Our Tomorrow - ငါတို့မနက်ဖြန်

Home
Our Tomorrow - ငါတို့မနက်ဖြန်

တော်လှန်ရေးမှာ အစဉ်တစိုက် ပါ၀င်အားဖြည့်နေမယ့် Our Tomorrow Revolution Media Page

21/03/2023

" တပ်မ ၄၄ ဌာနချုပ်ကိုတိုက်ခိုက်ခဲ့ပြီးနောက် အကြမ်းဖက်စစ်ကောင်စီလက်အောက်ခံ ကင်မွန်းစခန်း ရဲကုန်းဂိတ်မှ ကြောက်ရမ်းရမ်း၍ လက်နက်ကြီးပစ်ခတ်ရာ ငှက်ပျောတောကျေးရွာနားသို့ ကျရောက်ပေါက်ကွဲခဲ့ "

OT ကျိုက်ထို ၊ မတ်လ ၂၁ ရက် ၊ ၂၀၂၃။

မွန်ပြည်နယ် ကျိုက်ထိုမြို့နယ် အခြေစိုက် အကြမ်းဖက်စစ်ကောင်စီလက်အောက်ခံ တပ်မ ၄၄ ဌာနချုပ်ကို KNLA + PDF + KRF ပူးပေါင်းတပ်များ နှင့် သထုံမြို့နယ်ပြည်သူ့ကာကွယ်ရေးတော်လှန်ရေးအင်အားစု TPDF တို့ ပူးပေါင်းပြီး တပ်မမှူး နေအိမ် နှင့် တပ်မဌာနချုပ်ရုံးတို့ကို ဒရုန်းဖြင့် ဗုံးသီးပစ်ချတိုက်ခိုက်ခဲ့မှုဖြစ်စဥ်
ယနေ့တွင် ဖြစ်ပွားခဲ့ပါတယ်။

ထိုသို့ဖြစ်ပွားမှုကြောင့် အကြမ်းဖက်စစ်ကောင်စီမှရမ်းသမ်းပြီး အနီးအနားရှိရွာများအား လက်နက်ကြီးများ ပစ်ခတ်ခဲ့ပါတယ်။

အဆိုပါဖြစ်စဥ်များအပြီး မတ်လ ၂၁ ရက်နေ့လည် ၁ နာရီတွင် ကျိုက်ထို - ကင်းမွန်းစခန်းလမ်းကို အကြမ်းဖက်စစ်ကောင်စီမှ ပိတ်လိုက်ပြီး ပြန်ဖွင့် ၊ မဖွင့်ကိုတော့ အတိအကျမသိရသေးပါ။

အထက်ဖော်ပြပါဖြစ်စဥ်များကြောင့် အကြမ်းဖက်စစ်ကောင်စီမှ ကြောက်ရမ်းရမ်းနေပြီး မတ်လ ၂၁ ရက် ညနေ ၄ နာရီ ၂၀ မိနစ်အချိန်တွင် ကင်မွန်းစခန်း ရဲကုန်းဂိတ်မှ လက်နက်ကြီးကျည်ဆံသည် ငှက်ပျောတောကျေးရွာနားသို့ ကျရောက်ပေါက်ကွဲခဲ့ကြောင်း ဒေသတွင်းသတင်းအရင်းအမြစ်အများထံမှ သိရပါတယ်။

တော်လှန်ရေးနှင့်ပတ်သက်သော သတင်းအချက်အလက်များကိုအချိန်နှင့်တပြေးညီတင်ပေးနေသော Our Tomorrow - ငါတို့ရဲ့မနက်ဖြန် Telegram Channel ကို Join ပေးကြပါဦးနော်။

https://t.me/OurTomorrowRevolutionMedia

21/03/2023

" မကွေးတိုင်း မြိုင်မြိုနယ် ကန်နီ(ပျူ)ရွာ အတွင်းသို လက်နက်ကြီးများ ၊ ရော့ကတ်များ ၊ လက်နက်ငယ်များဖြင့် သွားရောက်ပစ်ခတ် တိုက်ခိုက်ခဲ့ "

OT မကွေး ၊ မတ်လ ၂၁ ရက် ၊ ၂၀၂၃။

မကွေးတိုင်း မြိုင်မြိုနယ် ကန်နီ(ပျူ)ရွာ အတွင်းသို မတ်လ ၂၀ ရက်နေ့ မနက် ၈ နာရီအချိန်တွင် လက်နက်ကြီးများ ၊ ရော့ကတ်များ ၊ လက်နက်ငယ်များဖြင့် သွားရောက်ပစ်ခတ် တိုက်ခိုက်ခဲ့ပါတယ်။

ထိုသိုပစ်ခတ်ရာတွင် အကြမ်းဖက်စစ်ကောင်စီ စစ်ခွေး ၊ ပျူခွေး များမှ လက်နက်ကြီးများဖြင့် ပြန်လည်ပစ်ခတ်ခဲ့သော်လည်း ရဲဘော်များ အထိအခိုက်မရှိဆုတ်ခွာနိုင်ခဲ့ပါတယ်။အကြမ်းဖက်စစ်ကောင်စီလက်အောက်ခံ စစ်ခွေး ၊ ပျူခွေးများ အထိအခိုက်ရှိမည် ခန့်မှန်းရသော်လည်း အတိအကျမသိရသေးကြောင်း ကျားသစ်နက်တပ်မတော် မြိုင် မှ ထုတ်ပြန်ထားပါတယ်။

https://t.me/OurTomorrowRevolutionMedia

21/03/2023

မုံရွာ မြို့လယ်ခေါင်ရှိ ပေါ်ဦးရွှေဆိုင် နေခင်းကြောင်တောင် ဓားပြတိုက်ခံရ

OTမုံရွာ၊ မတ်လ၊ ၂၁ရက်နေ့

ယနေ့ နေ့လည်၁နာရီခွဲခန့်က မုံရွာမြို့ မြို့လယ်မီးပွိုင့်တွင် ဖွင့်လှစ်ထားသော ပေါ်ဦးရွှေဆိုင် နေခင်းကြောင်တောင် ဓားပြတိုက်ခံရကြောင်း ဒေသခံများကသတင်းပေးပို့လာပါတယ်။

crownကားဖြင့် လူ၇ယောက် သေနတ်အရှည်၇လက်နဲ့ ပေါ်တင်ရွှေဆိုင်ထဲသို့ ဝင်ရောက်လာကာ ဓားပြတိုက်ယူသွားခဲ့ပြီး ရွှေသားအချိန်(၂၀)ဝန်းကျင်ခံပါသွားကြောင်းကနဦးသတင်းရရှိထားပါတယ်။

ဖြစ်စဉ်အပြီးမှာ အကြမ်းဖက်စစ်ကောင်စီတပ်ဖွဲ့ဝင်များမှ crownကား အနောက်မှလိုက်သွားကြောင်း သိရှိထားပြီး ဓားပြတိုက်သူများမှာ PDFများမည်သို့မှမဖြစ်နိုင်ကြောင်း အဆိုပါမြို့မှာ UG, PDF စသည့်တပ်ဖွဲ့များ လှုပ်ရှားမှုရှားပါးသွားခဲ့တာကြာမြင့်ခဲ့ပြီဖြစ်ကြောင်းနှင့် အဆိုပါဓားပြများမှာ ပျူစောထီးများသာဖြစ်နိုင်ပြီး အကြမ်းဖက်စစ်ကောင်စီနှင့် လက်ဝါးခြင်းရိုက်ကာ ဖန်တီးထားခြင်း ဖြစ်နိုင်ကြောင်း ဒေသခံတစ်ဦးက သုံးသပ်ပြောဆိုပါတယ်။

https://t.me/OurTomorrowRevolutionMedia

21/03/2023

" ကျိုက်ထိုမြို့နယ်အခြေစိုက်အကြမ်းဖက်စစ်ကောင်စီလက်အောက်ခံ တပ်မ ၄၄ ဌာနချုပ်ကို ဒရုန်းဖြင့် ဗုံးသီးချတိုက်ခိုက်ခဲ့ပြီးနောက် ကျိုက်ထို - ကင်းမွန်းစခန်းလမ်းမကြီးကို အကြမ်းဖက်စစ်ကောင်စီမှပိတ်ထား "

OT ကျိုက်ထို ၊ မတ်လ ၂၁ ရက် ၊ ၂၀၂၃။

မွန်ပြည်နယ် ကျိုက်ထိုမြို့နယ် အခြေစိုက် အကြမ်းဖက်စစ်ကောင်စီလက်အောက်ခံ တပ်မ ၄၄ ဌာနချုပ်ကို KNLA + PDF + KRF ပူးပေါင်းတပ်များ နှင့် သထုံမြို့နယ်ပြည်သူ့ကာကွယ်ရေးတော်လှန်ရေးအင်အားစု TPDF တို့ ပူးပေါင်းပြီး မတ်လ ၂၁ ရက် နံနက် ၁၀ နာရီခန့်တွင် တပ်မမှူး နေအိမ် နှင့် တပ်မဌာနချုပ်ရုံးတို့ကို ဒရုန်းဖြင့် ဗုံးသီးပစ်ချတိုက်ခိုက်ခဲ့ပါတယ်။

ပြည်သူ့ကာကွယ်ရေးတပ်ဖွဲ့ နှင့် ပူးပေါင်းတပ်များ အထိအခိုက်မရှိ ဆုတ်ခွာနိုင်ခဲ့ပြီး အကြမ်းဖက်စစ်ကောင်စီတပ်ဖွဲ့ဝင်များ၏ ထိခိုက်သေဆုံးမှုကို စုံစမ်းဆဲဖြစ်ပါတယ်။

ထိုသို့တိုက်ခိုက်မှုအပြီးတွင် အကြမ်းဖက်စစ်ကောင်စီလက်အောက်ခံ တပ်မ ၄၄ ဌာနချုပ် နှင့် နီးစပ်ရာရွာများကို အကြမ်းဖက်စစ်ကောင်စီတပ်မ ၄၄ မှ လက်နက်ကြီးများဖြင့် ရမ်းသမ်းပစ်ခတ်နေပါတယ်။

ကျိုက်ထို - ကင်မွန်းစခန်းလမ်းမကြီးကို ယနေ့နေ့လယ် ၁ နာရီကျော်လောက်မှစ၍ အကြမ်းဖက်စစ်တပ်မှ ပိတ်ထားလိုက်ပြီးဖြစ်ကြောင်း သတင်းရရှိပါတယ်။

