reporter_kyrgyz (2024)

06/10/2022

📌MegaCom мамлекеттик уюлдук байланыш оператору бүткүл Кыргызстан боюнча 2G/3G/4G түйүндөрүнүн каптоосун кеңейтүү жана оптимизациялоо боюнча пландалган иштерин улантууда.

2022-жылдын август, сентябрь айларында республиканын шаарларында жана айылдарында жүргүзүлгөн иштер өлкөнүн жети облусунда тең мобилдик интернеттин ылдамдыгын жогорулатып жана байланыш сапатын жакшыртууга мүмкүндүк берди.

Базар-Коргон, Баткен, Бишкек, Жалал-Абад, Исфана, Кадамжай, Кара-Балта, Каракол, Кара-Суу, Кызыл-Кыя, Майлуу-Суу, Нарын, Ноокат, Орловка, Ош, Талас, Өзгөн, Чолпон-Ата шаарларында, ошондой эле:

Баткен облусунун Ак-Суу, Базар-Башы, Бел, Голбо, Жаңы-Жер, Жаңы-Турмуш, Жаңы-Сырт, Жеңиш, Кайрагач, Кара-Токой, Коммунизм, Ленин, Маргун, Ормош, Пүлгөн, Сур-Таш, Сухана, Таш-Кыя, Чечме айылдарында;
Жалал-Абад облусунун Абдраимов, Ак-Терек, Ак-Тыт, Ала-Бука, Алма, Арал, Аркалык, Аук, Жаңы-Арык, Жаңы ачы, Жашасын-2, Жеңиш, Жети-Кошкон, Жылан-Темир, Кагазды, Кайнар, Kaрача, Кашкасуу, Көк-Айдар, Кичи-Бүргөндү, Комсомол, Кургак-Көл, Кызыл алма, Кызыл-Ата, Күмүш-Азиз, Мундуз, Орто-Токой, Өрүктү, Өрүктү сай, Сары-Сыя, Сары-Талаа, Сафедбулан, Талаабулак, Таш-Булак, Туура-Жаңгак, Ууру-Жар, Черемушки, Чертак-Таш, Чолок-Тума, Ширин, Эски-Массы айылдарында;
Ысык-Көл облусунун Ак-Терек, Кара-Ой;
Нарын облусунун Казан-Куйган, Куланак, Оттук айылдарында;
Ош облусунун Алим-Тепе, Араван, Асанчек, Бакмал, ВЛКСМ, Дөң-Булак, Жаңы-Айыл, Жапалак, Жийде, Кара-Дарыя, Кашкар-Кыштак, Керкидан, Коо-Чаты, Кызыл-Сеңгир, Маданият, Мады, Ничке-Сай, Нурдар, Сары-Булак, Сары-Күнгөй, Сырт, Тажик-Маала, Тепе-Коргон, Терек, Тогуз-Булак, Уйгур-Абад, Чалк-Өйдө, Чычырканак, Шералы айылдарында;
Талас облусунун Ак-Башат, Кара-Сай, Чымгент;
Чүй облусунун Александровка, Ат-Башы, Бөксө-Жол, Беловодское, Белый-Пикет, Жаңы-Алыш, Кайсар, Кайырма, Каракол, Константиновка, Ленинское, Нижневосточное, Таш-Дөбө, Чолок айылдарында жүргүзүлгөн базалык станцияларды модернизациялоо иштери 4G түйүнүнүн өткөргүчтүк касиетинин кыйла өсүүсүн шарттады.
Базар-Коргон, Бишкек, Жалал-Абад, Исфана, Кара-Көл, Кара-Суу, Кызыл-Кыя, Майлуу-Суу, Нарын, Ноокат, Орловка, Ош, Токмок, Өзгөн шаарларында, ошондой эле:

👇🏻👇🏻

05/10/2022

📌Өлкөдөгү электрондук сервистер тармагындагы лидерлердин бири болгон MegaPay төлөм тиркемеси – «Кыргызмобайлкомпани» ЖЧКсы Кыргыз Республикасынын Электрондук коммерция ассоциациясынын мүчөсү макамын алды.

«Кыргызмобайлкомпани» ЖЧКсынын аталган ассоциациянын мүчөсү болуп киргендиги боюнча тастыктаманы тапшыруу аземи 2022-жылдын 4-октябрында MegaCom мамлекеттик уюлдук байланыш операторунун башкы кеңсесинде өттү.

Жолугушуунун катышуучулары электрондук коммерциянын маанилүүлүгүн белгилешип, каржылык операциялардын ачыктыгы жана өлкөнүн бюджетине түшкөн акчанын көлөмүн көбөйтүү менен Кыргызстандын экономикасын модернизациялоодо ал башкы курал боло ала тургандыгын айтышты. Муну менен катар эле Ассоциациянын мүчөлөрү КРнын эл аралык соода, логистика жана башка багыттарда потенциалы чоң экенин белгилешти.

Маалымат үчүн⤵️
Электрондук коммерция ассоциациясы – Кыргыз Республикасында E-commerce’ни өнүктүрүү боюнча иштеген компаниялардын тайпасы. Маркетплейс жана төлөм сервистери үчүн ыңгайлуу шарттарды түзүү менен Ассоциация Кыргызстандагы онлайн бизнестин кызыкчылыктарын ишке ашырат, ишкерлерге глабалдык рынокко чыгуусу үчүн товарларын экспорттоо иштеринде колдоо көрсөтүп, Электрондук коммерция ассоциациясынын мүчөлөрү арасында нетворкингдер үчүн аянтча болуп берет.

