Knews24

07/01/2025

WANANCHI KITETO WAISHUKURU SERIKALI UJENZI WA MIUNDOMBINU YA BARABARA

ya upatikaji wa barabara na madaraja yafikia 19%

Kibaya ,Kiteto

WANANCHI wa Wilaya ya Kiteto mkoani Manyara wameishukuru Serikali kwa kuwapelekea mradi wa ujenzi wa miundombinu ya barabara na madaraja ambao utasaidia kufungua uchumi wa wilaya hiyo.

Wakizungumza wakati wa ziara ya ukaguzi wa miradi hiyo wananchi hao wamesema awali kabla ya ujenzi wa miundombinu hiyo walikuwa wakikumbana na changamoto za usafiri na usafirishaji bidhaa na mazao mbalimbali yanayolimwa wilayani humo jambo lililochangia kuzorota kwa ukuaji wa uchumi wao.

Bw. Jafari Hassan ambaye ni dereva wa bodaboda Mkazi wa Kijiji cha Mbeli katika Kata ya Mbeli wilayani humo anasema awali alikuwa akikumbana na changamoto katika shughuli zake za usafirishaji kabla ya kujengwa kwa daraja linalounganisha kata hiyo na maeneo mengine lakini kwa sasa anafurahia kazi yake baada ya kujengwa kwa daraja hilo la mawe.

“Kwa sasa tuna ‘enjoy’, tulipata shida sana kwa kukosekana kwa hili daraja hususani sisi bodaboda, tulipata changamoto kubwa kusafirisha akina mama kwenda kliniki mpaka tunaamua kupita ng’ambo lakini kwa sasa tunamshukuru Mungu kwa kupata daraja zuri k**a hili na sasa tunapita juu, kwa kweli daraja hili limeturahisishia sana tunaishukuru Serikali na viongozi wetu wametukamilishia daraja ni jambo jema sana.” Alisema Jafari.

Naye, Bw. Bakari Kilama, Mkazi wa Mji mdogo wa Matui wilayani humo anasema hapo awali hakukuwa na barabara nzuri kiasi ambacho wakazi wa mji huo walikuwa wakipita kwenye njia ambazo magari yalikuwa yakipasua kwa kupita ndipo na wao wapite ukilinganisha kwa sasa baada ya kujengewa barabara ya uhakika pamoja na mitaro.

Amesema kwa kiwango kikubwa shida hiyo imepungua na sasa wanaweza kusafirisha mazao yao kutoka katika mji huo na kuyapeleka maeneo mengine kwaajili ya biashara jambo ambalo limewanufaisha kiuchumi.

06/01/2025

"HAKIKISHENI KILA ANAYESTAHILI KULIPA KODI ANALIPA" DK.NCHEMBA

Waziri wa Fedha Mhe. Dk. Mwigulu Nchemba ameitaka Mamlaka ya Mapato Tanzania (TRA) kuhakikisha kila anayestahili kulipa Kodi analipa bila kujali ukubwa au umaarufu wao.

Akifungua kikao cha nusu mwaka cha kutathmini utendaji kazi wa TRA kwa mwaka wa fedha 2024/2025 Jijini Arusha leo tarehe 06.01.2025 Waziri wa Fedha Dk. Nchemba amesema suala la kulipa kodi ni la kila mmoja maana kodi inayokusanywa ni kwaajili ya maendeleo ya nchi.

Amesema Nchi haiwezi kujitegemea k**a Kodi hailipwi kikamilifu na kuitaka TRA kutoogopa lawama kwenye masuala ya Kodi yanayohusu sheria na taratibu.

Dk. Mwigulu ameipongeza TRA kwa kuvunja rekodi ya makusanyo ya Kodi kwa Mwezi Desemba tangu kuanzishwa kwake kwa kukusanya kiasi cha Sh. Trilion 3.587 na pia kuvuka malengo ya nusu mwaka kwa kukusanya Sh. Trilion 16.528 na kueleza kuridhishwa na utendaji kazi wao.

Amesema utaratibu ulioanzishwa na Kamishna Mkuu wa TRA Bw. Yusuph Juma Mwenda wa kuwafuata Walipakodi na kuwasikiliza umeongeza makusanyo bila kutumia nguvu na kuweka ukaribu baina ya TRA na Walipakodi.

