Balitang Tayug, Pangasinan (2024)

24/12/2024

Maligayang Noche Buena sa bawat pamilyang Pilipino! Nawa'y maging gabi ito ng pagmamahalan, tawanan, at masarap na salu-salo kasama ang mga mahal sa buhay. 🎄✨

23/12/2024

CASH BENEFIT, HINATID SA MGA BHWs, BNS, BSPIs, CDWS NG 1ST DISTRICT

Nagsama-sama ang libu-libong mga BHWS, BNS,BSPOs, at CDWS ng unang distrito ng Pangasinan nitong December 19 sa Don Leopoldo Sison Convention, Alaminos City at Plaza Enrique Gymnasium, Alaminos City para sa Christmas fellowship Program na handog ng Pamahalaang Panlalawigan.

Personal itong dinaluhan ni Governor Ramon V. Guico III, Vice Governor Mark Ronald Lambino kasama sina 1st district board member Nong Fontelera, Board Member Apple Bacay at Vice Mayor Jan Marionne Fontelera bilang kinatawan ni Mayor Arthur Bryan Celeste.

Labis na ipinagpasalamat ng mga barangay workers mula sa bayan ng Alaminos City, Bolinao, Mabini, Anda, Burgos, Dasol, Infanta, Bani Agno, at Sual ang natanggap na cash benfit mula sa Social Amelioration Program ng Pamahalaang Panlalawigan ng Pangasinan.

Ang ibinigay na benepisyo ay tanda ng pagkilala sa dedikasyon sa trabaho ng mga barangay workers.

Source: Province of Pangasinan

12/12/2024

14TH PROVINCIAL HEALTH SUMMIT AT LGU SCORECARD AWARDING, MATAGUMPAY NA IDINAOS

Matagumpay na idinaos noong Disyembre 6 ang 14th Provincial Health Summit at LGU Scorecard Awarding and Recognition sa pangunguna ng Pamahalaang Panlalawigan ng Pangasinan sa pamumuno ni Governor Ramon Mon-Mon Guico III, katuwang ang Department of Health (DOH).

May temang “UHC Pagyamanin, Collaborative Governance, Palakasin”, layunin ng pagtitipon na kilalanin ang mga lokal na yunit ng pamahalaan (LGUs) at health workers sa kanilang pagsusumikap sa pagpapabuti ng serbisyong pangkalusugan.

Sa pagbubukas ng programa, hinikayat ni Health Committee Chairperson Board Member Shiela Marie F. Baniqued ang pagkakaisa upang maisakatuparan ang layunin ni Governor Guico na gawing pinakamalusog ang Pangasinan. Pinuri rin ni PGO Consultant Atty. Christine Jamie Melchor ang walang sawang pagsisikap ng mga health workers para sa komunidad.

Sa forum ng health workers, tinalakay ang mahahalagang usapin tulad ng Anti-Smoking Ordinance, diabetes management, at integrasyon ng primary care. Kabilang sa mga tagapagsalita ay sina Rommel R. Arriola ng ASH Philippines, Dr. Lalaine P. Legaspi-Duque ng Diabetes Philippines Pangasinan Chapter, at DOH-ROI Director III Ard. Pretchell P. Tolentino.

Pinarangalan din ang mga bayan, siyudad, at LGUs ng Pangasinan sa pamamagitan ng scorecards para sa kanilang kontribusyon sa iba’t ibang larangan tulad ng immunization, rabies prevention, maternal health, at disaster risk reduction. Tumanggap din ng pagkilala ang natatanging health workers at LGUs na nanguna sa mga programang pangkalusugan.

Naging posible ang tagumpay ng programa sa suporta ng Sangguniang Panlalawigan, mga opisyal ng DOH, at iba’t ibang partner agencies, na patuloy na nagkakaisa para sa mas malusog at mas maayos na Pangasinan.

Source: Province of Pangasinan

11/12/2024

6,433 MAG-AARAL NG PSU LINGAYEN, TUMANGGAP NG PINANSIYAL NA TULONG SA ILALIM NG AICS PROGRAM NG DSWD

Isinagawa kamakailan ang ceremonial awarding ng Assistance to Individuals in Crisis Situations (AICS) program ng Department of Social Welfare and Development (DSWD) para sa 6,433 mag-aaral ng Pangasinan State University (PSU) Lingayen Campus.