အကြမ်းဖက်စစ်ကောင်စီတပ်ဖွဲ့ဝင်များ၊ ယာဉ်တန်းများ၊ စစ်တပ်ဝင်းများနှင့် ဝေးဝေးမှနေပေးကြပါရန် မိဘပြည်သူများကို လေးစားစွာ မေတ္တာရပ်ခံအပ်ကြောင်း ဒေသခံပြည်သူ့ကာကွယ်ရေးအဖွဲ့များမှ ထုတ်ပြန်ထားပါတယ်။

https://t.me/OurTomorrowRevolutionMedia

21/03/2023

OT ရီဗျူး campaign
---------------------

ကျွန်တော်တို့ OurTomorrow မှ ၂၀၂၂ခုနစ် ဖေဖော်ဝါရီလမှ စတင်ကာ တော်လှန်ရေးအတွက် အထောက်အကူဖြစ်စေရန်အလို့ဌာ စတင်ဖွဲ့စည်းလုပ်ဆောင်ခဲ့သည်မှာ ၁နှစ်ကျော်လာခဲ့ပြီဖြစ်သည်။ မိမိတို့သည် ပြည်သူ့အတွက် ရပ်တည်လျှက်ရှိပြီး ပြည်သူများသိသင့် သိထိုက်သည့် သတင်းများ၊ တော်လှန်ရေးတပ်သားများ၏ စကားသံများနှင့် အကြောင်းအရာများကို တင်ဆက်ပေးလျှက်ရှိပါတယ်။

သို့ရာတွင် အချိန်ကြာမြှင့်လာသည်နှင့်အမျှ အကြမ်းဖက်စစ်ကောင်စီဘက်တော်သားများမှ ကျွန်တော်တို့၏ Page အား ဝိုင်းဝန်းတိုက်ခိုက်လျှက်ရှိသည့်အတွက် Page ၏ Reach နှင့် ပြန့်နှံနှုန်းမှာ အလွန်ကိုနှေးကွေးလာလျက်ရှိနေပါတယ်။ မလိုလားအပ်တဲ့ ပြသာနာများစွာလည်း ဖြစ်ပေါ်လာသည့်အတွက် ကျွန်တော်တို့ အားကိုးရတဲ့ မိဘပြည်သူများအား ကျွန်တော်တို့မှ တစ်ဖန်ပြန်လည် အားကိုးပါရစေလို့ ရိုးကျိုးစွာဖြင့် မိဘပြည်သူညီကို မောင်နှမများအား ပန်ကြားလိုပါတယ်။

ကျွန်တော်တို့ OurTomorrow ၏ OT ရီဗျူး campaign အား ပါဝင်ကူညီပေးကြပါရန် တောင်းဆိုပန်ကြားအပ်ပါတယ်ခင်ဗျာ။

https://t.me/OurTomorrowRevolutionMedia

လေးစားစွာဖြင့်
OurTomorrow Admin Team

21/03/2023

" ကယားပြည်နယ် ဒီးမော့ဆိုမြို့နယ် ဒီးမော့ဆိုအနောက်ဘက် ဒီးကျေးအုပ်စု ဒေါငံခါးကျေးရွာကို စစ်ကြောင်းထိုးလာ၍ DMO Local PDF နှင့် ထိတွေ့မှုရှိ "

OT ကယား ၊ မတ်လ ၂၁ ရက် ၊ ၂၀၂၃။

ကယားပြည်နယ် ဒီးမော့ဆိုမြို့နယ် ဒီးမော့ဆိုအနောက်ဘက် ဒီးကျေးအုပ်စု ဒေါငံခါးကျေးရွာတွင် DMO local PDF ၊ KNDF နှင့် ပူးပေါင်းတပ်ဖွဲ့တို့သည် အကြမ်းဖက်စစ်ကောင်စီတပ်နှင့် မတ်လ ၂၀ ရက်နေ့ မနက် ၆ နာရီမှ မွန်းလွဲ ၁ နာရီအထိ ထိတွေ့တိုက်ပွဲပြင်းထန်ခဲ့ပါတယ်။

ထိုတိုက်ပွဲ၌ ကျေးရွာထဲရှိ ပြည်သူ၏‌ နေအိမ်တွင် ခြေကုတ်ယူထားသော အကြမ်းဖက်စစ်ကောင်စီတပ်ဖွဲ့သည် စစ်ကြောင်းသုံးကြောင်းဖြင့်ထိုးလာရာ ပြည်သူ့ကာကွယ်ရေးတပ်ဖွဲ့တို့နှင့် ထိတွေ့မှုတိုက်ပွဲဖြစ်ပွားခဲ့ပါတယ်။

အဆိုပါတိုက်ပွဲသည် အကြမ်းဖက်စစ်ကောင်စီဘက်မှ လက်နက်ကြီးကို အဆမတန် ပစ်ခတ်ပြီး DMO local PDF ရဲဘော် ၄ ဦးခန့် မစိုးရိမ်ရသော ထိခိုက်ဒဏ်ရာရရှိကာ အကြမ်းဖက်စစ်ကောင်စီဘက်က ၃ ဦး‌ခန့် သေဆုံးနိုင်ခဲ့ပြီး ဒဏ်ရာလည်း အများအပြားရရှိပါတယ်။

ဒီးမော့ဆိုမြို့နယ်တွင် အကြမ်းဖက်စစ်ကောင်စီ တပ်ဖွဲ့သည် ပြီးခဲ့သည့်ဖေဖော်ဝါရီလပိုင်းတွင် အင်အား ဖြည့်တင်းထားသောကြောင့် တိုက်ပွဲများအချိန်မရွေး ဆက်လက်ဖြစ်ပွားနိုင်ပြီး ပြည်သူလူထုများ သတိရှိရှိ နေထိုင်ကြပါရန် အသိပေးအပ်ကြောင်း ပြည်သူ့ကာကွယ်ရေးတပ် - ဒီးမော့ဆိုမြို့နယ် မှ ထုတ်ပြန်ထားပါတယ်။

ပုံ - ပြည်သူ့ကာကွယ်ရေးတပ် - ဒီးမော့ဆို တပ်ဖွဲ့ဝင်များ

https://t.me/OurTomorrowRevolutionMedia

21/03/2023

" မန္တလေးတိုင်း ကျောက်ပန်းတောင်မြို့နယ်မြင်သာတောင်ကျေးမြင်သာတောင်ကျေးရွာအုပ်ချုပ်ရေးမှုး လှိုင်မင်းဦး နှင့် တောင်သာ မကျီးပင်ရွာ အုပ်ချုပ်ရေးမှုး သာမောင်အား သုတ်သင်ရှင်းလင်းခဲ့ "

OT မန္တလေး ၊ မတ်လ ၂၁ ရက် ၊ ၂၀၂၃။

Mission 1 အဖြစ် မန္တလေးတိုင်း ကျောက်ပန်းတောင်မြို့နယ် မြင်သာတောင်ကျေးရွာအုပ်ချုပ်ရေးမှုး လှိုင်မင်ဦးအား ကျည် ၃ ချက် နှင့် ပြည်သူသစ္စာဖောက်တို့သွားရာ ငရဲပြည်သို့ ပို့ပေးလိုက်ပါတယ်။

လှိုင်မင်းဦးသည် ကျေးရွာမှ လူငယ် ၅ ဦးကို ပျူသင်တန်းတက်ခိုင်းပြီးလက်နက်ရရှိရန် ဆောင်ရွက်ပေးခြင်း ၊ ကျေးရွာနေပြည်သူများကို အတင်းအဓမ္မမီတာကောက်ခြင်း ၊ မြင်သာတောင် တကြော စစ်ခွေးများ စစ်ကြောင်းထိုးရာတွင် ရှေ့ဆောင်လမ်းပြပြုလုပ်ခြင်း ၊ အကြမ်းဖက်စစ်ကောင်စီတပ်သားများကို ရွာကိုမကြာခဏခေါ်၍ အာဏာပြုလုပ်နေခြင်းများကြောင့် ရှင်းလင်းသုတ်သင်လိုက်ရခြင်းဖြစ်ခဲ့ပါတယ်။

Mission 2 အဖြစ် တောင်သာမြို့နယ် မကျီးပင်ရွာ အုပ်ချုပ်ရေးမှုး သာမောင်အား အာချောင်၍ ရှင်းလင်းသုတ်သင်လိုက်ပါတယ်။မိုင်းကွင်းများကို အကြမ်းဖက်စစ်ကောင်စီတပ်များအား လိုက်ပြခြင်း ၊ ကျေးရွာနေပြည်သူများ ကို အာဏာပြခြင်းများ ပြုလုပ်နေသူဖြစ်ပါတယ်။

ထိုကြောင့် ပြည်သူများအနေဖြင့် အကြမ်းဖက်စစ်ကောင်စီအလိုကျထပ်မံအာချောင်ဒလန်လုပ်နေပါက တစ်ယောက်မကျန် ရှင်းလင်းသုတ်သင်သွားမည်ဖြစ်ပါတယ်။

အထက်ဖော်ပြပါတိုက်ခိုက်မှုများကို တောင်သာတော်လှန်ရေးအင်အားစု နှင့် Bagan Orge Force တို့မှ ပူးပေါင်းရှင်းလင်းလိုက်ကြောင်း ထုတ်ပြန်ထားပါတယ်။

https://t.me/OurTomorrowRevolutionMedia

21/03/2023

" မကွေးတိုင် ပေါက်မြို့နယ် ဇီးပြားရဲစခန်းနှင့် နှစ်ဖာလုံခန့် အကွာ သရော်ကိုင်းပျူကျေးရွာအား စတင်တိုက်ခိုက်ခဲ့ကြောင်း မြိုင် ပ.က.ဖ ထုတ်ပြန် "

OT မကွေး ၊ မတ်လ ၂၁ ရက် ၊ ၂၀၂၃ ။

မြိုင် ပကဖ သည် မတ်လ ၂၀ ရက် မနက် ၅ နာရီ ၄၀ မိနစ်အချိန်မှ စတင်၍ မကွေးတိုင်း ပေါက်မြို့နယ် ဇီးပြားရဲစခန်းနှင့် နှစ်ဖာလုံခန့် အကွာ သရော်ကိုင်းပျူကျေးရွာအား စတင်တိုက်ခိုက်ခဲ့ပါတယ်။

ထိုသို့တိုက်ခိုက်ရာတွင် အကြမ်းဖက်စစ်ကောင်စီလက်အောက်ခံ စစ်ခွေး နှင့် ပျူခွေးများ သည် ၎င်းတို့ရဲစခန်း ပျူကျေးရွာများသို့လာသော လမ်းပိုင်းများအား ဖျက်ဆီးထားရှိပြီး ပြည်သူ့ကာကွယ်ရေးအဖွဲ့များမှ ရဲစခန်းနှင့် ပျူကျေးရွာသို့ ချဉ်းကပ်သော်လည်း ခံစစ်သေချာပြင်ဆင်ထားရှိသောကြောင့် စစ်ခွေး ၊ ပျူခွေး အနည်းငယ်သာ ထိခိုက်နိုင်ပြီး ထိခိုက်ဒဏ်ရာရရှိမှု နှင့် သေဆုံးမှုစုံစမ်းဆဲဖြစ်ပါတယ်။