Dk. Mwigulu amesema kumekuwa na mtazamo hasi juu ya TRA kukusanya Kodi na kutaka elimu iendelee kutolewa kwamba kodi inayokusanywa ni kwaajili ya maendeleo ya nchi na makusanyo yote yamekuwa yakipelekwa kwenye mfuko mkuu wa Serikali kwaajili ya kupangiwa matumizi.

"Jamii inapaswa kueleweshwa vya kutosha kuhusu masuala ya Kodi kwamba ni za kwetu sote siyo za TRA hata risiti za EFD ni za kwetu wote kwaajili ya maendeleo ya nchi hivyo mtu anayekwepa Kodi anapaswa kuwa adui wa kila mmoja wetu maana anatukwamisha" Dk. Mwigulu.

Waziri wa Fedha amesema TRA inao wajibu wa kulinda na kuboresha biashara za Walipakodi ili zikue waweze kulipa Kodi na pia Mamlaka hiyo inawajibika katika kujenga Uchumi badala ya kusubiri kukusanya Kodi.

Kwa upande wake Kamishna Mkuu wa TRA Bw. Yusuph Juma Mwenda akimkaribisha Waziri wa Fedha amesema wataendelea kutoa elimu kwa Walipakodi kuhusu kulipa Kodi kwa hiari na kuwatembelea ili kusikiliza changamoto zao na kuzitatua.

03/01/2025

BALOZI WA JAPAN ASIFU UTENDAJI KAZI WA TRA

Balozi wa Japan nchini Tanzania Mhe. Yasushi Misawa leo tarehe 03/01/2025 amekutana na kufanya mazungumzo na Kamishna Mkuu wa Mamlaka ya Mapato Tanzania (TRA) Bw. Yusuph Juma Mwenda alipomtembelea ofisini kwake Jijini Dar es Salaam kwa lengo la kumuaga baada ya kumaliza muda wake.

Katika mazungumzo yao yaliyojikita kwenye masuala ya Kodi, Uwekezaji, kubadilishana uzoefu na Biashara, Balozi Misawa ameipongeza TRA kwa kufanya makusanyo makubwa ya Kodi kistarabu jambo ambalo linachochea uwekezaji.

Balozi Misawa amesema wataendelea kudumisha uhusiano uliopo baina ya Tanzania na Japan kwa kushirikiana na TRA katika masuala ya biashara na uwekezaji.

Balozi huyo pia amegusia suala la kubadilishana uzoefu katika masuala ya Kodi baina ya TRA na Mamlaka ya Mapato nchini Japan ili kuongeza ufanisi zaidi.

Kwa upande wake Kamishna Mkuu wa TRA Bw. Yusuph Juma Mwenda amesema wanathamini uhusiano na ushirikiano uliopo baina ya TRA na Japan katika masuala mbalimbali ya kikodi na uwekezaji.

Bw. Mwenda amesema zipo sheria zinazoiongoza TRA katika kushughulikia masuala ya kidiplomasia na uwekezaji ambazo wamekuwa wakizitekeleza kikamilifu ili kuweka mazingira mazuri katika ufanyaji biashara kimataifa na uwekezaji.

"Tunaishukuru sana Serikali ya Japan kwa kuwa na mahusiano mazuri na Tanzania ambayo yamekuwa na manufaa chanya na tunaahidi k**a TRA tutaendeleza mahusiano hayo yenye tija kidiplomasia" amesema Kamishna Mkuu Mwenda.

02/01/2025

WAZIRI MKUU AMWAKILISHA RAIS DKT. SAMIA KUAGA MWILI WA MAREHEMU JAJI WEREMA.

_▪️Rais Dkt. Samia asema Jaji Werema alikuwa kiongozi mwenye misimamo_

WAZIRI MKUU, Kassim Majaliwa leo Januari 02, 2025 amemwakilisha Rais Dkt. Samia Suluhu Hassan katika kuaga mwili wa marehemu Jaji Fredrick Werema ambaye aliwahi kuwa Mwanasheria Mkuu wa Serikali katika kipindi cha kuanzia Mwaka 2009-2014.

Mheshimiwa Waziri Mkuu amesema kuwa Rais Dkt. Samia amesikitishwa na kifo cha Jaji Werema na amemtaja k**a kiongozi shupavu aliyekuwa anazingatia maadili wakati wote na mwenye misimamo katika utendaji kazi wake. Tukio la kuaga Mwili wa Jaji Werema limefanyika katika Viwanja vya Karimjee Jijini Dar es Salaam.

