15/11/2022
ပိုင်စေ အောင်စေ- PLA
ဥဩချို
အပိုင်း(၄)
(၄) ရန်သူ့လက်နက် ကိုယ့်လက်နက်
“ တော်လှန်ရေးကို ဟောဒီသေနတ်တွေနဲ့ အနိုင်တိုက်ဖို မဟုတ်ဘူး။ ဧရာဝတီ ချင်းတွင်းမြစ်ဝှမ်းဆင်းပြီး ရန်သူ့သေနတ်တွေကို သိမ်းပိုက် ၊ ရန်သူ့လက်နက် ကိုယ့်လက်နက်ဖြစ်အောင်လုပ်ပြီး ရန်သူကို အနိုင်တိုက်ရလိမ့်မယ်”လို အရှေ့မြောက်စစ်ဒေမှာ ကိုယ့်ရဲ့ စစ်အင်အား လက်နက်အင်အား ကောင်းစဉ်အခါကတည်းက ရဲဘော်ကြင်မောင်က လမ်းညွှန်ခဲ့ဘူးတယ်။ ကျနော်တိုတတွေလည်း ရန်သူ့လက်နက်ဖြစ်တဲ့ ကာဘိုင်သေနတ်တွေ ကိုင်ဖို ကြိုးစားခဲ့ကြတယ်။
အထက်မှာ ပြောခဲ့သလိုပဲ သေနတ်ဆိုတာ ကျည်ဆန်မရှိရင် ဒုတ်(တုတ်)ပဲ။ ကျည်ကုန်ရင် ကျည်ဖြည့်ဖို အများကြီး အခက်အခဲ ရှိတယ်။ ကျည်ပေးမယ်ဆိုရင်တောင် သွားသယ်ဖို လွယ်တာ မဟုတ်ဘူး။ တပြည်လုံး ရန်သူကို ကုန်စင်အောင် ချေမှုန်းဖို လက်နက်တွေ ကျည်ဆန်တွေ အများကြီးလိုတယ်။ ကူညီချင်တဲ့ မဟာမိတ်တွေက နည်းနည်းရယ်၊ သူတိုမှာလည်း သူတိုအခက်အခဲနဲ့ဆိုတော့ ကူညီနိုင်တာကလည်း နည်းနည်းရယ်။ ပြည်သူတွေ ချွေးနှဲစာနဲ့ ကူတဲ့ငွေကလည်း PLA က တပ်အင်အား စုဆောင်းတဲ့ဘက်မှာ ချွေချွေတာတာ သုံးနေရတယ်။ ဒီတော့ နည်းလမ်းက ရှိတဲ့လက်နက်တွေကို အရင်းပြုပြီး တိုးပွားအောင် လုပ်ရေးပဲ။ ဒါဟာ ရန်သူ့လက်နက် ကိုယ့်လက်နက်ဖြစ်အောင် လုပ်ရေးပဲ။ ရန်သူ့လက်နက်တွေသာ ကိုယ့်လက်နက်ဖြစ်အောင် လုပ်နိုင်ရင် ရန်သူကို ချေမှုန်းနိုင်တာနဲ့အမျှ လက်နက်ရော ကျည်ဆန်ပါ ရန်သူနဲ့တိုက်နေရတဲ့စစ်မြေပြင်မှာ ဗုံးပေါလအောပါ။
၁၉၄၈ ဗမာပြည်ကွန်မြူနစ်ပါတီရဲ့ ပြည်သူ့ဒီမိုကရေစီတော်လှန်ရေးလုပ်တော့ (အခုလိုပဲ) ဘယ်က လက်နက်မှ (တလက်တလေတောင်မှ) မဝယ်နိုင်ခဲ့ပါဘူး။ လယ်ဝေးက လယ်သမားသူပုန်တွေမှာ ပါလာတဲ့ မီးကျိုးမောင်းပျက် လက်နက်တွေရယ်၊ ဖက်ဆစ်ဂျပန်တော်လှန်စဉ်က ကိုင်ခဲ့တဲ့လက်နက်တချို သိုဝှက်စုဆောင်းထားခဲ့တာရယ်၊ ထိုစဉ်အချိန် တပ်မတော်က တောခိုလာတဲ့ ရဲဘော်တွေ ပါလာတဲ့လက်နက်တွေရယ် ဒါတွေကို ကိုင်ပြီး လက်နက်အင်အား တိုးပွားအောင် လုပ်ယူခဲ့ရတာပဲ။
