Khumi Media Team

Home
Khumi Media Team

Khumi Media Team ချင်းမျိုးနွယ်စု ခူမီးမီဒီယာအသင်းထံ သတင်းများပေးပို့နိုင်ပါသည်။

05/02/2025

MDF နဲ့ CDF-Lautu ကြားပစ်ခတ်တိုက်ခိုက်မှုဖြစ်ပြီး နှစ်ဖက်ထိခိုက်ကျဆုံးမှုရှိ

Feb 5 ၊ 2025
Khumi Media Team

ပြီးခဲ့တဲ့ ဇန်နဝါရီလ နောက်ဆုံးအပတ်ထဲမှာ ချင်းတော်လှန်ရေးတပ်ဖွဲ့ဖြစ်တဲ့ Chinland Defense Force – Lautu နဲ့ Maraland Defense Force – MDF တို့ကြား မတူပီမြို့နယ်၊ ဇွာမာ (Zuama) ကျေးရွာမှာ နှစ်ဖက်ပစ် ခတ် တိုက်ခိုက်မှုဖြစ်ပွားခဲ့ရာ အကျအဆုံးတွေလည်းရှိခဲ့တယ်လို့သိရပါတယ်။

Chinland Defense Force – Lautu ဟာ ချင်းပြည်ကောင်စီ နဲ့ စစ်ရေး နိုင်ငံရေးမှာ ပူးပေါင်းတဲ့အဖွဲ့အစည်း ဖြစ်သလို MDF က ချင်းညီနောင်/ICNCC နဲ့ စစ်ရေး နိုင်ငံရေးပူးပေါင်းတဲ့အပြင် အရက္ခတပ်တော် အေအေ နဲ့ မဟာမိတ်ဖွဲ့ထားတဲ့အ ဖွဲ့အစည်းဖြစ်ပါတယ်။

အဆိုပါ တိုက်ပွဲဟာ နှစ်ဖက်နယ်မြေအငြင်းပွားမှုကြောင့် ဖြစ်ပွားတဲ့ တိုက်ပွဲဖြစ်တယ်လို့သိရတယ်။

တိုက်ပွဲအတွင်း Chinland Defense Forcr – Lautu ဘက်က အကျအဆုံးရှိသလို MDF ဘက်ကလည်း ထိခိုက် သေဆုံးမှုရှိကြောင်း သိရပေမယ့် အရေအတွက်ကို အတည်မပြုနိုင်သေးပါ။

အဆိုပါ တိုက်ပွဲဖြစ်ပွားတဲ့ နယ်မြေခံ ဇွာမာ ( Zuama) ကျေးရွာဒေသခံများဟာ လည်း ပြီးခဲ့တဲ့ လ လောက်က စပြီး နေရပ်စွန့်ခွါကာ စစ်ဘေးရှောင်ကြတယ်လို့သိရပါတယ်။

05/02/2025

မလေးရှားသွားမယ့် အရှိုချင်းအမျိုးသား ၁ ဦးမြဝတီမြို့မှာ စစ်ကောင်စီတပ် ပေါ်တာဆွဲခံရပြီးနောက် နှိပ်စက်ခံရပြီးသေဆုံး

ဖေဖော်ဝါရီလ ၅ ရက်
Khumi Media Team

ပဲခူးတိုင်းဒေသကြီး၊ ပြည်ခရိုင်၊ ပေါက်ခေါင်းမြို့နယ်၊ စမ်းမကြီးရွာ( အရှိုချင်းရွာ)က အသက် ၃၀ ကျော် အရှိုချင်းအမျိုးသားတစ်ဦးဟာ ပြီးခဲ့တဲ့ ၂၀၂၄ ခုနှစ်၊ အောက်တိုဘာလတုန်းက မလေးရှားနိုင်ငံသွားဖို့ အတွက် ကရင်ပြည်နယ်၊မြဝတီမြို့ရောက်ချိန်မှာ စစ်ကောင်စီတပ်ရဲ့ပေါ်တာဆွဲ
တာခံရပြီးနောက်နှိပ်စက်ခံရပြီး သေဆုံးသွားခဲ့တယ်လို့ သိရပါတယ်။

မြဝတီမြို့မှာ ပေါ်တာဆွဲ ဖမ်းဆီးတာခံခဲ့ရတဲ့ စမ်းမကြီးရွာက ဒေသခံချင်းအမျိုးသားဟာ တောရွာကနေလာပြီး ဗမာစကားလည်း ကောင်းကောင်းမပြောတတ်သူဖြစ်ကာ အဲဒီလို ဗမာစကားကို မခြေမငံပြောတယ်ဆိုပြီး ဝိုင်းရိုက်ကြ မျိုးစုံနှိပ်စက်ခံရတာအပြင် မီးရှို့တာကိုပါခံခဲ့ရတာလို့ သူနဲ့ရင်းနှီးတဲ့ မိတ်ဆွေ၁ ဦးပြောပြချက်အရ သိရပါတယ်။

သေဆုံးသွားတဲ့သူနဲ့ ရင်းနှီးသူတစ်ဦးပြောတာက “မသေသေးတဲ့ ရုပ်ခန္ဓာကိုယ်ကို သူ့မိဘတွေဆီဖုန်းဆက်ပြီးတော့ ငွေသိန်း ၃၀ နဲ့ ရွေးခိုင်းခဲ့တယ်၊ ခန္ဓာကိုယ်တစ်ခုလုံးလည်း ရစရာမရှိအောင် ရိုက်နှက်မီးရှို့တာခံရတယ်၊ အိမ်က မိသားစုတွေ လာကြည့်တော့ အဲလူနာက အသက်ကလေးကျန်ရုံဘဲကျန်တော့တာ မျက်နှာမှာတော့ မျက်ရည်တွေ ထွက်တယ် မိသားစုတွေကိုမြင်တော့။ အရေးပေါ်ရန်ကုန်ကို ကားဌားပြီးဆေးကုဖို့ သွားပေမယ့် လမ်းမှာဘဲ နှလုံးအလုပ်မလုပ်တော့ဘဲ အသက်ဆုံးရှုံးခဲ့ရတယ်။ ဒီကိစ္စတွေကို မိသားစုဝင်တွေက ကြောက်လို့ မပြောရဲခဲ့ကြတာပေါ့”လို့ Chin World Media ကိုပြောပါတယ်။