“Mheshimiwa Rais anajua kwamba Marehemu amefanya kazi katika mihimili yote na anauzoefu mkubwa wa utendaji katika mihimili yote, mengi mazuri ameyatenda, Rais Dkt. Samia anawasihi wote muwe wavumilivu katika kipindi hiki kigumu na ametusihi tuendelee kumuombea na kuyaenzi yote aliyoyafanya katika utumishi wake”.

Kadhalika Mheshimiwa Majaliwa amewataka amewataka wanasheria na watanzania kwa ujumla kuyaenzi na kuyaendeleza yale yote mazuri aliyoyafanya jaji Werema enzi za uhai wake”

Kwa Upande wake Rais Mstaafu wa Awamu ya Nne Dkt. Jakaya Mrisho Kikwete amesema kuwa Jaji Werema alikuwa Mwanasheria mbobezi, mzalendo wa dhati na mara zote alitoa ushauri makini kwa maslahi ya Taifa, alikuwa mahiri ma mpenda haki. “Amefanya mengi mema kwa Taifa na ameacha alama ya kudumu nchini, Nilimteua kuwa Jaji kutokana na sifa zake katika utendaji”

Naye, Mwanasheria Mkuu wa Serikali, Hamza Johari amesema kuwa Marehemu Jaji Werema alikuwa ni mtu mwenye maono na mtaalam wa Sheria aliyejitolea na kuwa mstari wa mbele katika kuhakikisha sheria na haki zinatumika katika kuleta maendeleo kwa Taifa.

“Jaji Werema alifanya maboresho makubwa katika mfumo wa sheria na haki na alifanikiwa kwa kiasi kikubwa kuboresha na kuimarisha utawala wa sheria na kuwaendeleza, kuwafunda na kuwanyanyua wanasheria waliokuwa wanachipukia, alionesha uongozi wa aina yake katika nyakati ngumu pia aliweza kupigania maslahi ya Taifa”

01/01/2025

23/12/2024

Mamlaka ya Mapato Tanzania (TRA) ipo katika mkakati wa kuongeza idadi ya Waendesha Uchumi Walioidhinishwa (Authorized Economic Operators (AEO)) ili kuongeza kasi ya uendeshaji wa shughuli za Uchumi nchini ikiwemo uondoshaji mizigo Bandarini na usafirishaji kwenda nchi jirani.

Akizungumza wakati wa kukabidhi vyeti kwa AEO 5 zilizopatiwa leseni msimu huu Kamishna Mkuu wa TRA Bw. Yusuph Juma Mwenda amesema idadi ya AEO iliyopo nchini haitoshi ikilinganishwa na idadi ya Watanzania.

Amesema kwa sasa nchini zipo jumla ya AEO 41 idadi ambayo haitoshi, hivyo ipo haja ya kuongeza idadi ambapo TRA kwa kushirikiana na Waendesha Uchumi Walioidhinishwa watakuja na Kampeni ya kuhamasisha wadau wengine wa sekta hiyo kusajiliwa.

"Tunataka tuongeze zaidi idadi ya AEO zinazotoa huduma ili biashara zichangamke na kodi zilipwe vizuri zaidi, hawa wakiwa wengi Bandarini, mipakani na katika sekta mbalimbali ikiwemo usafirishaji kutachangamka" amesema Bw. Mwenda.

Ameeleza kuwa TRA ipo kuwasaidia Waendesha Uchumi Walioidhinishwa hivyo itahakikisha wanapata faida zote zinazotoka na kuidhinishwa k**a ilivyo kwa wenzao waliopo nchi nyingine za Afrika Mashariki.

Bw. Mwenda amesema Mapato ya TRA kwa Asilimia zaidi ya 40 yanachangiwa na Bandari na kwa upande wa Bandari Waendesha Uchumi Walioidhinishwa wanachangia Asilimia zaidi ya 70 hivyo ni wadau muhimu kwa Uchumi wa Nchi.

Kwa upande wake Kamishna wa Forodha Bw. Juma Bakari akizungumza katika hafla hiyo amesema wamekuwa wakisimamia usalama na kodi kwa bidhaa zinazoingia na kutoka nchini ambapo wamekuwa wakitoa leseni kwa Waendesha Uchumi wanaovuka mipaka ili waidhinishwe.

Amesema kumekuwa na faida nyingi wanazopata Waendesha Uchumi Walioidhinishwa ambazo zinarahisisha utendaji kazi wao tofauti na wale wasioidhinishwa.

