Pure ENT News (2024)

21/12/2022

INANUNSYO ng Bureau of Immigration (BI) na naaresto ng mga ahente nito sa Ninoy Aquino International Airport (NAIA) ang isang professional basketball player dahil sa pagtatangkang pumasok ng bansa gamit ang pekeng Philippine passport.

Sa isang pahayag, kinilala ni Immigration Commissioner Norman Tansingco ang pasahero na 36-anyos na si Avery Roberto Scharer, na naaresto noong Huwebes nang dumating ito sa Ninoy Aquino International Airport (NAIA) terminal 1.

Si Scharer ay dumating lulan ng Philippine Airlines flight mula sa Canada nang iprisinta niya sa mga immigration officer sa arrival area ang kanyang American at Philippine passports.

Pero napuna ng BI officer na may discrepancies at iregularidad sa kanyang Philippine passport na naging dahilan upang timbrehan ang naka-duty na supervisor sa travel document ni Schrarer. Matapos nito ay ininderso ang mga dalang dokumento ng basketbolista sa forensic documents laboratory ng BI para sa examination.

Matapos ang examination ay naglabas ang forensic laboratory ng certification na nagkukumpirma na ang Philippine passport na prinisinta ni Scharer ay fraudulent o palsipikado.

Nagpost pa umano si Scharer sa social media na siya ay iligal na ikinulong ng mga awtoridad ng immigration nang dumating siya sa NAIA.

“Our forensic equipment confirmed the suspicion of our officers,” sabi ni Tansingco.

“The Philippine passport he presented contained tampered pages, including the biographical data page. His attempt to conceal these alternations cannot escape the scrutiny of our inspectors. Posting false information on social media to gain sympathy despite the violation further manifests undesirability. There are no sacred cows, as any foreign national who have violated immigration laws and presented fake documentation will be arrested,” dagdag pa nito.

Si Scharer ay itinurned-over sa BI legal division para sa inquest proceedings para sa kasong paglabag sa Philippine passport act at sa paggamit ng mga palsipikadong dokumento.

Ang basketbolista ay mananatili sa detention center ng BI sa Bicutan, Taguig habang hinihintay ang resolusyon ng kanyang kaso.

Nabatid na si Scharer ay naglaro sa iba’t-ibang collegiate, amateur at professional basketball leagues sa US at Asia. Noong 2015, si Scharer ay na-draft bilang fifth overall ng Wang’s Basketball Couriers sa Philippine Basketball Association (PBA) D-League. (JERRY S. TAN/ JOJO SADIWA)

The post Professional basketball player, arestado sa pekeng pasaporte appeared first on Police Files! Tonite.

Source: Police Files Tonite

INANUNSYO ng Bureau of Immigration (BI) na naaresto ng mga ahente nito sa Ninoy Aquino International Airport (NAIA) ang isang profess...

21/12/2022

“MAY COVID pa rin po”.

Ito ang pahayag ni Manila Mayor Honey Lacuna kasabay ng paalala niya sa mga residente ng lungsod na hindi pa nagpapabakuna ng primary shots at nagpapabooster na magpaturok na.

Pinaalalahanan din ni Lacuna ang lahat ng Manileño na ipagpatuloy ang pagsunod sa minimum health protocols lalo’t kabilaan ang nagaganap na party ngayon dahil panahon ng Kapaskuhan.

Ang panawagan ay ginawa ni Lacuna matapos ang COVID update kamakailan na may mga indibidwal pa na nahahawahan ng impeksyon.

Ang alkalde ay partikular na nalungkot sa ulat na may mga COVID-related death pa rin: “May pumanaw sa impeksyon. Dapat po talaga wala nang ganito eh. Meron pa rin tayong available vaccines kundi pa kayo nababakunahan o nagpapa-booster Vaccination is still the solution against COVID-19.”

Para naman sa mga nabakunahan at naturukan ng booster, sinabi ni Lacuna na maging maingat pa rin at laging sumunod sa health protocols tulad ng pagsusuot ng face masks sa mga lugar kung saan ang transmisyon ng virus ay posible at imposible ang physical distancing.

“Patuloy tayong mag-ingat dahil may mga nagkakaroon pa rin ng COVID. Di natin maaring sabihin na porke’t bakunado ay ligtas na against COVID dahil marami kaming kakilala nakaka-tatlo na, nagkakaroon pa rin,” dagdag ni Lacuna.

Binigyang diin ni Lacuna na dahil maraming tao pa rin ang nahahawa ng COVID, lumilitaw lang na nasa paligid lamang ang COVID.

“Ibig lang sabihin nito na di pa rin tayo ligtas, ke nagkaron dati o ngayon pa lang, COVID is still here to stay, lalo na ngayong Kapaskuhan na madami nang tao sa labas at ang pagsusuot ng face masks ke indoor o outdoor, ay pareho nang boluntaryo,” pahayag pa ng alkalde. (ANDI GARCIA)

The post ‘COVID is still here, magpabakuna, magpa-booster po tayo’ – MAYOR HONEY appeared first on Police Files! Tonite.