29/09/2022

📌Кан тапшыруу – адам өмүрүн сактап калууга себепчи болгон жакшы миссия! Муну MegaCom мамлекеттик уюлдук байланыш операторунун кызматкерлери мыкты түшүнөт.

28-сентябрда MegaCom’дун башкы кеңсесинде салтка айланып калган, жыл сайын өткөрүлүүчү донорлук кан тапшыруу акциясы өттү. Анын жыйынтыгында, Республикалык кан борборуна дээрлик 20 литр кан тапшырылды.

Иш-чаранын максаты – Кыргызстандагы кан запасын толуктоо, саламаттыкты сактоо мекемелерин анын компоненттери менен камсыздоо жана мекендештерди мындай жакшылык иштерге активдүү катышып, ыктыярлуу донорлордун катарына кошулууга чакырык жасоо.

Акциянын жүрүшүндө анын компоненттерине муктаж болуп жаткандарга жардам берүүгө MegaCom’дун бардык кызматкерлери, анын ичинде жаңы келгендер да, көптөн бери кан тапшырып жүргөн тажрыйбалуу донорлор да кол сунушту. Кан берүү боюнча такталган эрежелерге ылайык, процедуранын алдында кызматкерлер бардык керектүү текшерүүлөрдөн өтүштү.

«Биз донорлор тапшырган кан кимдир бирөөнүн өмүрүн сактап калышы мүмкүн экенин жакшы түшүнөбүз. Мобилдик пункт MegaCom’дун кеңсесине орнотулгандыктан кан тапшыруу кызматкерлердин көп убактысын алган жок. Жамааттагы донорлорду көргөн башка кызматкерлер да мындай кайрымдуу ишке тартылып, кан берүүнү каалагандардын саны уламдан улам көбөйүп жатат», — дешти компаниядан.

Республикалык кан борборунун айтымында, рейтингде MegaCom мындай акцияга активдүү катышкан компаниялардын алдыңкы сабына кирет, бул андагы кызматкерлердин социалдык чоң жоопкерчилигинен кабар берет. Донорлук канга жыл сайын эчендеген жаңы төрөгөн келиндер, гематологиялык жана онкологиялык оорулар менен жабыркаган адамдар, хирургиялык оор операциялар жасалган бейтаптар, жол кырсыгына кабылган жарандар жана башка кыргызстандыктар муктаж болот.

Ыктыярдуу түрдө кан тапшыруу кайрымдуулук иш-чарасы MegaCom компаниясы жана Республикалык кан борбору тарабынан 9 жылдан бери өткөрүлүп келет. Бул жылдар аралыгында компаниянын 450дөн ашык кызматкери кан тапшырган, анын ичинде көпчүлүгү туруктуу донорлор болуп калышты. Жалпысынан, 2013-жылдан бери 270ге жакын литр кан тапшырылган.

⬇️⬇️

27/09/2022

📌Түйүндүн каптоо аймагынын кеңейиши, түйүндү жаңылоо жана байланыш сапатынын жакшыруусу MegaCom’дун абоненттик базасынын өсүшүнө өбөлгө болууда. Компаниянын пайдалуу тарифтерин жана ишенимдүү байланыш кызматын мындан дагы көп абоненттер толук кандуу пайдалана алуусу үчүн, 2022-жылдын 26-сентябрынан баштап MegaCom компаниясы ЖАҢЫ 998 номерлүү кодун ишке киргизет!

Сандардын ийгиликтүү тандалган комбинациясы жаңы код менен биргеликте ээсинин өзгөчөлүгүн ачып бере тургандыгы талашсыз.

998 кодуна ар ким өзү үчүн белгилүү даталарды, туулган күнүн, сүйүктүү сандарын же эски номерине окшош жаңы номерди ылайыкташтырып тандап алса болот. Бул үчүн «Номер тандоо» сервисинен колдоно аласыздар. Издөө тилкесине сизди кызыктырган сандардын комбинациясын териңиз. Эгерде номер бош болсо, аны чыккан жыйынтыктан көрө аласыз.

Жаңы код менен болгон SIM-картаны жеке жана ошондой эле компаниянын корпоративдик кардарлары дагы кошуп ала алышат.

Жаңы код менен кооз номерлерди алгачкылардан болуп тандап алууга шашылыңыздар. 998 префикси менен болгон SIM-карталар өз ээлерин компаниянын бардык Сатуу жана тейлөө борборлорунан күтөт. Кош келиңиздер!

MegaCom – мамлекеттик уюлдук байланыш оператору!

26/09/2022

📌MegaCom мамлекеттик уюлдук байланыш оператору MegaPay тиркемесинин санариптик мүмкүнчүлүктөрүн кеңейтүүну улантат.

Кыргыз Республикасынын Санариптик өнүгүү министрлигинин колдоосу менен компания абоненттердин ыңгайлуулугу үчүн смартфон аркылуу акысыз колдонууга мүмкүн болгон мамлекеттик 11 жаңы кызматты ишке киргизди.

MegaPay’ге (жүктөп алуу үчүн App Store жана Google Play’де жеткиликтүү) мамлекеттик кызматтарды киргизүү жарандарга аларды пайдалануу процессин жөнөкөйлөтүү үчүн ишке ашырылды. Ошону менен катар эле абоненттер өздөрүнүн убактысын жана акчасын үнөмдөй алышат!

