Green Apple ကွန်ပျူတာနည်းပညာ (2024)

18/03/2023

Desktop Computer မှာ ပါရှိတဲ့ Power Supply အကြောင်းသိကောင်းစရာ
ကွန်ပျူတာတစ်လုံးမှာ power supply က အရေးကြီးတဲ့ အစိတ်အပိုင်းတစ်ခု ဖြစ်ပါတယ်။ မားသားဘုတ်နဲ့ အခြားသော peripheral device တွေကို power ပေးရလို့ပါပဲ။ အဝင် AC ကနေ အထွက် DC ကို ပြောင်းလဲပေးပြီး power တွေကို distribute လုပ်ပေးရတဲ့ တာဝန်ကို ထမ်းဆောင်ရပါတယ်။ မရှိမဖြစ်လိုအပ်တဲ့ ဒီလို power supply တစ်လုံးကွန်ပျူတာမှာ မကောင်းဘူးဆိုရင် ဘယ်လိုတွေဖြစ်လာမလဲဆိုတာ လေ့လာကြည့်နိုင်ပါတယ်။
– Power supply ပျက်နိုင်သည့် အကြောင်းတရားများ
1. FAN
2. 2. Components
3. 3. Cord
4. 4. Connector
5. 5. Electrical surge
6. 6. Default industry
7. 1. FAN – power supply မှာ fan ပါရှိပါတယ်။ ဒီ fan လည်မှု မလည်မှုပေါ် မူတည်ပြီးတော့ troubleshoot လုပ်တဲ့ နေရာမှာ သုံးသပ်ပြီး လုပ်ဆောင်လို့ ရပါတယ်။ အချို့ power supply တွေဆို fan ကလည်လို့ လည်မှန်းတောင်မသိဘူး အရမ်းညင်သာတယ်၊ ဆူညံမှု နည်းလေကောင်းလေပေါ့။ မနက် နှစ်နာရီ သုံးနာရီဆို တော်တော်သိသာတယ် စက်ရှေ့မှာ ထိုင်ဖူးရင်ပေါ့။ ဒီ power supply မှာပါတဲ့ fan က တစ်မိနစ်မှာ အပတ်ရေ ဘယ်လောက်နဲ့ လည်ပတ်တယ်ဆိုပြီးတော့ တိုင်းတာပါတယ်။ Revolution per minute RPM နဲ့တိုင်းပါတယ်။ FAN လည်နှုန်းကျသွားရင် power supply က heat တွေ အရမ်းတက်လာပြီး ပူလာမယ်။ နောက်ဆုံး မခံနိုင်တော့ပဲ လောင်သွားမယ်။ ဒါကြောင့် Power supply fan ပုံမှန်လည်ပတ်မှုမရှိပဲ နှေးသွားရင် (သို့) ပျက်စီးသွားရင် power supply ပျက်နိုင်ပါတယ်။
8. 2. Components – power supply ထဲမှာ circuit board ပါရှိပါတယ်။ အဲဒီ circuit board မှာပါတဲ့ components တွေရဲ့ ချို့ယွင်းမှု ဒါမှမဟုတ် အပူကြောင့် capacitor များ လောင်ကျွမ်းခြင်း၊ converter circuit လောင်ကျွမ်းခြင်းကြောင့် Power supply ပျက်စီးနိုင်ပါတယ်။
9. 3. Cord – ကြိုးကတော့ ပျက်ခဲလှပါတယ်။ သူကပေါက်ပြဲ ပျက်စီးရင်လည်း leakage ဖြစ်တာကြောင့် တစ်ကြောင်း ပေါက်ပြဲပျက်စီးတဲ့နေရာနဲ့ motherboard ပေါ်က component တစ်ခုခု (သို့) casing နဲ့သွားထိပြီး short ဖြစ်နိုင်ပါတယ်။ ပေါက်ပြဲတဲ့နေရာကို တိပ်နဲ့ပတ်ထားလို့တော့ ရပါတယ်။ ဒါပေမယ့် အထွက်ဗို့ကို တိုင်းကြည့်ရမှာ ဖြစ်ပါတယ်။
10. 4. Connector – power supply အထွက်မှာ DC ကိုပြောင်းလဲပေးတဲ့ motherboard ကိုပေးတဲ့ ပါဝါ connector, hard disk, CD Rom ကိုပေးတဲ့ Power connector တွေပါရှိတယ်။ ဒီ power connector တွေက မကောင်းရင် (များသောအားဖြင့် အထွက် ဗို့အား မမှန်ရင်ပေါ့လေ ) တခြား ပစ္စည်းတွေကို ထိခိုက်နိုင်ပါတယ်။ ဒါကြောင့် connector ကောင်းဖို့ လိုပါတယ်။ အထွက် ဗို့အား မှန်ဖို့လိုပါတယ်။ အထွက် ဗို့အား မမှန်လို့ hard disk သုံး၊ လေးလုံးလောက် ပျက်ခဲ့ဖူးတာလဲ ရှိခဲ့ဖူးတော့ connnector တွေ အထွက် ဗို့အား မမှန်ရင်လည်း power connector ကိုဖြုတ်လဲလို့ အဆင်မပြေဘူးလေ။ တစ်ခုမကောင်းရင် တခြားခေါင်းတွေနဲ့ ပြောင်းသုံး ဒါပဲရှိပါတယ်။ ကောင်းတဲ့ခေါင်းကနေမှ ပြန်ပွားထုတ်ပြီး သုံးရုံပဲရှိတာပဲ။ Hard disk, CD Rom တို့ကို power ပေးတဲ့ connector က လေးခုလောက် အနည်းဆုံးပါတယ်၊ motherboard connecotor ကတော့ အပိုမပါဘူး၊ motherboard connector မကောင်းလို့ကတော့ အသစ်လဲရဖို့ များတယ်။
11. 5. Electric surge – မီးအား ရုတ်တရက် မြင့်တက်လိုက်၊ ကျသွားလိုက် ဖြစ်မှုကြောင့် power supply က power load မခံနိုင်တော့ပဲ power supply ပျက်စီးနိုင်ပါတယ်။
12. 6. Default industry – စက်ရုံကနေပြီးတော့ ရာနဲ့ ထောင်နဲ့ ချီတဲ့ Power supply ကို ထုတ်လိုက်တာဆိုတော့ အပျက်အစီး အနည်းငယ်တော့ ရှိကြမှာပါပဲ။ သူငယ်ချင်းတစ်ယောက်လဲ ကြုံဖူးတယ်၊ ဘယ်လောက်မှ မကြာသေးဘူး၊ ဝယ်ပြီး တစ်ပတ်လောက်ပဲ ရှိသေးတယ်။ စက်က သူ့အလိုလို ထိုးရပ်သွားတယ်။ တခြား Power supply အစားထိုးကြည့်တော့ အကောင်းပကတိအတိုင်း အလုပ်လုပ်နေတာဖြစ်လို့ Power supply ပျက်တာ သေချာတာဖြစ်တဲ့အတွက် ပြန်လဲလိုက်ရပါတယ်။
13. – Power supply ပျက်ပြီဆိုလျှင် သိနိုင်သည့် အချက်များ
14. 1. Crashes
15. 2. Heat
16. 3. Noise and Smell
17. 4. Startup Failure
18. 5. Unexpected shut down
19. 6. Quick shut down
20. Crashes – power supply ပျက်လျင် မမျှော်လင့်ပဲ ရုတ်တစ်ရက် ပါဝါ လုံးဝမလာတော့ခြင်း (သို့) Restart ခဏခဏ ကျနေခြင်း၊ processor နဲ့ RAM တို့ရဲ့ Heat က သာမှန်ထက် ပို၍ပူလာခြင်းဟာ power supply ကိုပျက်စီးစေနိုင်တဲ့ လက္ခဏာ တွေပဲဖြစ်ပါတယ်။ နောက်ကွန်ပျူတာမှာ power supply failure error message တွေ အမျိုးမျိုးပြနေတတ်ပါတယ်။
21. Heat – power supply ပျက်ပြီဆိုရင် အရမ်းပူလာပြီး လက်နဲ့ထိရင်တောင် အရေပြားလောင်တဲ့အထိ ဖြစ်နိုင်တယ်။ အတွင်းက fan က လည်နှုန်းတအား နှေးသွားလို့ အပူတွေ အရမ်းထွက်လာတာ ဖြစ်တယ်။ ထိုအတူပဲ CPU နဲ့ RAM တွေရဲ့ temperature တွေလည်း မြင့်တက်လာစေနိုင်တယ်။
22. Noise and Smell – Power supply က ဝယ်တုန်းကတော့အကောင်း fan လည်သံလေးက ညင်ညင်သာသာလေး ယခုတော့ ဆူဆူညံဖြစ်နေမယ်။ နောက်မီးခိုးနံ့ လိုလို ငြော်နံ့ လိုလို ရနေမယ်ဆိုရင် power supply ပျက်ဖို့ရာ လက္ခဏာတွေ ဖြစ်ပါတယ်။ Fan လည်တဲ့ အသံက မနည်းရုန်းနေရတဲ့ အသံ (သို့) တအားဆူနေသလား နားထောင်ကြည့်ရင် သိနိုင်ပါတယ်။ Power supply အနားကပ်ကြည့်လို့ ငြော်နံ့ မီးခိုးနံ့ ရနေရင် power supply လဲရဖို့များနေပြီ။
23. Startup Failure – ကွန်ပျူတာ Power စဖွင့်ဖွင့်ချင်းမှာကိုက ဘာမှကို မလာတော့တာ power supply fan လည်တဲ့ အသံလည်း မကြားရသလို power လုံးဝကို မထွက်တော့တာမျိုး ဖြစ်ပါတယ်။ ဒါဆိုရင် motherboard နဲ့ တစ်ခြား peripheral device တွေကို power မရောက်တော့ပါဘူး။ Motherboard ဟာ power မရတော့တဲ့အတွက် power supply ပျက်တဲ့ လက္ခဏာပါပဲ။
24. Unexpected shut down – မမျှော်လင့်ပဲ သုံးနေတုန်း shut down ဖြစ်ဖြစ်သွားခြင်းဟာ power supply ပျက်စီးတဲ့ လက္ခဏာ တစ်ခုဖြစ်ပါတယ်။
25. Quick shut down – power တော့ on လို့ရပါရဲ့ POST လုပ်ငန်းစဉ် လုပ်နေတုန်းပဲ ရှိသေးတယ်။ မြန်မြန်ဆန်ဆန်ပဲ shut down ဖြစ်ပြီး power freeze ဖြစ်သွားတယ်ဆိုရင်လည်းပဲ power supply မကောင်းတော့တဲ့ လက္ခဏာ ဖြစ်ပါတယ်။ တစ်နည်းအားဖြင့် Power အလုံအလောက်မရတာလဲ ဖြစ်နိုင်ပါတယ်။
26. – Power supply ပျက်ပြီဆိုရင် ဘာလုပ်မလဲ
27. အသစ်လဲရုံပဲပေါ့။ ကိုယ်တိုင် power supply ပြင်တဲ့သူ မဟုတ်ရင်ပေါ့၊ သာမန် user တွေအနေနဲ့ power supply ကို ဖွင့်ပြီး ပြင်ဖို့ မကြိုးစားပါနဲ့လို့ ပြောရမှာပဲ။ အထဲက circuit ဘုတ်မှာ condenser(capacitor) တွေပါရှိတယ်။ ဒီ capacitor တွေက power ရရှိစဉ်တုန်းက charge တွေကို သိုလှောင်ထားတဲ့ high voltage တွေဖြစ်ပါတယ်။ သူကအန္တရယ်များပါတယ်၊ ဒါကြောင့် ကျွမ်းကျင်သူသာ ကိုင်သင့်၊ ပြင်သင့်ပါတယ်။ Power supply ဝယ်မယ်ဆိုရင် watts များလေ ပိုကောင်းလေပါပဲ။
28. အထက်က အကြောင်းအရာတွေက power supply ကိုပဲ ဦးတည်ပြီး ဆွေးနွေးတာဖြစ်လို့ ဘယ်အပိုင်းက ဖြစ်တယ်ဆိုတာ စဉ်းစားလို့ရအောင် ဆွေးနွေးလိုက်ရခြင်း ဖြစ်ပါတယ်။ အကြောင်းအရာတွေ ခေါင်းထဲမှာရှိနေရင် စဉ်းစားရလွယ်ပါတယ်။