Kwa upande wake mwakilishi wa Waendesha Uchumi Walioidhinishwa kutoka AFT Bw. James Mramba amesema mpango wa kusajiliwa umekuwa na manufaa kwao na umekuwa ukiwasaidia kupunguza changamoto katika utendaji kazi wao.

Amesema uaminifu ndiyo Nguzo kubwa katika kazi zao na kutoa wito kwa wengine ambao bado hawajasajiliwa kwenye mfumo huo, kujisajili ili kurahisisha kazi zao.

20/12/2024

"TUTAENDELEA KUWASIKILIZA WALIPAKODI - CG MWENDA"

Kamishna Mkuu wa Mamlaka ya Mapato Tanzania (TRA) Bw. Yusuph Mwenda akiwa mkoani Manyara kwa lengo la Kuwashukuru na kuwasikikiza Walipakodi amefanya mkutano na Wafanyabiashara na kueleza kuwa TRA itaendelea kutatua changamoto za Walipakodi kwa njia ya mazungumzo.

Amesema jukumu la TRA ni kuona Biashara nchini zinakuwa hivyo panapokuwa na vikwazo wamekuwa wakiviondoa ili kuboresha Mazingira ya biashara na kuwawezesha kukusanya kodi.

"Kipaumbele chetu ni biashara halafu Kodi inafuata maana huwezi kukusanya Kodi pasipo kuwawekea mazingira mazuri ya kufanyia biashara wafanyabiasha" amesema Bw. Yusuph Mwenda

Kamishna Mkuu Mwenda ameeleza kuwa kwa Mwezi December TRA imekuwa ikitoa shukrani kwa Walipakodi na kuwasikiliza utaratibu ambao umewezesha kutatua baadhi ya changamoto zilizokuwa zikiwakabili Walipakodi na kukosa utatuzi wake.

Katika ziara hiyo mkoani Manyara Kamishna Mkuu Mwenda amekabidhi zawadi kwa baadhi ya walipakodi akiwemo Mkurugenzi wa Kampuni ya Twiga General Traders Ltd Bw. Richard Ngalewa ambaye amejipambanua k**a mlipakodi anayetoa elimu ya mlipakodi kwa wengine.

"Huyu ni Mlipakodi wa kipekee aliyejipambanua k**a mtoa elimu ya Kodi kwa Walipakodi wengine mkoani Manyara hususan hapa kwenye mji wa Babati hivyo k**a Mamlaka tunawajibika kumtambua na kumshukuru kwa kuwa balozi wetu mzuri" Amesema Bw. Mwenda.

Akizungumza baada ya kupatiwa zawadi Bw. Richard Ngalewa amesema anaendelea kutoa elimu kwa walipakodi wengine ili kuongeza idadi ya walipakodi.

Mfanyabiashara huyo ameuomba uongozi wa TRA kuangalia namna bora ya kutoza kidi ya ongezeko la thamani (VAT) ili kuleta usawa na ushindani sokoni jambo ambalo Kamishna Mkuu wa TRA ameahifi kulifanyia kazi.

Kwa upande wake mmiliki wa kiwanda cha MATI kinachozalisha Pombe Kali maarufu k**a Vinywaji changamshi Bw. David Mulokozi amesema wataendeleza ubora na kusimamia sheria za TRA katika ulipaji wa kodi.

Katika mkutano wa wafanyabiasha na Kamishna Mkuu wa TRA, Mwenyekiti wa Baraza la Kilimo Tanzania Bw. Jitu Soni ameitaka TRA kuitazama sekta ya kilimo katika masuala ya Kodi hasa kwenye pembejeo.

19/12/2024

WANAOGHUSHI STIKA ZA TRA KUSAKWA - CG MWENDA.

Ukiwa ni mwendelezo wa Ziara za Kamishna Mkuu wa Mamlaka ya Mapato Tanzania (TRA) Bw. Yusuph Mwenda kuwashukuru na kuwasikiliza Walipakodi mbalimbali ameonya uwepo wa wafanyabiasha wasiokuwa waaminifu wanaotengeneza pombe Bandia na kuweka Stika za TRA za kughushi.

Akiwa mkoani Manyara Kamishna Mkuu Mwenda amesema kughushi Stika za TRA ni makosa kisheria hivyo watawasaka wote wanaozalisha vinywaji changamshi Bandia ili wachukuliwe hatua za kisheria maana uzalishaji huo unaenda sambamba na matumizi ya Stika Bandia ili kuwaaminisha watumiaji.

