Sugirthakumar Vijayarajah

03/06/2024

தேசிய சுற்றுச் சூழல் வாரத்தினை முன்னிட்டு ஆலையடிவேம்பு பிரதேச செயலகத்தின்; ஏற்பாட்டில் அக்கரைப்பற்று சின்னமுகத்துவாரம் பகுதியில் கடற்கரை பிரதேசத்தை துப்பரவு செய்யும் சிரமதான பணி முன்னெடுக்கப்பட்டது

ஆலையடிவேம்பு பிரதேச செயலாளர் ஆர்.திரவியராஜ் தலைமையில் பிரதேச செயலக சுற்றச்சூழல் அபிவிருத்தி உத்தியோகத்தர் யு.எல்.மக்மூதா மற்றும் எஸ்.ஜனனி ஆகியோரின் ஒருங்கிணைப்பில் மேற்கொள்ளப்பட்ட கடற்கரை பிரதேச தூய்மைப்படுத்தும் பணியில் அக்கரைப்பற்று 241 ஆம் காலாட்படைப்பிரிவின் அதிகாரிகள் மற்றும் ஆலையடிவேம்பு பிரதேச சமூக நலன் அமைப்பினர் பிரதேச செயலக அதிகாரிகள் ஆலையடிவேம்பு பிரதேச சபை ஊழியர்கள் என பலர் கலந்து கொண்டனர்.

இதன்போது கடற்கரை பிரதேசத்தில் காணப்பட்ட பிளாஸ்டிக் போத்தல்கள் சிரட்டைகள் பொலித்தின் பைகள் குப்பைகள் என மீட்கப்பட்ட கழிவுப்பொருட்கள் அகற்றப்பட்டு பிரதேச சபை உழவியந்திரங்களின் உதவியுடன் கொண்டு செல்லப்பட்டது.

கடற்கரை பிரதேசத்தினை தூய்மையாக வைத்திருப்பதன் அவசியமும் இங்கு அறிவுறுத்தப்பட்டது.

01/06/2024

வாழ்த்துகள்.....
கோளாவில் விநாயகர் மகாவித்தியாலயத்திலிருந்து முதல் முறையாக மாணவி ஒருவர் சட்டத்துறைக்கு தெரிவு

01/06/2024

ஆலையடிவேம்பு கோட்டத்தில் 77 மாணவர்கள் பல்கலைக்கழகம் செல்லும் வாய்ப்பு - இருவர் வைத்தியத்துறைக்கும் ஒருவர் சட்டத்துறைக்கும் தெரிவு

அக்கரைப்பற்று ஸ்ரீ இராமகிருஸ்ண தேசிய பாடசாலையில் இருந்து இவ்வருடம் இருவர் வைத்தியத்துறைக்கு தெரிவு செய்யப்பட்டுள்ளதுடன் கோளாவில் விநாயகர் மகாவித்தியாலயத்திலிருந்து சட்டத்துறைக்கு ஒருவருமாக ஆலையடிவேம்பு கோட்டத்தில் 77 மாணவர்கள் பல்கலைக்கழகம் செல்லும் வாய்ப்பினை பெற்றுள்ளதாக கோட்டக்கல்விப்பணிப்பாளர் க.கமலமோகனதாசன் தெரிவித்தார்.

இதன் அடிப்படையில் அக்கரைப்பற்று இராமகிருஸ்ண தேசிய பாடசாலையில் இருந்து வைத்தியத்துறைக்கு தெரிவு செய்யப்பட்ட இருவர் உள்ளிட்ட 43 மாணவர்களும் அக்கரைப்பற்று ஸ்ரீ இராமகிருஸ்ண மிசன் மகாவித்தியாலயத்தில் இருந்து 22 மாணவர்களும் கோளாவில் விநாயகர் மகாவித்தியாலயத்தில் இருந்து 04 மாணவர்களும் கண்ணகிகிராமம் கண்ணகி வித்தியாலயத்தில் இருந்து 04 மாணவர்களும் தம்பட்டை மகாவித்தியாலயத்திலிருந்து 04 மாணவர்களும் பல்கலைக்கழகம் செல்லும் வாய்ப்பினை பெற்றுள்ளனர்.