Pinangunahan ng Vice Governor Mark Ronald DG. Lambino at dating DILG Secretary Atty. Benhur Abalos ang programa. Sa kanyang mensahe, hinimok ni Atty. Abalos ang mga mag-aaral na magpatuloy sa pagsusumikap. “Yung sigaw natin kanina, keep that fire in your heart. The principles that the school has taught you, yan ang importante. Mag-aral kayo. You are the pride of your family, the pride of Pangasinan,” aniya.

Lubos naman ang pasasalamat ng mga estudyante sa natanggap nilang tatlong libong pisong tulong-pinansyal na malaking maitutulong sa kanilang gastusin sa kolehiyo. Ayon sa isang mag-aaral, “Grateful po kami sa ginawang program ng DSWD, malaking help po ito sa amin lalo na pong mga tourism student. I hope hindi lang PSU ang matulungan nila.”

Dumalo rin sa seremonya sina 2nd District Board Member Haidee Pacheco, Board Member Philip Theodore Cruz, at PSU President Dr. Elbert Galas.

Matapos ang programa, nagtungo si Atty. Abalos sa Urduja House para sa isang courtesy call kay Governor Ramon V. Guico III.

Sa pakikipagtulungan ng Pamahalaang Panlalawigan sa pamumuno ni Gov. Guico, tiniyak na magpapatuloy ang mga programang susuporta sa edukasyon ng kabataang Pangasinense.

Source: Province of Pangasinan

11/12/2024

BAGONG CAMPUS NG PANGASINAN POLYTECHNIC COLLEGE, ITATAYO SA BASISTA PARA SA EDUKASYON NGA MGA KABATAAN

Isinagawa kamakailan ang isang mahalagang pagpupulong kasama ang mga barangay officials at iba pang lider ng bayan ng Basista, kung saan tinalakay ang mga proyektong magdadala ng mas maliwanag na kinabukasan para sa probinsya ng Pangasinan.

Isa sa mga highlight ng pulong ay ang plano para sa pagtatayo ng karagdagang campus ng Pangasinan Polytechnic College. Ang proyektong ito ay naglalayong magbigay ng libreng at de-kalidad na edukasyon, na tiyak na makatutulong upang mas maraming kabataan ang maengganyong ipagpatuloy ang kanilang pag-aaral.

Ang mga ganitong hakbangin ay itinuturing na mahalagang bahagi ng adbokasiya ng pamahalaan para sa pag-unlad ng edukasyon at kabuhayan ng mga residente. Sa suporta ng mga lider ng bayan, asahan ang mas maraming proyektong maghahatid ng pagbabago sa Pangasinan.

Source: Ramon Mon-Mon Guico III

09/12/2024

VOLUNTEERISM AWARD, IPINAGKALOOB SA
MGA NATATANGING OFWS FAMILY ASSOCIATIONS AT MIGRANT DESK OFFICERS

Ipinagkaloob ng Pamahalaang Panlalawigan sa pamamagitan ng Pangasinan Migration and Development Council (PMDC) ang volunteerism award sa
mga natatangingOverseas Filipino Workers (OF/Ws) Family Associations at Migrant Desk Officers.

Ito na ang ikalawang taon ng Bolun Awards na inilunsad sa ilalim ng pamumuno ni Governor Ramon V. Guico III bilang pagpupugay sa pagsisikap at sakripisyo ng mga Overseas Filipino Workers.

Ang OFWs Family Associations na tumanggap ng parangal ay ang mga sumusunod:
Calasiao OFW Family Association(4th runner-up); Villasis OFW & Families Association (3rd runner-up); Federation of Bayambang Overseas Workers, Inc. (2nd runner-up); Infanta OF/W Family Association (1st runner-up); at Sto. Tomas OF/W Family Association (Champion).

Outstanding Migrant Desk Officers:
Rogelio P. Montoya II. (4th runner-up); Dr. Arnel Arimas
(3rd runner-up);Joseph G. Ong
(2nd runner-up); Erwin F. Quiton
(1st runner-up); at Marites M. Notario (Champion).

