Urdu Star (2024)

25/05/2023

Our Martyrs, Our Pride

24/05/2023

امریکا پاکستان میں صورتحال کو مانیٹر کر رہا ہے، میتھیو ملر

ترجمان امریکی وزارت خارجہ میتھیو ملر (Matthew Miller) کا کہنا ہے کہ امریکا پاکستان میں صورتحال کو مانیٹر کر رہا ہے۔

واشنگٹن میں پریس بریفنگ کے دوران انہوں نے کہا کہ ہماری کسی ایک سیاسی امیدوار یا جماعت پر کوئی پوزیشن نہیں ہے۔

انہوں نے مزید کہا کہ جمہوری اقدار کا نفاذ، آزادی اظہار رائے اور قانون کی عملداری کا اطلاق سب پر ہونا چاہیے۔

ترجمان امریکی وزارت خارجہ نے یہ بھی کہا کہ پاکستان میں تیل اور گیس کی تنصیبات پر حملوں پر غمزدہ ہیں

24/05/2023

آصف درانی پاکستان کے نمائندہ خصوصی برائے افغانستان مقرر

آصف علی خان درانی کو پاکستان کا نمائندہ خصوصی برائے افغانستان مقرر کردیا گیا ہے۔

رپورٹس کے مطابق آصف علی درانی کا تقرر وزیراعظم شہباز شریف کی منظوری سے کیا گیا۔

وزارت خارجہ نے آصف علی درانی کی تقرری کا نوٹیفکیشن جاری کردیا ہے۔

اس سے قبل آصف علی درانی ایران، افغانستان اور ابوظہبی میں پاکستان کے سفارتی مشنز کی سربراہی کرچکے ہیں۔

24/05/2023

کسی سیاسی لیڈر کا ایسے حالات سے گزرنا اچھا نہیں لگتا، شیری رحمان

پیپلز پارٹی کی مرکزی رہنما سینیٹر شیری رحمان نے کہا ہے کہ کسی بھی سیاسی لیڈر کا ایسے حالات سے گزرنا اچھا نہیں لگتا۔

ایک بیان میں شیری رحمان نے کہا کہ عمران خان نے 9 مئی کے واقعات کی مذمت نہ کرکے اپنی پارٹی کو ان حالات میں جھونکا ہے۔

انہوں نے کہا کہ جو کچھ بھی ہورہا ہے، اُسے دیکھ کر کسی کو بھی خوشی نہیں ہورہی۔

27/03/2023

فواد نے اپنے پارٹی صدر پرویز الہٰی کو ہانڈی مسالا قرار دیدیا

لاہور: پاکستان تحریک انصاف (پی ٹی آئی) کے رہنما فواد چوہدری نے اپنے پارٹی کے صدر پرویز الہٰی کو ہانڈی مسالا قرار دے دیا۔

فواد چوہدری اپنی ہی جماعت کے صدر کے خلاف بول پڑے۔

ایک انٹرویو میں فواد چوہدری نے کہا کہ پرویز الہٰی کوئی عوامی لیڈر نہیں، انہیں تو ہم نے ایسے رکھا ہوا ہے جیسے ہانڈی میں مسالا ہوتا ہے۔

پی ٹی آئی رہنما نے کہا کہ جس طرح ہانڈی میں سارے مسالے چاہیے ہوتے ہیں اسی طرح پرویز الہٰی بھی ہماری ہانڈی کا ایک ضروری مسالا ہیں۔

انہوں نے کہا کہ پرویز الہٰی عوامی لیڈر نہیں، عوامی لیڈر تو عمران خان ہیں

27/03/2023

ایف بی آر ملازم نے وزیراعظم سے کرپشن کرنے کی اجازت مانگ لی

اسلام آباد: فیڈرل بورڈ آف ریونیو (ایف بی آر) کے ان لینڈ ریونیو ملازم نے وزیراعظم شہباز شریف کو خط لکھ کر کرپشن کرنے کی اجازت مانگ لی۔

اپنے خط میں ملازم نے لکھا کہ مہنگائی کے باعث گھریلو اخراجات تنخواہ سے پورے نہیں ہو رہے، گھریلو اخراجات ایک لاکھ 10 ہزار 500 روپے تک جبکہ تنخواہ کم ہے۔

ملازم نے وزیراعظم کو لکھے گئے خط میں کہا کہ تنخواہ نہیں بڑھائی تو کرپشن کرنے کی اجازت دی جائے۔ مہنگائی اور اخراجات بڑھنے کے باعث مستقبل کےلیے کوئی جمع پونجی نہیں ہے۔

