Haproso

27/05/2023

Just enough to get your wings......

Join the Spaces by Wix app to read this blog and stay updated on the go.

27/12/2021

5 tricks to make learning fun 🤓🥳🥳✨

YouTube channel: https://youtube.com/channel/UCYlBwvnXvej7C_mk5ZdTgLA

10/12/2021

Visit www.haproso.com for more!

07/12/2021

16/02/2021

https://youtube.com/watch?v=xeY1yvorzsE&feature=share

Poem titled “College Life” is written by me using some useful words (from GRE point of view). Learn the poem to learn the tough words easily. The brief meani...

27/03/2020

ਦਿਲ ਦੀ ਦੌਲਤ ਲੁੱਟ ਕੇ ਮਿਲਦੀ
ਜਿੱਤ ਦੇ ਨਾਲੋਂ ਹਰਨਾ ਚੰਗਾ!
ਤੇਰੇ ਬਾਝੋਂ ਜੀ ਤਾਂ ਲਈਦੈ
ਪਰ ਓਹਦੇ ਤੋਂ ਮਰਨਾ ਚੰਗਾ!

#ਰਮਣੀਕਕੌਰ

16/03/2020

👇💟
ਲਹੂਆਂ ਦਾ ਚੋਲਾ ਤੇ ਇਸ਼ਕੇ ਦਾ ਰੰਗੜਾ
ਆਸ਼ਿਕ ਦੇ ਭਾਅ ਦਾ ਤਾਂ ਡਾਢਾ ਈ ਚੰਗੜਾ
ਨਾ ਤੇਰਾ ਨਾ ਮੇਰਾ ਗੁਲਾਲ ਇਹ ਸਭ ਦਾ
ਗੁਲਾਬਾਂ ਦੇ ਮੇਚੇ ਦਾ ਲਾਲ ਇਹ ਸਭ ਦਾ!
ਨਾ ਪੈਲੀ ਨਾ ਪੈਸੇ ਨਾ ਹੳੁਮੈਂ ਕਮਾ ਕੇ
ਰਾਜ ਮਿਲੇਂਦੇ ਈ ਅੱਲਾਹ ਧਿਆ ਕੇ
ਤੂੰ ਹਫੜ ਦਫੜ ਇਹ ਮਚਾਈ ਏ ਕੀਕਣ
ਸੁਹਜ ਕਮੀਂਦੇ ਈ ਸਹਿਜ ਹੰਢਾਅ ਕੇ!
_ਰਮਣੀਕਕੌਰ
#ਸ਼ਾਇਰੀ #ਨਿਰਵੈਰਤਾ #ਇਸ਼ਕ #ਪਿਆਰ

26/02/2020

ਲਾਚਾਰਾਂ ਦੀ ਢਾਲ
ਬਹਾਰਾਂ ਦੀ ਚਾਲ
ਵਿਗਾਸਾਂ ਦੀ ਗੁੜ੍ਹਤੀ
ਓਹ ਅਸ਼੍ਵਾਂ ਦੀ ਫੁਰਤੀ
ਮਰਦਾਨੇ ਦੇ ਸ੍ਵਾਸ
ਓਹ ਭਗਤਾਂ ਦੀ ਪਿਆਸ
ਓਹ ਸੁਰਤੀ ਦਾ ਚਾਨਣ
ਤੇ ਬਿਰਤੀ ਦੀ ਸੁੱਚਮ
ਹਮੇਸ਼ਹ ਦਾਤਾਰਾ
ਹੈ ਕੰਚਨ ਮਨਾਰਾ
ਨਿਆਰਾ ਓਹ ਨਿਆਰਾ
ਓਹ ਹਰ ਰੰਗ ਨਿਆਰਾ!
#ਰਮਣੀਕਕੌਰ

20/12/2019

19/10/2019

ਮਿੱਠਾ ਸੁਰ ਵੇ ਰਬਾਬੇ ਦਾ,
ਪੱਗ 'ਕੱਲਾ ਕੱਪੜਾ ਹੀ ਨਹੀਂ ਪੂਰਾ ਨਕਸ਼ਾ ਪੰਜਾਬੇ ਦਾ!