Ang mga Bolun Awardees para sa OFW Family Associations ay pinagkalooban ng Certificates of Recognition, Tokens, at cash prizes na nagkakahalaga ng P5,000 para 3rd and 4th runner-up, P15,000 para sa 2nd runner-up, P20,000 sa 1st runner-up, at P25,000 sa Champion. Para naman sa Outstanding Migrant Desk Workers sila ay nabigyan ng P1,000 para sa 3rd at 4th runner-up, P2,000 para sa 2nd runner-up, P4,000 para sa 1st runner-up, at P6,000 para sa Champion.

Nagkaroon din ng Awarding of Certificates of Appreciation at Tokens para sa mga partner LGUs PESO Managers & Migrant Desk Officers, Bolun Awards Top 14-17 Finalists, at Awarding of Certificates, Tokens, and Consolation Prizes para sa Bolun Awards Top 6-13 Finalist.

Source: Province of Pangasinan

09/12/2024

MGA NAGWAGI SA GAWAD F. SIONIL JOSE LITERARY WRITING CONTEST, PINARANGALAN NA

Ginawaran na ng parangal ang mga nagwagi sa Gawad F. Sionil Jose Literary Writing Contest in Pangasinan and Ilokano Languages sa Pangasinan Training and Development Center II.

“Ang seremonya po ng paggawad ng Gawad F. Sionil Jose Literary Writing Contest ay isa sa mga pangarap po ng ating gobernador bilang isang advocate ng literary arts at iba pang aspeto ng kultura at arts dito po sa ating probinsya. Naniniwala po ang gobernador natin na napakaimportantengbhindi po natin nalilimutan ang ating kasaysayan,” pahayag ni Vice Governor Mark Ronald Lambino sa programa.

Narito ang kumpletong listahan ng mga nanalo:

PANGASINAN LITERATURE
POETRY WRITING (YOUTH DIVISION)
1st Place - SARAY SANKAMASNAGAN A DUNONG NA WALAD BULONG A LITERATURA ni GLORIOUS ZAHARA EXYLIN C. ALESNA
2nd Place - MANKIDYAM, MANKIRLAP, MANDARLANG ni GLORIOUS ZAVANNA
3rd Place - SARAY PANAGSUKISOK ni ALLEN RAY NEPASCUA

ESSAY WRITING (YOUTH DIVISION)
1st Place - SAY INKASANTO NA ASIN ni GLORIOUS ZAVANNAH EXYLIN C. ALESNA
2nd Place - SAY SILABIKA NA TALONGGARING A NISULAT ED LIMA YA AWARAN ni GLORIOUS ZAHARA EXYLIN C. ALESNA
3rd Place - PANGASINAN: MATALUNGGARING KON DAYAT ni ALLEN RAY NEPASCUA

POETRY WRITING (ADULT DIVISION)
1st Place - SAY BELAT TAN ANOS NA SARAY ORDINARYON BENGATLA ni GLORIA CAGUIOA ALESNA
2nd Place - SAY LABINDUAN BULAN ED SAKEY TAON ni ALMA A. NEPASCUA
3rd Place - BELTANGEN TAYO’Y KELPA ni VINCENT HONRADO IMBAT

SHORT STORY WRITING (ADULT DIVISION)
1st Place - SI TATAY TAN SAY KUMPAPEY ni ALEX ROMEO R. FERNANDEZ
2nd Place - SAY PANGAMAEN KON KUARENTAN ANOS YA BIRHEN ni ELIEZER M. EVANGELISTA
3rd Place - HAPPY NA LUMPOS PA ni HARVIE C. AQUINO

CHILDREN’S STORY WRITING (ADULT DIVISION)
1st Place - SAY PANAANAP NEN ALDONG ED LIMARAN MAKAPALIKET TAN MAMALSAN ANLONG ni GLORIA CAGUIOA ALESNA
2nd Place - SI ATONG ALAMA ni JEMMAR ESPINOSA FERRER
3rd Place - DIYA’D BARYO ALISTO ni RUTH ANN L. POSERIO

IL

06/12/2024

PANGASINAN KINILALA NG BLGF PARA SA PINAKAMATAAS NA PAGTAAS NG TAXABLE ASSESSED VALUE

Sa ilalim ng mahusay na pamumuno ni Gobernador Ramon V. Guico III, muling nakatanggap ng parangal ang lalawigan ng Pangasinan dahil sa natatanging pagganap nito sa iba't ibang larangan.

Kamakailan, kinilala ng Bureau of Local Government Finance (BLGF) ang Pangasinan bilang top-performing province sa Region 1 matapos makamit ang pinakamataas na average increase sa taxable assessed value sa loob ng tatlong magkasunod na taon.

