ትኩስ መረጃዎች- Ethiopia Prevails

  • Home
  • ትኩስ መረጃዎች- Ethiopia Prevails

ትኩስ መረጃዎች- Ethiopia Prevails Contact information, map and directions, contact form, opening hours, services, ratings, photos, videos and announcements from ትኩስ መረጃዎች- Ethiopia Prevails, News & Media Website, .

ያለፈው ጉዳት ጉዳይ!አዲስ ጅማሬ በአዲስ ዓመት!ባለፈው ዓመት ደጋግሞ የጎዳችሁና ደጋግማችሁ በይቅርታ አልፋችሁት አሁንም እየተጎችሁበት ያለ ሰው ካለ፣ የይቅርታው ልምምድ እንደተጠበቀ ሆኖ በያ...
14/09/2022

ያለፈው ጉዳት ጉዳይ!

አዲስ ጅማሬ በአዲስ ዓመት!

ባለፈው ዓመት ደጋግሞ የጎዳችሁና ደጋግማችሁ በይቅርታ አልፋችሁት አሁንም እየተጎችሁበት ያለ ሰው ካለ፣ የይቅርታው ልምምድ እንደተጠበቀ ሆኖ በያዝነው ዓመት ምናልባት መማሰተካከል ያለባችሁ አካሄድ ሊኖር እንደሚችል ላስታውሳችሁ፡፡

ከሰዎች ጋር ያለንን አስቸጋሪ ግንኙነት የመያዣው መንገድ ሁለት ነው፡- 1) ሰዎቹን ለመለወጥ መሞከር፤ ወይም 2) ራሳችንንና አደራረጋችን መቀየር፡፡

በዚህች አለም ላይ የሰዎችን አስቸጋሪ ባህሪይ እንደመሸከምም ሆነ ለመለወጥ እንደመሞከር አስቸጋሪ ነገር የለም፡፡ ከዚያ የተሻለው መንገድ ራሳችንንና አያያዛችንን መለወጥ ነው፡፡

ራሳችንንና አደራረጋችንን ለመለወጥ፡-

1. የሰዎቹ ሁኔታ ስሜታችንን እንዳይጎዳው መጠንከርና መታገስ፡- ይህ ሂደት እጅግ አድጋሚና ታላቅ ጥንካሬን የሚጠይቅ ነው፡፡ ሆኖም፣ ከሰዎቹ ጋር ያለን ግንኙነት የጠለቀና በቀላሉ የማንፋታው አይነት ከሆነ የሚመረጥ መንገድ ነው፡፡

2. ከሰዎቹ ጋር ያለንን ግንኙነት ሚዛናዊና በልኩ ማድረግ፡- አንዳንድ ሰዎች ራሳችንን በነጻነት ስናቀርብላቸውና ጠጋ ስንላቸው አያያዙን አይችሉበትም፡፡ ከእንደዚህ አይነት ሰዎች ጋር ያለንን ግንኙነት መጠነኛ፣ እንዲሁም በአስፈላጊው ሁኔታና ጊዜ ላይ ብቻ የተወሰነ እንዲሆን ማድረግ የግድ ነው፡፡

3. ከሰዎቹ መለየት፡- ከሰዎች ጋር ያለን ግንኙነት እንደ ትዳር ያለ በቃል-ኪዳን የተሳሰረ ካልሆነና ከእነሱ መለየት የሚያስከትለው ሁኔታ በሚገባ ከታሰበበት (ይቅር የማለትና ልብን ከቂመኝነት የመጠበቁ እውነታ እንደተጠበቀ ሆኖ) ከአንዳንድ ሰዎች የመላቀቂያው ቀላሉ መንገድ የሚከፈለው ዋጋ ተከፍሎ ከእነሱ መለየት ነው ።

የአጭር ርቀት ምልከታ ያለው ሰውየአጭር ርቀት ምልከታ ያለው ሰው ምርጫና ውሳኔዎቹን ሁሉ የሚያደርገው ከዛሬው ደስታና በእለቱ ከሚያገኘው ጊዜያዊ ጥቅም አንጻር ብቻ በመነሳት ነው፡፡ ስለዚህም ...
05/09/2022

የአጭር ርቀት ምልከታ ያለው ሰው

የአጭር ርቀት ምልከታ ያለው ሰው ምርጫና ውሳኔዎቹን ሁሉ የሚያደርገው ከዛሬው ደስታና በእለቱ ከሚያገኘው ጊዜያዊ ጥቅም አንጻር ብቻ በመነሳት ነው፡፡

ስለዚህም የአጭር ርቀት ምልከታ ያለው ሰው እዲህ ይላል . . .

• ለዛሬ ይህችን ልብላና ሌላ ጊዜ የአመጋገቤን ሁኔታ አስተካክላለሁ፡፡

• ለዛሬ ስፖርቱን ልተወውና ሌላ ጊዜ እጀምራለሁ፡፡

• ለዛሬ ሳንቀላፋ ልዋልና ሌላ ቀን በተገቢው ሰዓት የመነሳትን ልማድ አዳብራለሁ፡፡

• ለዛሬ ያለኝን ገንዘብ ልንበሽበሽበትና ሌላ ጊዜ ማቀድና መቆጠብ እጀምራለሁ፡፡

• ለዛሬ ስሜቴን ላርካና ሌላ ጊዜ እታረማለሁ፡፡

• ለዛሬ ከጓደኞቼ ጋር ላሳልፍን ሌላ ቀን ትምህርቴን አጠናለሁ፡፡

የአጭር ርቀት ምልከታ አጭር ጊዜ የሚቆይ ደስታን ይሰጠንና ረጅሙን ዘመናችንን በኃዘን እንድንኖር ያደርገናል፡፡ ማንነታችን ለጠየቀው ጊዜያዊ ጥያቄ መልስ ይሰጥና እስከወዲያኛው በጥያቄና ግራ በመጋባት እድንኖር ያደርገናል፡፡

በተቃራኒው የረጅም ርቀት ምልከታ ያለው ሰው ከፍተኛ የሆነ ዲሲፕሊን ያለው ሰው ስለሆነ የሚያደርገውን ነገር ሁሉ ከዓላማውና ነገ ለማከናወን ካቀደው አቅጣጫ አንጻር ነው የሚያደርገው፡፡ ትክክለኛ የሕይወት ዘይቤን ለመኖር ይወስናል! ከዚያም መኖር ይጀምራል!

ዛሬ ከአጭሩ ምልከታ ወደ ረጅሙ ምልከታ የመሸጋገር ውሳኔን እንድታስተላልልፉ ፈጣሪ ያግዛችሁ፡፡

በመጠበቅ ጊዜያችሁን አታባክኑ!• ደስተኛ ለመሆን ሰዎች በሚያሳይዋችሁ ሁኔታ ደስተኛ እስከሚያያደርጓችሁ አትጠብቁ፡፡ ከማንም ሰው ውጪ ደስተኛ የመሆን ብቃት አላችሁ፡፡• ችግራችሁን ለማሸነፍ ች...
29/08/2022

በመጠበቅ ጊዜያችሁን አታባክኑ!

• ደስተኛ ለመሆን ሰዎች በሚያሳይዋችሁ ሁኔታ ደስተኛ እስከሚያያደርጓችሁ አትጠብቁ፡፡ ከማንም ሰው ውጪ ደስተኛ የመሆን ብቃት አላችሁ፡፡

• ችግራችሁን ለማሸነፍ ችግራችሁን ሰዎች እስኪፈቱላችሁ አትጠብቁ፡፡ በመጀመሪያ ችግራችሁን ለመፍታት በራሳችሁ የመንቀሳቀስ ብቃት አላችሁ፡፡

• ሙሉ ሰው ለመሆን በሰዎች ተቀባይነት እስከምታገኙ አትጠብቁ፡፡ ሰዎች ቢቀበሏችሁም ሆነ ባይቀበሏችሁም ሙሉ ሰው ናችሁ፡፡

• የተሟላ ኑሮ ለመኖር ሁሉም ነገር እስኪሟላ አትጠብቁ፡፡ ነገር ሞላም አልሞላም ከዚያ ጋር ባልተነካካ ሁኔታ ከፈጣሪ ጋር ሙሉ ሰው ናችሁ፡፡

• ውስጣችሁ እንዲያርፍ ያሰባችሁበት ዓላማ ላይ እስከምትደርሱ አትጠብቁ፡፡ ከጅማሬው አርፋችሁና በጉዞው እየተደሰታችሁ ወደ ዓላማችሁ የመገስገስ ብቃት አላችሁ፡፡

ሕይወት ሂደት እንጂ የአንድ ቀን ክስተት አይደለችም!

ከተለመደው ውጡ!ዛሬ ሁለቱን በየቦታው የምንሰማቸውን አባባሎች ላስታውሳችሁ፡-1. ያንንው ተግባር እየደጋገማችሁ የተለየ ውጤት አትጠብቁ፡፡እና መፍትሄው ምንድን ነው? መፍትሄውማ፣ በሕይወታችሁ ...
26/08/2022

ከተለመደው ውጡ!