အထက်ဗမာပြည် အညာဒေသမှာဆိုရင် ညအချိန် ဓားပြအိမ်နေတဲ့ တဲဆီသွား၊ ပိန်းရိုးကို သေနတ်အဖြစ် ဟန်ဆောင်ပြီး ဓားပြကို ခြိမ်းခြောက်ကာ လက်နက်ကို သိမ်းယူရတယ်။ ရဲအရာရှိကို ချောင်းရိုက်ပြီး သေနတ်လုယူရတယ်။ ရွာက အမျိုးသမီးတွေက ရဲသားတွေကို ဝါးချွန်တွေ ဓားတွေနဲ့ ဝိုင်းတိုက်ပြီး ပြည်သူ့လွတ်မြောက်ရေးတပ်မတော်အတွက် လက်နက်ထောက်ပံ့ပေးကြရတယ်။ အင်အားနည်းတဲ့ ပုလိပ်(ရဲ) တွေကို တိုက်ပြီး လက်နက်သိမ်းရတယ်။ လက်နက်သိမ်းတိုက်ပွဲတွေကို အသေအချာ ပြင်ဆင်စီစဉ်ပြီး လက်နက်ရအောင် လုပ်ရတယ်။ ခုလည်း ဒီလိုပဲ လုပ်ရမယ်။ အားနည်းတဲ့ရန််သူကို ရှာ၊ ချွေပစ်ပြီး ရန်သူ့လက်နက် ရအောင် လုပ်ရမယ်။ လက်နက်သိမ်းတိုက်ပွဲတွေ တိုက်ရမယ်။
ခုလည်း ဒီလိုပဲ လုပ်ရမယ်။ PLA ဟာ သန်းကြွယ်သူဌေးတွေရဲ့လက်ကိုင်တုတ် တပ်မဟုတ်ဘူး။ ပစ္စည်းမဲ့ အလုပ်သမားတွေ လယ်သမားတွေ ကျောင်းသားတွေ မြိုနေဆင်းရဲနဲ့ ဓနရှင်ပေါက်စ- စသဖြင့် အဖိနှိပ်ခံဆင်းရဲသားပြည်သူတွေရဲ့ တပ်မတော်ပဲ။ စနစ်ဆိုးအမျိုးမျိုးအောက်မှာ နှစ်ပေါင်း ၁၀၀ လောက် ဒုက္ခမျိုးစုံ ခါးစည်းခံလာရတဲ့ ပြည်သူတွေဟာ အခု စစ်ကောင်စီလက်ထက်မှာ ဖြူခါပြာခါကျနေပြီ။ ပြည်သူဆင်းရဲသလို အဖိနှိပ်ခံပြည်သူတွေရဲ့ တပ်ဟာလည်း ဆင်းရဲတယ်။ ဘာမှ ဟိတ်ဟန်ထုတ် ကြွားဝါနေစရာမလိုဘူး။ ရှိတဲ့လက်နက်နဲ့ တိုက်ပြမယ်။ ရန်သူ့လက်နက်တွေ သိမ်းပိုက်တဲ့နည်းနဲ့ ကိုယ့်လက်နက်အင်အားကို တိုးပွားစေမယ်။ နောက်ဆုံးသွေးတစက် ကျန်သည်အထိ ရန်သူကို ပြတ်ပြတ်သားသား တိုက်သွားကြမယ်။ နောက်ပြန်ပြေးတဲ့ခြေထောက် တော်လှန်ရေးရဲ့ သစ္စာဖောက်ဟေ့။ ရန်သူကို ချေမှုန်း ရန်သူ့လက်နက်တွေကို သိမ်းပိုက်ရယူတာ မလုပ်ဘဲ ဘယ်တော်လှန်ရေးမှ မအောင်ဘူး။ အမေရိကန် ရဲ့ ခြေဆုံးခေါင်းဆုံး အကူအညီနဲ့ အမေရိကန်နောက်လိုက်ခွေးတွေ မင်းပြောင်းမင်းလွှ လုပ်တာတွေပဲ ရှိမယ်။
PLA ပြည်သူ့လွတ်မြောက်ရေးတပ်မတော်သားတွေရဲ့ ကြွေးကြော်သံ ဆောင်ပုဒ်တခုနဲ့ ဒီဆောင်းပါးကို နိဂုံးချုပ်လိုက်ပါမယ်။
“အောင်ပွဲဟာ တိုက်ရဲသူတွေအတွက်ပဲဟေ့။”