Binigyan ang lalawigan ng *Certificate of Achievement* bilang pagkilala sa pagsisikap ng Provincial Government, sa pangunguna ng Provincial Assessor’s Office (PAO), na naging mahalagang bahagi ng tagumpay sa mga programang pangkaunlaran ng lokal na pamahalaan.

Ayon kay Atty. Geronimo M. Abad, hepe ng Provincial Assessment Office (PAssO), ang nasabing parangal ay bunga ng sama-samang pagsisikap ng Provincial Assessor’s Office, Municipal Assessor’s Office, at ng buong Assessment Service ng probinsya.

“Collective ang award na ito—effort ng buong assessment service sa probinsiya, Provincial Assessor’s Office, at Municipal Assessor’s Offices ng lahat ng munisipyo. Inspired po ulit tayong magtrabaho para mapanatili ang ganitong drive dahil ang resulta nito ay pagtaas ng buwis at revenue collection,” ani Abad.

Idinaos ang awarding ceremony noong Nobyembre 27, 2024, sa Eastwood Richmonde Hotel, Quezon City. (Ulat ni Chona C. Bugayong/PIMRO)

Source: Province of Pangasinan

06/12/2024

4,000 MAGSASAKA SA ALCALA NAKATANGGAP NG PINANSYAL NA TULONG MULA SA DSWD

Apat na libong magsasaka sa bayan ng Alcala ang nakatanggap ng pinansyal na tulong sa ilalim ng Assistance for Individuals in Crisis Situations (AICS) program ng Department of Social Welfare and Development (DSWD), katuwang ang opisina ni 5th District Congressman Ramon "Monching" Guico Jr.

Ang naturang programa ay isinagawa kamakailan upang matulungan ang mga magsasaka na mapagaan ang kanilang pang-araw-araw na pangangailangan. Ayon kay [nagpadala ng ulat], ang tulong na ito ay isang mahalagang hakbang para sa kapakanan ng mga kababayan nating nasa sektor ng agrikultura.

“Lubos ang aking pasasalamat dahil ang tulong na naipagkaloob sa ating mga kababayan ay tiyak na malaking bagay sa kanilang pang-araw-araw na pangangailangan,” ani [nagpadala ng ulat].

Dumalo sa programa sina Congressman Ramon "Monching" Guico Jr., 5th District Board Member Nicholi Jan Louie Sison, Political Consultant Jesus Isong Basco, Alcala Mayor Jojo B. Callejo, mga miyembro ng Sangguniang Bayan ng Alcala, at Bautista Vice Mayor Rosemarie Gacutan.

Ang inisyatibong ito ay patunay ng patuloy na pagsuporta ng lokal at pambansang pamahalaan sa mga magsasaka, na itinuturing na backbone ng ekonomiya ng bansa.

Source: Ramon Mon-Mon Guico III

06/12/2024

QUARRY REVENUE NG PANGASINAN, UMABOT NA SA P224M SA ILALIM NG PAMUMUNO NI GOV. GUICO

LINGAYEN, PANGASINAN— Patuloy ang pagtaas ng kita mula sa quarry fee ng Pamahalaang Panlalawigan ng Pangasinan sa ilalim ng liderato ni Governor Ramon V. Guico III. Mula sa P15 milyon noong nakaraang administrasyon, umabot na ito sa P224.33 milyon ngayong 2024.

Ayon kay Provincial Administrator Melicio “Ely” Patague II, ang paglago ng kita ay dulot ng masusing pag-aaral, paggamit ng bagong teknolohiya, at mga repormang ipinatupad ni Gov. Guico kasama ang Sangguniang Panlalawigan at IT experts. Noong 2022, P15.5 milyon lamang ang nakolekta, ngunit lumago ito ng 1097.39% sa P185.8 milyon noong 2023, at umabot sa kasalukuyang P224.3 milyon.

Sa ceremonial awarding ng shares noong Disyembre 2, inilaan ang bahagi ng kita sa mga barangay at LGU. Ang Barangay Guzon, Tayug, ang nakatanggap ng pinakamataas na share na P5.94 milyon ngayong taon. Tumanggap din ang mga bayan tulad ng Tayug (P5.5 milyon), Sison (P1.5 milyon), at iba pang lugar kabilang ang Alcala, Mabini, San Fabian, at Villasis.