အနီးကပ်တိုက်ခိုက်သိမ်းပိုက်ရန်အတွက် ရဲစခန်း နှင့် ပျူရွာအား ချဉ်းကပ်စဉ် ပြည်သူ့ကာကွယ်ရေးရဲဘော်နှစ်ဦး ထိခိုက်ဒဏ်ရာရှိ၍ စခများဘက်မှ ပေါက်မြို့နယ်ချောင်းကူးရွာဘက်မှ 120လက်နက်ကြီးများဖြင့် အဆက်မပြတ်စစ်ကူ‌ပေးကာပစ်ခတ်နေ၍ မနက် ၉ နာရီ ၁၀ မိနစ်အချိန် တွင် ပြန်လည်ဆုတ်ခွာခဲ့ပါတယ်။

ယခုတိုက်ခိုက်မှုတွင် UURF YSO ရေစကြို ၊ 27RF MGN မြင်းခြံ ‌ ၊ တိမ်လွှာ မုတ်ဆိတ် ၊ ပေါက်ကာကွယ်ရေးအဖွဲ့ ၊ မြိုင် ပကဖ ရင်း တစ်ခွဲ 4/5 စိတ် 1/2/5 ၊ ရင်းနှစ် ခွဲ 1/3 စိတ် 1/2/4 ပေါက်ကာကွယ်ရေး ဗိုလ်ရိုးမတပ်ခွဲ 2 နှင့် ပေါက်ကျေးရွာကာကွယ်ရေးအဖွဲ့များပူး ပေါင်း၍ တိုက်ပွဲဖော်ဆောင်ခဲ့ခြင်းဖြစ်ကြောင်း မြိုင် ပကဖ မှ ထုတ်ပြန်ထားပါတယ်။

https://t.me/OurTomorrowRevolutionMedia

21/03/2023

" မန္တလေးတိုင်း ချမ်းအေးသာစံမြို့နယ်အောင်နန်းရိပ်သာအရှေ့ရပ်ကွက် ၈၃လမ်း၊ ၃၄လမ်းx ၃၅လမ်းကြားရှိ ပို့ဆောင်ရေးစီမံကိန်းဦးစီးဌာနရုံးအတွင်းသို့ လျက်ဆားဖြင့် အနီးကပ်ပစ်ခတ်တိုက်ခိုက်ခဲ့ "

OT မန္တလေး ၊ မတ်လ ၂၁ ရက် ၊ ၂၀၂၃။

မန္တလေးတိုင်း ချမ်းအေးသာစံမြို့နယ်အောင်နန်းရိပ်သာအရှေ့ရပ်ကွက် ၈၃လမ်း၊ ၃၄လမ်းx ၃၅လမ်းကြားရှိ ပို့ဆောင်ရေးစီမံကိန်းဦးစီးဌာနရုံးအတွင်းသို့ မတ်လ ၂၀ ရက်နေ့တွင် အောင်စည်တော်စစ်ဆင်ရေးရဲဘော်များမှ ရုံးအတွင်းထဲသို့ လျက်ဆားဖြင့် အနီးကပ်ပစ်ခတ်တိုက်ခိုက်ခဲ့ပါတယ်။

ထိုရုံးမှာ မန္တလေးတိုင်းအတွင်းရှိ ယာဉ်များအားလုံးအတွက် အခွန်အခများကို ပြည်သူများထံမှ အတင်းအဓမ္မပေးဆောင်စေကာ စကစကိုထောက်ပံ့နေသော လုပ်ငန်းယန္တရားတစ်ခုဖြစ်ပါတယ်။

အဆိုပါတိုက်ခိုက်မှူတွင် အကြမ်းဖက်စစ်ကောင်စီ၏အလိုကျတာဝန်ယူကာ အလုပ်လုပ်နေသောထိုသို့အော်ဟစ်သည်ကို ဒုဦးစီးမှူးအပါအဝင် အခြားဝန်ထမ်း ၃ဦး ထိခိုက်ဒဏ်ရာရကြောင်းသိရှိရပြီး အောင်စည်တော်စစ်ဆင်ရေးမှ ရဲဘော်များမှာ ခက်ခဲစွာလှုပ်ရှားရင်း လွတ်မြောက်အောင် ဆုတ်ခွာနိုင်ခဲ့ပါတယ်။

ထို့အတူ ရဲဘော်များဆုတ်ခွါချိန်တွင် ရုံးအထဲမှ အကြမ်းဖက်စစ်ကောင်စီအလိုကျတာဝန်ထမ်းဆောင်နေသောခွေးပေါက်များမှ တော်လှန်ရေးရဲဘော်များအား သူခိုးဟုအော်ဟစ်တားဆီးခဲ့ကြောင်းသိရှိရပါတယ်။

ရုံးအပြင်ရှိ တော်လှန်သိပြည်သူများမှလည်း အဖက်မလုပ်ခြင်းဖြင့် ပူးပေါင်းပါဝင်ခဲ့မှုကြောင့် ပြည်သူ့ရဲဘော်များမှာ အန္တရာယ်ကင်းဘေးရှင်းစွာဆုတ်ခွါနိုင်ခဲ့ပါတယ်။

အကြမ်းဖက်စစ်ကောင်စီအာဏာတည်တံ့ရေးအတွက် ပူးပေါင်းပါဝင်နေသော မည်သည့်ထောက်တိုင်၊ မည်သည့်ဌာနမဆို အောင်စည်တော်စစ်ဆင်ရေးမှ စစ်ရေးပစ်မှတ်များအဖြစ် အဓိကထားတိုက်ခိုက်သွားမည်ဖြစ်ကြောင်း အသိပေးကြေညာခြင်းဖြင့် ကတိပြုအပ်ကြောင်း ထုတ်ပြန်ထားပါတယ်။

https://t.me/OurTomorrowRevolutionMedia

21/03/2023

" ရန်ကုန်တိုင်းဒေသကြီး ရန်ကင်းမြို့နယ် အမှတ် ၁၆ ရပ်ကွက်ရှိ ရန်ကုန်တိုင်း အရံရဲခွေး အိမ်ယာဝင်းအား ပြည်သူ့ကာကွယ်ရေးတပ်ဖွဲ့ နှင့် မဟာမိတ်များက ပူးပေါင်း၍ ဗုံးခွဲတိုက်ခိုက်ခဲ့ "

OT ရန်ကုန် ၊ မတ်လ ၂၁ ရက် ၊ ၂၀၂၃ ။

ရန်ကုန်တိုင်းဒေသကြီး ရန်ကင်းမြို့နယ် အမှတ် ၁၆ ရပ်ကွက်ရှိ ရန်ကုန်တိုင်း အရံရဲခွေး အိမ်ယာဝင်းအား မတ်လ ၂၀ ရက် ညနေ ၉ နာရီ ၃၀ မိနစ်တွင် ပြည်သူ့ကာကွယ်ရေးတပ်ဖွဲ့ နှင့် မဟာမိတ်များက ပူးပေါင်း၍ ဗုံးခွဲတိုက်ခိုက်ခဲ့ပါတယ်။

ထိုသို့တိုက်ခိုက်မှုတွင် ထိခိုက်မှုအခြေနေအသေးစိတ်အား မသိရှိရသေးကြောင်း ၊ မစ်ရှင်လုပ်ဆောင်ခဲ့သည့် အဖွဲ့သားများအားလုံး ပစ်မှတ်မြို့နယ်မှ အန္တရာယ်ကင်းရှင်းစွာ ဆုတ်ခွာနိုင်ခဲ့ပြီဖြစ်ပါတယ်။

အဆိုပါတိုက်ခိုက်မှုကိာ Freeland Attack Force ( FLA ) နှင့် Anonymous Fighters Force ( AFF ) မှ ဦးဆောင်ပြီး မဟာမိတ်အဖွဲ့များဖြစ်သည့် Yangon Underground Force ( YUF ) ၊ Emerald Girls Army ( EGA ) အဖွဲ့တို့ပူးပေါင်းကာ တိုက်ခိုက်ခဲ့ကြောင်း Freeland Attack Force ( FLA ) မှ ထုတ်ပြန်ထားပါတယ်။

20/03/2023

" မွန်ပြည်နယ် ဘီးလင်း သံတံတားဂိတ် မတ်လ ၂၀ ရက် တစ်ရက်တည်း ၂ ကြိမ် တိုင်တိုင် တိုက်ခိုက်ခံရ "

OT မွန် ၊ မတ်လ ၂၀ ရက် ၊ ၂၀၂၃။

မွန်ပြည်နယ် ကျိုက်ထိုမြို့နယ် နှင့် ဘီးလင်းမြို့နယ်ကြားရှိ အကြမ်းဖက်စစ်ကောင်စီဂိတ်စခန်းဖြစ်သော သံတံတားဂိတ်ကို KNLA+ PDF + KRF ပူးပေါင်းတပ်ဖွဲ့ဝင်များ နှင့်အတူ သထုံမြို့နယ်ပြည်သူ့ကာကွယ်ရေးတော်လှန်ရေးအင်အားစု TPDF Drone Unit တို့ ပူးပေါင်းပြီးမတ်လ ၂၀ ရက် နံနက် ၁၀ နာရီတွင် တစ်ကြိမ် ၊ ညနေ ၆ နာရီခန့်တွင် တစ်ကြိမ် သွားရောက်ပစ်ခတ်တိုက်ခဲ့ပါတယ်။

ပြည်သူ့ကာကွယ်ရေးတပ်ဖွဲ့ ပူးပေါင်းတပ်များအနေဖြင့် အထိအခိုက်မရှိဘဲ အကြမ်းဖက်စစ်ကောင်စီတပ်ဖွဲ့ဝင်များ၏ ထိခိုက်သေဆုံးမှုကို စုံစမ်းဆဲဖြစ်ပါတယ်။

မိဘပြည်သူများအနေနှင့် အကြမ်းဖက်စစ်ကောင်စီတပ်ဖွဲ့ဝင်များ၊ ဂိတ်စခန်းများ နှင့် စစ်ယာဉ်တန်းများကို တွေ့ပါက ဝေးဝေးမှနေပေးကြပါရန်လည်း မေတ္တာရပ်ခံအပ်ကြောင်း ထုတ်ပြန်ထားပါတယ်။

20/03/2023

" အကြမ်းဖက်စစ်ကောင်စီတပ်များအထိုင်ချတပ်စွဲထားသော ကျားတက်မြို့ရဲစခန်းအား မတ်လ ၁၉ ရက် ညနေ ၄ နာရီ နှင့် မတ်လ ၂၀ ရက် မနက်အစောပိုင်းအချိန်တွင် ဝေဟင်တိုက်ခိုက်မှုပြုလုပ်ခဲ့ "