Эми MegaPay’де онлайн режимде төмөнкү мамлекеттик кызматтар жеткиликтүү⤵️

«Паспортту текшерүү»: бул сервис паспорттун аныктыгын текшерүү мүмкүнчүлүгүн берет;
«Паспорттун даяр болушун»: бул кызматтын жардамында абонент ПИН (ИНН) боюнча документтин даяр болгон же боло электигин текшере алат;
«Үй-бүлөлүк абалды текшерүү»: кызмат абоненттин ПИНи (ИНН) аркылуу анын үй-бүлөлүк макамы тууралуу маалыматтарды алууну шарттайт;
«Балага сүйүнчү» төлөмүнүн макамын текшерүү»: Сервис бала төрөлгөндө бир жолу бериле турган төлөмдүн макамын анын ПИН/ИННи аркылуу аныктоого мүмкүнчүлүк түзөт;
«ПИН билдирмелеринин макамын текшерүү»: аталган кызматтын жардамында сиз кош ПИНдерди оңдоого берилген билдирмелердин макамын текшере аласыз;
«Каттоо дарегин текшерүү»: кызмат катталган дареги бар же жоктугун текшерүүнү шарттайт;
«Аймактык шайлоо комиссиясын текшерүү»: бул сервис менен сиз өзүңүздү шайлоочулардын катарынан издесеңиз болот;
«Катталган адамдардын санын текшерүү»: ЕНИ кодунун негизинде бул сервистен катталган адамдардын саны боюнча маалымат алууга мүмкүн;
«Дипломдун аныктыгын текшерүү»: аталган кызматты колдонуу менен алган билими боюнча дипломдун аныктыгын текшерсе болот. Ал үчүн дипломдун сериясын, номерин, окуп бүткөн жылды жазып, «Текшерүү» баскычын басыңыз;
«Жоголгон жана табылган буюмдардын бюросун текшерүү»: бул кызматты колдонуу менен сиз жоголгон документиңиз маалыматтар базасында бар же жоктугун текшере аласыз;
«Никеге туруу жөнүндө маалымат»: ПИН/ИНН боюнча колдонуучуларга никени мамлекеттик каттоо жөнүндө документте жазылган маалыматтар берилет.

23/09/2022

📌MegaCom мамлекеттик уюлдук байланыш оператору Баткен облусунун жашоочуларына дайыма колдоо көрсөтүүгө даяр жана жабыркаган мекендештерибиз эртерээк айыгып кетишине тилектеш. Аймакта тез аранын ичинде тынчтык орносун деп тилек кылабыз. Баткен облусунун тургундарына кайдыгер карабай, жардам берген жалпы кыргызстандыктарга ыраазычылык билдиребиз.

16-сентябрда MegaCom компаниясы Баткен облусундагы кагылышууда жаракат алган жана эвакуацияланган мекендештерге жардам берүү максатында акча каражатын топтоону жарыялаган.

Алты күн ичинде, 16-сентябрдан 21-сентябрга чейин миң кайрымдуу, мекенчил жарандарыбыздан MegaCom терминалдары жана MegaPay тиркемеси аркылуу Кыргыз Республикасындагы Кызыл Жарым Ай коомунун атайын эсебине жана президенттин Баткен облусундагы ыйгарым укуктуу өкүлчүлүгүнүн мамлекеттик бирдиктүү эсебине 3 610 346 сом чогулду.

Анын ичинде⤵️

MegaCom’дун терминалдары аркылуу президенттин Баткендеги өкүлчүлүгүнүн мамлекеттик бирдиктүү эсебине 2 912 180 сом;
MegaPay тиркемесинин жардамында президенттин Баткендеги өкүлчүлүгүнүн мамлекеттик бирдиктүү эсебине 45 848 сом;
MegaPay аркылуу Кыргыз Республикасындагы Кызыл Жарым Ай коомунун атайын эсебине 652 318 сом чогулду.
Чек ара аймактарындагы кагылышуунун кесепеттери али калыбына келтириле элек, жашоочулары коомчулуктун жардамына муктаж. Эсиңиздерге салсак, ар бириңиздер оор күнгө кабылган мекендештерибизге MegaCom’дун Кыргызстандын бардык аймактарында орнотулган терминалдар аркылуу же MegaPay тиркемесин колдонуу менен жардам бере аласыздар.

MegaPay аркылуу акчаны кантип которуу керек?🤔

MegaPay тиркемесин жүктөп же жаңылаңыз (жүктөө үчүн Google Play же App Store’до жеткиликтүү);
биринчи ыкмасы: тиркеменин башкы бетинде жайгашкан «Баткеним менин» сервисин тандаңыз (же «Төлөм» бөлүмүнө кирип андан кийин «Кайрымдуулук» баскычын басып «Баткен үчүн каражат чогултуу. Кызыл жарым ай» кызматын тандайсыз);
экинчи ыкмасы: же «Төлөм» бөлүмүнө кирип, «Кайрымдуулук» баракчасына өтүп, «Баткен үчүн каражат чогултуу» кызматын тандаңыз (Ыкчам штаб — КРПБЫӨ атайын эсеби);
керектүү реквизиттерди жана которо турган каражаттын суммасын жазуу
төлөмдү тастыктоо.

Баткенди биргеликте колдойбуз!

18/09/2022

📌Кыргыз-тажик чек арасындагы куралдуу кагылышта каза болгондордун саны 37ге жетти. Бул тууралуу Өзгөчө кырдаалдар министрлигинен билдиришти.

Буга чейин акыркы маалыматтарда⤵️
- 24 киши каза тапканы айтылган.
- Жараат алгандардын саны 129 кишини түзөт.

| Эскерте кетсек, 16-сентябрда кыргыз-тажик чек арасындагы абал кайрадан курчуп, куралдуу кагылыш башталган.