Pinaalalahanan ni Vice Governor Mark Lambino ang lahat ng mga sangkot na isaalang-alang ang responsableng pagmimina upang mapanatili ang likas na yaman ng probinsya. Ang revenue-sharing scheme ay hinati sa 40% para sa barangay, 30% para sa munisipyo, at 30% para sa lalawigan.

Source/Photo: Province of Pangasinan/FB

05/12/2024

SINING AT KULTURA NG PANGASINAN, TAMPOK SA UNANG MURAL ART INSTALLATION NG KAPITOLYO

Pormal na inilunsad noong Disyembre 2 ang kauna-unahang Mural Art Installation sa Capitol Beachfront bilang bahagi ng Paskuhan sa Kapitolyo 2024. Pinangunahan ng First Lady at Paskuhan Honorary Chairperson Maan Tuazon-Guico, Vice Governor Mark Lambino, at iba pang opisyal ang makulay na seremonya.

Tampok sa mural ang Baybayin na nagsasabing "PANGASINAN ANG GALING," na ginawa ng mga mag-aaral mula sa Pangasinan Polytechnic College (PPC).

Ayon kay First Lady Tuazon-Guico, layunin ng proyekto na bigyan ng inspirasyon ang kabataan na ipakita ang kanilang talento sa sining at kultura. Dagdag naman ni Vice Governor Lambino, ito ay hakbang upang maitanim ang patriotismo sa kabataang Pangasinense.

Dumalo rin sa okasyon ang PPC President Dr. Raymundo Rovillos, PTCAO Tourism Officer Maria Luisa Amor-Elduayan, at iba pang opisyal at g**o mula sa PPC.

Source/Photo: Province of Pangasinan/FB

03/12/2024

ALL HAIL, OUR QUEEN! MISS BINALONAN 2024 ZAIRAH ARO ANGELES NAGWAGI BILANG MISS PANGASINAN TOURISM

Si Miss Binalonan 2024, Zairah Aro Angeles, ay nagwagi ng Miss Pangasinan Tourism crown sa katatapos na Miss Galicayo Camilliana 2025 na ginanap sa Manaoag, Pangasinan. Ang tagumpay ni Zairah ay isang malaking karangalan para sa Binalonan, ipinagmamalaki ang kanyang ganda at talento sa buong lalawigan.

Ipinapaabot ng buong komunidad ang kanilang pagmamalaki at suporta sa kanyang tagumpay.

Source: Binalonan, Pangasinan

30/11/2024

PASKUHAN SA KAPITOLYO 2024, PORMAL NANG SINIMULAN

Opisyal nang pinasinayaan ang Paskuhan sa Kapitolyo 2024 sa Capitol Compound noong Nobyembre 29, 2024, sa pamamagitan ng pagpapailaw sa Giant Christmas Tree, Giant Belen, at iba pang makukulay na dekorasyon sa buong Capitol Complex.

Pinangunahan ni Governor Ramon "Mon-Mon" Guico III ang engrandeng Christmas lighting ceremony, kasama ang First Lady at Paskuhan sa Kapitolyo 2024 Honorary Chairperson na si Maan Tuazon-Guico, Vice Governor Mark Lambino, at ang kanyang maybahay na si Atty. Melanie Lambino.

Dumalo rin sa programa ang mga chief of hospitals, kawani, at mga pinuno ng bawat departamento ng pamahalaang panlalawigan sa pangunguna ni Provincial Administrator Melicio F. Patague II.

Ang temang “Paskong Ang Galing, Bida ang mga Tsikiting” ay nagbibigay-diin sa kahalagahan ng mga bata bilang sentro ng pagdiriwang. Ayon kay Governor Guico, layunin ng pamahalaang panlalawigan na magbigay ng kasiyahan at inspirasyon hindi lamang sa mga bata kundi pati sa buong komunidad.

“We highlighted this year our Tsikitings. Itong taon na ito, sila po ang bida ng ating Pasko,” ani ni Governor Guico.

Ang makukulay na ilaw at dekorasyon ay simbolo ng pag-asa, pagmamahal, at pagkakaisa na diwa ng Kapaskuhan. Patuloy itong nagbibigay sigla sa komunidad habang papalapit ang Pasko.

