San Mateo Connect
TIGNAN: Ilang kabataan ang nahuli ng Lokal na Pamahalaan ng Ampid Uno matapos lumabag sa curfew hours sa kanilang lugar nitong Mayo 25. Ang naturang batas ay pinatupad nina Punong Barangay Hector Reyes katuwang ang Committee Head of Peace and Order na si Kagawad Ericson Pangilinan at Barangay Public Safety Officers. Pinaalalahanan naman ang lahat na sumunod sa kaukulang batas sa naturang Barangay maging ang curfew hours.
Source: Barangay Ampid Uno
NAGSAGAWA ng paglilinis o declogging ng mga canal sa Daangbakal St. Zone 12 ang ilang kawani ng Lokal na Pamahalaan ng Barangay Ampid Uno kasama ang mga residente ng naturang lugar. Layunin umano na maisaayos ang daluyan ng tubig mula sa mga kabahayan.
Source: Barangay Ampid Uno News and Action Center
2 RIZALEÑO, NAGKAMIT NG SILVER MEDAL SA 31ST SEA GAMES
DALAWANG Rizaleño ang nagkamit ng silver medal sa isinagawang 31st Southeast Asian Games (SEA) na ginanap sa Hanoi Vietnam na sina Justin Ace de Leon na tubong Taytay at Van Jacob Baccay na mula Morong, Rizal. Si Justine Ace ay bahagi ng Philippine Artistic Gymnastics Team na nagkamit ng Silver Medal. Samantalang si Van Jacob ay bahagi ng Philippine Hand Ball Team na nagkamit din ng Silver Medal sa SEA Games. Pagbati sa inyo mga kababayan! Mabuhay ang mga atletang Pilipino!
Source: Lalawigan ng Rizal
UMARANGKADA ang Clean-up Drive o Oplan Busilak program ng Lokal na Pamahalaan ng Ampid Uno nitong ika-14 ng Mayo kung saan maging ang mga kanal ay nilinisan ng mga otoridad at residente. Paalala naman ng LGU-Ampid Uno, panatilihin ang kalinisan sa kapaligiran, makiisa sa mga gawaing ikakaganda ng bayan maging ng bansa at suportahan ang YES Program.
Source: Barangay Ampid Uno
MANANATILING nasa Alert Level 1 ang bayan ng San Mateo maging ang buong lalawigan ng Rizal simula Mayo 16-31 batay sa napagkasunduan ng Inter-Agency Task Force (IATF), ayon kay PCOO Secretary and Acting Presidential Spokesperson Martin Andanar. Sa kasalukuyan ay patuloy ang vaccination roll-out sa bayan ng San Mateo mula pediatric to adult group. Bagamat kaunti o halos walang aktibong sa naturang bayan, pinapaalalahanan ang mga residente na huwag pakampante at sumunod sa health protocols, magpabakuna o magpabooster shot kontra COVID-19.
Source: IATF & PIA RIZAL
BASE sa pahayag ng Lokal na Pamahalaan ng San Mateo, Rizal sa Lunes, ika-23 ng Mayo, ililipat na sa Plaza Natividad ang ang pagproseso ng Business Permit Renewal o Business One Stop Shop (B.O.S.S) Ang BOSS ay may layuning mapabilis ang proseso ukol sa mga permit ng bawat indibidwal at business establishments sa bayan ng San Mateo.
Source: Municipality of San Mateo
NAGPABATID ng pasasalamat si Mayor Tina Diaz sa mga taong nakiisa sa mapayapang eleksyon sa bansa maging sa bayan ng San Mateo gaya ng mga volunteers, watchers, leaders, supporters, mga g**o at iba pang kawani ng DepEd (Department of Education). Samantala, patuloy naman ang paghahatid ng serbisyo ng naturang alkalde sa bayan ng San Mateo.
Source: Mayor Tina Diaz/Facebook
TIGNAN: May dalawang a*o muli sa Greenland, Carolina St. ang nahuli ng mga otoridad sa Barangay Banaba nitong ika-11 ng Mayo alinsunod sa Municipal Ordinance No. 97-24 na nagbabawal sa mga alagang a*o na pakawalan sa labas ng tahanan. Gayon din pinaalalahanan ang mga pet owners na huwag hayaang pagala-gala ang mga alagang a*o sa labas.
