Aquascaping 101

  • Home
  • Aquascaping 101

Aquascaping 101 Aquascaping නම් වූ ඒ සොඳුරු විනෝදාංශයේ දැනුම බෙදා ගැනීමට එක්වන්න “ Aquascaping 101” සමඟ

නූතන Aquascaping කලාවේ පියා...ටකාෂි අමානෝ - Takashi Amanoවර්ෂ 1954 ජූලි මස 18 වන දින ජපානයෙහි නීගාටා (Niigata, Japan) නම...
25/08/2021

නූතන Aquascaping කලාවේ පියා...
ටකාෂි අමානෝ - Takashi Amano

වර්ෂ 1954 ජූලි මස 18 වන දින ජපානයෙහි නීගාටා (Niigata, Japan) නම් නගරයෙහි උපත ලද Amano මහතා වර්ෂ 1992 Fuji Film Nature Photo Contest හි මහා ත්‍යාගය දිනූ වෘත්තීමය ඡායාරූප ශිල්පියෙකි. ඔහුගේ ඡායාරූපීය විෂය පථය වූයේ පරිසර විද්‍යා හා භූ දර්ශණ ඡායාරූපකරණයයි (Ecology & Landscape photography). එමෙන්ම මොහු නිර්මාණ ශිල්පියකු මෙන්ම පාපැදිකරුවෙකි (Track Cyclist).

වර්ථමාන Aquascaping කලාවේ පිබිදීමට මෙතුමාගෙන් ලැබුණු තෝතැන්න අතිමහත්ය. Aquascaping කලාව සම්බන්ධව මෙතුමාගේ තිබූ උනන්දුව නිසාම වර්ෂ 1982 හිදී මෙතුමා ලොව සුපතල අප කවුරුත් දන්නා ADA - Aqua Design Amano ආයතනය පිහිටවනු ලැබුවා. Aquascaping විෂය පථයේ පතාක යෝධයකු වූ මෙතුමා තමන්ටම ආවේණික වූ අලුත්ම ශෛලියක් මෙම කලාවට හඳුන්වා දෙනු ලැබුවා. එනම් "Nature Aquarium” ශෛලියයි. එසේම "Caridina multidentata" යන විද්‍යාත්මක නමින් හඳුන්වනු ලබන Amano Shrimp කියු විට කවුරුත් දන්නා මිරිදිය වෙසෙන මෙම කූනිස්සන් විශේෂය මෙම කලාවට 1980 වසරෙහිදී එතුමා විසින් හදුන්වා දෙනු ලැබුවා.මෙතුමාට ගෞරවයක් ලෙස එතැන් පටන් Amano Shrimp නමින් මොවුන්ව හැඳින්වු අතර මින් මැදුරුවල ඇල්ගී පාලනයට මොවුන් විශාල මෙහෙයක් සිදු කරයි.

වර්ෂ 1992 හිදී නිකුත් වූ "Nature Aquarium World" කෘතියත්, වර්ෂ 1997හිදී නිකුත් වූ "Aquarium Plant Paradise" කෘතියත් හා වර්ෂ 2011 හිදී නිකුත් වූ "Nature Aquarium: Complete Works, 1985-2009" කෘතියත් මෙතුමා විසින් රචිත කෘතීන් වේ.

තම භූ දර්ශණ ඡායාරූප වලින් දකිනා පරිසරය ඡායාරූපයකින් ඔබ්බට ගිය ත්‍රිමාණව වීදුරු වලින් වටවූ ටැංකියක් තුළ නිර්මාණය කිරීමට පෙලඹුණු මෙතුමාගේ සුප්‍රසිද්ධ වැකියක් වූයේ "Learn from Nature, Create Nature" යන්නයි. අවුරුදු 61 ආයු වළඳා වර්ෂ 2015 අගෝස්තු මස 4 වනදා මෙලොවුන් සමුගත් මෙතුමාගේ ශ්‍රී නාමය Aquascaping කලාව තුළ සදා අනුස්මරණීය වනු ඇත.