خط میں کہا گیا کہ نیب، ایف آئی اے، پی ایم آفس سمیت دیگر اداروں کے ملازمین کی تنخواہ زیادہ ہے۔ کم تنخواہ اور مہنگائی کے باعث گھریلو اخراجات پورے کرنا ممکن نہیں رہا۔

وزیراعظم کو لکھے گئے خط میں کہا گیا کہ ایف بی آر ان لینڈ ریونیو ملازمین کےلیے ایگزیکٹو الاؤنس فراہم کیا جائے

27/03/2023

انٹر بینک میں ڈالر آج مزید مہنگا

کراچی: انٹر بینک میں 4 دن کی چھٹی کے بعد کاروبار کا آغاز ہوا تو امریکی ڈالر مزید مہنگا ہوا ہے جبکہ پاکستانی روپے کی قدر کم ہوئی ہے۔

انٹر بینک میں ڈالر 30 پیسے مہنگا ہونے کے بعد 283 روپے 50 پیسے کا ہو گیا ہے۔

22 مارچ کو انٹر بینک میں ڈالر 283 روپے 20 پیسے پر بند ہوا تھا۔

پاکستان اسٹاک ایکسچینج میں کئی دن کی چھٹی کے بعد آج ملا جلا رجحان دیکھنے میں آ رہا ہے۔

پاکستان اسٹاک ایکسچینج کا 100 انڈیکس 4 پوائنٹس کی کمی کے بعد 39 ہزار 938 پر آ گیا ہے۔

گزشتہ کاروباری ہفتے کے اختتام پر 100 انڈیکس 39 ہزار 942 پر بند ہوا تھا۔

27/03/2023

رانا ثناء اللّٰہ کا دماغ خراب ہو گیا ہے، شیخ رشید

اسلام آباد : عوامی مسلم لیگ کے سربراہ شیخ رشید نے کہا ہے کہ رانا ثناء اللّٰہ کا دماغ خراب ہو گیا ہے، اس کا انجام برا ہو گا۔

اسلام آباد ہائی کورٹ کے باہر میڈیا سے گفتگو کرتے ہوئے شیخ رشید نے کہا کہ جو رانا ثناء اللّٰہ نے ماڈل ٹاؤن میں کیا ہے، اس پر وہ اپنے انجام کو پہنچے گا۔

شیخ رشید کا کہنا ہے کہ خان صاحب کے سیکڑوں کیسز ہیں، میرے خلاف الگ کیسز ہے۔

25/03/2023

آج کا دن پاکستان کرکٹ کیلئے کیوں اہم ہے؟

پاکستان کرکٹ ٹیم نے 1992ء میں آج کے دن ایک بڑا کارنامہ انجام دیا تھا۔

میلبرون کے گراؤنڈ میں آج ہی کا دن تھا جب پاکستان کرکٹ کا عالمی چیمپئن بنا تھا۔

عمران خان کی قیادت میں پاکستان نے انگلش ٹیم کو شکست دی تھی۔

پاکستان نے پہلے بیٹنگ کرتے ہوئے 6 وکٹوں کے نقصان پر 249 رنز بنائے اور انگلینڈ کو جیت کے لیے 250 رنز کا ہدف دیا لیکن انگلش ٹیم 227 رنز بنا کر آل آؤٹ ہو گئی تھی اور یوں پاکستان نے 22 رنز سے شکست دے کرکٹ کا عالمی چیمپئن بننے کا اعزاز حاصل کیا۔

انٹرنیشنل کرکٹ کونسل (آئی سی سی) نے اپنے آفیشل ٹوئٹر اکاؤنٹ پر 1992ء کے ورلڈ کپ کی کچھ تصاویر شیئر کی ہیں۔

آئی سی سی نے ٹوئٹر پیغام میں لکھا کہ 1992ء میں آج کے دن عمران خان کی ٹیم نے انگلینڈ کو شکست دے کر پہلی بار کرکٹ ورلڈ کپ جیتنے کا اعزار حاصل کیا تھا

25/03/2023

مارک زکربرگ کے ہاں تیسری بیٹی کی پیدائش

فیس بک کے بانی مارک زکربرگ کے یہاں تیسری بیٹی کی پیدائش ہوئی ہے۔

مارک زکربرگ اور ان کی اہلیہ ڈاکٹر پریسلا چان نے گزشتہ روز سوشل میڈیا پر اس حوالے سے لوگوں کو بتایا۔

