Contact information, map and directions, contact form, opening hours, services, ratings, photos, videos and announcements from Naat Sharif, .
زِندگی یادِ مَدِینہ میں گُزاری ساری
عُمر بَھر کی ہے کَمائی یہ ہَماری ساری
دیکھ کُر خُلدِ بَرِیں دِل نے کَہا یہ فوراً
کِس نے تَصوِیر مَدِینے کی اُتاری ساری
اَیسا اَللّٰه نے سُلطان بَنایا تُجھ کو
رَبّ کی مَخلُوق ہُوئی تیری بِھکاری ساری
آپ کے ایک اِشارے پہ خُدا بَخشے گا
بات بَن جائے گی مَحشَر میں ہَماری ساری
گَرچِہ بِگڑی ہُوئی باتیں ہیں ہَماری ساری
بات بَن جائے گی مَحشَر میں ہَماری ساری
ہوں گے دُنیا میں کَئی اَور سَخی بھی لیکن
اُن کے دَر تک ہے فَقط دوڑ ہَماری ساری
اس نگری نوں کوہِ طور آکھاں جدے وچ سجناں دا ڈیرا اے
اوہ دل وی عرش معلیٰ اے جس دل وچ یار دا ڈیرا اے
تساں سانوں مکھ وخانا نہیں اساں دید بناں ایتھوں جانا نہیں
اساں مڑ کے در تے آنا نہیں ساڈا جوگیاں والا پھیرا اے
نہ علماں وچ پھسا سانوں کوئی یار دی گل سنا سانوں
اتھے علم دا سکہ چلدا نہیں جتھے عشق ہوراں دا ڈیرا اے
جیہڑے عشق تیرے نیں چور کیتے تیرے نیناں نیں مخمور کیتے
اونہاں دل دنیا توں دور کیتے اونہاں پل گیا تیرا میرا اے
میری آس امید دی دنیا وچ تیری یاد دا دیوا بلدا اے
اے محبوباں دیا محبوبا ایہہ سار ای چانن تیرا اے
چل اعظم اوتھے چل چلیے جتھے یار دا اونا جانڑا جانڑا اے
اوس بستی دے وچ کی رہنا سانوں سجنا باہجھ ہنیرا اے
نعت ِ رسول کریم صلی اللہ علیہ وعلی آلہ واصحابہ وسلم
تنم فرسودہ جاں پارہ ، ز ہجراں ، یا رسول اللہؐ
دِلم پژمردہ آوارہ ، زِ عصیاں ، یا رسول اللہؐ
( یا رسول اللہؐ آپ کی جدائی میں میرا جسم بے کار اور جاں پارہ پارہ ہو گئی ہے ۔ گناہوں کی وجہ سے دل نیم مردہ اور آورہ ہو گیا ہے )
چوں سوئے من گذر آری ، منِ مسکینِ ناداری
فدائے نقشِ نعلینت ، کنم جاں ، یا رسول اللہؐ
( یا رسول اللہؐ اگر کبھی آپ میرے جانب قدم رنجہ فرمائیں تو میں غریب و ناتواں ۔ آپ کی جوتیوں کے نشان پر جان قربان کر دوں۔ )
ز جام حب تو مستم ، با زنجیر تو دل بستم
نمی گویم کہ من بستم سخن دا، یا رسول اللہؐ
( آپؐ کی محبت کا جام پی چکا ہوں،آپ کی عشق کی زنجیر میں بندھا ہوں ۔ پھربھی میں نہیں کہتا کہ عشق کی زبان سےشناسا ہوں ، یا رسول اللہؐ )
زِ کردہ خویش حیرانم ، سیہ شُد روزِ عصیانم
پشیمانم، پشیمانم ، پشیماں ، یا رسول اللہؐ
( میں اپنے کیے پر حیران ہوں اور گناہوں سے سیاہ ہو چکا ہوں ۔ پشیمانی اور شرمند گی سے پانی پانی ہو رہا ہوں ، یا رسول اللہؐ )
چوں بازوئے شفاعت را ، کُشائی بر گنہ گاراں
مکُن محروم جامی را ، درا آں ، یا رسول اللہؐ
( روز محشر جب آپ شفاعت کا بازو گناہ گاروں کے لیے کھولیں گے ۔ یا رسول اللہؐ اُس وقت جامی کو محروم نہ رکھیے گا )