Source/Photo: Barangay Banaba San Mateo, Rizal
NAGPABATID ng pasasalamat ang Lokal na Pamahalaan ng San Mateo, Rizal sa Mabuhay Deseret Foundation sa mga ibinahagi ng mga ito na Colostomy Bags na makakatulong sa mga residenteng may sakit o nangangailangan ng naturang gamit. Ani ng LGU-San Mateo, "Maraming Salamat po Mabuhay Deseret Foundation sa inyong donasyong na Colostomy Bags.Saludo ang Bayan ng San Mateo sa inyong pagmamalasakit sa bayan."
Source: Municipality of San Mateo
Nagpabatid ng pasasalamat si Mayor candidate Paeng Diaz sa pangulo ng Pilipinas na si President Rodrigo Roa Duterte matapos itong magpakita ng suporta sa kanilang kandidatura nina Congreswoman aspirant Cristina Diaz at ng buong Team1SanMateo. Ani ng naturang Mayoral candidate,”Isang malaking karangalan na mapagkatiwalaan ng nasa pinakamataas na posisyon sa ating bansa. Maraming salamat po, Pangulong Rodrigo Roa Duterte!” Laking tuwa naman ng mga residenteng sumusuporta sa Team1SanMateo dahil maging ang pangulo umano ng bansa ay naniniwala sa abilidad at kakayahan ng kanilang sinusuportahan.
Source: Vice Mayor Paeng Diaz & Chabeng Nakata / Facebook
NAGKAISANG tumindig sa pagbibigay ng suporta at paniniwala sa kakayahan nina Mayor aspirant Paeng Diaz, Congresswoman candidate Cristina Diaz at Team1SanMateo ang mga residente sa bayan kanilang bayan.
Ani ng mga ito, tila "subok na" ang mga naturang kandidato na nagsisilbi sa kanilang lugar. Sabi pa ng iba ay ang Team1SanMateo ay may koordinasyon sa gobyerno at nakapagpaganda ng kanilang bayan. Ayon naman ng mga kabataan, titindig sila sa Team1SanMateo para sa kanilang magandang kinabukasan. Iyan lamang ang ilan sa maraming nakitang adhikain ng mga residente.
Labis naman ang pasasalamat ni Congresswoman aspirant Cristina Diaz sa kanyang mga kababayan sa kanilang umaapaw na suporta,ani nito, " Ang tulad po ninyong mga ordinaryo at karaniwang mamamayan ang patuloy na nagbibigay sa amin ng ibayong inspirasyong ipagpatuloy ang sama-sama nating paninindigan para sa Bayan. Maraming, maraming salamat po!
Mananatili tayong nagkakaisa at walang iwanan dahil tayong lahat ang San Mateo!"
Source: Mayor Tina Diaz/Facebook
MULA sa 26 na aktibong ka*o ng COVID-19 sa buong lalawigan ng Rizal nitong ika-3 ng Mayo ay bumaba ang bilang nito sa 19 active cases nito lamang Biyernes, Mayo 6. Samantala, may kabuuang 129 active cases naman ang CALABARZON kung saan nangunguna rito ang lalawigan ng Cavite na may 53 na aktibong ka*o samantalang COVID free naman ang Lucena City. Payuloy na pinaalalahanan ang publiko na huwag pakampante, sumunod sa health protocols at magpabakuna kontra COVID-19.
Source: PIA Rizal & Department of Health CHD 4A
MATATAMIS na ngiti at mainit na pagtanggap ang sumalubong sa Team1SanMateo bilang pagpapakita ng suporta ng mga residente sa Nawasa East Extension, San Mateo Rizal. Kamakailan ay dumalo sa pagpupulong ang mga indibidwal ng naturang lugar upang tangkilikin at pakinggan ang bawat hangarin ng Team1SanMateo para sa progresibong bayan. Samantala, patuloy naman ang pasasalamat ni Congresswoman candidate Cristina Diaz at Mayor aspirant Paeng Diaz sa kanilang mga kababayang patuloy na sumusuporta at nakikiisa sa kanilang plataporma.
