عمر معتصم - Omer Motasim

22/08/2024

الطاقة العندنا يادوب تمشينا..~

أنا عارف إنه ما منطقي نقطع علاقتنا بكل الناس لكن حرفياً التعامل مع الناس بقى متعب جداً، كمية النقاشات والزعل وجدالات الماليه أي داعي، وناس تتحشر في خصوصياتك، وناس تتهمك بدون وجه حق، وإنت مطالب منك تجادل زول دا وتبرر وتشرح وتصالح دا، ونحن أساسا فينا المكفينا والطاقة العندنا يادوب تمشينا،

عمر معتصم - Omer Motasim

15/08/2024

"لن تنضج حتى يهدم أمام عينك كل ما كنت تؤمن به"!

مجرد ما قريت الجمله سرحت فيها وافتكرت في كل الخيبات العشتها، وللأسف الكام سنة الفاتو الواحد عاش كل الما كان يتوقع إنه ممكن يحصل .. وثقنا في ناس وكسرونا، وناس استغلت طيبتنا، وناس قولنا ما حنعرف نعيش من غيرهم وحسي عايشين من غيرهم عادي جدا وما بنتقابل مع بعض إلا صدفة كل واحد فينا بيودي وشه من الناحية التانية.

وفعلًا كل حاجة كنا مؤمنين بيها اتهدمت قدام عينا!

عمر معتصم - Omer Motasim

14/08/2024

هل سمعت عن تفعيل النوايا ؟

رأيك شنو تبدأ يومك بنية واضحه ومحدده؟
تفعيل النوايا هو ببساطة إنك توجه تركيزك وطاقتك لحاجه معينة عايز تحققها.

لما تبقي نيتك صافية وموجهة لشي محدد بتبدأ تتظبط والفرص بتظهر من حيث لا تدري.

ما مجرد كلام وسلام لما تشتغل علي نفسك وتخلي نيتك قوية عقلك الباطن حيبدأ يشتغل لصالحك ويخليك تشوف الفرص لتحقيق حلمك في كل خطوة بتمشيها حتبقى وراها نية واضحة ودا البيخليك مستمر وما بتستسلم لأي تحدي.

عمر معتصم - Omer Motasim

13/08/2024

الشخص المناسب لك..~

لن يتخطاك أبداً يرسله الله في الوقت المناسب الذي اختاره له زمان مكتوب، ومكان معلوم لن تمنعه أسباب ولن تعتريه ظروف ولا يمكن أن يتجاوزك إلى غيرك قدره ونصيبه أنت وأنت قدره ونصيبه..~

ومتى أعلم أنه المناسب 🤔؟!

ستشعر معه بالراحة وتهنأ معه بالانسجام وتطمئن في رحابه في وقت أن الجميع يبدو خائفين لن تخشى فراقه لأنه فارق ليأتيك لن يطيق غيرك ولن يقبل بسواك إن ودعته في مكان استقبلك هو في آخر.

الشخص المناسب" حيكون بشبهك".

عمر معتصم - Omer Motasim

11/08/2024

إنت بسيط ومتواضع في نظر ناس وحقار ومغرور في نظر ناس تانيه شهم ومضحي في نظر ناس وأناني وما بتحب غير نفسك في نظر ناس تانيه وإنت أصلاً نفس الشخص!

كيف الكلام دا 🤔

بس القصة كلها في المحبه ، العين البتحبك حتشوفك أجمل زول ومافي منك حتى لو كلك عيوب والعين الما بتحبك عمرها ما حتشوف فيك حاجه حلوه حتى لو عندك كل الصفات الجميلة الفي الدنيا.

وشكراً

عمر معتصم - Omer Motasim

10/08/2024

ودا في نظري أجمل معنى للصداقة..~

الصداقة ما بالتواجد والظهور مع بعض الصداقة الحقيقية هي إني لما أحتاجك ألاقيك ولما أبقى ما عارف امشي وين ألجأ لك المعزة في القلوب ما في التواجد.

وحتلاقي أقرب الناس لقلبي وأحنهم عليك ما بنشوفهم كتير ومع ذلك عمر المعزة ما قلت ومهما الدنيا تلهينا ما بننسى بعض وواثقين إن أي زول فينا حيحتاج للتاني ما حيقصر وحيعمل كل البقدر عليه .. ودا في نظري أجمل معنى للصداقة.

عمر معتصم - Omer Motasim

05/08/2024

لا أنت حتقيف علي ولا أنا حقيف عليك 🤷

مابحب زول يشوف نفسه علي 😏 بأي شكل من الأشكال حتتعمد تتجاهلني بكل ثبات ما حعرفك تاني 👋 .. حتحاول تعمل تقيل علي حنساك ولا كأني عرفتك أصلاً 🚶.

الدنيا أبسط من كدا بكتير شديد .. لا أنت حتقيف علي ولا أنا حقيف عليك 🤷 لكن كلنا عايزين التقدير والطبطبه زي ما بنقدمهم 🫶.

