09/11/2021
Kasayud April rose
NATIONAL:
Nakadawat ang PNP og P818-M nga kantidad sa bag-ong mga sakyanan
MANILA – Nadugangan ang operational capability ug visibility sa Philippine National Police (PNP) sa pag-angkon sa 240 ka mga bag-ong sakyanan nga nagkantidad ug P818 milyones.
Atol sa pagbendisyon sa mga sakyanan sa Camp Crame, Quezon City niadtong Lunes, si PNP chief, Gen. Guillermo Eleazar, niingon nga kini gipalit sa PNP Bids and Awards Committee gamit ang pundo gikan sa Capability Enhancement Program 2021 nga adunay kinatibuk-ang presyo sa kontrata nga P818, 175, 766.
Ang mga sakyanan naglangkob sa 10 ka utility trucks, 13 ka shuttle bus, 90 ka 4-wheel drive troop carriers, ug 127 ka police patrol vehicles.
Si PNP acting director for logistics, Brig. Gen. Ronaldo Olay, niingon nga ang 10 ka utility trucks ipanghatag sa lima ka Area Police Offices para sa North Luzon, Southern Luzon, Visayas, Eastern Mindanao, ug Western Mindanao, samtang ang 13 ka shuttle bus ipanghatag sa Police Regional Offices ug sa PNP Academy.
Ang mga troop carriers ihatag ngadto sa Police Mobile Forces ug Municipal Police Stations nga adunay bukiron ug bukiron nga terrain, samtang ang 127 patrol vehicles ipang-apod-apod ngadto sa police stations, si Olay miingon.
Ang tigpamaba sa PNP, Col. Roderick Alba, niingon nga ang kapulisan sa pagkakaron nagmintinar sa fleet nga 20,000 ka ground mobile assets nga nagrepresentar sa 53 porsyento sa gikinahanglan nga 37,000 ka units aron hingpit nga makasuporta sa mga operasyon sa kapulisan sa tibuok nasud.
Kaniadtong Lunes usab, si Eleazar mitambong sa iyang katapusan nga seremonya sa pagpataas sa bandila samtang siya gikatakda nga moundang sa serbisyo sa pag-abot sa mandatory nga edad sa pagretiro nga 56 sa Nobyembre 13.
Atol sa seremonyas, si Eleazar, uban sa National Police Commission (Napolcom) vice chairperson Vitaliano Aguire II, nga dean sa Ateneo de Manila University School of Government (ASoG), Dr. Ronald Mendoza; ug Ptr. Cirilo Sazon sa Bless Our Cops Movement, Inc. (BOC), nihatag og scholarship certificates ngadto sa walo ka personnel gikan sa lain-laing units sa PNP.
Ang bug-os nga scholarship grant gihatag ngadto sa mga personahe human mikwalipika sa hugot nga proseso sa screening aron ipadayon ang graduate degree sa Master in Public Management ubos sa PNP, ASoG, ug Bless Our Cops Emerging Leaders Fellowship Grant nga nagtumong sa pagpalambo sa pinakamaayo ug labing utukan sa PNP nga adunay pagtapos sa pagpalig-on sa pagka-lider o pagpangulo nga mga karakter ug pagtukod og kadre sa mga kaalyado nga moreporma sa pamatasan nga magduso ug mosustiner sa institusyon padulong sa maayong pagdumala.
“Akong ipahayag ang akong kinasingkasing nga pagpasalamat sa Ateneo de Manila University School of Government and Bless Our Cops Movement Inc. sa paghatag niining talagsaong pribilehiyo ug kahigayonan sa mga polis ug sa padayon nga suporta sa pagkat-on ug paglambo sa PNP nga programa alang sa kaayohan sa matag miyembro sa PNP nga organisasyon”, matod ni Eleazar sa iyang mensahe.
Atol sa samang seremonya, ang Internal Disciplinary Mechanism Information System (IDMIS) gilusad isip usa ka integral nga himan sa "Cleanliness in the Ranks" nga aspeto sa Intensified Cleanliness Policy (ICP).
Matud pa ni Eleazar nga ang electronic system maoy laing pamaagi sa pagpalig-on ug pag-usab sa preventive (paglikay), punitive (paglutos), ug restorative (pagbalik) nga mga lakang aron mas makatabang sa Internal Affairs Service (IAS) sa paghimo sa saktong assessment sa estado sa disiplina sa PNP personnel. (PNA)