இதேநேரம் வலய மட்டத்தில் வர்த்தக பிரிவில் அக்கரைப்பற்று ஸ்ரீ இராமகிருஸ்ண தேசிய பாடசாலையும் கலைப்பிரிவில் அக்கரைப்பற்று ஸ்ரீ இராமகிருஸ் மிசன் மகாவித்தியாலயமும் அதி கூடிய சித்தியினை பெற்று சாதனை படைத்துள்ளமை குறிப்பிடத்தக்கது.

கடந்த வருட உயர்தர பெறுபேறுகளுடன் ஒப்பிடுகையில் ஆலையடிவேம்பு கல்வி கோட்டம் 100 சதவீத வளர்ச்சியினை எட்டிப்பிடித்துள்ளமை சுட்டிக்காட்டத்தக்கது.

இதற்காக பாடுபட்டுழைத்த வலயக்கல்விப்பணிப்பாளர் ஆர்.உதயகுமார் கோட்டக்கல்விப்பணிப்பாளர் க.கமலமோகனதாசன் மற்றும் கல்வி உயர் அதிகாரிகள் பாடசாலை அதிபர்கள் ஆசிரியர்கள் ஒத்துழைப்பு வழங்கிய பெற்றோர்கள் தனியார் கல்வி நிலை உரிமையாளர்கள் ஆசிரியர்கள் ஆகியோருக்கும் கல்விச் சமூகம் சார்பாக நன்றிகள்.

01/06/2024

அக்கரைப்பற்று ஸ்ரீ இராமகிருஸ்ண தேசிய பாடசாலை வைத்தியத் துறைக்கு இருவர் உட்பட 77 மாணவர்கள் பல்கலைக்கழகம் தெரிவு

01/06/2024

மண்ணிற்கு பெருமை சேர்த்த மாணவர்களுக்கு வாழ்த்துகள்!

அக்கரைப்பற்று ஸ்ரீ இராமகிருஸ்ண தேசிய பாடசாலையில் இருந்து இவ்வருடம் இருவர் வைத்தியத்துறைக்கு தெரிவு செய்யப்பட்டுள்ளனர்.

அக்கரைப்பற்று நாவற்காடு பிரிவைச் சேர்ந்த கஜேந்திரன் கிதுர்ஷிகா மற்றும் இளங்கோ நர்மிஜன் ஆகிய இருவருமே 2A,B சித்தியினை பெற்று வைத்தியத்துறைக்கு தெரிவு செய்யப்பட்டு பெற்றோருக்கும் பாடசாலைக்கும் அக்கரைப்பற்று ஆலையடிவேம்பு மண்ணிற்கும் பெருமை சேர்த்துள்ளனர்.

இருவருக்கும் இப்பிரதேச மக்கள் சார்பிலும் எனது சார்பிலும் வாழ்த்துக்களை தெரிவிப்பதுடன் பெற்றோர்களுக்கும் கற்பித்த ஆசிரியர்களுக்கும் பாடசாலைக்கும் அதிபர் உள்ளிட்ட கல்விச்சமூகத்திற்கும் நன்றியும் வாழ்த்துகளும்.

31/05/2024

வாழ்த்துகள்.....
அக் இ.கி.தேசிய பாடசாலையில் இதுவரை இருவர் வைத்தியத்துறைக்கு தெரிவு . 2A,B

31/05/2024

உயர்தரப்பரீட்சை முடிவுகள் வெளியானது.

31/05/2024

ஆலையடிவேம்பு பிரதேச சமூக நலன் அமைப்பினருக்கு கோடான கோடி நன்றி. உங்கள் தன்னலம் அற்ற சேவை இன்னும் பல படிகள் உங்கள் அமைப்பை உயர்த்தும்.

இன்று (31) சிரமதானப்பணிகள் அக்கரைப்பற்று ஸ்ரீ வம்மியடிப்பிள்ளையார் ஆலயத்தில் முன்னெடுக்கப்பட்டன.

அக்கரைப்பற்று ஸ்ரீ வம்மியடிப்பிள்ளையார் ஆலயத்தின் மகோற்சவம் ஆறாம் மாதம் 11 ஆம் திகதி ஆரம்பமாகி 12 திகதி இடம்பெறும் கொடியேற்றம் 20ஆம் திகதிவரை இடம்பெறும் திருவிழா 21ஆம் திகதி இடம்பெறும் தீர்த்தோற்சவம் 22 ஆம் திகதி இடம்பெறும் பூங்காவனம் 23ஆம் திகதி இடம்பெறும் வைரவர் பூஜையுடன் நிறைவுறுகின்றது.