Source: Police Files Tonite

“MAY COVID pa rin po”. Ito ang pahayag ni Manila Mayor Honey Lacuna kasabay ng paalala niya sa mga residente ng lungsod na hindi pa ...

21/12/2022

NABUNYAG at pormal nang iniakyat sa Office of the Ombudsman sa pamamagitan ng isang pormal na reklamo, ang umano’y korapsiyon na sinasabing nagaganap sa tatlong tanggapan ng pamahalaan, hinggil sa maling paggamit ng electronic online payment ng mga fees o bayarin.

Inihain ni Atty. Danilo Abaya Tiu ang reklamo ng korapsiyon sa Ombudsman laban sa mga opisyal ng Development Bank of the Philippines (DBP), Professional Regulations Commission (PRC), at DBP Data Center Inc (DCI) na umano’y nakipagsabwatan sa Multisys Technologies Corporation at Multipay Corporation hinggil sa improper use ng electronic online payment ng mga fees.

Nabatid na pinadalhan din ni Atty. Tiu ng kopya ng kanyang reklamo ang Governance Commission for GOCCs (GCG), na tumiyak noong Disyembre 13, 2022 na ang kopya ng reklamo ay makakarating sa kaukulang GCG officer para sa kaukulang aksiyon.

Ang Multisys ay kilalang partner at ka-joint venture ng iba pang korporasyon, pangunahin ang My EG at IPAY, na nagbibigay ng fintech services sa iba pang ahensiya ng pamahalaan.

The post Korapsiyon sa hindi tamang paggamit ng Electronic Online Payment ng mga fees, nabunyag appeared first on Police Files! Tonite.

Source: Police Files Tonite

NABUNYAG at pormal nang iniakyat sa Office of the Ombudsman sa pamamagitan ng isang pormal na reklamo, ang umano’y korapsiyon na sina...

21/12/2022

TODO puri at pasasalamat ang mga pahayag ng Kamatayan Bloc, ehem, Makabayan Block pala sa Kongreso, sa pagkamatay ni Jose Maria “Joma” Sison – ang founder ng komunistang-teroristang CPP-NPA-NDF.

Isa raw sa pinakamagiting na Filipino si Joma, ang sabi ng Makabayan Block sa Congress na dati’y kinabibilangan ng mga party list group na Kabataan, Bayan Muna, ACT Teachers, Anakpawis at Gabriela Women’s Party. Ngayon ay tatlo na lamang, ang Kabataan, ACT Teachers, at Gabriela.

Dapat nga raw, dagdag pa ng Makabayan Block ay dakilain at alalahanin si Joma, at nangako pa ang mga ito na itutuloy ang sinimulan ni Joma na pakikibaka at pakikipaglaban sa pamahalaan.

Nangangahulugan, ang mga miyembro ng Makabayan Block, simula’t sapul na maisabatas ang partylist system, ay sinamantala na ng mga ‘hunyangong’ mambabatas na mga to, ang partylist system at sila mismo ang umaamin na sila ay kasapi ng grupo sa kabila ng kanilang mga “ligal” na prente.

Para po sa kaalaman ng Makabayan Block, alam na ng maraming Filipino na si Joma Sison ang founder ng CPP-NDF-NPA na idineklara ng mga “komunistang-terorista” di lamang dito sa ating bansa, kung di sa marami pang bahagi ng mundo.

Ang panggugulo sa marahas na pamamaraan ng CPP-NPA-NDF sa kautusan ni Joma, ay kailanman di papayagan ng talagang mga Filipinong nagmamahal sa bayan. Kaya nga bawat Administrasyong namumuno sa Malacañang at sa bayan ay nilalabanan si Joma at ang CPP-NPA-NDF.

Ang di lamang magawa ng pamahalaan dahil sa diwa ng demokrasya at pag-galang bilang sa mga mambabatas ay kalusin na rin ang mga sungay ng Makabayan Block.

Ngunit di diyan nagtatapos ang laban sa CPP-NPA-NDF, nagawa na ng nakaraang Administrasyong Duterte, na halos malipul ang mga miyembro nito, at ipakilala, na mga komunistang-terorista talaga, ang mga miyembro ng Makabayan Block.

Ang resulta ng laban na yan sa Makabayan Block ay nakita sa kinalabasan ng nakaraang halalang May 2022, kung saan tatatlo na lamang na Makabayan Block partylist group ang nanalo sa pamamagitan ng panlilinlang sa ating mga kababayan na sila ay ang tunay na kinatawan ng taong bayan. Utot niyo!

At ang pagkamatay ni Joma ay di magiiwan ng maganda niyang mga nagawa sa bayan, kung di, ang mga kalabisan at pamamaslang ng mga CPP-NPA-NDF sa mga inosente nating mga kababayan. Maging ang kasinungalingan ng Makabayan Block ay di malilimutan ng taong bayan.