😊 #ਰਾਣੀਤੱਤ
#ਮਹਿੰਗੀ.ਸਰਦਾਰੀ #ਨਿੱਕੇ.ਵੀਰੇ #ਬਾਪੂ

26/09/2019

ਮੈਂ ਸਮਝ ਗਿਆ ਹਾਂ ਕਿ ਸਥਾਨਕ ਭਾਸ਼ਾ ਇੱਕ ਸੱਭਿਆਚਾਰਕ ਖਜ਼ਾਨਾ ਹੈ! ਇਸ ਲਈ ਪੀੜ੍ਹੀ ਦਰ ਪੀੜ੍ਹੀ ਸੱਭਿਆਚਾਰ, ਗਿਆਨ ਅਤੇ ਗੁਣਾਂ ਦੇ ਪ੍ਰਸਾਰ ਲਈ, ਸਥਾਨਕ ਭਾਸ਼ਾ ਨੂੰ ਸੰਭਾਲਣਾ ਜ਼ਰੂਰੀ ਹੈ!
ਸਥਾਨਕ ਭਾਸ਼ਾ ਦਾ ਕੌਮਾਂਤ੍ਰੀ ਵਰ੍ਹਾ ਮਨਾੳੁਂਦਿਆਂ, ਮੈਂ ਆਪਣੀ ਸਥਾਨਕ ਭਾਸ਼ਾ/ਮਾਤ ਭਾਸ਼ਾ ਦੀ ਤਨੋਂ ਮਨੋਂ ਸੇਵਾ ਕਰਾਂਗਾ ਅਤੇ ਹਰ ਇੱਕ ਭਾਸ਼ਾ ਦੇ ਬੋਲਣ ਵਾਲਿਆਂ ਨਾਲ "ਸਭ ਮਹਿ ਜੋਤਿ ਜੋਤਿ ਹੈ ਸੋਇ" ਅਨੁਸਾਰ ਪਿਆਰ ਅਤੇ ਮਿਲਵਰਤਣ ਕਰਾਂਗਾ! ਸੱਚੀ ਸੁੱਚੀ ਕਿਰਤ ਕਰਦਿਆਂ ਵੰਡ ਛਕਾਂਗਾ! ਵਿਸ਼ਵ ਸ਼ਾਂਤੀ ਲਈ ਸੇਵਾਰਥੀ ਬਣਾਂਗਾ!

03/09/2019

ਆਸ!
ਹਨੇਰੇ ਦੇ ਵਾਸੀ ਨੂੰ ਚਾਨਣ ਦੀ
ਆਸ ਹੀ ਤਾਂ ਹੈ ਜੋ ਤੜਫਾ ਮਾਰਦੀ ਏ!
ਇਹ ਮਰਨ ਤੋਂ ਪਹਿਲਾਂ ਜਿੳੁਣ ਦੀ ਆਸ
ਮੁੱਕਣ ਤੋਂ ਪਹਿਲਾਂ ਕੁਝ ਹੋਣ ਦੀ ਆਸ
ਜੇ ਆਸ ਹੀ ਨਹੀਂ ਤਾਂ ਦੁੱਖ ਕਾਹਦਾ?
ੳੁਹਦੇ ਲਈ ਤਾਂ ਵੇਖੋ ੳੁਹ ਨੱਥ ਵੀ ਸ਼ਿੰਗਾਰ ਬਣ ਗਈ
ਜੋ ਗੁਲਾਮੀ ਦੀ ਕੜੀ ਵਜੋਂ ਠੋਸੀ ਗਈ ਸੀ!
ੳੁਹ ਤਾਂ ਨੱਚਦੀ ਹੈ ਅੱਜ ਵੇਖੋ ਛਨਣ ਛਨਣ ਕਰਵਾ ਪਾਜ਼ੇਬ ਦੀ
ਜੋ ੳੁਸ ਦੇ ਹਰ ਕਦਮ ਦੀ ਸੂਹ ਰੱਖਣ ਲਈ ਜੰਜੀਰੀ ਗਈ ਸੀ!
ਓਹਦਾ ਤਾਂ ਵੇਖੋ ਪਿੰਜਰਾ ਹੀ ਮਿੱਤਰ ਬਣ ਗਿਐ ਹੁਣ
ਕਿ ਆਸ ਜਗਾਏ ਰੱਖਣ ਨਾਲੋਂ ਢਲ ਜਾਣਾ ਸੌਖਾ ਸੀ!
ਇਹ ਮੇਰੇ ਦਿਲ ਚ ੳੁਸ ਅੰਬਰ ਦੇ ਦਿਲ ਚ ਘੁਸਣ ਦੀ
ਆਸ ਹੀ ਤਾਂ ਹੈ ਜੋ ਮੈਨੂੰ ਟਿਕਣ ਨਹੀਂ ਦਿੰਦੀ!
ਜੇ ਅਜ਼ਾਦੀ ਨਾਲੋਂ, ਆਪਣੀ ਹੋਂਦ ਨਾਲੋਂ ਅਜ਼ੀਜ਼ ਹੁੰਦਾ "ਸੁੱਖ"
ਤਾਂ ਮੈਂ ਕਦ ਦੀ ਪੈਲਾਂ ਪਾੳੁਂਦੀ ਫਿਰਦੀ ਹੁੰਦੀ
ਇਸ ਚਿੜੀਆ-ਘਰ ਦੇ ਬਨੇਰਿਆਂ 'ਤੇ!
ਇਹ ਮੇਰਾ ਆਪਣਾ ਮਨ ਹੀ ਤਾਂ ਹੈ ਜੋ ਠਰਨ ਨਹੀਂ ਦਿੰਦਾ ਮੈਨੂੰ
ਕਿ ਸੂਰਜ ਜਿਹੀ ਰੌਸ਼ਨੀ ਦੀ ਭੁੱਖ ਹੈ ਤਾਂ ਸੜਨਾ ਤਾਂ ਪਵੇਗਾ ਹੀ!
#ਰਮਣੀਕਕੌਰ