Source: Barangay Guitnang Bayan 1 News and Action Center
UMARANGKADA na ang Chikiting Bakunation Days sa bayan ng San Mateo, Rizal kung saan nagbahay-bahay ang mga health care workers upang bakunahan ang mga bata at sanggol sa kanilang bayan. Ang naturang pagbabakuna ay may layuning mabakunahan ang mga bata upang magsisilbing proteksyon laban sa iba’t ibang sakit tulad ng polio, tigdas, beke, rubella, cervical cancer, influenza, pulmonia, at iba pa.
Source: Municipality of San Mateo
NAMAHAGI ng food packs sa kanilang mga ka-barangay na muslim ang San Mateo MPS, BJMP at Lokal na Pamahalaan ng Barangay Silangan nitong Lunes, ika-2 ng Marso bilang pakikibahagi sa selebrasyon ng Eid'l Fitr. Ayon sa LGU-Silangan, labis ang pasasalamat ng mga kanilang kababayang muslim na nabahagian ng food packs.
Source: Brgy. Silangan 2022
MANANATILING nasa Alert Level 1 ang lalawigan ng Rizal ngayong Mayo 1 hanggang Mayo 15 base sa Inter-Agency Task Force (IATF). Samantala, isinailalim rin sa Alert Level 1 ang 88 pang lugar sa bansa kabilang ang Metro Manila. Patuloy ang paalala ng otoridad na sumusunod sa health protocols, magpabakuna at magpabooster shot upang maging ligtas kontra COVID-19.
Source: PCOO
DALHIN sa kongreso ang bawat boses sa San Mateo, iyan ang isa sa mga adhikain at hangad ni Congresswoman aspirant Cristina Diaz sa bayan ng San Mateo, Rizal. Ani ng naturang Congresswoman candidate, "Tayong lahat ang San Mateo, panahon na para dalhin natin ang boses natin sa kongreso." Sa pamamagitan ng pagiging boses sa kongreso ay iaangat ang buhay ng bawat indibidwal sa San Mateo. Magandang buhay para sa bawat isa, isusulong ni Congresswoman Tina.
Source: Mayor Tina Diaz
PATULOY ang pagbibigay ng Gift Voucher ng Lokal na Pamahalaan ng San Mateo, Rizal sa pamumuno ni Mayor Tina Diaz at Vice Mayor Paeng Diaz sa mga Senior Citizens na ipinagdiriwang ang kaarawan nitong buwan ng Mayo at maging ang mga hindi pa nakatanggap para sa buwan ng Enero hanggang Abril. Layunin ng naturang programa na bigyang halaga ang bawat kaarawan ng nakakatanda sa kanilang bayan at upang masayang salubungin ang bawat kaarawan ng Senior Citizens sa bayan ng San Mateo.
Source: Municipality of San Mateo
DALAWANG sasakyan ang nagsalpukan sa kahabaan ng C6 Road Greenland San Mateo, Rizal kung saan agad namang rumesponde ang mga Barangay Tanod ng Barangay Banaba. Wala namang naiulat na nasaktan sa nangyaring insidente ngunit paalala ng otoridad, maging maingat at matalino sa pagmamaneho.
Source: Batangay Banaba San Mateo Rizal
TIGNAN: Dalawang a*o ang nahuli ng Lokal na Pamahalaan ng Barangay Banaba alinsunod sa Municipal Ordinance No. 97-24 na nagbabawal sa mga alagang a*o na pakawalan sa labas ng tahanan. Pinaalalahanan naman ang lahat ng residente sa bayan ng San Mateo na maging responsableng pet owner at huwag hayaang pagala-gala sa labas ang mga alagang a*o.
Source/Photo: Batangay Banaba San Mateo Rizal
INILUNSAD ng Lokal na Pamahalaan ng San Mateoz Rizal sa pamumuno ni Mayor Tina Diaz at Vice Mayor Paeng Diaz ang libreng Anti-Rabies vaccination program. Kamakailan nitong Miyerkules, ika-27 ng Abril ay isinagawa ang naturang aktibidad sa Barangay Guitnang Bayan 1 kung saan nakapag bigay ng libreng 300 free Anti-Rabies vaccine sa mga alagang a*o at pusa.
Source: Guitnang Bayan 1 News and Action Center
AARANGKADA ang pagbabakuna sa bayan ng San Mateo, Rizal bilang pakikiisa sa Chikiting Bakunation Days ng Department of Health. House to house ang isasagawa ng mga health workers ng naturang bayan ngayong 28-29 ng Abril maging sa huling Huwebes at Biyernes ng Mayo, at Hunyo sa lahat ng barangay. Ani ng LGU-San Mateo, "Sama-sama nating bigyang proteksyon ang ating mga chikiting laban sa mga vaccine preventable diseases."
