Lankalight News - ලංකාලයිට් නිව්ස්

23/01/2025

⬛️වික්ටර් අයිවන්: විකල්ප පුවත්පත් කලාවේ පුරෝගාමියා දිවි සැරිය නිම කරයි
_____________________________________________________________________

ශ්‍රී ලංකාවේ විකල්ප ධාරාවේ පුවත්පතක් වූ රාවය පුවත්පතේ සමාරම්භක කර්තෘ ජ්‍යෙෂ්ඨ මාධ්‍යවේදී වික්ටර් අයිවන් සිය දිවි ගමන නිම කර තිබේ.

කලක් රෝගාතුරව සිටි ඔහු (ජනවාරි 19 වන දා) මිය යන විට 76 වන වියේ පසු විය.

1949 වසරේ ජුනි 26 වන දා උපත ලැබූ ඔහු කටුගස්තොට ශාන්ත අන්තෝනි විද්‍යාලයේ ආදි ශිෂ්‍යයෙකි.

මෙරට ගවේෂණාත්මක මාධ්‍ය කලාවේ පුරෝගමියෙක් ලෙස ජ්‍යෙෂ්ඨ මාධ්‍යවේදී වික්ටර් අයිවන් හැඳින්වේ.

හෙතෙම දේශපාලන විචාරයෙකු, සමාජ විශ්ලේෂකයෙකු, ග්‍රන්ථ රචයෙකු වැනි කේෂත්‍ර කිහිපයක ම කටයුතු කළේ ය.

ජවිපෙ 'පොඩි අතුල'
කලක් ජනතා විමුක්ති පෙරමුණේ සාමාජිකයෙකු වූ වික්ටර් අයිවන් "පොඩි අතුල" නමින් පක්ෂ විසින් හඳුන්වනු ලැබ තිබේ.

එසේ ම ජනතා විමුක්ති පෙරමුණ විසින් දියත් කරන ;අද ආයුධ සන්නද්ධ කැරැල්ලට සම්බන්ධව වූ වික්ටර් අයිවන්, ඒ කැරැල්ල පිළිබඳව වූ 71 මහ නඩුවේ 7 වන විත්තිකරු ය.

අඳ ගොවිතැනේ අභියෝග, 71 කැරැල්ල, දෙමළ අභියෝගය, පන්සලේ විප්ලවය, චෞර රැජිණ සහ දේශපාලනයේ පවුල සහ කුලය යන කෘති ජ්‍යෙෂ්ඨ මාධ්‍යවේදී වික්ටර් අයිවන් විසින් රචිත කෘති අතරින් කිහිපයක් වේ.

ජ්‍යෙෂ්ඨ මාධ්‍යවේදී වික්ටර් අයිවන්ගේ දේහය පිළිබඳ අවසන් කටයුතු අද (ජනවාරි 20 වන දා) පස්වරු 5.00ට ගාල්ල, දඩල්ල පොදු සුසාන භූමියේදී සිදු කිරීමට නියමිත ය.

'මෙරට තුළ ඇති වූ බලවත් හිඩසක්'
වික්ටර් අයිවන්ගේ අභාවය මෙරට තුළ ඇති වූ බලවත් හිඩසක් බව ලංකාදීප පුවත්පතේ හිටපු කර්තෘ සිරි රණසිංහ බීබීසි සිංහල වෙත පැවසීය.

"එතුමා නූතන යුගයේ බිහි වූ කීර්තිමත් විප්ලවකාරී මාධ්‍යවේදියෙක්, කතුවරයෙක්, විචාරකයෙක් සහ දේශපාලන විශ්ලේෂකයෙක් වශයෙන් හඳුන්වන්න පුළුවන්."

නැසී ගිය ප්‍රවීණ මාධ්‍යවේදී වික්ටර් අයිවන් කර්තෘ සංසදයේ ක්‍රියා කළ ආකාරය ද ලංකාදීප පුවත්පතේ හිටපු කතුවරයා සිහිපත් කළේය.

"එතුමා කර්තෘ සංසදයේ ආරම්භක සාමාජිකයෙක්. බොහෝ වෙලාවට උද්යෝගිමත්ව දේවල්වල හොඳ නරක විශ්ලේෂණාත්මකව ඉදිරිපත් කළ කෙනෙක්.

යුක්තිය සාධාරණය වෙනුවෙන් හැප්පෙන්න පුළුවන් කියන හයිය හැදුවේ එයා.

ලංකාවේ පත්තර කලාව උඩු යටිකුරු කරපු, එයට කශේරුකාවක් බද්ධ කරලා නව පෞරුෂයක් හදපු කෙනෙක් ඉන්නවා නම් ඒ තමයි වික්ටර් අයිවන්," යැයි ප්‍රවීණ මාධ්‍යවේදියෙකු වූ පෝද්දල ජයන්ත බීබීසි සිංහල වෙත පැවසීය.

අධිකරණය හෝ අධිකරණ තීන්දුවක් හරියාකාර කරුණු සහිතව විවේචනය කිරිමේ හැකියාව නිර්මාණය කරන ලද්දේ වික්ටර් අයිවන් විසින් බව ඔහු සදහන් කළේ ය.

"රටේ අධිකරණ පද්ධතියට ඍජුව ඇඟිල්ල දික් කරන්න පත්තරකාරයට තියෙන ඍජු හයිය හැදුවේ, ඒක කරුණු සහිතව අපිට පුළුවන් නම් අධිකරණයට හරි අධිකරණ තීන්දුවක් හරි විවේචනය කරන්න, අපිට හරි තොරතුරු එක්ක ගියොත් ඕනෑ ම තැනක් එක්ක යුක්තිය සාධාරණය වෙනුවෙන් හැප්පෙන්න පුළුවන් කියන හයිය හැදුවේ ඔහු."

'තනි පංගලමේ හැප්පිච්ච මනුස්සයෙක්'
මෙරට අධිකරණ පද්ධතිය නිවැරදි මාර්ගයට ගැනීමට නැසී ගිය ජ්‍යෙෂ්ඨ මාධ්‍යවේදී වික්ටර් අයිවන් බොහෝ සේ වෙහෙස වූ බව ඔහුගෙන් ගුරුහරුකම් ලද මාධ්‍යවේදියෙකු වන පෝද්දල ජයන්ත පෙන්වා දුන්නේ ය.

"මොන තරම් හැප්පුනා ද සාපරාධි අපහාස නීතිය වෙනුවෙන්. අදත් පාර්ලිමේන්තු මාධ්‍යවේදීන් ගෙනල්ලා දඬුවම් කරන ඒ පාර්ලිමේන්තුවේ වරප්‍රසාද කමිටුවේ දඬුවම් භුක්ති විඳින්න සිද්ධ වෙනවා, ඔහු නොහිටින්න රටේ මාධවේදීන්ට. ඔහු ඒ සියල්ල එක්ක තනි පංගලමේ හැප්පිච්ච මනුස්සයෙක්."

කලක් රාවය පුවත්පතේ මාධ්‍යවේදියෙකු ලෙස සිය දායකත්වය ලබා දුන් පෝද්දල ජයන්ත පවසන්නේ වික්ටර් අයිවන් රාවය පුවත්පතේ කර්තෘ මණ්ඩලයේ සිටියදී පවා ඔහුගේ ලිපි සහ අදහස් විචේචනයට අවස්ථාව තිබූ බව ය.

"ඔහුගේ විවේචන අපෙත් විවේචනවලට බද්ධ වෙලා තියෙනවා. සමහර වෙලාවට අන්න ඒ ගුණය එතන තිබුණා. රාවය පුවත්පතේ මමත් මාධ්‍යවේදියෙක් හැටියට ඉන්නකොටත් එම කර්තෘ මණ්ඩලයේ ඉන්න ගමන් ඔහු ලියන දේ එම පත්තරේ ම දැඩි විදියට විවේචනය කරලා ලිවිමේ ශක්තිය අපිට තිබුණා."

වන සතුන්ගේ හානිය ගැන කියූ අනාවැකි
ජ්‍යෙෂ්ඨ මාධ්‍යවේදියෙකු ලෙසින් වික්ටර් අයිවන් පළ කළ අනාවැකිවලින් අද සමාජය මුහුණ දෙන සිදුවීම් ද පෝද්දල ජයන්ත මෙලෙස ආවර්ජනය කළේ ය.