၂၀၂၄ ခုနှစ် ၊ ၁၀ လပိုင်းအတွင်းမှာပဲ မလေးရှားသွားဖို့ လုပ်နေတဲ့ ပြည်ခရိုင်၊ ပေါက်ခေါင်းမြို့နယ်၊ လေသာတောင်လေးရွာ (အရှိုချင်းရွာ)က ဒေသခံအရှိုချင်းလူငယ် နှစ်ဦးဟာလည်း ပြည်မြို့မှာ စစ်ကောင်စီတပ်ရဲ့ပေါ်တာဆွဲတာခံခဲ့ရပြီး လက်ရှိပေါ်တာဆွဲခံရတဲ့ အရှိုချင်းတိုင်းရင်းသား ၂ ဦးဟာ မော်လမြိုင်မှာ စစ်ကောင်စီကပေးတဲ့ စစ်မှုထမ်းသင်တန်း တက်နေရတယ်လို့သာ သိရပြီး လက်ရှိအချိန်ထိ မိသားစုနဲ့ အဆက်အသွယ်မရဘဲ ဖြစ်နေတယ်လို့လည်း ဒေသခံတွေဆီကနေ သိရပါတယ်။

နိုင်ငံနေရာအနှံ့စစ်မျက်နှာပြင်မှာ တိုက်ခိုက်နေရတဲ့ စစ်ကောင်စီတပ်ဖွဲ့အနေနဲ့ စစ်သားလိုအပ်ချက်တွေကြောင့် စစ်မှုထမ်းအပတ်စဉ် ၁ ကို ၂၀၂၄ ခုနှစ်၊ ဧပြီလ ၈ ရက်နေ့ကစလို့ စစ်မှုထမ်းအပတ်စဉ် ၁ စတင်ခဲ့ကာ လက်ရှိမှာ အပတ်စဉ် ၉ အထိ သင်တန်းပေးနေပြီးဖြစ်ပြီး အပတ်စဉ် ၁၀ အတွက် လူသစ်စုဆောင်းတာတွေကိုလည်း လုပ်ဆောင်နေတယ်လို့လည်း သိရပါတယ်။

02/01/2025

မီဇိုရမ်ပြည်နယ်တွင် ပလက်ဝစစ်ဘေးရှောင် ဓမ္မဆရာတစ်ဦး ရုတ်တရက် ကွယ်လွန်
======

Khumi Media Team
ဇန်နဂါရီလ ၂ရက်၊ ၂၀၂၅ ခုနှစ်

အိန္ဒိယနိုင်ငံ၊ မီဇိုရမ်ပြည်နယ်၊ လောက်တလိုင်ခရိုင်၊ တွီဒင်းကျေးရွာတွင် စစ်ဘေးရှောင်သည့် ဓမ္မဆရာတစ်ဦးသည် ယနေ့ ဇန်နဝါရီ ၂ရက်နေ့၊ နံနက် ၄ နာရီအချိန်တွင် ရုတ်တရက် ကွန်လွယ်သွားကြောင့် စစ်ဘေးရှောင်များထံက သိရှိရသည်။

ကွယ်လွန်သူ ဓမ္မဆရာသည် အသက် (၄၂)နှစ်အရွယ် ဦးဆိုက်ဝေး ဟုသိရှိရပြီး ၎င်းသည် ချင်းပြည်နယ်၊ ပလက်ဝမြို့နယ်၊ ကာရမိတ်ကျေးရွာဒေသခံဖြစ်သည်။

"မနေ့ညက ဘာမှမဖြစ်သေးဘူး။ ဘုရားကျောင်းတောင် တက်သွားသေးတယ်။ မနက် ၃ နာရီကျော်၊ ၄နာရီလောက်မှ အော်သံတစ်ချက်၊ နှစ်ချက်ကြားလိုက်တယ်။ ပြီးတော့ နာခေါင်းကနေ သွေးနည်းနည်းထွက်တယ်။ လူကို နိုးတော့ အသက်မရှိတော့ဘူး။"ဟု စစ်ဘေးရှောင်အမျိုးသားတစ်ဦးက ကီမိုမီဒီယာကို ပြောသည်။

ဓမ္မဆရာ ဦးဆိုက်ဝေးသည် ပလက်ဝမြို့နယ်၊ ကာရမိတ်ကျေးရွာတွင်နေထိုင်စဥ် Khumi Evangelical Church ၏ ဓမ္မဆရာဖြစ်ပြီး လက်ရှိ တွီဒင်းကျေးရွာတွင် LalRam အသင်းတော်၏ ဓမ္မဆရာတစ်ဦးလည်းဖြစ်သည်။

၎င်းကွယ်လွန်အချိန်တွင် အမျိုးသမီးနှင့် သားသမီး သုံးဦး ကျန်ရစ်ခဲ့သည်။

ချင်းပြည်နယ်၊ ပလက်ဝမြို့နယ်တွင် အာရက္ခတပ်တော် (အေအေ)နှင့် စစ်ကောင်စီတပ်တို့ဖြစ်ပွားသည့် တိုက်ပွဲကြောင့် ဓမ္မဆရာ ဦးဆိုက်ဝေးတို့ မိသားစုသည် ၂၀၂၁ ခုနှစ်ကတည်းက တွီဒင်းကျေးရွာတွင် စစ်ဘေးရှောင်လာသူဖြစ်သည်။

18/12/2024

CDF-Hualngo တပ်သားများက PDF Zoland တပ်သား ၃ဦးကို အုပ်စုဖွဲ့ဝိုင်းရိုက်မှုဖြစ်ပွား
=========
ဒီဇင်ဘာ ၁၆၊ ၂၀၂၄။
Zalen

PDF Zoland တပ်ရင်း (၅)က တပ်သား ၃ ဦးကို ၎င်းတို့ ဂိတ်စောင့်တဲ့နေရာမှာ ချင်းလဲန်းကောင်စီအဖွဲ့ဝင် CDF Hualngo တပ်သား ၂၀ကျော်ကဝိုင်းရိုက်မှု ဒီဇင်ဘာ ၁၂ ရက်ည ၇ နာရီတွင် ဖြစ်ပွားခဲ့ပါတယ်။
နောက်နေ့ ဒီဇင်ဘာ ၁၃ ရက်တွင် CDF Hualngo တပ်သားအချို့ရောက်လာပြီး “မနေ့ညဖြစ်ပျက်တဲ့ကိစ္စပေါ် ငါတို့ဘက်ကမှားတာ။ ဒါပေမယ့် အဖွဲ့အစည်းနာမည်နဲ့တော့ မတောင်းပန်နိုင်ဘူး” လို့ပြန်လာပြောတဲ့အကြောင်း PDF Zoland တပ်ရင်း (၅) commander ကပြောပါတယ်။