مارک زکربرگ نے سوشل میڈیا پر بیٹی کی تصویر لگاتے ہوئے اسے مارک زکربرگ نے رحمت قرار دیا۔مارک زکر برگ اور ڈاکٹر پریسلا چان کی شادی 2012 میں ہوئی تھی، ان کی دیگر بیٹیوں کی عمر 5 اور 7 سال ہے۔

25/03/2023

لاہور : مینار پاکستان پر جلسے سے قبل لاہور کے داخلی اور خارجی راستے کنٹینرز کے زریعے بند

25/03/2023

آئی ایم ایف کے علاوہ کوئی پلان بی نہیں، مفتاح اسماعیل

سابق وزیر خزانہ اور مسلم لیگ ن کے رہنما مفتاح اسماعیل کا کہنا ہے کہ میری نظر میں کوئی پلان ’بی‘ نہیں ہوتا، آئی ایم ایف کے علاوہ کوئی پلان بی نہیں ہے۔

جیو نیوز کے پروگرام’’آج شاہزیب خانزادہ کے ساتھ میں‘‘ گفتگو کرتے ہوئے مفتاح اسماعیل نے کہا کہ سعودی عرب اور یو اے ای سے ہمیں اعلیٰ سطح کی ڈپلومیسی کرنی چاہیے۔

مفتاح اسماعیل نے مزید کہا کہ اس وقت پاکستان کو 5 سے 6 ارب ڈالر کی اشد ضرورت ہے، پاکستان ڈیفالٹ کرتا ہے تو یہ دنیا کیلئے بھی اچھا نہیں ہوگا۔

سابق وزیر خزانہ نے کہا کہ لگتا ہے آئی ایم ایف کے ساتھ معاملات وہیں کے وہیں ہیں، موٹر سائیکل، چھوٹی گاڑیوں کو پیٹرول سبسڈی دینے پر آئی ایم ایف کا سوال بنتا ہے، حکومت کے پاس بھی آئی ایم ایف کو پیٹرول پر سبسڈی کا جواب ہے۔

مفتاح اسماعیل نے کہا کہ آئی ایم ایف کے ساتھ چلنے کیلئےحکومت جو کر سکتی تھی سب کر لیا۔

25/03/2023

تحریک انصاف کے رہنماؤں کی یورپی یونین کے سفیروں سے ملاقات

تحریک انصاف کے رہنماؤں نے یورپی یونین کے سفیروں سے ملاقات کی ہے۔ ملاقات کرنے والوں میں شاہ محمود قریشی، اسد عمر اور زین قریشی شامل ہیں۔

تحریک انصاف کے رہنماؤں کی ملاقات آسٹریلوی سفیر کی رہائش گاہ پر ہوئی۔ ملاقات میں پاکستان کی موجودہ معاشی و سیاسی صورتحال پر تفصیلی تبادلہ خیال کیا گیا۔

اس موقع پر تحریک انصاف کی قیادت نے یورپی ممالک کے سفراء کو مختلف معاملات پر اپنے موقف سے آگاہ کیا۔

24/03/2023

بسمہ معروف نے تمغۂ امتیاز والد کے نام کردیا

پاکستان ویمن کرکٹ ٹیم کی سابق کپتان بسمہ معروف نے یومِ پاکستان کے موقع پر ملنے والے تمغۂ امتیاز کو اپنے والدین کے نام کردیا۔

بسمہ معروف نے یومِ پاکستان کے موقع پر کل صدر عارف علوی سے تمغۂ امتیاز وصول کیا جس کے بعد انہوں نے اپنے جذبات کا اظہار سوشل میڈیا پر کیا۔

بسمہ معروف نے ٹوئٹر پر لکھا کہ ’یہ میرے لیے ایک اعزاز ہے، یہ ایوارڈ اپنے والدین خاص طور پر والد کے نام کرتی ہوں جو ہر وقت میرے ساتھ کھڑے رہے‘۔

پاکستان کرکٹ ٹیم کے سابق کپتان سرفراز احمد سمیت دیگر کرکٹرز اور مداحوں نے بسمہ معروف کو مبارک باد دی اور ان کے لیے نیک خواہشات کا اظہار کیا۔