✨ﺣﺒﯿﺐ ﺭﺏُّ ﺍﻟﻌلٰی ﻣﺤﻤﺪ ﺷﻔﯿﻊِ ﺭﻭﺯِ ﺟﺰﺍ ﻣﺤﻤﺪﷺ💞
ﻧﮕﺎﮦ ﮐﺎ ﻣﺪﻋﺎ ﻣﺤﻤﺪ، ﺧﯿﺎﻝ ﮐﺎ ﺁﺳﺮﺍ ﻣﺤﻤﺪﷺ...!!!💝
ﺍﻧﮩﯽ ﺳﮯ ﺩﻧﯿﺎ ﻣﯿﮟ ﺭﻭﺷﻨﯽ ﮨﮯ ﺍﻧﮩﯽ ﺳﮯ ﻋﺮﻓﺎﻥ ﻭﺁﮔﮩﯽ ﮨﮯ
ﮨﯿﮟ ﺁﻓﺘﺎﺏِ ﺟﮩﺎﮞ ﻣﺤﻤﺪﷺ، ﺟﻤﺎﻝِ ﻧﻮﺭِ ﺧﺪﺍ ﻣﺤﻤﺪﷺ...!!!💖
ﯾﮩﯽ ﮨﯿﮟ ﺯﺧﻢِ ﺟﮕﺮ ﮐﺎ ﻣﺮﮨﻢ ﺍﻧﮩﯽ ﮐﺎ ﮨﮯ ﺍﺳﻢ، ﺍﺳﻢِ ﺍﻋﻈﻢ
ﻗﺮﺍﺭ ﺑﮯ ﺗﺎﺑﯿﻮﮞ ﮐﻮ ﺁﯾﺎ ﺯﺑﺎﮞ ﺳﮯ ﺟﺐ ﮐﮩﮧ ﺩﯾﺎ ﻣﺤﻤﺪﷺ...!!!💞
ﺧﺪﺍ ﺳﮯ ﺟﻮ ﮐﭽﮫ ﺑﮭﯽ ﻣﺎﻧﮕﻨﺎ ﮨﮯ ﺍﺳﯽ ﻭﺳﯿﻠﮯ ﺳﮯ ﻣﺎﻧﮓ ﻟﯿﮟ ﮔﮯ
ﺧﺪﺍ ﺑﮭﯽ ﻭﮦ ﺍﻟﺘﺠﺎ ﺳﻨﮯ ﮔﺎ، ﺳﻨﯿﮟ ﮔﮯ ﺟﻮ ﺍﻟﺘﺠﺎ ﻣﺤﻤﺪﷺ...!!!💖
ﺍﻧﮩﯿﮟ ﮐﮯ ﻧﻘﺶِ ﻗﺪﻡ ﮔﺌﮯ ﮨﯿﮟ ﺧﺪﺍ ﮐﮯ ﻋﺮﻓﺎﻥ ﻭ ﻣﻌﺮﻓﺖ ﺗﮏ
ﺧﺪﺍﺷﻨﺎﺳﯽ ﮨﮯ ﺟﺲ ﮐﯽ ﻣﻨﺰﻝ ﺍﺳﯽ ﮐﮯ ﮨﯿﮟ ﺭﮦ ﻧﻤﺎ ﻣﺤﻤﺪﷺ...!!!💝
ﻣﯿﮟ ﺍﭘﻨﯽ ﻋﻘﺒﯽٰ ﺳﻨﻮﺍﺭﺗﺎ ﮨﻮﮞ، ﺍﻧﮩﯽ ﮐﻮ ﭘﯿﮩﻢ ﭘﮑﺎﺭﺗﺎ ﮨﻮﮞ
ﻣﺮﯼ ﺯﺑﺎﮞ ﭘﺮ ﮨﮯ ﯾﺎ ﺣﺒﯿﺒﯽ، ﻣﺮﺍ ﻭﻇﯿﻔﮧ ﮨﮯ ﯾﺎ ﻣﺤﻤﺪﷺ...!!!💞
ﺍﺳﯽ ﺗﻤﻨﺎ ﻣﯿﮟ ﺟﯽ ﺭﮨﺎ ﮨﻮﮞ ﮐﮧ ﺟﺎ ﮐﮯ ﺭﻭﺿﮯ ﮐﯽ ﺟﺎﻟﯿﻮﮞ ﭘﺮ
ﺳﻨﺎﻭؔﮞ ﺣﺎل ﺩﻟﯽ ﻣﯿﮟ ﺍﻥ ﮐﻮ، ﺳﻨﯿﮟ ﻣﺮﺍ ﻣﺎﺟﺮﺍ ﻣﺤﻤﺪﷺ...!!!💖
ﺩﺭﻭﺩ ﺑﮭﯿﺠﺎ ﮨﮯ ﺧﻮﺩ ﺧﺪﺍ ﻧﮯ، رمُوز کو ﺍﻥ ﮐﮯ ﮐﻮﻥ ﺟﺎﻧﮯ
ﮐﮩﯿﮟ ﻭﮦ ﻣﺤﻤﻮﺩِ ﮐﺒﺮﯾﺎ ﺗﮭﮯ، ﮐﮩﯿﮟ ﻟﻘﺐ ﺍﻥ ﮐﺎ ﺗﮭﺎ ﻣﺤﻤﺪﷺ...!!!💝
ﮨﮯ ﺑﺎﺭِ ﻋﺼﯿﺎﮞ ﺻﺒﺎ ﮐﮯ ﺳﺮ ﭘﺮ ﻧﮧ ﮐﻮﺋﯽ ﺳﺎﺗﮭﯽ ﻧﮧ ﮐﻮﺋﯽ ﯾﺎﻭﺭ
ﻗﺪﻡ ﻟﺮﺯﺗﮯ ﮨﯿﮟ ﺭﻭﺯِ ﻣﺤﺸﺮ ﺳﻨﺒﮭﺎﻟﯿﮯ ﺁﮐﮯ ﯾﺎ ﻣﺤﻤﺪﷺ...!!!💞
صلی اللہ علیہ وآلہ وسلم 🍀🌺🍀
صبا اکبر آبادی
🌹
✨سینئہ ہستی روشن روشن
✨کہکشاں ہے جگمگ جگمگ
✨ماہِ مدینہﷺ تیری ضیاء سے
✨سارا جہاں ہے جگمگ جگمگ✨
✨دل کا مدینہ رخشندہ ہے
✨کعبہ جاں ہے جگمگ جگمگ
✨ہم نے اب یہ جان لیا ہے
✨کون کہاں جگمگ جگمگ✨
✨فرش کی ہر شے تجھﷺ سے منّور
✨اور فلک ہے تجھﷺ سے درخشاں
✨توﷺ ہی یہاں ہے جگمگ جگمگ
✨توﷺ ہی وہاں ہے جگمگ جگمگ✨
✨اتنا بڑا جلووؔں کا تَیقن،
✨ٹوٹ گئی دیوار تعین
✨بزمِ یقیں تو بزمِ یقیں ہے،
✨بزمِ گماں ہے جگمگ جگمگ✨
✨شکر کے سجدے فرض ہیں ہم پر،
✨ثابت ہر پہلو سے کرم ہے
✨دل تو دل ہے یاد سے انﷺ کی
✨سارا مکاں ہے جگمگ جگمگ✨
✨اس شانِ نسبت کے تصدق،
✨کتنا بڑا اعزاز دیا ہے
✨محفل محفل ذکر سے تیرےﷺ
✨میری زباں ہے جگمگ جگمگ✨
✨سن کے اذانِ صبح اندھیرے
✨سارے جہاں سے چھٹ جاتے ہیں
✨اُنﷺ کے اسمِ پاکﷺ سے اب بھی
✨حُسنِ اذاں ہے جگمگ جگمگ✨
✨اُنﷺ کے نقشِ پا پہ نظر ہے،
✨کتنا آساں اپنا سفر ہے
✨جس منزل کے ہم ہیں راہی،
✨اس کا نشاں ہے جگمگ جگمگ✨
✨تیرے فیضِ نعتﷺ سے آقاﷺ،
✨نُور و ضیا ہے ہستیِ انجم
✨ذہن درخشاں، نُطق منور،
✨اور بیاں ہے جگمگ جگمگ✨
❤️❤️❤️صَلَّى اللّٰهُ عَلَيْهِ وآلہ وَسَلَّم❤️❤️❤️
🌷🌷🌷 نعت رسول مقبول ﷺ 🌷🌷🌷
میرے نبی دی قِیل قال ، چال ڈھال روشنی
کمال سارے آپ وچ ، تے ھر کمال روشنی
حضور دے لباس دا ، حضور دے وجود دا
ھے تار تار معجزہ ، تے وال وال روشنی
ھدایتاں دے نجم نیں ، غلام سارے آپ دے
کِتے خُبَیبؓ روشنی ، کِتے بلالؓ روشنی
جہان جگمگا رھیا اے ، ایہناں دی ضیاء دے نال