Чек ара кызматы кагылыштын башталышына Тажикстан тарапты айыптап, кийинчерээк Кыргызстандын аймагын басып алууга аракет кылып жатканын билдирди.

Кагылышты токтотууга аракеттер көрүлүп, эки өлкөнүн УКМК башчылары, президенттери ортосунда ок атууну токтотуу боюнча макулдашуулар болду.

Ага карбастан ок атышуулар дээрлик түнгө барып басылды.
УКМКнын төрагасы Камчыбек Ташиев чек арадагы жаңжалдын айынан аскер жана жай тургундар арасында курман болгондор бар экенин билдирген.

17/09/2022

📌Президент Садыр Жапаров мамлекеттик чек аранын кыргыз-тажик тилкесиндеги учурдагы кырдаалды көзөмөлгө алууну улантып, чек арага чектеш аймактардын коопсуздугун камсыз кылуу боюнча тийиштүү көрсөтмөлөрдү берүүдө. Бул тууралуу президенттин маалымат катчысы Эрбол Султанбаев билдирди.

Анын айтымында, зарыл маалыматтар бардык түзүмдөрдөн туруктуу негизде келип турат. УКМКнын төрагасы Камчыбек Ташиев башында турган күч түзүмдөрүнүн жетекчилери жеринде жүрүшөт.

«Мамлекет башчысынын тапшырмасы менен ар кандай деңгээлдеги жаракат алгандарга зарыл жардам көрсөтүү маселесине өзгөчө көңүл бурулууда. Өзгөчө оор абалдагылар Бишкек жана Ош шаарларындагы медициналык мекемелерге аба транспорту жана унаалар менен которулууда. Ошондой эле, тийиштүү мамлекеттик органдарга коопсуз жайларга убактылуу көчүрүлгөн тургундарды тиешелүү шарттар менен камсыздоо тапшырмасы берилди», — деп билдирди ал.

Ошондой эле ал белгилегендей, мезгил-мезгили менен тажикстандык аскер кызматкерлери тарабынан аткылоо жүргүзүлүүдө.

Ага карабастан жалпы күч-аракеттер менен аткылоону толук токтотууга жана маселени тынчтык жол менен чечүүгө аракет көрүлүүдө.

Күч түзүмдөрүнүн жана жергиликтүү бийлик органдарынын жетекчилери оор техникаларды жана аскер кызматкерлерин туруктуу жайгашкан жерлерине толук алып чыгуу боюнча сүйлөшүүлөрдү жүргүзүүдө.

17/09/2022

📌Кыргыз-тажик чек арасындагы куралдуу кагылыштан улам Баткен облусунда 136 миңден ашык жаран көчүрүлдү.

Жабыркагандар да бар.
Учурда эвакуация болгон жарандарга, жабыркагандарга азык-түлүк, кийим-кече, төшөк-жууркан жана дары-дармектер керек болууда.

Буга байланыштуу Reporter.kg маалымат агенттигинин кызматкерлери кыргыз-тажик чек арасындагы куралдуу кагылыштан жабыркаган Баткендин тургундарына жардам катары бир күндүк маяналарын которот.

| Редакция кайдыгер эмес жарандарды Баткенге жардам көрсөтүүдө өз салымын кошууга чакырат.

📌Эскерте кетсек, акча каражаттарын «кайрымдуулук» негизде жөнөтүү үчүн 4409021103005073 — «КР Өкмөтүнүн Баткен облусундагы ыйгарым укуктуу өкүлүнүн аппаратынын» атайын эсеби ачылган.

Эсептин реквизиттери улуттук валютада (сомдо)⤵️
• Бенефициар банк: Борбордук казыналык
БИК 440001 (банк аркылуу);
БИК 440902 (ВКП, МКП);
ИНН 01312199910086
• Эсеп номери № 4409021103005073 «КРнын Баткен облусу боюнча ыйгарым укуктуу өкүлүнүн аппараты»
• Төлөм коду 14411100 — «Учурдагы жардам»
«Айыл Банк» ААКсында улуттук валютадагы (сомдогу) эсептин реквизиттери⤵️
• Алуучу: ЭФКР Борбордук Комитети
• Бенефициар банк: «Айыл Банк» ААК ИНН 01803199710084
БИК 135001
• Эсептин номери № 1352119929762602 «2021-жылдын апрель айында Баткен окуясында жабыркаган калкка жардам көрсөтүү үчүн ЭФФКБ Борбордук Комитетинин транзиттик эсеби. (сомдо).
• Төлөм коду 14411100 — «Учурдагы жардам»

📌Чет өлкөлүк валютадагы мультивалюталык эсептин реквизиттери (юридикалык жактар үчүн)
(АКШ доллары, евро, орус рубли, казак теңгеси менен)⤵️
• «РСК Банк» ААКдагы эсептин реквизиттери АКШ долларында (жеке адамдар үчүн).

17/09/2022

MegaCom мамлекеттик уюлдук байланыш оператору Баткен облусундагы кыргыз-тажик чек ара аймагындагы кырдаалдан көз жумгандардын жакындарынын кайгысын тең бөлүшөт жана тез арада тынчтык орнойт деп үмүттөнөт.

16-сентябрда MegaCom Кыргызстан менен Тажикстандын чек арасында жабыркаган жана Баткен облусунан эвакуацияланган мекендештерибизге жардам берүү үчүн MegaCom’дун терминалдары жана MegaPay тиркемеси аркылуу шашылыш каражат топтоо башталганын жарыялаган.