—

The post Kamatayan bloc lumantad na appeared first on Police Files! Tonite.

Source: Police Files Tonite

TODO puri at pasasalamat ang mga pahayag ng Kamatayan Bloc, ehem, Makabayan Block pala sa Kongreso, sa pagkamatay ni Jose Maria “Joma...

21/12/2022

HABANG lumalaon lumilinaw na ang usapin ng hustisya sa bansa’y nakakiling sa kung sino ang malapit o nasa poder ng kapangyarihan. Higit kung ang usapin na nakasalang ay may kinalaman sa pagitan ng meron at wala. May pangyayari na sa antas pa lang ng kapulisan kita ang pagkiling sa may pera o kaya sa may kaya sa buhay. Hindi malimutan ni Mang Juan ang tungkol sa tsuper ng isang mamahaling sasakyan na nanagasa ng traffic enforcer na tumagal ng ilang araw bago naimbitahan sa istasyon ng pulisya sa punong himpilan ng kapulisan. Uulitin, hindi hinuli sa halip inimbitahan ng kapulisan upang magpaliwanag hinggil sa kinasangkutang insidente. Nasa isang silid na may aircon, may media, naroon ang puno ng kapulisan, walang mugshot na naganap. Ano tama o mali ang unang pahayag. Sa kabilang dako, nariyan ang anak ni Aling Nanette ng Tondo na hindi na narinig ng panig at nakahandusay sa kakalsadahan sa isang hinalang akusasyon.

Mailap ang katarungan sa mga tao o personalidad na hindi sumasakay sa ibig ng mga nasa pamahalaan higit kung maririnig ito ng pagpuna na dama sa kaibuturan ng mga tinatamaan. Ayaw ng mga puna at batikos na tuwirang may tama sa gawa lalo’t may kinalaman sa pagpapaalwan ng buhay. Hindi na ibig na mawalay sa sarap ng buhay na dama higit kung kasama ang pamilya sa pakinabang na dala ng posisyong tangan. Naaalala ni Mang Juan ang anak ng isang kalihim na nahulihan ng droga subalit hindi man nakita ng madla ang mug-shot at patago pa ang inilabas na larawan na silip ang mukha. Ang masaya dito, may katagalan bago nasampahan ng kaso, may kaso na nga ba? Saan karsel ito naka piit? O’ unang naalis ang dating hepe ng PDEA sa pwestong kinalalagyan dahil sa panghuhuli sa anak ng kalihim, Tama ba ito Bondying?

Sa takbo ng katarungan, marahil magandang pagkakataon ito lalo sa natitirang araw ng taon para sa kasalukuyang pamahalaan na balik tanawan ang ilang usapin na kailangan ng masusing pagsusuri at kung nararapat na tuldukan, eh tuldukan. Tiyak na malaking kabawasan sa balikat ng mga taong gobyerno na naatasan na tumutok sa usapin, maging sa dumidinig. Sa kabilang banda, mainam na mabigyan ng pansin ang mga kaso na may katagalan ng hindi umuusad na bigyan pansin ng hindi magtagal sa pagkakapiit ang mga akusadong dapat palayain. Habang ang mga usapin na kailangan iakyat sa husgado’y dapat iakyat ng mabilis marinig at mabigyan pasya.

Bigyan laman ang usapin na kailangang bigyan pansin lalo’t may katagalan ng nasa piitan ang akusado na naparatangan ng mali dahil sa paniniwalang napikon ang dating pangulo na dating Mayor sa imbestigasyong ginawa ng ito’y puno ng CHR. Mahigit limang taon na nakapiit ang isang anak, ina, kaibigan, senador, puno ng CHR at dating kalihim na si Leila de Lima. Sa paratang ng dating pamahalaan, nawalan ng kalayaan si dating Sen. D5 na dahilan ng kanyang pagkakapiit. Mahaba na ang itinakbo ng usapin na naglantad sa kahinaan ng hustisya sa bansa dahil sa dami ng balakid upang madinig ng may kabilisan ang usapin na isinalang laban sa butihing senador.

Sa totoo lang, malayo na tinakbo ng usapin at may kaganapan na muntik na nitong ikapahamak habang nasa piitan. Hindi mawala ang panganib sa pagtigil sa isang lugar na ‘di mo hawak ang pagpapasya kung sino at hindi ang dapat ang makapasok o papasukin sa lugar na kinalalagyan. Ang naganap na insidente na nagdulot kay Sen D5 ng takot na ‘di maarok ang nagtulak sa pitak na ito umapela sa pamahalaan na bigyan ito ng mabilis na paglilitis. Paglilitis na nakamit ng ilang opisyal ng pamahalaan na nakasuhan. Magandang regalo para sa akusado na mabigyan ng mabilis na pagdinig na hindi ibinigay sa panahon ng dating pamahalaan. Sa totoo lang, ang kaganapan sa usapin ni Sen. D5, tila may hugis na dahil sa unti-unting nagbabago ng mga salaysay ang mga testigo na pinuwersa na lumagda sa isang affidavit na ‘di totoo. Ngunit, tunay na malikhain ang sanlumikha at parang domino na bumabagsak ang mga kasong iniharap sa dating senador sa pagbawi at pag amin ng mga testigo na gawa- gawa ang mga pahayag laban kay Sen.D5.