இதனை முன்னிட்டு ஆலயத்தினை சூழவுள்ள வளாகம் துப்பரவு செய்யும் பணிகளும் குப்பைகளை அகற்றும் பணிகளும் முன்னெடுக்கப்பட்டன.
இதேநேரம் டெங்கு நுளம்புகள் உருவாவதை தடுக்கும் முகமாக சிறிய போத்தல்கள் சிரட்டைகள் அகற்றி அவற்றை இல்லாதொழிக்கும் செயற்பாடுகளும் மேற்கொள்ளப்பட்டன.

ஆலையடிவேம்பு பிரதேச சமூக நலன் அமைப்பினர் வருடந்தோறும் இதுபோன்ற சிரமதானப்பணிகளை இவ்வாறான ஆலயங்கள் மற்றும் பொது இடங்களில் மேற்கொள்வதுடன் தன்னார்வலர்களாக முன்வந்து அதன் தலைவர் உள்ளிட்ட அங்கத்தவர்கள் செயற்பட்டு வருகின்றமை குறிப்பிடத்தக்கது.

28/05/2024

அன்னதானப்பணியை முன்னெடுத்தல்
அன்பானவர்களே!
பொருள் இல்லார்க்கு இவ்வுலகம் இல்லை அருள் இல்லார்க்கு அவ்வுலகம் இல்லை. அவ்வுலக வாழ்வுக்காண அனைத்து தேவைகளையும் இவ்வுலகில் இருந்தவாறு சேகரித்து கொள்ளவும், அவ்வுலகில் பசி தாகம் இன்றி வாழவும் அன்னதானம் நமக்கு துணைபுரியும் என திருவள்ளுவர் சொல்லியுருக்கின்றார்.
தானங்களில் சிறந்த தானம் அன்னதானம் என தர்மசாஸ்திரம் கூறுகின்றது. ஆகவே நமது வாழ்வில் அன்னதானத்தை என்றும் ஓர் இறை சேவையாகவே செய்து இவ்வுலகில் இன்புற்றிருப்போம்.
இதற்கமைவாக எங்களது அமைப்பானது தங்களை போன்ற நல்ல உள்ளங்களின் உதவியோடு வருடந்தோறும் கதிர்காம யாத்திகர்களின் நலன் கருதி உகந்தை முருகன் ஆலயத்தில் தொடராக அன்னதானப்பணியை முன்னெடுத்து வருவதை தாங்கள் அறிந்திருப்பீர்கள் என்பதை நாம் அறிவோம்
இச்செயற்பாடு கடந்த காலங்களில் சிறப்பாக நடைபெறுவதற்கு தாங்கள் வழங்கிய பங்களிப்பு ஒத்துழைப்பிற்கு உளமார நன்றியினை தெரிவித்துக்கொள்கின்றோம்.
ஆகவே இவ்வருடமும் இடம்பெறவுள்ள இப்புனிதப்பணியில் நீங்களும் ஒருவராக இணைந்து கொண்டு எங்களது சேவையினை ஊக்குவிப்பதுடன் எல்லாம் வல்ல அந்த பரம்பொருளின் அருளையும் ஆசியினையும் பெறுமாறும் அன்புடன் அழைக்கின்றோம்.
பசித்து வருகின்ற ஒருவருக்கு ஒரு வேளை உணவளிப்பது இறைவனுக்கு செய்யும் தொண்டைவிட அளப்பரியது.

என்றும் இறைபணியிலும்
மக்கள் பணியிலும்

ஆலையடிவேம்பு பிரதேச சமூக நலன் அமைப்பு
( Alayadivembu Divisional Social Welfare Organization ) )
மக்கள் வங்கி - அக்கரைப்பற்று
கணக்கிலக்கம் - 063200150066366

28/05/2024

"அரசன் அன்று கொல்வான், தெய்வம் நின்று கொல்லும்"

27/05/2024

ஆங்கிலப் புலமை உள்ள தமிழ் பட்டதாரிகள் அம்பாரையில் குறைவா?