ዛሬ ሁለቱን በየቦታው የምንሰማቸውን አባባሎች ላስታውሳችሁ፡-

1. ያንንው ተግባር እየደጋገማችሁ የተለየ ውጤት አትጠብቁ፡፡

እና መፍትሄው ምንድን ነው? መፍትሄውማ፣ በሕይወታችሁ በማግኘት ላይ ያላችሁትነን ውጤት ካልወደዳችሁት አደራረጋችሁን መቀየር ነው፡፡ በትምህርት፣ በስራ፣ በንግድ፣ በማሕበራዊ ግንኙትና በመሳሰሉት የየእለት መስኮች የምታገኙት ውጤት ልክ እንዳልሆነ ከገባችሁ፣ የየእለት ተግባራችሁን በሚገባ በማጤን አደራረግን መቀየር ነው፡፡

2. ያለባችሁን ችግር የፈጠረው አመለካታችሁ ችግሩን ይፈታዋል ብላችሁ አታስቡ፡፡

እና መፍትሄው ምንድን ነው? መፍትሄማ፣ ከዚህ የተሻለ አመለካከት ቢኖራችሁ ኖሮ ከዚህ ያነሰ ችግር ሊኖችሁ እንደሚችልና ያሉባችሁንም ችግሮች በተሻለ ሁኔታ ለመፍታት እንደምትችሉ በመገንዘብ የተሻለን አመለካከት ለማዳበር ክፍት መሆን ነው፡፡ የተሻለን አመለካት የምታገኙት ደግሞ የተሻለ አመለካት ካላቸው ሰዎች ነው፡፡ እነሱን በማግኘት ምክር በመቀበል ወይም የእነሱን ትምህርት በመከታተል፡፡

“ለምን?” ብለህ ጠይቅለመሻሻልና ለመለወጥ ከፈለክ፣ “ለምን?” ብለህ ከመጠየቅ አትረፍ!• “አሁን የምኖረውን ኑሮ በዚህ መልኩ የምኖረው ለምንድን ነው?”• “ገቢዬ ለምን በዚህ ብቻ ተወሰነ?”...
22/08/2022

“ለምን?” ብለህ ጠይቅ

ለመሻሻልና ለመለወጥ ከፈለክ፣ “ለምን?” ብለህ ከመጠየቅ አትረፍ!

• “አሁን የምኖረውን ኑሮ በዚህ መልኩ የምኖረው ለምንድን ነው?”

• “ገቢዬ ለምን በዚህ ብቻ ተወሰነ?”

• “አምኜ የተቀበልኩትን የሕይወቴን ሂደት ለምን ተቀበልኩት?”

• “የማደርገውን ነገር በዚህ መልኩ የማደርገው ለምንድን ነው?”

• “በሕይወቴ መሻሻል የሚችል ነገር አለ ወይ? ካለስ ለምን
አላሻሽለውም? እንዴትስ ላሻሽለው እችላለሁ?”

እነዚህና እነዚህን የመሳሰሉ ጥያቄዎችን መጠየቅ ይህ ነው የማይባል የአእምሮ መነቃቃት ያመጣል፡፡ የተለመደውን የኑሮውን ሂደት “ለምን?” በማለት የማይጠይቅ ሰው በአንድ ቦታ ለመርጋትና ሃውልት ለመሆን ራሱን ያዘጋጀ ሰው ነው፡፡

አንድ ሰው ለመሻሻልና ለመለወጥ አእምሮውን ሊያነቃቃና የተለመደውን የየእለት የኑሮውን ዑደት “ለምን?” ብሎ ሊጠይቅ ይገባል፡፡ ይህ ከተነቃቃ አእምሮ የሚነሳ ራስን የማሻሻልና የመለወጥ ጉዞ ባሉበት ሳይረኩ ከዛሬ ሁኔታ የተሻለ ነገር ውስጥ ለመግባት አስፈላጊውን ነገር ወደማድረግ ይወስደናል፡፡

እንዲሁ የመጣውን ሁሉ በመቀበልና በማስተናገድ በእድል ለመሻሻል ከመሞከር፣ አእምሮዬ እንዲሻሻል ማንበብ፤ የገቢዬ ምንጭ እንዲሻሻል ሙያዬንና ብቃቴን ማዳበር፣ ማሕበራዊ ኑሮዬ እንዲሻሻል ደግሞ ባህሪዬን ማጤንና ማሻሻልን ይጠይቃል፡፡

አንድን እውነታ መዘንጋት የለብኝም፣ የእኔነቴና የብቃቴ መሻሻል ዙሪያዬንና ሁኔታዎቼን ሁሉ ለመልካም የመለወጥ ብርታትና ተጽእኖ አለው፡፡ ስለዚህም፣ ማንነቴ፣ ብቃቴና ችሎታዎቼ መድረስ የሚችሉበት ደረጃ እስኪደርሱ ድረስ መጠየቅና መንቀሳቀስን አለማቆም ተገቢ ነው፡፡

አንዳንድ ዝም ብለህ ልትቀበላቸው የሚገቡህ ነገሮች የመኖራቸው እውነታ እንደተጠበቀ ሆኖ፣ ሁሉንም ነገር ግን ዝም ብለህ በጭፍንነት አትቀበል - “ለምን?” ብለህ ጠይቅ!!!

ትርጉም የለሽ ፍልሚያ!አንድ የከራረመ የጠቢባን ምክር እንዲህ ሲል አንድን እውነት ያስታውሰናል፡- “አሳማ መቆሸሽ በፍጹም አያስፈራውም፡፡ ስለዚህ ከዚህ ቆሸሸም አልቆሸሸም ምንም ትርጉም ከሌለ...
18/08/2022

ትርጉም የለሽ ፍልሚያ!

አንድ የከራረመ የጠቢባን ምክር እንዲህ ሲል አንድን እውነት ያስታውሰናል፡- “አሳማ መቆሸሽ በፍጹም አያስፈራውም፡፡ ስለዚህ ከዚህ ቆሸሸም አልቆሸሸም ምንም ትርጉም ከሌለው ፍጥረት ጋር ‘የአቆሽሽሃለሁ … አታቆሽሸኝም’ አይነት ፍልሚያ ውስጥ ከመግባት ተቆጠቡ”፡፡

ቢሸነፉም ባይሸነፉም፤ ስማቸው ቢጠፋም ባይጠፋም፤ ቢከስሩም ባይከስሩም፤ ቢታሰሩም ባይታሰሩም፤ ምንም ግድ ከማይሰጣቸውና ምንም ነገር እንደማይጎድልባቸው ከሚያስቡ ሰዎች ጋር ፍልሚያ ይቅርባችሁ፡፡

ፍልሚያችሁን በጥንቃቄ ምረጡ፡፡ የምትመርጡት ፍልሚያና ከምን አይነት ሰዎች ጋር እንደምትፋጠጡ የምትወስኑት ውሳኔ ለራሳችሁ የሰጣችሁትን ከብር አመልካች ነውና!

16/08/2022

ሌሎች ሰዎች በእናንተ ውስጥ ሲኖሩ!

ሌሎች ሰዎች በእናንተ ውስጥ እየኖሩ እንደሆነ ለማወቅ . . .

• የእናንተና የእነሱ ግንኙነት አልቆለት እንኳን፣ ትምህርትና ስራ ላይ ማተኮር እስከማትችሉ ድረስ በፍጹም መርሳት የማትችሏቸው ሰዎች ካሉ፤ ሰዎቹ በእናንተ ውስጥ እየኖሩ ነው፡፡

• ጥቃቅን ውሳኔዎችን እንኳን ሳይቀር ከእነሱ ውጪ ምንም አይነት ውሳኔ ማድረግ የማትችሏቸው ሰዎች ካሉ፤ ሰዎቹ በእናንተ ውስጥ እየኖሩ ነው፡፡

• እነሱ ለሚሰማቸው ስሜትና ከዚያ ስሜታቸው ጋር በየቀኑ ለሚለዋወጠው በህሪያቸው የጥፋተኝነትን ስሜት የምትሸከሙት እናንተ ከሆናችሁ፤ ሰዎቹ በእናንተ ውስጥ እየኖሩ ነው፡፡

• እነሱና እናንተ ብቻ የምታውቁትን “አሳፋሪ” ወይም “አስፈሪ” ምስጢራችሁን እንዳያወጡባችሁ ስትሉ መንቀሳቀስ እስከማትችሉ ድረስ በእነሱ ቁጥጥር ስር ያደረጓችሁ ሰዎች ካሉ፤ ሰዎቹ በእናንተ ውስጥ እየኖሩ ነው፡፡

• ላጠፉት ጥፋት ተገቢውን ይቅርታ አድርጋችሁ ወደፊት ከመሄድ ይልቅ ቂም የያዛችሁባቸው ሰዎች ካሉ፤ ሰዎቹ በእናንተ ውስጥ እየኖሩ ነው፡፡

• በሰራችሁት ጥፋት ምክንያት ሰዎች ይቅርታ ነፍገዋችሁ ቂም ስለያዙባችሁ ብቻ ካለማቋረጥ በጭንቀት ውስጥ የምትኖሩ ከሆነ፤ ሰዎቹ በእናንተ ውስጥ እየኖሩ ነው፡፡

ፈጣሪ የራሳችሁን ሕይወት የሰጣችሁ እናንተው እንድትኖሩት እንጂ ሌላው ሰው በውስታችሁ ሆኖ እንዲኖር አይደለምና የሚከፈለውን ዋጋ ከፍላችሁ ተገቢውን ማስተካከያ አድርጉ፡፡ አለዚያ የእድሜ ልክ ዋጋ ትከፍላላችሁ፡፡

በሰላም የመለያየት ሕግ(“ግንኙነትና አለመግባባትን መፍታት” ከተሰኘው የዶ/ር ኢዮብ ማሞ መጽሐፍ የተወሰደ)“የሰውን አእምሮ የሚያዞሩ ሁለት አስቸጋሪ ጉዳዮች አሉ፡፡ ከእኛ ጋር አብሮ መቆየት ...
14/08/2022

በሰላም የመለያየት ሕግ
(“ግንኙነትና አለመግባባትን መፍታት” ከተሰኘው የዶ/ር ኢዮብ ማሞ መጽሐፍ የተወሰደ)

“የሰውን አእምሮ የሚያዞሩ ሁለት አስቸጋሪ ጉዳዮች አሉ፡፡ ከእኛ ጋር አብሮ መቆየት የማይፈልግን ሰው እንዴት እንዲቆይ ማድረግ ይቻላል? ከእኛ ተለይቶ ለመሄድ የማይፈልግን ሰውስ እንዴት እንዲሄድ ማድረግ ይቻላል? - Danny Devito