Компаниянын маалыматы боюнча, бир суткага жетпеген убакыт аралыгында Баткен элине кайдыгер карабаган калк тарабынан дээрлик 440 000 сом топтолду.

Анын ичинде:

∙ MegaCom’дун Кожомкул атындагы спорт сарайына орнотулган терминалы аркылуу КРнын президентинин аппаратынын эсебине 131 кайрымдуулуктан 259 592 сом түшкөн;

∙ MegaCom Кыргыз Республикасындагы Кызыл Жарым Ай менен биргеликте демилгелеген атайын эсепке MegaPay аркылуу 570 акча которуулардан 178 550 сом каражат түштү;

∙ КРПАнын атайын эсебине MegaPay аркылуу 8 транзакция жүргүзүлүп, анын суммасы 1180 сомду түздү.

Кыргызстандыктарды жардамга муктаж болуп жаткандарга мындан ары да кол сунууга, тилектештикке жана мекенчилдикке чакырабыз. Сиз ыктыярдуу түрдө өзүңүз каалаган суммадагы каражатты MegaCom’дун Спорт сарайында орнотулган жана Бишкек шаарында коюлган бардык төлөм терминалдары же MegaPay тиркемеси аркылуу кайрымдуулук иретинде каражат которсоңуз болот.

👇🏻👇🏻👇🏻👇🏻

16/09/2022

📌MegaCom мамлекеттик уюлдук байланыш оператору кыргыз-тажик чек арасындагы чыр-чатак орун алган аймактагы кыргызстандыктар үчүн кабатыр болуп жатканын, ошондой эле кырдаал тезирээк тынчыса экен деген үмүт менен чын жүрөктөн колдоо ниетин билдирет.

Оор кырдаалга байланыштуу, MegaCom компаниясы Кыргыз Республикасындагы Кызыл Ай уюму менен биргеликте, Кыргыз Республикасы менен Тажикстандын чек арасынан жабыркаган, ошондой эле Баткен облусунун эвакуацияланган тургундарына жардам берүү максатында, шашылыш акча каражатын чогултуу башталганын маалымдайт.

Муктаж болуп турган жарандарыбызга жардам колун сунуп, тилектештигибизди билдирип жана патриоттуулук сезимибизди ойготууга чакырабыз. MegaPay тиркемеси аркылуу өзүңүз каалаган суммадагы каражатты өз каалооңуз менен кайрымдуулук иретинде которсоңуз болот.

Акча которууну кантип жүргүзүүгө болот?

MegaPay тиркемесин жүктөп же жаңылоо (Google Play жана App Store’дон жүктөп алууга жеткиликтүү);
сервистин башкы бетинен «Баткеним менин» кызматын тандоо же «Төлөм» бөлүмүн ачып, ал жактан «Кайрымдуулук» дегенди басып өткөн соң «Баткен үчүн каражат чогултуу. Кызыл Ай» баскычын тандоо;
акча каражаты алына турган телефон номерди жана каалаган сумманы жазуу;
төлөмдү тастыктоо.
MegaCom мамлекеттик уюлдук байланыш оператору бардык кыргызстандыктарга тынчтык каалайт жана Баткен облусунун чек ара аймактарынын калкын жапатырмак колдоого чакырат.

16/09/2022

📌Бишкектеги Каба уулу Кожомкул атындагы спорт ордосунун имаратында гуманитардык жардамды кабыл алуу үчүн бирдиктүү борборлоштурулган пункт ачылды. Бул тууралуу кыргыз өкмөтү уюштурган медиа штаб телеграм-канал аркылуу жарыялады.

Кыргыз-тажик чек арасындагы кырдаалга байланыштуу түзүлгөн медиаштабдын маалыматына ылайык, жардам берүүнү каалагандар спорт ордосунун имаратында ачылган гуманитардык жардамдарды кабыл алуу пунктуна кайрылса болот.

Мындан тышкары, Бишкек шаардык мэриясы жардамдарды чогултуу пункттарын уюштурду.

| Кыргыз-тажик чек арасында 16-сентябрда эртең менен кайрадан ок атышуу башталган. Чек ара кызматы билдирүү таратып, анда «тажик тарап буга чейинки макулдашууларды бузуп, Кыргызстандын чек арасынын бүткүл периметри боюнча чек ара жана жарандык объектилерге чыккынчылык менен кол салды», — деп билдирген.

Кыргыз-тажик чек арасындагы абал чыңалуу бойдон калууда. Чек арадагы акыркы маалыматтар бул шилтемеде.

16/09/2022

📌Кыргыз-тажик чек арасындагы куралдуу кагылышта Тажикстан чек ара аймагында жашаган тургундарды да колдонууда. Бул тууралуу УКМКнын Чек ара кызматынан билдиришти.

Маалым болгондой, Тажикстан тарап жай тургундарды «тирүү» калкан катары пайдаланууда.

«Тажикстан тараптан куралдуу кагылышка эч бир белгиси жок кийим кийген, кайсы бир аскердик түзүмгө таандык экендигин айырмалоого болбогон адамдар катышууда», — деп айтылат маалыматта.

Чек арада катуу кармаш уланууда, каршылаш тараптын кол салуусун токтотуусу үчүн керектүү курал-жарак жана техника колдонулууда.

| Кыргыз-тажик чек арасында 16-сентябрда эртең менен кайрадан ок атышуу башталган. Чек ара кызматы билдирүү таратып, анда «тажик тарап буга чейинки макулдашууларды бузуп, Кыргызстандын чек арасынын бүткүл периметри боюнча чек ара жана жарандык объектилерге чыккынчылык менен кол салды», — деп билдирген.

