KMMG Media

01/03/2022

Thank you 🙏 for being with us.

We won’t make this milestone without your support.

Happy 5th anniversary 🍾 🎉
(2017 - 2022)
- - - - - - - - - - - - - - - - - - -
Here is the good & great news for you.
* * * * * * * * * * * * * * * * * * * * * * * * *
Are you following us in facebook?

If yes, then THE VALUABLE GIFT IS YOURS 🎊

We will give an unforgettable gift to a luckiest winner.

Grab your chance, follow us in facebook and join in our WhatsApp Group.

03/02/2022

Let us all celebrate and enjoy the freedom of living independently in this country and let’s not forget our who sacrificed their lives for the country.

Happy Independance Day!!

01/02/2022

பொருத்தமான வெளிநாட்டு வேலை வாய்ப்பொன்றை பெற்றுக் கொள்வது சிரமமாக உள்ளதா?

அப்படியாயின் இன்றே எமது வாட்சப் குழுமத்தில் இணைந்து நீங்கள் விரும்பும் துறையில் வேலை வாய்ப்பொன்றை பெற்று உங்கள் எதிர்கால கனவை நனவாக்கிக்கொள்ளுங்கள்.

WhatsApp Group Invite

13/01/2022

இன்றுபோல் என்றும் இல்லத்தில் இன்பமும் அன்பும் அறனும் பெருகட்டும்.

அனைத்து உறவுகளுக்கும் KMMG குழுமத்தினரின் இன்பம் பொங்கும் இனிய தைப்பொங்கல் நல்வாழ்த்துக்கள்.
- - - - - - - - - - - - - -
May the festival brings the Love and Joy to your family & Sweet home.

HAPPY PONGAL Wishes from KMMG_Group.

31/12/2021

நிறைந்த வளம், மிகுந்த சந்தோசம், வெற்றி இவற்றை எல்லாம் இந்த இனிய புத்தாண்டு
உங்களுக்கு கொண்டுவரட்டும்.

இனிய புத்தாண்டு வாழ்த்துக்கள்…

May the New Year 2022 bring you more happiness, success, love and blessings!

Wishing you a joyous 2022!

කන්නයේ ආත්මය, නව වසර ඔබේ හදවත සන්සුන්ව හා සාමයෙන් පුරවා වේවා,

ඔබට සුබ නව වසරක් වේවා!

25/12/2021

இனிய கிரிஸ்மஸ் தின நல்வாழ்த்துக்கள்.
--------------------------------------------------
May this festive season sparkle and shine,
May all of your wishes and dreams come true, and may you feel this happiness all year round.

Merry Christmas!

21/10/2021

𝗪𝗲 𝗮𝗿𝗲 𝗛𝗶𝗿𝗶𝗻𝗴!

𝗚𝗲𝘁 𝗮𝗻 𝗼𝗽𝗽𝗼𝗿𝘁𝘂𝗻𝗶𝘁𝘆 𝘁𝗼 𝘄𝗼𝗿𝗸 𝘄𝗶𝘁𝗵 𝗼𝘂𝗿 𝗴𝗿𝗼𝘄𝗶𝗻𝗴 𝗰𝗼𝗺𝗽𝗮𝗻𝘆 𝗶𝗻 𝗦𝗿𝗶𝗹𝗮𝗻𝗸𝗮.

𝐏𝐨𝐬𝐢𝐭𝐢𝐨𝐧 : 𝐀𝐬𝐬𝐢𝐬𝐭𝐚𝐧𝐭 𝐀𝐜𝐜𝐨𝐮𝐧𝐭𝐚𝐧𝐭

𝚆𝚑𝚊𝚝 𝚠𝚎 𝚎𝚡𝚙𝚎𝚌𝚝 :
===============
- 𝙳𝚊𝚝𝚊 𝙴𝚗𝚝𝚛𝚢
- 𝙴𝚡𝚌𝚎𝚕𝚕𝚎𝚗𝚝 𝚂𝚔𝚒𝚕𝚕𝚜 𝚆𝚒𝚝𝚑 𝙼𝚒𝚌𝚛𝚘𝚜𝚘𝚏𝚝 𝙾𝚏𝚏𝚒𝚌𝚎
- 𝙿𝚊𝚢𝚛𝚘𝚕𝚕 𝙴𝚡𝚙𝚎𝚛𝚒𝚎𝚗𝚌𝚎
- 𝙺𝚗𝚘𝚠𝚕𝚎𝚍𝚐𝚎 𝚘𝚏 𝙱𝚞𝚜𝚒𝚗𝚎𝚜𝚜 𝙼𝚊𝚝𝚑𝚜
- 𝚂𝚝𝚛𝚘𝚗𝚐 𝚆𝚛𝚒𝚝𝚝𝚎𝚗 𝚊𝚗𝚍 𝙾𝚛𝚊𝚕 𝙲𝚘𝚖𝚖𝚞𝚗𝚒𝚌𝚊𝚝𝚒𝚘𝚗
𝚂𝚔𝚒𝚕𝚕𝚜
- 𝙰𝙰𝚃/𝙷𝙽𝙳𝙰 𝚁𝚎𝚕𝚊𝚝𝚎𝚍 𝙵𝚒𝚎𝚕𝚍 𝚘𝚛 𝙴𝚚𝚞𝚒𝚟𝚊𝚕𝚎𝚗𝚝
𝚆𝚘𝚛𝚔 𝙴𝚡𝚙𝚎𝚛𝚒𝚎𝚗𝚌𝚎

𝘐𝘯𝘵𝘦𝘳𝘦𝘴𝘵𝘦𝘥 𝘤𝘢𝘯𝘥𝘪𝘥𝘢𝘵𝘦𝘴, 𝘚𝘦𝘯𝘥 𝘊𝘝 𝘵𝘩𝘳𝘰𝘶𝘨𝘩 𝘵𝘩𝘦 𝘞𝘩𝘢𝘵𝘴𝘢𝘱𝘱.

𝗧𝗼 𝗸𝗻𝗼𝘄 𝗺𝗼𝗿𝗲, 𝗖𝗮𝗹𝗹 / 𝗪𝗵𝗮𝘁𝘀𝗮𝗽𝗽 :
𝟬𝟳𝟲 𝟵𝟵 𝟯𝟲 𝟲 𝟯𝟲

21/10/2021

We are Hiring!
***************
Great opportunity to work with our growing Company in Srilanka.
Position : RECEPTIONIST (FEMALE)

What you will get :
===============
- Attractive Salary.
- Friendly environment to work.
- Trainings about work who joining freshly.

Job Requirements and Qualifications
==============================
*G.C.E A/Level or equivalent Prior administrative or clerical experience preferred
*Proficient with Microsoft Office Suite (Word, PowerPoint, and Excel)
*Highly organized multitasker who works well in a fast-paced environment
*Excellent time management and communication skills
*Willingness to learn and to grow with the company

Interested candidates, Send CV through the Whatsapp.

To know more, Call & Whatsapp :
076 99 36 6 36

19/01/2021

𝙒𝙚 𝙖𝙧𝙚 𝙝𝙞𝙧𝙞𝙣𝙜 𝙣𝙤𝙬!!!
------------------------------------
We open our doors for you to join our team.
in this 2021, Make your career with

𝗦𝗲𝗻𝗱 𝘆𝗼𝘂𝗿 𝘂𝗽𝗱𝗮𝘁𝗲𝗱 𝗖𝗩'𝘀
𝟬𝟳𝟲 𝟬𝟵𝟲 𝟴𝟲 𝟴𝟳

04/01/2021

𝐖𝐚𝐧𝐭𝐞𝐝!!!
-----------------
𝙒𝙚 𝙖𝙧𝙚 𝙝𝙞𝙧𝙞𝙣𝙜!