76/13

26/05/2024

இலங்கை தேசிய இளைஞர் சேவை மன்றத்தின் அனுசரணையுடன் ஆலையடிவேம்பு பிரதேச செயலகம் மற்றும் பிரதேச இளைஞர் கழக சம்மேளனம் இணைந்து நடாத்திய தேசிய இளைஞர் வெசாக் தன்சல் இன்று ஆலையடிவேம்பு பிரதேச செயலகம் மற்றும் அக்கரைப்பற்று விஜயராம விகாரை ஆகிய இடங்களில் இடம்பெற்றது.
ஆலையடிவேம்பு பிரதேச செயலாளர் ஆர்.திரவியராஜ் தலைமையில் பிரதேச செயலக இளைஞர் சேவை அதிகாரி ஜெயராஜ் ஒருங்கிணைப்பில் இடம்பெற்ற தயிர் தாகசாந்தி வழங்கும் நிகழ்வில் அக்கரைப்பற்று விஜயராம விகாரையின் விகாராதிபதி தேவகொட சோரத்த தேரர் கலந்து கொண்டார்.
இதன்போது இளைஞர் கழகங்களின் உறுப்பினர்கள் பலர் கலந்து கொண்டு தன்சல் நிகழ்வை சிறப்புற நடாத்தி வைத்;தனர்.
இரு பிரிவுகளாக இரு இடங்களில் இடம்பெற்ற தயிர் தாகசாந்தி நிகழ்வில் பல் சமூகங்களை சேர்ந்த அதிகளவான பொதுமக்கள் கலந்து கொண்டமை சிறப்பம்சமாகும்

22/05/2024

18/05/2024

அக்கரைப்பற்றில் உள்ள 241ஆம் படைப்பிரிவின் தலைமை அலுவலகத்தின் சிற்றுண்டிச்சாலையின் முன்னாள் இருக்கும் வேம்பு மரத்திலிருந்து கடந்த ஒரு வாரகாலமாக பால்போன்ற திரவம் வழிந்து வருவதை அவதானிக்க முடிகின்றது.

ஆரம்பத்தில் சாதாரணமாக வெளியேற தொடங்கிய பால்போன்ற பதார்த்தம் தொடர்ந்தும் வழிந்து வருவதுடன் போத்தல்களில் சேமிக்கும் அளவிற்கும் வெளியேறி வருவதை காண முடிகின்றது.

சில காலங்களில் சில வேம்பு மரங்களிலிருந்து இது போன்ற பால் வெளியேறும் சம்பவங்கள் நடைபெற்றாலும் கூட கண்ணகி அம்மனின் ஆலயங்கள் திறக்கப்பட்டு திருக்குளிர்த்தி உற்வசங்கள் நடைபெற்றுவரும் இக்காலத்தில் இவ்வாறு பால்போன்ற திரவம் வழிந்து வருவது ஆச்சரியத்தை ஏற்படுத்தியுள்ளதுடன் தற்போது இதனை பலரும் சென்று பார்வையிட்டு வருகின்றனர்.

குறித்த வேப்ப மரத்திலிருந்து வெளியேறும் பால்போன்ற திரவம் இனிப்பாக உள்ளமையும் அப்பிரதேசத்தில் ஒரு வகை வாசம் வீசி வருகின்றமையும் குறிப்பிடத்தக்கது.

14/05/2024

அக்கரைப்பற்று மருதடி ஸ்ரீ கண்ணகி அம்மன் ஆலய திருக்குளிர்த்தி 16ஆம் திகதி ஆரம்பம். நிறைவு 23ஆம் திகதி

07/05/2024

ஆலையடிவேம்பு பிரதேச செயலாளராக நியமனம் பெற்று பதவியை பொறுப்பேற்கவுள்ள R.திரவியராஜ் (SLAS) சேர் அவர்களுக்கு வாழ்த்துகள்

06/05/2024

சுயநலம் விடுத்து பிரதேச வளங்களை பிரதேசத்திற்குள் பயன்படுத்தி பாருங்கள். அப்பிரதேசம் தானாக வளர்ச்சி அடையும்.

01/05/2024

ஈரோஸ் ஜனநாயக முன்னணியின் மேதின கூட்டம் அம்பாரை மாவட்டம் அக்கரைப்பற்றில் உள்ள ஆலையடிவேம்பு கால்நடை பாற்பண்ணையாளர் விவசாய கூட்டுறவுச்சங்க அலுவலக மண்டபத்தில் இன்று (01) நடைபெற்றது

உரிமைக்காய் உரக்கச் சொல்வோம் எனும் தொனிப்பொருளில் ஆலையடிவேம்பு கால்நடை பாற்பண்ணையாளர் விவசாய கூட்டுறவுச்சங்கம் மற்றும் ஈரோஸ் ஜனநாயக முன்னணியின் தொழிற்சங்கம் இணைந்து ஏற்பாடு செய்திருந்த இந்நிகழ்வில் ஈரோஸ் ஜனநாயக முன்னணியின் தலைவர் ராஜ ராஜேந்திரா முன்னாள் அதிபர்; இரத்தினவேல் ஈரோஸ் ஜனநாயக முன்னணியின் மாவட்ட செயலாளர்; கனகரெத்தினம் கால்நடை பாற்பண்ணையாளர் விவசாய கூட்டுறவுச்சங்க செயலாளர் வி.கோகுலன் உள்ளிட்;ட சங்கத்தின் உறுப்பினர்கள் என பலர் கலந்து கொண்டனர்.