نبی دے یار روشنی ، نبی دی آل روشنی
حضور مینوں ھجر دے ھنیریاں چوں کڈھ دیو
حضور اج دی شام اے ، میرا سوال روشنی
سدا جو نازش اوھناں تے پڑھے درود تے سلام
سفر کرے ھمیش اوھدے نال نال روشنی
ﷺﷺﷺﷺﷺ
یہ دنیا اک سمندر ہے مگر ساحل مدینہ ہے
ہر اک موجِ بلا کی راہ میں حائل مدینہ ہے
زمانہ دھوپ ہے اور چھاؤں ہے بس ایک بستی میں
یہ دنیا جل کے بجھ جاتی مگر شامل مدینہ ہے
مدینے کے مسافر تجھ پے میرے جان و دل قرباں
تیری آنکھیں بتاتی ہیں تیری منزل مدینہ ہے
شرف مجھ کو بھی حاصل ہے محمدﷺکی غلامی کا
وہ میرے دل میں بستے ہیں میرا دل بھی مدینہ ہے
جہاں عُشّاق بستے ہیں وہ بستی اِن کی بستی ہے
جہاں بھی ذکر اُن کا ہو وہی محفل مدینہ ہے
کرم اتنا ہے فخریؔ ان کی ذاتِ پاک کا مجھ پر
میں اتنی دور ہوں لیکن مجھے حاصل مدینہ ہے
❤️صَلُّوْاعَلَی الْحَبِیْبِ صَلَّی اللَّهُ تَعَالٰی عَلٰی مُحَمَّدِ صَلَّی اللَّهُ عَلَیْہِ وَاٰلِه وَسَلَّمَ ❤️
گزرا وہ جدھر سے وہ ہوئی راہ گزر نُور
اُس نُورِ مجسم کی ہے ہر شام و سحر نُور
لب نُور دہن نُور زباں نُور بیاں نُور
دل نُور جگر نُور جبیں نُور نظر نُور
گیسو کی ضیا نُور عمامہ کی چمک نُور
اُس آیہِ رحمت کی ہے ہر زیر و زبر نُور
سر تا بقدم نُور عیاں نُور نہاں نُور
ہر سمت تری نُور اِدھر نُور اُدھر نُور
کیونکر نہ ہوں زہرا و حُسین اور حَسن نُور
اس نخلِ رسالت کا ہے ہر برگ و ثمر نُور
ممکن نہیں تاعرش ہر انساں کی رسائی
ہے خاک کا گھر خاک مگر نُور کا گھر نُور
نسبت ہوئی جس کو تری خاکِ کفِ پا سے
وہ شہر وہ کوچہ وہ در و بام وہ گھر نُور
جس صبح اُتارا گیا وہ چاند زمیں پر
وہ ماہ وہ دن نُور وہ ساعت وہ سحر نُور
جس رُوئے منور پہ ہو وَالفَجر کی طلعت
بے جا نہیں گر اسکو کہیں اہلِ نظر نُور
اعظؔم کہاں دیکھا ہے مجھے یاد نہیں ہے
رہتا ہے شب و روز وُہی پیشِ نظر نُور
محمد اعظؔم چشتی رحمتہ اللہ علیہ
نعتِ رسولِ حبیب (صلّی اللّہ علیہ وآلہ وسلم)
میری زندگی کا تجھ سے یہ نظام چل رہا ہے!
تیرِا آستاں سلامت ،میرِا کام چل رہا ہے!
نہیں عرش و فرش پرہی تری عظمتوں کے چرچے!
تہہ خاک بھی لحد میں ترا نام چل رہا ہے !
وہ برابری کا تو نے دیا درس آدمی کو!
کہ غلام ناقہ پر ہے ،اور امام چل رہا ہے!
کسی وقت یا محمد کی صدا کو میں نہ بھولا!
دمِ نزع بھی زباں پر،،یہ کلام چل رہا ھے!
وہ تیری عطا کے تیور،،وہ ہجوم گردِ کوثر!
کہیں شورِ مےکشاں ھے،،کہیں جام چل رہا ھے!
تری مہر کیا لگی ہے ،کہ کوئی ہنر نہ ہوتے!
مری شاعری کا سکا سرِعام چل رہا ہے!
میں ترے نثار آقا (صل اللہُ علیہ وسلم)،یہ حقیر پر نوازش!
مجھے جانتی ہے دنیا مرا نام چل رہا ہے!
کڑی دھوپ کے سفر میں نہیں کچھ نصیر کو غم!
ترے سایہّ کرم میں یہ غلام چل رہا ہے!