Kamishna Mkuu Mwenda akiwa katika mkutano na wafanyabiasha mkoani Manyara amesema licha ya kukwepa kulipa kodi wazalishaji hao wa Pombe Bandia wanahatarisha usalama wa afya za watanzania kutokana na vinywaji vyao kutokuwa na viwango.

Kabla ya mkutano huo na wafanyabiasha CG Mwenda alitembelea kiwanda cha MAT cha mkoani Manyara kinachozalisha Pombe Kali maarufu k**a Vinywaji changamshi na kumpongeza mmiliki wa kiwanda hicho Bw. David Mulokozi kwa kuwa Mlipakodi mzuri anayezingatia sheria.

Amesema wazalishaji wasiokuwa waaminifu wanaokiuka sharia za Nchi wamekuwa wakiwanyonya wenzao kwa kushusha bei na kuwafanya washindwe kushindana sokoni.

Kwa upande wake mmiliki wa kiwanda hicho cha MAT kinachozalisha Pombe Kali maarufu k**a Vinywaji changamshi Bw. David Mulokozi amesema wataendeleza ubora na kusimamia sheria za TRA katika ulipaji wa kodi.

15/12/2024

KAMISHNA MKUU WA TRA AAHIDI USHIRIKIANO KWA WALIPAKODI ARUSHA

Kamishna Mkuu wa Mamlaka ya Mapato Tanzania (TRA) Bw. Yusuph Mwenda ameahidi kuendelea kushirikiana na Walipakodi mkoani Arusha na kueleza kuwa katika mwezi Disemba ambao ni mwezi wa Shukurani kwa walipakodi hatakaa ofisini, badala yake atawafuata walipakodi kwenye maeneo yao na kuwasikiliza huku akiwapa Shukurani.

Akizungumza na mmoja wa wafanyabiasha wanaounda magari ya kubebea Watalii jijini Arusha Kamishna Mkuu Mwenda amesema TRA inatambua mchango mkubwa unaotolewa na wafanyabiasha pamoja na wawekezaji katika maendeleo ya Taifa kupitia kodi wanazolipa.

Amesema kwa kutambua thamani ya walipakodi ameamua kuwafuata na kuwashukuru ili kuwapa motisha ya kuendelea kulipa kodi hali ambayo itaboresha mazingira ya walipa kodi hao wakitambua kuwa wao na TRA siyo maadui na wanajenga nyumba moja.

"Mameneja wote nimewapa maelekezo kuwa hakuna kukaa ofisini, watoke wakawasikilize walipakodi na kuona mazingira yao ya ufanyaji kazi pia kutoa Shukurani huku wakitatua changamoto walizonazo, hii itasaidia sana kuwajengea walipakodi imani" Kamishna Mkuu Mwenda.

Akiwa katika Ofisi za World Vision Tanzania mkoani Arusha Kamishna Mkuu Mwenda amesema Shirika hilo lisilokuwa la kiserikali lililoajiri wafanyakazi takribani 500 wamekuwa ni walipakodi wazuri wasiokuwa na udanganyifu katika kodi na wanaozingatia sheria.

Bw. Mwenda amesema yapo mashirika mengi yasiyo ya kiserikali yanayofanya kazi za kijamii yanayofanana na World Vision lakini yamekuwa siyo walipaji wazuri wa kodi na kuwataka kuiga mfano wa World Vision kwa uaminifu katika kulipa kodi.

"World Vision inafanya kazi katika mikoa 15, angalieni uwezekano wa kwenda mikoa mingine mpaka Visiwani Zanzibar, maana mmekuwa na msaada mkubwa kwa jamii yetu hasa kwa watoto waliopo katika mazingira hatarishi na jamii zisizokuwa na uwezo" Kamishna Mkuu Mwenda.

Amewaambia World Vision kwamba milango ipo wazi kwao kufanya mazungumzo na TRA kuhusu masuala ya kikodi waliyoomba kusaidiwa na mazungumzo hayo yatafanywa kwa kufuata sheria ili kuweka usawa kwa kila upande.

15/12/2024

"ZIARA ZA CG MWENDA KWA WALIPAKODI KULETA MAPINDUZI YA KIKODI "

Baadhi ya Walipakodi mkoani Arusha wameshangazwa na kitendo cha Kamishna Mkuu wa Mamlaka ya Mapato Tanzania (TRA) Bw. Yusuph Mwenda kuwatembelea katika shughuli zao na kuwashukuru kwa kulipa Kodi vizuri huku akiwakabidhi zawadi na kusikiliza changamoto zao.