இதன்போது ஈரோஸ் ஜனநாயக முன்னணியின் முக்கியஸ்தர்கள் எதிர்கால திட்டம் தொடர்பில் உரையாற்றியதுடன் உலக உழைப்பாளர் நாள் 2024 இன் பிரகடனமும் வெளியிடப்பட்டது.

இலங்கையில் தற்போது நிலவும் பொருளாதார நெருக்கடியானது ஒட்டுமொத்த தொழிலாளர் வர்க்கத்தின் வாழ்வில் பாரிய தாக்கத்தினை ஏற்படுத்தியுள்ளதுடன் பொருளாதார வளர்ச்சிக்கும் மேம்பாட்டிற்கும் அயராது உழைக்கும் தொழிலாளர் வர்க்கம் விழிபிதுங்கி வாழ்வதா? சாவதா? எனும் விரக்தியின் விழிம்பு நிலைக்கு தள்ளப்பட்டுள்ளதாக அப்பிரகடனத்தில் குறிப்பிடப்பட்டுள்ளது.

மலையக தோட்டத்தொழிலாளர் நலன் பாதுகாப்பு விவசாயிகளின் தேவைகள் பூர்த்தி செய்யப்படல் கால்நடை பாற்பண்ணையாளர்களின் அம்பாரை மட்டக்களப்பு திருகோணமலை மாவட்டங்களில் உள்ள மேய்ச்சல் தரை பிரச்சினைக்கு தீர்வு காணல் கடல் வளம் வேறு நாட்டவர்களால் சூறையாடப்படாமல் பாதகாத்தல் போன்ற தீர்மானங்களும் இப்பிரகடனத்தில் உள்வாங்கப்பட்டுள்ளது.

29/04/2024

அக்கரைப்பற்று அசெம்பிளி ஒப் கோட் திருச்சபையின் 27 ஆவது ஆண்டு நிறைவு விழாவும் அதனை முன்னிட்டதான விசேட ஆராதனை நேற்று (28) இடம்பெற்றது.
அசெம்பிளி ஒப் கோட் திருச்சபையி;ன் பிரதம போதகர் கே.ரவிகரனின் தலைமையில் இடம்பெற்ற நிகழ்வுகளில் பெருந்திரளான தேவ அடியவர்கள் கலந்து கொண்டனர்.
27 ஆவது ஆண்டு நிறைவு விழாவினை சிறப்பிக்கும் முகமாக இறைவனுக்கு நன்றி கூறும் வகையில் பிரதம போதகர் கே.ரவிகரன் விசேட ஆராதனையை ஆரம்பித்து வைத்ததுடன் அனைத்து இன மக்களோடும் ஒற்றுமையாக வாழ வேண்டும் எனவும் கேட்டுக் கொண்டார்.
நாட்டில் சாந்தி சமாதானம் ஏற்படுவதுடன் நாடு பொருளாதார வீழ்ச்சியில் இருந்து மீண்டு சுபீட்சமடைந்த நாடாக மலரவேண்டும்; எனவும்; ஜனாதிபதி பிரதமர் உள்ளிட்ட அரசாங்கம் மற்றும் அனைத்து மக்களும் நலமுடன் வாழவும் விசேட பிரார்த்தனையில் ஈடுபட்டனர்.
இதனிடையே பல்வேறுபட்ட கலை நிகழ்வுகள் இங்கு அரங்கேற்றப்பட்டதுடன் திருச்சபையின் வளர்ச்சிக்காக உதவியவர்களுக்கு நன்றி தெரிவிக்கும் நிகழ்வும் இடம்பெற்றது.

29/04/2024

தேசிய இளைஞர் சேவை மன்றத்தின் அனுசரணையில் தேசிய ரீதியில் ஸ்மார்ட் யுத் இளைஞர் சித்திரை புத்தாண்டு விளையாட்டு விழா தேசிய ரீதியில் நேற்று (27)பிற்பகல் வேளையில் இடம்பெற்றது.