𝙎𝙩𝙖𝙧𝙩 𝙮𝙤𝙪𝙧 𝙘𝙖𝙧𝙚𝙚𝙧 𝙬𝙞𝙩𝙝
and join in the list of #𝘼𝙘𝙝𝙞𝙚𝙫𝙚𝙧𝙨

𝙎𝙚𝙣𝙙 𝙮𝙤𝙪𝙧 𝙪𝙥𝙙𝙖𝙩𝙚𝙙 𝘾𝙑'𝙨 𝙩𝙤 𝙗𝙚𝙡𝙤𝙬 𝙬𝙝𝙖𝙩𝙨𝙖𝙥𝙥
𝟬𝟳𝟲 𝟬𝟵𝟲 𝟴𝟲 𝟴𝟳
𝙄𝙣𝙛𝙤'𝙨 :
𝟬𝟳𝟭 𝟵𝟯 𝟵𝟵 𝟯𝟭𝟲

02/01/2021

𝙒𝙚 𝙖𝙧𝙚 𝙝𝙞𝙧𝙞𝙣𝙜 𝙣𝙤𝙬!!!

We open our doors for you to join our team.
in this 2021, Make your career with

𝗦𝗲𝗻𝗱 𝘆𝗼𝘂𝗿 𝘂𝗽𝗱𝗮𝘁𝗲𝗱 𝗖𝗩'𝘀
𝟬𝟳𝟲 𝟬𝟵𝟲 𝟴𝟲 𝟴𝟳

31/12/2020

Let the past to back.
Focus to move forward.
Another chance to achieve whatever we missed.

wishing you to a great and successful year ahead.

15/11/2020

சமூகவிலக்கலை பின்பற்றாத பேருந்தின் சாரதியும் நடத்துனரும் கைது
******************

பேருந்தொன்றில் சமூகவிலக்கல் நடைமுறைகள் பின்பற்றப்படவில்லை என பொதுமக்கள் முறைப்பாடு செய்ததை தொடர்ந்து பொலிஸார் அந்த பேருந்தினை கைப்பற்றியுள்ளதுடன் சாரதியையும் நடத்துனரும் கைதுசெய்துள்ளனர்.

கொழும்பிலிருந்து மத்துகமவிற்கு சென்று கொண்டிருந்த பேருந்து தொடர்பில் முறைப்பாடு கிடைத்தது என பொலிஸ் பேச்சாளர் தெரிவித்துள்ளார்.

பயணிகள் பாணந்துறை பொலிஸாரிடம் இது குறித்து முறைப்பாடு செய்தனர் என பொலிஸ் பேச்சாளர் தெரிவித்துள்ளார்.

பேருந்து சாரதியும் நடத்துனரும் தனிமைப்படுத்தல் விதிமுறைகளை மீறியுள்ளனர் அவர்களுக்கு எதிராக குற்றச்சாட்டுகள் சுமத்தப்படும் என பொலிஸ் பேச்சாளர் தெரிவித்துள்ளார்.

பேருந்து சாரதியும் நடத்துனரும் விதிமுறைகளை மீறினார்கள் என்பதற்கான வீடியோ ஆதாரங்கள் பெறப்பட்டுள்ளதாக பொலிஸ்பேச்சாளர் தெரிவித்துள்ளார்.

10/11/2020

அமெரிக்காவின் பாதுகாப்புச் செயலாளரை பதவியிலிருந்து நீக்கிய டொனால்ட் ட்ரம்ப்!
*****************************************

அமெரிக்காவின் பாதுகாப்புச் செயலாளரான மார்க் எஸ்பரை ( Mark Esper) பதவியிலிருந்து நீக்கியுள்ளதாக ஜனாதிபதி டொனால்ட் ட்ரம்ப்(Donald Trump) தெரிவித்துள்ளார்.

இது குறித்து ட்ரம்ப் தனது டுவிட்டர் பக்கத்தில்
”மார்க் எஸ்பர் ஆற்றிய சேவைக்கு நன்றி” எனவும், அவரை பதவியில் இருந்து நீக்குவதாகவும் குறிப்பிட்டுள்ளார்.

மேலும் அவருக்கு மாற்றாக பயங்கரவாத எதிர்ப்பு அமைப்பின் இயக்குனராகவுள்ள கிறிஸ்டோபர் மில்லர் (Christopher Miller) என்பவரை பாதுகாப்புச் செயலாளராக நியமித்துள்ளதாகத் தெரிவித்துள்ளார்.

ட்ரம்பின் பதவிக்காலம் முடிவடைய இன்னும் 70 நாட்களே உள்ள நிலையில், அமைச்சரவையில் இந்த மாற்றத்தை அவர் செய்துள்ளமை குறிப்பிடத்தக்கது.

07/11/2020

கொவிட் 19 : மரண எண்ணிக்கை 30ஆக உயர்வு
********************************************

இலங்கையில் 30 ஆவது கொவிட் 19 மரணம் பதிவாகியுள்ளதாக சற்றுமுன்னர் சுகாதார சேவை பணிப்பாளர் நாயகம் வைத்திய நிபுணர் வைத்திய அசேல குணவர்தன உறுதிப்படுத்தியுள்ளார்.
23 வயதுடைய கொழும்பு 15, முகத்துவாரம் பகுதியை சேர்ந்த இளைஞன் ஒருவனே இவ்வாறு உயிரிழந்துள்ளதாக தெரிவிக்கப்படுகிறது.

கொழும்பு ஐடிஎச் வைத்தியசாலையில் சிகிச்சைப் பெற்று வந்த நிலையில் நேற்றைய தினம் (05) குறித்த இளைஞன் உயிரிழந்துள்ளான்.

நீரிழிவு நோயுடன் கொவிட் 19 தொற்று ஏற்பட்டமை காரணமாக இந்த மரணம் சம்பவித்துள்ளதாக அவர் தெரிவித்தார்.

குறித்த 23 வயது இளைஞர், முஸ்லிம் இளைஞர் என ஆசாத் சாலி குறிப்பிட்டார்.

06/11/2020

20 நிமிடங்களில் கொரோனாவை கண்டறிய அவசர பரிசோதனை
********************

ஒருவருக்கு கொரோனா வைரஸ் தொற்றியுள்ளதா என்பதை 20 நிமிடங்களில் கண்டறியக்கூடிய அவசரப் பரிசோதனை நிகழ்ச்சித் திட்டத்தை ஆரம்பிப்பதற்கு சுகாதார அமைச்சு நடவடிக்கை எடுத்துள்ளது.

இந்தப் பரிசோதனை முறை மூலம் பீ.சீ.ஆர் பரிசோதனை ஊடாக தொற்றாளர்களை இனக்காண்பதையும் விட, விரைவில் நோயாளர்களை இனங்காண முடியும் என்று சுகாதார அமைச்சின் இரசாயனகூட சேவைப் பிரிவின் பிரதிப் பணிப்பாளர் டொக்டர் சமன் ரத்னாயக்க தெரிவித்தார்.

இதன்படி, உலக சுகாதார அமைப்பினால் அனுமதிக்கப்பட்டுள்ள இரண்டு இலட்சம் வைரஸ் பரிசோதனைக் கட்டமைப்புக்களை கொரியாவில் இருந்து தருவித்திருப்பதாகவும் பிரதிப் பணிப்பாளர் கூறினார்.

அடுத்த வாரம் இவ்வாறான எட்டு இலட்சம் பரிசோதனைக் கருவிகளை தருவிப்பதற்கு அமைச்சு நடவடிக்கை எடுத்திருப்பதாக தெரிவித்த அவர், முதலில் தருவிக்கப்படும் இந்த கருவிகள் மூலம் முதலீட்டுச் சபையிலும் மற்றும் ஏற்றுமதி அபிவிருத்தி சபையின் தொழிற்சாலையிலும் பணிபுரியும் சுமார் 8 இலட்சம் ஊழியர்கள் பரிசோதிக்கப்படவுள்ளனர் என்றும் சுகாதார அமைச்சின் இரசாயனகூட சேவைப் பிரிவின் பிரதிப் பணிப்பாளர் டொக்டர் சமன் ரத்னாயக்க மேலும் தெரிவித்தார்.