Source: Municipality of San Mateo
MATAGUMPAY at masayang inilunsad ang Battle of the Bands sa bayan ng San Mateo, Rizal nitong ika-23 ng Abril kung saan nagtagisan sa larangan ng musika ang ilang grupo at kung saan din dumalo ang ilang artista. Layunin ng isinagawang program na buhayin ang tugtugan ng musikang Pilipino sa bayan ng San Mateo. Ani nga ng isang bandang nakilahok, "Sa larangang ito (pagmumusika) hindi ganon kahalaga ang pera, para sa amin ito ay ang Musika." Laking pasasalamat naman ng mga residente ng naturang bayan sa masayang programa na inilunsad nina Congresswoman aspirant Tina Diaz, Mayor candidate Paeng Diaz at Konsehal Denz Diaz bilang main organizer ng isinagawang aktibidad.
Source: Zirk San Jose/ Barangay Guitnang Bayan 1 News and Action Center
PATULOY ang tulong na handog ng Tina Cares Program ni Mayor Crisrtina Diaz sa mga Persons with Diasability at Senior Citizens sa bayan ng San Mateo, Rizal matapos muling mamahagi ng wheelchairs, crutches at quad cane. Hangad ng naturang program ana tulungan ang mga benipisyaryo maging ang mga pamilyang nag-aalaga sa kanila upang kahit papaano’y mapadali ang ilang gawain. Pinangunahan naman ng LGU-San Mateo ang distribusyon ng mga naturang gamit.
Source: Municipality of San Mateo
NAGSAGAWA ng pagbabakuna sa mga sanggol ang Health Center ng Brgy. Ampid Uno nitong ika-20 ng Abril bilang pagsuporta at pagtugon umano sa programa ng kanilang Pamahalaang Bayan sa pamumuno ni Mayor Tina Diaz. Ani ng LGU-Ampid Uno, "Tuloy-tuloy ang programang pangkalusugan sa ating Barangay at bayan."
Source: Barangay Ampid Uno News and Action Center
NAMAHAGI muli ng wheelchairs sa mga Persons With Disability (PWDs) at Senior Citizens ang Lokal na Pamahalaan ng San Mateo, Rizal sa ilalim ng Tina Cares Program ni Mayor Cristina Diaz. Layunin umano ng naturang programa na makapagbigay tulong hindi lamang sa mga taong may kapansanan higit lalo sa mga kapamilya na nag-aalaga sa kanila. Ito rin ay upang mas maayos na makakagalaw-galaw ang nga benipisyaryo sa loob ng bahay at mas magiging madali na rin para sa kanila ang paglabas ng kanilang tahanan sakaling kailanganing magpa check-up.
Source: Municipality of San Mateo
PASASALAMAT iyan ang laging batid ni Mayor Tina Diaz at Vice Mayor Paeng Diaz maging ng TeamSanMateo sa mga residente sa kanilang bayan na walang sawang sumusuporta at naniniwala sa kanila. Makikitang laging dagsa sa kanilang mga plaza ang mga indibidwal sa bawat pagbisita ng Team1SanMateo upang makiisa sa magandang adhikain ng naturang grupo. Ani naman ni Mayor Tina, “Our best formula is unity amidst diversity. Salamat sa mainit na pagtanggap sa amin at sa patuloy na pakiki-isa sa aming mga layunin.”
Source: Mayor Tina Diaz/Facebook
SA PAMUMUNO ni Mayor Tina Diaz at Vice Mayor Paeng Diaz agad na umaksyon at namahagi ang Lokal na Pamahalaan ng San Mateo Rizal ng assistance, construction materials at groceries sa mga Pamilyang apektado ng sunog sa Nawasa East Ext. Pinangunahan ng Municipal Social Welfare a Development Office ang pamamahagi katuwang ang Barangay Officials ng Barangay Guitnang Bayan 1. Tila lubos naman ang pasasalamat ng mga residenteng dahil sa mabilis na tugon ng kanilang Lokal na Pamahalaan/.