இதற்கமைவாக ஆலையடிவேம்பு பிரதேச இளைஞர் கழக சம்மேளனத்தின் ஏற்பாட்டில் அக்கரைப்பற்று தம்மரெத்தின சிங்கள மகாவித்தியாலய மைதானத்தில் நேற்று பிற்பகல் வேளையில் ஸ்மார்ட் யுத் இளைஞர் சித்திரை புத்தாண்டு விளையாட்டு விழா மிகச்சிறப்பாக இடம்பெற்றது.

ஆலையடிவேம்பு பிரதேச செயலாளர் த.கஜேந்திரனின் ஆலோசனைக்கு அமைய இளைஞர் சேவை அதிகாரி என்.ஜெயராஜ் தலைமையில் இடம்பெற்ற நிகழ்வுகளில் இளைஞர் சேவை மன்றத்தின் கிழக்கு மாகாணப் பணிப்பாளர் எச்.யு.சுசந்த பிரதம அதிதியாக கலந்து கொண்டார்.

நிகழ்வில் மாவட்ட உதவிப்பணிப்பாளர் யு.எல்.மஜீட் மற்றும் இளைஞர் சேவை மன்றத்தின் பொறுப்பதிகாரி ஏ.ஹமீர் மற்றும் ஆலையடிவேம்பு பிரதேச செயலக கிராம நிருவாக அலுவலர் பரிமளவாணி சில்வெஸ்டர் இளைஞர் சேவை மன்ற உறுப்பினர்கள் யங் பிளவர்ஸ் விளையாட்டு கழகத்தினர் பொது மக்கள் என பலர் கலந்து கொண்டனர்.

நிகழ்விற்கு வருகை தந்த பிரதம அதிதி போட்டி நிகழ்வுகளை ஆரம்பித்து வைத்தார்.
வழக்கு மரம் ஏறுதல் தலையனைச்சமர் முட்டி உடைத்தில் கிடுகிழைத்தல் சாக்கோட்டம் சமநிலை ஓட்டம் தேங்காய் துருவுதல் முட்டை மாற்றுதல் தொப்பி மாற்றுதல் வினோத உடைப்போட்டி என பல்வேறு பாரம்பரிய கலாசார நிகழ்வுகள் இடம்பெற்றதுடன் வெற்றி பெற்றவர்களுக்கு பரிசில்களும் வழங்கி வைக்கப்பட்டன.

26/04/2024

அக்கரைப்பற்று விபுலானந்தா சிறுவர் இல்லத்தில் 7.439.000 ரூபா ஒதுக்கீட்டில் நிர்மானிக்கப்படவுள்ள மாணவர்கள் தங்குமிட கட்டடத்திற்கான அடிக்கல் நடும் நிகழ்வு (24) இடம்பெற்றது.
ஆசிய அபிவிருத்தி வங்கியின் உணவுப்பாதுகாப்பு மற்றும் வாழ்வாதார துரித முயற்சி திட்டத்தின் கீழ் சிறுவர் நன்நடத்தை திணைக்களத்தின் ஊடாக வழங்கப்பட்ட நிதியின் மூலம் ஆரம்பிக்கப்பட்டுள்ள முதலாம் கட்ட வேலைக்கான அடிக்கல்லே இவ்வாறு நடைபெற்றது.
விபுலானந்தா சிறுவர் இல்லத்தின் ஸ்தாபகர் இறைபணிச்செம்மல் த.கயிலாயபிள்ளை தலைமையில் இடம்பெற்ற நிகழ்வில் பிரதம அதிதியாக ஆலையடிவேம்பு பிரதேச செயலாளர் தகஜேந்திரன் மற்றும் அம்பாரை மாவட்ட நாடாளுமன்ற உறுப்பினர் த.கலையரசனின் இணைப்பு செயலாளர் க.கண்ணதாசன் மாவட்ட சிறுவர் நன்நடத்தை அதிகாரி எஸ்.சிவகுமார் அக்கரைப்பற்று பிரதேச சிறுவர் நன்நடத்தை அதிகாரி ஜெயதாஸ் உள்ளிட்ட இந்து இளைஞர் மன்ற உறுப்பினர்கள் பலர் கலந்து கொண்டனர்.
அடிக்கல் நடும் பூஜை வழிபாடுகளை சிவஸ்ரீ சண்முகம் வசந்த குருக்கள் நடாத்தி வைத்ததுடன் அடிக்கல் நடும் நிகழ்வை ஆரம்பித்து வைத்தார். தொடர்ந்து அதிதிகள் அனைவரும் அடிக்கல்லினை நாட்டி வைத்தனர்.
முதலாம் கட்டமாக இக்கட்டடத்தின் வேலைத்திட்டம் ஆரம்பித்து வைக்கப்பட்டதுடன் தொடராக இவ்வேலைத்திட்டம் முன்கொண்டு செல்லப்படவுள்ளமை குறிப்பிடத்தக்கது.