- Aquascaping 101

කලින් ලිපිය කියවපු ඔබට දැන් aquscape එකක් කියන්නේ මොකක්ද කියලා දල අදහසක් ඇතිනේ. එහෙනම් අප දැන් බලමු aquascaping එකක් සකස...
25/08/2021

කලින් ලිපිය කියවපු ඔබට දැන් aquscape එකක් කියන්නේ මොකක්ද කියලා දල අදහසක් ඇතිනේ. එහෙනම් අප දැන් බලමු aquascaping එකක් සකස් කිරීමට පෙර අප දැන සිටිය යුතු කොටස් කිහිපයක් පිළිබඳව.

Aquascaping හිදී මින් මැදුරක් තුළ කෘතිමව ස්වභාවික පරිසරයක් ජලජ ශාක, ගල්, driftwoods ,මුල් ආදිය භාවිත කොට නිර්මාණය කර ඒ තුළ ප්‍රභාසංස්⁣ලේෂණ (photosynthesis) ක්‍රියාවලිය සිදු කරන බැවින් මෙන්ම මෙම කෘතිම පරිසරය තුළ ජීවී සතුන්, ජීවී ශාක ඇති බැවින් පහත කාරණා පිළිබඳව නිසියාකාර අවබෝධයක් ලබා මෙ⁣ම කලාවට ප්‍රවිශ්ඨ වීම ඒවායේ යහපැවැත්මට මනා පිටිවහලක් වනවා මෙන්ම ඔබද මෙම අගනා කලාවට නිසියාකාර ඇළුම් කරන පුද්ගලයකු වනවා නො අනුමානය. එහෙනම් අපි බලමු මොනවද කියලා ඒ මූලික කාරණා.

1. ආලෝකය (Lighting)
2. ජලයේ ස්වභාවය (Water Condition)
3. උපස්ථරය (Substrate)
4. පෙරහන් පද්ධතිය (Filter System)
5. පෝෂ්‍ය පදාර්ථ (Nutrients)
6. කාබන් ඩයොක්සයිඩ් (CO2)
7. ජලජ ශාක (Aquatic Plants)
8. ජලජ ජීවීන්

ආලෝක පද්ධතිය
Aquascape එක සඳහා යොදා ගන්නා ජලජ ශාක, තාක්ෂණය අනුව යෙදික යුතු ආලෝක පද්ධතිය තීරණය කරනු ලබයි.එහිදී අප භාවිත කරන ආලෝක පද්ධතිය,
* අඩු ආලෝකය (Low Light)
* මද ආලෝකය (Mid Light)
* වැඩි ආලෝකය (High Light)
ලෙස කොටස් කරනු ලබන අතර ඒ වගේම භාවිත කරන ආලෝක පද්ධතියේ වර්ණ තීව්‍රතාව,ආලෝක වර්ණාවලිය,ලුමියන් අගය,වොට් අගය ආදී නොයෙක් දේ දැන සිටීම වැදගත් වේ. මේ සම්බන්ධ සවිස්තරාත්මක කරුණු සහිත ලිපියක් වෙනම ගෙන එන්නම්. නිසි ප්‍රභාසංස්ලේෂණ ක්‍රියාවලියටද ආලෝක පද්ධතිය සෘජු බලපෑමක් ඇති කරයි.

ජලයේ ස්වභාවය
අප මින් මැදුර තුළ ඇති ගුණාත්මක බව (pH, GH, KH), ආම්ලික භාෂ්මික ස්වභාවය, උෂ්ණත්වය, ජලයේ ඇති පෝෂ්‍යය සංඝටක ප්‍රමාණ⁣ය දැන සිටීම වැදගත් වේ. මේ සම්බන්ධ දීර්ඝ ලිපියක් වෙනම ගෙන එන්නම්.

උපස්ථරය
ශාක සිටුවීම සඳහා උපස්ථරයක් භාවිත කරනු ලබන අතර මූල පද්ධතිය මඟින් පෝෂ්‍යය පදාර්ථ උරා ගන්නා ශාක සඳහා මෙ⁣ම උපස්ථරයේ ඇති පෝෂ්‍යය පදාර්ථ ප්‍රමාණය වඩා වැදගත් වේ. නිසියාකාර උපස්ථරයක් භාවිත කරන ආකාරය, ඒවා නැවත නැවත භාවිතය ආදී කරුණු වෙනම සාකච්ඡා කරමු.

