25/06/2024
മണ്ണ് മാന്ത്രി യന്ത്രം ദേഹത്തേക്ക് മറിഞ്ഞ് വീണ് മഹിളാ കോണ്ഗ്രസ് നേതാവിന്റെ മകന് മരിച്ചു
ബന്തടുക്ക: ഹിറ്റാച്ചി ദേഹത്തേക്ക് മറിഞ്ഞുവീണ് യുവാവ് മരിച്ചു. മഹിളാ കോണ്ഗ്രസ് കാസര്ഗോഡ് ജില്ലാ പ്രസിഡണ്ട് ബന്തടുക്ക പടുപ്പിലെ മിനി ചന്ദ്രന്റെ മകന് പ്രീതംലാല് ചന്ദാണ് (22) മരിച്ചത്. ചൊവ്വാഴ്ച്ച രാവിലെ 10 മണിയോടെയാണ് ദാരുണമായ സംഭവം. വീടിന് സമീപം വെച്ച് മണ്ണ് മാന്തി യന്ത്രം കഴുകിക്കൊണ്ടിരിക്കെ അപ്രതീക്ഷിതമായി ദേഹത്തേക്ക് മറിഞ്ഞ് വീഴുകയായിരുന്നു. വിവരമറിഞ്ഞ് ഓടിക്കൂടിയ നാട്ടുകാര് ഉടന് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. പരേതനായ ബണ്ടങ്കൈ ചന്ദ്രനാണ് പിതാവ്. ഗൗതം ലാൽ ചന്ദ് ഏക സഹോദരനാണ്.