ဖြစ်စဉ်မှာ ZRA နဲ့တိုက်ပွဲဖြစ်ပြီးနောက်ပြန်လာတဲ့ CDF Hualngo တပ်သားများဟာ ဒီဇင်ဘာ ၁၂ ရက်ညတွင် တီးတိန်မြို့နယ်၊ ဟိုင်မွှာလ်ကျေးရွာအနီးတွင်ချထားတဲ့ ဂိတ်ဖြတ်သန်းစဉ် အခုလို ပြဿနာဖြစ်ပွားခဲ့တာဖြစ်တယ်။

PDF Zoland တပ်ရင်း (၅) commander က “ဂိတ်တာဝန်ရှိတဲ့ တပ်စုမှူးစျေးဝယ်နေတုန်း တပ်သားတစ်ယောက်က ဂိတ်ကိုစောင့်တယ်။ သူက CDF Hualngo တပ်သားတွေကို ခဏစောင့်ဖို့ပြောတော့ သေနတ်တွေ မောင်းတင်ကြတယ်။ သူတို့က အရက်လည်းမူးကြတယ်။ ပြီးတော့ သူ့ကိုထိုးကြိတ်ကြတယ်။ အဲ့ချိန်မှာ တပ်စုမှူးရောက်လာပြီး ဖြန်ဖြေပြီး အားလုံးကြေအေးကြတယ်။ သူတို့ဂိတ်ကိုဖြတ်ပြီးနောက် သူတို့ရှေ့မှာသွားတဲ့သူတွေကိုပါခေါ်ပြီး အဲ့ဂိတ်မှာရှိတဲ့ ဂိတ်စောင့် သုံးယောက်ကိုထပ်မံထိုးကြိတ်ကြတယ်။ တပ်စုမှူးနဲ့ တပ်သားတစ်ယောက်က မျက်စီဖူယောင်ဒဏ်ရာရတယ်။ တစ်ယောက်ကတော့ သူတို့ခြေထောက်နဲ့ကန်လို့ နံရိုးအက်လို့ ဆေးရုံတက်ရတယ်။ သူတို့ဘက်က စုစုပေါင်း အင်အား ၂၀ ကျော်တယ်။ တိုင်းမှူးအဆင့်လည်းပါတယ်။ ကျနော်တို့ဖြစ်စေချင်တာက အချင်းချင်းလေးစားမှုရှိရှိနဲ့ ကြိုတင်အသိပေးစေလိုတယ်” လို့ပြောပါတယ်။

ယင်းကိစ္စနဲ့ပတ်သက်ပြီး CDF Hualngo ဘက်ကလည်း အခုလိုပြောပါတယ်။

“အဲဒါက စစ်ဆင်ရေးကနေပြန်လာတဲ့ကျွန်တော်တို့ရဲဘော်တွေကို သူတို့ကအရက်မူးပြီး သေနတ်ထောက် တားလို့ အခုလိုပြဿနာဖြစ်တာ။ သူတို့ဂိတ်ကိုကျွန်တော်တို့ ကောင်းကောင်းခွင့်တောင်းပြီးသား သူတို့ PDF-Zoland ခေါင်းဆောင်တွေလည်းသိတယ်။ ပြီးတော့ သူတို့တားဒါက အကုန်လုံးကိုမဟုတ်ဘူး။ CDF-Hualngoram ခေါင်းဆောင်ပိုင်းစီးတဲ့ ကားနှစ်စီးနဲ့ ဆိုင်ကယ်တစ်ချို့ကိုတော့လွှတ်ပေးလိုက်ပြီးတော့ နောက်ကျန် တဲ့ တပ်စုတစ်စုကိုတားတာ။ သူတို့တွေလည်း ကိစ္စတစ်ခုခုရှိရင် ကျွန်တော်တို့ကိုပြောရင် ကောင်းကောင်းလွှတ် ပေးတာပဲ သူတို့ဂိတ်မှာအဲ့လိုလုပ်တာ မဖြစ်သင့်ဘူး။သူတို့ဂိတ်စောင့်တဲ့နေရာကလည်း CDF-Hualngoram ဒေသမှာ ။ ကျွန်တော်တို့ဂိတ်နှစ်ခုကြားမှာ သူတို့ကဂိတ်ထိုးတာ။ ဆိုတော့ သူတို့အရက်မူးလို့ဖြစ်တဲ့ကိစ္စကို တကူးတက ဖြေရှင်းဖို့မရှိဘူး။” လို့ CDF-Hualngoram ဒုအတွင်းရေးမှူး (၁) က Zalen ကိုပြောပါတယ်။

Zalen

06/11/2024

ဒေါ်နယ်ထရန့် အနိုင်ရရှိ အောင်ပွဲခံမိန့်ခွန်းပြောကြားစဥ်။

03/11/2024

ဗမာဘုရင်ရခိုင်ကိုစစ်နိုင်တော့ ရခိုင်တွေဟာ ခူမီးနယ်မြေပလက်ဝဘက်ကိုထွက်ပြေးခိုလှုံကြတယ်။
ခူမီးလူမျိုးတွေရဲ့ကျေးဇူးကြောင်း ပလက်ဝမြို့နယ် ရှိရခိုင်များဟာအေးအေးလူလူနေထိုင်စားသောက်နိုင်ကြတယ်။ဒီကနေ့ ရခိုင်တွေ ခူမီးလူမျိုး တွေကိုကျေးဇူးဆပ်မောင်းထုတ်နှိပ်စက်လေပြီ။ ကိုယ်ပြုတဲ့ကံ ကိုယ့်ထံပြန်လာမည်။ ဆင်ခြင်တုန်တရား ရှိကြပါ။

29/10/2024

ရခိုင်ပြည်နယ်ရှိ ရခိုင်လူမျိုးများ နှင့်ရခိုင်မျိုးနွယ်စုများလူဦးရေ ၁၀၀ ကျော်ဟာ ချင်းပြည်နယ် ပလက်ဝမြို့နယ် မီးဇာရွာမှာ အခြေချနေထိုင်ရန်ရောက်ရှိလာကြောင်းသိရှိရသည်။

#ခူမီးမီဒီယာအသင်း #မီးဇာ
#ချင်းပြည်နယ်

29/10/2024

Chin Star Season 2 အဆိုပြိုင်ပွဲတွင် အကဲဖြတ်ဒိုင် သုံးဦးနှင့် ပြိုင်ပွဲဝင် သုံးဦး နုတ်ထွက်