"ලංකාවේ වන සතුන්ගෙන් කෘෂි කර්මාන්තයට වෙන විනාශය ගැන ඔහු අවුරුදු දහයකට කලින් විතර ඉඳන් එක දිගට ලියන්න පටන් ගත්තේ. ඒවා ගැන කවුරුත් සැලකිල්ලට භාජනය කළා නම් ඒවා ඉතා ම වටින දේවල් ලංකාවේ ආර්ථික දේහයට ඔහු කරපු සමහර යෝජනා. ඒවා සමහර වෙලාවට සමාජ හස්‍යයෙන් බැහැර කළා. සමහරු ඒවා පිළිගත්තේ නෑ. නමුත් ඒවා මොනතරම් ප්‍රායෝගිකව අද දවස වෙනකොට සමාජය අත් විඳිනවා ද කියන එක හොඳට පේන්න තියෙනවා."

වික්ටර් අයිවන් අහිමි වීම ශ්‍රී ලංකාවේ මාධ්‍ය කේෂේත්‍රයට පමණක් නොව දේශපාලනයට ද විශාල පාඩුවක් බවත් ඔහුගෙන් උගත යුතු පාඩම් බොහෝ ඇතැයි ප්‍රවීණ මාධ්‍යවේදී පෝද්දල ජයන්ත පැවසීය.

බී බී සී සිංහල

22/01/2025

⬛️ප්‍රවීණ ගායන ශිල්පී අනිල් භාරතී අභාවප්‍රාප්ත වෙයි
_______________________________________________________

මෙරටේ සංගීත ක්ෂේත‍්‍රය පෝෂණය කළ ජ්‍යෙෂ්ඨ ගායන ශිල්පියකු වන අනිල් භාරතී මහතා අභාවප්‍රාප්ත වී තිබේ.

මිය යන විට ඒ මහතා 75 වන වියේ පසුවුණි. අසනීප තත්ත්වයක් හේතුවෙන් රෝහල් ගතකර ප්‍රතිකාර ලබමින් සිටියදී ඔහු මෙලෙස මියගොස් තිබෙන බවයි වාර්තා වන්නේ.

අනිල් භාරතී මහතා ගායනා කරන ලද ගීත අතරින් බහුතරයක් නත්තල් ගීත වීම විශේෂයකි. ඒ අතර, බෙත් ලෙහෙම් පුරේ - දිළිඳු ගව ලෙනේ ගීතය රසිකයින් අතර ප්‍රසිද්ධියට පත්ව තිබුණි. මොරටුව වේල්ස් කුමර විදුහලෙන් අධ්‍යාපනය හදාරා ඇති අනිල් භාරතී මහතා, වසර 50ක් පුරා ශ්‍රී ලංකා ගුවන් විදුලියේ සේවය කළ අතර, ප්‍රවෘත්ති නිවේදකයෙකු, වැඩසටහන් ඉදිරිපත් කරන්නෙකු ලෙස ද කටයුතු කළේය.

ඔහු ගුවන් විදුලියේ අධ්‍යක්ෂ ධුරය ද හොබවනු ලැබීය.

Veteran Sri Lankan singer Anil Bharathi passed away today (22) at the age of 75. He was well known for his popular songs such as ‘Bethlehem Pure’, ‘Seethala Sanda Eliye’ and ‘Bambareku Aduna’.

31/12/2024

31/12/2024

⬛️’’අරගල සමයේ එක් උණ්ඩයකින් හෝ වෙඩි තියන්න නියෝග දුන්නේ නෑ’’
___________________________________________________________________

🔘බලලෝභී පාලකයන් ගැන හෙලිදරවුවක් කරමින් ශවෙන්ද‍්‍ර සමුගනී!

පුරා වසර 41ක් මාතෘ භූමියේ ආරක්ෂාව සහ ස්වෛරීත්වය වෙනුවෙන් සුවිශේෂී මෙහෙයක් ඉටුකළ හිටපු යුද හමුදාපති, ආරක්ෂක මාණ්ඩලික ප්‍රධානී, ජෙනරාල් ශවේන්ද්‍ර සිල්වා මහතා අද (31) සිය ධුරයෙන් විශ්‍රාම ගනු ලැබීය.

ඒ වෙනුවෙන් වූ උත්සවයක් අද පස්වරුවේ බණ්ඩාරනායක ජාත්‍යන්තර සම්මන්ත්‍රණ ශාලා පරිශ්‍රයේදී පැවැත්වුණි.

මේ අතර තමාගේ ධුර කාලය තුළ සිදුවූ සිදුවීම් පිළිබඳව දීර්ඝ පැහැදිලි කිරීමක් කරමින් ජෙනරාල් ශවේන්ද්‍ර සිල්වා මහතා නිවේදනයක් ද නිකුත් කර තිබුණි.

එහි සඳහන් කර ඇති එක් කරුණක් වන්නේ 2022 වසරේ රට තුළ හටගත් මහජන කැලඹීම පිළිබඳවය.

“වර්ෂ 2022 රට තුළ උදා වන මහජන කැලඹීම මගේ හමුදා රාජකාරි ජීවිතයෙහි මා සැබෑ මිතුරන් සහ සැබෑ හතුරන් ප්‍රායෝගිකව හඳුනා ගන්නා සංකීර්ණ යාමයකි. රාජ්‍ය යුද්ධ හමුදාව යනු බාහිරව හෝ අභ්‍යන්තරව හෝ රාජ්‍යයට සිදු වන උපද්‍රවයකදී ජනතා සුරක්ෂාව සඳහා පෙනී සිටින නිල ලත් සන්නද්ධ මිනිස් බළකායකට ය.

2022 අරගල යනු අභ්‍යන්තර ජන නොසන්සුන්තාවයකි. එහිදී උද්ඝෝෂකයන් පාලනය කිරීමට හමුදාවට අවම බලය පමණක් භාවිත කිරීමට මම විධාන ලබා දුනිමි. හමුදා වෙඩි උණ්ඩයකින් සාමාන්‍ය අහිංසක වැසියෙකු මිය යෑම මා නොපැතුවෙමි.

නිරායුද ජනතාවට එරෙහිව නිල බලයෙන් උන්මත්තක ජන ඝාතකයෙකු වීමට මා උත්සුක වූයේ නැත. එහි ප්‍රතිඵලය රට අපායක් නොවීම ය. එයට උදාහරණ රටට ආසන්න රාජ්‍යවල වර්තමානයෙහි පැන නඟින ජන උද්ඝෝෂණ මර්දනය පිණිස හමුදා ක්‍රියාත්මක වීමේ දුර්විපාක පෙන්වා දිය හැකි ය.

බල ලෝභී පාලකයන් පවසන පරිදි මට රාජ්‍යය පාවාදීමේ අශ්ලීල දුර්ජන පරමාර්ථයක් නොපැවතුණි. විදෙස් රටක බළල් අතක් වීමට හෝ විදෙස් තානාපති කාර්යාලයක සුරතලෙකු වීමට හෝ මට පහත් ආශාවල් නොවිණි. එලෙස නම් මා එවකට පාලන බලයේ සිටිය රටේ පස්වන විධායක ජනාධිපතිවරයා ලෙස ද කටයුතු කළ අග්‍රාමාත්‍යතුමා උද්ඝෝෂකයන් ග්‍රහණයට ගෙන එතුමා ජීවිත අවදානමක පසුවද්දී ගුවන් සංක්‍රමික බලකාය යොදවා මා අග්‍රාමාත්‍යතුමාගේ ජීවිතය සුරක්ෂිතව ගලවා ගන්නේ කුමකට ද?

දේශපාලකයන්ගේ ගෙවල් ගිනිබත් කරලීමට පැමිණි උද්ඝෝෂකයන් බහුතර පිරිසක් පලවා හැර එකී ගෙවල් බේරා ගන්නේ කුමකට ද? එහෙත් අරගල සමයේ මා සිදු කළ උපායික ක්‍රමෝපා පිළිබද රාජ්‍ය පාලකයන්ගේ කියවීම මට අවාසි සහගත විය.

