30/09/2021
Ministri blong Helt hemi wantem apdetem ol pablik long situesen blong Leptospirosis we i stap afektem Vanuatu tedei. Long namba 19 Septemba, I bin kat wan totol blong 78 konfem keis we oli bin ripotem long Nasonal Seveliens Unit, 70 keis long Sanma Provins, 3 keis long Shefa Provins, 2 keis ij long Malampa Provins mo Penama Provins mo 1 keis long Torba Provins. Tafea Provins hemi no ripotem eni saspekt o konfem keis blong Leptospirosis.
I bin kat komuniti awaeanes sesen long ol provins blong tok save long Leptospirosis long ol populesen mo long ol wanwan haoshol blong tekem ol stret mesa blong privensen mo proteksen. Laefstok mo Wota Dipatmen I bin kari aot wan Envaeromental Helt Asesmen blong konfemem ol eria we oli maet kat sam exposa long s*k ia.
Ministri blong Helt tru long Nasonal Disis Seveliens Prokram oli stap monitarem situesen ia long OL provins.
Transmisen blong Leptospirosis long human hemi tru long kontakt blong wan open kat o so long skin wetem wota o kraon we I kat pispis (urine) blong animol we I kat s*k ia. Ol infeksen I save hapen long ol pipol we oli expos long flad blong wota/wota we I stak/wotafol.
I kat saspekt blong Leptospirosis taem we wan patient o s*kman hemi kat wan strong hae fiva wetem hed I so MO ol masel blong hem I soa (plante taem ol masel blong leg), we I asosiet wetem ENI long simpton/saen ia:
• Tufala ae I swelap o I kat blad long waet pat blong ae
• Ino kat urine o smol pispis prodaksen nomo
• Bodi o ae blong s*kman I yelo
• Stret Kof, kof we blad I stap long hem mo shotwin
• Blad I kamaot long ( intestine o g*t o lang)
• Sivia headache (o hed I so tumas, s*kman Ino laekem braet laet mo nek blong hem I stif)
• Hatbit hemi no rekula o I save kat hat felia
• Skin Rash
Manejem fiva wetem paracetamol o Panadol mo riplesem fluid/wota (olsem dring plante wota o intravenous) hemi rekomendesen blong eni patient (s*kman) we I kat fiva. Mo rikomendesen blong Antibiotics long evri s*kman
Werem protektiv klos olsem (werem wora buts, glav) espeseli sipos I kat wan injuri long skin, o sipos I kat kontakt wetem infekted kraon o wota (exampol taem I kat wok long fanis blong pig) Best fasin blong ol pipol blong priventem ol blong no kasem s*k Leptospirosis hemi go olsem:
• Tritim wota blong mekem I seif blong dring tru long fasin blong boelem o usum wan stret kemikel tritmen espeseli sipos wota sos I bin expos long urine (pispis) blong animol o ol kontamineted fladwota we I ron aot.
• Kaveremap ol kat o injuri wetem wota pruf bandej o sam narafala fasin we silim aot wota
• No mas wokabaot, swim, putum hed blong yu insaed o swolem fladwota o eni fres wota sos we hemi maet kontenem urine blong animol o ol fladwota we oli maet kat ol jem blong s*k Leptospirosis long hem.
• Werem wotapruf protektiv klos, shus o wora buts klosap long fladwota o narafal wota o kraon we I maet kat urine (pispis) blong animol long hem
• Priventem infestesen blong ol rodent (olsem rat) mo kipim food o kakae I seif, putum wota long kontena we I shat gud mo putum trap blong trapem ol rodent
• Avoid eating food that rodents may have access to.
• No kaikai ol food/kakae we ol rodent (rat) oli maet akses long hem tu.
Ministri blong Helt hei wantem emfasaesem impotens blong eli diteksen mo manejmen blong leptospirosis infeksen. Eniwan we I saspekt se hemi maet kat ol simptom blong leptospirosis infeksen hemi shud visitim helt fasiliti we I stap klosap long hem kwiktaem blong mekem ol stret testing mo foloap. Hemia nao ki mesej we evriwan I mas andastanem.