06/11/2020

வத்தளையில் உள்ள விளையாட்டு பொம்மைகள் தயாரிக்கும் தொழிற்சாலையில் 119 பேருக்கு கொரோனா
************

வத்தளை பகுதியில் அமைந்துள்ள விளையாட்டு பொம்மைகள் தயாரிக்கும் தொழிற்சாலை ஒன்றில் கொரோனா பரவியிருப்பது தெரிய வந்திருக்கின்றது.

இங்கு மேற்கொள்ளப்பட்ட பி.சி.ஆர். பரிசோதனையின்போது 119 பேருக்கு கொரோனா இருப்பது உறுதிப்படுத்தப்பட்டுள்ளது.

இந்தத் தொழிற்சாலையில் 697 பேர் வேலை செய்வதாகவும் இவர்களில் சுமார் 400 பேருக்கு மேற்கொள்ளப்பட்ட பி.சி.ஆர். பரிசோதனையின் முடிவுகள் எதிர்பார்க்கப்படுவதாகவும் தெரிவிக்கப்பட்டது.

06/11/2020

சுயதனிமைப்படுத்தலில் இருந்து மீண்ட நபர் தற்கொலை
*************************

சுயதனிமைப்படுத்தலில் இருந்து மீண்ட நபர் ஒருவர் தற்கொலை செய்துகொண்டுள்ளார்.

புத்தளம் பகுதியைச் சேர்ந்த 55 வயதான நபர் ஒருவரே இவ் வாறு உயிரிழந்துள்ளதாகவும் , குறித்த நபர் புத்தளம் பகுதியில் உள்ள வீதியில் கண்டெடுக்கப்பட்டதாகவும் பொலிஸார் தெரிவித்துள்ளனர்.

குறித்த நபர் புத்தளம் பிரதேசத்தில் அமைந்துள்ள ஹோ ட்டல் ஒன்றில் பணியாற்றிய ஊழியர் என தெரிய வந்துள்ளது.

இந்நிலையில், குறித்த ஹோட்டலுக்கு கடந்த சில நாட் களுக்கு முன்னர் கொரோனா தொற்றாளர் என அடை யாளம் காணப்பட்ட நபர் சென்றமையை அடுத்து உயிரிழந்த நபர் உட்பட அங்கு பணிப்புரிந்த அனைத்து ஊழியர்களும் சுயதனிமைப்படுத்தப்பட்டுள்ளனர்.

இந்நிலையில், தனிமைப்படுதலுக்காக வீடு திரும்பிக் கொண்டிருந்த நபரே இவ்வாறு உயிரிழந்துள்ளதாகச் சிங்கள ஊடகம் ஒன்று தகவலை வெளியிட்டுள்ளது.

உயிரிழந்த நபரின் பிரேதப் பரிசோதனை இன்றைய தினம் மேற்கொள்ளப்படும் என தெரிவித்துள்ளது.

அத்துடன், பி.சி.ஆர். பரிசோதனையில் குறித்த நபர் கொ ரோனா தொற்றாளர் இல்லை என தெரியவந்துள்ளமை குறிப்பிடத்தக்கது.

05/11/2020

இன்று மட்டும் ஐந்து பேர் மரணம்; மூவர் பெண்கள்
**********************************************

நாட்டில் தீவிரமாக பரவி வரும் கொரோனா காரணமாக இன்று மட்டும் ஐந்து பேர் பலியாகி இருப்பதாக சுகாதாரப் பகுதியினர் தெரிவித்துள்ளனர்.

இதன்மூலம் கொரோனாவினால் மரணமடைந்தவர்களின் தொகை 29 ஆக அதிகரித்திருக்கிறது.

இலங்கையில் கொரோனா பரவ ஆரம்பித்த பின்னர் ஒரே நாளில் அதிகளவானவர்கள் மரணமடைந்திருப்பது இருதான் முதன்முறையாகும்.

இன்று மரணமடைந்தவர்கள் 46, 68, 58, 73, 74 வயதைச் சேர்ந்வர்களாகும். இதில் மூவர் பெண்களாவார்.

05/11/2020

மட்டக்களப்பில் வைத்தியரின் ஏ.ரி.எம். அட்டையை திருடி மதுபானம் வாங்கிய நபர் விளக்கமறியலில்
***********************************************

மட்டக்களப்பில் வைத்தியர் ஒருவரின் வங்கி ஏ.ரி.எம் அட்டையை திருடி மதுபானக்கடையில் 20 ஆயிரம் ரூபாவுக்கு மதுபானம் வாங்கி அருந்திய 40 வயதுடைய ஒருவரை 14 நட்கள் விளக்கமறியலில் வைக்குமாறு மட்டக்களப்பு நீதவான் நீதிமன்ற நீதிபதி ஏ.சி.ஏ. றிஸ்வான் உத்தரவிட்டார்.

குறித்த வைத்தியர் தனியார் வங்கி ஒன்றின் ஏ.ரி.எம். அட்டையை பயன்படுத்தி அவரது சம்பளத்தை பெற்றுவந்துள்ளார். இந்த நிலையில் அவரின் குறித்த ஏ.ரி.எம். அட்டை காணாமல்போன நிலையில் மதுபானக்கடை இரண்டில் 20 ஆயிரம் ரூபாவுக்கு மதுபானம் கொள்வனவு செய்யப்பட்டுள்ளதாக அவரின் வங்கிக் கணக்கில் பணம் கழிக்கப்பட்டு அவரின் கையடக்கத் தொலைபேசிக்கு வங்கியின் குறுந்தகவல் வந்துள்ளது.

இதனையடுத்து பொலிசாருக்கு முறையிட்டதையடுத்து பொலிசார் மதுபானக்கடைகளுக்கு சென்று விசாரணையில் மட்டக்களப்பு 2 ஆம் குறுக்கு வீதியைச் சேர்ந்த 40 வயதுடைய ஒருவர் வைத்தியரின் ஏ.ரி.எம். அட்டையை வழங்கி ஒருகடையில் 10 ஆயிரம் ரூபாவுக்கு பியரும் இன்னொரு மதுபானக்கடையில் 10 ஆயிரம் ரூபாவுக்கு மதுபானங்களை கொள்வனவு செய்துள்ளார் என கண்டுபிடிக்கப்பட்டதையடுத்து கைது செய்தனர்

இதில் கைது செய்யப்பட்டவரை திங்கட்கிழமை (02) மட்டக்களப்பு நீதவான் நீதிமன்றத்தில் நீதிபதி எ.சி.ஏ. றிஸ்வான் முன்னிலையில் ஆஜர்படுத்தப்பட்ட போது அவரை எதிர்வரும் 16 ஆம் திகதிவரை விளக்கமறியலில் வைக்குமாறு உத்தரவிட்டார்.

05/11/2020

எந்த கொத்தணியுடனும் தொடர்பில்லாத தனிநபர்கள் பாதிக்கப்படுவது எப்படி ? அரசாங்க வைத்திய உத்தியோகத்தர் சங்கம் கேள்வி? சமூகப்பரவல் உள்ளது என கருத்து
**********************************

அரசாங்க வைத்திய உத்தியோகத்தர் சங்கத்தின் தலைவர் மருத்துவர் கிசாந்த தசநாயக்க தெரிவித்துள்ளார்.

கொரோனா சமூகத்திற்குள் பரவியமைக்கான பொறுப்பை அரசாங்கமே எடுக்கவேண்டும் என அவர் தெரிவித்துள்ளார்.

உயிரிழந்தவர்களின் உடல்களை மருத்துவமனைக்கு கொண்டுவந்து பிரதேப்பரிசோதனையை மேற்கொண்டவேளை அவர்கள் கொரோனா வைரசினால் பாதிககப்பட்டுள்ளமை தெரியவந்துள்ளதை அவர் சுட்டிக்காட்டியுள்ளார்.