29.10.2024 KhumiMediaTeam

Chin Star Season 2 အဆိုပြိုင်ပွဲတွင် အကဲဖြတ်ဒိုင် သုံးဦးနှင့် ပြိုင်ပွဲဝင် သုံးဦး အသီးသီးနုတ်ထွက်ကြောင့် ယနေ့အောက်တိုဘာလ ၂၉ရက်တွင် ၎င်းတို့၏ ဖေ့စ်ဘွတ်လူမှုကွန်ရက်မှတစ်ဆင့် အသိပေးခဲ့သည်။

နုတ်ထွက်သွားသည့် ဒိုင်သုံးဦးသည် Cung Awng ၊ Phoebe Phoenix နှင့် Thaung Hlaingတို့ဖြစ်ပြီး ပြိုင်ပွဲဝင်သုံးဦးသည် Isabella Zing Dawt Par ၊ Rebecca Van Dawt Cit နှင့်Henry Bawi Uk Thang တို့ဖြစ်သည်။

အကဲဖြတ်ဒိုင် Phoebe Phoenix သည် ပြီးခဲ့သည့် အောက်တိုဘာလ ၁၃ရက်နေ့မှစ၍ စတင်နုတ်ထွက်သွားခဲ့ခြင်းဖြစ်ပြီး ကျန်ဒိုင်နှစ်ဦးနှင့် ပြိုင်ပွဲဝင်သုံးဦးသည် ယနေ့အောက်တို ဘာ၂၉ရက်နေ့တွင့ နုတ်ထွက်သွားခဲ့ခြင်းဖြစ်သည်။

"ယုံကြည်ချက်နဲ့ခံယူချက်ကို စော်ကားတာ၊ စည်းကြပ်မှုမရှိတဲ့ အချိန်ဇယားနဲ့ မမျှတတဲ့ ပြိုင်ဆိုင်မှု ပုံစံတွေကြောင့် Chin Star မှ နုတ်ထွက်ခြင်းဖြစ်တယ်။"ဟု အကဲဖြတ်ဒိုင် Phoebe Phoenix က ဖေ့စ်ဘွတ်လူမှုကွန်ရက်မှတဆင့် အသိပေးထားသည်။

ကျန်ဒိုင်နှစ်ဦးဖြစ်သည့် Cung Awng ၊နှင့်Thaung Hlaing တို့သည် ပြိုင်ပွဲဝင် Samson Khen Tui ကို စည်းကမ်းချိုးဖောက်ခဲ့သည်ဟုဆိုကာ CCTV မှတ်တမ်းနှင့်တကွ Live လွှင့်ပြီး Chin Star တည်ထောင်သူ Salai Lung Thli Tum မေးမြန်းစစ်ဆေးခဲ့သည့် ကိစ္စကြောင့် နုတ်ထွက်ခြင်းဖြစ်သည်ဟု ဖော်ပြထားသည်။

ပြိုင်ပွဲဝင်သုံးဦးဖြစ်သည့် Isabella Zing Dawt Par ၊Rebecca Van Dawt Cit နှင့်Henry Bawi Uk Thang တို့ကလည်း ခွဲခြားဆက်ဆံခံရခြင်းနှင့် အောက်တန်းကျသည့် အပြုအမှုများကြောင့် ကိုယ့်သဘောဆန္ဒအရ နုတ်ထွက် ရခြင်း ဖြစ်သည်ဟု ဆိုးထားကြသည်။
____

သတင်း- အိုက်ဆမ်မာန်း

ပုံစာ- Chin Star တည်ထောင်သူ Salai Lung Thli Tumကို တွေ့ရစဉ်။(Photo credit)
Khumi Media Team

28/10/2024

AAကိုချင်းပြည်နယ်ကနေထွက်ခွာသွားပေးဖို့ ကန်ပလက်ပြည်သူများငြိမ်းချမ်းစွာ ဆန္ဒပြ
>>>>>>>>>>>>>>>>>>>>>>

Khumi Media Team
29 Oct 2024

အောက်တိုဘာ ၂၆ ရက်က ကန်ပလက်မြို့နယ်တစ်နေရာတွင် ကန်ပလက်ပြည်သူများသည် ဆိုင်းဘုတ်များကိုယ်စီဖြင့် ကိုင်ဆောင်ကာ ဆန္ဒပြ ကြသည် ဟုသိရသည်။

( ဆန္ဒပြကြရာတွင် )
>>>>>>>>
* #ချင်းလူမျိုးညီညွှတ်ရေးကိုဦးတည်ကြ၊
* #အာဏာရှင်ဟူသမျှအလိုမရှိ ၊
* #ရခိုင်သားAAရခိုင်ပြည်ကိုအမြန်ဆုံးပြန်၊
* ာတို့ချင်းပြည်သူ့တပ်မတော်ဒို့အရေး၊
* #ရခိုင်သားအေအေငါတို့ပြည်ကအမြန်ဆုံးထွက်၊
* #အချင်းချင်းပစ်ခက်ရန်လှုံ့ဆော်သူတို့ရန်သူ၊
* #သွေးကွဲစေသည့်ရခိုင်သားအေအေအလိုမရှိ ၊
စတာတွေ ဆန္ဒဖော်ထုတ်ခဲ့ကြောင်းသိရှိရပါသည်။

#ခူမီးမီဒီယာအသင်း

#ကန်ပလက်ပြည်သူများ

#ချင်းလူမျိုး

28/10/2024

CCTV မှတ်တမ်းအရ စည်းကမ်းချိုးဖောက်တဲ့ ပြိုင်ပွဲ၀င် Samson Khen Tui တိုက်ရိုက်စီစစ်မေးမြန်းခြင်း

ပြိုင်ပွဲဝင်Samson Khen Tuiရဲ့လုပ်ရပ်ကြောင့် ပြိုင်ပွဲဝင် မိန်းကလေးအပေါ် Chin Star founderမှ အရမ်းစိတ်မကောင်းဖြစ်ကြောင်းပြောကြား။

28/10/2024

#ကိုညိုမောင်ရဲ့ကဗျာ

လမ်းကြား မဟုတ်ဘူး
>>>>>>>>>>>>

ဒီနိုင်ငံဟာ
အိန္ဒိယပြည်နဲ့ တရုတ်ပြည်ကြားထဲက
လမ်းကြားမဟုတ်ဘူး
ခမ်းနားတဲ့ ရာဇဝင်တွေရှိတယ်
ဆန်းပြားတဲ့ အသိဉာဏ်ပညာတွေရှိတယ်
ပန်းတံတားပေါ်ကို လျှောက်ခဲ့ရတဲ့
အချိန်တွေရှိခဲ့တယ် ။