Wakizungumza kwa nyakati tofauti baadhi ya Walipakodi hao akiwemo Satbir Singh Hanspaul ambaye ni Mkurugenzi wa Kampuni ya Hanspaul inayounda magari ya kubebea watalii amesema ni mara ya kwanza kutembelewa na kiongozi wa ngazi ya juu wa TRA jambo ambalo litawapa morali zaidi ya kulipa kodi na kuchangia pato la Taifa.

Mkurugenzi huyo amesema katika kipindi cha karibuni kumekuwa na mazingira rafiki ya ukusanyaji kodi yanayotoa ahueni kwa mlipakodi kutokana na kuwepo kwa utaratibu wa kusikilizwa pale panapotokea changamoto katika mazingira yao ya kazi.

Naye Mkurugenzi wa Miradi World Vision Tanzania Bi. Nesserian Mollel amesema shughuli wanazofanya zinaisaidia jamii ya Tanzania mijini na vijijini na wamekuwa wakilipa kodi kwa uaminifu hata kwa mizigo wanayoingiza nchini kutoka kwa wahisani nje ya nchi kwaajili ya kuwasaidia watanzania.

Amesema kutembelewa na Kamishna Mkuu wa TRA kumewapa motisha ya kuendeleza uaminifu katika kulipa kodi na kuwa wataitumia vizuri fursa ya mazungumzo na TRA ili wapate ahueni ya kodi.

Mwakilishi wa Kampuni ya kuzalisha mbegu ya Enza Zaden Africa Gerald Matowo ambaye ni Meneja uendeshaji amesema wanajivunia kuwa walipakodi wazuri waliotambuliwa na Mamlaka ya Mapato Tanzania TRA na kuwa wataendeleza uaminifu huo.

Kamishna Mkuu wa TRA yupo ziarani katika mikoa mbalimbali nchini kutoa Shukurani kwa Walipakodi na kuwasikiliza.

10/12/2024

Matumizi yasiyo sahihi ya simu mahali pa kazi yameelezwa kuwa changamoto kubwa inayoathiri ufanisi wa wafanyakazi.

Mwenyekiti wa Chama cha Wafanyakazi wa Serikali na Afya (Tughe) Taifa, Joel Kaminyonge, amesema matumizi haya yanapunguza uwajibikaji na kuzorotesha utendaji wa taasisi.

Akizungumza leo, Desemba 10, 2024, wakati wa ufunguzi wa Baraza la Wafanyakazi wa Idara ya Uhamiaji katika Ukumbi wa Chuo cha Kikanda cha Uhamiaji (TRITA) Moshi, Kaminyonge amesema:

“Tunazungumza haki na wajibu. Mfanyakazi lazima awajibike ili kuongeza tija. Kulipwa vizuri hutokana na kufanya kazi kwa bidii, si kutumia muda mwingi kuchati kwenye simu.”

Ametoa wito kwa mabaraza ya wafanyakazi kushirikiana katika kupanga na kutekeleza mikakati ya kuimarisha uzalishaji.

“Tukijadiliana na kushirikiana, tunaweza kuondoa migogoro na kuongeza ufanisi. Hii itaboresha maslahi ya wafanyakazi wote,” alisema Kaminyonge.

Wakati huohuo Kaimu Mwenyekiti wa Tughe Idara ya Uhamiaji, Kamishna Gerald Kihinga, amesisitiza umuhimu wa mabaraza ya wafanyakazi katika kutatua changamoto za watumishi.

“Wafanyakazi wakiwa na malalamiko, ufanisi unashuka. Lakini tukihakikisha maslahi yao yanatatuliwa kwa wakati, tunajenga mazingira bora ya kazi,” amesema Kihinga.

Kamishna huyo amebainisha kuwa Idara ya Uhamiaji imeimarisha mahusiano ya kikazi na kuhakikisha maslahi ya wafanyakazi, hususan wanawake, yanashughulikiwa ipasavyo.

“Hivi sasa, changamoto za watumishi, hasa wanawake, zimepungua kwa kiasi kikubwa na mazingira ya kazi yameboreshwa,” amesema.

Mfanyakazi wa shirika lisilo la kiserikali mjini Moshi, Consolata Lyimo, amesema matumizi mabaya ya simu yanachelewesha huduma kwa wateja.