எந்த கொத்தணியுடனும் தொடர்பில்லாத தனிநபர்கள் கொரோனா வைரஸ் நோயாளிகளாக அடையாளம் காணப்பட்டுள்ளனர் என அவர் தெரிவித்துள்ளார்.

இதன்காரணமாக சமூக பரவல் இருப்பது உறுதியாகியுள்ளது என அவர் குறிப்பிட்டுள்ளார்.
அரசாங்கம் பொறுப்பற்ற விதத்தில் செயற்படுகின்றது நிர்வாகத்தின் நடவடிக்கைகளே வைரஸ் அச்சம் தரும் விதத்தில் பரவுவதற்கு காரணம் எனவும் அவர் குறிப்பிட்டுள்ளார்.

தனிமைப்படுத்தலில் இருப்பவர்களை பராமரிக்குமாறு அவர்களின் அயலவர்களை அரசாங்கம் கேட்டுக்கொண்டுள்ளது இதன் காரணமாக அது தனது கடமையை மக்களிடம் சுமத்தியுள்ளது எனவும் அவர் தெரிவித்துள்ளார்.

05/11/2020

மேலும் 273 பொலிஸ் அதிகாரிகளுக்கு கொரோனா
***************

இன்றைய தினம் 273 பொலிஸ் அதிகாரிகள் கொரோனா தொற்றாளர்களாக அடையாளம் காணப்பட்டுள்ளதாக கொவிட்-19 பரவலைத் தடுப்பதற்கான தேசிய செயற்பாட்டு நிலையம் தெரிவித்துள்ளது.

இந்நிலையில், 180 பொலிஸ் அதிகாரிகள் மேல் மாகாணத்தில் உள்ள பொலிஸ் நிலையங்களில் இணைக்கப்பட்ட அதிகாரிகள் என பொலிஸ் அலுவலகம் தெரிவித்துள்ளது.

தனிமைப்படுத்தப்பட்ட நிலையங்களுக்கு அனுப்பப்பட்ட பொலிஸ் அதிகாரிகளின் எண்ணிக்கை 257 ஆகவும், சுய தனிமைப்படுத்தலுக்கு உள்ளாக்கப்பட்ட பொலிஸ் அதிகாரிகளின் எண்ணிக்கை 1302 ஆகவும் உயர்ந்துள்ளமை குறிப்பிடத்தக்கது

05/11/2020

ஏறாவூரில் முதலாவது தொற்று

ஏறாவூர் பொலிஸ் பிரிவில் ஏறாவூர் மிச்நகர் RDS வீதி, மீன் வியாபாரி ஒருவருக்கு கொரோனா தொற்று உறுதி செய்யப்பட்டுள்ளது.

இத்தகவலை கிழக்கு மாகாண சுகாதார சேவைகள் பணிப்பாளர் Dr.அ.லதாகரன் தெரிவித்துள்ளார்.

இதனையடுத்து மட்டக்களப்பு மாவட்டத்தில் தொற்று கண்டறியப்பட்டோர் எண்ணிக்கை 44 ஆக அதிகரித்துள்ளது.

04/11/2020

அமெரிக்க ஜனாதிபதி தேர்தலில் அதிக வாக்குகளை பெற்ற வேட்பாளர் என்ற வரலாற்று சாதனையை ஜோ பைடன் நிகழ்த்தியுள்ளார்.

இன்னும் பல வாக்குகள் எண்ணப்படவுள்ள நிலையில் ஜோ பைடன் இதுவரையில் 69, 759,833 வாக்குகளை பெற்று,2008 இல் பராக் ஒபாமா பெற்ற 69, 458, 516 வாக்குகள் என்ற சாதனையை முறியடித்துள்ளார்.

2016 இல் ஹிலாரி கிளின்டன் பெற்ற வாக்குகளை விட 3.9 மில்லியன் வாக்குகள் அதிகமான பைடன் பெற்றுள்ளார்.

டிரம்ப் இதுவரை 67,160,663 என்ற வாக்குகளை பெற்றுள்ளார் இது 2012 இல் ஒபாமா பெற்ற வாக்குகளை விட அதிகமானதாகும்.

04/11/2020

கொவிட்- 19; கொழும்பு தேசிய வைத்தியசாலையில்இரு வயோதிபர்கள் உயிரிழப்பு
**********************************************

கொவிட் -19 தொற்றால் இன்று இருவர் உயிரிழந்துள்ளதாக கொழும்பு தேசிய வைத்தியசாலை அறிவித்துள்ளது.

சுகாதார அமைச்சின் பேச்சாளர் டொக்டர் ஜெயருவான் பண்டார, 77 மற்றும் 78 வயதுகளையுடைய இரு ஆண்களே உயிரிழந்துள்ள தாகத் தெரிவித்தார்.

78 வயதானவர் தலையில் ஏற்பட்ட காயம் காரணமாகவும் மற்றவர் வீட்டிலும் இறந்துள்ளனர். இருவரது உடல்களிலும் பிசிஆர் பரிசோதனை மேற்கொண்டதில் கொவிட்-19 தொற்று இருந்தது உறுதியாகியுள்ளது.

இருப்பினும் இரு மரணங்களும் கொவிட்- 19 ஆல் நிகழ்ந்ததா என்பது நிச்சயமற்றது எனவும் அவர் கூறினார். இதன்படி கொவிட்-19 இறப்புகள் 25 ஆக பதிவாகியுள்ளன.

04/11/2020

அன்புப் பொது மக்களுக்கு காத்தான்குடி நகர முதல்வர், பிரதேச செயலாளர், சுகாதார வைத்திய அதிகாரி, இராணுவக்கட்டளைத் தளபதி, பொலீஸ் நிலைய பொறுப்பதிகாரி, ஜம்இய்யத்துல் உலமா, பள்ளிவாயல்கள் முஸ்லிம் நிறுவனங்களின் சம்மேளனம், வர்த்தக சங்கம், சுகாதார பரிசோதகர்கள் ,இணைந்து விடுக்கும் முக்கிய அறிவித்தல்.
********************

காத்தான்குடி சுகாதாரப் பிரிவில் Covid-19 தொற்றாளர் ஒருவர் அடையாளப்படுத்தப் பட்டுள்ளதைத் தொடர்ந்து 04.11.2020ம் திகதி இன்று சுகாதார வைத்திய அதிகாரி அலுவலகத்தில் இடம்பெற்ற முக்கிய கலந்துரையாடலில் பின்வரும் தீர்மானங்கள் எடுக்கப்பட்டன.

1. 167B கிராம சேவகர் பிரிவில் Covid-19 தொற்றாளர் ஒருவர் அடையாளப்படுத்தப் பட்டுள்ளதாலும் அவருடன் நேரடி தொடர்புடைய பலர்(First contact) ஊரின் பல பகுதிகளிலும் அடையாளப் படுத்தப்பட்டுகொண்டு வருவதாலும் பொதுமக்கள் அதி அத்தியவசிய தேவை தவிர்ந்த வேறு எக்காரணத்தைக் கொண்டும் வீடுகளை விட்டு வெளியில் வரவேண்டாம் என்றும் எப்பொழுதும் சமூக இடைவெளியைப் பேணி முகக்கவசம் அணிந்து கைகளை அடிக்கடி கழுவுவதுடன் குழந்தைகள் மற்றும் முதியவர்கள் தொடர்பில் அதிக அக்கறை எடுக்குமாறும் வேண்டிக்கொள்ப்படுகின்றனர்.

2. பாமசி தவிர்ந்த உணவகங்கள் உட்பட சகல வர்த்தக நிலையங்களும் மறு அறிவித்தல் வரை இரவு 9 மணியுடன் மூடி , வீதிகளில் அதன் பின்னரான நடமாட்டத்தை முற்றாக குறைத்தல் வேண்டும்.