පෙරහන් පද්ධතිය
මින් මැදුරේ ඇති ජලයේ ගුණාත්මක බව නිසි පරිදි පවත්වා ගැනීමට හා ඒ තුළ ඇති අප ද්‍රව්‍යය ඉවත් කිරීම මෙන්ම මින් මැදුර තුළ ජල සංසරණය නිසියාකාරව පවත්වා ගැනීමට පෙරහන් පද්ධතිය වැදගත් වේ. මින් මැදුරට නිසියාකාරව ගැළපෙන පෙරහන් පද්ධතියේ තෝරා ගැනීම, පෙරහන් පද්ධති වර්ග ආදීය ගැන වෙනම ගැඹුරින් කතා කරමු.

පෝෂ්‍යය පදාර්ථ
ජලජ ශාක වල නිසියාකාර වර්ධනය සඳහා මෙන්ම ඒවායේ නිසි වර්ණයන් ගෙන ඒමට මෙම පෝෂ්‍යය පදාර්ථ වැදගත් වේ.පෝෂ්‍යය පදාර්ථ වර්ග, ඒවා නිසියාකාරව භාවිත කිරීම, පෝෂ්‍යය පදාර්ථ වැඩි වීමෙන් හෝ අඩු වීමෙන් සිදුවන බලපෑම් අදිය වෙනම ලිපියක් මඟින් සාකච්ඡා කරමු.

CO2
ප්‍රභාසංස්⁣ලේෂණ ක්‍රියාවලියට තවත් අත්‍යවශයම සාධකයකි. මෙය සාමාන්‍යයෙන් දිනකට පැය 6-10ත් අතර කාලයක් තුළ ටැංකියට ලබා දෙනු ලබන අතර මේ සඳහා ඒ තුළ ඇති ශාකවල ස්වභාවය බලපායි. මෙය අප වෙනම මින් මැදුරට සැපයිය යුතුය. ඒවා මින් මැදුරට සපයන ආකාරය co2 අඩු වැඩි වීම ආදි කරුණු මඟින් හට ගන්නා ගැටලු වෙනම ලිපියකින් කතා කරමු.

ජලජ ශාක
Aquascaping කලාවේදී මනා අවබෝධයක් තිබිය යුතු විෂය ධාරාවකි. ශාක පෙරබිම (Foreground), මැදබිම (Mid ground), පසුබිම (Background) ලෙසද, සෑදීමට පහසු (Easy), මධ්‍යම (Medium), අපහසු (Hard) ලෙසද, ආලෝක මට්ටමේ ස්වභාවය අනුව අඩු ආලෝකය (Low Light), මද ආලෝකය (Mid Light), වැඩි ආලෝකය (High Light) ලෙසද වර්ගකරනු ලබයි. මේ සම්බන්ධව මෙන්ම නිසි පරිදි ශාක රෝපණය හා නඩත්තුව සම්බන්ධව මෙන්ම ශාක වර්ග පිළිබඳව ලිපි පෙළක් මඟින් දීර්ඝව සාකච්ඡා කරමු.

ජලජ ජීවීන්
රෝපිත මින් මැදුරක් තුළට යෙදිය හැකි මසුන් ලෙස බොහෝ විට තරමින් ඉතා පොඩි රංචු වශයෙන් සිටින ඉතා අලංකාරවත් දැක්විය හැක. එසේම ඇල්ගී* ආහාරයට ගන්නා මසුන්, කූනිස්සන්ද මේ සඳහා යොදාගනී.

*ඇල්ගී සම්බන්ධ වෙනම ලිපියක් ගෙන එන්නම්.

- Aquascaping 101

මොකක්ද මේ Aquascaping කියන්නේ..?ඇත්ත වශයෙන්ම ගතහොත් ⁣බොහෝ පිරිසක් පටලවා ගන්නා තැනක් තමයි මේ. මොකද Aquascape සහ Planted t...
23/08/2021

මොකක්ද මේ Aquascaping කියන්නේ..?