18/03/2023

သင် မ သိ သေး တဲ့ Keyboard Function Keys များ
========================
မဂ်လာပါခင်ဗျာ 🙏🏽
♦️ ဒီနေ့မှာတော့ ကွန်ပျုတာ အခြေခံသင်တန်းမှာပါဝင်တဲ့ သင်ခန်းစာတစ်ခုဖြစ်တဲ့ Function Keys များအကြောင်းကို ဝေမျှပေးထားပါတယ်။ Function Keys များသိထားမယ်ဆိုရင် ကွန်ပျုတာသုံးပြီးတော့ အလုပ်လုပ်ရာတွင် ပိုမို မြန်ဆန်လာမှာ ဖြစ်ပါတယ်။ Function Keys အများစုသည် Keyboard ၏ အပေါ်ဘက်တွင် ရှိတက်ပါတယ်။ ပုံတွင် တချက်ကြည့်ပေးပါ။ လက်တော့တွေမှာဆိုရင် Function Keys ကို ဒီအတိုင်းနှိပ်ရတာ ရှိသလို Keyboard မှာရှိတဲ့ Fn ဆိုတဲ့ Key လေးနဲကတွဲနှိပ်မှ အလုပ်လုပ်ပါတယ်။ Desktop မှာဆိုရင်တော့ ပြသာနာမရှိပါဘူး။
♦️ လေ့လာနေတဲ့ ဝါသနာတူ သူငယ်ချင်းတွေ သိသွားအောင်လည်း Share ထားလိုက်ဦးနော်။
F1
F1 သည် အဓိကတော့ ကွန်ပြုတာကို အကူအညီတောင်းတာဖြစ်ပါတယ်။ ကွန်ပြုတာနှင့် ပတ်သတ်ပြီး သိချင်တာရှိရင် မေးမြန်းနိင်ပါတယ်။ ဥပမာ Google နဲ့ဆင်ပါတယ်။ ဒါပေမယ့် Google သိလိုတဲ့ အကြောင်းအရာ အလုံးစုံကို ရှာနိင်ပေမယ့် F1 ကတော့ ကွန်ပြုတာတစ်လုံးနှင့် သတ်ဆိုင်သည်များကိုသာ ရှာဖွေနိင်ပါတယ်။ သတိထားစရာတချက်ကတော့ Windows 7 မှာဆိုရင် F1 (Help) ကို Offline အနေနဲ့ အသုံးပြုနိင်ပေမယ့် Windows 10 မှာတော့ Online အနေဖြင့်သာ အသုံးပြုနိင်ပါတယ်။ Online သာ အသုံးပြုလို့ ရတဲ့အတွက် သိချင်တာကို များများစားစားသိလို့ ရပြီးတော့ မကောင်းတဲ့အချက်ကတော့ ကွန်ပြုတာမှာ အင်တာနက် မချိပ်ဆက်ထားရင် တခုမှ မေးမြန်းနိင်မှာ မဟုတ်ပါဘူး။ ဟုတ်ပီ။ F1 ကို Help လို့ခေါ်တယ်။
F2
F2 သည် Folder သော်လည်းကောင်း၊ Icon သော်လည်းကောင်း နာမည်ပြောင်းလိုသည့်အခါတွင် သုံးပါတယ်။ ပုံမှန်အားဖြင့် Folder တစ်ခုကို နာမည်ပြောင်းတော့မယ်ဆိုရင် ၎င်း Folder ပေါ်တွင် Right Click နှိပ်ပြီး Rename ကိုရွေးရပါတယ်။ အဆင့်တွေများတာပေါ့။ မြန်မြန်ဆန်ဆန်လုပ်ချင်တယ်ဆိုရင်တော့ ၎င်း Folder ကို Select ပေး။ ပြီးရင် F2 နှိပ်လိုက်
ဒါဆိုရင် Rename ပြောင်းလို့ရမှာ ဖြစ်ပါတယ်။ ဒီတော့ F2 သည် Folder (or) File တစ်ခုခုကို နာမည်ပြောင်းလိုသည့်အခါတွင် အသုံးပြုပါတယ်။
F3
F3 သည် Search Bar သို့သွားလိုသည့်အခါတွင် သုံးပါတယ်။ ဒီကောင်ကို သုံးမယ်ဆိုရင် မိတ်ဆွေအနေနဲ့ အရင်ဆုံး My Computer ကိုဖွင့်ထားရပါမယ်။ တနည်းအားဖြင့် My Computer ထဲက Search Box ကိုသွားချင်တယ်ဆိုရင် F3 ကိုနှိပ်ပြီးသွားနိုင်ပါတယ်။
F4
F4 သည် Address Bar သို့သွားလိုသည့်အခါတွင် သုံးပါတယ်။။ ဒီကောင်ကို သုံးမယ်ဆိုရင် မိတ်ဆွေအနေနဲ့ အရင်ဆုံး My Computer ကိုဖွင့်ထားရပါမယ်။ တနည်းအားဖြင့် My Computer ထဲက Address Bar ထဲကို သွားလိုသည့်အခါတွင် F4 ကိုနှိပ်ပြီးသွားနိင်ပါတယ်။
F5
F5 ကိုတော့ တော်တော်များသိမယ်ထင်ပါတယ်။ Refresh လုပ်တာဖြစ်ပါတယ်။ ကွန်ပြုတာနည်းနည်း လေးလာပြီဆိုရင် F5 မကြာခဏနှိပ်လေ့ရှိကြပါတယ်။
F6
F6 ကိုတော့ အသုံးနည်းလှပါတယ်။ မပြောရင်တော့ ရပါတယ်။ ဒါပေမယ့် အကုန်ပြောမယ်လို့ ရည်ရွယ်ထားတဲ့အတွက် ထည့်ပြောရခြင်းဖြစ်ပါတယ်။ ဒီကောင်ကို သုံးဖို့အတွက် My Computer သို့မဟုတ် Browser တစ်ခုခုကို ဖွင့်ထားရပါမယ်။ ပြီးရင်တော့ F6 ကိုနှိပ်ကြည့်ပါ။ Cursor လေးပြောင်းနေတာကို တွေ့ရပါလိ့မ်မယ်။ နှိပ်တဲ့အခါမှာလည်း ၃လေး
ချက် ၄ချက်လောက် နှိပ်ကြည့်ပါ။
F7
F7 ကိုတော့ Spelling Check လုပ်သည့်အခါတွင် သုံးပါတယ်။ Spelling Check လုပ်သည့် Feature ကတော့ Word ပါသည့်အတွက်ကြောင့် Word ကို ဖွင့်ပြီး F7 နှိပ်မှ အလုပ်လုပ်
ပါမယ်။
F8
F8 သည် Word တွင်သာ အလုပ်လုပ်တဲ့ Keys တစ်ခုဖြစ်ပါတယ်။ Word မှာ စာကြောင်းတစ်ကြောင်းကို Select ပေးလိုသည့်အခါတွင် F8 ကို ၂ချက်နှိပ်ပေးပါ။ ၃ချက်နှိပ်ရင် စာပိုဒ်တစ်ခုလုံးကို Select ပေးသွားမှာ ဖြစ်ပါတယ်။
F9
F9 သည်လည်း Refresh လုပ်တာဖြစ်ပါတယ်။ ထူးခြားတာက Word တွင်သာ အလုပ်လုပ်ပါတယ်။ လက်ရှိစာရိုက်နေတဲ့ အချိန်မှာ Word သုံးရတာလေးနေတယ်ဆိုရင် F9 နှိပ်ပြီး Refesh နှိပ်နိုင်ပါတယ်။
F10
F10 သည် Menu Bar ကိုခေါ်သည့်အခါတွင် အသုံးပြုပါတယ်။ လက်ရှိဖွင့်ထားသော Program တစ်ခုခု၏ Menu Bar ကိုခေါ်လိုသည့်အခါတွင် F10 နှိပ်ပြီးခေါ်နိင်ပါတယ်။
F11
F11 သည် လက်ရှိသုံးနေတဲ့ Browser ဖြစ်စေ၊ My Computer ဖြစ်စေ Full Screen လုပ်လိုသည့်အခါတွင် အသုံးပြုပါတယ်။ Full Screen ကနေ ပြန်ထွက်ချင်တယ်ဆိုရင် F11 ပြန်နှိပ်ပြီး ထွက်နိင်ပါတယ်။
F12
F12 သည် Save လုပ်တာ ဖြစ်ပါတယ်။ လက်ရှိရိုက်နေတဲ့ Word / Excel / Power Point ကို Save လုပ်လိုသည့်အခါတွင် အသုံးပြုပါတယ်။