3. கடற்கரை , ஆற்றங்கரை , விளையாட்டு மைதானங்கள் , சிறுவர் பூங்காக்கள் என எந்தவொரு இடத்திலும் பொதுமக்கள் சேர்வது மறு அறிவித்தல் வரை முற்றாகத் தடைசெய்யப்பட்டுள்ளது.

4. காத்தான்குடி நகர எல்லைக்குள் யாசகம் கேட்பதும் வழங்குவதும் மறு அறிவித்தல் வரை முற்றாகத் தடைசெய்யப்பட்டுள்ளது.

5. ஏற்கனவே அறிவித்தது போன்று சகல உணவகங்களிலும் Take away மாத்திரம் அனுமதிக்கப்படுவதுடன் சிகை அலங்கார நிலையங்களை திறப்பதும் மறு அறிவித்தல் வரை முற்றாக தடைசெய்யப்பட்டுள்ளது.

எனவே மேற்படி அறிவுறுத்தல்கள் தொடர்பில் பொது மக்கள் மிகவும் எச்சரிக்கையுடனும் சமூகப் பொறுப்புடனும் நடந்து தங்களையும் தங்கள் ஊரையும் பாதுகாக்க பூரண ஒத்துழைப்பு வழங்குமாறு அன்புடன் வேண்டிக்கொள்கின்றோம்.

நன்றி
இவ்வண்ணம்
காத்தான்குடி நகருக்கான Covid -19 தடுப்பு செயலணி சார்பாக

SHM.அஸ்பர் JP UM
நகர முதல்வர், நகரசபை, காத்தான்குடி.

04/11/2020

Sad News:
மேலும் ஒரு கொரோனா தொற்று மரணம் நிகழ்ந்துள்ளது.

நாட்டில் 24 வது கொரோனா தொற்று மரணம் கொழும்பு தேசிய வைத்தியசாலையில் இருந்து பதிவாகியுள்ளது.
மரணித்தவர் கொழும்பு 13 இல் வசிக்கும் 78 வயதுடையவர் என அடையாளம் காணப்பட்டுள்ளார்.

04/11/2020

வெற்றியை நோக்கி ஜோ பைடன்.
********************************

நடைபெற்று முடிந்த அமெரிக்க ஜனாதிபதி தேர்தல்
முடிவுகளின் தற்போதைய நிலவரப்படி ஜோ பைடன் முன்னிலை வகித்து வருவதாக அமெரிக்க ஊடகங்கள் தெரிவிக்கின்றன.

ஜோ பைடன் 209 தேர்தல் சபை வாக்குகளைப்பெற்று முன்னிலை வகிக்கிறார். , டொனால்ட் டிரம்ப் 118 தேர்தல் சபை வாக்குகளைப் பெற்று பின்னடைவு கண்டுள்ளதாகத் தகவல்கள் வெளியாகியுள்ளன.

270 தேர்தல் தொகுதிகளை வெல்வதற்கு ஜோ பைடனுக்கே வாய்ப்புகள் அதிகம் உள்ளதாக அமெரிக்க ஊடகங்கள் மேலும் தெரிவிக்கின்றன.

04/11/2020

உடல்களை அடக்கம் செய்யலாமாவென நிபுணர்கள் குழு ஆராய்வார்கள் - பவித்ரா
***************************************

கொரோனா வைரசினால் உயிரிழந்த முஸ்லீம்களின் உடல்களை அடக்கம் செய்வதற்கு அனுமதிக்கவேண்டும் என்ற கோரிக்கைகள் குறித்து அரசாங்கம் ஆராய்ந்து வருகின்றது என சுகாதார அமைச்சரும் நீதியமைச்சரும் நாடாளுமன்றத்தில் தெரிவித்துள்ளனர்.

தொற்றுநோயியல் மற்றும் மருத்துவ நிபுணர்கள் அடங்கிய குழுவொன்று கொவிட் 19 காரணமாக உயிரிழந்தவர்களின் உடல்களை அகற்றுவதற்கான பொருத்தமான வழிமுறைகள் குறித்து ஆராயும் என தெரிவித்துள்ள சுகாதார அமைச்சர் உடல்களை அடக்கம் செய்வதற்கு அனுமதிக்கலாமா என்பது குறித்தும் குறிப்பிட்ட குழுவினர் ஆராய்வார்கள் என தெரிவித்துள்ளனர்.

04/11/2020

மூட நம்பிக்கைகளின் பின்னால் செல்லாது, மருத்துவ ஆலோசனைகளை பின்பற்றுங்கள் - பிக்குமார்
***********
நாடு தொற்று நோய் பரவலை எதிர்நோக்கி இருக்கும் சந்தர்ப்பத்தில் மூட நம்பிக்கைகளின் பின்னால் செல்லாது மருத்துவ ஆலோசனைகளை பின்பற்றி விழிப்புடன் நடந்துகொள்ளுமாறு பௌத்த பிக்குமார், இலங்கை மக்களிடம் கோரிக்கை விடுத்துள்ளனர்.
மாய மந்திரங்கள், தெய்வசக்திகள் உட்பட வேறு வழிபாடுகள் மூலம் கொரோனா வைரஸை ஒழிக்க முடியும் என்ற நம்பிக்கை பௌத்த தர்மம் ஏற்றுக்கொள்ளாது என தென்னிலங்கையின் பிரதான சங்க நாயக்கர் கலாநிதி ஓமல்பே சோபித தேரர் தெரிவித்துள்ளார்.

பௌத்த தர்மம் அப்படியானவற்றை செய்யுமாறு மக்களை தூண்டாது. இவை மூட நம்பிக்கை எனவும் அவர் கூறியுள்ளார்.

கொரோனா வைரஸ் பரவலை கட்டுப்படுத்துவதற்கு தேவையான சுகாதார வழிமுறைகள் மற்றும் ஆலோசனைகளுக்கு அப்பால் சென்று மூட நம்பிக்கைகள் மீது நம்பிக்கை வைப்பது தொடர்பாக சமூகத்தில் கடுமையான வாத விவாதங்கள் ஏற்பட்டுள்ள பின்னணியில் சோபித தேரர் இதனை கூறியுள்ளார்.

இது குறித்து கருத்து வெளியிட்டுள்ள ஸ்ரீ வல்பொல ராகுல நிதியத்தின் கல்கந்தே தம்மானந்த தேரர், பின்பற்றுதல்களுக்கு பின்னால் செல்வதை நிறுத்தி விட்டு, இந்த சந்தர்ப்பத்தில் விழிப்புடன் செயற்பட வேண்டும் என குறிப்பிட்டுள்ளார்.

வணங்குதல்,பூஜைகளை செய்தல், ஊர்வலங்களை நடத்துதல் பௌத்த தர்மத்தில் உள்ளவை அல்ல. இவை காலத்துடன் ஏற்பட்ட கலாசார விடயங்கள். பௌத்த தர்மத்திற்கு அமைய இந்த சந்தர்ப்பத்தில் விழிப்புடன் செயற்பட வேண்டும்.

பௌத்த தர்மத்தின் பெறுமதியான படிப்பினைகளை செயற்பாட்டு ரீதியான செயற்படுத்த மக்களை ஊக்குவிக்க வேண்டியதே தற்போது செய்ய வேண்டும் எனவும் தம்மானந்த தேரர் மேலும் தெரிவித்துள்ளார்.

03/11/2020

இலங்கையில் கொரோனா தொற்றினால் 23வதாக மரணமானவரின் விபரம் வெளியானது...!
************************************

கொழும்பு-15 பிரதேசத்தை சேர்ந்த 61 வயதுடைய பெண் ஒருவர் நேற்று (02) அவரது வீட்டில் உயிரிழந்த நிலையில் பிரேத பரிசோதனையின் போது அவருக்கு கொரோனா தொற்று உறுதிப்படுத்தப்பட்டுள்ளது.

குறித்த பெண் காய்ச்சல், இருமல், தொண்டை வலி ஆகிய நோய்களினால் பாதிக்கப்லட்டிருந்ததாகவுன் பிரேத பரிசோதனையில் தெரியவந்துள்ளது.