"پیر و مرشد تاجدارِ گولڑہ شریف حضرت نصیر الدین نصیر رحمتہ اللّہ علیہ"
رونقِ ارض و سما محبوبِ ربّ العالمینﷺ
تاجدارِ انبیاء محبوبِ ربّ العالمینﷺ
سایہء ذاتِ خدا محبوبِ ربّ العالمینﷺ
تُو نہیں رب سے جُدا محبوبِ ربّ العالمینﷺ
عاصیوں کا حشر میں تُو آسرا ہے یَا نبیؐ
تُو ہے سنتا التجا محبوبِ ربّ العالمینﷺ
کیف سے سرشار ہے سینہ میرا صلِ علٰی
یہ ہے سب تیری عطا محبوبِ ربّ العالمینﷺ
تیرے در کو چھوڑ کر جائیں کہاں تُو ہی بتا
منبعِ جُود و سخا محبوبِ ربّ العالمینﷺ
تیری فرقت میں بہت دشوار ہے جینا میرا
اب مسرت ہو عطا محبوبِ ربّ العالمینﷺ
حشر میں رکھنا بھرم یَا شافعِ روزِ جزا
میں سراپا ہوں خطا محبوبِ ربّ العالمینﷺ
تیری نسبت سے فقیروں نے مچا رکھی ہے دھُوم
ہر جگہ چرچا تیرا محبوبِ ربّ العالمینﷺ
تیرے ہی اِس نُور سے آئی جہاں میں ہر خوشی
تُو ہے رحمت کی گھٹا محبوبِ ربّ العالمینﷺ
بھر گیا ہے تیری الفت سے میرا دامانِ دل
تُو وسیلہ ہے میرا محبوبِ ربّ العالمینﷺ
مِہر پر تُو کر نظر یَا شافعِ روزِ جزا
میری بگڑی بھی بنا محبوبِ ربّ العالمینﷺ
کلام _ جگر گوشہء حضور مجددِ تعلیماتِ مہریہ
حضرت پیر سید مِہر فرید الحق مِہر گیلانی مدظلہ العالی
درگاہِ عالیہ گولڑہ شریف
رخِ مصطفیٰ کو دیکھا تو دیوں نے جلنا سیکھا
یہ کرم ہے مصطفیٰ کا، شب غم میں ڈھلنا سیکھا
یہ زمیں رکی ہوئی تھی یہ فلک تھما ہوا تھا
چلے جب میرے محمد تو جہاں نےچلنا سیکھا
بڑا خوش نصیب ہوں میں میری خوش نصیبی دیکھو
شاہ انبیاء کے ٹکڑوں پہ ہے میں نے پلنا سیکھا
میں گرا نہیں جو اب تک یہ کمال مصطفیٰ ہے
میری ذات نے نبی سے ہے صدا سنبھلنا سیکھا
میرا دل بڑا ہی بے حس تھا کبھی نہیں یہ تڑپا
سنی نعت جب نبی کی تو یہ دل مچلنا سیکھا
میں تلاش میں تھا رب کی کہاں ڈھونڈتا میں اس کو
لیا نام جب نبی کا تو خدا سے ملنا سیکھا
میں رہا خلش مظفر درِ پاک مصطفیٰ پر
میرے جذبہ عاشقی نے کہاں گھر بدلنا سیکھا
*صَلُّوا عَلَى الْحَبِيْب - صَلَّى اﷲُ تَعَالٰى عَلٰى مُحَمَّد
ﷺ ﷺ ﷺ ﷺ ﷺ ﷺ۔۔❤❤❤
تجھ کو آنکھوں میں لیے جب میں یہ دُنیا دیکھوں
ہر سحر میں تیرے ماتھے کا اُجالا دیکھوں
آئنیہ بن کے جو ساری بشریت آئے
کوئی تصویر کوئی عکس نہ تجھ سا دیکھوں
میری بِینائیوں کے پٙر سے نکل آتے ہیں
جب خلاؤں میں تیرا نٙقش کِف پا دیکھوں
تیرے قدموں سے لپٹنے میں ہے معراج میری
تیری دہلیز پر جبرائیلؑ کو بیٹھا دیکھوں
کیا سمائے میرے لفظوں میں بڑائی تیری
صف میں نبیوں کے تیرا چاہنے والا دیکھوں
شوق ہوتا ہے جو بیتاب تلاوت کے لیے
رِحل دل پر تیرے جلوؤں کا صحیفہ دیکھوں
تیری انگشتِ تصور سے بھی چشمے پھُوٹیں
تیرے صحرا میں کسی کو بھی نہ پیاسا دیکھوں
آنکھ والوں کو نظر آئی نہ پرچھائیں تیری
میں تو دیوار ابد تک تیرا سایہ دیکھوں
ڈال دیں مجھ پہ مظفر جو وہ کالی کملی
روح کے غار سے خورشید نکلتا دیکھوں
فِداک اٙبِی و اُمّی و رُوحِی و ماٰلی و نٙفسی ووٙلدیّ لٙبیّک یٙارٙسُول اللّہ ﺻَﻠّﯽ ﺍﻟﻠّٰﮧُ ﻋَﻠٰﯽ ﺣَﺒِﯿﺒِﮧ ﻣُﺤَﻤَّﺪٍ ﻭَّﺁﻟِﮧ ﻭَﺳَﻠَّﻢَ❤
💚میں صدقے یا رسولﷲﷺ❤
اَللّٰھُمَّ صَلِّ عَلٰی مُحَمَّدٍ وَّ عَلٰیٓ اٰل ِمُحَمَّدٍ کَمَا صَلَّیْتَ عَلٰی اِبْرَاھِیْمَ وَعَلٰیٓ اٰلِ اِبْرَاھِیْمَ اِنَّکَ حَمِیْدٌمَّجِید’‘ ۔❤
اَللّٰھُمَّ بَارِکْ عَلٰی مُحَمَّدٍ وَّ عَلٰیٓ اٰل ِمُحَمَّدٍ کَمَا بَارَکْتَ عَلٰی اِبْرَاھِیْمَ وَعَلٰیٓ اٰلِ اِبْرَاھِیْمَ اِنَّکَ حَمِیْد’‘ مَّجِید’‘💚
دعاؤں کا طالب ❤
#محمد ساحل #خاکسار 💚❤
اب میری نگاہوں میں جچتا نہیں کوئی
جیسے میرے سرکارؐ ہیں ایسا نہیں کوئی
تمؐ سا تو حسیں آنکھ نے دیکھا نہیں کوئی