04/02/2023

ကျွန်တော်တို့ ပတ်၀န်းကျင်ထဲက Byte နှင့် bit များ
============
၂၁ ရာစု IT ခေတ်မှာ ကျွန်တော်တို့ လူမှုပတ်၀န်းကျင် နှင့် လုပ်ငန်းကိစ္စရပ် အများစုတွင် Electronics Devices များ အသုံးပြုမှု များလာကြပါပြီ။
လက်ရှိ မြန်မာနိုင်ငံမှာလည်း Mobile Technologies နှင့် ဆက်သွယ်ရေး ကွန်ယက်များ ဖွံ့ဖြိုးတိုးတက်လာသည်နှင့်အမျှ Mobile Phone နှင့် IT ပစ္စည်းများ အသုံးပြုမှုမှာလည်း တဖြည်းဖြည်း မြင့်တက်လာကြပါပြီ။
ဒါကြောင့် computer, electronics devices များနှင့် Mobile Phone များတွင် အချက်အလက်များ မည်မျှသိမ်းဆည်းနိုင်သည်ကို တိုင်းတာသည့် ယူနစ်များဖြစ်သည့် Bit နှင့် Byte များကို လေ့လာကြည့်ကြရအောင်။
bit ဆိုတာ computer storage ရဲ့ အသေးငယ်ဆုံး ယူနစ် တစ်ခု ဖြစ်ပါတယ်။ အရှည်ကောက်ကတော့ Binary digIT ပါ။
Byte ဆိုတာ 8 bit ရှိတဲ့ storage unit ပါ။
bit ကို အင်္ဂလိပ်အက္ခရာ (b) အသေးနဲ့ ဖေါ်ပြပြီး Byte ကို အင်္ဂလိပ်အက္ခရာ (B) အကြီးနဲ့ ဖော်ပြပါတယ်။
1 B = 8 bit ဖြစ်ပါတယ်။
1024 B = 1 KB (Kilobyte)
1024 KB = 1 MB (Megabyte)
1024 MB = 1 GB (Gigabyte)
KB, MB, GB တို့ကို ကွန်ပျူတာရဲ့ memory, hard drives တို့နဲ့ Smart Phone များရဲ့ ROM, RAM, Storage devices များမှာ တိုင်းတာအသုံးပြုကြပါတယ်။
1024 GB = 1 TB (Terabyte)
1024 TB = 1 PB (Petabyte)
TB, PB တို့ကို အချက်အလက်များ ကြီးမားစွာ သိမ်းဆည်းသည့် computer များ၊ Server များ၊ Super computer များနှင့် IT Devices များမှာ data storage လုပ်ရန်အတွက် အသုံးပြုပါတယ်။
1024 PB = 1 EB (Exabyte)
1024 EB = 1 ZB (Zettabyte)
1024 ZB = 1 YB (Yottabyte)
EB, ZB, YB တို့ကိုတော့ အနာဂတ်ကွန်ပျူတာတွေအတွက် ကြီးမားတဲ့ Unit တွေကို တိုင်းတာရန်အတွက် အသုံးပြုပါတယ်။

28/12/2022

အလုပ်လျှောက်ထားလိုသူ အားလုံးတို့အတွက် ကောင်းမွန်ထိရောက်သော CV Form ရေးသားနည်းများ"
What is CV/ Curriculum Vitae/Resume? (CV / Resume ဆိုတာ ဘာလဲ)

A CV (or) Resume is to provide a summary of your skills, abilities and accomplishments. It is a quick advertisement of who you are. It is a "snapshot" of you.

CV (or) Resume တစ်စောင်သည် သင့်ရဲ့ကျွမ်းကျင်မှုများ၊လုပ်ဆောင်နိုင်မှု စွမ်းရည်များ၊ ပြီးမြောက်မှုများကို ပေါင်းစည်းအနှစ်ချုပ်ထားခြင်းဖြစ်သည်။ တနည်းအားဖြင့် သင်သည်ဘယ်သူဖြစ်သည်ဟုကြော်ငြာခြင်းဖြစ်သည်။ သင့်အကြောင်းတွေကို အတိုချုံးပြခြင်း (သို့) ကိုယ်ရေးရာဇ၀င်အကျဉ်း လည်းဖြစ်သည်။

သာမန်အားဖြင့် CV/Curriculum Vitae ဟုအခေါ်များပြီး အမေရိကန်အခေါ်အရ Resume ဟုခေါ်သည်။ CV တစ်စောင်သည်အလုပ်တစ်ခုရရှိရန် ရည်ရွယ်ရေးသားတင်ပြခြင်းဖြစ်ရ်ျ မိမိ CV ကိုမြင်သည်နှင့် အင်တာဗျူးခေါ် ချင်အောင်ရေးသားနိုင်ပါက မိမိ CV သည် မိမိအလုပ်ရ၇ှိရန် (၅၀ %) ကျိန်းသေသည့်အရာတစ်ခုဖြစ်သည်ဟူရ်ျ ယူဆရေးသားသင့်သည်။

CV တစ်စောင်ကို ဖြစ်သလို မရေးသားသင့်ပါ

ကောင်းမွန်ထိရောက်သော CV တစ်စောင် ရေးသားရာတွင် သိရှိထားသင့်သည့်အချက်များ
CV Form ကိုသာမန်အားဖြင့် A4 စာရွက် (၁)မျက်နှာမှ (၂)မျက်နှာထိသာ ရေးသားပြီး၊ အဆင့်မြင့်ရာထူးများနှင့်ကျွမ်းကျင်မှုအများအပြားရှိသူ များဖြစ်ပါက စာမျက်နှာ(၃)မျက်နှာထက်မပိုရ။
ပုံမှန် Margin ကို(၁လက်မ)ခန့်ရွေးချယ်ရမည်။
စာလုံး Font အရွယ်အစားကို (10) သို့မဟုတ် (12) point သာရွေးချယ်ရေးသားရမည်။
စာလုံး Font Design ကို Standard Font များထက် ဆန်းပြားသော Font များနှင့်ရွေးချယ်ခြင်းမပြုသင့်။
Font Color များဆန်းပြားစွာချယ်သထားခြင်းမပြုသင့်။
စာလုံးပေါင်းနှင့်သဒ္ဒါမှန်ကန်မှုရှိရန်၊ပုဒ်ဖြတ်မှန်ကန်မှုရှိရန် အထူးဂရုစိုက်ရေးသားရမည်။CV Form များကို Surveyပြုလုပ်မှုရလဒ်အရ CV Form တွင်စာလုံးပေါင်း အမှားနှင့်လွဲမှားစွာရေးသားထားသော CV များကို အင်တာဗျူးအတွက် ပယ်ချခံရမှုရာခိုင်နှုန်းမှာ( 86%) ထိ ရှိကြောင်းလေ့လာတွေ့ရှိရသောကြောင့်ဖြစ်သည်။
CV တွင်မိမိအရည်အချင်းနှင့်ကျွမ်းကျင်မှုများကို လိုရင်းတိုရှင်းနှင့် ထိရောက်အောင်ရေးသားတတ်ရမည်။
ဖတ်ရှုသူ အလုပ်ရှင်အတွက် ရှင်းလင်းပြီး ဖတ်ရလွယ်အောင်ရေးသားနိုင်ဖို့လည်း အရေးကြီးပါသည်။
ကိုယ်ရေးရာဇဝင်ကို မိမိလျှောက်ထားမည့် အလုပ်ရာထူးနှင့် သင့်လျော်အောင် ပြင်ဆင်ရေးသားရမည်။ လျှောက်ထားမည့် ရာထူးနှင့်် ကိုက်ညီသော အရည်အချင်း ၊ကျွမ်းကျင်မှုများနှင့် လုပ်သက်အတွေ့အကြုံ တို့ကို အလေးပေး ဖော်ပြရမည်။
ကိုယ်ရေးရာဇဝင် ရေးသားပြီးလျှင် နောက်ဆုံးရေးသားပြီးသည့် စာမူကြမ်းကို စီစစ်ဖတ်ပေးမည့် လူကိုရှာပြီး ပြန်ဖတ်ခိုင်းပါ။အမှားအယွင်းများရှိလျှင်တွေ့ရှိနိုင်ရန် ပြန်စစ်ခိုင်းခြင်းဖြစ်သည်။
မှတ်ချက်။ ။CV တွင် မိမိဓာတ်ပုံထည့်မည်ဆိုပါက ဓာတ်ပုံ၏သက်ရောက်မှု သည် သင်အလုပ်ရခြင်း၊မရခြင်း၏ အဓိကအကြောင်းအရာဖြစ်လာနိုင်သည် ကိုသတိပြုပါ။အဘယ်ကြောင့်ဆိုသော် CV ပေါ်မှအခြားအချက်လက်များကို မကြည့်ခင် သင့်ဓာတ်ပုံကိုကြည့်၍ လစ်လပ်ရာထူးနှင့်လိုက်ဖက်သောသူမျိုး ဟုတ်မဟုတ်ကို တခါထဲဆုံးဖြတ်ပြီး အင်တာဗျူးခေါ်ဆိုရန် စာရင်းပယ် ထားခြင်းခံရနိုင်သောကြောင့်ဖြစ်သည်။ထို့ကြောင့် သင်အလုပ်ရခြင်း၊မရခြင်း သည် ဓာတ်ပုံနှင့်အများကြီးသက်ဆိုင်နေသဖြင့် ဖြစ်သလိုဓာတ်ပုံမျိုးနှင့် ကာလကြာပြီးသော ဓာတ်ပုံများကို အသုံးပြုခြင်းမပြုသင့်။လက်ရှိကာလ personality နှင့်ပုံများ၊သေသပ်စွာ စမတ်ကျနစွာ၀တ်စားဆင်ယင်ပြီးရိုက် ထားသော Passport Size အရွယ်အစားပုံကိုသာ အသုံးပြုရပါမည်။