OT စစ်ကိုင်း ၊ မတ်လ ၂၀ ရက် ၊ ၂၀၂၃။

အကြမ်းဖက်စစ်ကောင်စီတပ်များအထိုင်ချတပ်စွဲထားသော ကျားတက်မြို့ရဲစခန်းအား မတ်လ ၁၉ ရက် ညနေ ၄ နာရီ နှင့် မတ်လ ၂၀ ရက် မနက်အစောပိုင်းအချိန်တွင် Shar Htoo Waw Drone နည်းပညာ ( တိုက်ခိုက်ရေး Fixed Wing Drone) များဖြင့် အညာမြေသူရဲကောင်း ပြည်သူ့ကာကွယ်ရေးရဲဘော်များမှ ဝေဟင်တိုက်ခိုက်မှု‌ကြောင့် စခ ၁ ကောင် သေဆုံးပြီး ၅ ကောင်အထက်မနည်းအများအပြားထိခိုက်ဒဏ်ရာများရရှိထားကြောင်း အခိုင်မာ စုံစမ်းသိရှိရပါတယ်။

အကြမ်းဖက်စစ်ကောင်စီတပ်သားများ အထိနာ၍ ၆၀မမ လက်နက်ကြီးများဖြင့် ပြန်လည်ပစ်ခတ်ခြင်းများ၊ ကောင်းကင်ဝေဟင်မှ ပျံသန်းနေသော မောင်းသူမဲ့လေယာဉ်ငယ်များအား လက်နက်ငယ်များဖြင့် ပစ်ခတ်မှုများပြုလုပ်ခဲ့သော်လဲ တရားသော စစ်ဆင်ရေးကို ဆောင်ရွက်နေခြင်းကြောင့် အညာမြေမှသူရဲကောင်းရဲဘော်များ အထိအခိုက်မရှိ ပြန်လည်ဆုတ်ခွါနိုင်ခဲ့ပါတယ်။

ယခု စစ်ဆင်ရေးတွင် Salingyi Special Task Force - SSTF နှင့်အတူ Shar Htoo Waw Drone နည်းပညာအဖွဲ့ ၊ စစ်ကိုင်းခရိုင် တပ်ရင်း -၄ (MSPDF) ၊ CDSOM အနောက်ပိုင်းတိုက်ခိုက်ရေးအဖွဲ့ 001 ၊ အညာသား ပြောက်ကျားတပ်ဖွဲ့ ၊ Phoenix အထူးပြောက်ကျားတပ်ဖွဲ့ ၊ Salingyi Special Task Force - SSTF တပ်ခွဲ "SPACE MAN" Drone အဖွဲ့ တို့မှ ပူပေါင်းဆောင်ရွက်ခဲ့ကြောင်း Salingyi Special Task Force - SSTF မှ ထုတ်ပြန်ထားပါတယ်။

20/03/2023

" မန္တလေးတိုင်း ပြင်ဦးလွင်ခရိုင် ၊ စဉ့်ကူးမြို့နယ်အတွင်းရှိ ရွှေလုပ်ကွက်လာစစ်ဆေးသည့် ခွေးယာဉ်တန်းကို ပဒေသာမိုင်း ၇ လုံးဖြင့် မိုင်းဆွဲဧည့်ခံရာ ခွေး ၄ ကောင် ဆန့်ငင်ဆန့်ငင်ဖြစ်ခဲ့ "

OT မန္တလေး ၊ မတ်လ ၂၀ ရက် ၊ ၂၀၂၃။

မန္တလေးတိုင်း ပြင်ဦးလွင်ခရိုင် ၊ စဉ့်ကူးမြို့နယ်အတွင်းရှိ ရွှေလုပ်ကွက်သို့ မတ်လ ၁၉ ရက်နေ့ နေ့လည် ၁ နာရီခန့်အချိန်တွင် စစ်ဆေးရေးလာသော ၆ စီးပါ ခွေးယာဉ်တန်းအား ရွှေလုပ်ကွက်စစ်ဆေးပြီးအပြန် နွယ်ရုံကျေးရွာနှင့် ရေမျက်ကျေးရွာကြားတွင် ပဒေသာမိုင်း ၇ လုံးဖြင့် မိုင်းဆွဲဧည့်ခံခဲ့ပါတယ်။

အကြမ်းဖက်စစ်ခွေးကား ၆ စီး အနက် ၃ စီးအား ပြည်သူ့ကာကွယ်ရေးတပ်ဖွဲ့တို့မိုင်းကွင်းပေါ်‌ ရောက်ရှိချိန်တွင် ဧည့်ခံခဲ့ခြင်းဖြစ်ပါတယ်။ဧည့်ခံမှုကြောင့် အကြမ်းဖက်စစ်ကောင်စီကား ၃ စီး အနက် ၁ စီးမှာ စက်နှိုးလို့မ‌ရအောင် ထိခိုက်ပျက်စီးသွားကာ စခ ၄ ကောင် ကားပေါ်တွင် ဆန့်ငင် ဆန့်ငင်ဖြစ်ပြီး အများအပြားဒဏ်ရာရရှိစေခဲ့ပါတယ်။

မိုင်းဆွဲမှုကြောင့်ခွေးများဘက်မှ ဘေးပတ်ဝန်းကျင်သို့ ရမ်းသမ်းပစ်ခတ်နေခဲ့‌ သော်လည်း ပြည်သူ့ရဲဘော်များ အထိအခိုက်မရှိ အောင်မြင်စွာဆုတ်ခွာနိုင်ခဲ့ပါတယ်။အကြမ်းဖက်စစ်ခွေးများ ရမ်းသမ်းပြစ်ခတ်မှုကြောင့် "ပေါင်ကျည်မှန်သွားသည်"ဟုဆိုကာရေမျက်ရွာသားများအား ပုဆိုးလှန်ခိုင်းပြီး ဘောနံ့ရှူကာ တရားခံရှာဖွေနေကြောင်း၊ မိုင်းကွဲသည့် အနီးနားရှိ နေအိမ်အား ဝင်ရောက်ကာ ရွှေတိုငွေစတို့ယူဆောင်သွားကြောင်း၊နွယ်ရုံမှ ရေမျက်သို့လာရာ လမ်းထိပ်တွင်လည်း စစ်ဆေးမှုများလုပ်ဆောင်နေခဲ့ပြီး ဆိုင်ကယ် ၂ စီးအားသိမ်းယူသွား‌ကြောင်း မြေပြင်စောင့်ကြည့်ရဲဘော်များထံမှသိရကြောင်း ဗိုလ်လင်းယုန်တပ်ဖွဲ့ (ပြင်ဦးလွင်ခရိုင် ပကဖ) မှ ထုတ်ပြန်ထားပါတယ်။

20/03/2023

" မကွေးတိုင်း ယောဒေသ ထီးလင်းမြို့မှ ထွက်ရှိလာသော အကြမ်းဖက်စစ်ကောင်စီတပ်၏ ယာဥ်တန်းကို ထွက်ကြိုသည့် ခလရ ၅၀ မှ ကား ၄ စီး စစ်ခွေး နှင့် ပျူစောထီးပါ အင်အား ၁၀၀ ခန့်ကို YPDF တပ်ဖွဲ့မှ အသင့်ပြင်ဆင်ထားသော မိုင်းကွင်းအရောက်တွင် မိုင်းဆွဲတိုက်ခိုက်ခဲ့ "

OT ယော ၊ မတ်လ ၂၀ ရက် ၊ ၂၀၂၃။

မကွေးတိုင်း ယောဒေသ ထီးလင်းမြို့မှ ထွက်ရှိလာသော အကြမ်းဖက်စစ်ကောင်စီတပ်၏ ယာဥ်တန်းကို ထွက်ကြိုသည့် ခလရ ၅၀ မှ ကား ၄ စီး စစ်ခွေး နှင့် ပျူစောထီးပါ အင်အား ၁၀၀ ခန့်ကို မတ်လ ၁၉ ရက် နေ့လည် ၁၁ နာရီခွဲအချိန်တွင် ဂန့်ဂေါမြို့နယ် ရှောက်ပင် နှင့် ခေါက်ခုရွာကြားတွင် YPDF တပ်ဖွဲ့မှ အသင့်ပြင်ဆင်ထားသော မိုင်းကွင်းအရောက်တွင် မိုင်းဆွဲတိုက်ခိုက်ခဲ့ပါတယ်။

အဆိုပါ မိုင်းဆွဲတိုက်ခိုက်မှုကြောင့် ရန်သူ ၂၀ ကောင်ခန့်မှ မြေပြင်တွင် လဲကျအော်ဟစ်ဆဲဆိုကာ ပြန်လည်ပစ်ခတ်မှုများ ရှိခဲ့ပါတယ်။မျက်မြင်သတင်းအရ ရန်သူဖက်မှာ ၃ ဦးမှာ ပွဲချင်းပြီး သေဆုံးခဲ့ပြီး အများအပြားဒဏ်ရာရရှိခဲ့ပါတယ်။မိုင်းဒဏ်ကြောင့် အထိနာသွားသည့် ရန်သူအကြမ်းဖက်စစ်ကြောင်းသည် မိုင်းမိသည့်နေရာတွင် ခေတ္တရပ်နားခဲ့ပြီး ရှေ့သို့ဆက်မတိုးတော့ပဲ ဂန့်ဂေါမြို့ဖက်သို့ နောက်ကြောင်းပြန်လှည့်သွားခဲ့ပြီး ပြည်သူ့ကာကွယ်ရေးတပ်ဖွဲ့ဘက်မှ ထိခိုက်ကျဆုံးမှုများ တစ်စုံတစ်ရာမရှိခဲ့ကြောင်း သိရပါတယ်။

ထီးလင်းမြို့မှ ထွက်ခွာလာသည့် ယာဥ်တန်းစစ်ကြောင်းသည်လည်း လမ်းတစ်လျောက်ရှိ ကာကွယ်ရေးတပ်ဖွဲ့များ၏ အသင့်စောင့်ကြိုတိုက်ခိုက်မှုများကြောင့် အထိနာလျက်ရှိကြောင်း ယောဒေသပြည်သူ့ကာကွယ်ရေးတပ်ဖွဲ့ ( YPDF )မှ ထုတ်ပြန်ထားပါတယ်။

20/03/2023

" ကရင်နီပြည် ဒီမောဆိုမြို့ တနီးလာလဲကျေးရွာအနီး တိုက်ပွဲ တစ်နေကုန်နီးပါး ပြင်းထန်ခဲ့ပြီး ကရင်နီတပ်မတော် အခြေပြုစခန်းအား စစ်ကောင်စီတပ်မှ ဒုတိယအကြိမ် ချဉ်းကပ်ခဲ့ "

OT ကရင်နီ ၊ မတ်လ ၂၀ ရက်နေ့ ၊ ၂၀၂၃။

ကရင်နီပြည်နယ် ဒီးမော့ဆိုမြို့ တနီးလာလဲကျေးရွာအနီးအနား ပတ်ဝန်းကျင်တွင် ကရင်နီပူးပေါင်းတပ်ဖွဲ့ နှင့် အကြမ်းဖက်
စစ်ကောင်စီတပ် ခမရ ၅၁၃ တို့ တစ်နေကုန်နီးပါး တိုက်ပွဲဖြစ်ပွားခဲ့ပါတယ်။