Sa takbo ng pangyayari lalo sa pagbaliktad ng mga testigo laban kay Sen. D5, napapanahon na isantabi ang usapin o isuko ang laban lalo’t may pahayag ang mga dating testigo na pinilit lang lumagda sa affidavit. Ang maling paggamit sa mga taong nasa posisyon para sa sariling interes ng nasa poder ang isang sakit na ‘di na dapat umiral sa lipunan lalo sa pamahalaan na nagpapairal ng Karapatan Pantao higit ng mga akusado. Napapanahon na iuurong ang kasong iniharap at kagyat na palayain ito. Ang mapalaya si dating SenD5, sa ngalan ng tapat na katarungan ang isang magandang pamasko na ihahandog ng pamahalaan. Malinaw na magkakaroon ito ng epekto lalo sa mga taong maling naakusahan.

Umaapela ang pitak na ito sa pamahalaan sa ngalan ng hustisyang makatarungan ang ibigay ang kalayaan sa dating Sen D5. At ito ang tamang gagawin. Wala ng dahilan upang manatili ito sa piitan dahil sa mga naganap na pagbaligtad ng mga testigo na dahilan ng pagkakapiit. Hindi kalabisan na igawad ang tamang pasya na palayain ito dahil sa maling paratang at sa pahayag ng mga testigo. Magandang puntos ito para sa pamahalaan ni Boy Pektus, na pagbibigay ng tamang hustisya sa mga taong pinagkaitan dahil sa kabila ang paniniwala. Tama ang panahon na makamit ang Kalayaan lalo’t malapit na ang araw ng Pasko. Boy Pektus isang magandang pagkakataon na isulong ang tamang hustisya para sa lahat at para kay Sen. D5.

Isang karagdagan, sa takbo ng panahon lalo’t dama na ang lamig at ang simoy ng kapaskuhan, nariyan at nilagdaan na ang pambansang budget ng gobyerno para sa 2023, nararapat na bigyan pansin ang kagalingan ng bayan. Maaari bang patikimin sina Mang Juan, Aling Marya, Ba Ipe at ang balana ng kapirasong kaginhawahan lalo sa pagbaba ng presyo ng maraming bilihin. Mainam na maibigay ng pamahalaan ang pamasko sa panahong ito, ang paggalaw ng mga bilihin pababa ang mainam na pamasko ng mapagkasya ang P500.00 budget para sa Noche Buena.

Maligayang Pasko sa Lahat!

Maraming Salamat po!!!

The post ISANG MAGANDANG PAMASKO appeared first on Police Files! Tonite.

Source: Police Files Tonite

HABANG lumalaon lumilinaw na ang usapin ng hustisya sa bansa’y nakakiling sa kung sino ang malapit o nasa poder ng kapangyarihan. Hig...

20/12/2022

SISIMULAN na ng Department of Justice (DOJ) ang pagpapatayo sa “super max prison” sa Mindoro sa susunod na taon bilang bahagi ng isinusulong ng ahensya na decentralization ng mga kulungan at pagbuwag sa mega prison gaya ng Bilibid.

Sa sandaling matapos ay ililipat na sa super max prison ang mga high-profile at drug-related inmates.

Kaugnay din nito ay magpapatayo ang national government ng apat na regional jail habang walo ang ipatatayo ng lokal na pamahalaan.

Umaasa si Remulla na matatapos ito sa 2027.

Samantala, nasa 2,000 Persons Deprived of Liberty (PDL) pa ang target na mapalaya ng DOJ sa susunod na dalawang buwan sa pamamagitan ng executive clemency.

Layon nito na ma-decongest ang mga kulungan.

The post Pagpapatayo ng “super max prison” sisimulan na ng DOJ sa 2023 appeared first on Police Files! Tonite.

Source: Police Files Tonite

SISIMULAN na ng Department of Justice (DOJ) ang pagpapatayo sa “super max prison” sa Mindoro sa susunod na taon bilang bahagi ng isi...

20/12/2022

UMISKOR si Giannis Antetokoumpo ng 42 points at humatak ng 10 rebounds upang pamunuan ang Milwaukee Bucks sa 128-119 NBA victory kontra Zion Williams at ang New Orleans Lunes ( Martes sa Manila time)

Dinomina ng two-time Most Valuable Player Antetotokoumpo ang paint, nagawa ang 12 sa kanyang 17 shots mula sa floor at 17 sa kanyang 22 free throws.

Samantala nalimitahan ng Bucks si Williams, ang New Orleans star forward na nagtapos ng 18 points,seven rebounds at seven assists.

Center Jonas Valanciunas nagpaulan ng seven 3-pointers tungo sa 37 points habang si CJ McCollum kumana ng anim na 3-pointers at 31 points.

