BICOL News Online

29/04/2023

28/04/2023

28/04/2023

2023 MODIFIED PALARONG BICOL
Final and Official Result
April 24-28, 2023

26/04/2023

26/04/2023

Nangengenotan an ciudad nin Naga sa pig-gigibong Palarong Bicol!

14/04/2023

Maja Salvador, nag-paaram na sa Eat Bulaga.

23/02/2023

BASAHON | OPISYAL NA PAHAYAG KAN ENERGY DEVELOPMENT CORPORATION, PAGKATAPOS NA MA-CONFIRMAR NA DAI NA NIN BUHAY AN APAT NA PASAHERO KAN BUMINAGSAK NA CESSNA 340.

(An EDC an kagsadiri kan nasabing eroplano)

23/02/2023

Pigkumpirmar ni Camalig Mayor Carlos Irwin Baldo na dai na nin buhay an apat na pasahero kan eroplanong cessna 340 na buminagsak harani sa bunganga kan bulkan Mayon.

18/02/2023

Pagsadiri kan Energy Development Corporation (EDC) an eroplanong nawawara.

18/02/2023

Nagpapadagos sa ngonian an pigsasagibong search and rescue operation kan mga otoridad sa napabaretang nawawarang private plane C340 na nag-take off kasubagong aga, Pebrero 18, 2023 sa Bicol International Airport, sa Daraga Albay.

Basado sa report, huring na-kontak kan CAAP an eroplano poko mas o menos alas 6:40 kasubagong aga, asin nasa may vicinidad ini kan Camalig Cement Plant. Pakalihis nin nagkapirang minuto, nawaran na nin contact an CAAP sa nasabing eroplano.

Lunad kan eroplano sinda Capt. Rufino T. Crisostomo Jr (piloto), Joel G. Martin (crew), Simon Chipperfield (pasahero) asin si Karthi Santanan (pasahero). Australian Citizens sinda Chipperfield asin Santanan.

11/02/2023

Nakaresibi na kan saindang sweldo an mga benepisyaryo kan Tulong Pangkabuhayan sa Ating mga Disadvantaged/Displaced Worker (TUPAD) sa isinagibong payout sa provincia nin Catanduanes kan Pebrero 7, 2023.

Pinangenotan kan DOLE Catanduanes Provincial Office an nasabing payout para sa 88 benepisyaryo hale sa Virac, 87 man sa San Andres, 14 sa San Miguel, 6 sa Bato asin 5 sa Caramoran.

Kada saro sa nasabing mga benepisyaryo, nakaresibe nin P 3,650.00 na kabayadan sa saindang ginibong trabaho sa laog nin 10 aldao.

Presente sa nasabing pay out sinda Mr. Kim Zuñiga, DOLE DPO TUPAD Focal, Jayson de Leon, TUPAD Program Coordinator, Mr. Domingo Go, Ako Bicol Provincial Coordinator.

11/02/2023

Nagconducir nin symposium o seminar an mga personahes kan Regional Police Community Affairs and Development Unit 5 o RPCADU5 sa mga estudiante kan King Thomas Learning Academy, Inc. sa Brgy. Malubago, Sipocot, Camarines Sur kasuodma, Pebrero 10, 2023.

Pinangenotan ini ni PMaj Henry V. Taduran, Asst. Chief, RPCADU5, asin katuwang man an mga personahes kan Camarines Sur 1st PMFC, yaon man si Pastor David Ricafort kan Special Organize Communication, Inc. asin kan Sipocot Municipal Police Station.

Pinag-orolayan sa nasabing aktibidad an mga minasunod: RA11313 o Bawal Bastos Law; Community Anti-Terrorism; asin Drug Awareness Education Program.

Parte ini kan programa kan PNP na ma-ka-pagtao nin impormasyon sa mga jovenes tangani na mailikay sinda sa droga asin mag-kaigwa nin marhay na futuro.

10/02/2023

Legazpi City Police Station Hotlines

08/02/2023

Nawaran ni kontrol asin tuminama sa gilid kan sarong harong an sarong truck na kargado nin feeds sa Purok 9 Tagontong, Taysan Legazpi City kasubagong mag-a-alas dose nin udto, Enero 8, 2023.

Ligtas man an driver asin an pahinante kan nasabing truck.

📷ctto

08/02/2023

Nagsagibo ngonian na aldao, petsa 8 kan Pebrero nin Wreath Laying Ceremony sa Heroes Wall, Freedom Park (o mas midbid sa apod na Virac Fountain) para sa comemoracion kan ika-87 Liberation Day kan Catanduanea asin para man guiromdomon an mga bayaning Catandunganon na nakipaglaban para sa katalingkasan kan satuyang nasyon.

Pinangenotan ini kan opisina kan Provincial Veterans Affairs (PVAO) asin ni Vice Governor Peter Cua. Kaibahan man an mga miembros kan Sangguniang Panlalawigan, Department Heads, asin mga empleyado kan lokal na gobyerno kan Catanduanes.

Yaon man an PNP, BFP, PCG, asin mga war veterans asin survivors.

(an kodak, hale sa PIA Catanduanes)

08/02/2023

HILINGON || Turnover Ceremony kan bagong PSO Mobile Car hale sa LGU Legazpi.

Ipig-turn over na kan lokal na gobyerno kan Legazpi an dagdag na patrol car para sa Legazpi Public Safety Office o PSO.

An nasabing awto gagamiton kan PSO sa saindang aro-aldaw na operasyon orog na an pagpapa-otob kan mga traffic ordinance asin iba pa.