အဆိုပါတိုက်ပွဲအတွင်း အကြမ်းဖက်စစ်ကောင်စီတပ်မှ ၅ ဦး ထက်မနည်းသေဆုံးပြီး ထိခိုက်ဒဏ်ရာ အများအပြားဖြင့် ဆုတ်ခွာသွားကြောင်း ၊ လက်နက်ခဲယမ်းများ သိမ်းဆည်းရမိကြောင်းနှင့် ကရင်နီပူးပေါင်းတပ်ဖွဲ့ မှ တစ်ဦး မစိုးရိမ်ဒဏ်ရာရရှိခဲ့ ကြောင်း မြေပြင်တပ်မှူးတစ်ဦး၏ သတင်းပေးပို့ချက်အရ သိရှိရပါတယ်။

အကြမ်းဖက်စစ်ကောင်စီတပ် မှ ကရင်နီတပ်မတော် အခြေပြုစခန်းအား မတ်လ ၁၉ ရက် နံနက် ၁၀ နာရီတွင် ဒုတိယအကြိမ် ချဉ်းကပ်မှု ပြုလုပ်လာခဲ့ပြီး မီတာ ၃၀၀ အတွင်းရောက်ရှိစဉ် အကြမ်းဖက်စစ်ကောင်စီတပ်မှ တစ်ဦး မိုင်းနှင်းမိ၍ ‌‌‌ခြေပြတ်သွားခဲ့ပြီးနောက် ပြည်သူ့ကာကွယ်ရေးတပ်ဖွဲ့မှ ဒရုန်းဖြင့် ပြန်လည်တိုက်ခိုက်ခဲ့ပြီး အကြမ်းဖက်စစ်ကောင်စီ တပ်မှ ၂ ဦး ထပ်မံဒဏ်ရာရရှိခဲ့ပါတယ်။

ထို့နောက် ရန်သူဖက်မှ ၆၀ မမ ၊ ၁၂၀မမဖြင့် ပြန်လည်ပစ်ခတ်ခဲ့ပြီး ကရင်နီတပ်မတော်မှ ထိခိုက်မှု တစ်စုံတစ်ရာ မရှိကြောင်း သိရကြောင်း ကရင်နီစစ်ဖက်ဆိုင်ရာ ဗဟိုသတင်းထုတ်ပြန်ရေးအဖွဲ့မှ ထုတ်ပြန်ထားပါတယ်။

20/03/2023

" မကွေးတိုင်း မြိုင်မြို့နယ် သရက်ခွပျူကျေးရွာသို့ ဒရုန်းဖြင့် အီနာဂါဗုံးသီးများ၊မီးလောင်ဗုံးများချ၍တိုက်ခိုက်ခဲ့ကြောင်း BLACK CHEETAH PEOPLE'S DEFENSE FORCE မှ ထုတ်ပြန် "

OT မကွေး ၊ မတ်လ ၁၉ ရက် ၊ ၂၀၂၃။

မကွေးတိုင်း မြိုင်မြို့နယ် သရက်ခွပျူကျေးရွာသို့ မတ်လ ၁၉ ရက် ညနေ ၃ နာရီ ခွဲခန့်တွင် ဒရုန်းဖြင့် အီနာဂါဗုံးသီးများ၊မီးလောင်ဗုံးများချ၍တိုက်ခိုက်ခဲ့ပါတယ်။

ထိုသို့တိုက်ခိုက်ရာတွင် Black Cheetah တပ်ဖွဲ့နှင့်အတူ ဝံပုလွေ ပြောက်ကျားတပ်ဖွဲ့မြိုင် ၊ သူရိန် ၊ Hero New G.Zတို့ပူးပေါင်း၍ တိုက်ခိုက်ခဲ့ပါတယ်။ပျူနေအိမ်များမီးလောင်၍ အထိအခိုက်အကျအဆုံးကိုတော့မသိရှိရသေးကြောင်း BLACK CHEETAH PEOPLE'S DEFENSE FORCE မှ ထုတ်ပြန်ထားပါတယ်။

20/03/2023

" စစ်ကိုင်းတိုင်း ရွှေဘိုမြို့နယ်အတွင်း ပျူစောထီးများလိုက်ပါလာသော မိုးကာအစိမ်းအုပ် ၁၂ ဘီးကား ၂ စီး နှင့် ကင်းပုန်းဝပ်လုံခြုံရေးယူပေးသော အကြမ်းစစ်ခွေးများအား ပစ်ခတ်တိုက်ခိုက်ခဲ့ "

OT စစ်ကိုင်း ၊ မတ်လ ၂၀ ရက် ၊ ၂၀၂၃။

စစ်ကိုင်း ရွှေဘိုမှ ကျောက်မြောင်းသို့ ပျူစောထီးများလိုက်ပါလာသော မိုးကာအစိမ်းအုပ် ၁၂ ဘီး ကားနှစ်စီးအား X Force - LPDF - Shweboနှင့် မဟာမိတ်အဖွဲ့များဖြစ်သော Burma Rangers ၊ God hand, Who am I ၊ Ghost rider special task force အဖွဲ့များမှ မတ်လ ၁၈ ရက်တွင် ကားလှန်မိုင်း ၄လုံးဖြင့် မိုင်းဆွဲတိုက်ခိုက်ခဲ့ပါတယ်။

ထိုသို့တိုက်ခိုက်ပြီးနောက် ၁၂ ဘီးကား နှစ်စီးအား ကင်းပုန်းဝပ်လုံခြုံရေးယူပေးထားသော ရွှေဘို ခမရ (၁၁) တပ်ရင်း မှ စစ်ခွေးအင်အား ၄၅ ယောက်ဝန်းကျင် အား ထို ၁၂ ဘီးကားနှစ်စီးအား ကင်းပုန်ဝပ်လုံခြုံရေးယူပီးအပြန် မတ်လ ၁၈ ရက် တွင် X Force - LPDF - Shwebo ၊Burma Rangers ၊ ရွှေတောသားlocalပျောက်ကျားတပ်ဖွဲ့ ၊ ရွှေဘိုခရိုင် ဝက်လက် တပ်ရင်း (၁၅) နှင့် ရွှေဘိုဓူဝံ အဖွဲ့များမှ လက်နက်ကြီးများဖြင့် ပစ်ခတ်တိုက်ခိုက်ခဲ့ပါတယ်။

ထိုသို့ပစ်ခတ်ရာတွင် အကြမ်းဖက်စစ်ခွေး ၂ ကောင် ထိုနေရာမှာတင် လှဲကျသွားပြီး အကြမ်းဖက်စစ်ကောင်စီဘက်မှ RPG ၁လုံး ၊ ၆၀ မမ ၃လုံးတို့ဖြင့် ပြန်လည် ပစ်ခတ်ခဲ့ပြီး ပြည်သူ့ကာကွယ်ရေးတပ်ဖွဲ့များ နှင့် မဟာမိတ်ရဲဘော်များ အထိအခိုက်မရှိ ပြန်လည်ဆုတ်ခွာနိုင်ခဲ့ကြောင်း X Force - LPDF - Shwebo မှ ထုတ်ပြန်ထားပါတယ်။

20/03/2023

" စစ်ကိုင်းတိုင်း မုံရွာမြို့ အနောက်မြောက်တိုင်းစစ်ဌာနချုပ် ( နမခ ) အား လက်နက်ကြီးများဖြင့် ပစ်ခတ်တိုက်ခိုက်ခဲ့ကြောင်း Chindwin Attack Force မှ ထုတ်ပြန် "

OT စစ်ကိုင်း ၊ မတ်လ ၂၀ ရက် ၊ ၂၀၂၃။

စစ်ကိုင်းတိုင်း မုံရွာမြို့ အနောက်မြောက်တိုင်းစစ်ဌာနချုပ် ( နမခ ) အား မတ်လ ၁၉ ရက် နေ့လည် ၂ နာရီ အချိန်ခန့်မှစတင်ပြီး ပြည်သူ့ကာကွယ်ရေးတပ်ဖွဲ့များ နှင့် ပူးပေါင်းအဖွဲ့များက လက်နက်ကြီးများဖြင့် ပစ်ခတ်တိုက်ခိုက်ခဲ့ပါတယ်။

အနောက်မြောက်တိုင်းစစ်ဌာနချုပ် ( နမခ ) ရှိ ဂိတ်များပေါ်သို့ကျရောက် ထိမှန်သောကြောင့် အကြမ်းဖက်စစ်ကောင်စီများဘက်မှ ဓာတုလက်နက်များဖြင့် ပြန်လည်ပစ်သော်လည်း အထိအခိုက်မရှိ ပြန်လည်ဆုတ်ခွာနိုင်ခဲ့ပါတယ်။

ထိုသို့တိုက်ခိုက်မှုကို လုံခြုံရေးအခြေနေအရ ထိခိုက်စာရင်းကို မသိရှိနိုင်သေးကြောင်း သိရပါတယ်။

အထက်ဖော်ပြပါ တိုက်ခိုက်မှုကို မုံရွာခရိုင်ပြည်သူကာကွယ်ရေးတပ်မတော် (Chindwin Attack Force) တပ်ရင်း - ၂ တပ်ခွဲ - ၄ ၊ Fight For People - F.F.P PDF တို့ ပူးပေါင်းတိုက်ခိုက်ခဲ့ကြောင်း Chindwin Attack Force မှ ထုတ်ပြန်ထားပါတယ်။

20/03/2023

" မကွေးတိုင်း မြိုင်မြို့ရှိ ရဲစခန်းနှင့် အပြစ်မဲ့အများပြည်သူများ သွားလာရာလမ်းတွင် စစ်ဆေးရေးအကြောင်းပြကာ ငွေညှစ်ကောက်ခံနေသော မြိုင်မြို့ဝင် ဂိတ်စခန်းတို့အား ဝေဟင်တိုက်ခိုက်မှုများပြုလုပ်ခဲ့ "

OT မကွေး ၊ မတ်လ ၂၀ ရက် ၊ ၂၀၂၃။

မကွေးတိုင်း မြိုင်မြို့ရှိ ရဲစခန်းနှင့် အပြစ်မဲ့အများပြည်သူများ သွားလာရာလမ်းတွင် စစ်ဆေးရေးအကြောင်းပြကာ ငွေညှစ်ကောက်ခံနေသော မြိုင်မြို့ဝင် ဂိတ်စခန်းတို့အား Shar Htoo Waw Drone နည်းပညာ( တိုက်ခိုက်ရေး Fixed Wing Drone)များဖြင့် ဖေဖော်ဝါရီလ ၁၈ ရက်နေ့ ညနေ ၄ နာရီ ၃၀မိနစ် အချိန်တွင် Salingyi Special Task Force - SSTF (ယင်းမာပင်ခရိုင်တပ်ရင်း ၁၄ ၊ ၁၅) မှ ဝေဟင်တိုက်ခိုက်မှုများပြုလုပ်ခဲ့ပါတယ်။