Brook Lopez nagdagdag ng 30 points at 18 mula kay Jrue Holiday para sa New Orleans.

Ang East-leading Bucks ay umangat sa 22-8.Ang Pelicans,na nangunguna sa West kamakailan ngayon buwan matapos ang seven-game winning streak, ay nalasap ang 4th straight defeat.

“Overall there was a lot of really good defensive effort,” Wika ni Bucks coach Mike Budenholzer.

The post Antetokounmpo bida sa panalo ng Bucks vs Pelicans appeared first on Police Files! Tonite.

Source: Police Files Tonite

UMISKOR si Giannis Antetokoumpo ng 42 points at humatak ng 10 rebounds upang pamunuan ang Milwaukee Bucks sa 128-119 NBA victory kont...

20/12/2022

Napakatindi pala nitong isang EX-BARANGAY KAGAWAD sa TANAY, RIZAL dahil kung oagbabasehan ang akusasyon ng isang biyudang naghain ng kaso ay bukod sa pagiging PROFESSIONAL ISKUWATER dahil illegal na inokupahan nito ang loteng pagmamay-ari ng biyuda ay ESTAPADOR pa ang una dahil tinangayan pa ng pera ang huli.

Nitong nagdaang Linggo ay naghain ng kasong ESTAFA ang nasabing EX-BRGY. KAGAWAD na umano’y nagpapanggap na “mahirap” at “landless”.., pero napag-alamang may-ari ng iba’t ibang bahay na ‘yung iba ay paupahan pa na itinayo sa pribado at tituladong lote sa TABAY, RIZAL na pag-aari ng dalawang biyuda.

Ang nagsampa ng kaso ay ang isa sa dalawang biyuda, na sa kagustuhang mapabilis na mabakante ang kanyang ari-arian ay pumayag pa na bayaran na lamang ang dating kagawad sa mga nagastos nito sa “illegal na pagpapatayo” ng magarang bahay sa lote ng halagang P600, 000.., subalit sa halip na umalis pagkaraang tanggapin ang paunang bayad na P400, 000 ay di na muling nakipag-usap.

Sa salaysay ni MS. FELICIDAD Z. ABUYA na Isinumite sa tanggapan ni TANAY POLICE CHIEF, LT. COL. RODOLFO SANTIAGO, ang EX-BRGY. KAGAWAD. na si SALVADOR NEBRAN ng BRGY. MANILAYDILAY, TANAY ay nakipagkasundo umano na kapag binayaran ito ng P600,000 ay kusa na itong aalis, gayundin ang mga kasamahan niyang illegal na umukupa sa pag-aaring lote ng biyuda.

Ang KASUNDUAN ay isinagawa sa harap ni BRGY. MANILAYDILAY CHAIRMAN MANALO at TESTIGONG si RAQUEL REDADO, na nagkita-kita sa loob ng BDO BRANCH ng TANAY noong Enero 10, 2017.., na kasama pa noon ni NEBRAN ang kaniyang ASAWA, at personal na tinanggap ang P400,000 mula kay MS. ABUYA at ang kakulangan sa KASUNDUAN na P200,000 ay ibibigay kapag lumisan na ang buong grupo ni NEBRAN sa lote ni ABUYA.

Gayunman, hanggang sa ngayon ay hindi pa rin nililisan ni NEBRAN ang lote na kung tutuusin ay matagal nang ipinag-utos.., at yan ay noon pang Agosto 22, 2011 sa hatol ng Municipal Trial Court ng Tanay, Rizal na bakantehin ng mga illegal na nakatira rito ang lote, at kasama sa kautusan ang pagbabayad ng P10,000 monthly, sa loob ng 11 taon na illegal nilang pag-ukopa rito.

Maraming iskwater ang nakiusap sa dalawang biyuda na may-ari ng lote, na aalis na lamang sila at ‘wag nang pagbayarin ng malaking halagang upa, kaya’t halos lahat sa mga ito ay umalis na sa lugar.., maliban kay kagawad na tuloy ang pagmamatigas.

Ang masama pa rito, ayon sa abugado ng mga biyuda.., “hindi na umalis ay pinalabas pa ni kagawad na may mahigit na 60 pa raw na kabahayan ng mga “landless familes” ang nasa pribadong lote, sa isinagawang Pre-Demolition Conference (PDC) ng tanggapan ng PRESUDENTIAL COMMISSION FOR THE URBAN POOR (PCUP), na agad na nagpasiyang di maaaring magkaroon ng demolition hangga’t walang maibibigay na ayuda ang local na pamahalaan sa mga iskwater na mahihirap daw na nakatira pa sa naturang lote.”

Si NEBRAN at kaniyang mga kasamahan ay UNANG IDINEMANDA ni MS. DIVINA PERALTA na asawa ng namayapang GENERAL PERALTA na nanungkulan noong administrasyon ni dating FERDINAND MARCOS SR.., na ang claim niya ay pinanigan ng korte at inatasan pa ang grupo ni NEBRAN na magbayad ng P10,000 kada-buwan sa panahon ng pag-ukopa nila sa nasabing Lugar.