یہ شان لطافت ہے کہ سایہ نہیں کوئی
اے ظرف نظر دیکھ مگر دیکھ ادب سے
سرکارؐ کا جلوہ ہے تماشہ نہیں کوئی
ہوتا ہے جہاں ذکر محمدؐ کے کرم کا
اس بزم میں محروم تمنا نہیں کوئی
اعزاز یہ حاصل ہے تو حاصل ہے زمیں کو
افلاک پہ تو گنبد خضرا نہیں کوئی
سرکارؐ کی رحمت نے مگر خوب نوازا
یہ سچ ہے کہ خالد سا نکما نہیں کوئی
شاعر : خالد محمود خالد
احمد کے احد میں کیا سمجھوں، یہ راز ہے میم کی چلمن میں
حیرت کی ہے جا سایہ بھی نہیں، لگتا بھی ہے انساں دیکھن میں
تورے نام سے سب سنسار ہوا، تورے نام سے بیڑا پار ہوا
بھگوان بھی تورے گن گائے، قرآن آیا توری شانن میں
لولاک کی پگڑی سر سوہے، طہ سہرا ماتھے پہ سجے
والیل کی زلفیں کاندھوں پر، مازاغ کا کجلا نینن میں
توہے یاد کرت مورا انگ انگ ہے، مورا بھاگ سہاگ تورے سنگ ہے
اک بار جو آ مورے آنگن میں، ہو جاؤں سہاگن سکھین میں
طیبہ کے سجیلے سانوریا، للہ مجھے اب درش دکھا
بن درشن مر نہ جاؤں کہیں، مورا جیون ہے تورے درشن میں
موہے دیس عرب من بھاوت ہے، موہے یاد مدینہ آوت ہے
بے در بےپر کی عرض سنو، ساجد کو بلا لو چرننن میں
کوئی دنیائے عطا میں نہیں ہمتا تیرا ﷺ
ہو جو حاتم کو میسر یہ نظارا تیرا ﷺ
کہہ اٹھے دیکھ کے بخشش میں یہ رتبہ تیرا ﷺ
واہ کیا جود و کرم ہے شہ بطحٰی تیرا ﷺ
نہیں سنتا ہی نہیں مانگنے والا تیرا ﷺ
کچھ بشر ہونے کے ناتے تجھے ﷺ خود سا جانیں
اور کچھ محض پیامی ہی خدا کا جانیں
اِن کی اوقات ہی کیا ہے کہ یہ اتنا جانیں
فرش والے تیری ﷺ عظمت کا علو کیا جانیں
خسروا عرش پہ اڑتا ہے پھریرا تیرا
جو تصور میں تیرا پیکر زیبا دیکھیں
روئے والشمس تکیں ، مطلع سیما دیکھیں
کیوں بھلا اب وہ کسی اور کا چہرا دیکھیں
تیرے ﷺ قدموں میں جو ہیں غیر کا منہ کیا دیکھیں
کون نظروں پہ چڑھے دیکھ کے تلوا تیرا ﷺ
مجھ سے ناچیز پہ ہے تیری ﷺ عنایت کتنی
تو ﷺ نے ہر گام پہ کی میری حمایت کتنی
کیا بتاوں تری ﷺ رحمت میں ہے وسعت کتنی
ایک میں کیا مرے عصیاں کی حقیقت کتنی
مجھ سے سو لاکھ کو کافی ہے اشارہ تیرا ﷺ
کئی پشتوں سے غلامی ﷺ کا یہ رشتہ ہے بحال
یہیں طفلی و جوانی کے بِتائے مہہ و سال
اب بوڑھاپے میں خدارا ہمیں یوں در سے نہ ٹال
تیرے ﷺ ٹکڑوں پہ پلے غیر کی ٹھوکر پہ نہ ڈال
جھڑکیاں کھائیں کہاں چھوڑ کے صدقہ تیرا ﷺ
غمِ دوراں سے گھبرائیے ، کس سے کہیے
اپنی الجھن کسے بتلائیے ، کس سے کہیے
چیر کر دل کسے دکھلائیے ، کس سے کہیے
کس کا منہ تکیے ، کہاں جائیے ، کس سے کہیے
تیرے ﷺ ہی قدموں پہ مٹ جائے یہ پالا تیرا
نذرِ عشاقِ نبی ﷺ ہے یہ مرا حرفِ غریب
منبرِ وعظ پر لڑتے رہیں آپس میں خطیب
یہ عقیدہ رہے اللہ کرے مجھ کو نصیب
میں تو مالک ہی کہوں گا کہ ہو مالک کے حبیب
یعنی محبوب و محب میں نہیں میرا تیرا
تجھ سے ہر چند وہ ہیں قدر و فضائل میں رفیع
کر نصیر آج مگر فکرِ رضا کی توسیع
پاس ہے اس کے شفاعت کا وسیلہ بھی وقیع
تیری سرکار میں لاتا ہے رضا اس کو شفیع
جو میرا غوث ہے اور لاڈلا بیٹا تیرا❤🙏🏻
وہ شمع اجالا جس نے کیا چالیس برس تک غاروں میں
اکِ روز چمکنے والی تھی سب دنیا کے درباروں میں
گرارض وسما کی محفل میں لولاک لما کا شور نہ ہو
یہ رنگ نہ ہوں گلزاروں میں یہ نور نہ ہو سیاروں میں
وہ جنس نہیں ایمان جسے لے آئیں دکانِ فلسفہ سے
ڈھونڈے سے ملے گی عاقل کو یہ قرآں کے سیپاروں میں
جو فلسفیوں سے کھل نہ سکا اور نکتہ وروں سے حل نہ ہوا
وہ راز اک کملی والے نے بتلا دیا چند اشاروں میں
ہیں کرنیں اک ہی مشعل کی ابوبکرؓ وعمرؓ، عثمانؓ، علیؐ
ہم مرتبہ ہیں یارانِ نبی کچھ فرق نہیں ان چاروں میں
مولانا ظفر علی خان