ထိုသို့တိုက်ခိုက်ရာတွင် အကြမ်းဖက်စစ်ကောင်စီလက်အောက်ခံ စစ်ခွေး ၊ ရဲခွေးများအထိနာ၍ လက်နက်ကြီး ၊ လက်နက်ငယ်များ ပြန်လည်ပစ်ခတ်မှုများပြုလုပ်ခဲ့သော်လည်း မိဘပြည်သူများ၏ မေတ္တာတရားများ ၊ တရားသော စစ်ဆင်ရေးကိုဆောင်ရွက်နေခြင်းတို့ကြောင့် အညာမြေမှသူရဲကောင်းရဲဘော်များ အထိမခိုက်မရှိ ပြန်လည်ဆုတ်ခွါနိုင်ခဲ့ပါတယ်။

ယခု စစ်ဆင်ရေးတွင် Salingyi Special Task Force - SSTF နှင့်အတူ Shar Htoo Waw Drone နည်းပညာအဖွဲ့ ၊ စစ်ကိုင်းခရိုင် တပ်ရင်း -၄ ( MSPDF ) ၊ CDSOM အနောက်ပိုင်းတိုက်ခိုက်ရေးအဖွဲ့ 001 ၊ အညာသား ပြောက်ကျားတပ်ဖွဲ့ ၊ Phoenix အထူးပြောက်ကျားတပ်ဖွဲ့ ၊ မြိုင် ပ.က.ဖ (ဘာဂျာ "AERIAL Drone Team") ၊ Salingyi Special Task Force - SSTF တပ်ခွဲ "SPACE MAN" Drone အဖွဲ့ တို့မှ ပူးပေါင်းဆောင်ရွက်ခဲ့ကြောင်း Salingyi Special Task Force - SSTF မှ ထုတ်ပြန်ထားပါတယ်။

20/03/2023

" စစ်ကိုင်းတိုင်း မြောင်မြို့နယ် ကျောက်ရစ်ရဲစခန်းမှ ထွက်လာသော အကြမ်းဖက်စစ်ကောင်စီတပ်သား ၃၀ ခန့်အား ဖရဲသီး ၂ လုံးဖြင့် မိုင်းဆွဲတိုက်ခိုက်ခဲ့ရာ စစ်ခွေး ၅ ကောင် ပွဲချင်းပြီးမသာပေါ်ခဲ့ "

OT စစ်ကိုင်း ၊ မတ်လ ၂၀ ရက် ၊ ၂၀၂၃။

စစ်ကိုင်းတိုင်း မြောင်မြို့နယ် ကျောက်ရစ်ရဲစခန်းမှ ထွက်လာသော အကြမ်းဖက်စစ်ကောင်စီတပ်သား ၃၀ခန့်အား ကိုးပင်ကျေးရွာ အရှေ့ဘက်နားအရောက် မတ်လ ၁၈ ရက်နေ့ ည ၁၀ ဝန်းကျင်ခန့်အချိန်တွင်အသင့်ပြင်ဆင်ထားသော စစ်ကိုင်းခရိုင်တပ်ရင်းအမှတ် ၄ - MSPDF ထုတ် ဖရဲသီး ၂ လုံးဖြင့် မိုင်းဆွဲတိုက်ခိုက်ခဲ့ပါတယ်။

ထိုမိုင်းဆွဲတိုက်ခိုက်မှုတွင် အကြမ်းဖက်မီးရှို့စစ်တပ်မှ စစ်ခွေး ၅ ကောင် နေရာတွင် ပွဲချင်းပြီးခဲ့၍ စစ်ခွေးအနည်းငယ် ထိခိုက်ဒဏ်ရာရရှိခဲ့ပါတယ်။အကြမ်းဖက်စစ်ခွေးများ ကိုင်ဆောင်ထားသော Gun ၂လက် ပျက်စီးခဲ့ပါတယ်။

လက်ရှိ မြောင်မြို့နယ်အတွင်းတွင် မိုင်းအလုံးရေ များစွာ အသုံးပြု၍ Missionများ ဆက်တိုက်ဖော်ဆောင်နေပြီးမိဘပြည်သူများအနေဖြင့် အခုလို Mission တွေ ပိုမိုဖော်ဆောင်နိုင်ဖို့ တတ်နိုင်တဲ့ဘက်က ဝိုင်းဝန်းကူညီပေးကြဖို့ မေတ္တာရပ်ခံအပ်ကြောင်း MSPDF မှ ထုတ်ပြန်ထားပါတယ်။

19/03/2023

" ရေစကြိုမြို့နယ် ရေလယ်ကျွန်းဒေသရှိ Myingyan Black Tiger ( MBT) ၏ ဌာနချုပ်နယ်မြေအတွင်းတွင် အကြမ်းဖက်စစ်ကောင်စီ၏ တပ်မ ၉၉ ဘီလူး ကွန်မန်ဒိုစစ်ကြောင်း နှင့် MBT ၏ ကျားမဲစစ်ကြောင်းတို့ ၃ရက်တာ တိုက်ပွဲအခြေနေတင်းမာမှုရှိခဲ့ "

OT မကွေး ၊ မတ်လ ၁၉ ရက် ၊ ၂၀၂၃။

မကွေးတိုင်း ရေစကြိုမြို့နယ် ရေလယ်ကျွန်းဒေသရှိ Myingyan Black Tiger ( MBT) ၏ ဌာနချုပ်နယ်မြေအတွင်းတွင်အကြမ်းဖက်စစ်ကောင်စီ၏ တပ်မ ၉၉ ဘီလူး ကွန်မန်ဒိုစစ်ကြောင်း နှင့် MBT ၏ ကျားမဲစစ်ကြောင်းတို့ ၃ရက်တာ တိုက်ပွဲအခြေနေတင်းမာမှုရှိခဲ့ပါတယ်။

မတ်လ ၁၈ ရက်နေ့တွင် MBT ၏ ဌာနချုပ်စခန်းအား စွန့်ခွာပေးခဲ့ရပြီး ယနေ့အချိန်အထိ တိုက်ပွဲဆက်လက်ပြင်းထန်နေလျှက်ရှိပါတယ်။

ထို ၃ ရက်တာ တိုက်ပွဲအတွင်း MBTမှ ရဲဘော် ၂ဦးထိခိုက်ဒဏ်ရာရရှိခဲ့ပြီး တစ်ဦးမှာ အရေးပေါ်ဆေးကုသမှု ခံယူနေပြီး အကြမ်းဖက်စစ်ကောင်စီဘက်မှ ၆ဦး သေဆုံးပြီး အများအပြား ဒဏ်ရာရရှိခဲ့ကြောင်း မျက်မြင်သက်သေအရ အတည်ပြုနိုင်ခဲ့ပါတယ်။

Myingyan Black Tiger (MBT) ၏ ကျားမဲစစ်ကြောင်းအား MBT၏ အထူးညီနောင်မဟာမိတ်များမှ ပါဝင်ကူညီအားဖြည့်ထားလျှက်ရှိပါတယ်။စစ်ရေးဆက်လက်တင်းမာနေမှုကြောင့် မိဘပြည်သူများအနေဖြင့် ကူညီထောက်ပံ့ပေးကြပါရန် အထူးပင်မေတ္တာရပ်ခံအပ်ကြောင်း Myingyan Black Tiger ( MBT ) မှ ထုတ်ပြန်ထားပါတယ်။

19/03/2023

" အကြမ်းစစ်ကောင်စီကားတန်း၏ နောက်ချန်ကင်းအဖွဲ့အား ပြည်သူ့ကာကွယ်ရေးတပ်ဖွဲ့ နှင့် ပူးပေါင်းတပ်ဖွဲ့မှ အနီးကပ်ဝင်ရောက်တိုက်ခိုက်ခဲ့ "

OT မကွေး ၊ မတ်လ ၁၉ ရက် ၊ ၂၀၂၃ ။

အကြမ်းစစ်ကောင်စီကားတန်း၏ နောက်ချန်ကင်းအဖွဲ့အား မတ်လ ၁၈ ရက် နေ့လည် ၁၂ နာရီ တွင် ပူးပေါင်းတပ်ဖွဲ့မှအနီးကပ်ဝင်ရောက်တိုက်ခိုက်ရာ စခ ၄ ကောင် ကနဦးပစ်ခတ်ရရှိခဲ့ပြီး လက်နက်ကြီးကျည်ထိမှန်မှုကြောင့် ပူးပေါင်းတပ်ဖွဲ့မှ ရဲဘော်နှစ်ဦးပြင်းထန်ဒဏ်ရာရရှိခဲ့ပါတယ်။

ထိုသို့ပစ်ခတ်ရာတွင် ပစ်အားအဆမတန်ကွာဟမှုကြောင့် ပူးပေါင်းတပ်ဖွဲ့ တပ်ဆုတ်ရစဥ် ဒဏ်ရာရှိသူနှစ်ဦးထဲမှ ပြင်းထန်ဒဏ်ရာရရှိသူ ဂန့်ဂေါခရိုင်တပ်ရင်း ၁၇ ၊တပ်ခွဲ ၃ ၏ တပ်ခွဲမှုး ကျော်မင်းလွင်မှ ကျန်တပ်ဖွဲ့ဝင်များဆုတ်ခွာနိုင်ရန် ကာပစ်ပေးရင်း မြင့်မြတ်စွာအသက်ပေးလှူခဲ့ရပြီး AK မောင်းပြန်တစ်လက်ဆုံးရှုံးခဲ့ရပါတယ်။

ဖက်ဒရယ်ဒီမိုကရေစီနိုင်ငံတော်တည်ဆောက်နိုင်ရေးအတွက် အကြမ်းဖက်စစ်ကောင်စီတပ်အားရွပ်ရွပ်ချွံချွံတွန်းလှန်တိုက်ခိုက်ရင်း ဂုဏ်ရောင်ဝင်းပြောင်စွာအသက်ပေးလှုခဲ့သော တပ်ခွဲမှုးကျော်မင်းလွင်အား ဂန့်ဂေါခရိုင်တပ်ရင်း (15/16/17) - YRA ထီးလင်းမှ ဆို့နင့်ကြေကွဲသောနှလုံးသားဖြင့် ဂုဏ်ပြုအလေးနီပြုအပ်ကြောင်း ဂန့်ဂေါခရိုင်တပ်ရင်း(15/16/17)-YRA ထီးလင်း မှ ထုတ်ပြန်ထားပါတယ်။

19/03/2023

" ချင်းကာကွယ်ရေးတပ်ဖွဲ့(CDF) မင်းတပ်မှ တိုက်ပွဲသတင်းနှင့် လမ်းပိုင်းဆိုင်ရာအသုံးပြုခြင်းနှင့် ပတ်သတ်ပြီး ကြေညာချက်ထုတ်ပြန် "