Кыргыз-тажик чек арасындагы абал курч бойдон калууда. Чек арадагы акыркы маалыматтар бул шилтемеде.

16/09/2022

📌MegaCom мамлекеттик уюлдук байланыш оператору кыргыз-тажик чек арасында орун алган абал толугу менен жөнгө салынганга чейин, Баткен облусундагы бардык абоненттерин уюлдук байланыш жана интернет менен акысыз камсыздайт.

Кыргызстан менен Тажикстандын чек арасындагы абал курчуп турган маалда, аталган аймактагы мекендештерибиздин үзгүлтүксүз байланышта болуп туруусу жана жакындары менен зарыл болгон учурда тез байланышуусу өтө маанилүү.

Ушуга байланыштуу мобилдик оператордун жетекчилиги тарабынан түйүн ичинде чектөөсүз чалууларды, түйүндөн тышкары 5 мүнөттү, түйүн ичинде 50 SMSти жана түйүндөн тышкары 5 SMSти, жана да 1 Гб интернет-трафикти өз ичине камтыган акысыз топтом менен Баткен жергесиндеги MegaCom абоненттерин камсыздоо чечими кабыл алынды.

Баткендиктер, биз Сиздер мененбиз!

08/09/2022

📌Мектеп окуучулары жана ата-энелер үчүн кубанычтуу кабар! Мындан ары окуу китептери жана электрондук күндөлүк үчүн накталай төлөө муктаждыгы жок – MegaPay тиркемесинде билим берүү кызмаматтары үчүн дароо төлөм жүргүзүүчү «Жаңы китеп» жана «Күндөлүк» сервистери жеткиликтүү. Транзакцияны Кыргызстандын каалаган аймагынан 24/7 режиминде экранды бир нече ирет басып ишке ашырууга болот.

«Жаңы китепте» окуу китептеринин ижара акысын кантип төлөсө болот:

MegaPay тиркемесиндеги (жүктөп алуу үчүн Google Play жана App Store’до жеткиликтүү) «Сервис» бөлүмүнө өтүп «Жаңы китеп» баракчасын ачыңыз;
мектептин кодун жазып, окуу жылын жана классын тандаңыз, класстын тамгасын белгилеңиз, окуучунун аты-жөнүн жана төлөмдүн суммасын жазыңыз;
транзакцияны тастыктаңыз.
Электрондук «Күндөлүк» үчүн төлөм жүргүзүүгө төмөнкүлөрдү аткаруу жетиштүү:

MegaPay тиркемесинде «Төлөм» бөлүмүнө, андан кийин «Билим берүү» баракчасына өтүңүз. Андан «Күндөлүк – маалыматтык-билим берүү кызматтары үчүн төлөм бөлүмүн тандаңыз;
окуучунун жеке эсебин жана төлөнө турган сумманы жазыңыз.
Даяр! Белгилей кетсек, «Жаңы китеп» кызматына төлөм үчүн комиссия 5 сомду, «Күндөлүк» электрондук күндөлүк үчүн – 0 сомду түзөт!

Убактыңызды жана акчаңызды үнөмдөңүз – 800дөн ашык кызматтар үчүн тез, ыңгайлуу, ишенимдүү онлайн төлөм жүргүзүү үчүн MegaPay’дин санариптик мүмкүнчүлүктөрүн пайдаланыңыз.

MegaPay – жашооңуздагы ар тараптуу жардамчыңыз!

Бардык жаңылыктар⤵️
🌐www.reporter.kg

05/09/2022

📌«Альфа Телеком» ЖАК (соода белгиси MegaCom) Кыргызстандын Санариптик өнүгүү министрлиги жана маалыматтык-коммуникация тармагында интеллектуалдык түзмөктөр, инфраструктуралар боюнча дүйнөдөгү алдыңкы компания Huawei Technologies Bishkek Co.Ltd. менен биргеликте 5G сынамык долбоорун ишке киргизди жана бешинчи муундагы биргелешкен технология көргөзмөсүн ачты.

5G түйүнүнүн сынамык форматындагы расмий ачылыш аземи, ошондой эле көргөзмө павильонунун салтанаттуу ачылышы 202-жылдын 5-сентябрында Dordoi Plaza-2 соода көңүл ачуучу борборунда болуп өттү.

Иш-чаранын расмий бөлүгү аяктагандан кийин анын коноктору — министрлик жана түзүмдөрдүн жетекчилери, дипломаттар, бизнес-коомчулугунун жана жалпыга маалымдоо каражаттарынын өкүлдөрү санариптик технология тармагындагы жаңылануулар менен таанышышты. Саамалыктын катышуучулары 5G стандартынын артыкчылыктарын жогору баалашты. Алар өткөргүчсүз, жогорку ылдамдыктагы маалыматтарды жөнөтүү мүмкүнчүлүгүн сынап көрүшүп, Интернет тармактын виртуалдык чындыктарынын өзгөчөлүктөрү менен таанышып, өтө көп тармакта колдонууга жөндөмдүү болгон, Industrial 5G түйүнүнүн базасында иштеген өнөржай роботторунун иштөөсүнө байкоо салышты.

Белгилей кетсек, экспозицияда көргөзмөнүн уюштуруучулары болгон MegaCom компаниясы менен Huawei бренди тарабынан жогорку технологиядагы стенддер да көрсөтүлдү.