තරු හතරක ජෙනරාල්වරයෙකුව ලංකා හමුදා ඉතිහාසයේ දෙවන හමුදාධිපතිව සේවයේ යෙදී සිටිය මා වර්ෂ 2022 මැයි 31 සේවයෙන් විශ්‍රාම ගැනීමට හත් මසක් ඉතුරුව පැවතිය දී බලධරයන් හමුදාධිපති පදවියෙන් ආරක්ෂක මාණ්ඩලික ප්‍රධානී පදවියට නිල මාරුවක් සිදු කළේ ය. එයින් පසු ආසන්න කාලයක දී ජනාධිපති ගෝඨාභය රාජපක්ෂ මැතිතුමාට රාජ්‍යයෙන් පලා යෑමට සිදුවන්නේ ද මා හමුදාධිපති පදවියෙන් සමුගෙන ආරක්ෂක මාණ්ඩලික ප්‍රධානී තනතුරේ සිටියදී රාජ්‍ය අවසරය සහිත ව විදෙස් රටක පැවති ජාතික ආරක්ෂක සමුළුවකට සහභාගි වී සිටින යාමයක දී ය.”

31/12/2024

⬛️මන්ත‍්‍රිලාට කොල්ලුපිටියෙන් නිවාස සංකීර්ණයක්!
_________________________________________________________

පාර්ලිමේන්තු මන්ත‍්‍රීවරුන් සදහා රජය විසින් කොල්ලුපිටිය ප‍්‍රදේශයේ මහල් නිවාස සංකීර්ණයක් යොදා ගැනීමට සොයා බලමින් ඇති බව වාර්තා වෙයි.

ඒ පිලිබදව දැනටමත් ගොඩනැගිල්ලක් ගැන අවධානය යොමුව ඇති අතර එය නිරීක්‍ෂණයටද රජයේ ප‍්‍රබලයෙක් ගොස් ඇතැයිද සදහන්ය.

දුර බැහැර ප‍්‍රදේශවලින් පැමිණෙන මන්ත‍්‍රිවරුන් සදහා නවාතැන් පහසුකම් ලබා දීම සදහා මෙය යොදා ගැනීමට අදහස් කර ඇත.

මාදිවෙල මන්ත‍්‍රි නිවාස සංකීර්ණයේ නවාතැන් පහසුකම් සැපයිය හැක්කේ 120 පමණ පිරිසකටයි.

කොළඹ සිට කිලෝ මීටර 30ට වඩා ඈත පදිංචිය ඇති මන්ත‍්‍රීවරුනට කොළඹින් මන්ත‍්‍රි නිවාසයක් හිමි වන්නේ මන්ත‍්‍රී වරප‍්‍රසාද අනුවයි.

Lanka C News

31/12/2024

⬛️අධිකරණ සේවා කොමිෂන් සභාවෙන් විනිසුරු තිලිණ ගමගේට ස්ථාන මාරුවක්!
__________________________________________________________________

කොළඹ කොටුව ප්‍රධාන මහේස්ත්‍රාත් තිලිණ ගමගේ හෙට (ජන. 1) සිට ක්‍රියාත්මක වන පරිදි මොරටුව දිසා විනිසුරුවරයා ලෙස ස්ථාන මාරු කිරීමට අධිකරණ සේවා කොමිෂන් සභාව පියවර ගෙන තිබේ.

කොටුව ප්‍රධාන මහේස්ත්‍රාත් තනුජා ලක්මාලි කොළඹ ප්‍රධාන මහේස්ත්‍රාත්වරිය ලෙස පත් කර ඇත.

ඒ අනුව, කොටුව මහේස්ත්‍රාත් අධිකරණයේ පුරප්පාඩුව සඳහා ගල්කිස්ස මහේස්ත්‍රාත්වරිය පත්කිරීමට ද අධිකරණ සේවා කොමිෂන් සභාව පියවර ගෙන තිබේ.

රුපියල් ලක්ෂ අනූවක අල්ලසක් ගැනීමේ සිද්ධියක් සම්බන්ධයෙන් අත්අඩංගුවට ගෙන රක්ෂිත බන්ධනාගාරගත කර සිටින බස්නාහිර පළාත් සභා හිටපු මන්ත්‍රී සලෝචන ගමගේ තමාගේ සහෝදරයෙකු වන බැවින් ඊට අදාළ නඩුව විභාග කිරීම සඳහා වෙනත් මහේස්ත්‍රාත්වරයෙකු පත් කරන ලෙස දන්වමින් කොටුව ප්‍රධාන මහේස්ත්‍රාත් තිළිණ ගමගේ අධිකරණ සේවා කොමිෂන් සභාව වෙත පසුගිය දා ලිඛිත දැනුම් දීමක් ද කර තිබුණු අතර එවන් පසුබිමක් තුළ මෙම ස්ථාන මාරු කිරීම් සිදු කර ඇත.

31/12/2024

⬛️රැකියා සඳහා වැඩි ම පිරිසක් රට හැර යාම 2024දී: කුවේට් රාජ්‍යට 77,546ක් ගිහින්!
__________________________________________________________________

2024 වසර ශ්‍රී ලංකා ඉතිහාසයේ වැඩි ම පිරිසක් රැකියා සඳහා විදේශගතවී ඇති වර්ෂය බව විදේශ සේවා නියුක්ති කාර්යංශය පවසයි.

ශ්‍රී ලංකා විදේශ සේවා නියුක්ති කාර්යාංශය අද (දෙසැ. 31) නිවේදනයක් නිකුත් කරමින් සඳහන් කළේ ය.

පසුගිය වර්ෂය තුළ විදේශගතවූ ප්‍රමාණය 312,836 ක් බව ත් මීට පෙර වැඩි ම පිරිසක් විදේශගතවී ඇත්තේ, 2022 වර්ෂයේ බව ත් එම කාර්යංශය සඳහන් කළේ ය.

එසේ ම, පසුගිය වසර 6 තුළ (2019-2024) ශ්‍රී ලාංකිකයින් ලක්ෂ 13 ක් රැකියා සඳහා විදෙස්ගතවී ඇති අතර පසුගිය 2024 වර්ෂය තුළ පිරිමි ශ්‍රමිකයින් 185,162 ක් හා කාන්තා ශ්‍රමිකයන් 127,674 ක් රැකියා සඳහා විදේශගතවී තිබේ.

ශ්‍රී ලාංකිකයින් වැඩි වශයෙන් රැකියා සඳහා විදේශගතවී ඇත්තේ, කුවේට් රාජ්‍යයට වන අතර එම ප්‍රමාණය 77,546 කි.

දෙවනුව වැඩි වශයෙන් විදේශගතවී ඇත්තේ, එක්සත් අරාබි එමීර් රාජ්‍යයට වන අතර, එම ප්‍රමාණය 51,550 කි.

පෙර වර්ෂවලට සාපේක්ෂව දකුණු කොරියාව, ඊශ්‍රායලය හා ජපානය වැනි රටවල රැකියා සඳහා ශ්‍රි ලාංකිකයින් යොමුවීමේ වැඩි නැඹුරුවක් පෙන්නුම් කරන බව එම කාර්යංශය සඳහන් කරයි.

ඒ අනුව, 2024 වර්ෂය තුළදී දකුණු කොරියාවේ රැකියා සඳහා ලාංකිකයින් 7,098 දෙනෙකු ද, ඊශ්‍රායලයේ රැකියා සඳහා 9,665 දෙනෙකු හා ජපානයේ රැකියා සඳහා ලාංකිකයින් 8,665 දෙනෙකු පිටත්ව ගොස් ඇති බව කාර්යංශය පෙන්වා දෙයි.

පසුගිය 2024 නොවැම්බර් මාසය අවසන් වන විට අමෙරිකානු ඩොලර් මිලියන 6,462 ක් මෙරටට ප්‍රේෂණ ලෙස ලැබී තිබේ.

සචිත්‍ර පතිරණ - මව්බිම

23/12/2024

⬛️Colombo Night Life: 'ෆුල් සර්විස් ද? නෝර්මල් ද?'
_____________________________________________________________\
(BBC - සිංහල)

ස්පා, ෆුට් කෙයාර් සහ ආයුර්වේද සම්බාහන යන විවිධ නම්වලින් කොළඹ හා තදාසන්න ප්‍රදේශවල විවිධ සම්බාහන මධ්‍යස්ථාන පවත්වා ගෙන යනු ලැබේ.