غير كدا مافي زول حيكمل 💔. التجاهل فى حد ذاته إهانه تخلّي اى زول يرميك برا حياته . حتى لو بيحبك حيمشي 🚶عشان مايكرهك ..~

عمر معتصم - Omer Motasim

05/08/2024

ساعة الخلاف هي أصدق وقت حتعرف الشخصية الحقيقية القدامك ..
بيكون فيها الزول فاقد القدرة على التمثيل البيمثله طول الوقت عليك ..
ساعتها بس بتعرف هو شايفك كيف و شنو جواه تجاهك .

عمر معتصم - Omer Motasim

02/08/2024

‏عامل الناس باللي تشوفه منهم ما باللي بتسمع عنهم..~

لو فلان زعلان من فلان ما تزعل معه من نفس الفلان وتقاطعة، يعني ما تحاسب على مشاريب غيرك .. طالما الشخص ما عمل معاك حاجة كعبه يبقى ما من حقك تقاطعه عشان صاحبك هو كمان مقاطعه.

‏الأيام حتلف والاتنين حيتصالحوا وساعتها إنت اللي حتبقى كعب وحيتقال إنك شيلت النفوس علي بعضها.

عمر معتصم - Omer Motasim

01/08/2024

في مواقف كتير بتطلب الحكمة أكتر من الذكاء.. ~

بعد سنين من وجع القلب اقتنعت إن فعلًا حتى لو بتتكلم في الصح ما كل الصح بيتقال، لإن ما دايمًا حتكون بتكلم زول عقله قادر يدرك إن ده الصح ولا دايمًا حيكون عنده شجاعة تصحيح المفاهيم والتخلي عن معتقداته الغلط أو حتى الإعتراف ..

وإنك تعرف تاخد كل زول على قدر عقله وتكلمه بالطريقة اللي يفهمها هو ده الصح، في مواقف كتير بتطلب الحكمة أكتر من الذكاء حفاظًا على هدر الطاقات وبس .. ~

عمر معتصم - Omer Motasim

16/07/2024

" الناس حتنساك مهمه عملته "
مهما كنت زول كويس وموجود وياما ساعدت وساندت وسألت الناس حتنسى وحتفتكر ليك الموقف اللي ماقدرته تكون موجود فيه .

الناس حتختار دايماً تشوفك مقصر عشان تعرف تثبت لنفسها انها ما السئ الوحيد في رواية أحدهم ، وانك انت كمان زيهم .

الناس مابقت بتعرف تصدق ان في زول نواياه حسنة لله بس ، الناس قادره بموقف تختك جوه عيونها وبموقف تاني تنزلك سابع أرض.

عمر معتصم - Omer Motasim

15/07/2024

في ناس حوالينا بتكرهنا في صمت 🤐 .. يعني فعلياً ما حتشوفهم ولا حيتعاملوا معاك ولا حيظهروا في حياتك 👀 إلا في الوقت اللي حيحسوا فيه إنك وقعت 🧎🏽‍♂️..!

بيظهروا في وقت ضعفك عشان يكملوا عليك 😧 عشان ماتعرف تقوم تاني🧎🏽‍♂️ .. ديل أكتر ناس لازم تكون عامل حسابك إنك حتقابلهم لما تيجي تقع، لإنك قصاد كل يد بتتمد ليك حتلاقى ألف إيد عايزاك تفضل في مكانك وماتعرف تقوم تاني 😊👌 ..

عمر معتصم - Omer Motasim

12/07/2024

لو فى يوم وصل بيك الحال إنك تختار تقرب أو تبعد عن زول لازم تركز اختيارك على سببين اتنين مافي أهم منهم

الأول محبة الزول قدامك ليك بشكل حقيقي تبقى حاسيه بدون ما تضحك على نفسك فيه.

والتاني إنك تبقى شايف وحاسس بشكل ملحوظ قدر شنو الشخص دا وادود وبيحترمك ووجوده إضافة مهمة وغنية ليومك وحياتك بشكل عام.

السببين ديل لو متوفرين بين أي اتنين فى أي علاقة.. أعتقد بنسبة كبيرة حيقدروا بكل سهولة يتخطوا أي مشكلة يقعوا فيها ومهما كانت صعوبتها حيبقى لها حل وحتعدي.

عمر معتصم - Omer Motasim

10/07/2024

اليوم اغادرك بهدوء بعد أن أتيتك بلهفة..~

عمر معتصم - Omer Motasim

09/07/2024

في رسائل بينرد عليها بـ ابتسامة قبل ما نرد عليها كتابة 💖

منقوله بحب ..~

عمر معتصم - Omer Motasim

09/07/2024

وجودك اونلاين كفيل يخلينا مبسوطين..~

عمر معتصم - Omer Motasim

Send a message to learn more