ከሰዎች ጋር ሰላም የመሆንን ትርጉም የግድ ከሰዎቹ ጋር አብሮ ከመዋልና ከማደር ጋር አዛምደው የሚያዩ ሰዎች አሉ፡፡ እንደ እውነቱ ከሆነ ይህ አይነቱ አመለካከት ከባህላዊ እይታ ቅኝት ጋር የሚዛመድ ጉዳይ ነው፡፡

እንደኛው አይነት በጣም የተቀራረበና ማሕበራዊ ትስስሩ የጠነከረ ሕብረተሰብ በአብሮነት ላይ ያለው አመለካከትና እንደ ምእራባውያን ያለ ገለልተኝነትን የኑሮ ዘይቤ ያደረገ ሕብረተሰብ በአብሮነት ላይ ያለው አመለካከት አንድ አይነት ሊሆን አይችልም፡፡

መለያየት በራሱ ክፉ ወይም መልካም አይደለም፡፡ ከአንድ ሰው ጋር የተለያየንበት ምክንያትና የመለያየቱን ሂደት ተግባራዊ ስናደርግ የወሰድናቸው እርምጃዎች ያንን ተግባር ክፉ ወይም መልካም ያደርጉታል፡፡ ያም ሆነ ይህ፣ አንዳንድ ጊዜ ከሰዎች ጋር በሰላም እርቁንም ሆነ ሌሎች ማሕበራዊ ግዴታዎቻችንን በሚገባ ከተወጣን በኋላ የምንለያይባቸው ሁኔታዎች ሊከሰቱ፣ አንዳንዴም አስፈላጊ የሚሆኑበት ጊዘ ሊከሰት ይችላል፡፡

መለያየት ውስጥ ጣልቃ የሚገቡ ሁኔታዎች

ከግለሰብም ሆነ ከማሕበራዊ ግንኙነቶች አንጻር በሆነ ባልሆነው ምክንያት የመለየትን ዝንባሌ መያዝ ያለመብሰል ምልክት ሊሆን ይችላል፡፡ ስለሆነም፣ አንድን ግንኙነት የማቋረጥንና ከሰዎች የመለየትን ሁኔታ ስናስብ ያንን ውሳኔያችንን የሚነኩ ተለዋዋጭ ሁኔታዎች እንዳሉ ማስታወስ አስፈላጊ ነው፡፡ የሚከተሉትን ዋና ዋና ሃሳቦች እንመልከት፡፡

1. የግንኙነታችን ጥልቀትና ትስስር
ቀደም ብለን እንደጠቀስነው ከአንድ ሰው ጋር ያለን አለመግባባት ስለበዛ ብቻ ለመለያየት መወሰን አንችልም፡፡ ከሰዎቹ ጋር የግንኙነት ሁኔታና ጥልቀት ወደ ስሌቱ ሊገባ ያስፈልጋል፡፡ የትዳር ኪዳን ያለበት ትስስር፣ የዝምድና ሁኔታ፣ ከተለያየን በኋላ ተከታይ ሁኔታዎችን ያቀፈ ግንኙነትና መሰል የግንኙነት ዘርፎች በሚገባ ልናስብባቸው ይገባል፡፡

2. መለያየትን የጋበዘው ሁኔታ
ከሰዎች ጋር ያለንን አለመስማማት ለማስተካከል የተቻለንን ያህል ከሞከርን በኋላ በሰላም የመለያየትን ሕግ ተግባራዊ ከማድረጋችን በፊት ሌላ ልናስብበት የሚገባን ጉዳይ የችግሩ መደጋገምና ድርጊቱን የሚፈጽመው ሰው የመነሻ ሃሳብ ነው፡፡ ሰዎች ጤና-ቢስ በሆነ የመነሻ ሃሳብ ወደ አለመስማማት የሚወስዱ ችግሮችን ደጋግመው ሲፈጥሩ ከእነሱ ለመለየት የሚኖረንን ውሳኔ አንድ እርምጃ እንድንወስደው ማድረጉ ትክክለኛ ሁኔታ ነው፡፡

3. ባለመለያየት ውስጥ ሊከተል የሚችለው መዘዝ
አንዳንድ ከሰዎች ጋር የሚኖሩንን አለመግባባቶች በየወቅቱ ጊዜያዊም ሆነ ቋሚ መፍትሄዎችን እየፈለግንላቸው ስንቆይ ሊከተለው የሚችለው ችግር የከረረ ከሆነ በሰላም የመለየትን ሁኔታ በሚገባ ልናስብበት ይገባል፡፡ ሊፈጠር የሚችለው ችግር ግን አናሳ ከሆነ ከሰዎች የመለየትን ጉዳይ ልንቸኩልበት አይገባም፡፡

በየጊዜው አልፈታ ያለ አለመግባባት ከሚከሰትበት ግንኙነት ውስጥ ለአንዴና ለመጨረሻ ጊዜ የመለየትን ጉዳይ ከላይ ከተጠቀሱት ነጥቦች አንጻር ከተመለከትነው በኋላ ለበለጠ ሚዛናዊነት የሚከተሉትን ነጥቦች ማጤን እንችላለን፡፡

1. አንዳንድ ጊዜ ከሰዎች በሰላም የመለየትን ሁኔታ ማስቀረት የማንችልበት ጊዜ እንዳለ አምነን መቀል አለብን፡፡

2. መለያየት ማለት የግድ መከፋፋት ማለት እንዳልሆነ በመገንዘብ ከሰዎች ከተለየን በኋላ ጤናማና ቅን አመለካከትን ይዘን መቆየቱ የሚጠቅመው ለእኛው መሆኑን ማስታወስ መልካም ነው፡፡

3. ጸብ፣ ክፋትና ቂም-በቀል ያለበት አብሮነትም ሆነ መለያየት ጤና ቢስ መሆኑን ተገንዝበን ውሳኔያችን ምንም ሆነ ምን ከእነዚህ መርዛማ ዝንባሌዎች ራሳችንን መጠበቅ መልካም ነው፡፡

4. ወዳጅነት ማለት የግድ አብሮ መኖርና አብሮ ውሎ ማደር ማለት እንዳልሆነ ማስተወስ አለብን፡፡ ብዙ የማይገናኙ ጥብቅ ወዳጆች የመኖራቸውን ያህል፣ ብዙ ትስስርና ግንኙነት እያላቸው ጠላትነትን በውስጣቸው ይዘው የሚኖሩም ሰዎች አንዳሉ ማስታወስ አስፈላጊ ነው፡፡

5. ከሰዎቹ ጋር ያለን የግንኙነት ጥልቀትና ደረጃ የመለያየቱን ሁኔታ በሚገባ አስበንበት እንድናደርገው የማስገደዱ ሁኔታ እንደተጠበቀ ሆኖ፣ ሁል ጊዜ በተቻለ መጠን ከመለያየት ይልቅ አብሮነት የሚመረጥ መሆኑን መዘንጋት የለብንም፡፡

6. ከሰዎች ጋር አብሮ መሆን የሚመረጥና ሁል ጊዜ ልንጠብቀው የሚገባን ሁኔታ ቢሆንም፣ አብረን መቀጠል ከማንችላቸው ሰዎች ውጪ ሙሉ ሰዎች ሆነን መኖር እንደምንችልም ማስታወስ ስሜታችንን ከውድቀት ይጠብቀዋል፡፡

እስቲ ቆጠብ እንበል!ከአንድ ሰላም አሳጪ ክስተት ወደሌላኛው በማለፍ ስትተራመሱ ከመኖር መዳን ከፈለጋችሁ ይህንን የከራረመ ምክር ለማስታወስና ለመለማመድ ሞክሩ . . . • አንድ ነገር የእና...
10/08/2022

እስቲ ቆጠብ እንበል!

ከአንድ ሰላም አሳጪ ክስተት ወደሌላኛው በማለፍ ስትተራመሱ ከመኖር መዳን ከፈለጋችሁ ይህንን የከራረመ ምክር ለማስታወስና ለመለማመድ ሞክሩ . . .

• አንድ ነገር የእናንት ካልሆነ አትውሰዱ … የእናንተ ያልሆነ ነገር ስትወስዱ የሕሊና ወቀሳው፣ ሰዎች እናንተን የመከታተላቸው ሁኔታና እድሜ ልካችሁን በስጋት የመኖራችሁ ጉዳይ ሰላም ይነሳችኋል፡፡

• አንድ ነገር ትክክለኛ ነገር ካልሆነ አታድርጉት … ትክክለኛ ያልሆነን ነገር ማድረግ ሌላ ትክክለኛ ያልሆነ ነገርን የመውለድ ባህሪይ አለው፡፡ ይህ ዑደት የሆነ ቦታ ካልቆመ ደግሞ ትክክለኛ ባልሆኑ ነገሮች እስከመወረስና ሰላም እስከማጣት መድረሳችሁ አይቀርም፡፡

• አንድ ወሬ እውነተኛ እንደሆነ ካላረጋገጣችሁ አትናገሩት … እውነተኛ መሆኑ ያልተረጋገጠን ወሬ ማራባት ከሁሉም በላይ በራሳችሁ ላይ ያላችሁን አመለካከት ርካሽ እንዲሆን ያደርገዋል፡፡ ሲቀጥል ሰዎችም የሚሰጧችሁ ግምት ስለሚወርድና ባወራችሁት ወሬም ተጠያቂነት ሊከተል ስለሚችል ሰላም እየራቃችሁ ይሄዳል፡፡

• በአንድ ነገር ላይ እውቀቱ ከሌላችሁ ዝም በሉ … በአንድ ነገር ላይ እውቀት ያላቸው እንዲናገሩ ካልፈቀዳችሁና ለሁሉም ነገር አዋቂነታችሁን ለማሳየት የምትታገሉ ከሆነ ያንን ለማስመስከር ስትሯሯዩ አንድም ቀን ያረፈ ማንነት አይኖራችሁም፡፡

ሕይወት እንደ አይሮፕላን በረራ ነች!አንዳንድ ጊዜ ሕይወት እንደ አይሮፕላን በረራ ያደርጋታል፡፡ የአይሮፕላን በረራ አደገኛው፣ ለመከስከስ ተጋላጭ የሆነውና እጅግ ትልቅ ጥንቃቄ የሚስፈልገው ጊ...
04/08/2022

ሕይወት እንደ አይሮፕላን በረራ ነች!