«MegaCom мамлекеттик уюлдук байланыш оператору үчүн сынамык аймакты ачуу жана 5G стандартынын көргөзмөсү республикада ультразаманбап технологияны өнүктүрүүнүн, жаңы инфраструктураны түзүүнүн жаңы этабы болуп саналат. 5G түйүнүн коммерциялык эксплуатацияга киргизүү кыргызстандыктар үчүн жаңы мүмкүнчүлүктөрдүн уникалдуу дүйнөсүн ачып, маалыматтарды жогорку ылдамдыкта өткөрүүнү шарттайт. Мындан тышкары телеком-индустриясынын өнүгүшүнө жол ачып, мамлекеттик кызматтарды санариптештиргүүгө, экономиканы модернизациялоого ар тараптуу жакшы эффект бере алат», — дешти компаниядан.

Эске салсак, MegaCom мобилдик оператору 2022-жылдын 3-августунда Кыргызстанда биринчи жолу 5G технологиясына тест-драйв жасады. Түйүндү пилоттук түрдө ишке киргизүүдө маалыматтарды жөнөтүү ылдамдыгы секундасына 1,8 Гигабайттан ашып рекорддук ылдамдыкты көрсөттү.

👇🏻👇🏻

02/09/2022

📌Ноокен районунда 24 жаштагы келиндин өлүмүнө шектүү делип, анын мурунку күйөөсү кармалды.

Бул тууралуу Жалал-Абад облустук ички иштер башкармалыгынын басма сөз кызматы билдирди.

Маалыматка караганда, 2022-жылдын 27-августка караган түнү саат 02:40 чамасында, Ноокен районунун Кочкор-Ата шаарында жайгашкан кафелердин биринин короосунда Ноокен районунун тургуну жашы 25-30 чамалардагы аялдын киши колдуу болуп жансыз денеси жаткандыгы боюнча Ноокен милициясына кабар келип түшкөн.

Аталган факты боюнча маалымат Ноокен РИИБдин Кылмыштардын бирдиктүү реестрине катталып, Кылмыш-жаза кодексинин 122-беренесинин (Адам өлтүрүү) негизинде кылмыш иши козголгон.

Окуя болгон жерге Ноокен райондук ички иштер бөлүмүнүн жетекчилиги жана тергөө-ыкчам тобу чыгышып, кароо жүргүзүлүп ишке керектүү тиешелүү материалдар чогултулуп алынган.

Ошондой эле каза болгон аял Ноокен районунун 24 жаштагы тургуну М.Г. экендиги такталып, анын жансыз денесине сырттан кароо жүргүзүлүп, соттук-медициналык изилдөөгө берилген. Анын денесинин 17 жерине бычак сайылгандыгы аныкталган.

Ноокен РИИБдин Кылмыш иликтөө бөлүмүнүн кызматкерлери тарабынан кылмыштын изин суутпай, шектүү катары каза болгон аялдын мурдагы күйөөсү, Кочкор-Ата шаарынын тургуну 1989-жылы туулган А. И. кармалып, райондук соттун чечими менен 2 айга камакка алынган. Ал Ноокен РИИБдин убактылуу кармоочу жайына киргизилди.

Учурда кылмыш иштин алкагында жана соттун кароосуна жиберүү үчүн тергөө амалдары жүргүзүлүп жатат.

Бардык жаңылыктар⤵️
🌐www.reporter.kg

02/09/2022

📌Ош шаарынын тургундарынын эсине!

MegaCom мамлекеттик уюлдук байланыш оператору Ош шаардык муниципалдык автотранспорт ишканасы менен биргеликте эсиңиздерге салат: коомдук транспорттун жүргүнчүлөрү үчүн жол кирени накталай эмес, электрондук транспорттук карта аркылуу төлөө, ошондой эле картаны MegaPay тиркемесинен комиссиясыз толуктоо мүмкүнчүлүгү каралган.

Электрондук картаны кайдан сатып алса болот❓

Картаны Ош шаардык муниципалдык автотранспорт ишканасынан алсаңыздар болот.

Пенсионерлер, окуучулар жана ден соолугунун мүмкүнчүлүгү чектелүү жарандар жеңилдиктер каралган карталарды алуу үчүн жеңилдик алуу укугун тастыктоочу жеке документтерин көрсөтүүлөрү керек. Калган башка категориянын жүргүнчүлөрү эч кандай документсиз эле электрондук транспорттук карталарды сатып ала алышат.

Эскерте кетели, транспорттук карта менен жол кире акысын төлөө 8 сом, ал эми накталай төлөм жүргүзсө 10 сомду түзөт.

📌MegaPay тиркемеси аркылуу картаны кантип комиссиясыз толуктаса болот?

MegaPay тиркемесин ачыңыз (Google Play жана App Store‘дон жүктөп алууга жеткиликтүү);
«Төлөмдөр» бөлүмүнөн «Жана башкалар» баскычын тандап, андан соң – «ОГМАП» баскычын басыңыз;
«Реквизит» деп чыккан жерге транспорттук картаңыздын номерин киргизиңиз;
толуктоонун суммасын жазып, транзакцияны тастыктаңыз.
Даяр! Кызмат үчүн комиссия – 0 СОМ.

MegaPay – сиздин жашооңуздагы көп кырлуу жардамчыңыз!

Бардык жаңылыктар⤵️
🌐www.reporter.kg

01/09/2022

📌MegaCom мамлекеттик уюлдук байланыш оператору кыргызстандыктарды Билим күнү менен куттуктайт жана жеңилдетилген «Мугалим», «Билим» тарифтерине кошулуу мүмкүнчүлүктөрүн эсиңиздерге салат.