واضح رہے کہ گزشتہ روز پاکستان کرکٹ ٹیم کے کپتان بابر اعظم کو گورنر ہاؤس لاہور میں یوم پاکستان کے موقع پر ہونے والی تقریب میں ستارہ امتیاز سے نوازا گیا تھا۔

24/03/2023

رمضان میں صحت مند رہنے کے گُر

روزے کے ہماری صحت پر بے شمار فوائد مرتب ہوتے ہیں جن میں ہیومن گروتھ ہارمونز (HGH) میں اضافہ اور جین کی تبدیلی ہے جس سے برین سیلز، نظام انہضام اور قوت ِ مدافعت پر مثبت اثرات مرتب ہوتے ہیں۔

روزہ عمر کو طویل اور خوشگوار بنانے کے ساتھ بیماریوں سے دور رکھتا ہے۔ موٹاپے سے نجات ہو یا بے خوابی و غنودگی سے چھٹکارا، روزہ ہر لحاظ سے جسمانی صحت کے لیے فائدہ مند ہے۔

روزے کی حالت میں ہر بری لت سے بچ کر اور درج ذیل صحت بخش غذا کا انتخاب کرکے ہم خود کو صحت مند رکھ سکتے ہیں۔

موٹاپے سے نجات کیلئے وٹامنز کا انتخاب

اگر آپ موٹاپے سے نجات چاہتے ہیں تو وٹامنز سے بھرپور خوراک لیں۔ روزے کی حالت میں آپ کو فولاد، کیلشیم اور وٹامن B-12جیسے اجزا سےبھرپور خوراک لینی چاہیئے۔

تاہم یاد رہے کہ سحری و افطار میں ہلکا پھلکا کھانا تناول فرمالیں، ایسا کرنے سے پورے دن جسم کو موقع مل جائے گا کہ وہ اپنی صفائی کرتا رہے۔

تلی ہوئی اور میٹھی غذا سے پرہیز

افطار میں اگر تلی ہوئی اور زیادہ شکر والی غذاؤں کا استعمال کریں گے تو سارا دن بوجھل گزرے گا اور آپ غنودگی کا شکار رہیں گے، اس لئے ان سے اجتناب برتا جائے۔

مناسب و موزوں خوراک

سحری میں پروٹین سے بھرپور خوراک اور پانی کی صرف اتنی مقدار استعمال کریں کہ دن بھر پیاس کا سامنا نہ کرنا پڑے۔

دستر خوان پر لیموں پانی، دہی اور کھجور کا اہتمام لازمی کریں۔

سحری میں مرغن غذائیں کھانے کی بجائے ہری سبزیاں استعمال کریں، جیسے کہ پھول گوبھی اور تُرئی وغیرہ، انھیں ہلکی آنچ پربھاپ سے بنائیں تاکہ وٹامنز برقرار رہیں اور آپ کو دن بھر جسم میں پانی کی کمی کی شکایات نہ ہو۔

بزرگوں کے اس مقولے پر عمل کریں کہ ایک نوالے کی بھوک جسم میں موجود ہو، اس سے معدے پر بوجھ نہیں پڑتا اور آپ دن بھر مصروفیات کے دوران شام افطار تک ترو تازہ رہتے ہیں۔

پانی کا مناسب استعمال

مناسب خوراک کے ساتھ مشروبات، دودھ اور پانی کا استعمال زیادہ رکھیں کیونکہ پانی کی کمی سے جسم میں بننے والے بخارات سے پیاس بہت ستاتی ہے۔

اس لئے کوشش کریں کہ افطار اور اس کے بعد کیفین اور سوڈا مشروبات کو چھوڑ کر صحت کے لیے مفید مشروبات کا استعمال کریں۔

اس کے علاوہ تازہ ہوا میں ہلکی پھلکی چہل قدمی کو اپنا معمول بنالیں، اس طرح آپ آکسیجن کی کمی کے باعث جسم پر پڑنے والے منفی اثرات سے بچے رہیں گے۔

24/03/2023

ٹوئٹر اکاؤنٹس سے ’بلیو ٹِک‘ ہٹانے کی تاریخ سامنے آگئی

سوشل میڈیا سائٹ ٹوئٹر پر موجود اکاؤنٹس سے بلیو ٹک ہٹانے کی تاریخ سامنے آگئی ہے۔

غیرملکی میڈیا کے مطابق ٹوئٹر یکم اپریل سے اپنے صارفین کے تصدیق شدہ اکاؤنٹس سے بلیو ٹِکس کو ہٹانا شروع کردے گا۔