CV ရေးသားရာတွင် အခြားသူများ၏ရေးသားပုံကို နမူနာယူမှီငြမ်းရေး သားနိုင်သော်လည်း တထပ်ထဲကူးယူ ဖော်ပြခြင်းမျိုး မည်သည့်အခါမှ မပြုလုပ်ပါနှင့်။မိမိ၏ အစစ်အမှန်တတ်မြောက်မှု တတ်ကျွမ်းမှုတို့ကိုသာ ပွင့်လင်း ရိုးသားစွာ ရေးသားဖော်ပြရန်အထူးလိုအပ်ပါသည်။

Step by Step Writing a CV
Vitae

Name
Contact Information
Address-
Phone numbers-
Email-
ခေါင်းစဉ်ပိုင်းမှာ နာမည်ကို စာလုံးကြီးဖြင့်ရေး၊အနက်ရောင်တင်ပါ။ လိပ်စာ၊ဖုန်းနံပါတ်၊အီးမေးလ် လိပ်စာတို့ရေးပါ။
Career Objective ဒီအလုပ်ကိုလျှောက်ထားရခြင်း ရည်ရွယ်ချက်မှာ ဘာဖြစ်တယ်ဆိုတာကိုရှင်းပြပါ။
Personal Details ကိုယ်ရေးအချက်အလက်အကျဉ်းရေးပါ။
Name-
N.R.C (No)-
Date of birth-
Nationality-
Race & Religious-
Marital status-
Education and qualifications ပညာရေးနှင့် အခြားတတ်မြောက်မှု အရည်အချင်းများ
School, college, dates, etc.
other qualifications
Achievements လုပ်ငန်းအတွေ့အကြုံ မရှိ၇င် ထည့်ရေးသင့်သည့်အချက်များ
Achievements need not be work-related, especially for young people with little work history.
Structure of an Achievement
An achievement consists of three components:

Using a particular skill.
Carrying out a particular activity.
Getting a measurable / quantifiable result / benefit.
ဥပမာ : leadership

teamwork
creativity
initiative
problem-solving စသည်တို့ကို ထည့်ရေးရန်ဖြစ်သည်။
Technical Skills ကျွမ်းကျင်မှုများ
Computer
Languages
Other Skills
Career History (Working Experience) လုပ်ငန်းအတွေ့အကြုံ
job title/function/responsibilities - industry/sector-Period

Position-
Company Name-
Period

25/12/2022

Taking Advantages of Computer Mouse
Input device ဖြစ်တဲ့ Mouse ကို အသုံးပြုတဲ့အခါ အထောက်အကူပြုစေမည့် Functions လေးတွေရှိနေပါတယ်...
1. Single Left Click
Item တွေတစ်ခုချင်းကို select ပေးဖို့အတွက်ဖြစ်ပါတယ်။
စာပိုဒ်ထဲမှာ မှာဆိုရင်တော့ လိုချင်တဲ့နေရာမှာ mouse cursor နေရာချဖို့အတွက်သုံးပါတယ်။
2. Double Left Click
Item တွေကို ဖွင့်ဖို့ အတွက် သုံးနိုင်ပါတယ်။
Paragraph ထဲမှာဆိုရင်တော့ စကားလုံး တစ်လုံးကို select လုပ်ဖို့ဖြစ်ပါတယ်။
ဖွင့်ထားတဲ့ Tab ရဲ့ top bar ကို double left click ပေးပြီး maximize or minimize လည်း လုပ်နိုင်ပါတယ်။
3. Triple Left Click
Notepad, Web pages, MS Word စတာတွေမှာ စာပိုဒ်တစ်ခုလုံးကို select ပေးဖို့အတွက်သုံးနိုင်ပါတယ်။
4. Single Right Click
Select ပေးထားတဲ့ Item ရဲ့ properties or menu ကို ဖွင့်ဖို့အတွက်ဖြစ်ပါတယ်။
5. Scroll Wheel
Pages တွေမှာ အပေါ် အောက် ရွှေ့ဖို့အတွက်အသုံးနိုင်ပါတယ်။
6. Middle Click (Scroll Wheel Click)
Scroll Wheel အောက်မှာ ခလုပ်တစ်ခုရှိပါတယ်။ ဒါကြောင့် scroll wheel ကိုမလှည့်ပဲ တစ်ချက် နှိပ်လိုက်မယ်ဆိုရင်တော့ အပေါ်အောက် သွားဖို့ အတွက် mouse ကို ရွှေ့လိုက်တာနဲ့ Pages တွေဟာ auto Up or Down ရွေ့နေမှာဖြစ်ပါတယ်။
7. Ctrl + Scroll Wheel
Ctrl key ကို နှိပ်ထားပြီး Scroll wheel ကို လှည့်ခြင်းဖြင်း Zoom In or Zoom Out အတွက်အသုံးပြုနိုင်ပါတယ်။
File Explorer ထဲမှာ ဆိုရင်‌တော့ view types တွေကို ချိန်းဖို့အတွက်ဖြစ်ပါတယ်။
8. Ctrl + Double Left Click
Ctrl key ကိုဖိထားပြီး select ပေးချင်တဲ့ စကားလုံးတွေကို left click နှစ်ချက်နှိပ်ခြင်းဖြင့် MS Office ထဲမှာ multiple words တွေကို select လုပ်နိုင်ပါတယ်။
9. Single Left Click+ Left Click
Item တစ်ခုကို left click တစ်ချက်နှိပ်ပြီး ခဏကြာရင် left click တစ်ချက် ထပ်နှိပ်ခြင်းအားဖြင့် rename လုပ်ဖို့ အတွက် အဆင်သင့်ဖြစ်နေပါလိမ့်မယ်။
10. Holding Down Left Click + Dragging
Items တွေကိုနေရာရွှေ့ဖို့ သို့မဟုတ် copy or move and paste လုပ်ဖို့အတွက်သုံးနိုင်ပါတယ်။
Paragraph မှာတော့ စကားလုံးတွေ စာပိုဒ်တွေကို select လုပ်ဖို့အတွက်သုံးပါတယ်။
11. Pressing Down S**t Key + Single Left Click
Select ပေးချင်တဲ့ စကားစု အစမှာ mouse cursor ချထားပေးပါ။ S**t key ကို ဖိထားရင်း လိုချင်တဲ့ နေရာရောက်ရင် တော့ left click တစ်ချက်နှိပ်လိုက်တာနဲ့ ကြားထဲကစကားလုံးတွေကို selected ဖြစ်သွားပါလိမ့်မယ်။
⭐⭐⭐