බොහෝ විට එක් ස්ථානයක දිගු කාලයක් පවත්වා ගෙන නොයන මෙම මධ්‍යස්ථාන මේ වන විට කොළඹින් බැහැර ප්‍රදේශවලට ද වේගයෙන් ව්‍යාප්ත වෙමින් ඇත.

මෙම ස්ථානවලින් සපයන සේවා මොනවා ද යන්න කොළඹ නගරයේ සහ අවට ප්‍රදේශවල රාත්‍රි කාලයේ සංචාරය කරමින් අප සොයා බැලුවෙමු.

හිස සම්බාහනය, උරහිස් සම්බාහනය , පාද සම්බාහනය හෝ සම්පූර්ණ සිරුර සම්බාහනය යන සම්බාහන ක්‍රම වෙනුවට දැන් මේවා බොහොමයක ඇත්තේ 'ෆුල් සර්විස්' හෝ 'නෝර්මල් සර්විස්' යනුවෙන් නම් කරන ලද ක්‍රම බව අප කළ සංචාරයේදී හෙළිවිය.

තලවතුගොඩ SPA
බොරැල්ල කොට්ටාව මාර්ගයේ ගමන් ගන්නා ඕනෑ ම අයෙකුට තලවතුගොඩ යනු ඉතා හුරුපුරුදු නගරයකි.

තායිලන්තයේ පතායා නගරයේ තරම් නොවූවත්, රාත්‍රියේ විදුලි ආලෝකයෙන් බැංකොක් අසිරිය ගන්නා තලවතුගොඩ, කළල්ගොඩ සිට පන්නිපිටිය දක්වා කොටසට මේ වන විට ප්‍රදේශයට විශේෂීකරණයක් ආරෝපණය කර තිබේ.

බොරැල්ල - කොට්ටාව මාර්ග අංක 174 බස් මාර්ගය වඩාත් ජනප්‍රිය තමන්ට ම ආවේණික වූ වේගකින් ධාවනය කරන මගී බස් රථ නිසාය. එහෙත් දැන් එම මාර්ගය වඩාත් ජනප්‍රිය වී ඇත්තේ, මාර්ගය දෙපස ඇති සම්බාහන මධ්‍යස්ථාන හෙවත් ස්පා නිසාය.

මේ වායේ සපයන සේවා ගැන සොයා බැලීමට අපි තලවතුගොඩ ප්‍රදේශයේ සම්බාහන මධ්‍යස්ථාන කිහිපයක් වෙත ගියෙමු.

රාත්‍රී අඳුර කපා හරින, රතු සහ කොළ පැහැ විදුලි ආලෝකයෙන් දිදුලන විදුලි බුබුළුවලින් සරසා තිබූ සම්බාහන මධ්‍යස්ථානයට ඇතුළු වන විට ම ප්‍රසන්න සුවඳින් යුක්ත විය.

පාරිභෝගිකයින් පිළිගැනීමේ මේසය ද ආකර්ෂණීය එකක් වූ අතර මේසය මත ලාෆින් බුද්ධා ප්‍රතිමාවක් සමග කාසි පිරවූ පිරීසියක් ද විය.

එම මේසයට පිටුපසින් වූ සෝපාවක හොඳින් හැඳ පැළඳ සිටි යුවතියන් 6 දෙනෙකු පමණ අසුන් ගෙන සිටි අතර, ඔවුන් ව කැපී පෙනන ලෙසට දීප්තිමත් විදුලි අලෝක ධාරවන් ද ඔවුන් දෙසට එල්ල කර තිබිණි.

මධ්‍යස්ථානයට පිවිසෙන විට ම කළමානාකරු ඉතා සුහදශීලීව අපව පිළි ගත්තේ ය.

“සර් ෆුල් සර්විස් එකක් ද? නොර්මල් එකක් ද? විවිධ ස්පා ට්‍රීට්මන්ට් ගැන අසා තිබුණ ද මෙම ෆුල් සර්විස් එක කුමක් දැයි පැහැදිලි කර ගැනීමට අප ස්පා කළමනාකරුගෙන් ඒ ගැන විමසා සිටියෙමු. ඒ අප තුළ මතු වූ කුතුහලය නිසා ය. “සර් මසාජ් එකයි. සෙක්ස් එකයි ඔක්කොම තියෙනවා. කැමති නම් සක් එකත් එක්ක ම.”

ඒ සඳහා ගාස්තුව රුපියල් 6000කි. ඔහු කියන නෝර්මල් සර්විස් එකේ ගාස්තුව රුපියල් 4000කි. “හැපි එන්ඩින්ග් එකත් එක්ක ම” ඔහු කියයි.

සම්බාහනයට වඩා වැඩි සේවාවක් පාරිභෝගිකයින්ට මෙහි සපයන බව වටහා ගැනීමට වැඩි කාලයක් ගත නොවූයේ කළමනාකරු විසින් කිසිදු චකිතයකින් හෝ සැඟවීමකින් තොරව සපයන සියලු සේවා පිළිබඳ මැනවින් පැහැදිලි කරනු ලැබූ නිසා ය.

අවශ්‍ය නම් තෙරපිවරියන් තිදෙනෙකුගේ සේවාව එකවර ලබා ගත හැකි බව ද ඔහු කියා සිටියේය.

එවිට එක් අයෙකුට ගාස්තුව රුපියල් 4500කි.

බොහෝ විට සති අන්තයේ සම්බාහනයක් ලබා ගැනීමට මෙවැනි මධ්‍යස්ථාන වෙත නිතර යන එන පසිඳු (ඔහුගේ සැබෑ නම නොවේ) සමග අපි කතාබහකට එක්වුණෙමු.

“සතියකට නැත්නම් මාසයකට දෙහෙකට සැරයක් මම මෙහෙ එනවා වෙනසකටත් එක්ක. මසාජ් එක නම් හරියට කරන්න මේ අය දන්නේ නැහැ. අනිත් ඒවා නම් අවුලක් නැහැ,” ඔහු සිය අත්දැකීම් පැහැදිලි කළේ ය.

පොලිසිය විසින් වැඩි ප්‍රසිද්ධියක් ලබා දෙමින් මාධ්‍ය ද රැගෙන ගොස් මාස කිහිපයකට පෙර වැටලූ කළල්ගොඩ ප්‍රදේශයේ සම්බහාන මධ්‍යස්ථානයක් තවමත් එහි පවත්වාගෙන යන බව මෙම සංචාරයේදී අපට දැක ගත හැකි විය.

මෙම සම්බාහන මධ්‍යස්ථානවල වයස අවුරුදු 20 - 40ත් අතර තෙරපිවරියෝ සිටිති. සම්බාහනයට අමතරව ඔවුහු ලිංගික ශ්‍රමය සපයති.

“එක කස්ටමර් කෙනෙක්ට විනාඩි 45ට වැඩියෙන් කාලය ගත්තොත් අපෙන් ගාණක් කපනවා,” තෙරපිවරියක ලෙස සේවය කරන එක් තරුණියක් කියා සිටියා ය.

“ගොඩක් අය එන්නේ අපිව බලලා යන්න” නිලූ ලෙස අප හඳුන්වන ඇය කියා සිටියා ය.

කුඩා දරුවෙකු සිටින ඇය සිය ස්වාමි පුරුෂයාගෙන් වෙන්ව කොළඹට පැමිණ සිය මව සමග කුලී නිවසක වාසය කරමින් මෙම සම්බාහන මධ්‍යස්ථානයේ සේවය කරමින් සිටියි.

රිතූ නමින් අප හඳුන්වන තවත් කාන්තාවක පැවසුවේ, කොවිඩ් වසංගත සමයෙන් පසු තමන් යළි මෙම රැකියාවට පිවිසුණු බවය.

කොවිඩ් සමයට පෙර එක් පාරිභෝගිකයෙකු විසින් තමන්ට පදිංචි නිවසක් ඇතුළුව මාසිකව මුදලක් සමග රැකවරණය දුන් බවත්, කොවිඩ් වසංගත සමයෙන් පසු එම අවස්ථාව අහිමි වීම නිසා තමන් නැවත පැරණි වෘත්තියට යොමු වූ බවත් ඇය කියා සිටියා ය.