အခုအချိန်မှာ
တိုင်းပြည်ဟာ နွမ်းပါးနေတာမှန်တယ်
တချိန်တခါက ရမ်းကားခဲ့တဲ့
သန္ဓေဆိုးနဲ့ လူတွေက
အညွန့်အဖျားတွေကိုချိုး
စနစ်ဆိုးတခုကို ထူထောင်ခဲ့ကြတာပေါ့ ။

လွတ်လပ်ရေး နဲ့
ပြည်တွင်းစစ်က ညီအစ်ကို
ညှီစို့စို့ ဓါးရေးတွေပြလို့
တိုင်းပြည်က ဝမ်းလည်းမဝခဲ့သလို
ခါးလည်း မလှခဲ့ရပါဘူး
အမိယုတ်တော့ နှုတ်ကြမ်း
အဖယုတ်တော့ ကိုယ်ကြမ်း
ဘယ်ဇာတ်လမ်းမှာဖြစ်ဖြစ် သူတို့က
ပတ်မကြီးထိုးဖောက်လို့
မင်းသားမဟုတ်ခဲ့တဲ့ သူတွေပေါ့ ။

သစ်တောတွေ
မြစ်ကြောတွေ
ပတ္တမြားတွေ
ဆန်စပါးတွေ
ဘယ်လိုစားစား မကုန်တဲ့
သဘာဝ အရင်းအမြစ်တွေက
သဘောက်တွေလက်ထဲမှာ နွံနစ်
အခုတော့ နိုင်ငံလှည့်လို့ ကျွန်ဖြစ်နေကြပေါ့ ။

ဘာစားစား ကင်ဆာဖြစ်တဲ့ တိုင်းပြည်မှာ
ကြင်ကြင်နာနာနေဖို့ လိုပါတယ်ပေါ့
ဘယ်အချိန်ဖြစ်ဖြစ် အထိကရုဏ်းဆိုတာ
ရွက်ကျပင်ပေါက်တွေလို
ဦးနှောက်သေနေတဲ့ မျိုးဆက်ကိုမှိုင်းမိ
အနာဟောင်း အနာဆွေးလို
ဘယ်တော့မှ အမြစ်ပြတ်အောင်ကုလို့ရမလဲ ။

အနူးညံ့ဆုံး ဘာသာတရားက
ဆဲရေတိုင်းထွာတဲ့ သင်္ဃန်းခြုံတွေကြားမှာ
ကျဆုံးရတော့မှာလား
မတျတောတရား နဲ့
ရှေ့ဆောင်တဲ့အဆုံးအမတွေကြားမှာ
လက်မရွံသားတွေလို ငယ်သံပါအောင်အော်ပြီး
အမျိုး ဘာသာ သာသနာ လို့
နှစ်လိုဖွယ်မရှိတဲ့ အသံနက်ကြီးတွေနဲ့
မိုးကြီးချုပ်ရတော့မှာလား ။

ဒီနိုင်ငံဟာ
အန္ဒိယပြည်နဲ့ တရုတ်ပြည်ကြားထဲက
လမ်းကြားမဟုတ်ဘူး
နွမ်းပါး နေရလောက်အောင်
ကန္တာရထဲက ရေခမ်းမြစ်မဟုတ်ဘူး
နွလေမ်းခရီးမှာ အရိပ်ခိုလို့ရအောင်
ရေတမှုတ်တိုက်ဖို့ ဝန်မလေးတဲ့
ယဉ်ကျေးတဲ့ အဆုံးအမတွေကြားက
စနစ်ဆိုးကို ရုန်းကြွခဲ့ကြသည့်
ပြည်သူတွေရှိသော တိုင်းပြည်တစ်ခုပါ ။

🖋️ညိုမောင်

28/10/2024

Hi everyone! 🌟 You can support me by sending Stars - they help me earn money to keep making content you love.

Whenever you see the Stars icon, you can send me Stars!

28/10/2024

ိုင်ပြည်မှာ စစ်ကူသွားရင်းနဲ့ ချင်းသူရဲ့ကောင်းမင်းတပ်CDF ယောမောင်ကီးကျရုံးသွားကြောင်းသိရှိရ။
RIPပါရဲဘော်

#ခူမီးမီဒီယာအသင်း

26/10/2024

မီဇိုရမ်ကို ခိုလှုံတဲ့ချင်းစစ်ဘေးရှောင်လူငယ်တစ်ဦးဆုံးသွား
>>>>>>>>>
Khumi Media Team
26 Oct 2024

ချင်းပြည်နယ် တောင်ပိုင်း၊ မတူပီမြို့နယ်ကနေ မီဇိုရမ်ပြည်နယ်၊ လောင်တလိုင်မြို့ကို ဝင်ရောက်ခိုလှုံတဲ့ ဆလိုင်း ဖရန်းစစ် ( Salai Francis ) အသက် ၂၀ ဟာ နာမကျန်းဖြစ်ပြီး မနေ့အောက်တိုဘာလ ၂၅ ရက် ည ၈ နာရီမှာ ဆုံပါး သွားတယ်လို့သိရပါတယ်။

ဆလိုင်း ဖရန်းစစ် (Salai Francis )က အူရောင်ငန်းဖျားရောဂါ (Scrub Typhus ) ရောဂါ အပြင် အဆုတ် နဲ့ ကျောက်ကပ်တွေ ပါမကျန်းမာတာကြောင့် ဆေးရုံ၊ ဆေးခန်း တွေသွားပြပေမယ့် ပြန်မကောင်းလာတော့ပဲ လောင်တလိုင်မြို့ ပြည်သူ့ဆေးရုံကြီးမှာဆုံးပါးသွားတာဖြစ်ပါတယ်။

ဆလိုင်း ဖရန်းစစ် (Salai Francis )ဆုံးသွားတဲ့ကိစ္စနဲ့ ပက်သက်ပြီး မတူပီစစ်ဘေးရှောင်တစ်ဦးက “သူနေမကောင်း လို့ ပြီးခဲ့တဲ့အပတ်ကနေ ဆေးခန်းတွေသွားပြတာနှစ်ကြိမ်ရှိပြီး သူတို့ပေးတဲ့ဆေးသောက်ပေမယ့် ပြန်မသက်သာလို့ ဆေးရုံကြီးကိုသွားပြတာ။ ဆေးရုံမှာနှစ်ညပဲအိပ်လိုက်ရတယ် ဆုံးသွားတာပါပဲ။ ဆရာဝန် ပြောတာတော့ သူက အူရောင်ငန်းဖျားရောဂါ ဒေသအခေါ် ( Ran Nung Seh ) အပြင် အဆုတ်နဲ ကျောက်ကပ် တွေလည်းပျက်ဆီးသွားပြီလို့ပြောတယ်” လို့ ပြောပါတယ်။