“Wafanyakazi wengi wameathirika kwa matumizi ya simu kiasi cha kushindwa kutoa huduma bora au kuwa makini kutokana na mambo mengi ya mitandaoni,” amesema.

Kauli za viongozi hawa zinaonyesha umuhimu wa kudhibiti matumizi ya simu mahali pa kazi ili kuongeza ufanisi, kujenga mahusiano mazuri ya kikazi, na kuboresha maslahi ya wafanyakazi.

Chama hicho kinaadhimisha miaka 30 tangu kuanzishwa kwake mwaka 1994, kikijivunia mafanikio mbalimbali katika kulinda na kuboresha maslahi ya wafanyakazi nchini.

09/12/2024

05/12/2024

: Hai, Kilimanjaro

Serikali imepata mwarobaini wa kudhibiti changamoto ya miundombinu katika eneo korofi la Kwa Msomali, wilayani Hai, mkoani Kilimanjaro, ambalo limekuwa kikwazo kwa mamia ya wasafiri wanaotumia barabara kuu ya Moshi-Arusha.

Akizungumza katika hafla ya kukabidhi eneo la mradi kwa mkandarasi, Mkuu wa Mkoa wa Kilimanjaro, Nurdin Babu, amesema mradi huo utahusisha ujenzi wa madaraja saba na kunyanyua tuta la barabara kwa kimo cha mita 1.5 katika maeneo yenye urefu wa mita 500 na 1,725.

“Eneo hili limekuwa kero kwa muda mrefu, lakini sasa serikali imepata mwarobaini wa kuhakikisha maji hayafuriki tena na magari yanapita bila kikwazo,” alisema Babu.

Mradi huo wenye thamani ya Sh5.8 bilioni unatekelezwa na kampuni ya Kings Builders ya Dar es Salaam chini ya usimamizi wa Wakala wa Barabara Tanzania (Tanroads). Mkataba wa mradi huo ulisainiwa Novemba 1, 2024, jijini Dodoma, ukishuhudiwa na Waziri wa Ujenzi na Uchukuzi, Innocent Bashungwa.

Aidha, Babu amesisitiza kuwa utekelezaji wa mradi huo unatarajiwa kuimarisha uchumi wa mkoa kwa kurahisisha usafiri wa bidhaa na abiria. Pia amehimiza usimamizi madhubuti ili kuhakikisha thamani ya fedha inapatikana.

“Nawataka Tanroads kuhakikisha ujenzi unafanyika kwa viwango vya juu ili barabara na madaraja yadumu kwa muda mrefu. Vilevile, wananchi wa maeneo haya wanapaswa kushirikiana kulinda mradi huu,” amesema Babu.

Kaimu Meneja wa Tanroads Mkoa wa Kilimanjaro amesema,Injinia Benitho Mdzovela amesema: “Mradi huu ni sehemu ya mpango wa kitaifa wa kurejesha miundombinu iliyoathiriwa na mvua za ElNino zilizonyesha kuanzia mwishoni mwa 2023. Barabara ya Himo na Kia ni mojawapo ya maeneo yaliyoathiriwa vibaya.”

Mwenyekiti wa Kijiji cha Kia, Joseph Laitayo, ameahidi kutoa ushirikiano wa karibu na kuhakikisha usalama wa vifaa vya mradi huo.

Hata hivyo, amemuomba Mkuu wa Mkoa kuhakikisha eneo hilo linapewa alama za zebra na stendi ya mabasi ili kupunguza ajali na kurahisisha huduma kwa wananchi.

Diwani wa Kata ya Kia, Tehera Mollel, amesema mradi huo ni mkombozi kwa wananchi wa eneo hilo ambao wamekuwa wakikumbwa na adha ya mafuriko na msongamano wa magari.

05/12/2024

Kamati ya Kudumu ya Bunge ya Bajeti imeipongeza Mamlaka ya Mapato Tanzania (TRA) kwa kuanzisha Ofisi ya Walipa Kodi binafsi wenye hadhi ya juu hali ambayo itaongeza ufanisi katika kuhudumia kundi hilo ambalo ni wachangiaji wakubwa wa mapato ya TRA.

Wakiwa katika ziara ya kutembelea Ofisi hiyo ya Walipa Kodi binafsi wenye hadhi ya juu kwa nyakati tofauti Wabunge ambao ni Wajumbe wa Kamati ya Bajeti wamepongeza ubunifu uliofanywa na Kamishna Mkuu wa TRA Yusuph Mwenda kwa kuanzisha Ofisi hiyo ambayo ina hadhi inayotakiwa.