OTချင်းပြည်၊ မတ်လ၊ ၁၉ရက်

အကြမ်းဖက်စစ်ကောင်စီက မတ်လ (၁၃) ရက်နေ့ ညပိုင်းတွင် မင်းတပ်-မတူပီ လမ်းပိုင်း မိုင်တိုင် အမှတ် ၉ နှင့် ၁၄ ကြားတွင် လေကြောင်းတိုက်ခိုက်မှု (၆) ကြိမ် နှင့် လက်နက်ကြီး ပစ်ခတ်မှု ( ၁၃ ) ကြိမ် ပြုလုပ်ခဲ့ပြီး မကွေးတိုင်း ပခုက္ကု မြို တပ်မ (၁၀၁) မှထွက်ခွာလာခဲ့သော စစ်ကောင်စီ ယာဉ် (၈၅) စီးပါ ယာဉ်တန်းအား မတ်လ ၁၆ ရက်နေ့ ညနေတွင် ကျောက်ထု မင်းတပ်ဖက်သို့ တက် လာခဲ့ရာ CDF-Mindat မှ ပဒေသာမိုင်း အလုံး (၂၀) တွဲဖြင့် မိုင်းဆွဲ တိုက်ခိုက်ခိုက်ခဲ့ကြောင်း CDF-Mindat က ထုတ်ပြန်ပါတယ်။

အဆိုပါ တိုက်ခိုက်မှုအတွင်း စစ်ကောင်စီဖက်မှ သေဆုံးမှု အတိအကျ မသိရသော်လည်း စစ်ကောင်စီ ကား(၂) စီး ထိခိုက် ပျက်စီးသွားခဲ့ကြောင်းပါဝင်ပါတယ်။

တိုက်ခိုက်ခံရသည့် ယာဉ်တန်းထဲမှ (၃၅) စီးသည် ပျက်စီးသွားသော ကားများ တင်ဆောင်လျက် မတ်လ (၁၈) ရက်နေ့ နံနက်တွင် ကျောက်ထုမြို့သို ပြန်ဆင်းသွားခဲ့ ကြပြီဖြစ်ပြီး မင်းတပ်-ကျောက်ထု လမ်းပိုင်း အား ပြန်လည်အသုံးပြုနိုင်ပြီဖြစ်ကြောင်း ထုတ်ပြန်အသိပေးထားပါတယ်။

19/03/2023

မကွေးတိုင်းဒေသကြီးအတွင်း ရေစကြိုမြို့ရှိ အကြမ်းဖက်စစ်ကောင်စီတပ်သားများတပ်ဆွဲနေသည့် စည်ပင်သာယာရပ်ကွက်ရှိ ရုံးပေါင်းစုံအား အဝေးပစ်လောင်ချာဖြင့် ဒေသကာကွယ်ရေးတပ်ဖွဲ့များက ပစ်ခတ်ခဲ့

OTမကွေး၊ မတ်လ၊ ၁၉ရက်

မကွေးတိုင်းဒေသကြီးအတွင်း ရေစကြိုမြို့ရှိ အကြမ်းဖက်စစ်ကောင်စီတပ်သားများတပ်ဆွဲနေသည့် စည်ပင်သာယာရပ်ကွက်ရှိ ရုံးပေါင်းစုံအား အဝေးပစ်လောင်ချာဖြင့် ပစ်ခတ်ခဲ့ကြောင်း Myingyan Black Tiger (MBT) မှ ကြေညာချက်ထုတ်ပြန်ထားပါတယ်။

ဖြစ်စဉ်မှာ မကွေးတိုင်းဒေသကြီး၊ ရေစကြိုမြို့နယ်၊ အမှတ်၂ စည်ပင်သာယာရပ်ကွက်ရှိ ရုံးပေါင်းစုံတွင် တပ်ဆွဲနေသော အကြမ်းဖက်စစ်ကောင်စီတပ်သားများအား Myingyan Black Tiger (MBT)တပ်ဖွဲ့မှ မတ်လ၊ ၁၈ရက်နေ့က အဝေးပစ် ရှေ့ထွက်လောင်ချာဖြင့် ပစ်ခတ်ခဲ့ကြောင်း သိရှိရပါတယ်။

အဆိုပါပစ်ခတ်မှုကြောင့် စစ်ကောင်စီတပ်သားများ ထိခိုက်သေဆုံးမှုရှိကြောင်း အဆိုပါထုတ်ပြန်ချက်မှာ ပါရှိပါတယ်။

19/03/2023

" အကြမ်းဖက်စစ်ကောင်စီတပ်မှ ဖယ်ခုံမြိုနယ်အတွင်း စစ်ရှောင်အရပ်သားပြည်သူ (၃) ဦးအား အကြမ်းဖက်စစ်ကောင်စီတပ်မှ ထပ်မံသတ်ဖြတ်မှုနှင့်စပ်လျဥ်း၍ ထုတ်ပြန်ခဲ့ "

OTကရင်နီပြည်၊ မတ်လ၊ ၁၉ရက်

မတ်လ ၁၁ရက်နေ့မှစ၍ အကြမ်းဖက်စစ်ကောင်စီတပ်များသည် ဖယ်ခုံမြိုနယ် ၊ အရှေ့ဖက်ကမ်း ကုရင်ကျေးရွာအုပ်စုအတွင်းသိုံ စစ်ကြောင်းထိုးလာခဲ့သဖြင့် ပြည်သူ့ကာကွယ်ရေးပူးပေါင်းတပ်ဖွဲ့ များနှင့်ထိတွေ့တိုက်ပွဲများဖြစ်ပွားခဲ့ပြီး မတ်လ ၁၂ရက်နေ့ကလည်း ကုရင်ကျေးရွာအုပ်စု စစ်ဘေးရှောင်စခန်းအနီးသို့ ထိုးစစ်ဆင်လာသော အကြမ်းဖက်စစ်ကောင်စီစစ်ကြောင်းမှာ စစ်ရှောင်စခန်းအတွင်း ဝင်ရောက်ပြီး စစ်ရှောင်(၈) ဦးအား ဓါးစာခံအဖြစ် ဖမ်းစီးခဲ့ပြီး (၅)ဦးကိုသာပြန်လွတ်ကာ သက်ကြီးရွယ်အို(၂)ဦး နှင့် (၇)တန်းကျောင်းသား ကလေးသူငယ် တစ်ဦးတိုအား ပြန်မလွှတ်ပဲ မီးရှို့သတ်ဖြတ်ခဲ့ကြောင်း KNDF ( Karenni National Defense Force) က ထုတ်ပြန်ပါတယ်။

စစ်ကြောင်းထိုးလာသော အကြမ်းဖက်စစ်ကောင်စီ၏ ခမရ (၄၂၃)တပ်ရင်းအား မတ်လ (၁၁) ရက်နေ့၊ နေ့လည် (၁၂)နာရီ အချိန်မှ စ၍ KNDF-B03၊ ဖယ်ခုံ PDF တပ်ရင်း (၂) ၊ အလယ်ပိုင်းတိုင်းPDFတို့ပူးပေါင်း၍ တိုက်ခိုက်ခဲ့ပြီး ထိတွေ့တိုက်ပွဲမှာနေ့လည် (၁၂)နာရီမှ ညနေ (၅)နာရီခွဲအထိ အပြင်းအထန်ဖြစ်ပွားခဲ့ကာ ထိတွေ့မှုအပြီး အကြမ်းဖက်စစ်ကောင်စီတပ်ဖက်မှ ထွက်ပြေးသွားခဲ့ကာ ၎င်းတို့တပ်ဖွဲဝင် (၆)ဦးကို အရှင်ဖမ်းဆီးရမိခဲ့သလို သေဆုံးနေသော အလောင်း (၁၉)လောင်းကို တွေ့ရှိခဲ့ရပြီး MA-3 (၂)လက် ၊ MA-2 (၁)လက် ၊ MA-1 (၁)လက် ၊ စနှိက်ပါ (၁)လက် ၊ (၆၀)မမ ပြောင်း (၂)ပြောင်း ၊ RPG (၂)လက် နှင့် ခဲယမ်းများ ၊ အသုံးဆောင်များကို သိမ်းဆည်းရရှိခဲ့ကြောင်း ထုတ်ပြန်ချက်မှာပါရှိပါတယ်။

ထိုအတူ မတ်လ (၁၂) ရက်နေ့ကလည်း အကြမ်းဖက်စစ်ကောင်စီ၏ စစ်ကြောင်းတစ်ကြောင်းမှာ ကုရင်ကျေးရွာအုပ်စုထဲရှိ စစ်ဘေးရှောင် စခန်း တစ်ခုအနားသို ထပ်မံ၍ စစ်ကြောင်းထိုးလာခဲ့ပြီး ဒေသကာကွယ်ရေး ပူးပေါင်းတပ်များနှင့် နေ့လည် (၁)နာရီအချိန်မှစ၍ ညနေ (၆)နာရီအထိ ထိတွေ့တိုက်ပွဲဖြစ်ပွားခဲ့ကာ စကစ တပ်သား (၅)သေဆုံးနေသည်ကိုတွေ့ရကာ တိုက်ပွဲအတွင်း မိမိတို KNDF B (03) မှ ရဲဘော် (၂)ဦး၊ ဖယ်ခုံ PDF တပ်ရင်း (၂)မှ ရဲဘော် (၁)ဦး မြင့်မြတ်စွာ ကျဆုံးခဲ့ရကြောင်း သိရှိရပါတယ်။ တစ်နေ့တည်းမှာပဲ လွိင်ကော်မြို့နယ် ၊ ကုန်းသာကျေးရွာ တောင်ကုန်းအနီးတွင် စစ်ကြောင်းထိုးလာသော အကြမ်းဖက်စစ်ကောင်စီတပ်ဖွဲနှင့် KNDF B (02) ၊ B (03) ၊ ဖယ်ခုံ PDF တို့ ပူးပေါင်းတပ်ဖွဲ့များက တိုက်ခိုက်ခဲ့ပြီး ညနေ (၅)နာရီခွဲ ဝန်းကျင်တွင် အကြမ်းဖက်စစ်ကောင်စီမှ ဂျက်လေယာဥ်နှစ်စီးဖြင့် (၃)ကြိမ် လာရောက်ပစ်ခက်ခဲ့ကာ တိုက်ပွဲအတွင်း စစ်ကောင်စီတပ်သား (၄)ဦး၏ အလောင်းအားတွေ့ရသလို အသုံးဆောင်များလည်း တွေ့ခဲ့ရကြောင်း သိရှိရပါတယ်။

ထိုအတူ မတ်လ (၁၃)ရက်နေ့ ည (၁၂)နာရီကျော်အချိန်တွင် ဒီးမော့ဆိုအရှေ့ဖက်ခြမ်း တွင် စစ်ကြောင်းထိုးနေသော စစ်ကောင်စီ၏ တပ်မ (၆၆) တပ်သား တစ်ဦးမှာ မိမိတို လှုပ်ရှားနေရာဖက်သို ကင်းထောက် ကျွံဝင်လာခဲ့ရာ KNDF-B09 မှ ပစ်ခတ် တိုက်ခိုက်ခဲ့ရာ သေဆုံးသွားပြီး ၎င်းကိုင်ဆိုင်ခဲ့သော MA-3 သေနတ် (၁)လက် နှင့် ကျည်အချိုကို သိမ်းဆည်းနိုင်ခဲ့ပါသည်။ အကြမ်းဖက်စစ်ကောင်စီစစ်ကြောင်းအား ခုခံတိုက်ခိုက်ရင်း ရဲရင့်စွာကျဆုံးခဲ့ရသော KNDF-B03မှ ရဲဘော် (၂)ဦးနှင့် မဟာမိတ်တပ်မှ ရဲဘော် (၁)ဦးတိုအား အာဇာနည်သူရဲကောင်းများ အဖြစ် KNDF မှသမိုင်းမှတ်တမ်းတင် အလေးပြုကြောင်း KNDF Karenni National Defense Force) က မတ်လ ၁၅ရက်နေ့က ထုတ်ပြန်ပါတယ်။

Address

Website

facebook.com

Alerts

Be the first to know and let us send you an email when Our Tomorrow - ငါတို့မနက်ဖြန် posts news and promotions. Your email address will not be used for any other purpose, and you can unsubscribe at any time.