ဆလိုင်း ဖရန်းစစ် (Salai Francis ) က လူငယ်လူလွတ် ဖြစ်ပြီး လောင်တလိုင်မြို့၊ အမှတ် ၂ ကောလိပ်ရပ်ကွက် စစ်ဘေးရှောင်စခန်းမှာ သူ့အကိုဝမ်းကွဲနဲ့နေထိုင်သူဖြစ်ကာ သူနေမကောင်းတဲ့အချိန်မှာ အဖျားတက်ခြင်း၊ ချမ်းတုန်ခြင်း ကိုယ်ပူခြင်းတွေဖြစ်တယ်လို့သိရပါတယ်။

ဆလိုင်း ဖရန်းစစ် (Salai Francis ) ဟာ မတူပီမြို့နယ်၊ လိန်းသွီးကျေးရွာ (Ling Tui) မှ ဦး ထန်းကျီ (Pu Thang Kyi) နဲ့ ဒေါ် နူရဲ့ ( Pi Nu Yeh ) တို့ရဲ့သားသမီး ၇ ဦး အနက်အကြီးဆုံးသားဖြစ်တယ်လို့သိရပြီး သူ့မိသားစုဝင်တွေ ကတော့ ရွာမှာပဲရှိတယ်လို့သိရပါတယ်။

ဆလိုင်း ဖရန်းစစ် (Salai Francis )ကကစ်သလစ်အသင်းတော်ဝင်ဖြစ်ကာ လောင်တလိုင်မြို့၊ ဗဲန်းပွီးရပ်ကွက် ( Vengpui ) မှာရှိတဲ့ ကစ်သလစ်ဘုရားကျောင်းတာဝန်ရှိသူတွေက သူ့ရဲ့အလောင်းကို သဂြိုလ်သွားမလား ရွာကို သယ်သွားမလားဆိုတာမသိရသေးပါ။

အကြမ်းဖက်စစ်ကောင်စီက မတရားအာဏာသိမ်းပြီးနောက်ပိုင်း ဖြစ်ပေါ်လာတဲ့ ပဋိပက္ခတွေကြောင့် မီဇိုရမ် ပြည်နယ်လောင်တလိုင်ခရိုင်ထဲကို စစ်ဘေးရှောင်လာကြတဲ့ မတူပီစစ်ဘေးရှောင်များထဲကနေ လူပေါင်း ၂၁ ဦး အထိဆုံးပါးသွားကြပြီလို့သိရပါတယ်။

25/10/2024

တိုက်ပွဲတစ်နေရာမှ အောင်ပွဲဖြင့်ပြန်လာကြသော ချင်းအမျိုးသားတပ်မတော် CNA၊ CDF-Tonzang တို့အားတွန့်ဇံမြို့နယ် ပြည်သူများမှကြိုဆိုသည့်မြင်ကွင်း

#ခူမီးမီဒီယာအသင်း

25/10/2024

AA ထိန်းချုပ်ထားတဲ့ ချင်းပြည်နယ် ပလက်ဝမြို့နယ် အရေးနဲ့ပတ်သက်ပြီး ဝါရင့်ချင်းနိုင်ငံရေးသမား Salai Kipp အမြင်

“ငါအင်အားရှိတယ် ငါအင်အားရှိတဲ့အတွက် ငါသိမ်းတယ်ကွာ မင်းတို့ဘာတတ်နိုင်လဲဆိုတာမျိုး သူတို့လည်း အဲ့တာခံခဲ့ရတယ် လေ ဗမာကအင်အားရှိတော့ မင်းတို့ရေနံတွေ ကြိုက်သလိုလုပ်မယ် ငါသုံးချင်သလိုသုံးမယ် မင်းတို့ ရော့အင့် တစ်ပြား/နှစ်ပြားပေးလိုက်တာ ဘယ်လောက်ခံပြင်းဖို့ကောင်းလဲ အဲ့တာ ကိုယ်ကိုတိုင်က အဲလိုဟာမျိုးခံလိုက်ရပြီးတော့ .... ကိုယ်ကအင်အားနည်းနည်းရှိလို့ဆိုပြီး အဲ့တာမျိုး ပြန်လုပ်မယ်ဆိုတာတော့ မသင့်တော်ပါဘူး ဒါကတော့ နောက်ပြီးတော့ ပြဿနာတွေက ကျနော်တို့မှာနည်းပါတယ်”

ဝါရင့်ချင်းနိုင်ငံရေးသမား Salai Kipp

နိုင်ငံရေးအကျဉ်းသားဟောင်း၊ ချင်းကျောင်းသားခေါင်းဆောင်ဟောင်း၊ ဝါရင့်ချင်းနိုင်ငံရေးသမားလည်းဖြစ်သူ ဒီမိုကရေစီအတွေးအခေါ်နဲ့ ဖက်ဒရယ်ကျွမ်းကျင်သူ Salai Kipp ကို အာရက္ခတပ်တော် (AA) ထိန်းချုပ်ထားတဲ့ ချင်းပြည်နယ်ပလက်ဝမြို့နယ်အရေးနဲ့ပတ်သက်ပြီး သူ့အမြင်တွေကို Chin World Media ကမေးမြန်းထားပါတယ်။
Crd Chin World

25/10/2024

တမူးမြို့နယ် နမွန်းတားကျေးရွာ တိုက်ပွဲတွင် စစ်ကောင်စီလက်အောက်ခံ ကသည်းလက်နက်ကိုင် ၃ ဦးသေ
>>>>>>>>>>>
Khumi Media Team
25 Oct 2024

စစ်ကိုင်းတိုင်း၊ တမူးမြို့နယ်၊ နမွန်းတာား ကျေးရွာမှာ မနေ့ အောက်တိုဘာ ၂၃ ရက်နေ့ မနက် ၄ နာရီခန့်က ထိုးစစ်ကြောင်းထိုးလာတဲ့ စစ်ကောင်စီ တပ်ဖွဲ့နဲ့ တမူးခရိုင်တပ်ရင်းနဲ့ မဟာမိတ် ပူပေါင်းတပ်ဖွဲ့ကြား ထိတွေ့ တိုက်ပွဲဖြစ်ပွားခဲ့တယ်လို့ သတင်းရင်းမြစ်တစ်ခုက ပြောပါ တယ်။