14/12/2022

Window Update ပိတ်နည်း...
ကိုယ်စက်က Generation နိမ့်တယ်ဆိုရင် ပိတ်ထားတာ ကောင်းပါတယ်။
Windows Update ပိတ်နည်း (၁)
WIN + R => services.msc ထည့်ပါ။
ကျလာတဲ့ ဘောက်မှာ Windows Update ပေါ် Double-Click နှိပ်ပြီး
Properties ကိုနှိပ်ပြီး
Startup Type : မှာ Disabled ကို ရွေးပါ။
Service Status မှာ Stop Button ကို နှိပ်ပါ။ ပြီးရင် OK နှိပ်ပါ။
Windows Update ပိတ်နည်း (၂)
Start Menu က Settings ကို ရွေးပါ။ Update & Security ကို ပြန်နှိပ်ပါ။
Advanced options ကို ထပ်နှိပ်ပေးပါ။
Pause Updates ကို Off ပေးထားလိုက်ပါ။ ဒါဆို ရပါပြီ။
Windows Store Apps Update ပိတ်နည်း
Start Menu + Pause Updates ကို Off ပေးထားလိုက်ပါ။
Search မှာ Store လို့ရိုက်ထည့်ပြီး Windows Store ကို ရွေးပါ။
ညာဘက်ဒေါင်းက အစက်အပြောက် သုံးစက်ပေါ်ကို နှိပ်ပြီး
Sign in ဝင်ရတဲ့ နေရာအောက်က Settings ကို ရွေးပြီး ။
Update Apps ကို OFF လုပ်ပေးထားပါ။
Automatic Driver Updates ပိတ်နည်း
Start Menu + Search မှာ Advanced လို့ရိုက်ထည့်ပြီး
ကျလာတဲ့ ဘောက်လေးမှာ Type: ကို Hardware ကိုရွေးထားပြီး
Device Installation Settings ကို နှိပ်ပေးပါ။
ပြီးရင်တော့ အဲ့မှာ No ကို ရွေးပေးထားပြီး Save Changes ပေးလိုက်ပါတယ်ဗျာ။
ဒါဆိုတော့ Windows (၁၀) သုံးစွဲသူ
အခြေခံလေ့လာနေသူများအတွက် Update ပိတ်နည်းခြင်းဖြင့်
Windows 10 ကို ကောင်းမွန်စွာ အသုံးပြုနိုင်ပါပြီ။

