝင် ရိက္ခာလိုအပ်ချက် ပိုများလာနေသည်။ လတ်တလော အလှူရှင်နည်းပါးသဖြင့် စားနပ်ရိက္ခာပင် မလုံလောက်သည့် အခြေအနေတွင် ဆောင်းရာသီအတွက် ကြိုတင်ပြင်ဆင်နိုင်ရန် မလွယ်ကူကြောင်း စစ်ဘေးရှောင် ကူညီသူများကဆိုကြသည်။

ဆောင်းအမီ ... စစ်ရှောင်အကူအညီ

ဆောင်းအမီ ... စစ်ရှောင်အကူအညီ Dawei Watch | PSA တိုက်ပွဲများနှင့် ပဋိပက္ခများ ပြင်းထန်လာမှုနှင့်အတူ တနင်္သာရီတိုင်းအတွင်း စစ်ဘေးရှောင် ခြောက်သောင်းခန့် ပုံမှန်လိုလိုရှိနေသည်။ စစ်ဘေးရှောင်များလာသလို တစ်ဖက်တွင်လည်း ရာသီအကူးအပြောင်း ရောဂါများ၊ အအေးပိုနိုင်သည့် ဆောင်းရာသီ အခြေအနေများကြောင့် ဆေးဝါး၊ အနွေးထည်နှင့် အမိုးအကာ အပါအဝင် ရိက္ခာလိုအပ်ချက် ပိုများလာနေသည်။ လတ်တလော အလှူရှင်နည်းပါးသဖြင့် စားနပ်ရိက္ခာပင် မလုံလောက်သည့် အခြေအနေတွင် ဆောင်းရာသီအတွက် ကြိုတင်ပြင်ဆင်နိုင်ရန် မလွယ်ကူကြောင်း စစ်ဘေးရှောင် ကူညီသူများကဆိုကြသည်။

ဒီဇင်ဘာလ ၃၀ရက် တနင်္သာရီနေ့စဉ်သတင်း အစီအစဉ်

ဒီဇင်ဘာလ ၃၀ရက် တနင်္သာရီနေ့စဉ်သတင်း အစီအစဉ် ************ Dawei Watch က စီစဉ်တင်ဆက်နေတဲ့ တနင်္သာရီနေ့စဉ်သတင်း အစီအစဉ်ကို နားဆင်ရမှာပါ။ ဒီနေ့အတွက် တင်ဆက်ပေးမယ့် သတင်းတွေကတော့ - မေတ္တာဗျူဟာစခန်းကိုပို့မယ့် စစ်ကောင်စီတပ်ရိက္ခာကားကို KNU ဖမ်းလိုက်တဲ့အကြောင်း - ဘုတ်ပြင်းက အလယ်မန်‌ရွာမှာ ဂုံးချောအထွက်များနေပြီး ဈေးကောင်းရနေတဲ့သတင်း - တနင်္သာရီမှာ CDM စစ်သားက ၁၅ နှစ်အရွယ် ကျောင်းသူကို မုဒိမ်းကျင့်ခဲ့တဲ့အကြောင်း - ရက်ရှည်ပြတ်နေတဲ့ အက်တမ်ဖုန်းလိုင်း နေရာအချို့မှာ ပြန်ရနေတဲ့အခြေအနေ - ထားဝယ်မြို့ပေါ်မှာ အမျိုးသမီးအလောင်းတွေ့တဲ့သတင်း - ဘန်ကောက်ကနေ တောင်ကိုးရီးယားကို ပျံသန်းတဲ့လေယာဉ် အဆင်းမှာပေါက်ကွဲပြီး သေဆုံးသူများတဲ့အကြောင်း စတဲ့သတင်းတွေကို တင်ဆက်ပေးသွားမှာပါ။ တနင်္သာရီနေ့စဉ်သတင်း အစီအစဉ်ကို YouTube မှာ မလွတ်တမ်းနားဆင်နိုင်ဖို့

တနင်္သာရီမှာကျောင်းသူကို CDM စစ်သားမုဒိန်းကျင့်

ရက်ရှည်ပြတ်တောက်နေတဲ့ အက်တမ်ဖုန်းလိုင်း ထားဝယ်မြို့အပါအဝင် နေရာတချို့မှပြန်ရ

ရက်ရှည်ပြတ်တောက်နေတဲ့ အက်တမ်ဖုန်းလိုင်း ထားဝယ်မြို့အပါအဝင် နေရာတချို့မှပြန်ရ

ဘုတ်ပြင်းက အလယ်မန်‌ရွာမှာ ဂုံးချော အထွက်များနေပြီး ဈေးကောင်းရ

Shortcuts

Address
Alerts
Contact The Business
Videos
Claim ownership or report listing
Want your business to be the top-listed Media Company?

Country:

City:

31/12/2024

31/12/2024

31/12/2024

31/12/2024

31/12/2024

31/12/2024

31/12/2024

31/12/2024

31/12/2024

31/12/2024

31/12/2024

31/12/2024

31/12/2024

31/12/2024

31/12/2024

31/12/2024

30/12/2024

30/12/2024

Address

Website

Alerts

Contact The Business

Videos

ချင်းမိုင်မြို့က အဝယ်တော် ထားဝယ်သားမောင်ထူး

ဒီဇင်ဘာလ ၃၁ရက် တနင်္သာရီနေ့စဉ်သတင်း အစီအစဉ်

တနင်္သာရီတိုင်းမှာ လူဦး‌ရေရဲ့ထက်ဝက်ကျော်သာ သန်းခေါင်စာရင်းကောက်ယူနိုင်

လောင်းလုံးက နှစ်သစ်ကူးည သပိတ်

စစ်ကောင်စီလောင်းလုံးမြို့နယ်ကို စက်သုံးဆီနဲ့ စားသောက်ကုန်သယ်ခွင့်ပိတ်

လောင်းလုံးမှာ စစ်‌ကောင်စီတပ်က အရပ်သားသုံးဦးကို ဖမ်းဆီးသ_တ်ဖြ_တ်

ဆောင်းအမီ ... စစ်ရှောင်အကူအညီ

ဆောင်းအမီ ... စစ်ရှောင်အကူအညီ

ဒီဇင်ဘာလ ၃၀ရက် တနင်္သာရီနေ့စဉ်သတင်း အစီအစဉ်

တနင်္သာရီမှာကျောင်းသူကို CDM စစ်သားမုဒိန်းကျင့်

ရက်ရှည်ပြတ်တောက်နေတဲ့ အက်တမ်ဖုန်းလိုင်း ထားဝယ်မြို့အပါအဝင် နေရာတချို့မှပြန်ရ

ဘုတ်ပြင်းက အလယ်မန်‌ရွာမှာ ဂုံးချော အထွက်များနေပြီး ဈေးကောင်းရ

Shortcuts

Share