ယင်းတိုက်ပွဲမှာ စစ်ကောင်စီ လက်အောက်ခံ ကသည်းလက်နက်ကိုင် အလောင်း (၃) လောင်းနဲ့ အရှင်တစ်ဦး ဖမ်းမိထားတယ်လို့ပြောပါ တယ်။

"မနေ့ မနက်က စကစ ဘက်က ထိုးစစ်ဆင်လာတာ။ အဲမှမှာတိုက်ပွဲစဖြစ်တော့တာပေါ့" လို့ ၎င်းတို့နဲ့နီးစပ်သူက ပြောပါတယ်။ ၎င်းတိုက်ပွဲမှာ ပြည်သူ့ကာကွယ်ရေး မဟာမိတ် တပ်ရင်း ၄ (TSG) ဘက်က ရဲဘော် သုံးဦးမြင့်မြတ်စွာ အသက်ပေးလှူခဲ့တယ်လို့သိရပါတယ်။

အိန္ဒိယနိုင်ငံ မဏိပူရ် ခွဲထွက် ကသည်းလက်လက်နက်ကိုင် တပ်ဖွဲ့များဟာ စစ်တပ်အာဏာမသိမ်းခင်ကစလို့ မြန်မာနိုင်ငံမှာ ခိုလှုံနေခဲ့တာဖြစ်ပါတယ်။ ၂၀၂၁ ခုနှစ် စစ်တပ် အာဏာသိမ်းပြီးနောက် စစ်ကောင်စီနဲ့ ပူးပေါင်းပြီး တော်လှန်ရေးတပ်ဖွဲ့များကို တိုက်ခိုက်နေတာဖြစ်ပါတယ်။

ဒါ့ပြင် အိန္ဒိယ လက်နက်ကိုင်တပ်ဖွဲ့ဖြစ်တဲ့ တန်ကူး နာဂ လက်နက်ကိုင် အဖွဲ့ကလည်း ယခုအခါ စစ်ကောင်စီနဲ့ ပူးပေါင်းပြီး တော်လှန်ရေးတပ်ဖွဲ့အား တိုက်ခိုက်နေတယ်လို့ တော်လှန်ရေးတပ်ဖွဲ့များက ပြောပါတယ်။

25/10/2024

News CDF-မတူပီ၊ တပ်မဟာ ၂ ၊ တပ်ရင်း ၂ ရဲဘော်၊ ရဲမေတွေက ပြည်သူတွေရဲ့ စပါးရိတ်သိမ်းမှုတွေကို ကူညီပေးနေတယ်လို့ သိရပါတယ်။

``ပြည်သူ့ပေးတဲ့ ထမင်းကို စာသုံးသောကြောင့် ပြည်သူ့ဝင်ဆောင်မှု
အနေဖြင့် ကောက်ရိတ်သမားလေးများ🌾 အဖြင့်သို့´´

Address

Desa Satu Amanpuri

Website

http://www.KhumiMediaTeam.com/

Alerts

Be the first to know and let us send you an email when Khumi Media Team posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Khumi Media Team:

Videos

AAကိုချင်းပြည်နယ်ကနေထွက်ခွာသွားပေးဖို့ ကန်ပလက်ပြည်သူများငြိမ်းချမ်းစွာ ဆန္ဒပြ <>>>>>>>>>>>>>>>>>>>>>>><> Khumi Media Team 29 Oct 2024 အောက်တိုဘာ ၂၆ ရက်က ကန်ပလက်မြို့နယ်တစ်နေရာတွင် ကန်ပလက်ပြည်သူများသည် ဆိုင်းဘုတ်များကိုယ်စီဖြင့် ကိုင်ဆောင်ကာ ဆန္ဒပြ ကြသည် ဟုသိရသည်။ ( ဆန္ဒပြကြရာတွင် ) <>>>>>>>>><> *#ချင်းလူမျိုးညီညွှတ်ရေးကိုဦးတည်ကြ၊ *#အာဏာရှင်ဟူသမျှအလိုမရှိ ၊ *#ရခိုင်သားAAရခိုင်ပြည်ကိုအမြန်ဆုံးပြန်၊ *#CNAသာတို့ချင်းပြည်သူ့တပ်မတော်ဒို့အရေး၊ *#ရခိုင်သားအေအေငါတို့ပြည်ကအမြန်ဆုံးထွက်၊ *#အချင်းချင်းပစ်ခက်ရန်လှုံ့ဆော်သူတို့ရန်သူ၊ *#သွေးကွဲစေသည့်ရခိုင်သားအေအေအလိုမရှိ ၊ စတာတွေ ဆန္ဒဖော်ထုတ်ခဲ့ကြောင်းသိရှိရပါသည်။ #KhumiMediaTeam #ခူမီးမီဒီယာအသင်း #ChinState #ArkanArmy #AA #kanpalet #ကန်ပလက်ပြည်သူများ #ChinNationalArmy #CNA #ချင်းလူမျိုး

CCTV မှတ်တမ်းအရ စည်းကမ်းချိုးဖောက်တဲ့ ပြိုင်ပွဲ၀င် Samson Khen Tui တိုက်ရိုက်စီစစ်မေးမြန်းခြင်း ပြိုင်ပွဲဝင်Samson Khen Tuiရဲ့လုပ်ရပ်ကြောင့် ပြိုင်ပွဲဝင် မိန်းကလေးအပေါ် Chin Star founderမှ အရမ်းစိတ်မကောင်းဖြစ်ကြောင်းပြောကြား။

Hi everyone! 🌟 You can support me by sending Stars - they help me earn money to keep making content you love. Whenever you see the Stars icon, you can send me Stars! #StarsEverywhere

CNA/CDF-Tonzang တို့ရဲ့အောင်ပွဲ

တိုက်ပွဲတစ်နေရာမှ အောင်ပွဲဖြင့်ပြန်လာကြသော ချင်းအမျိုးသားတပ်မတော် CNA၊ CDF-Tonzang တို့အားတွန့်ဇံမြို့နယ် ပြည်သူများမှကြိုဆိုသည့်မြင်ကွင်း #KhumiMediaTeam #ခူမီးမီဒီယာအသင်း #CNF #CNA #CDF #ChinlandDefenseForce #ChinNationalFront #ChinNationalArmy #CDFTonzang