Videos

" အရှင်းဆုံးပြောရရင် ကျွန်တော် ကြားကာလပညာရေးစနစ်ကို အားရလားဆိုရင်တော့ အားမရဘူး ။ အွန်လိုင်းစာသင်တယ်ဆိုတဲ့ဟာက လူတစ်စုပညာရေးအတွက်ပဲ ရတယ် လူနည်းစုပညာရေးပေါ့ ။ တောရွာတွေမှာ မြေပြင်အခြေအနေတွေမှာ လုပ်ပေးနိုင်စွမ်း ဘာမှမရှိသေးဘူး " လို့ဆိုတဲ့ နွေဦးတော်လှန်ရေးတွင် တက်ကြွစွာပါဝင်လာခဲ့တဲ့ CDM ကျောင်းဆရာ သားထက်ဇော်နှင့် သီးသန့်တွေ့ဆုံမေးမြန်းခန်း အပိုင်း(၂) ---------------- အပိုင်း (၁) -> https://fb.watch/fuCe2iXllm/ ---------------- #OurTomorrow #သီးသန့်တွေ့ဆုံမေးမြန်းခန်း

" တော်လှန်ရေးဆိုတဲ့ ရေစစ်က ပြည်သူတွေရော CDMတွေရော ကျောင်းသားတွေရော တော်လှန်ရေးရေစစ်နဲ့ စစ်ထုတ်လိုက်တဲ့ အချိန်မှာ တကယ်လုပ်နေတဲ့သူတွေ တော်လှန်ရေးကိုစိတ်ရှိတဲ့သူတွေ ဇွဲရှိတွေနဲ့ ၊ မင်းက ပေါ်ပင်ဖြစ်ချင်လို့ တော်လှန်ရေးကို လုပ်ခဲ့တာလား မင်းသမိုင်းကြောင်းအတွက် ဒီနိုင်ငံအတွက် ပေးဆပ်ချင်တဲ့စိတ်နဲ့ လုပ်ခဲ့တာလားဆိုတာက ပေါ်လာတယ် " လို့ဆိုတဲ့ နွေဦးတော်လှန်ရေးတွင် တက်ကြွစွာပါဝင်လာခဲ့တဲ့ CDM ကျောင်းဆရာ သားထက်ဇော်နှင့် သီးသန့်တွေ့ဆုံမေးမြန်းခန်း အပိုင်း(၁) #OurTomorrow #သီးသန့်တွေ့ဆုံမေးမြန်းခန်း

အာဏာရှင်ဖျက်ဆီးတဲ့ ဗုဒ္ဓသာသနာ

မြ၀တီဆရာတော် ဘဒ္ဒန္တအရိယာဘိဝံသ နှင့် CDM ဗိုလ်ကြီး ဒေါက်တာမင်းမောင်မောင်တို့ရဲ့ စကားဝိုင်း

"နိုင်ငံတော်အဆင့်ကနေပြီးတော့မှ သေဒဏ်ချမှတ်တယ်ဆိုတဲ့ ကိစ္စက ဘယ်နိုင်ငံကမှ လက်မခံတော့တဲ့ကိစ္စဖြစ်တယ် ယဉ်ကျေးတဲ့ လူ့အဖွဲ့အစည်းမှာ လုပ်သင့်လုပ်ထိုက်တဲ့ ကိစ္စမဟုတ်ဘူးလို့ အားလုံးကလက်ခံထားတဲ့အချိန်မှာ စစ်အုပ်စုကနေပြီးတော့ နိုင်ငံရေးအကျဉ်းသားတွေကို သေဒဏ်ပေးတယ်ဆိုတဲ့ ကိစ္စဟာတော်တော်ကို ရိုင်းစိုင်းပြီးတော့ လူ့အခွင့်အရေးတွေချိုးဖောက်ပြီး ကျူးလွန်တဲ့လုပ်ရက်ဖြစ်တာကြောင့် ဒါကို လုံး၀လက်မခံပါဘူး" လို့ဆိုလာတဲ့ လူ့ဘောင်သစ်ဒီမိုကရက်တစ်ပါတီ၊ NUCC အဖွဲ့ဝင် ဒေါ်နှင်းနှင်းမွှေး နှင့် သီးသန့်တွေ့ဆုံမေးမြန်းခန်း #OurTomorrow #သီးသန့်တွေ့ဆုံမေးမြန်းခန်း

“တော်လှန်ထောက်ပို့ တောင်ပိုင်းသို့”

“တော်လှန်ထောက်ပို့ တောင်ပိုင်းသို့” အဖွဲ့သားများနဲ့ မလေးရှားရောက် ပြည်သူ့အားနွေဦးသံစဥ်အဖွဲ့ ၊တွဲလက် ညီအစ်ကိုမောင်နှမများ နှင့် နွေးဦးတော်လှန်ရေး စကားဝိုင်း """"" (22.8.2022) မြန်မာစံတော်အချိန် ည ၇နာရီ ၃၀ တိတိ။ ထိုင်းရောက်မြန်မာလုပ်သားများ ကူညီစောင့်ရှောက်ရေးကော်မတီ(AAC)အဖွဲ့ နှင့် Myanmar Global Support Foundation (MGSF) တို့ပူးပေါင်းစီစဥ်ကြတဲ့ "တော်လှန်ထောက်ပို့ တောင်ပိုင်းသို့ ရန်ပုံငွေရှာ‌ဖွေရေးနဲ့ အနုပညာတင်ဆက်မှုပွဲကို ပြည်သူ့အားနွေဦးသံစဥ်အဖွဲ့ နှင့် နွေးဦးတော်လှန်ရေး စကားဝိုင်း သို့ တက်ရောက်ချီးမြှင့်မည့် ဆရာတော်၊လူပုဂ္ဂိုလ်များ အနုပညာရှင်များကတော့ 01. ရွှေဝါရောင်အရှင်ထာဝရ (နော်ဝေ) 02.ကိုလင်းထက်အောင် 03.ကိုဗိုလ်ဗိုလ်ကျော် 04.သဲသဲအေး 06.မှိုင်းမျိုးဆက် 07.လပြည့် 08.နေဘုန်း 09.ကိုလင်း 10.MITSU (MGSF) 11.NILAR (MGSF)တို့ဖြစ်ကြပါသည်။ ၄င်းဖျော်ဖြေတင်ဆက်မှုများ

“ပင်လုံမှသည် နွေဦးတော်လှန်ရေးဆီသို့” နိုင်ငံရေးစကားဝိုင်း

“ပင်လုံမှသည် နွေဦးတော်လှန်ရေးဆီသို့” နိုင်ငံရေးစကားဝိုင်း အပိုင်း (၂) ပြည်ထောင်စုနိုင်ငံသစ်တခုထူထောင်ရန်ကြိုးပမ်းခြင်း နှင့် ပင်လုံ၏ အနှစ်သာရများ အခုလို မြန်မာနိုင်ငံသားများဟာ Federal ပြည်တော်စုတည်ဆောက်ဖို့ဦးတည်လာကြတဲ့အခါမှာ Federal ဖွဲ့စည်းပုံဥပဒေကို ရေးစွဲလာကြရတော့မှာပဲဖြစ်ပါတယ်။ ဒါဆိုရင်တော့ မြန်မာ့သမိုင်းရဲ့ အရေးပါလှတဲ့ ပင်လုံစာချုပ်ဟာဖြင့် မိမိတို့အားလုံး သိကိုသိထားရမယ့် အကြောင်းအရင်းဆိုတာ မြေကြီးလက်ခက်မလွဲပါဘူး။ ဒီပင်လုံအကြောင်းအရာ နဲ့ ပတ်သက်ပြီး ကျွမ်းကျင်ကြတဲ့ ဝါရင့်ပုဂ္ဂိုလ်ကြီးများဖြစ်တဲ့ ခွန်မာကိုဘန်း ၊ ဆလိုင်းကစ်(ပ်) ခိုလျန် ၊ ဦးအောင်စောဦး ၊ အရှင်ထာဝရ ( နော်ဝေ) တို့ က ဦးဆောင်ဆွေးနွေးသွားကြမှာ ဖြစ်ပါတယ် ။ ဒီအစီအစဉ် ကို သြဂုတ်လ ၁၉ရက် ၂၀၂၂ သောကြာနေ့ ည (၇ ) နာရီတိတိမှာ ,DVB TV News,Public Voice Television D Day Channel , Mizzima ,Khit Thit Media,Than Lwin Time

Shortcuts

Address
Alerts
Videos
Claim ownership or report listing
Want your business to be the top-listed Media Company?

Country:

City:

21/03/2023

21/03/2023

21/03/2023

21/03/2023

21/03/2023

21/03/2023

21/03/2023

21/03/2023

21/03/2023

21/03/2023

20/03/2023

20/03/2023

20/03/2023

20/03/2023

20/03/2023

20/03/2023

20/03/2023

20/03/2023

20/03/2023

20/03/2023

19/03/2023

19/03/2023

19/03/2023

19/03/2023

19/03/2023

Address

Website

Alerts

Videos

အာဏာရှင်ဖျက်ဆီးတဲ့ ဗုဒ္ဓသာသနာ

“တော်လှန်ထောက်ပို့ တောင်ပိုင်းသို့”

“ပင်လုံမှသည် နွေဦးတော်လှန်ရေးဆီသို့” နိုင်ငံရေးစကားဝိုင်း

Shortcuts

Share