اس حوالے سے ٹوئٹر نے انفرادی صارفین اور تنظیموں سے کہا کہ وہ اپنے بلیو چیک مارکس کو برقرار رکھنے کے لیے اپنے فلیگ شپ سبسکرپشن پروگرام کے لیے سائن اپ کریں۔

بھارتی میڈیا کے مطابق بھارت میں یہ پروگرام فروری میں شروع کیا گیا، جہاں آئی او ایس (iOS) اور اینڈرائیڈ ڈیوائسز پر اس کی قیمت 900 روپے ماہانہ جبکہ ویب پر اس کی قیمت 650 روپے۔

بھارتی میڈیا کے مطابق صارفین ایک سال کا پلان بھی خرید سکتے ہیں جس پر 12 فیصد ڈسکاؤنٹ دیا جاتا ہے۔

رپورٹس کے مطابق امریکا میں ماہانہ ٹوئٹر بلیو سبسکرپشن کی فیس اینڈرائیڈ اور آئی او ایس ڈیوائسز پر 11 اور ویب پر 8 ڈالر ہے۔

واضح رہے کہ یہ فیس ادائیگی والا پروگرام گزشتہ سال ارب پتی تاجر ایلون مسک کے ٹوئٹر سنبھالنے کے بعد متعارف کرایا گیا تھا۔

اس سے قبل مشہور شخصیات، سیاستدانوں، صحافیوں اور عوامی شخصیات کے تصدیق شدہ اکاؤنٹس کو بلیو ٹک دیا جاتا تھا لیکن اب اسے کوئی بھی سبسکرپشن فیس ادا کر کے خرید سکتا ہے

24/03/2023

ملک بھر میں روزے داروں کے لئے اجتماعی افطاریوں کا اہتمام

29/11/2022

جنرل عاصم منیر نے پاک فوج کی کمان سنبھال لی۔

24/11/2022

جنرل ساحر شمشاد مرزا چئیرمین جوائنٹ چیفس آف سٹاف مقرر

24/11/2022

جنرل عاصم منیر نئے آرمی چیف مقرر

25/07/2022

Former president and Pakistan People’s Party (PPP) co-chairman Asif Ali Zardari has suddenly left for Dubai via a foreign airline flight.

21/07/2022

لاہور لبرٹی چوک سےعمران خان آج رات 8 بجے
تحریک انصاف کےکارکنوں سے خطاب کریں گے

Pakistan Tehreek-e-Insaf
Imran Khan

21/07/2022

مون سون کا نیا سپیل۔ محکمہ موسمیات نے پیر تک ملک کے بیشتر علاقوں میں موسلادھار بارشوں کی پیشگوئی کردی ہے۔ راولپنڈی، اسلام آباد، پشاور، نوشہرہ، مردان، فیصل آباد، لاہور اور گوجرانوالہ میں نشیبی علاقے زیر آب آنے کا خطرہ۔ کشمیر،گلیات، مری، چلاس، دیامر، گلگت،ہنزہ، استور اور سکردو میں لینڈ سلائیڈنگ کا خدشہ۔ اسلام آباد اور ملک کے مختلف علاقوں میں ہلکی اور تیز بارش۔

21/07/2022

ملک بھر میں کورونا کے 599 نئے کیس رپورٹ۔ وائرس کے باعث مزید 3 افراد جاں بحق۔گزشتہ 24 گھنٹے کے دوران 21 ہزار 315 افراد کے ٹیسٹ کئے گئے۔ کیسز مثبت آنے کی شرح2.81 فیصد ریکارڈ کی گئی۔این آئی ایچ

02/03/2022

ٹریفک پلان پاکستان آسٹر یلیا کرکٹ میچ27 فروری تا 08 مارچ 2022۔‏
عوام الناس کی سہولت کے لیے ضلعی انتظا میہ و سٹی ٹریفک پو لیس کی جا نب سے ٹر یفک کا متبادل روٹ پلان کیا گیا ہے۔
‏کمشنر راولپنڈی نور الامین مینگل

24/02/2022

وزیراعظم عمران خان کی روسی صدر ولادیمیر پیوٹن سے ملاقات

17/02/2022

وزیر اعظم عمران خان کا بل گیٹس کے اعزاز میں ظہرانہ۔
بل گیٹس وزیر اعظم کی خصوصی دعوت پر پاکستان کا دورہ کر رہے ہیں۔