نبیؐ کو مظہرِ شانِ خدا کہیے، بجا کہیے
شہِؐ عالم، امامِ انبیا کہیے، بجا کہیے
نبیؐ کے ہر سخن میں جھلک وحیِ الٰہی کی
حدیثِ مصطفیٰ پر مرحبا کہیے، بجا کہیے
دوعالم جن کے جلووں کی ضیا پاشی سے روشن ہیں
انہیں شمس الضحیٰ، بدرالدجیٰ کہیے، بجا کہیے
ہوئی تکمیل جن کی ذات پر ہر خیر و برکت کی
انہیں خیر البشرؐ، خیر الوریٰ کہیے، بجا کہیے
لقب ہیں رحمة للعالمیں، ختم الرسل جن کے
انہیں لطفِ خدا کی انتہا کہیے، بجا کہیے
غریبوں کی جو ثروت ہیں، ضعیفوں کی جو قوت ہیں
انہیں عالم کے ہر دکھ کی دوا کہیے، بجا کہیے
مری تسکیں، مری بخشش، مری توقیر کے ضامن
محمدﷺ ہیں محمدﷺ برملا کہیے، بجا کہیے
سرِ تسلیم خم کیجیے نبیؐ کے حکم پر
نبیؐ کے نام پر صلِ علیٰ کہیے، بجا کہیے
کلام حضرت حفیظ تائب رحمتہ اللہ علیہ
اک رند ہے اور مدحتِ سلطانِ مدینہ
ہاں کوئی نظر، رحمتِ سلطانِ مدینہ
تو صبحِ ازل، آئینہ حسنِ ازل بھی
اے صلؑ علی صورتِ سلطانِ مدینہ
دامانِ نظر تنگ و فراوانیِ جلوہ
اے طلعتِ حق، طلعتِ سلطانِ مدینہ
اے خاکِ مدینہ تری گلیوں کے تصدق
تو خلد ہے، تو جنتِ سلطانِ مدینہ
اس طرح کہ ہر سانس ہر مصروفِ عبادت
دیکھوں میں درِ دولتِ سلطانِ مدینہ
اک ننگِ غمِ عشق بھی ہے منتظرِ دید
صدقے ترے، اے صورتِ سلطانِ مدینہ
کونین کا غم، یادِ خدا، دردِ شفاعت
دولت ہے یہی دولتِ سلطانِ مدینہ
اے عالمِ تکویں! ترے اسرارِ حقیقت
منجملہ ایک آیتِ سلطانِ مدینہ
ظاہر میں غریب الغرباء پھر بھی یہ عالم
شاہوں سے سوا سطوتِ سلطانِ مدینہ
اس امتِ عاصی سے نہ منھ پھیر خدایا!
نازک ہے بہت غیرتِ سلطانِ مدینہ
اے جانِ بلب آمدہ، ہشیار، خبردار
وہ سامنے ہیں حضرتِ سلطانِ مدینہ
کچھ ہم کو نہیں کام جگرؔ! اور کسی سے
کافی ہے بس اک نسبتِ سلطانِ مدینہ
صلی اللّٰہ علیہ و آلہٖ و سلّم
———————————————-
کلام :-
جناب جگر مُراد آبادی
🌸🌸🌸
سلام اے آمنہ کے لال اے محبوب سبحانی
سلام اے فخرِ موجودات فخرِ نوع انسانی
سلام اے ظلِ رحمانی، سلام اے نورِ یزدانی
ترا نقشِ قدم ہے زندگی کی لوحِ پیشانی
سلام اے سرِ وحدت اے سراجِ بزمِ ایمانی
زہے یہ عزت افزائی، زہے تشریف ارزانی
ترے آنے سے رونق آگئی گلزارِ ہستی میں
شریکِ حال قسمت ہو گیا پھرفضلِ ربانی
سلام اے صاحبِ خلقِ عظیم انساں کو سکھلا دے
یہی اعمالِ پاکیزہ یہی اشغالِ روحانی
تری صورت، تری سیرت، ترا نقشا، ترا جلوہ
تبسم، گفتگو، بندہ نوازی، خندہ پیشانی
اگرچہ فقرُ فخری رتبہ ہے تیری قناعت کا
مگر قدموں تلے ہے فرِ کسرائی و خاقانی
زمانہ منتظر ہے اب نئی شیرازہ بندی کا
بہت کچھ ہو چکی اجزائے ہستی کی پریشانی
زمیں کا گوشہ گوشہ نور سے معمور ہو جائے
ترے پرتو سے مل جائے ہر اک ذرے کو تابانی
حفیظ بے نوا کیا ہے گدائے کوچہِ الفت
عقیدت کی جبیں تیری مروت سے ہے نورانی
ترا در ہو مرا سر ہو مرا دل ہو ترا گھر ہو
تمنا مختصر سی ہے مگر تمہید طولانی
سلام ، اے آتشیں زنجیرِ باطل توڑنے والے
سلام، اے خاک کے ٹوٹے ہوئے دل جوڑنے والے
محترم حفیظ جالندھری
میری جانب بھی ہو اک نگاہِ کرم،
اے شفیع الواریٰ، خاتم الانبیاءﷺ
آپﷺ نورِ ازل، آپﷺ شمعِ حرم،
آپﷺ شمس الضحٰی، خاتم الانبیاءﷺ
آپﷺ ہیں حق نگر، آپﷺ ہیں حق رساں،
سدرۃ المنتہٰی آپﷺ کے زیرِ پا
آپﷺ ہیں مظہرِ ذاتِ رب العٰلی،
رہبرِ حق نما، خاتم الانبیاءﷺ
اے فصیح البیاںﷺ، اے بلیغ اللساںﷺ،
اے وحید الزماں ﷺ ماورائے گماں
آپﷺ کا نور ہے از کراں تا کراں،
شاہدِ کبریا، خاتم الانبیاءﷺ
مرسلِ مرسلاںﷺ، سرورِ عرشیاںﷺ،
ہادیِ انس و جاںﷺ، مقبلِ مقبلاںﷺ
آپﷺ کی ذات ہے باعثِ کُن فکاں،
رازِ ارض و سما خاتم الانبیاءﷺ