ඇත්ත වශයෙන්ම ගතහොත් ⁣බොහෝ පිරිසක් පටලවා ගන්නා තැනක් තමයි මේ. මොකද Aquascape සහ Planted tank කියන්නේ දෙකක්. Aquascape එකක් කියන්නේ planted tank එකකම විශේෂ අවස්ථාවක් ලෙස සලකන්න පුලුවන්. Planted tank එකක් කියන්නේ ජලජ පැළෑටි (Aquatic plants) මින් මැදුරක් එසේම නැතිනම් ටැංකියක් තුළ රෝපණය කරමින් කරන නිර්මාණයකි.එතකොට මොකක්ද මේ Aquascape කියන්නේ...?

Aquascape එකක් කියන්නේ කුමක්ද යන්න අපට Aqua+Scape යන වචනය තුළින්ම වෙන් කොට පහසුවෙන් හඳුනා ගන්න පුළුවන්. කෙටියෙන් ගතහොත් ජලය තුළ සිදු කරනු ලබන නිර්මාණයක් aquascape එකක් කියලා හදුන්වන්න පුලුවන්. ජලජ පැළෑටි මෙන්ම පාෂාණ (Stones), driftwoods සහ මුල් ආදී නෙයෙක් දේ භාවිත කරමින් මින් මැදුරක් තුළ සිදු කරනු ලබන නිර්මාණයක් aquascape එකක් කියලා අපිට හඳුන්වන්න පුලුවන්. අන්තර්ජාලය විශ්වකෝෂය තුළ එය නිර්වචනය කරන්නේ "the craft of arranging aquatic plants, as well as rocks, stone…or driftwood, in an aesthetically pleasing manner within an aquarium — in effect, gardening under water’. " ලෙසයි. ඇත්ත වශයෙන්ම aquascaping යනු ශිල්පයකට එහා ගිය කලාවකි. ස්වභාවික විද්‍යාව එසේ නැතිනම් ස්වභාවික පරිසරයේ ස්වභාවය දැන හඳුන තිබීම මෙම කලාවට ගොඩක් වැදගත්, මන්ද මෙය ඉගෙනීමට අපහසු දෙයක් නොවේ. මේ සඳහාද වෙනත් කලාවන් මෙන් කාලය, කැපවීම, පුහුණුව හා ඒ පිළිබඳ ගවේෂණ සිදුකිරීම වඩා වැදගත් වේ.

වර්තමානය තුළ බොහෝ දෙනා අතර සීඝ්‍රයෙන් පැතිරී යන මෙ⁣ම විනෝදාංශයේ ඉතිහාසය අද ඊයෙක නොවේ. බොහෝ aquarist ලා⁣ගේ මතයට අනුව මෙ⁣ම aquascaping කලාවේ ආරම්භය 1930 වකවානුවයි. මේ සමයේ නෙදර්ලන්තය තුළ Dutch Aquascaping Style* හඳුන්වා දීමත් සමඟ මෙම aquascaping කලාව ආරම්භ වූ බව ඔවුන් විශ්වාස කරයි. නමුත් වර්තමානයේ මෙම කලාවේ විශාල පිබිදීමට, නැසීගිය ජපන් ජාතික සුප්‍රසිද්ධ aquarist කෙනෙක් වන ADA - Aqua Design Amano හි නිර්මාතෘ Takashi Amano මහත්මයා සැලකිය හැකිය. මෙතුමාව අවිවාදයකින් තොරව නූතන aquascaping කලාවේ පියා ලෙස හැඳින්විය හැකිය. Takashi Amano මහතා පිළිබඳව අපි වෙනම ලිපියකින් සාකච්ඡා කරමු.

*Dutch Aquascaping Style යනු aquascaping වල ඇති styles කිහිපයකින් එකකි. මෙ⁣ම styles ගැන සවිස්තරාත්මක ලිපියක් වෙනම ගෙන එන්නම්.

- Aquascaping 101

Address


Website

Alerts

Be the first to know and let us send you an email when Aquascaping 101 posts news and promotions. Your email address will not be used for any other purpose, and you can unsubscribe at any time.

Shortcuts

  • Address
  • Alerts
  • Claim ownership or report listing

  • Want your business to be the top-listed Media Company?

Share