Presente digdti si Alkalde Geraldine Rosal asin si Ret. Col asin PSO Chief Rolly Esguerra kaibahan man PSO Enforcers na ginibo sa compund kan city hall kan Lunes, Pebrero 6, 2023.

08/02/2023

PAISI HALE SA BANWAAN KAN MINALABAC, CAMARINES SUR!

Sa maabot na Feb. 9, 2023 9:30am katuwang an satuyang Mayor Christopher R. Lizardo, ICO-MA Mark Francis G. Ibo and Crop Insurance team kan opisina, madistribuer nin cheke an assigned officer kan PCIC na si Mr. Justine Mendevil sa mga paraomang nagpa-notice of loss asin nabisita na kan adjuster nin huli ta an saendang mga naipainsured na tinanom nadistroso kan mga peste (𝐾𝑖𝑛𝑜, 𝑡𝑎𝑦𝑎𝑛𝑔𝑎𝑤, 𝑡𝑢𝑛𝑔𝑟𝑜) asin bagyong Paeng ( 𝑃𝑎𝑟𝑐𝑖𝑎𝑙 𝑝𝑎𝑙𝑎𝑛𝑔 𝑝𝑜 𝑎𝑛 𝑠𝑎 𝑏𝑎𝑔𝑦𝑜𝑛𝑔 𝑚𝑎𝑡𝑎𝑡𝑎𝑤𝑎𝑛 𝑛𝑖𝑛 𝑐ℎ𝑒𝑘𝑒).

08/02/2023

Sarong gadan asin na-aagnas na sea turtle o bahô an nakua sa baybayon kan Brgy. Nazareno, San Pascual, Burias Island, Masbate kasuodma, Pebrero 7, 2023.

Pigtutubudan na an nahiling na 2 tama nin bala sa likod kaini an naging causa kan pagka-gadan.

08/02/2023

HILINGON| Sitwasyon kan naging landslide sa Sitio Setenta y dos, Brgy. Patitinan, Sagñay, Camarines Sur.

Dai ma-agihan an Sagñay - Tiwi Road.

(an mga kodak, hale kay VM Harold Bryan San Felipe)

08/02/2023

Nagadan an sarong 46 años na barangay tanod kan Brgy. San Cirilo sa banwaan kan Pascao, Camarines Sur matapos mahudong kan kinakan na butete o puffer fish.

Agaw buhay man sa ospital an 60 años na agom kaini asin aki na labi 3 taon.

07/02/2023

Nagpaluwas nin sarong resolusyon an Sangguniang Panlalawigan ka Albay tangani na hagadon sa Philippine Charity Sweepstakes Office o PCSO na ipa-pondo an opersayon kan Small Town Lottery o STL sa provincia o bawion an License to Operate kan operator kaini.

Base sa resolution 0361-2023, an operasyon kan STL na sa padalagan kan Royal Fortune Gaming Corporation, linaog na nin ilegal na jueteng asin dae ini nagdedeklara kan tamang koleksyon sa gobyerno kada bulan na sarong pagbalgar sa probiyones kan Implementing Rules and Regulations o IRR sa pagpadalagan ki sarong Small Town Lottery.

Maguiguiromduman na maka-dowang beses na pina-apod kan SP Albay an operator kan STL sa mga ginibong pagdangog kan Comittee on Games and Amusement, pero dai ini nag atender.

07/02/2023

An Good Financial Housekeeping sarong pag-onra na pigtatao sa mga local government unita o LgU na nakapasa sa guidelines na pogtao kan Commission on Audit o COA.

07/02/2023

Naghahanda na an lokal na gobyerno kan Camalig Albay para sa pagbabalik kan Pinangat Festival ngonian na 2023.

Segun kay Alkalde Caloy Baldo, maogma sya na pakalihis ki tolong taon por dahil sa pandemya, malalawos na an saindang festival.

Naglalaom si Baldo na mas mapapakusog pa ninda ang turismo sa saindang banwaan tangani na makatabang sa pang aru-aldaw na pag-hanap buhay kan saiyang mga namamanwaan.

07/02/2023

Naghagad nin tabang si Albay Governor Edcel ‘Grex’ Lagman sa Department of Health tangani na reparohon asin ma-assess an sitwasyon kan mga district hospital kan provincia.

Sinabi ni Provincial Administrator Sheina Onrubia-Dela Cruz sa sarong entrevista, na sa maabot na semana o sa Pebrero 15 - 17 maabot an mga personahes kan DOH para sa nasabing assessment.

Enot ng binista ni Gob Lagman asin kan Albay Provincial Healht Office an mga ospital kan mga naka-aging aldaw asin nadiskubre an manlaen laen na problema o isyu kan mga ini arog kan: kakulangan sa medical supplies, equipments, bulong, igwa man ki ospital na wara nin kuryente o generator, asin skills training kan mga health care professionals.

Mawot kan Gobernador na magin fully functioning at well managed an mga ospital na painapadalagan kan lokal na gobyerno kan provincia ngonian na taong 2023.

06/02/2023

Vehicular Accident sa Bulan Sorsogon, kasubagong pasado 8:30 nin banggi, Pebrero 6, 2023

06/02/2023

Nagtukaw na an bagong General Manager kan Legazpi City Water District.

06/02/2023

Ipigbobosol ngonian sa kamara an 30 aldaw na fully paid Paternity Leave Benefit sa gabos na working fathers.

Sa propuestong lakdang ni Quezon City Representative Marvin Rillo, hale sa 7 aldaw na Paternity Leave Benefit, gigibuhon na ining 30 aldaw asin gabos na ama makaka-avail kaini maski bako kasal asin maski bako regular sa trabaho.