Ang LOTE ni PERALTA at ABUYA ay magkadikit lang at matagal nang pinaaalis ang grupo ni NEBRAN sa naturang pribadong lote.

Sabagay, may hatol na ang korte pabor sa CLAIM ni MS. PERALTA at pinalalayas ang grupo ni NEBRAN sa loteng kanilang inokupahan at ngayon naman ay muling sasalang ito sa korte sa kasong isinampa naman ni MS.ABUYA dahil sa pagiging ESTAPADOR nito!!!

***

Kung may reaksiyon lalo na sa mga nakakanti ng ating kolum ay maaari po kayong mag-email sa [email protected] o magtext lamang sa 0969 536 8851 para sa inyo pong mga panig.

The post EX-KAGAWAD SA TANAY.., PROFESSIONAL ISKUWATER NA ESTAPADOR? appeared first on Police Files! Tonite.

Source: Police Files Tonite

Napakatindi pala nitong isang EX-BARANGAY KAGAWAD sa TANAY, RIZAL dahil kung oagbabasehan ang akusasyon ng isang biyudang naghain ng ...

20/12/2022

SA pamamagitan ng SIKRETA kolum ay ipinaaabot natin kay Criminal Investigation and Detection Group Chief Maj. Gen. Ronald Lee na gasgas na gasgas ang kanyang pangalan dahil sa panggagamit ng mga operator ng mini casino sa bayan ng Lian, Batangas at sa mga pergalan (perya at sugalan) sa mga siyudad ng Tanauan, Lipa at mga munisipalidad ng Padre Garcia, Rosario at ibang panig ng probinsya.

Upang malaman ang katotohanan, dapat na mag-imbestiga si Gen. Lee para mahinto ang balita na siya ay may kinalaman sa operasyon ng mini-casino sa katabi lamang ng Lian Public Market na may ibat ibang uri ng pasugal gaya ng sakla, mga card game tulad ng monte, pusoy, lucky nine at iba pa, ganon din ang beto-beto, high low, drop ball at marami pang iba.

Bukod sa mga iligal na sugal, mas paboritong pinagkukumpulan ng mga dumarayong sugarol mula sa ibat ibang siyudad at mga bayan sa Batangas at mga karatig na probinsya ng CALABARZON area ay ang larong bilyar dahil ang pustahan ng grupo ng magkalabang player ay umaabot sa milyones, ayon sa ating police insider.

Nakamamangha na ilang araw pa lamang ang nakararaan, umabot sa Php 3.8 milyon ang pustahan sa bilyar na ang magkatunggali ay mga dayo at kilalang mga sabungerong sugarol mula sa mga bayan ng Lemery at Agoncillo at ang kalaban ay mga taga-Lian, Tuy, Balayan na pinagwagian ng una- Lemery at Agoncillo.

Ang pustahan sa nasabing mini casino na hindi naman kalayuan sa Lian Municipal Hall at police headquarter ng Lian ay milyones, kaya isipin na lamang natin kung magkano ang umiikot na salapi at ang kinikita ng financier/ operator nito na nagpapakilalang kaibigan ni MGen. Lee kaya pati sina Batangas Provincial Director Pedro Soliba, Lian Mayor Joseph Peji at town Police Chief, Maj. Jeffrey Dallo ay hindi makaporma.

May unipormado pang pulis na nakabantay sa akala mo ay ligal na casino sa oras ng mga konsiyerto. Sino ba naman ang di maniniwala na baka nagyayabang lamang ang operator nito na kumpare si MGen. Lee, gayong maging ang ilang mga operatiba ng CIDG Batangas Provincial Office na nasa ilalim ni P/Maj. Jet Sayno ay nakikita ding nagtatambay sa naturang casino?

Bakit naman kaya parang estatwa lang sa kanyang opisina si R4A CIDG Regional Chief Col. Joel Ana, walang pakialam gayong nababalahura ang pangalan ng kanyang immediate superior?

Dahil ang mini-casino na ito ay dinudumog at malimit na nag-ooperate ng 24 oras, sinong Poncio Pilato ang maniniwala na hindi din ito alam ni PNP Region 4A Director, PBGen. Jose Melencio Nartatez Jr. maliban na lamang kung siya’y pinagtataguan ng impormasyon ng kanyang Regional Intelligence Officer at ng S-2 o intelligence chief ng Batangas PNP Provincial Police Office at mismong ni PD Soliba at ng hepe ng kapulisan ng Lian, Maj. Dallo, na may malaking pasugalan sa pinaka-sentro ng nasabing bayan na nasakupan ng 1st District ng Batangas.

SAKLA, STL BOOKIES AT PERGALAN SA PADRE GARCIA, TANAUAN,

LIPA, AT ROSARIO, BATANGAS DIN LANTARAN ANG OPERASYON!