آپﷺ فخرِ عجم آپﷺ شانِ عرب،
آپﷺ فضلِ اتم، آپﷺ رحمت لقب
سرورِ ذی حشم، شاہ والا نسب،
مرتضٰیﷺ، مجتبٰیﷺ، خاتم الانبیاءﷺ
آپﷺ ہیں وجہِ تخلیقِ کون و مکاں،
آپﷺ کے دم سے ہیں یہ زمیں آسماں
آپ ہیںﷺ بےنشانی کا بیّن نشاں،
اے شہ دوسراﷺ، خاتم الانبیاءﷺ
آپﷺ کے سر پہ لولاک کا تاج ہے،
آپﷺ ہی کو فقط فخرِ معراج ہے
آپﷺ کے ہاتھ اسلام کی لاج ہے،
یا نبی مصطفٰیﷺ خاتم الانبیاءﷺ
❤صَلّیﷲ عَلیہ وَآلہ وَسلّم❤
میں کہ بے وُقعت و بے مایہ ہوں
تیری محفل میں چلا آیا ہوں
آج ہوں میں تیرا دہلیز نشیں
آج میں عرش کا ہم پایہ ہوں
چند پل یوں تیری قُربت میں کٹے
جیسے اک عمر گُزار آیا ہوں
یہ کہیں خامئ ایماں ہی نہ ہو
میں مدینے سے پلٹ آیا ہوں
جس کی دربارِ محمدؐ میں رسائی ہو گی
اس کی قسمت پہ فدا ساری خدائی ہو گی
سانس لیتا ہوں تو آتی ہے مہک طیبہ کی
یہ ہوا کوچہء سرکار سے آئی ہو گی
دل تڑپ جائے گا اے زائرِ طیبہ تیرا
تیری جس وقت مدینے سے جُدائی ہو گی
روزِمحشر نہ کوئی اور ہمارا ہو گا
سب کے ہونٹوں پہ مُحمدؐ کی دُہائی ہو گی
(عطا حسین کلیم)
"نعت رسول مقبول ﷺ"
"حضرت علامہ محمد اقبال رحمۃ اللہ علیہ"
لَوح بھی تُو , قلم بھی تُو ، تیرا وجود الکتاب
گُنبد آ بگینہ رنگ ، تیرے محیط میں حباب
عالم آب و خاک میں ، تیرے ظہور کا فروغ
ذرہ ریگ کو دیا تُو نے طلوعِ آفتاب
شوکتِ سنجروسلیم ، تیرے جلال کی نمود
فقر جُنید و با یزید ، تیرا جمال بے نقاب
شوق تیرا اگر نہ ھو ، میری نماز کا اِمام
میرا قیام بھی حِجاب ، میرا سُجود بھی حِجاب
تیری نگاہ ناز سے دونوں مُراد پا گئے
عقل، غیاب و جُستجو، عشق، حُضور و اِضطراب
*صَلُّوا عَلَى الْحَبِيْب - صَلَّى ﷲُ تَعَالٰى عَلٰى مُحَمَّد ﷺ
➖➖➖➖➖➖➖➖➖➖➖❤❤❤❤❤
🌹قرآنِ پاک کی عظمت میرے رسولؐ سے ہے
یہ دو جہان کی زینت میرے رسولؐ سے ہے
بٙہار ہو کہ چٙمن یا گُلوں کی خُوشبو ہو
کٙلی کٙلی کی لطافت میرے رسُولؐ سے ہے
اُنھیں ہم فخرِ رسُولاں کہیں تو حیرت کیا
کہ خٙتم ساری نبوت میرے رسول سے ہے
اُنھیں ہم یاد کیا کرتے ہیں نمازوں میں
عبادتوں کی فضیلت میرے رسولؐ سے ہے
نہ کہتا نعت تو گُمنام رہتا آج عِشرت
اب اِس کی نعتوں کی شُہرت میرے رسولؐ سے ہے🌷
🌹سُلطانِ عرب سیدِ ابرار تُم ہی ہو
اُمت کے نگہبا ں میری سٙرکار تُم ہی ہو🌹
🌺مائل بہ کرم احمدِ مُختار تم ہی ہو
مُشکل میں غریبوں کے مدد گار تم ہی ہو🌺
💐کونین میں تُم جیسا حسیں کوئی نہیں ہے
شیدا ہے خُدا جس کا وہ دِلدار تم ہی ہو💐
🌺تُم سے ہی سرِ حشر میری آس لگی ہے
محشر میں گُناہ گار کے غم خوار تم ہی ہو🌺
میرا پیامبر عظیم تر ہے
کمال خلاق ذات اس کی
جمال ہستی حیات اس کی
بشر نہیں عظمت بشر ہے
میرا پیامبر عظیم تر ہے
وہ شرح احکام حق تعالی
وہ خود ہی قانون خود حوالہ
وہ خود ہی قرآن خود ہی قاری
وہ آپ مہتاب آپ ہالہ
وہ عکس بھی اور آئینہ بھی
وہ نقطہ بھی خط بھی دائرہ بھی
وہ خود نظارہ ہے خود نظر ہے
میرا پیامبر عظیم تر ہے
شعور لایا کتاب لایا
وہ حشر تک کا حساب لایا
دیا بھی کامل نظام اس نے
اور آپ ہی انقلاب لایا
وہ علم کی اور عمل کی حد بھی
ازل بھی اس کا ہے اور ابد بھی
وہ ہر زمانے کا راہبر ہے
میرا پیامبر عظیم تر ہے
وہ آدم و نوح سے زیادہ
بلند ہمت بلند ارادہ
وہ زہد عیسی سے کوسوں آگے
جو سب کی منزل وہ اس کا جادا
ہر ایک پیامبر نہاں ہیں اس میں
ہجوم پیغمبراں ہے اس میں
وہ جس طرف ہے خدا ادھر ہے
میرا پیامبر عظیم تر ہے
بس ایک مشکیزہ ایک چٹائی
زرا سے جو ایک چارپائی
بدن پہ کپڑے بھی واجبی سے
نہ خوش لباسی نہ خوش قبائی
یہی ہے کل کائنات جس کی
وہی تو سلطان بحر و بر ہے
میرا پیامبر عظیم تر ہے