Source/Photo: Province of Pangasinan/FB

30/11/2024

GUICONSULTA, PATULOY NA DINADAGSA NG MGA RESIDENTE NG PANGASINAN

Patuloy ang dagsa ng mga residente ng Pangasinan sa programang GUICOnsulta, na naglalayong magbigay ng libreng serbisyong medikal sa bawat Pangasinense, anuman ang edad o kalagayan sa kalusugan.

Ayon kay Governor Ramon "Mon-Mon" Guico III, kasama sina Vice Governor Mark Lambino, mga miyembro ng Sangguniang Panlalawigan, at First Spouses League Chairperson Maan Tuazon-Guico, patuloy nilang pinapalawak ang programa sa tulong ng mga doktor, nurses, at iba pang kawani mula sa 14 na ospital ng lalawigan. Kasama rin ang iba’t ibang tanggapan ng Pamahalaang Panlalawigan sa pagsasagawa ng GUICOnsulta sa iba’t ibang bahagi ng Pangasinan.

Bukod sa libreng check-up, laboratoryong pagsusuri, at mga gamot, nagbibigay din ang programa ng ayuda sa mga nangangailangan.

Ayon sa pamunuan, layunin ng GUICOnsulta na masig**ong malusog at maunlad ang bawat pamayanan sa lalawigan. Kaya naman hinihikayat ang mga Pangasinense na magpa-Konsulta gamit ang kanilang PhilHealth at sumali sa programang GUICOnsulta.

Ang proyektong ito ay isang patunay ng pangako ng pamahalaan sa serbisyong medikal para sa lahat.

Source/Photo: Province of Pangasinan/FAcebook Page

28/11/2024

ZUMBAYAWAN SA CAPITOL BEACH PARK, TAGUMPAY NA ISINAGAWA

Isang matagumpay na Zumba event na pinamagatang "ZUMBAYAWAN" ang idinaos sa Capitol Beach Park bilang bahagi ng mga programa ng Pamahalaang Panlalawigan ng Pangasinan na isinulong sa pamumuno ni Governor Ramon Mon-Mon Guico III, ay naglalayong hikayatin ang mga Pangasinense na pangalagaan ang kanilang kalusugan at kagalingan.

Bukod sa layuning pangkalusugan, ang ZUMBAYAWAN ay naging bahagi rin ng mga aktibidad sa pagdiriwang ng Pasko ngayong taon, na nagbigay-sigla sa mga kalahok at nagpaalala ng kahalagahan ng pagkakaisa at aktibong pamumuhay.

Source: Province of Pangasinan

27/11/2024

DALAWANG PINUNO SA MINDANAO, KASAMA ANG MGA TSINO, HAHARAP SA KASONG PAGNANAKAW

Dalawang opisyal ng gobyerno sa Mindanao at dalawang mamamayan ng Tsina ang nakatakdang haharap sa mga kaso dahil sa umano’y pagnanakaw at iba pang mga iligal na gawain, ayon sa Diskarteng Pinoy Cebu Chapter.

Sinabi ni Ruth D. Polinag, pangulo ng Diskarteng Pinoy, na ang isang joint panel ng House of Representatives ay nagbigay ng mga transcript ng mga pagdinig at mga affidavit mula sa mga resource persons. Ang mga dokumento ay ibibigay sa Department of Justice (DOJ), Office of the Ombudsman, at Office of the Solicitor General (OSG) upang maghain ng mga kaso.

Ang mga mamamayan ng Tsina, na kinilalang sina Aedy Tai Yang at Cai Qimeng (kilala rin bilang "Willie Ong"), ay nahaharap sa mga kasong pagpapanggap ng mga dokumento, kabilang ang mga birth certificate, upang makabili ng mga ari-arian at makapagtayo ng negosyo sa Pilipinas. Si Cai Qimeng ay ang may-ari ng Empire 999, na nagpapatakbo ng isang warehouse sa Mexico, Pampanga, kung saan nahuli ang ₱3.6 bilyong halaga ng shabu noong 2023. Si Aedy Tai Yang naman ay isang incorporator ng Empire 999.

Samantala, sina Leo Tereso Magno, Franklin Quijano, at Jose Gabrielle La Viña, mga dating opisyal ng Philippine Veterans Investment Development Corporation (Phividec), ay nahaharap sa mga kasong graft, smuggling, at trafficking. Kasama rin sa mga dokumento na isinumite sa quad panel ang pangalan ni Noe Taojo, pangulo ng Golden Sun Cargo.