HINDI lamang sa lalawigan ng Laguna, Cavite, Rizal at Quezon lantaran ang operasyon ng card game na sakla at STL con-jueteng, kundi mas matindi at malakasan ang tayaan nito sa bayan ng Padre Garcia, Batangas na ang ipinagmamalaki din ng mga operator ay ang pangalan ni CIDG Director, Maj. Gen. Ronald Lee.

At dahil sa talamak na operasyon ng saklaan sa munisipalidad ng Padre Garcia, Batangas na inooperate ng magkasosyong Tisoy at Nonit malapit sa PGMCI Rural Bank, sa Gen. Malvar Street sa lalawigan ng Batangas, ay naging dahilan ito ng dumadaming insidente ng kriminalidad na ang may kagagawan ay mga sugarol na nagugumon sa pagsusugal at ipinagbabawal na gamot.

Ngunit ang nakadidismaya’y di na nga umaaksyon ang kapulisan ay hindi pa rin kumikilos ang Batangas Provincial Government at maging ang local government unit (LGU).

Ang operasyon ng saklaan, STL con-jueteng o STL con-drug at pergalan ay napakatagal nang inerereklamo ng mga taga- Padre Garcia ngunit hindi man lang kumikilos sina Batangas Governor Hermilando “Dodo” Mandanas, Padre Garcia Mayor Celsa Braga- Rivera at Police Chief, Major El Cid Villanueva para ipatigil ang bisyong ito na front din ng bentahan ng shabu at iba pang uri ng droga.

Akala mo talaga ay ligal na ligal din ang operasyon ng sakla malapit din lamang sa mga opisina nina Maj. Villanueva at Mayora Rivera at maging ang STL bookies/ jueteng sa 18 barangay ng nasabing munisipalidad.

Hindi rin makapaniwala ang SIKRETA na parang apoy na kumakalat ang balita na ang pinakamalaking pondo na ginamit sa halalan nina Gov. Mandanas at Mayora Rivera ay nagmula sa sakla at STL con-jueteng?

Matindi ang hinala ng mga Batangueno na baka may katotohanan na may kinalaman sina Gov. Mandanas at Mayora Rivera sa gambling operation sa Padre Garcia pagkat napapabalitang ang lupaing kinatitirikan ng saklaan nina Tisoy at Nonit ay pag-aari ng gobernador?

Talaga namang tila “may tinitingnan, may tititigan” na police anti- gambling operation na inilunsad halos ay mag-iisang lingo pa lamang ang nakararaan sa CALBARZON area, pagkat tanging tatlo lamang na mga pergalan ang sinalakay ng RSOU, dalawa sa mga ito ay ang nasa Batangas City at isa sa Tanauan City Proper.

Ngunit di naman niraid o kinante, tininag ng mga ito ang mga pergalan ng isang Jovel sa Brgy. Lodlod at Brgy. Mabini, parehong sa Lipa City, Brgy. Loyus na inooperate ni Agnes, Brgy. Pagaspas na pinatatakbo ni Nikki Bakla, Brgy. Pinagtong-olan, Lipa City na minamaniobra ni Glenda, mga pinatatakbo ng isang Venice sa mga Brgy. Pansol, sa bayan ng Padre Garcia at Brgy. Bulihan, sa munisipalidad ng Rosario at sa Brgy. San Pablo, Sto. Tomas City ni alias Liza.

Kaya sila ang mga pergalistang kung tawagin ay paborito, “tinititigan” ni Gen. Nartatez Jr. at ng watchdog at reaction troop nito na RSOU.

Nag-ooperate din ang pergalan sa Brgy. Matabungkay sa bayan ng Lian, kung saan ay mayroon ding mini casino, ngunit ligtas din sa pagsalakay ng tropa ng RSOU.

Ang patuloy naman na di rin pag-aksyon ng Batangas CIDG Provincial Office sa ilalim ni Maj. Jet Sayno ay nakakasira maging sa imahe ni Maj.Gen. Lee na isa ring front-runner sa pagiging PNP Director General, karibal sina PMajor Gen. Jonnel Estomo at PBGen. Jose Melencio Nartatez Jr.

Hindi rin binubulabog ng mga bata ni Gen. Nartatez Jr. ang saklaan sa Lipa City ng magkasosyong Estole at Aying na di sinasawata ni Lipa City Police Chief Lt. Col. Ariel Azurin, kamag-anak ni PNP Chief Rodolfo Azurin Jr. Isang Marivic naman ang nagpapasakla din sa loob ng Tombol Cockpit sa Brgy. Quilib sa bayan ng Rosario.

Parang lisensyado ang mga saklaan sa mga barangay ng Sta Clara, San Roque, San Pedro, San Francisco, at Sta. Maria ng isang Timmy at Magsino na kapwa nagpapakilalang tauhan ng alkalde ng Sto. Tomas City at kapwa asset kuno ng CIDG Batangas Provincial Office pagkat guwardiyado ang mga ito ng unipormadong pulis sa oras na malakasan ang tayaan.