አንዳንድ ጊዜ ሕይወት እንደ አይሮፕላን በረራ ያደርጋታል፡፡ የአይሮፕላን በረራ አደገኛው፣ ለመከስከስ ተጋላጭ የሆነውና እጅግ ትልቅ ጥንቃቄ የሚስፈልገው ጊዜ ሁለት ነው፡፡

1) የመነሻው (የመጀመሪያ) ጊዜ፣
2) የማረፊያው (የመጨረሻው) ጊዜ፡፡

ማንኛውንም ግንኙነት፣ ንግድ፣ ስራ፣ ራእይ . . . ስትጀምሩ በጥንቃቄ አስባችሁበት ጀምሩ፡፡ በችኮላ፣ በመላ-ምትና በግድ የለሽነት የተጀመረ ነገር ለመከስከስ አደጋ የተጋለጠ ነው፡፡ ትክክለኛ ነገር እየጀመርን እንኳን በጥንቃቄ ካላደረግነው ከአደጋው አናመልጥም፡፡

ማንኛውም ግንኙነት፣ ንግድ፣ ስራ፣ ራእይ . . . ወደማብቂያው እንደደረሰ ሲገባንና “ማሳረፍ” ስንፈልግም ታላቅ ጥንቃቄ ይጠይቃል፡፡ በስሜታዊነትና በችኮላ ነገሮችን ከማቋረጥ መጠንቀቅንና ስናቋርጠው ደግሞ በጥበብ ማድረግን ይጠይቃል፡፡ አሳርፉት እንጂ አትከስክሱት!!!

አንዴ ከሄዱ ብትለምኗቸው የማይመለሱ አራት ነገሮች!ምንጩ ያልታወቀ አንድ ማስታወሻ፡-በሕይወታችሁ እንደገና ለመመለስ የሚያስቸግሯችሁ አራት ነገሮች፡- “እድል” - አንዴ ካመለጣችሁ በኋላ! “ቃ...
01/08/2022

አንዴ ከሄዱ ብትለምኗቸው የማይመለሱ አራት ነገሮች!

ምንጩ ያልታወቀ አንድ ማስታወሻ፡-

በሕይወታችሁ እንደገና ለመመለስ የሚያስቸግሯችሁ አራት ነገሮች፡-

“እድል” - አንዴ ካመለጣችሁ በኋላ!

“ቃል” - አንዴ ከአንደበታችሁ ከወጣ በኋላ!

“ጊዜ” - አንዴ ሳትጠቀሙበት ካለፈ በኋላ!

“አመኔታ” አንዴ ከጎደለ በኋላ ለመመለስ አስቸጋሪ ነው፡፡

1. “እድል” - በአጋጣሚም ሆነ ጠንክራችሁ በመስራታችሁ የመጣን እድል መለየት፣ ማክበርና በተገቢው ሁኔታ መጠቀም፡፡

2. “ቃል” - ሁኔታዎች ሲገፋፏችሁም ሆነ እንዲሁ ስለለመደባችሁ በቀላሉ የምትናገሯቸውን ሰው ጎጂ ንግግሮች በሚገባ ማሰብና ራስን መግታት፡፡

3. “ጊዜ” - በሆነ ባልሆነ የምታባክኑትና አሁን ባላችሁ እድሜ ማድረግ የሚገባችሁን ነገር ባለማድረግ የምታባክኑትን ጊዜ በጥንቃቄ መያዝ

4. “አመኔታ” - ሰዎች ሲያምኗችሁና ራሳቸውንም ሆነ ነገሮቻቸው በእናንተ ላይ ሲጥሉ እምነት ከማጉደል መጠበቅ፡፡

በሉ እንግዲህ፣ ያለፈው አልፏል፣ የባከነው ባክኗል፡፡ የተራረፈውን እንሰባስበውና ሕይወትን እንደገና በአዲስ መልክ እንጀምር፡፡

21/07/2022

✍️.....ልብ በሉ ...

1✅✅ #ያለፈ ነገር እንደማይቀየር አትርሱ!

👉 ላወቀበት ሰው ግን ያለፈው ለወደፊቱ የራሱ የሆነ ትምህርት አለው፣
👉 ካለፈው ነገራቹ ተማሩ እንጂ በፍፁም አታማሩ፣
👉 ማማረሩ ነጋችንን በጎ አያደርገውም።

2✅✅ #የሰዎች ሃሳብ የእናንተን ማንነት አይገልፅም!

👉 ማንነታቹ እናንተ ውስጥ ነው ያለው፣
👉 መልካም አድርጉ ሌላውን እርሱት የሁሉም ሰው የህይወት መንገድ (ጉዞ) ይለያያል ፣
👉 ለሁሉም ጊዜ አለውና ጊዜው በደረሰ ሰው ሁኔታ አትቅኑ።

3✅✅ #ለሰዎች ለደስታቸው እንጂ ለሀዘናቸው መንስዔ አትሁኑ!

👉 በሰዎች ደስታ→ደስ ይበላቹ ፣
👉 ለሰዎች→ክፉ አትመኙ ፣
👉 በሃዘናቸውም→አብረን እንዘን፣
👉 ሰዎች ሲያዝኑ→አትደሰቱ፣
👉 ሰው ከሆናቹ→የሰው ነገር ይሰማቹ፣
👉 ይህ ማለት ግን ተንኮል እየሰሩ ከሚደሰቱ ሰዎች ጋር ተደሰቱ ማለት አይደለም።

አስተማሪ ሆኖ ካገኙት ሼር።

የኢጣሊያው ጠቅላይ ሚኒስትር ማሪዮ ድራጊ የሥልጣን መልቀቂያቸውን ለሀገሪቱ ፕሬዚዳንት ሰርጂዮ ማታሬላ ዛሬ አቅርበዋል፡፡ ፕሬዚዳንት ሰርጂዮ ማታሬላ÷ ማሪዮ ድራጊን በተጠባባቂነት በሥልጣናቸው ...
21/07/2022

የኢጣሊያው ጠቅላይ ሚኒስትር ማሪዮ ድራጊ የሥልጣን መልቀቂያቸውን ለሀገሪቱ ፕሬዚዳንት ሰርጂዮ ማታሬላ ዛሬ አቅርበዋል፡፡

ፕሬዚዳንት ሰርጂዮ ማታሬላ÷ ማሪዮ ድራጊን በተጠባባቂነት በሥልጣናቸው እንዲቆዩ ጠይቀዋል፡፡

ፕሬዚዳንቱ ቀደም ብለው ፓርላማውን ለምርጫ ይጠራሉ ወይስ ይበትኑታል በሚለው ጉዳይ ላይ ግን የተባለ ነገር የለም።

ድራጊ የሥልጣን መልቀቂያ ጥያቄያቸውን በፈረንጆቹ ሐምሌ 14 ቀን 2022 ቢያቀርቡም÷ በወቅቱ ፕሬዚዳንቱ አልተቀበሉትም፡፡

ይህን ተከትሎም ዛሬ ለሁለተኛ ጊዜ የመልቀቂያ ጥያቄ አቅርበዋል፡፡

ፕሬዚዳንቱ÷ ማሪዮ ድራጊ በፓርላማ ቀርበው ጉዳዩን እንዲያስረዱ ጠይቀዋቸው እንደነበረ አስታውሶ ሲጂቲ ኤን ዘግቧል፡፡

21/07/2022

ይነበብ አጭርና እጅግ በጣም አስተማር የሆነ መልዕክት አለዉ ።

ጥሎህ ለሄደ ሰዉ አንተን የማይፈልግህ ሰዉ አንተ ሳይሆን ማልቀስ ማንባት ያለብህ እሱ እራሱ ነዉ ነገሩ እንዲ ነዉ .........

አንድ ወጣት አንዲት ቆንጆ ልጅ ይወድና ፍቅሩን ለመግለፅ በጣም ይፈራል ጓደኞቹ እንዲነግራት ቢያበረታቱትም ደፍሮ ማድረግ አልቻለም በቃ እሷን እያሰበ በትምህርቱ እየደከመ ሳቅ ጨዋታ እያስጠላው ሰውነቱ እየቀነሰ ጭንቀታም መሆኑ እጅግ ያሳሰባቸው ጓደኞቹ በስንት መከራ አግባብተው እንዲነግራት ያደርጉታል

እናም ሲፈራ ሲቸር በጣም እንደሚወዳት ይነግራታል እሷም ቀብራራ ነገር ነበረችና እንዲህ አለችው
ልጁም ምንም እንዳልተፈጠረ ተረጋግቶና ፈገግ ብሎ ወደ ጓደኞቹ ይመለሳል።

ጓደኞቹም ፈገግታውን ሲያዩ ልጅቷ የፍቅር ጥያቄውን እንደተቀበለችው አምነው በደስታ ተቀበሉት አንደኛው ጓደኛው ሲለው ወጣቱ ልጅ
አላቸው ጓደኞቹ ግራ ተጋብተው አሉት እሱም ረጋ ብሎ እንዲህ ሲል መለሰላቸው
አላቸው።

ይሄ ታሪክ የሁላችንም ነው አንድ የምንወደው ሰው ጥላቻውን ሲያሳየን ወይም ሲርቀን እንከፋለን እናዝናለን እናለቅሳለን ግን ይሄን ማድረግ ያለበት ያ ትቶን የሄደ ሰው ነው እንጂ እኛ አልነበርንም።