තායි ස්පා
තවත් රාත්‍රියක අපගේ ගමනාන්තය වූයේ, බම්බලපිටිය ප්‍රදේශය යි. මැරීන් ඩ්‍රයිව්හි ජනප්‍රිය තායි ස්පා කිහිපයක් ම ඇත.

ඒවායේ තත්ත්වය සොයා බැලීම සඳහා ද අප එක් මධ්‍යස්ථානයකට ප්‍රවේශ විය. කළමනාකරුගේ සීනු නාදයත් සමග තායි කාන්තාවන් 25 දෙනෙක් අප ඉදිරියට පැමිණියහ.

ඒ අතරින් කැමති තෙරපිවරියක් තෝරා ගැනීමට පාරිභෝගිකයාට හැකි ය.

එහි සම්බාහනය සඳහා ගාස්තුව රුපියල් 5000කි. සම්බාහනයෙන් අනතුරුව ‘හැපි එන්ඩින්ග්’ හෝ තවත් සේවා අවශ්‍ය නම් ලබා ගත හැකි ය. ඒ සඳහා වෙන ම ගෙවිය යුතු ය. ඔවුන් ද ලිංගික ශ්‍රමය සපයන අතර අතේ මුදල් නොමැති නම්, ඩෙබිට් හෝ ක්‍රෙඩිට් කාඩ්පත් හරහා හෝ පාරිභෝගිකයාගේ බැංකු ගිණුමෙන් මුදල් හුවමාරු කරමින් වුව ද ගෙවීම් කිරීමට ඒවායේ පහසුකම් සලසා තිබේ.

SPA සෞඛ්‍ය ආරක්ෂිත ද?
දෛනිකව සැලකිය යුතු පාරිභෝගිකයින් පිරිසක් පැමිණෙන මෙම මධ්‍යස්ථාන සෞඛ්‍යාරක්ෂිත ද? මේ පිළිබඳව අදහස් දක්වමින් තම අත්දැකීම් මත පසිඳු කියා සිටියේ ඇතැම් ස්ථානවල සනීපාරක්ෂක පහසුකම් ප්‍රමාණවත් නොවන බව ය.

තමන් එවැනි තැන්වලට යාමෙන් වැළකී සිටින බව පැවසූ ඔහු කියා සිටියේ, ඇතැම් මධ්‍යස්ථානවල ඇඳ ඇතිරිලි හෝ තුවා වැනි දෑ මෙන් ම වෙනත් සනීපාරක්ෂක ද්‍රව්‍ය පිළිබඳව ද සෑහීමකට පත්විය නොහැකි බව ය.

‘නියාමනය කරන්න’
මුල්‍ය කේෂත්‍රයේ රැකියාවක නිරත අයෙකු වන අමිල පැවසුවේ, මානසික හා ශාරීරික සුවතාව වෙනුවනේ තමා සහ බිරිඳ බොහොවිට මාස කිහිපයකට වරක් සම්බාහනයකට යොමුවන බවය.

ඒ සඳහා බම්බලපිටිය ප්‍රදේශයේ සම්බාහන මධ්‍යස්ථානයක් වෙත යන බව ඔහු කියා සිටියේය.

එදිනෙදා ජීවිතයේ ඇතිවන ශරීරික හා මානසික පීඩාවන් සමනය කර ගැනීම උදෙසා සම්බාහන ප්‍රතිකාර ලබා ගැනීමට දැන් දැන් බොහෝ දෙනෙකු පෙළඹෙයි.

ඈත අතීතයේ සිටම පෙරදිග රටවල සම්බාහන ප්‍රතිකාර ක්‍රම භාවිත කර ඇත.

චීනය, තායිලන්තය, සිංගප්පුරුව, මලයාසියාව ඇතුළු නැගෙනහිර ආසියාතික රටවල මෙන්ම මේවන විට මැද පෙර දිග සහ බටහර රටවල ද සම්බාහන මධ්‍යස්ථාන ජනප්‍රිය වෙමින් තිබේ.

ලංකා ස්පා සංගමයට අනුව 2019 වසර වන විට ශ්‍රී ලංකාවේ පවත්වාගෙන ගිය ලියාපදිංචි ස්පා මධ්‍යස්ථාන සංඛ්‍යාව 6,000ක් පමණ විය.

ශ්‍රී ලංකාවේ තරු පන්තියේ හෝටල්, අයුර්වේද රෝහල් සහ ප්‍රතිකාර මධ්‍යස්ථානවල සම්බාහන ප්‍රතිකර කරනු ලබයි.

දේශීය වෛද්‍ය අමාත්‍යංශය විසින් 2019 වසරේදී එම මධ්‍යස්ථානවලට නිකුත් කර තිබු බලපත්‍ර අහෝසි කළේය.

මේවන විට දිවයින පුරා ස්පා 10,000කට වඩා ඇතැයි ලංකා ස්පා සංගමයේ සභාපති ප්‍රසන්න මුණසිංහ පවසයි.

ශ්‍රී ලංකා මානව හිමිකම් කොමිෂන් සභාවට පැමිණි අවස්ථාවේදී මාධ්‍ය අමතමින් ඔහු කියා සිටියේ මේවන විට ස්පා වැසී යාමේ තත්ත්වයක් මතුව ඇති බවය.

ඉදිරියටත් ලියාපදිංචියක් සමග බලපත්‍රයක් ලබා දී මෙම මධ්‍යස්ථාන නියමනයකට ලක්කරන ලෙස ලංකා ස්පා සංගමය රජයෙන් ඉල්ලා සිටියි.

“අද වෙනකොට ලංකාවේ ස්පා තියෙන්නේ ගණිකා නිවාස තත්ත්වයට දාලා. වැඩ කරන සේවකයන්ව ගණිකාවන් මට්ටමට දාලා අසරණ කරලා තියෙනවා. අද වෙනකොට පොලිසිය ගණිකා නිවාස කියලා වටලන්නේ ස්පා.ස්පා කියන්නේ ගණිකා නිවාස නෙමෙයි.”

තෙරපිවරුන් පුහුණු කිරීම සඳහා පදනම් ආයතනය මගින් NVQ 4 මට්ටමේ පාඨමාලාවක් පවත්වා 50 දෙනෙකු පුහුණූ කර අවසන් බව ද ප්‍රසන්න මුණසිංහ පැවසීය.

“ස්පා ආයතන නියාමනය කරලා රජයටත් ආදායමක් ගන්නා වැඩ පිළිවෙලක් කරන ලෙස තම අපි නව රජයෙන් ඉල්ලා සිටින්නේ”

‘ස්පා නිසා ම කියලා කියන්න බැහැ’
ජාතික ලිංගාශ්‍රිත රෝග හා ඒඩ්ස් මර්දන ඒකකයේ විශේෂඥ වෛද්‍ය නිමාලි ජයසූරිය කියා සිටියේ, මේ දිනවල ශ්‍රී ලංකාව තුළ ලිංගාශ්‍රිත රෝගවල වැඩි වීමක් දක්නට ලැබෙන බවය.

“ස්පා නිසා ම කියලා කියන්න බැහැ. නමුත් STD වල වැඩි වීමක් තියෙනවා.ගොනෝරියා, සිපිලීස් වගේ”

“HIV වැඩි වීමක් තියෙනවා. නමුත් SPA වර්කස්ලා අතර HIV වැඩි වීමක් අපි දකින්නේ නැහැ,” විශේෂඥ වෛද්‍යවරිය කියා සිටියා ය.

“ගොනෝරියා, සිපිලීස්වගේ ඒවා ගැහැණු කට්ටියගේ රෝග ලක්ෂණ ගොඩක් අඩු යි. පිටතට පෙන්නේ නැහැ. එයාල ළඟට යන ක්ලයන්ට්ස්ලා පිරිමි කට්ටිය නේ.එතකොට පිරිමි කට්ටියට ඒ ලෙඩ හැදුණොත් ඒ ගොල්ලන්ට ඉක්මනට රෝග ලක්ෂණ මතු වෙනවා.”

“එබැයි මේ වැඩි වීම ස්පා හින්දා ම කියලා කියන්න බැහැ. නමුත් මේක අපිට පාලනය කර ගන්න බැරි දෙයක් නෙමෙයි දැනට.”