13/07/2022

ကွန်ပျူတာ အသုံးပြုသူတိုင်း ကြုံတွေ့ရတတ်တဲ့ ကွန်ပျူတာပြဿနာ(၁၀)မျိုး ဖြေရှင်းနည်း နှင့်အဖြေများ
====================================
ကွန်ပျူတာ ပြဿနာ (၁၀) မျိုးနှင့် အဖြေများအား ပုံနှင့်တကွ စုစည်းပြီး ဖော်ပြပေးလိုက်ပါတယ်။ပုံကို ထောက်ပြီး တစ်ပုံချင်းစီ ဖတ်ပေးပါ။ ။
-
(၁) Dsktop Sereen ဇောက်ထိုး/ဘေးစောင်းဖြစ်သွားလို့ ဘယ်လိုလုပ်ရမလဲ။
Keyboard က Ctrl+Alt+ Arrow Key ➡️⬇️⬅️⬆️ တွေ ကို နှိပ်ပြီး Screen ကို လိုသလို ပြန်ပြောင်းပါ။ ဇောက်ထိုးဖြစ်ရင် Ctrll+Alt နဲ့ အပေါ်မျှား ⬆️ ကိုႏွိပ္ပါ။
မနှိပ်တတ်ရင် Windows Display Setting ထဲက Display Orientation ကို ပြန်ပြောင်းပါ။
-
(၂) Wifi ချိတ်မရတာ ဘာ့ကြောင့်လဲ။
Desktop ဆိုရင် Wifi Chip/Card မပါလာတာကြောင့် Wifi မရတာများပါတယ်။ Laptop ဆိုရင်တော့ Wifi Adapter Driver File ကို Install လုပ်ထားခြင်းကိုပြန်စစ်ပါ။ Driver Update လုပ်ပါ။
(Driver File များသည် ထုတ်လုပ်သော Laptop ၏ ကုမ္ပဏီမှဖြန့်ချီသော File များဖြစ်၍ Laptop အမျိုးအစား Model ကို သိရှိနားလည်မှသာ ပြုလုပ်သင့်သည်။)
တချို့ Laptop များ၏ ကီးဘုတ်မှ Function Key (F- Key) များတွင် Wifi Key တစ်ခုပါတတ်သည်။ ဥပမာအားဖြင့် F4-F5-F12 Key များဖြစ်တတ်သည်။ ထိုကီးများကို Fn နှင့်တွဲနှိပ်မိရင်ဖြစ်စေ ဒီအတိုင်း မှားနှိပ်မိရင်ဖြစ်စေ Wifi ပျောက်တတ်ပါတယ်။
-
(၃) ကွန်ပျုတာမှာ Google Playstore ထည့်ပြီး App တွေဘယ်လိုသွင်းရသလဲ။
Windows စနစ် အသုံးပြုသောကွန်ပျူတာသည် Android စနစ်မဟုတ်သဖြင့် Google Playstore သို့မဟုတ် App တွေကို တိုက်ရိုက် ထည့်သွင်းအသုံးပြု၍မရပါ။ အသုံးပြု၍ ရအောင် ကြားခံ Emulator သို့မဟုတ် Virtualization နည်းပညာတစ်ခုခု သုံးရပါသည်။ ဥပမာ Bluesteak/MEMU Play ကို အရင်ထည့်သွင်းရပါသည်။ ထိုသို့ထည့်သွင်းရာတွင် ကွန်ပျူတာ၏ စွမ်းဆောင်ရည်နှင့် RAM ပမာဏများစွာလိုအပ်သဖြင့် တော်ရုံ RAM/CPU ရှိသော ကွန်ပျူတာများ မထည့်သွင်းနိုင်ပါ။
Wikdows 11 တွင် Android Subsystem အသုံးပြု၍ရသော်လည်း Google Play Service များအလုပ်မလုပ်ပါ။ Amazon Store သာ အလုပ်လုပ်ပါသည်။
-
(၄) Windows အတက်တွင် BSOD အပြာရောင် Screen တက်လာပြီး Error ဖြစ်လာရင် ဘယ်လိုလုပ်မလဲ။
အပြာရောင် Screen ဖြစ်ပေါ်လာသည့် ပြဿနာရင်းမြစ်များစွာရှိပါသည်။ တချို့မှာ Hardware ကြောင့်ဖြစ်သလို တချို့မှာ Software ကြောင့်ဖြစ်ပါသည်။ တချို့မှာ System Repair/Restore လုပ်ခြင်း တင်ထားသော Update များကိုဖြုတ်ချခြင်းဖြင့်ကောင်းသွားတတ်သလို တချို့မှာ Windows Repair လုပ်ရုံဖြင့် ပြန်မကောင်းတတ်ကြပါ။ အဲဒါကြောင့် ဖျက်မရသော Data များရှိလျှင် နားလည်သည့် Services Technician နှင့် ‌ဆွေးနွေးသင့်ပါတယ်။
Boot Option များ/System File Error များ/RAM/GPU Error များအစရှိသဖြင့် Hardware နှင့် Software များကြောင့်ဖြစ်ပေါ်လာသော Computer Memory Dump ကွန်ပျူတာမှတ်ဉာဏ်ပြုတ်ကျခြင်းဖြစ်စဉ်ကြောင့် BSOD ဖြစ်ပေါ်ခြင်းဖြစ်ပါတယ်။ BSOD နှင့်ပတ်သက်ပြီး တပွဲတိုး ဖြေရှင်းနည်းမရှိတာကို အသုံးပြုသူတွေသတိထားသင့်သည်။
-
(၅) Laptop တွင် Touch Pad ဘာ့ကြောင့်‌ ရွှေ့မရတာလဲ။
Touchpad များရွှေ့မရခြင်းမှာ Driver File Error ကြောင့်ဖြစ်သလို Laptop ကီးဘုတ်မှ Fn + Touchpad key မှားနှိပ်မိတာကြောင့်လည်းဖြစ်တတ်ပါသည်။ တချို့ Laptop များတွင် Fn ခလုတ်ကို အမြဲ On ထားတတ်သဖြင့် Touchpad ခလုတ်ဖြစ်သော (ဥပမာ F7) ကို မှားနှိပ်မိလျှင်ဖြစ်တတ်သည်။ Touchpad Key သည် Laptop မော်ဒယ်နှင့်အမျိုးအစားအလိုက် F5-F6/F7/F9 အစရှိသဖြင့် သတ်မှတ်ထားကြသည်။ Fn Key မှားနှိပ်ခြင်းမဟုတ်လျှင် Hardware Error ဖြစ်တတ်သည်။
-
(၆) Laptop သုံးနေရင်း Screen ဘာကြောင့်ပိတ်ပိတ်သွာသလဲ။
တချို့မှာ ကီးဘုတ်တွင်ပါဝင်သော Screen Sharing ခလုတ်ဖြစ်သော F6 ကဲ့သောသို့ ခလုတ်များကို မှားနှိပ်ခြင်းကြောင့်ဖြစ်သည်။ Touchpad နှင့် Wifi များကဲ့သို့ပင် Screen Sharing အတွက် Key တစ်ခုကို Laptop ၏ F Key များထဲတွင်ပါဝင်သည်။ ဥပမာ(F6-F8) ဖြစ်သည်။
-
(၇) Welcome Screen ပေါ်ပြီး ဘာ့ကြောင့် Windows ထဲဝင်မရဖြစ်တာလဲ။