Source: Barangay Guitnangbayan1 News and Action Center
NABAHAGIAN ang mga estudyante mula Junior High School at Senior High School ng San Mateo Senior High School ng libreng pocket wifi nitong Biyernes, ika-8 ng Abril. Ang pamamahagi ng naturang wifi ay inisyatibo ng Lokal na Pamahalaan ng San Mateo Rizal sa pamumuno ni Mayor Tina Diaz at Vice Mayor Paeng Diaz dahil numero uno umano ang kabataan o estudyante sa kanilang adhikain. Pinangunahan naman ni Kapitan Jomer Alejandro Cruz, Kagawad for Education, Ways & Means - Sesenando Abella ang distribution program. Lubos na pasasalamat naman ang ipinarating ng Senior High School Principal II - Ms. Arleen D. Canapi at mga kapwa g**o ng nasabing annex sa naturang programa.
Source: Brgy Guitnang Bayan 1 San Mateo
MULING nakapagtala ng zero active case o walang ka*o ng COVID-19 ang bayan ng San Mateo, Rizal base sa inilabas na datos ng Lokal na Pamahalaan ng naturang bayan nitong ika-18 ng Abril. Samantala, patuloy naman ang vaccination roll-out sa naturang bayan mula pediatric to adult group. Bagamat walang aktibong ka*o, pinapaalalahanan ang lahat na patuloy na sumunod sa health protocols at magpabakuna kontra COVID-19.
Source: Municipality of San Mateo
NAKIISA ang Lokal na Pamahalaan ng San Mateo, Rizal sa paggunita ng ika-80 Araw ng Kagitingan may temang "Kagitingan ng mga Beterano, Inspirasyon ng nagkakaisang Pilipino" kung saan dumalo ang iba't ibang opisyales ng naturang LGU maging ang mga kapulisan. Ang paggunita ng naturang makasaysayang araw ay bilang pag-alala at pagpapahalaga umano sa sakripisyo ng mga magigiting na bayani ng bansa na nag-alay ng buhay para sa kalayaan ng bayan.
Source: Municipality of San Mateo
TIGNAN: Ipinatupad ng Lokal na Pamahalaan ng San Mateo, Rizal ang Half Day Work Suspension sa kanilang tanggapan ngayong Miyerkules, ika-13 ng Abril bilang preperasyon sa paggunita ng Mahal na araw. Samantala, Mananatili naman ang mga kawani at serbisyo publiko sa pagtupad ng tungkulin na may kaugnayan sa health at emergency services, peace and order, traffic rules implementation at iba pang pangunahing serbisyo.
Source/Photo: Municipality of San Mateo
BINAWIAN ng buhay ang isang 61-anyos na Ginang matapos tupukin ng sunog ang isang residential unit sa kahabaan ng Burgos Street sa San Mateo, Rizal nitong Martes, ika-5 ng Abril. Ayon sa ulat ng awtoridad, umabot sa unang alarm ang sunog at dakong 2:15 ng hapon nang ideklara itong fire out.
Source/Photo: Face Fire Volunteer / Fire and Rescue Alert Responders, Philippine Star, Go Rizal
ISINAILALIM sa Alert Level 1 ang lalawigan ng Rizal mula Abril 1 hanggang Abril 15 base sa napagkasunduan ng Inter-Agency Task Force (IATF), ayon kay PCOO Secretary and Acting Presidential Spokesperson Martin Andanar. Samantala, muli na ring nagbukas ang ilang paaralan sa bayan ng San Mateo, Rizal ganon na rin ang patuloy na pagbabakuna sa mga estudyante na edad 5-11. Patuloy ang panghihikayat ng Lokal na Pamahalaan ng San Mateo na manatiling sumusunod sa health protocols at magpabakuna kontra COVID-19.
Source: IATF, PIA Rizal
BUO ang suporta at tiwala ni Senator B**g Go sa pamumuno ni Mayor aspirant Paeng Diaz base sa birthday greeting na ipinadala nito. Lalo pang hinikayat ni Sen. Go ang naturang Mayor candidate na ipagpatuloy umano ang pagbibigay serbisyo sa kanyang mga kababayan, "Vice Mayor Paeng Diaz, patuloy lang po sa pagseserbisyo sa ating mga kababayan." Samantala, nagpabatid naman ng pasasalamat si Mayor aspirant Paeng kay Senator Go sa paghahangad nitong ipagpatuloy pa ang kanyang serbisyo, "Maraming, Maraming Salamat pong muli Senator Christopher Lawrence B**g Go sa inyong pagbati at paghahangad na akin pong maipagpatuloy ang pagseserbisyo sa ating mga kababayan. Manananatili po ninyo kaming kasama sa pagmamalasakit sa ating mga kababayan."