22/04/2024

துயர் பகிர்வோம்

அக்கரைப்பற்றை சேர்ந்தவரும் சிறந்த புகைப்பட கலைஞரும் கோமாரி மெதடிஸ்ம மிசன் பாடசாலையின் ஊழியருமான அன்புத்தம்பி வினோவின் மறைவுச் செய்தி மனதை ஒரு கணம் உலுக்கியது.

ஆரம்ப காலத்தில் என்னுடன் துணையாக இருந்து புகைப்பட கலைஞராக பணியாற்றியதுடன் எனது குடும்ப உறுப்பினராகவும் இருந்த என் உடன் பிறவா தம்பியின் மரணச் செய்தி ஏற்க முடியவில்லையடா?

எனது மகனின் இளமைக்காலம் இவருடனும் அதிகமாகவே இருந்ததை மறக்க முடியாது. கடந்த ஒரு மாதத்தின் முன்னர் இறுதியாக நான் அவரை சந்தித்த நினைவுகள் இன்னும் அகலாமல் அப்படியே உள்ளது.

அந்த வாய்ப்பு என் மச்சாளின் மகள் ஆசிரியை சசி மகள் மூலம் கிடைத்ததும் அன்றைய முழுநாளும் எனது குடும்பத்துடன் உண்டு மகிழ்ந்ததும் இன்னும் நினைவில் வந்து செல்கின்றது.

எப்போதும் நன்றி மறவாத உன் போன்றவர்களின் இழப்பு என்பது எற்க முடியவில்லையடா?

எதுவாயினும் இறைவனின் அழைப்பை யாரும் மறுக்க முடியாது என்பதை எண்ணி மனம் சாந்தியடைவதை தவிர வேறு வழியில்லை.

உன் ஆத்மா சாந்தியடைய இறைவனை பிரார்த்தனை செய்கின்றேன்.

19/04/2024

ஆலையடிவேம்பு பிரதேச செயலக சமுர்த்தி உத்தியோகத்தர் தயாபரனின் தந்தையும் அக்கரைப்பற்று டிஜிட்டல் ஸ்ரூடியோ உரிமையாளர் ராஜேஸ்வரன் அவர்களின் மாமனாரும் கோளாவில் ஸ்ரீ விக்கேஸ்வரர் ஆலய முன்னாள் தலைவரும் ஆலையடிவேம்பு பிரதேச சபை முன்னாள் உறுப்பினருமான மூத்ததம்பி தாமோதரம் அவர்கள் இன்று காலமனார். அன்னாரின் இறுதிக்கிரியை இன்று பிற்பகல் மணிக்கு நடைபெறும் துயர் பகிர்வோம்.

19/04/2024

14/04/2024

சித்திரைப்புத்தாண்டு விசேட பூஜைகள் அம்பாரை மாவட்டத்தில் உள்ள ஆலயங்களிலும் இடம்பெற்று வருகின்றது.
இதற்கமைவாக அக்கரைப்பற்று ஸ்ரீ வம்மியடிப்பிள்ளையார் ஆலயத்திலும் பூஜை வழிபாடுகள் நேற்றிரவு (12) இடம்பெற்றது.
மழையுடனான காலநிலை நிலவுகின்ற போதிலும் மக்கள் பூஜை வழிபாடுகளில் ஈடுபட்டனர்.
இதேநேரம் ஆலயத்திற்கு வருகை தந்த பக்தர்கள் ஒருவருக்கொருவர் வாழ்த்தினை பரிமாறிக்கொண்டதுடன் பெரியோர்களின் ஆசியினையும் பெற்றுக்கொண்டனர்.
அத்தோடு நாட்டிற்கும் நாட்டு மக்களுக்கும் நலம் வேண்டிய பிரார்த்தனை வழிபாடுகளும் இடம்பெற்றன.
பூஜை வழிபாடுகளை ஆலய பிரதம குரு சிவஸ்ரீ. ப.கு.கேதீவரக்குருக்கள் நடாத்தி வைத்தார்.