በበርካታ የአውሮፓ ሀገራት የተከሰተው ከፍተኛ ሙቀት በቀሰቀሰው ሰደድ እሳት ከፍተኛ ውድመት እያስከተለ መሆኑ ተገለጸ። በቀዝቃዛ የዓየር ንብረቷ የምትታወቀው ብሪታኒያ ለመጀመሪያ ጊዜ ከ40 ...
20/07/2022

በበርካታ የአውሮፓ ሀገራት የተከሰተው ከፍተኛ ሙቀት በቀሰቀሰው ሰደድ እሳት ከፍተኛ ውድመት እያስከተለ መሆኑ ተገለጸ።

በቀዝቃዛ የዓየር ንብረቷ የምትታወቀው ብሪታኒያ ለመጀመሪያ ጊዜ ከ40 ዲግሪ ሴንቲ ግሬድ በላይ የሆነ የሙቀት መጠን አስመዝግባለች።

በጀርመንም ከፍተኛ የሙቀት መጠን የተመዘገበ ሲሆን፥ በፖርቹጋል ከሙቀቱ ጋር በተያያዘ ከ1 ሺህ በላይ ሰዎች ለህልፈት መዳረጋቸውን መረጃዎች ያመላክታሉ።

በፈረንሣይም በ64 የተለያዩ አካባቢዎቿ ከፍተኛ የሙቀት መጠን መዝግባለች ነው የተባለው፡፡

በፈረንሳይ ደቡብ ምዕራብ ክፍል ከ30 ዓመታት ወዲህ ሀገሪቷ አይታ የማታውቀውን ከፍተኛ የሰደድ እሳት የተከሰተ ሲሆን፥ ከፈረንጆቹ ሐምሌ 12 ጀምሮ በጊሮንዴ ግዛት የሚገኘው ከ20 ሺህ 300 በላይ ሄክታር የወይን ማሳ በእሳት መውደሙም ነው የተገለጸው፡፡

በእሳት አደጋው ወደ 37 ሺህ የሚጠጉ ፈረንሳያውያን ከቤት ንብረታቸው መፈናቀላቸውን የፈረንሳይ መገናኛ ብዙሃን ዘግበዋል።

አሁን ላይ በአውሮፓ ደኖች ላይ የተቀሰቀሰው የሰደድ እሳት ተባብሶ ቀጥሏልም ነው የተባለው፡፡

የዓለም የሚቲዮሮሎጂ ድርጅት ኃላፊ ፔቴሪ ታላስ ÷ “ከዚህ በኋላ የሙቀት ማዕበል በአውሮፓ አኅጉር የሚለመድ ይሆናል ፤ ከዚህ የባሰም ገና ይመጣል” ማለታቸውን ቢቢሲ ዘግቧል፡፡

የብሪታኒያ የእሳት አደጋ መከላከያ ሠራተኞች ከባድ የእሳት አደጋዎች በቀጣይ ሊኖር ይችላል በሚል በተጠንቀቅ ይገኛሉ ነው የተባለው።

በለንደን ምሥራቃዊ ክፍል በምትገኘው ዌኒንግተን ከፍተኛ የእሳት ቃጠሎ መኖሪያ ቤቶችን እያነደደ ሲሆን ከቁጥጥር ወጥቶ በርካታ ነዋሪዎች መፈናቀላቸውም ነው የተነገረው፡፡

የሙቀት ማዕበሉ በቤልጂዬም፣ ኔዘርላንድስ፣ ግሪክ፣ ስፔን እና ጣልያንን ጨምሮ በበርካታ ሀገራት የተመዘገበ ሲሆን፥ ከዚህ ጋር በተያያዘም በርካቶች ለህልፈት ተዳርገዋል ነው የተባለው።

20/07/2022

በዛሬው ቀን በሁለት ነገሮች የማንነታችሁ ጥራትና ክቡርነት ይመዘናል፡-

1. አደርገዋለሁ ያላችሁትን ነገር ቃል በገባችሁት ሰአትና የጥራት ደረጃ ማድረጋችሁ እና

2. ስዎቸን በቀጠራችሁበት ሰአት አክብራችሁ በመገኘታችሁና የማትገኙ ወይም የምታረፍዱ ከሆነ አስቀድማችሁ በማሳወቃችሁና ይቅርታ በመጠየቃችሁ።

20/07/2022

አትረብሻቸው!
፨፨፨////፨፨፨
አንተ ወደህ ባላደረከው፣ እነርሱ ፈቅደው፣ ፈልገው በፈፀሙብህና ባደረሱብህ የመግፋት በደል እራስህን መውቀስ አቁም። ማንኛውም ሰው ካንተ ጋር ባለው እያንዳንዱ ግንኙነት ምን ማድረግና ምን አለማድረገ እንዳለበት ጠንቅቆ ያውቃል። ሁኔታዎች ግልፅ ናቸው፤ ከፈለገ ይፈልግሃል፣ ይቀርብሃል፣ ያቀርብሃል፤ ካልፈለገ ግን ይገፋሃል፣ ይሸሽሃል፣ ይርቅሃል። ያንተ ፈልጎ መሄድ መብትህ እንደሆነው የእነርሱ መሸሸም መብታቸው ነው።
አዎ! ጀግናዬ..! አንዴ እንደገፉህ የተሰማህን ሰዎች ዳግም አትረብሻቸው። ማንም ሰው ባይፈልግህ፣ ቢሸሽህ፣ ቢርቅህ ካንተ ማንነት ጋር የሚያይዘው ነገር የለም። በአንድ ሰው አለመፈለግህ የሰውዬው እንጂ ያንተ ጉዳይ አይደለም። የገፋህ ቢኖር የሚያቀርብህ አታጣም። ብታጣም እንኳን እራስህን እስካልገፋህ፣ እስካልጎዳህ ድረስ የምትጎዳበት ምክንያት የለም።

አዎ! ሰዎች በሚሰጡህ ስፍራ ዋጋህን አትለካ። የሚሸሽህን አታሳድ፤ የሚገፋህን አትታገለው፤ ያልተቀበለህን አታስገድደው፤ ያልወደደህን አትረብሸው። ሂድለኝ፣ ውጣልኝ መባልህን በበጎ ተመልከት፤ ሳታቅማማ ወተህ ሂድ ከእርሳህ ጋር ጉዞህን ቀጥል። አስጨንቀህና አስገድደህ መገፋትን ልታስቀር አትችልም። መገፋትህን ባትወደውም ተቀበለው፤ መጠላትህ ባይመችህም ራቀው። ባለቤት ባልሆንከው የሰው ህይወት የሚበጀውን ልትወስንለት አትችልም። አንተን መራቅ እደሚበጀው ካሰበ በፍፁም አትረብሸው፤ ፍላጎቱን አክብርለት፤ ትተሀው ዞር በል። የልብ መሻቱን ተቀብለህ፣ የእራስህን ህይወት ወደህና አክብረህ ከህይወቱ ውጣለት። ክብርህን፣ ዋጋህ ለማይገባው ሰው አሳልፈህ በመስጠት ሳይሆን አንተነትህን ለተቀበለውና ለሚወድህ በማጎናፀፍ ግለፅ።
ውብ ቀን ይሁንልን!!!!!

#ድል ቀንቶናል !!!🇪🇹🇪🇹🇪🇹 #በ3000 ሜትር መሰናክል ሴቶች ኢትዮጵያ በተሳተፈችበት ርቀት ሁለት አትሌቶች ለፍፃሜ አልፈዋል። #ረቡዕ ለሊት 11:45 ለሚደረገው የሴቶች 3,000ሜ መ...
16/07/2022

#ድል ቀንቶናል !!!🇪🇹🇪🇹🇪🇹

#በ3000 ሜትር መሰናክል ሴቶች ኢትዮጵያ በተሳተፈችበት ርቀት ሁለት አትሌቶች ለፍፃሜ አልፈዋል።

#ረቡዕ ለሊት 11:45 ለሚደረገው የሴቶች 3,000ሜ መሠናክል ፍጻሜ ያለፉት አትሌቶች፦
👉 ወርቅውሃ ጌታቸው 9:11.25 ሁለተኛ በመውጣ ከአንደኛ ምድብ
👉 መቅደስ አበበ 9:14.83 ሁለተኛ በመውጣት ከሁለተኛ ምድብ

መረጃ....🇮🇳🇮🇱🇺🇸የአሜሪካው መሪ ባሉባት ሃገር ኢራን 4 ሮኬቶችን አከታትላ መተኮሷ ተዘገበ!!!በመካከለኛው ምስራቅ ቀጠና ላይ ወሳኝ የተባለለት ሩሲያን ያማከለ ጉዞ ላይ የሚገኙት የአሜሪካ...
16/07/2022

መረጃ....🇮🇳🇮🇱🇺🇸

የአሜሪካው መሪ ባሉባት ሃገር ኢራን 4 ሮኬቶችን አከታትላ መተኮሷ ተዘገበ!!!