Windows Update သို့မဟုတ် အင်တာနက်တွင် Microsoft Account တစ်ခုခုကို ဝင်မိသည့်အခါ သို့မဟုတ် Windows Office Application တစ်ခုခုသုံးရင် အင်တာနက်ချိတ်ပြီးချိန် ကွန်ပျူတာကို ပိတ်ပြီး ပြန်ဖွင့်လျှင် ထိုပြဿနာဖြစ်တတ်သည်။ တခါတရံ သုံးနေရင် ခဏနားထားချိန် Log on Screen ပေါ်လာပြီး Mouse ပဲရွှေ့ရပြီး ဘာမှနှိပ်မရဖြစ်တတ်သည်။ အဲဒီအချိန် Ctrl+Alt+Delete ကို နှိပ်ပြီး Windows User Name ပေါ်အောင်လုပ်ပြီးပြန်ဝင်ခြင်းဖြင့် ပြဿနာအများစုကိုဖြေရှင်းနိုင်ပါသည်။
-
(၈) Zoom Meeting လုပ်နေချိန် Error တက်ခြင်း BSOD ဖြစ်ခြင်း၊ Windows ပြုတ်ကျခြင်းကို ဘယ်လိုဖြေရှင်းမလဲ။
Zoom/YouTube တို့၏ အခမဲ့အသုံးပြုသော Version များတွင် Hardware Performance ကို အသုံးပြုမှုများပြားလျှင် BSOD ဖြစ်တတ်သည့်အတွက် Zoom ကိုဖွင့်ထားချိန် Taskbar တွင်ရှိသော Zoom Icon မှ Setting ထဲတွင် နှိပ်၍ Advanced ထဲတွင် Hardware Performance ကိုဖြုတ်ပြီး Computer ကို Restart လုပ်ပြီး Zoom ကို ပြန်လည်အသုံးပြုခြင်းဖြင့် ထိုပြဿနာအများစုကို ဖြေရှင်းနိုင်ပါသည်။ တချို့ ကွန်ပျူတာများတွင် Model နှင့် Hardware လိုအပ်ချက်/Driver File/ Connection တို့ မကိုက်ညီသဖြင့် Error တက်ခြင်းများကိုတော့ အသေးစိတ်ဖြေရှင်းရပါမည်။
-
(၉) ကွန်ပျူတာများတွင် Microphone မိုက် သုံးလို့မရခြင်း။
Desktop ကွန်ပျုတာများတွင် Microphone မပါဝင်သဖြင့် မိုက်သီးသန့်တပ်ဆင်ရပါမည်။
Laptop များတွင်လည်း Built In Microphone မပါဝင်သော မော်ဒယ်နှင့် ပါဝင်သောမော်ဒယ်ဟူ၍ ရှိသဖြင့် ပါမပါစစ်ဆေးရပါမည်။
မိုက်ကရိုဖုန်းတပ်ဆင်ရာတွင် မိမိအသုံးပြုသော Desktop သို့မဟုတ် Laptop မှ Jack ဂျပ်ပင်ပေါက်သည် မိုက်ကရိုဖုန်းအတွက်သီးသန့်အသုံးပြုသောအပေါက် သို့မဟုတ် နားကြပ်/Audio Out နှင့် ပူးတွဲအသုံးပြု၍ရမရ စစ်ဆေးရပါမည်။ တချို့ကွန်ပျုတာမော်ဒယ်နိမ့်များတွင် Combo Jack အဖြစ် တစ်ပေါက်တည်းတွင်ပူးတွဲအသုံးပြု၍မရပဲ Mic အတွက်သီးသန့်အပေါက်ပါဝင်သဖြင့် သီးသန့်မိုက် သို့မဟုတ် သီးသန့်မိုက်ခေါင်းပါဝင်သော နားကြပ် Headset ကို အသုံးပြုရပါမည်။
Audio Driver File များ Update မဖြစ်လျှင် သို့မဟုတ် Install လိုအပ်ချက်ရှိလျှင်လည်း Mic အသုံးပြုမရပါ။
-
(၁၀) Windows နဲ့ Software များ ကို Download လုပ် Install လုပ်လျှင် ဘာ့ကြောင့် Error များဖြစ်သလဲ။
၎င်းပြဿနာအများစုကိုဖြစ်စေတဲ့အဓိက အချက်မှာ User များကြောင့်သာအဓိကဖြစ်ပါသည်။
-
- Install ပြုလုပ်သူအများကိုယ်တိုင် Windows နှင့် File System ဖိုင်စနစ်များ ဖိုင်အမျိုးအစားများကို လုံးဝနားမလည်ပဲ ဖုန်းကဲ့သို့ အလွယ်တကူ Install ပြုလုပ်ရမည်ဟု ယူဆကြခြင်း။
-
- မိမိတို့ကိုယ်တိုင် အခြေခံနှင့် သီအိုရီများကို စနစ်တကျမလေ့လာပဲ Youtube မှ တပွဲထိုးဖြေရှင်းနည်းများကို အားကိုးလွန်းခြင်း။
(နိုင်ငံတကာမှလွှင့်တင်ထားသော YouTube မှ ဖြေရှင်းနည်းအများစုသည် ကွန်ပျူတာအခြေခံပညာရေးစနစ်သင်ကြားခဲ့သော နိုင်ငံတကာမှ User များအတွက် သို့မဟုတ် အခြေခံပိုင်နိုင်သူများအတွက်သာသင့်လျှော်သည်။ )
-
- Computer နည်းပညာသည် နိုင်ငံတကာတွင် မူလတန်းမှစတင်ပြီး သင်ရိုးထည့်ကာ တက္ကသိုလ်များတည်ထောင် ဘွဲ့များ‌ပေးကာ စနစ်တကျသင်ကြားပေးသော ပညာရပ်တစ်ခုဖြစ်သော်လည်း မြန်မာနိုင်ငံတွင် ပြည်တွင်းပညာရေးစနစ်နှင့် ဖွံဖြိုးမှုကြောင့် တပွဲတိုးနည်းလမ်းများအားကိုးပြီး ပြင်ပသင်တန်းများကိုသာ အရွယ်ရောက်ပြီးမှတက်ရောက်ကြခြင်း။
-
- အလုပ်နှင့် ခေတ်စနစ်လိုအပ်ချက်ကြောင့် ကွန်ပျူတာများကို အလွယ်တကူဝယ်ယူအသုံးပြုခွင့်ရကြသော်လည်း အများစုမှာယခုမှ စတင်ကိုင်တွယ်ဖူးကြခြင်းတို့ကြောင့်ဖြစ်ပါသည်။
-
ကွန်ပျူတာ ဆိုသည်မှာ စာစီစာ
ရိုက်ရုံပဲဟုသောအတွေးအခေါ်ရှိခဲ့သော သူများမှ နိုင်ငံကို နှစ်ပေါင်းများစွာဦးဆောင်ခဲ့ခြင်းကြောင့် ကွန်ပျုတာနှင့်ပတ်သတ်သော နည်းပညာနိုးကြားမှုမှာ နှစ်ပေါင်း များစွာခေတ်နောက်ကျခဲ့ခြင်းဖြစ်ပြီး ပြည်တွင်းကွန်ပျူတာ User များထဲတွင် ‌မျိုးဆက်အလိုက် ထိုပြဿနာများ ဖြစ်‌နေခြင်းဟုသုံးသပ်မိသည်။
သင့်အတွက် တစ်စုံတစ်ရာ အကျိုးရှိတယ်ဆိုရင်
အခြားသူများကိုလည်း ပြန်လည် မျှဝေပေးပါ။
#မူရင်းPostအားလေးစားစွာဖြင့်Creditပေးပါသည်