எவ்வாறாயினும், சுவாசப்பை கோளாறு காரணமாவே உயிரிழந்துள்ளதாக இனங்காணப்பட்டுள்ளது.

இந்த மரணம் இலங்கையில் பதிவான 23 ஆவது கொரோனா மரணமாக பதிவாகியுள்ளதாக சுகாதார சேவைப் பணிப்பாளர் நாயகம் தெரிவித்துள்ளார்.

03/11/2020

இலங்கை தென்கிழக்குப் பல்கலைக்கழகத்தின் நான்காவது பீடமாக ஆரம்பிக்கப்பட்ட இஸ்லாமிய கற்கைகள் மற்றும் அறபு மொழிப்பீடமானது இஸ்லாமிய கற்கைகள் துறையில் முதுதத்துவமாணி மற்றும் கலாநிதி பட்டங்களுக்கான விண்ணப்பங்களைக் கோரியுள்ளது (ஆய்வு வழியாக).

இலங்கை தென்கிழக்குப் பல்கலைக்கழக உபவேந்தர் பேராசிரியர் எம்.எம்.எம். நாஜிம் அவர்களின் சீரிய வழிகாட்டலின் கீழ் , இஸ்லாமியக் கற்கைகள் மற்றும் அறபு மொழி பீட பீடாதிபதி அஷ்ஷெய்க் கலாநிதி எஸ்.எம்.எம். மஸாஹிர் அவர்களின் கடின முயற்சியின் பலனாகவும், துறைத் தலைவர்கள் மறறும் சிரேஷ்ட விரிவுரையாளர்களின் பங்குபற்றுதலுடனும் இக்கற்கை நெறிகள் ஆரம்பமாகவுள்ளமை குறிப்பிடத்தக்கது.

முக்கியமாக குறித்த பீடத்தின் பீடாதிபதி அஷ்ஷெய்க் கலாநிதி எஸ்.எம்.எம். மஸாஹிர் அவர்களின் அர்ப்பணிப்புடனான உழைப்பின் பலனாக இஸ்லாமிய கற்கைகள் மற்றும் அறபு மொழி பீடமானது பல முக்கிய மைல்கற்களை அடைந்துள்ளமை குறிப்பிடப்பட வேண்டிய முக்கிய விடயமாகும்.
தொடர்ச்சியாக இஸ்லாமிய கற்கைகள் மற்றும் அறபு மொழித்துறை தொடர்பான சர்வதேச ஆய்வு மாநாடுகளை வருடாவருடம் சிறப்பாக நடாத்தி வருவதோடு மாணவர்களை ஆய்வுத்துறையில் ஈடுபடுத்தும் நோக்கில் சமூக ஆய்வுகளுக்கான மாணவர் ஆய்வு மன்றம் ஒன்றை நிறுவி அதன் வழியாக பல சிறந்த ஆய்வாளர்கள் உதயமாகியுள்ளமை கவனிக்கத்தக்கது.

அத்தோடு இலங்கையில் இஸ்லாமிய கற்கைகள் மற்றும் அறபு மொழிக்கென்று முதலாவதும் ஒரேயொரு ஆய்வு சஞ்சிகையுமான Sri Lankan Journal of Arabic and Islamic Studies என்ற இணையவழி ஆய்வு சஞ்சிகையை ஆரம்பித்து சிறந்த பல ஆய்வுக் கட்டுரைகள் வெளிவர ஏதுவாக இருந்து வருகிறார்.

அந்த வரிசையில்தான் இஸ்லாமிய கற்கைகள் துறையில் முதுதத்துவமாணி (ஆய்வு வழி) மற்றும் கலாநிதிப் (ஆய்வு வழி) பட்டங்கள் ஆரம்பமாகவுள்ளன.

இது தொடர்பான மேலதிக விடயங்களை அறிய http://www.seu.ac.lk/fia/pgia.php எனும் இணையத்தளத்தையும், விண்ணப்பப்படிவங்களை பதிவிறக்கம் செய்ய http://www.seu.ac.lk/fia/downloads.php எனும் இணையத்தளத்தையும் தரிசிக்க முடியும்.

மேலதிக விபரங்களை அறிய இணைப்பாளரை தொடர்பு கொள்ள முடியும்.

Program Coordinator (MPhil/Ph.D.)
Faculty of Islamic Studies and Arabic Language,
South Eastern University of Sri Lanka,
Email: [email protected]
Tel: +94 779523489

03/11/2020

காத்தான்குடியில் முதலாவது கொரோனா தொற்றாளர் அடையாளம்
*******************

காத்தான்குடி பொலிஸ் பிரிவில் இன்று (03) ஒருவருக்கு கொரோனா தொற்று உறுதி செய்யப்பட்டுள்ளதாக கிழக்கு மாகாண சுகாதார சேவைகள் பணிப்பாளர் அ.லதாகரன் தெரிவித்துள்ளார்.

குறித்த நபர் கொழும்புக்கு வேலை நிமிர்த்தமாக சென்று வந்து இருந்தவர். இவர் சுகயீனம் காரணமாக மட்டக்களப்பு போதனா வைத்தியசாலையில் அனுமதிக்கப்பட்டுள்ளார்.

இதன்போது அவருக்கு பி.சி.ஆர் பரிசோதனை மேற்கொண்டபோது கொரோனா தொற்று இருப்பது இன்று கண்டறியப்பட்டுள்ளதாக தெரிய வருகின்றது.

03/11/2020

ஆற்றில் நீர்நிரம்பிய பானையை வீசினால் கொரோனா வைரசினை கட்டுப்படுத்த முடியும் என நான் நம்புகின்றேன் – சுகாதார அமைச்சர்
****************************************

கொரோன வைரசினை கட்டுப்படுத்துவதற்காக கடவுளின் அருளை பெறுவதற்காக தான் மேற்கொண்ட செயலை சுகாதார அமைச்சர் பவித்திரா வன்னியாராச்சி நாடாளுமன்றத்தில் நியாயப்படுத்தியுள்ளார்.

கொரோனா வைரசினை கட்டுப்படுத்துவதற்காக ஆற்றுநீரில் பானையை வீசிய சுகாதார அமைச்சரின் செயல் குறித்து விமர்சனங்கள் கேலிசெய்யும் கருத்துக்களும் வெளியாகியுள்ளன.

இதனை நியாயப்படுத்தியுள்ள சுகாதார அமைச்சர் கடவுளின் அருளை பெறுவதற்காகவே தான் அதனை செய்ததாக குறிப்பிட்டுள்ளார்.

சுகாதார விதிமுறைகளை நடைமுறைப்படுத்தும் அதேவேளை கடவுளின் அருளை பெறுவதற்கான நடவடிக்கைகளிலும் ஈடுபடதயராவுள்ளேன் என அவர் தெரிவித்துள்ளார்.

உறுதியான பௌத்த பிரஜை என்ற அடிப்படையில் நான் பௌத்த போதனைகளையும் சடங்குகளையும் நான் பின்பற்றுகின்றேன் என சுகாதார அமைச்சர் தெரிவித்துள்ளார்.

ஆற்றில் நீர்நிரம்பிய பானையை வீசினால் கொரோனா வைரசினை கட்டுப்படுத்த முடியும் என்பது எனது நம்பிக்கைகளில் ஒன்று எனவும் அவர் தெரிவித்துள்ளார்.

தனது நடவடிக்கைகளை விமர்சித்தமைக்காக சமூக ஊடகங்களை அவர் கண்டித்துள்ளார்.