በመካከለኛው ምስራቅ ቀጠና ላይ ወሳኝ የተባለለት ሩሲያን ያማከለ ጉዞ ላይ የሚገኙት የአሜሪካው ፕሬዝዳንት ጆ ባይደን እስራኤል ሳሉ ከጋዛ ሰርጥ የኢራን ጦር ሌሊት ላይ 4 ሮኬቶችን አከታትሎ መተኮሱን ኢንተርፋክስ ዘግቧል። ፕሬዝዳንት ጆ ባይደን ኢራን ኒውክሌር ጦር እንዳትታጠቅ ለማድረግ ወታደራዊ እርምጃ ለመውሰድ መዘጋታቸውን መናገራቸው የሚታወስ ሲሆን ኢራንም በምላሹ አሜሪካ ተራ ሃገር ከሆነች ቆይታለች ኢራንን የነካች ቀን ለዘላለም የምትጸጸትበትን ቅጣት እናሳርፋባታለን ሲሉ ሃያ ቶላው ለህዝባቸው በአደባባይ ቃል መግባታቸው ይታወሳል።

ሙዝን ወደ መዶሻነት የሚቀይር ቅዝቃዜ ያለባት ከተማ...🇷🇺እስኪ የክረምቱ መክበድ ላማረራችሁ እነሆ ይህችን ተጋሩኝ። ያኩስክ ትባላለች። በሰሜናዊ ሩሲያ የምትገኝ ከተማ ናት። ከፍተኛው የማዕድ...
15/07/2022

ሙዝን ወደ መዶሻነት የሚቀይር ቅዝቃዜ ያለባት ከተማ...🇷🇺

እስኪ የክረምቱ መክበድ ላማረራችሁ እነሆ ይህችን ተጋሩኝ። ያኩስክ ትባላለች። በሰሜናዊ ሩሲያ የምትገኝ ከተማ ናት። ከፍተኛው የማዕድን በተለይም የአልማዝ፣ ወርቅና ከሰል አምራች ከተማ ናት። ለሩሲያም ከፍ ያለ ገቢን የምታመነጭ ናት። ታዲያ ይህች ከተማ ከአንተርክቲካ በመቀጠል ቀዝቃዛዋ የአለማችን ስፍራ ናት። ሰዎች የሚኖሩበት ከተባለ ደግሞ ቀዳሚዋ።

ከፍተኛ ቅዝቃዜ ከመኖሩ የተነሳ ግምታዊ ልኬቱ ኔጋቲቭ 74 ዲግሪ ይሆናል ተብሏል፤ ምክንያቱ ደግሞ ቴርሞሜትር ከኔጋቲቭ 63 ዲግሪ በላይ መለካት ስለማይችል ሲሆን ከዚያ በላይ መሆኑን ብቻ በእርገጥኝነት መናገር ይችላል።

ታዲያ በዚህች ከተማ መዶሻ ከቸገራችሁ አንድ ሙዝ ለ 20 ደቂቃ ውጪ ማቆየት በቂ ነው። በቃ....ጠንካራ መቀጥቀጫ ይወጣዋል። በመጠኑ የፈላ ውሀ ወደ አየር ብትረጩ ወደመሬት ከመድረሱ በፊት በረዶ ይሰራል። መኪና ለመጠቀም የፈለገ ከ20 ሰዓት በላይ ማሞቅ ይጠበቅበታል። ወደከተማዋ ሲገባ ከሚሰጡ ምክሮች አንደኛው 'እባካችሁ መነጽር አትጠቀሙ' የሚለው ነው። ከሰውነት ጋር ተጣብቆ ለማስለቀቅ ሀኪም ዘንድ ሊያደርስ ይችላልና።

15/07/2022

🌀✅ አስገራሚ የእንሰሳት እውነታዎች! ✅🌀

1. ቀበሮ በሂወት ዘመኑ አንዴ ብቻ ነው ፍቅረኛ ሚኖረው። ምን አልባት ሚስቱ ከሞተች ቀሪ ሂወቱን ብቻውን ነው የሚያሳልፈው! ምስኪን ታማኝ!!
2. የጂብ እድሜ ጣራ 80 ዓመት ነው!
3. አይጦች የራሳቸውን ያልሆነ ልጅ አጥብተው ያሳድጋሉ!
4. የወባ ትንኝ 47 ጥርሶች አላት!!!!
5. ፍየሎች ሴቷን ፋየል ለማማለል ሲሉ እርስበእርስ ይዋጋሉ!!!!!
6. ድመት በሂወት ዘመኗ እስከ 100 ግልገሎች መውለድ ትችላለች!!!!
7. እንደ ሰው ህልም ማየት ሚችለው አንስሳ ፈረስ ብቻ ነው!!!!
8. ዳክየ እንቁላል የምትጥለው ጧት ጧት ብቻ ነው!!!
9. የሌሊት ወፍ ጆረዋ ከተደፈነ መብረር አትችልም!!!!
10. ጊንጥ 12 አይኖች አላት!!!!
11. አዞ ምላሱን ወደውጭ ማውጣት አይችልም!!!
12. ሴት ካንጋሮ ከወንዱ ምትለየው በደረቷ ባለው ከረጢት ነው!!!
13. አይጥ ያለምግብ 14 ቀን መቆየት ትችላለች!!
14. አለም ላይ የመጀመሪያው ለማዳ እንስሳ ውሻ ነው!!
15 .የጊንጥ መርዝ ጊንጥን ሲገድል የእባብ መርዝ ግን እባብን አይገድልም!!!
16. በአንድ ጉንዳን መንጋ ውስጥ እስከ ግማሽ ሚሊየን ጉንዳኖች ሊኖሩ ይችላሉ!!!
17. ማንኛውም ስጋ በል እንስሳ በመብረቅ ተመትቶ የሞተን እንሰሳ አይበላም!!!
18. ቢራቢሮ 12, 000 አይኖች አሏት!!!
19. የመሬት ትል 5 ልቦች አሏት!!!

በዛሬው ዕለት የአሜሪካ የጦር መርከብ ከቻይና መንግስት ፈቃድ ውጪ በደቡብ ቻይና ባሕር በሚገኙ ደሴቶች አካባቢ መግባቱን የቻይና ጦር አስታወቀ፡፡የቻይና ጦር የደቡብ ዕዝ ቃል አቀባይ ቲያን ጁ...
13/07/2022

በዛሬው ዕለት የአሜሪካ የጦር መርከብ ከቻይና መንግስት ፈቃድ ውጪ በደቡብ ቻይና ባሕር በሚገኙ ደሴቶች አካባቢ መግባቱን የቻይና ጦር አስታወቀ፡፡

የቻይና ጦር የደቡብ ዕዝ ቃል አቀባይ ቲያን ጁንሊ በሠጡት ጋዜጣዊ መግለጫ ÷ በቀጠናው የታየው የአሜሪካ ወታደራዊ እንቅስቃሴ የቻይናን ሉዓላዊነትና የሠላም ፍላጎት የሚጋፋ ነው ብለዋል፡፡

ቲያን ጁንሊ በቻይና ግዛት ውስጥ የተስተዋለው የአሜሪካ የባሕር ጦር እንቅስቃሴ የደቡብ ቻይናን ባሕር ሠላምና መረጋጋት የሚጎዳ፣ ዓለም አቀፍ ህግጋትን እና የዓለም አቀፋዊ ግንኙነቶችን ኅግ የጣሰ ነው ሲሉም በመግለጫቸው ተናግረዋል።

“አሜሪካ በደቡብ ቻይና ባሕር አካባቢ የፈጸመችው ጥሰት የደኅንነት ሥጋት ፈጣሪ እና የአካባቢውን ሠላም እና መረጋጋት አጥፊ መሆኗን ያረጋገጠ ተግባር ነውም” ብለዋል - ቃል አቀባዩ፡፡

የቻይና ጦር የሀገሪቷን ሉዓላዊነት፣ ደኅንነት ፣ ሠላም እና መረጋጋትን ለመጠበቅ ሁልጊዜም በተጠንቀቅ እንደሚገኝ ማስታወቁንም ሲ ጂ ቲ ኤን ዘግቧል፡፡

ተገዳዳሪና ከምዕራባዊያን ማዕቀብ ነፃ የሆነ አማራጭ የእቃ ማጓጓዣ መንገድ ስራ መጀመሩን ኢራን ይፋ አድርጋለች። #ኢራን በተደጋጋሚ በምዕራባዊያን ማዕቀብ የምትደቆስ ሀገር ናት:: #ራሺያ...
11/07/2022

ተገዳዳሪና ከምዕራባዊያን ማዕቀብ ነፃ የሆነ አማራጭ የእቃ ማጓጓዣ መንገድ ስራ መጀመሩን ኢራን ይፋ አድርጋለች።

#ኢራን በተደጋጋሚ በምዕራባዊያን ማዕቀብ የምትደቆስ ሀገር ናት:: #ራሺያ ደግሞ የኢራን እጣ ባይገጥማት እንኳ በምዕራባዊያ በጎርጥ የምትታይ ናት:: በሌላ በኩል #ህንድ በSuez Canal ወደ ሙምባይ ለሚታጓጉዘው እቃዎች በተፈለገው ጊዜና ፍጥነት ባለመድረስ ዋጋ እየከፈለች ያለች ሀገር ናት:: ስለሆነም ህንድ አጠር ያለ አማራጭ የማጓጓዣ መስመር ነው። በዚህ መነሻ ሩሲያ፣ ኢራን እና ህንድ መነሻውን ሩሲያ አድርጎ መዳረሻውን ህንድ ሙምባይ የሚያደርግ Corridor [ INSTC] የምል ስያሜ የተሰጠውና 7200 km ርዝመት ያለውን አዲስ የንግድ ኮርደር ለመፍጠር 3ቱ ሀገራት ለባለፉት 20 ዓመታት ሲሰሩ ቆይተዋል። ይህ የትራንስፖርትና ንግድ ቀጠና ከየትኛውም የምዕራባዊያ ማዕቀብ ተፅዕኖ ነፃ የሆነ መንገድ ሲሆን ከአውሮፓ ተነስቶ በSuez Canal በኩል አድርጎ ህንድ ሙምባይ ለመድረስ ስደረግ የነበረን ጉዞ #በ20 ቀናት የሚያሳጥር ሲሆን በዚሁ መንገድ የስወጣ የነበረውን % በመቀነስ እጅግ ወጪ ቆጣቢ አማራጭ ኮርደር ነው።