22/06/2022

Laptop ဝယ်ယူတဲ့အခါမှာ Battery ခံလား မခံလားဆိုတာ အရမ်းကို အရေးကြီးပါတယ်၊ အထူးသဖြင့် အခုလို မီးခဏခဏ ပျက်နေတဲ့ အချိန်မှာ Laptop Battery က အားမခံဘူးဆိုရင် ဘာမှ လုပ်လို့ရမှာ မဟုတ်ပါဘူး။
အသစ်ဝယ်တာပဲ ဖြစ်ဖြစ်၊ Showroom Display အလုံး ဝယ်တာပဲ ဖြစ်ဖြစ်၊ Second ဝယ်တာပဲ ဖြစ်ဖြစ် Battery က ကောင်းသေးလား မကောင်းတော့ဘူးလားဆိုတာ သေချာ စစ်တတ်ဖို့ လိုပါတယ်၊ ကိုယ်ဝယ်လာပြီးမှ Battery ကမခံလို့ အသစ်လဲရမယ်ဆိုရင် အနည်းဆုံး ၅ သောင်း ၆ သောင်း ကုန်ကျမှာ ဖြစ်ပါတယ်၊ ဒါကြောင့် Laptop Battery ကောင်း မကောင်း စစ်ဆေးနည်းကို မျှဝေပေးလိုက်ပါတယ်။
အောက်မှာလည်း ပုံနဲ့ ပြပေးထားပါတယ်။
အဆင့် (၁)
➖➖➖➖
cmd ကို Run as administrator နဲ့ ဖွင့်ပါ၊
အဆင့် (၂)
➖➖➖➖
powercfg /batteryreport လို့ရိုက်ပြီး Enter နှိပ်ပါ၊
C:\ နဲ့ စတဲ့ file path တွေ့ပါလိမ့်မယ်၊
အဲဒါကို start နဲ့ file path ကို ဖွင့်ပါ၊
အဆင့် (၃)
➖➖➖➖
Battery report ဖွင့်လာပါလိမ့်မယ်၊
Design Capacity နဲ့ Full Charge Capacity က တန်ဖိုးတွေကို အသုံးပြုပေးရမှာပါ၊
Design Capacity (DC) နဲ့ Full Charge Capacity (FCC) တန်ဖိုးတွေ ရလာပြီဆိုရင် စ တွက်လို့ ရပါပြီ။
Formula က DC ထဲက FCC ကို နှုတ်ပြီး DC နဲ့ ပြန်စားပါ၊ ပြီးရင် ရာခိုင်နှုန်းပြောင်းဖို့ 100 နဲ့ မြှောက်ပေးရပါမယ်။
{ ( DC-FCC ) / DC } x 100
ာခိုင်နှုန်း (%) တန်ဖိုး နည်းလေ Battery က ကောင်းလေ ဖြစ်ပါတယ်။
ဆိုင်ကနေ အသစ်ဝယ်ရင် 1 to 5% အတွင်း ဖြစ်ရပါမယ်၊ Second ဝယ်ရင်လည်း 10% မကျော်တဲ့ဟာဆိုရင် Battery က ပိုကောင်းပါတယ်၊ 30%, 50% ဖြစ်တဲ့ဟာဆိုရင်တော့ မဝယ်သင့်တော့ပါဘူး။
Laptop ဝယ်မယ့်သူတွေအတွက် အထောက်အကူ ဖြစ်လိမ့်မယ်လို့ မျှော်လင့်ပါတယ်။

22/06/2022

Motherboard model ကိုစစ်ဆေးနိုင်မယ့် နည်းလမ်း (၃)ခု
-------------------------------------------------------------------
၁။ using command prompt
Cmd ကိုဖွင့်ပြီး အောက်ပါအတိုင်းရိုက်ပေးပါ။
wmic baseboard get product, manufacturer, version, serialnumber
၂။ windows key + R >> msinfo32
၃။ using third party software (cpuz)
Credit….

Green Apple ကွန်ပျူတာနည်းပညာ

18/03/2023

18/03/2023

04/02/2023

28/12/2022

25/12/2022

14/12/2022

13/07/2022

22/06/2022

22/06/2022

Address

Website

Alerts

Shortcuts

Share