Si Magno ay kasalukuyang kalihim ng Office of the Presidential Assistant for Eastern Mindanao (OPAMINE) at chairman ng Mindanao Development Authority (MinDA). Ang mga dating opisyal ng Phividec ay sangkot umano sa mga iligal na gawain ng Golden Sun Cargo Examination Services Inc., Sanjia Steel, at Yangtze Rice Mill, na pag-aari ni Yang Jian Xin, isang mamamayan ng Tsina na mayroong pangalang Pilipino na Antonio Maestrado Lim at Tony Yang. Si Yang Jian Xin ay kapatid ni Michael Yang, ang economic adviser ni dating Pangulong Rodrigo Duterte. Ang mga kasong isasampa ay kinabibilangan ng civil forfeiture, reversion, escheat, cancellation of birth certificates, deportation, at iba pang criminal at administrative complaints.

Source: 106.7 True FM DAVAO

27/11/2024

MAHIGIT 100 ESTUDYANTE SA PANGASINAN, TUMANGGAP NG LOTTE SCHOLARSHIP

Pinangunahan ni Governor Ramon "Mon-Mon" Guico III ang Ceremonial Awarding ng Lotte Scholarship na ginanap sa Urduja Ceremonial Hall, Lingayen. Ang programa ay naglalayong magbigay ng suporta sa mga mag-aaral mula sa iba't ibang higher education institutions sa lalawigan.

Mahigit isang daang estudyante ang pinalad na makatanggap ng scholarship mula sa Lotte Foundation, isang international partner ng probinsya. Ayon kay Gov. Guico, ang tagumpay ng inisyatibong ito ay bunga ng patuloy na pagsusumikap ng pamahalaang panlalawigan na tulungan ang kabataang Pangasinense na makamit ang de-kalidad na edukasyon.

“Nawa’y magsilbing inspirasyon ang scholarship na ito upang lalo pang magsikap ang ating mga kabataan sa kanilang pag-aaral,” ani Gov. Guico. “Kasama ninyo kami sa pag-abot ng inyong mga pangarap, mga kabaleyan.”

Ang programang ito ay bahagi ng adbokasiya ng Pangasinan na maghatid ng serbisyong may malasakit para sa lahat, lalo na sa sektor ng edukasyon.

Source/Photo: Ramon Mon-Mon Guico III/FB

25/11/2024

LIBRENG DENTAL AT EYE CARE, HANDOG NI GOV. RAMON GUICO PARA SA MGA EMPLEADO NG PAMAHALAANG PANLALAWIGAN

Sa pamumuno ni Governor Ramon "Mon-Mon" Guico III, inilunsad ng Pamahalaang Panlalawigan ng Pangasinan ang "Employees’ Beauty Care & Wellness Day" bilang bahagi ng maagang Pamasko para sa mga empleado ng Kapitolyo.

Mahigit 26 empleado ang nabigyan ng libreng denture services, habang 203 naman ang nagkaroon ng libreng eye check-up at eyeglasses. Umabot din sa 306 empleado ang nakinabang sa beauty care services tulad ng libreng gupit, pakulay ng buhok, manicure/pedicure, ear candling, at masahe.

Sa ilalim ng pangangasiwa ng Health and Wellness Club (HWC) at HRMDO, layunin ng programa na magbigay-pugay sa sakripisyo at ambag ng mga empleado sa pagbibigay ng de-kalidad na serbisyo sa bawat Pangasinense. Ang inisyatibong ito ay patunay ng patuloy na malasakit ni Gov. Guico sa kapakanan ng kanyang mga kababayan.

Source: Province of Pangasinan
https://www.facebook.com/ProvinceOfPangasinanOfficial/posts/read-libreng-dental-at-eye-care-handog-ng-pamahalaang-panlalawiganlingayen-panga/578884134905657/

Balitang Tayug, Pangasinan

24/12/2024

23/12/2024

12/12/2024

11/12/2024

11/12/2024

09/12/2024

09/12/2024

06/12/2024

06/12/2024

06/12/2024

05/12/2024

03/12/2024

30/11/2024

30/11/2024

28/11/2024

27/11/2024

27/11/2024

25/11/2024

Address

Website

Alerts

Shortcuts

Share