විශේෂඥ වෛද්‍ය නිමාලි ජයසූරිය පැවසුවේ, සායන වෙත පැමිණෙන ස්පා ශ්‍රමිකයින් සඳහා මාස 3කට වරක් රෝග පරීක්ෂාකර වාර්තාවක් ලබා දෙන බව ය.

“අපේ ලිංගාශ්‍රිත රෝග සායනවලින් එගොල්ලෝ ආවට පස්සේ රිපෝට් එකක් අපි නිකුත් කරනවා. මේක මාස 3ක් දක්වා වලංගු යි කියලා වාර්තාවක් අපි නිකුත් කරනවා. හැම කෙනෙක් ම නෙමෙයි පිරිසක් දැන් පුරුදු වෙලා තියෙනවා, මාස තුනකට සැරයක් ඇවිල්ලා චෙක්කර ගන්නවා. එතකොට අලුත් රිපෝට් එකක් නිකුත් කරනවා.”

“අපේ සායන තියෙනවා. ඒවට එන්න සමහරු කැමති නැහැ. මේකට ආවා කියලා කාවවත් ලේබල් වෙන්නේ නැහැ. මෙතනට ආවොත් ටෙස්ට් ඔක්කොම නොමිලේ කරනවා. ප්‍රතිකාර ඔක්කොම නොමිලේ. වැක්සින් දෙනවා. ඒවා නොමිලේ දෙන්නේ.”

“මේ බොහෝ ඒවා සම්පූර්ණයෙන් සුව කරන්න පුළුවන් ලෙඩ රෝග. පාලනය කරන්න පුළුවන් හැම ලෙඩක් ම. ජාතික ලිංගාශ්‍රිත රෝග හා ඒඩ්ස් මර්දන ඒකකයේ විශේෂඥ වෛද්‍ය නිමාලි ජයසූරිය වැඩිදුරටත් පැවසුවා ය.

2024 වසරේ මුල් කාර්තුව තුළ මෙරටින් වාර්තා වී ඇති ලිංගිකව සම්ප්‍රේෂණය වන රෝග ආසාදනය වූ පුද්ගලයින් සංඛ්‍යාව 2141කි. ඒ අතරට HIV ආසාදිතයින් 207 දෙනෙකු ද අයත් ය.

ජාතික ඒඩ්ස් මර්දන වැඩසටහනේ දත්තවලට අනුව 2023 වසර තුළදී කොළඹ දිස්ත්‍රික්කයෙන් වාර්තා වී ඇති ලිංගිකව සම්ප්‍රේෂණය වන රෝග ආසාදනය වූ පුද්ගලයින් සංඛ්‍යාව 9491කි.

12/12/2024

⬛️NPP also awaits Speaker’s ‘educational clarification’
______________________________________________________________

🔘Party Gen. Secy. says didn’t check candidates’ edu. qualifications pre-nomination due to non-necessity
🔘SLPP invites entire Parliament to support NCM

The National People's Power (NPP) party stated that they did not look into their Parliamentary candidates' educational qualifications during the selection process, and will therefore allow the Speaker of the Parliament Ashoka Ranwala to address allegations surrounding the doctorate degree that he claims to possess.

Questions about the authenticity of the doctorate from a foreign university that Dr. Ranwala, who entered the Parliament from the NPP ticket, claims to purportedly possess, and the recent removal of the ‘Dr.’ title prefix from his name in the Parliamentary website, have caused a public discussion.

Responding to an inquiry made by Ada Derana, Speaker Ranwala had stated that he would address the allegations at the appropriate time. The Speaker did not specify a date or time when he would respond and all attempts to contact him proved futile.

When queried by The Daily Morning as to whether the NPP would look into the authenticity of the Speaker's alleged doctorate, NPP General Secretary and Government Parliamentarian, Dr. Nihal Abeysinghe said that the party had allowed Ranwala to make a clarification on the issue. "This is something personal. When we were selecting candidates, we didn’t look into their educational qualifications. It was not relevant in politics. It is now that such a need has arisen. So we, as the party, have allowed him to make a statement and clarify it. We expect that he would make a true statement about his qualifications. We are waiting with confidence."

His comments follow allegations on Ranwala’s academic qualifications being called into question. Soon after Ranwala's Election as the Speaker of the 10th Parliament, a series of social media posts emerged questioning the accuracy of his educational qualifications. Individuals claiming to be his contemporaries at the Sapugaskanda Oil Refinery, where Ranwala was previously employed as an operator, have alleged that the stated qualifications are false. The topic soon became a public discussion, and the main Parliamentary Opposition, the Samagi Jana Balawegaya has even warned of a no confidence/faith motion (NCM) against the Speaker for allegedly having misled the public by presenting himself with qualifications that he really does not possess.

Meanwhile, the Sri Lanka Podujana Peramuna (SLPP) of the Parliamentary Opposition had, in a post on the social media platform X, invited all MPs from across the aisle, both Opposition and the Government, to support the NCM they plan to bring against Speaker Ranwala. The post read: “The growing allegations over Ranwala’s academic qualifications and his failure to address them are deeply concerning. As the Speaker, he leads the Constitutional Council responsible for key Government appointments. A Speaker with such a tainted record undermines the Parliament. We, the SLPP, invite all Opposition and Government Members in the Parliament to support the NCM on Ranwala.”

Multiple attempts to contact a number of Members of the main Parliamentary Opposition, the Samagi Jana Balawegaya (SJB), to ascertain whether they would support the SLPP's NCM or submit their own resolution, proved futile.

Buddhika Samaraweera - The Morning

12/12/2024

⬛️මැතිසබයේ වෙබ් අඩවියෙන් තවත් ආචාර්ය පට්ටමක් හලයි!
____________________________________________________________________

පාර්ලිමේන්තුවේ වෙබ් අඩවියේ අධිකරණ අමාත්‍ය නීතිඥ හර්ෂණ නානායක්කාර මහතාගේ නම ඉදිරියෙන්ද ආචාර්ය උපාධියක් සඳහන්ව තිබී ඉවත් කරනු ලැබ ඇත.

සභානායක කාර්යාලය ඒවා තිබූ ලිපියක තොරතුරු අනුව පාර්ලිමේන්තු වෙබ් අඩවියේ නානායක්කාර මහතාගේ නම ඉදිරියේ එලෙස ආචාර්ය උපාධිය සඳහන් කර තිබිණැයි කියති.

කෙසේ වෙතත් හර්ෂන නානායක්කාර මහතා පෞද්ගලිකව ආචාර උපාධියක් ගැන සඳහන් කර ලිපියක් භාරදී නොතිබූ බව ආරංචි මාර්ග සඳහන් කරයි.

මේ අතර පාර්ලිමේන්තු වෙබ් අඩවියේ මන්ත්‍රීවරුන්ගේ විස්තර නිවැරදිව සටහන්ව තිබේදැයි පූර්ණ සොයාබැලීමක් කරන ලෙස පාර්ලිමේන්තු ප්‍රධානීන් එම වෙබ් අඩවිය බාර නිලධාරීන්ට දැනුම් දී ඇත.

මේ අනුව වෙබ් අඩවියේ වැරදි ලෙස සටහන්ව තිබූ තොරතුරු කිහිපයක් සංශෝධනය කර ඇතැයි දැනගන්නට ඇත.

සුජිත් හේවාජුලිගේ - ලංකාදීප

11/12/2024

⬛️අශෝක රන්වල: ආන්දෝලනයට තුඩු දී ඇති තම උපාධි ගැන කතානායකවරයා බීබීසීයට කිව්වේ මොනවාද?
__________________________________________________________________

අධ්‍යාපන සුදුසුකම් මුල් කරගනිමින් කතානායක අශෝක සපුමල් රන්වලට තම ධුරයෙන් ඉවත් වන්නැයි කෙරෙන බලපෑම මේවන විට තීව්‍ර වෙමින් තිබේ.