03/11/2020

மூதூரில் மனைவிக்கு போதை ஊட்டி கூட்டு பாலியல் வல்லுறவு - கணவருக்கு 15 வருட கடூழிய சிறை - மேல் நீதிமன்றம் உத்தரவு
- - - - - - - - - - - - - - - - - - - - - - - -

திருகோணமலை- மூதூர் பிரதேசத்தில் திருமணம் செய்த மனைவிக்கு போதை ஊட்டி கூட்டு பாலியல் வல்லுறவு இடம்பெறுவதற்கு களம் அமைத்துக் கொடுத்த கணவருக்கு 15 வருட கடூழிய சிறை தண்டனை வழங்குமாறு திருகோணமலை மேல் நீதிமன்றம் உத்தரவிட்டுள்ளது.

திருகோணமலை மேல் நீதிமன்ற நீதிபதி மாணிக்கவாசகர் இளஞ்செழியன் இவ்வுத்தரவை நேற்று திங்கட்கிழமை (02) பிறப்பித்துள்ளார்.

2015ம் ஆண்டு 4 மாதம் 14ம் திகதி மூதூர் பிரதேசத்தில் தனது மனைவிக்கு போதை ஊட்டிய நிலையில் கணவர் உட்பட இருவர் கூட்டு பாலியல் வன்புணர்வுக்கு உட்படுத்தியதாக வழக்கு இடம்பெற்று வந்தது.
இவ்வழக்கு தொடர்பில் 2019ம் ஆண்டு நான்காம் மாதம் 30ம் திகதி சட்டமா அதிபர் திணைக்களத்தின் ஊடாக திருகோணமலை மேல் நீதிமன்றில் குற்றப் பத்திரம் தாக்கல் செய்யப்பட்டது.

திருமணம் ஆகிய கணவன் கூட தனது மனைவியின் விருப்பம் இல்லாது பலாத்காரமாக உடலுறவு கொள்வது கற்பழிப்பு குற்றம் என சட்டம் தெரிவிக்கின்ற நிலையில் தனது திருமணம் செய்த மனைவியை போதையை ஊட்டி சக நண்பர்களுக்கு கூட்டு வன்புணர்வுக்கு உதவி செய்ததாக குற்றம் சுமத்தப்பட்டிருந்தது.

இக்குற்றச்சாட்டுக்காக மூதூர்- சிராஜியா நகர் பகுதியைச் சேர்ந்த கணவரான நஜீர் நாபிர் (28வயது) என்பவருக்கு 15 ஆண்டுகள் கடூழியச் சிறை வழங்குமாறும் பாதிக்கப்பட்ட மனைவிக்கு 10 லட்சம் ரூபாய் நஷ்ட ஈடு செலுத்துமாறும் அதனை செலுத்தத் தவறும் பட்சத்தில் 5 ஆண்டுகள் கடூழியச் சிறை தண்டனை விதிக்குமாறும் அரச செலவாக 5000 ரூபாய் தண்டம் செலுத்துமாறு செலுத்தத் தவறும் பட்சத்தில் ஒருமாத கால கடூழிய சிறை வழங்குமாறும் திருகோணமலை மேல் நீதிமன்ற நீதிபதி மாணிக்கவாசகர் இளஞ்செழியன் கட்டளையிட்டார்.

இதேவேளை மற்றைய எதிரியான மூதூர் சின்ன நகர் பகுதியைச் சேர்ந்த பைசர் பாசிம் (23வயது) என்ற குறித்த எதிரிக்கு சம்பவம் நடைபெறும் போது 18 வயது 24 நாட்கள் எனவும் சட்டத்தரணி நீதிமன்றில் தெரிவித்தார்.

இதனையடுத்து இவருக்கு 5 ஆண்டுகள் கடூழியச் சிறைத்தண்டனை விதிக்கப்பட்டதுடன் பாதிக்கப்பட்ட பெண்ணுக்கு 500,000 ரூபாய் நஷ்ட ஈடு வழங்குமாறும் அதனை செலுத்தத் தவறும் பட்சத்தில் 2 ஆண்டுகள் சிறை தண்டனை வழங்குமாறும் 5,000 ரூபாய் தண்டப் பணம் செலுத்துமாறும், செலுத்தத் தவறினால் ஒரு மாதம் கடூழிய சிறை தண்டனை விதிக்குமாறு நீதிபதி கட்டளையிட்டார்.

அத்துடன் மூன்றாம் எதிரியான மூதூர் ஆலிம் நகர் பகுதியைச் சேர்ந்த ஜமால் தாரிக் (37 வயது) பாதிக்கப்பட்ட பெண்ணின் கணவருடன் சேர்ந்து கூட்டு பாலியலில் ஈடுபட்ட குற்றத்திற்காக குற்றவாளி என நிரூபிக்கப்பட்ட நிலையில் பதினைந்து வருட கால கடூழிய சிறை தண்டனை வழங்குமாறும் 10 இலட்சம் ரூபாய் பாதிக்கப்பட்ட பெண்ணுக்கு நஷ்ட ஈடாக செலுத்துமாறும், தவறும்பட்சத்தில் 5 ஆண்டுகள் கடூழியச் சிறைத் தண்டனை வழங்குமாறும் நீதிபதி மாணிக்கவாசகர் இளஞ்செழியன் கட்டளையிட்டார்.

அத்துடன் 5000 ரூபாய் தண்டம் செலுத்துமாறு செலுத்தத் தவறும் பட்சத்தில் குறித்த எதிரிக்கு ஒரு மாதகால கடூழிய சிறை தண்டனை வழங்குமாறும் திறந்த நீதிமன்றில் உத்தரவிட்டார்.

03/11/2020

கிழக்கில் கொரோனா எகிறுகிறது! தொற்று 72ஆகியது! 5 சிகிச்சை நிலையங்களில் 564 பேர்
***********************************************

கிழக்கு மாகாணத்தில் கொரோனாத்தொற்றுகளின் எண்ணிக்கை நாளுக்குநாள் அதிகரித்துச்செல்கிறது. கிழக்கில் இதுவரை 72பேர் தொற்றுக்குள்ளாகி சிகிச்சை பெற்றுவருகின்றனர்.

இவர்களில் மினுவாங்கொட கொத்தணி மூலமாக 04பேரும் பேலியகொட கொத்தணி மூலமாக 68பேரும் தொற்றுக்கிலக்காகியிருந்தனர்.

கிழக்கு மாகாண சுகாதாரசேவைப்பணிப்பாளர் டாக்டர் அழகையா லதாகரன் மேற்படி தகவலைத் தெரிவித்தார்.

கிழக்கில் வாழைச்சேனை கோறளைப்பற்று மத்திபிரிவில் அதிகூடிய தொற்றுக்கள் 35 இனங்காணப்பட்டிருந்தன.அடுத்தபடியாக மூதூரில் 9பேரும் பொத்துவிலில் 7பேரும் இதுவரை தொற்றுக்குள்ளாகியுள்ளனர். இறுதியாக மூதூரில் மூவரும் கல்முனைப்பிராந்தியத்தில் நால்வரும் திருமலையில் ஒருவரும் புதிதாக இனங்காணப்பட்டிருந்தனர்.

அம்பாறை மகாஓயா தெஹியத்தகண்டிய மற்றும் கந்தளாய்ப்பிரிவில் இனங்காணப்பட்ட கொரோனாத் தொற்றாளர் நால்வரும் மினுவாங்கொட கொத்தணிமூலம் தொற்றுக்குள்ளானவர்கள். ஏனைய 68பேரும் பேலியகொட மீன்சந்தைகொத்தணியில் பாதிக்கப்பட்டவர்களாவர்.

கல்முனையில் மேலும் 4 பேர் கொரோணா தொற்றாளர்களாக நேற்று அடையாளப் படுத்தப் பட்டார்கள். மருதமுனையில் இருந்து ஒருவரும் அக்கரைப்பற்றில் இருந்து ஒருவரும் இறக்காமம் பிரதேசத்தில் இருந்து இருவருமாக மொத்தமாக 4 பேர் அடையாளப்படுத்தப்பட்டார்கள். கல்முனைப் பிராந்தியத்தில் மொத்தமாக 17 பேர் கொரோணா நோயாளிகளாக சிகிச்சை பெற்று கொண்டிருக்கிறார்கள் என கல்முனைப்பிராந்திய சுகாதாரசேவைப் பணிப்பாளர் டாக்டர் குண.சுகுணன் தெரிவிக்கிறார்.