AA ထိန်းချုပ်ထားတဲ့ ချင်းပြည်နယ် ပလက်ဝမြို့နယ် အရေးနဲ့ပတ်သက်ပြီး ဝါရင့်ချင်းနိုင်ငံရေးသမား Salai Kipp အမြင် “ငါအင်အားရှိတယ် ငါအင်အားရှိတဲ့အတွက် ငါသိမ်းတယ်ကွာ မင်းတို့ဘာတတ်နိုင်လဲဆိုတာမျိုး သူတို့လည်း အဲ့တာခံခဲ့ရတယ် လေ ဗမာကအင်အားရှိတော့ မင်းတို့ရေနံတွေ ကြိုက်သလိုလုပ်မယ် ငါသုံးချင်သလိုသုံးမယ် မင်းတို့ ရော့အင့် တစ်ပြား/နှစ်ပြားပေးလိုက်တာ ဘယ်လောက်ခံပြင်းဖို့ကောင်းလဲ အဲ့တာ ကိုယ်ကိုတိုင်က အဲလိုဟာမျိုးခံလိုက်ရပြီးတော့ .... ကိုယ်ကအင်အားနည်းနည်းရှိလို့ဆိုပြီး အဲ့တာမျိုး ပြန်လုပ်မယ်ဆိုတာတော့ မသင့်တော်ပါဘူး ဒါကတော့ နောက်ပြီးတော့ ပြဿနာတွေက ကျနော်တို့မှာနည်းပါတယ်” ဝါရင့်ချင်းနိုင်ငံရေးသမား Salai Kipp နိုင်ငံရေးအကျဉ်းသားဟောင်း၊ ချင်းကျောင်းသားခေါင်းဆောင်ဟောင်း၊ ဝါရင့်ချင်းနိုင်ငံရေးသမားလည်းဖြစ်သူ ဒီမိုကရေစီအတွေးအ

Chin Star Season 2 : Top 7 Performance (Rock Week) ✝ပုံအပ်လိုက် ✝ သီချင်းနဲ့ပလက်ဝသား Ai Aung Linn Thein #chinstar #chinstate #palangvum #Khumi #ခူမီးမီဒီယာအသင်း #khumimediateam

Hi everyone! 🌟 You can support me by sending Stars - they help me earn money to keep making content you love. Whenever you see the Stars icon, you can send me Stars! #StarsEverywhere

ဘင်္ဂလားဒေ့ရှ်နိုင်ငံ စစ်တကောင်းဒေသ က ခူမီးလူမျိုးတို့ရဲ့ တောင်ပေါ်ဘဝတောင်ပေါ်အလှ #khumimediateam #palangvum #Khumi #စစ်တကောင်းဒေသ #sitakhong

ပလက်ဝကကိစ္စနဲ့ပတ်သက်၍ ဗိုလ်ချုပ်ထွန်းမြတ်နိုင်ပြော

ပလက်ဝကကိစ္စနဲ့ပတ်သက်၍ဖြေရှင်း

အမှတ်တရနယ်မြေ

ချင်းပြည်နယ်၊ ထန်တလန်မြို့ရှိ စစ်ကောင်စီတပ်ရဲ့ အမာခံစခန်း ခလ၇ (၂၆၉) တပ်ကုန်း ကို ချင်းပြည်အစိုးရ ပူးပေါင်းတပ်ဖွဲ့မှ မနေ့ ဩဂုတ် ၅ရက်နေ့က သိမ်းပိုက်လိုက်တဲ့ ဗီဒီယိုဖိုင် ဖြစ်ပါတယ်။ crd video

အောင်ပွဲခံမိန့်ခွန်း

8.8.2024 Khumi Media Team ချင်းညီနောင်နှင့် မဟာမိတ်တပ်ဖွဲ့များသည် ပူးတွဲစစ်ဆင်ရေးတစ်ရပ်အဖြစ် မတူပီမြို့ရှိ ခမရ(၃၀၄)၊ ခလရ(၁၄၀)နှင့် မတူပီအခြေစိုက် စစ်ဗျူဟာကုန်းတို့ကို ထိုးစစ်ဆင်တိုက်ခိုက်ပြီးနောက် ၂၀၂၄ခုနှစ်၊ဇွန်လ (၂၉)ရက်နေ့တွင် ၎င်းစခန်းများကိုအပြီးတိုင် တိုက်ခိုက်သိမ်းပိုက်ခဲ့သည်။ အောင်ပွဲခံကြသည့်အချိန်တွင် ရက္ခိုင့်တပ်တော် (AA) ဦးဆောင်ပြီး ရခိုင်စကားဖြင့်အောင်ပွဲ့ခံနေကြသည်ကိုတွေရသည်။ Breaking ပေါက်ကြားသွားပြီး။ အာရက္ခတပ်တော်(AA) က ချင်းပြည်မတူပီမြို့ လာတိုက်ခိုက်တုန်းက ချင်းပြည်မတူပီမြို့ကို ရခိုင်ပြည်နယ်မှာ ထည့်သွင်းဖို့ ရခိုင်ဘာသာစကားနဲ့အော်ကြတယ်။ AA က ချင်းနယ်မြေကိုလာကျုကျော် နယ်ချဲ့ နေတယ်။ ချင်းညီနောင်တွေက AA လက်အောက်ခံသက်သက်ဖြစ်တယ်ဆိုတာ ဒီရုပ်သံ ကြည့်ပြီးနောက်ပိုင် နာလည်သင့်ပြီး။ ရခိုင်လူမျိုးအလံနဲ့ AA အလံကို ခ

Shortcuts

Address
Alerts
Contact The Business
Videos
Claim ownership or report listing
Want your business to be the top-listed Media Company?

Country:

City:

05/02/2025

05/02/2025

02/01/2025

18/12/2024

06/11/2024

03/11/2024

29/10/2024

29/10/2024

28/10/2024

28/10/2024

28/10/2024

28/10/2024

28/10/2024

26/10/2024

25/10/2024

25/10/2024

25/10/2024

25/10/2024

Address

Website

Alerts

Contact The Business

Videos

CNA/CDF-Tonzang တို့ရဲ့အောင်ပွဲ

ပလက်ဝကကိစ္စနဲ့ပတ်သက်၍ ဗိုလ်ချုပ်ထွန်းမြတ်နိုင်ပြော

အမှတ်တရနယ်မြေ

အောင်ပွဲခံမိန့်ခွန်း

Shortcuts

Share