Rock & Metal News

24/11/2024

Break The Curse တို့သီချင်းသစ် ထွက်ထားတာပဲ

Break The Curse - Fade out ( Official Music Video ) Produced by Break The CurseMixing & Mastering - Pyae WaDirected by Break The CurseDirector of Photography...

23/11/2024

Linkin Park တို့ရဲ့ ရှေ့တစ်ပါတ်က ထွက်ရှိထားတဲ့ အယ်ဘမ်သစ် From Zero ဟာ UK မှာ နံပါတ်တစ် ဖြစ်သွားကြောင်းပါတဲ့။

ဒါဟာ ၂၀၁၂ ကထွက်ခဲ့တဲ့ Living Things အယ်ဘမ်ပြီးတဲ့နောက် ပထမဆုံး Top ပြန်ဖြစ်ခဲ့တာပါ။

ဒ့ါအပြင် ဩဇီ၊ ဂျာမနီ၊ အီတလီ၊ နယူးဇီလန် စတဲ့နိုင်ငံများမှာလည်း နံပါတ်တစ် ဖြစ်ထားပြီး US မှာ ဘယ်လောက်အမြင့်ပျံမလဲဆိုတာတော့ ကြည့်ရဦးမှာပါ။

22/11/2024

Three Days Of Grace ရဲ့ သီချင်းသစ် ထွက်လာပြီ။ ၁၁ နှစ်အတွင်း Adam Gortier ပါဝင်လာတဲ့ သီချင်းပါ။

Pre-save “Mayday” out November 22nd: https://3dg.lnk.to/Mayday Follow Three Days Grace:Website: https://threedaysgrace.com/Instagram: https://instagram.com/t...

20/11/2024

SKUMFEST တဲ့ - အလကားကြည့်ခွင့်ရမယ်တဲ့ / သွားလိုသူများအတွက် ... 🫵🤘

19/11/2024

Stadium Tour အနေနဲ့ ပွဲပေါင်း ၁၀ ပွဲကျင်းပဖို့ လုပ်ထားတဲ့ My Chemical Romance တို့ ပွဲလက်မှတ်တွေ ရောင်းကောင်းနေကြောင်း သိရပါတယ်။

နာရီပိုင်းအတွင်းမှာတင် လက်မှတ်ပေါင်း ၃၆၅,၀၀၀ ကျော်ရောင်းကုန်ခဲ့ပြီး၊ ဝယ်လိုအားမြင့်တာကြောင့် Dodger Stadium မှာတစ်ပွဲတောင် တိုးလိုက်ရပါတယ်။

ရှေ့လ အောက်တိုဘာတုန်းက When We Were Young ပွဲတော်မှာ The Black Parade အယ်ဘမ်ကို တချပ်လုံးပြန်ဖျော်ဖြေခဲ့ပြီးနောက်၊ ရှေ့နှစ်မှာ ဒီအယ်ဘမ်ကို celebrate လုပ်ဖို့ ဒီ tour ဖြစ်လာတာပါ။

၂၀၀၆ တုန်းကထွက်ခဲ့တဲ့ The Black Parade ဟာ သူတို့ရဲ့ အအောင်မြင်ဆုံး အယ်ဘမ်တချပ်ဖြစ်ပြီး Roling Stone မဂ္ဂဇင်းရဲ့ အချိန်တိုင်းအတွက် အကောင်းဆုံးအယ်ဘမ် ၅၀၀ စာရင်းမှာပါ ထည့်သွင်းခံထားရပါတယ်။

ကိုးကား - Blabbermouth
photo - Billboard

19/11/2024

Les Claypool ဦးဆောင်တဲ့ Primus တို့ဟာ ဝိုင်းအတွက် ဒရမ်မာအသစ်ရှာနေကြောင်း ထုတ်ပြန်ထားပြီး၊ မည်သူမဆို သူတို့ကို ဆက်သွယ်နိုင်ကြောင်းပါတဲ့။

သိပ်မကြာသေးခင်ကပဲ Tim Herb Alexander ထွက်သွားတာကြောင့် ဒရမ်မာလစ်လပ်​နေတာပါ။

ဓါတ်ပုံ - metal injection

15/11/2024

Chester Bennington အလွန်မှာ LP တို့အယ်ဘမ်သစ် ထွက်ရှိလာပါပြီ။ အဆိုသမားသစ် Emily Amrstrong ပါဝင်လာတဲ့ From Zero ကို ပရိတ်သတ်တွေ အတော်လေးမျှော်လင့်ထားကြမှာပါ။ LP သီချင်းဟောင်းတွေမှာ Emily ကိုသဘောမကျခဲ့သူတွေတောင် From Zero ထဲက ထွက်ခဲ့တဲ့ single တွေမှာတော့ သူ့ကို အမှတ်ပေးနေကြတာ တွေ့ရပါတယ်။

အောင်မြင်မယ့် အယ်ဘမ်ဆိုတာတော့ သေချာတာမို့ Chart တွေမှာ ဘယ်လောက်အထိ အမြင့်ပျံနိုင်မလဲဆိုတာကို စောင့်ကြည့်ရမှာပါ။