13/04/2024

அக்கரைப்பற்று பகுதி கருங்கொடித்தீவுறை அருள்மிகு பெரிய பிள்ளையார் ஆலய (ஸ்ரீ சித்திவிநாயகர் மகாதேவஸ்தானம்) சித்திரா பௌர்ணமி பிரம்ம மகோற்சவ திருவிழாவின் கொடியேற்றம் இன்று (13) நடைபெற்றது.

சிவபூமி என அழைக்கப்படும் ஈழமணித்திருநாட்டின் தென்கிழக்கில் வரலாற்றுச் சிறப்புடன் இயற்கை எழில் நிறைந்த அக்கரைப்பற்று பதிதனில் கோயில் கொண்டு அருள்பாலிக்கும் பெரிய பிள்ளையார் ஆலயத்தின் ; சித்திரா பௌர்ணமி பிரம்ம மகோற்சவம் 12ஆம் திகதி வாஸ்த்து சாந்தி கிரியைகளுடன் ஆரம்பமாகி இன்று நடைபெற்ற கொடியேற்றம் 21ஆம் திகதிவரை இடம்பெறும் திருவிழாக்கள் 22 ஆம் திகதி இடம்பெறும் தேரோட்டம் 23ஆம் திகதி இடம்பெறும் தீர்த்தோற்சவம் கொடியிறக்கத்துடனும் 26 ஆம் திகதி இடம்பெறும் திருப்பொன்னூஞ்சல்;; பூங்காவனத்திருவிழா, 27ஆம் திகதி ஸ்ரீ வைரவர் பூஜை, 28ஆம் திகதி இடம்பெறும் ஐயனார் பூசையுடனும்; நிறைவுறும்.
இன்று காலை கொடியேற்றத்திற்கான கொடிச்சீலை எடுத்துவரும் கிரியைகளும் வழிபாடுகளும் இடம்பெற்ற
பின்னர் அங்கு யாகபூஜைகள் நடைபெற்றதுடன் கொடிச்சீலைக்கான விசேட பூஜைகளும் நடைபெற்றது. தொடர்ந்து வசந்த மண்டபத்தில் வீற்றிருந்த எம்பெருமான் சித்தி விநாயகர் சகிதம் ஏனைய பரிவார மூர்த்திகளும் கொடியேற்றம் இடம்பெறும் இடத்திற்கு பக்தர்களினால் தூக்கிச் செல்லப்பட்டு அமர்த்தப்பட்டார்.
தொடர்ந்து கொடியேற்றமானது பக்தர்களின் அரோகரா வேண்டுதலுக்கு மத்தியில் மங்கள வாத்தியம் முழங்க நடைபெற்றதுடன் கொடிதம்பத்திற்கான பூஜைகளும் நடைபெற்றன.
ஆலய தலைவர் மு.கு.வடிவேல் தலைமையில் இடம்பெறும் சித்திரா பௌர்ணமி பிரம்ம மகோற்சவ திருவிழாவின் கிரியைகள் யாவும்; உற்வசகால பிரதமகுரு பிரதிஷ்டா இளவரசன் பிரதிஷ்டா கலாநிதி தற்புருச சிவாச்சாரியார் சிவஸ்ரீ சண்முகவசந்தன் குருக்கள் தலைமையில் இடம்பெற்றதுடன் சர்வ சாதகாசிரியராக சிவஸ்ரீ க.கு.சச்சிppppppதானந்த சிவகுருக்கள்; கலந்து கொண்டார்.

ஆலயத்தின் வரலாற்றில் 22ஆம் திகதி தேரோட்டம் இடம்பெறவுள்ளமை சிறப்பம்சமாகும்.

10/04/2024

கோளாவில் - 02 இல் வீடொன்றின் முன்பகுதி முற்றாக எரிந்துள்ள நிலையில் உள்ளிருந்து குடும்பஸ்தர் ஒருவர் சடலமாக மீட்பு.

10/04/2024

அனைத்து இஸ்லாமிய நண்பர்களுக்கும் உறவுகளுக்கும் புனித நோன்புப் பெருநாள் நழ்வாழ்த்துக்களை அன்பு கலந்து பகிர்ந்துகொள்கிறேன்.