மேலும் இற்றைப்படுத்தப்பட்ட கிழக்கு கொவிட் தகவல்மைய தரவுகளின்படி,
கிழக்கிலுள்ள ஜந்து கொரோனா சிகிச்சை நிலையங்களில் தற்போது 475கொரோனாத் தொற்றாளர்கள் சிகிச்சை பெற்றுவருகின்றனர். நேற்று வரை 564பேர் மேற்படி 5 வைத்தியசாலைகளில் அனுமதிக்கப்பட்டு அவர்களில் 87பேர் குணமடைந்து வீடு திரும்பியுள்ளனர். இருவர் இடமாற்றப்பட்டுள்ளனர்.

காத்தான்குடி சிகிச்சை நிலையத்தில் நேற்றுவரை 222பேர் அனுமதிக்கப்பட்டு 75பேர் குணமடைந்து வெளியேறியதால் தற்போது 145பேர் தங்கியிருந்து சிகிச்சைபெற்று வருகின்றனர். இருவர் இடமாற்றப்பட்டிருந்தனர்.

மேலும் ஈச்சிலம்பற்று சிகிச்சை நிலையத்தில் 92 பேரும் கரடியனாறு சிகிச்சை நிலையத்தில் 103 பேரும் பதியத்தலாவ சிகிச்சை நிலையத்தில் 68பேரும் பாலமுனை சிகிச்சை நிலையத்தில் 79 பேரும் சிகிச்சை பெற்றுவருகின்றனர்.
இதுவரை கிழக்கில் சந்தேகத்திற்கிடமான 3404பேரில் 1258பேருக்கு பிசிஆர் பரிசோதனை மேற்கொள்ளப்பட்டிருந்தது.

இதேவேளை கிழக்கிலுள்ள 12 தனிமைப்படுத்தல் நிலையங்களில் 3052பேர் அனுமதிக்கப்பட்டு 3764பேருக்கு பிசிஆர் பரிசோதனை மேற்கொள்ளப்பட்டிருந்தது. 108பேருக்குச் சாதகமான அதாவது தொற்றுறுதி செய்யப்பட்டிருந்தது. 125பேர் குணமாகிவீடு திரும்பியுள்ளனர். எனவே தற்போது மேற்படி 12நிலையங்களிலும் 2819பேர் தனிமைப்படுத்தலுக்குட்படுத்தப்பட்டுள்ளனர்.

02/11/2020

அம்பாறை மாவட்டத்தில் மேலும் நான்கு பேருக்கு கொரோனா
********************

கல்முனைப் பிராந்தியத்தில் நேற்று மேலும் நான்கு கொரோனாத் தொற்றாளர்கள் இனங்காணப்பட்டுள்ளனர். மருதமுனை இறக்காமம் அக்கரைப்பற்று ஆகிய இடங்களிலேயே இவ்வாறு இனங்காணப்பட்டனர்.

அத்துடன் இப்பிராந்தியத்தின் தொற்றாளர்களின் எண்ணிக்கை 13 ஆக அதிகரித்துள்ளது என கல்முனை பிராந்திய சுகாதார சேவைபபணிப்பாளர் டாக்ர் கு.சுகுணன் தெரிவித்தார்.

இறக்காமம் பிரதேசத்தில் கண்டுபிடிக்கப்பட்ட நோயாளி பாலமுனை வைத்தியசாலையில் அனுமதிக்கப்பட்டுள்ளார்.

கடந்த 27 ஆம் திகதி கொழும்பு புறக்கோட்டை பகுதியில் கடை ஒன்றில் பணியாற்றிய 45 வயது நபர் ஒருவர் அக்கரைப்பற்று வீதியில் உள்ள இறக்காமம் 1 எனும் இடத்தில் தனது வீட்டிற்கு திரும்பியிருந்தார். அவருக்கு எடுக்கப்பட்ட PCR மாதிரி பொசிட்டிவ்வாக நேற்று இரவு கிடைத்ததை தொடர்ந்து அவருடைய குடும்ப அங்கத்தவர்களான மனைவி மேலும் நான்கு பிள்ளைகள் உட்பட 5 பேருக்கு பிசிஆர் மாதிரிகள் எடுக்கப்படுகின்றது.

அத்துடன் கொழும்பிலிருந்து அவருடன் ஒரே பஸ்சில் பயணித்த இன்னொரு நபர் உட்பட அவரின் குடும்பத்தார் இருவருக்கும் சேர்த்து மொத்தமாக இறக்காமம் கிராமப் பகுதியில் எட்டு மாதிரிகள் எடுக்கப்படுகின்றன.

இந்த மினுவாங்கொடை பேலியகொடை தொற்று சம்பவங்களை தொடர்ந்து கல்முனை சுகாதார சேவைகள் பணிமனையின் கீழான பிரதேசங்களில் இதுவரை மொத்தமாக 13 நோயாளிகள் கண்டுபிடிக்கப்பட்டு இருக்கிறார்கள்

02/11/2020

பதவிக்காலம் முடிவு : விடை பெற்றார் மஹிந்த தேசபிரியா
*****************

தேர்தல் ஆணைக்குழுவின் தவிசாளர் மஹிந்த தேசபிரியா தனது பதவிக்காலம் முடிவடைவதால், தனது அலுவலகத்தை காலி செய்தார்.

அரசியலமைப்பின் 20 வது திருத்தம் நடைமுறைப்படுத்தப்படுவதால், ஆணைக்குழுவில் புதிய தலைவர் மற்றும் உறுப்பினர்கள் நியமிக்கப்படுவார்கள்.

தேசிய தேர்தல் ஆணையத்தின் மற்ற இரண்டு உறுப்பினர்களும் ஏற்கனவே தங்கள் அலுவலகங்களை காலி செய்துள்ளதாக தெரிவிக்கப்படுகிறது.
தேசபிரியா தேர்தல் அலுவலகத்தில் கிட்டத்தட்ட 37 வருட காலத்திற்குப் பிறகு தனது பதவிக் காலத்தை முடிக்கிறார்.

அரசியலமைப்பின் 20 ஆவது திருத்தத்தின் கீழ் ஐந்து புதிய ஆணையர்கள் தேர்தல் ஆணையத்தில் நியமிக்கப்படுவார்கள், இது 19 ஆவது திருத்தத்தின் கீழ் நியமிக்கப்பட்ட 3 உறுப்பினர்களை விட இரண்டு பேர் அதிகம்.

மஹிந்த தேசபிரியாவின் பதவிக்காலம் 2020 நவம்பரில் 19 வது திருத்தத்தின் கீழ் முடிவடைய இருந்தது.
எதிர்கால ஆணைக்குழுவில் உறுப்பினராக இருக்குமாறு கேட்டுக் கொள்ளப்பட்டபோது தனக்கு ஓய்வு தேவை என்று மஹிந்த தேசபிரியா அதிகாரிகளுக்கு அறிவித்துள்ளதாக வட்டாரங்கள் தெரிவித்தன.

02/11/2020

உங்களுக்கு #கொவிட்19 அறிகுறிகள் காணப்படின் 0117966366 எனும் இலக்கத்திற்கு அழையுங்கள்

02/11/2020

மேலும் ஒரு கொரோனா தொற்றாளர் மரணம்
******************************************

மற்றுமொரு கொரோனா தொற்றாளர் இலங்கையில் மரணமடைந்துள்ளார். பாணந்துறை மருத்துவமனையில் சிகிச்சைபெற்றுவந்த 27 வயதான இளைஞன் ஒருவரே இன்று காலை மரணமடைந்துள்ளார். இதன் மூலம் இலங்கையில் கொரோனாவினால் மரணமடைந்தவர்களின் எண்ணிக்கை 22 ஆக அதிகரித்துள்ளது.