Аталган тарифтер эффективдүү окуу процессинин жана ага тиешелүү маалыматтарды издөөнүн талаптарын эске алып атайын билим берүү тармагындагы кызматкерлерге, студент жана мектеп окуучуларына ылайыкташтырылып иштелип чыккан.

Тарифтин алкагында ыңгайлуу баарлашуу, жемиштүү иш жана билим берүү процессине толук киришүү үчүн керектүү жагдайлардын баары каралган.

«Мугалим» тарифинин алкагында 285 сом абоненттик төлөм менен мугалимдерге 30 күнгө төмөнкүлөр жеткиликтүү⤵️
• 30 ГБ интернет жана акысыз Wi-Fi таратуу;
• соцтармактарга, мессенджерлерге жана билим берүү сервистерине чектөөсүз жетки: WhatsApp, Instagram, Telegram, Одноклассники, Facebook, Zoom, GoogleClassroom, Skype, KelBil, ЯКласс;
• КРнын билим берүү ресурстарына акысыз трафик жана khanacademy.org дүйнөлүк китепканасына жетки;
• түйүн ичинде күн сайын 180 мүнөт, анын ичинде Salamбрендинин номерлерине дагы;
• Кыргызстандын башка мобилдик операторлорунун түйүндөрүнө чалуу үчүн 100 мүнөт;
• түйүн ичинде 500 SMS.

📌Окуучу жана студенттер үчүн 7 жана 28 күндүк «Билим» тарифи бар. Ага кошулууда абоненттерге төмөнкү кызматтар көрсөтүлөт⤵️
• Кыргыз Республикасындагы ЖОЖдордун сайттарына акысыз трафик жана дүйнөлүк khanacademy.org китепканасына чектөөсүз жетки;
• соцтармактарга, мессенжер жана тиркемелерге (тарифке жараша) чектөөсүз жетки: Facebook, Twitter, Одноклассники, Instagram, ВКонтакте, WhatsApp, Telegram, Zoom, GoogleClassroom, Skype, KelBil;
• түйүничиндеакысызчалууларжана SMS;
• «Билим» тарифи 8 ГБ (7 күнгө) же 20 ГБ (28 күнгө) интернеттиөзүнөкамтыйт.
Абоненттик төлөм 7 күндүк топтом үчүн 105 сом, 28 күндүк топтом үчүн 285 сомду түзөт.

📌Тарифтерди кантип кошуу керек?
• «Мугалим» тарифин кошуу MegaCom’дун бардык фирмалык Сатуу жана тейлөө борборлорунда же MEGA24 тиркемесинде жеткиликтүү (жүктөп алуу үчүн GooglePlay жана AppStore’до). Билдирме берүү үчүн иштеген жерден же билим алган жайдан аныктама алып тиркөө керек, ал фирмалык бланкка жазылып, мөөр басылып, кол коюлган болушу абзел.

👇🏻👇🏻👇🏻👇🏻

01/09/2022

📌Бүгүн, 1-сентябрда Садыр Жапаровдун жарлыгы менен мамлекеттин жана Кыргызстан элинин алдында сиңирген өзгөчө эмгеги үчүн «Ак Шумкар» өзгөчө белгисин тапшыруу менен «Кыргыз Республикасынын Баатыры» эң жогорку артыкчылык даражасы 5 адамга ыйгарылды.

Эң жогорку даражадагы сыйлык мамлекеттик ишмерлер Апас Жумагуловго, Медетхан Шеримкуловго, УКМКнын төрагасы Камчыбек Ташиевге, советтик мамлекеттик жана партиялык ишмер Арстанбек Дүйшеевге (каза болгондон кийин), маркум кинорежиссер Болотбек Шамшиевге ыйгарылды.

🔎Reporter.kg мамлекеттик сыйлык жөнүндөгү кызыктуу фактыларды жана анын артыкчылыктарын тизмектеди.

Уландысын каруселден окуңуз➡️

Бардык жаңылыктар⤵️
🌐www.reporter.kg

01/09/2022

📌УКМКнын төрагасы Камчыбек Ташиевге «Кыргыз Республикасынын Баатыры» эң жогорку артыкчылык даражасы тапшырылды.

Бул тууралуу президенттин басма сөз кызматы билдирди.

Маалыматка караганда, тийиштүү жарлыкка Садыр Жапаров кол койду.

“Мамлекеттин жана Кыргызстан элинин алдында сиңирген өзгөчө эмгеги үчүн «Ак Шумкар» өзгөчө белгисин тапшыруу менен «Кыргыз Республикасынын Баатыры» эң жогорку артыкчылык даражасы Министрлер кабинетинин төрагасынын орун басары —Улуттук коопсуздук мамлекеттик комитетинин төрагасы Ташиев Камчыбек Кыдыршаевичке ыйгарылды”, — деп айтылат маалыматта.

Бардык жаңылыктар⤵️
🌐www.reporter.kg

reporter_kyrgyz

06/10/2022

05/10/2022

29/09/2022

27/09/2022

26/09/2022

23/09/2022

18/09/2022

17/09/2022

17/09/2022

17/09/2022

16/09/2022

16/09/2022

16/09/2022

16/09/2022

08/09/2022

05/09/2022

02/09/2022

02/09/2022

01/09/2022

01/09/2022

01/09/2022

Address

Website

Alerts

Shortcuts

Share