කතානායකවරයාගේ මුලික උපාධිය සහ ආචාර්ය උපාධිය ව්‍යාජයක් බවට වන ප්‍රකාශ සමාජ මාධ්‍ය ඔස්සේ 'කටකතාවක්' ලෙස මුලිකව පැතිරී ගිය අතර; ඒ සම්බන්ධයෙන් සත්‍ය නිරාවරණය කරන ලෙසට දැන් විපක්ෂ දේශපාලනඥයින්, විශ්වවිද්‍යාල ආචාර්යවරුන්ගෙන් මෙන්ම සිවිල් හා දේශපාලන ක්‍රියාකාරීන්ගෙන් ආණ්ඩුව වෙත එල්ල වන පීඩනය ද වැඩි වෙමින් තිබේ.

හිටපු පාර්ලිමේන්තු මන්ත්‍රී තලතා අතුකෝරල දෙසැම්බර් 10 වැනිදා ප්‍රවෘත්ති සාකච්ඡාවකට එක්වෙමින් කියා සිටියේ "අපි ගාව තියෙනවා ජපානයේ වසේදා විශ්ව විද්‍යාලයෙන් ගෙන්න ගත්ත එකක් එහෙම කෙනෙක් එහේ අධ්‍යාපනය ලබලා නැහැ කියලා."

"මේ රටේ උත්තරීතරම ආයතනය පාර්ලිමේන්තුව. කතානයක කියන්නේ මෙරටේ තුන්වන තනතුර.ජනාධිපති, අගමැති, කතානායක. කතානායක කියන්නේ හෑල්ලු කරන්න පුළුවන් තනතුරක් නෙමෙයි." ඇය එහිදී කියා සිටියාය.

ශ්‍රී ලංකා පාර්ලිමේන්තුව විසින් නිකුත් කරන ලද පොදු ලේඛන
නොවැම්බර් 21 වන දා දස වන පාර්ලිමේන්තුවේ අභිනව කතානායකවරයා ලෙස පාර්ලිමේන්තු මන්ත්‍රී අශෝක සපුමල් රන්වල තේරී පත්විය. කතානායක ධුරය යනු ශ්‍රී ලංකා පාර්ලිමේන්තුවේ උත්තරීතරම තනතුර වේ. කතානායකවරයා රටේ තුන්වැනි පුරවැසියා ලෙස සැලකේ.

ඔහු කතානායකවරයා ලෙස තේරී පත්වීමෙන් පසු, ශ්‍රී ලංකා පාර්ලිමේන්තුව විසින් තම වෙබ් අඩවියට යොමු කොට තිබු තොරතුරු සහ මාධ්‍ය වෙත පාර්ලිමේන්තු සන්නිවේදන දෙපාර්තමේන්තුව නිකුත් කළ නිවේදනයේ සඳහන්ව තිබුණේ, අශෝක රන්වල මොරටුව විශ්වවිද්‍යාලයේ රසායන විද්‍යාව පිළිබඳ ඉංජිනේරු උපාධිධාරියෙකු බව ය.

එමෙන් ම ඔහු ජපානයේ වසේදා විශ්වවිද්‍යාලයේ ආචාර්ය උපාධිය සම්පූර්ණ කර ඇති බව ද එම නිවේදනයේ දැක්විණි.

ඒ වන විට ආචාර්ය අශෝක රන්වල නමින් පවත්වා ගෙන ගිය ඔහුගේ දේශපාලන කටුයුතු නිරන්තරයෙන් යාවත්කාලින කළ ෆේස්බුක් ගිණුමක (තහවුරු නොකළ) සහ ලින්ඩ්කින් ගිණුමක ද එම තොරතුරු එලෙසෙම ඒ අකාරයෙන්ම සඳහන්ව තිබුණි.

ජාතික ජන බලවේගයේ සහ ජනතා විමුක්ති පෙරමුණේ නිල යූ ටියුබ් චැනලයේ වීඩියෝ වල ද ඔහු ' ආචාර්ය' අශෝක රන්වල ලෙස හඳුන්වා තිබේ.

මීට අමතරව ජාතික ජනබලවේගයේ දේශපාලන රැස්වීම්වල දී මෙන්ම, පක්ෂයේ සෙසු නායකයින් විසින් ද අශෝක රන්වල හඳුන්වා දෙනු ලැබුවේ 'ආචාර්ය අශෝක රංවල' ලෙස ය.

පළමු පාර්ලිමේන්තු සභා වාරයේදී ඔහුව තනතුර සඳහා නාම යෝජනා කිරීමේදී අගමැතිනිය ඔහු සභාවට යෝජනා කරන ලද්දේ 'ආචාර්ය අශෝක රංවල' ලෙස හඳුන්වනු ලැබිමෙනි.

අශෝක රන්වලගේ අධ්‍යාපන සුදුසුකම් පිළිබඳ සොයා බැලීමක්
කෙසේ වෙතත් කතානායකවරයා ලෙස අශෝක සපුමල් රන්වල තේරී පත්වීමෙන් දින කිහිපයක් ඇතුළත ඉහත "සඳහන් තොරතුරු නිරවද්‍ය නොවන" බවට අපට ලැබුණු තොරතුරක් මත එහි සත්‍ය අසත්‍යතාවය ස්වාධීනව තහවුරු කරගැනීම සඳහා වැඩිදුර තොරතුරු විමර්ශනය කිරීමට අපි පියවර ගතිමු.

ඒ අනුව මොරටුව විශ්වවිද්‍යාලයේ උපකුලපති සහ ලේඛකාධිකාරීවරයා වෙතත්, ජපානයේ වසේදා විශ්වවිද්‍යාලයේ උපකුලපති සහ ලේඛකාධිකාරීවරයා වෙතත් ආමන්ත්‍රණය කරමින් වෙන වෙනම ඊමේල් පණිවිඩ ඔස්සේ අපි ඔහුගේ අධ්‍යාපන සුදුසුකම් පිළිබඳ විමසීමක් කළෙමු.

ජපානයේ වසේදා විශ්වවිද්‍යාලයේ වෙබ් පුස්තකාලයේ උපාධි පර්යේෂණ නිබන්ධන (පර්යේෂණ පත්‍රිකා) ඇතුළත් කොට ඇති දත්ත පද්ධතිය තුළ ඔහුගේ නමින් උපාධි පර්යේෂණ නිබන්ධනයක් (පර්යේෂණ පත්‍රිකාවක්) තිබේද යන්න සෙවීමට අපි කළ මුලික වෙබ් පරික්ෂාව තුළින් අපිට කිසිවක් සොයා ගැනීමට හැකිවුයේ නැත.

කෙසේ නමුත් අප කළ විමසීම අනුව ජපානයේ වසේදා විශ්වවිද්‍යාලය අද (දෙසැම්බර් 11 වැනිදා) අප වෙත ඊමේල් පණිවිඩයක් එවා තිබුණි.

එම විශ්වවිද්‍යාලයේ තොරතුරු හා මහජන සම්බන්ධතා කාර්යාලය අප වෙත දන්වා තිබුණේ අප විමසන කරුණ 'එම පුද්ගලයාට අදාළ පෞද්ගලික තොරතුරක් බැවින් ඔහුගේ කැමැත්ත නොමැතිව ඔවුන්ට ඒ සඳහා ප්‍රතිචාර දැක්විය' නොහැකි බව ය.

කෙසේ නමුත් එම ප්‍රතිචාරය අනුව අශෝක සපුමල් රන්වල එම විශ්වවිද්‍යාලයේ ආචාර්ය උපාධි අපේක්ෂයකුව නොසිටි බව අදාළ පිළිතුරෙහි සඳහන් ව නොතිබිණි.

එම ඊමේල් පණිවිඩයේ වැඩිදුරටත් සඳහන් ව තිබුණේ අවශ්‍ය නම් අදාළ පුද්ගලයාගේ අත්සන සහිත 'කැමැත්ත පළ කිරීමේ ලිපියක්' හෝ 'ඇටෝනි බලය' පැවරීමේ ලිපියක් සුදානම් කර සෘජුවම උපාධි අධ්‍යයන පාසලෙන් ඒ පිළිබඳ විමසන ලෙස ය.

අප යොමු කළ ඊමේල් පණිවිඩයට මොරටුව විශ්වවිද්‍යාලය තවමත් ප්‍රතිචාරයක් එවා නැත.