17/02/2022

وزیراعظم عمران خان کی بل گیٹس کے ساتھ وزیراعظم ہاؤس میں ملاقات۔ پولیو کے خاتمہ اور دوسرے اہم موضوعات پر بات چیت ہوئی۔

02/11/2021

پاکستان میں کرونا وائرس کی صورتحال سے متعلق اہم خبر۔

اسلام آباد ( اردو سٹار ) پاکستان میں کورونا وائرس سے مزید 10 افراد انتقال کر گئے ، جس کے بعد مرنے والوں کی تعداد 28 ہزار 466 ہو گئی ۔نیشنل کمانڈ اینڈ آپریشن سنٹر (این سی او سی) کی جانب سے جاری اعداد وشمار کے مطابق ، 24 گھنٹے کے دوران 457 نئے کیسز رپورٹ ہوئے ، 39 ہزار 296 افراد کے کورونا ٹیسٹ کئے گئے جبکہ مثبت کیسز کی شرح 1.2 فیصد رہی ۔

این سی او سی کی رپورٹ میں مزید کہا گیا کہ ملک بھر میں کورونا کیسز کی مجموعی تعداد 12 لاکھ 73 ہزار435 ہو گئی ہے جبکہ ایک ہزار 234 مریضوں کی حالت تشویشناک ہے ۔

02/11/2021

دلہا کوئی اور نکلنے پر دلہن والوں نے بارات واپس بھجوا دی

سرگودھا ( اردو سٹار ) سرگودھا میں دلہا کوئی اور نکلنے پر دلہن والوں نے بارات کو واپس بھجوادیا۔

تفصیلات کے مطابق دلہن کے والدین نے بارات واپسی پر موقف اختیار کیا کہ شادی سے پہلے جو لڑکا دکھایا گیا تھا، بارات لے کر وہ نہیں آیا ہے۔ بارات کے ساتھ آنے والا شخص زیادہ عمر کا تھا۔ ہم نے قرض لے کر بارات کو کھانا کھلایا، ہمارے ساتھ تو دھوکا ہوا ہے۔ دلہن کے والدین نے دھوکا کرنے والوں کے خلاف مقدمہ درج کرنے کی درخواست دے دی ہے۔ مزید والدین کا کہنا ہے کہ بارات واپس جانے کے بعد بھی ہمیں دھمکیاں دی جارہی ہیں اور دوسری جانب سرگودھا پولیس نے کہا کہ دلہن کے والدین کی درخواست موصول ہوگئی ہے، معاملے کی تفتیش کر رہے ہیں۔ جس کے بعد جلد کاروائی عمل میں لائی جائے گئی۔

27/10/2021

کرونا کیسز میں مسلسل کمی

اسلام آباد ( اردو سٹار ) جان لیوا وائرس کے حملے جاری، ملک بھر میں مزید 13افراد جاں بحق ، مجموعی اموات کی تعداد 28ہزار 405 ہو گئی۔

نیشنل کمانڈ اینڈ کنٹرول سینٹر کے مطابق پاکستان میں ایکٹو کیسز کی تعداد 23ہزار 982 ہے جبکہ مجموعی کیسز کی تعداد 12لاکھ 70ہزار 322 تک پہنچ گئی ہے۔ گذشتہ 24 گھنٹے کے دوران 516 نئے کیسز سامنے آئے جبکہ 12لاکھ 17ہزار 935 افراد کورونا سے صحت یاب ہو چکے ہیں۔پاکستان میں کورونا مثبت کیسز کی شرح ایک اعشاریہ تین چار ریکارڈ کی گئی۔

27/10/2021

این اے 133 ضمنی الیکشن ای وی ایم سے کرانے کا بہترین موقع ہے، شبلی فراز

اسلام آباد ( اردو سٹار ) وفاقی وزیر سائنس اینڈ ٹیکنالوجی شبلی فراز نے این اے 133 کے ضمنی الیکشن کو الیکٹرانک ووٹنگ مشین (ای وی ایم) سے کرانے کا بہترین موقع قرار دے دیا۔

ایک بیان میں شبلی فراز نے کہا کہ این اے 133 ضمنی الیکشن الیکٹورل ریفارم ایکٹ2017 سیکشن 103کے تحت ای وی ایم کے ذریعے ہوسکتے ہیں۔

انہوں نے کہا کہ الیکشن کمیشن کے پاس این اے 133 کا ضمنی انتخاب ای وی ایم سے کرانے کا بہترین موقع ہے۔