جو اپنا دامن لہو سے بھر لے
مصیبتیں اپنی جان پر لے
جو تیغ زن سے لڑے تنہا
جو غالب آ کر بھی صلح کر لے
اسیر دشمن کی چاہ میں بھی
مخالفوں کی نگاہ میں بھی
امین ہے صادق ہے معتبر ہے
میرا پیامبر عظیم تر ہے
وہ خلوتوں میں بھی صف بہ صف بھی
وہ اس طرف بھی وہ اس طرف بھی
محاذ و منبر ٹھکانے اس کے
وہ سر بسجدہ بھی سر بکف بھی
کہیں وہ موتی کہیں ستارہ
وہ جامعیت کا استعارہ
وہ صبح تہذیب کا گجر ہے
میرا پیامبر عظیم تر ہے
کمال خلاق ذات اس کی
جمال ہستی حیات اس کی
بشر نہیں عظمت بشر ہے
میرا پیامبر عظیم تر ہے
میرا پیامبر عظیم تر ہے
صَلَّى اللّٰهُ عَلَيْهِ وآلہِ وَسَلَّم ❤❤
یا رحمت للعالمین صلی الله و علیہ و آلہ وسلم
الہام جامہ ہے تیرا
قرآں عمامہ ہے تیرا
منبر تیرا عرشِ بریں
یا رحمتہ العالمین
آئینہء رحمت بدن
سانسیں چراغِ علم و فن
قربِ الٰہی تیرا گھر
الفقر و فخری تیرا دھن
خوشبو تیری جوئے کرم
آنکھیں تیری بابِ حرم
نُورِ ازل تیری جبیں
یا رحمتہ العالمین
تیری خموشی بھی اذاں
نیندیں بھی تیری رتجگے
تیری حیاتِ پاک کا
ہر لمحہ پیغمبر لگے
خیرالبشر رُتبہ تیرا
آوازِ حق خطبہ تیرا
آفاق تیرے سامعیں
یا رحمتہ العالمین
قبضہ تیری پرچھائیں کا
بینائی پر ادراک پر
پیروں کی جنبش خاک پر
اور آہٹیں افلاک پر
گردِ سفر تاروں کی ضَو
مرقب بُراقِ تیز رَو
سائیس جبرئیلِ امیں
یا رحمتہ العالمین
تو آفتابِ غار بھی
تو پرچم ِ یلغار بھی
عجز و وفا بھی ، پیار بھی
شہ زور بھی سالار بھی
تیری زرہ فتح و ظفر
صدق و صفا تیری سپر
تیغ و تبر صبر و یقیں
یا رحمتہ العالمین
پھر گُڈریوں کو لعل دے
جاں پتھروں میں ڈال دے
حاوی ہوں مستقبل پہ ہم
ماضی سا ہم کو حال دے
دراصل دعویٰ ہے تیری چاہ کا
اس اُمتِ گُم راہ کا
تیرے سوا کوئی نہیں
یا رحمتہ العالمین
❤❤❤
نگاہِ رحمت اُٹھی ہوئی ہے، وہ سب کی بگڑی بنا رہے ہیں
کُھلا ہُوا ہے کریم کا در، بھرے خزانے لُٹارہے ہیں
فلک کا سینہ دمک رہا ہے، زمین کا گُلشن مہک رہا ہے
چِھڑے ہیں صلّ علٰی کے نغمے، حُضور تشریف لا رہے ہیں
بروزِ محشر بوقت پُرسِش، مجھے جو دیکھا فرشتے بولے
اِ دھر پریشان کیوں کھڑے ہو تمہیں تو آ قا بُلا رہے ہیں
نہ اُن کے جیسا عظیم دیکھا، نہ ایسا دُرّ یتیم دیکھا
زمانہ ٹھکرا رہا ہے جن کو اُ نھیں وہ سینے لگا رہے ہیں
نبیﷺ کی توصیف اللہ اللہ کہ داد جِبریل دے رہا ہے
ظہوریٌ کیاخُوشنصیب ہیں جو نبی کی نعتیں سنا رہے ہیں
اِک میں ہی نہیں اُ ن پر قربان زمانہ ہے
جو ربِ دوعالم کا محبوب یگانہ ہے
پُر نور سی راہیں ہیں، گنبد پہ نگاہیں ہیں
تصویر انوکھی ہے منظر بھی سُہانہ ہے
آؤ درِ زہرہ پر پھیلائے ہوئے دامن
ہے نسل کریموں کی لجپال گھرانہ ہے
کل پُل سے ہمیں جس نے خود پار لگانا ہے
زہرہ کا وہ بابا ہے، حسنین کا نانا ہے
محرومِ کرم اِس کو رکھیے نہ سرِ محشر
جیسا بھی نصیرٌ آخر سائل یہ پُرانہ ہے
سر تا بہ قدم ہے تنِ سلطانِ زمن پھول
لب پھول ، دہن پھول، ذقن پھول بدن پھول
تنکا بھی ہمارے تو ہِلائے نہیں ہلتا
تم چاہو تو ہو جائے ابھی کوہِ محن پھول
واللہ جو مل جائے مرے گُل کا پسینہ
مانگے نہ کبھی عطر نہ پھر چاہے دلہن پھول
دل اپنا بھی شیدائی ہے اُس ناخن پا کا
اتنا بھی مہِ نو پہ نہ چرخ کہن پھول
کیا بات رضا اُس چمنستانِ کرم کی
زہرا ہے کلی جس میں حسین اور حسن پھول
Be the first to know and let us send you an email when Naat Sharif posts news and promotions. Your email address will not be used for any other purpose, and you can unsubscribe at any time.
Want your business to be the top-listed Media Company?