Source: Vice Mayor Paeng Diaz/Facebook
MASAYANG ibinahagi ni Mayor Tina Diaz ang tagumpay ng dalawang dating iskolar ng bayan ng San Mateo Rizal na siyang nag-aral sa San Mateo Municipal College (SMMC) na sina Anne Loredaine M. Sales at Neziel Casaljay na ngayoy mga ganap ng propesyonal na g**o matapos makapasa sa Licensure Examination for Teachers. Ipinagmamalaki ring ibinahagi ni Mayor Tina ang 100% Institutional Passing Rate ng SMMC sa Licensure Examination for Teachers. Ani ni Mayor Tina, panata ng kanilang Lokal na Pamahalaan na makapagtapos ng pag-aaral ang bawat batang San Mateo. Labis naman ang pasasalamat ng dalawang g**o sa kanilang Lokal na Pamahalaan maging sa mga propesor ng SMMC na siyang dahilan upang makapagtapos sila ng pag-aaral.
Source: Mayor Tina Diaz/Facebook
Binigyang pansin ng Department of Health ang kakaibang pagbubukas ng face-to-face classes ng Banaba Elementary School, San Mateo Rizal dahil sa makulay na lobo na dekorasyon ng naturang paaralan at maging ang pamimigay ng school bags o school supplies sa mga estudyante nitong Lunes, ika-28 ng Marso. Ayon naman sa Lokal na Pamahalaan ng nasabing bayan, isang karangalan umano na mabigyang pansin ang kanilang paaralan, “Isang malaking karangalan na mabigyang pansin ang sarili nating paaralan - Banaba Elementary School sa Barangay Banaba ng Department of Education dahil sa napakamatagumpay na pagbubukas ng Face to Face Classes.” Pinangunahan naman ni Mayor Tina Diaz ang pamamahagi ng mga school supplies sa higit 50 mag-aaral. Ayon naman kay Mayor Tina, prayoridad ng kanilang LGU ang edukasyon sa kanilang bayan lalo na sa mga kabataan, “Education has been the top priority of the LGU lalo na ang mga kabataan,” wika nito.
Source: Municipality of San Mateo, DepEd Philippines/Facebook
BILANG tugon sa problema ng baha, ongoing na ang pagsasagawa ng Flood Interceptor at Drainage Project sa Kambal Road ng Barangay Guitnang Bayan Uno at Guitnang Bayan Dos gayon na rin sa Barangay Banaba at Ampid Uno mula San Mateo-Marikina River, General Luna Street patungong JFD Avenue. Dagdag pa ni Mayor Tina Diaz, isusunod na rin ang Proposed Flood Interceptor and Drainage Project sa Patiis Road papuntang San Mateo-Marikina River sa Barangay Malanday. Laking pasasalamat naman ng ilang residente dahil makakatulong umano ito upang hindi magkaroon ng baha at pagbigat sa trapiko. Dagdag ni Mayor Tina, "Hindi po tayo tumitigil sa pagtugon sa pangangailangan ng ating Bayan."
Source: Mayor Tina Diaz/Facebook
NAGSAGAWA ng rehabilitasyon o pag-aayos ng mga daanan at canal sa South Libis, Barangay Banaba San Mateo Rizal na siyang inisyatibo umano ni Brgy. Captain Sherwin Cuevas at suporta nina Mayor Tina Diaz at Vice Mayor Paeng Diaz. Labis naman ang tuwa at pasasalamat ng mga residente dahil mayroon na silang maayos na daanan. Paalala naman ng otoridad sa mga residente na panatilihin ang kaayusan at kalinisan sa kanilang lugar gayon na din ang pagsunod sa health protocols at pagpapabakuna upang maging protektado kontra COVID-19.
Source: Barangay Banaba Ssn Mateo Rizal
Be the first to know and let us send you an email when San Mateo Connect posts news and promotions. Your email address will not be used for any other purpose, and you can unsubscribe at any time.
Want your business to be the top-listed Media Company?