27/10/2021

جاپانی شہزادی نے محبت کی خاطر تخت و تاج ٹھکرا دیا

ٹوکیو( اردو سٹار ) پرانے قصوں اور کہانیوں میں محبت کےلیے تخت و تاج ٹھکرانے کی باتیں تو آپ نے بہت پڑھی ہوں گی لیکن جاپان کی شہزادی ’ماکو‘ نے اکیسویں صدی کی حقیقی دنیا میں ایسی ہی ایک مثال قائم کرتے ہوئے اپنا شاہی رتبہ ترک کرنے کا فیصلہ کیا ہے تاکہ وہ اپنے محبوب کو پاسکیں جو ایک عام جاپانی شہری ہے۔

واضح رہے کہ جاپانی شاہی خاندان کی رکن اور امکانی ولی عہد فومی ہیٹو کی صاحبزادی 30 سالہ شہزادی ماکو کی آج ایک عام جاپانی شہری کومورو سے شادی ہوگئی۔ تاہم شاہی خاندان، شاہی محل اور جاپانی عوام شہزادی کے اس اقدام سے ناخوش ہیں۔ اس کی وجہ یہ ہے کہ شہزادی کی ہونے والی ساس ایک مالی تنازع میں ملوث بتائی جاتی ہیں۔ شہزادی کے 30 سالہ شوہر نیویارک سے قانون کی تعلیم حاصل کرکے وطن واپس لوٹے ہیں۔ شہزادی نے شاہی خاندان سے باہر شادی کرنے پر ملنے والے 150 ملین ین (لگ بھگ ساڑھے 13 لاکھ امریکی ڈالرز) کی رقم لینے سے انکار کردیا تھا، جس کی کہ وہ حقدار تھیں۔ وہ دوسری جنگ عظیم کے بعد شاہی خاندان کی پہلی خاتون رکن ہیں جو کہ ایک عام آدمی سے شادی کرنے سے ملنے والی رقم وصول نہیں کررہی ہیں۔

24/10/2021

دنیائے کرکٹ کا سب سے بڑا مقابلہ آج ہوگا۔

دبئی ( اُردو سٹار ) ٹی ٹوئنٹی ورلڈ کپ کا ہائی وولٹیج ٹاکرا آج ہوگا، جہاں پاکستان اور بھارت کے درمیان میچ دبئی میں شام سات بجے کھیلا جائے گا۔

تفصیلات کے مطابق ٹی ٹوئنٹی ورلڈکپ کا سب سے بڑا مقابلہ آج دبئی انٹرنیشنل اسٹیڈیم میں ہوگا، جہاں روایتی حریف پاکستان اور بھارت مد مقابل ہونگے، پاک بھارت ٹاکرے میں وزیراعظم عمران خان بھی پاکستان کی جیت کے لیے پُرامید ہیں۔

ٹی ٹوئنٹی میں بھارت سے نمٹنے کے لیے پاکستان کے ممکنہ 12 کھلاڑیوں کا اعلان کردیا گیا ہے۔

کوہلی الیون کی بیٹنگ کا مقابلہ کرنے کے لیے پاکستانی شاہینوں نے تیاریاں مکمل کرلی ہیں۔ قومی کرکٹ ٹیم کے کپتان بابر الیون ٹیم کی کامیابی کے لیے پرامید ہے۔

پاکستان اور بھارت کے درمیان میچ آج پاکستانی وقت کے مطابق شام 7 بجے دبئی اسٹیڈیم میں کھیلا جائے گا۔

23/10/2021

ٹی 20 ورلڈ کپ: بھارت کیخلاف قومی ٹیم کا اعلان

دبئی( اردو سٹار ) پاکستان کرکٹ ٹیم نے انٹرنیشنل کرکٹ کونسل (آئی سی سی) ٹی 20 ورلڈکپ میں بھارت کے خلاف اہم میچ کیلئے قومی ٹیم کے 12 رکنی سکواڈ کا اعلان ہو گیا تاہم پلیئنگ الیون کا فیصلہ کل کیا جائے گا۔

کھلاڑیوں میں کپتان بابر اعظم، محمد رضوان، فخر زمان، شعیب ملک، محمد حفیظ، حارث رؤف، شاہین شاہ، حسن علی، آصف علی، عماد وسیم، شاداب خان اور حیدر علی شامل ہیں۔