කතානායක අශෝක රන්වල බීබීසීයට කිව්වේ කුමක් ද?
අදාළ තොරතුරු විමර්ශනය අතරතුර නොවැම්බර් 27 වැනි දා කතානායක අශෝක රන්වල දුරකතනය ඔස්සේ සම්බන්ධ කරගැනීමට බීබීසීයට හැකිවිය.

අප සමඟ කළ මිනිත්තු 22ක දුරකතන සංවාදයේදී කතානායක අශෝක රන්වලගෙන් බීබීසී සිංහල විමසා සිටියේ ඔහුගේ මූලික උපාධිය ලබා ගත්තේ මොරටුව විශ්වවිද්‍යාලයෙන් ද යන්න පිළිබඳව ය.

"එතකොට යුනිවර්සිටි එක හැදිලා තිබුණේ නැහැ නේ අපිට. යුනිවර්සිටි එක ඒවෙලා ඇෆ්ලිටියේට් වෙලා තිබුණේ, UGC එකෙන් පරිවර්තනය වෙලා ආපු කාලෙනෙ අපි ඒක කලේ, එතකොට තිබුණේ ෆැකල්ටි එකක් විතරයි තිබුණේ. ටෙක්නිකල්....මොකද්ද ඒකට කියන්නේ. මම ඒක දුන්න විදිහට නෙමේ දාල තියෙන්නේ. කමන් නැහැ ඒක."

එසේ නම් ඒ අනුව නිවැරදි ලෙස ඔහුගේ මුලික උපාධිය සඳහන් කරන්නේ කෙසේ දැයි විමසා සිටි අවස්ථාවේදී අශෝක රන්වල කියා සිටියේ, "ඒක මං ඔයාට ලියල එවන්න ද" යනුවෙනි.

කතානායක අශෝක රන්වලගේ දේශපාලන කටයුතු පිළිබඳ නිරන්තරයෙන් යාවත්කාලීන කරන ෆේස්බුක් ගිණුමේ (තහවුරු නොකළ) ඔහු පිළිබඳ සඳහන් තොරතුරු නිවැරදි ද යන්න පිළිබඳව බීබීසී සිංහල ඔහුගෙන් ඉන් අනතුරුව විමසීමක් කළේය.

"නැහැ. තාම ඔෆීෂයල් පේජ් එක හදලා නැහැ. එක එක්කෙනා මගේ වෙනුවට හදපුව තමා ඒවා."

"ඒ දවස්වල මම ෆැකල්ටි එකේ ලොකු වැඩ කොටසක් කළානේ. පක්ෂයේ වැඩ කොටසක් කළානේ ෆැකල්ටි එකේ. ඒවත් එක්ක තමා ඔය දාලා තියෙන්නේ." අශෝක රංවල කියා සිටියේය.

අශෝක රන්වලගෙන් බීබීසී සිංහල නැවත විමසා සිටියේ ඔහු මොරටුව විශ්වවිද්‍යාලයේ උපාධිධාරියෙකු ලෙස හැඳින්විය හැකි ද යන්න පිළිබඳව ය.

"ඒක උපාධියක් නෙමේ.ඊට පස්සේ අවුරුදු ගාණක් පිරුණම උපාධියක් බවට පත් කර ගත්තා අපි. නමුත් ඒක වෙන්න ඇති ඕක ප්‍රශ්න කරනවා ඇත්තේ."

"පෙට්‍රෝලියම් එකේ දන්න අය තමා ඔය කියන්නේ, [ඔහුට චෝදනා නඟන්නන්] පෙට්‍රෝලියම් එකේ රසායනික ඉංජිනේරුවා නෙමෙයි නේ මම"

"පෙට්‍රෝලියම් එකේ මම ඉන්දැද්දි දෙකම එකට කරලා තමයි ගත්තේ.[උපාධිය] ඒකයි ඔය. පෙට්‍රෝලියම් එකේ ඉංජිනියර්ස්ලා හිටියානේ. මම ඉංජිනියර් කෙනෙක් නෙමෙයි හින්දා තමා ඔය කියන්නේ පෙට්‍රෝලියම් එකේ."

ලංකා ඛණිජ තෙල් සංස්ථාවේ සේවය කරන සමයේ ඔහු කුමන ධුරයක් දැරූවේ දැයි බීබීසී සිංහල ඔහුගෙන් විමසීමක් කළේය.

"මම කාර්මික නිලධාරී විදිහට හිටියේ."

බීබීසී සිංහල අනතුරුව ඔහුගෙන් විමසා සිටියේ ඔහුගේ දැන් විවාදයට තුඩු දී ඇති ආචාර්ය උපාධිය පිළිබඳව ය.

එහිදී ඔහු සඳහන් කළේ ආචාර්ය උපාධිය ජපානයේ වසේදා විශ්වවිද්‍යාලයෙන් ලබා ගත් බව ය.

එය ජීව රසායනය සම්බන්ධ ආචාර්ය උපාධියක් බව ද අශෝක රන්වල එහි දී පැවසීය.

ජපානයේ වසේදා විශ්වවිද්‍යාලයෙන් ආචාර්ය උපාධිය ලබා ගත්තේ කුමන වසරේ දැයි බීබීසී සිංහල විසින් ඔහුගෙන් විමසීමක් කළේය.

"ඒක කළේ….අසූ…අනූ හයේ වගේ."

කෙසේ නමුත් අධ්‍යාපන සුදුසුකම් පිළිබඳ බීබීසී ය විමසා සිටි කරුණු සම්බන්ධයෙන් ලිඛිතව පිළිතුරු එවීමට පොරොන්දු වූ කරුණු , කතානයක අශෝක රන්වල මේ දක්වා ගත වූ දින 14 තුළ අප වෙත එවා නැත.

ඒ සම්බන්ධයෙන් යළි දුරකතන ඇමතුමක් දෙන බව ඔහු අප වෙත පැවසුව ද මේ දක්වා අප වෙත දුරකතන ඇමතුමක් ලබා දී නැත.

පාර්ලිමේන්තු වෙබ් අඩවියෙන් 'ආචාර්ය' ගෞරව නාමය ඉවත් කිරීම
ඉන්පසුව දෙසැම්බර් 10 අගහරුවදා උදෑසන පාර්ලිමේන්තු වෙබ් අඩවිය පිරික්සීමේදී පාර්ලිමේන්තු වෙබ් අඩවියේ කතානායකවරයාගේ විස්තර ඇතුළත් වෙබ් පිටුවේ ඔහුගේ නමට ඉදිරියෙන් යොදා තිබු 'ආචාර්ය' යන කොටස ඉවත් කර ඇති අයුරු අපිට නිරීක්ෂණය විය.

කෙසේ නමුත් අපි මේ ලිපිය ලියන මොහොතේ, දෙසැම්බර් 11 වන දා පස්වරුවේ පාර්ලිමේන්තුව විසින් එවන ලද නිල මාධ්‍ය නිවේදනයක කතානායකවරයාගේ නම "ගරු කතානායක (ආචාර්ය) අශෝක රන්වල" ලෙස සඳහන් ව තිබුණි.

ආණ්ඩුව කියන්නේ කුමක්ද?
කතානායකවරයාගේ ආන්දෝලනයට තුඩු දී ඇති 'ආචාර්ය උපාධිය' සම්බන්ධයෙන් දෙසැම්බර් 10 වැනිදා පැවති කැබිනට් තීරණ දැණුම් දීමේ ප්‍රවෘත්ති සාකච්ඡාවේදී මාධ්‍යවේදීන් කැබිනට් ප්‍රකාශක අමාත්‍ය වෛද්‍ය නලින්ද ජයතිස්සගෙන් විමසා සිටියේය.

"කතානායකවරයා මේ සම්බන්ධයෙන් ඉතාම පැහැදිලි ප්‍රකාශයක් තව දින කිහිපයකින් සිදුකරාවි.බලාගෙන ඉන්න."

"ඒ සම්බන්ධයෙන් අපි ඉතා වගකීම් සහගත ප්‍රකාශයක්; කතානායකවරයාගේ පැත්තෙන් සිද්ධ කරාවි."

"කතානායකවරයා තමන්ගේ සුදුසුකම් පිළිබඳ වාර්තා කරහාම බලමු." හෙතෙම කියා සිටියේය.

ඉෂාරා ධනසේකර සහ සම්පත් දිසානායක - බීබීසී සිංහල