14/11/2024

ပြည်တွင်းက Power Metal ဝိုင်း Struggle From Samsara တို့ ဒရမ်မာသစ် ကြေငြာလိုက်ပါတယ်။ Khup Sian Sang ဖြစ်ပါတယ်။ အရင်က ပြည်တွင်း Thrash Metal ဝိုင်း KILL မှာလည်း တီးခဲ့ပါသေးတယ်။

photo - SFS

14/11/2024

LP တို့သီချင်းသစ် - ဟိုးအရင်တုန်းက သူတို့ပုံစံမျိုးကို ပြန်မြင်ရတယ်။

From Zero | The New Album | Available November 15th Pre-Order Now: https://lprk.co/fromzeroFollow Linkin Park: Tour Dates: http://lprk.co/tourOfficial Linkin...

13/11/2024

Tobias Sammet ရဲ့ အမိုက်စားပရောဂျက်ဖြစ်တဲ့ Avantasia ဟာ Na**lm Records နဲ့ လက်တွဲလိုက်ကြောင်း သိရပါတယ်။ 🔥

13/11/2024

Stadium Tour ကြေငြာလိုက်တဲ့ My Chemical Romance
➖➖➖➖➖➖➖

MCR တို့ပြန်လာပါပြီ။ ၂၀၀၆ တုန်းကထွက်ခဲ့တဲ့ သူတို့ရဲ့ နာမည်ကျော်အယ်ဘမ် The Black Parade ကို ​celebrate လုပ်တဲ့အနေနဲ့ မြောက်အမေရိက မြို့ကြီး ၁၀ မြို့မှာ Toue လုပ်သွားမှာပါ။

ကိုးကား - AP

12/11/2024

Metallica တို့နဲ့အတူ Tour ထွက်ချင်တဲ့ Chuck Billy
➖➖➖➖➖➖➖➖

Scars And Guitars podcast မှာ Chuck Billy တယောက် အခုလိုပြောလာခဲ့တာပါ။

" ငါ့ရဲ့နံပါတ်တစ်ဦးစားပေးက Metallica တို့နဲ့အတူ Tour ထွက်ချင်တာပဲ။ ငါတို့ရှေ့၊ငါတို့ဧရိယာမှာ ဖြစ်လာပြီး ဒီဂီတအတွက် လမ်းဖောက်ခဲ့ကြသူတွေ။ သူတို့နဲ့ Tour ထွက်ခွင့်တော့ တခါမှမရခဲ့ဘူး။ တစ်ပွဲစ နှစ်ပွဲစ၊ ပွဲတော်တွေမှာတော့ ကြုံဖူးပေမယ့် Tour တခါမှ မရှိဖူးဘူး။ "

ဒါ့အပြင် သူ့အနေနဲ့ James Hetfield ကို အဆိုသမားအနေနဲ့ မျှော်ကြည့်သလို၊ သူသီချင်းရေးတိုင်းမှာလည်း ဒီနေရာမှာဆို James ဘယ်လိုလုပ်လောက်သလဲဆိုတာမျိုးကိုပါ တွေးပါသတဲ့။

Chuck Billy ဟာ Metallica တို့နဲ့ tour ထွက်ချင်ကြောင်းကို ပြောတာအခုမှမဟုတ်ပဲ လွန်ခဲ့တဲ့ ၂၀၂၁ တုန်းကလည်း တခါပြောဖူးပါတယ်။

ကိုးကား - blabbermouth

10/11/2024

BFMV တို့ အယ်ဘမ်သစ်စကြပြီ
➖➖➖➖➖➖➖➖➖

Welsh မယ်တယ်ဝိုင်း Bullet For My Valentine တို့ဟာ သူတို့အယ်ဘမ်သစ်အတွက် စတူဒီယိုဝင်နေကြပြီလို့ သိရပါတယ်။ အယ်ဘမ်သစ်ကို ၂၀၂၅ မှာထွက်ရှိနိုင်ဖို့ မျှော်မှန်းထားကြကြောင်းပါတဲ့။

၁၉၉၈ ကတည်းကနေ စတင်ခဲ့ကြတဲ့ BFMV တို့ဟာ ပွဲဦးထွက်အယ်ဘမ်ကို ၂၀၀၅ မှာထုတ်နိုင်ခဲ့ပြီး အခုချိန်မှာတော့ အယ်ဘမ် (၇) ချပ်ထွက်ထားပြီး အခိုင်အမာနေရာတခု ထူထောင်ထားကြသူတွေပါ။

ကိုးကား - blabbermouth
photo - internet

08/11/2024

ပြည်တွင်းကတီးဝိုင်း FaiaFlai တို့ရဲ့ ပွဲဦးထွက်အယ်ဘမ် ထွက်ရှိလာပြီ ဖြစ်ပါကြောင်း။

https://gita.stream/GaGhaNaNaFP

Jam It! တို့ဆီကနေ ပြန်လည်ကူးယူဖော်ပြပါတယ်။