"Ubuni huu ni wa kipekee kabisa na unaweza usiamini k**a Serikali inaweza kuwa na Ofisi zenye hadhi kiasi hiki, hata Walipa Kodi wenye hadhi ya juu wakija kuhudumiwa wataona wamethaminiwa" wamesema baadhi ya Wabunge wakati wa ziara hiyo.

Mwenyekiti wa Kamati ya Kudumu ya Bunge ya Bajeti Mhe. Oran Njeza amesema Walipa Kodi binafsi wenye hadhi ya juu wakithaminiwa hata mapato ya TRA yataongezeka zaidi maana watalipa Kodi kwa hiari na kujenga urafiki na TRA.

Mhe. Njeza amesema Walipa Kodi binafsi wenye hadhi ya juu wanapopewa hadhi wanayostahili wanajisikia kuwa kulipa Kodi ni haki yao maana wanapata huduma zinazowastajili.

Akizungumza wakati wa ziara hiyo Kamishna Mkuu wa TRA Bw. Yusuph Mwenda amesema lengo la kuanzisha Ofisi hiyo ya Walipa Kodi binafsi wenye hadhi ya juu ni kutaka kuwapa huduma inayolingana na hadhi yao.

Amesema Ofisi hiyo ya Walipa Kodi binafsi wenye hadhi ya juu ina watumishi wabobezi katika masuala ya Kodi na huduma kwa wateja, huku kukiwa na mazingira mazuri ya kutolea huduma yenye hadhi ya juu.

Kamishna Mkuu wa TRA Yusuph Mwenda amesema ili kuboresha huduma za Walipa Kodi binafsi wenye hadhi ya juu ameanzisha utaratibu wa kuwafuata Walipa Kodi hao na kuzungumza nao.

03/12/2024

Watu wasiojulikana wametekeleza tukio la mauaji kwa kumuua Isack Mallya (72) mkazi wa Kijiji cha Umbwe Onana,Kata ya Kibosho Magharibi Mkoani Kilimanjaro na kisha kutelekeza mwili wake nje ya nyumba yake.

Akithibitisha kutokea kwa tukio hilo, Kamanda wa polisi Mkoa wa Kilimanjaro, Simon Maigwa amesema tukio hilo limetokea asubuhi ya Disemba 2, 2024 na kwamba wanafuatilia kujua waliohusika na mauaji hayo.

"Ni kweli kumetokea tukio hilo la mauaji, ambapo huyu Mzee amepigwa na kitu kizito kichwani, tunafuatilia tukio hili ili kuwabaini waliohusika na mauaji haya,"amesema Kamanda Maigwa

Akizungumzia tukio hilo, Mwenyekiti wa CCM Mkoa wa Kilimanjaro, Patrick Boisafi ambaye ni ndugu wa Marehemu ameeleza kusikitishwa na ukatiki aliofanyiwa kaka yake na kusema wameliachia Jeshi la polisi kufanya uchunguzi ili kubaini waliohusika na sheria ichukue mkondo wake.

"Huyu ni kaka yangu, ni mtoto wa baba yangu mkubwa, tumeishi wote mji mmoja na mahali alipouawa ndipo nimekulia hapo, ni jambo la kikatili sana limefanyika katika jamii, lakini naamini jeshi la polisi litafanya bidii kuchunguza matatizo yaliyotokea na kuwatafuta waliohusika na jambo hili ili hatua za kisheria zichukue mkondo wake"amesema Boisafi.

Aidha amesema kitendo kilichofanyika hakikubaliki katika jamii na kinatia hofu kipindi hiki cha kuelekea sikukuu za mwisho wa mwaka na kwamba hata k**a walikuwa wanandai wangesema walipwe kwa kuwa hakuna kitu chenye thamani ya uhai wa mtu.

Akizungumza na Jambo media mmoja wa wananchi wa Kijiji hicho ambaye pia ni Mwanaharakati, Vicky Massawe amesema tukio hilo ni la kusikitisha kwa kuwa marehemu alikuwa ni mtu wa watu katika Kijiji hicho.

"Huyu baba alikuwa ni mchangamfu na Kila mtu hapa Kijijini na alikuwa hana shida na mtu, sasa leo asubuhi tunaambiwa mwili wake umekutwa nyumbani kwake nje ukiwa na majeraha na damu zikivuja sana, huyu mzee kauawa kwa mateso sana,"amesema Vicky.