02/09/2019

ਜਦ ਨਾਸਤਿਕਤਾ ਹੀ ਧਰਮ ਬਣ ਜਾਏ, ਜਿੱਥੇ ਆਪਣੀ ਸੋਚ ਰੱਬ ਹੋਵੇ ਤੇ ਆਪਣੀ 'ਮੈਂ' ਸਿਮਰਨ... ਤਦ ਇਹ ਵੀ ਅਖੌਤੀ ਧਾਰਮਿਕਤਾ ਤੋਂ ਕੋਈ ੳੁੱਚੀ ਨਹੀਂ, ਅਸਲ ਧਰਮ ਤਾਂ ਦੂਰ!

#ਰਮਣੀਕਕੌਰ

28/08/2019

ਤੁਹਾਡੀ ਯਾਰ ਨੂੰ ਰੱਬ ਬਣਾ ਕੇ ਕੀਤੀ ਪੂਜਾ ਤਾਂ ਇਬਾਦਤ
ਤੇ ਸਾਡੀ ਰੱਬ ਨੂੰ ਰੱਬ ਜਾਣ ਕੇ ਕੀਤੀ ਇਬਾਦਤ ਅੰਧਵਿਸ਼ਵਾਸ?
ਤੁਹਾਡੇ ਮਾਸ਼ੂਕ ਦੀ ਯਾਦ ਚ ਵਹਾਏ ਅੱਥਰੂ ਤਾਂ ਬਿਰਹਾ
ਤੇ ਸਾਡੇ ਖਸਮ ਦੀ ਯਾਦ ਚ ੳੁਪਜੇ ਵੈਰਾਗ ਦਿਖਾਵਾ?
ਤੁਹਾਡਾ ਯਾਰ ਤਾਂ ਮਾਨਣ-ਮਹਿਸੂਸਣ ਦਾ ਵਿਸ਼ਾ
ਤੇ ਸਾਡਾ ਖੁਦਾ ਵੇਖਣ ਦਾ?
ਤੁਹਾਡੀਆਂ ਬੀੜੀਆਂ ਫੂਕ ਫੂਕ ਲਿਖੀਆਂ ਕਵਿਤਾਵਾਂ ਤਾਂ ਕ੍ਰਾਂਤੀ
ਤੇ ਸਾਡਾ ਖੂਨ ਵਹਾ ਵਹਾ ਕੀਤਾ ਜ਼ੁਲਮ ਦਾ ਵਿਰੋਧ ਅੱਤਵਾਦ?
ਤੁਹਾਡੀ ਸ਼ਰਾਬ ਦਾ ਨਸ਼ਾ ਮਸਤੀ
ਤੇ ਸਾਡੇ ਨਾਮ ਦਾ ਨਸ਼ਾ ਬੇਵਕੂਫੀ?
ਤੁਹਾਡੀ ਮਿਜਾਜ਼ੀ ਦੀ ਆੜ 'ਚ ਗਾਲੀ ਜਵਾਨੀ ਤਾਂ ਅਜ਼ਾਦੀ
ਤੇ ਸਾਡੇ ਹਕੀਕੀ ਦੇ ਚਾਅ 'ਚ ਪਾਏ ਗਾਤਰੇ ਗੁਲਾਮੀ?
ਤੁਹਾਡਾ ਰਾਤਾਂ ਦਾ ਜਗਰਾਤਾ ਆਸ਼ਕੀ
ਤੇ ਸਾਡਾ ਅੰਮ੍ਰਿਤ ਵੇਲੇ ਜਾਗਣਾ ਪਾਖੰਡ?
