തമിഴ്നാട് കേരള അതിര്‍ത്തിയിലെ ജനങ്ങളെ ആശങ്കപ്പെടുത്തി കുറുവ സംഘം. പാലക്കാട് വാളയാറിനോട് ചേര്‍ന്നുള്ള കോളനിയില്‍ മാരകായുധങ്ങളുമായി ഇവര്‍ കവര്‍ച്ച നടത്താനെത്തുന്നതിന്റെ ദൃശ്യങ്ങള്‍ മനോരമ ന്യൂസിന് ലഭിച്ചു. അതിര്‍ത്തി ഗ്രാമങ്ങളിലുള്‍പ്പെടെ പൊലീസ് ജാഗ്രതാനിര്‍ദേശം നല്‍കിയിട്ടുണ്ട്.കമ്പിവടിയും വാളുമായി നീങ്ങുന്ന ഇവര്‍ നിസാരക്കാരല്ല. ഏതുസമയത്തും ആരെയും എതിര്‍ത്ത് തോല്‍പ്പിച്ച് കവര്‍ച്ച നടത്താനുള്ള ശേഷിയുള്ളവരാണിവര്‍. എഴുപത്തി അഞ്ചിലധികം വരുന്ന കവര്‍ച്ചക്കാരാണ് കുറുവ സംഘം. പകല്‍സമയങ്ങളില്‍ വ്യത്യസ്ത സംഘങ്ങളായി തിരിഞ്ഞ് വീടുകളിലെത്തി പരിസരം മനസിലാക്കും. ആക്രി സാധനങ്ങളും പഴയ പേപ്പറും ശേഖരിക്കാനും പൊട്ടിയ ബക്കറ്റ് ഒട്ടിക്കാനും എന്ന വ്യാജേനയെത്തി കവര്‍ച്ചയ്ക്കുള്ള പ്രാഥമിക നിരീക്ഷണം നടത്തും. ശരീരത്തില്‍ മുഴുവന്‍ എണ്ണതേച്ച് മുഖംമൂടി ധരിച്ച് രാത്രിയില്‍ വീടുകളിലെത്തും. എതിര്‍ക്കാന്‍ ശ്രമിക്കുന്നവരെ ആയുധം വച്ച് കീഴ്പ്പെടുത്തി കവര്‍ച്ച നടത്തി മടങ്ങുന്നതാണ് ഇവരുടെ ശൈലി.കരുത്തുറ്റ ആളുകള്‍ ഉള്‍പ്പെടുന്നവരാണ് പൊലീസിന്റെ ഭാഷയില്‍ കുറുവ സംഘം. തമിഴ്നാട് കേരള അതിര്‍ത്തിയോട് ചേര്‍ന്നുള്ള മധുക്കരയിലാണ് കഴിഞ്ഞദിവസം രാത്രിയില്‍ ഇവരെ കണ്ടെത്തിയത്. കവര്‍ച്ച നടത്താനെത്തുന്നതും വീടുകളില്‍ കയറി സാധനങ്ങളുമായി മടങ്ങുന്നതും സി.സി.ടി.വിയില്‍ പതിഞ്ഞിട്ടുണ്ട്. ഇവര്‍ കേരളത്തിലേക്കും കടന്നിട്ടുണ്ടെന്നാണ് പൊലീസ് സംശയിക്കുന്നത്.
Be the first to know and let us send you an email when White n Blackq posts news and promotions. Your email address will not be used for any other purpose, and you can unsubscribe at any time.