Sa isinagawang raid ng RSOU, kampante naman ang grupo ng mga STL con-jueteng operator na pinangungunahan ni Ocampo, Ablao, Burgos, alias Kon. Perez, Bagsic at Cristy at ng may 30 pang mga drug dealer at STL con-jueteng operator sa Tanauan City na di sila gagambalain ng mga tauhan ni Gen. Nartatez Jr.

Dadako naman tayo sa probinsya ng Cavite, Laguna, Rizal at Quezon sa karugtong ng ating pagsisiwalat. Abangan…

***

Para sa komento: [email protected]; cp # 09664066144

The post PANGALAN NI MGEN. LEE GASGAS SA MINI CASINO SA LIAN, PERGALAN AT STL CON-JUETENG SA BATANGAS! appeared first on Police Files! Tonite.

Source: Police Files Tonite

SA pamamagitan ng SIKRETA kolum ay ipinaaabot natin kay Criminal Investigation and Detection Group Chief Maj. Gen. Ronald Lee na gasg...

19/12/2022

Ni ARCHIE LIAO

NAPAPANAHON ang temang tinatalakay sa pelikulang “Family Matters” tungkol sa relasyon ng mag-anak.

Isa na rito ang tungkol sa papel o katungkulan ng isang anak sa kanyang magulang.

May mga naniniwala kasing kung tungkulin ng isang magulang na bigyan ng magandang kinabukasan ang kanyang anak, bilang pagtanaw ng utang na loob ay may responsibilidad din ang mga anak sa alagaan ang kanilang mga magulang sa pagtanda ng mga ito.

Para naman sa premyadong aktres na si Mylene Dizon, iba ang kanyang pananaw sa mga bagay na ito.

Bilang ina, iba raw kasi ang pagpapalaki niya sa kanyang mga anak.

“There are three different things here. There is our obligation to take care of our parents because they are our parents, but in the true sense, not really obligations. Either you want to do it or you do not want to do it,” aniya.

Hindi rin daw solb si Mylene sa ideya ng ibang parents na nag-aanak dahil umaasa silang pagiginhawain sila ng kanilang mga supling.

“There’s another thing when we make our children as in investment to secure our future, that’s wrong! For me definitely that’s wrong, super wrong. That’s not the obligation of the children,” paliwanag niya. “I will never obligate my children, hindi ako maniningil, I’ve never do that but I’d rather advise my children to take care of their family in the future and to be better parents,” dugtong niya.

Tungkol naman sa pagpapalaki sa kanyang mga anak na sina Tomas at Lucas sa ex na si Paolo Paraiso, ani, Mylene, maganda raw ang samahan nilang mag-iina.

Parang barkada raw kasi kung ituring niya ang mga ito kaya very open din ang linya ng komunikasyon sa kanilang pamilya.

Katunayan, isang cool mom daw siya at close maging sa daughters ng kanyang partner na si Jason Webb na sina Gabrielle Blessing at Tatiana.

Hirit pa niya, mula rin daw nang maghiwalay sila ni Paolo, wala raw namang nagbago dahil nanatili silang magkaibigan.

Maganda rin daw ang co-parenting agreeement nila pagdating sa kanilang dalawang anak na lalake.

Sa nabalitaan naman niyang engagement ni Paolo sa kanyang fiancée na si Jessica Sto. Domingo, isa raw siya mga natuwa at unang bumati sa ex.

“I congratulated him. I’m happy kasi nahanap na niya ang magiging lifetime partner niya,” pakli niya.

Hirit pa niya, malapit din daw siya kay Jessica dahil ilang beses na niya itong naka-bonding sa ibang family gatherings.

Tungkol naman sa pag-aasawa, hindi pa rin daw nagbabago ang stand niya.

“I’m not the marrying kind. I think, it’s not for me,” pagtatapos ni Mylene.

Si Mylene ay mapapanood sa MMFF entry na “Family Matters” na mapapanood na sa mga sinehan simula sa Disyembre 25, Araw ng Pasko.

Mula sa direksyon ni Nuel Naval at iskrip ni Mel Mendoza-del Rosario, kasama rin sa cast sina Noel Trinidad, Liza Lorena, Nonie Buencamino, Agot Isidro,James Blanco, Nikki Valdez, JC Santos, Ana Luna, Ina Feleo, Ketchup Eusebio, Roxanne Guinoo, at Ian Pangilinan.

The post Mylene ‘di pa rin naniniwala sa kasal appeared first on Police Files! Tonite.

Source: Police Files Tonite

Ni ARCHIE LIAO NAPAPANAHON ang temang tinatalakay sa pelikulang “Family Matters” tungkol sa relasyon ng mag-anak. Isa na rito ang t...

Pure ENT News

21/12/2022

21/12/2022

21/12/2022

21/12/2022

21/12/2022

20/12/2022

20/12/2022

20/12/2022

20/12/2022

19/12/2022

Address

Website

Alerts

Contact The Business

Shortcuts

Share