ਤੁਹਾਡਾ ਹੀ ਤਰਕ ਆਖਦਾ ਹੈ
ਕਿ ਚੀਜ਼ ਪੜ੍ਹੇ ਬਿਨਾ ਸਮਝ ਨਹੀਂ ਪੈਂਦੀ
ਆਪਣਾ ਦਿਮਾਗ ਵਰਤੋ, ਧਰਮ ਭੇੜ-ਚਾਲ ਹੈ!
ਸਾਡਾ ਤਰਕ ਵੀ ਏਹੀ ਆਖਦਾ ਹੈ
ਗੁਰਬਾਣੀ ਪੜ੍ਹੇ ਬਿਨਾ ਸਮਝ ਨਹੀਂ ਪੈਂਦੀ
ਆਪਣਾ ਦਿਮਾਗ ਵਰਤੋ,
ਕੇਵਲ ਗੱਲਾਂ ਹੀ ਸੁਣੀ ਜਾਣਾ ਤੇ
ਕੇਵਲ ਗੱਲਾਂ ਹੀ ਸੁਣਾਈ ਜਾਣਾ
ਭੇੜ ਚਾਲ ਹੈ!
ਜੋ ਸੁਣਿਆ ਜੋ ਪੜ੍ਹਿਆ ੳੁਸਨੂੰ ਜਿਓਂ ਕੇ ਵੇਖੋ!

#ਰਮਣੀਕਕੌਰ

18/08/2019

"ਔਰਤ" (women empowerment)
ਜੇ ਮੇਰੀ ਕਵਿਤਾ ਚੰਗੀ ਲੱਗੇ ਤਾਂ ਲਾਈਕ, ਕਮੈਂਟ ਤੇ "ਸ਼ੇਅਰ" ਕਰਨਾ ਨਾ ਭੁੱਲਣਾ ਜੀ! ਰਮਣੀਕ

14/08/2019

ਸਾਡਾ ਹਾਲ ਵੀ ਕੁਝ ਐਸਾ ਹੀ ਆ! ਜੋ ਪਾਣੀ ਜੀਵਨ ਹੈ ਤੇ ਸਦਾ ਸਦਾ ਵਹਿ ਰਿਹੈ, ਕਦੇ ਨਹੀਂ ਮੁੱਕਦਾ, ੳੁਹਨੂੰ ਛੱਡ ਕੇ,,, ਬਾਹਰੋਂ ਚੁਲੀਆਂ ਦੀ ਭਾਲ ਚ ਫਿਰ ਰਹੇ ਆਂ! ਓਹ ਜਿਸ ਬਿਨਾ ਜੀਵਨ ਨਹੀਂ, ੳੁਸ ਸੱਚ ਨੂੰ ਵਿਸਾਰ ਤਾਂ ਸਕਦੇ ਆਂ ਪਰ ਮਿਟਾਵਣ ਚੱਲਾਂਗੇ ਤਾਂ ਆਪ ਮਿਟ ਜਾਵਾਂਗੇ,,,ਪਰ ੳੁਹ ਫਿਰ ਵੀ ਰਹੇਗਾ, ੳੁਸੇ ਤਰ੍ਹਾਂ ਅਡੋਲ, ਬੇਪਰਵਾਹ, ਅਗੰਮ, ਅਥਾਹ!
ਰਮਣੀਕ Ramneek