ሶስቱ ሀገራት ለ20 ዓመታት ሲለፉበት የነበረው መንገድ ከ3 ቀን በፊት #የኢራን እቃ ጫኝ መርከብ አገልገሎት ሰጪ ድርጅት በINSTC በኩል ከሩሲያ የጫነውን የሩሲያ ጭነት #በኢራን በኩል አድርጎ ወደ #ሕንድ #ሙምባይ በተሳካ ሁኔታ ማድረሱን ይፋ አድርጓል።

ፕሬዝዳንት ፑቲን ለሁሉም የዩክሬን ዜጎች የሩሲያ ፓስፖርት እንዲሰጣቸው አወጁ፡፡ሞስኮ ከዚህ በፊት በሩሲያ ቁጥጥር ስር በዋሉ የዩክሬን ከተሞች ውስጥ የሚኖሩ ዜጎች ፓስፖርት ስትሰጥ የቆየች ሲ...
11/07/2022

ፕሬዝዳንት ፑቲን ለሁሉም የዩክሬን ዜጎች የሩሲያ ፓስፖርት እንዲሰጣቸው አወጁ፡፡

ሞስኮ ከዚህ በፊት በሩሲያ ቁጥጥር ስር በዋሉ የዩክሬን ከተሞች ውስጥ የሚኖሩ ዜጎች ፓስፖርት ስትሰጥ የቆየች ሲሆን፤ አሁን ደግሞ ለሁሉም የዩክሬን ዜጎች የሩሲያ ፓስፖርት እንዲሰጣቸው የፕሬዝዳንት ፑቲን መንግስት አውጇል ተብሏል፡፡

ዩክሬን በበኩሏ “ሩሲያ እያደረገችው ያለው ተግባር በግዛቴ ውስጥ የሩሲያ ዜጎች መፍጠር ነው” በማለት ማውገዟ ተገልጿል።

ሩሲያ በዩክሬን ግዛት ውስጥ ፓስፖርት መስጠት መጀመሯ የዩክሬንን የግዛት እንደነት የሚፈታተን እና ዓለም አቀፍ ህጎችን የጣሰ መሆኑንም አስታውቃለች።

ዩክሬን የሰሜን አትላንቲክ ቃልኪዳን ወይም ኖቶን እቀላቀላለሁ ማለቷን ተከትሎ ከሩሲያ ጋር ወደ ይፋዊ ጦርነት ካመሩ አምስተኛ ወር ሊሞላቸው ጥቂት ቀናት ብቻ ቀርቶታል፡፡

በዚህ ጦርነት ምክንያት ከ15 ሚሊዮን በላይ ዜጎች የጠፈናቀሉ ሲሆን በመቶ ቢሊዮን ዶላር የሚገመት ንብረት ደግሞ መውደሙን ተመድ አስታውቋል፡፡

የኢትዮጵያ አየር ሀይል በኢላማ ውስጥ የገቡ ሁለት የሱዳን ተዋጊ ጀቶችን በምህረት መልቀቁን ዘጆርዳን ታየምስ ዘገበ።ባለፈው ሳምንት በገዳሪፍ መሬት በኢትዮጵያ ደንበር አካባቢ ዝቅ ብለው መብረ...
11/07/2022

የኢትዮጵያ አየር ሀይል በኢላማ ውስጥ የገቡ ሁለት የሱዳን ተዋጊ ጀቶችን በምህረት መልቀቁን ዘጆርዳን ታየምስ ዘገበ።
ባለፈው ሳምንት በገዳሪፍ መሬት በኢትዮጵያ ደንበር አካባቢ ዝቅ ብለው መብረር የጀመሩ የሱዳን ተዋጊ የጦር ጀቶችን በምህረት መለቀቃቸውን the online የተባለ የእስራኤል የስለላ ክምችት ዋቢ አድርጎ የዘገበው ዘጆርዳን ጋዜጣ ነው።
ጀቶቹ በተለየ ፍጥነት መብረር ሲጀምሩ ስጋት ያደረባት አዲስ አበባ በኢላማ ውስጥ አስገብታ የምትተመታ መሆኑን ለሱዳን አቪየሺን በተላከ መልዕክት ጀቶቹ ወዲያው ከገዳሪ መሬት ለቀው መሄዳቸውን ነው ጋዜጣው የዘገበው።
የኢትዮጵያ አየር ሀይል የሁለቱን ጀቶች ማንነት ለይቶ ለማውረድ ትዕዛዝ የተሰጠው ሲሆን አየር ሀይሉ ግን ከማውረድ ይልቅ ጀቶቹን የመምታት ፍላጎት ነበረው። ለዚህ በሁለቱም ጀቶች ላይ ኢላማውን አሳርፎ መሉ በመሉ እንቅስቃሴያቸውን እያየ ነበር ብሏል ጋዜጣው።
በነገራችን የሱዳን አየር ሀይል ሲጠቀምበት የነበረውን አሜሪካ ሰራሽ እራዳር አቋርጦ በእስራኤል ሰራሽ ራዳር መጠቀም ከጀመረ ዋል አደር ብሏል። መረጃውም ከዚሁ ተቋም የመጨነ መሆኑን አንዳንድ ተንታኞች እያፃፉ ነው።

ሩሲያ ወደ አውሮፓ የምትልከውን የጋዝ ማስተላለፊያ መስመር ማቋረጧን አስታወቀች! ሩሲያ በኖርድ ስትሪም - አንድ ወደ ጀርመን የተዘረጋውን የተፈጥሮ ጋዝ ማስተላለፊያ መስመር አገልግሎት ማቋረ...
11/07/2022

ሩሲያ ወደ አውሮፓ የምትልከውን የጋዝ ማስተላለፊያ መስመር ማቋረጧን አስታወቀች!
ሩሲያ በኖርድ ስትሪም - አንድ ወደ ጀርመን የተዘረጋውን የተፈጥሮ ጋዝ ማስተላለፊያ መስመር አገልግሎት ማቋረጧን አስታውቃለች፡፡

የጋዝ ማስተላለፊያ መስመሩ በመደበኛ ጥገና ምክንያት የጋዝ አቅርቦት ማቋረጡንም የስራ ሃላፊዎቹ ገልጸዋል።

መስመሩ ከዛሬ ጀምሮ ለ10 ቀናት አገልግሎት እንደማይሰጥም ነው የተገለጸው።
ከመስመሩ የአገልግሎት መቋረጥ ጋር በተያያዘ በሁለቱም ወገን በኩል ስምምነት መደረሱንም አስታውቀዋል።

ባለፈው ወር ግዙፉ የሩሲያ የጋዝ ኩባንያ ጋዝፕሮም በኖርድ ማስተላለፊያ መስመር- አንድ የተፈጥሮ ጋዝ ቧንቧ ማስተላለፊያ መስመር መዝጋቱ ይታወሳል።

በዚህም ለጀርመን የሚያቀርበውን የጋዝ አቅርቦት መጠን በ60 በመቶ እንዲቀንስ ማድረጉን አር ቲ በዘገባው አስታውሷል።

ኩባንያው ለመስመሩ መዘጋት ጊዜያዊና መደበኛ ጥገና ምክንያት መሆናቸውን ቢገልጽም፥ የጀርመን ኢኮኖሚ ሚኒስትር ሮበርት ሃቤክ የኩባንያውን ድርጊት “ፖለቲካዊ ውሳኔ ነው” ነው ብለውታል።

ከ1ሺ በላይ ጥዶች በአንድ ቀን በአዲስ አበባ ጋብቻ ሊፈፅሙ ነው | በያሜንት ኢቨንትስ የተሰናዳው የሺህ ጋብቻ፣ ካርኒቫል እና ኤክስፖ በአዲስ አበባ ሊዘጋጅ ነው፡፡ ያሜንት ኢቨንትስ ከመመ...
10/07/2022

ከ1ሺ በላይ ጥዶች በአንድ ቀን በአዲስ አበባ ጋብቻ ሊፈፅሙ ነው

| በያሜንት ኢቨንትስ የተሰናዳው የሺህ ጋብቻ፣ ካርኒቫል እና ኤክስፖ በአዲስ አበባ ሊዘጋጅ ነው፡፡

ያሜንት ኢቨንትስ ከመመስረቱ በፊት በኤሚነንስ ሶሻል ኢንተርፕረነርስ ስም የየሺ ጋብቻ 2005 ፕሮጃክት እና የአካባቢ ጥበቃ ፕሮግራምን ቀርፆ ሲሠራ የነበረ ድርጅት ነው፡፡

ማህበራዊ ኃላፊነቶቻችን ለመወጣት ከዚህ ቀደም በ2005 ዓ.ም በሀገራችን ያለውን የጋብቻ ሂደቶችን ከብዙ ሁነቶች ጋር በማቀናጀት ለሀገር ውስጥና ለውጭ ቱሪስቶች መስህብ በሚሆን መልኩ ጥንዶች የሚጋቡበትን ሁኔታ በማመቻቸት፣ ባህሎች ኢኮኖሚያዊ ፋይዳ እንዲኖራችው በማድረግ፣ በሀገራችን ብሔረሰቦች መካከል ጤናማ መተሳሰብን፤ ሰላምንና አንድነትን የመፍጠር ሥራ ሲሰራ ቆይቷል፡፡

ያሜንት ኢቨንትስ ቀደም ሲል የነበረውን ልምድና ተሞክሮ የበለጠ ለሀገር ሠላም፣ለመቻቻልና ለአብሮነት መሠረት በሚጥል መልኩ ለመስራት ዝግጅቱን አጠናቋል፡፡

የኢትዮጵያን በጎ ገፅታ ለዓለም ማህበረሰብ ለማስተዋወቅና የቱሪዝም ዘርፉን ዕድገት ለማፋጠን የሚረዱ ሁነቶችን በማዘጋጀት ላይ ነው፡፡