بھارت کے خلاف 12 رکنی ٹیم کا اعلان کردیا گیا جبکہ پلینگ الیون کا اعلان میچ سے قبل کیا جائے گا۔ خیال رہے کہ پاکستان اور بھارت کے درمیان میچ کل شام 7 بجے کھیلا جائے گا۔

انٹرنیشنل کرکٹ کونسل (آئی سی سی) مینز ٹی ٹوئنٹی ورلڈکپ 2021 کا سپر 12 مرحلہ آج سے شروع ہوگا، جس میں آج دو میچز کھیلے جائے گے، پہلے میچ میں آسٹریلیا کا سامنا جنوبی افریقہ سے دوپہر 3 بجے ہوگا جبکہ دوسرے میچ میں ون ڈے اور ٹی ٹوئنٹی کی عالمی چیمپئن انگلینڈ اور ویسٹ انڈیز کا مقابلہ شام 7 بجے ہوگا۔

23/10/2021

این اے 133 ضمنی انتخاب، پی پی کے امیدوار کا اعلان

لاہور( اردو سٹار )پاکستان پیپلز پارٹی نے ملک کے دوسرے بڑے شہر لاہور کے قومی اسمبلی کے حلقے این اے 133 میں ضمنی انتخاب کے لیے اپنے امیدوار کا اعلان کر دیا۔ اس بات کا اعلان پاکستان پیپلز پارٹی (پی پی پی) کے رہنما و سابق وزیرِ اعظم راجہ پرویز اشرف نے جاری کیئے گئے ایک بیان میں کیا ہے۔ انہوں نے کہا ہے کہ پیپلز پارٹی نے اسلم گِل کو این اے 133 کے ضمنی انتخاب کے لیے امیدوار نامزد کیا ہے۔

23/10/2021

وزیراعظم کی وزرا کو کالعدم تحریک لبیک سے مذاکرات کی ہدایت۔

اسلام آباد( اُردو سٹار ) وزیراعظم عمران خان نے وفاقی وزرا کو کالعدم تحریک لبیک سے مذاکرات کی ہدایت کردی۔

ہم دوست نیوز کے مطابق وزیراعظم عمران خان نے پیر نورالحق قادری سے ٹیلفونک رابطہ کرکے موجودہ صورتحال پر تبادلہ خیال کیا، اور کالعدم تحریک لبیک کے احتجاج کے حوالے سے بات کی۔ ذرائع کے مطابق وزیراعظم عمران خان نے وفاقی وزیر مذہبی امور نورالحق قادری اور وزیرداخلہ شیخ رشید کو لاہور پہنچنے کی ہدایت کردی۔

23/10/2021

ڈینگی کے وار جاری، کیسز میں مسلسل اضافہ

اسلام آباد( اُردو سٹار ) دارالحکومت میں ڈینگی کے وار جاری، کیسز میں مسلسل اضافہ ہوتا جا رہا ہے دارالحکومت میں گزشتہ 24 گھنٹوں کے دوران مزید 118 شہری ڈینگی کاشکار ہوگئے۔

محکمہ صحت کے مطابق اسلام آباد میں ڈینگی سے متاثرہ مریضوں کی تعداد2721 ہوگئی جن میں سے 1668 فراد کا تعلق دیہی علاقوں سے اور شہری علاقوں میں ڈینگی کے 1053مریض ہیں۔ محکمہ صحت کا کہنا ہے کہ دیہی علاقوں میں 24 گھنٹوں میں 79 نئے ڈینگی کیسز سامنے آئے ہیں جبکہ شہری علاقوں میں ڈینگی کے 39 نئے کیسز رپورٹ ہوئے ہیں۔

05/09/2021

الحَمْد للهْ

25/05/2023

24/05/2023

24/05/2023

24/05/2023

27/03/2023

27/03/2023

27/03/2023

27/03/2023

25/03/2023

25/03/2023

25/03/2023

25/03/2023

25/03/2023

24/03/2023

24/03/2023

24/03/2023

24/03/2023

29/11/2022

24/11/2022

24/11/2022

25/07/2022

21/07/2022

21/07/2022

21/07/2022

02/03/2022

24/02/2022

17/02/2022

17/02/2022

02/11/2021

02/11/2021

27/10/2021

27/10/2021

27/10/2021

24/10/2021

23/10/2021

23/10/2021

23/10/2021

23/10/2021

05/09/2021

Address

Website

Alerts

Videos

Shortcuts

Share