በአዲስ አበባ በቅርብ ዓመታት የተሠሩ መሰረተ-ልማቶችን ለማስተዋወቅ ፣ በሀገራችን ዓለም አቀፍ ትክረት መሳብ የሚችሉ ሁነቶችን ለማሰናዳት ያለውን ዕድል ለማሳየት ምቹ አጋጣሚ ይሆናል የተባለለት በ2015 ዓ.ም የሺህ ጋብቻ ካርኒቫል እና ኤክስፖ ለማካሄድ እየሠራ ነው ሲሉ የድርጅቱ ዋና ስራ አስኪያጅ አቶ አስናቀ አማኑኤል ዛሬ በሽራተን አዲስ በሰጡት ጋዜጣዊ መግለጫ ገልጻል፡፡

"ጥቁር_ኮት_አልብሱኝ" ...
09/07/2022

"ጥቁር_ኮት_አልብሱኝ" ===============
(በእለተ አረፋ የተፈፀመ አሳዛኝ ታሪክ)

ወደ ሞት አደባባይ እየተነዱ ነው። ሊገደሉ። ከኃላቸው ሆኖ ወደ ሞት አደባባይ ለሚነዳቸው ሰው እንዲህ አሉት "ጥቁር ኮት አልብሱኝ"። አመጡላቸውና እየለበሱ ለምን ጥቁር ኮት መልበስ ፈለጉ? ተብለው ስጠየቁ "እንደምታዩት አከባቢው እጅግ ብርዳማ ነው። ይሄ በኔ ሞት ሊደሰት የተሰበሰበ ህዝብ ብርዱ ስያንቀጠቅጠኝ አይቶ ሞት ፈርቶ ነው የሚንቀጠቀጠው እንዳይለኝ ሰውነቴን ማሞቅ ስለፈኩ ነው" ብለው መለሱላቸው።

April 28, 1937 ተወለዱ። በ1979 የሀገሪቱ 5ኛው ፕሬዝዳንት ሆነው በመመረጥ ለ24 ዓመታት ሀገራቸውን በፕሬዝዳንትነት አገልግለዋል።

በ24 ዓመታት የስልጣን ቆይታቸው ወቅት ሀገራቸው በጦር ሃይል እና በኢኮኖሚ ምዕራባዊያን ሀገራትን የምትገዳደር ሀገር ወደ መሆን አሸጋገሯት።

እሳቸው የገነቧት አገር ምዕራባዊያንን ከመገዳደር ባሻገር ምዕራባዊያን በመካከለኛው ምስራቅ ለሚከተሉት የውጭ ጉዳይ ፖሊሲ እና ብሔራዊ ጥቅማቸው ጋሬጣ ልትንባቸው እንደምችል እርግጠኛ ሆነዋል።

ስለሆነም እሳቸው መወገድ ነበረባቸው። የሚያስወግዱበትን ሰበብ ፈለጉ። ቀላል ነበር ይህ ሰው " " በሚል ተራ ክስ እ.አ. አ 2003 ከስልጣን እስወገዷቸው።

በኢኮኖሚ የምዕራባዊያን ተገዳዳሪ የነበረች ሀገር በምዕራባዊያን ወረራ ተዘርፋ እንዳልነበረች ሆነች። ሞኙ ያገሬው ሕዝብም በሳቸውን ከስልጣን መውረድ ሀገራቸው ምድረ ገነት የሆነች ያልህ ጨፈሩ።

ያገረውን ህዝብ በዚህ ያህል መጨፈርና መደሰት የተገነዘቡት ምዕራባዊያን "ለምን የዚህን ህዝብ ደስታ ላይ ደስታ አንደርብላቸውም" በማለት Decmber 30, 2006 በአደባባይ በስቅላት ገደሏቸው።

እሳቸው በህዝባቸው ፊት ያውም በእለተ አረፋ በአደባባይ እንደተሰቀሉት ሁሉ ዛሬ ላይ ሀገራቸውና ህዝባቸው በዓለም ፊት የደሃ ደሃ ተብለው ከተመዘገቡት ሀገራት ተርታ ሆነዋል። በየእለቱም በአገሪቱ በተፈለፈሉ አሸባሪ አካላት በዓለም አደባባይ ይሰቀላሉ።መሪህን በስሜት አሳልፈህ አትስጥ።

እኚህ ሰው ማናቸው!?!?!?
( ሁሴን አብደላ ሁሴን)

ለመላው የእስልምና ተከታዮች መልካም የአረፋ በዓል‼

"ቢልጌትስ በሐብት የሚበልጠኝ አንድ ጥቁር ብቻ ነው" አለየአለማችን ቀዳሚ ባለጠጋ በአንድ ኢንተርቪው እንዲህ ተጠየቀ ከአንተ የሚበልጥ ባለጠጋ ማን ነው ?ከአንተ የሚበልጥህ ባለጠጋ አለ ?‹‹...
09/07/2022

"ቢልጌትስ በሐብት የሚበልጠኝ አንድ ጥቁር ብቻ ነው" አለ

የአለማችን ቀዳሚ ባለጠጋ በአንድ ኢንተርቪው እንዲህ ተጠየቀ ከአንተ የሚበልጥ ባለጠጋ ማን ነው ?
ከአንተ የሚበልጥህ ባለጠጋ አለ ?

‹‹አዎ የሚበልጠኝ ሰው አለ፡፡ የሚበልጠኝ አንድ ሰው ብቻ ነው፡፡ ከብዙ ዓመት በፊት ወደ ኒውዮርክ መሄድ ነበረብኝ፡፡ ወደ ኒውዮርክ ለመሄድ አየር መንገድ ላይ ሳለሁ የተለያዩ ጋዜጦችን የጋዜጣ አዟሪዎች እጅ ላይ አየሁ፡፡ ካየኋቸው ጋዜጦች መካከል አንዱን ወደድኩት ለመግዛት አስቤ ኪሴ ስገባ ዝርዝር ስላጣሁ ሳልገዛው መልሼ ተውኩት፡፡

በድንገትም አንድ ጥቁር ጋዜጣ አዟሪ ልጅ መጣና ጋዜጣውን ሰጠኝ፡፡ ዝርዝር የለኝም አልወስደውም አልኩት እርሱም ችግር የለውም በነጻ ውሰደው አለኝና በነጻ ሰጠኝ፡፡

ከሦስት ወር በኋላ ተመልሼ በዚያው አየር መንገድ ማለፍ ነበረብኝና በዚያ አየር መንገድ ሳልፍ አሁንም አጋጣሚ ሆነና ያንን ጋዜጣ አዟሪ ጥቁር ልጅ አገኘሁት፡፡ አሁንም በነፃ ጋዜጣ ሰጠኝ፡፡ እኔም በነፃ አልቀበልህም አልኩት እርሱም ግድየለም ከትርፌ ላይ እቀንሳለሁ ውሰድ አለኝና በነጻ ሰጠኝ፡፡

ከ19 አመትም በኋላ ባለጠጋ ከሆንኩ በኋላ ያንን ልጅ ፈልጌ ለማግኘት ወሰንኩና ፈለኩት ከአንድ ወር ተኩል ፍለጋም በኋላ አገኘሁት፡፡ ከዚያም አወቅከኝ ብዬ ጠየኩት ፡፡ አዎ አውቅሃለሁ ዝነኛው ቢልጌት አይደለህም አለኝ፡፡ ከብዙ አመት በፊት ሁለት ጊዜ ጋዜጣ በነጻ ሰጥተኸኛል፡፡ ያንን ውለታህን አካክሼ መመለስ እፈልጋለሁና የፈለከውን የትኛውንም ነገር እሰጥሃለሁ ጠይቀኝ አልኩት፡፡

ያም ጥቁር ሰው በምንም መካካሻ ልትሰጠኝ አትችልም አለኝ
እኔም ለምን አልኩት
እኔ የሰጠሁህ ደሃ በነበርኩ ጊዜ ከድህነቴ ነው፡፡ አንተ ግን ልትሰጠኝ የመጣኸው ባለጠጋ በሆንክ ጊዜ ነው፡፡ እነዚህን ሁለቱን እንዴት አካክሰህ ልትሰጠኝ ትችላለህ፡፡

ቢልጌትም ያጥቁር ወጣት በርግጥም ከእኔ የሚበልጥ ባለጠጋ ነው፡፡
ለመስጠት ባለጠጋ መሆንህን ወይም ባለጠጋ እስክትሆን ድረስ አትጠብቅ ፡፡ መስጠት የልብ ጉዳይ ነው እንጂ የአቅም ጉዳይ አይደለም፡፡

©ዋልተ ንጉስ ዘሸገር።

የእንግሊዙ ጠቅላይ ሚኒስቴር ቦሪስ ጆንሰን ስልጣኑን ለቀቀየብርታኒያው ጠቅላይ ሚኒስቴር ቦሪስ ጆንሰን 40 በሚሆኑ ሚኒስቴሮች ምክኒያት ስልጣናቸውን ለቀቍ። 40ዎቹ ሚኒስቴሮች ለእንግሊዝ የማይ...
07/07/2022

የእንግሊዙ ጠቅላይ ሚኒስቴር ቦሪስ ጆንሰን ስልጣኑን ለቀቀ
የብርታኒያው ጠቅላይ ሚኒስቴር ቦሪስ ጆንሰን 40 በሚሆኑ ሚኒስቴሮች ምክኒያት ስልጣናቸውን ለቀቍ። 40ዎቹ ሚኒስቴሮች ለእንግሊዝ የማይመጥን መሪ ነው ከሱ ጋር አንሰራም ብለው የስልጣን መልቀቂያ ካስገቡ በኋላ ነው ቦሪስ ጀንሰን ስልጣናቸውን በገዛ ፍቃዳቸው የለቀቁት።

Address


Website

Alerts

Be the first to know and let us send you an email when ትኩስ መረጃዎች- Ethiopia Prevails posts news and promotions. Your email address will not be used for any other purpose, and you can unsubscribe at any time.

Shortcuts

  • Address
  • Alerts
  • Claim ownership or report listing

  • Want your business to be the top-listed Media Company?

Share